କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ କାଠକେ ତୃତୀୟଃ ପ୍ରଶ୍ନଃ - ଵୈଶ୍ଵସୃଜଚୟନମ୍

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥

ଚାତୁର୍​ହୋତ୍ରଚୟନଂ-ଵୈଁଶ୍ଵସୃଜଚୟନ-ଞ୍ଚ
ଅନୁଵାକଂ 1 - ଵୈଶ୍ଵସୃଜଚୟନାଙ୍ଗଭୂତାଃ ଦିଵଶ୍ଶ୍ୟେନୟ ଇଷ୍ଟୟଃ
ତୁଭ୍ୟ॒-ନ୍ତା ଅ॑ଙ୍ଗିରସ୍ତମ॒ ଵିଶ୍ଵା᳚-ସ୍ସୁକ୍ଷି॒ତୟଃ॒ ପୃଥ॑କ୍ । ଅଗ୍ନେ॒ କାମା॑ୟ ୟେମିରେ ॥ ଅ॒ଶ୍ୟାମ॒ ତ-ଙ୍କାମ॑ମଗ୍ନେ॒ ତଵୋ॒ ତ୍ୟ॑ଶ୍ୟାମ॑ ର॒ୟିଗ୍​ମ୍ ର॑ୟିଵ-ସ୍ସୁ॒ଵୀର᳚ମ୍ । ଅ॒ଶ୍ୟାମ॒ ଵାଜ॑ମ॒ଭି ଵା॒ଜୟ॑ନ୍ତୋ॒ ଽଶ୍ୟାମ॑ ଦ୍ୟୁ॒ମ୍ନମ॑ଜରା॒ଜର॑-ନ୍ତେ ॥ ।
ଆଶା॑ନା-ନ୍ତ୍ଵା ଽଽଶାପା॒ଲେଭ୍ୟଃ॑ । ଚ॒ତୁର୍ଭ୍ୟୋ॑ ଅ॒ମୃତେ᳚ଭ୍ୟଃ । ଇ॒ଦ-ମ୍ଭୂ॒ତସ୍ୟାଧ୍ୟ॑କ୍ଷେଭ୍ୟଃ । ଵି॒ଧେମ॑ ହ॒ଵିଷା॑ ଵ॒ୟମ୍ ॥ ଵିଶ୍ଵା॒ ଆଶା॒ ମଧୁ॑ନା॒ ସଗ୍​ମ୍ସୃ॑ଜାମି । ଅ॒ନ॒ମୀ॒ଵା ଆପ॒ ଓଷ॑ଧୟୋ ଭଵନ୍ତୁ । ଅ॒ୟଂ-ୟଁଜ॑ମାନୋ॒ ମୃଧୋ॒ ଵ୍ୟ॑ସ୍ୟତାଂ ଅଗୃ॑ଭୀତାଃ ପ॒ଶଵ॑-ସ୍ସନ୍ତୁ॒ ସର୍ଵେ᳚ ॥ ।
ଅନୁ॑ ନୋ॒-ଽଦ୍ୟା-ଽନୁ॑ମତିର୍ୟ॒ଜ୍ଞ-ନ୍ଦେ॒ଵେଷୁ॑ ମନ୍ୟତାମ୍ । ଅ॒ଗ୍ନିଶ୍ଚ॑ ହଵ୍ୟ॒ଵାହ॑ନୋ॒ ଭଵ॑ତା-ନ୍ଦା॒ଶୁଷେ॒ ମୟଃ॑ ॥ ଅନ୍ଵିଦ॑ନୁମତେ॒ ତ୍ଵ-ମ୍ମନ୍ୟା॑ସୈ॒ ଶଞ୍ଚ॑ନଃ କୃଧି । କ୍ରତ୍ଵେ॒ ଦକ୍ଷା॑ୟ ନୋ ହିନୁ॒ ପ୍ରଣ॒ ଆୟୂଗ୍​ମ୍॑ଷି ତାରିଷଃ ॥ ।
କାମୋ॑ ଭୂ॒ତସ୍ୟ॒ ଭଵ୍ୟ॑ସ୍ୟ । ସ॒ମ୍ରାଡେକୋ॒ ଵିରା॑ଜତି । ସ ଇ॒ଦ-ମ୍ପ୍ରତି॑ ପପ୍ରଥେ । ଋ॒ତୂନୁ-ଥ୍ସୃ॑ଜତେ ଵ॒ଶୀ ॥ କାମ॒ସ୍ତଦଗ୍ରେ॒ ସମ॑ଵର୍ତ॒ତାଧି॑ । ମନ॑ସୋ॒ ରେତଃ॑ ପ୍ରଥ॒ମଂ-ୟଁଦାସୀ᳚ତ୍ । ସ॒ତୋ ବନ୍ଧୁ॒ମସ॑ତି॒ ନିର॑ଵିନ୍ଦନ୍ନ୍ । ହୃ॒ଦି ପ୍ର॒ତୀଷ୍ୟା॑ କ॒ଵୟୋ॑ ମନୀ॒ଷା ॥ ।
ବ୍ରହ୍ମ॑ ଜଜ୍ଞା॒ନ-ମ୍ପ୍ର॑ଥ॒ମ-ମ୍ପୁ॒ରସ୍ତା॒ଦ୍ଵି ସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ । ସ ବୁ॒ଧ୍ନିୟା॑ ଉପ॒ମା ଅ॑ସ୍ୟ ଵି॒ଷ୍ଠା-ସ୍ସ॒ତଶ୍ଚ॒ ୟୋନି॒ମସ॑ତଶ୍ଚ॒ ଵିଵଃ॑ ॥ ପି॒ତା ଵି॒ରାଜା॑ମୃଷ॒ଭୋ ର॑ୟୀ॒ଣାମ୍ । ଅ॒ନ୍ତରି॑କ୍ଷଂ-ଵିଁ॒ଶ୍ଵରୂ॑ପ॒ ଆଵି॑ଵେଶ । ତମ॒ର୍କୈ-ର॒ଭ୍ୟ॑ର୍ଚନ୍ତି ଵ॒ଥ୍ସମ୍ । ବ୍ରହ୍ମ॒ ସନ୍ତ॒-ମ୍ବ୍ରହ୍ମ॑ଣା ଵ॒ର୍ଧୟ॑ନ୍ତଃ ॥ ।
ୟ॒ଜ୍ଞୋ ରା॒ୟୋ ୟ॒ଜ୍ଞ ଈ॑ଶେ॒ ଵସୂ॑ନାମ୍ । ୟ॒ଜ୍ଞ-ସ୍ସ॒ସ୍ୟାନା॑ମୁ॒ତ ସୁ॑କ୍ଷିତୀ॒ନାମ୍ । ୟ॒ଜ୍ଞ ଇ॒ଷ୍ଟଃ ପୂ॒ର୍ଵଚି॑ତ୍ତି-ନ୍ଦଧାତୁ । ୟ॒ଜ୍ଞୋ ବ୍ର॑ହ୍ମ॒ଣ୍ଵାଗ୍​ମ୍ ଅପ୍ୟେ॑ତୁ ଦେ॒ଵାନ୍ ॥ ଅ॒ୟଂ-ୟଁ॒ଜ୍ଞୋ ଵ॑ର୍ଧତା॒-ଙ୍ଗୋଭି॒ରଶ୍ଵୈଃ᳚ । ଇ॒ୟଂ-ଵେଁଦି॑-ସ୍ସ୍ଵପ॒ତ୍ୟା ସୁ॒ଵୀରା᳚ । ଇ॒ଦ-ମ୍ବ॒ର୍॒ହିରତି॑ ବ॒ର୍॒ହୀଗ୍​ଷ୍ୟ॒ନ୍ୟା । ଇ॒ମଂ-ୟଁ॒ଜ୍ଞଂ-ଵିଁଶ୍ଵେ॑ ଅଵନ୍ତୁ ଦେ॒ଵାଃ ॥ । ଆପୋ॑ ଭ॒ଦ୍ରା ଘୃ॒ତମିଦାପ॑ ଆସୁର॒ଗ୍ନୀ-ଷୋମୌ॑ ବିଭ୍ର॒ତ୍ୟାପ॒ ଇ-ତ୍ତାଃ । ତୀ॒ଵ୍ରୋ ରସୋ॑ ମଧୁ॒ପୃଚା॑ ମରଙ୍ଗ॒ମ ଆ ମା᳚ ପ୍ରା॒ଣେନ॑ ସ॒ହ ଵର୍ଚ॑ସା ଗନ୍ନ୍ ॥ ଆଦି-ତ୍ପ॑ଶ୍ୟାମ୍ୟୁ॒ତ ଵା॑ ଶୃଣୋ॒ମ୍ୟା ମା॒ ଘୋଷୋ॑ ଗଚ୍ଛତି॒ ଵାନ୍ନ॑ ଆସାମ୍ । ମନ୍ୟେ॑ ଭେଜା॒ନୋ ଅ॒ମୃତ॑ସ୍ୟ॒ ତର୍​ହି॒ ହିର॑ଣ୍ୟଵର୍ଣା॒ ଅତୃ॑ପଂ-ୟଁ॒ଦା ଵଃ॑ ॥ ।
ତୁଭ୍ୟ॑-ମ୍ଭରନ୍ତି କ୍ଷି॒ତୟୋ॑ ୟଵିଷ୍ଠ । ବ॒ଲିମ॑ଗ୍ନେ॒ ଅନ୍ତି॑ ତ॒ ଓତ ଦୂ॒ରାତ୍ । ଆ ଭନ୍ଦି॑ଷ୍ଠସ୍ୟ ସୁମ॒ତି-ଞ୍ଚି॑କିଦ୍ଧି । ବୃ॒ହତ୍ତେ॑ ଅଗ୍ନେ॒ ମହି॒ ଶର୍ମ॑ ଭ॒ଦ୍ରମ୍ ॥ ୟୋ ଦେ॒ହ୍ୟୋ ଅନ॑ମୟଦ୍ଵଧ॒ସ୍ନୈଃ । ୟୋ ଅର୍ୟ॑ପତ୍ନୀ-ରୁ॒ଷସ॑ଶ୍ଚ॒କାର॑ । ସ ନି॒ରୁଧ୍ୟା॒ ନହୁ॑ଷୋ ୟ॒ହ୍ଵୋ ଅ॒ଗ୍ନିଃ । ଵିଶ॑ଶ୍ଚକ୍ରେ ବଲି॒ହୃତ॒-ସ୍ସହୋ॑ଭିଃ ॥ ।
ପୂର୍ଵ॑-ନ୍ଦେଵା॒ ଅପ॑ରେଣା-ନୁ॒ପଶ୍ୟ॒ଞ୍ଜନ୍ମ॑ଭିଃ । ଜନ୍ମା॒ନ୍ୟଵ॑ରୈଃ॒ ପରା॑ଣି । ଵେଦା॑ନି ଦେଵା ଅ॒ୟମ॒ସ୍ମୀତି॒ ମାମ୍ । ଅ॒ହଗ୍​ମ୍ ହି॒ତ୍ଵା ଶରୀ॑ର-ଞ୍ଜ॒ରସଃ॑ ପ॒ରସ୍ତା᳚ତ୍ ॥ ପ୍ରା॒ଣା॒ପା॒ନୌ ଚକ୍ଷୁ॒-ଶ୍ଶ୍ରୋତ୍ର᳚ମ୍ । ଵାଚ॒-ମ୍ମନ॑ସି॒ ସମ୍ଭୃ॑ତାମ୍ । ହି॒ତ୍ଵା ଶରୀ॑ର-ଞ୍ଜ॒ରସଃ॑ ପ॒ରସ୍ତା᳚ତ୍ । ଆ ଭୂତି॒-ମ୍ଭୂତିଂ॑-ଵଁ॒ୟମ॑ଶ୍ନଵାମହୈ ॥ ।
ହ॒ଵ୍ୟ॒ଵାହ॑-ମଭିମାତି॒ଷା-ଽହ᳚ମ୍ । ର॒କ୍ଷୋ॒ହଣ॒-ମ୍ପୃତ॑ନାସୁ ଜି॒ଷ୍ଣୁମ୍ । ଜ୍ୟୋତି॑ଷ୍ମନ୍ତ॒-ନ୍ଦୀଦ୍ୟ॑ତ॒-ମ୍ପୁର॑ନ୍ଧିମ୍ । ଅ॒ଗ୍ନିଗ୍ଗ୍​ ସ୍ଵି॑ଷ୍ଟ॒କୃତ॒ମା ହୁ॑ଵେମ ॥ ସ୍ଵି॑ଷ୍ଟମଗ୍ନେ ଅ॒ଭି ତ-ତ୍ପୃ॑ଣାହି । ଵିଶ୍ଵା॑ ଦେଵ॒ ପୃତ॑ନା ଅ॒ଭିଷ୍ୟ । ଉ॒ରୁ-ନ୍ନଃ॒ ପନ୍ଥା᳚-ମ୍ପ୍ରଦି॒ଶନ୍ଵି ଭା॑ହି । ଜ୍ୟୋତି॑ଷ୍ମଦ୍ଧେହ୍ୟ॒ଜର॑-ନ୍ନ॒ ଆୟୁଃ॑ ॥ ॥ 1 ॥
ତୁଭ୍ୟ॒-ନ୍ଦଶ॑ (ଅ. 1)

ଅନୁଵାକଂ 2 - ତାସା-ମ୍ବ୍ରାହ୍ମଣମ୍
ଦେ॒ଵେଭ୍ୟୋ॒ ଵୈ ସ୍ଵ॒ର୍ଗୋ ଲୋ॒କସ୍ତି॒ରୋ॑-ଽଭଵତ୍ ।
ତେ ପ୍ର॒ଜାପ॑ତି-ମବ୍ରୁଵନ୍ନ୍ ।
ପ୍ରଜା॑ପତେ ସ୍ଵ॒ର୍ଗୋ ଵୈ ନୋ॑ ଲୋ॒କସ୍ତି॒ରୋ॑-ଽଭୂତ୍ । ତମନ୍ଵି॒ଚ୍ଛେତି॑ । ତଂ-ୟଁ॑ଜ୍ଞକ୍ର॒ତୁଭି॒-ରନ୍ଵୈ᳚ଚ୍ଛତ୍ । ତଂ-ୟଁ॑ଜ୍ଞକ୍ର॒ତୁଭି॒-ର୍ନାନ୍ଵ॑ଵିନ୍ଦତ୍ ।
ତମିଷ୍ଟି॑ଭି॒-ରନ୍ଵୈ᳚ଚ୍ଛତ୍ । ତମିଷ୍ଟି॑ଭି॒-ରନ୍ଵ॑ଵିନ୍ଦତ୍ ।
ତଦିଷ୍ଟୀ॑ନା-ମିଷ୍ଟି॒ତ୍ଵମ୍ । ଏଷ୍ଟ॑ୟୋ ହ॒ଵୈ ନାମ॑ ।
ତା ଇଷ୍ଟ॑ୟ॒ ଇତ୍ୟାଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ ପ୍ରିୟା ଇଵ॒ ହି ଦେ॒ଵାଃ ॥ 2 ॥

ତମାଶା᳚-ଽବ୍ରଵୀତ୍ । ପ୍ରଜା॑ପତ ଆ॒ଶୟା॒ ଵୈ ଶ୍ରା᳚ମ୍ୟସି ।
ଅ॒ହମୁ॒ ଵା ଆଶା᳚-ଽସ୍ମି । ମା-ନ୍ନୁ ୟ॑ଜସ୍ଵ ।
ଅଥ॑ ତେ ସ॒ତ୍ୟା-ଽଽଶା॑ ଭଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ । ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ ।
ଆ॒ଶାୟୈ॑ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ସ॒ତ୍ୟା-ଽଽଶା॑ ଽଭଵତ୍ । ଅନୁ॑ ସ୍ଵ॒ର୍ଗଂ-ଲୋଁ॒କ-ମ॑ଵିନ୍ଦତ୍ । ସ॒ତ୍ୟା ହ॒ ଵା ଅ॒ସ୍ୟାଶା॑ ଭଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ ଚୈନଦେ॒ଵଂ-ଵେଁଦ॑ ॥ ସୋ-ଽତ୍ର॑ ଜୁହୋତି । ଅ॒ଗ୍ନୟେ॒ କାମା॑ୟ॒ ସ୍ଵାହା॒-ଽଽଶାୟୈ॒ ସ୍ଵାହା᳚ । ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 3 ॥

ତ-ଙ୍କାମୋ᳚-ଽବ୍ରଵୀତ୍ । ପ୍ରଜା॑ପତେ॒ କାମେ॑ନ॒ ଵୈ ଶ୍ରା᳚ମ୍ୟସି । ଅ॒ହମୁ॒ଵୈ କାମୋ᳚-ଽସ୍ମି । ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟଃ କାମୋ॑ ଭଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ । ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । କାମା॑ୟ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ ।
ତତୋ॒ ଵୈ ତସ୍ୟ॑ ସ॒ତ୍ୟଃ କାମୋ॑-ଽଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ ।
ସ॒ତ୍ୟୋ ହ॒ ଵା ଅ॑ସ୍ୟ॒ କାମୋ॑ ଭଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ କାମା॑ୟ॒ ସ୍ଵାହା॒ କାମା॑ୟ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 4 ॥

ତ-ମ୍ବ୍ରହ୍ମା᳚-ଽବ୍ରଵୀତ୍ । ପ୍ରଜା॑ପତେ॒ ବ୍ରହ୍ମ॑ଣା॒ ଵୈଶ୍ରା᳚ମ୍ୟସି । ଅ॒ହମୁ॒ ଵୈ ବ୍ରହ୍ମା᳚-ଽସ୍ମି ।
ମା-ନ୍ନୁ ୟ॑ଜସ୍ଵ । ଅଥ॑ ତେ ବ୍ରହ୍ମ॒ଣ୍ଵାନ୍. ୟ॒ଜ୍ଞୋ ଭ॑ଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ । ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ବ୍ରହ୍ମ॑ଣେ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ବ୍ରହ୍ମ॒ଣ୍ଵାନ୍. ୟ॒ଜ୍ଞୋ॑-ଽଭଵତ୍ । ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ । ବ୍ର॒ହ୍ମ॒ଣ୍ଵାନ୍. ହ॒ ଵା ଅ॑ସ୍ୟ ୟ॒ଜ୍ଞୋ ଭ॑ଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି । ୟ ଏ॒ତେନ॑ ହ॒ଵିଷା॒ ୟଜ॑ତେ । ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଅ॒ଗ୍ନୟେ॒ କାମା॑ୟ॒ ସ୍ଵାହା॒ ବ୍ରହ୍ମ॑ଣେ॒ ସ୍ଵାହା᳚ । ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ । ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒ ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 5 ॥

ତଂ-ୟଁ॒ଜ୍ଞୋ᳚-ଽବ୍ରଵୀତ୍ । ପ୍ରଜା॑ପତେ ୟ॒ଜ୍ଞେନ॒ ଵୈ ଶ୍ରା᳚ମ୍ୟସି । ଅ॒ହମୁ॒ ଵୈ ୟ॒ଜ୍ଞୋ᳚-ଽସ୍ମି ।
ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟୋ ୟ॒ଜ୍ଞୋ ଭ॑ଵଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ୟ॒ଜ୍ଞାୟ॑ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ସ॒ତ୍ୟୋ ୟ॒ଜ୍ଞୋ॑-ଽଭଵତ୍ । ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ । ସ॒ତ୍ୟୋ ହ॒ ଵା ଅ॑ସ୍ୟ ୟ॒ଜ୍ଞୋ ଭ॑ଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ କାମା॑ୟ॒ ସ୍ଵାହା॑ ୟ॒ଜ୍ଞାୟ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 6 ॥

ତମାପୋ᳚-ଽବ୍ରୁଵନ୍ନ୍ । ପ୍ରଜା॑ପତେ॒-ଽଫ୍ସୁ ଵୈ ସର୍ଵେ॒ କାମା᳚-ଶ୍ଶ୍ରି॒ତାଃ । ଵ॒ୟମୁ॒ ଵା ଆପ॑ସ୍ସ୍ମଃ । ଅ॒ସ୍ମାନ୍ନୁ ୟ॑ଜସ୍ଵ । ଅଥ॒ ତ୍ଵୟି॒ ସର୍ଵେ॒ କାମା᳚-ଶ୍ଶ୍ରୟିଷ୍ୟନ୍ତେ । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ଅ॒ଦ୍ଭ୍ୟଶ୍ଚ॒ରୁମ୍ ।
ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ମି॒ନ୍-ଥ୍ସର୍ଵେ॒ କାମା॑ ଅଶ୍ରୟନ୍ତ । ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ । ସର୍ଵେ॑ ହ॒ ଵା ଅ॑ସ୍ମି॒ନ୍ କାମା᳚-ଶ୍ଶ୍ରୟନ୍ତେ । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ କାମା॑ୟ॒ ସ୍ଵାହା॒ ଽଦ୍ଭ୍ୟ-ସ୍ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 7 ॥
ତମ॒ଗ୍ନି ର୍ବ॑ଲି॒ମାନ॑ବ୍ରଵୀତ୍ ।
ପ୍ରଜା॑ପତେ॒ ଽଗ୍ନୟେ॒ ଵୈ ବ॑ଲି॒ମତେ॒ ସର୍ଵା॑ଣି ଭୂ॒ତାନି॑ ବ॒ଲିଗ୍​ମ୍ ହ॑ରନ୍ତି । ଅ॒ହମୁ॒ ଵା ଅ॒ଗ୍ନି ର୍ବ॑ଲି॒ମାନ॑ସ୍ମି । ମା-ନ୍ନୁ ୟ॑ଜସ୍ଵ ।
ଅଥ॑ ତେ॒ ସର୍ଵା॑ଣି ଭୂ॒ତାନି॑ ବ॒ଲିଗ୍​ମ୍ ହ॑ରିଷ୍ୟନ୍ତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ଅ॒ଗ୍ନୟେ॑ ବଲି॒ମତେ॑ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ମୈ॒ ସର୍ଵା॑ଣି ଭୂ॒ତାନି॑ ବ॒ଲି-ମ॑ହରନ୍ନ୍ । ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ । ସର୍ଵା॑ଣି ହ॒ ଵା ଅ॑ସ୍ମୈ ଭୂ॒ତାନି॑ ବ॒ଲିଗ୍​ମ୍ ହ॑ରନ୍ତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ କାମା॑ୟ॒ ସ୍ଵାହା॒ ଽଗ୍ନୟେ॑ ବଲି॒ମତେ॒ ସ୍ଵାହା᳚ । ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 8 ॥

ତମନୁ॑ଵିତ୍ତିର-ବ୍ରଵୀତ୍ । ପ୍ରଜା॑ପତେ ସ୍ଵ॒ର୍ଗଂ-ଵୈଁ ଲୋ॒କମନୁ॑-ଵିଵିଥ୍ସସି । ଅ॒ହମୁ॒ ଵା ଅନୁ॑ଵିତ୍ତିରସ୍ମି । ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟା ଽନୁ॑ଵିତ୍ତି-ର୍ଭଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମ॒ଗ୍ନୟେ॒ କାମା॑ୟ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର॑ଵପତ୍ ।
ଅନୁ॑ଵିତ୍ତ୍ୟୈ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ ।
ତତୋ॒ ଵୈ ତସ୍ୟ॑ ସ॒ତ୍ୟା ଽନୁ॑ଵିତ୍ତିରଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କ-ମ॑ଵିନ୍ଦତ୍ ।
ସ॒ତ୍ୟା ହ॒ ଵା ଅ॒ସ୍ୟାନୁ॑ଵିତ୍ତି-ର୍ଭଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ କାମା॑ୟ॒ ସ୍ଵାହା-ଽନୁ॑ଵିତ୍ତ୍ୟୈ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 9 ॥

ତା ଵା ଏ॒ତା-ସ୍ସ॒ପ୍ତ ସ୍ଵ॒ର୍ଗସ୍ୟ॑ ଲୋ॒କସ୍ୟ॒ ଦ୍ଵାରଃ॑ ।
ଦି॒ଵ-ଶ୍ଶ୍ୟେ॑ନ॒ୟୋ ଽନୁ॑ଵିତ୍ତୟୋ॒ ନାମ॑ ।
ଆଶା᳚ ପ୍ରଥ॒ମାଗ୍​ମ୍ ର॑କ୍ଷତି ।
କାମୋ᳚ ଦ୍ଵି॒ତୀୟା᳚ମ୍ । ବ୍ରହ୍ମ॑ ତୃ॒ତୀୟା᳚ମ୍ । ୟ॒ଜ୍ଞଶ୍ଚ॑ତୁ॒ର୍ଥୀମ୍ । ଆପଃ॑ ପଞ୍ଚ॒ମୀମ୍ ।
ଅ॒ଗ୍ନି ର୍ବ॑ଲି॒ମାନ୍-ଥ୍ଷ॒ଷ୍ଠୀମ୍ । ଅନୁ॑ଵିତ୍ତି-ସ୍ସପ୍ତ॒ମୀମ୍ ।
ଅନୁ॑ ହ॒ ଵୈ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
କା॒ମ॒ଚାରୋ᳚-ଽସ୍ୟ ସ୍ଵ॒ର୍ଗେ ଲୋ॒କେ ଭ॑ଵତି ।
ୟ ଏ॒ତାଭି॒-ରିଷ୍ଟି॑ଭି॒-ର୍ୟଜ॑ତେ ।
ୟ ଉ॑ଚୈନା ଏ॒ଵଂ-ଵେଁଦ॑ । ତାସ୍ଵ॑ନ୍ଵି॒ଷ୍ଟି । ପ॒ଷ୍ଠୌ॒ହୀ॒ ଵ॒ରା-ନ୍ଦ॑ଦ୍ୟା-ତ୍କ॒ଗ୍​ମ୍॒ ସଞ୍ଚ॑ ।
ସ୍ତ୍ରିୟୈ॑ ଚାଭା॒ରଗ୍​ମ୍ ସମୃ॑ଦ୍ଧ୍ୟୈ ॥ 10 ॥

ଅନୁଵାକଂ 3 - ଉପାଘା ନାମେଷ୍ଟୟଃ
ତପ॑ସା ଦେ॒ଵା ଦେ॒ଵତା॒-ମଗ୍ର॑ ଆୟନ୍ନ୍ । ତପ॒ସର୍​ଷ॑ୟ॒-ସ୍ସ୍ଵ॑ରନ୍ଵ॑ଵିନ୍ଦନ୍ନ୍ ।
ତପ॑ସା ସ॒ପତ୍ନା॒-ନ୍ପ୍ରଣୁ॑ଦା॒ମାରା॑ତୀଃ ।
ୟେନେ॒ଦଂ-ଵିଁଶ୍ଵ॒-ମ୍ପରି॑ଭୂତଂ॒-ୟଁଦସ୍ତି॑ ॥
ପ୍ର॒ଥ॒ମ॒ଜ-ନ୍ଦେ॒ଵଗ୍​ମ୍ ହ॒ଵିଷା॑ ଵିଧେମ । ସ୍ଵ॒ୟ॒ଭୁ-ମ୍ବ୍ରହ୍ମ॑ ପର॒ମ-ନ୍ତପୋ॒ ୟତ୍ ।
ସ ଏ॒ଵ ପୁ॒ତ୍ର-ସ୍ସ ପି॒ତା ସ ମା॒ତା ।
ତପୋ॑ ହ ୟ॒କ୍ଷ-ମ୍ପ୍ର॑ଥ॒ମଗ୍​ମ୍ ସମ୍ବ॑ଭୂଵ ॥
ଶ୍ର॒ଦ୍ଧୟା ଦେ॑ଵୋ ଦେଵ॒ତ୍ଵ-ମ॑ଶ୍ନୁତେ ।
ଶ୍ର॒ଦ୍ଧା ପ୍ର॑ତି॒ଷ୍ଠା ଲୋ॒କସ୍ୟ॑ ଦେ॒ଵୀ ॥ 11 ॥

ସା ନୋ॑ ଜୁଷା॒ଣୋପ॑ ୟ॒ଜ୍ଞ-ମାଗା᳚ତ୍ ।
କାମ॑ଵଥ୍ସା॒ ଽମୃତ॒-ନ୍ଦୁହା॑ନା ॥
ଶ୍ର॒ଦ୍ଧା ଦେ॒ଵୀ ପ୍ର॑ଥମ॒ଜା ଋ॒ତସ୍ୟ॑ ।
ଵିଶ୍ଵ॑ସ୍ୟ ଭ॒ର୍ତ୍ରୀ ଜଗ॑ତଃ ପ୍ରତି॒ଷ୍ଠା ।
ତାଗ୍​ ଶ୍ର॒ଦ୍ଧାଗ୍​ମ୍ ହ॒ଵିଷା॑ ୟଜାମହେ ।
ସା ନୋ॑ ଲୋ॒କ-ମ॒ମୃତ॑-ନ୍ଦଧାତୁ ।
ଈଶା॑ନା ଦେ॒ଵୀ ଭୁଵ॑ନ॒ସ୍ୟାଧି॑ପତ୍ନୀ ॥ ଆଗା᳚ଥ୍ସ॒ତ୍ୟଗ୍​ମ୍ ହ॒ଵିରି॒ଦ-ଞ୍ଜୁ॑ଷା॒ଣମ୍ ।
ୟସ୍ମା᳚ଦ୍ଦେ॒ଵା ଜ॑ଜ୍ଞିରେ॒ ଭୁଵ॑ନଞ୍ଚ॒ ଵିଶ୍ଵେ᳚ ।
ତସ୍ମୈ॑ ଵିଧେମ ହ॒ଵିଷା॑ ଘୃ॒ତେନ॑ ॥ 12 ॥

ୟଥା॑ ଦେ॒ଵୈ-ସ୍ସ॑ଧ॒ମାଦ॑-ମ୍ମଦେମ ॥
ୟସ୍ୟ॑ ପ୍ରତି॒ଷ୍ଠୋ-ର୍ଵ॑ନ୍ତରି॑କ୍ଷମ୍ ।
ୟସ୍ମା᳚ଦ୍ଦେ॒ଵା ଜ॑ଜ୍ଞିରେ॒ ଭୁଵ॑ନଞ୍ଚ॒ ସର୍ଵେ᳚ ।
ତଥ୍ସ॒ତ୍ୟ-ମର୍ଚ॒ଦୁପ॑ୟ॒ଜ୍ଞ-ନ୍ନ॒ ଆଗା᳚ତ୍ । ବ୍ରହ୍ମାହୁ॑ତୀ॒-ରୁପ॒ମୋଦ॑ମାନମ୍ ॥
ମନ॑ସୋ॒ ଵଶେ॒ ସର୍ଵ॑ମି॒ଦ-ମ୍ବ॑ଭୂଵ ।
ନାନ୍ୟସ୍ୟ॒ ମନୋ॒ ଵଶ॒ମନ୍ଵି॑ୟାୟ ।
ଭୀ॒ଷ୍ମୋ ହି ଦେ॒ଵ-ସ୍ସହ॑ସ॒-ସ୍ସହୀ॑ୟାନ୍ ।
ସ ନୋ॑ ଜୁଷା॒ଣ ଉପ॑ ୟ॒ଜ୍ଞମାଗା᳚ତ୍ ॥
ଆକୂ॑ତୀନା॒-ମଧି॑ପତି॒-ଞ୍ଚେତ॑ସା-ଞ୍ଚ ॥ 13 ॥

ସ॒ଙ୍କ॒ଲ୍ପଜୂ॑ତି-ନ୍ଦେ॒ଵଂ-ଵିଁ॑ପ॒ଶ୍ଚିମ୍ ।
ମନୋ॒ ରାଜା॑ନମି॒ହ ଵ॒ର୍ଧୟ॑ନ୍ତଃ ।
ଉ॒ପ॒ହ॒ଵେ᳚ ଽସ୍ୟ ସୁମ॒ତୌ ସ୍ୟା॑ମ ॥
ଚର॑ଣ-ମ୍ପ॒ଵିତ୍ରଂ॒-ଵିଁତ॑ତ-ମ୍ପୁରା॒ଣମ୍ ।
ୟେନ॑ ପୂ॒ତସ୍ତର॑ତି ଦୁଷ୍କୃ॒ତାନି॑ ।
ତେନ॑ ପ॒ଵିତ୍ରେ॑ଣ ଶୁ॒ଦ୍ଧେନ॑ ପୂ॒ତାଃ ।
ଅତି॑ ପା॒ପ୍ମାନ॒-ମରା॑ତି-ନ୍ତରେମ ॥
ଲୋ॒କସ୍ୟ॒ ଦ୍ଵାର॑-ମର୍ଚି॒ମ-ତ୍ପ॒ଵିତ୍ର᳚ମ୍ ।
ଜ୍ୟୋତି॑ଷ୍ମ॒-ଦ୍ଭ୍ରାଜ॑ମାନ॒-ମ୍ମହ॑ସ୍ଵତ୍ । ଅ॒ମୃତ॑ସ୍ୟ॒ ଧାରା॑ ବହୁ॒ଧା ଦୋହ॑ମାନମ୍ ।
ଚର॑ଣ-ନ୍ନୋ ଲୋ॒କେ ସୁଧି॑ତା-ନ୍ଦଧାତୁ ॥
ଅ॒ଗ୍ନିର୍ମୂ॒ର୍ଧା ଦି॒ଵଃ କ॒କୁ-ତ୍ପତିଃ॑ ପୃଥି॒ଵ୍ୟା ଅ॒ୟମ୍ । ଅ॒ପାଗ୍​ମ୍ ରେତାଗ୍​ମ୍॑ସି ଜିନ୍ଵତି ॥ ଭୁଵୋ॑ ୟ॒ଜ୍ଞସ୍ୟ॒ ରଜ॑ସଶ୍ଚ ନେ॒ତା ୟତ୍ରା॑ ନି॒ୟୁଦ୍ଭି॒-ସ୍ସଚ॑ସେ ଶି॒ଵାଭିଃ॑ । ଦି॒ଵି ମୂ॒ର୍ଧାନ॑-ନ୍ଦଧିଷେ ସୁଵ॒ର୍॒ଷା-ଞ୍ଜି॒ହ୍ଵାମ॑ଗ୍ନେ ଚକୃଷେ ହଵ୍ୟ॒ଵାହ᳚ମ୍ ॥ ॥
ଅନୁ॑ ନୋ॒-ଽଦ୍ୟା-ଽନୁ॑ମତିର୍ୟ॒ଜ୍ଞ-ନ୍ଦେ॒ଵେଷୁ॑ ମନ୍ୟତାମ୍ । ଅ॒ଗ୍ନିଶ୍ଚ॑ ହଵ୍ୟ॒ଵାହ॑ନୋ॒ ଭଵ॑ତା-ନ୍ଦା॒ଶୁଷେ॒ ମୟଃ॑ ॥ ଅନ୍ଵିଦ॑ନୁମତେ॒ ତ୍ଵ-ମ୍ମନ୍ୟା॑ସୈ॒ ଶଞ୍ଚ॑ନଃ କୃଧି । କ୍ରତ୍ଵେ॒ ଦକ୍ଷା॑ୟ ନୋ ହିନୁ॒ ପ୍ରଣ॒ ଆୟୂଗ୍​ମ୍॑ଷି ତାରିଷଃ ॥ ॥
ହ॒ଵ୍ୟ॒ଵାହ॑-ମଭିମାତି॒ଷା-ଽହ᳚ମ୍ । ର॒କ୍ଷୋ॒ହଣ॒-ମ୍ପୃତ॑ନାସୁ ଜି॒ଷ୍ଣୁମ୍ । ଜ୍ୟୋତି॑ଷ୍ମନ୍ତ॒-ନ୍ଦୀଦ୍ୟ॑ତ॒-ମ୍ପୁର॑ନ୍ଧିମ୍ । ଅ॒ଗ୍ନିଗ୍ଗ୍​ ସ୍ଵି॑ଷ୍ଟ॒କୃତ॒ମା ହୁ॑ଵେମ ॥ ସ୍ଵି॑ଷ୍ଟମଗ୍ନେ ଅ॒ଭି ତ-ତ୍ପୃ॑ଣାହି । ଵିଶ୍ଵା॑ ଦେଵ॒ ପୃତ॑ନା ଅ॒ଭିଷ୍ୟ । ଉ॒ରୁ-ନ୍ନଃ॒ ପନ୍ଥା᳚-ମ୍ପ୍ରଦି॒ଶନ୍ଵି ଭା॑ହି । ଜ୍ୟୋତି॑ଷ୍ମଦ୍ଧେହ୍ୟ॒ଜର॑-ନ୍ନ॒ ଆୟୁଃ॑ ॥ ॥ 14 ॥
(ଦେ॒ଵୀ - ଘୃ॒ତେନ॒ - ଚେତ॑ସା-ଞ୍ଚ॒ - ଦୋହ॑ମାନ-ଞ୍ଚ॒ତ୍ଵାରି॑ ଚ) (ଅ. 3)

ଅନୁଵାକଂ 4 - ତାସା-ମ୍ବ୍ରାହ୍ମଣମ୍
ଦେ॒ଵେଭ୍ୟୋ॒ ଵୈ ସ୍ଵ॒ର୍ଗୋ ଲୋ॒କସ୍ତି॒ରୋ॑ ଽଭଵତ୍ ।
ତେ ପ୍ର॒ଜାପ॑ତି-ମବ୍ରୁଵନ୍ନ୍ । ପ୍ରଜା॑ପତେ ସ୍ଵ॒ର୍ଗୋ
ଵୈ ନୋ॑ ଲୋ॒କସ୍ତି॒ରୋ॑-ଽଭୂତ୍ । ତମନ୍ଵି॒ଚ୍ଛେତି॑ ।
ତଂ-ୟଁ॑ଜ୍ଞକ୍ର॒ତୁଭି॒-ରନ୍ଵୈ᳚ଚ୍ଛତ୍ ।
ତଂ-ୟଁ॑ଜ୍ଞକ୍ର॒ତୁଭି॒ ର୍ନାନ୍ଵ॑ଵିନ୍ଦତ୍ ।
ତମିଷ୍ଟି॑ଭି॒-ରନ୍ଵୈ᳚ଚ୍ଛତ୍ । ତମିଷ୍ଟି॑ଭି॒-ରନ୍ଵ॑ଵିନ୍ଦତ୍ । ତଦିଷ୍ଟୀ॑ନା-ମିଷ୍ଟି॒ତ୍ଵମ୍ । ଏଷ୍ଟ॑ୟୋ ହ॒ ଵୈ ନାମ॑ । ତା ଇଷ୍ଟ॑ୟ॒ ଇତ୍ୟା ଚ॑କ୍ଷତେ ପ॒ରୋକ୍ଷେ॑ଣ ।
ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 15 ॥

ତ-ନ୍ତପୋ᳚-ଽ ବ୍ରଵୀତ୍ । ପ୍ରଜା॑ପତେ॒ ତପ॑ସା॒ ଵୈ
ଶ୍ରା᳚ମ୍ୟସି । ଅ॒ହମୁ॒ ଵୈ ତପୋ᳚-ଽ ସ୍ମି ।
ମା-ନ୍ନୁ ୟ॑ଜସ୍ଵ ।
ଅଥ॑ ତେ ସ॒ତ୍ୟ-ନ୍ତପୋ॑ ଭଵିଷ୍ୟତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମା᳚ଗ୍ନେ॒ୟ-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ତପ॑ସେ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ ।
ତତୋ॒ ଵୈ ତସ୍ୟ॑ ସ॒ତ୍ୟ-ନ୍ତପୋ॑ ଽଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ ।
ସ॒ତ୍ୟ ଗ୍​ମ୍ ହ॒ ଵା ଅ॑ସ୍ୟ॒ ତପୋ॑ ଭଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଅ॒ଗ୍ନୟେ॒ ସ୍ଵାହା॒ ତପ॑ସେ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 16 ॥

ତଗ୍ଗ୍​ ଶ୍ର॒ଦ୍ଧା-ଽବ୍ର॑ଵୀତ୍ । ପ୍ରଜା॑ପତେ ଶ୍ର॒ଦ୍ଧୟା॒ ଵୈ ଶ୍ରା᳚ମ୍ୟସି । ଅ॒ହମୁ॒ ଵୈ ଶ୍ର॒ଦ୍ଧା-ଽସ୍ମି॑ । ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟା ଶ୍ର॒ଦ୍ଧା ଭ॑ଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମା᳚-ଽଗ୍ନେ॒ୟ-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ଶ୍ର॒ଦ୍ଧାୟୈ॑ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ସ॒ତ୍ୟା ଶ୍ର॒ଦ୍ଧା-ଽଭ॑ଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ ।
ସ॒ତ୍ୟା ହ॒ ଵା ଅ॑ସ୍ୟ ଶ୍ର॒ଦ୍ଧା ଭ॑ଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି । ଅ॒ଗ୍ନୟେ॒ ସ୍ଵାହା᳚ ଶ୍ର॒ଦ୍ଧାୟୈ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 17 ॥

ତଗ୍​ମ୍ ସ॒ତ୍ୟ-ମ॑ବ୍ରଵୀତ୍ । ପ୍ରଜା॑ପତେ ସ॒ତ୍ୟେନ॒ ଵୈ ଶ୍ରା᳚ମ୍ୟସି । ଅ॒ହମୁ॒ ଵୈ ସ॒ତ୍ୟମ॑ସ୍ମି । ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟଗ୍​ମ୍ ସ॒ତ୍ୟ-ମ୍ଭ॑ଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମା᳚-ଽଗ୍ନେ॒ୟ-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ସ॒ତ୍ୟାୟ॑ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ ।
ତତୋ॒ ଵୈ ତସ୍ୟ॑ ସ॒ତ୍ୟଗ୍​ମ୍ ସ॒ତ୍ୟମ॑ଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ ।
ସ॒ତ୍ୟଗ୍​ମ୍ ହ॒ ଵା ଅ॑ସ୍ୟ ସ॒ତ୍ୟ-ମ୍ଭ॑ଵତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ ସ୍ଵାହା॑ ସ॒ତ୍ୟାୟ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 18 ॥

ତ-ମ୍ମନୋ᳚-ଽବ୍ରଵୀତ୍ । ପ୍ରଜା॑ପତେ॒ ମନ॑ସା॒ ଵୈ ଶ୍ରା᳚ମ୍ୟସି । ଅ॒ହମୁ॒ ଵୈ ମନୋ᳚-ଽସ୍ମି ।
ମା-ନ୍ନୁ ୟ॑ଜସ୍ଵ ।
ଅଥ॑ ତେ ସ॒ତ୍ୟ-ମ୍ମନୋ॑ ଭଵିଷ୍ୟତି ।
ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମା᳚-ଽଗ୍ନେ॒ୟ-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ମନ॑ସେ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ସ॒ତ୍ୟ-ମ୍ମନୋ॑-ଽଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ । ସ॒ତ୍ୟଗ୍​ମ୍ ହ॒ ଵା ଅ॑ସ୍ୟ॒ ମନୋ॑ ଭଵତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି । ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନ ଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ ସ୍ଵାହା॒ ମନ॑ସେ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 19 ॥

ତ-ଞ୍ଚର॑ଣ-ମବ୍ରଵୀତ୍ । ପ୍ରଜା॑ପତେ॒ ଚର॑ଣେନ॒ ଵୈ ଶ୍ରା᳚ମ୍ୟସି । ଅ॒ହମୁ॒ ଵୈ ଚର॑ଣମସ୍ମି । ମା-ନ୍ନୁ ୟ॑ଜସ୍ଵ । ଅଥ॑ ତେ ସ॒ତ୍ୟ-ଞ୍ଚର॑ଣ-ମ୍ଭଵିଷ୍ୟତି । ଅନୁ॑ ସ୍ଵ॒ର୍ଗଂ-ଲୋଁ॒କଂ-ଵେଁ॒ଥ୍ସ୍ୟସୀତି॑ ।
ସ ଏ॒ତମା᳚-ଽଗ୍ନେ॒ୟ-ମ॒ଷ୍ଟାକ॑ପାଲ॒-ନ୍ନିର॑ଵପତ୍ । ଚର॑ଣାୟ ଚ॒ରୁମ୍ । ଅନୁ॑ମତ୍ୟୈ ଚ॒ରୁମ୍ । ତତୋ॒ ଵୈ ତସ୍ୟ॑ ସ॒ତ୍ୟ-ଞ୍ଚର॑ଣମଭଵତ୍ ।
ଅନୁ॑ ସ୍ଵ॒ର୍ଗଂ-ଲୋଁ॒କମ॑ଵିନ୍ଦତ୍ ।
ସ॒ତ୍ୟଗ୍​ମ୍ ହ॒ ଵା ଅ॑ସ୍ୟ॒ ଚର॑ଣ-ମ୍ଭଵତି ।
ଅନୁ॑ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
ୟ ଏ॒ତେନ॑ ହ॒ଵିଷା॒ ୟଜ॑ତେ ।
ୟ ଉ॑ଚୈନଦେ॒ଵଂ-ଵେଁଦ॑ । ସୋ-ଽତ୍ର॑ ଜୁହୋତି ।
ଅ॒ଗ୍ନୟେ॒ ସ୍ଵାହା॒ ଚର॑ଣାୟ॒ ସ୍ଵାହା᳚ ।
ଅନୁ॑ମତ୍ୟୈ॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା᳚ ।
ସ୍ଵ॒ର୍ଗାୟ॑ ଲୋ॒କାୟ॒ ସ୍ଵାହା॒-ଽଗ୍ନୟେ᳚ ସ୍ଵିଷ୍ଟ॒କୃତେ॒ ସ୍ଵାହେତି॑ ॥ 20 ॥

ତା ଵା ଏ॒ତାଃ ପଞ୍ଚ॑ ସ୍ଵ॒ର୍ଗସ୍ୟ॑ ଲୋ॒କସ୍ୟ॒ ଦ୍ଵାରଃ॑ ।
ଅପା॑ଘା॒ ଅନୁ॑ଵିତ୍ତୟୋ॒ ନାମ॑ । ତପଃ॑ ପ୍ରଥ॒ମାଗ୍​ମ୍ ର॑କ୍ଷତି । ଶ୍ର॒ଦ୍ଧା ଦ୍ଵି॒ତୀୟା᳚ମ୍ । ସ॒ତ୍ୟ-ନ୍ତୃ॒ତୀୟା᳚ମ୍ ।
ମନ॑ଶ୍ଚତୁ॒ର୍ଥୀମ୍ । ଚର॑ଣ-ମ୍ପଞ୍ଚ॒ମୀମ୍ ।
ଅନୁ॑ ହ॒ ଵୈ ସ୍ଵ॒ର୍ଗଂ-ଲୋଁ॒କଂ-ଵିଁ॑ନ୍ଦତି ।
କା॒ମ॒ଚାରୋ᳚-ଽସ୍ୟ ସ୍ଵ॒ର୍ଗେ ଲୋ॒କେ ଭ॑ଵତି ।
ୟ ଏ॒ତାଭି॒-ରିଷ୍ଟି॑ଭି॒-ର୍ୟଜ॑ତେ ।
ୟ ଉ॑ଚୈନା ଏ॒ଵଂ-ଵେଁଦ॑ ।

ଅନୁଵାକଂ 5 - ଚାତୁର୍​ହୋତ୍ରଚୟନମ୍
ବ୍ରହ୍ମ॒ ଵୈ ଚତୁ॑ର୍​ହୋତାରଃ । ଚତୁ॑ର୍​ହୋତୃ॒ଭ୍ୟୋ-ଽଧି॑ ୟ॒ଜ୍ଞୋ ନିର୍ମି॑ତଃ । ନୈନଗ୍​ମ୍॑ ଶ॒ପ୍ତମ୍ । ନାଭିଚ॑ରିତ॒-ମାଗ॑ଚ୍ଛତି । ୟ ଏ॒ଵଂ-ଵେଁଦ॑ ॥
ୟୋ ହ॒ ଵୈ ଚତୁ॑ର୍​ହୋତୃଣା-ଞ୍ଚତୁର୍​ହୋତୃ॒ତ୍ଵଂ-ଵେଁଦ॑ । ଅଥୋ॒ ପଞ୍ଚ॑ ହୋତୃତ୍ଵମ୍ ।
ସର୍ଵା॑ ହାସ୍ମୈ॒ ଦିଶଃ॑ କଲ୍ପନ୍ତେ ।
ଵା॒ଚସ୍ପତି॒ର୍॒ ହୋତା॒ ଦଶ॑ହୋତୄଣାମ୍ ।
ପୃ॒ଥି॒ଵୀ ହୋତା॒ ଚତୁ॑ର୍​ହୋତୄଣାମ୍ ॥ 22 ॥

ଅ॒ଗ୍ନିର୍-ହୋତା॒ ପଞ୍ଚ॑ହୋତୄଣାମ୍ । ଵାଘୋତା॒ ଷଡ୍ଢୋ॑ତୄଣାମ୍ ।
ମ॒ହାହ॑ଵି॒ର୍॒ ହୋତା॑ ସ॒ପ୍ତହୋ॑ତୄଣାମ୍ ।
ଏ॒ତଦ୍ଵୈ ଚତୁ॑ର୍​ହୋତୃଣା-ଞ୍ଚତୁର୍​ହୋତୃ॒ତ୍ଵମ୍ ।
ଅଥୋ॒ ପଞ୍ଚ॑ହୋତୃତ୍ଵମ୍ । ସର୍ଵା॑ ହାସ୍ମୈ॒ ଦିଶଃ॑ କଲ୍ପନ୍ତେ । ୟ ଏ॒ଵଂ-ଵେଁଦ॑ ॥
ଏ॒ଷା ଵୈ ସ॑ର୍ଵ ଵି॒ଦ୍ୟା । ଏ॒ତ-ଦ୍ଭେ॑ଷ॒ଜମ୍ ।
ଏ॒ଷା ପ॒ଙ୍କ୍ତି-ସ୍ସ୍ଵ॒ର୍ଗସ୍ୟ॑ ଲୋ॒କସ୍ୟା᳚-ଞ୍ଜ॒ସାୟ॑ନି-ସ୍ସ୍ରୁ॒ତିଃ ॥ 23 ॥

ଏ॒ତାନ୍. ୟୋ-ଽଦ୍ଧ୍ୟୈ-ତ୍ୟଛ॑ଦିର୍ଦ॒ର୍॒ଶେ ୟାଵ॑ତ୍ତ॒ରସ᳚ମ୍ । ସ୍ଵ॑ରେତି । ଅ॒ନ॒ପ॒ବ୍ର॒ଵ-ସ୍ସର୍ଵ॒ମାୟୁ॑ରେତି । ଵି॒ନ୍ଦତେ᳚ ପ୍ର॒ଜାମ୍ । ରା॒ୟସ୍ପୋଷ॑-ଙ୍ଗୌପ॒ତ୍ୟମ୍ ।
ବ୍ର॒ହ୍ମ॒ଵ॒ର୍ଚ॒ସୀ ଭ॑ଵତି ॥ ଏ॒ତାନ୍. ୟୋ-ଽଦ୍ଧ୍ୟୈତି॑ । ସ୍ପୃ॒ଣୋତ୍ୟା॒ତ୍ମାନ᳚ମ୍ । ପ୍ର॒ଜା-ମ୍ପି॒ତୄନ୍ ॥
ଏ॒ତାନ୍. ଵା ଅ॑ରୁ॒ଣ ଔ॑ପଵେ॒ଶି ର୍ଵି॒ଦାଞ୍ଚ॑କାର ॥ 24 ॥

ଏ॒ତୈର॑ଧିଵା॒ଦମପା॑ଜୟତ୍ । ଅଥୋ॒ ଵିଶ୍ଵ॑-ମ୍ପା॒ପ୍ମାନ᳚ମ୍ । ସ୍ଵ॑ର୍ୟୟୌ । ଏ॒ତାନ୍. ୟୋ-ଽଦ୍ଧ୍ୟୈତି॑ । ଅ॒ଧି॒ଵା॒ଦ-ଞ୍ଜ॑ୟତି । ଅଥୋ॒ ଵିଶ୍ଵ॑-ମ୍ପା॒ପ୍ମାନ᳚ମ୍ । ସ୍ଵ॑ରେତି ॥ ଏ॒ତୈର॒ଗ୍ନି-ଞ୍ଚି॑ନ୍ଵୀତ ସ୍ଵ॒ର୍ଗକା॑ମଃ ।
ଏ॒ତୈରାୟୁ॑ଷ୍କାମଃ । ପ୍ର॒ଜା ପ॒ଶୁକା॑ମୋ ଵା ॥ 25 ॥

ପୁ॒ରସ୍ତା॒-ଦ୍ଦଶ॑ହୋତାର॒-ମୁଦ॑ଞ୍ଚ॒-ମୁପ॑ଦଧାତି ୟାଵତ୍ପ॒ଦମ୍ । ହୃଦ॑ୟଂ॒-ୟଁଜୁ॑ଷୀ॒ ପତ୍ନ୍ୟୌ॑ ଚ । ଦ॒କ୍ଷି॒ଣ॒ତଃ ପ୍ରାଞ୍ଚ॒-ଞ୍ଚତୁ॑ର୍​ହୋତାରମ୍ ।
ପ॒ଶ୍ଚାଦୁଦ॑ଞ୍ଚ॒-ମ୍ପଞ୍ଚ॑ ହୋତାରମ୍ । ଉ॒ତ୍ତ॒ର॒ତଃ ପ୍ରାଞ୍ଚ॒ଗ୍​ମ୍॒ ଷଡ୍ଢୋ॑ତାରମ୍ ।
ଉ॒ପରି॑ଷ୍ଟା॒-ତ୍ପ୍ରାଞ୍ଚଗ୍​ମ୍॑ ସ॒ପ୍ତହୋ॑ତାରମ୍ । ହୃଦ॑ୟଂ॒-ୟଁଜୂଗ୍​ମ୍॑ଷି॒ ପତ୍ନ୍ୟ॑ଶ୍ଚ ।
ୟ॒ଥା॒ଵ॒କା॒ଶ-ଙ୍ଗ୍ରହାନ୍॑ । ୟ॒ଥା॒ଵ॒କା॒ଶ-ମ୍ପ୍ର॑ତିଗ୍ର॒ହାନ୍ ଁଲୋ॑କ-ମ୍ପୃ॒ଣାଶ୍ଚ॑ ।
ସର୍ଵା॑ ହାସ୍ୟୈ॒ତା ଦେ॒ଵତାଃ᳚ ପ୍ରୀ॒ତା ଅ॒ଭୀଷ୍ଟା॑ ଭଵନ୍ତି ॥ 26 ॥

ସଦେ॑ଵମ॒ଗ୍ନି-ଞ୍ଚି॑ନୁତେ ॥
ର॒ଥସ॑ମିନ୍ତ-ଶ୍ଚେତ॒ଵ୍ୟଃ॑ । ଵଜ୍ରୋ॒ ଵୈ ରଥଃ॑ ।
ଵଜ୍ରେ॑ଣୈ॒ଵ ପା॒ପ୍ମାନ॒-ମ୍ଭ୍ରାତୃ॑ଵ୍ୟଗ୍ଗ୍​ ସ୍ତୃଣୁତେ । ପ॒କ୍ଷ-ସ୍ସ॑ମିନ୍ତ-ଶ୍ଚେତ॒ଵ୍ୟଃ॑ ।
ଏ॒ତାଵା॒ନ୍॒. ଵୈ ରଥଃ॑ । ୟାଵ॑ତ୍ପ॒କ୍ଷଃ । ର॒ଥସ॑ମିନ୍ତମେ॒ଵ ଚି॑ନୁତେ ॥
ଇ॒ମମେ॒ଵ ଲୋ॒କ-ମ୍ପ॑ଶୁବ॒ନ୍ଧେନା॒ଭିଜ॑ୟତି ।
ଅଥୋ॑ ଅଗ୍ନିଷ୍ଟୋ॒ମେନ॑ ॥ 27 ॥

ଅ॒ନ୍ତରି॑କ୍ଷ-ମୁ॒କ୍ଥ୍ୟେ॑ନ । ସ୍ଵ॑ରତିରା॒ତ୍ରେଣ॑ । ସର୍ଵା᳚ନ୍ ଁଲୋ॒କାନ॑ହୀ॒ନେନ॑ । ଅଥୋ॑ ସ॒ତ୍ରେଣ॑ ॥ ଵରୋ॒ ଦକ୍ଷି॑ଣା । ଵରେ॑ଣୈ॒ଵ ଵରଗ୍ଗ୍॑ ସ୍ପୃଣୋତି ।
ଆ॒ତ୍ମା ହି ଵରଃ॑ ॥ ଏକ॑ଵିଗ୍​ମ୍ଶତି॒ ର୍ଦକ୍ଷି॑ଣା ଦଦାତି ।
ଏ॒କ॒ଵି॒ଗ୍​ମ୍॒ଶୋ ଵା ଇ॒ତ-ସ୍ସ୍ଵ॒ର୍ଗୋ ଲୋ॒କଃ । ପ୍ରସ୍ଵ॒ର୍ଗଂ-ଲୋଁ॒କମା᳚ପ୍ନୋତି ॥ 28 ॥

ଅ॒ସାଵା॑ଦି॒ତ୍ୟ ଏ॑କଵି॒ଗ୍​ମ୍॒ଶଃ । ଅ॒ମୁମେ॒ଵା-ଦି॒ତ୍ୟମା᳚ପ୍ନୋତି ॥ ଶ॒ତ-ନ୍ଦ॑ଦାତି । ଶ॒ତାୟୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ୟଃ । ଆୟୁ॑ଷ୍ୟେ॒ଵେନ୍ଦ୍ରି॒ୟେ ପ୍ରତି॑ତିଷ୍ଠତି ॥ ସ॒ହସ୍ର॑-ନ୍ଦଦାତି ।
ସ॒ହସ୍ର॑ ସମ୍ମିତ-ସ୍ସ୍ଵ॒ର୍ଗୋ ଲୋ॒କଃ ।
ସ୍ଵ॒ର୍ଗସ୍ୟ॑ ଲୋ॒କସ୍ୟା॒-ଭିଜି॑ତ୍ୟୈ ॥ ଅ॒ନ୍ଵି॒ଷ୍ଟ॒କ-ନ୍ଦକ୍ଷି॑ଣା ଦଦାତି । ସର୍ଵା॑ଣି॒ ଵୟାଗ୍​ମ୍॑ସି ॥ 29 ॥

ସର୍ଵ॒ସ୍ୟାପ୍ତ୍ୟୈ᳚ । ସର୍ଵ॒ସ୍ୟା-ଵ॑ରୁଦ୍ଧ୍ୟୈ ॥ ୟଦି॒ ନ ଵି॒ନ୍ଦେତ॑ । ମ॒ନ୍ଥାନେ॑ତାଵ॒ତୋ ଦ॑ଦ୍ୟାଦୋଦ॒ନାନ୍. ଵା᳚ । ଅ॒ଶ୍ନୁ॒ତେ ତ-ଙ୍କାମ᳚ମ୍ । ୟସ୍ମୈ॒ କାମା॑ୟା॒-ଗ୍ନିଶ୍ଚୀ॒ୟତେ᳚ ॥ ପ॒ଷ୍ଠୌ॒ହୀ-ନ୍ତ୍ଵ॒ନ୍ତର୍ଵ॑ତୀ-ନ୍ଦଦ୍ୟାତ୍ ।
ସା ହି ସର୍ଵା॑ଣି॒ ଵୟାଗ୍​ମ୍॑ସି । ସର୍ଵ॒ସ୍ୟାପ୍ତ୍ୟୈ᳚ । ସର୍ଵ॒ସ୍ୟା-ଵ॑ରୁଦ୍ଧ୍ୟୈ ॥ 30 ॥
ହିର॑ଣ୍ୟ-ନ୍ଦଦାତି । ହିର॑ଣ୍ୟ-ଜ୍ୟୋତିରେ॒ଵ ସ୍ଵ॒ର୍ଗଂ-ଲୋଁ॒କମେ॑ତି ॥ ଵାସୋ॑ ଦଦାତି । ତେନାୟୁଃ॒ ପ୍ରତି॑ରତେ ॥ ଵେ॒ଦି॒ତୃ॒ତୀ॒ୟେ ୟ॑ଜେତ । ତ୍ରିଷ॑ତ୍ୟା॒ ହି ଦେ॒ଵାଃ ।
ସ ସ॑ତ୍ୟମ॒ଗ୍ନି-ଞ୍ଚି॑ନୁତେ ॥ ତଦେ॒ତ-ତ୍ପ॑ଶୁବ॒ନ୍ଧେ ବ୍ରାହ୍ମ॑ଣ-ମ୍ବ୍ରୂୟାତ୍ । ନେତ॑ରେଷୁ ୟ॒ଜ୍ଞେଷୁ॑ ॥
ୟୋ ହ॒ ଵୈ ଚତୁ॑ର୍​ହୋତୄ-ନନୁସଵ॒ନ-ନ୍ତ॑ର୍ପୟିତ॒ଵ୍ୟାନ୍॑. ଵେଦ॑ ॥ 31 ॥

ତୃପ୍ୟ॑ତି ପ୍ର॒ଜୟା॑ ପ॒ଶୁଭିଃ॑ ।
ଉପୈ॑ନଗ୍​ମ୍ ସୋମପୀ॒ଥୋ ନ॑ମତି ।
ଏ॒ତେ ଵୈ ଚତୁ॑ର୍​ହୋତାରୋ ଽନୁସଵ॒ନ-ନ୍ତ॑ର୍ପୟିତ॒ଵ୍ୟାଃ᳚ । ୟେ ବ୍ରା᳚ହ୍ମ॒ଣା ବ॑ହୁ॒ଵିଦଃ॑ ।
ତେଭ୍ୟୋ॒ ୟଦ୍ଦକ୍ଷି॑ଣା॒ ନ ନୟେ᳚ତ୍ । ଦୁରି॑ଷ୍ଟଗ୍ଗ୍​ ସ୍ୟାତ୍ । ଅ॒ଗ୍ନିମ॑ସ୍ୟ ଵୃଞ୍ଜୀରନ୍ନ୍ ।
ତେଭ୍ୟୋ॑ ୟଥା ଶ୍ର॒ଦ୍ଧ-ନ୍ଦ॑ଦ୍ୟାତ୍ । ସ୍ଵି॑ଷ୍ଟମେ॒ଵୈତତ୍କ୍ରି॑ୟତେ ।
ନାସ୍ୟା॒ଗ୍ନିଂ-ଵୃଁ॑ଞ୍ଜତେ ॥ 32 ॥

ହି॒ର॒ଣ୍ୟେ॒ଷ୍ଟ॒କୋ ଭ॑ଵତି । ୟାଵ॑ଦୁତ୍ତ॒ମ-ମ॑ଙ୍ଗୁଲି-କା॒ଣ୍ଡଂ-ୟଁ॑ଜ୍ଞ ପ॒ରୁଷା॒ ସମ୍ମି॑ତମ୍ ।
ତେଜୋ॒ ହିର॑ଣ୍ୟମ୍ ॥ ୟଦି॒ ହିର॑ଣ୍ୟ॒-ନ୍ନ ଵି॒ନ୍ଦେତ୍ । ଶର୍କ॑ରା ଅ॒କ୍ତା ଉପ॑ଦଦ୍ଧ୍ୟାତ୍ । ତେଜୋ॑ ଘୃ॒ତମ୍ । ସତେ॑ଜସମେ॒-ଵାଗ୍ନି-ଞ୍ଚି॑ନୁତେ ॥ ଅ॒ଗ୍ନିଞ୍ଚି॒ତ୍ଵା ସୌ᳚ତ୍ରାମ॒ଣ୍ୟା ୟ॑ଜେତ ମୈତ୍ରାଵରୁ॒ଣ୍ୟା ଵା᳚ ।
ଵୀ॒ର୍ୟେ॑ଣ॒ ଵା ଏ॒ଷ ଵ୍ୟୃ॑ଦ୍ଧ୍ୟତେ ।
ୟୋ᳚-ଽଗ୍ନିଞ୍ଚି॑ନୁ॒ତେ ॥ 33 ॥

ୟାଵ॑ଦେ॒ଵ ଵୀ॒ର୍ୟ᳚ମ୍ । ତଦ॑ସ୍ମି-ନ୍ଦଧାତି ॥
ବ୍ରହ୍ମ॑ଣ॒-ସ୍ସାୟୁ॑ଜ୍ୟଗ୍​ମ୍ ସଲୋ॒କତା॑-ମାପ୍ନୋତି ।
ଏ॒ତାସା॑ମେ॒ଵ ଦେ॒ଵତା॑ନା॒ଗ୍​ମ୍॒ ସାୟୁ॑ଜ୍ୟମ୍ ।
ସା॒ର୍​ଷ୍ଟିତାଗ୍​ମ୍॑ ସମାନ ଲୋ॒କତା॑-ମାପ୍ନୋତି । ୟ ଏ॒ତମ॒ଗ୍ନି-ଞ୍ଚି॑ନୁ॒ତେ । ୟ ଉ॑ଚୈନମେ॒ଵଂ-ଵେଁଦ॑ ॥ ଏ॒ତଦେ॒ଵ ସା॑ଵି॒ତ୍ରେ ବ୍ରାହ୍ମ॑ଣମ୍ ।
ଅଥୋ॑ ନାଚିକେ॒ତେ ॥ 34 ॥
(ହୋତା॒ ଚତୁ॑ର୍​ହୋତୄଣାଗ୍​ - ସ୍ରୁ॒ତି - ଶ୍ଚ॑କାର - ଵା - ଭଵନ୍ତ୍ୟ - ଗ୍ନିଷ୍ଟୋ॒ମେନା᳚ - ପ୍ନୋତି॒ - ଵୟାଗ୍​ମ୍॑ସି॒ - ଵୟାଗ୍​ମ୍॑ସି॒ - ସର୍ଵ॒ସ୍ୟାପ୍ତ୍ୟୈ॒ ସର୍ଵ॒ସ୍ୟାଵ॑ରୁଦ୍ଧ୍ୟୈ॒ - ଵେଦ॑ - ଵୃଞ୍ଜତେ - ଚିନୁ॒ତେ - +ନଵ॑ ଚ) (ଅ. 5)

ଅନୁଵାକଂ 6 - ଵୈଶ୍ଵସୃଜଚୟନମ୍
ୟଚ୍ଚା॒ମୃତଂ॒-ୟଁଚ୍ଚ ମର୍ତ୍ୟ᳚ମ୍ । ୟଚ୍ଚ॒ ପ୍ରାଣି॑ତି॒ ୟଚ୍ଚ॒ ନ । ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା ।
ଉପ॑ କାମ॒ଦୁଘା॑ ଦଧେ । ତେନର୍​ଷି॑ଣା॒ ତେନ॒ ବ୍ରହ୍ମ॑ଣା । ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ ସର୍ଵା॒-ସ୍ସ୍ତ୍ରିୟ॒-ସ୍ସର୍ଵା᳚-ନ୍ପୁ॒ଗ୍​ମ୍॒ସଃ । ସର୍ଵ॒-ନ୍ନ ସ୍ତ୍ରୀ॑-ପୁମଞ୍ଚ॒ ୟତ୍ ।
ସର୍ଵା॒ସ୍ତାଃ ॥ ୟାଵ॑ନ୍ତଃ ପା॒ଗ୍​ମ୍॒ସଵୋ॒ ଭୂମେଃ᳚ ॥ 35 ॥

ସଙ୍ଖ୍ୟା॑ତା ଦେଵମା॒ୟୟା᳚ । ସର୍ଵା॒ସ୍ତାଃ ॥ ୟାଵ॑ନ୍ତ॒ ଊଷାଃ᳚ ପଶୂ॒ନାମ୍ । ପୃ॒ଥି॒ଵ୍ୟା-ମ୍ପୁଷ୍ଟି॑ ର୍​ହି॒ତାଃ । ସର୍ଵା॒ସ୍ତାଃ ॥ ୟାଵ॑ତୀ॒-ସ୍ସିକ॑ତା॒-ସ୍ସର୍ଵାଃ᳚ ।
ଅ॒ଫ୍ସ୍ଵ॑ନ୍ତଶ୍ଚ॒ ୟା-ଶ୍ଶ୍ରି॒ତାଃ । ସର୍ଵା॒ସ୍ତାଃ ॥ ୟାଵ॑ତୀ॒-ଶ୍ଶର୍କ॑ରା॒ ଧୃତ୍ୟୈ᳚ । ଅ॒ସ୍ୟା-ମ୍ପୃ॑ଥି॒ଵ୍ୟାମଧି॑ ॥ 36 ॥

ସର୍ଵା॒ସ୍ତାଃ ॥ ୟାଵ॒ନ୍ତୋ-ଽଶ୍ମା॑ନୋ॒-ଽସ୍ୟା-ମ୍ପୃ॑ଥି॒ଵ୍ୟାମ୍ । ପ୍ର॒ତି॒ଷ୍ଠାସୁ॒ ପ୍ରତି॑ଷ୍ଠିତାଃ । ସର୍ଵା॒ସ୍ତାଃ ॥ ୟାଵ॑ତୀ ର୍ଵୀ॒ରୁଧ॒-ସ୍ସର୍ଵାଃ᳚ ।
ଵିଷ୍ଠି॑ତାଃ ପୃଥି॒ଵୀମନୁ॑ । ସର୍ଵା॒ସ୍ତାଃ ॥ ୟାଵ॑ତୀ॒ରୋଷ॑ଧୀ॒-ସ୍ସର୍ଵାଃ᳚ ।
ଵିଷ୍ଠି॑ତାଃ ପୃଥି॒ଵୀମନୁ॑ । ସର୍ଵା॒ସ୍ତାଃ ॥ 37 ॥

ୟାଵ॑ନ୍ତୋ॒ ଵନ॒ସ୍ପତ॑ୟଃ । ଅ॒ସ୍ୟା-ମ୍ପୃ॑ଥି॒ଵ୍ୟାମଧି॑ । ସର୍ଵା॒ସ୍ତାଃ ॥
ୟାଵ॑ନ୍ତୋ ଗ୍ରା॒ମ୍ୟାଃ ପ॒ଶଵ॒-ସ୍ସର୍ଵେ᳚ । ଆ॒ର॒ଣ୍ୟାଶ୍ଚ॒ ୟେ । ସର୍ଵା॒ସ୍ତାଃ ॥ ୟେ ଦ୍ଵି॒ପାଦ॒-ଶ୍ଚତୁ॑ଷ୍ପାଦଃ । ଅ॒ପାଦ॑ ଉଦରସ॒ର୍ପିଣଃ॑ ।
ସର୍ଵା॒ସ୍ତାଃ ॥ ୟାଵ॒ଦାଞ୍ଜ॑-ନମୁ॒ଚ୍ୟତେ᳚ ॥ 38 ॥

ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ । ସର୍ଵା॒ସ୍ତାଃ ॥ ୟାଵ॑ତ୍କୃ॒ଷ୍ଣାୟ॑ସ॒ଗ୍​ମ୍॒ ସର୍ଵ᳚ମ୍ ।
ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ । ସର୍ଵା॒ସ୍ତାଃ ॥
ୟାଵ॑ ଲ୍ଲୋ॒ହାୟ॑ସ॒ଗ୍​ମ୍॒ ସର୍ଵ᳚ମ୍ ।
ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ । ସର୍ଵା॒ସ୍ତାଃ ॥ ସର୍ଵ॒ଗ୍​ମ୍॒ ସୀସ॒ଗ୍​ମ୍॒ ସର୍ଵ॒-ନ୍ତ୍ରପୁ॑ ।
ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ ॥ 39 ॥

ସର୍ଵା॒ସ୍ତାଃ ॥ ସର୍ଵ॒ଗ୍​ମ୍॒ ହିର॑ଣ୍ୟଗ୍​ମ୍ ରଜ॒ତମ୍ । ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ ।
ସର୍ଵା॒ସ୍ତାଃ ॥ ସର୍ଵ॒ଗ୍​ମ୍॒ ସୁଵ॑ର୍ଣ॒ଗ୍​ମ୍॒ ହରି॑ତମ୍ । ଦେ॒ଵ॒ତ୍ରା ୟଚ୍ଚ॑ ମାନୁ॒ଷମ୍ ।
ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା । ଉପ॑କାମ॒ଦୁଘା॑ ଦଧେ । ତେନର୍​ଷି॑ଣା॒ ତେନ॒ ବ୍ରହ୍ମ॑ଣା ।
ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 40 ॥
[ଭୂମେ॒ - ରଧି॒ - ଵିଷ୍ଠି॑ତାଃ ପୃଥି॒ଵୀମନୁ॒ ସର୍ଵା॒ସ୍ତା - ଉ॒ଚ୍ୟତ॑ - ମାନୁ॒ଷଗ୍​ମ୍ - ସୀ॑ଦ ] (ଅ. 6)

(ୟଚ୍ଚ॒ ସ୍ତ୍ରିୟଃ॑ ପା॒ଗ୍​ମ୍॒ସଵ॒ ଊଷା॒-ସ୍ସିକ॑ତା॒-ଶ୍ଶର୍କ॑ରା॒ ଅଶ୍ମା॑ନୋ ଵୀ॒ରୁଧ॒ ଓଷ॑ଧୀ॒-ର୍ଵନ॒ସ୍ପତ॑ୟୋ ଗ୍ରା॒ମ୍ୟା ୟେ ଦ୍ଵି॒ପାଦୋ॒ ୟାଵ॒ଦାଞ୍ଜ॑ନଂ॒-ୟାଁଵ॑-ତ୍କୃ॒ଷ୍ଣାୟ॑ସଂ
ଁଲୋ॒ହାୟ॑ସ॒ଗ୍​ମ୍॒ ସୀସ॒ଗ୍​ମ୍॒ ହିର॑ଣ୍ୟ॒ଗ୍​ମ୍॒ ସୁଵ॑ର୍ଣ॒ଗ୍​ମ୍॒ ହରି॑ତମ॒ଷ୍ଟାଦ॑ଶ)

ଅନୁଵାକଂ 7 - ଵୈଶ୍ଵସୃଜଚୟନମ୍
ସର୍ଵା॒ ଦିଶୋ॑ ଦି॒କ୍ଷୁ । ୟଚ୍ଚା॒ନ୍ତ ର୍ଭୂ॒ତ-ମ୍ପ୍ରତି॑ଷ୍ଠିତମ୍ । ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା ।
ଉପ॑ କାମ॒ଦୁଘା॑ ଦଧେ ।
ତେନର୍​ଷି॑ଣା॒ ତେନ॒ ବ୍ରହ୍ମ॑ଣା ।
ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥
ଅ॒ନ୍ତରି॑କ୍ଷଞ୍ଚ॒ କେଵ॑ଲମ୍ ।
ୟଚ୍ଚା॒ସ୍ମି-ନ୍ନ॑ନ୍ତ॒ରାହି॑ତମ୍ ।
ସର୍ଵା॒ସ୍ତାଃ ॥ ଆ॒ନ୍ତ॒ରି॒କ୍ଷ୍ୟ॑ଶ୍ଚ॒ ୟାଃ ପ୍ର॒ଜାଃ ॥ 41 ॥

ଗ॒ନ୍ଧ॒ର୍ଵା॒-ଫ୍ସ॒ରସ॑ଶ୍ଚ॒ ୟେ । ସର୍ଵା॒ସ୍ତାଃ ॥ ସର୍ଵା॑-ନୁଦା॒ରାନ୍-ଥ୍ସ॒ଲିଲାନ୍॑ ।
ଅ॒ନ୍ତରି॑କ୍ଷେ॒ ପ୍ରତି॑ଷ୍ଠିତାନ୍ । ସର୍ଵା॒ସ୍ତାଃ ॥
ସର୍ଵା॑-ନୁଦା॒ରାନ୍-ଥ୍ସ॑ଲି॒ଲାନ୍ ।
ସ୍ଥା॒ଵ॒ରାଃ ପ୍ରୋ॒ଷ୍ୟା᳚ଶ୍ଚ॒ ୟେ । ସର୍ଵା॒ସ୍ତାଃ ॥ ସର୍ଵା॒-ନ୍ଧୁନି॒ଗ୍​ମ୍॒ ସର୍ଵା᳚ନ୍-ଧ୍ଵ॒ଗ୍​ମ୍॒ସାନ୍ ।
ହି॒ମୋ ୟଚ୍ଚ॑ ଶୀ॒ୟତେ᳚ ॥ 42 ॥

ସର୍ଵା॒ସ୍ତାଃ ॥ ସର୍ଵା॒-ନ୍ମରୀ॑ଚୀ॒ନ୍॒. ଵିତ॑ତାନ୍ । ନୀ॒ହା॒ରୋ ୟଚ୍ଚ॑ ଶୀ॒ୟତେ᳚ । ସର୍ଵା॒ସ୍ତାଃ ॥ ସର୍ଵା॑ ଵି॒ଦ୍ୟୁତ॒-ସ୍ସର୍ଵା᳚ନ୍-ଥ୍ସ୍ତନୟି॒ତ୍ନୂନ୍ । ହ୍ରା॒ଦୁନୀ॒ ର୍ୟଚ୍ଚ॑ ଶୀ॒ୟତେ᳚ । ସର୍ଵା॒ସ୍ତାଃ ॥ ସର୍ଵା॒-ସ୍ସ୍ରଵ॑ନ୍ତୀ-ସ୍ସ॒ରିତଃ॑ ।
ସର୍ଵ॑ମଫ୍ସୁ ଚ॒ରଞ୍ଚ॒ ୟତ୍ । ସର୍ଵା॒ସ୍ତାଃ ॥ 43 ॥

ୟାଶ୍ଚ॒ କୂପ୍ୟା॒ ୟାଶ୍ଚ॑ ନା॒ଦ୍ୟା᳚-ସ୍ସମୁ॒ଦ୍ରିୟାଃ᳚ । ୟାଶ୍ଚ॑ ଵୈଶ॒ନ୍ତୀରୁ॒ତ ପ୍ରା॑ସ॒ଚୀର୍ୟାଃ ।
ସର୍ଵା॒ସ୍ତାଃ ॥ ୟେ ଚୋ॒ତ୍ତିଷ୍ଠ॑ନ୍ତି ଜୀ॒ମୂତାଃ᳚ ।
ୟାଶ୍ଚ॒ ଵର୍​ଷ॑ନ୍ତି ଵୃ॒ଷ୍ଟୟଃ॑ । ସର୍ଵା॒ସ୍ତାଃ ॥ ତପ॒ସ୍ତେଜ॑ ଆକା॒ଶମ୍ । ୟଚ୍ଚା॑କା॒ଶେ ପ୍ରତି॑ଷ୍ଠିତମ୍ ।
ସର୍ଵା॒ସ୍ତାଃ ॥ ଵା॒ୟୁଂ-ଵଁୟାଗ୍​ମ୍॑ସି॒ ସର୍ଵା॑ଣି ॥ 44 ॥

ଅ॒ନ୍ତ॒ରି॒କ୍ଷ॒ଚ॒ରଞ୍ଚ॒ ୟତ୍ । ସର୍ଵା॒ସ୍ତାଃ ॥ ଅ॒ଗ୍ନିଗ୍​ମ୍ ସୂର୍ୟ॑-ଞ୍ଚ॒ନ୍ଦ୍ରମ୍ । ମି॒ତ୍ରଂ-ଵଁରୁ॑ଣ॒-ମ୍ଭଗ᳚ମ୍ । ସର୍ଵା॒ସ୍ତାଃ ॥ ସ॒ତ୍ୟଗ୍ଗ୍​ ଶ୍ର॒ଦ୍ଧା-ନ୍ତପୋ॒ ଦମ᳚ମ୍ ।
ନାମ॑ ରୂ॒ପଞ୍ଚ॑ ଭୂ॒ତାନା᳚ମ୍ । ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା । ଉପ॑ କାମ॒ଦୁଘା॑ ଦଧେ । ତେନର୍​ଷି॑ଣା॒ ତେନ॒ ବ୍ରହ୍ମ॑ଣା ।
ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 45 ॥
(ପ୍ର॒ଜା-ହି॒ମୋ ୟଚ୍ଚ॑ ଶୀ॒ୟତେ॒-ସର୍ଵା॒ସ୍ତାଃ-ସର୍ଵା॑ଣି॒-ବ୍ରହ୍ମ॒ଣୈକ॑-ଞ୍ଚ) (ଅ. 7)
(ଦିଶୋ॒-ଽନ୍ତରି॑କ୍ଷମାନ୍ତରି॒କ୍ଷ୍ୟ॑ ଉଦା॒ରାନୁ॑ଦା॒ରା-ନ୍ଧୁନି॒-ମ୍ମରୀ॑ଚୀନ୍. ଵି॒ଦ୍ୟୁତଃ॒
ସ୍ରଵ॑ନ୍ତୀ॒ର୍ୟାଶ୍ଚ॒ ୟେ ଚ॒ ତପୋ॑ ଵା॒ୟୁମ॒ଗ୍ନିଗ୍​ମ୍ ସ॒ତ୍ୟ-ମ୍ପଞ୍ଚ॑ଦଶ)

ଅନୁଵାକଂ 8 - ଵୈଶ୍ଵସୃଜଚୟନମ୍
ସର୍ଵା॒-ନ୍ଦିଵ॒ଗ୍​ମ୍॒ ସର୍ଵା᳚-ନ୍ଦେ॒ଵା-ନ୍ଦି॒ଵି ।
ୟଚ୍ଚା॒ନ୍ତ ର୍ଭୂ॒ତ-ମ୍ପ୍ରତି॑ଷ୍ଠିତମ୍ ।
ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା । ଉପ॑ କାମ॒ଦୁଘା॑ ଦଧେ । ତେନର୍​ଷି॑ଣା॒ ତେନ॒ ବ୍ରହ୍ମ॑ଣା ।
ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵଦ-ଧ୍ରୁ॒ଵା ସୀ॑ଦ ॥ ୟାଵ॑ତୀ॒ ସ୍ତାର॑କା॒-ସ୍ସର୍ଵାଃ᳚ ।
ଵିତ॑ତା ରୋଚ॒ନେ ଦି॒ଵି । ସର୍ଵା॒ସ୍ତାଃ ॥ ଋଚୋ॒ ୟଜୂଗ୍​ମ୍॑ଷି॒ ସାମା॑ନି ॥ 46 ॥

ଅ॒ଥ॒ର୍ଵା॒ଙ୍ଗି॒ରସ॑ଶ୍ଚ॒ ୟେ । ସର୍ଵା॒ସ୍ତାଃ ॥ ଇ॒ତି॒ହା॒ସ॒ପୁ॒ରା॒ଣଞ୍ଚ॑ ।
ସ॒ର୍ପ॒ଦେ॒ଵ॒ଜ॒ନାଶ୍ଚ॒ ୟେ । ସର୍ଵା॒ସ୍ତାଃ ॥
ୟେ ଚ॑ ଲୋ॒କା ୟେ ଚା॑ଲୋ॒କାଃ ।
ଅ॒ନ୍ତ ର୍ଭୂ॒ତ-ମ୍ପ୍ରତି॑ଷ୍ଠିତମ୍ । ସର୍ଵା॒ସ୍ତାଃ ॥
ୟଚ୍ଚ॒ ବ୍ରହ୍ମ॒ ୟଚ୍ଚା᳚ବ୍ର॒ହ୍ମ ।
ଅ॒ନ୍ତ ର୍ବ୍ର॒ହ୍ମ-ନ୍ପ୍ରତି॑ଷ୍ଠିତମ୍ ॥ 47 ॥

ସର୍ଵା॒ସ୍ତାଃ ॥ ଅ॒ହୋ॒ରା॒ତ୍ରାଣି॒ ସର୍ଵା॑ଣି । ଅ॒ଦ୍ର୍ଧ॒ମା॒ସାଗ୍​ଶ୍ଚ॒ କେଵ॑ଲାନ୍ ।
ସର୍ଵା॒ସ୍ତାଃ ॥ ସର୍ଵା॑ନୃ॒ତୂନ୍-ଥ୍ସର୍ଵା᳚-ନ୍ମା॒ସାନ୍ । ସଂ॒​ଵଁ॒ଥ୍ସ॒ରଞ୍ଚ॒ କେଵ॑ଲମ୍ ।
ସର୍ଵା॒ସ୍ତାଃ ॥ ସର୍ଵ॒-ମ୍ଭୂତ॒ଗ୍​ମ୍॒ ସର୍ଵ॒-ମ୍ଭଵ୍ୟ᳚ମ୍ । ୟଚ୍ଚା॒ତୋ-ଽଧି॑ ଭଵି॒ଷ୍ୟତି॑ ।
ସର୍ଵା॒ସ୍ତା ଇଷ୍ଟ॑କାଃ କୃ॒ତ୍ଵା ।
ଉପ॑ କାମ॒ଦୁଘା॑ ଦଧେ ।
ତେନର୍​ଷି॑ଣା॒ ତେନ॒ ବ୍ରହ୍ମ॑ଣା ।
ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 48 ॥
(ସାମା॑ନି - ବ୍ର॒ହ୍ମ-ନ୍ପ୍ରତି॑ଷ୍ଠିତଂ - କୃ॒ତ୍ଵା ତ୍ରୀଣି॑ ଚ) (ଅ. 8)

(ଦିଵ॒-ନ୍ତାର॑କା॒ ଋଚ॑ ଇତିହାସପୁରା॒ଣ-ଞ୍ଚ॒ ୟେ ଚ॒ ୟଚ୍ଚା॑ହୋରା॒ତ୍ରାଣ୍ୟୃ॒ତୂ-ନ୍ଭୂତ॒-ନ୍ନଵ॑)

ଅନୁଵାକଂ 9 - ବ୍ରହ୍ମା ସଦସ୍ୟାସୀନୋ ଵୌଶ୍ଵସୃଜାନ୍ ଵ୍ୟାଚଷ୍ଟେ
ଋ॒ଚା-ମ୍ପ୍ରାଚୀ॑ ମହ॒ତୀ ଦିଗୁ॑ଚ୍ୟତେ ।
ଦକ୍ଷି॑ଣା-ମାହୁ॒ ର୍ୟଜୁ॑ଷାମପା॒ରାମ୍ ।
ଅଥ॑ର୍ଵଣା॒-ମଗ୍​ମ୍ଇ॑ରସା-ମ୍ପ୍ର॒ତୀଚୀ᳚ ।
ସାମ୍ନା॒-ମୁଦୀ॑ଚୀ ମହ॒ତୀ ଦିଗୁ॑ଚ୍ୟତେ ॥
ଋ॒ଗ୍ଭିଃ ପୂ᳚ର୍ଵା॒ହ୍ଣେ ଦି॒ଵି ଦେ॒ଵ ଈ॑ୟତେ ।
ୟ॒ଜୁ॒ର୍ଵେ॒ଦେ ତି॑ଷ୍ଠତି॒ ମଦ୍ଧ୍ୟେ॒ ଅହ୍ନଃ॑ ।
ସା॒ମ॒ଵେ॒ଦେ-ନା᳚ସ୍ତମ॒ୟେ ମହୀ॑ୟତେ ।
ଵେଦୈ॒-ରଶୂ᳚ନ୍ୟ-ସ୍ତ୍ରି॒ଭିରେ॑ତି॒ ସୂର୍ୟଃ॑ ॥

ଋ॒ଗ୍ଭ୍ୟୋ ଜା॒ତାଗ୍​ମ୍ ସ॑ର୍ଵ॒ଶୋ ମୂର୍ତି॑-ମାହୁଃ ।
ସର୍ଵା॒ ଗତି॑ ର୍ୟାଜୁ॒ଷୀ ହୈ॒ଵ ଶଶ୍ଵ॑ତ୍ ॥ 49 ॥

ସର୍ଵ॒-ନ୍ତେଜ॑ ସ୍ସାମରୂ॒ପ୍ୟଗ୍​ମ୍ ହ॑ ଶଶ୍ଵତ୍ । ସର୍ଵଗ୍​ମ୍॑ ହେ॒ଦ-ମ୍ବ୍ରହ୍ମ॑ଣା ହୈ॒ଵ ସୃ॒ଷ୍ଟମ୍ ॥
ଋ॒ଗ୍ଭ୍ୟୋ ଜା॒ତଂ-ଵୈଁଶ୍ୟଂ॒-ଵଁର୍ଣ॑-ମାହୁଃ । ୟ॒ଜୁ॒ର୍ଵେ॒ଦ-ଙ୍କ୍ଷ॑ତ୍ରି॒ୟସ୍ୟା॑-ହୁ॒ର୍ୟୋନି᳚ମ୍ ।
ସା॒ମ॒ଵେ॒ଦୋ ବ୍ରା᳚ହ୍ମ॒ଣାନା॒-ମ୍ପ୍ରସୂ॑ତିଃ ।
ପୂର୍ଵେ॒ ପୂର୍ଵେ᳚ଭ୍ୟୋ॒ ଵଚ॑ ଏ॒ତ-ଦୂ॑ଚୁଃ ॥
ଆ॒ଦ॒ର୍॒ଶ-ମ॒ଗ୍ନି-ଞ୍ଚି॑ନ୍ଵା॒ନାଃ ।
ପୂର୍ଵେ॑ ଵିଶ୍ଵ॒ ସୃଜୋ॒-ଽମୃତାଃ᳚ ।
ଶ॒ତଂ-ଵଁ॑ର୍​ଷ ସହ॒ସ୍ରାଣି॑ । ଦୀ॒କ୍ଷି॒ତା-ସ୍ସ॒ତ୍ର-ମା॑ସତ ॥ 50 ॥

ତପ॑ ଆସୀ-ଦ୍ଗୃ॒ହପ॑ତିଃ । ବ୍ରହ୍ମ॑ ବ୍ର॒ହ୍ମାଭ॑ଵ-ଥ୍ସ୍ଵ॒ୟମ୍ । ସ॒ତ୍ୟଗ୍​ମ୍ ହ॒ ହୋ ତୈ॑ଷା॒ମାସୀ᳚ତ୍ ।
ୟ-ଦ୍ଵି॑ଶ୍ଵ॒ସୃଜ॒ ଆସ॑ତ ॥
ଅ॒ମୃତ॑-ମେଭ୍ୟ॒ ଉଦ॑ଗାୟତ୍ ।
ସ॒ହସ୍ର॑-ମ୍ପରିଵଥ୍ସ॒ରାନ୍ ।
ଭୂ॒ତଗ୍​ମ୍ ହ॑ ପ୍ରସ୍ତୋ॒ ତୈଷା॒ମାସୀ᳚ତ୍ ।
ଭ॒ଵି॒ଷ୍ୟ-ତ୍ପ୍ରତି॑ ଚାହରତ୍ ॥
ପ୍ରା॒ଣୋ ଅ॑ଦ୍ଧ୍ଵ॒ର୍ୟୁ-ର॑ଭଵତ୍ ।
ଇ॒ଦଗ୍​ମ୍ ସର୍ଵ॒ଗ୍​ମ୍॒ ସିଷା॑ସତାମ୍ ॥ 51 ॥

ଅ॒ପା॒ନୋ ଵି॒ଦ୍ଵା-ନା॒ଵୃତଃ॑ । ପ୍ରତି॒ ପ୍ରାତି॑ଷ୍ଠ-ଦଦ୍ଧ୍ଵ॒ରେ ॥ ଆ॒ର୍ତ॒ଵା ଉ॑ପଗା॒ତାରଃ॑ । ସ॒ଦ॒ସ୍ୟା॑ ଋ॒ତଵୋ॑-ଽଭଵନ୍ନ୍ । ଅ॒ର୍ଧ॒ମା॒ସାଶ୍ଚ॒ ମାସା᳚ଶ୍ଚ । ଚ॒ମ॒ସା॒-ଦ୍ଧ୍ଵ॒ର୍ୟ॒ଵୋ-ଽଭ॑ଵନ୍ନ୍ ॥
ଅଶଗ୍​ମ୍॑ ସ॒-ଦ୍ବ୍ରହ୍ମ॑ଣ॒-ସ୍ତେଜଃ॑ ।
ଅ॒ଚ୍ଛା॒ଵା॒କୋ ଽଭ॑ଵ॒-ଦ୍ୟଶଃ॑ ।
ଋ॒ତ-ମେ॑ଷା-ମ୍ପ୍ରଶା॒ସ୍ତା-ଽଽସୀ᳚ତ୍ ।
ୟ-ଦ୍ଵି॑ଶ୍ଵ॒ ସୃଜ॒ ଆସ॑ତ ॥ 52 ॥

ଊର୍ଗ୍-ରାଜା॑ନ॒-ମୁଦ॑ଵହତ୍ । ଧ୍ରୁ॒ଵ॒ ଗୋ॒ପ-ସ୍ସହୋ॑-ଽଭଵତ୍ । ଓଜୋ॒-ଽଭ୍ୟ॑ଷ୍ଟୌ॒-ଦ୍ଗ୍ରାଵ୍.ଣ୍ଣଃ॑ ।
ୟ-ଦ୍ଵି॑ଶ୍ଵ॒ ସୃଜ॒ ଆସ॑ତ ॥
ଅପ॑ଚିତିଃ ପୋ॒ତ୍ରୀୟା॑-ମୟଜତ୍ । ନେ॒ଷ୍ଟ୍ରୀୟା॑-ମୟଜ॒-ତ୍ତ୍ଵିଷିଃ॑ । ଆଗ୍ନୀ᳚ଦ୍ଧ୍ରା-ଦ୍ଵି॒ଦୁଷୀ॑ ସ॒ତ୍ୟମ୍ । ଶ୍ର॒ଦ୍ଧା ହୈ॒ଵା ୟ॑ଜ-ଥ୍ସ୍ଵ॒ୟମ୍ ॥ ଇରା॒ ପତ୍ନୀ॑ ଵିଶ୍ଵ॒ ସୃଜା᳚ମ୍ । ଆକୂ॑ତି-ରପିନଡ୍ଢ॒ଵିଃ ॥ 53 ॥

ଇ॒ଦ୍ଧ୍ମଗ୍​ମ୍ ହ॒ କ୍ଷୁଚ୍ ଚୈ᳚ଭ୍ୟ ଉ॒ଗ୍ରେ । ତୃ॒ଷ୍ଣା ଚା ଵ॑ହତାମୁ॒ଭେ ॥ ଵାଗେ॑ଷାଗ୍​ମ୍ ସୁବ୍ରହ୍ମ॒ଣ୍ୟା-ଽଽସୀ᳚ତ୍ । ଛ॒ନ୍ଦୋ॒ ୟୋ॒ଗାନ୍. ଵି॑ଜାନ॒ତୀ ।
କ॒ଲ୍ପ॒ତ॒ନ୍ତ୍ରାଣି॑ ତନ୍ଵା॒ନା-ଽହଃ॑ । ସ॒ଗ୍ଗ୍॒ସ୍ଥାଶ୍ଚ॑ ସର୍ଵ॒ଶଃ ॥ ଅ॒ହୋ॒ରା॒ତ୍ରେ ପ॑ଶୁପା॒ଲ୍ୟୌ । ମୁ॒ହୂ॒ର୍ତାଃ ପ୍ରେ॒ଷ୍ୟା॑ ଅଭଵନ୍ନ୍ । ମୃ॒ତ୍ୟୁସ୍ ତଦ॑-ଭଵ-ଦ୍ଧା॒ତା । ଶ॒ମି॒ତୋ ଗ୍ରୋ ଵି॒ଶା-ମ୍ପତିଃ॑ ॥ 54 ॥

ଵି॒ଶ୍ଵ॒ସୃଜଃ॑ ପ୍ରଥ॒ମା-ସ୍ସ॒ତ୍ର-ମା॑ସତ । ସ॒ହସ୍ର॑ ସମ॒-ମ୍ପ୍ରସୁ॑ତେନ॒ ୟନ୍ତଃ॑ ।
ତତୋ॑ ହ ଜଜ୍ଞେ॒ ଭୁଵ॑ନସ୍ୟ ଗୋ॒ପାଃ । ହି॒ର॒ଣ୍ମୟ॑-ଶ୍ଶ॒କୁନି॒ ର୍ବ୍ରହ୍ମ॒ ନାମ॑ ॥ ୟେନ॒ ସୂର୍ୟ॒-ସ୍ତପ॑ତି॒ ତେଜ॑ସେ॒-ଦ୍ଧଃ । ପି॒ତା ପୁ॒ତ୍ରେଣ॑ ପିତୃ॒ମାନ୍. ୟୋନି॑ୟୋନୌ । ନାଵେ॑ଦଵି-ନ୍ମନୁତେ॒ ତ-ମ୍ବୃ॒ହନ୍ତ᳚ମ୍ । ସ॒ର୍ଵା॒ନୁ॒ଭୁ-ମା॒ତ୍ମାନଗ୍​ମ୍॑ ସମ୍ପରା॒ୟେ ॥
ଏ॒ଷ ନି॒ତ୍ୟୋ ମ॑ହି॒ମା ବ୍ରା᳚ହ୍ମ॒ଣସ୍ୟ॑ ।
ନ କର୍ମ॑ଣା ଵର୍ଧତେ॒ ନୋ କନୀ॑ୟାନ୍ ॥ 55 ॥

ତସ୍ୟୈ॒ଵାତ୍ମା ପ॑ଦ॒ଵିତ୍ତଂ-ଵିଁ॑ଦିତ୍ଵା ।
ନ କର୍ମ॑ଣା ଲିପ୍ୟତେ॒ ପାପ॑କେନ ॥
ପଞ୍ଚ॑ପଞ୍ଚା॒ଶତ॑-ସ୍ତ୍ରି॒ଵୃତ॑-ସ୍ସଂ​ଵଁଥ୍ସ॒ରାଃ ।
ପଞ୍ଚ॑ପଞ୍ଚା॒ଶତଃ॑ ପଞ୍ଚଦ॒ଶାଃ । ପଞ୍ଚ॑ପଞ୍ଚା॒ଶତ॑-ସ୍ସପ୍ତଦ॒ଶାଃ ।
ପଞ୍ଚ॑ପଞ୍ଚା॒ଶତ॑ ଏକଵି॒ଗ୍​ମ୍॒ଶାଃ ।
ଵି॒ଶ୍ଵ॒ସୃଜାଗ୍​ମ୍॑ ସ॒ହସ୍ର॑ ସଂ​ଵଁଥ୍ସରମ୍ ॥
ଏ॒ତେନ॒ ଵୈ ଵି॑ଶ୍ଵ॒ସୃଜ॑ ଇ॒ଦଂ-ଵିଁଶ୍ଵ॑-ମସୃଜନ୍ତ । ୟ-ଦ୍ଵିଶ୍ଵ॒-ମସୃ॑ଜନ୍ତ । ତସ୍ମା᳚-ଦ୍ଵିଶ୍ଵ॒ସୃଜଃ॑ ॥
ଵିଶ୍ଵ॑-ମେନା॒-ନନୁ॒ ପ୍ରଜା॑ୟତେ । ବ୍ରହ୍ମ॑ଣ॒-ସ୍ସାୟୁ॑ଜ୍ୟଗ୍​ମ୍ ସଲୋ॒କତାଂ᳚-ୟଁନ୍ତି ।
ଏ॒ତାସା॑ମେ॒ଵ ଦେ॒ଵତା॑ନା॒ଗ୍​ମ୍॒ ସାୟୁ॑ଜ୍ୟମ୍ । ସା॒ର୍​ଷ୍ଟିତାଗ୍​ମ୍॑ ସମାନ ଲୋ॒କତାଂ᳚-ୟଁନ୍ତି ।
ୟ ଏ॒ତ-ଦୁ॑ପ॒ୟନ୍ତି॑ । ୟେ ଚୈ॑ନ॒-ତ୍ପ୍ରାହୁଃ॑ ।
ୟେଭ୍ୟ॑-ଶ୍ଚୈନ॒-ତ୍ପ୍ରାହୁଃ॑ ॥
ଓମ୍ ॥ 56 ॥
(ଶଶ୍ଵ॑ - ଦାସତ॒ - ସିଷା॑ସତା॒ - ମାସ॑ତ - ହ॒ଵିଷ୍ - ପତିଃ॒ - କନୀ॑ୟା॒ନ୍ - ତସ୍ମା᳚-ଦ୍ଵିଶ୍ଵ॒ସୃଜୋ॒-ଽଷ୍ଟୌ ଚ॑) (ଅ. 9)

(ତୁଭ୍ୟଂ॑ - ଦେ॒ଵେଭ୍ୟ॒ - ସ୍ତପ॑ସା - ଦେ॒ଵେଭ୍ୟୋ॒ - ବ୍ରହ୍ମ॒ ଵୈ ଚତୁ॑ର୍​ହୋତାରୋ॒ - ୟଚ୍ଚା॒ମୃତ॒ଗ୍​ମ୍॒ - ସର୍ଵା॒ ଦିଶୋ॑ ଦି॒କ୍ଷୁ - ସର୍ଵା॒-ନ୍ଦିଵ॑ - ମୃ॒ଚା-ମ୍ପ୍ରାଚୀ॒ ନଵ॑)

(ତୁଭ୍ୟଂ॒ - ତପ॑ସା॒ - ତା ଵା ଏ॒ତାଃ ପଞ୍ଚ॒ - ହିର॑ଣ୍ୟ-ନ୍ଦଦାତି॒ - ସର୍ଵା॒ ଦିଶ॒ - ସ୍ତପ॑ ଆସୀଦ୍ଗୃ॒ହପ॑ତି॒-ଷ୍ଷଟ୍ପ॑ଞ୍ଚା॒ଶତ୍)
(ତୁଭ୍ୟ॒-ମୋଂ)

॥ ହରିଃ॑ ଓମ୍ ॥

॥ ତୈତ୍ତିରୀୟ ୟଜୁର୍ବ୍ରାହ୍ମଣେ କାଠକେ ତୃତୀୟ ପ୍ରଶ୍ନ-ସ୍ସମାପ୍ତଃ ॥

॥ ଇତି ତୈତ୍ତିରୀୟ ୟଜୁର୍ବ୍ରାହ୍ମଣେ କାଠକଂ ସମାପ୍ତମ୍ ॥