(শ্রীমদ্ভাগবতং 6.16.34-48)
চিত্রকেতুরুবাচ ।
অজিত জিতঃ সমমতিভিঃ সাধুভি-
র্ভবান্ জিতাত্মভির্ভবতা ।
বিজিতাস্তেঽপি চ ভজতামকামাত্মনাং
য আত্মদোঽতিকরুণঃ ॥ 34 ॥
তব বিভবঃ খলু ভগবন্
জগদুদযস্থিতিলয়াদীনি ।
বিশ্বসৃজস্তেংঽশাংশাস্তত্র
মৃষা স্পর্ধংতে পৃথগভিমত্য়া ॥ 35 ॥
পরমাণুপরমমহতোস্ত্ব-
মাদ্য়ংতাংতরবর্তী ত্রযবিধুরঃ ।
আদাবংতেঽপি চ সত্ত্বানাং
যদ্ধ্রুবং তদেবাংতরালেঽপি ॥ 36 ॥
ক্ষিত্য়াদিভিরেষ কিলাবৃতঃ
সপ্তভির্দশগুণোত্তরৈরংডকোশঃ ।
যত্র পতত্যণুকল্পঃ
সহাংডকোটিকোটিভিস্তদনংতঃ ॥ 37 ॥
বিষযতৃষো নরপশবো
য উপাসতে বিভূতীর্ন পরং ত্বাম্ ।
তেষামাশিষ ঈশ তদনু
বিনশ্য়ংতি যথা রাজকুলম্ ॥ 38 ॥
কামধিযস্ত্বয়ি রচিতা
ন পরম রোহংতি যথা করংভবীজানি ।
জ্ঞানাত্মন্যগুণময়ে
গুণগণতোঽস্য় দ্বংদ্বজালানি ॥ 39 ॥
জিতমজিত তদা ভবতা
যদাহ ভাগবতং ধর্মমনবদ্যম্ ।
নিষ্কিংচনা যে মুনয় আত্মারামা
যমুপাসতেঽপবর্গায় ॥ 40 ॥
বিষমমতির্ন যত্র নৃণাং
ত্বমহমিতি মম তবেতি চ যদন্যত্র ।
বিষমধিয়া রচিতো যঃ
স হ্যবিশুদ্ধঃ ক্ষয়িষ্ণুরধর্মবহুলঃ ॥ 41 ॥
কঃ ক্ষেমো নিজপরয়োঃ
কিয়ানর্থঃ স্বপরদ্রুহা ধর্মেণ ।
স্বদ্রোহাত্তব কোপঃ
পরসংপীডয়া চ তথাধর্মঃ ॥ 42 ॥
ন ব্যভিচরতি তবেক্ষা যয়া
হ্যভিহিতো ভাগবতো ধর্মঃ ।
স্থিরচরসত্ত্বকদংবেষ্বপৃথগ্ধিয়ো
যমুপাসতে ত্বার্য়াঃ ॥ 43 ॥
ন হি ভগবন্নঘটিতমিদং
ত্বদ্দর্শনান্নৃণামখিলপাপক্ষয়ঃ ।
যন্নাম সকৃচ্ছ্রবণাত্পুল্কসকোঽপি
বিমুচ্যতে সংসারাত্ ॥ 44 ॥
অথ ভগবন্ বযমধুনা
ত্বদবলোকপরিমৃষ্টাশযমলাঃ ।
সুরঋষিণা যদুদিতং তাবকেন
কথমন্যথা ভবতি ॥ 45 ॥
বিদিতমনংত সমস্তং তব
জগদাত্মনো জনৈরিহাচরিতম্ ।
বিজ্ঞাপ্য়ং পরমগুরোঃ কিযদিব
সবিতুরিব খদ্য়োতৈঃ ॥ 46 ॥
নমস্তুভ্য়ং ভগবতে সকলজগ-
ত্স্থিতিলয়োদয়েশায় ।
দুরবসিতাত্মগতয়ে
কুয়োগিনাং ভিদা পরমহংসায় ॥ 47 ॥
যং বৈ শ্বসংতমনু বিশ্বসৃজঃ শ্বসংতি
যং চেকিতানমনু চিত্তয় উচ্চকংতি ।
ভূমংডলং সর্ষপাযতি যস্য় মূর্ধ্নি
তস্মৈ নমো ভগবতেঽস্তু সহস্রমূর্ধ্নে ॥ 48 ॥
॥ ইতি শ্রীমদ্ভাগবতমহাপুরাণে ষষ্ঠস্কংধে ষোডশাধ্য়ায়াংতর্গতং চিত্রকেতুকৃতং অনংতস্তোত্রম্ ॥
