শ্রী গণেশায় নমঃ ।
অব্য়াদজোঽংঘ্রি মণিমাংস্তব জান্বথোরূ
যজ্ঞোঽচ্য়ুতঃ কটিতটং জঠরং হয়াস্য়ঃ ।
হৃত্কেশবস্ত্বদুর ঈশ ইনস্তু কংঠং
বিষ্ণুর্ভুজং মুখমুরুক্রম ঈশ্বরঃ কম্ ॥ 1 ॥
চক্র্যগ্রতঃ সহগদো হরিরস্তু পশ্চাত্
ত্বত্পার্শ্বয়োর্ধনুরসী মধুহাজনশ্চ ।
কোণেষু শংখ উরুগায় উপর্য়ুপেংদ্রস্
তার্ক্ষ্য়ঃ ক্ষিতৌ হলধরঃ পুরুষঃ সমংতাত্ ॥ 2 ॥
ইংদ্রিয়াণি হৃষীকেশঃ প্রাণান্নারাযণোঽবতু ।
শ্বেতদ্বীপপতিশ্চিত্তং মনো যোগেশ্বরোঽবতু ॥ 3 ॥
পৃশ্নিগর্ভস্তু তে বুদ্ধিমাত্মানং ভগবান্পরঃ ।
ক্রীডংতং পাতু গোবিংদঃ শয়ানং পাতু মাধবঃ ॥ 4 ॥
ব্রজংতমব্য়াদ্বৈকুংঠ আসীনং ত্বাং শ্রিয়ঃ পতিঃ ।
ভুংজানং যজ্ঞভুক্পাতু সর্বগ্রহভয়ংকরঃ ॥ 5 ॥
ডাকিন্য়ো যাতুধান্যশ্চ কুষ্মাংডা যেঽর্ভকগ্রহাঃ ।
ভূতপ্রেতপিশাচাশ্চ যক্ষরক্ষোবিনাযকাঃ ॥ 6 ॥
কোটরা রেবতী জ্য়েষ্ঠা পূতনা মাতৃকাদয়ঃ ।
উন্মাদা যে হ্যপস্মারা দেহপ্রাণেংদ্রিযদ্রুহঃ ॥ 7 ॥
স্বপ্নদৃষ্টা মহোত্পাতা বৃদ্ধবালগ্রহাশ্চ যে ।
সর্বে নশ্য়ংতু তে বিষ্ণোর্নামগ্রহণভীরবঃ ॥ 8 ॥
॥ ইতি শ্রীমদ্ভাগবতে দশমস্কংধে গোপীকৃতবালরক্ষা সমাপ্তা ॥
