জ্বর উবাচ ।
নমঃ কৃষ্ণায় হরয়ে বিষ্ণবে প্রভবিষ্ণবে ।
আদিদেবায় দেবায় পুরাণায় গদাভৃতে ॥ 1 ॥
নমঃ সহস্রশিরসে সহস্রচরণায় চ ।
সহস্রাক্ষ নমো নিত্য়ং লোকানামভয়ংকর ॥ 2 ॥
উদ্গীথায় নমো দেব যজ্ঞাধিপতয়ে নমঃ ।
নমস্তে চক্রিণে নিত্যমসিহস্তায় তে নমঃ ॥ 3 ॥
অনংতায় বিরূপায় নমস্তে মধুসূদন ।
নমস্তে দেবদেবেশ তুভ্য়ং দেব কপর্দিনে ॥ 4 ॥
নমস্তে রাক্ষসঘ্নায় নমো রাঘবরূপিণে ।
জ্ঞানজ্ঞেয়ায় দেবায় নম আদ্য়ায় বিষ্ণবে ॥ 5 ॥
নমস্তে নরসিংহায় দৈত্যরাজবিহারিণে ।
নমস্তুভ্য়ং বরাহায় দংষ্ট্রোদ্ধৃতবসুংধর ॥ 6 ॥
ত্রিবিক্রম নমস্তুভ্য়ং বলিযজ্ঞবিনাশন ।
বাসুদেবায় দেবায় নমঃ কংসবিনাশন ॥ 7 ॥
নমঃ সর্বাত্মনে দেব সর্বকর্ত্রে নমো নমঃ ।
প্রাসীদ দেবদেবেশ ভীতানামভয়ংকর ॥ 8 ॥
নমামি দেবদেবেশং বরেণ্যমভযপ্রদম্ ।
বিষ্ণো ত্বাং সকলেশেশ ত্বাং গদাধরমব্যযম্ ॥ 9 ॥
নমস্তে দেবদেবেশ ভীতোঽহং ভবনাশন ।
ইতি স্তুত্বা জগন্নাথং নৃত্যন্নিব তদা জ্বরঃ ॥ 10 ॥
পপাত পাদয়োর্বিষ্ণোর্নিঃশ্বসন্ ভীতভীতবত্ ।
প্রাসীদ বিষ্ণো দেবেশ পীডিতোঽস্মি জনার্দন ॥ 11 ॥
ইতি হরিবংশাংতর্গতং জ্বরকৃতং শ্রীকৃষ্ণস্তোত্রং সংপূর্ণম্ ।
হরিবংশ . অধ্য়ায় 111/7 . ।
