(𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑌂 6.16.34-4)
𑌚𑌿𑌤𑍍𑌰𑌕𑍇𑌤𑍁𑌰𑍁𑌵𑌾𑌚 ।
𑌅𑌜𑌿𑌤 𑌜𑌿𑌤𑌃 𑌸𑌮𑌮𑌤𑌿𑌭𑌿𑌃 𑌸𑌾𑌧𑍁𑌭𑌿-
𑌰𑍍𑌭𑌵𑌾𑌨𑍍 𑌜𑌿𑌤𑌾𑌤𑍍𑌮𑌭𑌿𑌰𑍍𑌭𑌵𑌤𑌾 ।
𑌵𑌿𑌜𑌿𑌤𑌾𑌸𑍍𑌤𑍇𑌽𑌪𑌿 𑌚 𑌭𑌜𑌤𑌾𑌮𑌕𑌾𑌮𑌾𑌤𑍍𑌮𑌨𑌾𑌂
𑌯 𑌆𑌤𑍍𑌮𑌦𑍋𑌽𑌤𑌿𑌕𑌰𑍁𑌣𑌃 ॥ 34 ॥
𑌤𑌵 𑌵𑌿𑌭𑌵𑌃 𑌖𑌲𑍁 𑌭𑌗𑌵𑌨𑍍
𑌜𑌗𑌦𑍁𑌦𑌯𑌸𑍍𑌥𑌿𑌤𑌿𑌲𑌯𑌾𑌦𑍀𑌨𑌿 ।
𑌵𑌿𑌶𑍍𑌵𑌸𑍃𑌜𑌸𑍍𑌤𑍇𑌂𑌽𑌶𑌾𑌂𑌶𑌾𑌸𑍍𑌤𑌤𑍍𑌰
𑌮𑍃𑌷𑌾 𑌸𑍍𑌪𑌰𑍍𑌧𑌂𑌤𑍇 𑌪𑍃𑌥𑌗𑌭𑌿𑌮𑌤𑍍𑌯𑌾 ॥ 35 ॥
𑌪𑌰𑌮𑌾𑌣𑍁𑌪𑌰𑌮𑌮𑌹𑌤𑍋𑌸𑍍𑌤𑍍𑌵-
𑌮𑌾𑌦𑍍𑌯𑌂𑌤𑌾𑌂𑌤𑌰𑌵𑌰𑍍𑌤𑍀 𑌤𑍍𑌰𑌯𑌵𑌿𑌧𑍁𑌰𑌃 ।
𑌆𑌦𑌾𑌵𑌂𑌤𑍇𑌽𑌪𑌿 𑌚 𑌸𑌤𑍍𑌤𑍍𑌵𑌾𑌨𑌾𑌂
𑌯𑌦𑍍𑌧𑍍𑌰𑍁𑌵𑌂 𑌤𑌦𑍇𑌵𑌾𑌂𑌤𑌰𑌾𑌲𑍇𑌽𑌪𑌿 ॥ 36 ॥
𑌕𑍍𑌷𑌿𑌤𑍍𑌯𑌾𑌦𑌿𑌭𑌿𑌰𑍇𑌷 𑌕𑌿𑌲𑌾𑌵𑍃𑌤𑌃
𑌸𑌪𑍍𑌤𑌭𑌿𑌰𑍍𑌦𑌶𑌗𑍁𑌣𑍋𑌤𑍍𑌤𑌰𑍈𑌰𑌂𑌡𑌕𑍋𑌶𑌃 ।
𑌯𑌤𑍍𑌰 𑌪𑌤𑌤𑍍𑌯𑌣𑍁𑌕𑌲𑍍𑌪𑌃
𑌸𑌹𑌾𑌂𑌡𑌕𑍋𑌟𑌿𑌕𑍋𑌟𑌿𑌭𑌿𑌸𑍍𑌤𑌦𑌨𑌂𑌤𑌃 ॥ 3 ॥
𑌵𑌿𑌷𑌯𑌤𑍃𑌷𑍋 𑌨𑌰𑌪𑌶𑌵𑍋
𑌯 𑌉𑌪𑌾𑌸𑌤𑍇 𑌵𑌿𑌭𑍂𑌤𑍀𑌰𑍍𑌨 𑌪𑌰𑌂 𑌤𑍍𑌵𑌾𑌮𑍍 ।
𑌤𑍇𑌷𑌾𑌮𑌾𑌶𑌿𑌷 𑌈𑌶 𑌤𑌦𑌨𑍁
𑌵𑌿𑌨𑌶𑍍𑌯𑌂𑌤𑌿 𑌯𑌥𑌾 𑌰𑌾𑌜𑌕𑍁𑌲𑌮𑍍 ॥ 3 ॥
𑌕𑌾𑌮𑌧𑌿𑌯𑌸𑍍𑌤𑍍𑌵𑌯𑌿 𑌰𑌚𑌿𑌤𑌾
𑌨 𑌪𑌰𑌮 𑌰𑍋𑌹𑌂𑌤𑌿 𑌯𑌥𑌾 𑌕𑌰𑌂𑌭𑌬𑍀𑌜𑌾𑌨𑌿 ।
𑌜𑍍𑌞𑌾𑌨𑌾𑌤𑍍𑌮𑌨𑍍𑌯𑌗𑍁𑌣𑌮𑌯𑍇
𑌗𑍁𑌣𑌗𑌣𑌤𑍋𑌽𑌸𑍍𑌯 𑌦𑍍𑌵𑌂𑌦𑍍𑌵𑌜𑌾𑌲𑌾𑌨𑌿 ॥ 3 ॥
𑌜𑌿𑌤𑌮𑌜𑌿𑌤 𑌤𑌦𑌾 𑌭𑌵𑌤𑌾
𑌯𑌦𑌾𑌹 𑌭𑌾𑌗𑌵𑌤𑌂 𑌧𑌰𑍍𑌮𑌮𑌨𑌵𑌦𑍍𑌯𑌮𑍍 ।
𑌨𑌿𑌷𑍍𑌕𑌿𑌂𑌚𑌨𑌾 𑌯𑍇 𑌮𑍁𑌨𑌯 𑌆𑌤𑍍𑌮𑌾𑌰𑌾𑌮𑌾
𑌯𑌮𑍁𑌪𑌾𑌸𑌤𑍇𑌽𑌪𑌵𑌰𑍍𑌗𑌾𑌯 ॥ 40 ॥
𑌵𑌿𑌷𑌮𑌮𑌤𑌿𑌰𑍍𑌨 𑌯𑌤𑍍𑌰 𑌨𑍃𑌣𑌾𑌂
𑌤𑍍𑌵𑌮𑌹𑌮𑌿𑌤𑌿 𑌮𑌮 𑌤𑌵𑍇𑌤𑌿 𑌚 𑌯𑌦𑌨𑍍𑌯𑌤𑍍𑌰 ।
𑌵𑌿𑌷𑌮𑌧𑌿𑌯𑌾 𑌰𑌚𑌿𑌤𑍋 𑌯𑌃
𑌸 𑌹𑍍𑌯𑌵𑌿𑌶𑍁𑌦𑍍𑌧𑌃 𑌕𑍍𑌷𑌯𑌿𑌷𑍍𑌣𑍁𑌰𑌧𑌰𑍍𑌮𑌬𑌹𑍁𑌲𑌃 ॥ 41 ॥
𑌕𑌃 𑌕𑍍𑌷𑍇𑌮𑍋 𑌨𑌿𑌜𑌪𑌰𑌯𑍋𑌃
𑌕𑌿𑌯𑌾𑌨𑌰𑍍𑌥𑌃 𑌸𑍍𑌵𑌪𑌰𑌦𑍍𑌰𑍁𑌹𑌾 𑌧𑌰𑍍𑌮𑍇𑌣 ।
𑌸𑍍𑌵𑌦𑍍𑌰𑍋𑌹𑌾𑌤𑍍𑌤𑌵 𑌕𑍋𑌪𑌃
𑌪𑌰𑌸𑌂𑌪𑍀𑌡𑌯𑌾 𑌚 𑌤𑌥𑌾𑌧𑌰𑍍𑌮𑌃 ॥ 42 ॥
𑌨 𑌵𑍍𑌯𑌭𑌿𑌚𑌰𑌤𑌿 𑌤𑌵𑍇𑌕𑍍𑌷𑌾 𑌯𑌯𑌾
𑌹𑍍𑌯𑌭𑌿𑌹𑌿𑌤𑍋 𑌭𑌾𑌗𑌵𑌤𑍋 𑌧𑌰𑍍𑌮𑌃 ।
𑌸𑍍𑌥𑌿𑌰𑌚𑌰𑌸𑌤𑍍𑌤𑍍𑌵𑌕𑌦𑌂𑌬𑍇𑌷𑍍𑌵𑌪𑍃𑌥𑌗𑍍𑌧𑌿𑌯𑍋
𑌯𑌮𑍁𑌪𑌾𑌸𑌤𑍇 𑌤𑍍𑌵𑌾𑌰𑍍𑌯𑌾𑌃 ॥ 43 ॥
𑌨 𑌹𑌿 𑌭𑌗𑌵𑌨𑍍𑌨𑌘𑌟𑌿𑌤𑌮𑌿𑌦𑌂
𑌤𑍍𑌵𑌦𑍍𑌦𑌰𑍍𑌶𑌨𑌾𑌨𑍍𑌨𑍃𑌣𑌾𑌮𑌖𑌿𑌲𑌪𑌾𑌪𑌕𑍍𑌷𑌯𑌃 ।
𑌯𑌨𑍍𑌨𑌾𑌮 𑌸𑌕𑍃𑌚𑍍𑌛𑍍𑌰𑌵𑌣𑌾𑌤𑍍𑌪𑍁𑌲𑍍𑌕𑌸𑌕𑍋𑌽𑌪𑌿
𑌵𑌿𑌮𑍁𑌚𑍍𑌯𑌤𑍇 𑌸𑌂𑌸𑌾𑌰𑌾𑌤𑍍 ॥ 44 ॥
𑌅𑌥 𑌭𑌗𑌵𑌨𑍍 𑌵𑌯𑌮𑌧𑍁𑌨𑌾
𑌤𑍍𑌵𑌦𑌵𑌲𑍋𑌕𑌪𑌰𑌿𑌮𑍃𑌷𑍍𑌟𑌾𑌶𑌯𑌮𑌲𑌾𑌃 ।
𑌸𑍁𑌰𑌋𑌷𑌿𑌣𑌾 𑌯𑌦𑍁𑌦𑌿𑌤𑌂 𑌤𑌾𑌵𑌕𑍇𑌨
𑌕𑌥𑌮𑌨𑍍𑌯𑌥𑌾 𑌭𑌵𑌤𑌿 ॥ 45 ॥
𑌵𑌿𑌦𑌿𑌤𑌮𑌨𑌂𑌤 𑌸𑌮𑌸𑍍𑌤𑌂 𑌤𑌵
𑌜𑌗𑌦𑌾𑌤𑍍𑌮𑌨𑍋 𑌜𑌨𑍈𑌰𑌿𑌹𑌾𑌚𑌰𑌿𑌤𑌮𑍍 ।
𑌵𑌿𑌜𑍍𑌞𑌾𑌪𑍍𑌯𑌂 𑌪𑌰𑌮𑌗𑍁𑌰𑍋𑌃 𑌕𑌿𑌯𑌦𑌿𑌵
𑌸𑌵𑌿𑌤𑍁𑌰𑌿𑌵 𑌖𑌦𑍍𑌯𑍋𑌤𑍈𑌃 ॥ 46 ॥
𑌨𑌮𑌸𑍍𑌤𑍁𑌭𑍍𑌯𑌂 𑌭𑌗𑌵𑌤𑍇 𑌸𑌕𑌲𑌜𑌗-
𑌤𑍍𑌸𑍍𑌥𑌿𑌤𑌿𑌲𑌯𑍋𑌦𑌯𑍇𑌶𑌾𑌯 ।
𑌦𑍁𑌰𑌵𑌸𑌿𑌤𑌾𑌤𑍍𑌮𑌗𑌤𑌯𑍇
𑌕𑍁𑌯𑍋𑌗𑌿𑌨𑌾𑌂 𑌭𑌿𑌦𑌾 𑌪𑌰𑌮𑌹𑌂𑌸𑌾𑌯 ॥ 4 ॥
𑌯𑌂 𑌵𑍈 𑌶𑍍𑌵𑌸𑌂𑌤𑌮𑌨𑍁 𑌵𑌿𑌶𑍍𑌵𑌸𑍃𑌜𑌃 𑌶𑍍𑌵𑌸𑌂𑌤𑌿
𑌯𑌂 𑌚𑍇𑌕𑌿𑌤𑌾𑌨𑌮𑌨𑍁 𑌚𑌿𑌤𑍍𑌤𑌯 𑌉𑌚𑍍𑌚𑌕𑌂𑌤𑌿 ।
𑌭𑍂𑌮𑌂𑌡𑌲𑌂 𑌸𑌰𑍍𑌷𑌪𑌾𑌯𑌤𑌿 𑌯𑌸𑍍𑌯 𑌮𑍂𑌰𑍍𑌧𑍍𑌨𑌿
𑌤𑌸𑍍𑌮𑍈 𑌨𑌮𑍋 𑌭𑌗𑌵𑌤𑍇𑌽𑌸𑍍𑌤𑍁 𑌸𑌹𑌸𑍍𑌰𑌮𑍂𑌰𑍍𑌧𑍍𑌨𑍇 ॥ 4 ॥
॥ 𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑌮𑌹𑌾𑌪𑍁𑌰𑌾𑌣𑍇 𑌷𑌷𑍍𑌠𑌸𑍍𑌕𑌂𑌧𑍇 𑌷𑍋𑌡𑌶𑌾𑌧𑍍𑌯𑌾𑌯𑌾𑌂𑌤𑌰𑍍𑌗𑌤𑌂 𑌚𑌿𑌤𑍍𑌰𑌕𑍇𑌤𑍁𑌕𑍃𑌤𑌂 𑌅𑌨𑌂𑌤𑌸𑍍𑌤𑍋𑌤𑍍𑌰𑌮𑍍 ॥
