(শ্রীমদ্ভাগবত মহাপুরাণে প্রথমস্কংধে অষ্টমাধ্য়ায়ঃ)
কুংত্য়ুবাচ ।
নমস্য়ে পুরুষং ত্বাদ্যমীশ্বরং প্রকৃতেঃ পরম্ ।
অলক্ষ্য়ং সর্বভূতানামংতর্বহিরবস্থিতম্ ॥ 18 ॥
মায়াজবনিকাচ্ছন্নমজ্ঞাধোক্ষজমব্যযম্ ।
ন লক্ষ্যসে মূঢদৃশা নটো নাট্যধরো যথা ॥ 19 ॥
তথা পরমহংসানাং মুনীনামমলাত্মনাম্ ।
ভক্তিয়োগবিধানার্থং কথং পশ্য়েম হি স্ত্রিয়ঃ ॥ 20 ॥
কৃষ্ণায় বাসুদেবায় দেবকীনংদনায় চ ।
নংদগোপকুমারায় গোবিংদায় নমো নমঃ ॥ 21 ॥
নমঃ পংকজনাভায় নমঃ পংকজমালিনে ।
নমঃ পংকজনেত্রায় নমস্তে পংকজাংঘ্রয়ে ॥ 22 ॥
যথা হৃষীকেশ খলেন দেবকী কংসেন রুদ্ধাতিচিরং শুচার্পিতা ।
বিমোচিতাহং চ সহাত্মজা বিভো ত্বয়ৈব নাথেন মুহুর্বিপদ্গণাত্ ॥ 23 ॥
বিষান্মহাগ্নেঃ পুরুষাদদর্শনাদসত্সভায়া বনবাসকৃচ্ছ্রতঃ ।
মৃধে মৃধেঽনেকমহাথাস্ত্রতো দ্রৌণ্যস্ত্রতশ্চাস্ম হরেঽভিরক্ষিতাঃ ॥ 24 ॥
বিপদঃ সংতু তাঃ শশ্বত্তত্র তত্র জগদ্গুরো ।
ভবতো দর্শনং যত্স্য়াদপুনর্ভবদর্শনম্ ॥ 25 ॥
জন্মৈশ্বর্যশ্রুতশ্রীভিরেধমানমদঃ পুমান্ ।
নৈবার্হত্যভিধাতুং বৈ ত্বামকিংচনগোচরম্ ॥ 26 ॥
নমোঽকিংচনবিত্তায় নিবৃত্তগুণবৃত্তয়ে ।
আত্মারামায় শাংতায় কৈবল্যপতয়ে নমঃ ॥ 27 ॥
মন্য়ে ত্বাং কালমীশানমনাদিনিধনং বিভুম্ ।
সমং চরংতং সর্বত্র ভূতানাং যন্মিথঃ কলিঃ ॥ 28 ॥
ন বেদ কশ্চিদ্ভগবংশ্চিকীর্ষিতং তবেহমানস্য় নৃণাং বিডংবনম্ ।
ন যস্য় কশ্চিদ্দয়িতোঽস্তি কর্হিচিদ্দ্বেষ্যশ্চ যস্মিন্বিষমা মতির্নৃণাম্ ॥ 29 ॥
জন্ম কর্ম চ বিশ্বাত্মন্নজস্য়াকর্তুরাত্মনঃ ।
তির্য়ংনৃষিষু যাদঃসু তদত্য়ংতবিডংবনম্ ॥ 30 ॥
গোপ্য়াদদে ত্বয়ি কৃতাগসি দাম তাবদ্য়াতে দশাশ্রুকলিলাংজনসংভ্রমাক্ষম্ ।
বক্ত্রং নিনীয় ভযভাবনয়া স্থিতস্য় সা মাং বিমোহযতি ভীরপি যদ্বিভেতি ॥ 31 ॥
কেচিদাহুরজং জাতং পুণ্যশ্লোকস্য় কীর্তয়ে ।
যদোঃ প্রিযস্য়ান্ববায়ে মলযস্য়েব চংদনম্ ॥ 32 ॥
অপরে বসুদেবস্য় দেবক্য়াং যাচিতোঽভ্যগাত্ ।
অজস্ত্বমস্য় ক্ষেমায় বধায় চ সুরদ্বিষাম্ ॥ 33 ॥
ভারাবতারণায়ান্য়ে ভুবো নাব ইবোদধৌ ।
সীদংত্য়া ভূরিভারেণ জাতো হ্য়াত্মভুবার্থিতঃ ॥ 34 ॥
ভবেস্মিন্ক্লিশ্যমানানামবিদ্য়াকামকর্মভিঃ ।
শ্রবণস্মরণার্হাণি করিষ্যন্নিতি কেচন ॥ 35 ॥
শৃণ্বংতি গায়ংতি গৃণংত্যভীক্ষ্ণশঃ স্মরংতি নংদংতি তবেহিতং জনাঃ ।
ত এব পশ্য়ংত্যচিরেণ তাবকং ভবপ্রবাহোপরমং পদাংবুজম্ ॥ 36 ॥
অপ্যদ্য় নস্ত্বং স্বকৃতেহিত প্রভো জিহাসসি স্বিত্সুহৃদোঽনুজীবিনঃ ।
যেষাং ন চান্যদ্ভবতঃ পদাংবুজাত্পরাযণং রাজসু যোজিতাংহসাম্ ॥ 37 ॥
কে বয়ং নামরূপাভ্য়াং যদুভিঃ সহ পাংডবাঃ ।
ভবতোঽদর্শনং যর্হি হৃষীকাণামিবেশিতুঃ ॥ 38 ॥
নেয়ং শোভিষ্যতে তত্র যথেদানীং গদাধর ।
ত্বত্পদৈরংকিতা ভাতি স্বলক্ষণবিলক্ষিতৈঃ ॥ 39 ॥
ইমে জনপদাঃ স্বৃদ্ধাঃ সুপক্বৌষধিবীরুধঃ ।
বনাদ্রিনদ্য়ুদন্বংতো হ্য়েধংতে তব বীক্ষিতৈঃ ॥ 40 ॥
অথ বিশ্বেশ বিশ্বাত্মন্বিশ্বমূর্তে স্বকেষু মে ।
স্নেহপাশমিমং ছিংধি দৃঢং পাংডুষু বৃষ্ণিষু ॥ 41 ॥
ত্বয়ি মেঽনন্যবিষয়া মতির্মধুপতেঽসকৃত্ ।
রতিমুদ্বহতাদদ্ধা গংগেবৌঘমুদন্বতি ॥ 42 ॥
শ্রীকৃষ্ণ কৃষ্ণসখ বৃষ্ণ্য়ৃষভাবনিদ্রুগ্রাজন্যবংশদহনানপবর্গবীর্য় ।
গোবিংদ গোদ্বিজসুরার্তিহরাবতার যোগেশ্বরাখিলগুরো ভগবন্নমস্তে ॥ 43 ॥
॥ ইতি শ্রীমদ্ভাগবতে মহাপুরাণে পারমহংস্য়াং সংহিতায়াং প্রথমস্কংধে অষ্টমেঽধ্য়ায়ে শ্রীকুংতীকৃতকৃষ্ণস্তুতিঃ সংপূর্ণা ॥
