ঋষিরুবাচ ।
জুষ্টং বতাদ্য়াখিলসত্ত্বরাশেঃ
সাংসিদঃধ্যমক্ষ্ণোস্তব দর্শনান্নঃ ।
যদ্দর্শনং জন্মভিরীড্য় সদ্ভি-
রাশাসতে যোগিনো রূঢয়োগাঃ ॥ 13 ॥
যে মাযয়া তে হতমেধসস্ত্ব-
ত্পাদারবিংদং ভবসিংধুপোতম্ ।
উপাসতে কামলবায় তেষাং
রাসীশ কামান্নিরয়েঽপি যে স্য়ুঃ ॥ 14 ॥
তথা স চাহং পরিবোঢুকামঃ
সমানশীলাং গৃহমেধধেনুম্ ।
উপেয়িবান্ মূলমশেষমূলং
দুরাশয়ঃ কামদুঘাংঘ্রিপস্য় ॥ 15 ॥
প্রজাপতেস্তে বচসাধীশ তংত্য়া
লোকঃ কিলায়ং কামহতোঽনুবদ্ধঃ ।
অহং চ লোকানুগতো বহামি
বলিং চ শুক্লানিমিষায় তুভ্যম্ ॥ 16 ॥
লোকাংশ্চ লোকানুগতান্ পশূংশ্চ
হিত্বা শ্রিতাস্তে চরণাতপত্রম্ ।
পরস্পরং ত্বদ্গুণবাদসীধু-
পীয়ূষনির্য়াপিতদেহধর্মাঃ ॥ 17 ॥
ন তেঽজরাক্ষভ্রমিরায়ুরেষাং
ত্রয়োদশারং ত্রিশতং ষষ্টিপর্ব ।
ষণ্নেম্যনংতচ্ছদি যত্ত্রিণাভি-
করালস্রোতো জগদাচ্ছিদ্য় ধাবত্ ॥ 18 ॥
একঃ স্বয়ং সন্ জগতঃ সিসৃক্ষয়া
দ্বিতীযয়াঽত্মন্নধিয়োগমাযয়া ।
সৃজস্যদঃ পাসি পুনর্গ্রসিষ্যসে
যথোর্ণনাভির্ভগবন্ স্বশক্তিভিঃ ॥ 19 ॥
নৈতদ্বতাধীশ পদং তবেপ্সিতং
যন্মাযয়া নস্তনুষে ভূতসূক্ষ্মম্ ।
অনুগ্রহায়াস্ত্বপি যর্হি মাযয়া
লসত্তুলস্য়া তনুবা বিলক্ষিতঃ ॥ 20 ॥
তং ত্বানুভূত্য়োপরতক্রিয়ার্থং
স্বমাযয়া বর্তিতলোকতংত্রম্ ।
নমাম্যভীক্ষ্ণং নমনীযপাদ-
সরোজমল্পীযসি কামবর্ষম্ ॥ 21 ॥
ইতি শ্রীমদ্ভাগবতমহাপুরাণে তৃতীযস্কংধে একবিংশাধ্য়ায়াংতর্গতং
কর্দমর্ষিকৃতং বিষ্ণুস্তোত্রং সমাপ্তম্ ।
ভাগবতপুরাণ . অধ্য়ায় 3/21/13-21 . ।
