ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ನವಮಃ ಪ್ರಪಾಠಕಃ - ಅಷ್ಟಾದಶಿನಾ-ಮ್ಪಶೂನಾ-ಮ್ಪ್ರಯೋಗಃ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

(ಅಶ್ವಮೇಧಸ್ಯ ದ್ವಿತೀಯ-ತೃತೀಯಾ ಹರ್ವಿಧಾನಂ)

ಅನುವಾಕಂ 1 - ಅಷ್ಟಾದಶಿನಾ-ಙ್ಗ್ರಾಭ್ಯಾಣಾಂ ಆರಣ್ಯಾನಾ-ಞ್ಚ ಪಶೂನಾ-ಮ್ಪ್ರಯೋಗಃ
ಪ್ರ॒ಜಾಪ॑ತಿ-ರಶ್ವಮೇ॒ಧಮ॑ಸೃಜತ । ಸೋ᳚-ಽಸ್ಮಾಥ್ಸೃ॒ಷ್ಟೋ-ಽಪಾ᳚ಕ್ರಾಮತ್ ।
ತಮ॑ಷ್ಟಾದ॒ಶಿಭಿ॒ರನು॒ ಪ್ರಾಯು॑ಙ್ಕ್ತ । ತಮಾ᳚ಪ್ನೋತ್ । ತಮಾ॒ಪ್ತ್ವಾ ಽಷ್ಟಾ॑ದ॒ಶಿಭಿ॒ರವಾ॑ರುನ್ಧ ।
ಯದ॑ಷ್ಟಾದ॒ಶಿನ॑ ಆಲ॒ಭ್ಯನ್ತೇ᳚ । ಯ॒ಜ್ಞಮೇ॒ವ ತೈರಾ॒ಪ್ತ್ವಾ ಯಜ॑ಮಾ॒ನೋ-ಽವ॑ರುನ್ಧೇ ॥
ಸಂ॒​ವಁ॒ಥ್ಸ॒ರಸ್ಯ॒ ವಾ ಏ॒ಷಾ ಪ್ರ॑ತಿ॒ಮಾ । ಯದ॑ಷ್ಟಾದ॒ಶಿನಃ॑ ।
ದ್ವಾದ॑ಶ॒ ಮಾಸಾಃ॒ ಪಞ್ಚ॒ರ್ತವಃ॑ ॥ 1 ॥

ಸಂ॒​ವಁ॒ಥ್ಸ॒ರೋ᳚-ಽಷ್ಟಾದ॒ಶಃ । ಯದ॑ಷ್ಟಾದ॒ಶಿನ॑ ಆಲ॒ಭ್ಯನ್ತೇ॑ ।
ಸಂ॒​ವಁ॒ಥ್ಸ॒ರಮೇ॒ವ ತೈರಾ॒ಪ್ತ್ವಾ
ಯಜಮಾ॒ನೋ-ಽವ॑ರುನ್ಧೇ ॥
ಅ॒ಗ್ನಿ॒ಷ್ಠೇ᳚ ಽನ್ಯಾ-ನ್ಪ॒ಶೂನು॑ಪಾ-ಕ॒ರೋತಿ॑ ।
ಇತ॑ರೇಷು॒ ಯೂಪೇ᳚ಷ್ವಷ್ಟಾದ॒ಶಿನೋ-ಽಜಾ॑ಮಿತ್ವಾಯ ॥
ನವ॑ ನ॒ವಾಲ॑ಭ್ಯನ್ತೇ ಸವೀರ್ಯ॒ತ್ವಾಯ॑ ॥ ಯದಾ॑ರ॒ಣ್ಯೈ-ಸ್ಸಗ್ಗ್॑ ಸ್ಥಾ॒ಪಯೇ᳚ತ್ । ವ್ಯವ॑ಸ್ಯೇತಾ-ಮ್ಪಿತಾ ಪು॒ತ್ರೌ । ವ್ಯದ್ಧ್ವಾ॑ನಃ ಕ್ರಾಮೇಯುಃ ।
ವಿದೂ॑ರ॒-ಙ್ಗ್ರಾಮ॑ಯೋ ರ್ಗ್ರಾಮಾ॒ನ್ತೌ ಸ್ಯಾ॑ತಾಮ್ ॥ 2 ॥

ಋ॒ಖ್ಷೀಕಾಃ᳚ ಪುರುಷವ್ಯಾ॒ಘ್ರಾಃ ಪ॑ರಿಮೋ॒ಷಿಣ॑ ಆವ್ಯಾ॒ಧಿನೀ॒-ಸ್ತಸ್ಕ॑ರಾ॒ ಅರ॑ಣ್ಯೇ॒ಷ್ವಾ-ಜಾ॑ಯೇರನ್ನ್ ॥
ತದಾ॑ಹುಃ । ಅಪ॑ಶವೋ॒ ವಾ ಏ॒ತೇ । ಯದಾ॑ರ॒ಣ್ಯಾಃ ।
ಯದಾ॑ರ॒ಣ್ಯೈ-ಸ್ಸಗ್ಗ್॑ಸ್ಥಾ॒ಪಯೇ᳚ತ । ಖ್ಷಿ॒ಪ್ರೇ ಯಜ॑ಮಾನ॒-ಮರ॑ಣ್ಯ-ಮ್ಮೃ॒ತಗ್ಂ ಹ॑ರೇಯುಃ ।
ಅರ॑ಣ್ಯಾಯತನಾ॒ ಹ್ಯಾ॑ರ॒ಣ್ಯಾಃ ಪ॒ಶವ॒ ಇತಿ॑ । ಯತ್ಪ॒ಶೂನ್ನಾಲಭೇ॑ತ । ಅನ॑ವರುದ್ಧಾ ಅಸ್ಯ ಪ॒ಶವ॑-ಸ್ಸ್ಯುಃ । ಯತ್ಪರ್ಯ॑ಗ್ನಿ-ಕೃತಾನುಥ್ಸೃ॒ಜೇತ್ ॥ 3 ॥

ಯ॒ಜ್ಞ॒ವೇ॒ಶ॒ಸ-ಙ್ಕು॑ರ್ಯಾತ್ ॥ ಯತ್ಪ॒ಶೂನಾ॒ಲಭ॑ತೇ । ತೇನೈ॒ವ ಪ॒ಶೂನವ॑ರುನ್ಧೇ ।
ಯತ್ಪರ್ಯ॑ಗ್ನಿ-ಕೃತಾನುಥ್ಸೃ॒ಜತ್ಯ-ಯ॑ಜ್ಞವೇಶಸಾಯ ।
ಅವ॑ರುದ್ಧಾ ಅಸ್ಯ ಪ॒ಶವೋ॒ ಭವ॑ನ್ತಿ ।
ನ ಯ॑ಜ್ಞವೇಶ॒ ಸಮ್ಭ॑ವತಿ ।
ನ ಯಜ॑ಮಾನ॒-ಮರ॑ಣ್ಯ-ಮ್ಮೃ॒ತಗ್ಂ ಹ॑ರನ್ತಿ ॥
ಗ್ರಾ॒ಮ್ಯೈ-ಸ್ಸಗ್ಗ್​ಸ್ಥಾ॑ಪಯತಿ । ಏ॒ತೇ ವೈ ಪ॒ಶವಃ॒, ಖ್ಷೇಮೋ॒ ನಾಮ॑ । ಸ-ಮ್ಪಿ॑ತಾ ಪು॒ತ್ರಾವ ವ॑ಸ್ಯತಃ । ಸಮದ್ಧ್ವಾ॑ನಃ ಕ್ರಾಮನ್ತಿ ।
ಸ॒ಮ॒ನ್ತಿ॒ಕ-ಙ್ಗ್ರಾಮ॑ಯೋ-ರ್ಗ್ರಾಮಾ॒ನ್ತೌ ಭ॑ವತಃ ।
ನರ್ಖ್ಷೀಕಾಃ᳚ ಪುರುಷವ್ಯಾ॒ಘ್ರಾಃ ಪ॑ರಿಮೋ॒ಷಿಣ॑ ಆವ್ಯಾ॒ಧಿನೀ॒-ಸ್ತಸ್ಕ॑ರಾ॒ ಅರ॑ಣ್ಯೇ॒ಷ್ವಾ ಜಾ॑ಯನ್ತೇ ॥ 4 ॥
(ಋ॒ತವಃ॑ - ಸ್ಯಾತಾ - ಮುಥ್ಸೃ॒ಜೇಥ್ - ಸ್ಯ॑ತ॒ಸ್ತ್ರೀಣಿ॑ ಚ)(ಆ1)

ಅನುವಾಕಂ 2 - ಚಾತುರ್ಮಾಸ್ಯಪಶೂನಾ-ಮ್ಪ್ರಯೋಗಃ
ಪ್ರ॒ಜಾಪ॑ತಿರ-ಕಾಮಯತೋ॒ಭೌ ಲೋ॒ಕಾವ-ವ॑ರುನ್ಧೀ॒ಯೇತಿ॑ ।
ಸ ಏ॒ತಾನು॒ಭಯಾ᳚-ನ್ಪ॒ಶೂನ॑ ಪಶ್ಯತ್ । ಗ್ರಾ॒ಮ್ಯಾಗ್​ಶ್ಚಾ॑-ರ॒ಣ್ಯಾಗ್​ಶ್ಚ॑ । ತಾನಾಲ॑ಭತ ।
ತೈರ್ವೈ ಸ ಉ॒ಭೌ ಲೋ॒ಕಾವ ವಾ॑ರುನ್ಧ । ಗ್ರಾ॒ಮ್ಯೈರೇ॒ವ ಪ॒ಶುಭಿ॑ರಿ॒ಮಂ-ಲೋಁ॒ಕಮ ವಾ॑ರುನ್ಧ ।
ಆ॒ರ॒ಣ್ಯೈರ॒ಮುಮ್ । ಯದ್ಗ್ರಾ॒ಮ್ಯಾ-ನ್ಪ॒ಶೂನಾ॒ಲಭ॑ತೇ ।
ಇ॒ಮಮೇ॒ವ ತೈರ್ಲೋ॒ಕಮವ॑ರುನ್ಧೇ । ಯದಾ॑ರ॒ಣ್ಯಾನ್ ॥ 5 ॥

ಅ॒ಮು-ನ್ತೈಃ ॥ ಅನ॑ವರುದ್ಧೋ॒ ವಾ ಏ॒ತಸ್ಯ॑ ಸಂ​ವಁಥ್ಸ॒ರ ಇತ್ಯಾ॑ಹುಃ । ಯ ಇ॒ತ ಇ॒ತಶ್ಚಾತುರ್ಮಾ॒ಸ್ಯಾನಿ॑ ಸಂ॒​ವಁಥ್ಸ॒ರ-ಮ್ಪ್ರ॑ಯು॒ಙ್ಕ್ತ ಇತಿ॑ ।
ಏ॒ತಾವಾ॒ನ್॒. ವೈ ಸಂ॑​ವಁಥ್ಸ॒ರಃ । ಯಚ್ಚಾ॑ತುರ್ಮಾ॒ಸ್ಯಾನಿ॑ । ಯದೇ॒ತೇ ಚಾತು॑ರ್ಮಾ॒ಸ್ಯಾಃ ಪ॒ಶವ॑ ಆಲ॒ಭ್ಯನ್ತೇ᳚ । ಪ್ರ॒ತ್ಯಖ್ಷ॑ಮೇ॒ವ ತೈ-ಸ್ಸಂ॑​ವಁಥ್ಸ॒ರಂ-ಯಁಜ॑ಮಾ॒ನೋ-ಽವ॑ರುನ್ಧೇ । ॥
ವಿ ವಾ ಏ॒ಷ ಪ್ರ॒ಜಯಾ॑ ಪ॒ಶುಭಿ॑ರ್-ಋದ್ಧ್ಯತೇ ।
ಯ-ಸ್ಸಂ॑​ವಁಥ್ಸ॒ರ-ಮ್ಪ್ರ॑ಯು॒ಙ್ಕ್ತೇ । ಸಂ॒​ವಁ॒ಥ್ಸ॒ರ-ಸ್ಸು॑ವ॒ರ್ಗೋ ಲೋ॒ಕಃ ॥ 6 ॥

ಸು॒ವ॒ರ್ಗ-ನ್ತು ಲೋ॒ಕ-ನ್ನಾಪ॑ರಾದ್ಧ್ನೋತಿ ।
ಪ್ರ॒ಜಾ ವೈ ಪ॒ಶವ॑ ಏಕಾದ॒ಶಿನೀ᳚ ।
ಯದೇ॒ತ ಐ॑ಕಾದಶಿ॒ನಾಃ ಪ॒ಶವ॑ ಆಲ॒ಭ್ಯನ್ತೇ᳚ ।
ಸಾ॒ಖ್ಷಾದೇ॒ವ ಪ್ರ॒ಜಾ-ಮ್ಪ॒ಶೂನ್. ಯಜ॑ಮಾ॒ನೋ-ಽವ॑ರುನ್ಧೇ ॥ ಪ್ರ॒ಜಾಪ॑ತಿ-ರ್ವಿ॒ರಾಜ॑ಮಸೃಜತ ।
ಸಾ ಸೃ॒ಷ್ಟಾ-ಽಶ್ವ॑ಮೇ॒ಧ-ಮ್ಪ್ರಾವಿ॑ಶತ್ ।
ತಾ-ನ್ದ॒ಶಿಭಿ॒ರನು॒ ಪ್ರಾಯು॑ಙ್ಕ್ತ । ತಾಮಾ᳚ಪ್ನೋತ್ ।
ತಾಮಾ॒ಪ್ತ್ವಾ ದ॒ಶಿಭಿ॒ರವಾ॑ರುನ್ಧ । ಯದ್ದ॒ಶಿನ॑ ಆಲ॒ಭ್ಯನ್ತೇ᳚ ॥ 7 ॥

ವಿ॒ರಾಜ॑ಮೇ॒ವ ತೈರಾ॒ಪ್ತ್ವಾ ಯಜ॑ಮಾ॒ನೋ-ಽವ॑ರುನ್ಧೇ ॥
ಏಕಾ॑ದಶ ದ॒ಶತ॒ ಆಲ॑ಭ್ಯನ್ತೇ । ಏಕಾ॑ದಶಾಖ್ಷರಾ ತ್ರಿ॒ಷ್ಟುಪ್ । ತ್ರೈಷ್ಟು॑ಭಾಃ ಪ॒ಶವಃ॑ । ಪ॒ಶೂನೇ॒ವಾವ॑ರುನ್ಧೇ ॥ ವೈ॒ಶ್ವ॒ದೇ॒ವೋ ವಾ ಅಶ್ವಃ॑। ನಾ॒ನಾ॒ದೇ॒ವ॒ತ್ಯಾಃ᳚ ಪ॒ಶವೋ॑ ಭವನ್ತಿ ।
ಅಶ್ವ॑ಸ್ಯ ಸರ್ವ॒ತ್ವಾಯ॑ । ನಾನಾ॑ರೂಪಾ ಭವನ್ತಿ । ತಸ್ಮಾ॒ನ್ನಾನಾ॑ರೂಪಾಃ ಪ॒ಶವಃ॑( ) ।
ಬ॒ಹು॒ರೂ॒ಪಾ ಭ॑ವನ್ತಿ । ತಸ್ಮಾ᳚-ದ್ಬಹುರೂ॒ಪಾಃ ಪ॒ಶವ॒-ಸ್ಸಮೃ॑ದ್ಧ್ಯೈ ॥ 8 ॥
(ಆ॒ರ॒ಣ್ಯಾನ್-ಁಲೋ॒ಕೋ-ದ॒ಶಿನ॑ ಆಲ॒ಭ್ಯನ್ತೇ॒-ನಾನಾ॑ರೂಪಾಃ ಪ॒ಶವೋ॒ ದ್ವೇ ಚ॑) (ಅ. 2)

ಅನುವಾಕಂ 3 - ರೋಹಿತಾದೀನಾ-ಮ್ಪಶೂನಾಂ-ವಁಪಾಹೋಮಸಾಹಿತ್ಯಂ
ಅ॒ಸ್ಮೈ ವೈ ಲೋ॒ಕಾಯ॑ ಗ್ರಾ॒ಮ್ಯಾಃ ಪ॒ಶವ॒ ಆಲ॑ಭ್ಯನ್ತೇ । ಅ॒ಮುಷ್ಮಾ॑ ಆರ॒ಣ್ಯಾಃ । ಯದ್ಗ್ರಾ॒ಮ್ಯಾ-ನ್ಪ॒ಶೂನಾ॒ಲಭ॑ತೇ । ಇ॒ಮಮೇ॒ವ ತೈರ್ಲೋ॒ಕಮವ॑ರುನ್ಧೇ । ಯದಾ॑ರ॒ಣ್ಯಾನ್ । ಅ॒ಮು-ನ್ತೈಃ । ಉ॒ಭಯಾ᳚-ನ್ಪ॒ಶೂನಾಲ॑ಭತೇ । ಗ್ರಾ॒ಮ್ಯಾಗ್​ಶ್ಚಾ॑-ರ॒ಣ್ಯಾಗ್​ಶ್ಚ॑ ।
ಉ॒ಭಯೋ᳚-ರ್ಲೋ॒ಕಯೋ॒ರ ವ॑ರುದ್ಧ್ಯೈ । ಉ॒ಭಯಾ᳚-ನ್ಪ॒ಶೂನಾಲ॑ಭತೇ ॥ 9 ॥

ಗ್ರಾ॒ಮ್ಯಾಗ್​ಶ್ಚಾ॑-ರ॒ಣ್ಯಾಗ್​ಶ್ಚ॑ । ಉ॒ಭಯ॑ಸ್ಯಾ॒-ನ್ನಾದ್ಯ॒ಸ್ಯಾ-ವ॑ರುದ್ಧ್ಯೈ । ಉಭಯಾ᳚-ನ್ಪ॒ಶೂನಾಲಭತೇ । ಗ್ರಾಮ್ಯಾಗ್​ಶ್ಚಾ॑ರ॒ಣ್ಯಾಗ್​ಶ್ಚ॑ ।
ಉ॒ಭಯೇ॑ಷಾ-ಮ್ಪಶೂ॒ನಾಮವ॑ರುದ್ಧ್ಯೈ ॥
ತ್ರಯ॑ಸ್ತ್ರಯೋ ಭವನ್ತಿ । ತ್ರಯ॑ ಇ॒ಮೇ ಲೋ॒ಕಾಃ ।
ಏ॒ಷಾಂ-ಲೋಁ॒ಕಾನಾ॒ಮಾಪ್ತ್ಯೈ᳚ ॥ ಬ್ರ॒ಹ್ಮ॒ವಾ॒ದಿನೋ॑ ವದನ್ತಿ । ಕಸ್ಮಾ᳚ಥ್ಸ॒ತ್ಯಾತ್ ॥ 10 ॥

ಅ॒ಸ್ಮಿನ್ ಁಲೋ॒ಕೇ ಬ॒ಹವಃ॒ ಕಾಮಾ॒ ಇತಿ॑ ।
ಯಥ್ಸ॑ಮಾ॒ನೀಭ್ಯೋ॑ ದೇ॒ವತಾ᳚ಭ್ಯೋ॒-ಽನ್ಯೇ᳚-ಽನ್ಯೇ ಪ॒ಶವ॑ ಆಲ॒ಭ್ಯನ್ತೇ᳚ । ಅ॒ಸ್ಮಿನ್ನೇ॒ವ ತಲ್ಲೋ॒ಕೇ ಕಾಮಾ᳚ನ್ದಧಾತಿ । ತಸ್ಮಾ॑ದ॒ಸ್ಮಿನ್-ಁಲೋ॒ಕೇ ಬ॒ಹವಃ॒ ಕಾಮಾಃ᳚ ॥ ತ್ರ॒ಯಾ॒ಣಾ-ನ್ತ್ರ॑ಯಾಣಾಗ್ಂ ಸ॒ಹ ವ॒ಪಾ ಜು॑ಹೋತಿ । ತ್ರ್ಯಾ॑ವೃತೋ॒ ವೈ ದೇ॒ವಾಃ ।
ತ್ರ್ಯಾ॑ವೃತ ಇ॒ಮೇ ಲೋ॒ಕಾಃ । ಏ॒ಷಾಂ-ಲೋಁ॒ಕಾನಾ॒ಮಾಪ್ತ್ಯೈ᳚ । ಏ॒ಷಾಂ-ಲೋಁ॒ಕಾನಾ॒-ಙ್ಕ್ಲೃಪ್ತ್ಯೈ᳚ ॥ ಪರ್ಯ॑ಗ್ನಿ-ಕೃತಾ-ನಾರ॒ಣ್ಯಾ-ನುಥ್ಸೃ॑ಜ॒ನ್ತ್ಯಹಿಗ್ಂ॑ಸಾಯೈ ॥ 11 ॥
(ಅವ॑ರುದ್ಧ್ಯಾ ಉ॒ಭಯಾ᳚-ನ್ಪ॒ಶೂನಾಲ॑ಭತೇ - ಸ॒ತ್ಯಾ - ದಹಿಗ್ಂ॑ಸಾಯೈ)(ಆ3)

ಅನುವಾಕಂ 4 - ಅಶ್ವಸ್ಯ ರಥಯೋಜನಾಲಙ್ಕಾರಾದಯಃ
ಯು॒ಞ್ಜನ್ತಿ॑ ಬ್ರ॒ದ್ಧ್ನಮಿತ್ಯಾ॑ಹ । ಅ॒ಸೌ ವಾ ಆ॑ದಿ॒ತ್ಯೋ ಬ್ರ॒ದ್ಧ್ನಃ । ಆ॒ದಿ॒ತ್ಯ-ಮೇ॒ವಾಸ್ಮೈ॑ ಯುನಕ್ತಿ । ಅ॒ರು॒ಷಮಿತ್ಯಾ॑ಹ । ಅ॒ಗ್ನಿರ್ವಾ ಅ॑ರು॒ಷಃ ।
ಅ॒ಗ್ನಿಮೇ॒ವಾಸ್ಮೈ॑ ಯುನಕ್ತಿ । ಚರ॑ನ್ತ॒ಮಿತ್ಯಾ॑ಹ । ವಾ॒ಯುರ್ವೈ ಚರನ್ನ್॑ । ವಾ॒ಯುಮೇ॒ವಾಸ್ಮೈ॑ ಯುನಕ್ತಿ । ಪರಿ॑ತ॒ಸ್ಥುಷ॒ ಇತ್ಯಾ॑ಹ ॥ 12 ॥

ಇ॒ಮೇ ವೈ ಲೋ॒ಕಾಃ ಪರಿ॑ತ॒ಸ್ಥುಷಃ॑ । ಇ॒ಮನೇ॒ವಾಸ್ಮೈ॑ ಲೋ॒ಕಾನ್. ಯು॑ನಕ್ತಿ ॥ ರೋಚ॑ನ್ತೇ ರೋಚ॒ನಾ ದಿ॒ವೀತ್ಯಾ॑ಹ । ನಖ್ಷ॑ತ್ರಾಣಿ॒ ವೈ ರೋ॑ಚ॒ನಾ ದಿ॒ವಿ ।
ನಖ್ಷ॑ತ್ರಾಣ್ಯೇ॒ವಾಸ್ಮೈ॑ ರೋಚಯತಿ ॥ ಯು॒ಞ್ಜನ್ತ್ಯ॑ಸ್ಯ॒ ಕಾಮ್ಯೇತ್ಯಾ॑ಹ । ಕಾಮಾ॑ನೇ॒ವಾಸ್ಮೈ॑ ಯುನಕ್ತಿ ॥ ಹರೀ॒ ವಿಪ॑ಖ್ಷ॒ಸೇತ್ಯಾ॑ಹ ।
ಇ॒ಮೇ ವೈ ಹರೀ॒ ವಿಪ॑ಖ್ಷಸಾ । ಇ॒ಮೇ ಏ॒ವಾಸ್ಮೈ॑ ಯುನಕ್ತಿ ॥ 13 ॥

ಶೋಣಾ॑ ಧೃ॒ಷ್ಣೂ ನೃ॒ವಾಹ॒ಸೇತ್ಯಾ॑ಹ । ಅ॒ಹೋ॒ರಾ॒ತ್ರೇ ವೈ ನೃ॒ವಾಹ॑ಸಾ । ಅ॒ಹೋ॒ರಾ॒ತ್ರೇ ಏ॒ವಾಸ್ಮೈ॑ ಯುನಕ್ತಿ ॥ ಏ॒ತಾ ಏ॒ವಾಸ್ಮೈ॑ ದೇ॒ವತಾ॑ ಯುನಕ್ತಿ ।
ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ ॥
ಕೇ॒ತು-ಙ್ಕೃ॒ಣ್ವನ್ನ॑-ಕೇ॒ತವ॒ ಇತಿ॑ ದ್ಧ್ವ॒ಜ-ಮ್ಪ್ರತಿ॑ಮುಞ್ಚತಿ । ಯಶ॑ ಏ॒ವೈನ॒ಗ್ಂ॒ ರಾಜ್ಞಾ᳚-ಙ್ಗಮಯತಿ ॥ ಜೀ॒ಮೂತ॑ಸ್ಯೇವ ಭವತಿ॒ ಪ್ರತೀ॑ಕ॒ಮಿತ್ಯಾ॑ಹ । ಯ॒ಥಾ॒ ಯ॒ಜುರೇ॒ವೈತತ್ ॥ ಯೇ ತೇ॒ ಪನ್ಥಾ॑ನ-ಸ್ಸವಿತಃ ಪೂ॒ರ್ವ್ಯಾಸ॒ ಇತ್ಯ॑ದ್ಧ್ವ॒ರ್ಯು-ರ್ಯಜ॑ಮಾನಂ
ಁವಾಚಯತ್ಯ॒ಭಿಜಿ॑ತ್ಯೈ ॥ 14 ॥

ಪರಾ॒ ವಾ ಏ॒ತಸ್ಯ॑ ಯ॒ಜ್ಞ ಏ॑ತಿ । ಯಸ್ಯ॑ ಪ॒ಶುರು॒ಪಾ-ಕೃ॑ತೋ॒-ಽನ್ಯತ್ರ॒ ವೇದ್ಯಾ॒ ಏತಿ॑ । ಏತಗ್ಗ್​ ಸ್ತೋ॑ತರೇ॒ತೇನ॑ ಪ॒ಥಾ ಪುನ॒ರಶ್ವ॒-ಮಾವ॑ರ್ತಯಾಸಿ ನ॒ ಇತ್ಯಾ॑ಹ ।
ವಾ॒ಯುರ್ವೈ ಸ್ತೋತಾ᳚ । ವಾ॒ಯುಮೇ॒ವಾಸ್ಯ॑ ಪ॒ರಸ್ತಾ᳚-ದ್ದಧಾ॒ತ್ಯಾವೃ॑ತ್ತ್ಯೈ ॥ ಯಥಾ॒ ವೈ ಹ॒ವಿಷೋ॑ ಗೃಹೀ॒ತಸ್ಯ॒ ಸ್ಕನ್ದ॑ತಿ । ಏ॒ವಂ-ವಾಁ ಏ॒ತದಶ್ವ॑ಸ್ಯ ಸ್ಕನ್ದತಿ । ಯದ॑ಸ್ಯೋ॒ಪಾಕೃ॑ತಸ್ಯ॒ ಲೋಮಾ॑ನಿ॒ ಶೀಯ॑ನ್ತೇ । ಯದ್ವಾಲೇ॑ಷು ಕಾ॒ಚಾನಾ॒ವಯ॑ನ್ತಿ ।
ಲೋಮಾ᳚ನ್ಯೇ॒ವಾಸ್ಯ॒ ತಥ್ಸಮ್ಭ॑ರನ್ತಿ ॥ 15 ॥

ಭೂರ್ಭುವ॒ಸ್ಸುವ॒ರಿತಿ॑ ಪ್ರಾಜಾಪ॒ತ್ಯಾ-ಭಿ॒ರಾವ॑ಯನ್ತಿ । ಪ್ರಾ॒ಜಾ॒ಪ॒ತ್ಯೋ ವಾ ಅಶ್ವಃ॑ ।
ಸ್ವಯೈ॒ವೈನ॑-ನ್ದೇ॒ವತ॑ಯಾ॒ ಸಮ॑ದ್ರ್ಧಯನ್ತಿ ॥ ಭೂರಿತಿ॒ ಮಹಿ॑ಷೀ । ಭುವ॒ ಇತಿ॑ ವಾ॒ವಾತಾ᳚ ।
ಸುವ॒ರಿತಿ॑ ಪರಿವೃ॒ಕ್ತೀ । ಏ॒ಷಾಂ-ಲೋಁ॒ಕಾನಾ॑-ಮ॒ಭಿಜಿ॑ತ್ಯೈ ॥ ಹಿ॒ರ॒ಣ್ಯಯಾಃ᳚ ಕಾ॒ಚಾ ಭ॑ವನ್ತಿ । ಜ್ಯೋತಿ॒ರ್ವೈ ಹಿರ॑ಣ್ಯಮ್ । ರಾ॒ಷ್ಟ್ರಮ॑ಶ್ವಮೇ॒ಧಃ ॥ 16 ॥

ಜ್ಯೋತಿ॑ಶ್ಚೈ॒ವಾಸ್ಮೈ॑ ರಾ॒ಷ್ಟ್ರ-ಞ್ಚ॑ ಸ॒ಮೀಚೀ॑ ದಧಾತಿ ॥ ಸ॒ಹಸ್ರ॑-ಮ್ಭವನ್ತಿ । ಸ॒ಹಸ್ರ॑ ಸಮ್ಮಿತ-ಸ್ಸುವ॒ರ್ಗೋ ಲೋ॒ಕಃ । ಸು॒ವ॒ರ್ಗಸ್ಯ॑ ಲೋ॒ಕಸ್ಯಾ॒-ಭಿಜಿ॑ತ್ಯೈ ॥
ಅಪ॒ ವಾ ಏ॒ತಸ್ಮಾ॒ತ್ತೇಜ॑ ಇನ್ದ್ರಿ॒ಯ-ಮ್ಪ॒ಶವ॒-ಶ್ಶ್ರೀಃ ಕ್ರಾ॑ಮನ್ತಿ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ವಸ॑ವಸ್ತ್ವಾ-ಽಞ್ಜನ್ತು ಗಾಯ॒ತ್ರೇಣ॒ ಛನ್ದ॒ಸೇತಿ॒ ಮಹಿ॑ಷ್ಯ॒ಭ್ಯ॑ನಕ್ತಿ । ತೇಜೋ॒ ವಾ ಆಜ್ಯ᳚ಮ್ । ತೇಜೋ॑ ಗಾಯ॒ತ್ರೀ । ತೇಜ॑ಸೈ॒ವಾಸ್ಮೈ॒ ತೇಜೋ-ಽವ॑ರುನ್ಧೇ ॥ 17 ॥

ರು॒ದ್ರಾಸ್ತ್ವಾ᳚-ಽಞ್ಜನ್ತು॒ ತ್ರೈಷ್ಟು॑ಭೇನ॒ ಛನ್ದ॒ಸೇತಿ॑ ವಾ॒ವಾತಾ᳚ । ತೇಜೋ॒ ವಾ ಆಜ್ಯ᳚ಮ್ । ಇ॒ನ್ದ್ರಿ॒ಯ-ನ್ತ್ರಿ॒ಷ್ಟುಪ್ । ತೇಜ॑ಸೈ॒ವಾಸ್ಮಾ॑ ಇನ್ದ್ರಿ॒ಯಮವ॑ರುನ್ಧೇ ।
ಆ॒ದಿ॒ತ್ಯಾ-ಸ್ತ್ವಾ᳚-ಽಞ್ಜನ್ತು॒ ಜಾಗ॑ತೇನ॒ ಛನ್ದ॒ಸೇತಿ॑ ಪರಿವೃ॒ಕ್ತೀ । ತೇಜೋ॒ ವಾ ಆಜ್ಯ᳚ಮ್ । ಪ॒ಶವೋ॒ ಜಗ॑ತೀ ।
ತೇಜ॑ಸೈ॒ವಾಸ್ಮೈ॑ ಪ॒ಶೂನವ॑ರುನ್ಧೇ ॥
ಪತ್ನ॑ಯೋ॒-ಽಭ್ಯ॑ಞ್ಜನ್ತಿ । ಶ್ರಿ॒ಯಾ ವಾ ಏ॒ತ-ದ್ರೂ॒ಪಮ್ ॥ 18 ॥

ಯತ್ಪತ್ನ॑ಯಃ । ಶ್ರಿಯ॑-ಮೇ॒ವಾಸ್ಮಿ॒-ನ್ತದ್ದ॑ಧತಿ ।
ನಾಸ್ಮಾ॒ತ್ತೇಜ॑ ಇನ್ದ್ರಿ॒ಯ-ಮ್ಪ॒ಶವ॒-ಶ್ಶ್ರೀರಪ॑ಕ್ರಾಮನ್ತಿ ॥
ಲಾಜೀ(3)ಞ್ಛಾಚೀ(3)ನ್. ಯಶೋ॑ ಮ॒ಮಾಁ(4) ಇತ್ಯತಿ॑ರಿಕ್ತ॒-ಮನ್ನ॒ಮಶ್ವಾ॑ಯೋ॒ ಪಾಹ॑ರನ್ತಿ ।
ಪ್ರ॒ಜಾಮೇ॒ವಾನ್ನಾ॒ದೀ-ಙ್ಕು॑ರ್ವತೇ ॥
ಏ॒ತದ್ದೇ॑ವಾ॒ ಅನ್ನ॑ಮತ್ತೈ॒ತ-ದನ್ನ॑ಮದ್ಧಿ ಪ್ರಜಾಪತ॒ ಇತ್ಯಾ॑ಹ । ಪ್ರ॒ಜಾಯಾ॑ಮೇ॒ವಾನ್ನಾದ್ಯ॑-ನ್ದಧತೇ ॥
ಯದಿ॒ ನಾವ॒ಜಿಘ್ರ᳚ತ್ । ಅ॒ಗ್ನಿಃ ಪ॒ಶುರಾ॑ಸೀ॒ದಿತ್ಯವ॑-ಘ್ರಾಪಯೇತ್ । ಅವ॑ ಹೈ॒ವ ಜಿ॑ಘ್ರತಿ ॥
ಆಕ್ರಾನ॑. ವಾ॒ಜೀ ಕ್ರಮೈ॒ರತ್ಯ॑-ಕ್ರಮೀದ್ವಾ॒ಜೀ ದ್ಯೌಸ್ತೇ॑ ಪೃ॒ಷ್ಠ-ಮ್ಪೃ॑ಥಿ॒ವೀ
ಸ॒ಧಸ್ಥ॒ಮಿತ್ಯಶ್ವ॒-ಮನು॑ಮನ್ತ್ರಯತೇ ।
ಏ॒ಷಾಂ-ಲೋಁ॒ಕಾನಾ॑-ಮ॒ಭಿಜಿ॑ತ್ಯೈ ॥
ಸಮಿ॑ದ್ಧೋ ಅ॒ಞ್ಜನ್ಕೃದ॑ರ-ಮ್ಮತೀ॒ನಾ-ಮಿತ್ಯಶ್ವ॑ಸ್ಯಾ॒ ಪ್ರಿಯೋ॑ ಭವನ್ತಿ ಸರೂಪ॒ತ್ವಾಯ॑ ॥ 19 ॥
(ಪರಿ॑ತ॒ಸ್ಥುಷ॒ ಇತ್ಯಾ॑ಹೇ॒ - ಮೇ ಏ॒ವಾಸ್ಮೈ॑ ಯುನಕ್ತ್ಯ॒ - ಭಿಜಿ॑ತ್ಯೈ-ಭರ-ನ್ತ್ಯಶ್ವಮೇ॒ಧೋ - ರು॑ನ್ಧೇ - ರೂ॒ಪಂ - ಜಿ॑ಘ್ರತಿ॒ ತ್ರೀಣಿ॑ ಚ) (ಅ. 4)

ಅನುವಾಕಂ 5 - ಬ್ರಹ್ಮೋದ್ಯನಾಮಕಃ ಹೋತೃಬ್ರಾಹ್ಮಣೋಸ್ಸಂ​ವಾಁದಃ
ತೇಜ॑ಸಾ॒ ವಾ ಏ॒ಷ ಬ್ರ॑ಹ್ಮವರ್ಚ॒ಸೇನ॒ ವ್ಯೃ॑ದ್ಧ್ಯತೇ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಹೋತಾ॑ ಚ ಬ್ರ॒ಹ್ಮಾ ಚ॑ ಬ್ರ॒ಹ್ಮೋದ್ಯಂ॑-ವಁದತಃ ।
ತೇಜ॑ಸಾ ಚೈ॒ವೈನ॑-ಮ್ಬ್ರಹ್ಮವರ್ಚ॒ಸೇನ॑ ಚ॒ ಸಮ॑ದ್ರ್ಧಯತಃ ॥ ದ॒ಖ್ಷಿ॒ಣ॒ತೋ ಬ್ರ॒ಹ್ಮಾ ಭ॑ವತಿ ।
ದ॒ಖ್ಷಿ॒ಣ॒ತ ಆ॑ಯತನೋ॒ ವೈ ಬ್ರ॒ಹ್ಮಾ । ಬಾ॒ರ್॒ಹ॒ಸ್ಪ॒ತ್ಯೋ ವೈ ಬ್ರ॒ಹ್ಮಾ ।
ಬ್ರ॒ಹ್ಮ॒ವ॒ರ್ಚ॒ಸಮೇ॒ವಾಸ್ಯ॑ ದಖ್ಷಿಣ॒ತೋ (ದಖ್ಷಿ॒ಣತೋ) ದ॑ಧಾತಿ ।
ತಸ್ಮಾ॒-ದ್ದಖ್ಷಿ॒ಣೋ-ಽದ್ರ್ಧೋ᳚ ಬ್ರಹ್ಮವರ್ಚ॒ಸಿತ॑ರಃ ॥
ಉ॒ತ್ತ॒ರ॒ತೋ ಹೋತಾ॑ ಭವತಿ ॥ 20 ॥

ಉ॒ತ್ತ॒ರ॒ತ ಆ॑ಯತನೋ॒ ವೈ ಹೋತಾ᳚ । ಆ॒ಗ್ನೇ॒ಯೋ ವೈ ಹೋತಾ᳚ । ತೇಜೋ॒ ವಾ ಅ॒ಗ್ನಿಃ । ತೇಜ॑ ಏ॒ವಾಸ್ಯೋ᳚ತ್ತರ॒ತೋ ದ॑ಧಾತಿ । ತಸ್ಮಾ॒ದುತ್ತ॒ರೋ-ಽದ್ರ್ಧ॑-ಸ್ತೇಜ॒ಸ್ವಿತ॑ರಃ ॥
ಯೂಪ॑ಮ॒ಭಿತೋ॑ ವದತಃ । ಯ॒ಜ॒ಮಾ॒ನ॒ದೇ॒ವ॒ತ್ಯೋ॑ ವೈ ಯೂಪಃ॑ । ಯಜ॑ಮಾನಮೇ॒ವ ತೇಜ॑ಸಾ ಚ ಬ್ರಹ್ಮವರ್ಚ॒ಸೇನ॑ ಚ॒ ಸಮ॑ದ್ರ್ಧಯತಃ ॥
ಕಿಗ್ಗ್​ ಸ್ವಿ॑ದಾಸೀತ್-ಪೂ॒ರ್ವಚಿ॑ತ್ತಿ॒-ರಿತ್ಯಾ॑ಹ ।
ದ್ಯೌರ್ವೈ ವೃಷ್ಟಿಃ॑ ಪೂ॒ರ್ವಚಿ॑ತ್ತಿಃ ॥ 21 ॥

ದಿವ॑ಮೇ॒ವ ವೃಷ್ಟಿ॒ಮವ॑ರುನ್ಧೇ ॥ ಕಿಗ್ಗ್​ ಸ್ವಿ॑ದಾಸೀ-ದ್ಬೃ॒ಹದ್ವಯ॒ ಇತ್ಯಾ॑ಹ । ಅಶ್ವೋ॒ ವೈ ಬೃ॒ಹದ್ವಯಃ॑ । ಅಶ್ವ॑ಮೇ॒ವಾವ॑ರುನ್ಧೇ ॥ ಕಿಗ್ಗ್​ ಸ್ವಿ॑ದಾಸೀತ್-ಪಿಶಙ್ಗಿ॒ಲೇತ್ಯಾ॑ಹ । ರಾತ್ರಿ॒ರ್ವೈ ಪಿ॑ಶಙ್ಗಿ॒ಲಾ ।
ರಾತ್ರಿ॑ಮೇ॒ವಾವ॑ರುನ್ಧೇ ॥ ಕಿಗ್ಗ್​ ಸ್ವಿ॑ದಾಸೀತ್-ಪಿಲಿಪ್ಪಿ॒ಲೇತ್ಯಾ॑ಹ । ಶ್ರೀರ್ವೈ ಪಿ॑ಲಿಪ್ಪಿ॒ಲಾ । ಅ॒ನ್ನಾದ್ಯ॑ಮೇ॒ವಾವ॑ರುನ್ಧೇ ॥ 22 ॥

ಕ-ಸ್ಸ್ವಿ॑ದೇಕಾ॒ಕೀ ಚ॑ರ॒ತೀತ್ಯಾ॑ಹ । ಅ॒ಸೌ ವಾ ಆ॑ದಿ॒ತ್ಯ ಏ॑ಕಾ॒ಕೀ ಚ॑ರತಿ । ತೇಜ॑ ಏ॒ವಾವ॑ರುನ್ಧೇ ॥
ಕ ಉ॑ ಸ್ವಿಜ್ಜಾಯತೇ॒ ಪುನ॒ರಿತ್ಯಾ॑ಹ ।
ಚ॒ನ್ದ್ರಮಾ॒ ವೈ ಜಾ॑ಯತೇ॒ ಪುನಃ॑ ।
ಆಯು॑ರೇ॒ವಾವ॑ರುನ್ಧೇ ॥
ಕಿಗ್ಗ್​ ಸ್ವಿ॑ದ್ಧಿ॒ಮಸ್ಯ॑ ಭೇಷ॒ಜಮಿತ್ಯಾ॑ಹ ।
ಅ॒ಗ್ನಿರ್ವೈ ಹಿ॒ಮಸ್ಯ॑ ಭೇಷ॒ಜಮ್ । ಬ್ರ॒ಹ್ಮ॒ವ॒ರ್ಚ॒ಸಮೇ॒ವಾವ॑ರುನ್ಧೇ ॥
ಕಿಗ್ಗ್​ ಸ್ವಿ॑ದಾ॒-ವಪ॑ನ-ಮ್ಮ॒ಹದಿತ್ಯಾ॑ಹ ॥ 23 ॥

ಅ॒ಯಂ-ವೈಁ ಲೋ॒ಕ ಆ॒ವಪ॑ನ-ಮ್ಮ॒ಹತ್ ।
ಅ॒ಸ್ಮಿನ್ನೇ॒ವ ಲೋ॒ಕೇ ಪ್ರತಿ॑ತಿಷ್ಠತಿ ॥
ಪೃ॒ಚ್ಛಾಮಿ॑ ತ್ವಾ॒ ಪರ॒ಮನ್ತ॑-ಮ್ಪೃಥಿ॒ವ್ಯಾ ಇತ್ಯಾ॑ಹ । ವೇದಿ॒ರ್ವೈ ಪರೋ-ಽನ್ತಃ॑ ಪೃಥಿ॒ವ್ಯಾಃ ।
ವೇದಿ॑ಮೇ॒ವಾವ॑ರುನ್ಧೇ ॥ ಪೃ॒ಚ್ಛಾಮಿ॑ ತ್ವಾ॒ ಭುವ॑ನಸ್ಯ॒ ನಾಭಿ॒ಮಿತ್ಯಾ॑ಹ ।
ಯ॒ಜ್ಞೋ ವೈ ಭುವ॑ನಸ್ಯ॒ ನಾಭಿಃ॑ । ಯ॒ಜ್ಞಮೇ॒ವಾವ॑ರುನ್ಧೇ ॥
ಪೃ॒ಚ್ಛಾಮಿ॑ ತ್ವಾ॒ ವೃಷ್ಣೋ॒ ಅಶ್ವ॑ಸ್ಯ॒ ರೇತ॒ ಇತ್ಯಾ॑ಹ ।
ಸೋಮೋ॒ ವೈ ವೃಷ್ಣೋ॒ ಅಶ್ವ॑ಸ್ಯ॒ ರೇತಃ॑ । ಸೋ॒ಮ॒ಪೀ॒ಥ-ಮೇ॒ವಾವ॑ರುನ್ಧೇ ॥
ಪೃ॒ಚ್ಛಾಮಿ॑ ವಾ॒ಚಃ ಪ॑ರ॒ಮಂ-ವ್ಯೋಁ॑ಮೇತ್ಯಾ॑ಹ । ಬ್ರಹ್ಮ॒ ವೈ ವಾ॒ಚಃ ಪ॑ರ॒ಮಂ-ವ್ಯೋಁ॑ಮ ।
ಬ್ರ॒ಹ್ಮ॒ವ॒ರ್ಚ॒ಸ-ಮೇ॒ವಾವ॑ರುನ್ಧೇ ॥ 24 ॥
(ಹೋತಾ॑ ಭವತಿ॒ - ವೈ ವೃಷ್ಟಿಃ॑ ಪೂ॒ರ್ವಚಿ॑ತ್ತಿ - ರ॒ನ್ನಾದ್ಯ॑ಮೇ॒ವಾವ॑ರುನ್ಧೇ - ಮ॒ಹದಿತ್ಯಾ॑ಹ॒ - ಸೋಮೋ॒ ವೈ ವೃಷ್ಣೋ॒ ಅಶ್ವ॑ಸ್ಯ॒ ರೇತ॑ಶ್ಚ॒ತ್ವಾರಿ॑ ಚ) (ಅ. 5)

ಅನುವಾಕಂ 6 - ಅಶ್ವಸ್ಯ ಮೃತೋಪಚಾರ-ಸ್ಸಞ್ಜ್ಞಪನಪ್ರಕಾರಃ
ಅಪ॒ ವಾ ಏ॒ತಸ್ಮಾ᳚-ತ್ಪ್ರಾ॒ಣಾಃ ಕ್ರಾ॑ಮನ್ತಿ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಪ್ರಾ॒ಣಾಯ॒ ಸ್ವಾಹಾ᳚ ವ್ಯಾ॒ನಾಯ॒ ಸ್ವಾಹೇತಿ॑ ಸಞ್ಜ್ಞ॒ಪ್ಯಮಾ॑ನ॒ ಆಹು॑ತೀ-ರ್ಜುಹೋತಿ ।
ಪ್ರಾ॒ಣಾನೇ॒ವಾಸ್ಮಿ॑ನ್ದಧಾತಿ । ನಾಸ್ಮಾ᳚ತ್ಪ್ರಾ॒ಣಾ ಅಪ॑ಕ್ರಾಮನ್ತಿ ॥ ಅವ॑ನ್ತೀಃ॒-ಸ್ಥಾವ॑ನ್ತೀ-ಸ್ತ್ವಾ-ಽವನ್ತು । ಪ್ರಿ॒ಯ-ನ್ತ್ವಾ᳚ ಪ್ರಿ॒ಯಾಣಾ᳚ಮ್ । ವರ್​ಷಿ॑ಷ್ಠ॒ಮಾಪ್ಯಾನಾಮ್ । ನಿ॒ಧೀ॒ನಾ-ನ್ತ್ವಾ॑ ನಿಧಿ॒ಪತಿಗ್ಂ॑ ಹವಾಮಹೇ
ವಸೋಮ॒-ಮೇತ್ಯಾ॑ಹ ।
ಅಪೈ॒ವಾಸ್ಮೈ॒ ತದ್ಧ್ನು॑ವತೇ ॥ 25 ॥

ಅಥೋ॑ ಧು॒ವನ್ತ್ಯೇ॒ವೈನ᳚ಮ್ । ಅಥೋ॒ ನ್ಯೇ॑ವಾಸ್ಮೈ᳚ ಹ್ನುವತೇ ॥ ತ್ರಿಃ ಪರಿ॑ಯನ್ತಿ । ತ್ರಯ॑ ಇ॒ಮೇ ಲೋ॒ಕಾಃ । ಏ॒ಭ್ಯ ಏ॒ವೈನಂ॑-ಲೋಁ॒ಕೇಭ್ಯೋ॑ ಧುವತೇ ॥ ತ್ರಿಃ ಪುನಃ॒ ಪರಿ॑ಯನ್ತಿ । ಷಟ್-ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ ।
ಋ॒ತುಭಿ॑ರೇ॒ವೈನ॑-ನ್ಧುವತೇ ॥ ಅಪ॒ ವಾ ಏ॒ತೇಭ್ಯಃ॑ ಪ್ರಾ॒ಣಾಃ ಕ್ರಾ॑ಮನ್ತಿ ॥ 26 ॥

ಯೇ ಯ॒ಜ್ಞೇ ಧುವ॑ನ-ನ್ತ॒ನ್ವತೇ᳚ । ನ॒ವ॒ಕೃತ್ವಃ॒ ಪರಿ॑ಯನ್ತಿ । ನವ॒ ವೈ ಪುರು॑ಷೇ ಪ್ರಾ॒ಣಾಃ ।
ಪ್ರಾ॒ಣಾನೇ॒ವಾತ್ಮನ್ದ॑ಧತೇ । ನೈಭ್ಯಃ॑ ಪ್ರಾ॒ಣಾ ಅಪ॑ಕ್ರಾಮನ್ತಿ ॥ ಅಮ್ಬೇ॒ ಅಮ್ಬಾ॒ಲ್ಯಮ್ಬಿ॑ಕ॒ ಇತಿ॒ ಪತ್ನೀ॑ಮು॒ದಾನ॑ಯತಿ । ಅಹ್ವ॑ತೈ॒ವೈನಾ᳚ಮ್ ॥
ಸುಭ॑ಗೇ॒ ಕಾಮ್ಪೀ॑ಲ-ವಾಸಿ॒ನೀತ್ಯಾ॑ಹ । ತಪ॑ ಏ॒ವೈನಾ॒-ಮುಪ॑ನಯತಿ ॥ ಸು॒ವ॒ರ್ಗೇ ಲೋ॒ಕೇ ಸಮ್ಪ್ರೋರ್ಣ್ವಾ॑ಥಾ॒-ಮಿತ್ಯಾ॑ಹ ॥ 27 ॥

ಸು॒ವ॒ರ್ಗಮೇ॒ವೈನಾಂ᳚-ಲೋಁ॒ಕ-ಙ್ಗ॑ಮಯತಿ ॥
ಆ-ಽಹಮ॑ಜಾನಿ ಗರ್ಭ॒ಧಮಾ ತ್ವಮ॑ಜಾಸಿ ಗರ್ಭ॒ಧಮಿತ್ಯಾ॑ಹ । ಪ್ರ॒ಜಾ ವೈ ಪ॒ಶವೋ॒ ಗರ್ಭಃ॑ । ಪ್ರ॒ಜಾಮೇ॒ವ ಪ॒ಶೂನಾ॒ತ್ಮನ್ಧ॑ತ್ತೇ ॥
ದೇ॒ವಾ ವಾ ಅ॑ಶ್ವಮೇ॒ಧೇ ಪವ॑ಮಾನೇ । ಸು॒ವ॒ರ್ಗಂ-ಲೋಁ॒ಕ-ನ್ನ ಪ್ರಾಜಾ॑ನನ್ನ್ । ತಮಶ್ವಃ॒ ಪ್ರಾಜಾ॑ನಾತ್ । ಯಥ್ಸೂ॒ಚೀಭಿ॑-ರಸಿಪ॒ಥಾ-ನ್ಕ॒ಲ್ಪಯ॑ನ್ತಿ ।
ಸು॒ವ॒ರ್ಗಸ್ಯ॑ ಲೋ॒ಕಸ್ಯ॒ ಪ್ರಜ್ಞಾ᳚ತ್ಯೈ ॥ ಗಾ॒ಯ॒ತ್ರೀ ತ್ರಿ॒ಷ್ಟುಬ್ಜಗ॒ತೀತ್ಯಾ॑ಹ ॥ 28 ॥

ಯ॒ಥಾ॒ ಯ॒ಜುರೇ॒ವೈತತ್ ॥ ತ್ರ॒ಯ್ಯ-ಸ್ಸೂ॒ಚ್ಯೋ॑ ಭವನ್ತಿ ।
ಅ॒ಯ॒ಸ್ಮಯ್ಯೋ॑ ರಜ॒ತಾ ಹರಿ॑ಣ್ಯಃ । ಅ॒ಸ್ಯ ವೈ ಲೋ॒ಕಸ್ಯ॑ ರೂ॒ಪಮ॑ಯ॒ಸ್ಮಯ್ಯಃ॑ । ಅ॒ನ್ತರಿ॑ಖ್ಷಸ್ಯ ರಜ॒ತಾಃ । ದಿ॒ವೋ ಹರಿ॑ಣ್ಯಃ । ದಿಶೋ॒ ವಾ ಅ॑ಯ॒ಸ್ಮಯ್ಯಃ॑ ।
ಅ॒ವಾ॒ನ್ತ॒ರ॒ದಿ॒ಶಾ ರ॑ಜ॒ತಾಃ । ಊ॒ದ್ರ್ಧ್ವಾ ಹರಿ॑ಣ್ಯಃ ।
ದಿಶ॑ ಏ॒ವಾಸ್ಮೈ॑ ಕಲ್ಪಯತಿ ॥
ಕಸ್ತ್ವಾ᳚-ಛ್ಯತಿ॒ ಕಸ್ತ್ವಾ॒ ವಿಶಾ॒ಸ್ತೀ-ತ್ಯಾ॒ಹಾ ಹಿಗ್ಂ॑ಸಾಯೈ ॥ 29 ॥
(ಹ್ನು॒ವ॒ತೇ॒-ಕ್ರಾ॒ಮ॒-ನ್ತ್ಯೂ॒ರ್ಣ್ವಾ॒ಥಾ॒ಮಿತ್ಯಾ॑ಹ॒-ಜಗ॒ತೀತ್ಯಾ॑ಹ-ಕಲ್ಪಯ॒ತ್ಯೇಕ॑-ಞ್ಚ) (ಅ. 6)

ಅನುವಾಕಂ 7 - ತತ್ರ ಮನ್ತ್ರಾಃ
ಅಪ॒ ವಾ ಏ॒ತಸ್ಮಾ॒ಚ್ಛ್ರೀ ರಾ॒ಷ್ಟ್ರ-ಙ್ಕ್ರಾ॑ಮತಿ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಊ॒ದ್ರ್ಧ್ವಾಮೇ॑ನಾ॒-ಮುಚ್ಛ್ರ॑ಯತಾ॒-ದಿತ್ಯಾ॑ಹ ।
ಶ್ರೀರ್ವೈ ರಾ॒ಷ್ಟ್ರಮ॑ಶ್ವಮೇ॒ಧಃ ।
ಶ್ರಿಯ॑ಮೇ॒ವಾಸ್ಮ॑ ರಾ॒ಷ್ಟ್ರಮೂ॒ದ್ರ್ಧ್ವ-ಮುಚ್ಛ್ರ॑ಯತಿ ॥ ವೇ॒ಣು॒ಭಾ॒ರ-ಙ್ಗಿ॒ರಾವಿ॒-ವೇತ್ಯಾ॑ಹ ।
ರಾ॒ಷ್ಟ್ರಂ-ವೈಁ ಭಾ॒ರಃ । ರಾ॒ಷ್ಟ್ರಮೇ॒ವಾಸ್ಮೈ॒ ಪರ್ಯೂ॑ಹತಿ ॥ ಅಥಾ᳚ಸ್ಯಾ॒ ಮದ್ಧ್ಯ॑ಮೇಧತಾ॒-ಮಿತ್ಯಾ॑ಹ । ಶ್ರೀರ್ವೈ ರಾ॒ಷ್ಟ್ರಸ್ಯ॒ ಮದ್ಧ್ಯ᳚ಮ್ ॥ 30 ॥

ಶ್ರಿಯ॑ಮೇ॒ವಾ-ವ॑ರುನ್ಧೇ ॥ ಶೀ॒ತೇ ವಾತೇ॑ ಪು॒ನನ್ನಿ॒-ವೇತ್ಯಾ॑ಹ । ಖ್ಷೇಮೋ॒ ವೈ ರಾ॒ಷ್ಟ್ರಸ್ಯ॑ ಶೀ॒ತೋ ವಾತಃ॑ । ಖ್ಷೇಮ॑ಮೇ॒ವಾ-ವ॑ರುನ್ಧೇ ॥ ಯದ್ಧ॑ರಿ॒ಣೀ ಯವ॒ಮತ್ತೀತ್ಯಾ॑ಹ । ವಿಡ್ವೈ ಹ॑ರಿ॒ಣೀ । ರಾ॒ಷ್ಟ್ರಂ-ಯಁವಃ॑ । ವಿಶ॑-ಞ್ಚೈ॒ವಾಸ್ಮೈ॑ ರಾ॒ಷ್ಟ್ರ-ಞ್ಚ॑ ಸ॒ಮೀಚೀ॑ ದಧಾತಿ ॥
ನ ಪು॒ಷ್ಟ-ಮ್ಪ॒ಶು ಮ॑ನ್ಯತ॒ ಇತ್ಯಾ॑ಹ ।
ತಸ್ಮಾ॒-ದ್ರಾಜಾ॑ ಪ॒ಶೂನ್ನ ಪುಷ್ಯ॑ತಿ ॥ 31 ॥

ಶೂ॒ದ್ರಾ ಯದರ್ಯ॑ಜಾರಾ॒ ನ ಪೋಷಾ॑ಯ ಧನಾಯ॒ತೀತ್ಯಾ॑ಹ ।
ತಸ್ಮಾ᳚-ದ್ವೈಶೀಪು॒ತ್ರ-ನ್ನಾಭಿಷಿ॑ಞ್ಚನ್ತೇ ॥ ಇ॒ಯಂ-ಯಁ॒ಕಾ ಶ॑ಕುನ್ತಿ॒ಕೇತ್ಯಾ॑ಹ । ವಿಡ್ವೈ ಶ॑ಕುನ್ತಿ॒ಕಾ । ರಾ॒ಷ್ಟ್ರಮ॑ಶ್ವಮೇ॒ಧಃ । ವಿಶ॑-ಞ್ಚೈ॒ವಾಸ್ಮೈ॑ ರಾ॒ಷ್ಟ್ರ-ಞ್ಚ॑ ಸ॒ಮೀಚೀ॑ ದಧಾತಿ ॥
ಆ॒ಹಲ॒ಮಿತಿ॒ ಸರ್ಪ॒ತೀತ್ಯಾ॑ಹ । ತಸ್ಮಾ᳚-ದ್ರಾ॒ಷ್ಟ್ರಾಯ॒ ವಿಶ॑-ಸ್ಸರ್ಪನ್ತಿ ॥ ಆಹ॑ತ-ಙ್ಗ॒ಭೇ ಪಸ॒ ಇತ್ಯಾ॑ಹ । ವಿಡ್ವೈ ಗಭಃ॑ ॥ 32 ॥

ರಾ॒ಷ್ಟ್ರ-ಮ್ಪಸಃ॑ । ರಾ॒ಷ್ಟ್ರಮ॒ವ ವಿ॒ಶ್ಯಾಹ॑ನ್ತಿ । ತಸ್ಮಾ᳚-ದ್ರಾ॒ಷ್ಟ್ರಂ-ವಿಁಶ॒-ಙ್ಘಾತು॑ಕಮ್ ॥
ಮಾ॒ತಾ ಚ॑ ತೇ ಪಿ॒ತಾ ಚ॑ ತ॒ ಇತ್ಯಾ॑ಹ । ಇ॒ಯಂ-ವೈಁ ಮಾ॒ತಾ । ಅ॒ಸೌ ಪಿ॒ತಾ । ಆ॒ಭ್ಯಾಮೇ॒ವೈನ॒-ಮ್ಪರಿ॑ದದಾತಿ ॥
ಅಗ್ರಂ॑-ವೃಁ॒ಖ್ಷಸ್ಯ॑ ರೋಹತ॒ ಇತ್ಯಾ॑ಹ ।
ಶ್ರೀರ್ವೈ ವ॒ಖ್ಷಸ್ಯಾಗ್ರ᳚ಮ್ । ಶ್ರಿಯ॑ಮೇ॒ವಾವ॑ರುನ್ಧೇ ॥ 33 ॥

ಪ್ರಸು॑ಲಾ॒ಮೀತಿ॑ ತೇ ಪಿ॒ತಾ ಗ॒ಭೇ ಮು॒ಷ್ಟಿಮ॑ತಗ್ಂಸಯ॒-ದಿತ್ಯಾ॑ಹ । ವಿಡ್ವೈ ಗಭಃ॑ । ರಾ॒ಷ್ಟ್ರ-ಮ್ಮು॒ಷ್ಟಿಃ । ರಾ॒ಷ್ಟ್ರಮೇ॒ವ ವಿ॒ಶ್ಯಾಹ॑ನ್ತಿ । ತಸ್ಮಾ᳚-ದ್ರಾ॒ಷ್ಟ್ರಂ-ವಿಁಶ॒-ಙ್ಘಾತು॑ಕಮ್ ॥ ಅಪ॒ ವಾ ಏ॒ತೇಭ್ಯಃ॑ ಪ್ರಾ॒ಣಾಃ ಕ್ರಾ॑ಮನ್ತಿ । ಯೇ ಯ॒ಜ್ಞೇ-ಽಪೂ॑ತಂ॒-ವಁದ॑ನ್ತಿ ।
ದ॒ಧಿ॒ಕ್ರಾವ್.ಣ್ಣೋ॑ ಅಕಾರಿಷ॒ಮಿತಿ॑ ಸುರಭಿ॒-ಮತೀ॒ಮೃಚಂ॑-ವಁದನ್ತಿ ।
ಪ್ರಾ॒ಣಾ ವೈ ಸು॑ರ॒ಭಯಃ॑ । ಪ್ರಾ॒ಣಾನೇ॒ವಾತ್ಮನ್ದ॑ಧತೇ । ನೈಭ್ಯಃ॑ ಪ್ರಾ॒ಣಾ ಅಪ॑ಕ್ರಾಮನ್ತಿ ॥
ಆಪೋ॒ ಹಿಷ್ಠಾ ಮ॑ಯೋ॒ಭುವ॒ ಇತ್ಯ॒ದ್ಭಿರ್ಮಾ᳚ರ್ಜಯನ್ತೇ । ಆಪೋ॒ ವೈ ಸರ್ವಾ॑ ದೇ॒ವತಾಃ᳚ ।
ದೇ॒ವತಾ॑ಭಿರೇ॒-ವಾತ್ಮಾನ॑-ಮ್ಪವಯನ್ತೇ ॥ 34 ॥
(ರಾ॒ಷ್ಟ್ರಸ್ಯ॒ ಮದ್ಧ್ಯಂ॒ - ಪುಷ್ಯ॑ತಿ॒ - ಗಭೋ॑ - ರುನ್ಧೇ - ದಧತೇ ಚ॒ತ್ವಾರಿ॑ ಚ) (ಅ. 7)

ಅನುವಾಕಂ 8 - ಅಶ್ವಮೇಧಸ್ಯ ತತ್ಪಶೂನಾ-ಞ್ಚ ಪ್ರಶಂಸಾ
ಪ್ರ॒ಜಾಪ॑ತಿಃ ಪ್ರ॒ಜಾ-ಸ್ಸೃ॒ಷ್ಟ್ವಾ ಪ್ರೇ॒ಣಾ-ಽನು॒ ಪ್ರಾವಿ॑ಶತ್ । ತಾಭ್ಯಃ॒ ಪುನ॒-ಸ್ಸಮ್ಭ॑ವಿತು॒-ನ್ನಾಶ॑ಕ್ನೋತ್ । ಸೋ᳚-ಽಬ್ರವೀತ್ । ಋ॒ದ್ಧ್ನವ॒ದಿಥ್ಸಃ । ಯೋ ಮೇ॒ತಃ ಪುನ॑-ಸ್ಸ॒ಭಂರ॒ದಿತಿ॑ । ತ-ನ್ದೇ॒ವಾ ಅ॑ಶ್ವಮೇ॒ಧೇನೈ॒ವ ಸಮ॑ಭರನ್ನ್ । ತತೋ॒ ವೈ ತ ಆ᳚ದ್ರ್ಧ್ನುವನ್ನ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಪ್ರ॒ಜಾಪ॑ತಿಮೇ॒ವ ಸಮ್ಭ॑ರತ್ಯೃ॒ದ್ಧ್ನೋತಿ॑ ॥ ಪುರು॑ಷ॒ಮಾಲ॑ಭತೇ ॥ 35 ॥

ವೈ॒ರಾ॒ಜೋ ವೈ ಪುರು॑ಷಃ । ವಿ॒ರಾಜ॑-ಮೇ॒ವಾಲ॑ಭತೇ । ಅಥೋ॒ ಅನ್ನಂ॒-ವೈಁ ವಿ॒ರಾಟ್ । ಅನ್ನ॑ಮೇ॒ವಾವ॑ರುನ್ಧೇ ॥ ಅಶ್ವ॒ಮಾಲ॑ಭತೇ । ಪ್ರಾ॒ಜಾ॒ಪ॒ತ್ಯೋ ವಾ ಅಶ್ವಃ॑ ।
ಪ್ರ॒ಜಾಪ॑ತಿ-ಮೇ॒ವಾಲ॑ಭತೇ । ಅಥೋ॒ ಶ್ರೀರ್ವಾ ಏಕ॑ಶಫಮ್ ।
ಶ್ರಿಯ॑-ಮೇ॒ವಾವ॑ರುನ್ಧೇ ॥ ಗಾಮಾಲ॑ಭತೇ ॥ 36 ॥

ಯ॒ಜ್ಞೋ ವೈ ಗೌಃ । ಯ॒ಜ್ಞಮೇ॒ವಾಲ॑ಭತೇ ।
ಅಥೋ॒ ಅನ್ನಂ॒-ವೈಁ ಗೌಃ । ಅನ್ನ॑ಮೇ॒ವಾವ॑ರುನ್ಧೇ ॥
ಅ॒ಜಾ॒ವೀ ಆಲ॑ಭತೇ ಭೂ॒ಮ್ನೇ । ಅಥೋ॒ ಪುಷ್ಟಿ॒ರ್ವೈ ಭೂ॒ಮಾ ।
ಪುಷ್ಟಿ॑ಮೇ॒ವಾವ॑ರುನ್ಧೇ ॥
ಪರ್ಯ॑ಗ್ನಿಕೃತ॒-ಮ್ಪುರು॑ಷ-ಞ್ಚಾರ॒ಣ್ಯಾಗ್​-ಶ್ಚೋ-ಥ್ಸೃ॑ಜ॒ನ್ತ್ಯಹಿಗ್ಂ॑ಸಾಯೈ ॥ ಉ॒ಭೌ ವಾ ಏ॒ತೌ ಪ॒ಶೂ ಆಲ॑ಭ್ಯೇತೇ । ಯಶ್ಚಾ॑ವ॒ಮೋ ಯಶ್ಚ॑ ಪರ॒ಮಃ ।
ತೇ᳚-ಽಸ್ಯೋ॒ಭಯೇ॑ ಯ॒ಜ್ಞೇ ಬ॒ದ್ಧಾಃ । ಅ॒ಭೀಷ್ಟಾ॑ ಅ॒ಭಿಪ್ರೀ॑ತಾಃ । ಅ॒ಭಿಜಿ॑ತಾ ಅ॒ಭಿಹು॑ತಾ ಭವನ್ತಿ ॥ ನೈನ॑-ನ್ದ॒ಙ್ಖ್ಷ್ಣವಃ॑ ಪ॒ಶವೋ॑ ಯ॒ಜ್ಞೇ ಬ॒ದ್ಧಾಃ ।
ಅ॒ಭೀಷ್ಟಾ॑ ಅ॒ಭಿಪ್ರೀ॑ತಾಃ । ಅ॒ಭಿಜಿ॑ತಾ ಅ॒ಭಿಹು॑ತಾ ಹಿಗ್ಂಸನ್ತಿ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ಯ ಉ॑ ಚೈನಮೇ॒ವಂ-ವೇಁದ॑ ॥ 37 ॥
(ಲ॒ಭ॒ತೇ॒ - ಗಾಮಾಲ॑ಭತೇ - ಪರ॒ಮೋ᳚-ಽಷ್ಟೌ ಚ॑) (ಅ. 8)

ಅನುವಾಕಂ 9 - ಉತ್ತಮೇ-ಽಹನಿ ಪ್ರಶವಃ
ಪ್ರ॒ಥ॒ಮೇನ॒ ವಾ ಏ॒ಷ ಸ್ತೋಮ॑ನ ರಾ॒ದ್ಧ್ವಾ ।
ಚ॒ತು॒ಷ್ಟೋ॒ಮೇನ॑ ಕೃ॒ತೇನಾಯಾ॑ನಾ॒-ಮುತ್ತ॒ರೇ-ಽಹನ್ನ್॑ ।
ಏ॒ಕ॒ವಿ॒ಗ್ಂ॒ಶೇ ಪ್ರ॑ತಿ॒ಷ್ಠಾಯಾ॒-ಮ್ಪ್ರತಿ॑ತಿಷ್ಠತಿ ॥
ಏ॒ಕ॒ವಿ॒ಗ್ಂ॒ಶಾ-ತ್ಪ್ರ॑ತಿ॒ಷ್ಠಾಯಾ॑ ಋ॒ತೂನ॒ನ್ವಾರೋ॑ಹತಿ । ಋ॒ತವೋ॒ ವೈ ಪೃ॒ಷ್ಠಾನಿ॑ । ಋ॒ತವ॑-ಸ್ಸಂ​ವಁಥ್ಸ॒ರಃ । ಋ॒ತುಷ್ವೇ॒ವ ಸಂ॑​ವಁಥ್ಸ॒ರೇ ಪ್ರ॑ತಿ॒ಷ್ಠಾಯ॑ । ದೇ॒ವತಾ॑ ಅ॒ಭ್ಯಾರೋ॑ಹತಿ । ಶಕ್ವ॑ರಯಃ ಪೃ॒ಷ್ಠ-ಮ್ಭ॑ವನ್ತ್ಯ॒-ನ್ಯದ॑ನ್ಯ॒-ಚ್ಛನ್ದಃ॑ । ಅ॒ನ್ಯೇ᳚-ಽನ್ಯೇ॒ ವಾ ಏ॒ತೇ ಪ॒ಶವ॒ ಆಲ॑ಭ್ಯನ್ತೇ ॥ 38 ॥

ಉ॒ತೇವ॑ ಗ್ರಾ॒ಮ್ಯಾಃ । ಉ॒ತೇವಾ॑ರ॒ಣ್ಯಾಃ । ಅಹ॑ರೇ॒ವ ರೂ॒ಪೇಣ॒ ಸಮ॑ದ್ರ್ಧಯತಿ । ಅಥೋ॒ ಅಹ್ನ॑ ಏ॒ವೈಷ ಬ॒ಲಿರ್​ಹ್ರಿ॑ಯತೇ ॥ ತದಾ॑ಹುಃ । ಅಪ॑ಶವೋ॒ ವಾ ಏ॒ತೇ ।
ಯದ॑ಜಾ॒-ವಯ॑ಶ್ಚಾರ॒ಣ್ಯಾಶ್ಚ॑ । ಏ॒ತೇ ವೈ ಸರ್ವೇ॑ ಪ॒ಶವಃ॑ । ಯದ್ಗ॒ವ್ಯಾ ಇತಿ॑ ।
ಗ॒ವ್ಯಾ-ನ್ಪ॒ಶೂನು॑ತ್ತ॒ಮೇ-ಽಹ॒ನ್ನಾಲ॑ಭತೇ ॥ 39 ॥

ತೇನೈ॒ವೋಭಯಾ᳚-ನ್ಪ॒ಶೂನವ॑ರುನ್ಧೇ ॥ ಪ್ರಾ॒ಜಾ॒ಪ॒ತ್ಯಾ ಭ॑ವನ್ತಿ । ಅನ॑ಭಿಜಿತಸ್ಯಾ॒-ಭಿಜಿ॑ತ್ಯೈ ॥ ಸೌ॒ರೀರ್ನವ॑ ಶ್ವೇ॒ತಾವ॒ಶಾ ಅ॑ನೂಬ॒ನ್ಧ್ಯಾ॑ ಭವನ್ತಿ ।
ಅ॒ನ್ತ॒ತ ಏ॒ವ ಬ॑ಹ್ಮವರ್ಚ॒ಸಮವ॑ರುನ್ಧೇ ॥
ಸೋಮಾ॑ಯ ಸ್ವ॒ರಾಜ್ಞೇ॑-ಽನೋವಾ॒ಹಾ-ವ॑ನ॒ಡ್ವಾಹಾ॒ವಿತಿ॑ ದ್ವ॒ನ್ದ್ವಿನಃ॑ ಪ॒ಶೂನಾಲ॑ಭತೇ ।
ಅ॒ಹೋ॒ರಾ॒ತ್ರಾಣಾ॑-ಮ॒ಭಿಜಿ॑ತ್ಯೈ ॥ ಪ॒ಶುಭಿ॒ರ್ವಾ ಏ॒ಷ ವ್ಯೃ॑ದ್ಧ್ಯತೇ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಛ॒ಗ॒ಲ-ಙ್ಕ॒ಲ್ಮಾಷ॑-ಙ್ಕಿಕಿದೀ॒ವಿಂ-ವಿಁ॑ದೀ॒ಗಯ॒ಮಿತಿ॑ ತ್ವಾ॒ಷ್ಟ್ರಾ-ನ್ಪ॒ಶೂನಾಲ॑ಭತೇ ।
ಪ॒ಶುಭಿ॑ರೇ॒ವಾತ್ಮಾನ॒ಗ್ಂ॒ ಸಮ॑ದ್ರ್ಧಯತಿ ॥
ಋ॒ತುಭಿ॒ರ್ವಾ ಏ॒ಷ ವ್ಯೃ॑ದ್ಧ್ಯತೇ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಪಿ॒ಶಙ್ಗಾ॒-ಸ್ತ್ರಯೋ॑ ವಾಸ॒ನ್ತಾ ಇತ್ಯೃ॑ತು-ಪ॒ಶೂನಾಲ॑ಭತೇ । ಋ॒ತುಭಿ॑ರೇ॒-ವಾತ್ಮಾನ॒ಗ್ಂ॒ ಸಮ॑ದ್ರ್ಧಯತಿ ॥
ಆ ವಾ ಏ॒ಷ ಪ॒ಶುಭ್ಯೋ॑ ವೃಶ್ಚ್ಯತೇ ।
ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ಪರ್ಯ॑ಗ್ನಿಕೃತಾ॒ ಉಥ್ಸೃ॑ಜ॒ನ್ತ್ಯನಾ᳚ವ್ರಸ್ಕಾಯ ॥ 40 ॥
(ಲ॒ಭ್ಯ॒ನ್ತೇ॒ - ಲ॒ಭ॒ತೇ॒ - ತ್ವಾ॒ಷ್ಟ್ರಾ-ನ್ಪ॒ಶೂನಾಲ॑ಭತೇ॒-ಽಷ್ಟೌ ಚ॑) (ಅ. 9)

ಅನುವಾಕಂ 10 - ಮಹಿಮಾಭಿಧಾನೌ ಪ್ರಹೌ
ಪ್ರ॒ಜಾಪ॑ತಿ-ರಕಾಮಯತ ಮ॒ಹಾನ॑ನ್ನಾ॒ದ-ಸ್ಸ್ಯಾ॒ಮಿತಿ॑ ।
ಸ ಏ॒ತಾವ॑ಶ್ವಮೇ॒ಧೇ ಮ॑ಹಿ॒ಮಾನಾ॑ವಪಶ್ಯತ್ । ತಾವ॑ಗೃಹ್ಣೀತ । ತತೋ॒ ವೈ ಸ ಮ॒ಹಾನ॑ನ್ನಾ॒ದೋ॑-ಽಭವತ್ । ಯಃ ಕಾ॒ಮಯೇ॑ತ ಮ॒ಹಾನ॑ನ್ನಾ॒ದ-ಸ್ಸ್ಯಾ॒ಮಿತಿ॑ । ಸ ಏ॒ತಾವ॑ಶ್ವಮೇ॒ಧೇ ಮ॑ಹಿ॒ಮಾನೌ॑ ಗೃಹ್ಣೀತ ।
ಮ॒ಹಾನೇ॒ವಾನ್ನಾ॒ದೋ ಭ॑ವತಿ ॥ ಯ॒ಜ॒ಮಾ॒ನ॒ದೇ॒ವ॒ತ್ಯಾ॑ ವೈ ವ॒ಪಾ । ರಾಜಾ॑ ಮಹಿ॒ಮಾ ।
ಯದ್ವ॒ಪಾ-ಮ್ಮ॑ಹಿ॒ಮ್ನೋಭ॒ಯತಃ॑ ಪರಿ॒ಯಜ॑ತಿ ।
ಯಜ॑ಮಾನಮೇ॒ವ ರಾ॒ಜ್ಯೇನೋ॑ಭ॒ಯತಃ॒ ಪರಿ॑ಗೃಹ್ಣಾತಿ ॥
ಪು॒ರಸ್ತಾ᳚-ಥ್ಸ್ವಾಹಾಕಾರಾ॒ ವಾ ಅ॒ನ್ಯೇ ದೇ॒ವಾಃ ।
ಉ॒ಪರಿ॑ಷ್ಟಾ-ಥ್ಸ್ವಾಹಾಕಾರಾ ಅ॒ನ್ಯೇ । ತೇ ವಾ ಏ॒ತೇ-ಽಶ್ವ॑ ಏ॒ವ ಮೇದ್ಧ್ಯ॑ ಉ॒ಭಯೇ-ಽವ॑ರುದ್ಧ್ಯನ್ತೇ ।
ಯದ್ವ॒ಪಾ-ಮ್ಮ॑ಹಿ॒ಮ್ನೋಭ॒ಯತಃ॑ ಪರಿ॒ಯಜ॑ತಿ । ತಾನೇ॒ವೋಭಯಾ᳚-ನ್ಪ್ರೀಣಾತಿ ॥ 41 ॥
(ಪ॒ರಿ॒ಯಜ॑ತಿ॒ ಷಟ್ಚ॑) (ಅ. 10)

ಅನುವಾಕಂ 11 - ಶರೀರಹೋಮಾ-ಸ್ಸ್ವಿಷ್ಟಕೃದಾದಯಶ್ಚ
ವೈ॒ಶ್ವ॒ದೇ॒ವೋ ವಾ ಅಶ್ವಃ॑ । ತಂ-ಯಁತ್ಪ್ರಾ॑ಜಾಪ॒ತ್ಯ-ಙ್ಕು॒ರ್ಯಾತ್ । ಯಾ ದೇ॒ವತಾ॒ ಅಪಿ॑ಭಾಗಾಃ ।
ತಾ ಭಾ॑ಗ॒ಧೇಯೇ॑ನ॒ ವ್ಯ॑ದ್ರ್ಧಯೇತ್ । ದೇ॒ವತಾ᳚ಭ್ಯ-ಸ್ಸ॒ಮದ॑-ನ್ದದ್ಧ್ಯಾತ್ । ಸ್ತೇ॒ಗಾನ್-ದಗ್ಗ್​ಷ್ಟ್ರಾ᳚ಭ್ಯಾ-ಮ್ಮ॒ಣ್ಡೂಕಾ॒-ಞ್ಜಮ್ಭ್ಯೇ॑-ಭಿ॒ರಿತಿ॑ ।
ಆಜ್ಯ॑-ಮವ॒ದಾನ॑-ಙ್ಕೃ॒ತ್ವಾ ಪ್ರತಿ॑ಸ॒ಙ್ಖ್ಯಾಯ॒-ಮಾಹು॑ತೀ-ರ್ಜುಹೋತಿ । ಯಾ ಏ॒ವ ದೇ॒ವತಾ॒ ಅಪಿ॑ಭಾಗಾಃ । ತಾ ಭಾ॑ಗ॒ಧೇಯೇ॑ನ॒ ಸಮ॑ದ್ರ್ಧಯತಿ ।
ನ ದೇ॒ವತಾ᳚ಭ್ಯ-ಸ್ಸ॒ಮದ॑-ನ್ದಧಾತಿ ॥ 42 ॥

ಚತು॑ರ್ದಶೈ॒ತಾ-ನ॑ನುವಾ॒ಕಾಞ್ಜು॑ಹೋ॒ತ್ಯ-ನ॑ನ್ತರಿತ್ಯೈ ॥
ಪ್ರ॒ಯಾ॒ಸಾಯ॒ ಸ್ವಾಹೇತಿ॑ ಪಞ್ಚದ॒ಶಮ್ । ಪಞ್ಚ॑ದಶ॒ ವಾ ಅ॑ದ್ರ್ಧಮಾ॒ಸಸ್ಯ॒ ರಾತ್ರ॑ಯಃ ।
ಅ॒ದ್ರ್ಧ॒ಮಾ॒ಸ॒ಶ-ಸ್ಸಂ॑​ವಁಥ್ಸ॒ರ ಆ᳚ಪ್ಯತೇ ॥ ದೇ॒ವಾ॒ಸು॒ರಾ-ಸ್ಸಂ​ಯಁ॑ನ್ತ್ತಾ ಆಸನ್ನ್ ।
ತೇ᳚-ಽಬ್ರುವನ್ನ॒ಗ್ನಯ॑-ಸ್ಸ್ವಿಷ್ಟ॒ಕೃತಃ॑ । ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ವ॒ಯಮು॑ದ್ಧಾ॒ರ-ಮುದ್ಧ॑ರಾಮಹೈ ।
ಅಥೈ॒ತಾನ॒ಭಿ-ಭ॑ವಾ॒ಮೇತಿ॑ । ತೇ ಲೋಹಿ॑ತ॒-ಮುದ॑ಹರನ್ತ ।
ತತೋ॑ ದೇ॒ವಾ ಅಭ॑ವನ್ನ್ ॥ 43 ॥

ಪರಾ-ಽಸು॑ರಾಃ । ಯಥ್ಸ್ವಿ॑ಷ್ಟ॒ಕೃದ್ಭ್ಯೋ॒ ಲೋಹಿ॑ತ-ಞ್ಜು॒ಹೋತಿ॒ ಭ್ರಾತೃ॑ವ್ಯಾಭಿಭೂತ್ಯೈ । ಭವ॑ತ್ಯಾ॒ತ್ಮನಾ᳚ । ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತಿ ॥
ಗೋ॒ಮೃ॒ಗ॒ಕ॒ಣ್ಠೇನ॑ ಪ್ರಥ॒ಮಾ-ಮಾಹು॑ತಿ-ಞ್ಜುಹೋತಿ ।
ಪ॒ಶವೋ॒ ವೈ ಗೋ॑ಮೃ॒ಗಃ । ರು॒ದ್ರೋ᳚-ಽಗ್ನಿ-ಸ್ಸ್ವಿ॑ಷ್ಟ॒ಕೃತ್ । ರು॒ದ್ರಾದೇ॒ವ ಪ॒ಶೂನ॒ನ್ತರ್ದ॑ಧಾತಿ । ಅಥೋ॒ ಯತ್ರೈ॒ಷಾ-ಽಽಹು॑ತಿರ್-ಹೂ॒ಯತೇ᳚ ।
ನ ತತ್ರ॑ ರು॒ದ್ರಃ ಪ॒ಶೂನ॒ಭಿಮ॑ನ್ಯತೇ ॥ 44 ॥

ಅ॒ಶ್ವ॒ಶ॒ಫೇನ॑ ದ್ವಿ॒ತೀಯಾ॒-ಮಾಹು॑ತಿ-ಞ್ಜುಹೋತಿ । ಪ॒ಶವೋ॒ ವಾ ಏಕ॑ಶಫಮ್ । ರು॒ದ್ರೋ᳚-ಽಗ್ನಿ-ಸ್ಸ್ವಿ॑ಷ್ಟ॒ಕೃತ್ । ರು॒ದ್ರಾದೇ॒ವ ಪ॒ಶೂನ॒ನ್ತರ್ದ॑ಧಾತಿ ।
ಅಥೋ॒ ಯತ್ರೈ॒ಷಾ-ಽಽಹು॑ತಿರಃಅ॒ಯತೇ᳚ ।
ನ ತತ್ರ॑ ರು॒ದ್ರಃ ಪ॒ಶೂನ॒ಭಿಮ॑ನ್ಯತೇ ॥
ಅ॒ಯ॒ಸ್ಮಯೇ॑ನ ಕಮ॒ಣ್ಡಲು॑ನಾ ತೃ॒ತೀಯಾ᳚ಮ್ ।
ಆಹು॑ತಿ-ಞ್ಜುಹೋತ್ಯಾ-ಯ॒ಸ್ಯೋ॑ ವೈ ಪ್ರ॒ಜಾಃ । ರು॒ದ್ರೋ᳚-ಽಗ್ನಿ-ಸ್ಸ್ವಿ॑ಷ್ಟ॒ಕೃತ್ । ರು॒ದ್ರಾದೇ॒ವ ಪ್ರ॒ಜಾ ಅ॒ನ್ತರ್ದ॑ಧಾತಿ । ಅಥೋ॒ ಯತ್ರೈ॒ಷಾ-ಽಽಹು॑ತಿರ್-ಹೂ॒ಯತೇ᳚ ।
ನ ತತ್ರ॑ ರು॒ದ್ರಃ ಪ್ರ॒ಜಾ ಅ॒ಭಿಮ॑ನ್ಯತೇ ॥ 45 ॥
(ದ॒ಧಾ॒ - ತ್ಯಭ॑ವನ್ - ಮನ್ಯತೇ - ಪ್ರ॒ಜಾ ಅ॒ನ್ತ-ರ್ದ॑ಧಾತಿ॒ ದ್ವೇ ಚ॑) (ಅ. 11)

ಅನುವಾಕಂ 12 - ತದುಭಯಹೋಮಮಧ್ಯವರ್ತ್ಯಶ್ಚಸ್ತೋಮೀಯಹೋಮಃ
ಅಶ್ವ॑ಸ್ಯ॒ ವಾ ಆಲ॑ಬ್ಧಸ್ಯ॒ ಮೇಧ॒ ಉದ॑ಕ್ರಾಮತ್ । ತದ॑ಶ್ವಸ್ತೋ॒ಮೀಯ॑-ಮಭವತ್ ।
ಯದ॑ಶ್ವಸ್ತೋ॒ಮೀಯ॑-ಞ್ಜು॒ಹೋತಿ॑ । ಸಮೇ॑ಧಮೇ॒ವೈನ॒-ಮಾಲ॑ಭತೇ ॥ ಆಜ್ಯೇ॑ನ ಜುಹೋತಿ । ಮೇಧೋ॒ ವಾ ಆಜ್ಯ᳚ಮ್ । ಮೇಧೋ᳚-ಽಶ್ವಸ್ತೋ॒ಮೀಯ᳚ಮ್ । ಮೇಧೇ॑ನೈ॒ವಾಸ್ಮಿ॒-ನ್ಮೇಧ॑-ನ್ದಧಾತಿ ॥ ಷಟತ್ರಗ್ಂ॑ಶತ-ಞ್ಜುಹೋತಿ ।
ಷಟತ್ರಗ್ಂ॑ಶದಖ್ಷರಾ ಬೃಹ॒ತೀ ॥ 46 ॥

ಬಾರ್​ಹ॑ತಾಃ ಪ॒ಶವಃ॑ । ಸಾ ಪ॑ಶೂ॒ನಾ-ಮ್ಮಾತ್ರಾ᳚ । ಪ॒ಶೂನೇ॒ವ ಮಾತ್ರ॑ಯಾ॒ ಸಮ॑ದ್ರ್ಧಯತಿ ॥
ತಾ ಯದ್ಭೂಯ॑ಸೀರ್ವಾ॒ ಕನೀ॑ಯಸೀರ್ವಾ ಜುಹು॒ಯಾತ್ । ಪ॒ಶೂನ್ಮಾತ್ರ॑ಯಾ॒ ವ್ಯ॑ದ್ರ್ಧಯೇತ್ ।
ಷಟತ್ರಗ್ಂ॑ಶತ-ಞ್ಜುಹೋತಿ । ಷಟತ್ರಗ್ಂ॑ಶದಖ್ಷರಾ ಬೃಹ॒ತೀ । ಬಾರ್​ಹ॑ತಾಃ ಪ॒ಶವಃ॑ ।
ಸಾ ಪ॑ಶೂ॒ನಾ-ಮ್ಮಾತ್ರಾ᳚ । ಪ॒ಶೂನೇ॒ವ ಮಾತ್ರ॑ಯಾ॒ ಸಮ॑ದ್ರ್ಧಯತಿ ॥ 47 ॥

ಅ॒ಶ್ವ॒ಸ್ತೋ॒ಮೀಯಗ್ಂ॑ ಹು॒ತ್ವಾ ದ್ವಿ॒ಪದಾ॑ ಜುಹೋತಿ । ದ್ವಿ॒ಪಾದ್ವೈ ಪುರು॑ಷೋ॒ ದ್ವಿಪ್ರ॑ತಿಷ್ಠಃ ।
ತದೇ॑ನ-ಮ್ಪ್ರತಿ॒ಷ್ಠಯಾ॒ ಸಮ॑ದ್ರ್ಧಯತಿ ॥ ತದಾ॑ಹುಃ । ಅ॒ಶ್ವ॒ಸ್ತೋ॒ಮೀಯ॒-ಮ್ಪೂರ್ವಗ್ಂ॑ ಹೋತ॒ವ್ಯಾ(3)-ನ್ದ್ವಿ॒ಪದಾ(3) ಇತಿ॑ । ಅಶ್ವೋ॒ ವಾ ಅ॑ಶ್ವಸ್ತೋ॒ಮೀಯ᳚ಮ್ । ಪುರು॑ಷೋ ದ್ವಿ॒ಪದಾಃ᳚ । ಅ॒ಶ್ವ॒ಸ್ತೋ॒ಮೀಯಗ್ಂ॑ ಹು॒ತ್ವಾ ದ್ವಿ॒ಪದಾ॑ ಜುಹೋತಿ । ತಸ್ಮಾ᳚-ದ್ದ್ವಿ॒ಪಾಚ್ಚತು॑ಷ್ಪಾದಮತ್ತಿ ।
ಅಥೋ᳚ ದ್ವಿ॒ಪದ್ಯೇ॒ವ ಚತು॑ಷ್ಪದಃ॒ ಪ್ರತಿ॑ಷ್ಠಾಪಯತಿ ॥ ದ್ವಿ॒ಪದಾ॑ ಹು॒ತ್ವಾ । ನಾನ್ಯಾಮುತ್ತ॑ರಾ॒-ಮಾಹು॑ತಿ-ಞ್ಜುಹುಯಾತ್ । ಯದ॒ನ್ಯಾಮುತ್ತ॑ರಾ॒-ಮಾಹು॑ತಿ-ಞ್ಜುಹು॒ಯಾತ್ ।
ಪ್ರ ಪ್ರ॑ತಿ॒ಷ್ಠಾಯಾ᳚ಶ್ಚ್ಯವೇತ । ದ್ವಿ॒ಪದಾ॑ ಅನ್ತ॒ತೋ ಜ॑ಹೋತಿ॒ ಪ್ರತಿ॑ಷ್ಠಿತ್ಯೈ ॥ 48 ॥
(ಬೃ॒ಹ॒ - ತ್ಯ॑ದ್ರ್ಧಯತಿ - ಸ್ಥಾಪಯತಿ॒ ಪಞ್ಚ॑ ಚ) (ಅ. 12)

ಅನುವಾಕಂ 13 - ಸಂ​ವಁಥ್ಸರಾನುಷ್ಠಾನಮಿಷ್ಟೀನಾಂ
ಪ್ರ॒ಜಾಪ॑ತಿ-ರಶ್ವಮೇ॒ಧ-ಮ॑ಸೃಜತ ।
ಸೋ᳚-ಽಸ್ಮಾಥ್ಸೃ॒ಷ್ಟೋ-ಽಪಾ᳚ಕ್ರಾಮತ್ ।
ತಂ-ಯಁ॑ಜ್ಞ-ಕ್ರ॒ತುಭಿ॒-ರನ್ವೈ᳚ಚ್ಛತ್ । ತಂ-ಯಁ॑ಜ್ಞ-ಕ್ರ॒ತುಭಿ॒-ರ್ನಾನ್ವ॑ವಿನ್ದತ್ । ತಮಿಷ್ಟಿ॑ಭಿ॒-ರನ್ವೈ᳚ಚ್ಛತ್ । ತಮಿಷ್ಟಿ॑ಭಿ॒-ರನ್ವ॑ವಿನ್ದತ್ । ತದಿಷ್ಟೀ॑ನಾ-ಮಿಷ್ಟಿ॒ತ್ವಮ್ ।
ಯಥ್ಸಂ॑​ವಁಥ್ಸ॒ರ-ಮಿಷ್ಟಿ॑ಭಿ॒-ರ್ಯಜ॑ತೇ । ಅಶ್ವ॑ಮೇ॒ವ ತದನ್ವಿ॑ಚ್ಛತಿ ॥
ಸಾ॒ವಿ॒ತ್ರಿಯೋ॑ ಭವನ್ತಿ ॥ 49 ॥

ಇ॒ಯಂ-ವೈಁ ಸ॑ವಿ॒ತಾ । ಯೋ ವಾ ಅ॒ಸ್ಯಾ-ನ್ನಶ್ಯ॑ತಿ॒ ಯೋ ನಿ॒ಲಯ॑ತೇ । ಅ॒ಸ್ಯಾಂ-ವಾಁವ ತಂ-ವಿಁ॑ನ್ದನ್ತಿ । ನ ವಾ ಇ॒ಮಾ-ಙ್ಕಶ್ಚ॒ನೇತ್ಯಾ॑ಹುಃ । ತಿ॒ರ್ಯನ್ನೋದ್ರ್ಧ್ವೋ-ಽತ್ಯೇ॑ತುಮರ್​ಹ॒ತೀತಿ॑ । ಯಥ್ಸಾ॑ವಿ॒ತ್ರಿಯೋ॒ ಭವ॑ನ್ತಿ ।
ಸ॒ವಿ॒ತೃ-ಪ್ರ॑ಸೂತ ಏ॒ವೈನ॑ಮಿಚ್ಛತಿ ॥
ಈ॒ಶ್ವ॒ರೋ ವಾ ಅಶ್ವಃ॒ ಪ್ರಮು॑ಕ್ತಃ॒ ಪರಾ᳚-ಮ್ಪರಾ॒ವತ॒-ಙ್ಗನ್ತೋಃ᳚ । ಯಥ್ಸಾ॒ಯ-ನ್ಧೃತೀ᳚ರ್ಜು॒ಹೋತಿ॑ । ಅಶ್ವ॑ಸ್ಯ॒ ಯತ್ಯೈ॒ ಧೃತ್ಯೈ᳚ ॥ 50 ॥

ಯತ್ಪ್ರಾ॒ತರಿಷ್ಟಿ॑ಭಿ॒-ರ್ಯಜ॑ತೇ । ಅಶ್ವ॑ಮೇ॒ವ ತದನ್ವಿ॑ಚ್ಛತಿ । ಯಥ್ಸಾ॒ಯ-ನ್ಧೃತೀ᳚ರ್ಜು॒ಹೋತಿ॑ । ಅಶ್ವ॑ಸ್ಯೈ॒ವ ಯತ್ಯೈ॒ ಧೃತ್ಯೈ᳚ । ತಸ್ಮಾ᳚ಥ್ಸಾ॒ಯ-ಮ್ಪ್ರ॒ಜಾಃ, ಖ್ಷೇ॒ಮ್ಯಾ॑
ಭವನ್ತಿ ॥ ಯತ್ಪ್ರಾ॒ತ-ರಿಷ್ಟಿ॑ಭಿ॒-ರ್ಯಜ॑ತೇ ।
ಅಶ್ವ॑ಮೇ॒ವ ತದನ್ವಿ॑ಚ್ಛತಿ । ತಸ್ಮಾ॒ದ್ದಿವಾ॑ ನಷ್ಟೈ॒ಷ ಏ॑ತಿ ॥ ಯತ್ಪ್ರಾ॒ತರಿಷ್ಟಿ॑ಭಿ॒-ರ್ಯಜ॑ತೇ ಸಾ॒ಯ-ನ್ಧೃತೀ᳚ರ್ಜು॒ಹೋತಿ॑ । ಅ॒ಹೋ॒ರಾ॒ತ್ರಾಭ್ಯಾ॑-ಮೇ॒ವೈನ॒-ಮನ್ವಿ॑ಚ್ಛತಿ । ಅಥೋ॑ ಅಹೋರಾ॒ತ್ರಾಭ್ಯಾ॑-ಮೇ॒ವಾಸ್ಮೈ॑ ಯೋಗಖ್ಷೇ॒ಮ-ಙ್ಕ॑ಲ್ಪಯತಿ ॥ 51 ॥
(ಭ॒ವ॒ನ್ತಿ॒ - ಧೃತ್ಯಾ॑ - ಏನ॒ ಮನ್ವಿ॑ಚ್ಛ॒ತ್ಯೇಕ॑-ಞ್ಚ) (ಅ. 13)

ಅನುವಾಕಂ 14 - ತಾಸ್ವಿಷ್ಟಿಷು ಬ್ರಾಹ್ಮಣರಾಜನ್ಯಯೋರ್ಗಾನಂ
ಅಪ॒ ವಾ ಏ॒ತಸ್ಮಾ॒ಚ್ಛ್ರೀ ರಾ॒ಷ್ಟ್ರ-ಙ್ಕ್ರಾ॑ಮತಿ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ಬ್ರಾ॒ಹ್ಮ॒ಣೌ ವೀ॑ಣಾಗಾ॒ಥಿನೌ॑ ಗಾಯತಃ । ಶ್ರಿ॒ಯಾ ವಾ ಏ॒ತ-ದ್ರೂ॒ಪಮ್ । ಯದ್ವೀಣಾ᳚ । ಶ್ರಿಯ॑-ಮೇ॒ವಾಸ್ಮಿ॒-ನ್ತದ್ಧ॑ತ್ತಃ । ಯ॒ದಾ ಖಲು॒ ವೈ ಪುರು॑ಷ॒-ಶ್ಶ್ರಿಯ॑ಮಶ್ನು॒ತೇ ।
ವೀಣಾ᳚-ಽಸ್ಮೈ ವಾದ್ಯತೇ ॥ ತದಾ॑ಹುಃ ।
ಯದು॒ಭೌ ಬ್ರಾ᳚ಹ್ಮ॒ಣೌ ಗಾಯೇ॑ತಾಮ್ ॥ 52 ॥

ಪ್ರ॒ಭ್ರಗ್ಂಶು॑ಕಾ-ಽಸ್ಮಾ॒ಚ್ಛ್ರೀ-ಸ್ಸ್ಯಾ᳚ತ್ ।
ನ ವೈ ಬ್ರಾ᳚ಹ್ಮ॒ಣೇ ಶ್ರೀ ರ॑ಮತ॒ ಇತಿ॑ ।
ಬ್ರಾ॒ಹ್ಮ॒ಣೋ᳚-ಽನ್ಯೋ ಗಾಯೇ᳚ತ್ । ರಾ॒ಜ॒ನ್ಯೋ᳚-ಽನ್ಯಃ ।
ಬ್ರಹ್ಮ॒ ವೈ ಬ್ರಾ᳚ಹ್ಮ॒ಣಃ । ಖ್ಷ॒ತ್ರಗ್ಂ ರಾ॑ಜ॒ನ್ಯಃ॑ ।
ತಥಾ॑ ಹಾಸ್ಯ॒ ಬ್ರಹ್ಮ॑ಣಾ ಚ ಖ್ಷ॒ತ್ರೇಣ॑ ಚೋಭ॒ಯತ॒-ಶ್ಶ್ರೀಃ ಪರಿ॑ಗೃಹೀತಾ ಭವತಿ ॥
ತದಾ॑ಹುಃ । ಯದು॒ಭೌ ದಿವಾ॒ ಗಾಯೇ॑ತಾಮ್ ।
ಅಪಾ᳚ಸ್ಮಾ-ದ್ರಾ॒ಷ್ಟ್ರ-ಙ್ಕ್ರಾ॑ಮೇತ್ ॥ 53 ॥

ನ ವೈ ಬ್ರಾ᳚ಹ್ಮ॒ಣೇ ರಾ॒ಷ್ಟ್ರಗ್ಂ ರ॑ಮತ॒ ಇತಿ॑ । ಯ॒ದಾ ಖಲು॒ ವೈ ರಾಜಾ॑ ಕಾ॒ಮಯ॑ತೇ । ಅಥ॑ ಬ್ರಾಹ್ಮ॒ಣ-ಞ್ಜಿ॑ನಾತಿ । ದಿವಾ᳚ ಬ್ರಾಹ್ಮ॒ಣೋ ಗಾ॑ಯೇತ್ । ನಕ್ತಗ್ಂ॑ ರಾಜ॒ನ್ಯಃ॑ ।
ಬ್ರಹ್ಮ॑ಣೋ॒ ವೈ ರೂ॒ಪಮಹಃ॑ । ಖ್ಷ॒ತ್ರಸ್ಯ॒ ರಾತ್ರಿಃ॑ ।
ತಥಾ॑ ಹಾಸ್ಯ॒ ಬ್ರಹ್ಮ॑ಣಾ ಚ ಖ್ಷ॒ತ್ರೇಣ॑ ಚೋಭ॒ಯತೋ॑ ರಾ॒ಷ್ಟ್ರ-ಮ್ಪರಿ॑ಗೃಹೀತ-ಮ್ಭವತಿ ॥ ಇತ್ಯ॑ದದಾ॒ ಇತ್ಯ॑ಯಜಥಾ॒ ಇತ್ಯ॑ಪಚ॒ ಇತಿ॑ ಬ್ರಾಹ್ಮ॒ಣೋ ಗಾಯೇ᳚ತ್ ।
ಇ॒ಷ್ಟಾ॒ಪೂ॒ರ್ತಂ-ವೈಁ ಬ್ರಾ᳚ಹ್ಮ॒ಣಸ್ಯ॑ ॥ 54 ॥

ಇ॒ಷ್ಟಾ॒ಪೂ॒ರ್ತೇ-ನೈ॒ವೈನ॒ಗ್ಂ॒ ಸ ಸಮ॑ದ್ರ್ಧಯತಿ ॥
ಇತ್ಯ॑ಜಿನಾ॒ ಇತ್ಯ॑ಯುದ್ಧ್ಯಥಾ॒ ಇತ್ಯ॒ಮುಗ್ಂ ಸ॑ಗ್ರಾ॒ಮ್ಮ-ಮ॑ಹ॒ನ್ನಿತಿ॑ ರಾಜ॒ನ್ಯಃ॑ । ಯು॒ದ್ಧಂ-ವೈಁ ರಾ॑ಜ॒ನ್ಯ॑ಸ್ಯ । ಯು॒ದ್ಧೇನೈ॒ವೈನ॒ಗ್ಂ॒ ಸ ಸಮ॑ದ್ರ್ಧಯತಿ ॥ ಅಕ್ಲೃ॑ಪ್ತಾ॒ ವಾ ಏ॒ತಸ್ಯ॒ರ್ತವ॒ ಇತ್ಯಾ॑ಹುಃ । ಯೋ᳚-ಽಶ್ವಮೇ॒ಧೇನ॒ ಯಜ॑ತ॒ ಇತಿ॑ ।
ತಿ॒ಸ್ರೋ᳚-ಽನ್ಯೋ ಗಾಯ॑ತಿ ತಿ॒ಸ್ರೋ᳚-ಽನ್ಯಃ । ಷಟ್ಥ್ಸಮ್ಪ॑ದ್ಯನ್ತೇ । ಷಡ್ವಾ ಋ॒ತವಃ॑ ।
ಋ॒ತೂನೇ॒ವಾಸ್ಮೈ॑ ಕಲ್ಪಯತಃ ॥ ತಾಭ್ಯಾಗ್ಂ॑ ಸ॒ಗ್ಗ್॒ಸ್ಥಾಯಾ᳚ಮ್ । ಅ॒ನೋ॒ಯು॒ಕ್ತೇ ಚ॑ ಶ॒ತೇ ಚ॑ ದದಾತಿ । ಶ॒ತಾಯುಃ॒ ಪುರು॑ಷ-ಶ್ಶ॒ತೇನ್ದ್ರಿ॑ಯಃ ।
ಆಯು॑ಷ್ಯೇ॒ವೇನ್ದ್ರಿ॒ಯೇ ಪ್ರತಿ॑ತಿಷ್ಠತಿ ॥ 55 ॥
(ಗಾಯೇ॑ತಾಂ - ಕ್ರಾಮೇ-ದ್- ಬ್ರಾಹ್ಮ॒ಣಸ್ಯ॑ - ಕಲ್ಪಯತಶ್ಚ॒ತ್ವಾರಿ॑ ಚ) (ಅ. 14)

ಅನುವಾಕಂ 15 - ಅವಭೃಥಹೋಮವಿಶೇಷಾಃ
ಸರ್ವೇ॑ಷು॒ ವಾ ಏ॒ಷು ಲೋ॒ಕೇಷು॑ ಮೃ॒ತ್ಯವೋ॒-ಽನ್ವಾಯ॑ತ್ತಾಃ । ತೇಭ್ಯೋ॒ ಯದಾಹು॑ತೀ॒ರ್ನ ಜು॑ಹು॒ಯಾತ್ । ಲೋ॒ಕೇ ಲೋ॑ಕ ಏನ-ಮ್ಮೃ॒ತ್ಯುರ್ವಿ॑ನ್ದೇತ್ ।
ಮೃ॒ತ್ಯವೇ॒ ಸ್ವಾಹಾ॑ ಮೃ॒ತ್ಯವೇ॒ ಸ್ವಾಹೇತ್ಯ॑ಭಿ ಪೂ॒ರ್ವಮಾಹು॑ತೀ-ರ್ಜುಹೋತಿ ।
ಲೋ॒ಕಾಲ್ಲೋ॑ಕಾದೇ॒ವ ಮೃ॒ತ್ಯುಮವ॑ಯಜತೇ ।
ನೈನಂ॑-ಲೋಁ॒ಕೇ ಲಾ॑ಕೇ ಮೃ॒ತ್ಯುರ್ವಿ॑ನ್ದತಿ ॥
ಯದ॒ಮುಷ್ಮೈ॒ ಸ್ವಾಹಾ॒-ಽಮುಷ್ಮೈ॒ ಸ್ವಾಹೇತಿ॒ ಜುಹ್ವ॑ಥ್ಸ॒-ಞ್ಚಖ್ಷೀ॑ತ । ಬ॒ಹು-ಮ್ಮೃ॒ತ್ಯುಮ॒ಮಿತ್ರ॑-ಙ್ಕುರ್ವೀತ । ಮೃ॒ತ್ಯವೇ॒ ಸ್ವಾಹೇತ್ಯೇಕ॑ಸ್ಮಾ ಏ॒ವೈಕಾ᳚-ಞ್ಜುಹುಯಾತ್ । ಏಕೋ॒ ವಾ ಅ॒ಮುಷ್ಮಿ॑ನ್ ಁಲಾ॒ಕೇ ಮೃ॒ತ್ಯುಃ ॥ 56 ॥

ಅ॒ಶ॒ನ॒ಯಾ॒ ಮೃ॒ತ್ಯುರೇ॒ವ । ತಮೇ॒ವಾಮುಷ್ಮಿ॑ನ್ ಁಲೋ॒ಕೇ-ಽವ॑ಯಜತೇ ॥ ಭ್ರೂ॒ಣ॒ಹ॒ತ್ಯಾಯೈ॒ ಸ್ವಾಹೇತ್ಯ॑ವಭೃ॒ಥ ಆಹು॑ತಿ-ಞ್ಜುಹೋತಿ ।
ಭ್ರೂ॒ಣ॒ಹ॒ತ್ಯಾಮೇ॒ ವಾ ವ॑ಯಜತೇ ॥ ತದಾ॑ಹುಃ । ಯದ್ಭ್ರೂ॑ಣಹ॒ತ್ಯಾ ಽಪಾ॒ತ್ರ್ಯಾ-ಽಥ॑ ।
ಕಸ್ಮಾ᳚-ದ್ಯ॒ಜ್ಞೇ-ಽಪಿ॑ ಕ್ರಿಯತ॒ ಇತಿ॑ ॥
ಅಮೃ॑ತ್ಯು॒ರ್ವಾ ಅ॒ನ್ಯೋ ಭ್ರೂ॑ಣಹ॒ತ್ಯಾಯಾ॒ ಇತ್ಯಾ॑ಹುಃ ।
ಭ್ರೂ॒ಣ॒ಹ॒ತ್ಯಾ ವಾವ ಮೃ॒ತ್ಯುರಿತಿ॑ ।
ಯದ್ಭ್ರೂ॑ಣಹ॒ತ್ಯಾಯೈ॒ ಸ್ವಾಹೇತ್ಯ॑ವಭೃ॒ಥ ಆಹುತಿ॑-ಞ್ಜು॒ಹೋತಿ॑ ॥ 57 ॥

ಮೃ॒ತ್ಯುಮೇ॒ ವಾ ಹು॑ತ್ಯಾ ತರ್ಪಯಿ॒ತ್ವಾ ಪ॑ರಿ॒ಪಾಣ॑-ಙ್ಕೃ॒ತ್ವಾ ।
ಭ್ರೂ॒ಣ॒ಘ್ನೇ ಭೇ॑ಷ॒ಜ-ಙ್ಕ॑ರೋತಿ ॥ ಏ॒ತಾಗ್ಂ ಹ॒ ವೈ ಮು॑ಣ್ಡಿ॒ಭ ಔ॑ದನ್ಯ॒ವಃ ।
ಭ್ರೂ॒ಣ॒ಹ॒ತ್ಯಾಯೈ॒ ಪ್ರಾಯ॑ಶ್ಚಿತ್ತಿಂ-ವಿಁ॒ದಾಞ್ಚ॑ಕಾರ ।
ಯೋ ಹಾ॒ಸ್ಯಾಪಿ॑ ಪ್ರ॒ಜಾಯಾ᳚-ಮ್ಬ್ರಾಹ್ಮ॒ಣಗ್ಂ ಹನ್ತಿ॑ । ಸರ್ವ॑ಸ್ಮೈ॒ ತಸ್ಮೈ॑ ಭೇಷ॒ಜ-ಙ್ಕ॑ರೋತಿ ॥
ಜು॒ಮ್ಬ॒ಕಾಯ॒ ಸ್ವಾಹೇತ್ಯ॑ವಭೃ॒ಥ ಉ॑ತ್ತ॒ಮಾಮಾಹು॑ತಿ-ಞ್ಜುಹೋತಿ । ವರು॑ಣೋ॒ ವೈ ಜು॑ಮ್ಬ॒ಕಃ । ಅ॒ನ್ತ॒ತ ಏ॒ವ ವರು॑ಣ॒-ಮವ॑ಯಜತೇ ॥ ಖ॒ಲ॒ತೇರ್ವಿ॑ಕ್ಲಿ॒ಧಸ್ಯ॑ ಶು॒ಕ್ಲಸ್ಯ॑ ಪಿಙ್ಗಾ॒ಖ್ಷಸ್ಯ॑ ಮೂ॒ದ್ರ್ಧಞ್ಜು॑ಹೋತಿ ।
ಏ॒ತದ್ವೈ ವರು॑ಣಸ್ಯ ರೂ॒ಪಮ್ । ರೂ॒ಪೇಣೈ॒ವ ವರು॑ಣ॒ಮವ॑ಯಜತೇ ॥ 58 ॥
(ಲೋ॒ಕೇ ಮೃ॒ತ್ಯು--ರ್ ಜು॒ಹೋತಿ॑ - ಮೂ॒ದ್ರ್ಧಞ್ಜು॑ಹೋತಿ॒ ದ್ವೇ ಚ॑) (ಅ. 15)

ಅನುವಾಕಂ 16 - ಉಪಾಕರಣಮನ್ತ್ರವ್ಯಾಖ್ಯಾನಾದಿಃ
ವಾ॒ರು॒ಣೋ ವಾ ಅಶ್ವಃ॑ । ತ-ನ್ದೇ॒ವತ॑ಯಾ॒ ವ್ಯ॑ದ್ರ್ಧಯತಿ । ಯತ್ಪ್ರಾ॑ಜಾಪ॒ತ್ಯ-ಙ್ಕ॒ರೋತಿ॑ ।
ನಮೋ॒ ರಾಜ್ಞೇ॒ ನಮೋ॒ ವರು॑ಣಾ॒ಯೇತ್ಯಾ॑ಹ । ವಾ॒ರು॒ಣೋ ವಾ ಅಶ್ವಃ॑ । ಸ್ವಯೈ॒ವೈನ॑-ನ್ದೇ॒ವತ॑ಯಾ॒ ಸಮ॑ದ್ರ್ಧಯತಿ ॥ ನಮೋ-ಽಶ್ವಾ॑ಯ॒ ನಮಃ॑ ಪ್ರ॒ಜಾಪ॑ತಯ॒ ಇತ್ಯಾ॑ಹ । ಪ್ರಾ॒ಜಾ॒ಪ॒ತ್ಯೋ ವಾ ಅಶ್ವಃ॑ । ಸ್ವಯೈ॒ವೈನ॑-ನ್ದೇ॒ವತ॑ಯಾ॒ ಸಮ॑ದ್ರ್ಧಯತಿ ॥
ನಮೋ-ಽಧಿ॑ಪತಯ॒ ಇತ್ಯಾ॑ಹ ॥ 59 ॥

ಧರ್ಮೋ॒ ವಾ ಅಧಿ॑ಪತಿಃ । ಧರ್ಮ॑ಮೇ॒ವಾ-ವ॑ರುನ್ಧೇ ॥
ಅಧಿ॑ಪತಿ-ರ॒ಸ್ಯಧಿ॑ಪತಿ-ಮ್ಮಾ ಕು॒ರ್ವಧಿ॑ಪತಿರ॒ಹ-ಮ್ಪ್ರ॒ಜಾನಾ᳚-ಮ್ಭೂಯಾಸ॒-ಮಿತ್ಯಾ॑ಹ ।
ಅಧಿ॑ಪತಿ-ಮ॒ವೈನಗ್ಂ॑ ಸಮಾ॒ನಾನಾ᳚-ಙ್ಕರೋತಿ ॥
ಮಾ-ನ್ಧ॑ಹಿ॒ ಮಯಿ॑ ಧ॒ಹೀತ್ಯಾ॑ಹ ।
ಆ॒ಶಿಷ॑ಮೇ॒ವೈತಾಮಾಶಾ᳚ಸ್ತೇ ॥
ಉ॒ಪಾಕೃ॑ತಾಯ॒ ಸ್ವಾಹೇತ್ಯು॒ಪಾಕೃ॑ತೇ ಜುಹೋತಿ ।
ಆಲ॑ಬ್ಧಾಯ॒ ಸ್ವಾಹೇತಿ॒ ನಿಯು॑ಕ್ತೇ ಜುಹೋತಿ ।
ಹು॒ತಾಯ॒ ಸ್ವಾಹೇತಿ॑ ಹು॒ತೇ ಜು॑ಹೋತಿ ।
ಏ॒ಷಾಂ-ಲೋಁ॒ಕಾನಾ॑-ಮ॒ಭಿಜಿ॑ತ್ಯೈ ॥ 60 ॥
ಪ್ರ ವಾ ಏ॒ಷ ಏ॒ಭ್ಯೋ ಲೋ॒ಕೇಭ್ಯ॑ಶ್ಚ್ಯವತೇ । ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ।
ಆ॒ಗ್ನೇ॒ಯ-ಮೈ᳚ನ್ದ್ರಾ॒ಗ್ನ-ಮಾ᳚ಶ್ವಿ॒ನಮ್ ।
ತಾ-ನ್ಪ॒ಶೂನಾಲ॑ಭತೇ॒ ಪ್ರತಿ॑ಷ್ಠಿತ್ಯೈ ॥
ಯದಾ᳚-ಽಗ್ನೇ॒ಯೋ ಭವ॑ತಿ । ಅ॒ಗ್ನಿ-ಸ್ಸರ್ವಾ॑ ದೇ॒ವತಾಃ᳚ । ದೇ॒ವತಾ॑ ಏ॒ವಾವ॑ರುನ್ಧೇ ॥
ಬ್ರಹ್ಮ॒ ವಾ ಅ॒ಗ್ನಿಃ । ಖ್ಷ॒ತ್ರಮಿನ್ದ್ರಃ॑ । ಯದೈ᳚ನ್ದ್ರಾ॒ಗ್ನೋ ಭವ॑ತಿ ॥ 61 ॥

ಬ್ರ॒ಹ್ಮ॒ಖ್ಷ॒ತ್ರೇ ಏ॒ವಾವ॑ರುನ್ಧೇ ॥
ಯದಾ᳚-ಽಶ್ವಿ॒ನೋ ಭವ॑ತಿ । ಆ॒ಶಿಷಾ॒ಮವ॑ರುದ್ಧ್ಯೈ ॥
ತ್ರಯೋ॑ ಭವನ್ತಿ । ತ್ರಯ॑ ಇ॒ಮೇ ಲೋ॒ಕಾಃ ।
ಏ॒ಷ್ವೇ॑ವ ಲೋ॒ಕೇಷು॒ ಪ್ರತಿ॑ತಿಷ್ಠತಿ ॥
ಅ॒ಗ್ನಯೇ-ಽಗ್ಂ॑ಹೋ॒ಮುಚೇ॒-ಽಷ್ಟಾಕ॑ಪಾಲ॒ ಇತಿ॒ ದಶ॑ಹವಿಷ॒ಮಿಷ್ಟಿ॒-ನ್ನಿರ್ವ॑ಪತಿ ।
ದಶಾ᳚ಖ್ಷರಾ ವಿ॒ರಾಟ್ । ಅನ್ನಂ॑-ವಿಁ॒ರಾಟ್ ।
ವಿ॒ರಾಜೈ॒-ವಾನ್ನಾದ್ಯ॒-ಮವ॑ರುನ್ಧೇ ॥
ಅ॒ಗ್ನೇರ್ಮ॑ನ್ವೇ ಪ್ರಥ॒ಮಸ್ಯ॒ ಪ್ರಚೇ॑ತಸ॒ ಇತಿ॑ ಯಾಜ್ಯಾನುವಾ॒ಕ್ಯಾ॑ ಭವನ್ತಿ ಸರ್ವ॒ತ್ವಾಯ॑ ॥ 62 ॥
(ಅಧಿ॑ಪತಯ॒ ಇತ್ಯಾ॑ - ಹಾ॒ಭಿಜಿ॑ತ್ಯಾ - ಐನ್ದ್ರಾ॒ಗ್ನೋ ಭವ॑ತಿ - ರುನ್ಧ॒ ಏಕ॑-ಞ್ಚ) (ಅ. 16)

ಅನುವಾಕಂ 17 - ಅಶ್ವಸ್ಯ ರೋಗಾದಿನಿಮಿತ್ತ-ಮ್ಪ್ರಾಯಶ್ಚಿತ್ತಂ
ಯದ್ಯಶ್ವ॑ಮುಪ॒ತಪ॑ದ್ವಿ॒ನ್ದೇತ್ ।
ಆ॒ಗ್ನೇ॒ಯ-ಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪೇತ್ ।
ಸೌ॒ಮ್ಯ-ಞ್ಚ॒ರುಮ್ । ಸಾ॒ವಿ॒ತ್ರ-ಮ॒ಷ್ಟಾಕ॑ಪಾಲಮ್ ॥ ಯದಾ᳚ಗ್ನೇ॒ಯೋ ಭವ॑ತಿ ।
ಅ॒ಗ್ನಿ-ಸ್ಸರ್ವಾ॑ ದೇ॒ವತಾಃ᳚ । ದೇ॒ವತಾ॑-ಭಿರೇ॒ವೈನ॑-ಮ್ಭಿಷಜ್ಯತಿ ॥ ಯಥ್ಸೌ॒ಮ್ಯೋ ಭವ॑ತಿ ।
ಸೋಮೋ॒ ವಾ ಓಷ॑ಧೀನಾ॒ಗ್ಂ॒ ರಾಜಾ᳚ ।
ಯಾಭ್ಯ॑ ಏ॒ವೈನಂ॑-ವಿಁ॒ನ್ದತಿ॑ ॥ 63 ॥

ತಾಭಿ॑ರೇ॒ವೈನ॑-ಮ್ಭಿಷಜ್ಯತಿ ॥ ಯಥ್ಸಾ॑ವಿ॒ತ್ರೋ ಭವ॑ತಿ ।
ಸ॒ವಿ॒ತೃಪ್ರ॑ಸೂತ ಏ॒ವೈನ॑-ಮ್ಭಿಷಜ್ಯತಿ ॥ ಏ॒ತಾಭಿ॑ರೇ॒ವೈನ॑-ನ್ದೇ॒ವತಾ॑ಭಿ-ರ್ಭಿಷಜ್ಯತಿ ।
ಅ॒ಗ॒ದೋ ಹೈ॒ವ ಭ॑ವತಿ ॥ ಪೌ॒ಷ್ಣ-ಞ್ಚ॒ರು-ನ್ನಿರ್ವ॑ಪೇತ್ । ಯದಿ॑ ಶ್ಲೋ॒ಣ-ಸ್ಸ್ಯಾತ್ । ಪೂ॒ಷಾ ವೈ ಶ್ಲೌಣ್ಯ॑ಸ್ಯ ಭಿ॒ಷಕ್ । ಸ ಏ॒ವೈನ॑-ಮ್ಭಿಷಜ್ಯತಿ । ಅಶ್ಲೋ॑ಣೋ ಹೈ॒ವ ಭ॑ವತಿ ॥ 64 ॥

ರೌ॒ದ್ರ-ಞ್ಚ॒ರು-ನ್ನಿರ್ವ॑ಪೇತ್ । ಯದಿ॑ ಮಹ॒ತೀ ದೇ॒ವತಾ॑-ಽಭಿ॒ಮನ್ಯೇ॑ತ । ಏ॒ತ॒ದ್ದೇ॒ವ॒ತ್ಯೋ॑ ವಾ ಅಶ್ವಃ॑ । ಸ್ವಯೈ॒ವೈನ॑-ನ್ದೇ॒ವತ॑ಯಾ ಭಿಷಜ್ಯತಿ ।
ಅ॒ಗ॒ದೋ ಹೈ॒ವ ಭ॑ವತಿ ॥ ವೈ॒ಶ್ವಾ॒ನ॒ರ-ನ್ದ್ವಾದ॑ಶ-ಕಪಾಲ॒-ನ್ನಿರ್ವ॑ಪೇನ್ಮೃಗಾಖ॒ರೇ ಯದಿ॒ ನಾಗಚ್ಛೇ᳚ತ್ ।
ಇ॒ಯಂ-ವಾಁ ಅ॒ಗ್ನಿರ್ವೈ᳚ಶ್ವಾನ॒ರಃ । ಇ॒ಯಮೇ॒ವೈನ॑-ಮ॒ರ್ಚಿಭ್ಯಾ᳚-ಮ್ಪರಿ॒ರೋಧ॒ಮಾನ॑ಯತಿ ।
ಆ ಹೈ॒ವ ಸುತ್ಯ॒ಮಹ॑-ರ್ಗಚ್ಛತಿ ॥ ಯದ್ಯ॑ಧೀ॒ಯಾತ್ ॥ 65 ॥

ಅ॒ಗ್ನಯೇ-ಽಗ್ಂ॑ಹೋ॒ಮುಚೇ॒-ಽಷ್ಟಾಕ॑ಪಾಲಃ । ಸೌ॒ರ್ಯ-ಮ್ಪಯಃ॑ । ವಾ॒ಯ॒ವ್ಯ॑ ಆಜ್ಯ॑ಭಾಗಃ ॥ ಯಜ॑ಮಾನೋ॒ ವಾ ಅಶ್ವಃ॑ । ಅಗ್ಂಹ॑ಸಾ॒ ವಾ ಏ॒ಷ ಗೃ॑ಹೀ॒ತಃ ।
ಯಸ್ಯಾಶ್ವೋ॒ ಮೇಧಾ॑ಯ॒ ಪ್ರೋಖ್ಷಿ॑ತೋ॒-ಽದ್ಧ್ಯೇತಿ॑ । ಯದಗ್ಂ॑ಹೋ॒ಮುಚೇ॑ ನಿ॒ರ್ವಪ॑ತಿ ।
ಅಗ್ಂಹ॑ಸ ಏ॒ವ ತೇನ॑ ಮುಚ್ಯತೇ ॥ ಯಜ॑ಮಾನೋ॒ ವಾ ಅಶ್ವಃ॑ । ರೇತ॑ಸಾ॒ ವಾ ಏ॒ಷ ವ್ಯೃ॑ದ್ಧ್ಯತೇ ॥ 66 ॥

ಯಸ್ಯಾಶ್ವೋ॒ ಮೇಧಾ॑ಯ॒ ಪ್ರೋಖ್ಷಿ॑ತೋ॒-ಽದ್ಧ್ಯೇತಿ॑ । ಸೌ॒ರ್ಯಗ್ಂ ರೇತಃ॑ । ಯಥ್ಸೌ॒ರ್ಯ-ಮ್ಪಯೋ॒ ಭವ॑ತಿ । ರೇತ॑ಸೈ॒ವೈನ॒ಗ್ಂ॒ ಸ ಸಮ॑ದ್ರ್ಧಯತಿ ॥
ಯಜ॑ಮಾನೋ॒ ವಾ ಅಶ್ವಃ॑ । ಗರ್ಭೈ॒ರ್ವಾ ಏ॒ಷ ವ್ಯೃ॑ದ್ಧ್ಯತೇ । ಯಸ್ಯಾಶ್ವೋ॒ ಮೇಧಾ॑ಯ॒ ಪ್ರೋಖ್ಷಿ॑ತೋ॒-ಽದ್ಧ್ಯೇತಿ॑ । ವಾ॒ಯ॒ವ್ಯಾ॑ ಗರ್ಭಾಃ᳚ ।
ಯದ್ವಾ॑ಯ॒ವ್ಯ॑ ಆಜ್ಯ॑ಭಾಗೋ॒ ಭವ॑ತಿ । ಗರ್ಭೈ॑ರೇ॒ವೈನ॒ಗ್ಂ॒ ಸ ಸಮ॑ದ್ರ್ಧಯತಿ ॥
ಅಥೋ॒ ಯಸ್ಯೈ॒ಷಾ-ಽಶ್ವ॑ಮೇ॒ಧೇ ಪ್ರಾಯ॑ಶ್ಚಿತ್ತಃ ಕ್ರಿ॒ಯತೇ᳚ । ಇ॒ಷ್ಟ್ವಾ ವಸೀ॑ಯಾ-ನ್ಭವತಿ ॥ 67 ॥
(ವಿ॒ನ್ದ - ತ್ಯಶ್ಲೋ॑ಣೋ ಹೈ॒ವ ಭ॑ವ - ತ್ಯಧೀ॒ಯಾ - ದೃ॑ದ್ಧ್ಯತೇ॒ - ಗರ್ಭೈ॑ರೇ॒ವೈನ॒ಗ್ಂ॒ ಸ ಸಮ॑ದ್ರ್ಧಯತಿ॒ ದ್ವೇ ಚ॑) (ಅ. 17)

ಅನುವಾಕಂ 18 - ಬ್ರಹ್ಮೌದನಾ ಉಚ್ಯನ್ತೇ
ತದಾ॑ಹುಃ । ದ್ವಾದ॑ಶ ಬ್ರಹ್ಮೌದ॒ನಾ-ನ್ಥ್ಸಗ್ಗ್​ಸ್ಥಿ॑ತ॒ ನಿರ್ವ॑ಪೇತ್ । ದ್ವಾ॒ದ॒ಶಭಿ॒ರ್ವೇಷ್ಟಿ॑ಭಿ॒-ರ್ಯಜೇ॒ತೇತಿ॑ ॥ ಯದಿಷ್ಟಿ॑-ಭಿ॒ರ್ಯಜೇ॑ತ । ಉ॒ಪ॒ನಾಮು॑ಕ ಏನಂ-ಯಁ॒ಜ್ಞ-ಸ್ಸ್ಯಾ᳚ತ್ । ಪಾಪೀ॑ಯಾ॒ಗ್॒ಸ್ತು ಸ್ಯಾ᳚ತ್ ।
ಆ॒ಪ್ತಾನಿ॒ ವಾ ಏ॒ತಸ್ಯ॒ ಛನ್ದಾಗ್ಂ॑ಸಿ । ಯ ಈ॑ಜಾ॒ನಃ ।
ತಾನಿ॒ ಕ ಏ॒ತಾವ॑ದಾಶು॒ ಪುನಃ॒ ಪ್ರಯು॑ಞ್ಜೀ॒ತೇತಿ॑ ।
ಸರ್ವಾ॒ ವೈ ಸಗ್ಗ್​ಸ್ಥಿ॑ತೇ ಯ॒ಜ್ಞೇ ವಾಗಾ᳚ಪ್ಯತೇ ॥ 68 ॥

ಸಾ-ಽಽಪ್ತಾ ಭ॑ವತಿ ಯಾ॒ತಯಾ᳚ಮ್ನೀ । ಕ್ರೂ॒ರೀಕೃ॑ತೇವ॒ ಹಿ ಭವ॒ತ್ಯರು॑ಷ್ಕೃತಾ । ಸಾ ನ ಪುನಃ॑ ಪ್ರ॒ಯುಜ್ಯೇತ್ಯಾ॑ಹುಃ ॥ ದ್ವಾದ॑ಶೈ॒ವ ಬ್ರ॑ಹ್ಮೌದ॒ನಾ-ನ್ಥ್ಸಗ್ಗ್​ಸ್ಥಿ॑ತೇ॒ ನಿರ್ವ॑ಪೇತ್ । ಪ್ರ॒ಜಾಪ॑ತಿ॒ರ್ವಾ ಓ॑ದ॒ನಃ । ಯ॒ಜ್ಞಃ ಪ್ರ॒ಜಾಪ॑ತಿಃ । ಉ॒ಪ॒ನಾಮು॑ಕ ಏನಂ-ಯಁ॒ಜ್ಞೋ ಭ॑ವತಿ ।
ನ ಪಾಪೀ॑ಯಾ-ನ್ಭವತಿ ॥ ದ್ವಾದ॑ಶ ಭವನ್ತಿ ।
ದ್ವಾದ॑ಶ॒ ಮಾಸಾ᳚-ಸ್ಸಂ​ವಁಥ್ಸ॒ರಃ ।
ಸಂ॒​ವಁ॒ಥ್ಸ॒ರ ಏ॒ವ ಪ್ರತಿ॑ತಿಷ್ಠತಿ ॥ 69 ॥
(ಆ॒ಪ್ಯ॒ತೇ॒ - ಸಂ॒​ವಁ॒ಥ್ಸ॒ರ ಏಕ॑-ಞ್ಚ) (ಅ. 18)

ಅನುವಾಕಂ 19 - ವಿಭುತ್ವಾದಿಭಿಃ ದ್ವಾದಶಭಿರ್ಗುಣೌರಶ್ವಮೇಧಪ್ರಶಂಸಾ
ಏ॒ಷ ವೈ ವಿ॒ಭೂರ್ನಾಮ॑ ಯ॒ಜ್ಞಃ । ಸರ್ವಗ್ಂ॑ ಹ॒ ವೈ ತತ್ರ॑ ವಿ॒ಭು ಭ॑ವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ ಏ॒ಷ ವೈ ಪ್ರ॒ಭೂರ್ನಾಮ॑ ಯ॒ಜ್ಞಃ । ಸರ್ವಗ್ಂ॑ ಹ॒ ವೈ ತತ್ರ॑ ಪ್ರ॒ಭು ಭ॑ವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ ಏ॒ಷ ವಾ ಊರ್ಜ॑ಸ್ವಾ॒ನ್ನಾಮ॑ ಯ॒ಜ್ಞಃ । ಸರ್ವಗ್ಂ॑ ಹ॒ ವೈ ತತ್ರೋರ್ಜ॑ಸ್ವ-ದ್ಭವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ ಏ॒ಷ ವೈ ಪಯ॑ಸ್ವಾ॒ನ್ನಾಮ॑ ಯ॒ಜ್ಞಃ ॥ 70 ॥

ಸರ್ವಗ್ಂ॑ ಹ॒ ವೈ ತತ್ರ॒ ಪಯ॑ಸ್ವ-ದ್ಭವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವೈ ವಿಧೃ॑ತೋ॒ ನಾಮ॑ ಯ॒ಜ್ಞಃ ।
ಸರ್ವಗ್ಂ॑ ಹ॒ ವೈ ತತ್ರ॒ ವಿಧೃ॑ತ-ಮ್ಭವತಿ ।
ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ ಏ॒ಷ ವೈ ವ್ಯಾವೃ॑ತ್ತೋ॒ ನಾಮ॑ ಯ॒ಜ್ಞಃ ।
ಸರ್ವಗ್ಂ॑ ಹ॒ ವೈ ತತ್ರ॒ ವ್ಯಾವೃ॑ತ್ತ-ಮ್ಭವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವೈ ಪ್ರತಿ॑ಷ್ಠಿತೋ॒ ನಾಮ॑ ಯ॒ಜ್ಞಃ ।
ಸರ್ವಗ್ಂ॑ ಹ॒ ವೈ ತತ್ರ॒ ಪ್ರತಿ॑ಷ್ಠಿತ-ಮ್ಭವತಿ ॥ 71 ॥
ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ ಏ॒ಷ ವೈ ತೇ॑ಜ॒ಸ್ವೀ ನಾಮ॑ ಯ॒ಜ್ಞಃ । ಸರ್ವಗ್ಂ॑ ಹ॒ ವೈ ತತ್ರ॑ ತೇಜ॒ಸ್ವಿ ಭ॑ವತಿ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವೈ ಬ್ರ॑ಹ್ಮವರ್ಚ॒ಸೀ ನಾಮ॑ ಯ॒ಜ್ಞಃ ।
ಆ ಹ॒ ವೈ ತತ್ರ॑ ಬ್ರಾಹ್ಮ॒ಣೋ ಬ್ರ॑ಹ್ಮವರ್ಚ॒ಸೀ ಜಾ॑ಯತೇ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವಾ ಅ॑ತಿವ್ಯಾ॒ಧೀ ನಾಮ॑ ಯ॒ಜ್ಞಃ ।
ಆ ಹ॒ ವೈ ತತ್ರ॑ ರಾಜ॒ನ್ಯೋ॑-ಽತಿವ್ಯಾ॒ಧೀ ಜಾ॑ಯತೇ । ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವೈ ದೀ॒ರ್ಘೋ ನಾಮ॑ ಯ॒ಜ್ಞಃ ।
ದೀ॒ರ್ಘಾಯು॑ಷೋ ಹ॒ ವೈ ತತ್ರ॑ ಮನು॒ಷ್ಯಾ॑ ಭವನ್ತಿ ।
ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥
ಏ॒ಷ ವೈ ಕ್ಲೃ॒ಪ್ತೋ ನಾಮ॑ ಯ॒ಜ್ಞಃ ।
ಕಲ್ಪ॑ತೇ ಹ॒ ವೈ ತತ್ರ॑ ಪ್ರ॒ಜಾಭ್ಯೋ॑ ಯೋಗಖ್ಷೇ॒ಮಃ ।
ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ ॥ 72 ॥
(ಪಯ॑ಸ್ವಾ॒ನ್ನಾಮ॑ ಯ॒ಜ್ಞಃ - ಪ್ರತಿ॑ಷ್ಠಿತ-ಮ್ಭವತಿ॒ - ಯತ್ರೈ॒ತೇನ॑ ಯ॒ಜ್ಞೇನ॒ ಯಜ॑ನ್ತೇ॒ ಷಟ್ಚ॑) (ಅ. 19)

(ಏ॒ಷ ವೈ ವಿ॒ಭೂಃ ಪ್ರ॒ಭೂರೂರ್ಜ॑ಸ್ವಾ॒-ನ್ಪಯ॑ಸ್ವಾ॒ನ್॒. ವಿಧೃ॑ತೋ॒ ವ್ಯಾವೃ॑ತ್ತಃ॒ ಪ್ರತಿ॑ಷ್ಠಿತಸ್ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸ್ಯ॑ತಿವ್ಯಾ॒ಧೀ ದೀ॒ರ್ಘಃ ಕ್ಲು॒ಪ್ತೋ ದ್ವಾದ॑ಶ)

ಅನುವಾಕಂ 20 - ಅಶ್ವಸಞ್ಜ್ಞಪನಪ್ರಕಾರಃ
ತಾ॒ರ್ಪ್ಯೇಣಾಶ್ವ॒ಗ್ಂ॒ ಸಞ್ಜ್ಞ॑ಪಯನ್ತಿ । ಯ॒ಜ್ಞೋ ವೈ ತಾ॒ರ್ಪ್ಯಮ್ । ಯ॒ಜ್ಞೇನೈ॒ವೈನ॒ಗ್ಂ॒ ಸಮ॑ದ್ರ್ಧಯನ್ತಿ ॥ ಯಾ॒ಮೇನ॒ ಸಾಮ್ನಾ᳚ ಪ್ರಸ್ತೋ॒ತಾ-ಽನೂಪ॑ತಿಷ್ಠತೇ ।
ಯ॒ಮ॒ಲೋ॒ಕ-ಮೇ॒ವೈನ॑-ಙ್ಗಮಯತಿ ॥
ತಾ॒ರ್ಪ್ಯೇ ಚ॑ ಕೃತ್ತ್ಯಧೀವಾ॒ಸೇ ಚಾಶ್ವ॒ಗ್ಂ॒ ಸಞ್ಜ್ಞ॑ಪಯನ್ತಿ । ಏ॒ತದ್ವೈ ಪ॑ಶೂ॒ನಾಗ್ಂ ರೂ॒ಪಮ್ । ರೂ॒ಪೇಣೈ॒ವ ಪ॒ಶೂನವ॑ರುನ್ಧೇ ॥
ಹಿ॒ರ॒ಣ್ಯ॒ಕ॒ಶಿ॒ಪು ಭ॑ವತಿ । ತೇಜ॒ಸೋ-ಽವ॑ರುದ್ಧ್ಯೈ ॥ 73 ॥

ರು॒ಕ್ಮೋ ಭ॑ವತಿ । ಸು॒ವ॒ರ್ಗಸ್ಯ॑ ಲೋ॒ಕಸ್ಯಾ-ನು॑ಖ್ಯಾತ್ಯೈ ॥ ಅಶ್ವೋ॑ ಭವತಿ । ಪ್ರ॒ಜಾಪ॑ತೇ॒-ರಾಪ್ತ್ಯೈ᳚ ॥ ಅ॒ಸ್ಯ ವೈ ಲೋ॒ಕಸ್ಯ॑ ರೂ॒ಪ-ನ್ತಾ॒ರ್ಪ್ಯಮ್ । ಅ॒ನ್ತರಿ॑ಖ್ಷಸ್ಯ ಕೃತ್ತ್ಯಧೀವಾ॒ಸಃ । ದಿ॒ವೋ ಹಿ॑ರಣ್ಯಕಶಿ॒ಪು ।
ಆ॒ದಿ॒ತ್ಯಸ್ಯ॑ ರು॒ಕ್ಮಃ । ಪ್ರ॒ಜಾಪ॑ತೇ॒ರಶ್ವಃ॑ ।
ಇ॒ಮಮೇ॒ವ ಲೋ॒ಕ-ನ್ತಾ॒ರ್ಪ್ಯೇಣಾ᳚ಪ್ನೋತಿ ॥ 74 ॥

ಅ॒ನ್ತರಿ॑ಖ್ಷ-ಙ್ಕೃತ್ಯಧೀವಾ॒ಸೇನ॑ । ದಿವಗ್ಂ॑ ಹಿರಣ್ಯಕಶಿ॒ಪುನಾ᳚ । ಆ॒ದಿ॒ತ್ಯಗ್ಂ ರು॒ಕ್ಮೇಣ॑ ।
ಅಶ್ವೇ॑ನೈ॒ವ ಮೇದ್ಧ್ಯೇ॑ನ ಪ್ರ॒ಜಾಪ॑ತೇ॒-ಸ್ಸಾಯು॑ಜ್ಯಗ್ಂ ಸಲೋ॒ಕತಾ॑-ಮಾಪ್ನೋತಿ ॥ ಏ॒ತಾಸಾ॑ಮೇ॒ವ ದೇ॒ವತಾ॑ನಾ॒ಗ್ಂ॒ ಸಾಯು॑ಜ್ಯಮ್ ।
ಸಾ॒ರ್​ಷ್ಟಿತಾಗ್ಂ॑ ಸಮಾನ ಲೋ॒ಕತಾ॑ಮಾಪ್ನೋತಿ ।
ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ಯ ಉ॑ ಚೈನಮೇ॒ವಂ-ವೇಁದ॑ ॥ 75 ॥
(ಅವ॑ರುದ್ಧ್ಯಾ - ಆಪ್ನೋತ್ಯ॒ -+ಷ್ಟೌ ಚ॑) (ಅ. 20)

ಅನುವಾಕಂ 21 - ಉತ್ತರವೇದ್ಯುಪವಾಪಃ
ಆ॒ದಿ॒ತ್ಯಾಶ್ಚಾಙ್ಗಿ॑ರಸಶ್ಚ ಸುವ॒ರ್ಗೇ ಲೋ॒ಕೇ᳚-ಽಸ್ಪದ್ರ್ಧನ್ತ । ತೇ-ಽಙ್ಗಿ॑ರಸ ಆದಿ॒ತ್ಯೇಭ್ಯಃ॑ ।
ಅ॒ಮುಮಾ॑ದಿ॒ತ್ಯ-ಮಶ್ವಗ್ಗ್॑ ಶ್ವೇ॒ತ-ಮ್ಭೂ॒ತ-ನ್ದಖ್ಷಿ॑ಣಾ-ಮನಯನ್ನ್ । ತೇ᳚-ಽಬ್ರುವನ್ನ್ ।
ಯ-ನ್ನೋ-ಽನ᳚ಷ್ಟ । ಸ ವರ್ಯೋ॑-ಽಭೂ॒ದಿತಿ॑ । ತಸ್ಮಾ॒ದಶ್ವ॒ಗ್ಂ॒ ಸವ॒ರ್ಯೇತ್ಯಾ-ಹ್ವ॑ಯನ್ತಿ ।
ತಸ್ಮಾ᳚ದ್ಯ॒ಜ್ಞೇ ವರೋ॑ ದೀಯತೇ ॥ ಯತ್ಪ್ರ॒ಜಾಪ॑ತಿ॒-ರಾಲ॒ಬ್ಧೋ-ಽಶ್ವೋ-ಽಭ॑ವತ್ ।
ತಸ್ಮಾ॒ದಶ್ವೋ॒ ನಾಮ॑ ॥ 76 ॥

ಯಚ್ಛ್ವಯ॒ದರು॒ರಾಸೀ᳚ತ್ । ತಸ್ಮಾ॒ದರ್ವಾ॒ ನಾಮ॑ ॥
ಯಥ್ಸ॒ದ್ಯೋ ವಾಜಾ᳚-ನ್ಥ್ಸ॒ಮಜ॑ಯತ್ । ತಸ್ಮಾ᳚ದ್ವಾ॒ಜೀ ನಾಮ॑ ॥ ಯದಸು॑ರಾಣಾಂ-ಲೋಁ॒ಕಾನಾದ॑ತ್ತ । ತಸ್ಮಾ॑ದಾದಿ॒ತ್ಯೋ ನಾಮ॑ ॥ ಅ॒ಗ್ನಿರ್ವಾ ಅ॑ಶ್ವಮೇ॒ಧಸ್ಯ॒ ಯೋನಿ॑ರಾ॒ಯತ॑ನಮ್ । ಸೂರ್ಯೋ॒-ಽಗ್ನೇರ್ಯೋನಿ॑-ರಾ॒ಯತ॑ನಮ್ ।
ಯದ॑ಶ್ವಮೇ॒ಧೇ᳚-ಽಗ್ನೌ ಚಿತ್ಯ॑ ಉತ್ತರವೇ॒ದಿ-ಮು॑ಪ॒ವಪ॑ತಿ । ಯೋನಿ॑-ಮನ್ತಮೇ॒ವೈನ॑-ಮಾ॒ಯತ॑ನವನ್ತ-ಙ್ಕರೋತಿ ॥ 77 ॥

ಯೋನಿ॑-ಮಾನಾ॒ಯತ॑ನವಾ-ನ್ಭವತಿ । ಸ ಏ॒ವಂ-ವೇಁದ॑ ॥
ಪ್ರಾ॒ಣಾ॒ಪಾ॒ನೌ ವಾ ಏ॒ತೌ ದೇ॒ವಾನಾ᳚ಮ್ । ಯದ॑ರ್ಕಾಶ್ವಮೇ॒ಧೌ । ಪ್ರಾ॒ಣಾ॒ಪಾ॒ನಾವೇ॒ವಾವ॑ರುನ್ಧೇ ॥ ಓಜೋ॒ ಬಲಂ॒-ವಾಁ ಏ॒ತೌ ದೇ॒ವಾನಾ᳚ಮ್ ।
ಯದ॑ರ್ಕಾಶ್ವಮೇ॒ಧೌ । ಓಜೋ॒ ಬಲ॑ಮೇ॒ವಾವ॑ರುನ್ಧೇ ॥
ಅ॒ಗ್ನಿರ್ವಾ ಅ॑ಶ್ವಮೇ॒ಧಸ್ಯ॒ ಯೋನಿ॑-ರಾ॒ಯತ॑ನಮ್ ।
ಸೂರ್ಯೋ॒-ಽಗ್ನೇರ್ಯೋನಿ॑-ರಾ॒ಯತ॑ನಮ್ ।
ಯದ॑ಶ್ವಮೇ॒ಧೇ᳚-ಽಗ್ನೌ ಚಿತ್ಯ॑ ಉತ್ತರವೇ॒ದಿ-ಞ್ಚಿ॒ನೋತಿ॑ ।
ತಾವ॑ರ್ಕಾಶ್ವಮೇ॒ಧೌ । ಅ॒ರ್ಕಾ॒ಶ್ವ॒ಮೇ॒ಧಾವೇ॒ವಾ ವ॑ರುನ್ಧೇ । ಅಥೋ॑ ಅರ್ಕಾಶ್ವ-ಮೇ॒ಧಯೋ॑ರೇ॒ವ ಪ್ರತಿ॑ತಿಷ್ಠತಿ ॥ 78 ॥
(ನಾಮ॑ - ಕರೋತಿ॒ - ಸೂರ್ಯೋ॒-ಽಗ್ನೇರ್ಯೋನಿ॑ರಾ॒ಯತ॑ನ-ಞ್ಚ॒ತ್ವಾರಿ॑ ಚ) (ಅ. 21)

ಅನುವಾಕಂ 22 - ಋಷಭಾಲಮ್ಭಃ
ಪ್ರ॒ಜಾಪ॑ತಿಂ॒-ವೈಁ ದೇ॒ವಾಃ ಪಿ॒ತರ᳚ಮ್ ।
ಪ॒ಶು-ಮ್ಭೂ॒ತ-ಮ್ಮೇಧಾ॒ಯಾಲ॑ಭನ್ತ ।
ತಮಾ॒ಲಭ್ಯೋಪಾ॑ವಸನ್ನ್ । ಪ್ರಾ॒ತರ್ಯಷ್ಟಾ᳚ಸ್ಮಹ॒ ಇತಿ॑ ।
ಏಕಂ॒-ವಾಁ ಏ॒ತದ್ದೇ॒ವಾನಾ॒ಮಹಃ॑ । ಯಥ್ಸಂ॑​ವಁಥ್ಸ॒ರಃ । ತಸ್ಮಾ॒ದಶ್ವಃ॑ ಪು॒ರಸ್ತಾ᳚-ಥ್ಸಂ​ವಁಥ್ಸ॒ರ ಆಲ॑ಭ್ಯತೇ ॥
ಯತ್ಪ್ರ॒ಜಾಪ॑ತಿ॒-ರಾಲ॒ಬ್ಧೋ-ಽಶ್ವೋ-ಽಭ॑ವತ್ । ತಸ್ಮಾ॒ದಶ್ವಃ॑ । ಯಥ್ಸ॒ದ್ಯೋ ಮೇಧೋ-ಽಭ॑ವತ್ ॥ 79 ॥

ತಸ್ಮಾ॑ದಶ್ವಮೇ॒ಧಃ ॥ ವೇದು॒ಕೋ-ಽಶ್ವ॑ಮಾ॒ಶು-ಮ್ಭ॑ವತಿ । ಯ ಏ॒ವಂ-ವೇಁದ॑ ॥ ಯದ್ವೈ ತತ್ಪ್ರ॒ಜಾಪ॑ತಿ॒-ರಾಲ॒ಬ್ಧೋ-ಽಶ್ವೋ-ಽಭ॑ವತ್ । ತಸ್ಮಾ॒ದಶ್ವಃ॑ ಪ್ರ॒ಜಾಪ॑ತೇಃ ಪಶೂ॒ನಾ-ಮನು॑ರೂಪತಮಃ ॥
ಆ-ಽಸ್ಯ॑ ಪು॒ತ್ರಃ ಪ್ರತಿ॑ರೂಪೋ ಜಾಯತೇ । ಯ ಏ॒ವಂ-ವೇಁದ॑ ॥ ಸರ್ವಾ॑ಣಿ ಭೂ॒ತಾನಿ॑ ಸ॒ಭೃನ್ತ್ಯಾಲ॑ಭತೇ ।
ಸಮೇ॑ನ-ನ್ದೇ॒ವಾ-ಸ್ತೇಜ॑ಸೇ ಬ್ರಹ್ಮವರ್ಚ॒ಸಾಯ॑ ಭರನ್ತಿ ।
ಯೋ᳚-ಽಶ್ವಮೇ॒ಧೇನ॒ ಯಜ॑ತೇ ॥ 80 ॥

ಯ ಉ॑ ಚೈನಮೇ॒ವಂ-ವೇಁದ॑ ॥ ಏ॒ತದ್ವೈ ತದ್ದೇ॒ವಾ ಏ॒ತಾ-ನ್ದೇ॒ವತಾ᳚ಮ್ । ಪ॒ಶು-ಮ್ಭೂ॒ತ-ಮ್ಮೇಧಾ॒ಯಾಲ॑ಭನ್ತ । ಯ॒ಜ್ಞಮ॒ವ । ಯ॒ಜ್ಞೇನ॑ ಯ॒ಜ್ಞಮ॑ಯಜನ್ತ ದೇ॒ವಾಃ । ಕಾ॒ಮ॒ಪ್ರಂ-ಯಁ॒ಜ್ಞಮ॑ ಕುರ್ವತ । ತೇ॑-ಽಮೃತ॒ತ್ವಮ॑ಕಾಮಯನ್ತ ।
ತ॑-ಽಮೃತ॒ತ್ವ-ಮ॑ಗಚ್ಛನ್ನ್ ॥ ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ದೇ॒ವಾನಾ॑ಮೇ॒ವಾ-ಯ॑ನೇನೈತಿ ॥ 81 ॥

ಪ್ರಾ॒ಜಾ॒ಪ॒ತ್ಯೇನೈ॒ವ ಯ॒ಜ್ಞೇನ॑ ಯಜತೇ ಕಾಮ॒ಪ್ರೇಣ॑ । ಅಪು॑ನರ್ಮಾರಮೇ॒ವ ಗ॑ಚ್ಛತಿ ॥ ಏ॒ತಸ್ಯ॒ ವೈ ರೂ॒ಪೇಣ॑ ಪು॒ರಸ್ತಾ᳚-ತ್ಪ್ರಾಜಾಪ॒ತ್ಯ-ಮೃ॑ಷ॒ಭ-ನ್ತೂ॑ಪ॒ರಂ
ಬ॑ಹುರೂ॒ಪ-ಮಾಲ॑ಭತೇ । ಸರ್ವೇ᳚ಭ್ಯಃ॒ ಕಾಮೇ᳚ಭ್ಯಃ । ಸರ್ವ॒ಸ್ಯಾಪ್ತ್ಯೈ᳚ । ಸರ್ವ॑ಸ್ಯ॒ ಜಿತ್ಯೈ᳚ ॥ ಸರ್ವ॑ಮೇ॒ವ ತೇನಾ᳚ಪ್ನೋತಿ । ಸರ್ವ॑-ಞ್ಜಯತಿ ।
ಯೋ᳚-ಽಶ್ವಮೇ॒ಧೇನ॒ ಯಜ॑ತೇ । ಯ ಉ॑ ಚೈನಮೇ॒ವಂ-ವೇಁದ॑ ॥ 82 ॥
(ಮೇಧೋ-ಽಭ॑ವ॒--ದ್ಯಜ॑ತ - ಏತಿ॒ - ವೇದ॑) (ಅ. 22)

ಅನುವಾಕಂ 23 - ಅಶ್ವಾವಯವೇಷೂಪಾಸನಂ
ಯೋ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ॒ ಲೋಮ॑ನೀ॒ ವೇದ॑ ।
ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ॒ ಲೋಮಂ॑-ಲೋಁಮಞ್ಜುಹೋತಿ ।
ಅ॒ಹೋ॒ರಾ॒ತ್ರೇ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ॒ ಲೋಮ॑ನೀ । ಯಥ್ಸಾ॒ಯ-ಮ್ಪ್ರಾ॑ತರ್ಜು॒ಹೋತಿ॑ । ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ॒ ಲೋಮಂ॑-ಲೋಁಮಞ್ಜುಹೋತಿ ।
ಏ॒ತದ॑ನುಕೃತಿ ಹಸ್ಮ॒ ವೈ ಪು॒ರಾ । ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ॒ ಲೋಮಂ॑-ಲೋಁಮಞ್ಜುಹ್ವತಿ ॥
ಯೋ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ಪ॒ದೇ ವೇದ॑ ।
ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ ಪ॒ದೇ ಪ॑ದೇ ಜುಹೋತಿ ।
ದ॒ರ್॒ಶ॒ಪೂ॒ರ್ಣ॒ಮಾ॒ಸೌ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ಪ॒ದೇ ॥ 83 ॥

ಯದ್ದ॑ರ್​ಶಪೂರ್ಣಮಾ॒ಸೌ ಯಜ॑ತೇ ।
ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ ಪ॒ದೇ ಪ॑ದೇ ಜುಹೋತಿ ।
ಏ॒ತದ॑ನುಕೃತಿ ಹ ಸ್ಮ॒ ವೈ ಪು॒ರಾ ।
ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ಪ॒ದೇ ಪ॑ದೇ ಜುಹ್ವತಿ ॥
ಯೋ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ವಿ॒ವರ್ತ॑ನಂ॒-ವೇಁದ॑ । ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ ವಿ॒ವರ್ತ॑ನೇ ವಿವರ್ತನೇ ಜುಹೋತಿ । ಅ॒ಸೌ ವಾ ಆ॑ದಿ॒ತ್ಯೋ-ಽಶ್ವಃ॑ । ಸ ಆ॑ಹವ॒ನೀಯ॒-ಮಾಗ॑ಚ್ಛತಿ । ತದ್ವಿವ॑ರ್ತತೇ ।
ಯದ॑ಗ್ನಿಹೋ॒ತ್ರ-ಞ್ಜು॒ಹೋತಿ॑ ।
ಅಶ್ವ॑ಸ್ಯೈ॒ವ ಮೇದ್ಧ್ಯ॑ಸ್ಯ ವಿ॒ವರ್ತ॑ನೇ ವಿವರ್ತನೇ ಜುಹೋತಿ । ಏ॒ತದ॑ನುಕೃತಿ ಹ ಸ್ಮ॒ ವೈ ಪು॒ರಾ ।
ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ ವಿ॒ವರ್ತ॑ನೇ ವಿವರ್ತನೇ ಜುಹ್ವತಿ ॥ 84 ॥
(ಪ॒ದೇ - ಅ॑ಗ್ನಿಹೋ॒ತ್ರ-ಞ್ಜು॒ಹೋತಿ॒ ತ್ರೀಣಿ॑ ಚ) (ಅ. 23)

(ಪ್ರ॒ಜಾಪ॑ತಿ॒ಸ್ತಮ॑ಷ್ಟಾದ॒ಶಿಭಿಃ॑ - ಪ್ರ॒ಜಾಪ॑ತಿರಕಾಮಯತೋ॒ಭಾ - ವ॒ಸ್ಮೈ - ಯು॒ಞ್ಜನ್ತಿ॒-ತೇಜ॒ಸಾ - ಽಪ॑ ಪ್ರಾ॒ಣಾ - ಅಪ॒ ಶ್ರೀರೂ॒ದ್ರ್ಧ್ವಂ - ಪ್ರ॒ಜಾಪ॑ತಿಃ ಪ್ರೇ॒ಣಾ-ಽನು॑ - ಪ್ರಥ॒ಮೇನ॑ - ಪ್ರ॒ಜಾಪ॑ತಿರಕಾಮಯತ ಮ॒ಹಾನ್. - ವೈ᳚ಶ್ವದೇ॒ವೋ ವಾ ಅಶ್ವೋ - ಽಶ್ವ॑ಸ್ಯ - ಪ್ರ॒ಜಾಪ॑ತಿ॒ಸ್ತಂ-ಯಁ॑ಜ್ಞಕ್ರ॒ತುಭಿ॒ - ರಪ॒ ಶ್ರೀರ್ಬ್ರಾ᳚ಹ್ಮ॒ಣೌ - ಸರ್ವೇ॑ಷು- ವಾರು॒ಣೋ - ಯದ್ಯಶ್ವಂ॒ - ತದಾ॑ಹು- ರೇ॒ಷ ವೈ ವಿ॒ಭೂ - ಸ್ತಾ॒ರ್ಪ್ಯೇಣಾ॑- ದಿ॒ತ್ಯಾಃ - ಪ್ರ॒ಜಾಪ॑ತಿ-ಮ್ಪಿ॒ತರಂ॒ - ಁಯೋ ವಾ ಅಶ್ವ॑ಸ್ಯ॒ ಮೇದ್ಧ್ಯ॑ಸ್ಯ॒ ಲೋಮ॑ನೀ॒ ತ್ರಯೋ॑ವಿಗ್ಂಶತಿಃ)

(ಪ್ರ॒ಜಾಪ॑ತಿರ॒ - ಸ್ಮಿನ್ ಁಲೋ॒ಕೇ - ಉ॑ತ್ತರ॒ತಃ - ಶ್ರಿಯ॑ಮೇ॒ವ - ಪ್ರ॒ಜಾಪ॑ತಿರಕಾಮಯತ ಮ॒ಹಾನ್.-ಯ-ತ್ಪ್ರಾ॒ತ - ಪ್ರ ವಾ ಏ॒ಷ ಏ॒ಭ್ಯೋ
ಲೋ॒ಕೇಭ್ಯಃ॒- ಸರ್ವಗ್ಂ॑ ಹ॒ ವೈ ತತ್ರ॒ ಪಯ॑ಸ್ವ॒ದ್ಯ -ಉ॑ ಚೈನಮೇ॒ವಂ-ವೇಁದ॑ ಚ॒ತ್ವಾರ್ಯಶೀ॑ತಿಃ)

(ಪ್ರ॒ಜಾಪ॑ತಿರಶ್ವಮೇ॒ಧಂ - ಜು॑ಹ್ವತಿ)

॥ ಹರಿಃ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ನವಮಃ ಪ್ರಪಾಠಕ-ಸ್ಸಮಾಪ್ತಃ ॥
++++++++++++++++++++