কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে নবমঃ প্রপাঠকঃ - অষ্টাদশিনা-ম্পশূনা-ম্প্রয়োগঃ
ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥
(অশ্বমেধস্য় দ্বিতীয়-তৃতীয়া হর্বিধানম্)
অনুবাকং 1 - অষ্টাদশিনা-ঙ্গ্রাভ্য়াণাং আরণ্য়ানা-ঞ্চ পশূনা-ম্প্রয়োগঃ
প্র॒জাপ॑তি-রশ্বমে॒ধম॑সৃজত । সো᳚-ঽস্মাথ্সৃ॒ষ্টো-ঽপা᳚ক্রামত্ ।
তম॑ষ্টাদ॒শিভি॒রনু॒ প্রায়ু॑ঙ্ক্ত । তমা᳚প্নোত্ । তমা॒প্ত্বা ঽষ্টা॑দ॒শিভি॒রবা॑রুন্ধ ।
যদ॑ষ্টাদ॒শিন॑ আল॒ভ্যন্তে᳚ । য॒জ্ঞমে॒ব তৈরা॒প্ত্বা যজ॑মা॒নো-ঽব॑রুন্ধে ॥
সং॒বঁ॒থ্স॒রস্য়॒ বা এ॒ষা প্র॑তি॒মা । যদ॑ষ্টাদ॒শিনঃ॑ ।
দ্বাদ॑শ॒ মাসাঃ॒ পঞ্চ॒র্তবঃ॑ ॥ 1 ॥
সং॒বঁ॒থ্স॒রো᳚-ঽষ্টাদ॒শঃ । যদ॑ষ্টাদ॒শিন॑ আল॒ভ্যন্তে॑ ।
সং॒বঁ॒থ্স॒রমে॒ব তৈরা॒প্ত্বা
যজমা॒নো-ঽব॑রুন্ধে ॥
অ॒গ্নি॒ষ্ঠে᳚ ঽন্য়া-ন্প॒শূনু॑পা-ক॒রোতি॑ ।
ইত॑রেষু॒ যূপে᳚ষ্বষ্টাদ॒শিনো-ঽজা॑মিত্বায় ॥
নব॑ ন॒বাল॑ভ্যন্তে সবীর্য়॒ত্বায়॑ ॥ যদা॑র॒ণ্য়ৈ-স্সগ্গ্॑ স্থা॒পয়ে᳚ত্ । ব্যব॑স্য়েতা-ম্পিতা পু॒ত্রৌ । ব্যদ্ধ্বা॑নঃ ক্রামেয়ুঃ ।
বিদূ॑র॒-ঙ্গ্রাম॑য়ো র্গ্রামা॒ন্তৌ স্য়া॑তাম্ ॥ 2 ॥
ঋ॒ক্ষীকাঃ᳚ পুরুষব্য়া॒ঘ্রাঃ প॑রিমো॒ষিণ॑ আব্য়া॒ধিনী॒-স্তস্ক॑রা॒ অর॑ণ্য়ে॒ষ্বা-জা॑য়েরন্ন্ ॥
তদা॑হুঃ । অপ॑শবো॒ বা এ॒তে । যদা॑র॒ণ্য়াঃ ।
যদা॑র॒ণ্য়ৈ-স্সগ্গ্॑স্থা॒পয়ে᳚ত । ক্ষি॒প্রে যজ॑মান॒-মর॑ণ্য়-ম্মৃ॒তগ্ম্ হ॑রেয়ুঃ ।
অর॑ণ্য়াযতনা॒ হ্য়া॑র॒ণ্য়াঃ প॒শব॒ ইতি॑ । যত্প॒শূন্নালভে॑ত । অন॑বরুদ্ধা অস্য় প॒শব॑-স্স্য়ুঃ । যত্পর্য়॑গ্নি-কৃতানুথ্সৃ॒জেত্ ॥ 3 ॥
য॒জ্ঞ॒বে॒শ॒স-ঙ্কু॑র্য়াত্ ॥ যত্প॒শূনা॒লভ॑তে । তেনৈ॒ব প॒শূনব॑রুন্ধে ।
যত্পর্য়॑গ্নি-কৃতানুথ্সৃ॒জত্য়-য়॑জ্ঞবেশসায় ।
অব॑রুদ্ধা অস্য় প॒শবো॒ ভব॑ন্তি ।
ন য॑জ্ঞবেশ॒ সম্ভ॑বতি ।
ন যজ॑মান॒-মর॑ণ্য়-ম্মৃ॒তগ্ম্ হ॑রন্তি ॥
গ্রা॒ম্য়ৈ-স্সগ্গ্স্থা॑পযতি । এ॒তে বৈ প॒শবঃ॒, ক্ষেমো॒ নাম॑ । স-ম্পি॑তা পু॒ত্রাব ব॑স্যতঃ । সমদ্ধ্বা॑নঃ ক্রামন্তি ।
স॒ম॒ন্তি॒ক-ঙ্গ্রাম॑য়ো-র্গ্রামা॒ন্তৌ ভ॑বতঃ ।
নর্ক্ষীকাঃ᳚ পুরুষব্য়া॒ঘ্রাঃ প॑রিমো॒ষিণ॑ আব্য়া॒ধিনী॒-স্তস্ক॑রা॒ অর॑ণ্য়ে॒ষ্বা জা॑যন্তে ॥ 4 ॥
(ঋ॒তবঃ॑ - স্য়াতা - মুথ্সৃ॒জেথ্ - স্য়॑ত॒স্ত্রীণি॑ চ)(আ1)
অনুবাকং 2 - চাতুর্মাস্যপশূনা-ম্প্রয়োগঃ
প্র॒জাপ॑তির-কামযতো॒ভৌ লো॒কাব-ব॑রুন্ধী॒য়েতি॑ ।
স এ॒তানু॒ভয়া᳚-ন্প॒শূন॑ পশ্যত্ । গ্রা॒ম্য়াগ্শ্চা॑-র॒ণ্য়াগ্শ্চ॑ । তানাল॑ভত ।
তৈর্বৈ স উ॒ভৌ লো॒কাব বা॑রুন্ধ । গ্রা॒ম্য়ৈরে॒ব প॒শুভি॑রি॒মং-লোঁ॒কম বা॑রুন্ধ ।
আ॒র॒ণ্য়ৈর॒মুম্ । যদ্গ্রা॒ম্য়া-ন্প॒শূনা॒লভ॑তে ।
ই॒মমে॒ব তৈর্লো॒কমব॑রুন্ধে । যদা॑র॒ণ্য়ান্ ॥ 5 ॥
অ॒মু-ন্তৈঃ ॥ অন॑বরুদ্ধো॒ বা এ॒তস্য়॑ সংবঁথ্স॒র ইত্য়া॑হুঃ । য ই॒ত ই॒তশ্চাতুর্মা॒স্য়ানি॑ সং॒বঁথ্স॒র-ম্প্র॑য়ু॒ঙ্ক্ত ইতি॑ ।
এ॒তাবা॒ন্॒. বৈ সং॑বঁথ্স॒রঃ । যচ্চা॑তুর্মা॒স্য়ানি॑ । যদে॒তে চাতু॑র্মা॒স্য়াঃ প॒শব॑ আল॒ভ্যন্তে᳚ । প্র॒ত্যক্ষ॑মে॒ব তৈ-স্সং॑বঁথ্স॒রং-য়ঁজ॑মা॒নো-ঽব॑রুন্ধে । ॥
বি বা এ॒ষ প্র॒জয়া॑ প॒শুভি॑র্-ঋদ্ধ্যতে ।
য-স্সং॑বঁথ্স॒র-ম্প্র॑য়ু॒ঙ্ক্তে । সং॒বঁ॒থ্স॒র-স্সু॑ব॒র্গো লো॒কঃ ॥ 6 ॥
সু॒ব॒র্গ-ন্তু লো॒ক-ন্নাপ॑রাদ্ধ্নোতি ।
প্র॒জা বৈ প॒শব॑ একাদ॒শিনী᳚ ।
যদে॒ত ঐ॑কাদশি॒নাঃ প॒শব॑ আল॒ভ্যন্তে᳚ ।
সা॒ক্ষাদে॒ব প্র॒জা-ম্প॒শূন্. যজ॑মা॒নো-ঽব॑রুন্ধে ॥ প্র॒জাপ॑তি-র্বি॒রাজ॑মসৃজত ।
সা সৃ॒ষ্টা-ঽশ্ব॑মে॒ধ-ম্প্রাবি॑শত্ ।
তা-ন্দ॒শিভি॒রনু॒ প্রায়ু॑ঙ্ক্ত । তামা᳚প্নোত্ ।
তামা॒প্ত্বা দ॒শিভি॒রবা॑রুন্ধ । যদ্দ॒শিন॑ আল॒ভ্যন্তে᳚ ॥ 7 ॥
বি॒রাজ॑মে॒ব তৈরা॒প্ত্বা যজ॑মা॒নো-ঽব॑রুন্ধে ॥
একা॑দশ দ॒শত॒ আল॑ভ্যন্তে । একা॑দশাক্ষরা ত্রি॒ষ্টুপ্ । ত্রৈষ্টু॑ভাঃ প॒শবঃ॑ । প॒শূনে॒বাব॑রুন্ধে ॥ বৈ॒শ্ব॒দে॒বো বা অশ্বঃ॑। না॒না॒দে॒ব॒ত্য়াঃ᳚ প॒শবো॑ ভবন্তি ।
অশ্ব॑স্য় সর্ব॒ত্বায়॑ । নানা॑রূপা ভবন্তি । তস্মা॒ন্নানা॑রূপাঃ প॒শবঃ॑( ) ।
ব॒হু॒রূ॒পা ভ॑বন্তি । তস্মা᳚-দ্বহুরূ॒পাঃ প॒শব॒-স্সমৃ॑দ্ধ্য়ৈ ॥ 8 ॥
(আ॒র॒ণ্য়ান্-ঁলো॒কো-দ॒শিন॑ আল॒ভ্যন্তে॒-নানা॑রূপাঃ প॒শবো॒ দ্বে চ॑) (অ. 2)
অনুবাকং 3 - রোহিতাদীনা-ম্পশূনাং-বঁপাহোমসাহিত্যম্
অ॒স্মৈ বৈ লো॒কায়॑ গ্রা॒ম্য়াঃ প॒শব॒ আল॑ভ্যন্তে । অ॒মুষ্মা॑ আর॒ণ্য়াঃ । যদ্গ্রা॒ম্য়া-ন্প॒শূনা॒লভ॑তে । ই॒মমে॒ব তৈর্লো॒কমব॑রুন্ধে । যদা॑র॒ণ্য়ান্ । অ॒মু-ন্তৈঃ । উ॒ভয়া᳚-ন্প॒শূনাল॑ভতে । গ্রা॒ম্য়াগ্শ্চা॑-র॒ণ্য়াগ্শ্চ॑ ।
উ॒ভয়ো᳚-র্লো॒কয়ো॒র ব॑রুদ্ধ্য়ৈ । উ॒ভয়া᳚-ন্প॒শূনাল॑ভতে ॥ 9 ॥
গ্রা॒ম্য়াগ্শ্চা॑-র॒ণ্য়াগ্শ্চ॑ । উ॒ভয়॑স্য়া॒-ন্নাদ্য়॒স্য়া-ব॑রুদ্ধ্য়ৈ । উভয়া᳚-ন্প॒শূনালভতে । গ্রাম্য়াগ্শ্চা॑র॒ণ্য়াগ্শ্চ॑ ।
উ॒ভয়ে॑ষা-ম্পশূ॒নামব॑রুদ্ধ্য়ৈ ॥
ত্রয়॑স্ত্রয়ো ভবন্তি । ত্রয়॑ ই॒মে লো॒কাঃ ।
এ॒ষাং-লোঁ॒কানা॒মাপ্ত্য়ৈ᳚ ॥ ব্র॒হ্ম॒বা॒দিনো॑ বদন্তি । কস্মা᳚থ্স॒ত্য়াত্ ॥ 10 ॥
অ॒স্মিন্ ঁলো॒কে ব॒হবঃ॒ কামা॒ ইতি॑ ।
যথ্স॑মা॒নীভ্য়ো॑ দে॒বতা᳚ভ্য়ো॒-ঽন্য়ে᳚-ঽন্য়ে প॒শব॑ আল॒ভ্যন্তে᳚ । অ॒স্মিন্নে॒ব তল্লো॒কে কামা᳚ন্দধাতি । তস্মা॑দ॒স্মিন্-ঁলো॒কে ব॒হবঃ॒ কামাঃ᳚ ॥ ত্র॒য়া॒ণা-ন্ত্র॑য়াণাগ্ম্ স॒হ ব॒পা জু॑হোতি । ত্র্য়া॑বৃতো॒ বৈ দে॒বাঃ ।
ত্র্য়া॑বৃত ই॒মে লো॒কাঃ । এ॒ষাং-লোঁ॒কানা॒মাপ্ত্য়ৈ᳚ । এ॒ষাং-লোঁ॒কানা॒-ঙ্ক্লৃপ্ত্য়ৈ᳚ ॥ পর্য়॑গ্নি-কৃতা-নার॒ণ্য়া-নুথ্সৃ॑জ॒ন্ত্যহিগ্ম্॑সায়ৈ ॥ 11 ॥
(অব॑রুদ্ধ্য়া উ॒ভয়া᳚-ন্প॒শূনাল॑ভতে - স॒ত্য়া - দহিগ্ম্॑সায়ৈ)(আ3)
অনুবাকং 4 - অশ্বস্য় রথয়োজনালঙ্কারাদয়ঃ
যু॒ঞ্জন্তি॑ ব্র॒দ্ধ্নমিত্য়া॑হ । অ॒সৌ বা আ॑দি॒ত্য়ো ব্র॒দ্ধ্নঃ । আ॒দি॒ত্য়-মে॒বাস্মৈ॑ যুনক্তি । অ॒রু॒ষমিত্য়া॑হ । অ॒গ্নির্বা অ॑রু॒ষঃ ।
অ॒গ্নিমে॒বাস্মৈ॑ যুনক্তি । চর॑ন্ত॒মিত্য়া॑হ । বা॒য়ুর্বৈ চরন্ন্॑ । বা॒য়ুমে॒বাস্মৈ॑ যুনক্তি । পরি॑ত॒স্থুষ॒ ইত্য়া॑হ ॥ 12 ॥
ই॒মে বৈ লো॒কাঃ পরি॑ত॒স্থুষঃ॑ । ই॒মনে॒বাস্মৈ॑ লো॒কান্. যু॑নক্তি ॥ রোচ॑ন্তে রোচ॒না দি॒বীত্য়া॑হ । নক্ষ॑ত্রাণি॒ বৈ রো॑চ॒না দি॒বি ।
নক্ষ॑ত্রাণ্য়ে॒বাস্মৈ॑ রোচযতি ॥ যু॒ঞ্জন্ত্য়॑স্য়॒ কাম্য়েত্য়া॑হ । কামা॑নে॒বাস্মৈ॑ যুনক্তি ॥ হরী॒ বিপ॑ক্ষ॒সেত্য়া॑হ ।
ই॒মে বৈ হরী॒ বিপ॑ক্ষসা । ই॒মে এ॒বাস্মৈ॑ যুনক্তি ॥ 13 ॥
শোণা॑ ধৃ॒ষ্ণূ নৃ॒বাহ॒সেত্য়া॑হ । অ॒হো॒রা॒ত্রে বৈ নৃ॒বাহ॑সা । অ॒হো॒রা॒ত্রে এ॒বাস্মৈ॑ যুনক্তি ॥ এ॒তা এ॒বাস্মৈ॑ দে॒বতা॑ যুনক্তি ।
সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥
কে॒তু-ঙ্কৃ॒ণ্বন্ন॑-কে॒তব॒ ইতি॑ দ্ধ্ব॒জ-ম্প্রতি॑মুঞ্চতি । যশ॑ এ॒বৈন॒গ্ম্॒ রাজ্ঞা᳚-ঙ্গমযতি ॥ জী॒মূত॑স্য়েব ভবতি॒ প্রতী॑ক॒মিত্য়া॑হ । য॒থা॒ য॒জুরে॒বৈতত্ ॥ যে তে॒ পন্থা॑ন-স্সবিতঃ পূ॒র্ব্য়াস॒ ইত্য়॑দ্ধ্ব॒র্য়ু-র্যজ॑মানং
ঁবাচযত্য়॒ভিজি॑ত্য়ৈ ॥ 14 ॥
পরা॒ বা এ॒তস্য়॑ য॒জ্ঞ এ॑তি । যস্য়॑ প॒শুরু॒পা-কৃ॑তো॒-ঽন্যত্র॒ বেদ্য়া॒ এতি॑ । এতগ্গ্ স্তো॑তরে॒তেন॑ প॒থা পুন॒রশ্ব॒-মাব॑র্তয়াসি ন॒ ইত্য়া॑হ ।
বা॒য়ুর্বৈ স্তোতা᳚ । বা॒য়ুমে॒বাস্য়॑ প॒রস্তা᳚-দ্দধা॒ত্য়াবৃ॑ত্ত্য়ৈ ॥ যথা॒ বৈ হ॒বিষো॑ গৃহী॒তস্য়॒ স্কন্দ॑তি । এ॒বং-বাঁ এ॒তদশ্ব॑স্য় স্কন্দতি । যদ॑স্য়ো॒পাকৃ॑তস্য়॒ লোমা॑নি॒ শীয়॑ন্তে । যদ্বালে॑ষু কা॒চানা॒বয়॑ন্তি ।
লোমা᳚ন্য়ে॒বাস্য়॒ তথ্সম্ভ॑রন্তি ॥ 15 ॥
ভূর্ভুব॒স্সুব॒রিতি॑ প্রাজাপ॒ত্য়া-ভি॒রাব॑যন্তি । প্রা॒জা॒প॒ত্য়ো বা অশ্বঃ॑ ।
স্বয়ৈ॒বৈন॑-ন্দে॒বত॑য়া॒ সম॑দ্র্ধযন্তি ॥ ভূরিতি॒ মহি॑ষী । ভুব॒ ইতি॑ বা॒বাতা᳚ ।
সুব॒রিতি॑ পরিবৃ॒ক্তী । এ॒ষাং-লোঁ॒কানা॑-ম॒ভিজি॑ত্য়ৈ ॥ হি॒র॒ণ্যয়াঃ᳚ কা॒চা ভ॑বন্তি । জ্য়োতি॒র্বৈ হির॑ণ্যম্ । রা॒ষ্ট্রম॑শ্বমে॒ধঃ ॥ 16 ॥
জ্য়োতি॑শ্চৈ॒বাস্মৈ॑ রা॒ষ্ট্র-ঞ্চ॑ স॒মীচী॑ দধাতি ॥ স॒হস্র॑-ম্ভবন্তি । স॒হস্র॑ সম্মিত-স্সুব॒র্গো লো॒কঃ । সু॒ব॒র্গস্য়॑ লো॒কস্য়া॒-ভিজি॑ত্য়ৈ ॥
অপ॒ বা এ॒তস্মা॒ত্তেজ॑ ইন্দ্রি॒য়-ম্প॒শব॒-শ্শ্রীঃ ক্রা॑মন্তি । যো᳚-ঽশ্বমে॒ধেন॒ যজ॑তে ।
বস॑বস্ত্বা-ঽঞ্জন্তু গায়॒ত্রেণ॒ ছন্দ॒সেতি॒ মহি॑ষ্য়॒ভ্য়॑নক্তি । তেজো॒ বা আজ্য়᳚ম্ । তেজো॑ গায়॒ত্রী । তেজ॑সৈ॒বাস্মৈ॒ তেজো-ঽব॑রুন্ধে ॥ 17 ॥
রু॒দ্রাস্ত্বা᳚-ঽঞ্জন্তু॒ ত্রৈষ্টু॑ভেন॒ ছন্দ॒সেতি॑ বা॒বাতা᳚ । তেজো॒ বা আজ্য়᳚ম্ । ই॒ন্দ্রি॒য়-ন্ত্রি॒ষ্টুপ্ । তেজ॑সৈ॒বাস্মা॑ ইন্দ্রি॒যমব॑রুন্ধে ।
আ॒দি॒ত্য়া-স্ত্বা᳚-ঽঞ্জন্তু॒ জাগ॑তেন॒ ছন্দ॒সেতি॑ পরিবৃ॒ক্তী । তেজো॒ বা আজ্য়᳚ম্ । প॒শবো॒ জগ॑তী ।
তেজ॑সৈ॒বাস্মৈ॑ প॒শূনব॑রুন্ধে ॥
পত্ন॑য়ো॒-ঽভ্য়॑ঞ্জন্তি । শ্রি॒য়া বা এ॒ত-দ্রূ॒পম্ ॥ 18 ॥
যত্পত্ন॑য়ঃ । শ্রিয়॑-মে॒বাস্মি॒-ন্তদ্দ॑ধতি ।
নাস্মা॒ত্তেজ॑ ইন্দ্রি॒য়-ম্প॒শব॒-শ্শ্রীরপ॑ক্রামন্তি ॥
লাজী(3)ঞ্ছাচী(3)ন্. যশো॑ ম॒মাঁ(4) ইত্যতি॑রিক্ত॒-মন্ন॒মশ্বা॑য়ো॒ পাহ॑রন্তি ।
প্র॒জামে॒বান্না॒দী-ঙ্কু॑র্বতে ॥
এ॒তদ্দে॑বা॒ অন্ন॑মত্তৈ॒ত-দন্ন॑মদ্ধি প্রজাপত॒ ইত্য়া॑হ । প্র॒জায়া॑মে॒বান্নাদ্য়॑-ন্দধতে ॥
যদি॒ নাব॒জিঘ্র᳚ত্ । অ॒গ্নিঃ প॒শুরা॑সী॒দিত্যব॑-ঘ্রাপয়েত্ । অব॑ হৈ॒ব জি॑ঘ্রতি ॥
আক্রান॑. বা॒জী ক্রমৈ॒রত্য়॑-ক্রমীদ্বা॒জী দ্য়ৌস্তে॑ পৃ॒ষ্ঠ-ম্পৃ॑থি॒বী
স॒ধস্থ॒মিত্যশ্ব॒-মনু॑মন্ত্রযতে ।
এ॒ষাং-লোঁ॒কানা॑-ম॒ভিজি॑ত্য়ৈ ॥
সমি॑দ্ধো অ॒ঞ্জন্কৃদ॑র-ম্মতী॒না-মিত্যশ্ব॑স্য়া॒ প্রিয়ো॑ ভবন্তি সরূপ॒ত্বায়॑ ॥ 19 ॥
(পরি॑ত॒স্থুষ॒ ইত্য়া॑হে॒ - মে এ॒বাস্মৈ॑ যুনক্ত্য়॒ - ভিজি॑ত্য়ৈ-ভর-ন্ত্যশ্বমে॒ধো - রু॑ন্ধে - রূ॒পম্ - জি॑ঘ্রতি॒ ত্রীণি॑ চ) (অ. 4)
অনুবাকং 5 - ব্রহ্মোদ্যনামকঃ হোতৃব্রাহ্মণোস্সংবাঁদঃ
তেজ॑সা॒ বা এ॒ষ ব্র॑হ্মবর্চ॒সেন॒ ব্য়ৃ॑দ্ধ্যতে । যো᳚-ঽশ্বমে॒ধেন॒ যজ॑তে ।
হোতা॑ চ ব্র॒হ্মা চ॑ ব্র॒হ্মোদ্য়ং॑-বঁদতঃ ।
তেজ॑সা চৈ॒বৈন॑-ম্ব্রহ্মবর্চ॒সেন॑ চ॒ সম॑দ্র্ধযতঃ ॥ দ॒ক্ষি॒ণ॒তো ব্র॒হ্মা ভ॑বতি ।
দ॒ক্ষি॒ণ॒ত আ॑যতনো॒ বৈ ব্র॒হ্মা । বা॒র্॒হ॒স্প॒ত্য়ো বৈ ব্র॒হ্মা ।
ব্র॒হ্ম॒ব॒র্চ॒সমে॒বাস্য়॑ দক্ষিণ॒তো (দক্ষি॒ণতো) দ॑ধাতি ।
তস্মা॒-দ্দক্ষি॒ণো-ঽদ্র্ধো᳚ ব্রহ্মবর্চ॒সিত॑রঃ ॥
উ॒ত্ত॒র॒তো হোতা॑ ভবতি ॥ 20 ॥
উ॒ত্ত॒র॒ত আ॑যতনো॒ বৈ হোতা᳚ । আ॒গ্নে॒য়ো বৈ হোতা᳚ । তেজো॒ বা অ॒গ্নিঃ । তেজ॑ এ॒বাস্য়ো᳚ত্তর॒তো দ॑ধাতি । তস্মা॒দুত্ত॒রো-ঽদ্র্ধ॑-স্তেজ॒স্বিত॑রঃ ॥
যূপ॑ম॒ভিতো॑ বদতঃ । য॒জ॒মা॒ন॒দে॒ব॒ত্য়ো॑ বৈ যূপঃ॑ । যজ॑মানমে॒ব তেজ॑সা চ ব্রহ্মবর্চ॒সেন॑ চ॒ সম॑দ্র্ধযতঃ ॥
কিগ্গ্ স্বি॑দাসীত্-পূ॒র্বচি॑ত্তি॒-রিত্য়া॑হ ।
দ্য়ৌর্বৈ বৃষ্টিঃ॑ পূ॒র্বচি॑ত্তিঃ ॥ 21 ॥
দিব॑মে॒ব বৃষ্টি॒মব॑রুন্ধে ॥ কিগ্গ্ স্বি॑দাসী-দ্বৃ॒হদ্বয়॒ ইত্য়া॑হ । অশ্বো॒ বৈ বৃ॒হদ্বয়ঃ॑ । অশ্ব॑মে॒বাব॑রুন্ধে ॥ কিগ্গ্ স্বি॑দাসীত্-পিশঙ্গি॒লেত্য়া॑হ । রাত্রি॒র্বৈ পি॑শঙ্গি॒লা ।
রাত্রি॑মে॒বাব॑রুন্ধে ॥ কিগ্গ্ স্বি॑দাসীত্-পিলিপ্পি॒লেত্য়া॑হ । শ্রীর্বৈ পি॑লিপ্পি॒লা । অ॒ন্নাদ্য়॑মে॒বাব॑রুন্ধে ॥ 22 ॥
ক-স্স্বি॑দেকা॒কী চ॑র॒তীত্য়া॑হ । অ॒সৌ বা আ॑দি॒ত্য় এ॑কা॒কী চ॑রতি । তেজ॑ এ॒বাব॑রুন্ধে ॥
ক উ॑ স্বিজ্জাযতে॒ পুন॒রিত্য়া॑হ ।
চ॒ন্দ্রমা॒ বৈ জা॑যতে॒ পুনঃ॑ ।
আয়ু॑রে॒বাব॑রুন্ধে ॥
কিগ্গ্ স্বি॑দ্ধি॒মস্য়॑ ভেষ॒জমিত্য়া॑হ ।
অ॒গ্নির্বৈ হি॒মস্য়॑ ভেষ॒জম্ । ব্র॒হ্ম॒ব॒র্চ॒সমে॒বাব॑রুন্ধে ॥
কিগ্গ্ স্বি॑দা॒-বপ॑ন-ম্ম॒হদিত্য়া॑হ ॥ 23 ॥
অ॒য়ং-বৈঁ লো॒ক আ॒বপ॑ন-ম্ম॒হত্ ।
অ॒স্মিন্নে॒ব লো॒কে প্রতি॑তিষ্ঠতি ॥
পৃ॒চ্ছামি॑ ত্বা॒ পর॒মন্ত॑-ম্পৃথি॒ব্য়া ইত্য়া॑হ । বেদি॒র্বৈ পরো-ঽন্তঃ॑ পৃথি॒ব্য়াঃ ।
বেদি॑মে॒বাব॑রুন্ধে ॥ পৃ॒চ্ছামি॑ ত্বা॒ ভুব॑নস্য়॒ নাভি॒মিত্য়া॑হ ।
য॒জ্ঞো বৈ ভুব॑নস্য়॒ নাভিঃ॑ । য॒জ্ঞমে॒বাব॑রুন্ধে ॥
পৃ॒চ্ছামি॑ ত্বা॒ বৃষ্ণো॒ অশ্ব॑স্য়॒ রেত॒ ইত্য়া॑হ ।
সোমো॒ বৈ বৃষ্ণো॒ অশ্ব॑স্য়॒ রেতঃ॑ । সো॒ম॒পী॒থ-মে॒বাব॑রুন্ধে ॥
পৃ॒চ্ছামি॑ বা॒চঃ প॑র॒মং-ব্য়োঁ॑মেত্য়া॑হ । ব্রহ্ম॒ বৈ বা॒চঃ প॑র॒মং-ব্য়োঁ॑ম ।
ব্র॒হ্ম॒ব॒র্চ॒স-মে॒বাব॑রুন্ধে ॥ 24 ॥
(হোতা॑ ভবতি॒ - বৈ বৃষ্টিঃ॑ পূ॒র্বচি॑ত্তি - র॒ন্নাদ্য়॑মে॒বাব॑রুন্ধে - ম॒হদিত্য়া॑হ॒ - সোমো॒ বৈ বৃষ্ণো॒ অশ্ব॑স্য়॒ রেত॑শ্চ॒ত্বারি॑ চ) (অ. 5)
অনুবাকং 6 - অশ্বস্য় মৃতোপচার-স্সঞ্জ্ঞপনপ্রকারঃ
অপ॒ বা এ॒তস্মা᳚-ত্প্রা॒ণাঃ ক্রা॑মন্তি । যো᳚-ঽশ্বমে॒ধেন॒ যজ॑তে ।
প্রা॒ণায়॒ স্বাহা᳚ ব্য়া॒নায়॒ স্বাহেতি॑ সঞ্জ্ঞ॒প্যমা॑ন॒ আহু॑তী-র্জুহোতি ।
প্রা॒ণানে॒বাস্মি॑ন্দধাতি । নাস্মা᳚ত্প্রা॒ণা অপ॑ক্রামন্তি ॥ অব॑ন্তীঃ॒-স্থাব॑ন্তী-স্ত্বা-ঽবন্তু । প্রি॒য়-ন্ত্বা᳚ প্রি॒য়াণা᳚ম্ । বর্ষি॑ষ্ঠ॒মাপ্য়ানাম্ । নি॒ধী॒না-ন্ত্বা॑ নিধি॒পতিগ্ম্॑ হবামহে
বসোম॒-মেত্য়া॑হ ।
অপৈ॒বাস্মৈ॒ তদ্ধ্নু॑বতে ॥ 25 ॥
অথো॑ ধু॒বন্ত্য়ে॒বৈন᳚ম্ । অথো॒ ন্য়ে॑বাস্মৈ᳚ হ্নুবতে ॥ ত্রিঃ পরি॑যন্তি । ত্রয়॑ ই॒মে লো॒কাঃ । এ॒ভ্য় এ॒বৈনং॑-লোঁ॒কেভ্য়ো॑ ধুবতে ॥ ত্রিঃ পুনঃ॒ পরি॑যন্তি । ষট্-থ্সম্প॑দ্যন্তে । ষড্বা ঋ॒তবঃ॑ ।
ঋ॒তুভি॑রে॒বৈন॑-ন্ধুবতে ॥ অপ॒ বা এ॒তেভ্য়ঃ॑ প্রা॒ণাঃ ক্রা॑মন্তি ॥ 26 ॥
যে য॒জ্ঞে ধুব॑ন-ন্ত॒ন্বতে᳚ । ন॒ব॒কৃত্বঃ॒ পরি॑যন্তি । নব॒ বৈ পুরু॑ষে প্রা॒ণাঃ ।
প্রা॒ণানে॒বাত্মন্দ॑ধতে । নৈভ্য়ঃ॑ প্রা॒ণা অপ॑ক্রামন্তি ॥ অম্বে॒ অম্বা॒ল্যম্বি॑ক॒ ইতি॒ পত্নী॑মু॒দান॑যতি । অহ্ব॑তৈ॒বৈনা᳚ম্ ॥
সুভ॑গে॒ কাম্পী॑ল-বাসি॒নীত্য়া॑হ । তপ॑ এ॒বৈনা॒-মুপ॑নযতি ॥ সু॒ব॒র্গে লো॒কে সম্প্রোর্ণ্বা॑থা॒-মিত্য়া॑হ ॥ 27 ॥
সু॒ব॒র্গমে॒বৈনাং᳚-লোঁ॒ক-ঙ্গ॑মযতি ॥
আ-ঽহম॑জানি গর্ভ॒ধমা ত্বম॑জাসি গর্ভ॒ধমিত্য়া॑হ । প্র॒জা বৈ প॒শবো॒ গর্ভঃ॑ । প্র॒জামে॒ব প॒শূনা॒ত্মন্ধ॑ত্তে ॥
দে॒বা বা অ॑শ্বমে॒ধে পব॑মানে । সু॒ব॒র্গং-লোঁ॒ক-ন্ন প্রাজা॑নন্ন্ । তমশ্বঃ॒ প্রাজা॑নাত্ । যথ্সূ॒চীভি॑-রসিপ॒থা-ন্ক॒ল্পয়॑ন্তি ।
সু॒ব॒র্গস্য়॑ লো॒কস্য়॒ প্রজ্ঞা᳚ত্য়ৈ ॥ গা॒য়॒ত্রী ত্রি॒ষ্টুব্জগ॒তীত্য়া॑হ ॥ 28 ॥
য॒থা॒ য॒জুরে॒বৈতত্ ॥ ত্র॒য়্য়-স্সূ॒চ্য়ো॑ ভবন্তি ।
অ॒য়॒স্ময়্য়ো॑ রজ॒তা হরি॑ণ্য়ঃ । অ॒স্য় বৈ লো॒কস্য়॑ রূ॒পম॑য়॒স্ময়্য়ঃ॑ । অ॒ন্তরি॑ক্ষস্য় রজ॒তাঃ । দি॒বো হরি॑ণ্য়ঃ । দিশো॒ বা অ॑য়॒স্ময়্য়ঃ॑ ।
অ॒বা॒ন্ত॒র॒দি॒শা র॑জ॒তাঃ । ঊ॒দ্র্ধ্বা হরি॑ণ্য়ঃ ।
দিশ॑ এ॒বাস্মৈ॑ কল্পযতি ॥
কস্ত্বা᳚-ছ্যতি॒ কস্ত্বা॒ বিশা॒স্তী-ত্য়া॒হা হিগ্ম্॑সায়ৈ ॥ 29 ॥
(হ্নু॒ব॒তে॒-ক্রা॒ম॒-ন্ত্য়ূ॒র্ণ্বা॒থা॒মিত্য়া॑হ॒-জগ॒তীত্য়া॑হ-কল্পয়॒ত্য়েক॑-ঞ্চ) (অ. 6)
অনুবাকং 7 - তত্র মন্ত্রাঃ
অপ॒ বা এ॒তস্মা॒চ্ছ্রী রা॒ষ্ট্র-ঙ্ক্রা॑মতি । যো᳚-ঽশ্বমে॒ধেন॒ যজ॑তে ।
ঊ॒দ্র্ধ্বামে॑না॒-মুচ্ছ্র॑যতা॒-দিত্য়া॑হ ।
শ্রীর্বৈ রা॒ষ্ট্রম॑শ্বমে॒ধঃ ।
শ্রিয়॑মে॒বাস্ম॑ রা॒ষ্ট্রমূ॒দ্র্ধ্ব-মুচ্ছ্র॑যতি ॥ বে॒ণু॒ভা॒র-ঙ্গি॒রাবি॒-বেত্য়া॑হ ।
রা॒ষ্ট্রং-বৈঁ ভা॒রঃ । রা॒ষ্ট্রমে॒বাস্মৈ॒ পর্য়ূ॑হতি ॥ অথা᳚স্য়া॒ মদ্ধ্য়॑মেধতা॒-মিত্য়া॑হ । শ্রীর্বৈ রা॒ষ্ট্রস্য়॒ মদ্ধ্য়᳚ম্ ॥ 30 ॥
শ্রিয়॑মে॒বা-ব॑রুন্ধে ॥ শী॒তে বাতে॑ পু॒নন্নি॒-বেত্য়া॑হ । ক্ষেমো॒ বৈ রা॒ষ্ট্রস্য়॑ শী॒তো বাতঃ॑ । ক্ষেম॑মে॒বা-ব॑রুন্ধে ॥ যদ্ধ॑রি॒ণী যব॒মত্তীত্য়া॑হ । বিড্বৈ হ॑রি॒ণী । রা॒ষ্ট্রং-য়ঁবঃ॑ । বিশ॑-ঞ্চৈ॒বাস্মৈ॑ রা॒ষ্ট্র-ঞ্চ॑ স॒মীচী॑ দধাতি ॥
ন পু॒ষ্ট-ম্প॒শু ম॑ন্যত॒ ইত্য়া॑হ ।
তস্মা॒-দ্রাজা॑ প॒শূন্ন পুষ্য়॑তি ॥ 31 ॥
শূ॒দ্রা যদর্য়॑জারা॒ ন পোষা॑য় ধনায়॒তীত্য়া॑হ ।
তস্মা᳚-দ্বৈশীপু॒ত্র-ন্নাভিষি॑ঞ্চন্তে ॥ ই॒য়ং-য়ঁ॒কা শ॑কুন্তি॒কেত্য়া॑হ । বিড্বৈ শ॑কুন্তি॒কা । রা॒ষ্ট্রম॑শ্বমে॒ধঃ । বিশ॑-ঞ্চৈ॒বাস্মৈ॑ রা॒ষ্ট্র-ঞ্চ॑ স॒মীচী॑ দধাতি ॥
আ॒হল॒মিতি॒ সর্প॒তীত্য়া॑হ । তস্মা᳚-দ্রা॒ষ্ট্রায়॒ বিশ॑-স্সর্পন্তি ॥ আহ॑ত-ঙ্গ॒ভে পস॒ ইত্য়া॑হ । বিড্বৈ গভঃ॑ ॥ 32 ॥
রা॒ষ্ট্র-ম্পসঃ॑ । রা॒ষ্ট্রম॒ব বি॒শ্য়াহ॑ন্তি । তস্মা᳚-দ্রা॒ষ্ট্রং-বিঁশ॒-ঙ্ঘাতু॑কম্ ॥
মা॒তা চ॑ তে পি॒তা চ॑ ত॒ ইত্য়া॑হ । ই॒য়ং-বৈঁ মা॒তা । অ॒সৌ পি॒তা । আ॒ভ্য়ামে॒বৈন॒-ম্পরি॑দদাতি ॥
অগ্রং॑-বৃঁ॒ক্ষস্য়॑ রোহত॒ ইত্য়া॑হ ।
শ্রীর্বৈ ব॒ক্ষস্য়াগ্র᳚ম্ । শ্রিয়॑মে॒বাব॑রুন্ধে ॥ 33 ॥
প্রসু॑লা॒মীতি॑ তে পি॒তা গ॒ভে মু॒ষ্টিম॑তগ্ম্সয়॒-দিত্য়া॑হ । বিড্বৈ গভঃ॑ । রা॒ষ্ট্র-ম্মু॒ষ্টিঃ । রা॒ষ্ট্রমে॒ব বি॒শ্য়াহ॑ন্তি । তস্মা᳚-দ্রা॒ষ্ট্রং-বিঁশ॒-ঙ্ঘাতু॑কম্ ॥ অপ॒ বা এ॒তেভ্য়ঃ॑ প্রা॒ণাঃ ক্রা॑মন্তি । যে য॒জ্ঞে-ঽপূ॑তং॒-বঁদ॑ন্তি ।
দ॒ধি॒ক্রাব্.ণ্ণো॑ অকারিষ॒মিতি॑ সুরভি॒-মতী॒মৃচং॑-বঁদন্তি ।
প্রা॒ণা বৈ সু॑র॒ভয়ঃ॑ । প্রা॒ণানে॒বাত্মন্দ॑ধতে । নৈভ্য়ঃ॑ প্রা॒ণা অপ॑ক্রামন্তি ॥
আপো॒ হিষ্ঠা ম॑য়ো॒ভুব॒ ইত্য়॒দ্ভির্মা᳚র্জযন্তে । আপো॒ বৈ সর্বা॑ দে॒বতাঃ᳚ ।
দে॒বতা॑ভিরে॒-বাত্মান॑-ম্পবযন্তে ॥ 34 ॥
(রা॒ষ্ট্রস্য়॒ মদ্ধ্য়॒ম্ - পুষ্য়॑তি॒ - গভো॑ - রুন্ধে - দধতে চ॒ত্বারি॑ চ) (অ. 7)
অনুবাকং 8 - অশ্বমেধস্য় তত্পশূনা-ঞ্চ প্রশংসা
প্র॒জাপ॑তিঃ প্র॒জা-স্সৃ॒ষ্ট্বা প্রে॒ণা-ঽনু॒ প্রাবি॑শত্ । তাভ্য়ঃ॒ পুন॒-স্সম্ভ॑বিতু॒-ন্নাশ॑ক্নোত্ । সো᳚-ঽব্রবীত্ । ঋ॒দ্ধ্নব॒দিথ্সঃ । যো মে॒তঃ পুন॑-স্স॒ভংর॒দিতি॑ । ত-ন্দে॒বা অ॑শ্বমে॒ধেনৈ॒ব সম॑ভরন্ন্ । ততো॒ বৈ ত আ᳚দ্র্ধ্নুবন্ন । যো᳚-ঽশ্বমে॒ধেন॒ যজ॑তে ।
প্র॒জাপ॑তিমে॒ব সম্ভ॑রত্য়ৃ॒দ্ধ্নোতি॑ ॥ পুরু॑ষ॒মাল॑ভতে ॥ 35 ॥
বৈ॒রা॒জো বৈ পুরু॑ষঃ । বি॒রাজ॑-মে॒বাল॑ভতে । অথো॒ অন্নং॒-বৈঁ বি॒রাট্ । অন্ন॑মে॒বাব॑রুন্ধে ॥ অশ্ব॒মাল॑ভতে । প্রা॒জা॒প॒ত্য়ো বা অশ্বঃ॑ ।
প্র॒জাপ॑তি-মে॒বাল॑ভতে । অথো॒ শ্রীর্বা এক॑শফম্ ।
শ্রিয়॑-মে॒বাব॑রুন্ধে ॥ গামাল॑ভতে ॥ 36 ॥
য॒জ্ঞো বৈ গৌঃ । য॒জ্ঞমে॒বাল॑ভতে ।
অথো॒ অন্নং॒-বৈঁ গৌঃ । অন্ন॑মে॒বাব॑রুন্ধে ॥
অ॒জা॒বী আল॑ভতে ভূ॒ম্নে । অথো॒ পুষ্টি॒র্বৈ ভূ॒মা ।
পুষ্টি॑মে॒বাব॑রুন্ধে ॥
পর্য়॑গ্নিকৃত॒-ম্পুরু॑ষ-ঞ্চার॒ণ্য়াগ্-শ্চো-থ্সৃ॑জ॒ন্ত্যহিগ্ম্॑সায়ৈ ॥ উ॒ভৌ বা এ॒তৌ প॒শূ আল॑ভ্য়েতে । যশ্চা॑ব॒মো যশ্চ॑ পর॒মঃ ।
তে᳚-ঽস্য়ো॒ভয়ে॑ য॒জ্ঞে ব॒দ্ধাঃ । অ॒ভীষ্টা॑ অ॒ভিপ্রী॑তাঃ । অ॒ভিজি॑তা অ॒ভিহু॑তা ভবন্তি ॥ নৈন॑-ন্দ॒ঙ্ক্ষ্ণবঃ॑ প॒শবো॑ য॒জ্ঞে ব॒দ্ধাঃ ।
অ॒ভীষ্টা॑ অ॒ভিপ্রী॑তাঃ । অ॒ভিজি॑তা অ॒ভিহু॑তা হিগ্ম্সন্তি । যো᳚-ঽশ্বমে॒ধেন॒ যজ॑তে । য উ॑ চৈনমে॒বং-বেঁদ॑ ॥ 37 ॥
(ল॒ভ॒তে॒ - গামাল॑ভতে - পর॒মো᳚-ঽষ্টৌ চ॑) (অ. 8)
অনুবাকং 9 - উত্তমে-ঽহনি প্রশবঃ
প্র॒থ॒মেন॒ বা এ॒ষ স্তোম॑ন রা॒দ্ধ্বা ।
চ॒তু॒ষ্টো॒মেন॑ কৃ॒তেনায়া॑না॒-মুত্ত॒রে-ঽহন্ন্॑ ।
এ॒ক॒বি॒গ্ম্॒শে প্র॑তি॒ষ্ঠায়া॒-ম্প্রতি॑তিষ্ঠতি ॥
এ॒ক॒বি॒গ্ম্॒শা-ত্প্র॑তি॒ষ্ঠায়া॑ ঋ॒তূন॒ন্বারো॑হতি । ঋ॒তবো॒ বৈ পৃ॒ষ্ঠানি॑ । ঋ॒তব॑-স্সংবঁথ্স॒রঃ । ঋ॒তুষ্বে॒ব সং॑বঁথ্স॒রে প্র॑তি॒ষ্ঠায়॑ । দে॒বতা॑ অ॒ভ্য়ারো॑হতি । শক্ব॑রয়ঃ পৃ॒ষ্ঠ-ম্ভ॑বন্ত্য়॒-ন্যদ॑ন্য়॒-চ্ছন্দঃ॑ । অ॒ন্য়ে᳚-ঽন্য়ে॒ বা এ॒তে প॒শব॒ আল॑ভ্যন্তে ॥ 38 ॥
উ॒তেব॑ গ্রা॒ম্য়াঃ । উ॒তেবা॑র॒ণ্য়াঃ । অহ॑রে॒ব রূ॒পেণ॒ সম॑দ্র্ধযতি । অথো॒ অহ্ন॑ এ॒বৈষ ব॒লির্হ্রি॑যতে ॥ তদা॑হুঃ । অপ॑শবো॒ বা এ॒তে ।
যদ॑জা॒-বয়॑শ্চার॒ণ্য়াশ্চ॑ । এ॒তে বৈ সর্বে॑ প॒শবঃ॑ । যদ্গ॒ব্য়া ইতি॑ ।
গ॒ব্য়া-ন্প॒শূনু॑ত্ত॒মে-ঽহ॒ন্নাল॑ভতে ॥ 39 ॥
তেনৈ॒বোভয়া᳚-ন্প॒শূনব॑রুন্ধে ॥ প্রা॒জা॒প॒ত্য়া ভ॑বন্তি । অন॑ভিজিতস্য়া॒-ভিজি॑ত্য়ৈ ॥ সৌ॒রীর্নব॑ শ্বে॒তাব॒শা অ॑নূব॒ন্ধ্য়া॑ ভবন্তি ।
অ॒ন্ত॒ত এ॒ব ব॑হ্মবর্চ॒সমব॑রুন্ধে ॥
সোমা॑য় স্ব॒রাজ্ঞে॑-ঽনোবা॒হা-ব॑ন॒ড্বাহা॒বিতি॑ দ্ব॒ন্দ্বিনঃ॑ প॒শূনাল॑ভতে ।
অ॒হো॒রা॒ত্রাণা॑-ম॒ভিজি॑ত্য়ৈ ॥ প॒শুভি॒র্বা এ॒ষ ব্য়ৃ॑দ্ধ্যতে । যো᳚-ঽশ্বমে॒ধেন॒ যজ॑তে ।
ছ॒গ॒ল-ঙ্ক॒ল্মাষ॑-ঙ্কিকিদী॒বিং-বিঁ॑দী॒গয়॒মিতি॑ ত্বা॒ষ্ট্রা-ন্প॒শূনাল॑ভতে ।
প॒শুভি॑রে॒বাত্মান॒গ্ম্॒ সম॑দ্র্ধযতি ॥
ঋ॒তুভি॒র্বা এ॒ষ ব্য়ৃ॑দ্ধ্যতে । যো᳚-ঽশ্বমে॒ধেন॒ যজ॑তে ।
পি॒শঙ্গা॒-স্ত্রয়ো॑ বাস॒ন্তা ইত্য়ৃ॑তু-প॒শূনাল॑ভতে । ঋ॒তুভি॑রে॒-বাত্মান॒গ্ম্॒ সম॑দ্র্ধযতি ॥
আ বা এ॒ষ প॒শুভ্য়ো॑ বৃশ্চ্যতে ।
যো᳚-ঽশ্বমে॒ধেন॒ যজ॑তে । পর্য়॑গ্নিকৃতা॒ উথ্সৃ॑জ॒ন্ত্যনা᳚ব্রস্কায় ॥ 40 ॥
(ল॒ভ্য়॒ন্তে॒ - ল॒ভ॒তে॒ - ত্বা॒ষ্ট্রা-ন্প॒শূনাল॑ভতে॒-ঽষ্টৌ চ॑) (অ. 9)
অনুবাকং 10 - মহিমাভিধানৌ প্রহৌ
প্র॒জাপ॑তি-রকামযত ম॒হান॑ন্না॒দ-স্স্য়া॒মিতি॑ ।
স এ॒তাব॑শ্বমে॒ধে ম॑হি॒মানা॑বপশ্যত্ । তাব॑গৃহ্ণীত । ততো॒ বৈ স ম॒হান॑ন্না॒দো॑-ঽভবত্ । যঃ কা॒ময়ে॑ত ম॒হান॑ন্না॒দ-স্স্য়া॒মিতি॑ । স এ॒তাব॑শ্বমে॒ধে ম॑হি॒মানৌ॑ গৃহ্ণীত ।
ম॒হানে॒বান্না॒দো ভ॑বতি ॥ য॒জ॒মা॒ন॒দে॒ব॒ত্য়া॑ বৈ ব॒পা । রাজা॑ মহি॒মা ।
যদ্ব॒পা-ম্ম॑হি॒ম্নোভ॒যতঃ॑ পরি॒যজ॑তি ।
যজ॑মানমে॒ব রা॒জ্য়েনো॑ভ॒যতঃ॒ পরি॑গৃহ্ণাতি ॥
পু॒রস্তা᳚-থ্স্বাহাকারা॒ বা অ॒ন্য়ে দে॒বাঃ ।
উ॒পরি॑ষ্টা-থ্স্বাহাকারা অ॒ন্য়ে । তে বা এ॒তে-ঽশ্ব॑ এ॒ব মেদ্ধ্য়॑ উ॒ভয়ে-ঽব॑রুদ্ধ্যন্তে ।
যদ্ব॒পা-ম্ম॑হি॒ম্নোভ॒যতঃ॑ পরি॒যজ॑তি । তানে॒বোভয়া᳚-ন্প্রীণাতি ॥ 41 ॥
(প॒রি॒যজ॑তি॒ ষট্চ॑) (অ. 10)
অনুবাকং 11 - শরীরহোমা-স্স্বিষ্টকৃদাদযশ্চ
বৈ॒শ্ব॒দে॒বো বা অশ্বঃ॑ । তং-য়ঁত্প্রা॑জাপ॒ত্য়-ঙ্কু॒র্য়াত্ । যা দে॒বতা॒ অপি॑ভাগাঃ ।
তা ভা॑গ॒ধেয়ে॑ন॒ ব্য়॑দ্র্ধয়েত্ । দে॒বতা᳚ভ্য়-স্স॒মদ॑-ন্দদ্ধ্য়াত্ । স্তে॒গান্-দগ্গ্ষ্ট্রা᳚ভ্য়া-ম্ম॒ণ্ডূকা॒-ঞ্জম্ভ্য়ে॑-ভি॒রিতি॑ ।
আজ্য়॑-মব॒দান॑-ঙ্কৃ॒ত্বা প্রতি॑স॒ঙ্খ্য়ায়॒-মাহু॑তী-র্জুহোতি । যা এ॒ব দে॒বতা॒ অপি॑ভাগাঃ । তা ভা॑গ॒ধেয়ে॑ন॒ সম॑দ্র্ধযতি ।
ন দে॒বতা᳚ভ্য়-স্স॒মদ॑-ন্দধাতি ॥ 42 ॥
চতু॑র্দশৈ॒তা-ন॑নুবা॒কাঞ্জু॑হো॒ত্য়-ন॑ন্তরিত্য়ৈ ॥
প্র॒য়া॒সায়॒ স্বাহেতি॑ পঞ্চদ॒শম্ । পঞ্চ॑দশ॒ বা অ॑দ্র্ধমা॒সস্য়॒ রাত্র॑য়ঃ ।
অ॒দ্র্ধ॒মা॒স॒শ-স্সং॑বঁথ্স॒র আ᳚প্যতে ॥ দে॒বা॒সু॒রা-স্সংয়ঁ॑ন্ত্তা আসন্ন্ ।
তে᳚-ঽব্রুবন্ন॒গ্নয়॑-স্স্বিষ্ট॒কৃতঃ॑ । অশ্ব॑স্য়॒ মেদ্ধ্য়॑স্য় ব॒যমু॑দ্ধা॒র-মুদ্ধ॑রামহৈ ।
অথৈ॒তান॒ভি-ভ॑বা॒মেতি॑ । তে লোহি॑ত॒-মুদ॑হরন্ত ।
ততো॑ দে॒বা অভ॑বন্ন্ ॥ 43 ॥
পরা-ঽসু॑রাঃ । যথ্স্বি॑ষ্ট॒কৃদ্ভ্য়ো॒ লোহি॑ত-ঞ্জু॒হোতি॒ ভ্রাতৃ॑ব্য়াভিভূত্য়ৈ । ভব॑ত্য়া॒ত্মনা᳚ । পরা᳚-ঽস্য়॒ ভ্রাতৃ॑ব্য়ো ভবতি ॥
গো॒মৃ॒গ॒ক॒ণ্ঠেন॑ প্রথ॒মা-মাহু॑তি-ঞ্জুহোতি ।
প॒শবো॒ বৈ গো॑মৃ॒গঃ । রু॒দ্রো᳚-ঽগ্নি-স্স্বি॑ষ্ট॒কৃত্ । রু॒দ্রাদে॒ব প॒শূন॒ন্তর্দ॑ধাতি । অথো॒ যত্রৈ॒ষা-ঽঽহু॑তির্-হূ॒যতে᳚ ।
ন তত্র॑ রু॒দ্রঃ প॒শূন॒ভিম॑ন্যতে ॥ 44 ॥
অ॒শ্ব॒শ॒ফেন॑ দ্বি॒তীয়া॒-মাহু॑তি-ঞ্জুহোতি । প॒শবো॒ বা এক॑শফম্ । রু॒দ্রো᳚-ঽগ্নি-স্স্বি॑ষ্ট॒কৃত্ । রু॒দ্রাদে॒ব প॒শূন॒ন্তর্দ॑ধাতি ।
অথো॒ যত্রৈ॒ষা-ঽঽহু॑তিরঃঅ॒যতে᳚ ।
ন তত্র॑ রু॒দ্রঃ প॒শূন॒ভিম॑ন্যতে ॥
অ॒য়॒স্ময়ে॑ন কম॒ণ্ডলু॑না তৃ॒তীয়া᳚ম্ ।
আহু॑তি-ঞ্জুহোত্য়া-য়॒স্য়ো॑ বৈ প্র॒জাঃ । রু॒দ্রো᳚-ঽগ্নি-স্স্বি॑ষ্ট॒কৃত্ । রু॒দ্রাদে॒ব প্র॒জা অ॒ন্তর্দ॑ধাতি । অথো॒ যত্রৈ॒ষা-ঽঽহু॑তির্-হূ॒যতে᳚ ।
ন তত্র॑ রু॒দ্রঃ প্র॒জা অ॒ভিম॑ন্যতে ॥ 45 ॥
(দ॒ধা॒ - ত্যভ॑বন্ - মন্যতে - প্র॒জা অ॒ন্ত-র্দ॑ধাতি॒ দ্বে চ॑) (অ. 11)
অনুবাকং 12 - তদুভযহোমমধ্যবর্ত্যশ্চস্তোমীযহোমঃ
অশ্ব॑স্য়॒ বা আল॑ব্ধস্য়॒ মেধ॒ উদ॑ক্রামত্ । তদ॑শ্বস্তো॒মীয়॑-মভবত্ ।
যদ॑শ্বস্তো॒মীয়॑-ঞ্জু॒হোতি॑ । সমে॑ধমে॒বৈন॒-মাল॑ভতে ॥ আজ্য়ে॑ন জুহোতি । মেধো॒ বা আজ্য়᳚ম্ । মেধো᳚-ঽশ্বস্তো॒মীয়᳚ম্ । মেধে॑নৈ॒বাস্মি॒-ন্মেধ॑-ন্দধাতি ॥ ষটত্রগ্ম্॑শত-ঞ্জুহোতি ।
ষটত্রগ্ম্॑শদক্ষরা বৃহ॒তী ॥ 46 ॥
বার্হ॑তাঃ প॒শবঃ॑ । সা প॑শূ॒না-ম্মাত্রা᳚ । প॒শূনে॒ব মাত্র॑য়া॒ সম॑দ্র্ধযতি ॥
তা যদ্ভূয়॑সীর্বা॒ কনী॑যসীর্বা জুহু॒য়াত্ । প॒শূন্মাত্র॑য়া॒ ব্য়॑দ্র্ধয়েত্ ।
ষটত্রগ্ম্॑শত-ঞ্জুহোতি । ষটত্রগ্ম্॑শদক্ষরা বৃহ॒তী । বার্হ॑তাঃ প॒শবঃ॑ ।
সা প॑শূ॒না-ম্মাত্রা᳚ । প॒শূনে॒ব মাত্র॑য়া॒ সম॑দ্র্ধযতি ॥ 47 ॥
অ॒শ্ব॒স্তো॒মীয়গ্ম্॑ হু॒ত্বা দ্বি॒পদা॑ জুহোতি । দ্বি॒পাদ্বৈ পুরু॑ষো॒ দ্বিপ্র॑তিষ্ঠঃ ।
তদে॑ন-ম্প্রতি॒ষ্ঠয়া॒ সম॑দ্র্ধযতি ॥ তদা॑হুঃ । অ॒শ্ব॒স্তো॒মীয়॒-ম্পূর্বগ্ম্॑ হোত॒ব্য়া(3)-ন্দ্বি॒পদা(3) ইতি॑ । অশ্বো॒ বা অ॑শ্বস্তো॒মীয়᳚ম্ । পুরু॑ষো দ্বি॒পদাঃ᳚ । অ॒শ্ব॒স্তো॒মীয়গ্ম্॑ হু॒ত্বা দ্বি॒পদা॑ জুহোতি । তস্মা᳚-দ্দ্বি॒পাচ্চতু॑ষ্পাদমত্তি ।
অথো᳚ দ্বি॒পদ্য়ে॒ব চতু॑ষ্পদঃ॒ প্রতি॑ষ্ঠাপযতি ॥ দ্বি॒পদা॑ হু॒ত্বা । নান্য়ামুত্ত॑রা॒-মাহু॑তি-ঞ্জুহুয়াত্ । যদ॒ন্য়ামুত্ত॑রা॒-মাহু॑তি-ঞ্জুহু॒য়াত্ ।
প্র প্র॑তি॒ষ্ঠায়া᳚শ্চ্যবেত । দ্বি॒পদা॑ অন্ত॒তো জ॑হোতি॒ প্রতি॑ষ্ঠিত্য়ৈ ॥ 48 ॥
(বৃ॒হ॒ - ত্য়॑দ্র্ধযতি - স্থাপযতি॒ পঞ্চ॑ চ) (অ. 12)
অনুবাকং 13 - সংবঁথ্সরানুষ্ঠানমিষ্টীনাম্
প্র॒জাপ॑তি-রশ্বমে॒ধ-ম॑সৃজত ।
সো᳚-ঽস্মাথ্সৃ॒ষ্টো-ঽপা᳚ক্রামত্ ।
তং-য়ঁ॑জ্ঞ-ক্র॒তুভি॒-রন্বৈ᳚চ্ছত্ । তং-য়ঁ॑জ্ঞ-ক্র॒তুভি॒-র্নান্ব॑বিন্দত্ । তমিষ্টি॑ভি॒-রন্বৈ᳚চ্ছত্ । তমিষ্টি॑ভি॒-রন্ব॑বিন্দত্ । তদিষ্টী॑না-মিষ্টি॒ত্বম্ ।
যথ্সং॑বঁথ্স॒র-মিষ্টি॑ভি॒-র্যজ॑তে । অশ্ব॑মে॒ব তদন্বি॑চ্ছতি ॥
সা॒বি॒ত্রিয়ো॑ ভবন্তি ॥ 49 ॥
ই॒য়ং-বৈঁ স॑বি॒তা । যো বা অ॒স্য়া-ন্নশ্য়॑তি॒ যো নি॒লয়॑তে । অ॒স্য়াং-বাঁব তং-বিঁ॑ন্দন্তি । ন বা ই॒মা-ঙ্কশ্চ॒নেত্য়া॑হুঃ । তি॒র্যন্নোদ্র্ধ্বো-ঽত্য়ে॑তুমর্হ॒তীতি॑ । যথ্সা॑বি॒ত্রিয়ো॒ ভব॑ন্তি ।
স॒বি॒তৃ-প্র॑সূত এ॒বৈন॑মিচ্ছতি ॥
ঈ॒শ্ব॒রো বা অশ্বঃ॒ প্রমু॑ক্তঃ॒ পরা᳚-ম্পরা॒বত॒-ঙ্গন্তোঃ᳚ । যথ্সা॒য়-ন্ধৃতী᳚র্জু॒হোতি॑ । অশ্ব॑স্য়॒ যত্য়ৈ॒ ধৃত্য়ৈ᳚ ॥ 50 ॥
যত্প্রা॒তরিষ্টি॑ভি॒-র্যজ॑তে । অশ্ব॑মে॒ব তদন্বি॑চ্ছতি । যথ্সা॒য়-ন্ধৃতী᳚র্জু॒হোতি॑ । অশ্ব॑স্য়ৈ॒ব যত্য়ৈ॒ ধৃত্য়ৈ᳚ । তস্মা᳚থ্সা॒য়-ম্প্র॒জাঃ, ক্ষে॒ম্য়া॑
ভবন্তি ॥ যত্প্রা॒ত-রিষ্টি॑ভি॒-র্যজ॑তে ।
অশ্ব॑মে॒ব তদন্বি॑চ্ছতি । তস্মা॒দ্দিবা॑ নষ্টৈ॒ষ এ॑তি ॥ যত্প্রা॒তরিষ্টি॑ভি॒-র্যজ॑তে সা॒য়-ন্ধৃতী᳚র্জু॒হোতি॑ । অ॒হো॒রা॒ত্রাভ্য়া॑-মে॒বৈন॒-মন্বি॑চ্ছতি । অথো॑ অহোরা॒ত্রাভ্য়া॑-মে॒বাস্মৈ॑ যোগক্ষে॒ম-ঙ্ক॑ল্পযতি ॥ 51 ॥
(ভ॒ব॒ন্তি॒ - ধৃত্য়া॑ - এন॒ মন্বি॑চ্ছ॒ত্য়েক॑-ঞ্চ) (অ. 13)
অনুবাকং 14 - তাস্বিষ্টিষু ব্রাহ্মণরাজন্যয়োর্গানম্
অপ॒ বা এ॒তস্মা॒চ্ছ্রী রা॒ষ্ট্র-ঙ্ক্রা॑মতি । যো᳚-ঽশ্বমে॒ধেন॒ যজ॑তে । ব্রা॒হ্ম॒ণৌ বী॑ণাগা॒থিনৌ॑ গাযতঃ । শ্রি॒য়া বা এ॒ত-দ্রূ॒পম্ । যদ্বীণা᳚ । শ্রিয়॑-মে॒বাস্মি॒-ন্তদ্ধ॑ত্তঃ । য॒দা খলু॒ বৈ পুরু॑ষ॒-শ্শ্রিয়॑মশ্নু॒তে ।
বীণা᳚-ঽস্মৈ বাদ্যতে ॥ তদা॑হুঃ ।
যদু॒ভৌ ব্রা᳚হ্ম॒ণৌ গায়ে॑তাম্ ॥ 52 ॥
প্র॒ভ্রগ্ম্শু॑কা-ঽস্মা॒চ্ছ্রী-স্স্য়া᳚ত্ ।
ন বৈ ব্রা᳚হ্ম॒ণে শ্রী র॑মত॒ ইতি॑ ।
ব্রা॒হ্ম॒ণো᳚-ঽন্য়ো গায়ে᳚ত্ । রা॒জ॒ন্য়ো᳚-ঽন্য়ঃ ।
ব্রহ্ম॒ বৈ ব্রা᳚হ্ম॒ণঃ । ক্ষ॒ত্রগ্ম্ রা॑জ॒ন্য়ঃ॑ ।
তথা॑ হাস্য়॒ ব্রহ্ম॑ণা চ ক্ষ॒ত্রেণ॑ চোভ॒যত॒-শ্শ্রীঃ পরি॑গৃহীতা ভবতি ॥
তদা॑হুঃ । যদু॒ভৌ দিবা॒ গায়ে॑তাম্ ।
অপা᳚স্মা-দ্রা॒ষ্ট্র-ঙ্ক্রা॑মেত্ ॥ 53 ॥
ন বৈ ব্রা᳚হ্ম॒ণে রা॒ষ্ট্রগ্ম্ র॑মত॒ ইতি॑ । য॒দা খলু॒ বৈ রাজা॑ কা॒ময়॑তে । অথ॑ ব্রাহ্ম॒ণ-ঞ্জি॑নাতি । দিবা᳚ ব্রাহ্ম॒ণো গা॑য়েত্ । নক্তগ্ম্॑ রাজ॒ন্য়ঃ॑ ।
ব্রহ্ম॑ণো॒ বৈ রূ॒পমহঃ॑ । ক্ষ॒ত্রস্য়॒ রাত্রিঃ॑ ।
তথা॑ হাস্য়॒ ব্রহ্ম॑ণা চ ক্ষ॒ত্রেণ॑ চোভ॒যতো॑ রা॒ষ্ট্র-ম্পরি॑গৃহীত-ম্ভবতি ॥ ইত্য়॑দদা॒ ইত্য়॑যজথা॒ ইত্য়॑পচ॒ ইতি॑ ব্রাহ্ম॒ণো গায়ে᳚ত্ ।
ই॒ষ্টা॒পূ॒র্তং-বৈঁ ব্রা᳚হ্ম॒ণস্য়॑ ॥ 54 ॥
ই॒ষ্টা॒পূ॒র্তে-নৈ॒বৈন॒গ্ম্॒ স সম॑দ্র্ধযতি ॥
ইত্য়॑জিনা॒ ইত্য়॑য়ুদ্ধ্যথা॒ ইত্য়॒মুগ্ম্ স॑গ্রা॒ম্ম-ম॑হ॒ন্নিতি॑ রাজ॒ন্য়ঃ॑ । যু॒দ্ধং-বৈঁ রা॑জ॒ন্য়॑স্য় । যু॒দ্ধেনৈ॒বৈন॒গ্ম্॒ স সম॑দ্র্ধযতি ॥ অক্লৃ॑প্তা॒ বা এ॒তস্য়॒র্তব॒ ইত্য়া॑হুঃ । যো᳚-ঽশ্বমে॒ধেন॒ যজ॑ত॒ ইতি॑ ।
তি॒স্রো᳚-ঽন্য়ো গায়॑তি তি॒স্রো᳚-ঽন্য়ঃ । ষট্থ্সম্প॑দ্যন্তে । ষড্বা ঋ॒তবঃ॑ ।
ঋ॒তূনে॒বাস্মৈ॑ কল্পযতঃ ॥ তাভ্য়াগ্ম্॑ স॒গ্গ্॒স্থায়া᳚ম্ । অ॒নো॒য়ু॒ক্তে চ॑ শ॒তে চ॑ দদাতি । শ॒তায়ুঃ॒ পুরু॑ষ-শ্শ॒তেন্দ্রি॑য়ঃ ।
আয়ু॑ষ্য়ে॒বেন্দ্রি॒য়ে প্রতি॑তিষ্ঠতি ॥ 55 ॥
(গায়ে॑তাম্ - ক্রামে-দ্- ব্রাহ্ম॒ণস্য়॑ - কল্পযতশ্চ॒ত্বারি॑ চ) (অ. 14)
অনুবাকং 15 - অবভৃথহোমবিশেষাঃ
সর্বে॑ষু॒ বা এ॒ষু লো॒কেষু॑ মৃ॒ত্যবো॒-ঽন্বায়॑ত্তাঃ । তেভ্য়ো॒ যদাহু॑তী॒র্ন জু॑হু॒য়াত্ । লো॒কে লো॑ক এন-ম্মৃ॒ত্য়ুর্বি॑ন্দেত্ ।
মৃ॒ত্যবে॒ স্বাহা॑ মৃ॒ত্যবে॒ স্বাহেত্য়॑ভি পূ॒র্বমাহু॑তী-র্জুহোতি ।
লো॒কাল্লো॑কাদে॒ব মৃ॒ত্য়ুমব॑যজতে ।
নৈনং॑-লোঁ॒কে লা॑কে মৃ॒ত্য়ুর্বি॑ন্দতি ॥
যদ॒মুষ্মৈ॒ স্বাহা॒-ঽমুষ্মৈ॒ স্বাহেতি॒ জুহ্ব॑থ্স॒-ঞ্চক্ষী॑ত । ব॒হু-ম্মৃ॒ত্য়ুম॒মিত্র॑-ঙ্কুর্বীত । মৃ॒ত্যবে॒ স্বাহেত্য়েক॑স্মা এ॒বৈকা᳚-ঞ্জুহুয়াত্ । একো॒ বা অ॒মুষ্মি॑ন্ ঁলা॒কে মৃ॒ত্য়ুঃ ॥ 56 ॥
অ॒শ॒ন॒য়া॒ মৃ॒ত্য়ুরে॒ব । তমে॒বামুষ্মি॑ন্ ঁলো॒কে-ঽব॑যজতে ॥ ভ্রূ॒ণ॒হ॒ত্য়ায়ৈ॒ স্বাহেত্য়॑বভৃ॒থ আহু॑তি-ঞ্জুহোতি ।
ভ্রূ॒ণ॒হ॒ত্য়ামে॒ বা ব॑যজতে ॥ তদা॑হুঃ । যদ্ভ্রূ॑ণহ॒ত্য়া ঽপা॒ত্র্য়া-ঽথ॑ ।
কস্মা᳚-দ্য়॒জ্ঞে-ঽপি॑ ক্রিযত॒ ইতি॑ ॥
অমৃ॑ত্য়ু॒র্বা অ॒ন্য়ো ভ্রূ॑ণহ॒ত্য়ায়া॒ ইত্য়া॑হুঃ ।
ভ্রূ॒ণ॒হ॒ত্য়া বাব মৃ॒ত্য়ুরিতি॑ ।
যদ্ভ্রূ॑ণহ॒ত্য়ায়ৈ॒ স্বাহেত্য়॑বভৃ॒থ আহুতি॑-ঞ্জু॒হোতি॑ ॥ 57 ॥
মৃ॒ত্য়ুমে॒ বা হু॑ত্য়া তর্পয়ি॒ত্বা প॑রি॒পাণ॑-ঙ্কৃ॒ত্বা ।
ভ্রূ॒ণ॒ঘ্নে ভে॑ষ॒জ-ঙ্ক॑রোতি ॥ এ॒তাগ্ম্ হ॒ বৈ মু॑ণ্ডি॒ভ ঔ॑দন্য়॒বঃ ।
ভ্রূ॒ণ॒হ॒ত্য়ায়ৈ॒ প্রায়॑শ্চিত্তিং-বিঁ॒দাঞ্চ॑কার ।
যো হা॒স্য়াপি॑ প্র॒জায়া᳚-ম্ব্রাহ্ম॒ণগ্ম্ হন্তি॑ । সর্ব॑স্মৈ॒ তস্মৈ॑ ভেষ॒জ-ঙ্ক॑রোতি ॥
জু॒ম্ব॒কায়॒ স্বাহেত্য়॑বভৃ॒থ উ॑ত্ত॒মামাহু॑তি-ঞ্জুহোতি । বরু॑ণো॒ বৈ জু॑ম্ব॒কঃ । অ॒ন্ত॒ত এ॒ব বরু॑ণ॒-মব॑যজতে ॥ খ॒ল॒তের্বি॑ক্লি॒ধস্য়॑ শু॒ক্লস্য়॑ পিঙ্গা॒ক্ষস্য়॑ মূ॒দ্র্ধঞ্জু॑হোতি ।
এ॒তদ্বৈ বরু॑ণস্য় রূ॒পম্ । রূ॒পেণৈ॒ব বরু॑ণ॒মব॑যজতে ॥ 58 ॥
(লো॒কে মৃ॒ত্য়ু--র্ জু॒হোতি॑ - মূ॒দ্র্ধঞ্জু॑হোতি॒ দ্বে চ॑) (অ. 15)
অনুবাকং 16 - উপাকরণমন্ত্রব্য়াখ্য়ানাদিঃ
বা॒রু॒ণো বা অশ্বঃ॑ । ত-ন্দে॒বত॑য়া॒ ব্য়॑দ্র্ধযতি । যত্প্রা॑জাপ॒ত্য়-ঙ্ক॒রোতি॑ ।
নমো॒ রাজ্ঞে॒ নমো॒ বরু॑ণা॒য়েত্য়া॑হ । বা॒রু॒ণো বা অশ্বঃ॑ । স্বয়ৈ॒বৈন॑-ন্দে॒বত॑য়া॒ সম॑দ্র্ধযতি ॥ নমো-ঽশ্বা॑য়॒ নমঃ॑ প্র॒জাপ॑তয়॒ ইত্য়া॑হ । প্রা॒জা॒প॒ত্য়ো বা অশ্বঃ॑ । স্বয়ৈ॒বৈন॑-ন্দে॒বত॑য়া॒ সম॑দ্র্ধযতি ॥
নমো-ঽধি॑পতয়॒ ইত্য়া॑হ ॥ 59 ॥
ধর্মো॒ বা অধি॑পতিঃ । ধর্ম॑মে॒বা-ব॑রুন্ধে ॥
অধি॑পতি-র॒স্যধি॑পতি-ম্মা কু॒র্বধি॑পতির॒হ-ম্প্র॒জানা᳚-ম্ভূয়াস॒-মিত্য়া॑হ ।
অধি॑পতি-ম॒বৈনগ্ম্॑ সমা॒নানা᳚-ঙ্করোতি ॥
মা-ন্ধ॑হি॒ ময়ি॑ ধ॒হীত্য়া॑হ ।
আ॒শিষ॑মে॒বৈতামাশা᳚স্তে ॥
উ॒পাকৃ॑তায়॒ স্বাহেত্য়ু॒পাকৃ॑তে জুহোতি ।
আল॑ব্ধায়॒ স্বাহেতি॒ নিয়ু॑ক্তে জুহোতি ।
হু॒তায়॒ স্বাহেতি॑ হু॒তে জু॑হোতি ।
এ॒ষাং-লোঁ॒কানা॑-ম॒ভিজি॑ত্য়ৈ ॥ 60 ॥
প্র বা এ॒ষ এ॒ভ্য়ো লো॒কেভ্য়॑শ্চ্যবতে । যো᳚-ঽশ্বমে॒ধেন॒ যজ॑তে ।
আ॒গ্নে॒য়-মৈ᳚ন্দ্রা॒গ্ন-মা᳚শ্বি॒নম্ ।
তা-ন্প॒শূনাল॑ভতে॒ প্রতি॑ষ্ঠিত্য়ৈ ॥
যদা᳚-ঽগ্নে॒য়ো ভব॑তি । অ॒গ্নি-স্সর্বা॑ দে॒বতাঃ᳚ । দে॒বতা॑ এ॒বাব॑রুন্ধে ॥
ব্রহ্ম॒ বা অ॒গ্নিঃ । ক্ষ॒ত্রমিন্দ্রঃ॑ । যদৈ᳚ন্দ্রা॒গ্নো ভব॑তি ॥ 61 ॥
ব্র॒হ্ম॒ক্ষ॒ত্রে এ॒বাব॑রুন্ধে ॥
যদা᳚-ঽশ্বি॒নো ভব॑তি । আ॒শিষা॒মব॑রুদ্ধ্য়ৈ ॥
ত্রয়ো॑ ভবন্তি । ত্রয়॑ ই॒মে লো॒কাঃ ।
এ॒ষ্বে॑ব লো॒কেষু॒ প্রতি॑তিষ্ঠতি ॥
অ॒গ্নয়ে-ঽগ্ম্॑হো॒মুচে॒-ঽষ্টাক॑পাল॒ ইতি॒ দশ॑হবিষ॒মিষ্টি॒-ন্নির্ব॑পতি ।
দশা᳚ক্ষরা বি॒রাট্ । অন্নং॑-বিঁ॒রাট্ ।
বি॒রাজৈ॒-বান্নাদ্য়॒-মব॑রুন্ধে ॥
অ॒গ্নের্ম॑ন্বে প্রথ॒মস্য়॒ প্রচে॑তস॒ ইতি॑ যাজ্য়ানুবা॒ক্য়া॑ ভবন্তি সর্ব॒ত্বায়॑ ॥ 62 ॥
(অধি॑পতয়॒ ইত্য়া॑ - হা॒ভিজি॑ত্য়া - ঐন্দ্রা॒গ্নো ভব॑তি - রুন্ধ॒ এক॑-ঞ্চ) (অ. 16)
অনুবাকং 17 - অশ্বস্য় রোগাদিনিমিত্ত-ম্প্রাযশ্চিত্তম্
যদ্যশ্ব॑মুপ॒তপ॑দ্বি॒ন্দেত্ ।
আ॒গ্নে॒য়-ম॒ষ্টাক॑পাল॒-ন্নির্ব॑পেত্ ।
সৌ॒ম্য়-ঞ্চ॒রুম্ । সা॒বি॒ত্র-ম॒ষ্টাক॑পালম্ ॥ যদা᳚গ্নে॒য়ো ভব॑তি ।
অ॒গ্নি-স্সর্বা॑ দে॒বতাঃ᳚ । দে॒বতা॑-ভিরে॒বৈন॑-ম্ভিষজ্যতি ॥ যথ্সৌ॒ম্য়ো ভব॑তি ।
সোমো॒ বা ওষ॑ধীনা॒গ্ম্॒ রাজা᳚ ।
যাভ্য়॑ এ॒বৈনং॑-বিঁ॒ন্দতি॑ ॥ 63 ॥
তাভি॑রে॒বৈন॑-ম্ভিষজ্যতি ॥ যথ্সা॑বি॒ত্রো ভব॑তি ।
স॒বি॒তৃপ্র॑সূত এ॒বৈন॑-ম্ভিষজ্যতি ॥ এ॒তাভি॑রে॒বৈন॑-ন্দে॒বতা॑ভি-র্ভিষজ্যতি ।
অ॒গ॒দো হৈ॒ব ভ॑বতি ॥ পৌ॒ষ্ণ-ঞ্চ॒রু-ন্নির্ব॑পেত্ । যদি॑ শ্লো॒ণ-স্স্য়াত্ । পূ॒ষা বৈ শ্লৌণ্য়॑স্য় ভি॒ষক্ । স এ॒বৈন॑-ম্ভিষজ্যতি । অশ্লো॑ণো হৈ॒ব ভ॑বতি ॥ 64 ॥
রৌ॒দ্র-ঞ্চ॒রু-ন্নির্ব॑পেত্ । যদি॑ মহ॒তী দে॒বতা॑-ঽভি॒মন্য়ে॑ত । এ॒ত॒দ্দে॒ব॒ত্য়ো॑ বা অশ্বঃ॑ । স্বয়ৈ॒বৈন॑-ন্দে॒বত॑য়া ভিষজ্যতি ।
অ॒গ॒দো হৈ॒ব ভ॑বতি ॥ বৈ॒শ্বা॒ন॒র-ন্দ্বাদ॑শ-কপাল॒-ন্নির্ব॑পেন্মৃগাখ॒রে যদি॒ নাগচ্ছে᳚ত্ ।
ই॒য়ং-বাঁ অ॒গ্নির্বৈ᳚শ্বান॒রঃ । ই॒যমে॒বৈন॑-ম॒র্চিভ্য়া᳚-ম্পরি॒রোধ॒মান॑যতি ।
আ হৈ॒ব সুত্য়॒মহ॑-র্গচ্ছতি ॥ যদ্য়॑ধী॒য়াত্ ॥ 65 ॥
অ॒গ্নয়ে-ঽগ্ম্॑হো॒মুচে॒-ঽষ্টাক॑পালঃ । সৌ॒র্য়-ম্পয়ঃ॑ । বা॒য়॒ব্য়॑ আজ্য়॑ভাগঃ ॥ যজ॑মানো॒ বা অশ্বঃ॑ । অগ্ম্হ॑সা॒ বা এ॒ষ গৃ॑হী॒তঃ ।
যস্য়াশ্বো॒ মেধা॑য়॒ প্রোক্ষি॑তো॒-ঽদ্ধ্য়েতি॑ । যদগ্ম্॑হো॒মুচে॑ নি॒র্বপ॑তি ।
অগ্ম্হ॑স এ॒ব তেন॑ মুচ্যতে ॥ যজ॑মানো॒ বা অশ্বঃ॑ । রেত॑সা॒ বা এ॒ষ ব্য়ৃ॑দ্ধ্যতে ॥ 66 ॥
যস্য়াশ্বো॒ মেধা॑য়॒ প্রোক্ষি॑তো॒-ঽদ্ধ্য়েতি॑ । সৌ॒র্য়গ্ম্ রেতঃ॑ । যথ্সৌ॒র্য়-ম্পয়ো॒ ভব॑তি । রেত॑সৈ॒বৈন॒গ্ম্॒ স সম॑দ্র্ধযতি ॥
যজ॑মানো॒ বা অশ্বঃ॑ । গর্ভৈ॒র্বা এ॒ষ ব্য়ৃ॑দ্ধ্যতে । যস্য়াশ্বো॒ মেধা॑য়॒ প্রোক্ষি॑তো॒-ঽদ্ধ্য়েতি॑ । বা॒য়॒ব্য়া॑ গর্ভাঃ᳚ ।
যদ্বা॑য়॒ব্য়॑ আজ্য়॑ভাগো॒ ভব॑তি । গর্ভৈ॑রে॒বৈন॒গ্ম্॒ স সম॑দ্র্ধযতি ॥
অথো॒ যস্য়ৈ॒ষা-ঽশ্ব॑মে॒ধে প্রায়॑শ্চিত্তঃ ক্রি॒যতে᳚ । ই॒ষ্ট্বা বসী॑য়া-ন্ভবতি ॥ 67 ॥
(বি॒ন্দ - ত্যশ্লো॑ণো হৈ॒ব ভ॑ব - ত্যধী॒য়া - দৃ॑দ্ধ্যতে॒ - গর্ভৈ॑রে॒বৈন॒গ্ম্॒ স সম॑দ্র্ধযতি॒ দ্বে চ॑) (অ. 17)
অনুবাকং 18 - ব্রহ্মৌদনা উচ্যন্তে
তদা॑হুঃ । দ্বাদ॑শ ব্রহ্মৌদ॒না-ন্থ্সগ্গ্স্থি॑ত॒ নির্ব॑পেত্ । দ্বা॒দ॒শভি॒র্বেষ্টি॑ভি॒-র্যজে॒তেতি॑ ॥ যদিষ্টি॑-ভি॒র্যজে॑ত । উ॒প॒নামু॑ক এনং-য়ঁ॒জ্ঞ-স্স্য়া᳚ত্ । পাপী॑য়া॒গ্॒স্তু স্য়া᳚ত্ ।
আ॒প্তানি॒ বা এ॒তস্য়॒ ছন্দাগ্ম্॑সি । য ঈ॑জা॒নঃ ।
তানি॒ ক এ॒তাব॑দাশু॒ পুনঃ॒ প্রয়ু॑ঞ্জী॒তেতি॑ ।
সর্বা॒ বৈ সগ্গ্স্থি॑তে য॒জ্ঞে বাগা᳚প্যতে ॥ 68 ॥
সা-ঽঽপ্তা ভ॑বতি যা॒তয়া᳚ম্নী । ক্রূ॒রীকৃ॑তেব॒ হি ভব॒ত্যরু॑ষ্কৃতা । সা ন পুনঃ॑ প্র॒য়ুজ্য়েত্য়া॑হুঃ ॥ দ্বাদ॑শৈ॒ব ব্র॑হ্মৌদ॒না-ন্থ্সগ্গ্স্থি॑তে॒ নির্ব॑পেত্ । প্র॒জাপ॑তি॒র্বা ও॑দ॒নঃ । য॒জ্ঞঃ প্র॒জাপ॑তিঃ । উ॒প॒নামু॑ক এনং-য়ঁ॒জ্ঞো ভ॑বতি ।
ন পাপী॑য়া-ন্ভবতি ॥ দ্বাদ॑শ ভবন্তি ।
দ্বাদ॑শ॒ মাসা᳚-স্সংবঁথ্স॒রঃ ।
সং॒বঁ॒থ্স॒র এ॒ব প্রতি॑তিষ্ঠতি ॥ 69 ॥
(আ॒প্য়॒তে॒ - সং॒বঁ॒থ্স॒র এক॑-ঞ্চ) (অ. 18)
অনুবাকং 19 - বিভুত্বাদিভিঃ দ্বাদশভির্গুণৌরশ্বমেধপ্রশংসা
এ॒ষ বৈ বি॒ভূর্নাম॑ য॒জ্ঞঃ । সর্বগ্ম্॑ হ॒ বৈ তত্র॑ বি॒ভু ভ॑বতি । যত্রৈ॒তেন॑ য॒জ্ঞেন॒ যজ॑ন্তে ॥ এ॒ষ বৈ প্র॒ভূর্নাম॑ য॒জ্ঞঃ । সর্বগ্ম্॑ হ॒ বৈ তত্র॑ প্র॒ভু ভ॑বতি । যত্রৈ॒তেন॑ য॒জ্ঞেন॒ যজ॑ন্তে ॥ এ॒ষ বা ঊর্জ॑স্বা॒ন্নাম॑ য॒জ্ঞঃ । সর্বগ্ম্॑ হ॒ বৈ তত্রোর্জ॑স্ব-দ্ভবতি । যত্রৈ॒তেন॑ য॒জ্ঞেন॒ যজ॑ন্তে ॥ এ॒ষ বৈ পয়॑স্বা॒ন্নাম॑ য॒জ্ঞঃ ॥ 70 ॥
সর্বগ্ম্॑ হ॒ বৈ তত্র॒ পয়॑স্ব-দ্ভবতি । যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বৈ বিধৃ॑তো॒ নাম॑ য॒জ্ঞঃ ।
সর্বগ্ম্॑ হ॒ বৈ তত্র॒ বিধৃ॑ত-ম্ভবতি ।
যত্রৈ॒তেন॑ য॒জ্ঞেন॒ যজ॑ন্তে ॥ এ॒ষ বৈ ব্য়াবৃ॑ত্তো॒ নাম॑ য॒জ্ঞঃ ।
সর্বগ্ম্॑ হ॒ বৈ তত্র॒ ব্য়াবৃ॑ত্ত-ম্ভবতি । যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বৈ প্রতি॑ষ্ঠিতো॒ নাম॑ য॒জ্ঞঃ ।
সর্বগ্ম্॑ হ॒ বৈ তত্র॒ প্রতি॑ষ্ঠিত-ম্ভবতি ॥ 71 ॥
যত্রৈ॒তেন॑ য॒জ্ঞেন॒ যজ॑ন্তে ॥ এ॒ষ বৈ তে॑জ॒স্বী নাম॑ য॒জ্ঞঃ । সর্বগ্ম্॑ হ॒ বৈ তত্র॑ তেজ॒স্বি ভ॑বতি । যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বৈ ব্র॑হ্মবর্চ॒সী নাম॑ য॒জ্ঞঃ ।
আ হ॒ বৈ তত্র॑ ব্রাহ্ম॒ণো ব্র॑হ্মবর্চ॒সী জা॑যতে । যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বা অ॑তিব্য়া॒ধী নাম॑ য॒জ্ঞঃ ।
আ হ॒ বৈ তত্র॑ রাজ॒ন্য়ো॑-ঽতিব্য়া॒ধী জা॑যতে । যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বৈ দী॒র্ঘো নাম॑ য॒জ্ঞঃ ।
দী॒র্ঘায়ু॑ষো হ॒ বৈ তত্র॑ মনু॒ষ্য়া॑ ভবন্তি ।
যত্রৈ॒তেন॑ য॒জ্ঞেন॒ যজ॑ন্তে ॥
এ॒ষ বৈ ক্লৃ॒প্তো নাম॑ য॒জ্ঞঃ ।
কল্প॑তে হ॒ বৈ তত্র॑ প্র॒জাভ্য়ো॑ যোগক্ষে॒মঃ ।
যত্রৈ॒তেন॑ য॒জ্ঞেন॒ যজ॑ন্তে ॥ 72 ॥
(পয়॑স্বা॒ন্নাম॑ য॒জ্ঞঃ - প্রতি॑ষ্ঠিত-ম্ভবতি॒ - যত্রৈ॒তেন॑ য॒জ্ঞেন॒ যজ॑ন্তে॒ ষট্চ॑) (অ. 19)
(এ॒ষ বৈ বি॒ভূঃ প্র॒ভূরূর্জ॑স্বা॒-ন্পয়॑স্বা॒ন্॒. বিধৃ॑তো॒ ব্য়াবৃ॑ত্তঃ॒ প্রতি॑ষ্ঠিতস্তেজ॒স্বী ব্র॑হ্মবর্চ॒স্য়॑তিব্য়া॒ধী দী॒র্ঘঃ ক্লু॒প্তো দ্বাদ॑শ)
অনুবাকং 20 - অশ্বসঞ্জ্ঞপনপ্রকারঃ
তা॒র্প্য়েণাশ্ব॒গ্ম্॒ সঞ্জ্ঞ॑পযন্তি । য॒জ্ঞো বৈ তা॒র্প্যম্ । য॒জ্ঞেনৈ॒বৈন॒গ্ম্॒ সম॑দ্র্ধযন্তি ॥ যা॒মেন॒ সাম্না᳚ প্রস্তো॒তা-ঽনূপ॑তিষ্ঠতে ।
য॒ম॒লো॒ক-মে॒বৈন॑-ঙ্গমযতি ॥
তা॒র্প্য়ে চ॑ কৃত্ত্যধীবা॒সে চাশ্ব॒গ্ম্॒ সঞ্জ্ঞ॑পযন্তি । এ॒তদ্বৈ প॑শূ॒নাগ্ম্ রূ॒পম্ । রূ॒পেণৈ॒ব প॒শূনব॑রুন্ধে ॥
হি॒র॒ণ্য়॒ক॒শি॒পু ভ॑বতি । তেজ॒সো-ঽব॑রুদ্ধ্য়ৈ ॥ 73 ॥
রু॒ক্মো ভ॑বতি । সু॒ব॒র্গস্য়॑ লো॒কস্য়া-নু॑খ্য়াত্য়ৈ ॥ অশ্বো॑ ভবতি । প্র॒জাপ॑তে॒-রাপ্ত্য়ৈ᳚ ॥ অ॒স্য় বৈ লো॒কস্য়॑ রূ॒প-ন্তা॒র্প্যম্ । অ॒ন্তরি॑ক্ষস্য় কৃত্ত্যধীবা॒সঃ । দি॒বো হি॑রণ্যকশি॒পু ।
আ॒দি॒ত্যস্য়॑ রু॒ক্মঃ । প্র॒জাপ॑তে॒রশ্বঃ॑ ।
ই॒মমে॒ব লো॒ক-ন্তা॒র্প্য়েণা᳚প্নোতি ॥ 74 ॥
অ॒ন্তরি॑ক্ষ-ঙ্কৃত্যধীবা॒সেন॑ । দিবগ্ম্॑ হিরণ্যকশি॒পুনা᳚ । আ॒দি॒ত্য়গ্ম্ রু॒ক্মেণ॑ ।
অশ্বে॑নৈ॒ব মেদ্ধ্য়ে॑ন প্র॒জাপ॑তে॒-স্সায়ু॑জ্য়গ্ম্ সলো॒কতা॑-মাপ্নোতি ॥ এ॒তাসা॑মে॒ব দে॒বতা॑না॒গ্ম্॒ সায়ু॑জ্যম্ ।
সা॒র্ষ্টিতাগ্ম্॑ সমান লো॒কতা॑মাপ্নোতি ।
যো᳚-ঽশ্বমে॒ধেন॒ যজ॑তে । য উ॑ চৈনমে॒বং-বেঁদ॑ ॥ 75 ॥
(অব॑রুদ্ধ্য়া - আপ্নোত্য়॒ -+ষ্টৌ চ॑) (অ. 20)
অনুবাকং 21 - উত্তরবেদ্য়ুপবাপঃ
আ॒দি॒ত্য়াশ্চাঙ্গি॑রসশ্চ সুব॒র্গে লো॒কে᳚-ঽস্পদ্র্ধন্ত । তে-ঽঙ্গি॑রস আদি॒ত্য়েভ্য়ঃ॑ ।
অ॒মুমা॑দি॒ত্য়-মশ্বগ্গ্॑ শ্বে॒ত-ম্ভূ॒ত-ন্দক্ষি॑ণা-মনযন্ন্ । তে᳚-ঽব্রুবন্ন্ ।
য-ন্নো-ঽন᳚ষ্ট । স বর্য়ো॑-ঽভূ॒দিতি॑ । তস্মা॒দশ্ব॒গ্ম্॒ সব॒র্য়েত্য়া-হ্ব॑যন্তি ।
তস্মা᳚দ্য়॒জ্ঞে বরো॑ দীযতে ॥ যত্প্র॒জাপ॑তি॒-রাল॒ব্ধো-ঽশ্বো-ঽভ॑বত্ ।
তস্মা॒দশ্বো॒ নাম॑ ॥ 76 ॥
যচ্ছ্বয়॒দরু॒রাসী᳚ত্ । তস্মা॒দর্বা॒ নাম॑ ॥
যথ্স॒দ্য়ো বাজা᳚-ন্থ্স॒মজ॑যত্ । তস্মা᳚দ্বা॒জী নাম॑ ॥ যদসু॑রাণাং-লোঁ॒কানাদ॑ত্ত । তস্মা॑দাদি॒ত্য়ো নাম॑ ॥ অ॒গ্নির্বা অ॑শ্বমে॒ধস্য়॒ যোনি॑রা॒যত॑নম্ । সূর্য়ো॒-ঽগ্নের্য়োনি॑-রা॒যত॑নম্ ।
যদ॑শ্বমে॒ধে᳚-ঽগ্নৌ চিত্য়॑ উত্তরবে॒দি-মু॑প॒বপ॑তি । যোনি॑-মন্তমে॒বৈন॑-মা॒যত॑নবন্ত-ঙ্করোতি ॥ 77 ॥
যোনি॑-মানা॒যত॑নবা-ন্ভবতি । স এ॒বং-বেঁদ॑ ॥
প্রা॒ণা॒পা॒নৌ বা এ॒তৌ দে॒বানা᳚ম্ । যদ॑র্কাশ্বমে॒ধৌ । প্রা॒ণা॒পা॒নাবে॒বাব॑রুন্ধে ॥ ওজো॒ বলং॒-বাঁ এ॒তৌ দে॒বানা᳚ম্ ।
যদ॑র্কাশ্বমে॒ধৌ । ওজো॒ বল॑মে॒বাব॑রুন্ধে ॥
অ॒গ্নির্বা অ॑শ্বমে॒ধস্য়॒ যোনি॑-রা॒যত॑নম্ ।
সূর্য়ো॒-ঽগ্নের্য়োনি॑-রা॒যত॑নম্ ।
যদ॑শ্বমে॒ধে᳚-ঽগ্নৌ চিত্য়॑ উত্তরবে॒দি-ঞ্চি॒নোতি॑ ।
তাব॑র্কাশ্বমে॒ধৌ । অ॒র্কা॒শ্ব॒মে॒ধাবে॒বা ব॑রুন্ধে । অথো॑ অর্কাশ্ব-মে॒ধয়ো॑রে॒ব প্রতি॑তিষ্ঠতি ॥ 78 ॥
(নাম॑ - করোতি॒ - সূর্য়ো॒-ঽগ্নের্য়োনি॑রা॒যত॑ন-ঞ্চ॒ত্বারি॑ চ) (অ. 21)
অনুবাকং 22 - ঋষভালম্ভঃ
প্র॒জাপ॑তিং॒-বৈঁ দে॒বাঃ পি॒তর᳚ম্ ।
প॒শু-ম্ভূ॒ত-ম্মেধা॒য়াল॑ভন্ত ।
তমা॒লভ্য়োপা॑বসন্ন্ । প্রা॒তর্যষ্টা᳚স্মহ॒ ইতি॑ ।
একং॒-বাঁ এ॒তদ্দে॒বানা॒মহঃ॑ । যথ্সং॑বঁথ্স॒রঃ । তস্মা॒দশ্বঃ॑ পু॒রস্তা᳚-থ্সংবঁথ্স॒র আল॑ভ্যতে ॥
যত্প্র॒জাপ॑তি॒-রাল॒ব্ধো-ঽশ্বো-ঽভ॑বত্ । তস্মা॒দশ্বঃ॑ । যথ্স॒দ্য়ো মেধো-ঽভ॑বত্ ॥ 79 ॥
তস্মা॑দশ্বমে॒ধঃ ॥ বেদু॒কো-ঽশ্ব॑মা॒শু-ম্ভ॑বতি । য এ॒বং-বেঁদ॑ ॥ যদ্বৈ তত্প্র॒জাপ॑তি॒-রাল॒ব্ধো-ঽশ্বো-ঽভ॑বত্ । তস্মা॒দশ্বঃ॑ প্র॒জাপ॑তেঃ পশূ॒না-মনু॑রূপতমঃ ॥
আ-ঽস্য়॑ পু॒ত্রঃ প্রতি॑রূপো জাযতে । য এ॒বং-বেঁদ॑ ॥ সর্বা॑ণি ভূ॒তানি॑ স॒ভৃন্ত্য়াল॑ভতে ।
সমে॑ন-ন্দে॒বা-স্তেজ॑সে ব্রহ্মবর্চ॒সায়॑ ভরন্তি ।
যো᳚-ঽশ্বমে॒ধেন॒ যজ॑তে ॥ 80 ॥
য উ॑ চৈনমে॒বং-বেঁদ॑ ॥ এ॒তদ্বৈ তদ্দে॒বা এ॒তা-ন্দে॒বতা᳚ম্ । প॒শু-ম্ভূ॒ত-ম্মেধা॒য়াল॑ভন্ত । য॒জ্ঞম॒ব । য॒জ্ঞেন॑ য॒জ্ঞম॑যজন্ত দে॒বাঃ । কা॒ম॒প্রং-য়ঁ॒জ্ঞম॑ কুর্বত । তে॑-ঽমৃত॒ত্বম॑কামযন্ত ।
ত॑-ঽমৃত॒ত্ব-ম॑গচ্ছন্ন্ ॥ যো᳚-ঽশ্বমে॒ধেন॒ যজ॑তে । দে॒বানা॑মে॒বা-য়॑নেনৈতি ॥ 81 ॥
প্রা॒জা॒প॒ত্য়েনৈ॒ব য॒জ্ঞেন॑ যজতে কাম॒প্রেণ॑ । অপু॑নর্মারমে॒ব গ॑চ্ছতি ॥ এ॒তস্য়॒ বৈ রূ॒পেণ॑ পু॒রস্তা᳚-ত্প্রাজাপ॒ত্য়-মৃ॑ষ॒ভ-ন্তূ॑প॒রং
ব॑হুরূ॒প-মাল॑ভতে । সর্বে᳚ভ্য়ঃ॒ কামে᳚ভ্য়ঃ । সর্ব॒স্য়াপ্ত্য়ৈ᳚ । সর্ব॑স্য়॒ জিত্য়ৈ᳚ ॥ সর্ব॑মে॒ব তেনা᳚প্নোতি । সর্ব॑-ঞ্জযতি ।
যো᳚-ঽশ্বমে॒ধেন॒ যজ॑তে । য উ॑ চৈনমে॒বং-বেঁদ॑ ॥ 82 ॥
(মেধো-ঽভ॑ব॒--দ্যজ॑ত - এতি॒ - বেদ॑) (অ. 22)
অনুবাকং 23 - অশ্বাবযবেষূপাসনম্
যো বা অশ্ব॑স্য়॒ মেদ্ধ্য়॑স্য়॒ লোম॑নী॒ বেদ॑ ।
অশ্ব॑স্য়ৈ॒ব মেদ্ধ্য়॑স্য়॒ লোমং॑-লোঁমঞ্জুহোতি ।
অ॒হো॒রা॒ত্রে বা অশ্ব॑স্য়॒ মেদ্ধ্য়॑স্য়॒ লোম॑নী । যথ্সা॒য়-ম্প্রা॑তর্জু॒হোতি॑ । অশ্ব॑স্য়ৈ॒ব মেদ্ধ্য়॑স্য়॒ লোমং॑-লোঁমঞ্জুহোতি ।
এ॒তদ॑নুকৃতি হস্ম॒ বৈ পু॒রা । অশ্ব॑স্য়॒ মেদ্ধ্য়॑স্য়॒ লোমং॑-লোঁমঞ্জুহ্বতি ॥
যো বা অশ্ব॑স্য়॒ মেদ্ধ্য়॑স্য় প॒দে বেদ॑ ।
অশ্ব॑স্য়ৈ॒ব মেদ্ধ্য়॑স্য় প॒দে প॑দে জুহোতি ।
দ॒র্॒শ॒পূ॒র্ণ॒মা॒সৌ বা অশ্ব॑স্য়॒ মেদ্ধ্য়॑স্য় প॒দে ॥ 83 ॥
যদ্দ॑র্শপূর্ণমা॒সৌ যজ॑তে ।
অশ্ব॑স্য়ৈ॒ব মেদ্ধ্য়॑স্য় প॒দে প॑দে জুহোতি ।
এ॒তদ॑নুকৃতি হ স্ম॒ বৈ পু॒রা ।
অশ্ব॑স্য়॒ মেদ্ধ্য়॑স্য় প॒দে প॑দে জুহ্বতি ॥
যো বা অশ্ব॑স্য়॒ মেদ্ধ্য়॑স্য় বি॒বর্ত॑নং॒-বেঁদ॑ । অশ্ব॑স্য়ৈ॒ব মেদ্ধ্য়॑স্য় বি॒বর্ত॑নে বিবর্তনে জুহোতি । অ॒সৌ বা আ॑দি॒ত্য়ো-ঽশ্বঃ॑ । স আ॑হব॒নীয়॒-মাগ॑চ্ছতি । তদ্বিব॑র্ততে ।
যদ॑গ্নিহো॒ত্র-ঞ্জু॒হোতি॑ ।
অশ্ব॑স্য়ৈ॒ব মেদ্ধ্য়॑স্য় বি॒বর্ত॑নে বিবর্তনে জুহোতি । এ॒তদ॑নুকৃতি হ স্ম॒ বৈ পু॒রা ।
অশ্ব॑স্য়॒ মেদ্ধ্য়॑স্য় বি॒বর্ত॑নে বিবর্তনে জুহ্বতি ॥ 84 ॥
(প॒দে - অ॑গ্নিহো॒ত্র-ঞ্জু॒হোতি॒ ত্রীণি॑ চ) (অ. 23)
(প্র॒জাপ॑তি॒স্তম॑ষ্টাদ॒শিভিঃ॑ - প্র॒জাপ॑তিরকামযতো॒ভা - ব॒স্মৈ - যু॒ঞ্জন্তি॒-তেজ॒সা - ঽপ॑ প্রা॒ণা - অপ॒ শ্রীরূ॒দ্র্ধ্বম্ - প্র॒জাপ॑তিঃ প্রে॒ণা-ঽনু॑ - প্রথ॒মেন॑ - প্র॒জাপ॑তিরকামযত ম॒হান্. - বৈ᳚শ্বদে॒বো বা অশ্বো - ঽশ্ব॑স্য় - প্র॒জাপ॑তি॒স্তং-য়ঁ॑জ্ঞক্র॒তুভি॒ - রপ॒ শ্রীর্ব্রা᳚হ্ম॒ণৌ - সর্বে॑ষু- বারু॒ণো - যদ্যশ্ব॒ম্ - তদা॑হু- রে॒ষ বৈ বি॒ভূ - স্তা॒র্প্য়েণা॑- দি॒ত্য়াঃ - প্র॒জাপ॑তি-ম্পি॒তরং॒ - ঁয়ো বা অশ্ব॑স্য়॒ মেদ্ধ্য়॑স্য়॒ লোম॑নী॒ ত্রয়ো॑বিগ্ম্শতিঃ)
(প্র॒জাপ॑তির॒ - স্মিন্ ঁলো॒কে - উ॑ত্তর॒তঃ - শ্রিয়॑মে॒ব - প্র॒জাপ॑তিরকামযত ম॒হান্.-য়-ত্প্রা॒ত - প্র বা এ॒ষ এ॒ভ্য়ো
লো॒কেভ্য়ঃ॒- সর্বগ্ম্॑ হ॒ বৈ তত্র॒ পয়॑স্ব॒দ্য় -উ॑ চৈনমে॒বং-বেঁদ॑ চ॒ত্বার্যশী॑তিঃ)
(প্র॒জাপ॑তিরশ্বমে॒ধং - জু॑হ্বতি)
॥ হরিঃ ওম্ ॥
॥ কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে নবমঃ প্রপাঠক-স্সমাপ্তঃ ॥
++++++++++++++++++++
