ಜ್ವರ ಕೃತಾ ಕೃಷ್ಣ ಸ್ತೊತ್ರಮ್

ಜ್ವರ ಉವಾಚ ।
ನಮಃ ಕೃಷ್ಣಾಯ ಹರಯೇ ವಿಷ್ಣವೇ ಪ್ರಭವಿಷ್ಣವೇ ।
ಆದಿದೇವಾಯ ದೇವಾಯ ಪುರಾಣಾಯ ಗದಾಭೃತೇ ॥ 1 ॥
ನಮಃ ಸಹಸ್ರಶಿರಸೇ ಸಹಸ್ರಚರಣಾಯ ಚ ।
ಸಹಸ್ರಾಕ್ಷ ನಮೋ ನಿತ್ಯಂ ಲೋಕಾನಾಮಭಯಙ್ಕರ ॥ 2 ॥
ಉದ್ಗೀಥಾಯ ನಮೋ ದೇವ ಯಜ್ಞಾಧಿಪತಯೇ ನಮಃ ।
ನಮಸ್ತೇ ಚಕ್ರಿಣೇ ನಿತ್ಯಮಸಿಹಸ್ತಾಯ ತೇ ನಮಃ ॥ 3 ॥
ಅನನ್ತಾಯ ವಿರೂಪಾಯ ನಮಸ್ತೇ ಮಧುಸೂದನ ।
ನಮಸ್ತೇ ದೇವದೇವೇಶ ತುಭ್ಯಂ ದೇವ ಕಪರ್ದಿನೇ ॥ 4 ॥
ನಮಸ್ತೇ ರಾಕ್ಷಸಘ್ನಾಯ ನಮೋ ರಾಘವರೂಪಿಣೇ ।
ಜ್ಞಾನಜ್ಞೇಯಾಯ ದೇವಾಯ ನಮ ಆದ್ಯಾಯ ವಿಷ್ಣವೇ ॥ 5 ॥
ನಮಸ್ತೇ ನರಸಿಂಹಾಯ ದೈತ್ಯರಾಜವಿಹಾರಿಣೇ ।
ನಮಸ್ತುಭ್ಯಂ ವರಾಹಾಯ ದಂಷ್ಟ್ರೋದ್ಧೃತವಸುನ್ಧರ ॥ 6 ॥
ತ್ರಿವಿಕ್ರಮ ನಮಸ್ತುಭ್ಯಂ ಬಲಿಯಜ್ಞವಿನಾಶನ ।
ವಾಸುದೇವಾಯ ದೇವಾಯ ನಮಃ ಕಂಸವಿನಾಶನ ॥ 7 ॥
ನಮಃ ಸರ್ವಾತ್ಮನೇ ದೇವ ಸರ್ವಕರ್ತ್ರೇ ನಮೋ ನಮಃ ।
ಪ್ರಾಸೀದ ದೇವದೇವೇಶ ಭೀತಾನಾಮಭಯಙ್ಕರ ॥ 8 ॥
ನಮಾಮಿ ದೇವದೇವೇಶಂ ವರೇಣ್ಯಮಭಯಪ್ರದಮ್ ।
ವಿಷ್ಣೋ ತ್ವಾಂ ಸಕಲೇಶೇಶ ತ್ವಾಂ ಗದಾಧರಮವ್ಯಯಮ್ ॥ 9 ॥
ನಮಸ್ತೇ ದೇವದೇವೇಶ ಭೀತೋಽಹಂ ಭವನಾಶನ ।
ಇತಿ ಸ್ತುತ್ವಾ ಜಗನ್ನಾಥಂ ನೃತ್ಯನ್ನಿವ ತದಾ ಜ್ವರಃ ॥ 10 ॥
ಪಪಾತ ಪಾದಯೋರ್ವಿಷ್ಣೋರ್ನಿಃಶ್ವಸನ್ ಭೀತಭೀತವತ್ ।
ಪ್ರಾಸೀದ ವಿಷ್ಣೋ ದೇವೇಶ ಪೀಡಿತೋಽಸ್ಮಿ ಜನಾರ್ದನ ॥ 11 ॥

ಇತಿ ಹರಿವಂಶಾನ್ತರ್ಗತಂ ಜ್ವರಕೃತಂ ಶ್ರೀಕೃಷ್ಣಸ್ತೋತ್ರಂ ಸಮ್ಪೂರ್ಣಮ್ ।

ಹರಿವಂಶ . ಅಧ್ಯಾಯ 111/7 . ।

Browse Related Categories: