𑌜𑍍𑌵𑌰 𑌉𑌵𑌾𑌚 ।
𑌨𑌮𑌃 𑌕𑍃𑌷𑍍𑌣𑌾𑌯 𑌹𑌰𑌯𑍇 𑌵𑌿𑌷𑍍𑌣𑌵𑍇 𑌪𑍍𑌰𑌭𑌵𑌿𑌷𑍍𑌣𑌵𑍇 ।
𑌆𑌦𑌿𑌦𑍇𑌵𑌾𑌯 𑌦𑍇𑌵𑌾𑌯 𑌪𑍁𑌰𑌾𑌣𑌾𑌯 𑌗𑌦𑌾𑌭𑍃𑌤𑍇 ॥ 1 ॥
𑌨𑌮𑌃 𑌸𑌹𑌸𑍍𑌰𑌶𑌿𑌰𑌸𑍇 𑌸𑌹𑌸𑍍𑌰𑌚𑌰𑌣𑌾𑌯 𑌚 ।
𑌸𑌹𑌸𑍍𑌰𑌾𑌕𑍍𑌷 𑌨𑌮𑍋 𑌨𑌿𑌤𑍍𑌯𑌂 𑌲𑍋𑌕𑌾𑌨𑌾𑌮𑌭𑌯𑌂𑌕𑌰 ॥ 2 ॥
𑌉𑌦𑍍𑌗𑍀𑌥𑌾𑌯 𑌨𑌮𑍋 𑌦𑍇𑌵 𑌯𑌜𑍍𑌞𑌾𑌧𑌿𑌪𑌤𑌯𑍇 𑌨𑌮𑌃 ।
𑌨𑌮𑌸𑍍𑌤𑍇 𑌚𑌕𑍍𑌰𑌿𑌣𑍇 𑌨𑌿𑌤𑍍𑌯𑌮𑌸𑌿𑌹𑌸𑍍𑌤𑌾𑌯 𑌤𑍇 𑌨𑌮𑌃 ॥ 3 ॥
𑌅𑌨𑌂𑌤𑌾𑌯 𑌵𑌿𑌰𑍂𑌪𑌾𑌯 𑌨𑌮𑌸𑍍𑌤𑍇 𑌮𑌧𑍁𑌸𑍂𑌦𑌨 ।
𑌨𑌮𑌸𑍍𑌤𑍇 𑌦𑍇𑌵𑌦𑍇𑌵𑍇𑌶 𑌤𑍁𑌭𑍍𑌯𑌂 𑌦𑍇𑌵 𑌕𑌪𑌰𑍍𑌦𑌿𑌨𑍇 ॥ 4 ॥
𑌨𑌮𑌸𑍍𑌤𑍇 𑌰𑌾𑌕𑍍𑌷𑌸𑌘𑍍𑌨𑌾𑌯 𑌨𑌮𑍋 𑌰𑌾𑌘𑌵𑌰𑍂𑌪𑌿𑌣𑍇 ।
𑌜𑍍𑌞𑌾𑌨𑌜𑍍𑌞𑍇𑌯𑌾𑌯 𑌦𑍇𑌵𑌾𑌯 𑌨𑌮 𑌆𑌦𑍍𑌯𑌾𑌯 𑌵𑌿𑌷𑍍𑌣𑌵𑍇 ॥ 5 ॥
𑌨𑌮𑌸𑍍𑌤𑍇 𑌨𑌰𑌸𑌿𑌂𑌹𑌾𑌯 𑌦𑍈𑌤𑍍𑌯𑌰𑌾𑌜𑌵𑌿𑌹𑌾𑌰𑌿𑌣𑍇 ।
𑌨𑌮𑌸𑍍𑌤𑍁𑌭𑍍𑌯𑌂 𑌵𑌰𑌾𑌹𑌾𑌯 𑌦𑌂𑌷𑍍𑌟𑍍𑌰𑍋𑌦𑍍𑌧𑍃𑌤𑌵𑌸𑍁𑌂𑌧𑌰 ॥ 6 ॥
𑌤𑍍𑌰𑌿𑌵𑌿𑌕𑍍𑌰𑌮 𑌨𑌮𑌸𑍍𑌤𑍁𑌭𑍍𑌯𑌂 𑌬𑌲𑌿𑌯𑌜𑍍𑌞𑌵𑌿𑌨𑌾𑌶𑌨 ।
𑌵𑌾𑌸𑍁𑌦𑍇𑌵𑌾𑌯 𑌦𑍇𑌵𑌾𑌯 𑌨𑌮𑌃 𑌕𑌂𑌸𑌵𑌿𑌨𑌾𑌶𑌨 ॥ ॥
𑌨𑌮𑌃 𑌸𑌰𑍍𑌵𑌾𑌤𑍍𑌮𑌨𑍇 𑌦𑍇𑌵 𑌸𑌰𑍍𑌵𑌕𑌰𑍍𑌤𑍍𑌰𑍇 𑌨𑌮𑍋 𑌨𑌮𑌃 ।
𑌪𑍍𑌰𑌾𑌸𑍀𑌦 𑌦𑍇𑌵𑌦𑍇𑌵𑍇𑌶 𑌭𑍀𑌤𑌾𑌨𑌾𑌮𑌭𑌯𑌂𑌕𑌰 ॥ ॥
𑌨𑌮𑌾𑌮𑌿 𑌦𑍇𑌵𑌦𑍇𑌵𑍇𑌶𑌂 𑌵𑌰𑍇𑌣𑍍𑌯𑌮𑌭𑌯𑌪𑍍𑌰𑌦𑌮𑍍 ।
𑌵𑌿𑌷𑍍𑌣𑍋 𑌤𑍍𑌵𑌾𑌂 𑌸𑌕𑌲𑍇𑌶𑍇𑌶 𑌤𑍍𑌵𑌾𑌂 𑌗𑌦𑌾𑌧𑌰𑌮𑌵𑍍𑌯𑌯𑌮𑍍 ॥ ॥
𑌨𑌮𑌸𑍍𑌤𑍇 𑌦𑍇𑌵𑌦𑍇𑌵𑍇𑌶 𑌭𑍀𑌤𑍋𑌽𑌹𑌂 𑌭𑌵𑌨𑌾𑌶𑌨 ।
𑌇𑌤𑌿 𑌸𑍍𑌤𑍁𑌤𑍍𑌵𑌾 𑌜𑌗𑌨𑍍𑌨𑌾𑌥𑌂 𑌨𑍃𑌤𑍍𑌯𑌨𑍍𑌨𑌿𑌵 𑌤𑌦𑌾 𑌜𑍍𑌵𑌰𑌃 ॥ 10 ॥
𑌪𑌪𑌾𑌤 𑌪𑌾𑌦𑌯𑍋𑌰𑍍𑌵𑌿𑌷𑍍𑌣𑍋𑌰𑍍𑌨𑌿𑌃𑌶𑍍𑌵𑌸𑌨𑍍 𑌭𑍀𑌤𑌭𑍀𑌤𑌵𑌤𑍍 ।
𑌪𑍍𑌰𑌾𑌸𑍀𑌦 𑌵𑌿𑌷𑍍𑌣𑍋 𑌦𑍇𑌵𑍇𑌶 𑌪𑍀𑌡𑌿𑌤𑍋𑌽𑌸𑍍𑌮𑌿 𑌜𑌨𑌾𑌰𑍍𑌦𑌨 ॥ 11 ॥
𑌇𑌤𑌿 𑌹𑌰𑌿𑌵𑌂𑌶𑌾𑌂𑌤𑌰𑍍𑌗𑌤𑌂 𑌜𑍍𑌵𑌰𑌕𑍃𑌤𑌂 𑌶𑍍𑌰𑍀𑌕𑍃𑌷𑍍𑌣𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ।
𑌹𑌰𑌿𑌵𑌂𑌶 . 𑌅𑌧𑍍𑌯𑌾𑌯 111/ . ।
