ಶ್ರೀ ರಾಮಾಷ್ಟಕಂ (ರಾಮ ಅಷ್ಟಕಂ)

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಭಜೇ ವಿಶೇಷಸುನ್ದರಂ ಸಮಸ್ತಪಾಪಖಣ್ಡನಮ್ ।
ಸ್ವಭಕ್ತಚಿತ್ತರಞ್ಜನಂ ಸದೈವ ರಾಮಮದ್ವಯಮ್ ॥ 1 ॥

ಜಟಾಕಲಾಪಶೋಭಿತಂ ಸಮಸ್ತಪಾಪನಾಶಕಮ್ ।
ಸ್ವಭಕ್ತಭೀತಿಭಞ್ಜನಂ ಭಜೇ ಹ ರಾಮಮದ್ವಯಮ್ ॥ 2 ॥

ನಿಜಸ್ವರೂಪಬೋಧಕಂ ಕೃಪಾಕರಂ ಭವಾಽಪಹಮ್ ।
ಸಮಂ ಶಿವಂ ನಿರಞ್ಜನಂ ಭಜೇ ಹ ರಾಮಮದ್ವಯಮ್ ॥ 3 ॥

ಸದಾ ಪ್ರಪಞ್ಚಕಲ್ಪಿತಂ ಹ್ಯನಾಮರೂಪವಾಸ್ತವಮ್ ।
ನಿರಾಕೃತಿಂ ನಿರಾಮಯಂ ಭಜೇ ಹ ರಾಮಮದ್ವಯಮ್ ॥ 4 ॥

ನಿಷ್ಪ್ರಪಞ್ಚ ನಿರ್ವಿಕಲ್ಪ ನಿರ್ಮಲಂ ನಿರಾಮಯಮ್ ।
ಚಿದೇಕರೂಪಸನ್ತತಂ ಭಜೇ ಹ ರಾಮಮದ್ವಯಮ್ ॥ 5 ॥

ಭವಾಬ್ಧಿಪೋತರೂಪಕಂ ಹ್ಯಶೇಷದೇಹಕಲ್ಪಿತಮ್ ।
ಗುಣಾಕರಂ ಕೃಪಾಕರಂ ಭಜೇ ಹ ರಾಮಮದ್ವಯಮ್ ॥ 6 ॥

ಮಹಾಸುವಾಕ್ಯಬೋಧಕೈರ್ವಿರಾಜಮಾನವಾಕ್ಪದೈಃ ।
ಪರಂ ಚ ಬ್ರಹ್ಮ ವ್ಯಾಪಕಂ ಭಜೇ ಹ ರಾಮಮದ್ವಯಮ್ ॥ 7 ॥

ಶಿವಪ್ರದಂ ಸುಖಪ್ರದಂ ಭವಚ್ಛಿದಂ ಭ್ರಮಾಪಹಮ್ ।
ವಿರಾಜಮಾನದೈಶಿಕಂ ಭಜೇ ಹ ರಾಮಮದ್ವಯಮ್ ॥ 8 ॥

ರಾಮಾಷ್ಟಕಂ ಪಠತಿ ಯಃ ಸುಖದಂ ಸುಪುಣ್ಯಂ
ವ್ಯಾಸೇನ ಭಾಷಿತಮಿದಂ ಶೃಣುತೇ ಮನುಷ್ಯಃ ।
ವಿದ್ಯಾಂ ಶ್ರಿಯಂ ವಿಪುಲಸೌಖ್ಯಮನನ್ತಕೀರ್ತಿಂ
ಸಮ್ಪ್ರಾಪ್ಯ ದೇಹವಿಲಯೇ ಲಭತೇ ಚ ಮೋಕ್ಷಮ್ ॥ 9 ॥

ಇತಿ ಶ್ರೀವ್ಯಾಸ ಪ್ರೋಕ್ತ ಶ್ರೀರಾಮಾಷ್ಟಕಮ್ ।

Browse Related Categories: