ಕಾಲಿಯ ಕೃತಾ ಕೃಷ್ಣ ಸ್ತೊತ್ರಮ್

ವ್ಯಾಸ ಉವಾಚ ।
ಇತ್ಯುಕ್ತೇ ತಾಭಿರಾಶ್ವಾಸ್ಯ ಕ್ಲಾನ್ತದೇಹೋಽಪಿ ಪನ್ನಗಃ ।
ಪ್ರಸೀದ ದೇವದೇವೇತಿ ಪ್ರಾಹ ವಾಕ್ಯಂ ಶನೈಃ ಶನೈಃ ॥ 43 ॥
ಕಾಲೀಯ ಉವಾಚ ।
ತವಾಷ್ಟಗುಣಮೈಶ್ವರ್ಯಂ ನಾಥ ಸ್ವಾಭವಿಕಂ ಪರಮ್ ।
ನಿರಸ್ತಾತಿಶಯಂ ಯಸ್ಯ ತಸ್ಯ ಸ್ತೋಷ್ಯಾಮಿ ಕಿನ್ವಹಮ್ ॥ 44 ॥
ತ್ವಂ ಪರಸ್ತ್ವಂ ಪರಸ್ಯಾಽದ್ಯಃ ಪರಂ ತ್ವಂ ತತ್ಪರಾತ್ಮಕಮ್ ।
ಪರಸ್ಮಾತ್ಪರಮೋ ಯಸ್ತ್ವಂ ತಸ್ಯ ಸ್ತೋಷ್ಯಾಮಿ ಕಿಂ ನ್ವಹಮ್ ॥ 45 ॥
ಯಥಾಽಹಂ ಭವತಾ ಸೃಷ್ಟೋ ಜಾತ್ಯಾ ರೂಪೇಣ ಚೇಶ್ವರಃ ।
ಸ್ವಭಾವೇನ ಚ ಸಂಯುಕ್ತಸ್ತಥೇದಂ ಚೇಷ್ಟಿತಂ ಮಯಾ ॥ 46 ॥
ಯದ್ಯನ್ಯಥಾ ಪ್ರವರ್ತೇಯ ದೇವದೇವ ತತೋ ಮಯಿ ।
ನ್ಯಾಯ್ಯೋ ದಣ್ಡನಿಪಾತಸ್ತೇ ತವೈವ ವಚನಂ ಯಥಾ ॥ 47 ॥
ತಥಾಽಪಿ ಯಂ ಜಗತ್ಸ್ವಾಮೀ ದಣ್ಡಂ ಪಾತಿತವಾನ್ಮಯಿ ।
ಸ ಸೋಢೋಽಯಂ ವರೋ ದಣ್ಡಸ್ತ್ವತ್ತೋ ನಾನ್ಯೋಽಸ್ತು ಮೇ ವರಃ ॥ 48 ॥
ಹತವೀರ್ಯೋ ಹತವಿಷೋ ದಮಿತೋಽಹಂ ತ್ವಯಾಽಚ್ಯುತ ।
ಜೀವಿತಂ ದೀಯತಾಮೇಕಮಾಜ್ಞಾಪಯ ಕರೋಮಿ ಕಿಮ್ ॥ 49 ॥

ಇತಿ ಬ್ರಹ್ಮಪುರಾಣೇ ಪಞ್ಚಾಶೀತ್ಯಧಿಕಶತತಮಾಧ್ಯಾಯಾನ್ತರ್ಗತಂ
ಕಾಲಿಯಕೃತಂ ಶ್ರೀಕೃಷ್ಣಸ್ತೋತ್ರಂ ಸಮಾಪ್ತಮ್ ।

ಬ್ರಹ್ಮಪುರಾಣ . ಅಧ್ಯಾಯ 185/43-49 . ।

Browse Related Categories: