જ્વર ઉવાચ ।
નમઃ કૃષ્ણાય હરયે વિષ્ણવે પ્રભવિષ્ણવે ।
આદિદેવાય દેવાય પુરાણાય ગદાભૃતે ॥ 1 ॥
નમઃ સહસ્રશિરસે સહસ્રચરણાય ચ ।
સહસ્રાક્ષ નમો નિત્યં લોકાનામભયંકર ॥ 2 ॥
ઉદ્ગીથાય નમો દેવ યજ્ઞાધિપતયે નમઃ ।
નમસ્તે ચક્રિણે નિત્યમસિહસ્તાય તે નમઃ ॥ 3 ॥
અનંતાય વિરૂપાય નમસ્તે મધુસૂદન ।
નમસ્તે દેવદેવેશ તુભ્યં દેવ કપર્દિને ॥ 4 ॥
નમસ્તે રાક્ષસઘ્નાય નમો રાઘવરૂપિણે ।
જ્ઞાનજ્ઞેયાય દેવાય નમ આદ્યાય વિષ્ણવે ॥ 5 ॥
નમસ્તે નરસિંહાય દૈત્યરાજવિહારિણે ।
નમસ્તુભ્યં વરાહાય દંષ્ટ્રોદ્ધૃતવસુંધર ॥ 6 ॥
ત્રિવિક્રમ નમસ્તુભ્યં બલિયજ્ઞવિનાશન ।
વાસુદેવાય દેવાય નમઃ કંસવિનાશન ॥ 7 ॥
નમઃ સર્વાત્મને દેવ સર્વકર્ત્રે નમો નમઃ ।
પ્રાસીદ દેવદેવેશ ભીતાનામભયંકર ॥ 8 ॥
નમામિ દેવદેવેશં વરેણ્યમભયપ્રદમ્ ।
વિષ્ણો ત્વાં સકલેશેશ ત્વાં ગદાધરમવ્યયમ્ ॥ 9 ॥
નમસ્તે દેવદેવેશ ભીતોઽહં ભવનાશન ।
ઇતિ સ્તુત્વા જગન્નાથં નૃત્યન્નિવ તદા જ્વરઃ ॥ 10 ॥
પપાત પાદયોર્વિષ્ણોર્નિઃશ્વસન્ ભીતભીતવત્ ।
પ્રાસીદ વિષ્ણો દેવેશ પીડિતોઽસ્મિ જનાર્દન ॥ 11 ॥
ઇતિ હરિવંશાંતર્ગતં જ્વરકૃતં શ્રીકૃષ્ણસ્તોત્રં સંપૂર્ણમ્ ।
હરિવંશ . અધ્યાય 111/7 . ।
