ಉದಕ ಶಾನ್ತಿ (ಪುಣ್ಯಾಹ ವಾಚನಂ)

1.0 ಕಲಶ ಪ್ರತಿಷ್ಠಾಪನ ಪ್ರಯೋಗ ಮನ್ತ್ರಾಃ
ಬ್ರಹ್ಮ॑ಜಜ್ಞಾ॒ನ-ಮ್ಪ್ರ॑ಥ॒ಮ-ಮ್ಪು॒ರಸ್ತಾ॒-ದ್ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾ-ಸ್ಸ॒ತಶ್ಚ॒ ಯೋನಿ॒-ಮಸ॑ತಶ್ಚ॒ ವಿವಃ॑ ।

ನಾಕೇ॑ ಸುಪ॒ರ್ಣ ಮುಪ॒ಯ-ತ್ಪತ॑ನ್ತಗ್ಂ ಹೃ॒ದಾ ವೇನ॑ನ್ತೋ ಅ॒ಭ್ಯಚ॑ಖ್ಷ-ತತ್ವಾ ।
ಹಿರ॑ಣ್ಯಪಖ್ಷಂ॒-ವಁರು॑ಣಸ್ಯ ದೂ॒ತಂ-ಯಁ॒ಮಸ್ಯ॒ ಯೋನೌ॑ ಶಕು॒ನ-ಮ್ಭು॑ರ॒ಣ್ಯುಮ್ ।

ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑-ಸ್ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಙ್ಗ॒ಥೇ ।
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಫ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒
ಭುವ॑ನಾ-ಽಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು । 1 (ಅಪ ಉಪಸ್ಪೃಶ್ಯ)

ಇ॒ದಂ-ವಿಁಷ್ಣು॒ ರ್ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಮ್ । ಸಮೂ॑ಢಮಸ್ಯ ಪಾಗ್ಂ ಸು॒ರೇ ।
ಇನ್ದ್ರಂ॒-ವಿಁಶ್ವಾ॑ ಅವೀವೃಧನ್-ಥ್ಸಮು॒ದ್ರವ್ಯ॑ಚಸ॒-ಙ್ಗಿರಃ॑ ।
ರ॒ಥೀತ॑ಮಗ್ಂ ರಥೀ॒ನಾಂ-ವಾಁಜಾ॑ನಾ॒ಗ್ಂ॒ ಸತ್ಪ॑ತಿ॒-ಮ್ಪತಿ᳚ಮ್ ।
ಆಪೋ॒ ವಾ ಇ॒ದಂಗ್ಂ ಸರ್ವಂ॒-ವಿಁಶ್ವಾ॑ ಭೂ॒ತಾನ್ಯಾಪಃ॑ ಪ್ರಾ॒ಣಾ ವಾ ಆಪಃ॑ ಪ॒ಶವ॒ ಆಪೋ-ಽನ್ನ॒ಮಾಪೋ-ಽಮೃ॑ತ॒ಮಾಪ॑-ಸ್ಸ॒ಮ್ರಾಡಾಪೋ॑ ವಿ॒ರಾಡಾಪ॑-ಸ್ಸ್ವ॒ರಾಡಾಪ॒-ಶ್ಛನ್ದಾ॒ಗ್॒ಶ್ಯಾಪೋ॒ ಜ್ಯೋತೀ॒ಗ್॒ಷ್ಯಾಪೋ॒ ಯಜೂ॒ಗ್॒ಷ್ಯಾಪ॑-ಸ್ಸ॒ತ್ಯಮಾಪ॒-ಸ್ಸರ್ವಾ॑ ದೇ॒ವತಾ॒ ಆಪೋ॒ ಭೂರ್ಭುವ॒ಸ್ಸುವ॒ರಾಪ॒ ಓಮ್ । 2

ಅ॒ಪಃ ಪ್ರಣ॑ಯತಿ । ಶ್ರ॒ದ್ಧಾ ವಾ ಆಪಃ॑ । ಶ್ರ॒ದ್ಧಾಮೇ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ ।
ಅ॒ಪಃ ಪ್ರಣ॑ಯತಿ ।
ಯ॒ಜ್ಞೋ ವಾ ಆಪಃ॑ । ಯ॒ಜ್ಞಮೇ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ । ಅ॒ಪಃ ಪ್ರಣ॑ಯತಿ ।
ವಜ್ರೋ॒ ವಾ ಆಪಃ॑ । ವಜ್ರ॑ಮೇ॒ವ ಭ್ರಾತೃ॑ವ್ಯೇಭ್ಯಃ ಪ್ರ॒ಹೃತ್ಯ॑ ಪ್ರ॒ಣೀಯ॒ ಪ್ರಚ॑ರತಿ ।
ಅ॒ಪಃ ಪ್ರಣ॑ಯತಿ ।
ಆಪೋ॒ ವೈ ರ॑ಖ್ಷೋ॒ಘ್ನೀಃ । ರಖ್ಷ॑ಸಾ॒ಮಪ॑ಹತ್ಯೈ । ಅ॒ಪಃ ಪ್ರಣ॑ಯತಿ ।
ಆಪೋ॒ ವೈ ದೇ॒ವಾನಾ᳚-ಮ್ಪ್ರಿ॒ಯ-ನ್ಧಾಮ॑ । ದೇ॒ವಾನಾ॑ಮೇ॒ವ ಪ್ರಿ॒ಯ-ನ್ಧಾಮ॑ ಪ್ರ॒ಣೀಯ॒ ಪ್ರಚ॑ರತಿ । ಅ॒ಪಃ ಪ್ರಣ॑ಯತಿ ।
ಆಪೋ॒ ವೈ ಸರ್ವಾ॑ ದೇ॒ವತಾಃ᳚ । ದೇ॒ವತಾ॑ ಏ॒ವಾರಭ್ಯ॑ ಪ್ರ॒ಣೀಯ॒ ಪ್ರಚ॑ರತಿ ।
ಅ॒ಪಃ ಪ್ರಣ॑ಯತಿ ।
ಆಪೋ॒ ವೈ ಶಾ॒ನ್ತಾಃ । ಶಾ॒ನ್ತಾಭಿ॑ರೇ॒ವಾಸ್ಯ॒ ಶುಚಗ್ಂ॑ ಶಮಯತಿ । ದೇ॒ವೋ ವಃ॑
ಸವಿ॒ತೋ-ತ್ಪು॑ನಾ॒ತ್ವ-ಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒ಸ್ಸೂರ್ಯ॑ಸ್ಯ ರ॒ಶ್ಮಿಭಿಃ॑ ॥ 3

1.1 ವೇದಾರಮ್ಭೇ ಸರ್ವಸಾಧಾರಣ್ಯೇನ ಜಪ್ಯಾಃ ಮನ್ತ್ರಾಃ
ಓ-ಮ್ಭೂಃ ತಥ್ಸ॑ವಿ॒ತು-ರ್ವರೇ᳚ಣ್ಯಮ್ । ಓ-ಮ್ಭುವಃ॑ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಓಗ್ಂ ಸುವಃ॑ ಧಿಯೋ॒ ಯೋನಃ॑ ಪ್ರಚೋ॒ದಯಾ᳚ತ್ ।
ಓ-ಮ್ಭೂಃ ತಥ್ಸ॑ವಿ॒ತು-ರ್ವರೇ᳚ಣ್ಯಮ್ । ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಓ-ಮ್ಭುವಃ ಧಿಯೋ॒ ಯೋನಃ॑ ಪ್ರಚೋ॒ದಯಾ᳚ತ್ ।

ಓಗ್ಂ ಸುವಃ॑ ತಥ್ಸ॑ವಿ॒ತು-ರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋನಃ॑ ಪ್ರಚೋ॒ದಯಾ᳚ತ್ । ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ।

1.2 ವೇದಾದಯಃ
ಅ॒ಗ್ನಿಮೀ᳚ಳೇ ಪು॒ರೋಹಿ॑ತಂ-ಯ॒ಜ್ಞಸ್ಯ॑
ದೇ॒ವಮೃ॒ತ್ವಿಜ᳚ಮ್ । ಹೋತಾ᳚ರಂ ರತ್ನ॒ ಧಾತ॑ಮಮ್ ।
ಇ॒ಷೇ ತ್ವೋ॒ರ್ಜೇತ್ವಾ॑ ವಾ॒ಯವ॑ಸ್ಸ್ಥೋ ಪಾ॒ಯವ॑ಸ್ಥ ದೇ॒ವೋ ವ॑ಸ್ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣೇ ।
ಅಗ್ನ॒ ಆಯಾ॑ಹಿ ವೀ॒ತಯೇ॑ ಗೃಣಾ॒ನೋ ಹ॒ವ್ಯದಾ॑ತಯೇ । ನಿಹೋತಾ॑ ಸಥ್ಸಿ ಬ॒ರ್॒ಹಿಷಿ॑ ।

ಶನ್ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವನ್ತು ಪೀ॒ತಯೇ᳚ । ಶಂ-ಯೋಁರ॒ಭಿಸ್ರ॑ವನ್ತು ನಃ ॥ 1 (1) ॥

1.3 ರಖ್ಷೋಘ್ನಂ
ಕೃ॒ಣು॒ಷ್ವ ಪಾಜಃ॒ ಪ್ರಸಿ॑ತಿ॒ನ್ನ ಪೃ॒ಥ್ವೀಂ-ಯಾಁ॒ಹಿ ರಾಜೇ॒ ವಾಮ॑ವಾ॒ಗ್ಂ॒ ಇಭೇ॑ನ । ತೃ॒ಷ್ವೀಮನು॒ ಪ್ರಸಿ॑ತಿಂ-ದ್ರೂಣಾ॒ನೋ-ಽಸ್ತಾ॑-ಽಸಿ॒ ವಿದ್ಧ್ಯ॑ ರ॒ಖ್ಷಸ॒ ಸ್ತಪಿ॑ಷ್ಠೈಃ । ತವ॑ ಭ್ರ॒ಮಾಸ॑ ಆಶು॒ಯಾ ಪ॑ತಂ॒ ತ್ಯನು॑ಸ್ಪೃಶ-ಧೃಷ॒ತಾ ಶೋಶು॑ಚಾನಃ । ತಪೂಗ್॑ಷ್ಯಗ್ನೇ ಜು॒ಹ್ವಾ॑ ಪತಂ॒-ಗಾನಸ॑ನ್ದಿತೋ॒ ವಿಸೃ॑ಜ॒ ವಿಷ್ವ॑ ಗು॒ಲ್ಕಾಃ । ಪ್ರತಿ॒ಸ್ಪಶೋ॒ ವಿಸೃ॑ಜ॒-ತೂರ್ಣಿ॑ತಮೋ॒ ಭವಾ॑ ಪಾ॒ಯುರ್ವಿ॒ಶೋ ಅ॒ಸ್ಯಾ ಅದ॑ಬ್ಧಃ ॥ 2 ॥

ಯೋನೋ॑ ದೂ॒ರೇ ಅ॒ಘಶಗ್ಂ॑ಸೋ॒ಯೋ ಅನ್ತ್ಯಗ್ನೇ॒ ಮಾಕಿ॑ಷ್ಟೇ॒ ವ್ಯಥಿ॒ರಾ ದ॑ಧರ್​ಷೀತ್ । ಉದ॑ಗ್ನೇ ತಿಷ್ಠ॒ ಪ್ರತ್ಯಾ ತ॑ನುಷ್ವ॒ನ್ಯ॑ಮಿತ್ರಾಗ್ಂ॑ ಓಷತಾ-ತ್ತಿಗ್ಮಹೇತೇ । ಯೋ ನೋ॒ ಅರಾ॑ತಿಗ್ಂ ಸಮಿಧಾನ ಚ॒ಕ್ರೇ ನೀ॒ಚಾ ತನ್ಧ॑ಖ್ಷ್ಯತ॒ ಸನ್ನ ಶುಷ್ಕ᳚ಮ್ । ಊ॒ರ್ಧ್ವೋ ಭ॑ವ॒ ಪ್ರತಿ॑ ವಿ॒ಧ್ಯಾ-ಧ್ಯ॒ಸ್ಮದಾ॒ ವಿಷ್ಕೃ॑ಣುಷ್ವ॒ ದೈವ್ಯಾ᳚ನ್ಯಗ್ನೇ । ಅವ॑ಸ್ಥಿ॒ರಾ ತ॑ನುಹಿ ಯಾತು॒ ಜೂನಾ᳚-ಞ್ಜಾ॒ಮಿಮಜಾ॑ಮಿಂ॒ ಪ್ರಮೃ॑ಣೀಹಿ॒ ಶತ್ರೂನ್॑ ॥ 3 ॥

ಸತೇ॑ ಜಾನಾತಿ ಸುಮ॒ತಿಂ-ಯಁ॑ ವಿಷ್ಠ॒ಯ ಈವ॑ತೇ॒ ಬ್ರಹ್ಮ॑ಣೇ ಗಾ॒ತುಮೈರ॑ತ್ । ವಿಶ್ವಾ᳚ನ್ಯಸ್ಮೈ ಸು॒ದಿನಾ॑ನಿ ರಾ॒ಯೋ ದ್ಯು॒ಮ್ನಾನ್ಯ॒ರ್ಯೋ ವಿದುರೋ॑ ಅ॒ಭಿದ್ಯೌ᳚ತ್ । ಸೇದ॑ಗ್ನೇ ಅಸ್ತು ಸು॒ಭಗ॑ ಸ್ಸು॒ದಾನು॒-ರ್ಯಸ್ತ್ವಾ॒ ನಿತ್ಯೇ॑ನ ಹ॒ವಿಷಾ॒ ಯ ಉ॒ಕ್ಥೈಃ । ಪಿಪ್ರೀ॑ಷತಿ॒ ಸ್ವ ಆಯು॑ಷಿ ದುರೋ॒ಣೇ ವಿಶ್ವೇದ॑ಸ್ಮೈ ಸು॒ದಿನಾ॒-ಸಾ-ಽಸ॑ದಿ॒ಷ್ಟಿಃ । ಅರ್ಚಾ॑ಮಿತೇ ಸುಮ॒ತಿ-ಙ್ಘೋಷ್ಯ॒ರ್ವಾಖ್-ಸನ್ತೇ॑ ವಾ॒ ವಾತಾ॑ ಜರತಾ ಮಿ॒ಯಙ್ಗೀಃ ॥ 4 ॥

ಸ್ವಶ್ವಾ᳚ಸ್ತ್ವಾ ಸು॒ರಥಾ॑ ಮರ್ಜಯೇ-ಮಾ॒ಸ್ಮೇ ಖ್ಷ॒ತ್ರಾಣಿ॑ ಧಾರಯೇ॒ರ-ನು॒ದ್ಯೂನ್ । ಇ॒ಹ ತ್ವಾ॒ ಭೂರ್ಯಾ ಚ॑ರೇ॒ದುಪ॒ತ್ಮ-ನ್ದೋಷಾ॑ವಸ್ತ-ರ್ದೀದಿ॒ವಾಗ್ಂ ಸ॒ಮನು॒ದ್ಯೂನ್ । ಕ್ರೀಡ॑ನ್ತಸ್ತ್ವಾ ಸು॒ಮನ॑ಸ ಸ್ಸಪೇಮಾ॒ಭಿ ದ್ಯು॒ಮ್ನಾ ತ॑ಸ್ಥಿ॒ವಾಗ್ಂಸೋ॒ ಜನಾ॑ನಾಮ್ ।
ಯಸ್ತ್ವಾ॒ ಸ್ವಶ್ವ॑ಸ್ಸುಹಿರ॒ಣ್ಯೋ ಅ॑ಗ್ನ ಉಪ॒ಯಾತಿ॒ ವಸು॑ಮತಾ॒ ರಥೇ॑ನ । ತಸ್ಯ॑ ತ್ರಾ॒ತಾ ಭ॑ವಸಿ॒ ತಸ್ಯ॒ ಸಖಾ॒ ಯಸ್ತ॑ ಆತಿ॒ಥ್ಯ ಮಾ॑ನು॒ಷಗ್ ಜುಜೋ॑ಷತ್ ॥ 5 ॥

ಮ॒ಹೋರು॑ಜಾಮಿ ಬ॒ನ್ಧುತಾ॒ ವಚೋ॑ ಭಿ॒ಸ್ತನ್ಮಾ॑ ಪಿ॒ತುರ್ಗೋತ॑ಮಾ॒ದ ನ್ವಿ॑ಯಾಯ । ತ್ವನ್ನೋ॑ ಅ॒ಸ್ಯ ವಚ॑ಸ-ಶ್ಚಿಕಿದ್ಧಿ॒ ಹೋತ॑ರ್ಯವಿಷ್ಠ ಸುಕ್ರತೋ॒ ದಮೂ॑ನಾಃ । ಅಸ್ವ॑ಪ್ನ ಜಸ್ತ॒ರಣ॑ಯ ಸ್ಸು॒ಶೇವಾ॒ ಅತ॑ನ್ದ್ರಾಸೋ-ಽವೃ॒ಕಾ ಅಶ್ರ॑ಮಿಷ್ಠಾಃ । ತೇ ಪಾ॒ಯವ॑-ಸ್ಸ॒ಧ್ರಿಯ॑ಞ್ಚೋ ನಿ॒ಷದ್ಯಾಗ್ನೇ॒ ತವ॑ ನಃ ಪಾನ್ತ್ವಮೂರ । ಯೇ ಪಾ॒ಯವೋ॑ ಮಾಮತೇ॒ಯ-ನ್ತೇ॑ ಅಗ್ನೇ॒ ಪಶ್ಯ॑ನ್ತೋ ಅ॒ನ್ಧ-ನ್ದು॑ರಿ॒ತಾದ ರ॑ಖ್ಷನ್ನ್ ।
ರ॒ರಖ್ಷ॒ ತಾನ್-ಥ್ಸು॒ಕೃತೋ॑ ವಿ॒ಶ್ವವೇ॑ದಾ॒ ದಿಫ್ಸ॑ನ್ತ॒ ಇದ್ರಿ॒ಪವೋ॒ ನಾಹ॑ ದೇಭುಃ ॥ 6 ॥

ತ್ವಯಾ॑ ವ॒ಯಗ್ಂ ಸ॑ಧ॒ನ್ಯ॑-ಸ್ತ್ವೋತಾ॒ ಸ್ತವ॒ ಪ್ರಣೀ᳚ತ್ಯ ಶ್ಯಾಮ॒ ವಾಜಾನ್॑ । ಉ॒ಭಾಶಗ್ಂ ಸಾ॑ ಸೂದಯ ಸತ್ಯತಾ ತೇ-ಽನುಷ್ಠು॒ಯಾ ಕೃ॑ಣುಹ್ಯ-ಹ್ರಯಾಣ ।
ಅ॒ಯಾ ತೇ॑ ಅಗ್ನೇ ಸ॒ಮಿಧಾ॑ ವಿಧೇಮ॒ ಪ್ರತಿ॒ಸ್ತೋಮಗ್ಂ॑ ಶ॒ಸ್ಯಮಾ॑ನ-ಙ್ಗೃಭಾಯ । ದಹಾ॒ಶಸೋ॑ ರ॒ಖ್ಷಸಃ॑ ಪಾ॒ಹ್ಯ॑ಸ್ಮಾ-ನ್ದ್ರು॒ಹೋ ನಿ॒ದೋ ಮಿ॑ತ್ರಮಹೋ ಅವ॒ದ್ಯಾತ್ । ರ॒ಖ್ಷೋ॒ಹಣಂ॑ ಁವಾ॒ಜಿನ॒ಮಾಜಿ॑ ಘರ್ಮಿ ಮಿ॒ತ್ರ-ಮ್ಪ್ರಥಿ॑ಷ್ಠ॒ ಮುಪ॑ಯಾಮಿ॒ ಶರ್ಮ॑ । ಶಿಶಾ॑ನೋ ಅ॒ಗ್ನಿಃ ಕ್ರತು॑ಭಿ॒ ಸ್ಸಮಿ॑ದ್ಧ॒-ಸ್ಸನೋ॒ ದಿವಾ॒ ಸ ರಿ॒ಷಃ
ಪಾ॑ತು॒ ನಕ್ತ᳚ಮ್ ॥ 7 ॥
ವಿಜ್ಯೋತಿ॑ಷಾ ಬೃಹ॒ತಾ ಭಾ᳚ತ್ಯ॒ಗ್ನಿ ರಾ॒ವಿ-ರ್ವಿಶ್ವಾ॑ನಿ ಕೃಣುತೇ ಮಹಿ॒ತ್ವಾ । ಪ್ರಾದೇ॑ವೀರ್ಮಾ॒ಯಾ ಸ್ಸ॑ಹತೇ ದು॒ರೇವಾ॒ ಶ್ಶಿಶೀ॑ತೇ॒ ಶೃಙ್ಗೇ॒ ರಖ್ಷ॑ಸೇ ವಿ॒ನಿಖ್ಷೇ᳚ ।
ಉ॒ತಸ್ವಾ॒ನಾಸೋ॑ ದಿ॒ವಿಷ॑ನ್ತ್ವ॒ಗ್ನೇ ಸ್ತಿ॒ಗ್ಮಾಯು॑ಧಾ॒ ರಖ್ಷ॑ಸೇ॒ ಹನ್ತ॒ ವಾ ಉ॑ ।
ಮದೇ॑ ಚಿದಸ್ಯ॒ ಪ್ರರು॑ಜನ್ತಿ॒ ಭಾಮಾ॒ ನವ॑ರನ್ತೇ ಪರಿ॒ಬಾಧೋ॒ ಅದೇ॑ವೀಃ ॥ 8 (2) ॥

1.4 ಇನ್ದ್ರ ಸೂಕ್ತಂ
ಇನ್ದ್ರಂ॑ ಁವೋ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ᳚ಭ್ಯಃ । ಅ॒ಸ್ಮಾಕ॑ಮಸ್ತು॒ ಕೇವ॑ಲಃ । ಇನ್ದ್ರ॒-ನ್ನರೋ॑ ನೇ॒ಮಧಿ॑ತಾ ಹವನ್ತೇ॒ ಯತ್ಪಾರ್ಯಾ॑ ಯು॒ನಜ॑ತೇ॒ ಧಿಯ॒ಸ್ತಾಃ । ಶೂರೋ॒ ನೃಷಾ॑ತಾ॒ ಶವ॑ಸಶ್ಚಕಾ॒ ನ ಆ ಗೋಮ॑ತಿ ವ್ರ॒ಜೇ ಭ॑ಜಾ॒ ತ್ವನ್ನಃ॑ । ಇ॒ನ್ದ್ರಿ॒ಯಾಣಿ॑ ಶತಕ್ರತೋ॒ ಯಾ ತೇ॒ ಜನೇ॑ಷು ಪ॒ಞ್ಚಸು॑ । ಇನ್ದ್ರ॒ ತಾನಿ॑ ತ॒ ಆ ವೃ॑ಣೇ । ಅನು॑ತೇ ದಾಯಿ ಮ॒ಹ ಇ॑ನ್ದ್ರಿ॒ಯಾಯ॑ ಸ॒ತ್ರಾತೇ॒ ವಿಶ್ವ॒ಮನು॑ ವೃತ್ರ॒ಹತ್ಯೇ᳚ ॥ 9 ॥

ಅನು॑ ಖ್ಷ॒ತ್ರಮನು॒ ಸಹೋ॑ ಯಜ॒ತ್ರೇನ್ದ್ರ॑ ದೇ॒ವೇಭಿ॒ರನು॑ ತೇ ನೃ॒ಷಹ್ಯೇ᳚ । ಆಯಸ್ಮಿ᳚ನ್-ಥ್ಸ॒ಪ್ತವಾ॑ಸ॒ವಾ ಸ್ತಿಷ್ಠ॑ನ್ತಿ ಸ್ವಾ॒ರುಹೋ॑ ಯಥಾ ।
ಋಷಿ॑ರ್​ಹ ದೀರ್ಘ॒ ಶ್ರುತ್ತ॑ಮ॒ ಇನ್ದ್ರ॑ಸ್ಯ ಘ॒ರ್ಮೋ ಅತಿ॑ಥಿಃ । ಆ॒ಮಾಸು॑ ಪ॒ಕ್ವಮೈರ॑ಯ॒ ಆ ಸೂರ್ಯಗ್ಂ॑ ರೋಹಯೋ ದಿ॒ವಿ । ಘ॒ರ್ಮನ್ನ ಸಾಮ॑ನ್ತಪತಾ ಸುವೃ॒ಕ್ತಿಭಿ॒-ರ್ಜುಷ್ಟಂ॒ ಗಿರ್ವ॑ಣ ಸೇ॒ಗಿರಃ॑ । ಇನ್ದ್ರ॒ಮಿ-ದ್ಗಾ॒ಥಿನೋ॑ ಬೃ॒ಹದಿನ್ದ್ರ॑ ಮ॒ರ್ಕೇಭಿ॑ ರ॒ರ್ಕಿಣಃ॑ । ಇನ್ದ್ರಂ॒ ಁವಾಣೀ॑ರನೂಷತ ॥ 10 ॥

ಗಾಯ॑ನ್ತಿತ್ವಾ ಗಾಯ॒ತ್ರಿಣೋರ್ಚಂ॑ ತ್ಯ॒ರ್ಕ ಮ॒ರ್ಕಿಣಃ॑ । ಬ್ರ॒ಹ್ಮಾಣ॑ಸ್ತ್ವಾ ಶತಕ್ರತ॒-ವುದ್ವ॒ಗ್ಂ॒ ಶಮಿ॑ವ ಯೇ ಮಿರೇ । ಅ॒ಗ್ಂ॒ಹೋ॒ಮುಚೇ॒ ಪ್ರಭ॑ರೇಮಾ ಮನೀ॒ಷಾ ಮೋ॑ಷಿಷ್ಠ॒-ದಾವ್ನೇ॑ ಸುಮ॒ತಿ-ಙ್ಗೃ॑ಣಾ॒ನಾಃ ।
ಇ॒ದಮಿ॑ನ್ದ್ರ॒ ಪ್ರತಿ॑ ಹ॒ವ್ಯ-ಙ್ಗೃ॑ಭಾಯ ಸ॒ತ್ಯಾಸ್ಸ॑ನ್ತು॒ ಯಜ॑ಮಾನಸ್ಯ॒ ಕಾಮಾಃ᳚ । ವಿ॒ವೇಷ॒ಯನ್ಮಾ॑ ಧಿ॒ಷಣಾ॑ ಜ॒ಜಾನ॒ ಸ್ತವೈ॑ ಪು॒ರಾ ಪಾರ್ಯಾ॒ದಿನ್ದ್ರ॒ ಮಹ್ನಃ॑ । ಅಗ್ಂಹ॑ಸೋ॒ ಯತ್ರ॑ ಪೀ॒ಪರ॒ದ್ಯಥಾ॑ ನೋ ನಾ॒ವೇವ॒ ಯಾನ್ತ॑ ಮು॒ಭಯೇ॑ ಹವನ್ತೇ ॥ 11 ॥

ಪ್ರಸ॒ಮ್ರಾಜ॑-ಮ್ಪ್ರಥ॒ಮ ಮ॑ಧ್ವ॒-ರಾಣಾ॑ಮಗ್ಂ ಹೋ॒ ಮುಚಂ॑ ಁವೃಷ॒ಭಂ-ಯಁ॒ಜ್ಞಿಯಾ॑ನಾಮ್ ।
ಅ॒ಪಾನ್ನ-ಪಾ॑ತಮಶ್ವಿನಾ॒ ಹಯ॑ನ್ತ ಮ॒ಸ್ಮಿನ್ನ॑ರ ಇನ್ದ್ರಿ॒ಯ-ನ್ಧ॑ತ್ತ॒ಮೋಜಃ॑ । ವಿನ॑ ಇನ್ದ್ರ॒ ಮೃಧೋ॑ ಜಹಿ ನೀ॒ ಚಾ ಯ॑ಚ್ಛ ಪೃತನ್ಯ॒ತಃ । ಅ॒ಧ॒ಸ್ಪ॒ದ-ನ್ತಮೀ᳚-ಙ್ಕೃಧಿ॒ ಯೋ ಅ॒ಸ್ಮಾಗ್ಂ ಅ॑ಭಿ॒ದಾಸ॑ತಿ ।
ಇನ್ದ್ರ॑ಖ್ಷ॒ತ್ರಮ॒ಭಿ ವಾ॒ಮಮೋಜೋ ಽಜಾ॑ಯಥಾ ವೃಷಭ ಚರ.ಷಣೀ॒ನಾಮ್ । ಅಪಾ॑ನುದೋ॒ ಜನ॑ಮಮಿತ್ರ॒ ಯನ್ತ॑ ಮು॒ರು-ನ್ದೇ॒ವೇಭ್ಯೋ॑ ಅಕೃಣೋರು ಲೋ॒ಕಮ್ ।
ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ ಪ॑ರಾ॒ವತ॒ ಆಜ॑ಗಾಮಾ॒-ಪರ॑ಸ್ಯಾಃ ॥ 12 ॥

ಸೃ॒ಕಗ್ಂ ಸ॒ಗ್ಂ॒ ಶಾಯ॑ ಪ॒ವಿಮಿ॑ನ್ದ್ರ ತಿ॒ಗ್ಮಂ-ವಿಁಶತ್ರೂ᳚-ನ್ತಾಡಿ॒ ವಿಮೃಧೋ॑ ನುದಸ್ವ ।
ವಿಶತ್ರೂ॒ನ್॒. ವಿಮೃಧೋ॑ನುದ॒ ವಿವೃ॒ತ್ರಸ್ಯ॒ ಹನೂ॑ ರುಜ । ವಿಮ॒ನ್ಯುಮಿ॑ನ್ದ್ರ ಭಾಮಿ॒ತೋ॑ ಽಮಿತ್ರ॑ಸ್ಯಾಭಿ॒ ದಾಸ॑ತಃ ।
ತ್ರಾ॒ತಾರ॒ಮಿನ್ದ್ರ॑ ಮವಿ॒ತಾರ॒ ಮಿನ್ದ್ರ॒ಗ್ಂ॒ ಹವೇ॑ ಹವೇ ಸು॒ಹವ॒ಗ್ಂ॒ ಶೂರ॒ಮಿನ್ದ್ರ᳚ಮ್ ।
ಹು॒ವೇ ನು ಶ॒ಕ್ರ-ಮ್ಪು॑ರುಹೂ॒ತ ಮಿನ್ದ್ರಗ್ಗ್॑ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿನ್ದ್ರಃ॑ ॥ 13 ॥

ಮಾ ತೇ॑ ಅ॒ಸ್ಯಾಗ್ಂ ಸ॑ಹಸಾವ॒-ನ್ಪರಿ॑ಷ್ಟಾ ವ॒ಘಾಯ॑ ಭೂಮ ಹರಿವಃ ಪರಾ॒ದೈ ।
ತ್ರಾಯ॑ಸ್ವನೋ ಽವೃ॒ಕೇಭಿ॒-ರ್ವರೂ॑ಥೈ॒ ಸ್ತವ॑ ಪ್ರಿ॒ಯಾಸ॑ ಸ್ಸೂ॒ರಿಷು॑ ಸ್ಯಾಮ । ಅನ॑ವಸ್ತೇ॒ ರಥ॒ಮಶ್ವಾ॑ಯ ತಖ್ಷ॒ನ್-ತ್ವಷ್ಟಾ॒ ವಜ್ರಂ॑ ಪುರುಹೂತ ದ್ಯು॒ಮನ್ತ᳚ಮ್ ।
ಬ್ರ॒ಹ್ಮಾಣ॒ ಇನ್ದ್ರಂ॑ ಮ॒ಹಯ॑ನ್ತೋ ಅ॒ರ್ಕೈರವ॑ರ್ಧಯ॒-ನ್ನಹ॑ಯೇ॒ ಹನ್ತ॒ ವಾ ಉ॑ ।
ವೃಷ್ಣೇ॒ ಯತ್ತೇ॒ ವೃಷ॑ಣೋ ಅ॒ರ್ಕಮರ್ಚಾ॒ ನಿನ್ದ್ರ॒ ಗ್ರಾವಾ॑ಣೋ॒ ಅದಿ॑ತಿ-ಸ್ಸ॒ಜೋಷಾಃ᳚ ।
ಅ॒ನ॒ಶ್ವಾಸೋ॒ ಯೇ ಪ॒ವಯೋ॑-ಽರ॒ಥಾ ಇನ್ದ್ರೇ॑ಷಿತಾ ಅ॒ಭ್ಯವ॑ರ್ತ-ನ್ತ॒ದಸ್ಯೂನ್॑ ॥ 14 (3) ॥
(ತೈ. ಅರ. 6.1.9; ತೈ. ಸಂ. 1.4.41.1; ತೈ. ಸಂ. 1.4.42.1)

ಯತ॑ ಇನ್ದ್ರ॒ ಭಯಾ॑ಮಹೇ॒ ತತೋ॑ ನೋ॒ ಅಭ॑ಯ-ಙ್ಕೃಧಿ ।
ಮಘ॑ವನ್ ಚ್ಛ॒ಗ್ಧಿ ತವ॒ ತನ್ನ॑ ಊ॒ತಯೇ॒ ವಿದ್ವಿಷೋ॒ ವಿಮೃಧೋ॑ ಜಹಿ । ಸ್ವ॒ಸ್ತಿ॒ದಾ ವಿ॒ಶಸ್ಪತಿ॑-ರ್ವೃತ್ರ॒ಹಾ ವಿಮೃಧೋ॑ ವ॒ಶೀ । ವೃಷೇನ್ದ್ರಃ॑ ಪು॒ರ ಏ॑ತು ನ ಸ್ಸ್ವಸ್ತಿ॒ದಾ ಅ॑ಭಯ-ಙ್ಕ॒ರಃ ॥ 15ಅ ॥

ಮ॒ಹಾಗ್ಂ ಇನ್ದ್ರೋ॒ ವಜ್ರ॑ ಬಾಹು ಷ್ಷೋಡ॒ಶೀ ಶರ್ಮ॑ ಯಚ್ಛತು । ಸ್ವ॒ಸ್ತಿ ನೋ॑ ಮ॒ಘವಾ॑ ಕರೋತು॒ ಹನ್ತು॑ ಪಾ॒ಪ್ಮಾನಂ॒ ಯೋ᳚-ಽಸ್ಮಾ-ನ್ದ್ವೇಷ್ಟಿ॑ । ಸ॒ಜೋಷಾ॑ ಇನ್ದ್ರ॒ ಸಗ॑ಣೋ ಮ॒ರುದ್ಭಿ॒ ಸ್ಸೋಮಂ॑ ಪಿಬ ವೃತ್ರಹನ್ ಚ್ಛೂರ ವಿ॒ದ್ವಾನ್ । ಜ॒ಹಿ ಶತ್ರೂ॒ಗ್ಂ॒ ರಪ॒ಮೃಧೋ॑-ನುದ॒ಸ್ವಾಥಾ ಭ॑ಯ-ಙ್ಕೃಣುಹಿ ವಿ॒ಶ್ವತೋ॑ ನಃ ॥ 15ಬ್ (4) ॥

1.5 ಯೇ ದೇವಾಃ
ಯೇ ದೇ॒ವಾಃ ಪು॑ರ॒ಸ್ಸದೋ॒-ಽಗ್ನಿ ನೇ᳚ತ್ರಾ,
ದಖ್ಷಿಣ॒ಸದೋ॑ ಯ॒ಮನೇ᳚ತ್ರಾ,
ಪಶ್ಚಾ॒ಥ್ಸದ॑ ಸ್ಸವಿ॒ತೃ ನೇ᳚ತ್ರಾ,
ಉತ್ತರ॒ಸದೋ॒ ವರು॑ಣನೇತ್ರಾ,
ಉಪರಿ॒ಷದೋ॒ ಬೃಹ॒ಸ್ಪತಿ॑ ನೇತ್ರಾ,
ರಖ್ಷೋ॒ಹಣ॒ಸ್ತೇ ನಃ॑ ಪಾನ್ತು॒ ತೇ ನೋ॑-ಽವನ್ತು॒ ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ॒
-ಽಗ್ನಯೇ॑ ರಖ್ಷೋ॒ಘ್ನೇ ಸ್ವಾಹಾ॑,
ಯ॒ಮಾಯ॑ ಸವಿ॒ತ್ರೇ ,
ವರು॑ಣಾಯ॒ ಬೃಹ॒ಸ್ಪತ॑ಯೇ॒
ದುವ॑ಸ್ವತೇ ರಖ್ಷೋ॒ಘ್ನೇ ಸ್ವಾಹಾ᳚ ॥ 16 (5) ॥

1.6 ಯೇ ದೇವಾಃ (ಅನುಷಙ್ಗಂ)
ಯೇ ದೇ॒ವಾಃ ಪು॑ರ॒ಸ್ಸದೋ॒-ಽಗ್ನಿ ನೇ᳚ತ್ರಾ ರಖ್ಷೋ॒ಹಣ॒ಸ್ತೇನಃ॑ ಪಾನ್ತು॒ ತೇ ನೋ॑-ಽವನ್ತು॒
ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ᳚ । ಯೇ ದೇ॒ವಾ ದ॑ಖ್ಷಿಣ॒ಸದೋ॑ ಯ॒ಮ ನೇ᳚ತ್ರಾ ರಖ್ಷೋ॒ಹಣ॒ಸ್ತೇನಃ॑ ಪಾನ್ತು॒ ತೇ ನೋ॑-ಽವನ್ತು॒
ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ᳚ । ಯೇ ದೇ॒ವಾಃ ಪ॑ಶ್ಚಾ॒ಥ್ಸದ॑ ಸ್ಸವಿ॒ತೃ ನೇ᳚ತ್ರಾ ರಖ್ಷೋ॒ಹಣ॒ಸ್ತೇನಃ॑ ಪಾನ್ತು॒ ತೇ ನೋ॑-ಽವನ್ತು॒ ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ᳚ । ಯೇ ದೇ॒ವಾ ಉ॑ತ್ತರ॒ಸದೋ॒ ವರು॑ಣನೇತ್ರಾ ರಖ್ಷೋ॒ಹಣ॒ಸ್ತೇನಃ॑ ಪಾನ್ತು॒ ತೇ ನೋ॑-ಽವನ್ತು॒
ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ᳚ । ಯೇ ದೇ॒ವಾ ಉ॑ಪರಿ॒ಷದೋ॒ ಬೃಹ॒ಸ್ಪತಿ॑ ನೇತ್ರಾ ರಖ್ಷೋ॒ಹಣ॒ಸ್ತೇನಃ॑ ಪಾನ್ತು॒ ತೇ ನೋ॑-ಽವನ್ತು॒ ತೇಭ್ಯೋ॒ ನಮ॒ಸ್ತೇಭ್ಯ॒ ಸ್ಸ್ವಾಹಾ᳚ । ಅಗ್ನಯೇ॑ ರಖ್ಷೋ॒ಘ್ನೇ ಸ್ವಾಹಾ᳚ । ಯ॒ಮಾಯ॑ ರಖ್ಷೋ॒ಘ್ನೇ ಸ್ವಾಹಾ᳚ । ಸವಿ॒ತ್ರೇ ರ॑ಖ್ಷೋ॒ಘ್ನೇ ಸ್ವಾಹಾ᳚ । ವರು॑ಣಾಯ ರಖ್ಷೋ॒ಘ್ನೇ ಸ್ವಾಹಾ᳚ । ಬೃಹ॒ಸ್ಪತ॑ಯೇ॒ ದುವ॑ಸ್ವತೇ ರಖ್ಷೋ॒ಘ್ನೇ ಸ್ವಾಹಾ᳚ ॥ 16ಆ (5ಆ) ॥

1.7 ಆಯುಷ್ಕಾಮೇಷ್ಟಿ ಮನ್ತ್ರಾಃ
ಅ॒ಗ್ನಿರಾಯು॑ಷ್ಮಾ॒ನ್​ಥ್ಸ ವನ॒ಸ್ಪತಿ॑ಭಿ॒-ರಾಯು॑ಷ್ಮಾ॒-ನ್ತೇನ॒ತ್ವಾ-ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ॒,
ಸೋಮ॒ ಆಯು॑ಷ್ಮಾ॒ನ್​ಥ್ಸ ಓಷ॑ಧೀಭಿರ್,
ಯ॒ಜ್ಞ ಆಯು॑ಷ್ಮಾ॒ನ್​ಥ್ಸ ದಖ್ಷಿ॑ಣಾಭಿ॒ರ್,
ಬ್ರಹ್ಮಾಯು॑ಷ್ಮ॒ತ್ತ-ದ್ಬ್ರಾ᳚ಹ್ಮ॒ಣೈ-ರಾಯು॑ಷ್ಮದ್,
ದೇ॒ವಾ ಆಯು॑ಷ್ಮನ್ತ॒ಸ್ತೇ॑ ಽಮೃತೇ॒ನಾ ಯು॑ಷ್ಮನ್ತ॒ಸ್ತೇನ॒ತ್ವಾ
-ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ ॥ 17 (6) ॥

1.8 ಆಯುಷ್ಕಾಮೇಷ್ಟಿ ಮನ್ತ್ರಾಃ (ಅನುಷಙ್ಗಂ)
ಅ॒ಗ್ನಿರಾಯು॑ಷ್ಮಾ॒ನ್​ಥ್ಸ ವನ॒ಸ್ಪತಿ॑ಭಿ॒ ರಾಯು॑ಷ್ಮಾ॒-ನ್ತೇನ॒ತ್ವಾ ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ । ಸೋಮ॒ ಆಯು॑ಷ್ಮಾ॒ನ್​ಥ್ಸ ಓಷ॑ಧೀಭಿ॒ರಾಯು॑ಷ್ಮಾ॒-ನ್ತೇನ॒ತ್ವಾ
-ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ । ಯ॒ಜ್ಞ ಆಯು॑ಷ್ಮಾ॒ನ್​ಥ್ಸ ದಖ್ಷಿ॑ಣಾಭಿ॒ರಾಯು॑ಷ್ಮಾ॒-ನ್ತೇನ॒ತ್ವಾ
-ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ ।
ಬ್ರಹ್ಮಾಯು॑ಷ್ಮ॒ತ್ತ-ದ್ಬ್ರಾ᳚ಹ್ಮ॒ಣೈ-ರಾಯು॑ಷ್ಮ॒-ತ್ತೇನ॒ತ್ವಾ ಽಽಯು॒ಷಾ-ಽಽಯು॑ಷ್ಮನ್ತಂ
ಕರೋಮಿ । ದೇ॒ವಾ ಆಯು॑ಷ್ಮನ್ತ॒ಸ್ತೇ॑ ಽಮೃತೇ॒-ನಾಯು॑ಷ್ಮನ್ತ॒ಸ್ತೇನ॒ತ್ವಾ
-ಽಽಯು॒ಷಾ-ಽಽಯು॑ಷ್ಮನ್ತ-ಙ್ಕರೋಮಿ ॥ 17ಆ(6ಆ) ॥

1.9 ಅಗ್ಂಹೋಮುಚ ಮನ್ತ್ರಾಃ
ಯಾ ವಾ॑ಮಿನ್ದ್ರಾ ವರುಣಾ ಯತ॒ವ್ಯಾ॑ ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಂ॒ ,
ಁಯಾ ವಾ॑ಮಿನ್ದ್ರಾ ವರುಣಾ ಸಹ॒ಸ್ಯಾ॑, ರಖ್ಷ॒ಸ್ಯಾ॑, ತೇಜ॒ಸ್ಯಾ॑,
ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಂ॒,
ಁಯೋ ವಾ॑ಮಿನ್ದ್ರಾ ವರುಣಾ ವ॒ಗ್ನೌ ಸ್ರಾಮ॒ಸ್ತಂ-ವಾಁ॑ ಮೇ॒ತೇನಾ ವ॑ಯಜೇ॒,
ಯೋ ವಾ॑ಮಿನ್ದ್ರಾ ವರುಣಾ ದ್ವಿ॒ಪಾಥ್ಸು॑ ಪ॒ಶುಷು॒, ಚತು॑ಷ್ಪಾಥ್ಸು,
ಗೋ॒ಷ್ಠೇ, ಗೃ॒ಹೇ-, ಷ್ವ॒ಫ್ಸೋಷ॑ಧೀಷು॒, ವನ॒ಸ್ಪತಿ॑ಷು॒,
ಸ್ರಾಮ॒ಸ್ತಂ-ವಾಁ॑ ಮೇ॒ತೇನಾ ವ॑ಯಜೇ ॥ 18 (7) ॥

1.10 ಅಗ್ಂಹೋಮುಚ ಮನ್ತ್ರಾಃ (ಅನುಷಙ್ಗಂ)
ಯಾ ವಾ॑ಮಿನ್ದ್ರಾ ವರುಣಾ ಯತ॒ವ್ಯಾ॑ ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಮ್ ।
ಯಾ ವಾ॑ಮಿನ್ದ್ರಾ ವರುಣಾ ಸಹ॒ಸ್ಯಾ॑ ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಮ್ ।
ಯಾ ವಾ॑ಮಿನ್ದ್ರಾ ವರುಣಾ ರಖ್ಷ॒ಸ್ಯಾ॑ ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಮ್ । ಯಾ ವಾ॑ಮಿನ್ದ್ರಾ ವರುಣಾ ತೇಜ॒ಸ್ಯಾ॑ ತ॒ನೂಸ್ತಯೇ॒ ಮಮಗ್ಂಹ॑ಸೋ ಮುಞ್ಚತಮ್ ।
ಯೋ ವಾ॑ಮಿನ್ದ್ರಾ ವರುಣಾ ವ॒ಗ್ನೌ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರುಣಾ ದ್ವಿ॒ಪಾಥ್ಸು॑ ಪ॒ಶುಷು॒ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರುಣಾ॒ ಚತು॑ಷ್ಪಾಥ್ಸು ಪ॒ಶುಷು॒ (ಚತು॑ಷ್ಪಾಥ್ಸು॒)ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ । ಯೋ ವಾ॑ಮಿನ್ದ್ರಾ ವರುಣಾ ಗೋ॒ಷ್ಠೇ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರುಣಾ ಗೃ॒ಹೇಷು॒ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರುಣಾ॒-ಽಫ್ಸು ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರು॒ಣೌಷ॑ಧೀಷು॒ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ।
ಯೋ ವಾ॑ಮಿನ್ದ್ರಾ ವರುಣಾ॒ ವನ॒ಸ್ಪತಿ॑ಷು॒ ಸ್ರಾಮ॒ಸ್ತಂ-ವಾಁ॑ಮೇ॒ ತೇನಾ ವ॑ಯಜೇ ॥ (18ಆ) (7ಆ)

1.11 ಶಾಸ್ತೃ ಸೂಕ್ತಂ (ಆಪ್ಯಂ)
ಅಗ್ನೇ॑ ಯಶಸ್ವಿ॒ನ್॒. ಯಶ॑ಸೇ॒ ಮಮ॑ರ್ಪ॒ಯೇನ್ದ್ರಾ॑ವತೀ॒ ಮಪ॑ಚಿತೀ ಮಿ॒ಹಾವ॑ಹ । ಅ॒ಯ-ಮ್ಮೂ॒ರ್ಧಾ ಪ॑ರಮೇ॒ಷ್ಠೀ ಸು॒ವರ್ಚಾ᳚-ಸ್ಸಮಾ॒ನಾನಾ॑ ಮುತ್ತ॒ಮ ಶ್ಲೋ॑ಕೋ ಅಸ್ತು । ಭ॒ದ್ರ-ಮ್ಪಶ್ಯ॑ನ್ತ॒ ಉಪ॑ಸೇದು॒ರಗ್ರೇ॒ ತಪೋ॑ ದೀ॒ಖ್ಷಾ ಮೃಷ॑ಯ ಸ್ಸುವ॒ರ್ವಿದಃ॑ । ತತಃ॑, ಖ್ಷ॒ತ್ರ-ಮ್ಬಲ॒ಮೋಜ॑ಶ್ಚ ಜಾ॒ತ-ನ್ತದ॒ಸ್ಮೈ ದೇ॒ವಾ ಅ॒ಭಿಸನ್ನ॑-ಮನ್ತು । ಧಾ॒ತಾ ವಿ॑ಧಾ॒ತಾ ಪ॑ರ॒ಮೋತ ಸ॒ನ್ದೃ-ಕ್ಪ್ರ॒ಜಾಪ॑ತಿಃ ಪರಮೇ॒ಷ್ಠೀ ವಿ॒ರಾಜಾ᳚ । ಸ್ತೋಮಾ॒-ಶ್ಚನ್ದಾಗ್ಂ॑ಸಿ ನಿ॒ವಿದೋ॑ಮ ಆಹುರೇ॒ತಸ್ಮೈ॑ ರಾ॒ಷ್ಟ್ರಮ॒ಭಿ-ಸನ್ನ॑ಮಾಮ । ಅ॒ಭ್ಯಾವ॑ರ್ತದ್ಧ್ವ॒-ಮುಪ॒ಮೇತ॑ ಸಾ॒ಕಮ॒ಯಗ್ಂ ಶಾ॒ಸ್ತಾ-ಽಧಿ॑ಪತಿರ್ವೋ ಅಸ್ತು । ಅ॒ಸ್ಯ ವಿ॒ಜ್ಞಾನ॒ಮನು॒ಸಗ್ಂ-ರ॑ಭದ್ಧ್ವಮಿ॒ಮ-ಮ್ಪ॒ಶ್ಚಾದನು॑ ಜೀವಾಥ॒ ಸರ್ವೇ᳚ ॥ 19 (8) ॥

1.12 ರಾಷ್ಟ್ರಭೃತಂ
ಋ॒ತಾ॒ಷಾ-ಡೃ॒ತಧಾ॑ಮಾ॒-ಽಗ್ನಿ-ರ್ಗ॑ನ್ಧ॒ರ್ವಸ್ತ-ಸ್ಯೌಷ॑ಧಯೋ-ಽಫ್ಸ॒ರಸ॒
ಊರ್ಜೋ॒ ನಾಮ॒ ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒
ತಸ್ಮೈ॒ ಸ್ವಾಹಾ॒ ತಾಭ್ಯ॒ ಸ್ಸ್ವಾಹಾ॑ ,
ಸಗ್ಂಹಿ॒ತೋ ವಿ॒ಶ್ವಸಾ॑ಮಾ॒ ಸೂರ್ಯೋ॑ ಗನ್ಧ॒ರ್ವ-ಸ್ತಸ್ಯ॒ ಮರೀ॑ಚಯೋ-ಽಫ್ಸ॒ರಸ॑ ಆ॒ಯುವ॑ ,
ಸ್ಸುಷು॒ಮ್ನ ಸ್ಸೂರ್ಯ॑ ರಶ್ಮಿ-ಶ್ಚ॒ನ್ದ್ರಮಾ॑ ಗನ್ಧ॒ರ್ವ-ಸ್ತಸ್ಯ॒ ನಖ್ಷ॑ತ್ರಾಣ್ಯ-
ಫ್ಸ॒ರಸೋ॑ ಬೇ॒ಕುರ॑ಯೋ,
ಭು॒ಜ್ಯುಸ್ಸು॑ಪ॒ರ್ಣೋ ಯ॒ಜ್ಞೋ ಗ॑ನ್ಧ॒ರ್ವ-ಸ್ತಸ್ಯ॒ ದಖ್ಷಿ॑ಣಾ ಅಫ್ಸ॒ರಸ॑ ಸ್ತ॒ವಾಃ,
ಪ್ರ॒ಜಾಪ॑ತಿ-ರ್ವಿ॒ಶ್ವಕ॑ರ್ಮಾ॒ ಮನೋ॑ ಗನ್ಧ॒ರ್ವಸ್ತಸ್ಯ॑-ರ್ಖ್ಸಾ॒ಮಾನ್ಯ॑-ಫ್ಸ॒ರಸೋ॒ ವಹ್ನ॑ಯ,
ಇಷಿ॒ರೋ ವಿ॒ಶ್ವ ವ್ಯ॑ಚಾ॒ ವಾತೋ॑ ಗನ್ಧ॒ರ್ವ-ಸ್ತಸ್ಯಾಪೋ᳚ ಽಫ್ಸ॒ರಸೋ॑ ಮು॒ದಾ,
ಭುವ॑ನಸ್ಯ ಪತೇ॒ ಯಸ್ಯ॑ತ ಉ॒ಪರಿ॑ ಗೃ॒ಹಾ ಇ॒ಹ ಚ॑ ।

ಸ ನೋ॑ ರಾ॒ಸ್ವಾಜ್ಯಾ॑ನಿಗ್ಂ ರಾ॒ಯಸ್ಪೋಷಗ್ಂ॑ ಸು॒ವೀರ್ಯಗ್ಂ॑ ಸಂ​ವಁಥ್ಸ॒ರೀಣಾಗ್॑ ಸ್ವ॒ಸ್ತಿಮ್ ।
ಪ॒ರ॒ಮೇ॒ಷ್ಠ್ಯಧಿ॑ಪತಿ-ರ್ಮೃ॒ತ್ಯು-ರ್ಗ॑ನ್ಧ॒ರ್ವ-ಸ್ತಸ್ಯ॒ ವಿಶ್ವ॑ಮಫ್ಸ॒ರಸೋ॒ ಭುವ॑,
ಸ್ಸುಖ್ಷಿ॒ಥಿ- ಸ್ಸುಭೂ॑ತಿ-ರ್ಭದ್ರ॒ಕೃ-ಥ್ಸುವ॑ರ್ವಾ-ನ್ಪ॒ರ್ಜನ್ಯೋ॑ ಗನ್ಧ॒ರ್ವ-ಸ್ತಸ್ಯ॑
ವಿ॒ದ್ಯುತೋ᳚ ಽಫ್ಸ॒ರಸೋ॒ ರುಚೋ॑,
ದೂ॒ರೇ ಹೇ॑ತಿರ-ಮೃಡ॒ಯೋ ಮೃ॒ತ್ಯು-ರ್ಗ॑ನ್ಧ॒ರ್ವ-ಸ್ತಸ್ಯ॑ ಪ್ರ॒ಜಾ ಅ॑ಫ್ಸ॒ರಸೋ॑ ಭೀ॒ರುವಃ॒,

ಚಾರುಃ॑ ಕೃಪಣ ಕಾ॒ಶೀ ಕಾಮೋ॑ ಗನ್ಧ॒ರ್ವ-ಸ್ತಸ್ಯಾ॒ಧಯೋ᳚ ಽಫ್ಸ॒ರಸ॑ ಶ್ಶಾ॒ಚಯ॑ನ್ತೀ॒ರ್,
ನಾಮ॒ ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಸ್ಮೈ॒ ಸ್ವಾಹಾ॒
ತಾಭ್ಯ॒ ಸ್ಸ್ವಾಹಾ॒,
ಸ ನೋ॑ ಭುವನಸ್ಯ ಪತೇ॒ ಯಸ್ಯ॑ತ ಉ॒ಪರಿ॑ ಗೃ॒ಹಾ ಇ॒ಹ ಚ॑ । ಉ॒ರು ಬ್ರಹ್ಮ॑ಣೇ॒-ಽಸ್ಮೈ ಖ್ಷ॒ತ್ರಾಯ॒ ಮಹಿ॒ ಶರ್ಮ॑ ಯಚ್ಛ ॥ 20 (9) ॥

1.13 ರಾಷ್ಟ್ರಭೃತಂ (ಅನುಷಙ್ಗಂ)
ಋ॒ತಾ॒ಷಾ-ಡೃ॒ತಧಾ॑ಮಾ॒-ಽಗ್ನಿ-ರ್ಗ॑ನ್ಧ॒ರ್ವಸ್ಸ-ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯೌಷ॑ಧಯೋ-ಽಫ್ಸ॒ರಸ॒ ಊರ್ಜೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ಸಗ್ಂಹಿ॒ತೋ ವಿ॒ಶ್ವಸಾ॑ಮಾ॒ ಸೂರ್ಯೋ॑ ಗನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯ॒ ಮರೀ॑ಚಯೋ-ಽಫ್ಸ॒ರಸ॑ ಆ॒ಯುವೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ಸುಷು॒ಮ್ನಸ್ಸೂರ್ಯ॑-ರಶ್ಮಿಶ್ಚ॒ನ್ದ್ರಮಾ॑ ಗನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯ॒ ನಖ್ಷ॑ತ್ರಾಣ್ಯ ಽಫ್ಸ॒ರಸೋ॑ ಬೇ॒ಕುರ॑ಯೋ॒ ನಾಮ॒ ತಾ
ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ಭು॒ಜ್ಯುಸ್ಸು॑ಪ॒ರ್ಣೋ ಯ॒ಜ್ಞೋ ಗ॑ನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒ ತಸ್ಮೈ॒ ಸ್ವಾಹಾ᳚ । ತಸ್ಯ॒ ದಖ್ಷಿ॑ಣಾ ಅಫ್ಸ॒ರಸ॑ ಸ್ತ॒ವಾ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ಪ್ರ॒ಜಾಪ॑ತಿ-ರ್ವಿ॒ಶ್ವಕ॑ರ್ಮಾ॒ ಮನೋ॑ ಗನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯ॑ರ್​-ಖ್ಸಾ॒ಮಾನ್ಯ॑-ಽಫ್ಸ॒ರಸೋ॒ ವಹ್ನ॑ಯೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥

ಇಷಿ॒ರೋ ವಿ॒ಶ್ವವ್ಯ॑ಚಾ॒ ವಾತೋ॑ ಗನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯಾಪೋ᳚-ಽಫ್ಸ॒ರಸೋ॑ ಮು॒ದಾ ನಾಮ॒ ತಾ ಇ॒ದ-ಮ್ಬ್ರಹ್ಮ॑
ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥ ಭುವ॑ನಸ್ಯ ಪತೇ॒ ಯಸ್ಯ॑ತ ಉ॒ಪರಿ॑ ಗೃ॒ಹಾ ಇ॒ಹ ಚ॑ ।
ಸ ನೋ॑ ರಾ॒ಸ್ವಾಜ್ಯಾ॑ನಿಗ್ಂ ರಾ॒ಯಸ್ಪೋಷಗ್ಂ॑ ಸು॒ವೀರ್ಯಗ್ಂ॑ ಸಂ​ವಁಥ್ಸ॒ರೀಣಾಗ್॑
ಸ್ವ॒ಸ್ತಿಗ್ಗ್​ ಸ್ವಾಹಾ᳚ ॥
ಪ॒ರ॒ಮೇ॒ಷ್ಠ್ಯಧಿ॑ಪತಿ-ರ್ಮೃ॒ತ್ಯು-ರ್ಗ॑ನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯ॒ ವಿಶ್ವ॑ಮಫ್ಸ॒ರಸೋ॒ ಭುವೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ಸುಖ್ಷಿ॒ಥಿ-ಸ್ಸುಭೂ॑ತಿ-ರ್ಭದ್ರ॒ಕೃ-ಥ್ಸುವ॑ರ್ವಾ-ನ್ಪ॒ರ್ಜನ್ಯೋ॑ ಗನ್ಧ॒ರ್ವಸ್ಸ
ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒ ತಸ್ಮೈ॒ ಸ್ವಾಹಾ᳚ । ತಸ್ಯ ॑ವಿ॒ಧ್ಯುತೋ᳚-ಽಫ್ಸ॒ರಸೋ॒ ರುಚೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥
ದೂ॒ರೇ ಹೇ॑ತಿರ ಮೃಡ॒ಯೋ ಮೃ॒ತ್ಯು-ರ್ಗ॑ನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯ॑ ಪ್ರ॒ಜಾ ಅ॑ಫ್ಸ॒ರಸೋ॑ ಭೀ॒ರುವೋ॒ ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥ ಚಾರುಃ॑ ಕೃಪಣ ಕಾ॒ಶೀ ಕಾಮೋ॑ ಗನ್ಧ॒ರ್ವಸ್ಸ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ॑ತು॒
ತಸ್ಮೈ॒ ಸ್ವಾಹಾ᳚ । ತಸ್ಯಾ॒ಧಯೋ᳚ ಽಫ್ಸ॒ರಸ॑ ಶ್ಶೋ॒ಚಯ॑ನ್ತಿ॒-ರ್ನಾಮ॒ ತಾ ಇ॒ದ-ಮ್ಬ್ರಹ್ಮ॑ ಖ್ಷ॒ತ್ರ-ಮ್ಪಾ᳚ನ್ತು॒ ತಾಭ್ಯ॒ ಸ್ಸ್ವಾಹಾ᳚ ॥

ಸ ನೋ॑ ಭುವನಸ್ಯಪತೇ॒ ಯಸ್ಯ॑ತ ಉ॒ಪರಿ॑ ಗೃ॒ಹಾ ಇ॒ಹ ಚ॑ ।ಉ॒ರು ಬ್ರಹ್ಮ॑ಣೇ॒-ಽಸ್ಮೈ ಖ್ಷ॒ತ್ರಾಯ॒ ಮಹಿ॒ ಶರ್ಮ॑ ಯಚ್ಛ॒ ಸ್ವಾಹಾ᳚ ॥ (20ಆ) (9ಆ)

1.14 ಸರ್ಪ ಸೂಕ್ತಂ
ನಮೋ॑ ಅಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀ ಮನು॑ । ಯೇ ಅ॒ನ್ತರಿ॑ಖ್ಷೇ॒ ಯೇ ದಿ॒ವಿ ತೇಭ್ಯ॑ ಸ್ಸ॒ರ್ಪೇಭ್ಯೋ॒ ನಮಃ॑ । ಯೇ॑-ಽದೋ ರೋ॑ಚ॒ನೇ ದಿ॒ವೋ ಯೇ ವಾ॒ ಸೂರ್ಯ॑ಸ್ಯ ರ॒ಶ್ಮಿಷು॑ । ಯೇಷಾ॑ಮ॒ಫ್ಸು ಸದಃ॑ ಕೃ॒ತ-ನ್ತೇಭ್ಯ॑ ಸ್ಸ॒ರ್ಪೇಭ್ಯೋ॒ ನಮಃ॑ । ಯಾ ಇಷ॑ವೋ ಯಾತು॒ ಧಾನಾ॑ನಾಂ॒ ಁಯೇ ವಾ॒ ವನ॒ಸ್ಪತೀ॒ಗ್ಂ॒ ರನು॑ । ಯೇ ವಾ॑-ಽವ॒ಟೇಷು॒ ಶೇರ॑ತೇ॒ ತೇಭ್ಯ॑ ಸ್ಸ॒ರ್ಪೇಭ್ಯೋ॒ ನಮಃ॑ ॥ 21 (10) ॥

1.15 ಪಞ್ಚಚೋಡಾಃ
ಅ॒ಯ-ಮ್ಪು॒ರೋ ಹರಿ॑ಕೇಶ॒ ಸ್ಸೂರ್ಯ॑ರಶ್ಮಿ॒-ಸ್ತಸ್ಯ॑ ರಥಗೃ॒ಥ್ಸಶ್ಚ॒ ರಥೌ॑ಜಾಶ್ಚ ಸೇನಾನಿ
ಗ್ರಾಮ॒ಣ್ಯೌ॑ ಪುಞ್ಜಿಕಸ್ಥ॒ಲಾ ಚ॑ ಕೃತಸ್ಥ॒ಲಾ ಚಾ᳚ಫ್ಸ॒ರಸೌ॑ ಯಾತು॒ ಧಾನಾ॑ ಹೇ॒ತೀ ರಖ್ಷಾಗ್ಂ॑ಸಿ॒ ಪ್ರಹೇ॑ತಿ ,
ರ॒ಯ-ನ್ದ॑ಖ್ಷಿ॒ಣಾ ವಿ॒ಶ್ವ ಕ॑ರ್ಮಾ॒ ತಸ್ಯ॑ ರಥ ಸ್ವ॒ನಶ್ಚ॒ ರಥೇ॑-ಚಿತ್ರಶ್ಚ ಸೇನಾನಿ
ಗ್ರಾಮ॒ಣ್ಯೌ॑ ಮೇನ॒ಕಾ ಚ॑ ಸಹಜ॒ನ್ಯಾ ಚಾ᳚-ಽಫ್ಸ॒ರಸೌ॑ ದಂ॒ಷ್ಣವಃ॑ ಪ॒ಶವೋ॑ ಹೇ॒ತಿಃ ಪೌರು॑ಷೇಯೋ ವ॒ಧಃ ಪ್ರಹೇ॑ತಿ,
ರ॒ಯ-ಮ್ಪ॒ಶ್ಚಾ-ದ್ವಿ॒ಶ್ವ-ವ್ಯ॑ಚಾ॒ ಸ್ತಸ್ಯ॒ ರಥ॑ ಪ್ರೋತ॒ಶ್ಚಾ-ಸ॑ಮರಥಶ್ಚ ಸೇನಾನಿ
ಗ್ರಾಮ॒ಣ್ಯೌ᳚ ಪ್ರ॒ಮ್ಲೋಚ॑ನ್ತೀ ಚಾ ನು॒ಮ್ಲೋಚ॑ನ್ತೀ-ಚಾ-ಽಫ್ಸ॒ರಸೌ॑ ಸ॒ರ್ಪಾ ಹೇ॒ತಿ-ರ್
ವ್ಯಾ॒ಘ್ರಾಃ ಪ್ರಹೇ॑ತಿ,
ರ॒ಯ ಮು॑ತ್ತ॒ರಾ-ಥ್ಸಂ॒​ಯಁದ್ವ॑ಸು॒ಸ್ತಸ್ಯ॑ ಸೇನ॒ಜಿಚ್ಚ॑ ಸು॒ಷೇಣ॑ಶ್ಚ ಸೇನಾನಿ ಗ್ರಾಮ॒ಣ್ಯೌ॑
ವಿ॒ಶ್ವಾಚೀ॑ಚ ಘೃ॒ತಾಚೀ॑ ಚಾ-ಫ್ಸ॒ರಸಾ॒ ವಾಪೋ॑ ಹೇ॒ತಿ-ರ್ವಾತಃ॒ ಪ್ರಹೇ॑ತಿ ,
ರ॒ಯ-ಮು॒ಪರ್ಯ॒-ರ್ವಾಗ್ವ॑-ಸು॒ಸ್ತಸ್ಯ॒ ತಾರ್ಖ್ಷ್ಯ॒-ಶ್ಚಾರಿ॑ಷ್ಟ-ನೇಮಿಶ್ಚ ಸೇನಾನಿ ಗ್ರಾಮ॒ಣ್ಯಾ॑
ವು॒ರ್ವಶೀ॑ ಚ ಪೂ॒ರ್ವಚಿ॑ತ್ತಿಶ್ಚಾ-ಫ್ಸ॒ರಸೌ॑ ವಿ॒ದ್ಯುದ್ಧೇ॒ತಿ-ರ॑ವ॒ಸ್ಪೂರ್ಜ॒-ನ್ಪ್ರಹೇ॑ತಿ॒ ,
ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒
ಜಮ್ಭೇ॑ ದಧಾಮಿ ॥ 22 (11) ॥

1.16 ಪಞ್ಚಚೋಡಾಃ (ಅನುಷಙ್ಗಂ)
ಅ॒ಯ-ಮ್ಪು॒ರೋ ಹರಿ॑ಕೇಶ॒ ಸ್ಸೂರ್ಯ॑ರಶ್ಮಿ॒-ಸ್ತಸ್ಯ॑ ರಥಗೃ॒ಥ್ಸಶ್ಚ॒ ರಥೌ॑ಜಾಶ್ಚ ಸೇನಾನಿ ಗ್ರಾಮ॒ಣ್ಯೌ॑ ಪುಞ್ಜಿಕಸ್ಥ॒ಲಾ ಚ॑ ಕೃತಸ್ಥ॒ಲಾ ಚಾ᳚ಫ್ಸ॒ರಸೌ॑ ಯಾತು॒ಧಾನಾ॑ ಹೇ॒ತೀ ರಖ್ಷಾಗ್ಂ॑ಸಿ॒ ಪ್ರಹೇ॑ತಿ॒ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥

ಅ॒ಯ-ನ್ದ॑ಖ್ಷಿ॒ಣಾ ವಿ॒ಶ್ವಕ॑ರ್ಮಾ॒ ತಸ್ಯ॑ ರಥಸ್ವ॒ನಶ್ಚ॒ ರಥೇ॑ ಚಿತ್ರಶ್ಚ ಸೇನಾನಿ
ಗ್ರಾಮ॒ಣ್ಯೌ॑ ಮೇನ॒ಕಾ ಚ॑ ಸಹಜ॒ನ್ಯಾ ಚಾ᳚ಫ್ಸ॒ರಸೌ॑ ದಂ॒ಷ್ಣವಃ॑ ಪ॒ಶವೋ॑
ಹೇ॒ತಿಃ ಪೌರು॑ಷೇಯೋ ವ॒ಧಃ ಪ್ರಹೇ॑ತಿ॒ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇ
ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥

ಅ॒ಯ-ಮ್ಪ॒ಶ್ಚಾ-ದ್ವಿ॒ಶ್ವ ವ್ಯ॑ಚಾ॒-ಸ್ತಸ್ಯ॒ ರಥ॑ಪ್ರೋತ॒ಶ್ಚಾ-ಸ॑ಮರಥಶ್ಚ ಸೇನಾನಿ ಗ್ರಾಮ॒ಣ್ಯೌ᳚ ಪ್ರ॒ಮ್ಲೋಚ॑ನ್ತೀಚಾ ನು॒ಮ್ಲೋಚ॑ನ್ತೀ-ಚಾಫ್ಸ॒ರಸೌ॑ ಸ॒ರ್ಪಾ ಹೇ॒ತಿ-ರ್ವ್ಯಾ॒ಘ್ರಾಃ ಪ್ರಹೇ॑ತಿ॒ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥

ಅ॒ಯ-ಮು॑ತ್ತ॒ರಾ-ಥ್ಸಂ॒​ಯಁದ್ವ॑ಸು॒ಸ್ತಸ್ಯ॑ ಸೇನ॒ಜಿಚ್ಚ॑ ಸು॒ಷೇಣ॑ಶ್ಚ ಸೇನಾನಿ
ಗ್ರಾಮ॒ಣ್ಯೌ॑ ವಿ॒ಶ್ವಾಚೀ॑ಚ ಘೃ॒ತಾಚೀ॑ಚಾ-ಫ್ಸ॒ರಸಾ॒ ವಾಪೋ॑ ಹೇ॒ತಿ-ರ್ವಾತಃ॒
ಪ್ರಹ॑ತಿ॒ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒
ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥
ಅ॒ಯಮು॒ಪರ್ಯ॒-ರ್ವಾಗ್ವ॑ಸು॒ಸ್ತಸ್ಯ॒ ತಾರ್ಖ್ಷ್ಯ॒-ಶ್ಚಾರಿ॑ಷ್ಟ-ನೇಮಿಶ್ಚ ಸೇನಾನಿ
ಗ್ರಾಮ॒ಣ್ಯಾ॑ ವು॒ರ್ವಶೀ॑ ಚ ಪೂ॒ರ್ವಚಿ॑ತ್ತಿ-ಶ್ಚಾಫ್ಸ॒ರಸೌ॑ ವಿ॒ದ್ಯುದ್ಧೇ॒ತಿರ॑-
ವ॒ಸ್ಪೂರ್ಜ॒-ನ್ಪ್ರಹೇ॑ತಿ॒ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒
ತಂ-ವೋಁ॒ ಜಮ್ಭೇ॑ ದಧಾಮಿ ॥ 22ಆ(11ಆ) ॥

1.17 ಅಪ್ರತಿರಥಃ
ಆ॒ಶು-ಶ್ಶಿಶಾ॑ನೋ ವೃಷ॒ಭೋ ನ ಯು॒ಧ್ಮೋ ಘ॑ನಾಘ॒ನಃ, ಖ್ಷೋಭ॑ಣ-ಶ್ಚರ್​ಷಣೀ॒ನಾಮ್ । ಸ॒ಙ್ಕ್ರನ್ದ॑ನೋ-ಽನಿಮಿ॒ಷ ಏ॑ಕ ವೀ॒ರಶ್ಶ॒ತಗ್ಂ
ಸೇನಾ॑ ಅಜಯಥ್ಸಾ॒ಕಮಿನ್ದ್ರಃ॑ । ಸ॒ಙ್ಕ್ರನ್ದ॑ನೇನಾ ನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ᳚ । ತದಿನ್ದ್ರೇ॑ಣ ಜಯತ॒ ತ-ಥ್ಸ॑ಹಧ್ವಂ॒ ಁಯುಧೋ॑ ನರ॒ ಇಷು॑ ಹಸ್ತೇನ॒ ವೃಷ್ಣಾ᳚ । ಸ ಇಷು॑ಹಸ್ತೈ॒-ಸ್ಸ ನಿ॑ಷ॒ಙ್ಗಿಭಿ॑ರ್ವ॒ಶೀ ಸಗ್ಗ್​ ಸ್ರ॑ಷ್ಟಾ॒ ಸ ಯುಧ॒ ಇನ್ದ್ರೋ॑ ಗ॒ಣೇನ॑ । ಸ॒ಗ್ಂ॒ಸೃ॒ಷ್ಟ॒ಜಿ-ಥ್ಸೋ॑ಮ॒ಪಾ ಬಾ॑ಹು ಶ॒ರ್ಧ್ಯೂ᳚ರ್ಧ್ವ ಧ॑ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ᳚ । ಬೃಹ॑ಸ್ಪತೇ॒ ಪರಿ॑ದೀಯಾ॒ ರಥೇ॑ನ ರಖ್ಷೋ॒ಹಾ ಽಮಿತ್ರಾಗ್ಂ॑ ಅಪ॒ ಬಾಧ॑ಮಾನಃ ॥ 23 ॥

ಪ್ರ॒ಭ॒ಞ್ಜನ್-ಥ್ಸೇನಾಃ᳚ ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑-ಮೇಧ್ಯವಿ॒ತಾ ರಥಾ॑ನಾಮ್ । ಗೋ॒ತ್ರ॒ಭಿದಂ॑ ಗೋ॒ವಿದಂ॒ ಁವಜ್ರ॑ಬಾಹುಂ॒ ಜಯ॑ನ್ತ॒ಮಜ್ಮ॑ ಪ್ರಮೃ॒ಣನ್ತ॒-ಮೋಜ॑ಸಾ । ಇ॒ಮಗ್ಂ ಸ॑ಜಾತಾ॒ ಅನು॑ವೀರ-ಯಧ್ವ॒ ಮಿನ್ದ್ರಗ್ಂ॑ ಸಖಾ॒ಯೋ-ಽನು॒ ಸಗ್ಂ ರ॑ಭಧ್ವಮ್ । ಬ॒ಲ॒ವಿ॒ಜ್ಞಾ॒ಯ-ಸ್ಸ್ಥವಿ॑ರಃ॒ ಪ್ರವೀ॑ರ॒-ಸ್ಸಹ॑ಸ್ವಾನ್. ವಾ॒ಜೀ ಸಹ॑ಮಾನ ಉ॒ಗ್ರಃ । ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿನ್ದ್ರ॒ ರಥ॒ಮಾತಿ॑ಷ್ಠ ಗೋ॒ವಿತ್ ॥ 24 ॥

ಅ॒ಭಿಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋ-ಽದಾ॒ಯೋ ವೀ॒ರಶ್ಶ॒ತಮ॑ನ್ಯು॒ರಿನ್ದ್ರಃ॑ । ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಡ॑ ಯು॒ಧ್ಯೋ᳚-ಸ್ಮಾಕ॒ಗ್ಂ॒ ಸೇನಾ॑ ಅವತು॒ ಪ್ರಯು॒ಥ್ಸು । ಇನ್ದ್ರ॑ ಆಸಾಂ-ನೇ॒ತಾ ಬೃಹ॒ಸ್ಪತಿ॒-ರ್ದಖ್ಷಿ॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮಃ॑ । ದೇ॒ವ॒ಸೇ॒ನಾನಾ॑-ಮಭಿಭಞ್ಜತೀ॒ನಾ-ಞ್ಜಯ॑ನ್ತೀನಾ-ಮ್ಮ॒ರುತೋ॑ ಯ॒ನ್ತ್ವಗ್ರೇ᳚ । ಇನ್ದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾ᳚-ಮ್ಮ॒ರುತಾ॒ಗ್ಂ॒ ಶರ್ಧ॑ ಉ॒ಗ್ರಮ್ । ಮ॒ಹಾಮ॑ನಸಾ-ಮ್ಭುವನಚ್ಯ॒ವಾನಾಂ॒ ಘೋಷೋ॑ ದೇ॒ವಾನಾಂ॒ ಜಯ॑ತಾ॒ ಮುದ॑ಸ್ಥಾತ್ । ಅ॒ಸ್ಮಾಕ॒-ಮಿನ್ದ್ರ॒-ಸ್ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒ ಁಯಾ ಇಷ॑ವ॒ಸ್ತಾ ಜ॑ಯನ್ತು ॥ 25 ॥

ಅ॒ಸ್ಮಾಕಂ॑ ಁವೀ॒ರಾ ಉತ್ತ॑ರೇ ಭವನ್ತ್ವ॒ಸ್ಮಾನು॑ ದೇವಾ ಅವತಾ॒ ಹವೇ॑ಷು । ಉದ್ಧ॑ರ್​ಷಯ ಮಘವ॒-ನ್ನಾಯು॑ಧಾ॒-ನ್ನ್ಯುಥ್​ಸತ್ವ॑ನಾ-ಮ್ಮಾಮ॒ಕಾನಾಂ॒ ಮಹಾಗ್ಂ॑ಸಿ । ಉದ್ವೃ॑ತ್ರಹನ್-ವಾ॒ಜಿನಾಂ॒ ಁವಾಜಿ॑ನಾ॒ನ್ಯುದ್ರಥಾ॑ನಾಂ॒ ಜಯ॑ತಾಮೇತು॒ ಘೋಷಃ॑ । ಉಪ॒ಪ್ರೇತ॒ ಜಯ॑ತಾ ನರಸ್ಸ್ಥಿ॒ರಾ ವ॑ಸ್ಸನ್ತು ಬಾ॒ಹವಃ॑ ।
ಇನ್ದ್ರೋ॑ ವ॒-ಶ್ಶರ್ಮ॑ ಯಚ್ಛ ತ್ವನಾ-ಧೃ॒ಷ್ಯಾ ಯಥಾಸ॑ಥ । ಅವ॑ಸೃಷ್ಟಾ॒ ಪರಾ॑ಪತ॒ ಶರ॑ವ್ಯೇ॒ ಬ್ರಹ್ಮ॑ ಸಗ್ಂಶಿತಾ ॥ 26 ॥

ಗಚ್ಛಾ॒ಮಿತ್ರಾ॒-ನ್ಪ್ರವಿ॑ಶ॒ ಮೈಷಾಂ॒ ಕಞ್ಚ॒ನೋಚ್ಛಿ॑ಷಃ । ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ ಽಮೃತೇ॑ನಾ॒ಭಿ-ವ॑ಸ್ತಾಮ್ । ಉ॒ರೋರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜಯ॑ನ್ತಂ॒ ತ್ವಾಮನು॑ ಮದನ್ತು ದೇ॒ವಾಃ । ಯತ್ರ॑ ಬಾ॒ಣಾ-ಸ್ಸ॒ಮ್ಪತ॑ನ್ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ । ಇನ್ದ್ರೋ॑ ನ॒ಸ್ತತ್ರ॑ ವೃತ್ರ॒ಹಾ ವಿ॑ಶ್ವಾ॒ಹಾ ಶರ್ಮ॑ ಯಚ್ಛತು ॥ 27 (12) ॥

1.18 ಚಮಕ-ನ್ತೃತೀಯ ಅನುವಾಕಃ
ಶ-ಞ್ಚ॑ ಮೇ॒ ಮಯ॑ಶ್ಚ ಮೇ ಪ್ರಿ॒ಯ-ಞ್ಚ॑ ಮೇ-ಽನುಕಾ॒ಮಶ್ಚ॑ ಮೇ॒
ಕಾಮ॑ಶ್ಚ ಮೇ ಸೌಮನ॒ಸಶ್ಚ॑ ಮೇ ಭ॒ದ್ರ-ಞ್ಚ॑ ಮೇ॒ ಶ್ರೇಯ॑ಶ್ಚ ಮೇ॒
ವಸ್ಯ॑ಶ್ಚ ಮೇ॒ ಯಶ॑ಶ್ಚ ಮೇ॒ ಭಗ॑ಶ್ಚ ಮೇ॒ ದ್ರವಿ॑ಣ-ಞ್ಚ ಮೇ
ಯ॒ನ್ತಾ ಚ॑ ಮೇ ಧ॒ರ್ತಾ ಚ॑ ಮೇ॒ ಖ್ಷೇಮ॑ಶ್ಚ ಮೇ॒ ಧೃತಿ॑ಶ್ಚ ಮೇ॒
ವಿಶ್ವಂ॑ ಚ ಮೇ॒ ಮಹ॑ಶ್ಚ ಮೇ (28)
ಸಂ॒​ವಿಁಚ್ಚ॑ ಮೇ॒ ಜ್ಞಾತ್ರ॑-ಞ್ಚ ಮೇ॒
ಸೂಶ್ಚ॑ ಮೇ ಪ್ರ॒ಸೂಶ್ಚ॑ ಮೇ॒ ಸೀರ॑-ಞ್ಚ ಮೇ ಲ॒ಯಶ್ಚ॑ ಮ
ಋ॒ತ-ಞ್ಚ॑ ಮೇ॒-ಽಮೃತಂ॑ ಚ ಮೇ ಽಯ॒ಖ್ಷ್ಮ-ಞ್ಚ॒ ಮೇ-ಽನಾ॑ಮಯಚ್ಚ ಮೇ
ಜೀ॒ವಾತು॑ಶ್ಚ ಮೇ ದೀರ್ಘಾಯು॒ತ್ವ-ಞ್ಚ॑ ಮೇ-ಽನಮಿ॒ತ್ರ-ಞ್ಚ॒ ಮೇ-ಽಭ॑ಯ-ಞ್ಚ ಮೇ
ಸು॒ಗ-ಞ್ಚ॑ ಮೇ॒ ಶಯ॑ನ-ಞ್ಚ ಮೇ ಸೂ॒ಷಾ ಚ॑ ಮೇ ಸು॒ದಿನ॑-ಞ್ಚ ಮೇ ॥ 29 (13) ॥

1.19 ವಿಹವ್ಯಮ್
ಮಮಾ᳚ಗ್ನೇ॒ ವರ್ಚೋ॑ ವಿಹ॒ವೇಷ್ವ॑ಸ್ತು ವ॒ಯ-ನ್ತ್ವೇನ್ಧಾ॑ನಾ ಸ್ತ॒ನುವ॑-ಮ್ಪುಷೇಮ ।
ಮಹ್ಯ॑-ನ್ನಮನ್ತಾ-ಮ್ಪ್ರ॒ದಿಶ॒ಶ್ಚತ॑ಸ್ರ॒ ಸ್ತ್ವಯಾ-ಽದ್ಧ್ಯ॑ಖ್ಷೇಣ॒ ಪೃತ॑ನಾ ಜಯೇಮ ।
ಮಮ॑ ದೇ॒ವಾ ವಿ॑ಹ॒ವೇ ಸ॑ನ್ತು॒ ಸರ್ವ॒ ಇನ್ದ್ರಾ॑ವನ್ತೋ ಮ॒ರುತೋ॒ ವಿಷ್ಣು॑ರ॒ಗ್ನಿಃ ।
ಮಮಾ॒ನ್ತರಿ॑ಖ್ಷ ಮು॒ರು ಗೋ॒ಪಮ॑ಸ್ತು॒ ಮಹ್ಯಂ॒ ಁವಾತಃ॑ ಪವತಾ॒-ಙ್ಕಾಮೇ॑ ಅ॒ಸ್ಮಿನ್ನ್ ।
ಮಯಿ॑ ದೇ॒ವಾ ದ್ರವಿ॑ಣ॒ ಮಾಯ॑ಜನ್ತಾ॒-ಮ್ಮಯ್ಯಾ॒ ಶೀರ॑ಸ್ತು॒ ಮಯಿ॑ ದೇ॒ವಹೂ॑ತಿಃ ॥ 30 ॥

ದೈವ್ಯಾ॒ ಹೋತಾ॑ರಾ ವನಿಷನ್ತ॒ ಪೂರ್ವೇ ಽರಿ॑ಷ್ಟಾ-ಸ್ಸ್ಯಾಮ ತ॒ನುವಾ॑ ಸು॒ವೀರಾಃ᳚ । ಮಹ್ಯಂ॑ ಁಯಜನ್ತು॒ ಮಮ॒ ಯಾನಿ॑ ಹ॒ವ್ಯಾ-ಽಽಕೂ॑ತಿ ಸ್ಸ॒ತ್ಯಾ ಮನ॑ಸೋ ಮೇ ಅಸ್ತು ।
ಏನೋ॒ ಮಾನಿಗಾ᳚-ಙ್ಕತ॒ಮಚ್ಚ॒ ನಾಹಂ-ವಿಁಶ್ವೇ॑ ದೇವಾಸೋ॒ ಅಧಿ॑ವೋಚ ತಾ ಮೇ ।
ದೇವೀ᳚ಷ್ಷಡು-ರ್ವೀರು॒ರುಣಃ॑ ಕೃಣೋತ॒ ವಿಶ್ವೇ॑ ದೇವಾಸ ಇ॒ಹ ವೀ॑ರಯದ್ಧ್ವಮ್ ।
ಮಾಹಾ᳚ಸ್ಮಹಿ ಪ್ರ॒ಜಯಾ॒ ಮಾ ತ॒ನೂಭಿ॒-ರ್ಮಾರ॑ಧಾಮ ದ್ವಿಷ॒ತೇ ಸೋ॑ಮರಾಜನ್ನ್ ।
ಅ॒ಗ್ನಿರ್ಮ॒ನ್ಯು-ಮ್ಪ್ರ॑ತಿನು॒ದ-ನ್ಪು॒ರಸ್ತಾ॒-ದದ॑ಬ್ಧೋ ಗೋ॒ಪಾಃ ಪರಿ॑ಪಾಹಿ ನ॒ಸ್ತ್ವಮ್ ॥ 31 ॥

ಪ್ರ॒ತ್ಯಞ್ಚೋ॑ ಯನ್ತು ನಿ॒ಗುತಃ॒ ಪುನ॒ಸ್ತೇ॑ ಽಮೈಷಾ᳚-ಞ್ಚಿ॒ತ್ತ-ಮ್ಪ್ರ॒ಬುಧಾ॒ ವಿನೇ॑ಶತ್ ।
ಧಾ॒ತಾ ಧಾ॑ತೃ॒ಣಾ-ಮ್ಭುವ॑ನಸ್ಯ॒ ಯಸ್ಪತಿ॑-ರ್ದೇ॒ವಗ್ಂ ಸ॑ವಿ॒ತಾರ॑ಮಭಿ ಮಾತಿ॒ಷಾಹ᳚ಮ್ ।
ಇ॒ಮಂ-ಯಁ॒ಜ್ಞ ಮ॒ಶ್ವಿನೋ॒ಭಾ ಬೃಹ॒ಸ್ಪತಿ॑-ರ್ದೇ॒ವಾಃ ಪಾ᳚ನ್ತು॒ ಯಜ॑ಮಾನ-ನ್ನ್ಯ॒ರ್ಥಾತ್ ।
ಉ॒ರು॒ವ್ಯಚಾ॑ ನೋ ಮಹಿ॒ಷ ಶ್ಶರ್ಮ॑ಯಗ್ಂ ಸದ॒ಸ್ಮಿನ್. ಹವೇ॑ ಪುರುಹೂ॒ತಃ ಪು॑ರು॒ಖ್ಷು ।
ಸ ನಃ॑ ಪ್ರ॒ಜಾಯೈ॑ ಹರ್ಯಶ್ವ ಮೃಡ॒ಯೇನ್ದ್ರ॒ ಮಾ ನೋ॑ ರೀರಿಷೋ॒ ಮಾ ಪರಾ॑ದಾಃ ॥ 32 ॥

ಯೇ ನ॑ ಸ್ಸ॒ಪತ್ನಾ॒ ಅಪ॒ತೇ ಭ॑ವನ್ತ್ವಿನ್ದ್ರಾ॒-ಗ್ನಿಭ್ಯಾ॒ ಮವ॑ ಬಾಧಾಮಹೇ॒ ತಾನ್ ।
ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಉ॑ಪರಿ॒ ಸ್ಪೃಶಂ॑ ಮೋ॒ಗ್ರಂ-ಚೇತ್ತಾ॑ರಮಧಿ ರಾ॒ಜಮ॑ಕ್ರನ್ನ್ ।
ಅ॒ರ್ವಾಞ್ಚ॒ ಮಿನ್ದ್ರ॑ ಮ॒ಮುತೋ॑ ಹವಾಮಹೇ॒ ಯೋ ಗೋ॒ಜಿ-ದ್ಧ॑ನ॒-ಜಿದ॑ಶ್ವ॒-ಜಿದ್ಯಃ ।
ಇ॒ಮನ್ನೋ॑ ಯ॒ಜ್ಞಂ-ವಿಁ॑ಹ॒ವೇ ಜು॑ಷಸ್ವಾ॒ಸ್ಯ ಕು॑ರ್ಮೋ ಹರಿವೋ ಮೇ॒ದಿನಂ॑ ತ್ವಾ ॥ 33 (14) ॥

1.20 ಮೃಗಾರಃ
ಅ॒ಗ್ನೇ-ರ್ಮ॑ನ್ವೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ॒ಯ-ಮ್ಪಾಞ್ಚ॑ಜನ್ಯ-ಮ್ಬ॒ಹವ॑ ಸ್ಸಮಿ॒ನ್ಧತೇ᳚ ।
ವಿಶ್ವ॑ಸ್ಯಾಂ-ವಿಁ॒ಶಿ ಪ್ರ॑ವಿವಿಶಿ॒ವಾಗ್ಂ ಸ॑ಮೀಮಹೇ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ।
ಯಸ್ಯೇ॒ದ-ಮ್ಪ್ರಾ॒ಣ-ನ್ನಿ॑ಮಿ॒ಷ-ದ್ಯದೇಜ॑ತಿ॒ ಯಸ್ಯ॑ ಜಾ॒ತ-ಞ್ಜನ॑ಮಾನ-ಞ್ಚ॒ ಕೇವ॑ಲಮ್ ।
ಸ್ತೌಮ್ಯ॒ಗ್ನಿ-ನ್ನಾ॑ಥಿ॒ತೋ ಜೋ॑ಹವೀಮಿ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ।
ಇನ್ದ್ರ॑ಸ್ಯ ಮನ್ಯೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ ವೃತ್ರ॒ಘ್ನ-ಸ್ಸ್ತೋಮಾ॒ ಉಪ॒ಮಾ ಮು॒ಪಾಗುಃ॑ ।
ಯೋ ದಾ॒ಶುಷ॑-ಸ್ಸು॒ಕೃತೋ॒ ಹವ॒ಮುಪ॒ ಗನ್ತಾ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ॥ 34 ॥

ಯ ಸ್ಸಂ॑ಗ್ರಾ॒ಮ-ನ್ನಯ॑ತಿ॒ ಸಂ​ವಁ॒ಶೀ ಯು॒ಧೇ ಯಃ ಪು॒ಷ್ಟಾನಿ॑ ಸಗ್ಂಸೃ॒ಜತಿ॑ ತ್ರ॒ಯಾಣಿ॑ । ಸ್ತೌಮೀನ್ದ್ರ॑-ನ್ನಾಥಿ॒ತೋ ಜೋ॑ಹವೀಮಿ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ । ಮ॒ನ್ವೇವಾಂ᳚ ಮಿತ್ರಾವರುಣಾ॒ ತಸ್ಯ॑ ವಿತ್ತ॒ಗ್ಂ॒ ಸತ್ಯೌ॑ಜಸಾ ದೃಗ್ಂಹಣಾ॒ ಯ-ನ್ನು॒ದೇಥೇ᳚ । ಯಾ ರಾಜಾ॑ನಗ್ಂ ಸ॒ರಥಂ॑ ಁಯಾ॒ಥ ಉ॑ಗ್ರಾ॒ ತಾ ನೋ॑ ಮುಞ್ಚತ॒ ಮಾಗ॑ಸಃ ।
ಯೋ ವಾ॒ಗ್ಂ॒ ರಥ॑ ಋ॒ಜುರ॑ಶ್ಮಿ-ಸ್ಸ॒ತ್ಯಧ॑ರ್ಮಾ॒ ಮಿಥು॒-ಶ್ಚರ॑ನ್ತ-ಮುಪ॒ಯಾತಿ॑ ದೂ॒ಷಯನ್ನ್॑ ॥ 35 ॥

ಸ್ತೌಮಿ॑ ಮಿ॒ತ್ರಾವರು॑ಣಾ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ ಮಾಗ॑ಸಃ । ವಾ॒ಯೋ-ಸ್ಸ॑ವಿ॒ತು-ರ್ವಿ॒ದಥಾ॑ನಿ ಮನ್ಮಹೇ॒ ಯಾವಾ᳚ತ್ಮ॒ನ್-ವದ್ಬಿ॑ಭೃ॒ತೋ ಯೌ
ಚ॒ ರಖ್ಷ॑ತಃ । ಯೌ ವಿಶ್ವ॑ಸ್ಯ ಪರಿ॒ಭೂ ಬ॑ಭೂ॒ವತು॒ಸ್ತೌ ನೋ॑ ಮುಞ್ಚತ॒ ಮಾಗ॑ಸಃ ।
ಉಪ॒ಶ್ರೇಷ್ಠಾ॑ನ ಆ॒ಶಿಷೋ॑ ದೇ॒ವಯೋ॒ರ್ಧರ್ಮೇ॑ ಅಸ್ಥಿರನ್ನ್ । ಸ್ತೌಮಿ॑ ವಾ॒ಯುಗ್ಂ ಸ॑ವಿ॒ತಾರ॑-ನ್ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ ಮಾಗ॑ಸಃ ।
ರ॒ಥೀತ॑ಮೌ ರಥೀ॒ನಾ ಮ॑ಹ್ವ ಊ॒ತಯೇ॒ ಶುಭ॒ಙ್ಗಮಿ॑ಷ್ಠೌ ಸು॒ಯಮೇ॑-ಭಿ॒ರಶ್ವೈಃ᳚ ॥ 36 ॥

ಯಯೋ᳚ರ್ವಾ-ನ್ದೇವೌ ದೇ॒ವೇಷ್ವ-ನಿ॑ಶಿತ॒ ಮೋಜ॒ಸ್ತೌ ನೋ॑ ಮುಞ್ಚತ॒ ಮಾಗ॑ಸಃ । ಯದಯಾ॑ತಂ-ವಁಹ॒ತುಗ್ಂ ಸೂ॒ರ್ಯಾಯಾ᳚-ಸ್ತ್ರಿಚ॒ಕ್ರೇಣ॑ ಸ॒ಗ್ಂ॒ ಸದ॑ಮಿ॒ಚ್ಛಮಾ॑ನೌ । ಸ್ತೌಮಿ॑ ದೇ॒ವಾ ವ॒ಶ್ವಿನೌ॑ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ ಮಾಗ॑ಸಃ ।
ಮ॒ರುತಾಂ᳚ ಮನ್ವೇ॒ ಅಧಿ॑ನೋ ಬ್ರುವನ್ತು॒ ಪ್ರೇಮಾಂ-ವಾಁಚಂ॒ ಁವಿಶ್ವಾ॑ಮವನ್ತು॒ ವಿಶ್ವೇ᳚ ।
ಆ॒ಶೂನ್. ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ । ತಿ॒ಗ್ಮಮಾಯು॑ಧಂ-ವೀಁಡಿ॒ತಗ್ಂ ಸಹ॑ಸ್ವದ ದಿ॒ವ್ಯಗ್ಂ ಶರ್ಧಃ॒ ಪೃತ॑ನಾಸು ಜಿ॒ಷ್ಣು ॥ 37 ॥

ಸ್ತೌಮಿ॑ ದೇ॒ವಾ-ನ್ಮ॒ರುತೋ॑ ನಾಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ । ದೇ॒ವಾನಾ᳚-ಮ್ಮನ್ವೇ॒ ಅಧಿ॑ ನೋ ಬ್ರುವನ್ತು॒ ಪ್ರೇಮಾಂ-ವಾಁಚಂ॒ ಁವಿಶ್ವಾ॑ಮವನ್ತು॒ ವಿಶ್ವೇ᳚ । ಆ॒ಶೂನ್. ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ । ಯದಿ॒ದ-ಮ್ಮಾ॑-ಽಭಿ॒ಶೋಚ॑ತಿ॒ ಪೌರು॑ಷೇಯೇಣ॒ ದೈವ್ಯೇ॑ನ । ಸ್ತೌಮಿ॒ ವಿಶ್ವಾ᳚-ನ್ದೇ॒ವಾ-ನ್ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ ।
ಅನು॑ನೋ॒-ಽದ್ಯಾನು॑ಮತಿ॒ರನ್ವಿದ॑ನು ಮತೇ॒ ತ್ವಂ-ವೈಁ᳚ಶ್ವಾನ॒ರೋ ನ॑ ಊ॒ತ್ಯಾ ಪೃ॒ಷ್ಟೋ ದಿ॒ವಿ ॥ 38 ॥

ಅನು॑ನೋ॒-ಽಧ್ಯಾನು॑ಮತಿ-ರ್ಯ॒ಜ್ಞ-ನ್ದೇ॒ವೇಷು॑ ಮನ್ಯತಾಮ್ । ಅ॒ಗ್ನಿಶ್ಚ॑ ಹವ್ಯ॒ ವಾಹ॑ನೋ॒ ಭವ॑ತಾ-ನ್ದಾ॒ಶುಷೇ॒ ಮಯಃ॑ । ಅನ್ವಿದ॑ನುಮತೇ॒ ತ್ವ-ಮ್ಮನ್ಯಾ॑ಸೈ॒ ಶಞ್ಚ॑ ನಃ ಕೃಧಿ । ಕ್ರತ್ವೇ॒ ದಖ್ಷಾ॑ಯ ನೋ ಹಿನು॒ ಪ್ರಣ॒ ಆಯೂಗ್ಂ॑ಷಿ ತಾರಿಷಃ ॥ 38ಅ ॥

ವೈ॒ಶ್ವಾ॒ನ॒ರೋ ನ॑ ಊ॒ತ್ಯಾ ಽಽಪ್ರಯಾ॑ತು ಪರಾ॒ವತಃ॑ । ಅ॒ಗ್ನಿರು॒ಕ್ಥೇನ॒ ವಾಹ॑ಸಾ ।

ಪೃ॒ಷ್ಟೋ ದಿ॒ವಿ ಪೃ॒ಷ್ಟೋ ಅ॒ಗ್ನಿಃ ಪೃ॑ಥಿ॒ವ್ಯಾ-ಮ್ಪೃ॒ಷ್ಟೋ ವಿಶ್ವಾ॒ ಓಷ॑ಧೀ॒ರಾ-ವಿ॑ವೇಶ ।
ವೈ॒ಶ್ವಾ॒ನ॒ರ ಸ್ಸಹ॑ಸಾ ಪೃ॒ಷ್ಟೋ ಅ॒ಗ್ನಿಸ್ಸನೋ॒ ದಿವಾ॒ ಸರಿ॒ಷಃ ಪಾ॑ತು॒ ನಕ್ತ᳚ಮ್ ॥ 38ಬ್ ॥
ಯೇ ಅಪ್ರ॑ಥೇತಾ॒ ಮಮಿ॑ತೇಭಿ॒ ರೋಜೋ॑ಭಿ॒ ರ್ಯೇ ಪ್ರ॑ತಿ॒ಷ್ಠೇ ಅಭ॑ವತಾಂ॒-ವಁಸೂ॑ನಾಮ್ । ಸ್ತೌಮಿ॒ ದ್ಯಾವಾ॑ಪೃಥಿ॒ವೀ ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚತ॒ಮಗ್ಂ ಹ॑ಸಃ ।
ಉರ್ವೀ॑ ರೋದಸೀ॒ ವರಿ॑ವಃ ಕೃಣೋತ॒-ಙ್ಖ್ಷೇತ್ರ॑ಸ್ಯ ಪತ್ನೀ॒ ಅಧಿ॑ನೋ ಬ್ರೂಯಾತಮ್ । ಸ್ತೌಮಿ॒ ದ್ಯಾವಾ॑ಪೃಥಿ॒ವೀ ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚತ॒ಮಗ್ಂ ಹ॑ಸಃ ।
ಯತ್ತೇ॑ ವ॒ಯ-ಮ್ಪು॑ರುಷ॒ತ್ರಾಯ॑ ವಿ॒ಷ್ಠಾ ವಿ॑ದ್ವಾಗ್ಂ ಸಶ್ಚ ಕೃ॒ಮಾ ಕಚ್ಚ॒ ನಾಗಃ॑ ॥ 39 ॥
ಕೃ॒ಧೀ ಸ್ವ॑ಸ್ಮಾಗ್ಂ ಅದಿ॑ತೇ॒ರನಾ॑ಗಾ॒ ವ್ಯೇನಾಗ್ಂ॑ಸಿ ಶಿಶ್ರಥೋ॒ ವಿಷ್ವ॑ಗಗ್ನೇ । ಯಥಾ॑ ಹ॒ ತ-ದ್ವ॑ಸವೋ ಗೌ॒ರ್ಯಂ॑ ಚಿ-ತ್ಪ॒ದಿಷಿ॒ತಾ ಮಮು॑ಞ್ಚತಾ ಯಜತ್ರಾಃ ।
ಏ॒ವಾ ತ್ವಮ॒ಸ್ಮ-ತ್ಪ್ರಮು॑ಞ್ಚಾ॒ ವ್ಯಗ್ಂಹಃ॒ ಪ್ರಾತಾ᳚ರ್ಯಗ್ನೇ ಪ್ರತ॒ರಾನ್ನ॒ ಆಯುಃ॑ ॥ 40 (15) ॥

1.21 ಸರ್ಪಾಹುತೀ ಮನ್ತ್ರಾಃ
ಸ॒ಮೀಚೀ॒ ನಾಮಾ॑ಸಿ॒ ಪ್ರಾಚೀ॒ ದಿಕ್ತಸ್ಯಾ᳚ಸ್ತೇ॒ ಽಗ್ನಿರಧಿ॑ಪತಿ ರಸಿ॒ತೋ ರ॑ಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌನೋ॑ ಮೃಡಯತಾಂ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಁ॒-ಞ್ಜಮ್ಭೇ॑ ದಧಾಮ್ಯೋ-,
-ಜ॒ಸ್ವಿನೀ॒ ನಾಮಾ॑ಸಿ ದಖ್ಷಿ॒ಣಾ ದಿಕ್ತಸ್ಯಾ᳚ಸ್ತ॒ ಇನ್ದ್ರೋ-ಽಧಿ॑ಪತಿಃ॒ ಪೃದಾ॑ಕುಃ॒ ,
ಪ್ರಾಚೀ॒ ನಾಮಾ॑ಸಿ ಪ್ರ॒ತೀಚೀ॒ ದಿಕ್ತಸ್ಯಾ᳚ಸ್ತೇ॒ ಸೋಮೋ-ಽಧಿ॑ಪತಿ ಸ್ಸ್ವ॒ಜೋ॑ ,
-ಽವ॒ಸ್ಥಾವಾ॒ ನಾಮಾ॒-ಸ್ಯುದೀ॑ಚೀ॒ ದಿಕ್ತಸ್ಯಾ᳚ಸ್ತೇ॒ ವರು॒ಣೋ-ಽಧಿ॑ಪತಿ-ಸ್ತಿ॒ರಶ್ಚ॑ ರಾಜಿ॒,
-ರಧಿ॑ಪತ್ನೀ॒ ನಾಮಾ॑ಸಿ ಬೃಹ॒ತೀ ದಿಕ್ತಸ್ಯಾ᳚ಸ್ತೇ॒ ಬೃಹ॒ಸ್ಪತಿ॒-ರಧಿ॑ಪತಿ ಶ್ಶ್ವಿ॒ತ್ರೋ,
ವ॒ಶಿನೀ॒ ನಾಮಾ॑ಸೀ॒ ಯ-ನ್ದಿಕ್ತಸ್ಯಾ᳚ಸ್ತೇ ಯ॒ಮೋ-ಽಧಿ॑ಪತಿಃ ಕ॒ಲ್ಮಾಷ॑ ಗ್ರೀವೋ,
ರಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಁ॒-ಞ್ಜಮ್ಭೇ॑ ದಧಾಮಿ ॥ 41 (16) ॥

1.22 ಸರ್ಪಾಹುತೀ ಮನ್ತ್ರಾಃ (ಅನುಷಙ್ಗಂ)
ಸ॒ಮೀಚೀ॒ ನಾಮಾ॑ಸಿ॒ ಪ್ರಾಚೀ॒ ದಿಕ್ತಸ್ಯಾ᳚ಸ್ತೇ॒ ಽಗ್ನಿರಧಿ॑ಪತಿ ರಸಿ॒ತೋ ರ॑ಖ್ಷಿ॒ತಾ-ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ
ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಂಁ॒ ಜಮ್ಭೇ॑ ದಧಾಮಿ ।

ಓ॒ಜ॒ಸ್ವಿನೀ॒ ನಾಮಾ॑ಸಿ ದಖ್ಷಿ॒ಣಾ ದಿಕ್ತಸ್ಯಾ᳚ಸ್ತ॒ ಇನ್ದ್ರೋ-ಽಧಿ॑ಪತಿಃ॒ ಪೃದಾ॑ಕೂ ರಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ನೋ॒ ದ್ವೇಷ್ಟಿ॒ ತಂ-ವಾಂಁ॒ ಜಮ್ಭೇ॑ ದಧಾಮಿ ।

ಪ್ರಾಚೀ॒ ನಾಮಾ॑ಸಿ ಪ್ರ॒ತೀಚೀ॒ ದಿಕ್ತಸ್ಯಾ᳚ಸ್ತೇ॒ ಸೋಮೋ-ಽಧಿ॑ಪತಿ ಸ್ಸ್ವ॒ಜೋ ರ॑ಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಁ॒-ಞ್ಜಮ್ಭೇ॑ ದಧಾಮಿ ।

ಅ॒ವ॒ಸ್ಥಾವಾ॒ ನಾಮಾ॒-ಸ್ಯುದೀ॑ಚೀ॒ ದಿಕ್ತಸ್ಯಾ᳚ಸ್ತೇ॒ ವರು॒ಣೋ-ಽಧಿ॑ಪತಿ-ಸ್ತಿ॒ರಶ್ಚ॑ ರಾಜೀ ರಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಁ॒-ಞ್ಜಮ್ಭೇ॑ ದಧಾಮಿ ।

ಅಧಿ॑ಪತ್ನೀ॒ ನಾಮಾ॑ಸಿ ಬೃಹ॒ತೀ ದಿಕ್ತಸ್ಯಾ᳚ಸ್ತೇ॒ ಬೃಹ॒ಸ್ಪತಿ॒-ರಧಿ॑ಪತಿ-ಶ್ಶ್ವಿ॒ತ್ರೋ ರ॑ಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಁ॒-ಞ್ಜಮ್ಭೇ॑ ದಧಾಮಿ ।

ವ॒ಶಿನೀ॒ ನಾಮಾ॑ಸೀ॒ಯ-ನ್ದಿಕ್ತಸ್ಯಾ᳚ಸ್ತೇ ಯ॒ಮೋ-ಽಧಿ॑ಪತಿಃ ಕ॒ಲ್ಮಾಷ॑ ಗ್ರೀವೋ ರಖ್ಷಿ॒ತಾ ಯಶ್ಚಾಧಿ॑ಪತಿ॒-ರ್ಯಶ್ಚ॑ ಗೋ॒ಪ್ತಾ ತಾಭ್ಯಾಂ॒ ನಮ॒ಸ್ತೌ ನೋ॑ ಮೃಡಯತಾಂ॒
ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವಾಂಁ॒ ಜಮ್ಭೇ॑ ದಧಾಮಿ ॥ 41ಆ (16ಆ) ॥

1.23 ಗನ್ಧರ್ವಾಹುತೀಃ
ಹೇ॒ತಯೋ॒ ನಾಮ॑ಸ್ಥ॒ ತೇಷಾಂ᳚-ವಃ ಁಪು॒ರೋ ಗೃ॒ಹಾ ಅ॒ಗ್ನಿರ್ವ॒ ಇಷ॑ವ ಸ್ಸಲಿ॒ಲೋ,
ನಿ॑ಲಿ॒ಪಾ-ನ್ನಾಮ॑ಸ್ಥ॒ ತೇಷಾಂ᳚-ವೋಁ ದಖ್ಷಿ॒ಣಾ ಗೃ॒ಹಾಃ ಪಿ॒ತರೋ॑ ವ॒ ಇಷ॑ವ॒ ಸ್ಸಗ॑ರೋ,
ವ॒ಜ್ರಿಣೋ॒ ನಾಮ॑ಸ್ಥ॒ ತೇಷಾಂ᳚-ವಃ ಁಪ॒ಶ್ಚಾ-ದ್ಗೃ॒ಹಾ ಸ್ಸ್ವಪ್ನೋ॑ ವ॒ ಇಷ॑ವೋ॒ ಗಹ್ವ॑ರೋ,
-ಽವ॒ಸ್ಥಾವಾ॑ನೋ॒ ನಾಮ॑ಸ್ಥ॒ ತೇಷಾಂ᳚-ವಁ ಉತ್ತ॒ರಾ-ದ್ಗೃ॒ಹಾ ಆಪೋ॑ ವ॒ ಇಷ॑ವ ಸ್ಸಮು॒ದ್ರೋ-,
-ಽಧಿ॑ಪತಯೋ॒ ನಾಮ॑ಸ್ಥ॒ ತೇಷಾಂ᳚-ವಁ ಉ॒ಪರಿ॑ ಗೃ॒ಹಾ ವ॒ರ್॒ಷಂ-ವಁ॒ ಇಷ॒ವೋ-ಽವ॑ಸ್ವಾನ್,
ಕ್ರ॒ವ್ಯಾ ನಾಮ॑ಸ್ಥ॒ ಪಾರ್ಥಿ॑ವಾ॒-ಸ್ತೇಷಾಂ᳚-ವಁ ಇ॒ಹ ಗೃ॒ಹಾ ಅನ್ನಂ॑ ಁವ॒ ಇಷ॑ವೋ ನಿಮಿ॒ಷೋ,
ವಾ॑ತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒
ತಂ-ವೋಁ॒ ಜಮ್ಭೇ॑ ದಧಾಮಿ ॥ 42 (17) ॥

1.24 ಗನ್ಧರ್ವಾಹುತೀಃ (ಅನುಷಙ್ಗಂ)
ಹೇ॒ತಯೋ॒ ನಾಮ॑ಸ್ಥ॒ ತೇಷಾಂ᳚-ವಃ ಁಪು॒ರೋ ಗೃ॒ಹಾ ಅ॒ಗ್ನಿರ್ವ॒ ಇಷ॑ವ-ಸ್ಸಲಿ॒ಲೋ ವಾ॑ತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ।

ನಿ॒ಲಿ॒ಪಾ-ನ್ನಾಮ॑ಸ್ಥ॒ ತೇಷಾಂ᳚-ವೋಁ ದಖ್ಷಿ॒ಣಾ ಗೃ॒ಹಾಃ ಪಿ॒ತರೋ॑ ವ॒ ಇಷ॑ವ॒-ಸ್ಸಗ॑ರೋ ವಾತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ।

ವ॒ಜ್ರಿಣೋ॒ ನಾಮ॑ಸ್ಥ॒ ತೇಷಾಂ᳚-ವಃ ಁಪ॒ಶ್ಚಾ-ದ್ಗೃ॒ಹಾ ಸ್ಸ್ವಪ್ನೋ॑ ವ॒ ಇಷ॑ವೋ॒ ಗಹ್ವ॑ರೋ ವಾತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ।

ಅ॒ವ॒ಸ್ಥಾ ವಾ॑ ನೋ॒ ನಾಮ॑ಸ್ಥ॒ ತೇಷಾಂ᳚-ವಁ ಉತ್ತ॒ರಾ-ದ್ಗೃ॒ಹಾ ಆಪೋ॑ ವ॒ ಇಷ॑ವಸ್ಸಮು॒ದ್ರೋ ವಾ॑ತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾ॒ಮಿ ।

ಅಧಿ॑ಪತಯೋ॒ ನಾಮ॑ಸ್ಥ॒ ತೇಷಾಂ᳚-ವಁ ಉ॒ಪರಿ॑ ಗೃ॒ಹಾ ವ॒ರ್॒ಷಂ-ವಁ॒ ಇಷ॒ವೋ-ಽವ॑ಸ್ವಾನ್ ವಾತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ।

ಕ್ರ॒ವ್ಯಾ ನಾಮ॑ಸ್ಥ॒ ಪಾರ್ಥಿ॑ವಾ॒-ಸ್ತೇಷಾಂ᳚-ವಁ ಇ॒ಹ ಗೃ॒ಹಾ ಅನ್ನಂ॑ ಁವ॒ ಇಷ॑ವೋ ನಿಮಿ॒ಷೋ ವಾ॑ತ ನಾ॒ಮ-ನ್ತೇಭ್ಯೋ॑ ವೋ॒ ನಮ॒ಸ್ತೇ ನೋ॑ ಮೃಡಯತ॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥ 42ಆ (17ಆ) ॥

1.25 ಅಜ್ಯಾನಿ ಮನ್ತ್ರಾಃ
ಶ॒ತಾಯು॑ಧಾಯ ಶ॒ತವೀ᳚ರ್ಯಾಯ ಶ॒ತೋತ॑ಯೇ ಽಭಿಮಾತಿ॒ಷಾಹೇ᳚ । ಶ॒ತಂ-ಯೋಁ ನ॑ ಶ್ಶ॒ರದೋ॒ ಅಜೀ॑ತಾ॒-ನಿನ್ದ್ರೋ॑ ನೇಷ॒ದತಿ॑ ದುರಿ॒ತಾನಿ॒ ವಿಶ್ವಾ᳚ ।
ಯೇ ಚ॒ತ್ವಾರಃ॑ ಪ॒ಥಯೋ॑ ದೇವ॒ಯಾನಾ॑ ಅನ್ತ॒ರಾ ದ್ಯಾವಾ॑ಪೃಥಿ॒ವೀ ವಿ॒ಯನ್ತಿ॑ । ತೇಷಾಂ॒-ಯೋಁ ಅಜ್ಯಾ॑ನಿ॒- ಮಜೀ॑ತಿ-ಮಾ॒ವಹಾ॒ತ್ತಸ್ಮೈ॑ ನೋ ದೇವಾಃ॒ ಪರಿ॑ದತ್ತೇ॒ಹ ಸರ್ವೇ᳚ । ಗ್ರೀ॒ಷ್ಮೋ ಹೇ॑ಮ॒ನ್ತ ಉ॒ತ ನೋ॑ ವಸ॒ನ್ತ ಶ್ಶ॒ರ-ದ್ವ॒ರ್॒ಷಾ ಸ್ಸು॑ವಿ॒ತನ್ನೋ॑ ಅಸ್ತು ।
ತೇಷಾ॑-ಮೃತೂ॒ನಾಗ್ಂ ಶ॒ತಶಾ॑ರದಾನಾ-ನ್ನಿವಾ॒ತ ಏ॑ಷಾ॒ಮಭ॑ಯೇ ಸ್ಯಾಮ । ಇ॒ದು॒ವ॒ಥ್ಸ॒ರಾಯ॑ ಪರಿವಥ್ಸ॒ರಾಯ॑ ಸಂ​ವಁಥ್ಸ॒ರಾಯ॑ ಕೃಣುತಾ ಬೃ॒ಹನ್ನಮಃ॑ । ತೇಷಾಂ᳚ ಁವ॒ಯಗ್ಂ ಸು॑ಮ॒ತೌ ಯ॒ಜ್ಞಿಯಾ॑ನಾ॒-ಞ್ಜ್ಯೋಗಜೀ॑ತಾ॒ ಅಹ॑ತಾ ಸ್ಸ್ಯಾಮ ।
ಭ॒ದ್ರಾನ್ನ॒-ಶ್ಶ್ರೇಯ॒ ಸ್ಸಮ॑ನೈಷ್ಟ ದೇವಾ॒ ಸ್ತ್ವಯಾ॑-ಽವ॒ಸೇನ॒ ಸಮ॑ಶೀ ಮಹಿತ್ವಾ ।
ಸನೋ॑ಮಯೋ॒ ಭೂಃ ಪಿ॑ತೋ॒ ಆವಿ॑ಶಸ್ವ॒ ಶನ್ತೋ॒ಕಾಯ॑ ತ॒ನುವೇ᳚ ಸ್ಯೋ॒ನಃ ॥ 43 (18) ॥

ಭೂ॒ತ-ಮ್ಭವ್ಯಂ॑ ಭವಿ॒ಷ್ಯ-ದ್ವಷ॒-ಟ್ಥ್ಸ್ವಾಹಾ॒ ,
ನಮ॒ ಋ-ಖ್ಸಾಮ॒-ಯಜು॒-ರ್ವಷ॒-ಟ್ಥ್ಸ್ವಾಹಾ॒ ,
ನಮೋ॑ ಗಾಯ॒ತ್ರೀ ತ್ರಿ॒ಷ್ಟುಪ್ ಜಗ॑ತೀ॒ ವಷ॒-ಟ್ಥ್ಸ್ವಾಹಾ॒ ,
ನಮಃ॑ ಪೃಥಿ॒ವ್ಯ॑ನ್ತರಿ॑ಖ್ಷಂ॒ ದ್ಯೌ-ರ್ವಷ॒-ಟ್ಥ್ಸ್ವಾಹಾ॒ ,
ನಮೋ॒ ಽಗ್ನಿರ್ವಾ॒ಯು-ಸ್ಸೂರ್ಯೋ॒ ವಷ॒-ಟ್ಥ್ಸ್ವಾಹಾ॒ ,
ನಮಃ॑ ಪ್ರಾ॒ಣೋ-ವ್ಯಾ॒ನೋ॑-ಽಪಾ॒ನೋ ವಷ॒-ಟ್ಥ್ಸ್ವಾಹಾ॒ ,
ನಮೋ-ಽನ್ನಂ॑ ಕೃ॒ಷಿ-ರ್ವೃಷ್ಟಿ॒-ರ್ವಷ॒-ಟ್ಥ್ಸ್ವಾಹಾ॒ ,
ನಮಃ॑ ಪಿ॒ತಾ ಪು॒ತ್ರಃ ಪೌತ್ರೋ॒ ವಷ॒-ಟ್ಥ್ಸ್ವಾಹಾ॒ ,
ನಮೋ॒ ಭೂರ್ಭುವ॒ಸ್ಸುವ॒ ರ್ವಷ॒-ಟ್ಥ್ಸ್ವಾಹಾ॒ ನಮಃ॑ ॥ 44 (19) ॥

1.26 ಅಥರ್ವಶೀರ್​ಷಂ
(ತೈ. ಬ್ರಾ. 1.5.8.1-1.5.8.3)
ಇನ್ದ್ರೋ॑ ದಧೀ॒ಚೋ ಅ॒ಸ್ತಭಿಃ॑ । ವೃ॒ತ್ರಾಣ್ಯ ಪ್ರ॑ತಿಷ್ಕುತಃ । ಜ॒ಘಾನ॑ ನವ॒ತೀರ್ನವ॑ । ಇ॒ಚ್ಛನ್ನ-ಶ್ವ॑ಸ್ಯ॒ ಯಚ್ಛಿರಃ॑ । ಪರ್ವ॑ತೇ॒ಷ್ವಪ॑ಶ್ರಿತಮ್ । ತದ್ವಿ॑ದಚ್ಛರ್​ಯ॒ಣಾವ॑ತಿ ।
ಅದ್ರಾಹ॒ ಗೋರಮ॑ನ್ವತ । ನಾಮ॒ ತ್ವಷ್ಟು॑ರ-ಪೀ॒ಚ್ಯ᳚ಮ್ । ಇ॒ತ್ಥಾ ಚ॒ನ್ದ್ರಮ॑ಸೋ ಗೃ॒ಹೇ ।
ಇನ್ದ್ರ॒ಮಿ-ದ್ಗಾ॒ಥಿನೋ॑ ಬೃ॒ಹತ್ ॥ 45 ॥

ಇನ್ದ್ರ॑ ಮ॒ರ್ಕೇಭಿ॑ ರ॒ರ್ಕಿಣಃ॑ । ಇನ್ದ್ರಂ॒ ಁವಾಣೀ॑ರನೂಷತ । ಇನ್ದ್ರ॒ ಇದ್ಧರ್ಯೋ॒ ಸ್ಸಚಾ᳚ ।
ಸ-ಮ್ಮಿ॑ಶ್ಲ॒ ಆವ॑ಚೋ॒ ಯುಜಾ᳚ । ಇನ್ದ್ರೋ॑ ವ॒ಜ್ರೀ ಹಿ॑ರ॒ಣ್ಯಯಃ॑ । ಇನ್ದ್ರೋ॑ ದೀ॒ರ್ಘಾಯ॒ ಚಖ್ಷ॑ಸೇ । ಆಸೂರ್ಯಗ್ಂ॑ ರೋಹಯ-ದ್ದಿ॒ವಿ । ವಿ ಗೋಭಿ॒ರದ್ರಿ॑ಮೈರಯತ್ । ಇನ್ದ್ರ॒ ವಾಜೇ॑ಷು ನೋ ಅವ । ಸ॒ಹಸ್ರ॑ ಪ್ರಧನೇಷು ಚ ॥ 46 ॥

ಉ॒ಗ್ರ ಉ॒ಗ್ರಾಭಿ॑-ರೂ॒ತಿಭಿಃ॑ । ತಮಿನ್ದ್ರಂ॑ ಁವಾ ಜಯಾಮಸಿ । ಮ॒ಹೇ ವೃ॒ತ್ರಾಯ॒ ಹನ್ತ॑ವೇ । ಸ ವೃಷಾ॑ ವೃಷ॒ಭೋ-ಭು॑ವತ್ । ಇನ್ದ್ರ॒ ಸ್ಸದಾ ಮ॑ನೇ ಕೃ॒ತಃ । ಓಜಿ॑ಷ್ಠ॒ ಸ್ಸಬಲೇ॑ ಹಿ॒ತಃ । ದ್ಯು॒ಮ್ನೀ ಶ್ಲೋ॒ಕೀ ಸ ಸೌ॒ಮ್ಯಃ॑ । ಗಿ॒ರಾ ವಜ್ರೋ॒ ನ ಸಮ್ಭೃ॑ತಃ । ಸಬ॑ಲೋ॒ ಅನ॑ಪಚ್ಯುತಃ । ವ॒ವ॒ಖ್ಷು ರು॒ಗ್ರೋ ಅಸ್ತೃ॑ತಃ ॥ 47 (20) ॥

1.27 ಪ್ರತ್ಯಙ್ಗಿರಸಃ
(ತೈ. ಬ್ರಾ. 2.4.2.1-2.4.2.4)
ಚಖ್ಷು॑ಷೋ ಹೇತೇ॒ ಮನ॑ಸೋ ಹೇತೇ । ವಾಚೋ॑ ಹೇತೇ॒ ಬ್ರಹ್ಮ॑ಣೋ ಹೇತೇ । ಯೋಮಾ॑-ಽಘಾ॒ಯು-ರ॑ಭಿ॒ದಾಸ॑ತಿ । ತಮ॑ಗ್ನೇ ಮೇ॒ನ್ಯಾ-ಽಮೇ॒ನಿ-ಙ್ಕೃ॑ಣು । ಯೋಮಾ॒ ಚಖ್ಷು॑ಷಾ॒ ಯೋ ಮನ॑ಸಾ । ಯೋ ವಾ॒ಚಾ ಬ್ರಹ್ಮ॑ಣಾ-ಽಘಾ॒ಯು-ರ॑ಭಿ॒ದಾಸ॑ತಿ । ತಯಾ᳚-ಽಗ್ನೇ॒ ತ್ವ-ಮ್ಮೇ॒ನ್ಯಾ । ಅ॒ಮುಮ॑ ಮೇ॒ನಿ-ಙ್ಕೃ॑ಣು । ಯ-ತ್ಕಿಞ್ಚಾ॒ಸೌ ಮನ॑ಸಾ॒ ಯಚ್ಚ॑ ವಾ॒ಚಾ । ಯ॒ಜ್ಞೈ-ರ್ಜು॒ಹೋತಿ॒ ಯಜು॑ಷಾ ಹ॒ವಿರ್ಭಿಃ॑ ॥ 48 ॥

ತ-ನ್ಮೃ॒ತ್ಯು-ರ್ನಿರ್-ಋ॑ತ್ಯಾ ಸಂ​ವಿಁದಾ॒ನಃ । ಪು॒ರಾ ದಿ॒ಷ್ಟಾ ದಾಹು॑ತೀ ರಸ್ಯಹನ್ತು ।
ಯಾ॒ತು॒ ಧಾನಾ॒ ನಿರ್-ಋ॑ತಿ॒ ರಾದು॒ರಖ್ಷಃ॑ । ತೇ ಅ॑ಸ್ಯಘ್ನಂ॒ ತ್ವನೃ॑ತೇನ ಸ॒ತ್ಯಮ್ ।
ಇನ್ದ್ರ॑ಷಿತಾ॒ ಆಜ್ಯ॑ಮಸ್ಯ ಮಥ್ನನ್ತು । ಮಾತ-ಥ್ಸಮೃ॑ದ್ಧಿ॒ ಯದ॒ಸೌ ಕ॒ರೋತಿ॑ ।
ಹನ್ಮಿ॑ತೇ॒-ಽಹ-ಙ್ಕೃ॒ತಗ್ಂ ಹ॒ವಿಃ । ಯೋ ಮೇ॑ ಘೋ॒ರಮಚೀ॑ ಕೃತಃ ।
ಅಪಾ᳚ಞ್ಚೌ ತ ಉ॒ಭೌ ಬಾ॒ಹೂ । ಅಪ॑ನಹ್ಯಾಮ್ಯಾ॒ಸ್ಯ᳚ಮ್ ॥ 49 ॥

ಅಪ॑ನಹ್ಯಾಮಿತೇ ಬಾ॒ಹೂ । ಅಪ॑ ನಹ್ಯಾಮ್ಯಾ॒ಸ್ಯ᳚ಮ್ । ಅ॒ಗ್ನೇ-ರ್ದೇ॒ವಸ್ಯ॒ ಬ್ರಹ್ಮ॑ಣಾ । ಸರ್ವಂ॑ ತೇ ಽವಧಿಷ್-ಙ್ಕೃ॒ತಮ್ । ಪು॒ರಾ-ಽಮುಷ್ಯ॑ ವಷ-ಟ್ಕಾ॒ರಾತ್ । ಯ॒ಜ್ಞ-ನ್ದೇ॒ವೇಷು॑ ನಸ್ಕೃಧಿ । ಸ್ವಿ॑ಷ್ಟ-ಮ॒ಸ್ಮಾಕಂ॑ ಭೂಯಾತ್ । ಮಾ-ಽಸ್ಮಾ-ನ್ಪ್ರಾಪ॒ನ್ನರಾ॑ತಯಃ । ಅನ್ತಿ॑ದೂ॒ರೇ ಸ॒ತೋ ಅ॑ಗ್ನೇ । ಭ್ರಾತೃ॑ವ್ಯಸ್ಯಾ ಭಿ॒ದಾಸ॑ತಃ । ವ॒ಷ॒-ಟ್ಕಾ॒ರೇಣ॒ ವಜ್ರೇ॑ಣ । ಕೃ॒ತ್ಯಾಗ್ಂ ಹ॑ನ್ಮಿ ಕೃ॒ತಾಮ॒ಹಮ್ । ಯೋ ಮಾ॒ ನಕ್ತಂ॒ ದಿವಾ॑ ಸಾ॒ಯಮ್ । ಪ್ರಾ॒ತ-ಶ್ಚಾಹ್ನೋ॑ ನಿ॒ಪೀಯ॑ತಿ । ಅ॒ದ್ಯಾ-ತಮಿ॑ನ್ದ್ರ॒ ವಜ್ರೇ॑ಣ । ಭ್ರಾತೃ॑ವ್ಯ-ಮ್ಪಾದಯಾಮಸಿ ॥ 50 (21) ॥

(ತೈ. ಬ್ರಾ. 2.5.1.1-2.5.1.3)
ಪ್ರಾ॒ಣೋ ರ॑ಖ್ಷತಿ॒ ವಿಶ್ವ॒ಮೇಜ॑ತ್ । ಇರ್ಯೋ॑ ಭೂ॒ತ್ವಾ ಬ॑ಹು॒ಧಾ ಬ॒ಹೂನಿ॑ । ಸ ಇ-ಥ್ಸರ್ವಂ॒ ಁವ್ಯಾ॑ನಶೇ । ಯೋ ದೇ॒ವೋ ದೇ॒ವೇಷು॑ ವಿ॒ಭೂರ॒ನ್ತಃ ।
ಆವೃ॑ದೂ॒ದಾ-ತ್ಖ್ಷೇತ್ರಿಯ॑ದ್ಧ್ವ॒ಗ-ದ್ವೃಷಾ᳚ । ತಮಿ-ತ್ಪ್ರಾ॒ಣ-ಮ್ಮನ॒ಸೋಪ॑ ಶಿಖ್ಷತ ।
ಅಗ್ರಂ॑ ದೇ॒ವಾನಾ॑-ಮಿ॒ದಮ॑ತ್ತು ನೋ ಹ॒ವಿಃ । ಮನ॑ಸ॒ಶ್ಚಿ-ತ್ತೇ॒ದಮ್ । ಭೂ॒ತ-ಮ್ಭವ್ಯಂ॑ ಚ ಗುಪ್ಯತೇ । ತದ್ಧಿ ದೇ॒ವೇಷ್ವ॑-ಗ್ರಿ॒ಯಮ್ ॥ 51 ॥

ಆನ॑ ಏತು ಪುರಶ್ಚ॒ರಮ್ । ಸ॒ಹ ದೇ॒ವೈ-ರಿ॒ಮಗ್ಂ ಹವ᳚ಮ್ । ಮನ॒-ಶ್ಶ್ರೇಯ॑ಸಿ ಶ್ರೇಯಸಿ । ಕರ್ಮ॑ನ್. ಯ॒ಜ್ಞಪ॑ತಿಂ॒ ದಧ॑ತ್ । ಜು॒ಷತಾಂ᳚ ಮೇ॒ ವಾಗಿ॒ದಗ್ಂ ಹ॒ವಿಃ । ವಿ॒ರಾ-ಡ್ದೇ॒ವೀ ಪು॒ರೋಹಿ॑ತಾ । ಹ॒ವ್ಯ॒ವಾಡನ॑-ಪಾಯಿನೀ । ಯಯಾ॑ ರೂ॒ಪಾಣಿ॑ ಬಹು॒ಧಾ ವದ॑ನ್ತಿ । ಪೇಶಾಗ್ಂ॑ಸಿ ದೇ॒ವಾಃ ಪ॑ರ॒ಮೇ ಜ॒ನಿತ್ರೇ᳚ । ಸಾ ನೋ॑ ವಿ॒ರಾಡನ॑ಪ ಸ್ಫುರನ್ತೀ ॥ 52 ॥

ವಾಗ್ದೇ॒ವೀ ಜು॑ಷತಾ ಮಿ॒ದಗ್ಂ ಹ॒ವಿಃ । ಚಖ್ಷು॑-ರ್ದೇ॒ವಾನಾಂ॒ ಜ್ಯೋತಿ॑ರ॒ಮೃತೇ॒ ನ್ಯ॑ಕ್ತಮ್ ।
ಅ॒ಸ್ಯ ವಿ॒ಜ್ಞಾನಾ॑ಯ ಬಹು॒ಧಾ ನಿಧೀ॑ಯತೇ । ತಸ್ಯ॑ ಸು॒ಮ್ನ-ಮ॑ಶೀಮಹಿ । ಮಾ ನೋ॑ ಹಾಸೀ-ದ್ವಿಚಖ್ಷ॒ಣಮ್ । ಆಯು॒ರಿನ್ನಃ॒ ಪ್ರತೀ᳚ರ್ಯತಾಮ್ । ಅನ॑ನ್ಧಾ॒-ಶ್ಚಖ್ಷು॑ಷಾ ವ॒ಯಮ್ । ಜೀ॒ವಾ ಜ್ಯೋತಿ॑-ರಶೀಮಹಿ । ಸುವ॒-ರ್ಜ್ಯೋತಿ॑-ರು॒ತಾಮೃತಂ᳚ । ಶ್ರೋತ್ರೇ॑ಣ ಭ॒ದ್ರ ಮು॒ತ-ಶೃ॑ಣ್ವನ್ತಿ ಸ॒ತ್ಯಮ್ । ಶ್ರೋತ್ರೇ॑ಣ॒ ವಾಚಂ॑ ಬಹು॒ಧೋದ್ಯಮಾ॑ನಾಮ್ । ಶ್ರೋತ್ರೇ॑ಣ॒ ಮೋದ॑ಶ್ಚ॒ ಮಹ॑ಶ್ಚ ಶ್ರೂಯತೇ ।
ಶ್ರೋತ್ರೇ॑ಣ॒ ಸರ್ವಾ॒ ದಿಶ॒ ಆಶೃ॑ಣೋಮಿ । ಯೇನ॒ ಪ್ರಾಚ್ಯಾ॑ ಉ॒ತ ದ॑ಖ್ಷಿ॒ಣಾ । ಪ॒ತೀಚ್ಯೈ॑ ದಿ॒ಶ-ಶ್ಶೃ॒ಣ್ವನ್ತ್ಯು॑ತ್ತ॒ರಾತ್ । ತದಿಚ್ಛ್ರೋತ್ರಂ॑ ಬಹು॒ಧೋದ್ಯಮಾ॑ನಮ್ ।
ಅ॒ರಾನ್ನ ನೇ॒ಮಿಃ ಪರಿ॒ಸರ್ವಂ॑ ಬಭೂವ ॥ 53 (22) ॥

(ತೈ. ಬ್ರಾ. 2.7.7.1-2.7.7.7)
ಸಿ॒ಗ್ಂ॒ಹೇ ವ್ಯಾ॒ಘ್ರ ಉ॒ತ ಯಾ ಪೃದಾ॑ಕೌ । ತ್ವಿಷಿ॑-ರ॒ಗ್ನೌ ಬ್ರಾ᳚ಹ್ಮ॒ಣೇ ಸೂರ್ಯೇ॒ಯಾ ।
ಇನ್ದ್ರಂ॒ ಁಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ । ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ । ಯಾ ರಾ॑ಜ॒ನ್ಯೇ॑ ದುನ್ದು॒-ಭಾವಾಯ॑ತಾಯಾಮ್ । ಅಶ್ವ॑ಸ್ಯ॒ ಕ್ರನ್ದ್ಯೇ॒ ಪುರು॑ಷಸ್ಯ ಮಾ॒ಯೌ । ಇನ್ದ್ರಂ॒ ಁಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ । ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ । ಯಾ ಹ॒ಸ್ತಿನಿ॑ ದ್ವೀ॒ಪಿನಿ॒ ಯಾ ಹಿರ॑ಣ್ಯೇ । ತ್ವಿಷಿ॒-ರಶ್ವೇ॑ಷು॒ ಪುರು॑ಷೇಷು॒ ಗೋಷು॑ ॥ 54 ॥

ಇನ್ದ್ರಂ॒ ಁಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ । ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ । ರಥೇ॑ ಅ॒ಖ್ಷೇಷು॑ ವೃಷ॒ಭಸ್ಯ॒ ವಾಜೇ᳚ । ವಾತೇ॑ ಪ॒ರ್ಜನ್ಯೇ॒ ವರು॑ಣಸ್ಯ॒ ಶುಷ್ಮೇ᳚ । ಇನ್ದ್ರಂ॒ ಁಯಾ ದೇ॒ವೀ ಸು॒ಭಗಾ॑ ಜ॒ಜಾನ॑ । ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ । ರಾಡ॑ಸಿ ವಿ॒ರಾಡ॑ಸಿ । ಸ॒ಮ್ರಾಡ॑ಸಿ ಸ್ವ॒ರಾಡ॑ಸಿ । ಇನ್ದ್ರಾ॑ಯ ತ್ವಾ॒ ತೇಜ॑ಸ್ವತೇ॒ ತೇಜ॑ಸ್ವನ್ತಗ್ಗ್​ ಶ್ರೀಣಾಮಿ । ಇನ್ದ್ರಾ॑ಯ॒ ತ್ವೌಜ॑ಸ್ವತ॒ ಓಜ॑ಸ್ವನ್ತಗ್ಗ್​ ಶ್ರೀಣಾಮಿ ॥ 55 ॥

ಇನ್ದ್ರಾ॑ಯ ತ್ವಾ॒ ಪಯ॑ಸ್ವತೇ॒ ಪಯ॑ಸ್ವನ್ತಗ್ಗ್​ ಶ್ರೀಣಾಮಿ । ಇನ್ದ್ರಾ॑ಯ॒ ತ್ವಾ-ಽಽಯು॑ಷ್ಮತ॒ ಆಯು॑ಷ್ಮನ್ತಗ್ಗ್​ ಶ್ರೀಣಾಮಿ । ತೇಜೋ॑-ಽಸಿ । ತತ್ತೇ॒ ಪ್ರಯ॑ಚ್ಛಾಮಿ । ತೇಜ॑ಸ್ವದಸ್ತು ಮೇ॒ ಮುಖ᳚ಮ್ । ತೇಜ॑ಸ್ವ॒ಚ್ಛಿರೋ॑ ಅಸ್ತು ಮೇ । ತೇಜ॑ಸ್ವಾನ್. ವಿ॒ಶ್ವತಃ॑ ಪ್ರ॒ತ್ಯಮ್ । ತೇಜ॑ಸಾ॒ ಸ-ಮ್ಪಿ॑ಪೃಗ್ಧಿಮಾ । ಓಜೋ॑-ಽಸಿ । ತತ್ತೇ॒ ಪ್ರಯ॑ಚ್ಛಾಮಿ ॥ 56 ॥

ಓಜ॑ಸ್ವದಸ್ತು ಮೇ॒ ಮುಖ᳚ಮ್ । ಓಜ॑ಸ್ವ॒ಚ್ಛಿರೋ॑ ಅಸ್ತು ಮೇ । ಓಜ॑ಸ್ವಾನ್. ವಿ॒ಶ್ವತಃ॑ ಪ್ರ॒ತ್ಯಮ್ । ಓಜ॑ಸಾ॒ ಸಮ್ಪಿ॑ಪೃಗ್ಧಿ ಮಾ । ಪಯೋ॑-ಽಸಿ । ತತ್ತೇ॒ ಪ್ರಯ॑ಚ್ಛಾಮಿ । ಪಯ॑ಸ್ವದಸ್ತು ಮೇ॒ ಮುಖ᳚ಮ್ । ಪಯ॑ಸ್ವ॒ಚ್ಛಿರೋ॑ ಅಸ್ತು ಮೇ । ಪಯ॑ಸ್ವಾನ್. ವಿ॒ಶ್ವತಃ॑ ಪ್ರ॒ತ್ಯಮ್ । ಪಯ॑ಸಾ॒ ಸಮ್ಪಿ॑ಪೃಗ್ಧಿ ಮಾ ॥ 57 ॥

ಆಯು॑ರಸಿ । ತತ್ತೇ॒ ಪ್ರಯ॑ಚ್ಛಾಮಿ । ಆಯು॑ಷ್ಮದಸ್ತು ಮೇ॒ ಮುಖ᳚ಮ್ । ಆಯು॑ಷ್ಮ॒ಚ್ಛಿರೋ॑ ಅಸ್ತು ಮೇ । ಆಯು॑ಷ್ಮಾನ್. ವಿ॒ಶ್ವತಃ॑ ಪ್ರ॒ತ್ಯಮ್ । ಆಯು॑ಷಾ॒ ಸಮ್ಪಿ॑ಪೃಗ್ಧಿ ಮಾ । ಇ॒ಮ ಮ॑ಗ್ನ॒ ಆಯು॑ಷೇ॒ ವರ್ಚ॑ಸೇ ಕೃಧಿ । ಪ್ರಿ॒ಯಗ್ಂ ರೇತೋ॑ ವರುಣ ಸೋಮ ರಾಜನ್ನ್ । ಮಾ॒ ತೇ ವಾ᳚ಸ್ಮಾ ಅದಿತೇ॒ ಶರ್ಮ॑ ಯಚ್ಛ । ವಿಶ್ವೇ॑ ದೇವಾ॒ ಜರ॑ದಷ್ಟಿ॒-ರ್ಯಥಾ-ಽಸ॑ತ್ ॥ 58 ॥

ಆಯು॑ರಸಿ ವಿ॒ಶ್ವಾಯು॑ರಸಿ । ಸ॒ರ್ವಾಯು॑ರಸಿ॒ ಸರ್ವ॒ಮಾಯು॑ರಸಿ । ಯತೋ॒ ವಾತೋ॒ ಮನೋ॑ಜವಾಃ । ಯತಃ॒, ಖ್ಷರ॑ನ್ತಿ॒ ಸಿನ್ಧ॑ವಃ । ತಾಸಾಂ᳚ ತ್ವಾ॒ ಸರ್ವಾ॑ಸಾಗ್ಂ ರು॒ಚಾ । ಅ॒ಭಿಷಿ॑ಞ್ಚಾಮಿ॒ ವರ್ಚ॑ಸಾ । ಸ॒ಮು॒ದ್ರ ಇ॑ವಾಸಿ ಗ॒ಹ್ಮನಾ᳚ । ಸೋಮ॑ ಇವಾ॒ಸ್ಯದಾ᳚ಭ್ಯಃ । ಅ॒ಗ್ನಿರಿ॑ವ ವಿ॒ಶ್ವತಃ॑ ಪ್ರ॒ತ್ಯಮ್ । ಸೂರ್ಯ॑ ಇವ॒ ಜ್ಯೋತಿ॑ಷಾ ವಿ॒ಭೂಃ ॥ 59 ॥

ಅ॒ಪಾಂ-ಯೋಁ ದ್ರವ॑ಣೇ॒ ರಸಃ॑ । ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ । ತೇಜ॑ಸೇ ಬ್ರಹ್ಮವರ್ಚ॒ಸಾಯ॑ ಗೃಹ್ಣಾಮಿ । ಅ॒ಪಾಂ-ಯಁ ಊ॒ರ್ಮೌ ರಸಃ॑ । ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ । ಓಜ॑ಸೇ ವೀ॒ರ್ಯಾ॑ಯ ಗೃಹ್ಣಾಮಿ । ಅ॒ಪಾಂ-ಯೋಁ ಮ॑ದ್ಧ್ಯ॒ತೋ ರಸಃ॑ । ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ । ಪುಷ್ಟೈ᳚ ಪ್ರ॒ಜನ॑ನಾಯ ಗೃಹ್ಣಾಮಿ । ಅ॒ಪಾಂ-ಯೋಁ ಯ॒ಜ್ಞಿಯೋ॒ ರಸಃ॑ । ತಮ॒ಹಮ॒ಸ್ಮಾ ಆ॑ಮುಷ್ಯಾಯ॒ಣಾಯ॑ । ಆಯು॑ಷೇ ದೀರ್ಘಾಯು॒ತ್ವಾಯ॑ ಗೃಹ್ಣಾಮಿ ॥ 60 (23) ॥

1.28 ಅನ್ನ ಸೂಕ್ತಂ
(ತೈ. ಬ್ರಾ. 2.8.8.1-2.8.8.4)
ಅ॒ಹಮ॑ಸ್ಮಿ ಪ್ರಥಮ॒ಜಾ ಋ॒ತಸ್ಯ॑ । ಪೂರ್ವಂ॑ ದೇ॒ವೇಭ್ಯೋ॑ ಅ॒ಮೃತ॑ಸ್ಯ॒ ನಾಭಿಃ॑ ।
ಯೋ ಮಾ॒ ದದಾ॑ತಿ॒ ಸ ಇ ದೇ॒ವ ಮಾ ವಾಃ᳚ । ಅ॒ಹಮನ್ನ॒ ಮನ್ನ॑ ಮ॒ದನ್ತ॑ಮದ್ಮಿ । ಪೂರ್ವ॑-ಮ॒ಗ್ನೇರಪಿ॑ ದಹ॒ತ್ಯನ್ನಂ᳚ । ಯ॒ತ್ತೌ ಹಾ॑ಸಾತೇ ಅಹಮುತ್ತ॒ರೇಷು॑ । ವ್ಯಾತ್ತ॑ಮಸ್ಯ ಪ॒ಶವ॑-ಸ್ಸು॒ಜಮ್ಭ᳚ಮ್ । ಪಶ್ಯ॑ನ್ತಿ॒ ಧೀರಾಃ॒ ಪ್ರಚ॑ರನ್ತಿ॒ ಪಾಕಾಃ᳚ ।
ಜಹಾ᳚ಮ್ಯ॒ನ್ಯ-ನ್ನ ಜ॑ಹಾಮ್ಯ॒ನ್ಯಮ್ । ಅ॒ಹಮನ್ನಂ॒ ಁವಶ॒ಮಿಚ್ಚ॑ರಾಮಿ ॥ 61 ॥

ಸ॒ಮಾ॒ನಮರ್ಥಂ॒ ಪರ್ಯೇ॑ಮಿ ಭು॒ಞ್ಜತ್ । ಕೋ ಮಾ ಮನ್ನಂ॑ ಮನು॒ಷ್ಯೋ॑ ದಯೇತ ।
ಪರಾ॑ಕೇ॒ ಅನ್ನಂ॒ ನಿಹಿ॑ತಂ-ಲೋಁ॒ಕ ಏ॒ತತ್ । ವಿಶ್ವೈ᳚-ರ್ದೇ॒ವೈಃ ಪಿ॒ತೃಭಿ॑-ರ್ಗು॒ಪ್ತಮನ್ನ᳚ಮ್ ।
ಯದ॒ದ್ಯತೇ॑ ಲು॒ಪ್ಯತೇ॒ ಯ-ತ್ಪ॑ರೋ॒ಪ್ಯತೇ᳚ । ಶ॒ತ॒-ತ॒ಮೀಸಾ ತ॒ನೂರ್ಮೇ॑ ಬಭೂವ ।
ಮ॒ಹಾನ್ತೌ॑ ಚ॒ರೂ ಸ॑ಕೃ-ದ್ದು॒ಗ್ಧೇನ॑ ಪಪ್ರೌ । ದಿವ॑ಞ್ಚ॒ ಪೃಶ್ಞಿ॑ ಪೃಥಿ॒ವೀ-ಞ್ಚ॑ ಸಾ॒ಕಮ್ ।
ತಥ್ಸಂ॒-ಪಿಬ॑ನ್ತೋ॒ ನಮಿ॑ನನ್ತಿ ವೇ॒ಧಸಃ॑ । ನೈತದ್ಭೂಯೋ॒ ಭವ॑ತಿ॒ ನೋ ಕನೀ॑ಯಃ ॥ 62 ॥

ಅನ್ನಂ॑ ಪ್ರಾ॒ಣಮನ್ನ॑ ಮಪಾ॒ನ-ಮಾ॑ಹುಃ । ಅನ್ನಂ॑ ಮೃ॒ತ್ಯು-ನ್ತಮು॑ ಜೀ॒ವಾತು॑ ಮಾಹುಃ ।
ಅನ್ನಂ॑ ಬ್ರ॒ಹ್ಮಾಣೋ॑ ಜ॒ರಸಂ॑ ಁವದನ್ತಿ । ಅನ್ನ॑ಮಾಹುಃ ಪ್ರ॒ಜನ॑ನ-ಮ್ಪ್ರ॒ಜಾನಾ᳚ಮ್ ।
ಮೋಘ॒-ಮನ್ನಂ॑ ಁವಿನ್ದತೇ॒ ಅಪ್ರ॑ಚೇತಾಃ । ಸ॒ತ್ಯ-ಮ್ಬ್ರ॑ವೀಮಿ ವ॒ಧ ಇಥ್ಸ ತಸ್ಯ॑ ।
ನಾರ್ಯ॒ಮಣಂ॒ ಪುಷ್ಯ॑ತಿ॒ ನೋ ಸಖಾ॑ಯಮ್ । ಕೇವ॑ಲಾಘೋ ಭವತಿ ಕೇವಲಾ॒ದೀ ।
ಅ॒ಹ-ಮ್ಮೇ॒ಘ ಸ್ಸ್ತ॒ನಯ॒ನ್ ವರ್​ಷ॑ನ್ನಸ್ಮಿ । ಮಾಮ॑ದನ್ತ್ಯ॒-ಹಮ॑ದ್ಮ್ಯ॒ನ್ಯಾನ್ ॥ ಅ॒ಹಗ್ಂ ಸದ॒ಮೃತೋ॑ ಭವಾಮಿ । ಮದಾ॑ದಿ॒ತ್ಯಾ ಅಧಿ॒ ಸರ್ವೇ॑ ತಪನ್ತಿ ॥ 63 ॥

1.29 ವಾ-ಖ್ಸೂಕ್ತಂ
(ತೈ. ಬ್ರಾ. 2.8.8.4)
ದೇ॒ವೀಂ-ವಾಁಚ॑ಮ ಜನಯನ್ತ॒ ಯ-ದ್ವಾಗ್ವದ॑ನ್ತಿ ॥ 64 ॥

ದೇ॒ವೀಂ-ವಾಁಚ॑ಮಜನಯನ್ತ ದೇ॒ವಾಃ । ತಾಂ-ವಿಁ॒ಶ್ವರೂ॑ಪಾಃ ಪ॒ಶವೋ॑ ವದನ್ತಿ । ಸಾ ನೋ॑ ಮ॒ನ್ದ್ರೇಷ॒ ಮೂರ್ಜಂ॒ ದುಹಾ॑ನಾ । ಧೇ॒ನುರ್ವಾಗ॒ಸ್ಮಾ-ನುಪ॒ಸುಷ್ಟು॒ತೈತು॑ ॥ 64ಅ ॥

ಯ-ದ್ವಾಗ್ವದ॑ನ್ತ್ಯ ವಿಚೇತ॒ನಾನಿ॑ । ರಾಷ್ಟ್ರೀ॑ ದೇ॒ವಾನಾ᳚-ನ್ನಿಷ॒ಸಾದ॑ ಮ॒ನ್ದ್ರಾ । ಚತ॑ಸ್ರ॒ ಊರ್ಜಂ॑ ದುದುಹೇ॒ ಪಯಾಗ್ಂ॑ಸಿ । ಕ್ವ॑ಸ್ವಿ ದಸ್ಯಾಃ ಪರ॒ಮ-ಞ್ಜ॑ಗಾಮ ॥ 64ಬ್ ॥

(ತೈ. ಬ್ರಾ. 2.8.8.4-2.8.8.5)
ಅ॒ನ॒ನ್ತಾ-ಮನ್ತಾ॒ದಧಿ॒ ನಿರ್ಮಿ॑ತಾ-ಮ್ಮ॒ಹೀಮ್ । ಯಸ್ಯಾಂ᳚ ದೇ॒ವಾ ಅ॑ದಧು॒-ರ್ಭೋಜ॑ನಾನಿ । ಏಕಾ᳚ಖ್ಷರಾ-ನ್ದ್ವಿ॒ಪದಾ॒ಗ್ಂ॒ ಷಟ್ಪ॑ದಾಞ್ಚ । ವಾಚ॑-ನ್ದೇ॒ವಾ ಉಪ॑ಜೀವನ್ತಿ॒ ವಿಶ್ವೇ᳚ । ವಾಚ॑-ನ್ದೇ॒ವಾ ಉಪ॑ಜೀವನ್ತಿ॒ ವಿಶ್ವೇ᳚ । ವಾಚ॑-ಙ್ಗನ್ಧ॒ರ್ವಾಃ ಪ॒ಶವೋ॑ ಮನು॒ಷ್ಯಾಃ᳚ । ವಾ॒ಚೀಮಾ ವಿಶ್ವಾ॒ ಭುವ॑ನಾ॒-ನ್ಯರ್ಪಿ॑ತಾ । ಸಾ ನೋ॒ ಹವಂ॑ ಜುಷತಾ॒-ಮಿನ್ದ್ರ॑ ಪತ್ನೀ ।
ವಾಗ॒ಖ್ಷರಂ॑ ಪ್ರಥಮ॒ಜಾ ಋ॒ತಸ್ಯ॑ । ವೇದಾ॑ನಾ-ಮ್ಮಾ॒ತಾ-ಽಮೃತ॑ಸ್ಯ॒ ನಾಭಿಃ॑ ॥ 65 ॥

ಸಾ ನೋ॑ ಜುಷಾ॒ಣೋಪ॑ ಯ॒ಜ್ಞ ಮಾಗಾ᳚ತ್ । ಅವ॑ನ್ತೀ ದೇ॒ವೀ ಸು॒ಹವಾ॑ ಮೇ ಅಸ್ತು । ಯಾ ಮೃಷ॑ಯೋ ಮನ್ತ್ರ॒ ಕೃತೋ॑ ಮನೀ॒ಷಿಣಃ॑ । ಅ॒ನ್ವೈಚ್ಛ॑-ನ್ದೇ॒ವಾ-ಸ್ತಪ॑ಸಾ॒ ಶ್ರಮೇ॑ಣ । ತಾ-ನ್ದೇ॒ವೀಂ-ವಾಁಚಗ್ಂ॑ ಹ॒ವಿಷಾ॑ ಯಜಾಮಹೇ । ಸಾ ನೋ॑ ದಧಾತು ಸುಕೃ॒ತಸ್ಯ॑ ಲೋ॒ಕೇ ।
ಚ॒ತ್ವಾರಿ॒ ವಾ-ಕ್ಪರಿ॑ಮಿತಾ ಪ॒ದಾನಿ॑ । ತಾನಿ॑ ವಿದು-ರ್ಬ್ರಾಹ್ಮ॒ಣಾ ಯೇ ಮ॑ನೀ॒ಷಿಣಃ॑ । ಗುಹಾ॒ ತ್ರೀಣಿ॒ ನಿಹಿ॑ತಾ॒ ನೇಙ್ಗ॑ಯನ್ತಿ । ತು॒ರೀಯಂ॑ ಁವಾ॒ಚೋ ಮ॑ನು॒ಷ್ಯಾ॑ ವದನ್ತಿ ॥ 66 ॥

1.30 ಶ್ರದ್ಧಾ ಸೂಕ್ತಂ
(ತೈ. ಬ್ರಾ. 2.8.8.5-2.8.8.8)
ಶ್ರ॒ದ್ಧಯಾ॒-ಽಗ್ನಿ ಸ್ಸಮಿ॑ಧ್ಯತೇ । ಶ್ರ॒ದ್ಧಯಾ॑ ವಿನ್ದತೇ ಹ॒ವಿಃ । ಶ್ರ॒ದ್ಧಾ-ಮ್ಭಗ॑ಸ್ಯ ಮೂ॒ರ್ಧನಿ॑ । ವಚ॒ಸಾ ವೇ॑ದಯಾಮಸಿ । ಪ್ರಿ॒ಯಗ್ಗ್​ ಶ್ರ॑ದ್ಧೇ॒ ದದ॑ತಃ । ಪ್ರಿ॒ಯಗ್ಗ್​ ಶ್ರ॑ದ್ಧೇ॒ ದಿದಾ॑ಸತಃ । ಪ್ರಿ॒ಯ-ಮ್ಭೋ॒ಜೇಷು॒ ಯಜ್ವ॑ಸು । ಇ॒ದ-ಮ್ಮ॑ ಉದಿ॒ತ-ಙ್ಕೃ॑ಧಿ । ಯಥಾ॑ ದೇ॒ವಾ ಅಸು॑ರೇಷು । ಶ್ರ॒ದ್ಧಾ ಮು॒ಗ್ರೇಷು॑ ಚಕ್ರಿ॒ರೇ ॥ 67 ॥

ಏ॒ವ-ಮ್ಭೋ॒ಜೇಷು॒ ಯಜ್ವ॑ಸು । ಅ॒ಸ್ಮಾಕ॑-ಮುದಿ॒ತ-ಙ್ಕೃ॑ಧಿ । ಶ್ರ॒ದ್ಧಾ-ನ್ದೇ॑ವಾ॒ ಯಜ॑ಮಾನಾಃ । ವಾ॒ಯು-ಗೋ॑ಪಾ॒ ಉಪಾ॑ಸತೇ । ಶ್ರ॒ದ್ಧಾಗ್ಂ ಹೃ॑ದ॒ಯ್ಯ॑ಯಾ-ಽಽಕೂ᳚ತ್ಯಾ । ಶ್ರ॒ದ್ಧಯಾ॑ ಹೂಯತೇ ಹ॒ವಿಃ ।
ಶ್ರ॒ದ್ಧಾ-ಮ್ಪ್ರಾ॒ತರ್-ಹ॑ವಾಮಹೇ । ಶ್ರ॒ದ್ಧಾ-ಮ್ಮ॒ದ್ಧ್ಯನ್ದಿ॑ನಂ॒ ಪರಿ॑ । ಶ್ರ॒ದ್ಧಾಗ್ಂ ಸೂರ್ಯ॑ಸ್ಯ ನಿ॒ಮ್ರುಚಿ॑ । ಶ್ರದ್ಧೇ॒ ಶ್ರದ್ಧಾ॑ಪಯೇ॒ ಹಮಾ᳚ ॥ 68 ॥

ಶ್ರ॒ದ್ಧಾ ದೇ॒ವಾನ-ಧಿ॑ವಸ್ತೇ । ಶ್ರ॒ದ್ಧಾ ವಿಶ್ವ॑ ಮಿ॒ದ-ಞ್ಜಗ॑ತ್ । ಶ್ರ॒ದ್ಧಾ-ಙ್ಕಾಮ॑ಸ್ಯ ಮಾ॒ತರ᳚ಮ್ । ಹ॒ವಿಷಾ॑ ವರ್ಧಯಾಮಸಿ ॥ 69ಅ ॥

1.31 ಬ್ರಹ್ಮ ಸೂಕ್ತಂ
(ತೈ. ಬ್ರಾ. 2.8.8.10-2.8.8.11)
ಬ್ರಹ್ಮ॑ಜಜ್ಞಾ॒ನ-ಮ್ಪ್ರ॑ಥ॒ಮ-ಮ್ಪು॒ರಸ್ತಾ᳚ತ್ । ವಿಸೀ॑ಮ॒ತ-ಸ್ಸು॒ರುಚೋ॑ ವೇ॒ನ ಆ॑ವಃ ।
ಸ ಬು॒ದ್ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ । ಸ॒ತಶ್ಚ॒ ಯೋನಿ॒-ಮಸ॑ತಶ್ಚ॒ ವಿವಃ॑ ॥ ಪಿ॒ತಾ-ವಿ॒ರಾಜಾ॑ ಮೃಷ॒ಭೋ-ರ॑ಯೀ॒ಣಾಮ್ । ಅ॒ನ್ತರಿ॑ಖ್ಷಂ-ವಿಁ॒ಶ್ವರೂ॑ಪ॒ ಆವಿ॑ವೇಶ ॥ 69ಬ್ ॥

ತಮ॒ರ್ಕೈರ॒ಭ್ಯ॑ರ್ಚ್ಚನ್ತಿ ವ॒ಥ್ಸಮ್ । ಬ್ರಹ್ಮ॒ ಸನ್ತ॒-ಮ್ಬ್ರಹ್ಮ॑ಣಾ ವ॒ರ್ಧಯ॑ನ್ತಃ ॥ ಬ್ರಹ್ಮ॑ ದೇ॒ವಾನ॑ಜನಯತ್ । ಬ್ರಹ್ಮ॒ ವಿಶ್ವ॑ಮಿ॒ದ-ಞ್ಜಗ॑ತ್ ॥
ಬ್ರಹ್ಮ॑ಣಃ, ಖ್ಷ॒ತ್ರ-ನ್ನಿರ್ಮಿ॑ತಮ್ । ಬ್ರಹ್ಮ॑ ಬ್ರಾಹ್ಮ॒ಣ ಆ॒ತ್ಮನಾ᳚ ॥ ಅ॒ನ್ತರ॑ಸ್ಮಿ-ನ್ನಿ॒ಮೇ ಲೋ॒ಕಾಃ । ಅ॒ನ್ತ ರ್ವಿಶ್ವ॑ಮಿ॒ದ-ಞ್ಜಗ॑ತ್ । ಬ್ರಹ್ಮೈ॒ವ ಭೂ॒ತಾನಾ॒-ಞ್ಜ್ಯೇಷ್ಠ᳚ಮ್ । ತೇನ॒ ಕೋ॑-ಽರ್​ಹತಿ॒ ಸ್ಪರ್ಧಿ॑ತುಮ್ ॥ 70 ॥

ಬ್ರಹ್ಮಂ॑ ದೇ॒ವಾ-ಸ್ತ್ರಯ॑ಸ್ತ್ರಿಗ್ಂಶತ್ । ಬ್ರಹ್ಮ॑-ನ್ನಿನ್ದ್ರ ಪ್ರಜಾಪ॒ತೀ । ಬ್ರಹ್ಮ॑ನಃಅ॒ ವಿಶ್ವಾ॑ ಭೂ॒ತಾನಿ॑ । ನಾ॒ವೀ ವಾ॒ನ್ತ-ಸ್ಸ॒ಮಾಹಿ॑ತಾ ॥ ಚತ॑ಸ್ರ॒ ಆಶಾಃ॒ ಪ್ರಚ॑ರನ್ತ್ವ॒-ಗ್ನಯಃ॑ । ಇ॒ಮನ್ನೋ॑ ಯ॒ಜ್ಞನ್ನ॑ಯತು ಪ್ರಜಾ॒ನನ್ನ್ ।
ಘೃ॒ತ-ಮ್ಪಿನ್ವ॑ನ್ನ॒ ಜರಗ್ಂ॑ ಸು॒ವೀರ᳚ಮ್ । ಬ್ರಹ್ಮ॑ ಸ॒ಮಿ-ದ್ಭ॑ವ॒ತ್ಯಾಹು॑ತೀನಾಮ್ ॥ 71 ॥

1.32 ಗೋ ಸೂಕ್ತಂ
(ತೈ. ಬ್ರಾ. 2.8.8.11)
ಆಗಾವೋ॑ ಅಗ್ಮನ್ನು॒ತ ಭ॒ದ್ರ-ಮ॑ಕ್ರನ್ನ್ । ಸೀದ॑ನ್ತು ಗೋ॒ಷ್ಠೇ-ರ॒ಣಯ॑ನ್ತ್ವ॒ಸ್ಮೇ ॥ ಪ್ರ॒ಜಾವ॑ತೀಃ ಪುರು॒ ರೂಪಾ॑ ಇ॒ಹ ಸ್ಯುಃ । ಇನ್ದ್ರಾ॑ಯ ಪೂ॒ರ್ವೀ ರು॒ಷಸೋ॒ ದುಹಾ॑ನಾಃ । ಇನ್ದ್ರೋ॒ ಯಜ್ವ॑ನೇ ಪೃಣ॒ತೇ ಚ॑ ಶಿಖ್ಷತಿ । ಉಪೇದ್ದ॑ದಾತಿ॒ ನ ಸ್ವ-ಮ್ಮು॑ಷಾಯತಿ । ಭೂಯೋ॑ ಭೂಯೋ ರ॒ಯಿಮಿದ॑ಸ್ಯ ವ॒ರ್ಧಯನ್ನ್॑ । ಅಭಿ॑ನ್ನೇ ಖಿ॒ಲ್ಲೇ ನಿದ॑ಧಾತಿ ದೇವ॒ಯುಮ್ ।
ನ ತಾ ನ॑ಶನ್ತಿ॒ ನ ತಾ ಅರ್ವಾ᳚ ॥ 72 ॥

ನ ತಾ ನ॑ಶನ್ತಿ॒ ನದ॑ಭಾತಿ॒ ತಸ್ಕ॑ರಃ । ನೈನಾ॑ ಅಮಿ॒ತ್ರೋ ವ್ಯಥಿ॒ರಾ ದ॑ಧರ್​ಷತಿ ।
ದೇ॒ವಾಗ್​ಶ್ಚ॒ ಯಾಭಿ॒-ರ್ಯಜ॑ತೇ॒ ದದಾ॑ತಿ ಚ । ಜ್ಯೋಗಿತ್ತಾಭಿ॑ ಸ್ಸಚತೇ॒ ಗೋಪ॑ತಿ ಸ್ಸ॒ಹ ॥ 72ಅ ॥

ನ ತಾ ಅರ್ವಾ॑ ರೇ॒ಣು ಕ॑ಕಾಟೋ ಅಶ್ನುತೇ । ನ ಸಗ್ಗ್॑ ಸ್ಕೃತ॒ತ್ರ-ಮುಪ॑ಯನ್ತಿ॒ ತಾ ಅ॒ಭಿ ।
ಉ॒ರು॒ಗಾ॒ಯಮ॑ಭಯ॒-ನ್ತಸ್ಯ॒ ತಾ ಅನು॑ । ಗಾವೋ॒ ಮರ್ತ್ಯ॑ಸ್ಯ॒ ವಿಚ॑ರನ್ತಿ॒ ಯಜ್ವ॑ನಃ ॥ 72ಬ್ ॥

(ತೈ. ಬ್ರಾ. 2.8.8.12)
ಗಾವೋ॒ ಭಗೋ॒ ಗಾವ॒ ಇನ್ದ್ರೋ॑ ಮೇ ಅಚ್ಛಾತ್ । ಗಾವ॒ ಸ್ಸೋಮ॑ಸ್ಯ ಪ್ರಥ॒ಮಸ್ಯ॑ ಭ॒ಖ್ಷಃ ।
ಇ॒ಮಾ ಯಾ ಗಾವ॒-ಸ್ಸಜ॑ನಾಸ॒ ಇನ್ದ್ರಃ॑ । ಇ॒ಚ್ಛಾಮೀ-ದ್ಧೃ॒ದಾ ಮನ॑ಸಾ-ಚಿ॒ದಿನ್ದ್ರ᳚ಮ್ ।
ಯೂ॒ಯ-ಙ್ಗಾ॑ವೋ ಮೇದಯಥಾ ಕೃ॒ಶಞ್ಚಿ॑ತ್ । ಅ॒ಶ್ಲೀ॒ಲ-ಞ್ಚಿ॑-ತ್ಕೃಣುಥಾ ಸು॒ಪ್ರತೀ॑ಕಮ್ ॥ 73 ॥

ಭ॒ದ್ರ-ಙ್ಗೃ॒ಹ-ಙ್ಕೃ॑ಣುಥ ಭದ್ರ ವಾಚಃ । ಬೃ॒ಹದ್ವೋ॒ ವಯ॑ ಉಚ್ಯತೇ ಸ॒ಭಾಸು॑ । ಪ್ರ॒ಜಾವ॑ತೀ ಸ್ಸೂ॒ಯವ॑ಸಗ್ಂ-ರಿ॒ಶನ್ತೀಃ᳚ । ಶು॒ದ್ಧಾ ಅ॒ಪ ಸ್ಸು॑ಪ್ರಪಾ॒ಣೇ ಪಿಬ॑ನ್ತೀಃ ।
ಮಾವ॑ ಸ್ತೇ॒ನ ಈ॑ಶತ॒ ಮಾಘಶಗ್ಂ॑ಸಃ । ಪರಿ॑ವೋ ಹೇ॒ತೀ ರು॒ದ್ರಸ್ಯ॑ ವೃಞ್ಜ್ಯಾತ್ । ಉಪೇ॒ದ-ಮು॑ಪ॒-ಪರ್ಚ॑ನಮ್ । ಆ॒ಸು ಗೋಷೂಪ॑ ಪೃಚ್ಯತಾಮ್ । ಉಪ॑ರ್​ಷ॒ಭಸ್ಯ॒ ರೇತ॑ಸಿ । ಉಪೇ᳚ನ್ದ್ರ॒ ತವ॑ ವೀ॒ರ್ಯೇ᳚ ॥ 74 (24) ॥

1.33 ಸೂರ್ಯಾ ಚನ್ದ್ರಮಸಾ ಸೂಕ್ತಂ
(ತೈ. ಬ್ರಾ. 2.8.9.1)
ತಾ ಸೂ᳚ರ್ಯಾ ಚನ್ದ್ರ॒ಮಸಾ॑ ವಿಶ್ವ॒-ಭೃತ್ತ॑ಮಾ ಮ॒ಹತ್ । ತೇಜೋ॒ ವಸು॑ಮದ್ರಾಜತೋ ದಿ॒ವಿ । ಸಾಮಾ᳚ತ್ಮಾನಾ ಚರತ ಸ್ಸಾಮ-ಚಾ॒ರಿಣಾ᳚ । ಯಯೋ᳚ರ್ವ್ರ॒ತ-ನ್ನಮ॒ಮೇ ಜಾತು॑ ದೇ॒ವಯೋಃ᳚ । ಉ॒ಭಾವನ್ತೌ॒ ಪರಿ॑ಯಾತ॒ ಅರ್ಮ್ಯಾ᳚ । ದಿ॒ವೋ ನ ರ॒ಶ್ಮೀಗ್​ ಸ್ತ॑ನು॒ತೋ-ವ್ಯ॑ರ್ಣ॒ವೇ । ಉ॒ಭಾ ಭು॑ವ॒ನ್ತೀ ಭುವ॑ನಾ ಕ॒ವಿಕ್ರ॑ತೂ । ಸೂರ್ಯಾ॒ ನ ಚ॒ನ್ದ್ರಾ ಚ॑ರತೋ ಹ॒ತಾಮ॑ತೀ । ಪತೀ᳚ದ್ಯು॒ಮ-ದ್ವಿ॑ಶ್ವ॒-ವಿದಾ॑ ಉ॒ಭಾ ದಿ॒ವಃ । ಸೂರ್ಯಾ॑ ಉ॒ಭಾ ಚ॒ನ್ದ್ರಮ॑ಸಾ ವಿಚಖ್ಷ॒ಣಾ ॥ 75 ॥

ವಿ॒ಶ್ವವಾ॑ರಾ ವರಿವೋ॒ ಭಾ ವರೇ᳚ಣ್ಯಾ । ತಾ ನೋ॑-ಽವತ-ಮ್ಮತಿ॒ಮನ್ತಾ॒ ಮಹಿ॑ವ್ರತಾ । ವಿ॒ಶ್ವ॒ವಪ॑ರೀ ಪ್ರ॒ತರ॑ಣಾ ತರ॒ನ್ತಾ । ಸು॒ವ॒ರ್ವಿದಾ॑ ದೃ॒ಶಯೇ॒ ಭೂರಿ॑ ರಶ್ಮೀ । ಸೂರ್ಯಾ॒ ಹಿ ಚ॒ನ್ದ್ರಾ ವಸು॑ತ್ವೇ॒ಷ-ದ॑ರ್​ಶತಾ । ಮ॒ನ॒ಸ್ವಿನೋ॒ ಽಭಾನು॑ಚರ॒ತೋನು॒-ಸನ್ದಿವ᳚ಮ್ । ಅ॒ಸ್ಯ ಶ್ರವೋ॑ ನ॒ದ್ಯ॑ ಸ್ಸ॒ಪ್ತ ಬಿ॑ಭ್ರತಿ । ದ್ಯಾವಾ॒ ಖ್ಷಾಮಾ॑ ಪೃಥಿ॒ವೀ ದ॑ರ್​ಶ॒ತಂ-ವಁಪುಃ॑ । ಅ॒ಸ್ಮೇ ಸೂ᳚ರ್ಯಾ ಚನ್ದ್ರ॒ಮಸಾ॑-ಽಭಿ॒ಚಖ್ಷೇ᳚ । ಶ್ರ॒ದ್ಧೇಕ-ಮಿ॑ನ್ದ್ರ ಚರತೋ ವಿಚರ್ತು॒ರಮ್ ॥ 76 ॥
ಪೂ॒ರ್ವಾ॒ಪ॒ರ-ಞ್ಚ॑ರತೋ ಮಾ॒ಯ ಯೈ॒ತೌ । ಶಿಶೂ॒ ಕ್ರೀಡ॑ನ್ತೌ॒ ಪರಿ॑ಯಾತೋ ಅಧ್ವ॒ರಮ್ । ವಿಶ್ವಾ᳚ನ್ಯ॒ನ್ಯೋ ಭುವ॑ನಾ ಽಭಿ॒ಚಷ್ಟೇ᳚ । ಋ॒ತೂನ॒ನ್ಯೋ ವಿ॒ದಧ॑ಜ್ಜಾಯತೇ॒ ಪುನಃ॑ । ಹಿರ॑ಣ್ಯವರ್ಣಾ॒-ಶ್ಶುಚ॑ಯಃ ಪಾವ॒ಕಾ ಯಾಸಾ॒ಗ್ಂ॒ ರಾಜಾ᳚ । ಯಾಸಾಂ᳚ ದೇ॒ವಾ ಶ್ಶಿ॒ವೇನ॑ ಮಾ॒ ಚಖ್ಷು॑ಷಾ ಪಶ್ಯತ । ಆಪೋ॑ ಭ॒ದ್ರಾ ಆದಿತ್ಪ॑ಶ್ಯಾಮಿ ॥ 77 ॥

ಹಿರ॑ಣ್ಯವರ್ಣಾ॒-ಶ್ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿನ್ದ್ರಃ॑ । ಅ॒ಗ್ನಿಂ-ಯಾಁ ಗರ್ಭಂ॑ ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥
ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯಂ॒ ಜನಾ॑ನಾಮ್ ।
ಮ॒ಧು॒ಶ್ಚುತ॒-ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ 77ಅ ॥

ಯಾಸಾಂ᳚ ದೇ॒ವಾ ದಿ॒ವಿ ಕೃ॒ಣ್ವನ್ತಿ॑ ಭ॒ಖ್ಷಯ್ಯಾ ಅ॒ನ್ತರಿ॑ಖ್ಷೇ ಬಹು॒ಧಾ ಭವ॑ನ್ತಿ ।
ಯಾಃ ಪೃ॑ಥಿ॒ವೀ-ಮ್ಪಯ॑ಸೋ॒ನ್ದನ್ತಿ॑ ಶು॒ಕ್ರಾಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥
ಶಿ॒ವೇನ॑ ಮಾ॒ ಚಖ್ಷು॑ಷಾ ಪಶ್ಯತಾಪ ಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚ॑-ಮ್ಮೇ ।
ಸರ್ವಾಗ್ಂ॑ ಅ॒ಗ್ನೀಗ್ಂ ರ॑ಫ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ॥ 77ಬ್ ॥

ಆಪೋ॑ ಭ॒ದ್ರಾ ಘೃ॒ತಮಿದಾಪ॑ ಆಸುರ॒ಗ್ನೀ-ಷೋಮೌ॑ ಬಿಭ್ರ॒ತ್ಯಾಪ॒ ಇತ್ತಾಃ । ತೀ॒ವ್ರೋ ರಸೋ॑ ಮಧು॒ಪೃಚಾ॑-ಮರಙ್ಗ॒ಮ ಆ ಮಾ᳚ ಪ್ರಾ॒ಣೇನ॑ ಸ॒ಹ ವರ್ಚ॑ಸಾ ಗನ್ನ್ ।
ಆದಿತ್ಪ॑ಶ್ಯಾ ಮ್ಯು॒ತವಾ॑ ಶೃಣೋ॒ಮ್ಯಾಮಾ॒ ಘೋಷೋ॑ ಗಚ್ಛತಿ॒ ವಾನ್ನ॑ ಆಸಾಮ್ । ಮನ್ಯೇ॑ ಭೇಜಾ॒ನೋ ಅ॒ಮೃತ॑ಸ್ಯ॒ ತರ್​ಹಿ॒ ಹಿರ॑ಣ್ಯವರ್ಣಾ॒ ಅತೃ॑ಪಂ-ಯಁ॒ದಾ ವಃ॑ ॥ 77ಚ್ ॥

1.34 ನಾಸದಾಸೀಯ ಸೂಕ್ತಂ
(ತೈ. ಬ್ರಾ. 2.8.9.3-2.8.9.7)
ನಾಸ॑ದಾಸೀ॒ನ್ನೋ ಸದಾ॑ಸೀತ್ತ॒ದಾನೀ᳚ಮ್ । ನಾಸೀ॒ದ್ರಜೋ॒ ನೋ ವ್ಯೋ॑ಮಾ-ಪ॒ರೋಯತ್ । ಕಿಮಾ ವ॑ರೀವಃ॒ ಕುಹ॒ಕಸ್ಯ॒ ಶರ್ಮನ್ನ್॑ । ಅಭಂಃ॒ ಕಿಮಾ॑ಸೀ॒-ದ್ಗಹ॑ನ-ಙ್ಗಭೀ॒ರಮ್ ॥ 78 ॥
ನ ಮೃ॒ತ್ಯು-ರ॒ಮೃತ॒-ನ್ತರ್​ಹಿ॒ ನ । ರಾತ್ರಿ॑ಯಾ॒ ಅಹ್ನ॑ ಆಸೀ-ತ್ಪ್ರಕೇ॒ತಃ । ಆನೀ॑ದ ವಾ॒ತಗ್ಗ್​ ಸ್ವ॒ಧಯಾ॒ ತದೇಕ᳚ಮ್ । ತಸ್ಮಾ᳚ದ್ಧಾ॒ನ್ಯ-ನ್ನ ಪ॒ರಃ ಕಿಞ್ಚ॒ನಾಸ॑ ।
ತಮ॑ ಆಸೀ॒-ತ್ತಮ॑ಸಾ ಗೂ॒ಢಮಗ್ರೇ᳚ ಪ್ರಕೇ॒ತಮ್ । ಸ॒ಲಿ॒ಲಗ್ಂ ಸರ್ವ॑ ಮಾ ಇ॒ದಮ್ । ತು॒ಚ್ಛೇ ನಾ॒ಭ್ವಪಿ॑ಹಿತಂ॒ ಁಯದಾಸೀ᳚ತ್ । ತಮ॑ಸ॒ಸ್ ತನ್ಮ॑ಹಿ॒ನಾ ಜಾ॑ಯ॒ತೈಕ᳚ಮ್ ।
ಕಾಮ॒ಸ್ತದಗ್ರೇ॒ ಸಮ॑ವರ್ತ॒ತಾಧಿ॑ । ಮನ॑ಸೋ॒ ರೇತಃ॑ ಪ್ರಥ॒ಮಂ-ಯಁದಾಸೀ᳚ತ್ ॥ 79 ॥

ಸ॒ ತೋ ಬನ್ಧು॒ಮಸ॑ತಿ॒ ನಿರ॑ವಿನ್ದನ್ನ್ । ಹೃ॒ದಿ-ಪ್ರ॒ತೀಷ್ಯಾ॑ ಕ॒ವಯೋ॑ ಮನೀ॒ಷಾ ।
ತಿ॒ರ॒ಶ್ಚೀನೋ॒ ವಿತ॑ತೋ ರ॒ಶ್ಮಿ-ರೇ॑ಷಾಮ್ । ಅ॒ಧಸ್ವಿ॑ದಾ॒ಸೀ(3) ದು॒ಪರಿ॑ಸ್ವಿದಾಸೀ(3)ತ್ ।
ರೇ॒ತೋ॒ಧಾ ಆ॑ಸ-ನ್ಮಹಿ॒ಮಾನ॑ ಆಸನ್ನ್ । ಸ್ವ॒ಧಾ ಅ॒ವಸ್ತಾ॒-ತ್ಪ್ರಯ॑ತಿಃ ಪ॒ರಸ್ತಾ᳚ತ್ ।
ಕೋ ಅ॒ದ್ಧಾ ವೇ॑ದ॒ಕ ಇ॒ಹ ಪ್ರವೋ॑ಚತ್ । ಕುತ॒ ಆಜಾ॑ತಾ॒ ಕುತ॑ ಇ॒ಯಂ-ವಿಁಸೃ॑ಷ್ಟಿಃ ।
ಅ॒ರ್ವಾಗ್ ದೇ॒ವಾ ಅ॒ಸ್ಯ ವಿ॒ಸರ್ಜ॑ನಾಯ । ಅಥಾ॒ ಕೋ ವೇ॑ದ॒ ಯತ॑ ಆ ಬ॒ಭೂವ॑ ॥ 80 ॥

ಇ॒ಯಂ-ವಿಁಸೃ॑ಷ್ಟಿ॒-ರ್ಯತ॑ ಆಬ॒ಭೂವ॑ । ಯದಿ॑ ವಾ ದ॒ಧೇ ಯದಿ॑ ವಾ॒ ನ ।
ಯೋ ಅ॒ಸ್ಯಾದ್ಧ್ಯ॑ಖ್ಷಃ ಪರ॒ಮೇ ವ್ಯೋ॑ಮನ್ನ್ । ಸೋ ಅ॒ಙ್ಗವೇ॑ದ॒ ಯದಿ॑ ವಾ॒ ನ ವೇದ॑ ।
ಕಿಗ್ಗ್​ಸ್ವಿ॒ದ್ವನಂ॒ ಕ ಉ॒ಸ ವೃ॒ಖ್ಷ ಆ॑ಸೀತ್ । ಯತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಖ್ಷುಃ ।
ಮನೀ॑ಷಿಣೋ॒ ಮನ॑ಸಾ ಪೃ॒ಚ್ಛತೇದು॒ತತ್ । ಯದ॒ದ್ಧ್ಯತಿ॑ಷ್ಠ॒-ದ್ಭುವ॑ನಾನಿ ಧಾ॒ರಯನ್ನ್॑ । ಬ್ರಹ್ಮ॒ವನಂ॒ ಬ್ರಹ್ಮ॒ ಸ ವೃ॒ಖ್ಷ ಆ॑ಸೀತ್ । ಯತೋ॒ ದ್ಯಾವಾ॑ಪೃಥಿ॒ವೀ ನಿ॑ಷ್ಟತ॒ಖ್ಷುಃ ॥ ಮನೀ॑ಷಿಣೋ॒ ಮನ॑ಸಾ॒ ವಿಬ್ರ॑ವೀಮಿ ವಃ । ಬ್ರಹ್ಮಾ॒ದ್ಧ್ಯತಿ॑ಷ್ಠ॒-ದ್ಭುವ॑ನಾನಿ ಧಾ॒ರಯನ್ನ್॑ ॥ 81 ॥

1.35 ಭಾಗ್ಯ ಸೂಕ್ತಂ
(ತೈ. ಬ್ರಾ. 2.8.9.7-2.8.9.9)
ಪ್ರಾ॒ತರ॒ಗ್ನಿ-ಮ್ಪ್ರಾ॒ತರಿನ್ದ್ರಗ್ಂ॑ ಹವಾಮಹೇ । ಪ್ರಾ॒ತ-ರ್ಮಿ॒ತ್ರಾ ವರು॑ಣಾ ಪ್ರಾ॒ತರ॒ಶ್ವಿನಾ᳚ ।
ಪ್ರಾ॒ತ-ರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿ᳚ಮ್ । ಪ್ರಾ॒ತಸ್ಸೋಮ॑ ಮು॒ತ ರು॒ದ್ರಗ್ಂ ಹು॑ವೇಮ ॥ ಪ್ರ॒ತ॒ರ್ಜಿತಂ॒ ಭಗ॑ಮು॒ಗ್ರಗ್ಂ ಹು॑ವೇಮ । ವ॒ಯ-ಮ್ಪು॒ತ್ರಮದಿ॑ತೇ॒ರ್ಯೋ ವಿ॑ಧ॒ರ್ತಾ । ಆ॒ಧ್ರಶ್ಚಿ॒ದ್ಯ-ಮ್ಮನ್ಯ॑ಮಾನ-ಸ್ತು॒ರಶ್ಚಿ॑ತ್ । ರಾಜಾ॑ ಚಿ॒ದ್ಯ-ಮ್ಭಗಂ॑ ಭ॒ಖ್ಷೀತ್ಯಾಹ॑ ॥ 82 ॥

ಭಗ॒ಪ್ರಣೇ॑ತ॒-ರ್ಭಗ॒ಸತ್ಯ॑ರಾಧಃ । ಭಗೇ॒ಮಾ-ನ್ಧಿಯ॒ಮುದ॑ವ॒ ದದ॑ನ್ನಃ । ಭಗ॒ಪ್ರಣೋ॑ ಜನಯ॒ ಗೋಭಿ॒ರಶ್ವೈಃ᳚ । ಭಗ॒ ಪ್ರನೃಭಿ॑-ರ್ನೃ॒ವನ್ತ॑ಸ್ಸ್ಯಾಮ ॥ ಉ॒ತೇದಾನೀಂ॒ ಭಗ॑ವನ್ತಸ್ಸ್ಯಾಮ । ಉ॒ತ ಪ್ರಪಿ॒ತ್ವ ಉ॒ತ ಮದ್ಧ್ಯೇ॒ ಅಹ್ನಾ᳚ಮ್ । ಉ॒ತೋದಿ॑ತಾ ಮಘವ॒ನ್-ಥ್ಸೂರ್ಯ॑ಸ್ಯ । ವ॒ಯ-ನ್ದೇ॒ವಾನಾಗ್ಂ॑ ಸುಮ॒ತೌ ಸ್ಯಾ॑ಮ ॥ ಭಗ॑ ಏ॒ವ ಭಗ॑ವಾಗ್ಂ ಅಸ್ತು ದೇವಾಃ । ತೇನ॑ ವ॒ಯ-ಮ್ಭಗ॑ವನ್ತ ಸ್ಸ್ಯಾಮ ॥ 83 ॥

ತನ್ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀಮಿ । ಸನೋ॑ ಭಗ ಪುರ ಏ॒ತಾ ಭ॑ವೇ॒ಹ ॥ ಸಮ॑ಧ್ವ॒ರಾ-ಯೋ॒ಷಸೋ॑-ಽನಮನ್ತ । ದ॒ಧಿ॒ಕ್ರಾವೇ॑ವ॒ ಶುಚ॑ಯೇ ಪ॒ದಾಯ॑ । ಅ॒ರ್ವಾ॒ಚೀ॒ನಂ-ವಁ॑ಸು॒ವಿದಂ॒ ಭಗ॑ನ್ನಃ । ರಥ॑ಮಿ॒ವಾಶ್ವಾ॑ ವಾ॒ಜಿನ॒ ಆವ॑ಹನ್ತು ॥ ಅಶ್ವಾ॑ವತೀ॒-ರ್ಗೋಮ॑ತೀ-ರ್ನ ಉ॒ಷಾಸಃ॑ । ವೀ॒ರವ॑ತೀ॒-ಸ್ಸದ॑ಮುಚ್ಛನ್ತು ಭ॒ದ್ರಾಃ । ಘೃ॒ತ-ನ್ದುಹಾ॑ನಾ ವಿ॒ಶ್ವತಃ॒ ಪ್ರಪೀ॑ನಾಃ । ಯೂ॒ಯ-ಮ್ಪಾ॑ತ ಸ್ವ॒ಸ್ತಿಭಿ॒-ಸ್ಸದಾ॑ನಃ ॥ 84 (25) ॥

1.36 ನಖ್ಷತ್ರ ಸೂಕ್ತಂ
(ತೈ. ಬ್ರಾ. 3.1.1.1-3.1.3.3)
1ಂಅಖ್ಷತ್ರಂ - ಕೃತ್ತಿಕಾ ದೇವತಾ - ಅಗ್ನಿಃ
ಅ॒ಗ್ನಿರ್ನಃ॑ ಪಾತು॒ ಕೃತ್ತಿ॑ಕಾಃ । ನಖ್ಷ॑ತ್ರ-ನ್ದೇ॒ವಮಿ॑ನ್ದ್ರಿ॒ಯಮ್ । ಇ॒ದಮಾ॑ಸಾಂ​ವಿಁಚಖ್ಷ॒ಣಮ್ । ಹ॒ವಿರಾ॒ಸನ್ ಜು॑ಹೋತನ । ಯಸ್ಯ॒ ಭಾನ್ತಿ॑ ರ॒ಶ್ಮಯೋ॒ ಯಸ್ಯ॑ ಕೇ॒ತವಃ॑ । ಯಸ್ಯೇ॒ಮಾ ವಿಶ್ವಾ॒ ಭುವ॑ನಾನಿ॒ ಸರ್ವಾ᳚ । ಸ ಕೃತ್ತಿ॑ಕಾ ಭಿರ॒ಭಿ-ಸಂ॒​ವಁಸಾ॑ನಃ । ಅ॒ಗ್ನಿರ್ನೋ॑ ದೇ॒ವಸ್ಸು॑ವಿ॒ತೇ ದ॑ಧಾತು ॥ 1 ॥

2. ನಖ್ಷತ್ರಂ - ರೋಹಿಣೀ ದೇವತಾ - ಪ್ರಜಾಪತಿಃ
ಪ್ರ॒ಜಾಪ॑ತೇ ರೋಹಿ॒ಣೀ ವೇ॑ತು॒ ಪತ್ನೀ᳚ । ವಿ॒ಶ್ವರೂ॑ಪಾ ಬೃಹ॒ತೀ ಚಿ॒ತ್ರಭಾ॑ನುಃ ॥ 85 ॥
ಸಾ ನೋ॑ ಯ॒ಜ್ಞಸ್ಯ॑ ಸುವಿ॒ತೇ ದ॑ಧಾತು । ಯಥಾ॒ ಜೀವೇ॑ಮ ಶ॒ರದ॒ಸ್ಸವೀ॑ರಾಃ । ರೋ॒ಹಿ॒ಣೀ ದೇ॒ವ್ಯುದ॑ಗಾ-ತ್ಪು॒ರಸ್ತಾ᳚ತ್ । ವಿಶ್ವಾ॑ ರೂ॒ಪಾಣಿ॑ ಪ್ರತಿ॒ಮೋದ॑ಮಾನಾ । ಪ್ರ॒ಜಾಪ॑ತಿಗ್ಂ ಹ॒ವಿಷಾ॑ ವ॒ರ್ಧಯ॑ನ್ತೀ । ಪ್ರಿ॒ಯಾ ದೇ॒ವಾನಾ॒-ಮುಪ॑ಯಾತು ಯ॒ಜ್ಞಮ್ ॥ 2 ॥

3ಂಅಖ್ಷತ್ರಂ - ಮೃಗಶೀರ್​ಷಃ ದೇವತಾ - ಸೋಮಃ
ಸೋಮೋ॒ ರಾಜಾ॑ ಮೃಗಶೀ॒ರ॒.ಷೇಣ॒ ಆಗನ್ನ್॑ । ಶಿ॒ವ-ನ್ನಖ್ಷ॑ತ್ರ-ಮ್ಪ್ರಿ॒ಯಮ॑ಸ್ಯ॒ ಧಾಮ॑ । ಆ॒ಪ್ಯಾಯ॑ಮಾನೋ ಬಹು॒ಧಾ ಜನೇ॑ಷು । ರೇತಃ॑ ಪ್ರ॒ಜಾಂ-ಯಁಜ॑ಮಾನೇ ದಧಾತು ॥ 86 ॥
ಯತ್ತೇ॒ ನಖ್ಷ॑ತ್ರ-ಮ್ಮೃಗಶೀ॒ರ್॒ಷಮಸ್ತಿ॑ । ಪ್ರಿ॒ಯಗ್ಂ ರಾ॑ಜ-ನ್ಪ್ರಿ॒ಯತ॑ಮ-ಮ್ಪ್ರಿ॒ಯಾಣಾ᳚ಮ್ । ತಸ್ಮೈ॑ ತೇ ಸೋಮ ಹ॒ವಿಷಾ॑ ವಿಧೇಮ । ಶನ್ನ॑ ಏಧಿ ದ್ವಿ॒ಪದೇ॒ ಶಞ್ಚತು॑ಷ್ಪದೇ ॥ 3 ॥
4. ನಖ್ಷತ್ರಂ - ಆರ್ದ್ರಾ ದೇವತಾ - ರುದ್ರಃ
ಆ॒ರ್ದ್ರಯಾ॑ ರು॒ದ್ರಃ ಪ್ರಥ॑ಮಾ ನ ಏತಿ । ಶ್ರೇಷ್ಠೋ॑ ದೇ॒ವಾನಾಂ॒ ಪತಿ॑ರಘ್ನಿ॒ಯಾನಾ᳚ಮ್ । ನಖ್ಷ॑ತ್ರಮಸ್ಯ ಹ॒ವಿಷಾ॑ ವಿಧೇಮ । ಮಾ ನಃ॑ ಪ್ರ॒ಜಾಗ್ಂ ರೀ॑ರಿಷ॒-ನ್ಮೋತ ವೀ॒ರಾನ್ । ಹೇ॒ತೀ ರು॒ದ್ರಸ್ಯ॒ ಪರಿ॑ಣೋ ವೃಣಕ್ತು । ಆ॒ರ್ದ್ರಾ ನಖ್ಷ॑ತ್ರ-ಞ್ಜುಷತಾಗ್ಂ ಹ॒ವಿರ್ನಃ॑ ॥ 87 ॥
ಪ್ರ॒ಮು॒ಞ್ಚಮಾ॑ನೌ ದುರಿ॒ತಾನಿ॒ ವಿಶ್ವಾ᳚ । ಅಪಾ॒ಘಶಗ್ಂ॑ ಸನ್ನು-ದತಾ॒ಮರಾ॑ತಿಮ್ ॥ 4 ॥

5ಂಅಖ್ಷತ್ರಂ - ಪುನರ್ವಸು ದೇವತಾ - ಅದಿತಿಃ
ಪುನ॑ರ್ನೋ ದೇ॒ವ್ಯದಿ॑ತಿ-ಸ್ಸ್ಪೃಣೋತು । ಪುನ॑ರ್ವಸೂ ನಃ॒ ಪುನ॒ರೇತಾಂ᳚-ಯಁ॒ಜ್ಞಮ್ । ಪುನ॑ರ್ನೋ ದೇ॒ವಾ ಅ॒ಭಿಯ॑ನ್ತು॒ ಸರ್ವೇ᳚ । ಪುನಃ॑ ಪುನರ್ವೋ ಹ॒ವಿಷಾ॑ ಯಜಾಮಃ । ಏ॒ವಾ ನ ದೇ॒ವ್ಯದಿ॑ತಿರನ॒ರ್ವಾ । ವಿಶ್ವ॑ಸ್ಯ ಭ॒ರ್ತ್ರೀ ಜಗ॑ತಃ ಪ್ರತಿ॒ಷ್ಠಾ । ಪುನ॑ರ್ವಸೂ ಹ॒ವಿಷಾ॑ ವ॒ರ್ಧಯ॑ನ್ತೀ । ಪ್ರಿ॒ಯ-ನ್ದೇ॒ವಾನಾ॒-ಮಪ್ಯೇ॑ತು॒ ಪಾಥಃ॑ ॥ 5 (88) ॥

6ಂಅಖ್ಷತ್ರಂ - ಪುಷ್ಯಃ ದೇವತಾ - ಬೃಹಸ್ಪತಿಃ
ಬೃಹ॒ಸ್ಪತಿಃ॑ ಪ್ರಥ॒ಮಞ್ಜಾಯ॑ಮಾನಃ । ತಿ॒ಷ್ಯ॑-ನ್ನಖ್ಷ॑ತ್ರಮ॒ಭಿ ಸಮ್ಬ॑ಭೂವ । ಶ್ರೇಷ್ಠೋ॑ ದೇ॒ವಾನಾಂ॒ ಪೃತ॑ನಾಸು ಜಿ॒ಷ್ಣುಃ । ದಿ॒ಶೋ ನು॒ ಸರ್ವಾ॒ ಅಭ॑ಯನ್ನೋ ಅಸ್ತು । ತಿ॒ಷ್ಯಃ॑ ಪು॒ರಸ್ತಾ॑ದು॒ತ ಮ॑ಧ್ಯ॒ತೋ ನಃ॑ । ಬೃಹ॒ಸ್ಪತಿ॑-ರ್ನಃ॒ ಪರಿ॑ಪಾತು ಪ॒ಶ್ಚಾತ್ । ಬಾಧೇ॑ ತಾ॒-ನ್ದ್ವೇಷೋ॒ ಅಭ॑ಯ-ಙ್ಕೃಣುತಾಮ್ । ಸು॒ವೀರ್ಯ॑ಸ್ಯ॒ ಪತ॑ಯಸ್ಯಾಮ ॥ 6 ॥

7. ನಖ್ಷತ್ರಂ -ಆಶ್ರೇಷಂ ದೇವತಾ - ಸರ್ಪಾಃ
ಇ॒ದಗ್ಂ ಸ॒ರ್ಪೇಭ್ಯೋ॑ ಹ॒ವಿರ॑ಸ್ತು॒ ಜುಷ್ಟ᳚ಮ್ । ಆ॒ಶ್ರೇ॒ಷಾ ಯೇಷಾ॑ ಮನು॒ಯನ್ತಿ॒ ಚೇತಃ॑ ॥ 89 ॥
ಯೇ ಅ॒ನ್ತರಿ॑ಖ್ಷ-ಮ್ಪೃಥಿ॒ವೀಂ-ಖ್ಷಿ॒ಯನ್ತಿ॑ । ತೇನ॑ ಸ್ಸ॒ರ್ಪಾಸೋ॒ ಹವ॒ಮಾಗ॑ಮಿಷ್ಠಾಃ । ಯೇ ರೋ॑ಚ॒ನೇ ಸೂರ್ಯ॒ಸ್ಯಾಪಿ॑ ಸ॒ರ್ಪಾಃ । ಯೇ ದಿವಂ॑ ದೇ॒ವೀ-ಮನು॑ಸ॒ಞ್ಚರ॑ನ್ತಿ । ಯೇಷಾ॑ಮಾಶ್ರೇ॒ಷಾ ಅ॑ನು॒ಯನ್ತಿ॒ ಕಾಮ᳚ಮ್ । ತೇಭ್ಯ॑-ಸ್ಸ॒ರ್ಪೇಭ್ಯೋ॒ ಮಧು॑-ಮಜ್ಜುಹೋಮಿ ॥ 7 ॥

8ಂಅಖ್ಷತ್ರಂ - ಮಘಾ ದೇವತಾ - ಪಿತರಃ
ಉಪ॑ಹೂತಾಃ ಪಿ॒ತರೋ॒ ಯೇ ಮ॒ಘಾಸು॑ । ಮನೋ॑ಜವಸ-ಸ್ಸು॒ಕೃತ॑-ಸ್ಸುಕೃ॒ತ್ಯಾಃ । ತೇ ನೋ॒ ನಖ್ಷ॑ತ್ರೇ॒ ಹವ॒ಮಾಗ॑ಮಿಷ್ಠಾಃ । ಸ್ವ॒ಧಾಭಿ॑-ರ್ಯ॒ಜ್ಞ-ಮ್ಪ್ರಯ॑ತ-ಞ್ಜುಷನ್ತಾಮ್ ॥ 90 ॥
ಯೇ ಅ॑ಗ್ನಿದ॒ಗ್ಧಾ ಯೇ-ಽನ॑ಗ್ನಿ-ದಗ್ಧಾಃ । ಯೇ॑-ಽಮುಁಲೋ॒ಕ-ಮ್ಪಿ॒ತರಃ॑ ಖ್ಷಿ॒ಯನ್ತಿ॑ । ಯಾಗ್​ಶ್ಚ॑ ವಿ॒ದ್ಮಯಾಗ್ಂ ಉ॑ ಚ॒ ನ ಪ್ರ॑ವಿ॒ದ್ಮ । ಮ॒ಘಾಸು॑ ಯ॒ಜ್ಞಗ್ಂ ಸುಕೃ॑ತ-ಞ್ಜುಷನ್ತಾಮ್ ॥ 8 ॥

9ಂಅಖ್ಷತ್ರಂ - ಪೂರ್ವಫಲ್ಗು॑ನೀ ದೇವತಾ - ಅರ್ಯಮಾ
ಗವಾಂ॒ ಪತಿಃ॒ ಫಲ್ಗು॑ನೀ-ನಾಮಸಿ॒ ತ್ವಮ್ । ತದ॑ರ್​ಯಮನ್ ವರುಣ ಮಿತ್ರ॒ ಚಾರು॑ । ತನ್ತ್ವಾ॑ ವ॒ಯಗ್ಂ ಸ॑ನಿ॒ತಾರಗ್ಂ॑ ಸನೀ॒ನಾಮ್ । ಜೀ॒ವಾ ಜೀವ॑ನ್ತ॒ಮುಪ॒ ಸಂ​ವಿಁ॑ಶೇಮ । ಯೇನೇ॒ಮಾ ವಿಶ್ವಾ॒ ಭುವ॑ನಾನಿ॒ ಸಞ್ಜಿ॑ತಾ । ಯಸ್ಯ॑ ದೇ॒ವಾ ಅ॑ನುಸಂ॒​ಯಁನ್ತಿ॒ ಚೇತಃ॑ ॥ 91 ॥
ಅ॒ರ್ಯ॒ಮಾ ರಾಜಾ॒-ಽಜರ॒ಸ್ತು ವಿ॑ಷ್ಮಾನ್ । ಫಲ್ಗು॑ನೀನಾ-ಮೃಷ॒ಭೋ ರೋ॑ರವೀತಿ ॥ 9 ॥

10ಂಅಖ್ಷತ್ರಂ - ಉತ್ತರ ಫ॑ಲ್ಗುನೀ ದೇವತಾ - ಭಗಃ
ಶ್ರೇಷ್ಠೋ॑ ದೇ॒ವಾನಾಂ᳚ ಭಗವೋ ಭಗಾಸಿ । ತತ್ತ್ವಾ॑ ವಿದುಃ॒ ಫಲ್ಗು॑ನೀ॒-ಸ್ತಸ್ಯ॑ ವಿತ್ತಾತ್ । ಅ॒ಸ್ಮಭ್ಯಂ॑-ಖ್ಷ॒ತ್ರಮ॒ಜರಗ್ಂ॑ ಸು॒ವೀರ್ಯ᳚ಮ್ । ಗೋಮ॒ದಶ್ವ॑-ವ॒ದುಪ॒ಸನ್ನು॑-ದೇ॒ಹ । ಭಗೋ॑ಹ ದಾ॒ತಾ ಭಗ॒ ಇತ್ಪ್ರ॑ದಾ॒ತಾ । ಭಗೋ॑ ದೇ॒ವೀಃ ಫಲ್ಗು॑ನೀ॒-ರಾವಿ॑ವೇಶ । ಭಗ॒ಸ್ಯೇತ್ತ-ಮ್ಪ್ರ॑ಸ॒ವ-ಙ್ಗ॑ಮೇಮ । ಯತ್ರ॑ ದೇ॒ವೈ-ಸ್ಸ॑ಧ॒ಮಾದಂ॑ ಮದೇಮ । ॥ 10/ 92 ॥

11ಂಅಖ್ಷತ್ರಂ - ಹಸ್ತಃ ದೇವತಾ - ಸವಿತ
ಆಯಾ॑ತು ದೇ॒ವ-ಸ್ಸ॑ವಿ॒ತೋ ಪ॑ಯಾತು । ಹಿ॒ರ॒ಣ್ಯಯೇ॑ನ ಸು॒ವೃತಾ॒ ರಥೇ॑ನ । ವಹ॒ನ್॒. ಹಸ್ತಗ್ಂ॑ ಸು॒ಭಗಂ॑ ಁವಿದ್ಮ॒ನಾಪ॑ಸಮ್ । ಪ್ರ॒ಯಚ್ಛ॑ನ್ತಂ॒ ಪಪು॑ರಿಂ॒ ಪುಣ್ಯ॒ಮಚ್ಛ॑ । ಹಸ್ತಃ॒ ಪ್ರಯ॑ಚ್ಛ ತ್ವ॒ಮೃತಂ॒ ಁವಸೀ॑ಯಃ । ದಖ್ಷಿ॑ಣೇನ॒ ಪ್ರತಿ॑ಗೃಭ್ಣೀಮ ಏನತ್ ।
ದಾ॒ತಾರ॑-ಮ॒ದ್ಯ ಸ॑ವಿ॒ತಾ ವಿ॑ದೇಯ । ಯೋ ನೋ॒ ಹಸ್ತಾ॑ಯ ಪ್ರಸು॒ವಾತಿ॑ ಯ॒ಜ್ಞಮ್ ॥ 11 ॥

12. ನಖ್ಷತ್ರಂ - ಚಿತ್ರಾ ದೇವತಾ - ತ್ವಷ್ಟಾ
ತ್ವಷ್ಟಾ॒ ನಖ್ಷ॑ತ್ರ-ಮ॒ಭ್ಯೇ॑ತಿ ಚಿ॒ತ್ರಾಮ್ । ಸು॒ಭಗ್ಂ ಸ॑ಸಂ​ಯುಁವ॒ತಿಗ್ಂ ರೋಚ॑ಮಾನಾಮ್ ॥ 93 ॥
ನಿ॒ವೇ॒ಶಯ॑ನ್ನ॒-ಮೃತಾ॒-ನ್ಮರ್ತ್ಯಾಗ್॑ಶ್ಚ । ರೂ॒ಪಾಣಿ॑ ಪಿ॒ಗ್ಂ॒ಶ-ನ್ಭುವ॑ನಾನಿ॒ ವಿಶ್ವಾ᳚ । ತನ್ನ॒ಸ್ತ್ವಷ್ಟಾ॒ ತದು॑ ಚಿ॒ತ್ರಾ ವಿಚ॑ಷ್ಟಾಮ್ । ತನ್ನಖ್ಷ॑ತ್ರ-ಮ್ಭೂರಿ॒ದಾ ಅ॑ಸ್ತು॒ ಮಹ್ಯ᳚ಮ್ । ತನ್ನಃ॑ ಪ್ರ॒ಜಾಂ-ವೀಁ॒ರವ॑ತೀಗ್ಂ ಸನೋತು । ಗೋಭಿ॑ರ್ನೋ॒ ಅಶ್ವೈ॒-ಸ್ಸಮ॑ನಕ್ತು ಯ॒ಜ್ಞಮ್ ॥ 12 ॥

13ಂಅಖ್ಷತ್ರಂ - ಸ್ವಾತೀ ದೇವತಾ - ವಾಯುಃ
ವಾ॒ಯು-ರ್ನಖ್ಷ॑ತ್ರ-ಮ॒ಭ್ಯೇ॑ತಿ॒ ನಿಷ್ಟ್ಯಾ᳚ಮ್ । ತಿ॒ಗ್ಮಶೃಂ॑ಗೋ ವೃಷ॒ಭೋ ರೋರು॑ವಾಣಃ । ಸ॒ಮೀ॒ರಯ॒-ನ್ಭುವ॑ನಾ ಮಾತ॒ರಿಶ್ವಾ᳚ । ಅಪ॒ ದ್ವೇಷಾಗ್ಂ॑ಸಿ ನುದತಾ॒ಮರಾ॑ತೀಃ ॥ 94 ॥
ತನ್ನೋ॑ ವಾ॒ಯಸ್ತದು॒ ನಿಷ್ಟ್ಯಾ॑ ಶೃಣೋತು । ತನ್ನಖ್ಷ॑ತ್ರ-ಮ್ಭೂರಿ॒ದಾ ಅ॑ಸ್ತು॒ ಮಹ್ಯ᳚ಮ್ । ತನ್ನೋ॑ ದೇ॒ವಾಸೋ॒ ಅನು॑ ಜಾನನ್ತು॒ ಕಾಮ᳚ಮ್ । ಯಥಾ॒ ತರೇ॑ಮ ದುರಿ॒ತಾನಿ॒ ವಿಶ್ವಾ᳚ ॥ 13 ॥

14ಂಅಖ್ಷತ್ರಂ - ವಿಶಾಖಾ ದೇವತಾ - ಇನ್ದ್ರಾಗ್ನೀಃ
ದೂ॒ರ-ಮ॒ಸ್ಮಚ್ಛತ್ರ॑ವೋ ಯನ್ತು ಭೀ॒ತಾಃ । ತದಿ॑ನ್ದ್ರಾ॒ಗ್ನೀ ಕೃ॑ಣುತಾಂ॒ ತ-ದ್ವಿಶಾ॑ಖೇ । ತನ್ನೋ॑ ದೇ॒ವಾ ಅನು॑ಮದನ್ತು ಯ॒ಜ್ಞಮ್ । ಪ॒ಶ್ಚಾ-ತ್ಪು॒ರಸ್ತಾ॒-ದಭ॑ಯನ್ನೋ ಅಸ್ತು । ನಖ್ಷ॑ತ್ರಾಣಾ॒-ಮಧಿ॑ಪತ್ನೀ॒ ವಿಶಾ॑ಖೇ । ಶ್ರೇಷ್ಠಾ॑-ವಿನ್ದ್ರಾ॒ಗ್ನೀ ಭುವ॑ನಸ್ಯ ಗೋ॒ಪೌ ॥ 95 ॥
ವಿಷೂ॑ಚ॒-ಶ್ಶತ್ರೂ॑ನಪ॒ಬಾಧ॑ಮಾನೌ । ಅಪ॒ಖ್ಷುಧ॑-ನ್ನುದತಾ॒ಮರಾ॑ತಿಮ್ । ॥ 14 ॥

15. ಪೌರ್ಣಮಾಸಿ
ಪೂ॒ರ್ಣಾ ಪ॒ಶ್ಚಾದು॒ತ ಪೂ॒ರ್ಣಾ ಪು॒ರಸ್ತಾ᳚ತ್ । ಉನ್ಮ॑ಧ್ಯ॒ತಃ ಪೌ᳚ರ್ಣಮಾ॒ಸೀ ಜಿ॑ಗಾಯ । ತಸ್ಯಾಂ᳚ ದೇ॒ವಾ ಅಧಿ॑ ಸಂ॒​ವಁಸ॑ನ್ತಃ । ಉ॒ತ್ತ॒ಮೇ ನಾಕ॑ ಇ॒ಹ ಮಾ॑ದಯನ್ತಾಮ್ । ಪೃ॒ಥ್ವೀ ಸು॒ವರ್ಚಾ॑ ಯುವ॒ತಿ-ಸ್ಸ॒ಜೋಷಾಃ᳚ । ಪೌ॒ರ್ಣ॒ಮಾ॒ಸ್ಯುದ॑ಗಾ॒-ಚ್ಛೋಭ॑ಮಾನಾ । ಆ॒ಪ್ಯಾ॒ಯ-ಯ॑ನ್ತೀ ದುರಿ॒ತಾನಿ॒ ವಿಶ್ವಾ᳚ । ಉ॒ರು-ನ್ದುಹಾಂ॒ ಯಁಜ॑ಮಾನಾಯ ಯ॒ಜ್ಞಮ್ ॥ 15/96 (26) ॥

16ಂಅಖ್ಷತ್ರಂ - ಅನೂರಾಧಾ ದೇವತಾ - ಮಿತ್ರಃ
ಋ॒ದ್ಧ್ಯಾಸ್ಮ॑ ಹ॒ವ್ಯೈ-ರ್ನಮ॑ಸೋಪ॒ಸದ್ಯ॑ । ಮಿ॒ತ್ರ-ನ್ದೇ॒ವ-ಮ್ಮಿ॑ತ್ರ॒ಧೇಯ॑ನ್ನೋ ಅಸ್ತು । ಅ॒ನೂ॒ರಾ॒ಧಾನ್. ಹ॒ವಿಷಾ॑ ವ॒ರ್ಧಯ॑ನ್ತಃ । ಶ॒ತ-ಞ್ಜೀ॑ವೇಮ ಶ॒ರದ॒ಸ್ಸವೀ॑ರಾಃ । ಚಿ॒ತ್ರಂ-ನಖ್ಷ॑ತ್ರ॒-ಮುದ॑ಗಾ-ತ್ಪು॒ರಸ್ತಾ᳚ತ್ । ಅ॒ನೂ॒ರಾ॒ಧಾಸ॒ ಇತಿ॒ ಯ-ದ್ವದ॑ನ್ತಿ । ತನ್ಮಿ॒ತ್ರ ಏ॑ತಿ ಪ॒ಥಿಭಿ॑-ರ್ದೇವ॒ಯಾನೈಃ᳚ । ಹಿ॒ರ॒ಣ್ಯಯೈ॒-ರ್ವಿತ॑ತೈ-ರ॒ನ್ತರಿ॑ಖ್ಷೇ ॥ 16 ॥

17ಂಅಖ್ಷತ್ರಂ - ಜ್ಯೇಷ್ಠಾ ದೇವತಾ - ಇನ್ದ್ರಃ
ಇನ್ದ್ರೋ᳚ ಜ್ಯೇ॒ಷ್ಠಾ ಮನು॒ ನಖ್ಷ॑ತ್ರಮೇತಿ । ಯಸ್ಮಿ॑ನ್ ವೃ॒ತ್ರಂ-ವೃಁ॑ತ್ರ॒ ತೂರ್ಯೇ॑ ತ॒ತಾರ॑ ॥ 97 ॥
ತಸ್ಮಿ॑ನ್ ವ॒ಯ-ಮ॒ಮೃತಂ॒ ದುಹಾ॑ನಾಃ । ಖ್ಷುಧ॑ನ್ತರೇಮ॒ ದುರಿ॑ತಿಂ॒ ದುರಿ॑ಷ್ಟಿಮ್ । ಪು॒ರ॒ನ್ದ॒ರಾಯ॑ ವೃಷ॒ಭಾಯ॑ ಧೃ॒ಷ್ಣವೇ᳚ । ಅಷಾ॑ಢಾಯ॒ ಸಹ॑ಮಾನಾಯ ಮೀ॒ಢುಷೇ᳚ । ಇನ್ದ್ರಾ॑ಯ ಜ್ಯೇ॒ಷ್ಠಾ ಮಧು॑ಮ॒ದ್ದುಹಾ॑ನಾ । ಉ॒ರು-ಙ್ಕೃ॑ಣೋತು॒ ಯಜ॑ಮಾನಾಯ ಲೋ॒ಕಮ್ ॥ 17 ॥

18ಂಅಖ್ಷತ್ರಂ - ಮೂಲಂ ದೇವತಾ - ಪ್ರಜಾಪತಿಃ
ಮೂಲಂ॑ ಪ್ರ॒ಜಾಂ-ವೀಁ॒ರವ॑ತೀಂ-ವಿಁದೇಯ । ಪರಾ᳚ಚ್ಯೇತು॒ ನಿರ್-ಋ॑ತಿಃ ಪರಾ॒ಚಾ । ಗೋಭಿ॒-ರ್ನಖ್ಷ॑ತ್ರ-ಮ್ಪ॒ಶುಭಿ॒-ಸ್ಸಮ॑ಕ್ತಮ್ । ಅಹ॑-ರ್ಭೂಯಾ॒-ದ್ಯಜ॑ಮಾನಾಯ॒ ಮಹ್ಯ᳚ಮ್ ॥ 98 ॥
ಅಹ॑ರ್ನೋ ಅ॒ದ್ಯ ಸು॑ವಿ॒ತೇ ದ॑ಧಾತು । ಮೂಲಂ॒ ನಖ್ಷ॑ತ್ರ॒ಮಿತಿ॒ ಯ-ದ್ವದ॑ನ್ತಿ । ಪರಾ॑ಚೀಂ-ವಾಁ॒ಚಾ ನಿರ್-ಋ॑ತಿ-ನ್ನುದಾಮಿ । ಶಿ॒ವ-ಮ್ಪ್ರ॒ಜಾಯೈ॑ ಶಿ॒ವಮ॑ಸ್ತು॒ ಮಹ್ಯ᳚ಮ್ ॥ 18 ॥

19ಂಅಖ್ಷತ್ರಂ - ಪೂರ್ವಾಷಾಢಾ ದೇವತಾ - ಆಪಃ
ಯಾ ದಿ॒ವ್ಯಾ ಆಪಃ॒ ಪಯ॑ಸಾ ಸಮ್ಬಭೂ॒ವುಃ । ಯಾ ಅ॒ನ್ತರಿ॑ಖ್ಷ ಉ॒ತ ಪಾರ್ಥಿ॑ವೀ॒ರ್ಯಾಃ ।
ಯಾಸಾ॑ಮಷಾ॒ಢಾ ಅ॑ನು॒ಯನ್ತಿ॒ ಕಾಮ᳚ಮ್ । ತಾ ನ॒ ಆಪ॒-ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು । ಯಾಶ್ಚ॒ ಕೂಪ್ಯಾ॒ ಯಾಶ್ಚ॑ ನಾ॒ದ್ಯಾ᳚-ಸ್ಸಮು॒ದ್ರಿಯಾಃ᳚ । ಯಾಶ್ಚ॑ ವೈಶ॒ನ್ತೀರು॒ತ ಪ್ರಾ॑ಸ॒ಚೀರ್ಯಾಃ ॥ 99 ॥
ಯಾಸಾ॑ಮಷಾ॒ಢಾ ಮಧು॑ ಭ॒ಖ್ಷಯ॑ನ್ತಿ । ತಾ ನ॒ ಆಪ॒-ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ 19 ॥

20ಂಅಖ್ಷತ್ರಂ - ಉತ್ತರಾಷಾಢಾ ದೇವತಾ - ವಿಶ್ವೇದೇವಃ
ತನ್ನೋ॒ ವಿಶ್ವೇ॒ ಉಪ॑ ಶೃಣ್ವನ್ತು ದೇ॒ವಾಃ । ತದ॑ಷಾ॒ಢಾ ಅ॒ಭಿ ಸಂ​ಯಁ॑ನ್ತು ಯ॒ಜ್ಞಮ್ । ತನ್ನಖ್ಷ॑ತ್ರ-ಮ್ಪ್ರಥತಾ-ಮ್ಪ॒ಶುಭ್ಯಃ॑ । ಕೃ॒ಷಿ-ರ್ವೃ॒ಷ್ಟಿ-ರ್ಯಜ॑ಮಾನಾಯ ಕಲ್ಪತಾಮ್ । ಶು॒ಭ್ರಾಃ ಕ॒ನ್ಯಾ॑ ಯುವ॒ತಯ॑-ಸ್ಸು॒ಪೇಶ॑ಸಃ । ಕ॒ರ್ಮ॒ಕೃತ॑-ಸ್ಸು॒ಕೃತೋ॑ ವೀ॒ರ್ಯಾ॑ವತೀಃ । ವಿಶ್ವಾ᳚-ನ್ದೇ॒ವಾನ್. ಹ॒ವಿಷಾ॑ ವ॒ರ್ಧಯ॑ನ್ತೀಃ । ಅ॒ಷಾ॒ಢಾಃ ಕಾಮ॒ ಮುಪ॑ಯಾನ್ತು ಯ॒ಜ್ಞಮ್ ॥ 20/100 ॥

21ಂಅಖ್ಷತ್ರಂ - ಅಭಿಜಿದ ದೇವತಾ - ಬ್ರಹ್ಮಾ
ಯಸ್ಮಿ॒-ನ್ಬ್ರಹ್ಮಾ॒-ಽಭ್ಯಜ॑ಯ॒-ಥ್ಸರ್ವ॑ಮೇ॒ತತ್ । ಅ॒ಮುಞ್ಚ॑ ಲೋ॒ಕ ಮಿ॒ದಮೂ॑ಚ॒ ಸರ್ವಂ᳚। ತನ್ನೋ॒ ನಖ್ಷ॑ತ್ರ-ಮಭಿ॒ಜಿ-ದ್ವಿ॒ಜಿತ್ಯ॑ । ಶ್ರಿಯ॑-ನ್ದಧಾ॒ತ್ವಹೃ॑ಣೀಯಮಾನಮ್ । ಉ॒ಭೌ ಲೋ॒ಕೌ ಬ್ರಹ್ಮ॑ಣಾ॒ ಸಞ್ಜಿ॑ತೇ॒ಮೌ । ತನ್ನೋ॒ ನಖ್ಷ॑ತ್ರ-ಮಭಿ॒ಜಿ-ದ್
ವಿಚ॑ಷ್ಟಾಮ್ । ತಸ್ಮಿ॑ನ್ ವ॒ಯ-ಮ್ಪೃತ॑ನಾ॒ ಸ್ಸಞ್ಜ॑ಯೇಮ । ತನ್ನೋ॑ ದೇ॒ವಾಸೋ॒ ಅನು॑ಜಾನನ್ತು॒ ಕಾಮ᳚ಮ್ ॥ 21 ॥

22ಂಅಖ್ಷತ್ರಂ - ಶ್ರವಣಂ ದೇವತಾ - ವಿಷ್ಣುಃ
ಶೃ॒ಣ್ವನ್ತಿ॑ ಶ್ರೋ॒ಣಾ-ಮ॒ಮೃತ॑ಸ್ಯ ಗೋ॒ಪಾಮ್ । ಪುಣ್ಯಾ॑ಮಸ್ಯಾ॒ ಉಪ॑ಶೃಣೋಮಿ॒ ವಾಚ᳚ಮ್ ॥ 101 ॥
ಮ॒ಹೀ-ನ್ದೇ॒ವೀಂ-ವಿಁಷ್ಣು॑ಪತ್ನೀ ಮಜೂ॒ರ್ಯಾಮ್ । ಪ್ರ॒ತೀಚೀ॑ ಮೇನಾಗ್ಂ ಹ॒ವಿಷಾ॑ ಯಜಾಮಃ । ತ್ರೇ॒ಧಾ ವಿಷ್ಣು॑-ರುರುಗಾ॒ಯೋ ವಿಚ॑ಕ್ರಮೇ । ಮ॒ಹೀ-ನ್ದಿವಂ॑ ಪೃಥಿ॒ವೀ-ಮ॒ನ್ತರಿ॑ಖ್ಷಮ್ ।
ತಚ್ಛ್ರೋ॒ಣೈತಿ॒ ಶ್ರವ॑-ಇ॒ಚ್ಛಮಾ॑ನಾ । ಪುಣ್ಯ॒ಗ್ಗ್॒ ಶ್ಲೋಕಂ॒ ಁಯಜ॑ಮಾನಾಯ ಕೃಣ್ವ॒ತೀ ॥ 22 ॥

23ಂಅಖ್ಷತ್ರಂ - ಶ್ರವಿಷ್ಟಾ ದೇವತಾ - ವಸವಃ
ಅ॒ಷ್ಟೌ ದೇ॒ವಾ ವಸ॑ವಸ್ಸೋ॒ಮ್ಯಾಸಃ॑ । ಚತ॑ಸ್ರೋ ದೇ॒ವೀ ರ॒ಜರಾ॒-ಶ್ಶ್ರವಿ॑ಷ್ಠಾಃ । ತೇ ಯ॒ಜ್ಞ-ಮ್ಪಾ᳚ನ್ತು॒ ರಜ॑ಸಃ ಪ॒ರಸ್ತಾ᳚ತ್ । ಸಂ॒​ವಁ॒ಥ್ಸ॒ರೀಣ॑-ಮ॒ಮೃತಗ್ಗ್॑ ಸ್ವ॒ಸ್ತಿ ॥ 102 ॥
ಯ॒ಜ್ಞ-ನ್ನಃ॑ ಪಾನ್ತು॒ ವಸ॑ವಃ ಪು॒ರಸ್ತಾ᳚ತ್ । ದ॒ಖ್ಷಿ॒ಣ॒ತೋ॑-ಽಭಿಯ॑ನ್ತು॒ ಶ್ರವಿ॑ಷ್ಠಾಃ । ಪುಣ್ಯ॒ನ್ನಖ್ಷ॑ತ್ರಮ॒ಭಿ ಸಂ​ವಿಁ॑ಶಾಮ । ಮಾ ನೋ॒ ಅರಾ॑ತಿ-ರ॒ಘಶ॒ಗ್ಂ॒ ಸಾಗನ್ನ್॑ ॥ 23 ॥

24ಂಅಖ್ಷತ್ರಂ - ಶತಭಿಷಕ್ ದೇವತಾ - ವರುಣಃ
ಖ್ಷ॒ತ್ರಸ್ಯ॒ ರಾಜಾ॒ ವರು॑ಣೋ-ಽಧಿರಾ॒ಜಃ । ನಖ್ಷ॑ತ್ರಾಣಾಗ್ಂ ಶ॒ತಭಿ॑ಷ॒ಗ್ ವಸಿ॑ಷ್ಠಃ । ತೌ ದೇ॒ವೇಭ್ಯಃ॑ ಕೃಣುತೋ ದೀ॒ರ್ಘಮಾಯುಃ॑ । ಶ॒ತಗ್ಂ ಸ॒ಹಸ್ರಾ॑ ಭೇಷ॒ಜಾನಿ॑ ಧತ್ತಃ । ಯ॒ಜ್ಞನ್ನೋ॒ ರಾಜಾ॒ ವರು॑ಣ॒ ಉಪ॑ಯಾತು । ತನ್ನೋ॒ ವಿಶ್ವೇ॑ ಅ॒ಭಿಸಂ​ಯಁ॑ನ್ತು ದೇ॒ವಾಃ ॥ 103 ॥
ತನ್ನೋ॒ ನಖ್ಷ॑ತ್ರಗ್ಂ ಶ॒ತಭಿ॑ಷಗ್ ಜುಷಾ॒ಣಮ್ । ದೀ॒ರ್ಘಮಾಯುಃ॒ ಪ್ರತಿ॑ರ-ದ್ಭೇಷ॒ಜಾನಿ॑ ॥ 24 ॥

25ಂಅಖ್ಷತ್ರಂ - ಪೂರ್ವಪ್ರೋಷ್ಠಪದಾ ದೇವತಾ - ಅಜಯೇಕಪಾದಃ
ಅ॒ಜ ಏಕ॑ಪಾ॒-ದುದ॑ಗಾ-ತ್ಪು॒ರಸ್ತಾ᳚ತ್ । ವಿಶ್ವಾ॑ ಭೂ॒ತಾನಿ॑ ಪ್ರತಿ॒ ಮೋದ॑ಮಾನಃ । ತಸ್ಯ॑ ದೇ॒ವಾಃ ಪ್ರ॑ಸ॒ವಂ-ಯಁ॑ನ್ತಿ॒ ಸರ್ವೇ᳚ । ಪ್ರೋ॒ಷ್ಠ॒ಪ॒ದಾಸೋ॑ ಅ॒ಮೃತ॑ಸ್ಯ ಗೋ॒ಪಾಃ । ವಿ॒ಭ್ರಾಜ॑ಮಾನ-ಸ್ಸಮಿಧಾ॒ನ ಉ॒ಗ್ರಃ । ಆ-ಽನ್ತರಿ॑ಖ್ಷ-ಮರುಹ॒ದ-ಗ॒ನ್ದ್ಯಾಮ್ । ತಗ್ಂ ಸೂರ್ಯ॑-ನ್ದೇ॒ವ-ಮ॒ಜಮೇಕ॑ಪಾದಮ್ । ಪ್ರೋ॒ಷ್ಠ॒ಪ॒ದಾಸೋ॒ ಅನು॑ಯನ್ತಿ॒ ಸರ್ವೇ᳚ ॥ 25 / 104 ॥

26ಂಅಖ್ಷತ್ರಂ - ಉತ್ತರಪ್ರೋಷ್ಠಪದಾ ದೇವತಾ - ಅಹಿರ್ಬುದ್ಧ್ನಿಯಃ
ಅಹಿ॑ ರ್ಬು॒ದ್ಧ್ನಿಯಃ॒ ಪ್ರಥ॑ಮಾನ ಏತಿ । ಶ್ರೇಷ್ಠೋ॑ ದೇ॒ವಾನಾ॑ಮು॒ತ ಮಾನು॑ಷಾಣಾಮ್ । ತ-ಮ್ಬ್ರಾ᳚ಹ್ಮ॒ಣಾ-ಸ್ಸೋ॑ಮ॒ಪಾ-ಸ್ಸೋ॒ಮ್ಯಾಸಃ॑ । ಪ್ರೋ॒ಷ್ಠ॒ಪ॒ದಾಸೋ॑ ಅ॒ಭಿರ॑ಖ್ಷನ್ತಿ॒ ಸರ್ವೇ᳚ । ಚ॒ತ್ವಾರ॒ ಏಕ॑ಮ॒ಭಿ ಕರ್ಮ॑ ದೇ॒ವಾಃ । ಪ್ರೋ॒ಷ್ಠ॒ಪ॒ದಾಸ॒ ಇತಿ॒ ಯಾನ್. ವದ॑ನ್ತಿ । ತೇ ಬು॒ದ್ಧನಿಯಂ॑ ಪರಿ॒ಷದ್ಯಗ್ಗ್॑ ಸ್ತು॒ವನ್ತಃ॑ । ಅಹಿಗ್ಂ॑ ರಖ್ಷನ್ತಿ॒ ನಮ॑ಸೋಪ॒ಸದ್ಯ॑ ॥ 26 ॥

27ಂಅಖ್ಷತ್ರಂ - ರೇವತೀ ದೇವತಾ - ಪೂಷಾ
ಪೂ॒ಷಾ ರೇ॒ವತ್ಯನ್ವೇ॑ತಿ॒ ಪನ್ಥಾ᳚ಮ್ । ಪು॒ಷ್ಟಿ॒ಪತೀ॑ ಪಶು॒ಪಾ ವಾಜ॑ಬಸ್ತ್ಯೌ ॥ 105 ॥
ಇ॒ಮಾನಿ॑ ಹ॒ವ್ಯಾ ಪ್ರಯ॑ತಾ ಜುಷಾ॒ಣಾ । ಸು॒ಗೈರ್ನೋ॒ ಯಾನೈ॒ರುಪ॑ಯಾತಾಂ-ಯಁ॒ಜ್ಞಮ್ । ಖ್ಷು॒ದ್ರಾ-ನ್ಪ॒ಶೂ-ನ್ರ॑ಖ್ಷತು ರೇ॒ವತೀ॑ ನಃ । ಗಾವೋ॑ ನೋ॒ ಅಶ್ವಾ॒ಗ್ಂ॒ ಅನ್ವೇ॑ತು ಪೂ॒ಷಾ । ಅನ್ನ॒ಗ್ಂ॒ ರಖ್ಷ॑ನ್ತೌ ಬಹು॒ಧಾ ವಿರೂ॑ಪಮ್ । ವಾಜಗ್ಂ॑ ಸನುತಾಂ॒ ಁಯಜ॑ಮಾನಾಯ ಯ॒ಜ್ಞಮ್ ॥ 27 ॥

28 ನಖ್ಷತ್ರಂ - ಅಶ್ವಿನೀ ದೇವತಾ - ಅಶ್ವಿನೀ ದೇವ
ತದ॒ಶ್ವಿನಾ॑-ವಶ್ವ॒ಯುಜೋಪ॑ಯಾತಾಮ್ । ಶುಭ॒ಙ್ಗಮಿ॑ಷ್ಠೌ ಸು॒ಯಮೇ॑ಭಿ॒ರಶ್ವೈಃ᳚ । ಸ್ವನ್ನಖ್ಷ॑ತ್ರಗ್ಂ ಹ॒ವಿಷಾ॒ ಯಜ॑ನ್ತೌ । ಮಧ್ವಾ॒ ಸಮ್ಪೃ॑ಕ್ತೌ॒ ಯಜು॑ಷಾ॒ ಸಮ॑ಕ್ತೌ ॥ 106 ॥
ಯೌ ದೇ॒ವಾನಾ᳚-ಮ್ಭಿ॒ಷಜೌ॑ ಹವ್ಯವಾ॒ಹೌ । ವಿಶ್ವ॑ಸ್ಯ ದೂ॒ತಾ-ವ॒ಮೃತ॑ಸ್ಯ ಗೋ॒ಪೌ । ತೌ ನಖ್ಷ॑ತ್ರಂ-ಜುಜುಷಾ॒ಣೋ-ಪ॑ಯಾತಾಮ್ । ನಮೋ॒-ಽಶ್ವಿಭ್ಯಾಂ᳚ ಕೃಣುಮೋ-ಽಶ್ವ॒ಯುಗ್ಭ್ಯಾ᳚ಮ್ ॥ 28 ॥

29ಂಅಖ್ಷತ್ರಂ - ಅಪಭರಣೀ ದೇವತಾ - ಯಮಃ
ಅಪ॑ ಪಾ॒ಪ್ಮಾನಂ॒ ಭರ॑ಣೀ-ರ್ಭರನ್ತು । ತ-ದ್ಯ॒ಮೋ ರಾಜಾ॒ ಭಗ॑ವಾ॒ನ್॒. ವಿಚ॑ಷ್ಟಾಮ್ । ಲೋ॒ಕಸ್ಯ॒ ರಾಜಾ॑ ಮಹ॒ತೋ ಮ॒ಹಾನ್. ಹಿ । ಸು॒ಗನ್ನಃ॒ ಪನ್ಥಾ॒ಮಭ॑ಯ-ಙ್ಕೃಣೋತು । ಯಸ್ಮಿ॒-ನ್ನಖ್ಷ॑ತ್ರೇ ಯ॒ಮ ಏತಿ॒ ರಾಜಾ᳚ । ಯಸ್ಮಿ॑ನ್ನೇನ-ಮ॒ಭ್ಯಷಿಂ॑ಚನ್ತ ದೇ॒ವಾಃ । ತದ॑ಸ್ಯ ಚಿ॒ತ್ರಗ್ಂ ಹ॒ವಿಷಾ॑ ಯಜಾಮ । ಅಪ॑ ಪಾ॒ಪ್ಮಾನಂ॒ ಭರ॑ಣೀ-ರ್ಭರನ್ತು ॥ 29 ॥

30-ಽಮಾವಾಸಿ
ನಿ॒ವೇಶ॑ನೀ॒ ಯತ್ತೇ॑ ದೇ॒ವಾ ಅದ॑ಧುಃ ।

ನಿ॒ವೇಶ॑ನೀ ಸ॒ಙ್ಗಮ॑ನೀ॒ ವಸೂ॑ನಾಂ॒ ಁವಿಶ್ವಾ॑ ರೂ॒ಪಾಣಿ॒ ವಸೂ᳚ನ್ಯಾ-ವೇ॒ಶಯ॑ನ್ತೀ । ಸ॒ಹ॒ಸ್ರ॒ಪೋ॒ಷಗ್ಂ ಸು॒ಭಗಾ॒ ರರಾ॑ಣಾ॒ ಸಾ ನ॒ ಆಗ॒ನ್ ವರ್ಚ॑ಸಾ ಸಂ​ವಿಁದಾ॒ನಾ ।
ಯತ್ತೇ॑ ದೇ॒ವಾ ಅದ॑ಧು-ರ್ಭಾಗ॒ಧೇಯ॒-ಮಮಾ॑ವಾಸ್ಯೇ
ಸಂ॒​ವಁಸ॑ನ್ತೋ ಮಹಿ॒ತ್ವಾ । ಸಾ ನೋ॑ ಯ॒ಜ್ಞ-ಮ್ಪಿ॑ಪೃಹಿ ವಿಶ್ವವಾರೇ ರ॒ಯಿನ್ನೋ॑ ಧೇಹಿ ಸುಭಗೇ ಸು॒ವೀರಂ᳚ ॥ 30/107 (27) ॥

31.ಚನ್ದ್ರಮಾ
ನವೋ॑ ನವೋ ಭವತಿ॒ ಜಾಯ॑ಮಾನೋ॒ ಯಮಾ॑ದಿ॒ತ್ಯಾ ಅ॒ಗ್ಂ॒ಶುಮಾ᳚-ಪ್ಯಾ॒ಯಯ॑ನ್ತಿ ।

ನವೋ॑ ನವೋ ಭವತಿ॒ ಜಾಯ॑ಮಾ॒ನೋ-ಽಹ್ನಾ᳚-ಙ್ಕೇ॒ತು-ರು॒ಷಸಾ॑ ಮೇ॒ತ್ಯಗ್ರೇ᳚ ।
ಭಾ॒ಗ-ನ್ದೇ॒ವೇಭ್ಯೋ॒ ವಿದ॑ಧಾತ್ಯಾ॒ಯ-ನ್ಪ್ರಚ॒ನ್ದ್ರಮಾ᳚ಸ್ತಿರತಿ ದೀ॒ರ್ಘಮಾಯುಃ॑ ।
ಯಮಾ॑ದಿ॒ತ್ಯಾ ಅ॒ಗ್ಂ॒ಶುಮಾ᳚ಪ್ಯಾ॒ಯಯ॑ನ್ತಿ॒ ಯಮಖ್ಷಿ॑ತ॒-ಮಖ್ಷಿ॑ತಯಃ॒ ಪಿಬ॑ನ್ತಿ ।
ತೇನ॑ ನೋ॒ ರಾಜಾ॒ ವರು॑ಣೋ॒ ಬೃಹ॒ಸ್ಪತಿ॒ ರಾಪ್ಯಾ॑ಯಯನ್ತು॒ ಭುವ॑ನಸ್ಯ ಗೋ॒ಪಾಃ ।

32. ಅಹೋ ರಾತ್ರೀ
ಯೇ ವಿರೂ॑ಪೇ॒ ಸಮ॑ನಸಾ ಸಂ॒​ವ್ಯಁಯ॑ನ್ತೀ । ಸ॒ಮಾ॒ನ-ನ್ತನ್ತುಂ॑ ಪರಿತಾ-ತ॒ನಾತೇ᳚ ।
ವಿ॒ಭೂ ಪ್ರ॒ಭೂ ಅ॑ನು॒ಭೂ ವಿ॒ಶ್ವತೋ॑ ಹುವೇ । ತೇ ನೋ॒ ನಖ್ಷ॑ತ್ರೇ॒ ಹವ॒ಮಾಗ॑ಮೇತಮ್ ।
ವ॒ಯ-ನ್ದೇ॒ವೀ ಬ್ರಹ್ಮ॑ಣಾ ಸಂ​ವಿಁದಾ॒ನಾಃ । ಸು॒ರತ್ನಾ॑ಸೋ ದೇ॒ವವೀ॑ತಿಂ॒ ದಧಾ॑ನಾಃ ॥ 108 ॥
ಅ॒ಹೋ॒ರಾ॒ತ್ರೇ ಹ॒ವಿಷಾ॑ ವ॒ರ್ಧಯ॑ನ್ತಃ । ಅತಿ॑ ಪಾ॒ಪ್ಮಾನ॒-ಮತಿ॑ಮುಕ್ತ್ಯಾ ಗಮೇಮ ॥
33. ಉಷಾ
ಪ್ರತ್ಯು॑ವ ದೃಶ್ಯಾಯ॒ತೀ । ವ್ಯು॒ಚ್ಛನ್ತೀ॑ ದುಹಿ॒ತಾ ದಿ॒ವಃ । ಅ॒ಪೋ ಮ॒ಹೀ ವೃ॑ಣುತೇ॒ ಚಖ್ಷು॑ಷಾ । ತಮೋ॒ ಜ್ಯೋತಿ॑ಷ್-ಕೃಣೋತಿ ಸೂ॒ನರೀ᳚ ।
ಉದು॒ ಸ್ತ್ರಿಯಾ᳚ಸ್ಸಚತೇ॒ ಸೂರ್ಯಃ॑ । ಸ ಚಾ॑ ಉ॒ದ್ಯನ್ನಖ್ಷ॑ತ್ರ ಮರ್ಚಿ॒ಮತ್ ।
ತವೇ ದು॑ಷೋ॒ ವ್ಯುಷಿ॒ ಸೂರ್ಯ॑ಸ್ಯ ಚ । ಸಮ್ಭ॒ಕ್ತೇನ॑ ಗಮೇಮಹಿ ॥ 109 ॥

34. ನಖ್ಷತ್ರಃ
ತನ್ನೋ॒ ನಖ್ಷ॑ತ್ರ ಮರ್ಚಿ॒ಮತ್ । ಭಾ॒ನು॒ಮತ್ತೇಜ॑ ಉ॒ಚ್ಛರ॑ತ್ । ಉಪ॑ ಯ॒ಜ್ಞಮಿ॒ಹಾಗ॑ಮತ್ । ಪ್ರನಖ್ಷ॑ತ್ರಾಯ ದೇ॒ವಾಯ॑ । ಇನ್ದ್ರಾ॒ಯೇನ್ದುಗ್ಂ॑ ಹವಾಮಹೇ । ಸ ನ॑ ಸ್ಸವಿ॒ತಾ ಸು॑ವ-ಥ್ಸ॒ನಿಮ್ । ಪು॒ಷ್ಟಿ॒ದಾಂ-ವೀಁ॒ರವ॑ತ್ತಮಮ್ ॥

35. ಸೂರ್ಯಃ
ಉದು॒ತ್ಯ-ಞ್ಚಿ॒ತ್ರಮ್ ॥
ಉದು॒ತ್ಯ-ಞ್ಜಾ॒ತವೇ॑ದಸ-ನ್ದೇ॒ವಂ-ವಁ॑ಹನ್ತಿ ಕೇ॒ತವಃ॑ । ದೃ॒ಶೇ ವಿಶ್ವಾ॑ಯ॒ ಸೂರ್ಯ᳚ಮ್ ।
ಚಿ॒ತ್ರ-ನ್ದೇ॒ವಾನಾ॒ ಮುದ॑ಗಾ॒ದನೀ॑ಕಂ॒ ಚಖ್ಷು॑-ರ್ಮಿ॒ತ್ರಸ್ಯ॒ ವರು॑ಣಸ್ಯಾ॒ಗ್ನೇಃ ॥ 110 ॥
ಆ-ಽಪ್ರಾ॒ ದ್ಯಾವಾ॑ಪೃ॒ಥಿವೀ ಅ॒ನ್ತರಿ॑ಖ್ಷ॒ ಸೂರ್ಯ॑ ಆ॒ತ್ಮಾ ಜಗ॑ತಸ್ತ॒ಸ್ಥುಷ॑ಶ್ಚ ॥

36. ಅದಿತಿಃ
ಅದಿ॑ತಿರ್ನ ಉರುಷ್ಯತು ಮ॒ಹೀಮೂ॒ಷು ಮಾ॒ತರ᳚ಮ್ ॥

ಅದಿ॑ತಿರ್ನ ಉರುಷ್ಯ॒-ತ್ವದಿ॑ತಿ॒-ಶ್ಶರ್ಮ॑ ಯಚ್ಛತು । ಅದಿ॑ತಿಃ ಪಾ॒ತ್ವಗ್ಂ ಹ॑ಸಃ ॥
ಮ॒ಹೀಮೂ॒ಷು ಮಾ॒ತರಗ್ಂ॑ ಸುವ್ರ॒ತಾನಾ॑-ಮೃ॒ತಸ್ಯ॒ ಪತ್ನೀ॒ ಮವ॑ಸೇ ಹುವೇಮ ।
ತು॒ವಿ॒ಖ್ಷ॒ತ್ರಾ-ಮ॒ಜರ॑ನ್ತೀ ಮುರೂ॒ಚೀಗ್ಂ ಸು॒ಶರ್ಮಾ॑ಣ॒-ಮದಿ॑ತಿಗ್ಂ ಸು॒ಪ್ರಣೀ॑ತಿಮ್ ।

37. ವಿಷ್ಣುಃ
ಇ॒ದಂ-ವಿಁಷ್ಣು॒ ಪ್ರತದ್ವಿಷ್ಣುಃ॑ ॥

ಇ॒ದಂ-ವಿಁಷ್ಣು॒-ರ್ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಮ್ । ಸಮೂ॑ಢಮಸ್ಯ ಪಾಗ್ಂ ಸು॒ರೇ ॥

ಪ್ರತದ್ವಿಷ್ಣು॑ ಸ್ತವತೇ ವೀ॒ರ್ಯಾ॑ಯ । ಮೃ॒ಗೋ ನ ಭೀ॒ಮಃ ಕು॑ಚ॒ರೋ ಗಿ॑ರಿ॒ಷ್ಠಾಃ । ಯಸ್ಯೋ॒ರುಷು॑ ತ್ರಿ॒ಷು ವಿ॒ಕ್ರಮ॑ಣೇಷು । ಅಧಿ॑ಖ್ಷಿ॒ಯನ್ತಿ॒ ಭುವ॑ನಾನಿ॒ ವಿಶ್ವಾ᳚ ॥ 111 ॥

38. ಅಗ್ನಿಃ
ಅ॒ಗ್ನಿ-ರ್ಮೂ॒ರ್ಧಾ ಭುವಃ॑ ॥

ಅ॒ಗ್ನಿ-ರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ । ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ ॥ ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ ಯತ್ರಾ॑ ನಿ॒ಯುದ್ಭಿ॒-ಸ್ಸಚ॑ಸೇ
ಶಿ॒ವಾಭಿಃ॑ । ದಿ॒ವಿ ಮೂ॒ರ್ಧಾನಂ॑ ದಧಿಷೇ ಸುವ॒ರ್॒ಷಾ-ಞ್ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ᳚ಮ್ ।

39. ಅನುಮತ
ಅನು॑ನೋ॒-ಽದ್ಯಾನು॑ಮತಿ॒-ರನ್ವಿದ॑ನುಮತೇ॒ ತ್ವಮ್ ॥
ಅನು॑ನೋ॒-ಽದ್ಯಾನು॑ಮತಿ ರ್ಯ॒ಜ್ಞ-ನ್ದೇ॒ವೇಷು॑ ಮನ್ಯತಾಮ್ । ಅ॒ಗ್ನಿಶ್ಚ॑ ಹವ್ಯ॒ವಾಹ॑ನೋ॒ ಭವ॑ತಾ-ನ್ದಾ॒ಶುಷೇ॒ ಮಯಃ॑ ।
ಅನ್ವಿದ॑ನುಮತೇ॒ ತ್ವ-ಮ್ಮನ್ಯಾ॑ಸೈ॒ ಶಞ್ಚ॑ ನಃ ಕೃಧಿ । ಕ್ರತ್ವೇ॒ ದಖ್ಷಾ॑ಯ ನೋ ಹಿನು॒ ಪ್ರಣ॒ ಆಯೂಗ್ಂ॑ಷಿ ತಾರಿಷಃ ।

40. ಹವ್ಯವಾಹಃ (ಅಗ್ನಿಃ)
ಹ॒ವ್ಯ॒ವಾಹ॒ಗ್ಗ್॒ ಸ್ವಿ॑ಷ್ಟಮ್ ॥

ಹ॒ವ್ಯ॒ವಾಹ॑ಮಭಿ-ಮಾತಿ॒ಷಾಹ᳚ಮ್ । ರ॒ಖ್ಷೋ॒ಹಣಂ॒ ಪೃತ॑ನಾಸು ಜಿ॒ಷ್ಣುಮ್ ।
ಜ್ಯೋತಿ॑ಷ್ಮನ್ತಂ॒ ದೀದ್ಯ॑ತಂ॒ ಪುರ॑ನ್ಧಿಮ್ । ಅ॒ಗ್ನಿಗ್ಗ್​ ಸ್ವಿ॑ಷ್ಟ॒ ಕೃತ॒ಮಾ ಹು॑ವೇಮ ।
ಸ್ವಿ॑ಷ್ಟ ಮಗ್ನೇ ಅ॒ಭಿತ-ತ್ಪೃ॑ಣಾಹಿ । ವಿಶ್ವಾ॑ ದೇವ॒ ಪೃತ॑ನಾ ಅ॒ಭಿಷ್ಯ ।
ಉ॒ರುನ್ನಃ॒ ಪನ್ಥಾ᳚-ಮ್ಪ್ರದಿ॒ಶನ್ ವಿಭಾ॑ಹಿ । ಜ್ಯೋತಿ॑ಷ್ಮದ್ಧೇಹ್ಯ॒ ಜರ॑ನ್ನ॒ ಆಯುಃ॑ ॥ 112/28 ॥

1.37 ನಖ್ಷತ್ರ ಉಪಹೋಮ ಮನ್ತ್ರಾಃ
(ತೈ. ಬ್ರಾ. 3.1.4.1-3.1.5.15)
1. ಕೃತ್ತಿಕಾ
ಅ॒ಗ್ನಯೇ॒ ಸ್ವಾಹಾ॒ ಕೃತ್ತಿ॑ಕಾಭ್ಯ॒ ಸ್ಸ್ವಾಹಾ᳚ । ಅ॒ಬಾಂ​ಯೈಁ॒ ಸ್ವಾಹಾ॑ ದು॒ಲಾಯೈ॒ ಸ್ವಾಹಾ᳚ । ನಿ॒ತ॒ತ್ನ್ಯೈ ಸ್ವಾಹಾ॒ ಽಭ್ರಯ॑ನ್ತ್ಯೈ॒ ಸ್ವಾಹಾ᳚ । ಮೇ॒ಘಯ॑ನ್ತ್ಯೈ॒ ಸ್ವಾಹಾ॑ ವ॒ರ್॒ಷಯ॑ನ್ತ್ಯೈ॒ ಸ್ವಾಹಾ᳚ । ಚು॒ಪು॒ಣೀಕಾ॑ಯೈ॒ ಸ್ವಾಹಾ᳚ ॥

2. ರೋಹಿಣೀ
ಪ್ರ॒ಜಾಪ॑ತಯೇ॒ ಸ್ವಾಹಾ॑ ರೋಹಿ॒ಣ್ಯೈ ಸ್ವಾಹಾ᳚ । ರೋಚ॑ಮಾನಾಯೈ॒ ಸ್ವಾಹಾ᳚ ಪ್ರ॒ಜಾಭ್ಯ॒ ಸ್ವಾಹಾ᳚ ॥ 3ಂಋಗಶೀ.ರ್​ಷಃ ॥
ಸೋಮಾ॑ಯ॒ ಸ್ವಾಹಾ॑ ಮೃಗಶೀ॒ರ್॒ಷಾಯ॒ ಸ್ವಾಹಾ᳚ । ಇ॒ನ್ವ॒ಕಾಭ್ಯ॒ ಸ್ಸ್ವಾಹೌಷ॑ಧೀಭ್ಯ॒ ಸ್ಸ್ವಾಹಾ᳚ । ರಾ॒ಜ್ಯಾಯ॒ ಸ್ವಾಹಾ॒-ಽಭಿಜಿ॑ತ್ಯೈ॒ ಸ್ವಾಹಾ᳚ ॥ 113 ॥

4. ಆರ್ದ್ರಾ
ರು॒ದ್ರಾಯ॒ ಸ್ವಾಹಾ॒-ಽಽರ್ದ್ರಾಯೈ॒ ಸ್ವಾಹಾ᳚ । ಪಿನ್ವ॑ಮಾನಾಯೈ॒ ಸ್ವಾಹಾ॑ ಪ॒ಶುಭ್ಯ॒ ಸ್ಸ್ವಾಹಾ᳚ ॥

5. ಪುನರ್ವಸು
ಅದಿ॑ತ್ಯೈ॒ ಸ್ವಾಹಾ॒ ಪುನ॑ರ್ವಸುಭ್ಯಾಮ್ । ಸ್ವಾಹಾ ಭೂ᳚ತ್ಯೈ॒ ಸ್ವಾಹಾ॒ ಪ್ರಜಾ᳚ತ್ಯೈ॒ ಸ್ವಾಹಾ᳚ ॥

6.ಪುಷ್ಯಃ​
ಬೃಹ॒ಸ್ಪತ॑ಯೇ॒ ಸ್ವಾಹಾ॑ ತಿ॒ಷ್ಯಾ॑ಯ॒ ಸ್ವಾಹಾ᳚ । ಬ್ರ॒ಹ್ಮ॒ವ॒ರ್ಚ॒ಸಾಯ॒ ಸ್ವಾಹಾ᳚ ॥

7. ಆಶ್ರೇಷ
ಸ॒ರ್ಪೇಭ್ಯ॒ ಸ್ಸ್ವಾಹಾ᳚ ಽಽಶ್ರೇ॒ಷಾಭ್ಯ॒ ಸ್ಸ್ವಾಹಾ᳚ । ದ॒ನ್ದ॒ಶೂಕೇ᳚ಭ್ಯ॒ ಸ್ಸ್ವಾಹಾ᳚ ॥

8. ಮಘಾ
ಪಿ॒ತೃಭ್ಯ॒ ಸ್ಸ್ವಾಹಾ॑ ಮ॒ಘಾಭ್ಯಃ॑ । ಸ್ವಾಹಾ॑ ಽನ॒ಘಾಭ್ಯ॒ ಸ್ಸ್ವಾಹಾ॑ ಽಗ॒ದಾಭ್ಯಃ॑ । ಸ್ವಾಹಾ॑ರುನ್ಧ॒ತೀಭ್ಯ॒ ಸ್ಸ್ವಾಹಾ᳚ ॥ 114 ॥

9.ಪೂರ್ವ ಫ॑ಲ್ಗುನೀ
ಅ॒ರ್ಯ॒ಮ್ಣೇ ಸ್ವಾಹಾ॒ ಫಲ್ಗು॑ನೀಭ್ಯಾ॒ಗ್॒ ಸ್ವಾಹಾ᳚ । ಪ॒ಶುಭ್ಯ॒ ಸ್ಸ್ವಾಹಾ᳚ ॥

10. ಉತ್ತರ ಫ॑ಲ್ಗುನೀ
ಭಗಾ॑ಯ॒ ಸ್ವಾಹಾ॒ ಫಲ್ಗು॑ನೀಭ್ಯಾ॒ಗ್॒ ಸ್ವಾಹಾ᳚ । ಶ್ರೈಷ್ಠ್ಯಾ॑ಯ॒ ಸ್ವಾಹಾ᳚ ॥

11. ಹಸ್ತಃ
ಸ॒ವಿ॒ತ್ರೇ ಸ್ವಾಹಾ॒ ಹಸ್ತಾ॑ಯ । ಸ್ವಾಹಾ॑ ದದ॒ತೇ ಸ್ವಾಹಾ॑ ಪೃಣ॒ತೇ । ಸ್ವಾಹಾ᳚ ಪ್ರ॒ಯಚ್ಛ॑ತೇ॒ ಸ್ವಾಹಾ᳚ ಪ್ರತಿಗೃಭ್ಣ॒ತೇ ಸ್ವಾಹಾ᳚ ॥

12. ಚಿತ್ರಾ
ತ್ವಷ್ಟ್ರೇ॒ ಸ್ವಾಹಾ॑ ಚಿ॒ತ್ರಾಯೈ॒ ಸ್ವಾಹಾ᳚ । ಚೈತ್ರಾ॑ಯ॒ ಸ್ವಾಹಾ᳚ ಪ್ರ॒ಜಾಯೈ॒ ಸ್ವಾಹಾ᳚ ॥

13. ಸ್ವಾತಿ
ವಾ॒ಯವೇ॒ ಸ್ವಾಹಾ॒ ನಿಷ್ಟ್ಯಾ॑ಯೈ॒ ಸ್ವಾಹಾ᳚ । ಕಾ॒ಮ॒ಚಾರಾ॑ಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹಾ᳚ ॥

14. ವಿಶಾಖಾ
ಇ॒ನ್ದ್ರಾ॒ಗ್ನಿಭ್ಯಾ॒ಗ್॒ ಸ್ವಾಹಾ॒ ವಿಶಾ॑ಖಾಭ್ಯಾ॒ಗ್॒ ಸ್ವಾಹಾ᳚ । ಶ್ರೈಷ್ಠ್ಯಾ॑ಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹಾ᳚ ॥

15. ಪೌರ್ಣಮಾಸಿ
ಪೌ॒ರ್ಣ॒ಮಾ॒ಸ್ಯೈ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ ಗ॑ತ್ಯೈ॒ ಸ್ವಾಹಾ᳚ ॥ 115 (29) ॥

16. ಅನೂರಾಧಾ
ಮಿ॒ತ್ರಾಯ॒ ಸ್ವಾಹಾ॑-ಽನೂರಾ॒ಧೇಭ್ಯ॒ ಸ್ಸ್ವಾಹಾ᳚ । ಮಿ॒ತ್ರ॒ಧೇಯಾ॑ಯ॒ ಸ್ವಾಹಾ॒-ಽಭಿಜಿ॑ತ್ಯೈ॒ ಸ್ವಾಹಾ᳚ ॥

17. ಜ್ಯೇಷ್ಠಾ
ಇನ್ದ್ರಾ॑ಯ॒ ಸ್ವಾಹಾ᳚ ಜ್ಯೇ॒ಷ್ಠಾಯೈ॒ ಸ್ವಾಹಾ᳚ । ಜ್ಯೈಷ್ಠ್ಯಾ॑ಯ॒ ಸ್ವಾಹಾ॒-ಽಭಿಜಿ॑ತ್ಯೈ॒ ಸ್ವಾಹಾ᳚ ॥

18. ಮೂಲಂ
ಪ್ರ॒ಜಾಪ॑ತಯೇ॒ ಸ್ವಾಹಾ॒ ಮೂಲಾ॑ಯ॒ ಸ್ವಾಹಾ᳚ । ಪ್ರ॒ಜಾಯೈ॒ ಸ್ವಾಹಾ᳚ ॥

19. ಪೂರ್ವಾಷಾಢಾ
ಅ॒ದ್ಭ್ಯ ಸ್ಸ್ವಾಹಾ॑ ಽಷಾ॒ಢಾಭ್ಯ॒ ಸ್ಸ್ವಾಹಾ᳚ । ಸ॒ಮು॒ದ್ರಾಯ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ᳚ । ಅ॒ಭಿಜಿ॑ತ್ಯೈ॒ ಸ್ವಾಹಾ᳚ ॥

20. ಉತ್ತರಾಷಾಢಾ
ವಿಶ್ವೇ᳚ಭ್ಯೋ ದೇ॒ವೇಭ್ಯ॒ ಸ್ಸ್ವಾಹಾ॑ ಽಷಾ॒ಢಾಭ್ಯ॒ ಸ್ಸ್ವಾಹಾ᳚ । ಅ॒ನ॒ಪ॒ಜ॒ಯ್ಯಾಯ॒ ಸ್ವಾಹಾ॒ ಜಿತ್ಯೈ॒ ಸ್ವಾಹಾ᳚ ॥ 116 ॥

21. ಅಭಿಜಿತ್
ಬ್ರಹ್ಮ॑ಣೇ॒ ಸ್ವಾಹಾ॑ ಽಭಿ॒ಜಿತೇ॒ ಸ್ವಾಹಾ᳚ । ಬ್ರ॒ಹ್ಮ॒ಲೋ॒ಕಾಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹಾ᳚ ॥

22. ಶ್ರವಣಂ
ವಿಷ್ಣ॑ವೇ॒ ಸ್ವಾಹಾ᳚ ಶ್ರೋ॒ಣಾಯೈ॒ ಸ್ವಾಹಾ᳚ । ಶ್ಲೋಕಾ॑ಯ॒ ಸ್ವಾಹಾ᳚ ಶ್ರು॒ತಾಯ॒ ಸ್ವಾಹಾ᳚ ॥

23. ಶ್ರವಿಷ್ಠಾ
ವಸು॑ಭ್ಯ॒ ಸ್ಸ್ವಾಹಾ॒ ಶ್ರವಿ॑ಷ್ಠಾಭ್ಯ॒ ಸ್ಸ್ವಾಹಾ᳚ । ಅಗ್ರಾ॑ಯ॒ ಸ್ವಾಹಾ॒ ಪರೀ᳚ತ್ಯೈ॒ ಸ್ವಾಹಾ᳚ ॥

24. ಶತಭಿಷಕ್
ವರು॑ಣಾಯ॒ ಸ್ವಾಹಾ॑ ಶ॒ತಭಿ॑ಷಜೇ॒ ಸ್ವಾಹಾ᳚ । ಭೇ॒ಷ॒ಜೇಭ್ಯ॒ ಸ್ಸ್ವಾಹಾ ᳚ ॥

25. ಪೂರ್ವ ಪ್ರೋಷ್ಠಪದಾ
ಅ॒ಜಾಯೈಕ॑ಪದೇ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯ॒ ಸ್ಸ್ವಾಹಾ᳚ ॥ 117 ॥
ತೇಜ॑ಸೇ॒ ಸ್ವಾಹಾ᳚ ಬ್ರಹ್ಮವರ್ಚ॒ಸಾಯ॒ ಸ್ವಾಹಾ᳚ ॥

26. ಉತ್ತರ ಪ್ರೋಷ್ಠಪದಾ
ಅಹ॑ಯೇ ಬು॒ಧ್ನಿಯಾ॑ಯ॒ ಸ್ವಾಹಾ᳚ ಪ್ರೋಷ್ಠಪ॒ದೇಭ್ಯ॒ ಸ್ಸ್ವಾಹಾ᳚ । ಪ॒ತಿ॒ಷ್ಠಾಯೈ॒ ಸ್ವಾಹಾ᳚ ॥

27. ರೇವತಿ
ಪೂ॒ಷ್ಣೇ ಸ್ವಾಹಾ॑ ರೇ॒ವತ್ಯೈ॒ ಸ್ವಾಹಾ᳚ । ಪ॒ಶುಭ್ಯ॒ ಸ್ಸ್ವಾಹಾ᳚ ॥

28. ಅಶ್ವಿನೀ
ಅ॒ಶ್ವಿಭ್ಯಾ॒ಗ್॒ ಸ್ವಾಹಾ᳚ ಽಶ್ವ॒ಯುಗ್ಭ್ಯಾ॒ಗ್॒ ಸ್ವಾಹಾ ᳚। ಶ್ರೋತ್ರಾ॑ಯ॒ ಸ್ವಾಹಾ॒ ಶ್ರುತ್ಯೈ॒ ಸ್ವಾಹಾ᳚ ॥

29. ಅಪಭರಣಿ
ಯ॒ಮಾಯ॒ ಸ್ವಾಹಾ॑ ಽಪ॒ಭರ॑ಣೀಭ್ಯ॒ ಸ್ಸ್ವಾಹಾ᳚ । ರಾ॒ಜ್ಯಾಯ॒ ಸ್ವಾಹಾ॒ ಽಭಿಜಿ॑ತ್ಯೈ॒ ಸ್ವಾಹಾ᳚ ॥

30. ಅಮಾವಾಸಿ
ಅ॒ಮ॒ವಾ॒ಸ್ಯಾ॑ಯೈ॒ ಸ್ವಾಹಾ॒ ಕಾಮಾ॑ಯ॒ ಸ್ವಾಹಾ ಽಽಗ॑ತ್ಯೈ॒ ಸ್ವಾಹಾ᳚ ॥ 118 (30) ॥

31. ಚನ್ದ್ರಮಾ
ಚ॒ನ್ದ್ರಮ॑ಸೇ॒ ಸ್ವಾಹಾ᳚ ಪ್ರತೀ॒ದೃಶ್ಯಾ॑ಯೈ॒ ಸ್ವಾಹಾ᳚ । ಅ॒ಹೋ॒ರಾ॒ತ್ರೇಭ್ಯ॒ ಸ್ಸ್ವಾಹಾ᳚-ಽರ್ಧಮಾ॒ಸೇಭ್ಯ॒ ಸ್ಸ್ವಾಹಾ᳚ । ಮಾಸೇ᳚ಭ್ಯ॒ ಸ್ಸ್ವಾಹ॒ರ್ತುಭ್ಯ॒ ಸ್ಸ್ವಾಹಾ᳚ । ಸ॒ವ॒ನ್​ಥ್ಸ॒ರಾಯ॒ ಸ್ವಾಹಾ᳚ ॥

32. ಅಹೋ ರಾತ್ರೀ
ಅಹ್ನೇ॒ ಸ್ವಾಹಾ॒ ರಾತ್ರಿ॑ಯೈ॒ ಸ್ವಾಹಾ᳚ । ಅತಿ॑ಮುಕ್ತ್ಯೈ॒ ಸ್ವಾಹಾ᳚ ॥

33. ಉಷಾ
ಉ॒ಷಸೇ॒ ಸ್ವಾಹಾ॒ ವ್ಯು॑ಷ್ಟ್ಯೈ॒ ಸ್ವಾಹಾ᳚ । ವ್ಯೂ॒ಷುಷ್ಯೈ॒ ಸ್ವಾಹಾ᳚ ವ್ಯು॒ಚ್ಛನ್ತ್ಯೈ॒ ಸ್ವಾಹಾ᳚ । ವ್ಯು॑ಷ್ಟಾಯೈ॒ ಸ್ವಾಹಾ᳚ ॥

34. ನಖ್ಷತ್ರಃ
ನಖ್ಷ॑ತ್ರಾಯ॒ ಸ್ವಾಹೋ॑ದೇಷ್ಯತೇ॒ ಸ್ವಾಹಾ᳚ ॥ 119 ॥
ಉ॒ದ್ಯ॒ತೇ ಸ್ವಾಹೋ-ದಿ॑ತಾಯ॒ ಸ್ವಾಹಾ᳚ । ಹರ॑ಸೇ॒ ಸ್ವಾಹಾ॒ ಭರ॑ಸೇ॒ ಸ್ವಾಹಾ᳚ ।
ಭ್ರಾಜ॑ಸೇ॒ ಸ್ವಾಹಾ॒ ತೇಜ॑ಸೇ॒ ಸ್ವಾಹಾ᳚ । ತಪ॑ಸೇ॒ ಸ್ವಾಹಾ᳚ ಬ್ರಹ್ಮವರ್ಚ॒ಸಾಯ॒ ಸ್ವಾಹಾ᳚ ॥

35. ಸೂರ್ಯಃ
ಸೂರ್ಯಾ॑ಯ॒ ಸ್ವಾಹಾ॒ ನಖ್ಷ॑ತ್ರೇಭ್ಯ॒ ಸ್ಸ್ವಾಹಾ᳚ । ಪ॒ತಿ॒ಷ್ಠಾಯೈ॒ ಸ್ವಾಹಾ᳚ ॥

36. ಅದಿತಿಃ
ಅದಿ॑ತ್ಯೈ॒ ಸ್ವಾಹಾ᳚ ಪ್ರತಿ॒ಷ್ಠಾಯೈ॒ ಸ್ವಾಹಾ᳚ ॥

37. ವಿಷ್ಣುಃ
ವಿಷ್ಣ॑ವೇ॒ ಸ್ವಾಹಾ॑ ಯ॒ಜ್ಞಾಯ॒ ಸ್ವಾಹಾ᳚ । ಪ್ರ॒ತಿ॒ಷ್ಠಾಯೈ॒ ಸ್ವಾಹಾ᳚ ॥ 120 ॥

ದ॒ಧಿ॒ಕ್ರಾವ್ಣ್ಣೋ॑ ಅಕಾರಿಷಂ
ದ॒ಧಿ॒ಕ್ರಾವ್ಣ್ಣೋ॑ ಅಕಾರಿಷಮ್ । ಜಿ॒ಷ್ಣೋ ರಶ್ವ॑ಸ್ಯ ವಾ॒ಜಿನಃ॑ । ಸು॒ರ॒ಭಿ ನೋ॒ ಮುಖಾ॑ ಕರ॒ತ್ । ಪ್ರಣ॒ ಆಯೂಗ್ಂ॑ಷಿ ತಾರಿಷತ್ । ಆಪೋ॒ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಖ್ಷ॑ಸೇ ।
ಯೋ ವ॑ಶ್ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॑ । ಉ॒ಶ॒ತೀರಿ॑ವ ಮಾ॒ತರಃ॑ । ತಸ್ಮಾ॒ ಅರ॑ಙ್ಗಮಾಮ ವೋ॒ ಯಸ್ಯ॒ ಖ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ 121 (32) ॥

1.38 ವರುಣ ಸೂಕ್ತಂ
(ತೈ. ಸಂ. 1.5.11.3)
ಉದು॑ತ್ತ॒ಮಂ-ವಁ॑ರುಣ॒ ಪಾಶ॑ಮ॒ಸ್ಮ-ದವಾ॑ಧ॒ಮಂ-ವಿಁಮ॑ಧ್ಯ॒ಮಗ್ಗ್​ ಶ್ರ॑ಥಾಯ ।
ಅಥಾ ॑ವ॒ಯಮಾ॑ದಿತ್ಯ ವ್ರ॒ತೇ ತವಾನಾ॑ಗಸೋ॒ ಅದಿ॑ತಯೇ ಸ್ಯಾಮ ॥ (ತೈ. ಸಂ. 1.2.8.1 )
ಅಸ್ತ॑ಭ್​ನಾ॒ದ್ಧ್ಯಾ-ಮೃ॑ಷ॒ಭೋ ಅ॒ನ್ತರಿ॑ಖ್ಷ॒-ಮಮಿ॑ಮೀತ-ವರಿ॒ಮಾಣ॑-ಮ್ಪೃಥಿ॒ವ್ಯಾ
ಆ-ಽಸೀ॑ದ॒ದ್ವಿಶ್ವಾ॒ ಭುವ॑ನಾನಿ ಸ॒ಮ್ರಾ-ಡ್ವಿಶ್ವೇತ್ತಾನಿ॒ ವರು॑ಣಸ್ಯ ವ್ರ॒ತಾನಿ॑ ॥ (ತೈ. ಸಂ. 3.4.11.6)
ಯತ್ಕಿಞ್ಚೇ॒ದಂ-ವಁ॑ರುಣ॒ ದೈವ್ಯೇ॒ ಜನೇ॑-ಽಭಿದ್ರೋ॒ಹ-ಮ್ಮ॑ನು॒ಷ್ಯಾ᳚-ಶ್ಚರಾ॑ಮಸಿ ।
ಅಚಿ॑ತ್ತೀ॒-ಯತ್ತವ॒-ಧರ್ಮಾ॑ ಯುಯೋಪಿ॒ಮ-ಮಾನ॒ಸ್ತಸ್ಮಾ॒ ದೇನ॑ಸೋ ದೇವ ರೀರಿಷಃ ॥ (ತೈ. ಸಂ. 3.4.11.6)
ಕಿ॒ತ॒ವಾಸೋ॒ ಯದ್ರಿ॑ರಿ॒ಪುರ್ನ ದೀ॒ವಿ ಯದ್ವಾ॑ ಘಾ ಸ॒ತ್ಯ-ಮು॒ತಯನ್ನ ವಿ॒ದ್ಮ ।
ಸರ್ವಾ॒ತಾವಿಷ್ಯ॑ ಶಿಥಿ॒ರೇವ॑ ದೇ॒ವಾಥಾ॑ತೇ-ಸ್ಯಾಮ ವರುಣ ಪ್ರಿ॒ಯಾಸಃ॑ ॥ (ತೈ. ಸಂ. 1.5.11.3)
ಅವ॑ತೇ॒ಹೇಡೋ॑ ವರುಣ॒ ನಮೋ॑ಭಿ॒ರವ॑ ಯ॒ಜ್ಞೇ-ಭಿ॑ರೀಮಹೇ ಹ॒ವಿರ್ಭಿಃ॑ ।
ಖ್ಷಯ॑ನ್ನ॒ ಸ್ಮಭ್ಯ॑ ಮಸುರ-ಪ್ರಚೇತೋ॒ ರಾಜ॒ನ್ನೇನಾಗ್ಂ॑ಸಿ ಶಿಶ್ರಥಃ ಕೃ॒ತಾನಿ॑ ॥ (ತೈ. ಸಂ. 2.1.11.6)
ತತ್ವಾ॑ಯಾಮಿ॒ ಬ್ರಹ್ಮ॑ಣಾ॒ ವನ್ದ॑ಮಾನ॒ ಸ್ತದಾಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ । ಅಹೇ॑ಡಮಾನೋ ವರುಣೇ॒ಹ ಬೋ॒ದ್ಧ್ಯುರು॑ಶಗ್ಂ ಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ ॥ 122 (33) ॥

1.39 ಪವಮಾನ ಸೂಕ್ತಂ
ಹಿರ॑ಣ್ಯವರ್ಣಾ॒-ಶ್ಶುಚ॑ಯಃ ಪಾವ॒ಕಾ ಯಾಸು॑ಜಾ॒ತಃ ಕ॒ಶ್ಯಪೋ॒ ಯಾಸ್ವಿನ್ದ್ರಃ॑ ।
ಅ॒ಗ್ನಿಂ​ಯಾಁ ಗರ್ಭಂ॑ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯ॒ನ್ ಜನಾ॑ನಾಮ್ ।
ಮ॒ಧು॒ಶ್ಚುತ॒-ಶ್ಶುಚ॑ಯೋ॒ಯಾಃ ಪಾ॑ವ॒ಕಾಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ ಯಾಸಾಂ᳚ ದೇ॒ವಾದಿ॒ವಿ ಕೃ॒ಣ್ವನ್ತಿ॑ ಭ॒ಖ್ಷಂ​ಯಾಁ ಅ॒ನ್ತರಿ॑ಖ್ಷೇ ಬಹು॒ಧಾ ಭವ॑ನ್ತಿ ।
ಯಾಃ ಪೃ॑ಥಿ॒ವೀ-ಮ್ಪಯ॑ಸೋ॒ನ್ದನ್ತಿ॑ ಶು॒ಕ್ರಾಸ್ತಾ ನ॒ ಆಪ॒ಶ್ಶಗ್ಗ್​ ಸ್ಯೋ॒ನಾ ಭ॑ವನ್ತು ॥ ಶಿ॒ವೇನ॑ ಮಾ॒ ಚಖ್ಷು॑ಷಾ ಪಶ್ಯತಾಪ ಶ್ಶಿ॒ವಯಾ॑ ತ॒ನುವೋ-ಪ॑ಸ್ಪೃಶತ॒ ತ್ವಚ॑ಮೇಮ್ ।
ಸರ್ವಾಗ್ಂ॑ ಅ॒ಗ್ನೀಗ್ಂ ರ॑ಫ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿಧ॑ತ್ತ ॥ 123 (34) ॥

(ತೈ. ಬ್ರಾ. 1.4.8.1)
ಪವ॑ಮಾನ॒-ಸ್ಸುವ॒ರ್ಜನಃ॑ । ಪ॒ವಿತ್ರೇ॑ಣ॒ ವಿಚ॑ರ್​ಷಣಿಃ । ಯಃ ಪೋತಾ॒ ಸ ಪು॑ನಾತು ಮಾ । ಪು॒ನನ್ತು॑ ಮಾ ದೇವಜ॒ನಾಃ । ಪು॒ನನ್ತು॒ ಮನ॑
ವೋಧಿ॒ಯಾ । ಪು॒ನನ್ತು॒ ವಿಶ್ವ॑ ಆ॒ಯವಃ॑ । ಜಾತ॑ವೇದಃ ಪ॒ವಿತ್ರ॑ವತ್ । ಪ॒ವಿತ್ರೇ॑ಣ ಪುನಾಹಿ ಮಾ । ಶು॒ಕ್ರೇಣ॑ ದೇವ॒ ದೀದ್ಯ॑ತ್ । ಅಗ್ನೇ॒ ಕ್ರತ್ವಾ॒-ಕ್ರತೂ॒ಗ್ಂ॒ ರನು॑ ॥ 124 ॥

ಯತ್ತೇ॑ ಪ॒ವಿತ್ರ॑-ಮ॒ರ್ಚಿಷಿ॑ । ಅಗ್ನೇ॒ ವಿತ॑ತ-ಮನ್ತ॒ರಾ । ಬ್ರಹ್ಮ॒ ತೇನ॑ ಪುನೀಮಹೇ । ಉ॒ಭಾಭ್ಯಾಂ᳚ ದೇವ ಸವಿತಃ । ಪ॒ವಿತ್ರೇ॑ಣ ಸ॒ವೇನ॑ ಚ । ಇ॒ದ-ಮ್ಬ್ರಹ್ಮ॑ ಪುನೀಮಹೇ ।
ವೈ॒ಶ್ವ॒ದೇ॒ವೀ ಪು॑ನ॒ತೀ ದೇ॒ವ್ಯಾಗಾ᳚ತ್ । ಯಸ್ಯೈ॑ ಬ॒ಹ್ವೀ-ಸ್ತ॒ನುವೋ॑ ವೀ॒ತಪೃ॑ಷ್ಠಾಃ । ತಯಾ॒ ಮದ॑ನ್ತ-ಸ್ಸಧ॒ಮಾದ್ಯೇ॑ಷು । ವ॒ಯಗ್ಗ್​ ಸ್ಯಾ॑ಮ॒ ಪತ॑ಯೋರಯೀ॒ಣಾಮ್ ॥ 125 ॥

ವೈ॒ಶ್ವಾ॒ನ॒ರೋ ರ॒ಶ್ಮಿಭಿ॑ರ್ಮಾ ಪುನಾತು । ವಾತಃ॑ ಪ್ರಾ॒ಣೇನೇ॑ ಷಿ॒ರೋ ಮ॑ಯೋ॒ ಭೂಃ ।
ದ್ಯಾವಾ॑ಪೃಥಿ॒ವೀ ಪಯ॑ಸಾ॒ ಪಯೋ॑ಭಿಃ । ಋ॒ತಾವ॑ರೀ ಯ॒ಜ್ಞಿಯೇ॑ ಮಾ ಪುನೀತಾಮ್ । ಬೃ॒ಹದ್ಭಿ॑-ಸ್ಸವಿ ತ॒ಸ್ತೃಭಿಃ॑ । ವರ್​ಷಿ॑ಷ್ಠೈ--ರ್ದೇವ॒ಮನ್ಮ॑ಭಿಃ । ಅಗ್ನೇ॒ ದಖ್ಷೈಃ᳚ ಪುನಾಹಿಮಾ । ಯೇನ॑ ದೇ॒ವಾ ಅಪು॑ನತ । ಯೇ ನಾಪೋ॑ ದಿ॒ವ್ಯಙ್ಕಶಃ॑ । ತೇನ॑ ದಿ॒ವ್ಯೇನ॒ ಬ್ರಹ್ಮ॑ಣಾ ॥ 126 ॥

ಇ॒ದ-ಮ್ಬ್ರಹ್ಮ॑ ಪುನೀಮಹೇ । ಯಃ ಪಾ॑ವಮಾ॒ನೀ-ರ॒ದ್ಧಯೇತಿ॑ । ಋಷಿ॑ಭಿ॒-ಸ್ಸಮ್ಭೃ॑ತ॒ಗ್ಂ॒ ರಸ᳚ಮ್ । ಸರ್ವ॒ಗ್ಂ॒ ಸ ಪೂ॒ತಮ॑ಶ್ನಾತಿ । ಸ್ವ॒ದಿ॒ತ-ಮ್ಮಾ॑ತ॒ರಿಶ್ವ॑ನಾ । ಪಾ॒ವ॒ಮಾ॒ನೀ॒ರ್ಯೋ ಅ॒ದ್ಧಯೇತಿ॑ ।
ಋಷಿ॑ಭಿ॒-ಸ್ಸಮ್ಭೃ॑ತ॒ಗ್ಂ॒ ರಸ᳚ಮ್ । ತಸ್ಮೈ॒ ಸರ॑ಸ್ವತೀ ದುಹೇ । ಖ್ಷೀ॒ರಗ್ಂ ಸ॒ರ್ಪಿ ರ್ಮಧೂ॑ದ॒ಕಮ್ । ಪಾ॒ವ॒ಮಾ॒ನೀ-ಸ್ಸ್ವ॒ಸ್ತ್ಯಯ॑ನೀಃ ॥ 127 ॥

ಸು॒ದುಘಾ॒ಹಿ ಪಯ॑ಸ್ವತೀಃ । ಋಷಿ॑ಭಿ॒-ಸ್ಸಮ್ಭೃ॑ತೋ॒ ರಸಃ॑ । ಬ್ರಾ॒ಹ್ಮ॒ಣೇಷ್ವ॒-ಮೃತಗ್ಂ॑ ಹಿ॒ತಮ್ । ಪಾ॒ವ॒ಮಾ॒ನೀ-ರ್ದಿ॑ಶನ್ತು ನಃ । ಇ॒ಮಂ ಂ​ಲೋಁ॒ಕಮಥೋ॑ ಅ॒ಮುಮ್ । ಕಾಮಾ॒ನ್-ಥ್ಸಮ॑ರ್ಧ್ಯನ್ತು ನಃ । ದೇ॒ವೀರ್ದೇ॒ವೈ-ಸ್ಸ॒ಮಾ ಭೃ॑ತಾಃ । ಪಾ॒ವ॒ಮಾ॒ನೀ-ಸ್ಸ್ವ॒ಸ್ತ್ಯಯ॑ನೀಃ । ಸು॒ದುಘಾ॒ಹಿ ಘೃ॑ತ॒ಶ್ಚುತಃ॑ । ಋಷಿ॑ಭಿ॒-ಸ್ಸಮ್ಭೃ॑ತೋ॒ ರಸಃ॑ ॥ 128 ॥

ಬ್ರಾ॒ಹ್ಮ॒ಣೇಷ್ವ॒-ಮೃತಗ್ಂ॑ ಹಿ॒ತಮ್ । ಯೇನ॑ ದೇ॒ವಾಃ ಪ॒ವಿತ್ರೇ॑ಣ । ಆ॒ತ್ಮಾನಂ॑ ಪು॒ನತೇ॒ ಸದಾ᳚ । ತೇನ॑ ಸ॒ಹಸ್ರ॑ ಧಾರೇಣ । ಪಾ॒ವ॒ಮಾ॒ನ್ಯಃ ಪು॑ನನ್ತು ಮಾ । ಪ್ರಾ॒ಜಾ॒ಪ॒ತ್ಯ-ಮ್ಪ॒ವಿತ್ರ᳚ಮ್ । ಶ॒ತೋದ್ಯಾ॑ಮಗ್ಂ ಹಿರ॒ಣ್ಮಯ᳚ಮ್ । ತೇನ॑ ಬ್ರಹ್ಮ॒ ವಿದೋ॑ ವ॒ಯಮ್ । ಪೂ॒ತ-ಮ್ಬ್ರಹ್ಮ॑ ಪುನೀಮಹೇ । ಇನ್ದ್ರ॑-ಸ್ಸುನೀ॒ತೀ ಸ॒ಹ ಮಾ॑ ಪುನಾತು । ಸೋಮ॑-ಸ್ಸ್ವ॒ಸ್ತ್ಯಾ ವರು॑ಣ-ಸ್ಸ॒ಮೀಚ್ಯಾ᳚ । ಯ॒ಮೋ ರಾಜಾ᳚ ಪ್ರಮೃ॒ಣಾಭಿಃ॑ ಪುನಾತುಮಾ । ಜಾ॒ತವೇ॑ದಾ ಮೋ॒ರ್ಜಯ॑ನ್ತ್ಯಾ ಪುನಾತು । ಓ-ಮ್ಭೂರ್ಭುವ॒ಸ್ಸುವಃ॑ ॥ 129 ॥

(ತೈ. ಬ್ರಾ. 3.5.11.1)
ತಚ್ಛಂ॒ಁಯೋರಾ ವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ಸ್ವ॒ಸ್ತಿ-ರ॑ಸ್ತುನಃ । ಸ್ವ॒ಸ್ತಿ-ರ್ಮಾನು॑ಷೇಭ್ಯಃ । ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ । ಶನ್ನೋ॑ ಅಸ್ತು ದ್ವಿ॒ಪದೇ᳚ । ಶಞ್ಚತು॑ಷ್ಪದೇ ॥ 130 (36) ॥
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

1.40 ಆಯುಷ್ಯ ಸೂಕ್ತಂ
ಯೋ ಬ್ರಹ್ಮಾಬ್ರಹ್ಮಣ ಉಜ್ಜಭಾರ ಪ್ರಾಣೆಶ್ವರಃ (ಯೋ ಬ್ರಹ್ಮಾ ಬ್ರಹ್ಮಣ ಉಜ್ಜಹಾರ ಪ್ರಾಣೈ-ಶ್ಶಿರಃ) ಕೃತ್ತಿವಾಸಾಃ ಪಿನಾಕೀ ।
ಈಶಾನೋ ದೇವಸ್ಸನ ಆಯುರ್ದಧಾತು ತಸ್ಮೈ ಜುಹೋಮಿ ಹವಿಷಾ ಘೃತೇನ ॥ 1 ॥

ವಿಭ್ರಾಜಮಾನ-ಸ್ಸರಿರಸ್ಯ ಮದ್ಧ್ಯಾದ್ ರೋಚಮಾನೋ ಘರ್ಮರುಚಿರ್ಯ ಆಗಾತ್ ।
ಸ ಮೃತ್ಯುಪಾಶಾ-ನಪನುದ್ಯ ಘೋರಾ-ನಿಹಾಯುಷೇಣೋ ಘೃತಮತ್ತು ದೇವಃ ॥ 2 ॥

ಬ್ರಹ್ಮಜ್ಯೋತಿರ್ ಬ್ರಹ್ಮಪತ್ನೀಷು ಗರ್ಭಂ-ಯಁಮಾದಧಾ-ತ್ಪುರುರೂಪ-ಞ್ಜಯನ್ತಮ್ ।
ಸುವರ್ಣರಮ್ಭ-ಗ್ರಹ-ಮರ್ಕಮರ್ಚ್ಯ-ನ್ತಮಾಯುಷೇ ವರ್ಧಯಾಮೋ ಘೃತೇನ ॥ 3 ॥

ಶ್ರಿಯಂ-ಲಁಖ್ಷ್ಮೀ-ಮೌಪಲಾಂ ಅಮ್ಬಿಙ್ಕಾ-ಙ್ಗಾಂ ಷಷ್ಟೀಞ್ಚ ಯಾಮಿನ್ದ್ರಸೇನೇತ್ಯುದಾಹುಃ ।
ತಾಂ-ವಿಁದ್ಯಾ-ಮ್ಬ್ರಹ್ಮಯೋನಿಗ್ಂ ಸರೂಪಾ-ಮಿಹಾಯುಷೇ ತರ್ಪಯಾಮೋ ಘೃತೇನ ॥ 4 ॥

ದಾಖ್ಷಾಯಣ್ಯ-ಸ್ಸರ್ವಯೋನ್ಯ ಸ್ಸುಯೋನ್ಯ-ಸ್ಸಹಸ್ರಶೋ ವಿಶ್ವ ರೂಪಾ ವಿರೂಪಾಃ ।
ಸಸೂನವ-ಸ್ಸಪತಯ-ಸ್ಸಯೂಥ್ಯಾ ಆಯುಷೇಣೋ ಘೃತಮಿದ-ಞ್ಜುಷನ್ತಾಮ್ ॥ 5 ॥

ದಿವ್ಯಾ ಗಣಾ ಬಹುರೂಪಾಃ ಪುರಾಣಾ ಆಯುಶ್ಛಿದೋ ನಃ ಪ್ರಮಥ್ನನ್ತು ವೀರಾನ್ ।
ತೇಭ್ಯೋ ಜುಹೋಮಿ ಬಹುಧಾ ಘೃತೇನ ಮಾ ನಃ ಪ್ರಜಾಗ್ಂ ರೀರಿಷೋ ಮೋತ ವೀರಾನ್ ॥ 6 ॥

ಏಕಃ ಪುರಸ್ತಾತ್ ಯ ಇದ-ಮ್ಬಭೂವ ಯತೋ ಬಭೂವ ಭುವನಸ್ಯ ಗೋಪಾಃ ।
ಯಮಪ್ಯೇತಿ ಭುವನಗ್ಂ ಸಾಮ್ಪರಾಯೇ ಸ ನೋ ಹವಿರ್ ಘೃತ-ಮಿಹಾಯುಷೇ'ತ್ತು ದೇವಃ ॥ 7 ॥

ವಸೂ-ನ್ರುದ್ರಾನಾ-ದಿತ್ಯಾ-ನ್ಮರುತೋ'ಥ ಸಾದ್ಧ್ಯಾನ್ ಋಭೂನ್ ಯಖ್ಷಾ-ನ್ಗನ್ಧರ್ವಾಗ್ಂಶ್ಚ ಪಿತೃಗ್ಂಶ್ಚ ವಿಶ್ವಾನ್ ।
ಭೃಗೂನ್-ಥ್ಸರ್ಪಾಗ್ಂಶ್ಚಾ-ಙ್ಗಿಗರಸೋ'ಥ ಸರ್ವಾ-ನ್ಘೃತಗ್ಂ ಹುತ್ವಾ ಸ್ವಾಯುಷ್ಯಾ ಮಹಯಾಮ ಶಶ್ವತ್ ॥ 8 ॥

ವಿಷ್ಣೋ॒ ತ್ವನ್ನೋ॒ ಅನ್ತ॑ಮ॒-ಶ್ಶರ್ಮ॑ಯಚ್ಛ ಸಹನ್ತ್ಯ ।
ಪ್ರತೇ॒ ಧಾರಾ॑ ಮಧು॒ಶ್ಚುತ॒ ಉಥ್ಸ॑ನ್ದುಹ್ರತೇ॒ ಅಖ್ಷಿ॑ತಮ್ ॥ (ತೈ. ಸಂ. 3.1.10) ॥

ನಮೋ ಬ್ರಹ್ಮಣೇ ನಮೋ ಅಸ್ತ್ವಗ್ನಯೇ ನಮಹ್ ಪೃಥಿವ್ಯೈ ನಮಹ್ ಒಷಧೀಭ್ಯಃ ।
ನಮೋ ವಾಚೇ ನಮೋ ವಾಚಸ್ಪತ॑ಯೇ ನಮೋ ವಿಷ್ಣವೇ ಬೃಹತೇ ಕರೋಮಿ ॥ (ತೈ. ಅರ. 2.1.2) ॥
(ಏವ-ನ್ತ್ರಿಃ)

ಯದಖ್ಷರಪದಭ್ರಷ್ಟ-ಮ್ಮಾತ್ರಾಹೀನ-ನ್ತು ಯದ್ಭವೇತ್ ।
ತತ್ಸರ್ವ-ಙ್ಖ್ಷಮ್ಯತಾ-ನ್ದೇವ ನಾರಾಯಣ ನಮೋ'ಸ್ತುತೇ ॥
ವಿಸರ್ಗ ಬಿನ್ದು ಮಾತ್ರಾಣಿ ಪದಪಾದಾಖ್ಷರಾಣಿ ಚ ।

ನ್ಯೂನಾತಿರಿಕ್ತಂ-ಯಁತ್ಕಿಞ್ಚಿದಭಿಗೀರ್ಭಿರುದೀರ್ಯತೆ ॥
ಆ॒ಭಿರ್ ಗೀ॒ರ್ಭಿರ್ ಯದತೋ॑ನ ಊ॒ನಮಾಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ ।
ಯ॒ದಾ ಸ್ತೋ॒ತೃಭ್ಯೋ॒ ಮಹಿ॑ ಗೋ॒ತ್ರಾ ರು॒ಜಾಸಿ॑ ಭೂಯಿಷ್ಠ॒ಭಾಜೋ॒ ಅಧ॑ತೇ ಶ್ಯಾಮ ।
ಬ್ರಹ್ಮ॒ ಪ್ರಾವಾ॑ದಿಷ್ಮ॒ ತನ್ನೋ॒ ಮಾಹಾ॑ಸೀತ್ ।
ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥ (ತೈ. ಅರ. 4.4.2)

ಹರಿಃ ಓಮ್ । ಶ್ರೀಕೃಷ್ಣಾರ್ಪಣಮಸ್ತು ॥

ಓ-ನ್ತತ್ಸತ್ ಬ್ರಹ್ಮಾರ್ಪಣಮಸ್ತು ॥

ಇತ್ಯುದಕಶಾನ್ತಿಮನ್ತ್ರಾಃ ॥