ശ്രീ ഗണേശായ നമഃ ।
അവ്യാദജോഽംഘ്രി മണിമാംസ്തവ ജാന്വഥോരൂ
യജ്ഞോഽച്യുതഃ കടിതടം ജഠരം ഹയാസ്യഃ ।
ഹൃത്കേശവസ്ത്വദുര ഈശ ഇനസ്തു കംഠം
വിഷ്ണുര്ഭുജം മുഖമുരുക്രമ ഈശ്വരഃ കമ് ॥ 1 ॥
ചക്ര്യഗ്രതഃ സഹഗദോ ഹരിരസ്തു പശ്ചാത്
ത്വത്പാര്ശ്വയോര്ധനുരസീ മധുഹാജനശ്ച ।
കോണേഷു ശംഖ ഉരുഗായ ഉപര്യുപേംദ്രസ്
താര്ക്ഷ്യഃ ക്ഷിതൌ ഹലധരഃ പുരുഷഃ സമംതാത് ॥ 2 ॥
ഇംദ്രിയാണി ഹൃഷീകേശഃ പ്രാണാന്നാരായണോഽവതു ।
ശ്വേതദ്വീപപതിശ്ചിത്തം മനോ യോഗേശ്വരോഽവതു ॥ 3 ॥
പൃശ്നിഗര്ഭസ്തു തേ ബുദ്ധിമാത്മാനം ഭഗവാന്പരഃ ।
ക്രീഡംതം പാതു ഗോവിംദഃ ശയാനം പാതു മാധവഃ ॥ 4 ॥
വ്രജംതമവ്യാദ്വൈകുംഠ ആസീനം ത്വാം ശ്രിയഃ പതിഃ ।
ഭുംജാനം യജ്ഞഭുക്പാതു സർവഗ്രഹഭയംകരഃ ॥ 5 ॥
ഡാകിന്യോ യാതുധാന്യശ്ച കുഷ്മാംഡാ യേഽര്ഭകഗ്രഹാഃ ।
ഭൂതപ്രേതപിശാചാശ്ച യക്ഷരക്ഷോവിനായകാഃ ॥ 6 ॥
കോടരാ രേവതീ ജ്യേഷ്ഠാ പൂതനാ മാതൃകാദയഃ ।
ഉന്മാദാ യേ ഹ്യപസ്മാരാ ദേഹപ്രാണേംദ്രിയദ്രുഹഃ ॥ 7 ॥
സ്വപ്നദൃഷ്ടാ മഹോത്പാതാ വൃദ്ധബാലഗ്രഹാശ്ച യേ ।
സർവേ നശ്യംതു തേ വിഷ്ണോര്നാമഗ്രഹണഭീരവഃ ॥ 8 ॥
॥ ഇതി ശ്രീമദ്ഭാഗവതേ ദശമസ്കംധേ ഗോപീകൃതബാലരക്ഷാ സമാപ്താ ॥
