𑌶𑍍𑌰𑍀 𑌗𑌣𑍇𑌶𑌾𑌯 𑌨𑌮𑌃 ।
𑌅𑌵𑍍𑌯𑌾𑌦𑌜𑍋𑌽𑌂𑌘𑍍𑌰𑌿 𑌮𑌣𑌿𑌮𑌾𑌂𑌸𑍍𑌤𑌵 𑌜𑌾𑌨𑍍𑌵𑌥𑍋𑌰𑍂
𑌯𑌜𑍍𑌞𑍋𑌽𑌚𑍍𑌯𑍁𑌤𑌃 𑌕𑌟𑌿𑌤𑌟𑌂 𑌜𑌠𑌰𑌂 𑌹𑌯𑌾𑌸𑍍𑌯𑌃 ।
𑌹𑍃𑌤𑍍𑌕𑍇𑌶𑌵𑌸𑍍𑌤𑍍𑌵𑌦𑍁𑌰 𑌈𑌶 𑌇𑌨𑌸𑍍𑌤𑍁 𑌕𑌂𑌠𑌂
𑌵𑌿𑌷𑍍𑌣𑍁𑌰𑍍𑌭𑍁𑌜𑌂 𑌮𑍁𑌖𑌮𑍁𑌰𑍁𑌕𑍍𑌰𑌮 𑌈𑌶𑍍𑌵𑌰𑌃 𑌕𑌮𑍍 ॥ 1 ॥
𑌚𑌕𑍍𑌰𑍍𑌯𑌗𑍍𑌰𑌤𑌃 𑌸𑌹𑌗𑌦𑍋 𑌹𑌰𑌿𑌰𑌸𑍍𑌤𑍁 𑌪𑌶𑍍𑌚𑌾𑌤𑍍
𑌤𑍍𑌵𑌤𑍍𑌪𑌾𑌰𑍍𑌶𑍍𑌵𑌯𑍋𑌰𑍍𑌧𑌨𑍁𑌰𑌸𑍀 𑌮𑌧𑍁𑌹𑌾𑌜𑌨𑌶𑍍𑌚 ।
𑌕𑍋𑌣𑍇𑌷𑍁 𑌶𑌂𑌖 𑌉𑌰𑍁𑌗𑌾𑌯 𑌉𑌪𑌰𑍍𑌯𑍁𑌪𑍇𑌂𑌦𑍍𑌰𑌸𑍍
𑌤𑌾𑌰𑍍𑌕𑍍𑌷𑍍𑌯𑌃 𑌕𑍍𑌷𑌿𑌤𑍌 𑌹𑌲𑌧𑌰𑌃 𑌪𑍁𑌰𑍁𑌷𑌃 𑌸𑌮𑌂𑌤𑌾𑌤𑍍 ॥ 2 ॥
𑌇𑌂𑌦𑍍𑌰𑌿𑌯𑌾𑌣𑌿 𑌹𑍃𑌷𑍀𑌕𑍇𑌶𑌃 𑌪𑍍𑌰𑌾𑌣𑌾𑌨𑍍𑌨𑌾𑌰𑌾𑌯𑌣𑍋𑌽𑌵𑌤𑍁 ।
𑌶𑍍𑌵𑍇𑌤𑌦𑍍𑌵𑍀𑌪𑌪𑌤𑌿𑌶𑍍𑌚𑌿𑌤𑍍𑌤𑌂 𑌮𑌨𑍋 𑌯𑍋𑌗𑍇𑌶𑍍𑌵𑌰𑍋𑌽𑌵𑌤𑍁 ॥ 3 ॥
𑌪𑍃𑌶𑍍𑌨𑌿𑌗𑌰𑍍𑌭𑌸𑍍𑌤𑍁 𑌤𑍇 𑌬𑍁𑌦𑍍𑌧𑌿𑌮𑌾𑌤𑍍𑌮𑌾𑌨𑌂 𑌭𑌗𑌵𑌾𑌨𑍍𑌪𑌰𑌃 ।
𑌕𑍍𑌰𑍀𑌡𑌂𑌤𑌂 𑌪𑌾𑌤𑍁 𑌗𑍋𑌵𑌿𑌂𑌦𑌃 𑌶𑌯𑌾𑌨𑌂 𑌪𑌾𑌤𑍁 𑌮𑌾𑌧𑌵𑌃 ॥ 4 ॥
𑌵𑍍𑌰𑌜𑌂𑌤𑌮𑌵𑍍𑌯𑌾𑌦𑍍𑌵𑍈𑌕𑍁𑌂𑌠 𑌆𑌸𑍀𑌨𑌂 𑌤𑍍𑌵𑌾𑌂 𑌶𑍍𑌰𑌿𑌯𑌃 𑌪𑌤𑌿𑌃 ।
𑌭𑍁𑌂𑌜𑌾𑌨𑌂 𑌯𑌜𑍍𑌞𑌭𑍁𑌕𑍍𑌪𑌾𑌤𑍁 𑌸𑌰𑍍𑌵𑌗𑍍𑌰𑌹𑌭𑌯𑌂𑌕𑌰𑌃 ॥ 5 ॥
𑌡𑌾𑌕𑌿𑌨𑍍𑌯𑍋 𑌯𑌾𑌤𑍁𑌧𑌾𑌨𑍍𑌯𑌶𑍍𑌚 𑌕𑍁𑌷𑍍𑌮𑌾𑌂𑌡𑌾 𑌯𑍇𑌽𑌰𑍍𑌭𑌕𑌗𑍍𑌰𑌹𑌾𑌃 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌶𑍍𑌚 𑌯𑌕𑍍𑌷𑌰𑌕𑍍𑌷𑍋𑌵𑌿𑌨𑌾𑌯𑌕𑌾𑌃 ॥ 6 ॥
𑌕𑍋𑌟𑌰𑌾 𑌰𑍇𑌵𑌤𑍀 𑌜𑍍𑌯𑍇𑌷𑍍𑌠𑌾 𑌪𑍂𑌤𑌨𑌾 𑌮𑌾𑌤𑍃𑌕𑌾𑌦𑌯𑌃 ।
𑌉𑌨𑍍𑌮𑌾𑌦𑌾 𑌯𑍇 𑌹𑍍𑌯𑌪𑌸𑍍𑌮𑌾𑌰𑌾 𑌦𑍇𑌹𑌪𑍍𑌰𑌾𑌣𑍇𑌂𑌦𑍍𑌰𑌿𑌯𑌦𑍍𑌰𑍁𑌹𑌃 ॥ ॥
𑌸𑍍𑌵𑌪𑍍𑌨𑌦𑍃𑌷𑍍𑌟𑌾 𑌮𑌹𑍋𑌤𑍍𑌪𑌾𑌤𑌾 𑌵𑍃𑌦𑍍𑌧𑌬𑌾𑌲𑌗𑍍𑌰𑌹𑌾𑌶𑍍𑌚 𑌯𑍇 ।
𑌸𑌰𑍍𑌵𑍇 𑌨𑌶𑍍𑌯𑌂𑌤𑍁 𑌤𑍇 𑌵𑌿𑌷𑍍𑌣𑍋𑌰𑍍𑌨𑌾𑌮𑌗𑍍𑌰𑌹𑌣𑌭𑍀𑌰𑌵𑌃 ॥ ॥
॥ 𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌦𑌶𑌮𑌸𑍍𑌕𑌂𑌧𑍇 𑌗𑍋𑌪𑍀𑌕𑍃𑌤𑌬𑌾𑌲𑌰𑌕𑍍𑌷𑌾 𑌸𑌮𑌾𑌪𑍍𑌤𑌾 ॥
