ශ්රී ගණේශාය නමඃ ।
අව්යාදජෝऽංඝ්රි මණිමාංස්තව ජාන්වථෝරූ
යජ්ඤෝऽච්යුතඃ කටිතටං ජඨරං හයාස්යඃ ।
හෘත්කේශවස්ත්වදුර ඊශ ඉනස්තු කංඨං
විෂ්ණුර්භුජං මුඛමුරුක්රම ඊශ්වරඃ කම් ॥ 1 ॥
චක්ර්යග්රතඃ සහගදෝ හරිරස්තු පශ්චාත්
ත්වත්පාර්ශ්වයෝර්ධනුරසී මධුහාජනශ්ච ।
කෝණේෂු ශංඛ උරුගාය උපර්යුපේංද්රස්
තාර්ක්ෂ්යඃ ක්ෂිතෞ හලධරඃ පුරුෂඃ සමංතාත් ॥ 2 ॥
ඉංද්රියාණි හෘෂීකේශඃ ප්රාණාන්නාරායණෝऽවතු ।
ශ්වේතද්වීපපතිශ්චිත්තං මනෝ යෝගේශ්වරෝऽවතු ॥ 3 ॥
පෘශ්නිගර්භස්තු තේ බුද්ධිමාත්මානං භගවාන්පරඃ ।
ක්රීඩංතං පාතු ගෝවිංදඃ ශයානං පාතු මාධවඃ ॥ 4 ॥
ව්රජංතමව්යාද්වෛකුංඨ ආසීනං ත්වාං ශ්රියඃ පතිඃ ।
භුංජානං යජ්ඤභුක්පාතු සර්වග්රහභයංකරඃ ॥ 5 ॥
ඩාකින්යෝ යාතුධාන්යශ්ච කුෂ්මාංඩා යේऽර්භකග්රහාඃ ।
භූතප්රේතපිශාචාශ්ච යක්ෂරක්ෂෝවිනායකාඃ ॥ 6 ॥
කෝටරා රේවතී ජ්යේෂ්ඨා පූතනා මාතෘකාදයඃ ।
උන්මාදා යේ හ්යපස්මාරා දේහප්රාණේංද්රියද්රුහඃ ॥ 7 ॥
ස්වප්නදෘෂ්ටා මහෝත්පාතා වෘද්ධබාලග්රහාශ්ච යේ ।
සර්වේ නශ්යංතු තේ විෂ්ණෝර්නාමග්රහණභීරවඃ ॥ 8 ॥
॥ ඉති ශ්රීමද්භාගවතේ දශමස්කංධේ ගෝපීකෘතබාලරක්ෂා සමාප්තා ॥
