(ශ්රීමද්භාගවත මහාපුරාණේ ප්රථමස්කංධේ අෂ්ටමාධ්යායඃ)
කුංත්යුවාච ।
නමස්යේ පුරුෂං ත්වාද්යමීශ්වරං ප්රකෘතේඃ පරම් ।
අලක්ෂ්යං සර්වභූතානාමංතර්බහිරවස්ථිතම් ॥ 18 ॥
මායාජවනිකාච්ඡන්නමජ්ඤාධෝක්ෂජමව්යයම් ।
න ලක්ෂ්යසේ මූඪදෘශා නටෝ නාට්යධරෝ යථා ॥ 19 ॥
තථා පරමහංසානාං මුනීනාමමලාත්මනාම් ।
භක්තියෝගවිධානාර්ථං කථං පශ්යේම හි ස්ත්රියඃ ॥ 20 ॥
කෘෂ්ණාය වාසුදේවාය දේවකීනංදනාය ච ।
නංදගෝපකුමාරාය ගෝවිංදාය නමෝ නමඃ ॥ 21 ॥
නමඃ පංකජනාභාය නමඃ පංකජමාලිනේ ।
නමඃ පංකජනේත්රාය නමස්තේ පංකජාංඝ්රයේ ॥ 22 ॥
යථා හෘෂීකේශ ඛලේන දේවකී කංසේන රුද්ධාතිචිරං ශුචාර්පිතා ।
විමෝචිතාහං ච සහාත්මජා විභෝ ත්වයෛව නාථේන මුහුර්විපද්ගණාත් ॥ 23 ॥
විෂාන්මහාග්නේඃ පුරුෂාදදර්ශනාදසත්සභායා වනවාසකෘච්ඡ්රතඃ ।
මෘධේ මෘධේऽනේකමහාऱථාස්ත්රතෝ ද්රෞණ්යස්ත්රතශ්චාස්ම හරේऽභිරක්ෂිතාඃ ॥ 24 ॥
විපදඃ සංතු තාඃ ශශ්වත්තත්ර තත්ර ජගද්ගුරෝ ।
භවතෝ දර්ශනං යත්ස්යාදපුනර්භවදර්ශනම් ॥ 25 ॥
ජන්මෛශ්වර්යශ්රුතශ්රීභිරේධමානමදඃ පුමාන් ।
නෛවාර්හත්යභිධාතුං වෛ ත්වාමකිංචනගෝචරම් ॥ 26 ॥
නමෝऽකිංචනවිත්තාය නිවෘත්තගුණවෘත්තයේ ।
ආත්මාරාමාය ශාංතාය කෛවල්යපතයේ නමඃ ॥ 27 ॥
මන්යේ ත්වාං කාලමීශානමනාදිනිධනං විභුම් ।
සමං චරංතං සර්වත්ර භූතානාං යන්මිථඃ කලිඃ ॥ 28 ॥
න වේද කශ්චිද්භගවංශ්චිකීර්ෂිතං තවේහමානස්ය නෘණාං විඩංබනම් ।
න යස්ය කශ්චිද්දයිතෝऽස්ති කර්හිචිද්ද්වේෂ්යශ්ච යස්මින්විෂමා මතිර්නෘණාම් ॥ 29 ॥
ජන්ම කර්ම ච විශ්වාත්මන්නජස්යාකර්තුරාත්මනඃ ।
තිර්යංනෘෂිෂු යාදඃසු තදත්යංතවිඩංබනම් ॥ 30 ॥
ගෝප්යාදදේ ත්වයි කෘතාගසි දාම තාවද්යාතේ දශාශ්රුකලිලාංජනසංභ්රමාක්ෂම් ।
වක්ත්රං නිනීය භයභාවනයා ස්ථිතස්ය සා මාං විමෝහයති භීරපි යද්බිභේති ॥ 31 ॥
කේචිදාහුරජං ජාතං පුණ්යශ්ලෝකස්ය කීර්තයේ ।
යදෝඃ ප්රියස්යාන්වවායේ මලයස්යේව චංදනම් ॥ 32 ॥
අපරේ වසුදේවස්ය දේවක්යාං යාචිතෝऽභ්යගාත් ।
අජස්ත්වමස්ය ක්ෂේමාය වධාය ච සුරද්විෂාම් ॥ 33 ॥
භාරාවතාරණායාන්යේ භුවෝ නාව ඉවෝදධෞ ।
සීදංත්යා භූරිභාරේණ ජාතෝ හ්යාත්මභුවාර්ථිතඃ ॥ 34 ॥
භවේස්මින්ක්ලිශ්යමානානාමවිද්යාකාමකර්මභිඃ ।
ශ්රවණස්මරණාර්හාණි කරිෂ්යන්නිති කේචන ॥ 35 ॥
ශෘණ්වංති ගායංති ගෘණංත්යභීක්ෂ්ණශඃ ස්මරංති නංදංති තවේහිතං ජනාඃ ।
ත ඒව පශ්යංත්යචිරේණ තාවකං භවප්රවාහෝපරමං පදාංබුජම් ॥ 36 ॥
අප්යද්ය නස්ත්වං ස්වකෘතේහිත ප්රභෝ ජිහාසසි ස්විත්සුහෘදෝऽනුජීවිනඃ ।
යේෂාං න චාන්යද්භවතඃ පදාංබුජාත්පරායණං රාජසු යෝජිතාංහසාම් ॥ 37 ॥
කේ වයං නාමරූපාභ්යාං යදුභිඃ සහ පාංඩවාඃ ।
භවතෝऽදර්ශනං යර්හි හෘෂීකාණාමිවේශිතුඃ ॥ 38 ॥
නේයං ශෝභිෂ්යතේ තත්ර යථේදානීං ගදාධර ।
ත්වත්පදෛරංකිතා භාති ස්වලක්ෂණවිලක්ෂිතෛඃ ॥ 39 ॥
ඉමේ ජනපදාඃ ස්වෘද්ධාඃ සුපක්වෞෂධිවීරුධඃ ।
වනාද්රිනද්යුදන්වංතෝ හ්යේධංතේ තව වීක්ෂිතෛඃ ॥ 40 ॥
අථ විශ්වේශ විශ්වාත්මන්විශ්වමූර්තේ ස්වකේෂු මේ ।
ස්නේහපාශමිමං ඡිංධි දෘඪං පාංඩුෂු වෘෂ්ණිෂු ॥ 41 ॥
ත්වයි මේऽනන්යවිෂයා මතිර්මධුපතේऽසකෘත් ।
රතිමුද්වහතාදද්ධා ගංගේවෞඝමුදන්වති ॥ 42 ॥
ශ්රීකෘෂ්ණ කෘෂ්ණසඛ වෘෂ්ණ්යෘෂභාවනිද්රුග්රාජන්යවංශදහනානපවර්ගවීර්ය ।
ගෝවිංද ගෝද්විජසුරාර්තිහරාවතාර යෝගේශ්වරාඛිලගුරෝ භගවන්නමස්තේ ॥ 43 ॥
॥ ඉති ශ්රීමද්භාගවතේ මහාපුරාණේ පාරමහංස්යාං සංහිතායාං ප්රථමස්කංධේ අෂ්ටමේऽධ්යායේ ශ්රීකුංතීකෘතකෘෂ්ණස්තුතිඃ සංපූර්ණා ॥
