කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ චතුර්ථඃ ප්රපාඨකඃ - සෝමාදිබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - ග්රහණා ග්රහණම්
උ॒භයේ॒ වා ඒ॒තේ ප්ර॒ජාප॑තේ॒රද්ධ්ය॑-සෘජ්යන්ත । දේ॒වාශ්චාසු॑රාශ්ච । තාන්න ව්ය॑ජානාත් । ඉ॒මේ᳚-ऽන්ය ඉ॒මේ᳚-ऽන්ය ඉති॑ । ස දේ॒වාන॒ග්​ම්॒ ශූන॑කරෝත් । තාන॒භ්ය॑ෂුණෝත් । තා-න්ප॒විත්රේ॑ණා-පුනාත් । තාන්-ප॒රස්තා᳚ත්-ප॒විත්ර॑ස්ය॒-ව්ය॑ගෘහ්ණාත් । තේ ග්රහා॑ අභවන්න් । තද්ග්රහා॑ණා-ඞ්ග්රහ॒ත්වම් ॥ 1 ॥

දේ॒වතා॒ වා ඒ॒තා යජ॑මානස්ය ගෘ॒හේ ගෘ॑හ්යන්තේ । ය-ද්ග්රහාඃ᳚ । වි॒දුරේ॑න-න්දේ॒වාඃ । යස්යෛ॒වං-විඁ॒දුෂ॑ ඒ॒තේ ග්රහා॑ ගෘ॒හ්යන්තේ᳚ ॥ ඒ॒ෂා වෛ සෝම॒ස්යාහු॑තිඃ । යදු॑පා॒ග්​ම්॒ශුඃ । සෝමේ॑න දේ॒වාග්​ ස්ත॑ර්පයා॒ණීති॒ ඛලු॒ වෛ සෝමේ॑න යජතේ । යදු॑පා॒ග්​ම්॒ශු-ඤ්ජු॒හෝති॑ । සෝමේ॑නෛ॒ව ත-ද්දේ॒වාග්​ ස්ත॑ර්පයති ॥ යද්ග්රහා᳚ඤ්ජු॒හෝති॑ ॥ 2 ॥

දේ॒වා ඒ॒ව ත-ද්දේ॒වාන්-ග॑ච්ඡන්ති ॥ යච්ච॑ම॒සාඤ්ජු॒හෝති॑ । තේනෛ॒වානු॑රූපේණ॒ යජ॑මාන-ස්සුව॒ර්ගං-ලෝඁ॒කමේ॑ති ॥ කි-න්න්වේ॑තදග්ර॑ ආසී॒දිත්යා॑හුඃ । ය-ත්පාත්රා॒ණීති॑ । ඉ॒යං-වාඁ ඒ॒තදග්ර॑ ආසීත් । මෘ॒න්මයා॑නි॒ වා ඒ॒තාන්යා॑සන්න් । තෛර්දේ॒වා න ව්යා॒වෘත॑-මගච්ඡන්න් । ත ඒ॒තානි॑ දාරු॒මයා॑ණි॒ පාත්රා᳚ණ්ය-පශ්යන්න් । තාන්ය॑කුර්වත ॥ 3 ॥

තෛර්වෛ තේ ව්යා॒වෘත॑-මගච්ඡන්න් । ය-ද්දා॑රු॒මයා॑ණි॒ පාත්රා॑ණි॒ භව॑න්ති । ව්යා॒වෘත॑මේ॒ව තෛ-ර්යජ॑මානෝ ගච්ඡති ॥ යානි॑ දාරු॒මයා॑ණි॒ පාත්රා॑ණි॒ භව॑න්ති । අ॒මුමේ॒ව තෛ-ර්ලෝ॒ක-ම॒භිජ॑යති । යානි॑ මෘ॒න්මයා॑නි । ඉ॒මමේ॒ව තෛ-ර්ලෝ॒ක-ම॒භිජ॑යති ॥ බ්ර॒හ්ම॒වා॒දිනෝ॑ වදන්ති । කාශ්චත॑ස්ර-ස්ස්ථා॒ලීර්වා॑ය॒ව්යා᳚-ස්සෝම॒ග්රහ॑ණී॒රිති॑ । දේ॒වා වෛ පෘශ්ඤි॑මදුහ්රන්න් ॥ 4 ॥

තස්යා॑ ඒ॒තේ ස්තනා॑ ආසන්න් । ඉ॒යං-වෛඁ පෘශ්ඤිඃ॑ । තාමා॑දි॒ත්යා ආ॑දිත්යස්ථා॒ල්යා චතු॑ෂ්පදඃ ප॒ශූන॑දුහ්රන්න් । යදා॑දිත්යස්ථා॒ලී භව॑ති । චතු॑ෂ්පද ඒ॒ව තයා॑ ප॒ශූන්. යජ॑මාන ඉ॒මා-න්දු॑හේ । තාමින්ද්ර॑ උක්ථ්යස්ථා॒ල්යේන්ද්රි॒ය-ම॑දුහත් । යදු॑ක්ථ්යස්ථා॒ලී භව॑ති । ඉ॒න්ද්රි॒යමේ॒ව තයා॒ යජ॑මාන ඉ॒මා-න්දු॑හේ । තාං-විඁශ්වේ॑ දේ॒වා ආ᳚ග්රයණස්ථා॒ල්යෝර්ජ॑-මදුහ්රන්න් । යදා᳚ග්රයණස්ථා॒ලී භව॑ති ॥ 5 ॥

ඌර්ජ॑මේ॒ව තයා॒ යජ॑මාන ඉ॒මා-න්දු॑හේ । තා-ම්ම॑නු॒ෂ්යා᳚-ද්ධ්රුවස්ථා॒ල්යා ऽऽයු॑රදුහ්රන්න් । යද්ධ්රු॑වස්ථා॒ලී භව॑ති । ආයු॑රේ॒ව තයා॒ යජ॑මාන ඉ॒මා-න්දු॑හේ । ස්ථා॒ල්යා ගෘ॒හ්ණාති॑ । වා॒ය॒ව්යේ॑න ජුහෝති । තස්මා॑ද॒න්යේන॒ පාත්රේ॑ණ ප॒ශූ-න්දු॒හන්ති॑ । අ॒න්යේන॒ ප්රති॑ගෘහ්ණන්ති । අථෝ᳚ ව්යා॒වෘත॑මේ॒ව ත-ද්යජ॑මානෝ ගච්ඡති ॥ 6 ॥
(ග්ර॒හ॒ත්වං - ග්රහා᳚න් ජු॒හෝත්ය॑-කුර්ව-තාදුහ්ර-න්නාග්රයණස්ථා॒ලී භව॑ති॒-+නව॑ ච) (අ. 1)

අනුවාකං 2 - සෝත්රාමණීශේෂා මන්ත්රාඃ
යු॒වග්​ම් සු॒රාම॑මශ්විනා । නමු॑චාවා-ऽසු॒රේ සචා᳚ । වි॒පි॒පා॒නා ශු॑භස්පතී । ඉන්ද්ර॒-ඞ්කර්ම॑ස්වාවතම් ॥ පු॒ත්රමි॑ව පි॒තරා॑ව॒ශ්විනෝ॒භා । ඉන්ද්රාව॑ත॒-ඞ්කර්ම॑ණා ද॒ග්​ම්॒සනා॑භිඃ । ය-ථ්සු॒රාමං॒-ව්යඁපි॑බ॒-ශ්ශචී॑භිඃ । සර॑ස්වතී ත්වා මඝවන්නභීෂ්ණාත් ॥ අහා᳚ව්යග්නේ හ॒විරා॒ස්යේ॑ තේ । ස්රු॒චීව॑ ඝෘ॒ත-ඤ්ච॒මූ ඉ॑ව॒ සෝමඃ॑ ॥ 7 ॥

වා॒ජ॒සනිග්​ම්॑ ර॒යිම॒ස්මේ සු॒වීර᳚ම් । ප්ර॒ශ॒ස්ත-න්ධේ॑හි ය॒ශස॑-ම්බෘ॒හන්ත᳚ම් ॥ යස්මි॒න්නශ්වා॑ස ඍෂ॒භාස॑ උ॒ක්ෂණඃ॑ । ව॒ශා මේ॒ෂා අ॑වසෘ॒ෂ්ටාස॒ ආහු॑තාඃ । කී॒ලා॒ල॒පේ සෝම॑පෘෂ්ඨාය වේ॒ධසේ᳚ । හෘ॒දාම॒ති-ඤ්ජ॑නය॒ චාරු॑ම॒ග්නයේ᳚ ॥ නානා॒ හි වා᳚-න්දේ॒වහි॑ත॒ග්​ම්॒ සදෝ॑ මි॒තම් । මා සග්​ම්සෘ॑ක්ෂාථා-ම්පර॒මේ ව්යෝ॑මන්න් । සුරා॒ ත්වමසි॑ ශු॒ෂ්මිණී॒ සෝම॑ ඒ॒ෂඃ । මා මා॑ හිග්​ම්සී॒-ස්ස්වාං-යෝඁනි॑මාවි॒ශන්න් ॥ 8 ॥

යදත්ර॑ ශි॒ෂ්ටග්​ම් ර॒සින॑-ස්සු॒තස්ය॑ । යදින්ද්රෝ॒ අපි॑බ॒ච්ඡචී॑භිඃ । අ॒හ-න්තද॑ස්ය॒ මන॑සා ශි॒වේන॑ । සෝම॒ග්​ම්॒ රාජා॑නමි॒හ භ॑ක්ෂයාමි ॥ ද්වේ ස්රු॒තී අ॑ශෘණව-ම්පිතෘ॒ණාම් । අ॒හ-න්දේ॒වානා॑මු॒ත මර්ත්යා॑නාම් । තාභ්යා॑මි॒දං-විඁශ්ව॒-ම්භුව॑න॒ග්​ම්॒ සමේ॑ති । අ॒න්ත॒රා පූර්ව॒මප॑ර-ඤ්ච කේ॒තුම් ॥ යස්තේ॑ දේව වරුණ ගාය॒ත්රඡ॑න්දාඃ॒ පාශඃ॑ । ත-න්ත॑ ඒ॒තේනාව॑යජේ ॥ 9 ॥

යස්තේ॑ දේව වරුණ ත්රි॒ෂ්ටුප්ඡ॑න්දාඃ॒ පාශඃ॑ । ත-න්ත॑ ඒ॒තේනාව॑යජේ । යස්තේ॑ දේව වරුණ॒ ජග॑තීඡන්දාඃ॒ පාශඃ॑ । ත-න්ත॑ ඒ॒තේනාව॑යජේ ॥ සෝමෝ॒ වා ඒ॒තස්ය॑ රා॒ජ්යමාද॑ත්තේ । යෝ රාජා॒ ස-න්රා॒ජ්යෝ වා॒ සෝමේ॑න॒ යජ॑තේ । දේ॒ව॒සු॒වාමේ॒තානි॑ හ॒වීග්​ම්ෂි॑ භවන්ති । ඒ॒තාව॑න්තෝ॒ වෛ දේ॒වානාග්​ම්॑ ස॒වාඃ । ත ඒ॒වාස්මෛ॑ ස॒වා-න්ප්රය॑ච්ඡන්ති । ත ඒ॑න॒-ම්පුන॑-ස්සුවන්තේ රා॒ජ්යාය॑ । දේ॒ව॒සූ රාජා॑ භවති ॥ 10 ॥
(සෝම॑ - ආවි॒ශන්. - ය॑ජේ - රා॒ජ්යායෛකං॑ ච) (අ. 2)

අනුවාකං 3 - දෝහප්රායශ්චිත්තම්, අග්නිහෝත්රේ
උද॑ස්ථා-ද්දේ॒ව්යදි॑ති-ර්විශ්වරූ॒පී । ආයු॑ර්ය॒ජ්ඤප॑තාවධාත් । ඉන්ද්රා॑ය කෘණ්ව॒තී භා॒ගම් । මි॒ත්රාය॒ වරු॑ණාය ච ॥ ඉ॒යං-වාඁ අ॑ග්නිහෝ॒ත්රී । ඉ॒යං-වාඁ ඒ॒තස්ය॒ නිෂී॑දති । යස්යා᳚ග්නිහෝ॒ත්රී නි॒ෂීද॑ති । තාමුත්ථා॑පයේත් । උද॑ස්ථා-ද්දේ॒ව්යදි॑ති॒රිති॑ । ඉ॒යං-වෛඁ දේ॒ව්යදි॑තිඃ ॥ 11 ॥

ඉ॒මාමේ॒වාස්මා॒ උත්ථා॑පයති ॥ ආයු॑ර්ය॒ජ්ඤප॑තාවධා॒දිත්යා॑හ । ආයු॑රේ॒වාස්මි॑-න්දධාති ॥ ඉන්ද්රා॑ය කෘණ්ව॒තී භා॒ග-ම්මි॒ත්රාය॒ වරු॑ණාය॒ චේත්යා॑හ । ය॒ථා॒ ය॒ජුරේ॒වෛතත් ॥ අව॑ර්තිං॒-වාඁ ඒ॒ෂෛතස්ය॑ පා॒ප්මාන॑-ම්ප්රති॒ඛ්යාය॒ නිෂී॑දති । යස්යා᳚-ග්නිහෝ॒ත්ර්යුප॑සෘෂ්ටා නි॒ෂීද॑ති । තා-න්දු॒ග්ධ්වා බ්රා᳚හ්ම॒ණාය॑ දද්යාත් । යස්යාන්න॒-න්නාද්යාත් । අව॑ර්තිමේ॒වාස්මි॑-න්පා॒ප්මාන॒-ම්ප්රති॑මුඤ්චති ॥ 12 ॥

දු॒ග්ධ්වා ද॑දාති । න හ්යදෘ॑ෂ්ටා॒ දක්ෂි॑ණා දී॒යතේ᳚ ॥ පෘ॒ථි॒වීං-වාඁ ඒ॒තස්ය॒ පයඃ॒ ප්රවි॑ශති । යස්යා᳚ග්නිහෝ॒ත්ර-න්දු॒හ්යමා॑න॒ග්ග්॒ ස්කන්ද॑ති ॥ යද॒ද්ය දු॒ග්ධ-ම්පෘ॑ථි॒වීමස॑ක්ත । යදෝෂ॑ධී-ර॒ප්යස॑ර॒-ද්යදාපඃ॑ । පයෝ॑ ගෘ॒හේෂු॒ පයෝ॑ අඝ්නි॒යාසු॑ । පයෝ॑ ව॒ථ්සේෂු॒ පයෝ॑ අස්තු॒ තන්මයීත්යා॑හ । පය॑ ඒ॒වාත්ම-න්ගෘ॒හේෂු॑ ප॒ශුෂු॑ ධත්තේ ॥ අ॒ප උප॑සෘජති ॥ 13 ॥

අ॒ද්භිරේ॒වෛන॑දාප්නෝති ॥ යෝ වෛ ය॒ජ්ඤස්යාර්තේ॒නානා᳚ර්තග්​ම් සග්​ම් සෘ॒ජති॑ । උ॒භේ වෛ තේ තර්​හ්යාර්ච්ඡ॑තඃ । ආර්ච්ඡ॑ති॒ ඛලු॒ වා ඒ॒තද॑ග්නිහෝ॒ත්රම් । ය-ද්දු॒හ්යමා॑න॒ග්ග්॒ ස්කන්ද॑ති । යද॑භිදු॒හ්යාත් । ආර්තේ॒නානා᳚ර්තං-යඁ॒ජ්ඤස්ය॒ සග්​ම්සෘ॑ජේත් । තදේ॒ව යා॒දෘක්කී॒දෘක්ච॑ හෝත॒ව්ය᳚ම් । අථා॒න්යා-න්දු॒ග්ධ්වා පුන॑ර්-හෝත॒ව්ය᳚ම් । අනා᳚ර්තේනෛ॒වාර්තං॑-යඁ॒ජ්ඤස්ය॒ නිෂ්ක॑රෝති ॥ 14 ॥

ය-ද්යුද්ද්රු॑තස්ය॒ ස්කන්දේ᳚ත් । ය-ත්තතෝ-ऽහු॑ත්වා॒ පුන॑රේ॒යාත් । ය॒ජ්ඤං-විඁච්ඡි॑න්ද්යාත් । යත්ර॒ ස්කන්දේ᳚ත් । තන්නි॒ෂද්ය॒ පුන॑ර්ගෘහ්ණීයාත් । යත්රෛ॒ව ස්කන්ද॑ති । තත॑ ඒ॒වෛන॒ත්-පුන॑ර්ගෘහ්ණාති । තදේ॒ව යා॒දෘක්-කී॒දෘක්ච॑ හෝත॒ව්ය᳚ම් । අථා॒න්යා-න්දු॒ග්ධ්වා පුන॑ර්-හෝත॒ව්ය᳚ම් । අනා᳚ර්තේනෛ॒වාර්තං॑-යඁ॒ජ්ඤස්ය॒ නිෂ්ක॑රෝති ॥ 15 ॥

වි වා ඒ॒තස්ය॑ ය॒ජ්ඤශ්ඡි॑ද්යතේ । යස්යා᳚ග්නිහෝ॒ත්රේ॑-ऽධිශ්රි॑තේ॒ ශ්වා-ऽන්ත॒රා ධාව॑ති । රු॒ද්රඃ ඛලු॒ වා ඒ॒ෂඃ । යද॒ග්නිඃ । ය-ද්ගාම॑න්වත්යාව॒ර්තයේ᳚ත් । රු॒ද්රාය॑ ප॒ශූ-නපි॑දද්ධ්යාත් । අ॒ප॒ශු-ර්යජ॑මාන-ස්ස්යාත් । යද॒පෝ᳚ ऽන්වතිෂි॒ඤ්චේත් । අ॒නා॒ද්ය-ම॒ග්නේරාපඃ॑ । අ॒නා॒ද්යමා᳚භ්යා॒-මපි॑දද්ධ්යාත් । ගාර්​හ॑පත්යා॒-ද්භස්මා॒දාය॑ । ඉ॒දං-විඁෂ්ණු॒-ර්විච॑ක්රම॒ ඉති॑ වෛෂ්ණ॒ව්යර්චා ऽऽහ॑ව॒නීයා᳚ද්ධ්ව॒ග්​ම්॒ සය॒න්නුද්ර॑වේත් । ය॒ජ්ඤෝ වෛ විෂ්ණුඃ॑ । ය॒ජ්ඤේනෛ॒ව ය॒ජ්ඤග්​ම් සන්ත॑නෝති । භස්ම॑නා ප॒දමපි॑වපති॒ ශාන්ත්යෛ᳚ ॥ 16 ॥
(වෛ දේ॒ව්යදි॑ති--ර් මුඤ්චති - සෘජති - කරෝති - කරෝත්යා - භ්යා॒මපි॑දද්ධ්යා॒-ත්පඤ්ච॑ ච) (අ. 3)

අනුවාකං 4 - අග්නිප්රායශ්චිත්තං අග්නිහෝත්රේ
නි වා ඒ॒තස්යා॑හව॒නීයෝ॒ ගාර්​හ॑පත්ය-ඞ්කාමයතේ । නි ගාර්​හ॑පත්ය ආහව॒නීය᳚ම් । යස්යා॒ග්නිමනු॑ද්ධෘත॒ග්​ම්॒ සූර්යෝ॒-ऽභිනි॒ම්රෝච॑ති । ද॒ර්භේණ॒ හිර॑ණ්ය-ම්ප්ර॒බද්ධ්ය॑ පු॒රස්තා᳚ද්ධරේත් । අථා॒ග්නිම් । අථා᳚ග්නිහෝ॒ත්රම් । යද්ධිර॑ණ්ය-ම්පු॒රස්තා॒ද්ධර॑ති । ජ්යෝති॒ර්වෛ හිර॑ණ්යම් । ජ්යෝති॑රේ॒වෛන॒-ම්පශ්ය॒-න්නුද්ධ॑රති । යද॒ග්නි-ම්පූර්ව॒ග්​ම්॒ හර॒ත්යථා᳚-ග්නිහෝ॒ත්රම් ॥ 17 ॥

භා॒ග॒ධේයේ॑නෛ॒වෛන॒-ම්ප්රණ॑යති ॥ බ්රා॒හ්ම॒ණ ආ॑ර්​ෂේ॒ය උද්ධ॑රේත් । බ්රා॒හ්ම॒ණෝ වෛ සර්වා॑ දේ॒වතාඃ᳚ । සර්වා॑භිරේ॒වෛන॑-න්දේ॒වතා॑භි॒රුද්ධ॑රති ॥ අ॒ග්නි॒හෝ॒ත්ර-මු॑ප॒සා-ද්යාතමි॑තෝ-රාසීත । ව්ර॒තමේ॒ව හ॒තමනු॑ ම්රියතේ ॥ අන්තං॒-වාඁ ඒ॒ෂ ආ॒ත්මනෝ॑ ගච්ඡති । යස්තාම්ය॑ති । අන්ත॑මේ॒ෂ ය॒ජ්ඤස්ය॑ ගච්ඡති । යස්යා॒ග්නිමනු॑ද්ධෘත॒ග්​ම්॒ සූර්යෝ॒-ऽභිනි॒ම්රෝච॑ති ॥ 18 ॥

පුන॑-ස්ස॒මන්ය॑ ජුහෝති । අන්තේ॑නෛ॒වාන්තං॑-යඁ॒ජ්ඤස්ය॒ නිෂ්ක॑රෝති ॥ වරු॑ණෝ॒ වා ඒ॒තස්ය॑ ය॒ජ්ඤ-ඞ්ගෘ॑හ්ණාති । යස්යා॒ග්නි-මනු॑ද්ධෘත॒ග්​ම්॒ සූර්යෝ॒-ऽභිනි॒ම්රෝච॑ති । වා॒රු॒ණ-ඤ්ච॒රු-න්නිර්ව॑පේත් । තේනෛ॒ව ය॒ජ්ඤ-න්නිෂ්ක්රී॑ණීතේ ॥ නි වා ඒ॒තස්යා॑හව॒නීයෝ॒ ගාර්​හ॑පත්ය-ඞ්කාමයතේ । නි ගාර්​හ॑පත්ය ආහව॒නීය᳚ම් । යස්යා॒ග්නි-මනු॑ද්ධෘත॒ග්​ම්॒ සූර්යෝ॒-ऽභ්යු॑දේති॑ । ච॒තු॒ර්ගෘ॒හී॒ත-මාජ්ය॑-ම්පු॒රස්තා᳚ද්ධරේත් ॥ 19 ॥

අථා॒ග්නිම් । අථා᳚ග්නිහෝ॒ත්රම් । යදාජ්ය॑-ම්පු॒රස්තා॒ද්ධර॑ති । ඒ॒තද්වා අ॒ග්නේඃ ප්රි॒ය-න්ධාම॑ । යදාජ්ය᳚ම් । ප්රි॒යේණෛ॒වෛන॒-න්ධාම්නා॒ සම॑ර්ධයති । යද॒ග්නි-ම්පූර්ව॒ග්​ම්॒ හර॒ත්යථා᳚-ග්නිහෝ॒ත්රම් । භා॒ග॒ධේයේ॑නෛ॒වෛන॒-ම්ප්රණ॑යති । බ්රා॒හ්ම॒ණ ආ॑ර්​ෂේ॒ය උද්ධ॑රේත් । බ්රා॒හ්ම॒ණෝ වෛ සර්වා॑ දේ॒වතාඃ᳚ ॥ 20 ॥

සර්වා॑භිරේ॒වෛන॑-න්දේ॒වතා॑භි॒රුද්ධ॑රති ॥ පරා॑චී॒ වා ඒ॒තස්මෛ᳚ ව්යු॒ච්ඡන්තී॒ ව්යු॑ච්ඡති । යස්යා॒ග්නි-මනු॑ද්ධෘත॒ග්​ම්॒ සූර්යෝ॒-ऽභ්යු॑දේති॑ । උ॒ෂාඃ කේ॒තුනා॑ ජුෂතාම් । ය॒ජ්ඤ-න්දේ॒වේභි॑රින්වි॒තම් । දේ॒වේභ්යෝ॒ මධු॑මත්තම॒ග්ග්॒ ස්වාහේති॑ ප්ර॒ත්යං-නි॒ෂද්යාජ්යේ॑න ජුහුයාත් । ප්ර॒තීචී॑මේ॒වාස්මෛ॒ විවා॑සයති ॥ අ॒ග්නි॒හෝ॒ත්ර-මු॑ප॒සාද්යාතමි॑තෝ-රාසීත । ව්ර॒තමේ॒ව හ॒තමනු॑ ම්රියතේ । අන්තං॒-වාඁ ඒ॒ෂ ආ॒ත්මනෝ॑ ගච්ඡති ॥ 21 ॥

යස්තාම්ය॑ති । අන්ත॑මේ॒ෂ ය॒ජ්ඤස්ය॑ ගච්ඡති । යස්යා॒ග්නි-මනු॑ද්ධෘත॒ග්​ම්॒ සූර්යෝ॒-ऽභ්යු॑දේති॑ । පුන॑-ස්ස॒මන්ය॑ ජුහෝති । අන්තේ॑නෛ॒වාන්තං॑-යඁ॒ජ්ඤස්ය॒ නිෂ්ක॑රෝති । මි॒ත්රෝ වා ඒ॒තස්ය॑ ය॒ජ්ඤ-ඞ්ගෘ॑හ්ණාති । යස්යා॒ග්නි-මනු॑ද්ධෘත॒ග්​ම්॒ සූර්යෝ॒-ऽභ්යු॑දේති॑ । මෛ॒ත්ර-ඤ්ච॒රු-න්නිර්ව॑පේත් । තේනෛ॒ව ය॒ජ්ඤ-න්නිෂ්ක්රී॑ණීතේ ॥ යස්යා॑-හව॒නීයේ-ऽනු॑ද්වාතේ॒ ගාර්​හ॑පත්ය උ॒ද්වායේ᳚ත් ॥ 22 ॥

යදා॑හව॒නීය॒-මනු॑ද්වාප්ය॒ ගාර්​හ॑පත්ය॒-ම්මන්ථේ᳚ත් । විච්ඡි॑න්ද්යාත් । භ්රාතෘ॑ව්යමස්මෛ ජනයේත් । යද්වෛ ය॒ජ්ඤස්ය॑ වාස්ත॒ව්ය॑-ඞ්ක්රි॒යතේ᳚ । තදනු॑ රු॒ද්රෝ-ऽව॑චරති । ය-ත්පූර්ව॑-මන්වව॒ස්යේත් । වා॒ස්ත॒ව්ය॑-ම॒ග්නිමුපා॑සීත । රු॒ද්රෝ᳚-ऽස්ය ප॒ශූ-න්ඝාතු॑ක-ස්ස්යාත් । ආ॒හ॒ව॒නීය॑-මු॒ද්වාප්ය॑ । ගාර්​හ॑පත්ය-ම්මන්ථේත් ॥ 23 ॥

ඉ॒තඃ ප්ර॑ථ॒ම-ඤ්ජ॑ජ්ඤේ අ॒ග්නිඃ । ස්වාද්යෝනේ॒රධි॑ ජා॒තවේ॑දාඃ । ස ගා॑යත්රි॒යා ත්රි॒ෂ්ටුභා॒ ජග॑ත්යා । දේ॒වේභ්යෝ॑ හ॒ව්යං-වඁ ॑හතු ප්රජා॒නන්නිති॑ । ඡන්දෝ॑භිරේ॒වෛන॒ග්ග්॒ ස්වාද්යෝනේඃ॒ ප්රජ॑නයති ॥ ගාර්​හ॑පත්ය-ම්මන්ථති । ගාර්​හ॑පත්යං॒-වාඁ අන්වාහි॑තාග්නේඃ ප॒ශව॒ උප॑ තිෂ්ඨන්තේ । ස යදු॒ද්වාය॑ති । තදනු॑ ප॒ශවෝ-ऽප॑ක්රාමන්ති । ඉ॒ෂේ ර॒ය්යෛ ර॑මස්ව ॥ 24 ॥

සහ॑සේ ද්යු॒ම්නාය॑ । ඌ॒ර්ජේ පත්යා॒යේත්යා॑හ । ප॒ශවෝ॒ වෛ ර॒යිඃ । ප॒ශූනේ॒වාස්මෛ॑ රමයති ॥ සා॒ර॒ස්ව॒තෞ ත්වෝථ්සෞ॒ සමි॑න්ධාතා॒මිත්යා॑හ । ඍ॒-ඛ්සා॒මේ වෛ සා॑රස්ව॒තාවුථ්සෞ᳚ । ඍ॒ඛ්-සා॒මාභ්යා॑මේ॒වෛන॒ග්​ම්॒ සමි॑න්ධේ ॥ ස॒ම්රාඩ॑සි වි॒රාඩ॒සීත්යා॑හ । ර॒ථ॒න්ත॒රං-වෛඁ ස॒ම්රාට් । බෘ॒හ-ද්වි॒රාට් ॥ 25 ॥

තාභ්යා॑මේ॒වෛන॒ග්​ම්॒ සමි॑න්ධේ ॥ වජ්රෝ॒ වෛ ච॒ක්රම් । වජ්රෝ॒ වා ඒ॒තස්ය॑ ය॒ජ්ඤං-විඁච්ඡි॑නත්ති । යස්යානෝ॑ වා॒ රථෝ॑ වා-ऽන්ත॒රා-ऽග්නී යාති॑ । ආ॒හ॒ව॒නීය॑-මු॒ද්වාප්ය॑ । ගාර්​හ॑පත්යා॒-දුද්ධ॑රේත් । යද॑ග්නේ॒ පූර්ව॒-ම්ප්රභෘ॑ත-ම්ප॒දග්​ම් හි තේ᳚ । සූර්ය॑ස්ය ර॒ශ්මීන-න්වා॑ත॒තාන॑ । තත්ර॑ රයි॒ෂ්ඨාමනු॒ සම්භ॑රෛ॒තම් । ස-න්න॑-ස්සෘජ සුම॒ත්යා වාජ॑ව॒ත්යේති॑ ॥ 26 ॥

පූර්වේ॑ණෛ॒වාස්ය॑ ය॒ජ්ඤේන॑ ය॒ජ්ඤමනු॒ ස-න්ත॑නෝති ॥ ත්වම॑ග්නේ ස॒ප්රථා॑ අ॒සීත්යා॑හ । අ॒ග්නි-ස්සර්වා॑ දේ॒වතාඃ᳚ । දේ॒වතා॑භිරේ॒ව ය॒ජ්ඤග්​ම් ස-න්ත॑නෝති ॥ අ॒ග්නයේ॑ පථි॒කෘතේ॑ පුරෝ॒ඩාශ॑ම॒ෂ්ටාක॑පාල॒-න්නිර්ව॑පේත් । අ॒ග්නිමේ॒ව ප॑ථි॒කෘත॒ග්ග්॒ ස්වේන॑ භාග॒ධේයේ॒නෝප॑ ධාවති । ස ඒ॒වෛනං॑-යඁ॒ජ්ඤිය॒-ම්පන්ථා॒මපි॑-නයති । අ॒න॒ඩ්වාන්-දක්ෂි॑ණා । ව॒හී හ්යේ॑ෂ සමෘ॑ද්ධ්යෛ ॥ 27 ॥
(හර॒ත්යථා᳚ග්නිහෝ॒ත්රං - නි॒ම්රෝච॑ති - හරේ-ද්- දේ॒වතා॑ - ගච්ඡ - ත්යු॒ද්වායේ᳚-න්මන්ථේ-ද්රමස්ව-බෘ॒හ-ද්වි॒රාඩ්-ඉති॒-නව॑ ච) (අ. 4)

(නි වෛ පූර්ව॒-න්ත්රීණි॑ නි॒ම්රෝච॑ති ද॒ර්භේණ॒ යද්ධිර॑ණ්යමග්නිහෝ॒ත්ර-ම්පුන॒ර්වරු॑ණෝ
වාරු॒ණ-න්නි වා ඒ॒තස්යා॒භ්යු॑දේති॑ චතුර්ගෘහී॒තමාජ්යං॒ යදාජ්යං॒ පරා᳚ච්යු॒ෂාඃ පුන॑ර්මි॒ත්රෝ මේ॒ත්රං-යඁස්යා॑හව॒නීයේ-ऽනු॑ද්වාතේ॒ ගාර්​හ॑පත්යෝ॒ යද්වෛ ම॑න්ථේ॒දුද්ධ॑රේත්)

අනුවාකං 5 - සෝමාතිරේකප්රායශ්චිත්තම්
යස්ය॑ ප්රාතස්සව॒නේ සෝමෝ॑-ऽති॒රිච්ය॑තේ । මාද්ධ්ය॑න්දින॒ග්​ම්॒ සව॑න-ඞ්කා॒මය॑මානෝ॒-ऽභ්යති॑රිච්යතේ । ගෞර්ධ॑යති ම॒රුතා॒මිති॒ ධය॑ද්වතීෂු කුර්වන්ති । හි॒නස්ති॒ වෛ ස॒න්ධ්යධී॑තම් । ස॒න්ධීව॒ ඛලු॒ වා ඒ॒තත් । ය-ථ්සව॑න ස්යාති॒රිච්ය॑තේ । යද්ධය॑ද්වතීෂු කු॒ර්වන්ති॑ । ස॒න්ධේ-ශ්ශාන්ත්යෛ᳚ ॥ ගා॒ය॒ත්රග්​ම් සාම॑ භවති පඤ්චද॒ශ-ස්ස්තෝමඃ॑ । තේනෛ॒ව ප්රා॑තස්සව॒නාන්නය॑න්ති ॥ 28 ॥

ම॒රුත්ව॑තීෂු කුර්වන්ති । තේනෛ॒ව මාද්ධ්ය॑න්දිනා॒-ථ්සව॑නා॒න්නය॑න්ති ॥ හෝතු॑ශ්ච ම॒සමනූන්න॑යන්තේ । හෝතා-ऽනු॑ශග්​ම්සති । ම॒ද්ධ්ය॒ත ඒ॒ව ය॒ජ්ඤග්​ම් ස॒මාද॑ධාති ॥ යස්ය॒ මාද්ධ්ය॑න්දිනේ॒ සව॑නේ॒ සෝමෝ॑-ऽති॒රිච්ය॑තේ । ආ॒දි॒ත්ය-න්තෘ॑තීයසව॒න-ඞ්කා॒මය॑මානෝ॒-ऽභ්යති॑රිච්යතේ । ගෞ॒රි॒වී॒තග්​ම් සාම॑ භවති । අති॑රික්තං॒-වෛඁ ගෞ॑රිවී॒තම් । අති॑රික්තං॒-යඁ-ථ්සව॑නස්යා-ති॒රිච්ය॑තේ ॥ 29 ॥

අති॑රික්තස්ය॒ ශාන්ත්යෛ᳚ ॥ බණ්ම॒හාග්​ම් අ॑සි සූ॒ර්යේති॑ කුර්වන්ති । යස්යෛ॒වාදි॒ත්යස්ය॒ සව॑නස්ය॒ කාමේ॑නාති॒රිච්ය॑තේ । තේනෛ॒වෛන॒-ඞ්කාමේ॑න॒ සම॑ර්ධයන්ති ॥ ගෞ॒රි॒වී॒තග්​ම් සාම॑ භවති । තේනෛ॒ව මාද්ධ්ය॑න්දිනා॒-ථ්සව॑නා॒න්නය॑න්ති ॥ ස॒ප්ත॒ද॒ශ-ස්ස්තෝමඃ॑ । තේනෛ॒ව තෘ॑තීයසව॒නාන්නය॑න්ති ॥ හෝතු॑ශ්චම॒සමනූන්න॑යන්තේ । හෝතා-ऽනු॑ශග්​ම් සති ॥ 30 ॥

ම॒ද්ධ්ය॒ත ඒ॒ව ය॒ජ්ඤග්​ම් ස॒මාද॑ධාති ॥ යස්ය॑ තෘතීයසව॒නේ සෝමෝ॑-ऽති॒රිච්යේ॑ත । උ॒ක්ථ්ය॑-ඞ්කුර්වීත । යස්යෝ॒ක්ථ්යේ॑-ऽති॒රිච්යේ॑ත । අ॒ති॒රා॒ත්ර-ඞ්කු॑ර්වීත । යස්යා॑-තිරා॒ත්රේ॑-ऽති॒රිච්ය॑තේ। තත්ත්වෛ දු॑ෂ්ප්රජ්ඤා॒නම් । යජ॑මානං॒-වාඁ ඒ॒ත-ත්ප॒ශව॑ ආ॒සාහ්ය॑ යන්ති । බෘ॒හ-ථ්සාම॑ භවති । බෘ॒හද්වා ඉ॒මාං-ලෝඁ॒කා-න්දා॑ධාර । බාර්​හ॑තාඃ ප॒ශවඃ॑ । බෘ॒හ॒තෛවාස්මෛ॑ ප॒ශූ-න්දා॑ධාර ॥ ශි॒පි॒වි॒ෂ්ටව॑තීෂු කුර්වන්ති । ශි॒පි॒වි॒ෂ්ටෝ වෛ දේ॒වානා᳚-ම්පු॒ෂ්ටම් । පුෂ්ට්යෛ॒වෛන॒ග්​ම්॒ සම॑ර්ධයන්ති ॥ හෝතු॑ශ්චම॒සමනූන්න॑යන්තේ । හෝතා-ऽනු॑ශග්​ම්සති । ම॒ද්ධ්ය॒ත ඒ॒ව ය॒ජ්ඤග්​ම් ස॒මාද॑ධාති ॥ 31 ॥
(ය॒න්ති॒ - සව॑නස්යාති॒රිච්ය॑තේ - ශග්​ම්සති - දාධාරා॒ෂ්ටෞ ච॑) (අ. 5)

අනුවාකං 6 - සවනනිමිත්ත-ම්ප්රායශ්චිත්තම්
ඒකෛ॑කෝ॒ වෛ ජ॒නතා॑යා॒-මින්ද්රඃ॑ । ඒකං॒-වාඁ ඒ॒තාවින්ද්ර॑ම॒භි සග්​ම්සු॑නුතඃ । යෞ ද්වෞ සග්​ම්॑සුනු॒තඃ । ප්ර॒ජාප॑ති॒ර්වා ඒ॒ෂ විතා॑යතේ । ය-ද්ය॒ජ්ඤඃ । තස්ය॒ ග්රාවා॑ණෝ॒ දන්තාඃ᳚ । අ॒න්ය॒ත॒රං-වාඁ ඒ॒තේ සග්​ම්॑සුන්ව॒තෝ-ර්නිර්බ॑ඵ්සති । පූර්වේ॑ණෝප॒සෘත්යා॑ දේ॒වතා॒ ඉත්යා॑හුඃ । පූ॒ර්වෝ॒ප॒සෘ॒තස්ය॒ වෛ ශ්රේයා᳚-න්භවති । ඒති॑ව॒න්ත්යාජ්යා॑නි භවන්ත්ය॒-භිජි॑ත්යෛ ॥ 32 ॥

ම॒රුත්ව॑තීඃ ප්රති॒පදඃ॑ । ම॒රුතෝ॒ වෛ දේ॒වානා॒-මප॑රාජිත-මා॒යත॑නම් । දේ॒වානා॑-මේ॒වාප॑රාජිත ආ॒යත॑නේ යතතේ ॥උ॒භේ බෘ॑හද්රථන්ත॒රේ භ॑වතඃ । ඉ॒යං-වාඁව ර॑ථන්ත॒රම් । අ॒සෞ බෘ॒හත් । ආ॒භ්යාමේ॒වෛන॑-ම॒න්තරේ॑ති । වා॒චශ්ච॒ මන॑සශ්ච । ප්රා॒ණාච්චා॑-පා॒නාච්ච॑ । දි॒වශ්ච॑ පෘථි॒ව්යාශ්ච॑ ॥ 33 ॥

සර්ව॑ස්මා-ද්වි॒ත්තා-ද්වේද්යා᳚ත් ॥ අ॒භි॒ව॒ර්තෝ බ්ර॑හ්මසා॒ම-ම්භ॑වති । සු॒ව॒ර්ගස්ය॑ ලෝ॒කස්යා॒-භිවෘ॑ත්ත්යෛ ॥ අ॒භි॒ජි-ද්භ॑වති । සු॒ව॒ර්ගස්ය॑ ලෝ॒කස්යා॒-භිජි॑ත්යෛ । වි॒ශ්ව॒ජි-ද්භ॑වති । විශ්ව॑ස්ය॒ ජිත්යෛ᳚ ॥ යස්ය॒ භූයාග්​ම්॑සෝ යජ්ඤක්ර॒තව॒ ඉත්යා॑හුඃ । ස දේ॒වතා॑ වෘඞ්ක්ත॒ ඉති॑ । යද්ය॑ග්නිෂ්ටෝ॒ම-ස්සෝමඃ॑ ප॒රස්තා॒-ථ්ස්යාත් ॥ 34 ॥

උ॒ක්ථ්ය॑-ඞ්කුර්වීත । යද්යු॒ක්ථ්ය॑-ස්ස්යාත් । අ॒ති॒රා॒ත්ර-ඞ්කු॑ර්වීත । ය॒ජ්ඤ॒ක්ර॒තුභි॑-රේ॒වාස්ය॑ දේ॒වතා॑ වෘඞ්ක්තේ ॥ යෝ වෛ ඡන්දෝ॑භි-රභි॒භව॑ති । ස සග්​ම්॑ සුන්ව॒තෝ-ර॒භිභ॑වති । සං॒​වේඁ॒ශාය॑ ත්වෝපවේ॒ශාය॒-ත්වේත්යා॑හ । ඡන්දාග්​ම්॑සි॒ වෛ සං॑​වේඁ॒ශ උ॑පවේ॒ශඃ । ඡන්දෝ॑භිරේ॒වාස්ය॒ ඡන්දාග්॑ස්ය॒-භිභ॑වති ॥ ඉ॒ෂ්ටර්ගෝ॒ වා ඍ॒ත්විජා॑-මද්ධ්ව॒ර්යුඃ ॥ 35 ॥

ඉ॒ෂ්ටර්ගඃ॒ ඛලු॒ වෛ පූර්වෝ॒-ऽර්​ෂ්ටුඃ, ක්ෂී॑යතේ । ප්රාණා॑පානෞ මෘ॒ත්යෝර්මා॑ පාත॒මිත්යා॑හ । ප්රා॒ණා॒පා॒නයෝ॑රේ॒ව ශ්ර॑යතේ । ප්රාණා॑පානෞ॒ මා මා॑ හාසිෂ්ට॒මිත්යා॑හ । නෛන॑-ම්පු॒රා-ऽऽයු॑ෂඃ ප්රාණාපා॒නෞ ජ॑හිතඃ ॥ ආර්තිං॒-වාඁ ඒ॒තේ නිය॑න්ති । යේෂා᳚-න්දීක්ෂි॒තානා᳚-ම්ප්ර॒මීය॑තේ । තං-යඁද॑ව॒වර්ජේ॑යුඃ । ක්රූ॒ර॒කෘතා॑මිවෛෂාං-ලෝඁ॒ක-ස්ස්යා᳚ත් । ආහ॑ර ද॒හේති॑ බ්රූයාත් ॥ 36 ॥

ත-න්ද॑ක්ෂිණ॒තෝ වේද්යෛ॑ නි॒ධාය॑ । ස॒ර්ප॒රා॒ජ්ඤියා॑ ඍ॒ග්භි-ස්ස්තු॑යුඃ । ඉ॒යං-වෛඁ සර්ප॑තෝ॒ රාජ්ඤී᳚ । අ॒ස්යා ඒ॒වෛන॒-ම්පරි॑දදති ॥ ව්යෘ॑ද්ධ॒-න්තදිත්යා॑හුඃ । ය-ථ්ස්තු॒ත-මන॑නුශස්ත॒-මිති॑ । හෝතා᳚ ප්රථ॒මඃ ප්රා॑චීනාවී॒තී මා᳚ර්ජා॒ලීය॒-ම්පරී॑යාත් । යා॒මීර॑නු-බ්රු॒වන්න් । ස॒ර්ප॒රා॒ජ්ඤීනා᳚-ඞ්කීර්තයේත් । උ॒භයෝ॑රේ॒වෛනං॑-ලෝඁ॒කයෝඃ॒ පරි॑දදති ॥ 37 ॥

අථෝ॑ ධු॒වන්ත්යේ॒වෛන᳚ම් । අථෝ॒ න්යේ॑වාස්මෛ᳚ හ්නුවතේ ॥ ත්රිඃ පරි॑යන්ති । ත්රය॑ ඉ॒මේ ලෝ॒කාඃ । ඒ॒භ්ය ඒ॒වෛනං॑-ලෝඁ॒කේභ්යෝ॑ ධුවතේ । ත්රිඃ පුනඃ॒ පරි॑යන්ති । ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ । ඍ॒තුභි॑රේ॒වෛන॑-න්ධුවතේ ॥ අග්න॒ ආයූග්​ම්॑ෂි පවස॒ ඉති॑ ප්රති॒පද॑-ඞ්කුර්වීරන්න් । ර॒ථ॒න්ත॒රසා॑මෛෂා॒ග්​ම්॒ සෝම॑-ස්ස්යාත් । ආයු॑රේ॒වාත්මන්-ද॑ධතේ । අථෝ॑ පා॒ප්මාන॑මේ॒ව වි॒ජහ॑තෝ යන්ති ॥ 38 ॥
(අ॒භිජි॑ත්යෛ - පෘථි॒ව්යාශ්ච॒ - ස්යා - ද॑ද්ධ්ව॒ර්යු--ර් බ්රු॑යාල් - ලෝ॒කයෝඃ॒ පරි॑දදති - කුර්වර॒ග්ග්॒ ස්ත්රීණි॑ ච) (අ. 6)

අනුවාකං 7 - යූපවිරෝහණාදිප්රායශ්චිත්තම්
අ॒සු॒ර්යං॑-වාඁ ඒ॒තස්මා॒-ද්වර්ණ॑-ඞ්කෘ॒ත්වා । ප॒ශවෝ॑ වී॒ර්ය॑-මප॑ක්රාමන්ති । යස්ය॒ යූපෝ॑ වි॒රෝහ॑ති । ත්වා॒ෂ්ට්ර-ම්බ॑හුරූ॒ප-මාල॑භේත । ත්වෂ්ටා॒ වෛ රූ॒පාණා॑මීශේ । ය ඒ॒ව රූ॒පාණා॒මීශේ᳚ । සෝ᳚-ऽස්මි-න්ප॒ශූන්. වී॒ර්යං॑-යඁච්ඡති । නාස්මා᳚ත්-ප॒ශවෝ॑ වී॒ර්ය॑-මප॑ක්රාමන්ති ॥ ආර්තිං॒-වාඁ ඒ॒තේ නිය॑න්ති । යේෂා᳚-න්දීක්ෂි॒තානා॑-ම॒ග්නි-රු॒ද්වාය॑ති ॥ 39 ॥

යදා॑හව॒නීය॑ උ॒ද්වායේ᳚ත් । යත්ත-ම්මන්ථේ᳚ත් । විච්ඡි॑න්ද්යාත් । භ්රාතෘ॑ව්යමස්මෛ ජනයේත් । යදා॑හව॒නීය॑ උ॒ද්වායේ᳚ත් । ආග්නී᳚ද්ධ්රා॒-දුද්ධ॑රේත් । යදාග්නී᳚ද්ධ්ර උ॒ද්වායේ᳚ත් । ගාර්​හ॑පත්යා॒-දුද්ධ॑රේත් । ය-ද්ගාර්​හ॑පත්ය උ॒ද්වායේ᳚ත් । අත॑ ඒ॒ව පුන॑-ර්මන්ථේත් ॥ 40 ॥

අත්ර॒ වාව ස නිල॑යතේ । යත්ර॒ ඛලු॒ වෛ නිලී॑න-මුත්ත॒ම-ම්පශ්ය॑න්ති । තදේ॑න-මිච්ඡන්ති ॥ යස්මා॒-ද්දාරෝ॑රු॒ද්වායේ᳚ත් । තස්යා॒රණී॑ කුර්යාත් । ක්රු॒මු॒කමපි॑ කුර්යාත් । ඒ॒ෂා වා අ॒ග්නේඃ ප්රි॒යා ත॒නූඃ । යත්-ක්රු॑මු॒කඃ । ප්රි॒යයෛ॒වෛන॑-න්ත॒නුවා॒ සම॑ර්ධයති ॥ ගාර්​හ॑පත්ය-ම්මන්ථති ॥ 41 ॥

ගාර්​හ॑පත්යෝ॒ වා අ॒ග්නේර්යෝනිඃ॑ । ස්වාදේ॒වෛනං॒-යෝඁනේ᳚-ර්ජනයති । නාස්මෛ॒ භ්රාතෘ॑ව්ය-ඤ්ජනයති ॥ යස්ය॒ සෝම॑ උප॒දස්යේ᳚ත් । සු॒වර්ණ॒ග්​ම්॒ හිර॑ණ්ය-න්ද්වේ॒ධා වි॒ච්ඡිද්ය॑ । ඍ॒ජී॒ෂේ᳚-ऽන්යදා॑ධූනු॒යාත් । ජු॒හු॒යාද॒න්යත් । සෝම॑මේ॒වා-භි॑ෂු॒ණෝති॑ । සෝම॑-ඤ්ජුහෝති ॥ සෝම॑ස්ය॒ වා අ॑භිෂූ॒යමා॑ණස්ය ප්රි॒යා ත॒නූ-රුද॑ක්රාමත් ॥ 42 ॥

ත-ථ්සු॒වර්ණ॒ග්​ම්॒ හිර॑ණ්ය-මභවත් । ය-ථ්සු॒වර්ණ॒ග්​ම්॒ හිර॑ණ්ය-ඞ්කු॒ර්වන්ති॑ । ප්රි॒යයෛ॒වෛන॑-න්ත॒නුවා॒ සම॑ර්ධයන්ති ॥ යස්යාක්රී॑ත॒ග්​ම්॒ සෝම॑-මප॒හරේ॑යුඃ । ක්රී॒ණී॒යාදේ॒ව । සෛව තතඃ॒ ප්රාය॑ශ්චිත්තිඃ ॥ යස්ය॑ ක්රී॒තම॑ප॒හරේ॑යුඃ । ආ॒දා॒රාග්​ශ්ච॑ ඵාල්ගු॒නානි॑ චා॒භිෂු॑ණුයාත් । ගා॒ය॒ත්රී යග්​ම් සෝම॒මාහ॑රත් । තස්ය॒ යෝ-ऽග්​ම්॑ශුඃ ප॒රා-ऽප॑තත් ॥ 43 ॥

ත ආ॑දා॒රා අ॑භවන්න් । ඉන්ද්රෝ॑ වෘ॒ත්රම॑හන්න් । තස්ය॑ ව॒ල්කඃ පරා॑-ऽපතත් । තානි॑ ඵාල්ගු॒නාන්ය॑භවන්න් । ප॒ශවෝ॒ වෛ ඵා᳚ල්ගු॒නානි॑ । ප॒ශව॒-ස්සෝමෝ॒ රාජා᳚ । යදා॑දා॒රාග්​ශ්ච॑ ඵාල්ගු॒නානි॑ චාභිෂු॒ණෝති॑ । සෝම॑මේ॒ව රාජා॑නම॒භිෂු॑ණෝති ॥ ශෘ॒තේන॑ ප්රාතස්සව॒නේ ශ්රී॑ණීයාත් । ද॒ද්ධ්නා ම॒ද්ධ්යන්දි॑නේ ॥ 44 ॥

නී॒ත॒මි॒ශ්රේණ॑ තෘතීයසව॒නේ । අ॒ගි॒ෂ්ටෝ॒ම-ස්සෝම॑-ස්ස්යා-ද්රථන්ත॒රසා॑මා । ය ඒ॒වර්ත්විජෝ॑ වෘ॒තා-ස්ස්යුඃ । ත ඒ॑නං-යාඁජයේයුඃ । ඒකා॒-ඞ්ගා-න්දක්ෂි॑ණා-න්දද්යා॒ත්තේභ්ය॑ ඒ॒ව । පුන॒-ස්සෝම॑-ඞ්ක්රීණීයාත් । ය॒ජ්ඤේනෛ॒ව ත-ද්ය॒ජ්ඤ-මි॑ච්ඡති । සෛව තතඃ॒ ප්රාය॑ශ්චිත්තිඃ ॥ සර්වා᳚භ්යෝ॒ වා ඒ॒ෂ දේ॒වතා᳚භ්ය॒-ස්සර්වේ᳚භ්යඃ පෘ॒ෂ්ඨේභ්ය॑ ආ॒ත්මාන॒-මාගු॑රතේ । ය-ස්ස॒ත්රායා॑ගු॒රතේ᳚ । ඒ॒තාවා॒න්-ඛලු॒ වෛ පුරු॑ෂඃ । යාව॑දස්ය වි॒ත්තම් । ස॒ර්ව॒වේ॒ද॒සේන॑ යජේත । සර්ව॑පෘෂ්ඨෝ-ऽස්ය॒ සෝම॑-ස්ස්යාත් । සර්වා᳚භ්ය ඒ॒ව දේ॒වතා᳚භ්ය॒-ස්සර්වේ᳚භ්යඃ පෘ॒ෂ්ඨේභ්ය॑ ආ॒ත්මාන॒-න්නිෂ්ක්රී॑ණීතේ ॥ 45 ॥
(උ॒ද්වාය॑ති - මන්ථේන් - මන්ථ - ත්යක්රාමත් - ප॒රා-ऽප॑තන් - ම॒ද්ධ්යන්දි॑න - ආගු॒රතේ॒ පඤ්ච॑ ච) (අ. 7)

අනුවාකං 8 - පාවමානීමන්ත්රාඃ (ස්මාර්තේ ශ්ඤානාදෞ මාර්ජනාර්ථාශ්ච)
පව॑මාන॒-ස්සුව॒ර්ජනඃ॑ । ප॒විත්රේ॑ණ॒ විච॑ර්​ෂණිඃ । යඃ පෝතා॒ ස පු॑නාතු මා ॥ පු॒නන්තු॑ මා දේවජ॒නාඃ । පු॒නන්තු॒ මන॑ වෝ ධි॒යා । පු॒නන්තු॒ විශ්ව॑ ආ॒යවඃ॑ ॥ ජාත॑වේදඃ ප॒විත්ර॑වත් । ප॒විත්රේ॑ණ පුනාහි මා । ශු॒ක්රේණ॑ දේව॒ දීද්ය॑ත් । අග්නේ॒ ක්රත්වා॒ ක්රතූ॒ග්​ම්॒ රනු॑ ॥ 46 ॥

යත්තේ॑ ප॒විත්ර॑-ම॒ර්චිෂි॑ । අග්නේ॒ විත॑තමන්ත॒රා । බ්රහ්ම॒ තේන॑ පුනීමහේ ॥ උ॒භාභ්යා᳚-න්දේව සවිතඃ ।ප॒විත්රේ॑ණ ස॒වේන॑ ච । ඉ॒ද-ම්බ්රහ්ම॑ පුනීමහේ ॥ වෛ॒ශ්ව॒දේ॒වී පු॑න॒තී දේ॒ව්යාගා᳚ත් । යස්යෛ॑ බ॒හ්වී-ස්ත॒නුවෝ॑ වී॒තපෘ॑ෂ්ඨාඃ । තයා॒ මද॑න්ත-ස්සධ॒මාද්යේ॑ෂු । ව॒යග්ග්​ ස්යා॑ම॒ පත॑යෝ රයී॒ණාම් ॥ 47 ॥

වෛ॒ශ්වා॒න॒රෝ ර॒ශ්මිභි॑ර්මා පුනාතු । වාතඃ॑ ප්රා॒ණේනේ॑ෂි॒රෝ ම॑යෝ॒භූඃ । ද්යාවා॑පෘථි॒වී පය॑සා॒ පයෝ॑භිඃ । ඍ॒තාව॑රී ය॒ජ්ඤියේ॑ මා පුනීතාම් ॥ බෘ॒හද්භි॑-ස්සවිත॒ස්තෘභිඃ॑ । වර්​ෂි॑ෂ්ඨෛ-ර්දේව॒ මන්ම॑භිඃ । අග්නේ॒ දක්ෂෛඃ᳚ පුනාහි මා ॥ යේන॑ දේ॒වා අපු॑නත । යේනාපෝ॑ දි॒ව්ය-ඞ්කශඃ॑ । තේන॑ දි॒ව්යේන॒ බ්රහ්ම॑ණා ॥ 48 ॥

ඉ॒ද-ම්බ්රහ්ම॑ පුනීමහේ ॥ යඃ පා॑වමා॒නීර॒ද්ධ්යේති॑ । ඍෂි॑භි॒-ස්සම්භෘ॑ත॒ග්​ම්॒ රස᳚ම් । සර්ව॒ග්​ම්॒ ස පූ॒තම॑ශ්ඤාති । ස්ව॒දි॒ත-ම්මා॑ත॒රිශ්ව॑නා ॥ පා॒ව॒මා॒නීර්යෝ අ॒ද්ධ්යේති॑ । ඍෂි॑භි॒-ස්සම්භෘ॑ත॒ග්​ම්॒ රස᳚ම් । තස්මෛ॒ සර॑ස්වතී දුහේ । ක්ෂී॒රග්​ම් ස॒ර්පි-ර්මධූ॑ද॒කම් ॥ පා॒ව॒මා॒නී-ස්ස්ව॒ස්ත්යය॑නීඃ ॥ 49 ॥

සු॒දුඝා॒ හි පය॑ස්වතීඃ । ඍෂි॑භි॒-ස්සම්භෘ॑තෝ॒ රසඃ॑ । බ්රා॒හ්ම॒ණේෂ්ව॒මෘතග්​ම්॑ හි॒තම් ॥ පා॒ව॒මා॒නී-ර්දි॑ශන්තු නඃ । ඉ॒මං-ලෝඁ॒කමථෝ॑ අ॒මුම් । කාමා॒න්-ථ්සම॑ර්ධයන්තු නඃ । දේ॒වී-ර්දේ॒වෛ-ස්ස॒මාභෘ॑තාඃ ॥ පා॒ව॒මා॒නී-ස්ස්ව॒ස්ත්යය॑නීඃ । සු॒දුඝා॒හි ඝෘ॑ත॒ශ්චුතඃ॑ । ඍෂි॑භි॒-ස්සම්භෘ॑තෝ॒ රසඃ॑ ॥ 50 ॥

බ්රා॒හ්ම॒ණේෂ්ව॒මෘතග්​ම්॑ හි॒තම් ॥ යේන॑ දේ॒වාඃ ප॒විත්රේ॑ණ । ආ॒ත්මාන॑-ම්පු॒නතේ॒ සදා᳚ । තේන॑ ස॒හස්ර॑ධාරේණ । පා॒ව॒මා॒න්යඃ පු॑නන්තු මා ॥ ප්රා॒ජා॒ප॒ත්ය-ම්ප॒විත්ර᳚ම් । ශ॒තෝද්යා॑මග්​ම් හිර॒ණ්මය᳚ම් । තේන॑ බ්රහ්ම॒ විදෝ॑ ව॒යම් । පූ॒ත-ම්බ්රහ්ම॑ පුනීමහේ ॥ ඉන්ද්ර॑-ස්සුනී॒තී ස॒හ මා॑ පුනාතු । සෝම॑-ස්ස්ව॒ස්ත්යා වරු॑ණ-ස්ස॒මීච්යා᳚ । ය॒මෝ රාජා᳚ ප්රමෘ॒ණාභිඃ॑ පුනාතු මා । ජා॒තවේ॑දා මෝ॒ර්ජය॑න්ත්යා පුනාතු ॥ 51 ॥
(අනු॑ - රයී॒ණාං - බ්රහ්ම॑ණා - ස්ව॒ස්ත්යය॑නීඃ - සු॒දුඝා॒ හි ඝෘ॑ත॒ශ්චුත॒ ඍෂි॑භි॒-ස්සම්භෘ॑තෝ॒ රසඃ॑ - පුනාතු॒ ත්රීණි॑ ච ) (අ. 8)

අනුවාකං 9 - රාජසූයගතචාතුර්මාස්යශේෂඃ
ප්ර॒ජා වෛ ස॒ත්රමා॑සත॒ තප॒ස්තප්ය॑මානා॒ අජු॑හ්වතීඃ । දේ॒වා අ॑පශ්ය-ඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධාම් । තමුපෝද॑තිෂ්ඨ॒න්ත-ම॑ජුහවුඃ । තේනා᳚ර්ධමා॒ස ඌර්ජ॒මවා॑රුන්ධත । තස්මා॑දර්ධමා॒සේ දේ॒වා ඉ॑ජ්යන්තේ ॥ පි॒තරෝ॑-ऽපශ්ය-ඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධාම් । තමුපෝද॑තිෂ්ඨ॒න්ත- ම॑ජුහවුඃ । තේන॑ මා॒ස්යූර්ජ॒මවා॑රුන්ධත । තස්මා᳚-න්මා॒සි පි॒තෘභ්යඃ॑ ක්රියතේ । ම॒නු॒ෂ්යා॑ අපශ්ය-ඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධාම් ॥ 52 ॥

තමුපෝද॑තිෂ්ඨ॒න්ත-ම॑ජුහවුඃ । තේන॑-ද්ව॒යීමූර්ජ॒මවා॑රුන්ධත । තස්මා॒-ද්ද්විරහ්නෝ॑-මනු॒ෂ්යේ᳚භ්ය॒ උප॑හ්රියතේ । ප්රා॒තශ්ච॑ සා॒ය-ඤ්ච॑ । ප॒ශවෝ॑-ऽපශ්ය-ඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධාම් । තමුපෝද॑තිෂ්ඨ॒න්ත-ම॑ජුහවුඃ । තේන॑-ත්ර॒යීමූර්ජ॒මවා॑-රුන්ධත । තස්මා॒-ත්ත්රිරහ්නඃ॑ ප॒ශවඃ॒ ප්රේර॑තේ । ප්රා॒තස්ස॑ගං॒වේ සා॒යම් । අසු॑රා අපශ්ය-ඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධාම් ॥ 53 ॥

තමුපෝද॑තිෂ්ඨ॒න්ත-ම॑ජුහවුඃ । තේන॑ සං​වඁථ්ස॒ර ඌර්ජ॒මවා॑-රුන්ධත ॥ තේ දේ॒වා අ॑මන්යන්ත । අ॒මී වා ඉ॒දම॑භූවන්න් । යද්ව॒යග්ග්​ස්ම ඉති॑ । ත ඒ॒තානි॑ චාතුර්මා॒ස්යාන්ය॑පශ්යන්න් । තානි॒ නිර॑වපන්න් । තෛරේ॒වෛෂා॒-න්තාමූර්ජ॑මවෘඤ්ජත । තතෝ॑ දේ॒වා අභ॑වන්න් । පරා-ऽසු॑රාඃ ॥ 54 ॥

ය-ද්යජ॑තේ । යාමේ॒ව දේ॒වා ඌර්ජ॑ම॒වාරු॑න්ධත । තා-න්තේනා-ව॑රුන්ධේ । ය-ත්පි॒තෘභ්යඃ॑ ක॒රෝති॑ । යාමේ॒ව පි॒තර॒ ඌර්ජ॑ම॒වා-රු॑න්ධත । තා-න්තේනා-ව॑රුන්ධේ । යදා॑වස॒ථේ-ऽන්න॒ග්​ම්॒ හර॑න්ති । යාමේ॒ව ම॑නු॒ෂ්යා॑ ඌර්ජ॑ම॒වා-රු॑න්ධත । තා-න්තේනා-ව॑රුන්ධේ । ය-ද්දක්ෂි॑ණා॒-න්දදා॑ති ॥ 55 ॥

යාමේ॒ව ප॒ශව॒ ඌර්ජ॑ම॒වා-රු॑න්ධත । තා-න්තේනා-ව॑රුන්ධේ । යච්චා॑තු-ර්මා॒ස්යෛ-ර්යජ॑තේ । යාමේ॒වාසු॑රා॒ ඌර්ජ॑ම॒-වාරු॑න්ධත । තා-න්තේනා-ව॑රුන්ධේ । භව॑ත්යා॒ත්මනා᳚ । පරා᳚-ऽස්ය॒ භ්රාතෘ॑ව්යෝ භවති ॥ වි॒රාජෝ॒ වා ඒ॒ෂා වික්රා᳚න්තිඃ । යච්චා॑තු-ර්මා॒ස්යානි॑ । වෛ॒ශ්ව॒දේ॒වේනා॒ස්මිඁල්ලෝ॒කේ ප්රත්ය॑තිෂ්ඨත් । ව॒රු॒ණ॒ ප්ර॒ඝා॒සෛ-ර॒න්තරි॑ක්ෂේ । සා॒ක॒මේ॒ධෛ-ර॒මුෂ්මි॑ඁල්ලෝ॒කේ । ඒ॒ෂ හ॒ ත්වාවෛත-ථ්සර්ව॑-ම්භවති । ය ඒ॒වං-විඁ॒ද්වාග්​ශ්චා॑තුර්මා॒ස්යෛ-ර්යජ॑තේ ॥ 56 ॥
(ම॒නු॒ෂ්යා॑ අපශ්යඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධා-මසු॑රා අපශ්යඤ්චම॒ස-ඞ්ඝෘ॒තස්ය॑ පූ॒ර්ණග්ග්​ ස්ව॒ධා-මසු॑රා॒-දදා᳚-ත්යතිෂ්ඨ ච්ච॒ත්වාරි॑ ච) (අ. 9)

අනුවාකං 10 - චාතුර්මාස්යප්රශංසනම්
අ॒ග්නිර්වාව සං॑​වඁථ්ස॒රඃ । ආ॒දි॒ත්යඃ ප॑රිවථ්ස॒රඃ । ච॒න්ද්රමා॑ ඉදාවථ්ස॒රඃ । වා॒යු-ර॑නුවථ්ස॒රඃ ॥ ය-ද්වෛ᳚ශ්වදේ॒වේන॒ යජ॑තේ । අ॒ග්නිමේ॒ව ත-ථ්සං॑​වඁථ්ස॒ර-මා᳚ප්නෝති । තස්මා᳚-ද්වෛශ්වදේ॒වේන॒ යජ॑මානඃ । සං॒​වඁ॒ථ්ස॒රීණාග්॑ ස්ව॒ස්ති-මාශා᳚ස්ත॒ ඉත්යාශා॑සීත ॥ ය-ද්ව॑රුණ ප්රඝා॒සෛ-ර්යජ॑තේ । ආ॒දි॒ත්යමේ॒ව ත-ත්ප॑රිවථ්ස॒ර-මා᳚ප්නෝති ॥ 57 ॥

තස්මා᳚-ද්වරුණ-ප්රඝා॒සෛ-ර්යජ॑මානඃ । ප॒රි॒ව॒ථ්ස॒රීණාග්॑ ස්ව॒ස්ති-මාශා᳚ස්ත॒ ඉත්යාශා॑සීත । ය-ථ්සා॑කමේ॒ධෛ-ර්යජ॑තේ । ච॒න්ද්රම॑සමේ॒ව තදි॑දාවථ්ස॒ර-මා᳚ප්නෝති । තස්මා᳚-ථ්සාකමේ॒ධෛ-ර්යජ॑මානඃ । ඉ॒දා॒ව॒ථ්ස॒රීණාග්॑ ස්ව॒ස්ති-මාශා᳚ස්ත॒ ඉත්යාශා॑සීත ॥ ය-ත්පි॑තෘ ය॒ජ්ඤේන॒ යජ॑තේ । දේ॒වානේ॒ව තද॒න්වව॑ස්යති ॥ අථ॒ වා අ॑ස්ය වා॒යුශ්චා॑-නුවථ්ස॒රශ්චා ප්රී॑තා॒වුච්ඡි॑ෂ්යේතේ । යච්ඡු॑නාසී॒රීයේ॑ණ॒ යජ॑තේ ॥ 58 ॥

වා॒යුමේ॒ව තද॑නුවථ්ස॒ර-මා᳚ප්නෝති । තස්මා᳚-ච්ඡුනාසී॒රීයේ॑ණ॒ යජ॑මානඃ । අ॒නු॒ව॒ථ්ස॒රීණාග්॑ ස්ව॒ස්ති-මාශා᳚ස්ත॒ ඉත්යාශා॑සීත ॥ සං॒​වඁ॒ථ්ස॒රං-වාඁ ඒ॒ෂ ඊ᳚ඵ්ස॒තීත්යා॑හුඃ । යශ්චා॑තු-ර්මා॒ස්යෛ-ර්යජ॑ත॒ ඉති॑ । ඒ॒ෂ හ॒ ත්වෛ ස॑වන්​ථ්ස॒ර-මා᳚ප්නෝති । ය ඒ॒වං-විඁ॒ද්වාග්​ ශ්චා॑තුර්මා॒ස්යෛ-ර්යජ॑තේ ॥ විශ්වේ॑ දේ॒වා-ස්සම॑යජන්ත । තේ᳚-ऽග්නිමේ॒වාය॑ජන්ත । ත ඒ॒තං-ලෝඁ॒කම॑ජයන්න් ॥ 59 ॥

යස්මි॑න්න॒ග්නිඃ । ය-ද්වෛ᳚ශ්වදේ॒වේන॒ යජ॑තේ । ඒ॒තමේ॒ව ලෝ॒ක-ඤ්ජ॑යති । යස්මි॑න්න॒ග්නිඃ । අ॒ග්නේරේ॒ව සායු॑ජ්ය॒මුපෛ॑ති ॥ ය॒දා වෛ᳚ශ්වදේ॒වේන॒ යජ॑තේ । අථ॑ සං​වඁථ්ස॒රස්ය॑ ගෘ॒හප॑ති-මාප්නෝති । ය॒දා සං॑​වඁථ්ස॒රස්ය॑ ගෘ॒හප॑ති-මා॒ප්නෝති॑ । අථ॑ සහස්රයා॒ජින॑-මාප්නෝති । ය॒දා ස॑හස්රයා॒ජින॑-මා॒ප්නෝති॑ ॥ 60 ॥

අථ॑ ගෘහමේ॒ධින॑-මාප්නෝති । ය॒දා ගෘ॑හමේ॒ධින॑-මා॒ප්නෝති॑ । අථා॒ග්නි-ර්භ॑වති । ය॒දා-ऽග්නි-ර්භව॑ති । අථ॒ ගෞර්භ॑වති । ඒ॒ෂා වෛ වෛ᳚ශ්වදේ॒වස්ය॒ මාත්රා᳚ । ඒ॒ත-ද්වා ඒ॒තේෂා॑මව॒මම් । අතෝ॑-ऽතෝ॒ වා උත්ත॑රාණි॒ ශ්රේයාග්​ම්॑සි භවන්ති । ය-ද්විශ්වේ॑ දේ॒වා-ස්ස॒මය॑ජන්ත । ත-ද්වෛ᳚ශ්වදේ॒වස්ය॑ වෛශ්වදේව॒ත්වම් ॥ 61 ॥

අථා॑දි॒ත්යෝ වරු॑ණ॒ග්​ම්॒ රාජා॑නං-වඁරුණ ප්රඝා॒සෛර॑යජත । ස ඒ॒තං-ලෝඁ॒කම॑ජයත් । යස්මි॑න්නාදි॒ත්යඃ । ය-ද්ව॑රුණ-ප්රඝා॒සෛ-ර්යජ॑තේ । ඒ॒තමේ॒ව ලෝ॒ක-ඤ්ජ॑යති । යස්මි॑න්නාදි॒ත්යඃ । ආ॒දි॒ත්යස්යෛ॒ව-සායු॑ජ්ය॒-මුපෛ॑ති । යදා॑දි॒ත්යෝ වරු॑ණ॒ග්​ම්॒ රාජා॑නං-වඁරුණ ප්රඝා॒සෛරය॑ජත । ත-ද්ව॑රුණ ප්රඝා॒සානාං᳚-වඁරුණ ප්රඝාස॒ත්වම් ॥ අථ॒ සෝමෝ॒ රාජා॒ ඡන්දාග්​ම්॑සි සාකමේ॒ධෛර॑යජත ॥ 62 ॥

ස ඒ॒තං-ලෝඁ॒කම॑ජයත් । යස්මිග්ග්॑ ශ්ච॒න්ද්රමා॑ වි॒භාති॑ । ය-ථ්සා॑කමේ॒ධෛ-ර්යජ॑තේ । ඒ॒තමේ॒ව ලෝ॒ක-ඤ්ජ॑යති । යස්මිග්ග්॑ ශ්ච॒න්ද්රමා॑ වි॒භාති॑ । ච॒න්ද්රම॑ස ඒ॒ව සායු॑ජ්ය॒-මුපෛ॑ති । සෝමෝ॒ වෛ ච॒න්ද්රමාඃ᳚ । ඒ॒ෂ හ॒ ත්වෛ සා॒ක්ෂා-ථ්සෝම॑-ම්භක්ෂයති । ය ඒ॒වං-විඁ॒ද්වාන්-ථ්සා॑කමේ॒ධෛ-ර්යජ॑තේ । ය-ථ්සෝම॑ශ්ච॒ රාජා॒ ඡන්දාග්​ම්॑සි ච ස॒මෛධ॑න්ත ॥ 63 ॥

ත-ථ්සා॑කමේ॒ධානාග්​ම්॑ සාකමේධ॒ත්වම් ॥ අථ॒ර්තවඃ॑ පි॒තරඃ॑ ප්ර॒ජාප॑ති-ම්පි॒තර॑-ම්පිතෘය॒ජ්ඤේ-නා॑යජන්ත । ත ඒ॒තං-ලෝඁ॒කම॑ජයන්න් । යස්මි॑න්නෘ॒තවඃ॑ । ය-ත්පි॑තෘය॒ජ්ඤේන॒ යජ॑තේ । ඒ॒තමේ॒ව ලෝ॒ක-ඤ්ජ॑යති । යස්මි॑න්නෘ॒තවඃ॑ । ඍ॒තූ॒නාමේ॒ව සායු॑ජ්ය॒-මුපෛ॑ති । යද්-ඍ॒තවඃ॑ පි॒තරඃ॑ ප්ර॒ජාප॑ති-ම්පි॒තර॑-ම්පිතෘය॒ජ්ඤේනාය॑ජන්ත । ත-ත්පි॑තෘය॒ජ්ඤස්ය॑ පිතෘයජ්ඤ॒ත්වම් ॥ 64 ॥

අථෞෂ॑ධය ඉ॒ම-න්දේ॒ව-න්ත්ර්ය॑ම්බකෛ-රයජන්ත॒ ප්රථේ॑ම॒හීති॑ । තතෝ॒ වෛ තා අ॑ප්රථන්ත । ය ඒ॒වං-විඁ॒ද්වාග්​ ස්ත්ර්ය॑ම්බකෛ॒-ර්යජ॑තේ । ප්රථ॑තේ ප්ර॒ජයා॑ ප॒ශුභිඃ॑ ॥ අථ॑ වා॒යුඃ ප॑රමේ॒ෂ්ඨිනග්​ම්॑ ශුනාසී॒රීයේ॑ණායජත । ස ඒ॒තං-ලෝඁ॒කම॑ජයත් । යස්මි॑න්-වා॒යුඃ । යච්ඡු॑නාසී॒රීයේ॑ණ॒ යජ॑තේ । ඒ॒තමේ॒ව ලෝ॒ක-ඤ්ජ॑යති । යස්මි॑න්-වා॒යුඃ ॥ 65 ॥

වා॒යෝරේ॒ව සායු॑ජ්ය॒-මුපෛ॑ති ॥ බ්ර॒හ්ම॒වා॒දිනෝ॑ වදන්ති । ප්ර චා॑තුර්මාස්යයා॒ජී-මී॑ය॒තා(3) න ප්රමී॑ය॒තා(3) ඉති॑ । ජීව॒න්වා ඒ॒ෂ ඍ॒තූනප්යේ॑ති । යදි॑ ව॒සන්තා᳚ ප්ර॒මීය॑තේ । ව॒ස॒න්තෝ භ॑වති । යදි॑ ග්රී॒ෂ්මේ ග්රී॒ෂ්මඃ । යදි॑ ව॒ර්॒ෂාසු॑ ව॒ර්॒ෂාඃ । යදි॑ ශ॒රදි॑ ශ॒රත් । යදි॒ හේම॑න්. හේම॒න්තඃ । ඍ॒තුර්භූ॒ත්වා සං॑​වඁථ්ස॒රමප්යේ॑ති । සං॒​වඁ॒ථ්ස॒රඃ ප්ර॒ජාප॑තිඃ । ප්ර॒ජාප॑ති॒ර්වා වෛෂඃ ॥ 66 ॥
(ප॒රි॒ව॒ථ්ස॒රමා᳚ප්නෝති - ශුනාසී॒රීයේ॑ණ॒ යජ॑තේ - ऽජයන්ථ් - සහස්රයා॒ජින॑මා॒ප්නෝති॑ - වෛශ්වදේව॒ත්වග්​ම් - සා॑කමේ॒ධෛර॑යජත - ස॒මෛධ॑න්ත - පිතෘයජ්ඤ॒ත්වං - ජ॑යති॒ යස්මි॑න් වා॒යු--ර් හේ॑ම॒න්ත ස්ත්රීණී॑ ච) (අ. 10)

(උ॒භයේ॑ - යු॒වග්​ම් සු॒රාම॒ - මුද॑ස්ථා॒න් - නි වෛ - යස්ය॑ ප්රාතස්සව॒න - ඒකෛ॑කෝ - ऽසු॒ර්යම් - පව॑මානඃ - ප්ර॒ජා වෛ ස॒ත්රමා॑ස - තා॒ග්නිර්වාව සං॑​වඁථ්ස॒රෝ දශ॑ )

(උ॒භයේ॒ වා - උද॑ස්ථා॒ථ් - සර්වා॑භි--ර් මද්ධ්ය॒තෝ - ऽත්ර॒ වාව - බ්රා᳚හ්ම॒ණේෂ්ව - ථ॑ ගෘහමේ॒ධින॒ග්​ම්॒ ෂට්-ථ්ෂ॑ෂ්ටිඃ)

(උ॒භයේ॒ - වාවෛෂඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ චතුර්ථඃ ප්රපාඨක-ස්සමාප්තඃ ॥

1 කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකං