කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ සප්තමඃ ප්රපාඨකඃ - අච්ඡිද්ර-ඞ්කාණ්ඩ-ම්ප්රායශ්චිත්තම්

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අච්ඡිද්ර-ඞ්කාණ්ඩ-ම්ප්රායශ්චිත්තේන මන්ත්රෛශ්ච යජ්ඤච්ඡිද්රපූරණාදච්ඡිද්රමුච්යතේ

අනුවාකං 1 - දර්​ශපූර්ණමාසේෂ්ටිවිෂයාණි කානි චිත්ප්රායශ්චිත්තානි

සර්වා॒න්॒. වා ඒ॒ෂෝ᳚-ऽග්නෞ කාමා॒-න්ප්රවේ॑ශයති ।
යෝ᳚-ऽග්නීන॑න්වා॒ධාය॑ ව්ර॒තමු॒පෛති॑ ।
ස යදනි॑ෂ්ට්වා ප්රයා॒යාත් । අකා॑මප්රීතා ඒන॒-ඞ්කාමා॒ නානු॒ ප්රයා॑යුඃ । අ॒තේ॒ජා අ॑වී॒ර්ය॑-ස්ස්යාත් ।
ස ජු॑හුයාත් । තුභ්ය॒-න්තා අ॑ඞ්ගිරස්තම ।
විශ්වා᳚-ස්සුක්ෂි॒තයඃ॒ පෘථ॑ක් ।
අග්නේ॒ කාමා॑ය යේමිර॒ ඉති॑ ।
කාමා॑නේ॒වාස්මි॑-න්දධාති ॥ 1 ॥

කාම॑ප්රීතා ඒන॒-ඞ්කාමා॒ අනු॒ප්රයා᳚න්ති ।
තේ॒ජ॒ස්වී වී॒ර්යා॑වා-න්භවති ॥
සන්ත॑ති॒ර්වා ඒ॒ෂා ය॒ජ්ඤස්ය॑ ।
යෝ᳚-ऽග්නීන॑න්වා॒ධාය॑ ව්ර॒තමු॒පෛති॑ ।
ස යදු॒ද්වාය॑ති । විච්ඡි॑ත්ති-රේ॒වාස්ය॒ සා ॥
ත-ම්ප්රාඤ්ච॑මු॒ද්ධෘත්ය॑ ।
මන॒සෝප॑තිෂ්ඨේත । මනෝ॒ වෛ ප්ර॒ජාප॑තිඃ ।
ප්රා॒ජා॒ප॒ත්යෝ ය॒ජ්ඤඃ ॥ 2 ॥

මන॑සෛ॒ව ය॒ජ්ඤග්​ම් සන්ත॑නෝති । භූරිත්යා॑හ । භූ॒තෝ වෛ ප්ර॒ජාප॑තිඃ । භූති॑මේ॒වෝපෛ॑ති ॥
වි වා ඒ॒ෂ ඉ॑න්ද්රි॒යේණ॑ වී॒ර්යේ॑ණර්ධ්යතේ ।
යස්යා-හි॑තාග්නේ-ර॒ග්නිර॑ප॒ක්ෂාය॑ති । යාව॒ච්ඡම්ය॑යා ප්ර॒විද්ධ්යේ᳚ත් ।
යදි॒ තාව॑දප॒ක්ෂායේ᳚ත් । තග්​ම් සම්භ॑රේත් ।
ඉ॒ද-න්ත॒ ඒක॑-ම්ප॒ර උ॑ත॒ ඒක᳚ම් ॥ 3 ॥

තෘ॒තීයේ॑න॒ ජ්යෝති॑ෂා॒ සං​විඁ ॑ශස්ව । සං॒​වේඁශ॑නස්ත॒නුවෛ॒ චාරු॑රේධි ।
ප්රි॒යේ දේ॒වානා᳚-ම්පර॒මේ ජ॒නිත්ර॒ ඉති॑ । බ්රහ්ම॑ණෛ॒වෛන॒ග්​ම්॒ සම්භ॑රති ।
සෛව තතඃ॒ ප්රාය॑ශ්චිත්තිඃ । යදි॑ පරස්ත॒-රාම॑ප॒ක්ෂායේ᳚ත් । අ॒නු॒ ප්ර॒යායාව॑ස්යේත් ।
සෝ ඒ॒ව තතඃ॒ ප්රාය॑ශ්චිත්තිඃ ॥
ඕෂ॑ධී॒ර්වා ඒ॒තස්ය॑ ප॒ශූ-න්පයඃ॒ ප්රවි॑ශති ।
යස්ය॑ හ॒විෂේ॑ ව॒ථ්සා අ॒පාකෘ॑තා॒ ධය॑න්ති ॥ 4 ॥

තාන්. යද්දු॒හ්යාත් । යා॒තයා᳚ම්නා හ॒විෂා॑ යජේත । යන්න දු॒හ්යාත් । ය॒ජ්ඤ॒ප॒රු-ර॒න්තරි॑යාත් । වා॒ය॒ව්යාං᳚-යඁවා॒ගූ-න්නිර්ව॑පේත් ।
වා॒යුර්වෛ පය॑සඃ ප්රදාපයි॒තා । ස ඒ॒වාස්මෛ॒ පයඃ॒ ප්රදා॑පයති । පයෝ॒ වා ඕෂ॑ධයඃ ।
පයඃ॒ පයඃ॑ ।
පය॑සෛ॒වාස්මෛ॒ පයෝ-ऽව॑රුන්ධේ ॥ 5 ॥

අථෝත්ත॑රස්මෛ හ॒විෂේ॑ ව॒ථ්සාන॒පා කු॑ර්යාත් ।
සෛව තතඃ॒ ප්රාය॑ශ්චිත්තිඃ ॥ අ॒න්ය॒ත॒රාන්. වා ඒ॒ෂ දේ॒වා-න්භා॑ග॒ධේයේ॑න॒ ව්ය॑ර්ධයති ।
යේ යජ॑මානස්ය සා॒ය-ඞ්ගෘ॒හමා॒-ගච්ඡ॑න්ති ।
යස්ය॑ සාය-න්දු॒ග්ධග්​ම් හ॒විරාර්ති॑-මා॒ර්ච්ඡති॑ ।
ඉන්ද්රා॑ය ව්රී॒හීන්නි॒-රුප්යෝ-ප॑වසේත් । පයෝ॒ වා ඕෂ॑ධයඃ । පය॑ ඒ॒වාරභ්ය॑ ගෘහී॒ත්වෝ-ප॑වසති । යත්ප්රා॒ත-ස්ස්යාත් । තච්ඡෘ॒ත-ඞ්කු॑ර්යාත් ॥ 6 ॥

අථේත॑ර ඓ॒න්ද්රඃ පු॑රෝ॒ඩාශ॑-ස්ස්යාත් ।
ඉ॒න්ද්රි॒යේ ඒ॒වාස්මෛ॑ ස॒මීචී॑ දධාති ।
පයෝ॒ වා ඕෂ॑ධයඃ । පයඃ॒ පයඃ॑ । පය॑සෛ॒වාස්මෛ॒ පයෝ-ऽව॑රුන්ධේ ।
අථෝත්ත॑රස්මෛ හ॒විෂේ॑ ව॒ථ්සාන॒පා කු॑ර්යාත් ।
සෛව තතඃ॒ ප්රාය॑ශ්චිත්තිඃ ॥ උ॒භයා॒න්॒. වා ඒ॒ෂ දේ॒වා-න්භා॑ග॒ධේයේ॑න॒ ව්ය॑ර්ධයති ।
යේ යජ॑මානස්ය සා॒ය-ඤ්ච॑ ප්රා॒තශ්ච॑ ගෘ॒හමා॒-ගච්ඡ॑න්ති । යස්යෝ॒භයග්​ම්॑ හ॒විරාර්ති॑-මා॒ර්ච්ඡති॑ ॥ 7 ॥

ඓ॒න්ද්ර-ම්පඤ්ච॑ශරාව-මෝද॒න-න්නිර්ව॑පේත් ।
අ॒ග්නි-න්දේ॒වතා॑නා-ම්ප්රථ॒මං-යඁ ॑ජේත් ।
අ॒ග්නිමු॑ඛා ඒ॒ව දේ॒වතාඃ᳚ ප්රීණාති ।
අ॒ග්නිං-වාඁ අන්ව॒න්යා දේ॒වතාඃ᳚ ।
ඉන්ද්ර॒මන්ව॒න්යාඃ । තා ඒ॒වෝභයීඃ᳚ ප්රීණාති ।
පයෝ॒ වා ඕෂ॑ධයඃ ।
පයඃ॒ පයඃ॑ । පය॑සෛ॒වාස්මෛ॒ පයෝ-ऽව॑රුන්ධේ ।
අථෝත්ත॑රස්මෛ හ॒විෂේ॑ ව॒ථ්සාන॒පා කු॑ර්යාත් ॥ 8 ॥

සෛව තතඃ॒ ප්රාය॑ශ්චිත්තිඃ ॥ අ॒ර්ධෝ වා ඒ॒තස්ය॑ ය॒ජ්ඤස්ය॑ මීයතේ ।
යස්ය॒ ව්රත්යේ-ऽහ॒-න්පත්න්ය॑නා-ලම්භු॒කා භව॑ති । තාම॑ප॒රුද්ධ්ය॑ යජේත ।
සර්වේ॑ණෛ॒ව ය॒ජ්ඤේන॑ යජතේ ।
තාමි॒ෂ්ට්වෝ-ප॑හ්වයේත । අමූ॒හම॑ස්මි ।
සා ත්වම් । ද්යෞර॒හම් । පෘ॒ථි॒වී ත්වම් । සාමා॒හම් । ඍක්ත්වම් । තාවේහි॒ සම්භ॑වාව । ස॒හ රේතෝ॑ දධාවහෛ । පු॒ග්​ම්॒සේ පු॒ත්රාය॒ වේත්ත॑වෛ ।
රා॒යස්පෝෂා॑ය සුප්රජා॒ස්ත්වාය॑ සු॒වීර්යා॒යේති॑ ।
අ॒ර්ධ ඒ॒වෛනා॒මු-ප॑හ්වයතේ ।
සෛව තතඃ॒ ප්රාය॑ශ්චිත්තිඃ ॥ 9 ॥
(ද॒ධා॒ති॒ - ය॒ජ්ඤ - උ॑ත॒ ඒකං॒ - ධය॑න්ති - රුන්ධේ - කුර්යා - දා॒ර්ඡ - ත්ය॒පාකු॑ර්යාත් - පෘථි॒වී ත්වම॒ෂ්ටෞ ච॑) (අ. 1)

(සර්වා॒න්॒. වි වෛ යදි॑ පරස්ත॒රාමෝෂ॑ධීරන් යත॒රානු॒භයා॑න॒ර්ධෝ වෛ )

අනුවාකං 2 - අග්නිහෝත්රසාම්නාය්යසාධාරණානි ප්රායශ්චිත්තානි
3.7.2.1
යද්වි-ෂ්ෂ॑ණ්ණේන ජුහු॒යාත් ।
අප්ර॑ජා අප॒ශුර්යජ॑මාන-ස්ස්යාත් ।
යදනා॑යතනේ නි॒නයේ᳚ත් । අ॒නා॒ය॒ත॒න-ස්ස්යා᳚ත් ।
ප්රා॒ජා॒ප॒ත්යය॒ර්චා ව॑ල්මීක-ව॒පායා॒ම-ව॑නයේත් । ප්රා॒ජා॒ප॒ත්යෝ වෛ ව॒ල්මීකඃ॑ । ය॒ජ්ඤඃ ප්ර॒ජාප॑තිඃ । ප්ර॒ජාප॑තාවේ॒ව ය॒ජ්ඤ-ම්ප්රති॑ෂ්ඨාපයති ।
භූරිත්යා॑හ । භූ॒තෝ වෛ ප්ර॒ජාප॑තිඃ ॥ 10 ॥

භූති॑මේ॒වෝපෛ॑ති । ත-ත්කෘ॒ත්වා । අ॒න්යා-න්දු॒ග්ධ්වා පුන॑ර්-හෝත॒ව්ය᳚ම් । සෛව තතඃ॒ ප්රාය॑ශ්චිත්තිඃ ॥ යත්කී॒ටා-ව॑පන්නේන ජුහු॒යාත් ।
අප්ර॑ජා අප॒ශු-ර්යජ॑මාන-ස්ස්යාත් ।
යදනා॑යතනේ නි॒නයේ᳚ත් । අ॒නා॒ය॒ත॒න-ස්ස්යා᳚ත් ।
ම॒ද්ධ්ය॒මේන॑ ප॒ර්ණේන॑ ද්යාවා-පෘථි॒ව්ය॑-ය॒ර්චා-ऽන්තඃ॑ පරි॒ධි නින॑යේත් ।
ද්යාවා॑පෘථි॒ව්යෝ-රේ॒වෛන॒ත්-ප්රති॑ෂ්ඨාපයති ॥ 11 ॥

තත්කෘ॒ත්වා । අ॒න්යා-න්දු॒ග්ධ්වා පුන॑ර්-හෝත॒ව්ය᳚ම් । සෛව තතඃ॒ ප්රාය॑ශ්චිත්තිඃ ॥ යදව॑වෘෂ්ටේන ජුහු॒යාත් । අප॑රූප-මස්යා॒ත්ම-ඤ්ජා॑යේත ।
කි॒ලාසෝ॑ වා॒ ස්යාද॑ර්​ශ॒සෝ වා᳚ । ය-ත්ප්රත්යේ॒යාත් । ය॒ජ්ඤං-විඁච්ඡි॑න්ද්යාත් । ස ජු॑හුයාත් ।
මි॒ත්රෝ ජනා᳚න් කල්පයති ප්රජා॒නන්න් ॥ 12 ॥

මි॒ත්රෝ දා॑ධාර පෘථි॒වීමු॒ත ද්යාම් । මි॒ත්රඃ කෘ॒ෂ්ටීර-නි॑මිෂා॒ ऽභිච॑ෂ්ටේ ।
ස॒ත්යාය॑ හ॒ව්ය-ඞ්ඝෘ॒තව॑-ජ්ජුහෝ॒තේති॑ । මි॒ත්රේණෛ॒වෛන॑-ත්කල්පයති । තත්කෘ॒ත්වා । අ॒න්යා-න්දු॒ග්ධ්වා පුන॑ර්​හෝත॒ව්ය᳚ම් ।
සෛව තතඃ॒ ප්රාය॑ශ්චිත්තිඃ ॥
ය-ත්පූර්ව॑ස්යා॒-මාහු॑ත්යාග්​ම් හු॒තායා॒-මුත්ත॒රා-ऽऽහු॑ති॒-ස්ස්කන්දේ᳚ත් ।
ද්වි॒පාද්භිඃ॑ ප॒ශුභි॒-ර්යජ॑මානෝ॒ ව්යෘ॑॑ද්ධ්යේත ।
යදුත්ත॑රයා॒ ऽභිජු॑හු॒යාත් ॥ 13 ॥

චතු॑ෂ්පාද්භිඃ ප॒ශුභි॒-ර්යජ॑මානෝ॒ ව්යෘ॑ද්ධ්යේත ।
යත්ර॒ වේත්ථ॑ වනස්පතේ දේ॒වානා॒-ඞ්ගුහ්යා॒ නාමා॑නි ।
තත්ර॑ හ॒ව්යානි॑ ගාම॒යේති॑ වානස්ප॒ත්ය-ය॒ර්චා ස॒මිධ॑-මා॒ධාය॑ । තූ॒ෂ්ණීමේ॒ව පුන॑-ර්ජුහුයාත් ।
වන॒ස්පති॑නෛ॒ව ය॒ජ්ඤස්යාර්තා॒-ඤ්චානා᳚ර්තා॒-ඤ්චාහු॑තී॒ විදා॑ධාර । තත්කෘ॒ත්වා । අ॒න්යා-න්දු॒ග්ධ්වා පුන॑ර්-හෝත॒ව්ය᳚ම් । සෛව තතඃ॒ ප්රාය॑ශ්චිත්තිඃ ॥
යත්පු॒රා ප්ර॑යා॒ජේභ්යඃ॒ ප්රාංඅඞ්ගා॑ර॒-ස්ස්කන්දේ᳚ත් ।
අ॒ද්ධ්ව॒ර්යවේ॑ ච॒ යජ॑මානාය॒ චාකග්ග්॑ ස්යාත් ॥ 14 ॥

ය-ද්ද॑ක්ෂි॒ණා । බ්ර॒හ්මණේ॑ ච॒ යජ॑මානාය॒ චාකග්ග්॑ ස්යාත් । ය-ත්ප්ර॒ත්යක් ।
හෝත්රේ॑ ච॒ පත්නි॑යෛ ච॒ යජ॑මානාය॒ චාකග්ග්॑ ස්යාත් ।
යදුදං॑ । අ॒ග්නීධේ॑ ච ප॒ශුභ්ය॑ශ්ච॒ යජ॑මානාය॒ චාකග්ග්॑ ස්යාත් । යද॑භිජුහු॒යාත් । රු॒ද්රෝ᳚-ऽස්ය ප॒ශූ-න්ඝාතු॑ක-ස්ස්යාත් ।
යන්නාභි॑ ජුහු॒යාත් । අශා᳚න්තඃ॒ ප්රහ්රි॑යේත ॥ 15 ॥

ස්රු॒වස්ය॒ බුද්ධ්නේ॑නාභි॒ නිද॑ද්ධ්යාත් ।
මා ත॑මෝ॒ මා ය॒ජ්ඤස්ත॑ම॒න්මා යජ॑මාන-ස්තමත් ।
නම॑ස්තේ අස්ත්වාය॒තේ । නමෝ॑ රුද්ර පරාය॒තේ ।
නමෝ॒ යත්ර॑ නි॒ෂීද॑සි ।
අ॒මු-ම්මා හිග්​ම්॑සීර॒මු-ම්මා හිග්​ම්॑සී॒රිති॒ යේන॒ ස්කන්දේ᳚ත් ॥ ත-ම්ප්රහ॑රේත් ।
ස॒හස්ර॑ශෘඞ්ගෝ වෘෂ॒භෝ ජා॒තවේ॑දාඃ । ස්තෝම॑පෘෂ්ඨෝ ඝෘ॒තවා᳚න්-ථ්සු॒ප්රතී॑කඃ ।
මා නෝ॑ හාසීන්මේත්ථි॒තෝ (හාසීර්මේත්ථි॒තෝ) නේත්ත්වා॒ ජහා॑ම ।
ගෝ॒පෝ॒ෂ-න්නෝ॑ වීරපෝ॒ෂ-ඤ්ච॑ ය॒ච්ඡේති॑ ।
බ්රහ්ම॑ණෛ॒වෛන॒-ම්ප්රහ॑රති । සෛව තතඃ॒ ප්රාය॑ශ්චිත්තිඃ ॥ 16 ॥
(වෛ ප්ර॒ජාප॑තිඃ - ස්ථාපයති - ප්රජා॒නන් - න॒භිජු॑හු॒යාථ් - ස්යා᳚-ද්- ධ්රියේත॒ - ජහා॑ම॒ ත්රිණි॑ ච) (අ. 2)

(යද්විස්ෂ॑ණ්ණේන ප්රාජාප॒ත්යයා॒ ය-ත්කී॒ටා ම॑ද්ධ්ය॒මේන॒ යදව॑වෘෂ්ටේන॒ ය-ත්පූර්ව॑ස්යාං॒-යඁ-ත්පු॒රා ප්ර॑යා॒ජේභ්ය॒ ප්රංඞ්ගා॑රෝ॒ ය-ද්ද॑ක්ෂි॒ණා ය-ත්ප්ර॒ත්යග්යදුදඞ්ඞ්॑)

අනුවාකං 3 - මුඛ්යාග්න්යසම්භවේ-ऽනුකල්පාඃ හෝමාධාරාඃ
වි වා ඒ॒ෂ ඉ॑න්ද්රි॒යේණ॑ වී॒ර්යේ॑ණර්ධ්යතේ ।
යස්යා-හි॑තාග්නේ-ර॒ග්නි-ර්ම॒ථ්යමා॑නෝ॒ න ජාය॑තේ । යත්රා॒න්ය-ම්පශ්යේ᳚ත් । තත॑ ආ॒හෘත්ය॑ හෝත॒ව්ය᳚ම් ।
අ॒ග්නා-වේ॒වාස්යා᳚-ග්නිහෝ॒ත්රග්​ම් හු॒ත-ම්භ॑වති ॥
යද්ය॒න්ය-න්න වි॒න්දේත් । අ॒ජායාග්​ම්॑ හෝත॒ව්ය᳚ම් । ආ॒ග්නේ॒යී වා ඒ॒ෂා । යද॒ජා । අ॒ග්නා-වේ॒වාස්යා᳚-ග්නිහෝ॒ත්රග්​ම් හු॒ත-ම්භ॑වති ॥ 17 ॥

අ॒ජස්ය॒ තු නාශ්ඤී॑යාත් । යද॒ජස්යා᳚-ශ්ඤී॒යාත් ।
යාමේ॒වාග්නා-වාහු॑ති-ඤ්ජුහු॒යාත් । තාම॑ද්යාත් । තස්මා॑ද॒ජස්ය॒ නාශ්ය᳚ම් ॥ යද්ය॒ජා-න්න වි॒න්දේත් । බ්රා॒හ්ම॒ණස්ය॒ දක්ෂි॑ණේ॒ හස්තේ॑ හෝත॒ව්ය᳚ම් ।
ඒ॒ෂ වා අ॒ග්නි ර්වෛ᳚ශ්වාන॒රඃ । යද්බ්රා᳚හ්ම॒ණඃ ।
අ॒ග්නා-වේ॒වාස්යා᳚-ග්නිහෝ॒ත්රග්​ම් හු॒ත-ම්භ॑වති ॥ 18 ॥

බ්රා॒හ්ම॒ණ-න්තු ව॑ස॒ත්යෛ॑ නාප॑රුන්ධ්යාත් । යද්බ්රා᳚හ්ම॒ණං-වඁ ॑ස॒ත්යා අ॑පරු॒න්ධ්යාත් ।
යස්මි॑න්නේ॒-වාග්නාවාහු॑ති-ඤ්ජුහු॒යාත් । ත-ම්භා॑ග॒ධේයේ॑න॒ ව්ය॑ර්ධයේත් ।
තස්මා᳚-ද්බ්රාහ්ම॒ණෝ ව॑ස॒ත්යෛ॑ නාප॒රුද්ධ්යඃ॑ ॥ යදි॑ බ්රාහ්ම॒ණ-න්න වි॒න්දේත් ।
ද॒ර්භ॒ස්ත॒බේං හෝ॑ත॒ව්ය᳚ම් ।
අ॒ග්නි॒වාන්. වෛ ද॑ර්භස්ත॒බංඃ ।
අ॒ග්නාවේ॒-වාස්යා᳚-ග්නිහෝ॒ත්රග්​ම් හු॒ත-ම්භ॑වති ।
ද॒ර්භාග්​ස්තු නාද්ධ්යා॑සීත ॥ 19 ॥

යද්ද॒ර්භාන॒ද්ධ්යාසී॑ත । යාමේ॒වාග්නා-වාහු॑ති-ඤ්ජුහු॒යාත් । තාමද්ධ්යා॑සීත ।
තස්මා᳚-ද්ද॒ර්භා නාද්ධ්යා॑සිත॒ව්යාඃ᳚ ॥
යදි॑ ද॒ර්භාන්න වි॒න්දේත් । අ॒ඵ්සු හෝ॑ත॒ව්ය᳚ම් ।
ආපෝ॒ වෛ සර්වා॑ දේ॒වතාඃ᳚ ।
දේ॒වතා᳚ස්වේ॒ වාස්යා᳚-ග්නිහෝ॒ත්රග්​ම් හු॒ත-ම්භ॑වති ।
ආප॒ස්තු න පරි॑චක්ෂීත । යදාපඃ॑ පරි॒චක්ෂී॑ත ॥ 20 ॥

යා මේ॒වාඵ්ස්වාහු॑ති-ඤ්ජුහු॒යාත් । තා-ම්පරි॑චක්ෂීත ।
තස්මා॒දාපෝ॒ න ප॑රි॒චක්ෂ්යාඃ᳚ ॥
මේද්ධ්යා॑ ච॒ වා ඒ॒තස්යා॑මේ॒ද්ධ්යා ච॑ ත॒නුවෞ॒ සග්​ම්සෘ॑ජ්යේතේ । යස්යා-හි॑තාග්නේ-ර॒න්යෛර॒ග්නිභි॑-ර॒ග්නය॑-ස්සග්​ම්සෘ॒ජ්යන්තේ᳚ । අ॒ග්නයේ॒ විවි॑චයේ පුරෝ॒ඩාශ॑-ම॒ෂ්ටාක॑පාල॒-න්නිර්ව॑පේත් ।
මේද්ධ්යා᳚-ඤ්චෛ॒වාස්යා॑-මේ॒ද්ධ්යා-ඤ්ච॑ ත॒නුවෞ॒ ව්යාව॑ර්තයති ॥ අ॒ග්නයේ᳚ ව්ර॒තප॑තයේ පුරෝ॒ඩාශ॑-ම॒ෂ්ටාක॑පාල॒-න්නිර්ව॑පේත් । අ॒ග්නිමේ॒ව ව්ර॒තප॑ති॒ග්ග්॒ ස්වේන॑ භාග॒ධේයේ॒-නෝප॑ධාවති ।
ස ඒ॒වෛනං॑-ව්රඁ॒තමා-ල॑භං​යඁති ॥ 21 ॥

ගර්භ॒ග්ග්॒ ස්රව॑න්තමග॒දම॑කඃ । අ॒ග්නි-රින්ද්ර॒-ස්ත්වෂ්ටා॒ බෘහ॒ස්පතිඃ॑ । පෘ॒ථි॒ව්යා-මව॑චුශ්චෝ-තෛ॒තත් । නාභි-ප්රාප්නෝ॑ති॒ නිර්-ඍ॑ති-ම්පරා॒චෛඃ ॥
රේතෝ॒ වා ඒ॒තද්වාජි॑න॒-මාහි॑තාග්නේඃ । යද॑ග්නිහෝ॒ත්රම් । තද්යථ්ස්රවේ᳚ත් ।
රේතෝ᳚-ऽස්ය॒ වාජි॑නග්ග්​ ස්රවේත් । ගර්භ॒ග්ග්॒ ස්රව॑න්තම-ග॒දම॑ක॒-රිත්යා॑හ ।
රේත॑ ඒ॒වාස්මි॒න් වාජි॑න-න්දධාති ॥ 22 ॥

අ॒ග්නිරිත්යා॑හ । අ॒ග්නිර්වෛ රේ॑තෝ॒ධාඃ । රේත॑ ඒ॒ව තද්ද॑ධාති । ඉන්ද්ර॒ ඉත්යා॑හ । ඉ॒න්ද්රි॒ය-මේ॒වාස්මි॑න්-දධාති । ත්වෂ්ටේත්යා॑හ । ත්වෂ්ටා॒ වෛ ප॑ශූ॒නා-ම්මි॑ථු॒නානාග්​ම්॑ රූප॒කෘත් । රූ॒පම॒ව ප॒ශුෂු॑ දධාති । බෘහ॒ස්පති॒රිත්යා॑හ ।
බ්රහ්ම॒ වෛ දේ॒වානා॒-ම්බෘහ॒ස්පතිඃ॑ । බ්රහ්ම॑ණෛ॒වාස්මෛ᳚ ප්ර॒ජාඃ ප්රජ॑නයති ॥
පෘ॒ථි॒ව්යා-මව॑චුශ්චෝතෛ॒ත-දිත්යා॑හ ।
අ॒ස්යා-මේ॒වෛන॒-ත්ප්රති॑ෂ්ඨාපයති ॥
නාභි ප්රාප්නෝ॑ති॒ නිර්-ඍ॑ති-ම්පරා॒චෛරිත්යා॑හ ।
රක්ෂ॑සා॒මප॑හත්යෛ ॥ 23 ॥
(අ॒ජා-ऽග්නාවේ॒වාස්යා᳚ග්නිහෝ॒ත්රග්​ම් හු॒ත-ම්භ॑වති - භව - ත්යාසීත - පරි॒චක්ෂී॑ත - ලම්භයති - දධාති - දේ॒වානා॒-ම්බෘහ॒ස්පතිඃ॒ පඤ්ච॑ ච) (අ. 3)

(වි වෛ ය-ද්ය॒න්යම॒ජායා᳚-ම්බ්රාහ්ම॒ණස්ය॑ දර්භස්ත॒ම්බේ᳚-ऽඵ්සු හෝ॑ත॒ව්ය᳚ම්)

අනුවාකං 4 - ඓෂ්ටිකයාජමානමන්ත්රාඃ
යාඃ පු॒රස්තා᳚-ත්ප්ර॒ස්රව॑න්ති । උ॒පරි॑ෂ්ටා-ථ්ස॒ර්වත॑ශ්ච॒ යාඃ । තාභී॑ ර॒ශ්මිප॑විත්රාභිඃ । ශ්ර॒ද්ධාං-යඁ॒ජ්ඤමාර॑භේ ॥ දේවා॑ ගාතුවිදඃ ।
ගා॒තුං-යඁ॒ජ්ඤාය॑ වින්දත । මන॑ස॒ස්පති॑නා දේ॒වේන॑ । වාතා᳚-ද්ය॒ජ්ඤඃ ප්රයු॑ජ්යතාම් ॥ තෘ॒තීය॑ස්යෛ දි॒වඃ । ගා॒ය॒ත්රි॒යා සෝම॒ ආභෘ॑තඃ ॥ 24 ॥

සෝ॒ම॒පී॒ථාය॒ සන්න॑යිතුම් । වක॑ල॒-මන්ත॑ර॒මාද॑දේ ॥ ආපෝ॑ දේවී-ශ්ශු॒ද්ධා-ස්ස්ථ॑ । ඉ॒මා පාත්රා॑ණි ශුන්ධත । උ॒පා॒ත॒ඞ්ක්යා॑ය දේ॒වානා᳚ම් । ප॒ර්ණ॒ව॒ල්කමු॒ත ශු॑න්ධත ॥
පයෝ॑ ගෘ॒හේෂු॒ පයෝ॑ අඝ්නි॒යාසු॑ ।
පයෝ॑ ව॒ථ්සේෂු॒ පය॒ ඉන්ද්රා॑ය හ॒විෂේ᳚ ධ්රියස්ව । ගා॒ය॒ත්රී ප॑ර්ණව॒ල්කේන॑ । පය-ස්සෝම॑-ඞ්කරෝත්වි॒මම් ॥ 25 ॥
අ॒ග්නි-ඞ්ගෘ॑හ්ණාමි සු॒රථං॒-යෝඁ ම॑යෝ॒ භූඃ ।
ය උ॒ද්යන්ත॑මා॒ රෝහ॑ති॒ සූර්ය॒මහ්නේ᳚ ।
ආ॒දි॒ත්ය-ඤ්ජ්යෝති॑ෂා॒-ඤ්ජ්යෝති॑රුත්ත॒මම් ।
ශ්වෝ ය॒ජ්ඤාය॑ රමතා-න්දේ॒වතා᳚භ්යඃ ॥
වසූ᳚-න්රු॒ද්රානා॑දි॒ත්යාන් । ඉන්ද්රේ॑ණ ස॒හ දේ॒වතාඃ᳚ । තාඃ පූර්වඃ॒ පරි॑ගෘහ්ණාමි । ස්ව ආ॒යත॑නේ මනී॒ෂයා᳚ ॥ ඉ॒මාමූර්ජ॑-ම්පඤ්චද॒ශීං-යේඁ ප්රවි॑ෂ්ටාඃ । තාන්දේ॒වා-න්පරි॑ගෘහ්ණාමි॒ පූර්වඃ॑ ॥ 26 ॥

අ॒ග්නිර්-හ॑ව්ය॒වාඩි॒හ තානාව॑හතු । පෞ॒ර්ණ॒මා॒සග්​ම් හ॒විරි॒දමේ॑ෂා॒-ම්මයි॑ ।
ආ॒මා॒වා॒ස්යග්​ම්॑ හ॒විරි॒දමේ॑ෂා॒-ම්මයි॑ ॥ අ॒න්ත॒රා-ऽග්නී ප॒ශවඃ॑ । දේ॒ව॒ස॒ග්​ම්॒ සද॒මාග॑මන්න් । තා-න්පූර්වඃ॒ පරි॑ගෘහ්ණාමි ।
ස්ව ආ॒යත॑නේ මනී॒ෂයා᳚ ॥ ඉ॒හ ප්ර॒ජා වි॒ශ්වරූ॑පා රමන්තාම් । අ॒ග්නි-ඞ්ගෘ॒හප॑තිම॒භි සං॒​වඁසා॑නාඃ । තාඃ පූර්වඃ॒ පරි॑ගෘහ්ණාමි ॥ 27 ॥

ස්ව ආ॒යත॑නේ මනී॒ෂයා᳚ ॥
ඉ॒හ ප॒ශවෝ॑ වි॒ශ්වරූ॑පා රමන්තාම් ।
අ॒ග්නි-ඞ්ගෘ॒හප॑තිම॒භි සං॒​වඁසා॑නාඃ ।
තා-න්පූර්වඃ॒ පරි॑ගෘහ්ණාමි । ස්ව ආ॒යත॑නේ මනී॒ෂයා᳚ ॥ අ॒ය-ම්පි॑තෘ॒ණාම॒ග්නිඃ ।
අවා᳚ඩ්ඪ॒ව්යා පි॒තෘභ්ය॒ ආ । ත-ම්පූර්වඃ॒ පරි॑ගෘහ්ණාමි । අවි॑ෂ-න්නඃ පි॒තු-ඞ්ක॑රත් ॥ අජ॑ස්ර॒-න්ත්වාග්​ම් ස॑භාපා॒ලාඃ ॥ 28 ॥
වි॒ජ॒යභා॑ග॒ග්​ම්॒ සමි॑න්ධතාම් । අග්නේ॑ දී॒දාය॑ මේ සභ්ය । විජි॑ත්යෛ ශ॒රද॑-ශ්ශ॒තම් ॥ අන්න॑මාවස॒ථීය᳚ම් । අ॒භිහ॑රාණි ශ॒රද॑-ශ්ශ॒තම් । ආ॒ව॒ස॒ථේ ශ්රිය॒-ම්මන්ත්ර᳚ම් । අහි॑ර්බු॒ද්ධ්නියෝ॒ නිය॑ච්ඡතු ॥ ඉ॒දම॒හ-ම॒ග්නි ජ්යේ᳚ෂ්ඨේභ්යඃ । වසු॑භ්යෝ ය॒ජ්ඤ-ම්ප්රබ්ර॑වීමි ।
ඉ॒දම॒හ-මින්ද්ර॑ ජ්යේෂ්ඨේභ්යඃ ॥ 29 ॥

රු॒ද්රේභ්යෝ॑ ය॒ජ්ඤ-ම්ප්රබ්ර॑වීමි । ඉ॒දම॒හං-වඁරු॑ණ-ජ්යේෂ්ඨේභ්යඃ । ආ॒දි॒ත්යේභ්යෝ॑ ය॒ජ්ඤ-ම්ප්රබ්ර॑වීමි ॥ පය॑ස්වතී॒-රෝෂ॑ධයඃ ।
පය॑ස්වද්වී॒රුධා॒-ම්පයඃ॑ । අ॒පා-ම්පය॑සෝ॒ යත්පයඃ॑ । තේන॒ මාමි॑න්ද්ර॒ සග්​ම්සෘ॑ජ ॥
අග්නේ᳚ ව්රතපතේ ව්ර॒ත-ඤ්ච॑රිෂ්යාමි ।
තච්ඡ॑කේය॒-න්තන්මේ॑ රාද්ධ්යතාම් ।
වායෝ᳚ ව්රතපත॒ ආදි॑ත්ය ව්රතපතේ ॥ 30 ॥

ව්ර॒තානාං᳚-ව්රඁතපතේ ව්ර॒ත-ඤ්ච॑රිෂ්යාමි । තච්ඡ॑කේය॒-න්තන්මේ॑ රාද්ධ්යතාම් ॥
ඉ॒මා-ම්ප්රාචී॒මුදී॑චීම් । ඉෂ॒මූර්ජ॑ම॒භි සග්ග්​ස්කෘ॑තාම් । බ॒හු॒ප॒ර්ණාමශු॑ෂ්කාග්රාම් ।
හරා॑මි පශු॒පාම॒හම් ॥ යත්කෘෂ්ණෝ॑ රූ॒ප-ඞ්කෘ॒ත්වා । ප්රාවි॑ශ॒ස්ත්වං-වඁන॒ස්පතීන්॑ ।
තත॒ස්ත්වාමේ॑කවිග්​ම්ශති॒ධා । සම්භ॑රාමි සුස॒ම්භෘතා᳚ ॥ 31 ॥

ත්රී-න්ප॑රි॒ධීග්​ස්ති॒ස්ර-ස්ස॒මිධඃ॑ । ය॒ජ්ඤායු॑රනුසඤ්ච॒රාන් ।
උ॒ප॒වේ॒ෂ-ම්මේක්ෂ॑ණ॒-න්ධෘෂ්ටි᳚ම් । සම්භ॑රාමි සුස॒භෘන්තා᳚ ॥ යා ජා॒තා ඕෂ॑ධයඃ । දේ॒වේභ්ය॑ ස්ත්රියු॒ග-ම්පු॒රා । තාසා॒-ම්පර්ව॑ රාද්ධ්යාසම් । ප॒රි॒ස්ත॒ර-මා॒හරන්න්॑ ॥
අ॒පා-ම්මේද්ධ්යං॑-යඁ॒ජ්ඤිය᳚ම් ।
සදේ॑වග්​ම් ශි॒වම॑ස්තු මේ ॥ 32 ॥

ආ॒ච්ඡේ॒ත්තා වෝ॒ මා රි॑ෂම් । ජීවා॑නි ශ॒රද॑-ශ්ශ॒තම් ॥ අප॑රිමිතානා॒-ම්පරි॑මිතාඃ । සන්න॑හ්යේ සුකෘ॒තාය॒කම් । ඒනෝ॒ මා නිගා᳚-ඞ්කත॒මච්ච॒ නාහම් । පුන॑රු॒ත්ථාය॑ බහු॒ලා භ॑වන්තු ॥ ස॒කෘ॒දා॒ච්ඡි॒න්න-ම්බ॒ර්॒හිරූර්ණා॑මෘදු ।
ස්යෝ॒න-ම්පි॒තෘභ්ය॑ස්ත්වා භරාම්ය॒හම් । අ॒ස්මි-න්ථ්සී॑දන්තු මේ පි॒තර॑-ස්සෝ॒ම්යාඃ ।
පි॒තා॒ම॒හාඃ ප්රපි॑තාමහාශ්චානු॒ගෛ-ස්ස॒හ ॥ 33 ॥

ත්රි॒වෘ-ත්ප॑ලා॒ශේ ද॒ර්භඃ । ඉයා᳚-න්ප්රාදේ॒ශ ස॑මින්තඃ । ය॒ජ්ඤේ ප॒විත්ර॒-ම්පෝතෘ॑තමම් । පයෝ॑ හ॒ව්ය-ඞ්ක॑රෝතු මේ ॥ ඉ॒මෞ ප්රා॑ණාපා॒නෞ ।
ය॒ජ්ඤස්යාඞ්ගා॑නි සර්ව॒ශඃ । ආ॒ප්යා॒යය॑න්තෞ॒ සඤ්ච॑රතාම් । ප॒විත්රේ॑ හව්ය॒ශෝධ॑නේ ॥
ප॒විත්රේ᳚ ස්ථෝ වෛෂ්ණ॒වී । වා॒යුර්වා॒-ම්මන॑සා පුනාතු ॥ 34 ॥

අ॒ය-ම්ප්රා॒ණශ්චා॑පා॒නශ්ච॑ । යජ॑මාන॒-මපි॑ගච්ඡතාම් । ය॒ජ්ඤේ හ්යභූ॑තා॒-ම්පෝතා॑රෞ ।
ප॒විත්රේ॑ හව්ය॒ශෝධ॑නේ ॥ ත්වයා॒ වේදිං॑-විඁවිදුඃ පෘථි॒වීම් । ත්වයා॑ ය॒ජ්ඤෝ ජා॑යතේ විශ්ව॒දානිඃ॑ । අච්ඡි॑ද්රං-යඁ॒ජ්ඤමන්වේ॑ෂි වි॒ද්වාන් ।
ත්වයා॒ හෝතා॒ සන්ත॑නෝත්යර්ධමා॒සාන් ॥ ත්ර॒ය॒ස්ත්රි॒ග්​ම්॒ශෝ॑-ऽසි॒ තන්තූ॑නාම් ।
ප॒විත්රේ॑ණ ස॒හාග॑හි ॥ 35 ॥

ශි॒වේයග්​ම් රජ්ජු॑රභි॒ධානී᳚ । අ॒ඝ්නි॒යා-මුප॑සේවතාම් ॥ අප්ර॑ස්රග්​ම්සාය ය॒ජ්ඤස්ය॑ ।
උ॒ඛේ උප॑දධාම්ය॒හම් । ප॒ශුභි॒-ස්සන්නී॑ත-ම්බිභෘතාම් । ඉන්ද්රා॑ය ශෘ॒ත-න්දධි॑ ॥
උ॒ප॒වේ॒ෂෝ॑-ऽසි ය॒ජ්ඤාය॑ । ත්වා-ම්ප॑රිවේ॒ෂ-ම॑ධාරයන්න් । ඉන්ද්රා॑ය හ॒විඃ කෘ॒ණ්වන්තඃ॑ ।
ශි॒ව-ශ්ශ॒ග්මෝ භ॑වාසි නඃ ॥ 36 ॥

අමෘ॑න්මය-න්දේවපා॒ත්රම් । ය॒ජ්ඤස්යායු॑ෂි॒ ප්රයු॑ජ්යතාම් । ති॒රඃ॒ ප॒වි॒ත්රමති॑නීතාඃ ।
ආපෝ॑ ධාරය॒ මා-ऽති॑ගුඃ ॥ දේ॒වේන॑ සවි॒ත්රෝත්පූ॑තාඃ । වසෝ॒-ස්සූර්ය॑ස්ය ර॒ශ්මිභිඃ॑ । ගා-න්දෝ॑හපවි॒ත්රේ රජ්ජු᳚ම් । සර්වා॒ පාත්රා॑ණි ශුන්ධත ॥ ඒ॒තා ආච॑රන්ති॒ මධු॑ම॒ද්දුහා॑නාඃ ।
ප්ර॒ජාව॑තී-ර්ය॒ශසෝ॑ වි॒ශ්වරූ॑පාඃ ॥ 37 ॥

බ॒හ්වී ර්භව॑න්තී॒රුප॒ ජාය॑මානාඃ । ඉ॒හ ව॒ ඉන්ද්රෝ॑ රමයතු ගාවඃ ॥ පූ॒ෂා ස්ථ॑ ॥ අ॒ය॒ක්ෂ්මා වඃ॑ ප්ර॒ජයා॒ සග්​ම්සෘ॑ජාමි ।
රා॒යස්පෝෂේ॑ණ බහු॒ලා භව॑න්තීඃ । ඌර්ජ॒-ම්පයඃ॒ පින්ව॑මානා ඝෘ॒ත-ඤ්ච॑ ।
ජී॒වෝ ජීව॑න්තී॒රුප॑ ව-ස්සදේයම් ॥ ද්යෞශ්චේ॒මං-යඁ॒ජ්ඤ-ම්පෘ॑ථි॒වී ච॒ සන්දු॑හාතාම් ।
ධා॒තා සෝමේ॑න ස॒හ වාතේ॑න වා॒යුඃ । යජ॑මානාය॒ ද්රවි॑ණ-න්දධාතු ॥ 38 ॥

උථ්ස॑-න්දුහන්ති ක॒ලශ॒-ඤ්චතු॑ර්බිලම් । ඉඩා᳚-න්දේ॒වී-ම්මධු॑මතීග්​ම් සුව॒ර්විද᳚ම් ।
තදි॑න්ද්රා॒ග්නී ජි॑න්වතග්​ම් සූ॒නෘතා॑වත් । ත-ද්යජ॑මාන-මමෘත॒ත්වේ ද॑ධාතු ॥
කාම॑ධුක්ෂඃ॒ ප්රණෝ᳚ බ්රූහි । ඉන්ද්රා॑ය හ॒විරි॑න්ද්රි॒යම් ॥ අ॒මූං-යඁස්යා᳚-න්දේ॒වානා᳚ම් ।
ම॒නු॒ෂ්යා॑ණා॒-ම්පයෝ॑ හි॒තම් ॥ බ॒හු දු॒ග්ධීන්ද්රා॑ය දේ॒වේභ්යඃ॑ ।
හ॒ව්ය-මාප්යා॑යතා॒-ම්පුනඃ॑ ॥ 39 ॥

ව॒ථ්සේභ්යෝ॑ මනු॒ෂ්යේ᳚භ්යඃ । පු॒න॒ර්දෝ॒හාය॑ කල්පතාම් ॥ ය॒ජ්ඤස්ය॒ සන්ත॑තිරසි ।
ය॒ජ්ඤස්ය॑ ත්වා॒ සන්ත॑ති॒මනු॒සන්ත॑නෝමි ॥ අද॑ස්තමසි॒ විෂ්ණ॑වේ ත්වා ।
ය॒ජ්ඤායාපි॑ දධාම්ය॒හම් । අ॒ද්භිරරි॑ක්තේන॒ පාත්රේ॑ණ । යාඃ පූ॒තාඃ ප॑රි॒ශේර॑තේ ॥
අ॒ය-ම්පය॒-ස්සෝම॑-ඞ්කෘ॒ත්වා । ස්වාං-යෝඁනි॒-මපි॑ගච්ඡතු ॥ 40 ॥

ප॒ර්ණ॒ව॒ල්කඃ ප॒විත්ර᳚ම් । සෞ॒ම්ය-ස්සෝමා॒ද්ධි නිර්මි॑තඃ ॥ ඉ॒මෞ ප॒ර්ණ-ඤ්ච॑ ද॒ර්භ-ඤ්ච॑ ।
දේ॒වානාග්​ම්॑ හව්ය॒ශෝධ॑නෞ । ප්රා॒ත॒ර්වේ॒ෂාය॑ ගෝපාය । විෂ්ණෝ॑ හ॒ව්යග්​ම් හි රක්ෂ॑සි ॥
උ॒භාව॒ග්නී උ॑පස්තෘණ॒තේ । දේ॒වතා॒ උප॑වසන්තු මේ । අ॒හ-ඞ්ග්රා॒ම්යා-නුප॑වසාමි ।
මහ්ය॒-ඞ්ගෝප॑තයේ ප॒ශූන් ॥ 41 ॥
[ආභෘ॑ත - ඉ॒මං - ගෘ॑හ්ණාමි॒ පූර්ව॒ - ස්තාඃ පුර්වඃ॒ පරි॑ගෘහ්ණාමි - සභාපා॒ලා - ඉන්ද්ර॑ජ්යේෂ්ඨේභ්ය॒-ආදි॑ත්ය ව්රතපතේ-සුස॒භ්රුන්තා॑ - මේ - ස॒හ - පු॑නාතු - ගහි - නෝ - වි॒ශ්වරූ॑පා - දධාතු॒ - පුන॑--ර් ගච්ඡතු - ප॒ශුන් ] (අ. 4)

යාඃ පු॒රස්තා॑දි॒මාමූර්ජ॑මි॒හ ප්ර॒ජා ඉ॒හ ප॒ශවෝ॒-ऽය-ම්පි॑තෘ॒ණාම॒ග්නිඃ

අනුවාකං 5 - ඓෂ්ටිකයාජමානමන්ත්රාඃ
දේවා॑ දේ॒වේෂු॒ පරා᳚ක්රමද්ධ්වම් । ප්රථ॑මා ද්වි॒තීයේ॑ෂු । ද්විතී॑යා-ස්තෘ॒තීයේ॑ෂු ।
ත්රිරේ॑කාදශා ඉ॒හ මා॑-ऽවත । ඉ॒දග්​ම් ශ॑කේයං॒-යඁදි॒ද-ඞ්ක॒රෝමි॑ ।
ආ॒ත්මා ක॑රෝත්වා॒ත්මනේ᳚ । ඉ॒ද-ඞ්ක॑රිෂ්යේ භේෂ॒ජම් । ඉ॒ද-ම්මේ॑ විශ්වභේෂජා ।
අශ්වි॑නා॒ ප්රාව॑තං-යුඁ॒වම් ॥ ඉ॒දම॒හග්​ම් සේනා॑යා අ॒භීත්ව॑ර්යෛ ॥ 42 ॥

මුඛ॒මපෝ॑හාමි ॥ සූර්ය॑ජ්යෝති॒ ර්විභා॑හි । ම॒හ॒ත ඉ॑න්ද්රි॒යාය॑ ॥ ආප්යා॑යතා-ඞ්ඝෘ॒තයෝ॑නිඃ । අ॒ග්නිර්-හ॒ව්යා-ऽනු॑මන්යතාම් ।
ඛම॑ඞ්ක්ෂ්ව॒ ත්වච॑මඞ්ක්ෂ්ව । සු॒රූ॒ප-න්ත්වා॑ වසු॒විද᳚ම් । ප॒ශූ॒නා-න්තේජ॑සා ।
අ॒ග්නයේ॒ ජුෂ්ට॑-ම॒භිඝා॑රයාමි ॥ ස්යෝ॒න-න්තේ॒ සද॑න-ඞ්කරෝමි ॥ 43 ॥

ඝෘ॒තස්ය॒ ධාර॑යා සු॒ශේව॑-ඞ්කල්පයාමි ॥
තස්මි᳚න්-ථ්සීදා॒මෘතේ॒ ප්රති॑තිෂ්ඨ ।
ව්රී॒හී॒ණා-ම්මේ॑ධ සුමන॒ස්යමා॑නඃ ॥
ආ॒ර්ද්රඃ ප්ර॑ථස්නු॒-ර්භුව॑නස්ය ගෝ॒පාඃ ।
ශෘ॒ත උථ්ස්නා॑ති ජනි॒තා ම॑තී॒නාම් ॥
යස්ත॑ ආ॒ත්මා ප॒ශුෂු॒ ප්රවි॑ෂ්ටඃ ।
දේ॒වානාං᳚-විඁ॒ෂ්ඨාමනු॒ යෝ වි॑ත॒ස්ථේ ।
ආ॒ත්ම॒න්වා-න්ථ්සෝ॑ම ඝෘ॒තවා॒න්॒. හි භූ॒ත්වා ।
දේ॒වා-න්ග॑ච්ඡ॒ සුව॑ර්වින්ද॒ යජ॑මානාය॒ මහ්ය᳚ම් ॥ ඉරා॒ භූතිඃ॑ පෘථි॒ව්යෛ රසෝ॒ මෝත්ක්ර॑මීත් ॥ 44 ॥

දේවාඃ᳚ පිතරඃ॒ පිත॑රෝ දේවාඃ । යෝ॑-ऽහම॑ස්මි॒ ස සන්. ය॑ජේ । යස්යා᳚ස්මි॒ න තම॒න්තරේ॑මි । ස්ව-ම්ම॑ ඉ॒ෂ්ටග්ග්​ ස්ව-න්ද॒ත්තම් । ස්ව-ම්පූ॒ර්තග්ග්​ ස්වග්ග්​ ශ්රා॒න්තම් । ස්වග්​ම් හු॒තම් । තස්ය॑ මේ॒-ऽග්නි-රු॑පද්ර॒ෂ්ටා । වා॒යුරු॑පශ්රෝ॒තා ।
ආ॒දි॒ත්යෝ॑-ऽනුඛ්යා॒තා । ද්යෞඃ පි॒තා ॥ 45 ॥

පෘ॒ථි॒වී මා॒තා । ප්ර॒ජාප॑ති॒ ර්බන්ධුඃ॑ ।
ය ඒ॒වාස්මි॒ ස සන්. ය॑ජේ ॥ මා භේර්මා සං​විඁ ॑ක්ථා॒ මා ත්වා॑ හිග්​ම්සිෂම් । මා තේ॒ තේජෝ-ऽප॑ක්රමීත් ।
භ॒ර॒තමුද්ධ॑රේ॒ මනු॑ෂිඤ්ච । අ॒ව॒දානා॑නි තේ ප්ර॒ත්යව॑දාස්යාමි ।
නම॑ස්තේ අස්තු॒ මා මා॑ හිග්​ම්සීඃ ॥ යද॑ව॒දානා॑නි තේ-ऽව॒ද්යන්න් । විලෝ॒මාකා॑ර්​ෂමා॒ත්මනඃ॑ ॥ 46 ॥

ආජ්යේ॑න॒ ප්රත්ය॑නජ්ම්යේනත් । තත්ත॒ ආප්යා॑යතා॒-ම්පුනඃ॑ ॥ අජ්යා॑යෝ යවමා॒ත්රාත් ।
ආ॒ව්යා॒ධා-ත්කෘ॑ත්යතාමි॒දම් । මා රූ॑රුපාම ය॒ජ්ඤස්ය॑ । ශු॒ද්ධග්ග්​ ස්වි॑ෂ්ටමි॒දග්​ම් හ॒විඃ ॥ මනු॑නා දෘ॒ෂ්ටා-ඞ්ඝෘ॒තප॑දීම් । මි॒ත්රාවරු॑ණසමීරිතාම් । ද॒ක්ෂි॒ණා॒ර්ධාදස॑භින්න්දන්න් । අව॑ද්යා-ම්යේක॒තෝ මු॑ඛාම් ॥ 47 ॥

ඉඩේ॑ භා॒ග-ඤ්ජු॑ෂස්ව නඃ । ජින්ව॒ ගා ජින්වාර්ව॑තඃ । තස්යා᳚ස්තේ භක්ෂි॒වාණ॑-ස්ස්යාම । ස॒ර්වාත්මා॑න-ස්ස॒ර්වග॑ණාඃ ॥ බ්රද්ධ්න॒ පින්ව॑ස්ව ।
දද॑තෝ මේ॒ මා ක්ෂා॑යි । කු॒ර්ව॒තෝ මේ॒ මෝප॑දසත් । දි॒ශා-ඞ්ක්ලෘප්ති॑රසි । දිශෝ॑ මේ කල්පන්තාම් । කල්ප॑න්තා-ම්මේ॒ දිශඃ॑ ॥ 48 ॥

දෛවී᳚ශ්ච॒ මානු॑ෂීශ්ච । අ॒හෝ॒රා॒ත්රේ මේ॑ කල්පේතාම් । අ॒ර්ධ॒මා॒සා මේ॑ කල්පන්තාම් । මාසා॑ මේ කල්පන්තාම් । ඍ॒තවෝ॑ මේ කල්පන්තාම් । සං॒​වඁ॒ථ්ස॒රෝ මේ॑ කල්පතාම් ।
ක්ලෘප්ති॑රසි॒ කල්ප॑තා-ම්මේ ॥
ආශා॑නා-න්ත්වා-ऽऽශාපා॒ලේභ්යඃ॑ ।
ච॒තුර්භ්යෝ॑ අ॒මෘතේ᳚භ්යඃ ।
ඉ॒ද-ම්භූ॒තස්යා-ද්ධ්ය॑ක්ෂේභ්යඃ ॥ 49 ॥

වි॒ධේම॑ හ॒විෂා॑ ව॒යම් । භජ॑තා-ම්භා॒ගී භා॒ගම් । මා-ऽභා॒ගෝ-ऽභ॑ක්ත ।
නිර॑භා॒ග-ම්භ॑ජාමඃ । අ॒පස්පි॑න්ව । ඕෂ॑ධීර්ජින්ව । ද්වි॒පාත්පා॑හි । චතු॑ෂ්පාදව । දි॒වෝ වෘෂ්ටි॒මේර॑ය । බ්රා॒හ්ම॒ණානා॑-මි॒දග්​ම් හ॒විඃ ॥ 50 ॥

සෝ॒ම්යානාග්​ම්॑ සෝමපී॒ථිනා᳚ම් । නිර්භ॒ක්තෝ බ්රා᳚හ්මණඃ । නේහා-බ්රා᳚හ්මණස්යාස්ති ॥
සම॑ඞ්ක්තා-ම්බ॒ර॒ඃඉර්-හ॒විෂා॑ ඝෘ॒තේන॑ । සමා॑දි॒ත්යෛ ර්වසු॑භි॒-ස්ස-ම්ම॒රුද්භිඃ॑ ।
සමින්ද්රේ॑ණ॒ විශ්වේ॑භි ර්දේ॒වේභි॑රඞ්ක්තාම් ।
දි॒ව්ය-න්නභෝ॑ ගච්ඡතු॒ ය-ථ්ස්වාහා᳚ ॥
ඉ॒න්ද්රා॒ණී වා॑ විධ॒වා භූ॑යාසම් । අදි॑තිරිව සුපු॒ත්රා ।
අ॒ස්ථූ॒රි ත්වා॑ ගාර්​හපත්ය ॥ 51 ॥

උප॒නිෂ॑දේ සුප්රජා॒ස්ත්වාය॑ ॥
ස-ම්පත්නී॒ පත්යා॑ සුකෘ॒තේන॑ ගච්ඡතාම් ।
ය॒ජ්ඤස්ය॑ යු॒ක්තෞ ධුර්යා॑වභූතාම් ।
ස॒ජා॒න්නා॒නෞ විජ॑හතා॒-මරා॑තීඃ ।
දි॒වි ජ්යෝති॑ර॒ජ-ර॒මාර॑භේතාම් ॥
දශ॑ තේ ත॒නුවෝ॑ යජ්ඤ ය॒ජ්ඤියාඃ᳚ ।
තාඃ ප්රී॑ණාතු॒ යජ॑මානෝ ඝෘ॒තේන॑ । නා॒රි॒ෂ්ඨයෝඃ᳚ ප්ර॒ශිෂ॒මීඩ॑මානඃ ।
දේ॒වානා॒-න්දෛව්යේ-ऽපි॒ යජ॑මානෝ॒-ऽමෘතෝ॑-ऽභූත් ॥
යං-වාඁ᳚-න්දේ॒වා අ॑කල්පයන්න් ॥ 52 ॥

ඌ॒ර්ජෝ භා॒ගග්​ම් ශ॑තක්රතූ । ඒ॒තද්වා॒-න්තේන॑ ප්රීණානි । තේන॑ තෘප්යතමග්​ම්හහෞ ॥ අ॒හ-න්දේ॒වානාග්​ම්॑ සු॒කෘතා॑මස්මි ලෝ॒කේ ।
මමේ॒දමි॒ෂ්ට-න්න මිථු॑ ර්භවාති । අ॒හ-න්නා॑රි॒ෂ්ඨා-වනු॑යජාමි වි॒ද්වාන් ।
යදා᳚භ්යා॒-මින්ද්රෝ॒ අද॑ධා-ද්භාග॒ධේය᳚ම් ॥ අදා॑රසෘද්භවත දේව සෝම ।
අ॒ස්මින්. ය॒ජ්ඤේ ම॑රුතෝ මෘඩතා නඃ ।
මා නෝ॑ විදද॒භි භා॒මෝ අශ॑ස්තිඃ ॥ 53 ॥

මා නෝ॑ විද-ද්ව॒ජනා॒ ද්වේෂ්යා॒ යා ॥
ඍ॒ෂ॒භං-වාඁ॒ජිනං॑-වඁ॒යම් ।
පූ॒ර්ණමා॑සං-යඁජාමහේ । ස නෝ॑ දෝහතාග්​ම් සු॒වීර්ය᳚ම් । රා॒යස්පෝෂග්​ම්॑ සහ॒ස්රිණ᳚ම් । ප්රා॒ණාය॑ සු॒රාධ॑සේ । පූ॒ර්ණමා॑සාය॒ ස්වාහා᳚ ॥
අ॒මා॒වා॒ස්යා॑ සු॒භගා॑ සු॒ශේවා᳚ । ධේ॒නුරි॑ව॒ භූය॑ ආ॒ප්යාය॑මානා । සා නෝ॑ දෝහතාග්​ම් සු॒වීර්ය᳚ම් । රා॒යස්පෝෂග්​ම්॑ සහ॒ස්රිණ᳚ම් ।
අ॒පා॒නාය॑ සු॒රාධ॑සේ । අ॒මා॒වා॒ස්යා॑යෛ॒ ස්වාහා᳚ ॥ අ॒භිස්තෘ॑ණීහි॒ පරි॑ධේහි॒ වේදි᳚ම් ।
ජා॒මි-ම්මා හිග්​ම්॑සීරමු॒යා ශයා॑නා ।
හෝ॒තෘ॒ෂද॑නා॒ හරි॑තා-ස්සු॒වර්ණාඃ᳚ । නි॒ෂ්කා ඉ॒මේ යජ॑මානස්ය බ්ර॒ද්ධ්නේ ॥ 54 ॥
(අ॒භීත්ව॑ර්යෛ - කරෝමි - ක්රමීත් - පි॒තා - ऽऽත්මන॑ - ඒක॒තෝමු॑ඛාං - මේ॒ දිශෝ - ऽධ්ය॑ක්ෂේභ්යෝ - හ॒වි--ර් ගා॑ර්​හපත්යා - කල්පය॒ - න්නශ॑ස්තිඃ॒ - සා නෝ॑ දෝහතාග්​ම් සු॒වීර්යග්​ම්॑ ස॒ප්ත ච॑) (අ. 5)

අනුවාකං 6 - ඓෂ්ටිකයාජමානමන්ත්රාඃ
පරි॑ස්තෘණීත॒ පරි॑ධත්තා॒ග්නිම් । පරි॑හිතෝ॒-ऽග්නි ර්යජ॑මාන-ම්භුනක්තු । අ॒පාග්​ම් රස॒ ඕෂ॑ධීනාග්​ම් සු॒වර්ණඃ॑ । නි॒ෂ්කා ඉ॒මේ යජ॑මානස්ය සන්තු කාම॒දුඝාඃ᳚ । අ॒මුත්රා॒මුෂ්මි॑න් ඁලෝ॒කේ ॥
භූප॑තේ॒ භුව॑නපතේ । ම॒හ॒තෝ භූ॒තස්ය॑ පතේ । බ්ර॒හ්මාණ॑-න්ත්වා වෘණීමහේ ॥
අ॒හ-ම්භූප॑තිර॒හ-ම්භුව॑නපතිඃ ।
අ॒හ-ම්ම॑හ॒තෝ භූ॒තස්ය॒ පතිඃ॑ ॥ 55 ॥

දේ॒වේන॑ සවි॒ත්රා ප්රසූ॑ත॒ ආර්ත්වි॑ජ්ය-ඞ්කරිෂ්යාමි । දේව॑ සවිතරේ॒ත-න්ත්වා॑ වෘණතේ ।
බෘහ॒ස්පති॒-න්දෛව්ය॑-ම්බ්ර॒හ්මාණ᳚ම් । තද॒හ-ම්මන॑සේ॒ ප්රබ්ර॑වීමි । මනෝ॑ ගායත්රි॒යෛ ।
ගා॒ය॒ත්රී ත්රි॒ෂ්ටුභේ᳚ । ත්රි॒ෂ්ටු-බ්ජග॑ත්යෛ । ජග॑ත්යනු॒ෂ්ටුභේ᳚ । අ॒නු॒ෂ්ටු-ක්ප॒ඞ්ක්ත්යෛ । ප॒ඞ්ක්තිඃ ප්ර॒ජාප॑තයේ ॥ 56 ॥

ප්ර॒ජාප॑ති॒ ර්විශ්වේ᳚භ්යෝ දේ॒වේභ්යඃ॑ । විශ්වේ॑ දේ॒වා බෘහ॒ස්පත॑යේ । බෘහ॒ස්පති॒-ර්බ්රහ්ම॑ණේ ।
බ්රහ්ම॒ භූර්භුව॒-ස්සුවඃ॑ । බෘහ॒ස්පති॑ ර්දේ॒වානා᳚-ම්බ්ර॒හ්මා । අ॒හ-ම්ම॑නු॒ෂ්යා॑ණාම් । බෘහ॑ස්පතේ ය॒ජ්ඤ-ඞ්ගෝ॑පාය ॥ ඉ॒ද-න්තස්මෛ॑ හ॒ර්ම්ය-ඞ්ක॑රෝමි । යෝ වෝ॑ දේවා॒ශ්චර॑ති බ්රහ්ම॒චර්ය᳚ම් । මේ॒ධා॒වී දි॒ක්ෂු මන॑සා තප॒ස්වී ॥ 57 ॥

අ॒න්තර්දූ॒තශ්ච॑රති॒ මානු॑ෂීෂු ॥
චතු॑-ශ්ශිඛණ්ඩා යුව॒ති-ස්සු॒පේශාඃ᳚ ।
ඝෘ॒තප්ර॑තීකා॒ භුව॑නස්ය॒ මද්ධ්යේ᳚ । ම॒ර්මෘ॒ජ්යමා॑නා මහ॒තේ සෞභ॑ගාය ।
මහ්ය॑-න්ධුක්ෂ්ව॒ යජ॑මානාය॒ කාමාන්॑ ॥
භූමි॑ ර්භූ॒ත්වා ම॑හි॒මාන॑-ම්පුපෝෂ ।
තතෝ॑ දේ॒වී ව॑ර්ධයතේ॒ පයාග්​ම්॑සි ।
ය॒ජ්ඤියා॑ ය॒ජ්ඤං-විඁච॒යන්ති॒ ශඤ්ච॑ ।
ඕෂ॑ධී॒රාප॑ ඉ॒හ ශක්ව॑රීශ්ච ॥
යෝ මා॑ හෘ॒දා මන॑සා॒ යශ්ච॑ වා॒චා ॥ 58 ॥

යෝ බ්රහ්ම॑ණා॒ කර්ම॑ණා॒ ද්වේෂ්ටි॑ දේවාඃ ।
ය-ශ්ශ්රු॒තේන॒ හෘද॑යේනේෂ්ණ॒තා ච॑ ।
තස්යේ᳚න්ද්ර॒ වජ්රේ॑ණ॒ ශිර॑ශ්ඡිනද්මි ॥
ඌර්ණා॑මෘදු॒ ප්රථ॑මානග්ග්​ ස්යෝ॒නම් ।
දේ॒වේභ්යෝ॒ ජුෂ්ට॒ග්​ම්॒ සද॑නාය බ॒ර්॒හිඃ । සු॒ව॒ර්ගේ ලෝ॒කේ යජ॑මාන॒ග්​ම්॒ හි ධේ॒හි ।
මා-න්නාක॑ස්ය පෘ॒ෂ්ඨේ ප॑ර॒මේ ව්යෝ॑මන්න් ॥ චතු॑-ශ්ශිඛණ්ඩා යුව॒ති-ස්සු॒පේශාඃ᳚ ।
ඝෘ॒තප්ර॑තීකා ව॒යුනා॑නි වස්තේ ।
සා ස්තී॒ර්යමා॑ණා මහ॒තේ සෞභ॑ගාය ॥ 59 ॥

සා මේ॑ ධුක්ෂ්ව॒ යජ॑මානාය॒ කාමාන්॑ ।
ශි॒වා ච॑ මේ ශ॒ග්මා චෛ॑ධි ।
ස්යෝ॒නා ච॑ මේ සු॒ෂදා॑ චෛධි ।
ඌර්ජ॑ස්වතී ච මේ॒ පය॑ස්වතී චෛධි ।
ඉෂ॒මූර්ජ॑-ම්මේ පින්වස්ව । බ්රහ්ම॒ තේජෝ॑ මේ පින්වස්ව । ක්ෂ॒ත්රමෝජෝ॑ මේ පින්වස්ව ।
විශ॒-ම්පුෂ්ටි॑-ම්මේ පින්වස්ව ।
ආයු॑ර॒න්නාද්ය॑-ම්මේ පින්වස්ව ।
ප්ර॒ජා-ම්ප॒ශූ-න්මේ॑ පින්වස්ව ॥ 60 ॥

අ॒ස්මින්. ය॒ජ්ඤ උප॒ භූය॒ ඉන්නු මේ᳚ ।
අවි॑ක්ෂෝභාය පරි॒ධීන්ද॑ධාමි ।
ධ॒ර්තා ධ॒රුණෝ॒ ධරී॑යාන් ।
අ॒ග්නි ර්ද්වේෂාග්​ම්॑සි॒ නිරි॒තෝ නු॑දාතෛ ॥
විච්ඡි॑නද්මි॒ විධෘ॑තීභ්යාග්​ම් ස॒පත්නාන්॑ ।
ජා॒තා-න්භ්රාතෘ॑ව්යා॒න්॒. යේ ච॑ ජනි॒ෂ්යමා॑ණාඃ ।
වි॒ශෝ ය॒න්ත්රාභ්යාං॒-විඁධ॑මාම්යේනාන් । අ॒හග්ග්​ස්වානා॑-මුත්ත॒මෝ॑-ऽසානි දේවාඃ ।
වි॒ශෝ ය॒න්ත්රේ නු॒දමා॑නේ॒ අරා॑තිම් । විශ්ව॑-ම්පා॒ප්මාන॒මම॑ති-න්දුර්මරා॒යුම් ॥ 61 ॥

සීද॑න්තී දේ॒වී සු॑කෘ॒තස්ය॑ ලෝ॒කේ ।
ධෘතී᳚ ස්ථෝ॒ විධෘ॑තී॒ ස්වධෘ॑තී ।
ප්රා॒ණාන්මයි॑ ධාරයතම් । ප්ර॒ජා-ම්මයි॑ ධාරයතම් । ප॒ශූන්මයි॑ ධාරයතම් ॥
අ॒ය-ම්ප්ර॑ස්ත॒ර උ॒භය॑ස්ය ධ॒ර්තා ।
ධ॒ර්තා ප්ර॑යා॒ජානා॑-මු॒තානූ॑යා॒ජානා᳚ම් ।
ස දා॑ධාර ස॒මිධෝ॑ වි॒ශ්වරූ॑පාඃ ।
තස්මි॒න්-ථ්ස්රුචෝ॒ අද්ධ්යාසා॑දයාමි ॥
ආරෝ॑හ ප॒ථෝ ජු॑හු දේව॒යානාන්॑ ॥ 62 ॥

යත්රර්​ෂ॑යඃ ප්රථම॒ජා යේ පු॑රා॒ණාඃ । හිර॑ණ්යපක්ෂා-ऽජි॒රා සම්භෘ॑තාඞ්ගා ।
වහා॑සි මා සු॒කෘතාං॒-යඁත්ර॑ ලෝ॒කාඃ ॥
අවා॒හ-ම්බා॑ධ උප॒භෘතා॑ ස॒පත්නාන්॑ ।
ජා॒තා-න්භ්රාතෘ॑ව්යා॒න්॒. යේ ච॑ ජනි॒ෂ්යමා॑ණාඃ । දෝහෛ॑ ය॒ජ්ඤග්​ම් සු॒දුඝා॑මිව ධේ॒නුම් ।
අ॒හමුත්ත॑රෝ භූයාසම් । අධ॑රේ॒ මථ්ස॒පත්නාඃ᳚ ॥
යෝ මා॑ වා॒චා මන॑සා දුර්මරා॒යුඃ ।
හෘ॒දා-ऽරා॑තී॒යා-ද॑භි॒දාස॑-දග්නේ ॥ 63 ॥

ඉ॒දම॑ස්ය චි॒ත්තමධ॑ර-න්ධ්රු॒වායාඃ᳚ । අ॒හමුත්ත॑රෝ භූයාසම් । අධ॑රේ॒ මථ්ස॒පත්නාඃ᳚ ॥
ඍ॒ෂ॒භෝ॑-ऽසි ශාක්ව॒රඃ । ඝෘ॒තාචී॑නාග්​ම් සූ॒නුඃ । ප්රි॒යේණ॒ නාම්නා᳚ ප්රි॒යේ සද॑සි සීද ॥
ස්යෝ॒නෝ මේ॑ සීද සු॒ෂදඃ॑ පෘථි॒ව්යාම් ।
ප්රථ॑යි ප්ර॒ජයා॑ ප॒ශුභි॑-ස්සුව॒ර්ගේ ලෝ॒කේ ।
දි॒වි සී॑ද පෘථි॒ව්යා-ම॒න්තරි॑ක්ෂේ ।
අ॒හමුත්ත॑රෝ භූයාසම් ॥ 64 ॥

අධ॑රේ॒ මථ්ස॒පත්නාඃ᳚ ॥
ඉ॒යග්ග්​ ස්ථා॒ලී ඝෘ॒තස්ය॑ පූ॒ර්ණා ।
අච්ඡි॑න්නපයා-ශ්ශ॒තධා॑ර॒ උථ්සඃ॑ ।
මා॒රු॒තේන॒ ශර්ම॑ණා॒ දෛව්යේ॑න ॥
ය॒ජ්ඤෝ॑-ऽසි ස॒ර්වත॑-ශ්ශ්රි॒තඃ । ස॒ර්වතෝ॒ මා-ම්භූ॒ත-ම්භ॑වි॒ෂ්ය-ච්ඡ්ර॑යතාම් । ශ॒ත-ම්මේ॑ සන්ත්වා॒ශිෂඃ॑ । ස॒හස්ර॑-ම්මේ සන්තු සූ॒නෘතාඃ᳚ । ඉරා॑වතීඃ පශු॒මතීඃ᳚ । ප්ර॒ජාප॑තිරසි ස॒ර්වත॑-ශ්ශ්රි॒තඃ ॥ 65 ॥
ස॒ර්වතෝ॒ මා-ම්භූ॒ත-ම්භ॑වි॒ෂ්ය-ච්ඡ්ර॑යතාම් । ශ॒ත-ම්මේ॑ සන්ත්වා॒ශිෂඃ॑ ।
ස॒හස්ර॑-ම්මේ සන්තු සූ॒නෘතාඃ᳚ । ඉරා॑වතීඃ පශු॒මතීඃ᳚ ॥ ඉ॒දමි॑න්ද්රි॒ය-ම॒මෘතං॑-වීඁ॒ර්ය᳚ම් । අ॒නේනේන්ද්රා॑ය ප॒ශවෝ॑-ऽචිකිථ්සන්න් ।
තේන॑ දේවා අව॒තෝප॒ මාම් । ඉ॒හේෂ॒මූර්ජං॒-යඁශ॒-ස්සහ॒ ඕජ॑-ස්සනේයම් । ශෘ॒ත-ම්මයි॑ ශ්රයතාම් ॥ ය-ත්පෘ॑ථි॒වී-මච॑ර॒ත්තත්-ප්රවි॑ෂ්ටම් ॥ 66 ॥

යේනාසි॑ඤ්ච॒-ද්බල॒මින්ද්රේ᳚ ප්ර॒ජාප॑තිඃ ।
ඉ॒ද-න්තච්ඡු॒ක්ර-ම්මධු॑ වා॒ජිනී॑වත් ।
යේනෝ॒-පරි॑ෂ්ටා॒දධි॑නෝ-න්මහේ॒න්ද්රම් ।
දධි॒ මා-න්ධි॑නෝතු ॥
අ॒යං-වේඁ॒දඃ පෘ॑ථි॒වී-මන්ව॑වින්දත් ।
ගුහා॑ ස॒තී-ඞ්ගහ॑නේ॒ ගහ්ව॑රේෂු ।
ස වි॑න්දතු॒ යජ॑මානාය ලෝ॒කම් ।
අච්ඡි॑ද්රං-යඁ॒ජ්ඤ-ම්භූරි॑කර්මා කරෝතු ॥
අ॒යං-යඁ॒ජ්ඤ-ස්සම॑සදද්ධ॒විෂ්මාන්॑ ।
ඍ॒චා සාම්නා॒ යජු॑ෂා දේ॒වතා॑භිඃ ॥ 67 ॥

තේන॑ ලෝ॒කාන්-ථ්සූර්ය॑වතෝ ජයේම ।
ඉන්ද්ර॑ස්ය ස॒ඛ්ය-ම॑මෘත॒ත්ව-ම॑ශ්යාම් ॥
යෝ නඃ॒ කනී॑ය ඉ॒හ කා॒මයා॑තෛ ।
අ॒ස්මින්. ය॒ජ්ඤේ යජ॑මානාය॒ මහ්ය᳚ම් ।
අප॒ තමි॑න්ද්රා॒ග්නී භුව॑නාන්නුදේතාම් ।
අ॒හ-ම්ප්ර॒ජාං-වීඁ॒රව॑තීං-විඁදේය ॥
අග්නේ॑ වාජජිත් । වාජ॑-න්ත්වා සරි॒ෂ්යන්ත᳚ම් ।
වාජ॑-ඤ්ජේ॒ෂ්යන්ත᳚ම් । වා॒ජිනං॑-වාඁජ॒ජිත᳚ම් ॥ 68 ॥

වා॒ජ॒ජි॒ත්යායෛ॒ සම්මා᳚ර්ජ්මි । අ॒ග්නිම॑න්නා॒-දම॒න්නාද්යා॑ය ॥ උප॑හූතෝ॒ ද්යෞඃ පි॒තා ।
උප॒ මා-න්ද්යෞඃ පි॒තා හ්ව॑යතාම් । අ॒ග්නි-රාග්නී᳚ද්ධ්රාත් । ආයු॑ෂේ॒ වර්ච॑සේ । ජී॒වාත්වෛ පුණ්යා॑ය । උප॑හූතා පෘථි॒වී මා॒තා । උප॒ මා-ම්මා॒තා පෘ॑ථි॒වී හ්ව॑යතාම් । අ॒ග්නි-රාග්නී᳚ද්ධ්රාත් ॥ 69 ॥

ආයු॑ෂේ॒ වර්ච॑සේ । ජී॒වාත්වෛ පුණ්යා॑ය ॥
මනෝ॒ ජ්යෝති॑ ර්ජුෂතා॒මාජ්ය᳚ම් ।
විච්ඡි॑න්නං-යඁ॒ජ්ඤග්​ම් සමි॒ම-න්ද॑ධාතු । බෘහ॒ස්පති॑-ස්තනුතාමි॒ම-න්නඃ॑ ।
විශ්වේ॑ දේ॒වා ඉ॒හ මා॑දයන්තාම් ॥
ය-න්තේ॑ අග්න ආවෘ॒ශ්චාමි॑ । අ॒හං-වාඁ᳚ ක්ෂිපි॒තශ්චරන්න්॑ । ප්ර॒ජා-ඤ්ච॒ තස්ය॒ මූල॑-ඤ්ච ।
නී॒චෛර්දේ॑වා॒ නිවෘ॑ශ්චත ॥ 70 ॥

අග්නේ॒ යෝ නෝ॑-ऽභි॒දාස॑ති । ස॒මා॒නෝ යශ්ච॒ නිෂ්ට්යඃ॑ । ඉ॒ද්ධ්මස්යේ॑ව ප්ර॒ක්ෂාය॑තඃ ।
මා තස්යෝච්ඡේ॑ෂි॒ කිඤ්ච॒න । යෝ මා-න්ද්වේෂ්ටි॑ ජාතවේදඃ । ය-ඤ්චා॒හ-න්ද්වේෂ්මි॒ යශ්ච॒ මාම් । සර්වා॒ග්॒ස්තාන॑ග්නේ॒ සන්ද॑හ ।
යාග්​ශ්චා॒හ-න්ද්වේෂ්මි॒ යේ ච॒ මාම් ॥ අග්නේ॑ වාජජිත් ।
වාජ॑-න්ත්වා සසෘ॒වාග්​ම්ස᳚ම් ॥ 71 ॥

වාජ॑-ඤ්ජිගි॒වාග්​ම්ස᳚ම් । වා॒ජිනං॑-වාඁජ॒ජිත᳚ම් । වා॒ජ॒ජි॒ත්යායෛ॒ සම්මා᳚ර්ජ්මි । අ॒ග්නි-ම॑න්නා॒ද-ම॒න්නාද්යා॑ය ॥ වේදි॑ ර්බ॒ර॒ඃඉ-ශ්ශෘ॒තග්​ම් හ॒විඃ ।
ඉ॒ද්ධ්මඃ ප॑රි॒ධය॒-ස්ස්රුචඃ॑ । ආජ්යං॑-යඁ॒ජ්ඤ ඍචෝ॒ යජුඃ॑ । යා॒ජ්යා᳚ශ්ච වෂට්කා॒රාඃ । ස-ම්මේ॒ සන්න॑තයෝ නමන්තාම් ।
ඉ॒ද්ධ්ම॒සං॒-නහ॑නේ හු॒තේ ॥ 72 ॥

දි॒වඃ ඛීලෝ-ऽව॑තතඃ । පෘ॒ථි॒ව්යා අද්ධ්යුත්ථි॑තඃ । තේනා॑ ස॒හස්ර॑කාණ්ඩේන । ද්වි॒ෂන්තග්​ම්॑ ශෝචයාමසි । ද්වි॒ෂන්මේ॑ බ॒හු ශෝ॑චතු ।
ඕෂ॑ධේ॒ මෝ අ॒හග්​ම් ශු॑චම් ॥ යජ්ඤ॒ නම॑ස්තේ යජ්ඤ । නමෝ॒ නම॑ශ්ච තේ යජ්ඤ । ශි॒වේන॑ මේ॒ සන්ති॑ෂ්ඨස්ව । ස්යෝ॒නේන॑ මේ॒ සන්ති॑ෂ්ඨස්ව ॥ 73 ॥

සු॒භූ॒තේන॑ මේ॒ සන්ති॑ෂ්ඨස්ව । බ්ර॒හ්ම॒ව॒ර්ච॒සේන॑ මේ॒ සන්ති॑ෂ්ඨස්ව ।
ය॒ජ්ඤස්යර්ධි॒මනු॒ සන්ති॑ෂ්ඨස්ව । උප॑ තේ යජ්ඤ॒ නමඃ॑ । උප॑ තේ॒ නමඃ॑ ।
උප॑ තේ॒ නමඃ॑ ॥ ත්රිෂ්ඵ॒ලී ක්රි॒යමා॑ණානාම් । යෝ න්ය॒ඞ්ගෝ අ॑ව॒ශිෂ්ය॑තේ ।
රක්ෂ॑සා-ම්භාග॒ධේය᳚ම් । ආප॒ස්ත-ත්ප්රව॑හතාදි॒තඃ ॥ 74 ॥

උ॒ලූඛ॑ලේ॒ මුස॑ලේ॒ යච්ච॒ ශූර්පේ᳚ ।
ආ॒ශි॒ශ්ලේෂ॑ දෘ॒ෂදි॒ යත්ක॒පාලේ᳚ ।
අ॒ව॒ප්රුෂෝ॑ වි॒ප්රුෂ॒-ස්සං​යඁ ॑ජාමි ।
විශ්වේ॑ දේ॒වා හ॒විරි॒ද-ඤ්ජු॑ෂන්තාම් ।
ය॒ජ්ඤේ යා වි॒ප්රුෂ॒-ස්සන්ති॑ බ॒හ්වීඃ ।
අ॒ග්නෞ තා-ස්සර්වා॒-ස්ස්වි॑ෂ්ටා॒-ස්සුහු॑තා ජුහෝමි ॥ උ॒ද්යන්න॒ද්ය මි॑ත්රමහඃ ।
ස॒පත්නා᳚න්මේ අනීනශඃ । දිවෛ॑නාන්. වි॒ද්යුතා॑ ජහි ।
නි॒ම්රෝච॒න්නධ॑රාන් කෘධි ॥ 75 ॥

උ॒ද්යන්න॒ද්ය වි නෝ॑ භජ । පි॒තා පු॒ත්රේභ්යෝ॒ යථා᳚ । දී॒ර්ඝා॒යු॒ත්වස්ය॑ හේශිෂේ । තස්ය॑ නෝ දේහි සූර්ය ॥ උ॒ද්යන්න॒ද්ය මි॑ත්රමහඃ । ආ॒රෝහ॒න්නුත්ත॑රා॒-න්දිව᳚ම් । හෘ॒ද්රෝ॒ග-ම්මම॑ සූර්ය । හ॒රි॒මාණ॑-ඤ්ච නාශය ॥ ශුකේ॑ෂු මේ හරි॒මාණ᳚ම් ।
රෝ॒ප॒ණාකා॑සු දද්ධ්මසි ॥ 76 ॥

අථෝ॑ හාරිද්ර॒වේෂු॑ මේ । හ॒රි॒මාණ॒-න්නිද॑ද්ධ්මසි ॥ උද॑ගාද॒ය-මා॑දි॒ත්යඃ ।
විශ්වේ॑න॒ සහ॑සා ස॒හ । ද්වි॒ෂන්ත॒-ම්මම॑ ර॒න්ධයන්න්॑ । මෝ අ॒හ-න්ද්වි॑ෂ॒තෝ ර॑ධම් ॥
යෝ න॒-ශ්ශපා॒දශ॑පතඃ । යශ්ච॑ න॒-ශ්ශප॑ත॒-ශ්ශපා᳚ත් । උ॒ෂාශ්ච॒ තස්මෛ॑ නි॒ම්රුක්ච॑ । සර්ව॑-ම්පා॒පග්​ම් සමූ॑හතාම් ॥ 77 ॥

යෝ න॑-ස්ස॒පත්නෝ॒ යෝ රණඃ॑ । මර්තෝ॑-ऽභි॒දාස॑ති දේවාඃ। ඉ॒ද්ධ්මස්යේ॑ව ප්ර॒ක්ෂාය॑තඃ ।
මා තස්යෝච්ඡේ॑ෂි॒ කිඤ්ච॒න ॥ අව॑සෘෂ්ටඃ॒ පරා॑පත । ශ॒රෝ බ්රහ්ම॑සග්​ම්ශිතඃ ।
ගච්ඡා॒-ऽමිත්රා॒-න්ප්රවි॑ශ । මෛෂා॒-ඞ්කඤ්ච॒නෝච්ඡි॑ෂඃ ॥ 78 ॥
(පතිඃ॑ - ප්ර॒ජාප॑තයේ - තප॒ස්වී - වා॒චා - සෞභ॑ගාය - ප॒ශූන්මේ॑ පින්වස්ව - දුර්මරා॒යුං - දේ॑ව॒යානා॑ - නග්නේ॒ - ऽන්තරි॑ක්ෂේ॒-ऽහමුත්ත॑රෝ භූයාසං -ප්ර॒ජාප॑තිරසි ස॒ර්වත॑-ශ්ශ්රි॒තඃ - ප්රවි॑ෂ්ටං - දේ॒වතා॑භි--ර් වාජ॒ජිතං॑ -
පෘථි॒වී හ්ව॑යතාම॒ග්නිරාග්නී᳚ද්ධ්රා-ද්- වෘශ්චත - සසෘ॒වාග්​ම්සග්​ම්॑ - හු॒තේ - ස්යෝ॒නේන॑ මේ॒ සම්ති॑ෂ්ඨස්වේ॒ - තඃ - කෘ॑ධි- දධ්ම - ස්යූහතා - +ම॒ෂ්ටෞ ච॑) (අ. 6)

අනුවාකං 7 - සෝමාඞ්ග.භූතේෂු මන්ත්රේෂු-දීක්ෂාමාරභ්යාග්නීෂෝමයි පශුපර්යන්තේ ප්රයෝගේ ශේෂභූතා මන්ත්රාඃ
සක්ෂේ॒ද-ම්ප॑ශ්ය । විධ॑ර්තරි॒ද-ම්ප॑ශ්ය । නාකේ॒ද-ම්ප॑ශ්ය । ර॒මතිඃ॒ පනි॑ෂ්ඨා ।
ඍ॒තං-වඁර්​ෂි॑ෂ්ඨම් । අ॒මෘතා॒ යාන්යා॒හුඃ । සූර්යෝ॒ වරි॑ෂ්ඨෝ අ॒ක්ෂභි॒ර්විභා॑ති ।
අන॒ ද්යාවා॑පෘථි॒වී දේ॒වපු॑ත්රේ ॥ දී॒ක්ෂා-ऽසි॒ තප॑සෝ॒ යෝනිඃ॑ । තපෝ॑-ऽසි॒ බ්රහ්ම॑ණෝ॒ යෝනිඃ॑ ॥ 79 ॥

බ්රහ්මා॑සි ක්ෂ॒ත්රස්ය॒ යෝනිඃ॑ । ක්ෂ॒ත්රම॑ස්යෘ॒තස්ය॒ යෝනිඃ॑ ।
ඍ॒තම॑සි॒ භූරාර॑භේ । ශ්ර॒ද්ධා-ම්මන॑සා । දී॒ක්ෂා-න්තප॑සා । විශ්ව॑ස්ය॒ භුව॑න॒ස්යාධි॑පත්නීම් । සර්වේ॒ කාමා॒ යජ॑මානස්ය සන්තු ॥
වාත॑-ම්ප්රා॒ණ-ම්මන॑සා॒-ऽන්වාර॑භාමහේ । ප්ර॒ජාප॑තිං॒-යෝඁ භුව॑නස්ය ගෝ॒පාඃ ।
ස නෝ॑ මෘ॒ත්යෝස්ත්රා॑යතා॒-ම්පාත්වග්​ම්හ॑සඃ ॥ 80 ॥

ජ්යෝග්ජී॒වා ජ॒රාම॑ශීමහි ॥ ඉන්ද්ර॑ ශාක්වර ගාය॒ත්රී-ම්ප්රප॑ද්යේ । තා-න්තේ॑ යුනජ්මි । ඉන්ද්ර॑ ශාක්වර ත්රි॒ෂ්ටුභ॒-ම්ප්රප॑ද්යේ । තා-න්තේ॑ යුනජ්මි ।
ඉන්ද්ර॑ ශාක්වර॒ ජග॑තී॒-ම්ප්රප॑ද්යේ । තා-න්තේ॑ යුනජ්මි ।
ඉන්ද්ර॑ ශාක්වරානු॒ෂ්ටුභ॒-ම්ප්රප॑ද්යේ । තා-න්තේ॑ යුනජ්මි । ඉන්ද්ර॑ ශාක්වර ප॒ඞ්ක්ති-ම්ප්රප॑ද්යේ ॥ 81 ॥

තා-න්තේ॑ යුනජ්මි ॥ ආ-ऽහ-න්දී॒ක්ෂාම॑රුහ-මෘ॒තස්ය॒ පත්නී᳚ම් । ගා॒ය॒ත්රේණ॒ ඡන්ද॑සා॒ බ්රහ්ම॑ණා ච । ඍ॒තග්​ම් ස॒ත්යේ॑-ऽධායි । ස॒ත්යමෘ॒තේ॑-ऽධායි ।
ඍ॒ත-ඤ්ච॑ මේ ස॒ත්ය-ඤ්චා॑භූතාම් । ජ්යෝති॑රභූව॒ග්​ම්॒ සුව॑රගමම් ।
සු॒ව॒ර්ගං-ලෝඁ॒ක-න්නාක॑ස්ය පෘ॒ෂ්ඨම් । බ්ර॒ද්ධ්නස්ය॑ වි॒ෂ්ටප॑මගමම් ॥
පෘ॒ථි॒වී දී॒ක්ෂා ॥ 82 ॥

තයා॒-ऽග්නි ර්දී॒ක්ෂයා॑ දීක්ෂි॒තඃ । යයා॒-ऽග්නි ර්දී॒ක්ෂයා॑ දීක්ෂි॒තඃ । තයා᳚ ත්වා දී॒ක්ෂයා॑ දීක්ෂයාමි । අ॒න්තරි॑ක්ෂ-න්දී॒ක්ෂා ।
තයා॑ වා॒යු ර්දී॒ක්ෂයා॑ දීක්ෂි॒තඃ ।
යයා॑ වා॒යු ර්දී॒ක්ෂයා॑ දීක්ෂි॒තඃ ।
තයා᳚ ත්වා දී॒ක්ෂයා॑ දීක්ෂයාමි । ද්යෞ ර්දී॒ක්ෂා ।
තයා॑-ऽऽදි॒ත්යෝ දී॒ක්ෂයා॑ දීක්ෂි॒තඃ ।
යයා॑-ऽऽදි॒ත්යෝ දී॒ක්ෂයා॑ දීක්ෂි॒තඃ ॥ 83 ॥

තයා᳚ ත්වා දී॒ක්ෂයා॑ දීක්ෂයාමි । දිශෝ॑ දී॒ක්ෂා ।
තයා॑ ච॒න්ද්රමා॑ දී॒ක්ෂයා॑ දීක්ෂි॒තඃ ।
යයා॑ ච॒න්ද්රමා॑ දී॒ක්ෂයා॑ දීක්ෂි॒තඃ ।
තයා᳚ ත්වා දී॒ක්ෂයා॑ දීක්ෂයාමි ।
ආපෝ॑ දී॒ක්ෂා । තයා॒ වරු॑ණෝ॒ රාජා॑ දී॒ක්ෂයා॑ දීක්ෂි॒තඃ । යයා॒ වරු॑ණෝ॒ රාජා॑ දී॒ක්ෂයා॑ දීක්ෂි॒තඃ । තයා᳚ ත්වා දී॒ක්ෂයා॑ දීක්ෂයාමි ।
ඕෂ॑ධයෝ දී॒ක්ෂා ॥ 84 ॥

තයා॒ සෝමෝ॒ රාජා॑ දී॒ක්ෂයා॑ දීක්ෂි॒තඃ। යයා॒ සෝමෝ॒ රාජා॑ දී॒ක්ෂයා॑ දීක්ෂි॒තඃ ।
තයා᳚ ත්වා දී॒ක්ෂයා॑ දීක්ෂයාමි । වාග් දී॒ක්ෂා ।
තයා᳚ ප්රා॒ණෝ දී॒ක්ෂයා॑ දීක්ෂි॒තඃ ।
යයා᳚ ප්රා॒ණෝ දී॒ක්ෂයා॑ දීක්ෂි॒තඃ ।
තයා᳚ ත්වා දී॒ක්ෂයා॑ දීක්ෂයාමි । පෘ॒ථි॒වී ත්වා॒ දීක්ෂ॑මාණ॒මනු॑ දීක්ෂතාම් ।
අ॒න්තරි॑ක්ෂ-න්ත්වා॒ දීක්ෂ॑මාණ॒මනු॑ දීක්ෂතාම් ।
ද්යෞස්ත්වා॒ දීක්ෂ॑මාණ॒මනු॑ දීක්ෂතාම් ॥ 85 ॥

දිශ॑ස්ත්වා॒ දීක්ෂ॑මාණ॒මනු॑ දීක්ෂන්තාම් । ආප॑ස්ත්වා॒ දීක්ෂ॑මාණ॒මනු॑ දීක්ෂන්තාම් ।
ඕෂ॑ධයස්ත්වා॒ දීක්ෂ॑මාණ॒මනු॑ දීක්ෂන්තාම් । වාක්ත්වා॒ දීක්ෂ॑මාණ॒මනු॑ දීක්ෂතාම් ।
ඍච॑ස්ත්වා॒ දීක්ෂ॑මාණ॒මනු॑ දීක්ෂන්තාම් । සාමා॑නි ත්වා॒ දීක්ෂ॑මාණ॒මනු॑ දීක්ෂන්තාම් ।
යජූග්​ම්॑ෂි ත්වා॒ දීක්ෂ॑මාණ॒මනු॑ දීක්ෂන්තාම් । අහ॑ශ්ච॒ රාත්රි॑ශ්ච । කෘ॒ෂිශ්ච॒ වෘෂ්ටි॑ශ්ච । ත්විෂි॒ශ්චා-ප॑චිතිශ්ච ॥ 86 ॥

ආප॒ශ්චෞෂ॑ධයශ්ච । ඌර්ක්ච॑ සූ॒නෘතා॑ ච । තාස්ත්වා॒ දීක්ෂ॑මාණ॒මනු॑ දීක්ෂන්තාම් ॥
ස්වේ දක්ෂේ॒ දක්ෂ॑පිතේ॒හ සී॑ද । දේ॒වානාග්​ම්॑ සු॒ම්නෝ ම॑හ॒තේ රණා॑ය । ස්වා॒ස॒ස්ථ-ස්ත॒නුවා॒ සං​විඁ ॑ශස්ව । පි॒තේවෛ॑ධි සූ॒නව॒ ආ සු॒ශේවඃ॑ ।
ශි॒වෝ මා॑ ශි॒වමාවි॑ශ । ස॒ත්ය-ම්ම॑ ආ॒ත්මා । ශ්ර॒ද්ධා මේ ऽක්ෂි॑තිඃ ॥ 87 ॥

තපෝ॑ මේ ප්රති॒ෂ්ඨා । ස॒වි॒තෘ-ප්ර॑සූතා මා॒ දිශෝ॑ දීක්ෂයන්තු । ස॒ත්යම॑ස්මි ॥ අ॒හ-න්ත්වද॑ස්මි॒ මද॑සි॒ ත්වමේ॒තත් । මමා॑සි॒ යෝනි॒ස්තව॒ යෝනි॑රස්මි । මමෛ॒ව සන්වහ॑ හ॒ව්යාන්ය॑ග්නේ ।
පු॒ත්රඃ පි॒ත්රේ ලෝ॑ක॒කෘ-ජ්ජා॑තවේදඃ ॥
ආ॒ජුහ්වා॑න-ස්සු॒ප්රතී॑කඃ පු॒රස්තා᳚ත් ।
අග්නේ॒ ස්වාං-යෝඁනි॒මාසී॑ද සා॒ද්ධ්යා ।
අ॒ස්මින්-ථ්ස॒ධස්ථේ॒ අද්ධ්යුත්ත॑රස්මින්න් ॥ 88 ॥

විශ්වේ॑ දේවා॒ යජ॑මානශ්ච සීදත ॥
ඒක॑මි॒ෂේ විෂ්ණු॒ස්ත්වා-ऽන්වේ॑තු ।
ද්වේ ඌ॒ර්ජේ විෂ්ණු॒ස්ත්වා-ऽන්වේ॑තු ।
ත්රීණි॑ ව්ර॒තාය॒ විෂ්ණු॒ස්ත්වා-ऽන්වේ॑තු ।
ච॒ත්වාරි॒ මායෝ॑ භවාය॒ විෂ්ණු॒ස්ත්වා-ऽන්වේ॑තු ।
පඤ්ච॑ ප॒ශුභ්යෝ॒ විෂ්ණු॒ස්ත්වා-ऽන්වේ॑තු । ෂඩ්රා॒යස්පෝෂා॑ය॒ විෂ්ණු॒ස්ත්වා-ऽන්වේ॑තු ।
ස॒ප්ත ස॒ප්තභ්යෝ॒ හෝත්රා᳚භ්යෝ॒ විෂ්ණු॒ස්ත්වා-ऽන්වේ॑තු ॥
සඛා॑ය-ස්ස॒ප්තප॑දා අභූම । ස॒ඛ්ය-න්තේ॑ ගමේයම් ॥ 89 ॥

ස॒ඛ්යාත්තේ॒ මා යෝ॑ෂම් । ස॒ඛ්යාන්මේ॒ මා යෝ᳚ෂ්ඨාඃ ॥ සා-ऽසි॑ සුබ්රහ්මණ්යේ ।
තස්යා᳚ස්තේ පෘථි॒වී පාදඃ॑ । සා-ऽසි॑ සුබ්රහ්මණ්යේ । තස්යා᳚ස්තේ॒-ऽන්තරි॑ක්ෂ॒-ම්පාදඃ॑ ।
සා-ऽසි॑ සුබ්රහ්මණ්යේ । තස්යා᳚ස්තේ॒ ද්යෞඃ පාදඃ॑ । සා-ऽසි॑ සුබ්රහ්මණ්යේ । තස්යා᳚ස්තේ॒ දිශඃ॒ පාදඃ॑ ॥ 90 ॥

ප॒රෝ ර॑ජාස්තේ පඤ්ච॒මඃ පාදඃ॑ । සා න॒ ඉෂ॒මූර්ජ॑-න්ධුක්ෂ්ව । තේජ॑ ඉන්ද්රි॒යම් । බ්ර॒හ්ම॒ව॒ර්ච॒ස-ම॒න්නාද්ය᳚ම් ॥ විමි॑මේ ත්වා॒ පය॑ස්වතීම් । දේ॒වානා᳚-න්ධේ॒නුග්​ම් සු॒දුඝා॒-මන॑ප-ස්ඵුරන්තීම් । ඉන්ද්ර॒-ස්සෝම॑-ම්පිබතු ।
ක්ෂේමෝ॑ අස්තු නඃ ॥ ඉ॒මා-න්න॑රාඃ කෘණුත॒ වේදි॒මේත්ය॑ । වසු॑මතීග්​ම් රු॒ද්රව॑තී-මාදි॒ත්යව॑තීම් ॥ 91 ॥

වර්​ෂ්ම॑න්දි॒වඃ । නාභා॑ පෘථි॒ව්යාඃ ।
යථා॒-ऽයං-යඁජ॑මානෝ॒ න රිෂ්යේ᳚ත් ।
දේ॒වස්ය॑ සවි॒තු-ස්ස॒වේ ॥
චතු॑-ශ්ශිඛණ්ඩා යුව॒ති-ස්සු॒පේශාඃ᳚ ।
ඝෘ॒තප්ර॑තීකා॒ භුව॑නස්ය॒ මද්ධ්යේ᳚ ।
තස්යාග්​ම්॑ සුප॒ර්ණාවධි॒ යෞ නිවි॑ෂ්ටෞ ।
තයෝ᳚ ර්දේ॒වානා॒මධි॑ භාග॒ධේය᳚ම් ॥
අප॒ ජන්ය॑-ම්භ॒ය-න්නු॑ද । අප ච॒ක්රාණි॑ වර්තය । ගෘ॒හග්​ම් සෝම॑ස්ය ගච්ඡතම් ॥
න වා උ॑වේ॒තන්ම්රි॑යසේ॒ න රි॑ෂ්යසි ।
දේ॒වාග්​ම් ඉදේ॑ෂි ප॒ථිභි॑-ස්සු॒ගේභිඃ॑ ।
යත්ර॒ යන්ති॑ සු॒කෘතෝ॒ නාපි॑ දු॒ෂ්කෘතඃ॑ ।
තත්ර॑ ත්වා දේ॒ව-ස්ස॑වි॒තා ද॑ධාතු ॥ 92 ॥
(බ්රහ්ම॑ණෝ॒ යෝනි॒ - රග්​ම්හ॑සඃ - ප॒ඞ්ක්ති-ම්ප්රප॑ද්යේ - දී॒ක්ෂා - යයෝ॑-ऽऽදි॒ත්යෝ දී॒ක්ෂයා॑ දීක්ෂි॒ත - ස්තයා᳚ ත්වා දී॒ක්ෂයා॑ දීක්ෂයා॒ම්යෝෂ॑ධයෝ දී॒ක්ෂා - ද්යෞස්ත්වා॒ දීක්ෂ॑මාණ॒මනු॑ දීක්ෂතා॒ - මප॑චිති॒ශ්චා - ක්ෂි॑ති॒ - රුත්ත॑රස්මින් - ගමේයං॒ - දිශඃ॒ පාද॑ - ආදි॒ත්යව॑තීං - ඁවර්තය॒ පඤ්ච॑ ච) (අ. 7)

අනුවාකං 8 - පශුවිෂයා අච්ඡිද්රමන්ත්රාඃ
යද॒ස්ය පා॒රේ රජ॑සඃ । ශු॒ක්ර-ඤ්ජ්යෝති॒-රජා॑යත । තන්නඃ॑ පර්​ෂ॒දති॒ ද්විෂඃ॑ ।
අග්නේ॑ වෛශ්වානර॒ ස්වාහා᳚ ॥ යස්මා᳚ද්භී॒ෂා-ऽවා॑ශිෂ්ඨාඃ । තතෝ॑ නෝ॒ අභ॑ය-ඞ්කෘධි ।
ප්ර॒ජාභ්ය॒-ස්සර්වා᳚භ්යෝ මෘඩ । නමෝ॑ රු॒ද්රාය॑ මී॒ඪුෂේ᳚ ॥ යස්මා᳚ද්භී॒ෂා න්යෂ॑දඃ ।
තතෝ॑ නෝ॒ අභ॑ය-ඞ්කෘධි ॥ 93 ॥

ප්ර॒ජාභ්ය॒-ස්සර්වා᳚භ්යෝ මෘඩ । නමෝ॑ රු॒ද්රාය॑ මී॒ඪුෂේ᳚ ॥ උදු॑ස්ර තිෂ්ඨ॒ ප්රති॑තිෂ්ඨ॒ මා රි॑ෂඃ । මේමං-යඁ॒ජ්ඤං-යඁජ॑මාන-ඤ්ච රීරිෂඃ । සු॒ව॒ර්ගේ ලෝ॒කේ යජ॑මාන॒ග්​ම්॒ හි ධේ॒හි । ශ-න්න॑ ඒධි ද්වි॒පදේ॒ ශ-ඤ්චතු॑ෂ්පදේ ॥
යස්මා᳚ද්භී॒ෂා-ऽවේ॑පිෂ්ඨාඃ ප॒ලායි॑ෂ්ඨා-ස්ස॒මජ්ඤා᳚ස්ථාඃ । තතෝ॑ නෝ॒ අභ॑ය-ඞ්කෘධි ।
ප්ර॒ජාභ්ය॒-ස්සර්වා᳚භ්යෝ මෘඩ । නමෝ॑ රු॒ද්රාය॑ මී॒ඪුෂේ᳚ ॥ 94 ॥

ය ඉ॒දමකඃ॑ । තස්මෛ॒ නමඃ॑ । තස්මෛ॒ ස්වාහා᳚ ॥
න වා උ॑වේ॒තන්ම්රි॑යසේ॒ න රි॑ෂ්යසි දේ॒වාග්​ම් ඉදේ॑ෂි ප॒ථිභි॑-ස්සු॒ගේභිඃ॑ । හරී॑ තේ॒ යුඤ්ජා॒ පෘෂ॑තී අභූතා॒මුපා᳚ස්ථා-ද්වා॒ජී ධු॒රි රාස॑භස්ය ॥ । ආශා॑නා-න්ත්වා ऽऽශාපා॒ලේභ්යඃ॑ । ච॒තුර්භ්යෝ॑ අ॒මෘතේ᳚භ්යඃ । ඉ॒ද-ම්භූ॒තස්යාධ්ය॑ක්ෂේභ්යඃ । වි॒ධේම॑ හ॒විෂා॑ ව॒යම් ॥
විශ්වා॒ ආශා॒ මධු॑නා॒ සග්​ම්සෘ॑ජාමි । අ॒න॒මී॒වා ආප॒ ඕෂ॑ධයෝ භවන්තු । අ॒යං-යඁජ॑මානෝ॒ මෘධෝ॒ ව්ය॑ස්යතාම් । අගෘ॑භීතාඃ ප॒ශව॑-ස්සන්තු॒ සර්වේ᳚ ॥ ॥ ය॒ජ්ඤස්ය॒ හි ස්ථ ඍ॒ත්වියෞ᳚ ।
ඉන්ද්රා᳚ග්නී॒ චේත॑නස්ය ච । හු॒තා॒හු॒තස්ය॑ තෘප්යතම් । අහු॑තස්ය හු॒තස්ය॑ ච । හු॒තස්ය॒ චාහු॑තස්ය ච । අහු॑තස්ය හු॒තස්ය॑ ච । ඉන්ද්රා᳚ග්නී අ॒ස්ය සෝම॑ස්ය । වී॒ත-ම්පි॑බත-ඤ්ජු॒ෂේථා᳚ම් ॥
මා යජ॑මාන॒-න්තමෝ॑ විදත් । මර්ත්විජෝ॒ මෝ ඉ॒මාඃ ප්ර॒ජාඃ । මා ය-ස්සෝම॑මි॒ම-ම්පිබා᳚ත් । සග්​ම්සෘ॑ෂ්ටමු॒භය॑-ඞ්කෘ॒තම් ॥ 95 ॥
(කෘ॒ධි॒ - මී॒ඪුෂේ - ऽහු॑තස්ය ච ස॒ප්ත ච॑) (අ. 8)

අනුවාකං 9 - උපාංශ්වභිෂවා මන්ත්රාඃ
අ॒නා॒ගස॑ස්ත්වා ව॒යම් । ඉන්ද්රේ॑ණ॒ ප්රේෂි॑තා॒ උප॑ । වා॒යුෂ්ටේ॑ අස්ත්වග්​ම්ශ॒භූඃ । මි॒ත්රස්තේ॑ අස්ත්වග්​ම්ශ॒භූඃ । වරු॑ණස්තේ අස්ත්වග්​ම්ශ॒භූඃ ॥
අපා᳚-ඞ්ක්ෂයා॒ ඍත॑ස්ය ගර්භාඃ । භුව॑නස්ය ගෝපා॒-ශ්ශ්යේනා॑ අතිථයඃ । පර්ව॑තානා-ඞ්කකුභඃ ප්ර॒යුතෝ॑ නපාතාරඃ । ව॒ග්නුනේන්ද්රග්ග්॑ හ්වයත ।
ඝෝෂේ॒ණාමී॑-වාග්​ශ්චාතයත ॥ 96 ॥

යු॒ක්තා-ස්ස්ථ॒ වහ॑ත ॥ දේ॒වා ග්රාවා॑ණ॒ ඉන්දු॒රින්ද්ර॒ ඉත්ය॑වාදිෂුඃ । ඒන්ද්ර॑මචුච්යවුඃ පර॒මස්යාඃ᳚ පරා॒වතඃ॑ । ආ-ऽස්මා-ථ්ස॒ධස්ථා᳚ත් ।
ඕරෝර॒න්තරි॑ක්ෂාත් । ආ සු॑භූ॒තම॑සුෂවුඃ । බ්ර॒හ්ම॒ව॒ර්ච॒ස-ම්ම॒ ආ-ऽසු॑ෂවුඃ ।
ස॒ම॒රේ රක්ෂාග්॑ස්යවධිෂුඃ । අප॑හත-ම්බ්රහ්ම॒ජ්යස්ය॑ ॥ වාක්ච॑ ත්වා॒ මන॑ශ්ච ශ්රිණීතාම් ॥ 97 ॥

ප්රා॒ණශ්ච॑ ත්වා-ऽපා॒නශ්ච॑ ශ්රීණීතාම් ।
චක්ෂු॑ශ්ච ත්වා॒ ශ්රෝත්ර॑-ඤ්ච ශ්රීණීතාම් ।
දක්ෂ॑ශ්ච ත්වා॒ බල॑-ඤ්ච ශ්රීණීතාම් । ඕජ॑ශ්ච ත්වා॒ සහ॑ශ්ච ශ්රීණීතාම් । ආයු॑ශ්ච ත්වා ජ॒රා ච॑ ශ්රීණීතාම් । ආ॒ත්මා ච॑ ත්වා ත॒නූශ්ච॑ ශ්රීණීතාම් । ශෘ॒තෝ॑-ऽසි ශෘ॒ත-ඞ්කෘ॑තඃ । ශෘ॒තාය॑ ත්වා ශෘ॒තේභ්ය॑ස්ත්වා ॥
යමින්ද්ර॑මා॒හු ර්වරු॑ණං॒-යඁමා॒හුඃ । ය-ම්මි॒ත්රමා॒හු-ර්යමු॑ ස॒ත්යමා॒හුඃ ॥ 98 ॥

යෝ දේ॒වානා᳚-න්දේ॒වත॑මස්තපෝ॒ජාඃ । තස්මෛ᳚ ත්වා॒ තේභ්ය॑ස්ත්වා ॥ මයි॒ ත්යදි॑න්ද්රි॒ය-ම්ම॒හත් । මයි॒ දක්ෂෝ॒ මයි॒ ක්රතුඃ॑ । මයි॑ ධායි සු॒වීර්ය᳚ම් । ත්රිශු॑ග්ඝ॒ර්මෝ විභා॑තු මේ । ආකූ᳚ත්යා॒ මන॑සා ස॒හ ।
වි॒රාජා॒ ජ්යෝති॑ෂා ස॒හ । ය॒ජ්ඤේන॒ පය॑සා ස॒හ ।
තස්ය॒ දෝහ॑මශීමහි ॥ 99 ॥

තස්ය॑ සු॒ම්නම॑ශීමහි । තස්ය॑ භ॒ක්ෂම॑ශීමහි ।
වාග්ජු॑ෂා॒ණා සෝම॑ස්ය තෘප්යතු ॥ මි॒ත්රෝ ජනාන්॑ යාතයති ප්රජා॒න-න්මි॒ත්රෝ දා॑ධාර පෘථි॒වීමු॒ත ද්යාම් । මි॒ත්රඃ කෘ॒ෂ්ටීරනි॑මිෂා॒-ऽභි ච॑ෂ්ටේ ස॒ත්යාය॑ හ॒ව්ය-ඞ්ඝෘ॒තව॑-ද්විධේම ॥ ප්ර ස මි॑ත්ර॒ මර්තෝ॑ අස්තු॒ ප්රය॑ස්වා॒න්. යස්ත॑ ආදිත්ය॒ ශික්ෂ॑ති ව්ර॒තේන॑ । න හ॑න්යතේ॒ න ජී॑යතේ॒ ත්වෝතෝ॒ නෛන॒මග්​ම්හෝ॑ අශ්නෝ॒ත්යන්ති॑තෝ॒ න දූ॒රාත් ॥ ॥ යස්මා॒න්න ජා॒තඃ පරෝ॑ අ॒න්යෝ අස්ති॑ । ය ආ॑වි॒වේශ॒ භුව॑නානි॒ විශ්වා᳚ ।
ප්ර॒ජාප॑තිඃ ප්ර॒ජයා॑ සං​විඁදා॒නඃ ।
ත්රීණි॒ ජ්යෝතීග්​ම්॑ෂි සචතේ॒ ස ෂෝ॑ඩ॒ශී ॥
ඒ॒ෂ බ්ර॒හ්මා ය ඍ॒ත්වියඃ॑ ।
ඉන්ද්රෝ॒ නාම॑ ශ්රු॒තෝ ග॒ණේ ॥ 100 ॥

ප්ර තේ॑ ම॒හේ වි॒දථේ॑ ऽශග්​ම්සිෂ॒ග්​ම්॒ හරී᳚ । ය ඍ॒ත්වියඃ॒ ප්ර තේ॑ වන්වේ ।
ව॒නුෂෝ॑ හර්ය॒ත-ම්මද᳚ම් ॥ ඉන්ද්රෝ॒ නාම॑ ඝෘ॒ත-න්න යඃ । හරි॑භි॒ශ්චාරු॒ සේච॑තේ ।
ශ්රු॒තෝ ග॒ණ ආ ත්වා॑ විශන්තු । හරි॑වර්පස॒ගිංරඃ॑ ॥
ඉන්ද්රාධි॑ප॒තේ-ऽධි॑පති॒ස්ත්ව-න්දේ॒වානා॑මසි । අධි॑පති॒-ම්මාම් । ආයු॑ෂ්මන්තං॒-වඁර්ච॑ස්වන්ත-ම්මනු॒ෂ්යේ॑ෂු කුරු ॥ 101 ॥

ඉන්ද්ර॑ශ්ච ස॒ම්රා-ඩ්වරු॑ණශ්ච॒ රාජා᳚ ।
තෞ තේ॑ භ॒ක්ෂ-ඤ්ච॑ක්රතු॒රග්ර॑ ඒ॒තම් ।
තයෝ॒රනු॑ භ॒ක්ෂ-ම්භ॑ක්ෂයාමි ।
වාග්ජු॑ෂා॒ණා සෝම॑ස්ය තෘප්යතු ॥
ප්ර॒ජාප॑ති ර්වි॒ශ්වක॑ර්මා । තස්ය॒ මනෝ॑ දේ॒වං-යඁ॒ජ්ඤේන॑ රාද්ධ්යාසම් । අ॒ර්ථේ॒ ගා අ॒ස්ය ජ॑හිතඃ । අ॒ව॒සාන॑පතේ-ऽව॒සාන॑-ම්මේ වින්ද ॥
නමෝ॑ රු॒ද්රාය॑ වාස්තෝ॒ෂ්පත॑යේ ।
ආය॑නේ වි॒ද්රව॑ණේ ॥ 102 ॥

උ॒ද්යානේ॒ යත්ප॒රාය॑ණේ । ආ॒වර්ත॑නේ වි॒වර්ත॑නේ ।
යෝ ගෝ॑පා॒යති॒ තග්​ම් හු॑වේ ॥
යාන්ය॑පා॒මිත්යා॒-න්යප්ර॑තීත්තා॒-න්යස්මි॑ ।
ය॒මස්ය॑ බ॒ලිනා॒ චරා॑මි ।
ඉ॒හෛව සන්තඃ॒ ප්රති॒ තද්යා॑තයාමඃ ।
ජී॒වා ජී॒වේභ්යෝ॒ නිහ॑රාම ඒනත් ॥
අ॒නෘ॒ණා අ॒ස්මින්න॑-නෘ॒ණාඃ පර॑ස්මින්න් ।
තෘ॒තීයේ॑ ලෝ॒කේ අ॑නෘ॒ණා-ස්ස්යා॑ම ।
යේ දේ॑ව॒යානා॑ උ॒ත පි॑තෘ॒යාණාඃ᳚ ॥ 103 ॥

සර්වා᳚-න්ප॒ථෝ අ॑නෘ॒ණා ආක්ෂී॑යේම ॥
ඉ॒දමූ॒ නු ශ්රේයෝ॑-ऽව॒සාන॒-මාග॑න්ම ।
ශි॒වේ නෝ॒ ද්යාවා॑පෘථි॒වී උ॒භේ ඉ॒මේ । ගෝම॒ද්ධන॑-ව॒දශ්ව॑ව॒-දූර්ජ॑ස්වත් ।
සු॒වීරා॑ වී॒රෛරනු॒ සඤ්ච॑රේම ॥ අ॒ර්කඃ ප॒විත්ර॒ග්​ම්॒ රජ॑සෝ වි॒මානඃ॑ ।
පු॒නාති॑ දේ॒වානා॒-ම්භුව॑නානි॒ විශ්වා᳚ । ද්යාවා॑පෘථි॒වී පය॑සා සං​විඁදා॒නේ ।
ඝෘ॒ත-න්දු॑හාතේ අ॒මෘත॒-ම්ප්රපී॑නේ ॥ ප॒විත්ර॑ම॒ර්කෝ රජ॑සෝ වි॒මානඃ॑ ।
පු॒නාති॑ දේ॒වානා॒-ම්භුව॑නානි॒ විශ්වා᳚ ।
සුව॒ ර්ජ්යෝති॒ ර්යශෝ॑ ම॒හත් ।
අ॒ශී॒මහි॑ ගා॒ධමු॒ත ප්ර॑ති॒ෂ්ඨාම් ॥ 104 ॥
(චා॒ත॒ය॒ත॒ - ශ්රී॒ණී॒තා॒ග්​ම්॒ - ස॒ත්යමා॒හු - ර॑ශීමහි - ග॒ණේ - කු॑රු - වි॒ද්රව॑ණේ - පිතෘ॒යාණා॑ - අ॒ර්කෝ රජ॑සෝ වි॒මාන॒ස්ත්රීණි॑ ච) (අ. 9)

අනුවාකං 10 - සෞමිකප්රායාශ්චිත්තමන්ත්රාඃ
උද॑ස්තාම්ඵ්සී-ථ්සවි॒තා මි॒ත්රෝ අ॑ර්ය॒මා ।
සර්වා॑-න॒මිත්රා॑-නවධීද්යු॒ගේන॑ ।
බෘ॒හන්ත॒-ම්මාම॑කර-ද්වී॒රව॑න්තම් । ර॒ථ॒න්ත॒රේ ශ්ර॑යස්ව॒ ස්වාහා॑ පෘථි॒ව්යාම් ।
වා॒ම॒දේ॒ව්යේ ශ්ර॑යස්ව॒ ස්වාහා॒-ऽන්තරි॑ක්ෂේ । බෘ॒හ॒ති ශ්ර॑යස්ව॒ ස්වාහා॑ දි॒වි ।
බෘ॒හ॒තා ත්වෝප॑ස්තභ්නෝමි ॥
ආ ත්වා॑ දදේ॒ යශ॑සේ වී॒ර්යා॑ය ච ।
අ॒ස්මාස්ව॑-ඝ්නියා යූ॒ය-න්ද॑ධාථේන්ද්රි॒ය-ම්පයඃ॑ ॥ යස්තේ᳚ ද්ර॒ඵ්සෝ යස්ත॑ උද॒ර්॒ෂඃ ॥ 105 ॥

දෛව්යඃ॑ කේ॒තු ර්විශ්ව॒-ම්භුව॑න-මාවි॒වේශ॑ ।
ස නඃ॑ පා॒හ්යරි॑ෂ්ට්යෛ॒ ස්වාහා᳚ ॥
අනු॑ මා॒ සර්වෝ॑ ය॒ජ්ඤෝ॑-ऽයමේ॑තු ।
විශ්වේ॑ දේ॒වා ම॒රුත॒-ස්සාමා॒ර්කඃ ।
ආ॒ප්රිය॒ ॑007ආ;ඡන්දාග්​ම්॑සි නි॒විදෝ॒ යජූග්​ම්॑ෂි । අ॒ස්යෛ පෘ॑ථි॒ව්යෛ යද්ය॒ජ්ඤිය᳚ම් ॥
ප්ර॒ජාප॑තේ ර්වර්ත॒නිමනු॑ වර්තස්ව ।
අනු॑ වී॒රෛරනු॑ රාද්ධ්යාම॒ ගෝභිඃ॑ ।
අන්වශ්වෛ॒රනු॒ සර්වෛ॑රු පු॒ෂ්ටෛඃ ।
අනු॑ ප්ර॒ජයා-ऽන්වි॑න්ද්රි॒යේණ॑ ॥ 106 ॥

දේ॒වා නෝ॑ ය॒ජ්ඤ-මෘ॑ජු॒ධා න॑යන්තු ॥
ප්රති॑ ක්ෂ॒ත්රේ ප්රති॑ තිෂ්ඨාමි රා॒ෂ්ට්රේ ।
ප්රත්යශ්වේ॑ෂු॒ ප්රති॑තිෂ්ඨාමි॒ ගෝෂු॑ ।
ප්රති॑ ප්ර॒ජායා॒-ම්ප්රති॑ තිෂ්ඨාමි॒ භව්යේ᳚ ।
විශ්ව॑ම॒න්යා-ऽභි॑ වාවෘ॒ධේ । තද॒න්යස්යා॒-මධි॑ශ්රි॒තම් । දි॒වේ ච॑ වි॒ශ්වක॑ර්මණේ ।
පෘ॒ථි॒ව්යෛ චා॑කර॒-න්නමඃ॑ ॥ අස්කා॒න්ද්යෞඃ පෘ॑ථි॒වීම් । අස්කා॑නෘෂ॒භෝ යුවා॒ ගාඃ ॥ 107 ॥

ස්ක॒න්නේමා විශ්වා॒ භුව॑නා । ස්ක॒න්නෝ ය॒ජ්ඤඃ ප්රජ॑නයතු । අස්කා॒නජ॑නි॒ ප්රාජ॑නි ।
ආ ස්ක॒න්නාජ්ජා॑යතේ॒ වෘෂා᳚ । ස්ක॒න්නා-ත්ප්රජ॑නිෂීමහි ॥ යේ දේ॒වා යේෂා॑මි॒ද-ම්භා॑ග॒ධේය॑-ම්බ॒භූව॑ । යේෂා᳚-ම්ප්රයා॒ජා උ॒තානූ॑යා॒ජාඃ । ඉන්ද්ර॑ජ්යේෂ්ඨේභ්යෝ॒ වරු॑ණරාජභ්යඃ । අ॒ග්නිහෝ॑තෘභ්යෝ දේ॒වේභ්ය॒-ස්ස්වාහා᳚ ॥ උ॒ත ත්යා නෝ॒ දිවා॑ ම॒තිඃ ॥ 108 ॥

අදි॑තිරූ॒ත්යා-ऽऽග॑මත් । සා ශන්තා॑චී॒ මය॑ස්කරත් । අප॒ ස්රිධඃ॑ ॥ උ॒ත ත්යා දෛව්යා॑ භි॒ෂජා᳚ । ශ-න්න॑ස්කරතෝ අ॒ශ්විනා᳚ । යූ॒යාතා॑-ම॒ස්මද්රපඃ॑ ।
අප॒ ස්රිධඃ॑ ॥ ශම॒ග්නි-ර॒ග්නිභි॑ස්කරත් । ශ-න්න॑ස්තපතු॒ සූර්යඃ॑ । ශං-වාඁතෝ॑ වාත්වර॒පාඃ ॥ 109 ॥

අප॒ ස්රිධඃ॑ ॥ තදිත්ප॒ද-න්න විචි॑කේත වි॒ද්වාන් ।
යන්මෘ॒තඃ පුන॑ර॒ප්යේති॑ ජී॒වාන් । ත්රි॒වෘද්ය-ද්භුව॑නස්ය රථ॒වෘත් । ජී॒වෝ ගර්භෝ॒ න මෘ॒ත-ස්ස ජී॑වාත් ॥ ප්රත්ය॑ස්මෛ॒ පිපී॑ෂතේ । වි॒ශ්වා॑නි වි॒දුෂේ॑ භර । අ॒ර॒-ඞ්ග॒මාය॒ ජග්ම॑වේ ।
අප॑ශ්චාද්දධ්වනේ॒ නරේ᳚ (ඕ-රප॑ශ්චාද්දඝ්වනේ॒ නරේ᳚) ॥ ඉන්දු॒රින්දු॒ම-වා॑ගාත් ।
ඉන්දෝ॒රින්ද්රෝ॑-ऽපාත් । තස්ය॑ ත ඉන්ද॒වින්ද්ර॑-පීතස්ය॒ මධු॑මතඃ । උප॑හූත॒ස්යෝප॑හූතෝ භක්ෂයාමි ॥ 110 ॥
(උ॒ද॒ර්॒ෂ - ඉ॑න්ද්රි॒යේණ॒ - ගා - ම॒ති - ර॑ර॒පා - අ॑ගා॒ත්රීණි॑ ච) (අ. 10)

අනුවාකං 11 - දර්​ශපූර්ණමාසප්රායශ්චිත්තමන්ත්රාඃ
බ්රහ්ම॑ ප්රති॒ෂ්ඨා මන॑සෝ॒ බ්රහ්ම॑ වා॒චඃ । බ්රහ්ම॑ ය॒ජ්ඤානාග්​ම්॑ හ॒විෂා॒-මාජ්ය॑ස්ය ।
අති॑රික්ත॒-ඞ්කර්ම॑ණෝ॒ යච්ච॑ හී॒නම් । ය॒ජ්ඤඃ පර්වා॑ණි ප්රති॒රන්නේ॑ති ක॒ල්පයන්න්॑ ।
ස්වාහා॑කෘ॒තා-ऽऽහු॑තිරේතු දේ॒වාන් ॥ ආශ්රා॑විතම॒ත්යාශ්රා॑විතම් ।
වෂ॑ට්කෘත-ම॒ත්යනූ᳚ක්ත-ඤ්ච ය॒ජ්ඤේ ।
අති॑රික්ත॒-ඞ්කර්ම॑ණෝ॒ යච්ච॑ හී॒නම් ।
ය॒ජ්ඤඃ පර්වා॑ණි ප්රති॒රන්නේ॑ති ක॒ල්පයන්න්॑ ।
ස්වාහා॑කෘ॒තා-ऽऽහු॑තිරේතු දේ॒වාන් ॥ 111 ॥

යද්වෝ॑ දේවා අතිපා॒දයා॑නි । වා॒චා චි॒ත්ප්රය॑ත-න්දේව॒ හේඩ॑නම් । අ॒රා॒යෝ අ॒ස්මාග්​ම් අ॒භි-දු॑ච්ඡුනා॒යතේ᳚। අ॒න්යත්රා॒ස්ම-න්ම॑රුත॒ස්ත-න්නිධේ॑තන ॥ ත॒ත-ම්ම॒ ආප॒ස්තදු॑ තායත॒ පුනඃ॑ । ස්වාදි॑ෂ්ඨා ධී॒තිරු॒චථා॑ය ශස්යතේ ।
අ॒යග්​ම් ස॑මු॒ද්ර උ॒ත වි॒ශ්වභේ॑ෂජඃ ।
ස්වාහා॑-කෘතස්ය॒ සමු॑තෘප්ණුත ර්භුවඃ ॥
උද්ව॒ය-න්තම॑ස॒ස්පරි॒ පශ්ය॑න්තෝ॒ ජ්යෝති॒රුත්ත॑රම් । දේ॒ව-න්දේ॑ව॒ත්රා සූර්ය॒මග॑න්ම॒ ජ්යෝති॑රුත්ත॒මම් ॥ ।
උදු॒ ත්ය-ඤ්ජා॒තවේ॑දස-න්දේ॒වං-වඁ ॑හන්ති කේ॒තවඃ॑ । දෘ॒ශේ විශ්වා॑ය॒ සූර්ය᳚ම් ॥ චි॒ත්ර-න්දේ॒වානා॒-මුද॑ගා॒දනී॑ක॒-ඤ්චක්ෂු॑-ර්මි॒ත්රස්ය॒ වරු॑ණස්යා॒-ऽග්නේඃ । ආ-ऽ ප්රා॒ ද්යාවා॑පෘථි॒වී අ॒න්තරි॑ක්ෂ॒ග්​ම්॒ සූර්ය॑ ආ॒ත්මා ජග॑තස්ත॒ස්ථුෂ॑ශ්ච ॥ ॥ 112 ॥

ඉ॒ම-ම්මේ॑ වරුණ ශ්රුධී॒ හව॑ම॒ද්යා ච॑ මෘඩය । ත්වාම॑ව॒ස්යුරා ච॑කේ ॥ තත්ත්වා॑ යාමි॒ බ්රහ්ම॑ණා॒ වන්ද॑මාන॒-ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ධ්යුරු॑ශග්​ම්ස॒ මා න॒ ආයුඃ॒ ප්රමෝ॑ෂීඃ ॥ ।
ත්ව-න්නෝ॑ අග්නේ॒ වරු॑ණස්ය වි॒ද්වා-න්දේ॒වස්ය॒ හේඩෝ-ऽව॑ යාසි සීෂ්ඨාඃ । යජි॑ෂ්ඨෝ॒ වහ්නි॑ තම॒-ශ්ශෝශු॑චානෝ॒ විශ්වා॒ ද්වේෂාග්​ම්॑සි॒ ප්රමු॑මුග්ධ්ය॒ස්මත් ॥
ස ත්වන්නෝ॑ අග්නේ-ऽව॒මෝ භ॑වෝ॒තී නේදි॑ෂ්ඨෝ අ॒ස්යා උ॒ෂසෝ॒ ව්යු॑ෂ්ටෞ । අව॑ යක්ෂ්ව නෝ॒ වරු॑ණ॒ග්​ම්॒ රරා॑ණෝ වී॒හි මෘ॑ඩී॒කග්​ම් සු॒හවෝ॑ න ඒධි ॥ । ත්වම॑ග්නේ අ॒යා-ऽසි॑ । අ॒යා සන්මන॑සා හි॒තඃ । අ॒යා සනඃඅ॒ව්යමූ॑හිෂේ । අ॒යා නෝ॑ ධේහි භේෂ॒ජම් । ඉ॒ෂ්ටෝ අ॒ග්නිරාහු॑තඃ । ස්වාහා॑කෘතඃ පිපර්තු නඃ । ස්ව॒ගා දේ॒වේභ්ය॑ ඉ॒ද-න්නමඃ॑ ॥ ප්රජා॑පතේ॒ න ත්වදේ॒තාන්ය॒න්යෝ විශ්වා॑ ජා॒තානි॒ පරි॒ තා බ॑භූව । යත්කා॑මාස්තේ ජුහු॒මස්තන්නෝ॑ අස්තු ව॒යග්ග්​ ස්යා॑ම॒ පත॑යෝ රයී॒ණාම් ॥ ॥ ඉ॒ම-ඤ්ජී॒වේභ්යඃ॑ පරි॒ධි-න්ද॑ධාමි । මෛෂා-න්නු॑ ගා॒දප॑රෝ॒ අර්ධ॑මේ॒තම් । ශ॒ත-ඤ්ජී॑වන්තු ශ॒රදඃ॑ පුරූ॒චීඃ । ති॒රෝ මෘ॒ත්යු-න්ද॑ධතා॒-ම්පර්ව॑තේන ॥
ඉ॒ෂ්ටේභ්ය॒-ස්ස්වාහා॒ වෂ॒ඩනි॑ෂ්ටේභ්ය॒-ස්ස්වාහා᳚ । භේ॒ෂ॒ජ-න්දුරි॑ෂ්ට්යෛ॒ ස්වාහා॒ නිෂ්කෘ॑ත්යෛ॒ ස්වාහා᳚ । දෞරා᳚ර්ධ්යෛ॒ ස්වාහා॒ දෛවී᳚භ්ය-ස්ත॒නූභ්ය॒-ස්ස්වාහා᳚ ॥ 113 ॥

ඍද්ධ්යෛ॒ ස්වාහා॒ සමෘ॑ද්ධ්යෛ॒ ස්වාහා᳚ ॥
යත॑ ඉන්ද්ර॒ භයා॑මහේ ।
තතෝ॑ නෝ॒ අභ॑ය-ඞ්කෘධි । මඝ॑වඤ්ඡ॒ග්ධි තව॒ තන්න॑ ඌ॒තයේ᳚ । වි ද්විෂෝ॒ වි මෘධෝ॑ ජහි ॥ ස්ව॒ස්ති॒දා වි॒ශස්පතිඃ॑ । වෘ॒ත්ර॒හා විමෘධෝ॑ ව॒ශී । වෘෂේන්ද්රඃ॑ පු॒ර ඒ॑තු නඃ । ස්ව॒ස්ති॒දා අ॑භය-ඞ්ක॒රඃ ॥ ආ॒භි ර්ගී॒ර්භි ර්යදතෝ॑ න ඌ॒නම් ॥ 114 ॥

ආප්යා॑යය හරිවෝ॒ වර්ධ॑මානඃ ।
ය॒දා ස්තෝ॒තෘභ්යෝ॒ මහි॑ ගෝ॒ත්රා රු॒ජාසි॑ ।
භූ॒යි॒ෂ්ඨ॒භාජෝ॒ අධ॑ තේ ස්යාම ॥ අනා᳚ජ්ඤාතං॒-යඁදාජ්ඤා॑තම් । ය॒ජ්ඤස්ය॑ ක්රි॒යතේ॒ මිථු॑ । අග්නේ॒ තද॑ස්ය කල්පය । ත්වග්​ම් හි වේත්ථ॑ යථාත॒ථම් ॥ පුරු॑ෂ සම්මිතෝ ය॒ජ්ඤඃ । ය॒ජ්ඤඃ පුරු॑ෂ සම්මිතඃ । අග්නේ॒ තද॑ස්ය කල්පය ।
ත්වග්​ම් හි වේත්ථ॑ යථාත॒ථම් ॥ ය-ත්පා॑ක॒ත්රා මන॑සා දී॒නද॑ක්ෂා॒ න । ය॒ජ්ඤස්ය॑ ම॒න්වතේ॒ මර්තා॑සඃ । අ॒ග්නිෂ්ටද්ධෝතා᳚ කෘතු॒විද්වි॑ජා॒නන්න් ।
යජි॑ෂ්ඨෝ දේ॒වාග්​ම් ඍ॑තු॒ශෝ ය॑ජාති ॥ 115 ॥
(දේ॒වාග්​ - ශ්චි॒ත්රං - ත॒නූභ්ය॒-ස්ස්වාහෝ॒ - නං - පුරු॑ෂසම්මි॒තෝ-ऽග්නේ॒ තද॑ස්ය කල්පය॒ පඤ්ච॑ ච) (අ. 11)

අනුවාකං 12 - අග්නිෂ්ටෝමාදෞ යජමානජප්යා මන්ත්රවිශේෂාඃ
යද්දේ॑වා දේව॒හේඩ॑නම් । දේවා॑සශ්චකෘ॒මා ව॒යම් । ආදි॑ත්යා॒-ස්තස්මා᳚න්මා මුඤ්චත ।
ඍ॒තස්ය॒ර්තේන॒ මාමු॒ත ॥ දේවා॑ ජීවනකා॒ම්යා යත් । වා॒චා-ऽනෘ॑තමූදි॒ම । අ॒ග්නිර්මා॒ තස්මා॒දේන॑සඃ । ගාර්​හ॑පත්යඃ॒ ප්රමු॑ඤ්චතු । දු॒රි॒තා යානි॑ චකෘ॒ම । ක॒රෝතු॒ මාම॑නේ॒ නස᳚ම් ॥ 116 ॥
ඍ॒තේන॑ ද්යාවාපෘථිවී । ඍ॒තේන॒ ත්වග්​ම් ස॑රස්වති । ඍ॒තාන්මා॑ මුඤ්ච॒තාග්​ම්හ॑සඃ । යද॒න්ය කෘ॑තමාරි॒ම ॥ ස॒ජා॒ත॒ශ॒ග්​ම්॒සාදු॒ත වා॑ ජාමිශ॒ග්​ම්॒සාත් । ජ්යාය॑ස॒-ශ්ශග්​ම්සා॑දු॒ත වා॒ කනී॑යසඃ । අනා᳚ජ්ඤාත-න්දේ॒වකෘ॑තං॒-යඁදේනඃ॑ । තස්මා॒ත්ත්වම॒ස්මා-ඤ්ජා॑තවේදෝ මුමුග්ධි ॥ යද්වා॒චා යන්මන॑සා । බා॒හුභ්යා॑-මූ॒රුභ්යා॑-මෂ්ඨී॒වද්භ්යා᳚ම් ॥ 117 ॥

ශි॒ශ්ඤෛ ර්යදනෘ॑ත-ඤ්චකෘ॒මා ව॒යම් । අ॒ග්නිර්මා॒ තස්මා॒දේන॑සඃ ॥ යද්ධස්තා᳚භ්යා-ඤ්ච॒කර॒ කිල්බි॑ෂාණි । අ॒ක්ෂාණාං᳚-වඁ॒ග්නුමු॑ප॒ ජිඝ්න॑මානඃ । දූ॒රේ॒ප॒ශ්යා ච॑ රාෂ්ට්ර॒භෘච්ච॑ । තාන්ය॑ඵ්ස॒රසා॒-වනු॑දත්තා-මෘ॒ණානි॑ ॥
අදී᳚ව්යන්නෘ॒ණං-යඁද॒හ-ඤ්ච॒කාර॑ । යද්වා-ऽදා᳚ස්යන්-ථ්සඤ්ජ॒ගාරා॒ ජනේ᳚භ්යඃ ।
අ॒ග්නිර්මා॒ තස්මා॒දේන॑සඃ ॥ යන්මයි॑ මා॒තා ගර්භේ॑ ස॒ති ॥ 118 ॥

ඒන॑ශ්ච॒කාර॒ යත්පි॒තා । අ॒ග්නිර්මා॒ තස්මා॒දේන॑සඃ ॥ යදා॑ පි॒පේෂ॑ මා॒තර॑-ම්පි॒තර᳚ම් ।
පු॒ත්රඃ ප්රමු॑දිතෝ॒ ධයන්න්॑ । අහිග්​ම්॑සිතෞ පි॒තරෞ॒ මයා॒ තත් । තද॑ග්නේ අනෘ॒ණෝ භ॑වාමි ॥ යද॒න්තරි॑ක්ෂ-ම්පෘථි॒වීමු॒ත ද්යාම් ।
යන්මා॒තර॑-ම්පි॒තරං॑-වාඁ ජිහිග්​ම්සි॒ම ।
අ॒ග්නිර්මා॒ තස්මා॒දේන॑සඃ ॥ යදා॒ශසා॑ නි॒ශසා॒ යත්ප॑රා॒ශසා᳚ ॥ 119 ॥

යදේන॑ශ්ච කෘ॒මා නූත॑නං॒-යඁත්පු॑රා॒ණම් । අ॒ග්නිර්මා॒ තස්මා॒දේන॑සඃ ॥ අති॑ක්රාමාමි දුරි॒තං-යඁදේනඃ॑ । ජහා॑මි රි॒ප්ර-ම්ප॑ර॒මේ ස॒ධස්ථේ᳚ ।
යත්ර॒ යන්ති॑ සු॒කෘතෝ॒ නාපි॑ දු॒ෂ්කෘතඃ॑ । තමාරෝ॑හාමි සු॒කෘතා॒-න්නු ලෝ॒කම් ॥
ත්රි॒තේ දේ॒වා අ॑මෘජතෛ॒-තදේනඃ॑ ।
ත්රි॒ත ඒ॒තන්ම॑නු॒ෂ්යේ॑ෂු මාමෘජේ ।
තතෝ॑ මා॒ යදි॒ කිඤ්චි॑දාන॒ශේ ।
අ॒ග්නිර්මා॒ තස්මා॒දේන॑සඃ ॥ 120 ॥

ගාර්​හ॑පත්යඃ॒ ප්රමු॑ඤ්චතු । දු॒රි॒තා යානි॑ චකෘ॒ම । ක॒රෝතු॒ මාම॑නේ॒නස᳚ම් ॥ දි॒වි ජා॒තා අ॒ඵ්සු ජා॒තාඃ । යා ජා॒තා ඕෂ॑ධීභ්යඃ । අථෝ॒ යා අ॑ග්නි॒ජා ආපඃ॑ । තා න॑-ශ්ශුන්ධන්තු॒ ශුන්ධ॑නීඃ ॥
යදාපෝ॒ නක්ත॑-න්දුරි॒ත-ඤ්චරා॑ම ।
යද්වා॒ දිවා॒ නූත॑නං॒-යඁත්පු॑රා॒ණම් ।
හිර॑ණ්ය-වර්ණා॒ස්තත॒ උත්පු॑නීත නඃ ॥
ඉ॒ම-ම්මේ॑ වරුණ ශ්රුධී॒ හව॑ම॒ද්යා ච॑ මෘඩය । ත්වාම॑ව॒ස්යුරා ච॑කේ ॥
තත්ත්වා॑ යාමි॒ බ්රහ්ම॑ණා॒ වන්ද॑මාන॒-ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ධ්යුරු॑ශග්​ම්ස॒ මා න॒ ආයුඃ॒ ප්රමෝ॑ෂීඃ ॥ । ත්ව-න්නෝ॑ අග්නේ॒ වරු॑ණස්ය වි॒ද්වා-න්දේ॒වස්ය॒ හේඩෝ-ऽව॑ යාසි සීෂ්ඨාඃ । යජි॑ෂ්ඨෝ॒ වහ්නි॑ තම॒-ශ්ශෝශු॑චානෝ॒ විශ්වා॒ ද්වේෂාග්​ම්॑සි॒ ප්රමු॑මුග්ධ්ය॒ස්මත් ॥ ස ත්වන්නෝ॑ අග්නේ-ऽව॒මෝ භ॑වෝ॒තී නේදි॑ෂ්ඨෝ අ॒ස්යා උ॒ෂසෝ॒ ව්යු॑ෂ්ටෞ । අව॑ යක්ෂ්ව නෝ॒ වරු॑ණ॒ග්​ම්॒ රරා॑ණෝ වී॒හි මෘ॑ඩී॒කග්​ම් සු॒හවෝ॑ න ඒධි ॥ । ත්වම॑ග්නේ අ॒යා-ऽසි॑ । අ॒යා සන්මන॑සා හි॒තඃ । අ॒යා සනඃඅ॒ව්යමූ॑හිෂේ । අ॒යා නෝ॑ ධේහි භේෂ॒ජම් । ඉ॒ෂ්ටෝ අ॒ග්නිරාහු॑තඃ । ස්වාහා॑කෘතඃ පිපර්තු නඃ । ස්ව॒ගා දේ॒වේභ්ය॑ ඉ॒ද-න්නමඃ॑ ॥ ॥ 121 ॥
(අ॒නේ॒නස॑ - මෂ්ඨී॒වද්භ්යාග්​ම්॑ - ස॒ති - ප॑රා॒ශසා॑-ऽऽන॒ශේ᳚ - ऽග්නිර්මා॒ තස්මා॒දේන॑සඃ - පුනීත න॒ස්ත්රීණි॑ ච) (අ. 12)

(ය-ද්දේ॑වා॒ ගාර්​හ॑පත්යෝ॒ යද්ධස්තා᳚භ්යාං॒-යඁන්මයි॑ මා॒තා යදා॑පි॒පේෂ॒
ඁයද॒න්තරි॑ක්ෂං॒-යඁදා॒ශසා-ऽති॑ක්රාමාමි ත්රි॒තේ දේ॒වා දි॒වි ජා॒තා අ॒ඵ්සු ජා॒තා යදාප॑ ඉ॒ම-ම්මේ॑ වරුණා॒ තත්ත්වා॑ යාමි॒ ත්ව-න්නෝ॑ අග්නේ॒ ස ත්ව-න්නෝ॑ අග්නේ॒ ත්වම॑ග්නේ අ॒යා-ऽසි॑)

අනුවාකං 13 - අවභෘථේ කර්මණි ඍජීෂප්රෝක්ෂණමන්ත්රාඃ
යත්තේ॒ ග්රාව්.ණ්ණා॑ චිච්ඡි॒දු-ස්සෝ॑ම රාජන්න් ।
ප්රි॒යාණ්යඞ්ගා॑නි॒ ස්වධි॑තා॒ පරූග්​ම්॑ෂි । තථ්සන්ධ॒-ථ්ස්වාජ්යේ॑නෝ॒ත ව॑ර්ධයස්ව ।
අ॒නා॒ගසෝ॒ අධ॒මිථ්ස॒ක්ෂං​යේඁ ॑ම ॥ යත්තේ॒ ග්රාවා॑ බා॒හුච්යු॑තෝ॒ අචු॑ච්යවුඃ ।
නරෝ॒ යත්තේ॑ දුදු॒හු ර්දක්ෂි॑ණේන ।
තත්ත॒ ආප්යා॑යතා॒-න්තත්තේ᳚ । නිෂ්ට්යා॑යතා-න්දේව
සෝම ॥ යත්තේ॒ ත්වච॑-ම්බිභි॒දුර්යච්ච॒ යෝනි᳚ම් ।
යදා॒ස්ථානා॒-ත්ප්රච්යු॑තෝ॒ වේන॑සි॒ ත්මනා᳚ ॥ 122 ॥

ත්වයා॒ තථ්සෝ॑ම ගු॒ප්තම॑ස්තු නඃ ।
සා න॑-ස්ස॒ධාං-ऽස॑ත්පර॒මේ ව්යෝ॑මන්න් ॥
අහා॒ච්ඡරී॑ර॒-ම්පය॑සා ස॒මේත්ය॑ । අ॒න්යෝ᳚-ऽන්යෝ භවති॒ වර්ණෝ॑ අස්ය । තස්මි॑න් ව॒යමුප॑හූතා॒ස්තව॑ ස්මඃ । ආ නෝ॑ භජ॒ සද॑සි වි॒ශ්වරූ॑පේ ॥
නෘ॒චක්ෂා॒-ස්සෝම॑ උ॒ත ශු॒ශ්රුග॑ස්තු ।
මා නෝ॒ විහා॑සී॒ද්ගිර॑ ආවෘණා॒නඃ ।
අනා॑ගා-ස්ත॒නුවෝ॑ වාවෘධා॒නඃ ।
ආ නෝ॑ රූ॒පං-වඁ ॑හතු॒ ජාය॑මානඃ ॥ 123 ॥

උප॑ක්ෂරන්ති ජු॒හ්වෝ॑ ඝෘ॒තේන॑ । ප්රි॒යාණ්යඞ්ගා॑නි॒ තව॑ ව॒ර්ධය॑න්තීඃ । තස්මෛ॑ තේ සෝම॒ නම॒ ඉද්වෂ॑ට්ච । උප॑ මා රාජන්-ථ්සුකෘ॒තේ හ්ව॑යස්ව ॥
ස-ම්ප්රා॑ණාපා॒නාභ්යා॒ග්​ම්॒ සමු॒ චක්ෂු॑ෂා॒ ත්වම් । සග්ග්​ ශ්රෝත්රේ॑ණ ගච්ඡස්ව සෝම රාජන්න් ।
යත්ත॒ ආස්ථි॑ත॒ග්​ම්॒ ශමු॒ තත්තේ॑ අස්තු । ජා॒නී॒තාන්න॑-ස්ස॒ගම්ම॑නේ පථී॒නාම් ॥ ඒ॒ත-ඤ්ජා॑නීතාත්පර॒මේ ව්යෝ॑මන්න් । වෘකා᳚-ස්සධස්ථා වි॒ද රූ॒පම॑ස්ය ॥ 124 ॥

යදා॒ගච්ඡා᳚-ත්ප॒ථිභි॑ ර්දේව॒යානෛඃ᳚ । ඉ॒ෂ්ටා॒පූ॒ර්තේ කෘ॑ණුතා-දා॒විර॑ස්මෛ ॥
අරි॑ෂ්ටෝ රාජන්නග॒දඃ පරේ॑හි । නම॑ස්තේ අස්තු॒ චක්ෂ॑සේ රඝූය॒තේ । නාක॒මාරෝ॑හ ස॒හ යජ॑මානේන । සූර්ය॑-ඞ්ගච්ඡතාත්පර॒මේ ව්යෝ॑මන්න් ॥
අභූ᳚ද්දේ॒ව-ස්ස॑වි॒තා වන්ද්යෝ॒ නු නඃ॑ । ඉ॒දානී॒මහ්න॑ උප॒වාච්යෝ॒ නෘභිඃ॑ ।
වි යෝ රත්නා॒ භජ॑ති මාන॒වේභ්යඃ॑ । ශ්රේෂ්ඨ॑-න්නෝ॒ අත්ර॒ ද්රවි॑ණං॒-යඁථා॒ දධ॑ත් ॥
උප॑ නෝ මිත්රාවරුණා-වි॒හාව॑තම් । අ॒න්වාදී᳚ද්ධ්යා-ථාමි॒හ න॑-ස්සඛායා । ආ॒දි॒ත්යානා॒-ම්ප්රසි॑තිර්-හේ॒තිඃ । උ॒ග්රා ශ॒තාපා᳚ෂ්ඨා ඝ॒විෂා॒ පරි॑ණෝ වෘණක්තු ॥
ආ ප්යා॑යස්ව॒ සමෙ॑තු තේ වි॒ශ්වත॑-ස්සෝම॒ වෘෂ්ණි॑යම් । භවා॒ වාජ॑ස්ය සඞ්ග॒ථේ ॥ ස-න්තේ॒ පයාග්​ම්॑සි॒ සමු॑ යන්තු॒ වාජා॒-ස්සං-වෘඁෂ්ණි॑යා-න්යභිමාති॒ෂාහඃ॑ । ආ॒ප්යාය॑මානෝ අ॒මෘතා॑ය සෝම දි॒වි ශ්රවාග්॑ස්යුත්ත॒මානි॑ ධිෂ්ව ॥ ॥ 125 ॥
(ත්මනා॒ - ජාය॑මානෝ - ऽස්ය॒ - දධ॒-ත්පඤ්ච॑ ච) (අ. 13)

අනුවාකං 14 - අවභෘථේ කර්මණි සේචනාදිමන්ත්රාඃ
යද්දි॑දී॒ක්ෂේ මන॑සා॒ යච්ච॑ වා॒චා । යද්වා᳚ ප්රා॒ණෛශ්චක්ෂු॑ෂා॒ යච්ච॒ ශ්රෝත්රේ॑ණ ।
යද්රේත॑සා මිථු॒නේනා-ප්යා॒ත්මනා᳚ ।
අ॒ද්භ්යෝ ලෝ॒කා ද॑ධි॒රේ තේජ॑ ඉන්ද්රි॒යම් ।
ශු॒ක්රා දී॒ක්ෂායෛ॒ තප॑සෝ වි॒මෝච॑නීඃ ।
ආපෝ॑ විමෝ॒ක්ත්රී ර්මයි॒ තේජ॑ ඉන්ද්රි॒යම් ॥
යදෘ॒චා සාම්නා॒ යජු॑ෂා । ප॒ශූ॒නා-ඤ්චර්ම॑න්. හ॒විෂා॑ දිදී॒ක්ෂේ ।
යච්ඡන්දෝ॑භි॒-රෝෂ॑ධීභි॒-ර්වන॒ස්පතෞ᳚ ।
අ॒ද්භ්යෝ ලෝ॒කා ද॑ධි॒රේ (ද॑ධිරේ॒) තේජ॑ ඉන්ද්රි॒යම් ॥ 126 ॥

ශු॒ක්රා දී॒ක්ෂායෛ॒ තප॑සෝ වි॒මෝච॑නීඃ ।
ආපෝ॑ විමෝ॒ක්ත්රී ර්මයි॒ තේජ॑ ඉන්ද්රි॒යම් ॥
යේන॒ බ්රහ්ම॒ යේන॑ ක්ෂ॒ත්රම් । යේනේ᳚න්ද්රා॒ග්නී ප්ර॒ජාප॑ති॒-ස්සෝමෝ॒ වරු॑ණෝ॒ යේන॒ රාජා᳚ ।
විශ්වේ॑ දේ॒වා ඍෂ॑යෝ॒ යේන॑ ප්රා॒ණාඃ ।
අ॒ද්භ්යෝ ලෝ॒කා ද॑ධිරේ॒ තේජ॑ ඉන්ද්රි॒යම් ।
ශු॒ක්රා දී॒ක්ෂායෛ॒ තප॑සෝ වි॒මෝච॑නීඃ ।
ආපෝ॑ විමෝ॒ක්ත්රී ර්මයි॒ තේජ॑ ඉන්ද්රි॒යම් ॥
අ॒පා-ම්පුෂ්ප॑ම॒ස්යෝ-ෂ॑ධීනා॒ග්​ම්॒ රසඃ॑ । සෝම॑ස්ය ප්රි॒ය-න්ධාම॑ ॥ 127 ॥

අ॒ග්නේඃ ප්රි॒යත॑මග්​ම් හ॒වි-ස්ස්වාහා᳚ ॥ අ॒පා-ම්පුෂ්ප॑-ම॒ස්යෝෂ॑ධීනා॒ග්​ම්॒ රසඃ॑ ।
සෝම॑ස්ය ප්රි॒ය-න්ධාම॑ । ඉන්ද්ර॑ස්ය ප්රි॒යත॑මග්​ම් හ॒වි-ස්ස්වාහා᳚ । අ॒පා-ම්පුෂ්ප॑ම॒ස්යෝ-ෂ॑ධීනා॒ග්​ම්॒ රසඃ॑ । සෝම॑ස්ය ප්රි॒ය-න්ධාම॑ ।
විශ්වේ॑ෂා-න්දේ॒වානා᳚-ම්ප්රි॒යත॑මග්​ම් හ॒වි-ස්ස්වාහා᳚ ॥ ව॒යග්​ම් සෝ॑ම ව්ර॒තේ තව॑ ।
මන॑ස්ත॒නූෂු॒ පිප්ර॑තඃ । ප්ර॒ජාව॑න්තෝ අශීමහි ॥ 128 ॥

දේ॒වේභ්යඃ॑ පි॒තෘභ්ය॒-ස්ස්වාහා᳚ । සෝ॒ම්යේභ්යඃ॑ පි॒තෘභ්ය॒-ස්ස්වාහා᳚ । ක॒ව්යේභ්යඃ॑ පි॒තෘභ්ය॒-ස්ස්වාහා᳚ ॥ දේවා॑ස ඉ॒හ මා॑දයද්ධ්වම් ।
සෝම්යා॑ස ඉ॒හ මා॑දයද්ධ්වම් । කව්යා॑ස ඉ॒හ මා॑දයද්ධ්වම් ॥ අන॑න්තරිතාඃ පි॒තර॑-ස්සෝ॒ම්යා-ස්සෝ॑මපී॒ථාත් ॥ අපෛ॑තු මෘ॒ත්යුර॒මෘත॑-න්න॒ ආගන්න්॑ । වෛ॒ව॒ස්ව॒තෝ නෝ॒ අභ॑ය-ඞ්කෘණෝතු ।
ප॒ර්ණං-වඁන॒ස්පතේ॑රිව ॥ 129 ॥

අ॒භි න॑-ශ්ශීයතාග්​ම් ර॒යිඃ । සච॑තා-න්න॒-ශ්ශචී॒පතිඃ॑ ॥ පර॑-ම්මෘත්යෝ॒ අනු॒පරේ॑හි॒ පන්ථා᳚ම් । යස්තේ॒ ස්ව ඉත॑රෝ දේව॒යානා᳚ත් । චක්ෂු॑ෂ්මතේ ශෘණ්ව॒තේ තේ᳚ බ්රවීමි । මා නඃ॑ ප්ර॒ජාග්​ම් රී॑රිෂෝ॒ මෝත වී॒රාන් ॥ ඉ॒දමූ॒ නු ශ්රේයෝ॑-ऽව॒සාන॒-මාග॑න්ම । යද්ගෝ॒ජි-ද්ධ॑න॒ජි-ද॑ශ්ව॒ජිද්යත් ।
ප॒ර්ණං-වඁන॒ස්පතේ॑රිව । අ॒භි න॑-ශ්ශීයතාග්​ම් ර॒යිඃ । සච॑තා-න්න॒-ශ්ශචී॒පතිඃ॑ ॥ 130 ॥
(වන॒ස්පතා॑ව॒ද්භ්යෝ ලෝ॒කා ද॑ධිරේ॒ තේජ॑ ඉන්ද්රි॒ය-න්ධාමා॑ - ශීමහී - වා॒ - භි න॑-ශ්ශීයතාග්​ම් ර॒යිරේක॑-ඤ්ච) (අ. 14)

(සර්වා॒න්॒. - ය-ද්විෂ්ෂ॑ණ්ණේන॒ - වි වෛ - යාඃ පු॒රස්තා॒-ද්- දේවා॑ දේ॒වේෂු॒ - පරි॑ස්තණිත॒ - සක්ෂේ॒දං - ඁයද॒ස්ය පා॒රේ॑ - ऽනා॒ගස॒ - උද॑ස්තා-ම්ඵ්සී॒-ද්- බ්රහ්ම॑ ප්රති॒ෂ්ඨා - ය-ද්දේ॑ව॒ - යත්තේ॒ ග්රාව.ණ්ණා॒ - ය-ද්දි॑දී॒ක්ෂේ චතු॑ර්දශ)

(සර්වා॒න් - භූති॑මේ॒ව - යාමේ॒වාඵ්ස්වාහු॑තිම් - ඁව්ර॒තානාං᳚ - පර්ණව॒ල්කඃ - සෝ॒ම්යානා॑ - ම॒ස්මින්. ය॒ජ්ඤේ - ऽග්නේ॒ යෝ නෝ॒ - ජ්යෝග්ජී॒වාඃ - ප॒රෝර॑ජාස්තේ॒ - ප්ර තේ॑ ම॒හේ - බ්රහ්ම॑ ප්රති॒ෂ්ඨා - ගාර්​හ॑පත්යා ස්ත්රි॒ග්​ම්॒ශදු॑ත්තරශ॒තං)

(සර්වා॒න්॒. වෛ - ශචී॒පතිඃ॑)

॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ සප්තමඃ ප්රපාඨක-ස්සමාප්තඃ ॥