කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ අෂ්ටමඃ ප්රපාඨකඃ - කාම්යපශුයාජ්යානුවාක්යා බ්රාහ්මණම්

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - වායව්යාදිපශූනාං සූක්තානි

පීවෝ᳚න්නාග්​ම් රයි॒වෘධ॑-ස්සුමේ॒ධාඃ । ශ්වේ॒ත-ස්සි॑ෂක්ති නි॒යුතා॑මභි॒ශ්රීඃ । තේ වා॒යවේ॒ සම॑නසෝ॒ විත॑ස්ථුඃ । විශ්වේන්නර॑-ස්ස්වප॒ත්යානි॑ චක්රුඃ ॥ රා॒යේ-ऽනු ය-ඤ්ජ॒ජ්ඤතූ॒ රෝද॑සී උ॒භේ । රා॒යේ දේ॒වී ධි॒ෂණා॑ ධාති දේ॒වම් । අධා॑ වා॒යු-න්නි॒යුත॑-ස්සශ්චත॒ ස්වාඃ । උ॒ත ශ්වේ॒තං-වඁසු॑ධිති-න්නිරේ॒කේ ॥ ආ වා॑යෝ භූෂ ශුචිපා॒ උප॑ න-ස්ස॒හස්ර॑-න්තේ නි॒යුතෝ॑ විශ්වවාර । උපෝ॑ තේ॒ අන්ධෝ॒ මද්ය॑මයාමි॒ යස්ය॑ දේව දධි॒ෂේ පූ᳚ර්ව॒පේය᳚ම් ॥ ප්ර යාභි॒ර්යාසි॑ දා॒ශ්වාග්​ම් සමච්ඡා॑ නි॒යුද්භි॑-ර්වායවි॒ෂ්ටයේ॑ දුරෝ॒ණේ । නි නෝ॑ ර॒යිග්​ම් සු॒භෝජ॑සං-යුඁවේ॒හ නි වී॒රව॒-ද්ගව්ය॒මශ්වි॑ය-ඤ්ච॒ රාධඃ॑ ॥॥ ප්ර වා॒යුමච්ඡා॑ බෘහ॒තී ම॑නී॒ෂා ॥ 1 ॥

බෘ॒හද්ර॑යිං-විඁ॒ශ්වවා॑රාග්​ම් රථ॒ප්රාම් । ද්යු॒තද්යා॑මා නි॒යුතඃ॒ පත්ය॑මානඃ । ක॒විඃ ක॒විමි॑යක්ෂසි ප්රයජ්යෝ ॥ ආ නෝ॑ නි॒යුද්භි॑-ශ්ශ॒තිනී॑භි-රද්ධ්ව॒රම් । ස॒හ॒ස්රිණී॑භි॒රුප॑ යාහි ය॒ජ්ඤම් । වායෝ॑ අ॒ස්මින්. හ॒විෂි॑ මාදයස්ව । යූ॒ය-ම්පා॑ත ස්ව॒ස්තිභි॒-ස්සදා॑ නඃ ॥ ප්රජා॑පතේ॒ න ත්වදේ॒තාන්ය॒න්යඃ । විශ්වා॑ ජා॒තානි॒ පරි॒ තා බ॑භූව । ය-ත්කා॑මාස්තේ ජුහු॒මස්තන්නෝ॑ අස්තු ॥ 2 ॥

ව॒යග්ග්​ ස්යා॑ම॒ පත॑යෝ රයී॒ණාම් ॥ ර॒යී॒ණා-ම්පතිං॑-යඁජ॒ත-ම්බෘ॒හන්ත᳚ම් । අ॒ස්මින්භරේ॒ නෘත॑මං॒-වාඁජ॑සාතෞ । ප්ර॒ජාප॑ති-ම්ප්රථම॒ජාමෘ॒තස්ය॑ । යජා॑ම දේ॒වමධි॑ නෝ බ්රවීතු ॥ ප්රජා॑පතේ॒ ත්ව-න්නි॑ධි॒පාඃ පු॑රා॒ණඃ । දේ॒වානා᳚-ම්පි॒තා ජ॑නි॒තා ප්ර॒ජානා᳚ම් । පති॒-ර්විශ්ව॑ස්ය॒ ජග॑තඃ පර॒ස්පාඃ । හ॒විර්නෝ॑ දේව විහ॒වේ ජු॑ෂස්ව ॥ තවේ॒මේ ලෝ॒කාඃ ප්ර॒දිශෝ॒ දිශ॑ශ්ච ॥ 3 ॥

ප॒රා॒වතෝ॑ නි॒වත॑ උ॒ද්වත॑ශ්ච । ප්රජා॑පතේ විශ්ව॒සෘජ්ජී॒වධ॑න්ය ඉ॒ද-න්නෝ॑ දේව । ප්රති॑හර්ය හ॒ව්යම් ॥ ප්ර॒ජාප॑ති-ම්ප්රථ॒මං-යඁ॒ජ්ඤියා॑නාම් । දේ॒වානා॒මග්රේ॑ යජ॒තං-යඁ ॑ජද්ධ්වම් । ස නෝ॑ දදාතු॒ ද්රවි॑ණග්​ම් සු॒වීර්ය᳚ම් । රා॒යස්පෝෂං॒-විඁෂ්ය॑තු॒ නාභි॑ම॒ස්මේ ॥ යෝ රා॒ය ඊශේ॑ ශතදා॒ය උ॒ක්ථ්යඃ॑ । යඃ ප॑ශූ॒නාග්​ම් ර॑ක්ෂි॒තා විෂ්ඨි॑තානාම් । ප්ර॒ජාප॑තිඃ ප්රථම॒ජා ඍ॒තස්ය॑ ॥ 4 ॥

ස॒හස්ර॑ධාමා ජුෂතාග්​ම් හ॒විර්නඃ॑ ॥ සෝමා॑පූෂණා॒ ජන॑නා රයී॒ණා-ඤ්ජන॑නා දි॒වෝ ජන॑නා පෘථි॒ව්යාඃ । ජා॒තෞ විශ්ව॑ස්ය॒ භුව॑නස්ය ගෝ॒පෞ දේ॒වා අ॑කෘණ්වන්න॒මෘත॑ස්ය॒ නාභි᳚ම් ॥ ඉ॒මෞ දේ॒වෞ ජාය॑මානෞ ජුෂන්තේ॒මෞ තමාග්​ම්॑සි ගූහතා॒මජු॑ෂ්ටා । ආ॒භ්යාමින්ද්රඃ॑ ප॒ක්වමා॒මාස්ව॒න්ත-ස්සෝ॑මාපූ॒ෂභ්යා᳚-ඤ්ජනදු॒ස්රියා॑සු ॥ ॥ සෝමා॑පූෂණා॒ රජ॑සෝ වි॒මාන᳚ම් । ස॒ප්තච॑ක්ර॒ග්​ම්॒ රථ॒මවි॑ශ්වමින්වම් । වි॒ෂූ॒වෘත॒-ම්මන॑සා යු॒ජ්යමා॑නම් । ත-ඤ්ජි॑න්වථෝ වෘෂණා॒ පඤ්ච॑රශ්මිම් ॥ දි॒ව්ය॑න්ය-ස්සද॑න-ඤ්ච॒ක්ර උ॒ච්චා । පෘ॒ථි॒ව්යාම॒න්යෝ අද්ධ්ය॒න්තරි॑ක්ෂේ । තාව॒ස්මභ්ය॑-ම්පුරු॒වාර॑-ම්පුරු॒ක්ෂුම් । රා॒යස්පෝෂං॒-විඁෂ්ය॑තා॒-න්නාභි॑ම॒ස්මේ ॥ 5 ॥

ධිය॑-ම්පූ॒ෂා ජි॑න්වතු විශ්වමි॒න්වඃ । ර॒යිග්​ම් සෝමෝ॑ රයි॒පති॑-ර්දධාතු । අව॑තු දේ॒ව්යදි॑තිර-න॒ර්වා । බෘ॒හ-ද්ව॑දේම වි॒දථේ॑ සු॒වීරාඃ᳚ ॥ විශ්වා᳚න්ය॒න්යෝ භුව॑නා ජ॒ජාන॑ । විශ්ව॑ම॒න්යෝ අ॑භි॒චක්ෂා॑ණ ඒති । සෝමා॑පූෂණා॒-වව॑ත॒-න්ධිය॑-ම්මේ । යු॒වභ්යාං॒-විඁශ්වාඃ॒ පෘත॑නා ජයේම ॥ උදු॑ත්ත॒මං-වඁ ॑රුණ॒ පාශ॑ම॒ස්මදවා॑-ऽධ॒මං-විඁම॑ධ්ය॒මග්ග්​ ශ්ර॑ථාය । අථා॑ ව॒යමා॑දිත්ය ව්ර॒තේ තවා-ऽනා॑ගසෝ॒ අදි॑තයේ ස්යාම අස්ත॑භ්නා॒ද්යාමෘ॑ෂ॒භෝ අ॒න්තරි॑ක්ෂ॒මමි॑මීත වරි॒මාණ॑-ම්පෘථි॒ව්යා ආ-ऽසී॑ද॒-ද්විශ්වා॒ භුව॑නානි ස॒ම්රා-ඩ්විශ්වේත්තානි॒ වරු॑ණස්ය ව්ර॒තානි॑ ॥ । ය-ත්කිඤ්චේ॒දං-වඁ ॑රුණ॒ දෛව්යේ॒ ජනේ॑-ऽභිද්රෝ॒හ-ම්ම॑නු॒ෂ්යා᳚ශ්චරා॑මසි । අචි॑ත්තී॒ය-ත්තව॒ ධර්මා॑ යුයෝපි॒ම මා න॒ස්තස්මා॒ දේන॑සෝ දේව රීරිෂඃ ॥ කි॒ත॒වාසෝ॒ යද්රි॑ රි॒පුර්න දී॒වි යද්වා॑ ඝා ස॒ත්ය මු॒තයන්න වි॒ද්ම । සර්වා॒ තා විෂ්ය॑ ශිථි॒රේව॑ දේ॒වාථා॑ තේ ස්යාම වරුණ ප්රි॒යාසඃ॑ ॥( ) । අව॑ තේ॒ හේඩෝ॑ වරුණ॒ නමෝ॑භි॒රව॑ ය॒ජ්ඤේභි॑රීමහේ හ॒විර්භිඃ॑ । ක්ෂය॑න්න॒ස්මභ්ය॑මසුර ප්රචේතෝ॒ රාජ॒න්නේනාග්​ම්॑සි ශිශ්රථඃ කෘ॒තානි॑ ॥, තත්ත්වා॑ යාමි॒ බ්රහ්ම॑ණා॒ වන්ද॑මාන॒ස්තදා ශා᳚ස්තේ॒ යජ॑මානෝ හ॒විර්භිඃ॑ । අහේ॑ඩමානෝ වරුණේ॒හ බෝ॒ධ්යුරු॑ශග්​ම්ස॒ මා න॒ ආයුඃ॒ ප්රමෝ॑ෂීඃ ॥ ॥ ආ॒දි॒ත්යානා॒මව॑සා॒ නූත॑නේන සක්ෂී॒මහි॒ ශර්ම॑ණා॒ ශන්ත॑මේන । අ॒නා॒ගා॒ස්ත්වේ අ॑දිති॒ත්වේ තු॒රාස॑ ඉ॒මං-යඁ॒ජ්ඤ-න්ද॑ධතු॒ ශ්රෝෂ॑මාණාඃ ॥, න ද॑ක්ෂි॒ණා විචි॑කිතේ॒ න ස॒ව්යා න ප්රා॒චීන॑මාදිත්යා॒ නෝත ප॒ශ්චා । පා॒ක්යා॑ චිද්වසවෝ ධී॒ර්යා॑ චි--ද්යු॒ෂ්මානී॑තෝ॒ අභ॑ය॒-ඤ්ජ්යෝති॑රශ්යාම් ॥ । ධා॒රය॑න්ත ආදි॒ත්යාසෝ॒ ජග॒ථ්ස්ථා දේ॒වා විශ්ව॑ස්ය॒ භුව॑නස්ය ගෝ॒පාඃ । දී॒ර්ඝාධි॑යෝ॒ රක්ෂ॑මාණා අසු॒ර්ය॑මෘ॒තාවා॑න॒-ශ්චය॑මානා ඍ॒ණානි॑ ॥, ති॒ස්රෝ භූමී᳚ර්ධාරය॒-න්ත්රීග්​ම් රු॒ත ද්යූ-න්ත්රීණි॑ ව්ර॒තා වි॒දථේ॑ අ॒න්තරේ॑ෂාම් । ඍ॒තේනා॑-ऽऽදිත්යා॒ මහි॑ වෝ මහි॒ත්ව-න්තද॑ර්යමන් වරුණ මිත්ර॒ චාරු॑ ॥ । ය॒ජ්ඤෝ දේ॒වානා॒-ම්ප්රත්යේ॑ති සු॒ම්නමාදි॑ත්යාසෝ॒ භව॑තා මෘඩ॒යන්තඃ॑ । ආ වෝ॒-ऽර්වාචී॑ සුම॒ති ර්ව॑වෘත්යාද॒ග්​ම්॒ හෝශ්චි॒ද්යා ව॑රිවෝ॒විත්ත॒රා-ऽස॑ත් ॥ ශුචි॑ර॒ප-ස්සූ॒යව॑සා॒ අද॑බ්ධ॒ උප॑ ක්ෂේති වෘ॒ද්ධව॑යා-ස්සු॒වීරඃ॑ । නකි॒ෂ්ට-ඞ්ඝ්න॒න්ත්යන්ති॑තෝ॒ න දූ॒රාද්ය ආ॑දි॒ත්යානා॒-ම්භව॑ති॒ ප්රණී॑තෞ ॥ ॥ 6 ॥
(ම॒නී॒ෂා-ऽස්තු॑-ච॒-ර්ත-ස්යා॒ස්මේ-කි॑ත॒වාස॑ ශ්ච॒ත්වාරි॑ ච ) (අ. 1)

අනුවාකං 2 - වශාදීනාං සූක්තානි
තේ ශු॒ක්රාස॒-ශ්ශුච॑යෝ රශ්මි॒වන්තඃ॑ । සීද॑න්නාදි॒ත්යා අධි॑ බ॒ර॒ඃඉෂි॑ ප්රි॒යේ । කාමේ॑න දේ॒වා-ස්ස॒රථ॑-න්දි॒වෝ නඃ॑ । ආයා᳚න්තු ය॒ජ්ඤමුප॑ නෝ ජුෂා॒ණාඃ ॥ තේ සූ॒නවෝ॒ අදි॑තේඃ පීව॒සාමිෂ᳚ම් । ඝෘ॒ත-ම්පින්ව॒ත්-ප්රති॑හර්යන්නෘතේ॒ජාඃ । ප්ර ය॒ජ්ඤියා॒ යජ॑මානාය යේමුරේ । ආ॒දි॒ත්යාඃ කාම॑-ම්පිතු॒මන්ත॑ම॒ස්මේ ॥ ආ නඃ॑ පු॒ත්රා අදි॑තේර්යාන්තු ය॒ජ්ඤම් । ආ॒දි॒ත්යාසඃ॑ ප॒ථිභි॑-ර්දේව॒යානෛඃ᳚ ॥ 7 ॥

අ॒ස්මේ කාම॑-න්දා॒ශුෂේ॑ ස॒න්නම॑න්තඃ । පු॒රෝ॒ඩාශ॑-ඞ්ඝෘ॒තව॑න්ත-ඤ්ජුෂන්තාම් ॥ ස්ක॒භා॒යත॒ නිර්-ඍ॑ති॒ග්​ම්॒ සේධ॒තාම॑තිම් । ප්ර ර॒ශ්මිභි॒-ර්යත॑මානා අමෘද්ධ්රාඃ । ආදි॑ත්යාඃ॒ කාම॒ ප්රය॑තාං॒-වඁෂ॑ට්කෘතිම් । ජු॒ෂද්ධ්ව॑-න්නෝ හ॒ව්යදා॑තිං-යඁජත්රාඃ ॥ ආ॒දි॒ත්යාන්-කාම॒මව॑සේ හුවේම । යේ භූ॒තානි॑ ජ॒නය॑න්තෝ විචි॒ඛ්යුඃ । සීද॑න්තු පු॒ත්රා අදි॑තේරු॒පස්ථ᳚ම් । ස්තී॒ර්ණ-ම්බ॒ර॒ඃඉර්​හ॑වි॒රද්යා॑ය දේ॒වාඃ ॥ 8 ॥

ස්තී॒ර්ණ-ම්බ॒ර॒ඃඉ-ස්සී॑දතා ය॒ජ්ඤේ අ॒ස්මින්න් । ධ්රා॒ජා-ස්සේධ॑න්තෝ॒ අම॑ති-න්දු॒රේවා᳚ම් । අ॒ස්මභ්ය॑-ම්පුත්රා අදිතේඃ॒ ප්රයග්​ම්॑සත । ආදි॑ත්යාඃ॒ කාම॑ හ॒විෂෝ॑ ජුෂා॒ණාඃ ॥ අග්නේ॒ නය॑ සු॒පථා॑ රා॒යේ අ॒ස්මාන් । විශ්වා॑නි දේව ව॒යුනා॑නි වි॒ද්වාන් । යු॒යෝ॒ද්ධ්ය॑ස්ම-ජ්ජු॑හුරා॒ණමේනඃ॑ । භූයි॑ෂ්ඨා-න්තේ॒ නම॑ උක්තිං-විඁධේම ॥ ප්රව॑-ශ්ශු॒ක්රාය॑ භා॒නවේ॑ භරද්ධ්වම් । හ॒ව්ය-ම්ම॒ති-ඤ්චා॒ග්නයේ॒ සුපූ॑තම් ॥ 9 ॥

යෝ දෛව්යා॑නි॒ මානු॑ෂා ජ॒නූග්​ම්ෂි॑ । අ॒න්ත-ර්විශ්වා॑නි වි॒ද්මනා॒ ජිගා॑ති ॥ අච්ඡා॒ ගිරෝ॑ ම॒තයෝ॑ දේව॒යන්තීඃ᳚ । අ॒ග්නිං-යඁ ॑න්ති॒ ද්රවි॑ණ॒-ම්භික්ෂ॑මාණාඃ । සු॒ස॒දෘංශග්​ම්॑ සු॒ප්රතී॑ක॒ග්ග්॒ ස්වඤ්ච᳚ම් । හ॒ව්ය॒වාහ॑මර॒ති-ම්මානු॑ෂාණාම් ॥ අග්නේ॒ ත්වම॒ස්ම-ද්යු॑යෝ॒ද්ධ්යමී॑වාඃ । අන॑ග්නිත්රා අ॒භ්ය॑මන්ත කෘ॒ෂ්ටීඃ । පුන॑ර॒ස්මභ්යග්​ම්॑ සුවි॒තාය॑ දේව । ක්ෂාං-විඁශ්වේ॑භිර॒ජරේ॑භි-ර්යජත්ර ॥ 10 ॥

අග්නේ॒ ත්ව-ම්පා॑රයා॒ නව්යෝ॑ අ॒ස්මාන් । ස්ව॒ස්තිභි॒රති॑ දු॒ර්ගාණි॒ විශ්වා᳚ । පූශ්ච॑ පෘ॒ථ්වී බ॑හු॒ලා න॑ උ॒ර්වී । භවා॑ තෝ॒කාය॒ තන॑යාය॒ ශං-යෝඃ ඁ॥ ප්ර කා॑රවෝ මන॒නා ව॒ච්යමා॑නාඃ । දේ॒ව॒ද්රීචී᳚-න්නයථ දේව॒යන්තඃ॑ । ද॒ක්ෂි॒ණා॒වාඩ්-වා॒ජිනී॒ ප්රාච්යේ॑ති । හ॒විර්භර॑න්ත්ය॒ග්නයේ॑ ඝෘ॒තාචී᳚ ॥ ඉන්ද්ර॒-න්නරෝ॑ නේ॒මධි॑තා හවන්තේ॒ යත්පාර්යා॑ යු॒නජ॑තේ॒ ධිය॒ස්තාඃ । ශූරෝ॒ නෘෂා॑තා॒ ශව॑සශ්චකා॒න ආ ගෝම॑ති ව්ර॒ජේ භ॑ජා॒ ත්වන්නඃ॑ ॥ යු॒ජේ රථ॑-ඞ්ග॒වේෂ॑ණ॒ග්​ම්॒ හරි॑භ්යාම් । උප॒ බ්රහ්මා॑ණි ජුජුෂා॒ණ-ම॑ස්ථුඃ । විබා॑ධිෂ්ටා॒ස්ය රෝද॑සී මහි॒ත්වා । ඉන්ද්රෝ॑ වෘ॒ත්රාණ්ය॑ප්ර॒තී ජ॑ඝ॒න්වාන් ॥ ॥ ජ॒ගෘ॒භ්ණා තේ॒ දක්ෂි॑ණාමින්ද්ර॒ හස්ත᳚ම් ॥ 11 ॥

ව॒සූ॒යවෝ॑ වසුපතේ॒ වසූ॑නාම් । වි॒ද්මා හි ත්වා॒ ගෝප॑තිග්​ම් ශූර॒ ගෝනා᳚ම් । අ॒ස්මභ්ය॑-ඤ්චි॒ත්රං-වෘඁෂ॑ණග්​ම් ර॒යි-න්දාඃ᳚ ॥ තවේ॒දං-විඁශ්ව॑ම॒භිතඃ॑ පශ॒ව්ය᳚ම් । ය-ත්පශ්ය॑සි॒ චක්ෂ॑සා॒ සූර්ය॑ස්ය । ගවා॑මසි॒ ගෝප॑ති॒රේක॑ ඉන්ද්ර । භ॒ක්ෂී॒මහි॑ තේ॒ ප්රය॑තස්ය॒ වස්වඃ॑ ॥ සමි॑න්ද්ර ණෝ॒ මන॑සා නේෂි॒ ගෝභිඃ॑ । සග්​ම් සූ॒රිභි॑-ර්මඝව॒න්-ථ්සග්ග්​ ස්ව॒ස්ත්යා । ස-ම්බ්රහ්ම॑ණා දේ॒වකෘ॑තං॒-යඁදස්ති॑ ॥ 12 ॥

ස-න්දේ॒වානාග්​ම්॑ සුම॒ත්යා ය॒ජ්ඤියා॑නාම් ॥ ආ॒රාච්ඡත්රු॒-මප॑බාධස්ව දූ॒රම් । උ॒ග්රෝ ය-ශ්ශම්බඃ॑ පුරුහූත॒ තේන॑ । අ॒ස්මේ ධේ॑හි॒ යව॑ම॒ද්ගෝම॑දින්ද්ර । කෘ॒ධී ධිය॑-ඤ්ජරි॒ත්රේ වාජ॑රත්නාම් ॥ ආවේ॒ධස॒-න්නීල॑පෘෂ්ඨ-ම්බෘ॒හන්ත᳚ම් । බෘහ॒ස්පති॒ග්​ම්॒ සද॑නේ සාදයධ්වම් । සා॒දද්යෝ॑නි॒-න්දම॒ ආදී॑දි॒වාග්​ම්ස᳚ම් । හිර॑ණ්යවර්ණමරු॒ෂග්​ම් ස॑පේම ॥ ස හි ශුචිඃ॑ ॥ බෘහ॒ස්පතිඃ॑ ප්රථ॒ම-ඤ්ජාය॑මානඃ । ම॒හෝ ජ්යෝති॑ෂඃ පර॒මේ ව්යෝ॑මන්න් । ස॒ප්තාස්ය॑ස්තුවිජා॒තෝ රවේ॑ණ । වි ස॒ප්තර॑ශ්මිරධම॒ත්තමාග්​ම්॑සි ॥ 13 ॥

බෘහ॒ස්පති॒-ස්සම॑ජය॒-ද්වසූ॑නි । ම॒හෝ ව්ර॒ජා-න්ගෝම॑තෝ දේ॒ව ඒ॒ෂඃ । අ॒ප-ස්සිෂා॑ස॒න්-ථ්සුව॒ර ප්ර॑තීත්තඃ । බෘහ॒ස්පති॒ර॒ඃඅන්ත්ය॒මිත්ර॑-ම॒ර්කෛඃ ॥ බෘහ॑ස්පතේ॒ පරි॑ දීයා॒ රථේ॑න රක්ෂෝ॒හා ऽමිත්රාග්​ම්॑ අප॒ බාධ॑මානඃ । ප්ර॒භ॒ඤ්ජන්-ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේධ්යවි॒තා රථා॑නාම් ॥ ඒ॒වා පි॒ත්රේ වි॒ශ්වදේ॑වාය॒ වෘෂ්ණේ॑ ය॒ජ්ඤෛර්වි॑ධේම॒ නම॑සා හ॒විර්භිඃ॑ । බෘහ॑ස්පතේ සුප්ර॒ජා වී॒රව॑න්තෝ ව॒යග්ග්​ ස්යා॑ම॒ පත॑යෝ රයී॒ණාම් ॥ ॥ ආ නෝ॑ දි॒වෝ බෘ॑හ॒තඃ පර්ව॑තා॒දා සර॑ස්වතී යජ॒තා ග॑න්තු ය॒ජ්ඤම් । හව॑-න්දේ॒වී ජු॑ජුෂා॒ණා ඝෘ॒තාචී॑ ශ॒ග්මා-න්නෝ॒ වාච॑මුශ॒තී ශෘ॑ණෝතු ॥පාවී॑රවී ක॒න්යා॑ චි॒ත්රායු॒-ස්සර॑ස්වතී වී॒රප॑ත්නී॒ ධිය॑-න්ධාත් । ග්නාභි॒රච්ඡි॑ද්රග්​ම් ශර॒ණග්​ම් ස॒ජෝෂා॑ දුරා॒ධර්​ෂ॑-ඞ්ගෘණ॒තේ ශර්ම॑ යග්​ම්සත් ॥ । ඉ॒මා ජුහ්වා॑නා යු॒ෂ්මදා නමෝ॑භිඃ । ප්රති॒ ස්තෝමග්​ම්॑ සරස්වති ජුෂස්ව । තව॒ ශර්ම॑-න්ප්රි॒යත॑මේ॒ දධා॑නාඃ । උප॑ස්ථේයාම ශර॒ණ-න්න වෘ॒ක්ෂම් ॥ යස්තේ॒ ස්තන॑ශ්ශශ॒ය ඉත්යා॑හ । ස්තෞත්යේ॒වෛනා᳚ම් । උස්ර॑ ඝ॒ර්මග්​ම් ශි॒ග්​ම්॒ෂෝස්ර॑ ඝ॒ර්ම-ම්පා॑හි ඝ॒ර්මාය॑ ශි॒ග්​ම්॒ෂේත්යා॑හ । යථා᳚ බ්රූ॒යාද॒මුෂ්මෛ॑ දේ॒හීති॑ । තා॒දෘගේ॒ව තත් । බෘහ॒ස්පති॒ස්ත්වෝප॑ සීද॒ත්විත්යා॑හ । । සර॑ස්වත්ය॒භි නෝ॑ නේෂි॒ වස්යඃ॑ । මා ප॑ස්ඵරීඃ॒ පය॑සා॒ මා න॒ ආ ධ॑ක් । ජු॒ෂස්ව॑ න-ස්ස॒ඛ්යා॑ වේ॒ශ්යා॑ ච । මා ත්වත්ක්ෂේත්රා॒-ණ්යර॑ණානි ගන්ම ॥ ॥ ඉ॒යග්​ම් ශුෂ්මේ॑භිර්බිස॒ඛා ඉ॑වාරුජත් । සානු॑ ගිරී॒ණා-න්ත॑වි॒ෂේභි॑රූ॒ර්මිභිඃ॑ । පා॒රා॒ව॒ද॒ඝ්නීමව॑සේ සුවෘ॒ක්තිභිඃ॑ । සර॑ස්වතී॒-මාවි॑වාසේම ධී॒තිභිඃ॑ ॥ 14 ॥
(දේ॒ව॒යානෛ᳚--ර් දේ॒වාඃ - සුපූ॑තං​යඁජත්ර॒-හස්ත॒-මස්ති॒-තමාග්॑-ස්යූ॒ර්මිභි॒-ර්ද්වේ ච॑) (අ. 2)

අනුවාකං 3 - සෞම්යාදීනාං සූක්තානි
සෝමෝ॑ ධේ॒නුග්​ම් සෝමෝ॒ අර්ව॑න්තමා॒ශුම් । සෝමෝ॑ වී॒ර-ඞ්ක॑ර්ම॒ණ්ය॑-න්දදාතු । සා॒ද॒න්යං॑-විඁද॒ථ්යග්​ම්॑ ස॒භේය᳚ම් । පි॒තු॒-ශ්ශ්රව॑ණං॒-යෝඁ දදා॑ශදස්මෛ ॥ අෂා॑ඪං-යුඁ॒ථ්සු පෘත॑නාසු॒ පප්රි᳚ම් । සු॒ව॒ර්॒ෂාම॒ඵ්ස්වාං-වෘඁ॒ජන॑ස්ය ගෝ॒පාම් । භ॒රේ॒ෂු॒ජාග්​ම් සු॑ක්ෂි॒තිග්​ම් සු॒ශ්රව॑සම් । ජය॑න්ත॒-න්ත්වාමනු॑ මදේම සෝම ॥ ත්වග්​ම් සෝ॑ම॒ ක්රතු॑භිඃ ॥ යා තේ॒ ධාමා॑නි හ॒විෂා॒ යජ॑න්ති॒ තා තේ॒ විශ්වා॑ පරි॒භූර॑ස්තු ය॒ජ්ඤ-ඞ්ග॑ය॒ස්ඵානඃ॑ ප්ර॒තර॑ණ-ස්සු॒වීරෝ-ऽවී॑රහා॒ ප්රච॑රා සෝම॒ දුර්යා॒න॥ ත්වමි॒මා ඕෂ॑ධී-ස්සෝම॒ විශ්වාඃ᳚ । ත්වම॒පෝ අ॑ජනය॒ස්ත්ව-ඞ්ගාඃ । ත්වමාත॑තන්ථෝ॒ර්ව॑න්තරි॑ක්ෂම් । ත්ව-ඤ්ජ්යෝති॑ෂා॒ විතමෝ॑ වවර්ථ ॥ 15 ॥

යා තේ॒ ධාමා॑නි දි॒වි යා පෘ॑ථි॒ව්යාම් । යා පර්ව॑තේ॒ෂ්වෝෂ॑ධීෂ්ව॒ඵ්සු । තේභි॑ර්නෝ॒ විශ්වෛ᳚-ස්සු॒මනා॒ අහේ॑ඩන්න් । රාජන්᳚-ථ්සෝම॒ ප්රති॑ හ॒ව්යා ගෘ॑භාය ॥ විෂ්ණෝ॒ර්නුකං॑-වීඁ॒ර්යා॑ණි॒ ප්ර වෝ॑චං॒-යඃ ඁපාර්ථි॑වානි විම॒මේ රජාග්​ම්॑සි॒ යෝ අස්ක॑භාය॒දුත්ත॑රග්​ම් ස॒ධස්ථං॑-විඁචක්රමා॒ණ ස්ත්රේ॒ධෝරු॑ගා॒යෝ විෂ්ණෝ॑ ර॒රාට॑මසි॒ විෂ්ණෝඃ᳚ පෘ॒ෂ්ඨම॑සි॒ විෂ්ණෝ॒-ශ්ශ්න්යප්ත්රේ᳚ ස්ථෝ॒ විෂ්ණෝ॒-ස්ස්යූර॑සි॒ විෂ්ණෝ᳚-ර්ධ්රු॒වම॑සි වෛෂ්ණ॒වම॑සි॒ විෂ්ණ॑වේ ත්වා ॥ තද॑ස්ය ප්රි॒යම॒භි පාථෝ॑ අශ්යාම් । නරෝ॒ යත්ර॑ දේව॒යවෝ॒ මද॑න්ති । උ॒රු॒ක්ර॒මස්ය॒ ස හි බන්ධු॑රි॒ත්ථා । විෂ්ණෝඃ᳚ ප॒දේ ප॑ර॒මේ මධ්ව॒ උථ්සඃ॑ ॥ । ප්රත-ද්විෂ්ණු॑-ස්ස්තවතේ වී॒ර්යා॑ය । මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ । යස්යෝ॒රුෂු॑ ත්රි॒ෂු වි॒ක්රම॑ණේෂු । අධි॑ක්ෂි॒යන්ති॒ භුව॑නානි॒ විශ්වා᳚ ॥ ॥ ප॒රෝ මාත්ර॑යා ත॒නුවා॑ වෘධාන । න තේ॑ මහි॒ත්ව-මන්ව॑ශ්නුවන්ති । උ॒භේ තේ॑ විද්ම॒ රජ॑සී පෘථි॒ව්යා විෂ්ණෝ॑ දේව॒ ත්වම් । ප॒ර॒මස්ය॑ විථ්සේ ॥ 16 ॥

විච॑ක්රමේ පෘථි॒වීමේ॒ෂ ඒ॒තාම් । ක්ෂේත්රා॑ය॒ විෂ්ණු॒-ර්මනු॑ෂේ දශ॒ස්යන්න් । ධ්රු॒වාසෝ॑ අස්ය කී॒රයෝ॒ ජනා॑සඃ । උ॒රු॒ක්ෂි॒තිග්​ම් සු॒ජනි॑මා චකාර ॥ ත්රිර්දේ॒වඃ පෘ॑ථි॒වීමේ॒ෂ ඒ॒තාම් । විච॑ක්රමේ ශ॒තර්ච॑ස-ම්මහි॒ත්වා । ප්ර විෂ්ණු॑-රස්තු ත॒වස॒ස්ත වී॑යාන් । ත්වේ॒ෂග්ග්​ හ්ය॑ස්ය॒ ස්ථවි॑රස්ය॒ නාම॑ ॥ ॥ ආ තේ॑ ම॒හ ඉ॑න්ද්රෝ॒ත්යු॑ග්ර॒ සම॑න්යවෝ॒ ය-ථ්ස॒මර॑න්ත॒ සේනාඃ᳚ । පතා॑ති දි॒ද්යුන්නර්ය॑ස්ය බාහු॒වෝර්මා තේ॒ මනෝ॑ විෂ්ව॒ද්රිය॒ග්වි චා॑රීත් ॥ යෝ ජා॒ත ඒ॒ව ප්ර॑ථ॒මෝ මන॑ස්වා-න්දේ॒වෝ දේ॒වාන් ක්රතු॑නා ප॒ර්යභූ॑ෂත් । යස්ය॒ ශුෂ්මා॒ද්රෝද॑සී॒ අභ්ය॑සේතා-න්නෘ॒ම්ණස්ය॑ ම॒හ්නා ස ජ॑නාස॒ ඉන්ද්රඃ॑ ॥ । අ॒භි ගෝ॒ත්රාණි॒ සහ॑සා॒ ගාහ॑මානෝ-ऽදා॒යෝ වී॒ර-ශ්ශ॒තම॑න්යු॒රින්ද්රඃ॑ । දු॒ශ්ච්ය॒ව॒නඃ පෘ॑තනා॒ෂාඩ॑ යු॒ධ්යෝ᳚-ස්මාක॒ග්​ම්॒ සේනා॑ අවතු॒ ප්ර යු॒ථ්සු ॥ ॥ ආභි॒-ස්ස්පෘධෝ॑ මිථ॒තී- රරි॑ෂණ්යන්න් । අ॒මිත්ර॑ස්ය ව්යථයා ම॒න්යුමි॑න්ද්ර । ආභි॒ර්විශ්වා॑ අභි॒යුජෝ॒ විෂූ॑චීඃ । ආර්යා॑ය॒ විශෝ-ऽව॑තාරී॒ර්දාසීඃ᳚ ॥ අ॒යග්​ම් ශෘ॑ණ්වේ॒ අධ॒ ජය॑න්නු॒ත ඝ්නන්න් । අ॒යමු॒ත ප්රකෘ॑ණුතේ යු॒ධා ගාඃ । ය॒දා ස॒ත්ය-ඞ්කෘ॑ණු॒තේ ම॒න්යුමින්ද්රඃ॑ ॥ 17 ॥

විශ්ව॑-න්දෘ॒ඪ-ම්භ॑යත॒ ඒජ॑දස්මාත් ॥ අනු॑ ස්ව॒ධා-ම॑ක්ෂර॒න්නාපෝ॑ අස්ය । අව॑ර්ධත॒ මද්ධ්ය॒ ආ නා॒ව්යා॑නාම් । ස॒ද්ධ්රී॒චීනේ॑න॒ මන॑සා॒ තමි॑න්ද්ර॒ ඕජි॑ෂ්ඨේන । හන්ම॑නා-ऽහන්න॒භිද්යූන් ॥ ම॒රුත්ව॑න්තං-වෘඁෂ॒භං-වාඁ ॑වෘධා॒නම් । අක॑වාරි-න්දි॒ව්යග්​ම් ශා॒සමින්ද්ර᳚ම් । වි॒ශ්වා॒සාහ॒මව॑සේ॒ නූත॑නාය । උ॒ග්රග්​ම් ස॑හෝ॒දාමි॒හ තග්​ම් හු॑වේම ॥ ජනි॑ෂ්ඨා උ॒ග්ර-ස්සහ॑සේ තු॒රාය॑ ॥ 18 ॥

ම॒න්ද්ර ඕජි॑ෂ්ඨෝ බහු॒ලාභි॑මානඃ । අව॑ර්ධ॒න්නින්ද්ර॑-ම්ම॒රුත॑ශ්චි॒දත්ර॑ । මා॒තා ය-ද්වී॒ර-න්ද॒ධන॒ද්ධනි॑ෂ්ඨා ॥ ක්ව॑ ස්යා වෝ॑ මරුත-ස්ස්ව॒ධා-ऽऽසී᳚ත් । ය-න්මාමේකග්​ම්॑ ස॒මධ॑ත්තාහි॒හත්යේ᳚ । අ॒හග්ග්​ හ්යු॑ග්රස්ත॑වි॒ෂ-ස්තුවි॑ෂ්මාන් । විශ්ව॑ස්ය॒ ශත්රෝ॒රන॑මං-වඁධ॒ස්නෛඃ ॥ වෘ॒ත්රස්ය॑ ත්වා ශ්ව॒සථා॒දීෂ॑මාණාඃ । විශ්වේ॑ දේ॒වා අ॑ජහු॒ර්යේ සඛා॑යඃ । ම॒රුද්භි॑රින්ද්ර ස॒ඛ්ය-න්තේ॑ අස්තු ॥ 19 ॥

අථේ॒මා විශ්වාඃ॒ පෘත॑නා ජයාසි ॥ වධීං᳚-වෘඁ॒ත්ර-ම්ම॑රුත ඉන්ද්රි॒යේණ॑ । ස්වේන॒ භාමේ॑න තවි॒ෂෝ බ॑භූ॒වාන් । අ॒හමේ॒තා මන॑වේ වි॒ශ්වශ්ච॑න්ද්රාඃ । සු॒ගා අ॒පශ්ච॑කර॒ වජ්ර॑බාහුඃ ॥ ස යෝ වෘෂා॒ වෘෂ්ණි॑යේභි॒-ස්සමෝ॑කාඃ । ම॒හෝ දි॒වඃ පෘ॑ථි॒ව්යාශ්ච॑ ස॒ම්රාට් । ස॒තී॒නස॑ත්ත්වා॒ හව්යෝ॒ භරේ॑ෂු । ම॒රුත්වා᳚න්නෝ භව॒ත්වින්ද්ර॑ ඌ॒තී ॥ ඉන්ද්රෝ॑ වෘ॒ත්රම॑තර-ද්වෘත්ර॒තූර්යේ᳚ ॥ 20 ॥

අ॒නා॒ධෘ॒ෂ්යෝ ම॒ඝවා॒ ශූර॒ ඉන්ද්රඃ॑ । අන්වේ॑නං॒-විඁශෝ॑ අමදන්ත පූ॒ර්වීඃ । අ॒යග්​ම් රාජා॒ ජග॑තශ්චර්​ෂණී॒නාම් ॥ ස ඒ॒ව වී॒ර-ස්ස උ॑ වී॒ර්යා॑වාන් । ස ඒ॑කරා॒ජෝ ජග॑තඃ පර॒ස්පාඃ । ය॒දා වෘ॒ත්රමත॑ර॒ච්ඡූර॒ ඉන්ද්රඃ॑ । අථා॑ භවද්දමි॒තා-ऽභික්ර॑තූනාම් ॥ ඉන්ද්රෝ॑ ය॒ජ්ඤං-වඁ॒ර්ධය॑න් වි॒ශ්වවේ॑දාඃ । පු॒රෝ॒ඩාශ॑ස්ය ජුෂතාග්​ම් හ॒විර්නඃ॑ । වෘ॒ත්ර-න්තී॒ර්ත්වා දා॑න॒වං-වඁජ්ර॑බාහුඃ ॥ 21 ॥

දිශෝ॑-ऽදෘග්​ම් හද්දෘග්​ම්හි॒තා දෘග්​ම්හ॑ණේන ॥ ඉ॒මං-යඁ॒ජ්ඤං-වඁ॒ර්ධය॑න් වි॒ශ්වවේ॑දාඃ । පු॒රෝ॒ඩාශ॒-ම්ප්රති॑ගෘභ්ණා॒ත්වින්ද්රඃ॑ । ය॒දා වෘ॒ත්රමත॑ර॒ච්ඡූර॒ ඉන්ද්රඃ॑ । අථෛ॑කරා॒ජෝ අ॑භව॒ජ්ජනා॑නාම් ॥ ඉන්ද්රෝ॑ දේ॒වාඤ්ඡ॑ම්බර॒හත්ය॑ ආවත් । ඉන්ද්රෝ॑ දේ॒වානා॑- මභව-ත්පුරෝ॒ගාඃ । ඉන්ද්රෝ॑ ය॒ජ්ඤේ හ॒විෂා॑ වාවෘධා॒නඃ । වෘ॒ත්ර॒තූර්ණෝ॒ අභ॑ය॒ග්​ම්॒ ශර්ම॑ යග්​ම්සත් ॥ ය-ස්ස॒ප්ත සින්ධූ॒ග්​ම්॒ රද॑ධාත්-පෘථි॒ව්යාම් । ය-ස්ස॒ප්ත ලෝ॒කානකෘ॑ණෝ॒-ද්දිශ॑ශ්ච । ඉන්ද්රෝ॑ හ॒විෂ්මා॒න්-ථ්සග॑ණෝ ම॒රුද්භිඃ॑ । වෘ॒ත්ර॒තූර්ණෝ॑ ය॒ජ්ඤමි॒හෝප॑යාසත් ॥ 22 ॥
(ව॒ව॒ර්ථ॒ - වි॒ථ්ස॒ - ඉන්ද්ර॑ - ස්තු॒රා - යා᳚ස්තු॒ - වෘත්ර॒තූර්යේ॒ - වජ්ර॑බාහුඃ - පෘථි॒ව්යා-න්ත්රීණි॑ ච) (අ. 3)

අනුවාකං 4 - අභිමාතිහෛන්ද්රාදිපශූනාං සූක්තානි
ඉන්ද්ර॒-ස්තර॑ස්වා-නභිමාති॒හෝග්රඃ । හිර॑ණ්යවාශී-රිෂි॒ර-ස්සු॑ව॒ර॒.ෂාඃ । තස්ය॑ ව॒යග්​ම් සු॑ම॒තෞ ය॒ජ්ඤිය॑ස්ය । අපි॑ භ॒ද්රේ සෞ॑මන॒සේ ස්යා॑ම ॥ හිර॑ණ්යවර්ණෝ॒ අභ॑ය-ඞ්කෘණෝතු । අ॒භි॒මා॒ති॒හේන්ද්රඃ॒ පෘත॑නාසු ජි॒ෂ්ණුඃ । ස න॒-ශ්ශර්ම॑ ත්රි॒වරූ॑ථං॒-විඁයග්​ම්॑සත් । යූ॒ය-ම්පා॑ත ස්ව॒ස්තිභි॒-ස්සදා॑ නඃ ॥ ඉන්ද්රග්ග්॑ ස්තුහි ව॒ජ්රිණ॒ග්ග්॒ ස්තෝම॑පෘෂ්ඨම් । පු॒රෝ॒ඩාශ॑ස්ය ජුෂතාග්​ම් හ॒විර්නඃ॑ ॥ 23 ॥

හ॒ත්වා-ऽභිමා॑තීඃ॒ පෘත॑නා॒-ස්සහ॑ස්වාන් । අථාභය॑-ඞ්කෘණුහි වි॒ශ්වතෝ॑ නඃ ॥ ස්තු॒හි ශූරං॑-වඁ॒ජ්රිණ॒-මප්ර॑තීතම් (මප්ර॑තීත්තම්) । අ॒භි॒මා॒ති॒හන॑-ම්පුරුහූ॒තමින්ද්ර᳚ම් । ය ඒක॒ ඉච්ඡ॒තප॑ති॒ර්ජනේ॑ෂු । තස්මා॒ ඉන්ද්රා॑ය හ॒විරාජු॑හෝත ॥ ඉන්ද්රෝ॑ දේ॒වානා॑මධි॒පාඃ පු॒රෝහි॑තඃ । දි॒ශා-ම්පති॑රභව-ද්වා॒ජිනී॑වාන් । අ॒භි॒මා॒ති॒හා ත॑වි॒ෂස්තුවි॑ෂ්මාන් । අ॒ස්මභ්ය॑-ඤ්චි॒ත්රං-වෘඁෂ॑ණග්​ම් ර॒යි-න්දා᳚ත් ॥ 24 ॥

ය ඉ॒මේ ද්යාවා॑පෘථි॒වී ම॑හි॒ත්වා । බලේ॒නාදෘග්​ම්॑හදභිමාති॒හේන්ද්රඃ॑ । ස නෝ॑ හ॒විඃ ප්රති॑ගෘභ්ණාතු රා॒තයේ᳚ । දේ॒වානා᳚-න්දේ॒වෝ නි॑ධි॒පා නෝ॑ අව්යාත් ॥ අන॑වස්තේ॒ රථ॒මශ්වා॑ය තක්ෂ॒න්-ත්වෂ්ටා॒ වජ්ර॑-ම්පුරුහූත ද්යු॒මන්ත᳚ම් । බ්ර॒හ්මාණ॒ ඉන්ද්ර॑-ම්ම॒හය॑න්තෝ අ॒ර්කෛරව॑ර්ධය॒න්නහ॑යේ॒ හන්ත॒ වා උ॑ ॥ වෘෂ්ණේ॒ ය-ත්තේ॒ වෘෂ॑ණෝ අ॒ර්කමර්චා॒නින්ද්ර॒ ග්රාවා॑ණෝ॒ අදි॑ති-ස්ස॒ජෝෂාඃ᳚ । අ॒න॒ශ්වාසෝ॒ යේ ප॒වයෝ॑-ऽර॒ථා ඉන්ද්රේ॑ෂිතා අ॒භ්යව॑ර්තන්ත॒ දස්යූන්॑ ॥ । ඉන්ද්ර॑ස්ය॒ නු වී॒ර්යා॑ණි॒ ප්රවෝ॑චම් । යානි॑ ච॒කාර॑ ප්රථ॒මානි॑ ව॒ජ්රී ॥ අහ॒-න්නහි॒මන්ව॒පස්ත॑තර්ද । ප්ර ව॒ක්ෂණා॑ අභින॒-ත්පර්ව॑තානාම් ॥ ॥ ඉන්ද්රෝ॑ යා॒තෝ-ऽව॑සිතස්ය॒ රාජා᳚ । ශම॑ස්ය ච ශෘ॒ඞ්ගිණෝ॒ වජ්ර॑බාහුඃ । සේදු॒ රාජා᳚ ක්ෂේති චර්​ෂණී॒නාම් । අ॒රාන්න නේ॒මිඃ පරි॒තා බ॑භූව ॥ 25 ॥

අ॒භි සි॒ද්ධ්මෝ අ॑ජිගාදස්ය॒ ශත්රූන්॑ । වි ති॒ග්මේන॑ වෘෂ॒භේණා॒ පුරෝ॑-ऽභේත් । සං-වඁජ්රේ॑ණාසෘජ-ද්වෘ॒ත්රමින්ද්රඃ॑ । ප්ර ස්වා-ම්ම॒තිම॑තිර॒ච්ඡාශ॑දානඃ ॥ විෂ්ණු॑-න්දේ॒වං-වඁරු॑ණමූ॒තයේ॒ භග᳚ම් । මේද॑සා දේ॒වා ව॒පයා॑ යජද්ධ්වම් । තා නෝ॑ ය॒ජ්ඤමාග॑තං-විඁ॒ශ්වධේ॑නා । ප්ර॒ජාව॑ද॒ස්මේ ද්රවි॑ණේ॒හ ධ॑ත්තම් ॥ මේද॑සා දේ॒වා ව॒පයා॑ යජද්ධ්වම් । විෂ්ණු॑-ඤ්ච දේ॒වං-වඁරු॑ණ-ඤ්ච රා॒තිම් ॥ 26 ॥

තා නෝ॒ අමී॑වා අප॒බාධ॑මානෞ । ඉ॒මං-යඁ॒ජ්ඤ-ඤ්ජු॒ෂමා॑ණා॒වුපේත᳚ම් ॥ විෂ්ණූ॑වරුණා යු॒වම॑ද්ධ්ව॒රාය॑ නඃ । වි॒ශේ ජනා॑ය॒ මහි॒ ශර්ම॑ යච්ඡතම් । දී॒ර්ඝප්ර॑යජ්යූ හ॒විෂා॑ වෘධා॒නා । ජ්යෝති॒ෂා-ऽරා॑තීර්දහත॒-න්තමාග්​ම්॑සි ॥ යයෝ॒රෝජ॑සා ස්කභි॒තා රජාග්​ම්॑සි । වී॒ර්යේ॑භි-ර්වී॒රත॑මා॒ ශවි॑ෂ්ඨා । යා පත්යේ॑තේ॒ අප්ර॑තීත්තා॒ සහෝ॑භිඃ । විෂ්ණූ॑ අග॒න්වරු॑ණා පූ॒ර්වහූ॑තෞ ॥ 27 ॥

විෂ්ණූ॑වරුණා වභිශස්ති॒පා වා᳚ම් । දේ॒වා ය॑ජන්ත හ॒විෂා॑ ඝෘ॒තේන॑ । අපාමී॑වාග්​ම් සේධතග්​ම් ර॒ක්ෂස॑ශ්ච । අථා॑ ධත්තං॒-යඁජ॑මානාය॒ ශං-යෝඃ ඁ॥ අ॒ග්​ම්॒හෝ॒මුචා॑ වෘෂ॒භා සු॒ප්රතූ᳚ර්තී । දේ॒වානා᳚-න්දේ॒වත॑මා॒ ශචි॑ෂ්ඨා । විෂ්ණූ॑වරුණා॒ ප්රති॑හර්යත-න්නඃ । ඉ॒ද-න්නරා॒ ප්රය॑තමූ॒තයේ॑ හ॒විඃ ॥ ම॒හී නු ද්යාවා॑පෘථි॒වී ඉ॒හ ජ්යේෂ්ඨේ᳚ । රු॒චා භ॑වතාග්​ම් ශු॒චය॑ද්භි-ර॒ර්කෛඃ ॥ 28 ॥

යථ්සීං॒-වඁරි॑ෂ්ඨේ බෘහ॒තී වි॑මි॒න්වන්න් । නෘ॒වද්භ්යෝ॒-ऽක්ෂා ප॑ප්රථා॒නේභි॒රේවෛඃ᳚ ॥ ප්ර පූ᳚ර්ව॒ජේ පි॒තරා॒ නව්ය॑සීභිඃ । ගී॒ර්භිඃ කෘ॑ණුද්ධ්ව॒ග්​ම්॒ සද॑නේ ඍ॒තස්ය॑ । ආ නෝ᳚ ද්යාවාපෘථිවී॒ දෛව්යේ॑න । ජනේ॑න යාත॒-ම්මහි॑ වාං॒-වඁරූ॑ථම් ॥ ස ඉථ්ස්වපා॒ භුව॑නේෂ්වාස । ය ඉ॒මේ ද්යාවා॑පෘථි॒වී ජ॒ජාන॑ । උ॒ර්වී ග॑භී॒රේ රජ॑සී සු॒මේකේ᳚ । අ॒ව॒ග්​ම්॒ශේ ධීර॒-ශ්ශච්යා॒ සමෛ॑රත් ॥ 29 ॥

භූරි॒-න්ද්වේ අච॑රන්තී॒ චර॑න්තම් । ප॒ද්වන්ත॒-ඞ්ගර්භ॑ම॒පදී॑ දධාතේ । නිත්ය॒-න්න සූ॒නු-ම්පි॒ත්රෝරු॒පස්ථේ᳚ । ත-ම්පි॑පෘතග්​ම් රෝදසී සත්ය॒වාච᳚ම් ॥ ඉ॒ද-න්ද්යා॑වාපෘථිවී ස॒ත්යම॑ස්තු । පිත॒-ර්මාත॒-ර්යදි॒හෝප॑බ්රු॒වේ වා᳚ම් । භූ॒ත-න්දේ॒වානා॑මව॒මේ අවෝ॑භිඃ । විද්යාමේ॒ෂං-වෘඁ॒ජන॑-ඤ්ජී॒රදා॑නුම් ॥ උ॒ර්වී පෘ॒ථ්වී බ॑හු॒ලේ දූ॒රේ අ॑න්තේ । උප॑බ්රුවේ॒ නම॑සා ය॒ජ්ඤේ අ॒ස්මින්න් । දධා॑තේ॒ යේ සු॒භගේ॑ සු॒ප්රතූ᳚ර්තී । ද්යාවා॒ රක්ෂ॑ත-ම්පෘථි॒වී නෝ॒ අභ්වා᳚ත් ॥ යා ජා॒තා ඕෂ॑ධයෝ දේ॒වේභ්ය॑ස්ත්රියු॒ග-ම්පු॒රා । මන්දා॑මි බ॒භ්රූණා॑ම॒හග්​ම් ශ॒ත-න්ධාමා॑නි ස॒ප්ත ච॑ ॥, අති॒ විශ්වාඃ᳚ පරි॒ෂ්ඨා-ස්ස්තේ॒න ඉ॑ව ව්ර॒ජම॑ක්රමුඃ । ඕෂ॑ධයඃ॒ ප්රාචු॑ච්යවු॒ ර්ය-ත්කි-ඤ්ච॑ ත॒නුවා॒ග්​ම්॒ රපඃ॑ ॥ । යා ඕෂ॑ධය॒-ස්සෝම॑රාජ්ඤීඃ॒ ප්රවි॑ෂ්ටාඃ පෘථි॒වීමනු॑ । තාසා॒-න්ත්වම॑ස්යුත්ත॒මා ප්රණෝ॑ ජී॒වාත॑-වේසුව ॥ අ॒ශ්වා॒ව॒තීග්​ම් සෝ॑මව॒තී මූ॒ර්ජය॑න්තී॒ මුදෝ॑ජසම් । ආ වි॑ථ්සි॒ සර්වා॒ ඕෂ॑ධීර॒ස්මා අ॑රි॒ෂ්ටතා॑තයේ ॥ । ඕෂ॑ධී॒රිති॑ මාතර॒-ස්තද්වෝ॑ දේවී॒-රුප॑ බ්රුවේ । රපාග්​ම්॑සි විඝ්න॒තීරි॑ත॒ රප॑ශ්චා॒තය॑මානාඃ ॥ අ॒න්යා වෝ॑ අ॒න්යාම॑ව-ත්ව॒න්යා-ऽන්යස්යා॒ උපා॑වත । තා-ස්සර්වා॒ ඕෂ॑ධය-ස්සං​විඁදා॒නා ඉ॒ද-ම්මේ॒ ප්රාව॑තා॒ වචඃ॑ ॥ ॥ 30 ॥
(හ॒විර්නෝ॑ - දා-ද්- බභූව - රා॒තිං - පූ॒ර්වහූ॑තා - ව॒ර්කෛ - රෛ॑ර - ද॒ස්මි-න්පඤ්ච ච) (අ. 4)

අනුවාකං 5 - ඓන්ද්රාග්නපශ්වාදීනාං සූක්තානි
ශුචි॒-න්නු ස්තෝම॒-න්නව॑ජාත-ම॒ද්යේන්ද්රා᳚ග්නී වෘත්රහණා ජු॒ෂේථා᳚ම් । උ॒භා හි වාග්​ම්॑ සු॒හවා॒ ජෝහ॑වීමි॒ තා වාජග්​ම්॑ ස॒ද්ය උ॑ශ॒තේ ධේෂ්ඨා᳚ ॥, ශ්නථ॑-ද්වෘ॒ත්රමු॒ත ස॑නෝති॒ වාජ॒මින්ද්රා॒ යෝ අ॒ග්නී සහු॑රී සප॒ර්යාත් । ඉ॒ර॒ජ්යන්තා॑ වස॒ව්ය॑ස්ය॒ භූරේ॒-ස්සහ॑ස්තමා॒ සහ॑සා වාජ॒යන්තා᳚ ॥ । උ॒භා වා॑මින්ද්රාග්නී ආහු॒වධ්යා॑ උ॒භා රාධ॑ස-ස්ස॒හ මා॑ද॒යධ්යෛ᳚ । උ॒භා දා॒තාරා॑වි॒ෂාග්​ම් ර॑යී॒ණාමු॒භා වාජ॑ස්ය සා॒තයේ॑ හුවේ වාම් ॥,ප්ර ච॑ර්​ෂ॒ණිභ්යඃ॑ පෘතනා॒ හවේ॑ෂු॒ ප්ර පෘ॑ථි॒ව්යා රි॑රිචාථේ දි॒වශ්ච॑ । ප්ර සින්ධු॑භ්යඃ॒ ප්රගි॒රිභ්යෝ॑ මහි॒ත්වා ප්රේන්ද්රා᳚ග්නී॒ විශ්වා॒ භුව॒නා-ऽත්ය॒න්යා ॥ । ආ වෘ॑ත්රහණා වෘත්ර॒හභි॒-ශ්ශුෂ්මෛඃ᳚ । ඉන්ද්ර॑ යා॒ත-න්නමෝ॑භිරග්නේ අ॒ර්වාක් । යු॒වග්​ම් රාධෝ॑භි॒රක॑වේභිරින්ද්ර । අග්නේ॑ අ॒ස්මේ භ॑වතමුත්ත॒මේභිඃ॑ ॥ ගී॒ර්භි-ර්විප්රඃ॒ ප්රම॑තිමි॒ච්ඡමා॑නඃ । ඊ॒॑ ර॒යිං-යඁ॒ශස॑-ම්පූර්ව॒භාජ᳚ම් । ඉන්ද්රා᳚ග්නී වෘත්රහණා සුවජ්රා । ප්රණෝ॒ නව්යේ॑භිස්තිරත-න්දේ॒ෂ්ණෛඃ ॥ ॥ බ්රහ්ම॑ණස්පතේ॒ ත්වම॒ස්ය ය॒න්තා । සූ॒ක්තස්ය॑ බෝධි॒ තන॑ය-ඤ්ච ජින්ව । විශ්ව॒-න්ත-ද්භ॒ද්රං-යඁද॒වන්ති॑ දේ॒වාඃ । බෘ॒හද්ව॑දේම වි॒දථේ॑ සු॒වීරාඃ᳚ ॥ ස ඊග්​ම්॑ ස॒ත්යේභි॒-ස්සඛි॑භි-ශ්ශු॒චද්භිඃ॑ । ගෝධා॑යසං॒​විඁ ධ॑න॒සෛර॑තර්දත් । බ්රහ්ම॑ණ॒ස්පති॒-ර්වෘෂ॑භිර්ව॒රාහෛඃ᳚ ॥ 31 ॥

ඝ॒ර්මස්වේ॑දේභි॒-ර්ද්රවි॑ණං॒-ව්යාඁ ॑නට් ॥ බ්රහ්ම॑ණ॒ස්පතේ॑-රභවද්යථා ව॒ශම් । ස॒ත්යෝ ම॒න්යුර්මහි॒ කර්මා॑ කරිෂ්ය॒තඃ । යෝ ගා උ॒දාජ॒ථ්ස දි॒වේ වි චා॑භජත් । ම॒හීව॑ රී॒ති-ශ්ශව॑සා සර॒-ත්පෘථ॑ක් ॥ ඉන්ධා॑නෝ අ॒ග්නිං-වඁ ॑නවද්වනුෂ්ය॒තඃ । කෘ॒තබ්ර॑හ්මා ශූශුව-ද්රා॒තහ॑ව්ය॒ ඉත් । ජා॒තේන॑ ජා॒තමති॒ සෘ-ත්ප්රසෘග්​ම්॑සතේ । යං-යඁං॒-යුඁජ॑-ඞ්කෘණු॒තේ බ්රහ්ම॑ණ॒ස්පතිඃ॑ ॥ බ්රහ්ම॑ණස්පතේ සු॒යම॑ස්ය වි॒ශ්වහා᳚ ॥ 32 ॥

රා॒ය-ස්ස්යා॑ම ර॒ථ්යෝ॑ විව॑ස්වතඃ । වී॒රේෂු॑ වී॒රාග්​ම් උප॑පෘඞ්ග්ධි න॒ස්ත්වම් । යදීශා॑නෝ॒ බ්රහ්ම॑ණා॒ වේෂි॑ මේ॒ හව᳚ම් ॥ ස ඉජ්ජනේ॑න॒ ස වි॒ශා ස ජන්ම॑නා । ස පු॒ත්රෛර්වාජ॑-ම්භරතේ॒ ධනා॒ නෘභිඃ॑ । දේ॒වානාං॒-යඃ ඁපි॒තර॑මා॒විවා॑සති । ශ්ර॒ද්ධාම॑නා හ॒විෂා॒ බ්රහ්ම॑ණ॒ස්පති᳚ම් ॥ යාස්තේ॑ පූෂ॒න්නාවෝ॑ අ॒න්ත-ස්ස॑මු॒ද්රේ । හි॒ර॒ණ්යයී॑ර॒න්තරි॑ක්ෂේ॒ චර॑න්ති । යාභි॑ර්යාසි දූ॒ත්යාග්​ම් සූර්ය॑ස්ය । කාමේ॑න කෘ॒ත-ශ්ශ්රව॑ ඉ॒ච්ඡමා॑නඃ ॥ । ශු॒ක්ර-න්තේ॑ අ॒න්යද්ය॑ජ॒ත-න්තේ॑ අ॒න්යද්විෂු॑රූපේ॒ අහ॑නී॒ ද්යෞරි॑වාසි । විශ්වා॒ හි මා॒යා අව॑සි ස්වධාවෝ භ॒ද්රා තේ॑ පූෂන්නි॒හ රා॒තිර॑ස්තු ॥, පූ॒ෂේමා ආශා॒ අනු॑වේද॒ සර්වා᳚-ස්සෝ අ॒ස්මාග්​ම් අභ॑යතමේන නේෂත් । ස්ව॒ස්ති॒දා අඝෘ॑ණි॒-ස්සර්ව॑වීරඃ । අප්ර॑යුච්ඡ-න්පු॒ර ඒ॑තු॒ ප්රජා॒නන්න් ॥ ॥ ප්රප॑ථේ ප॒ථාම॑ජනිෂ්ට පූ॒ෂා ॥ 33 ॥

ප්රප॑ථේ දි॒වඃ ප්රප॑ථේ පෘථි॒ව්යාඃ । උ॒භේ අ॒භි ප්රි॒යත॑මේ ස॒ධස්ථේ᳚ । ආ ච॒ පරා॑ ච චරති ප්රජා॒නන්න් ॥ පූ॒ෂා සු॒බන්ධු॑ර්දි॒ව ආ පෘ॑ථි॒ව්යාඃ । ඉ॒ඩස්පති॑-ර්ම॒ඝවා॑ ද॒ස්මව॑ර්චාඃ । ත-න්දේ॒වාසෝ॒ අද॑දු-ස්සූ॒ර්යායෛ᳚ । කාමේ॑න කෘ॒ත-න්ත॒වස॒ග්ග්॒ ස්වඤ්ච᳚ම් ॥ අ॒ජාශ්වඃ॑ පශු॒පා වාජ॑වස්ත්යඃ । ධි॒ය॒ජි॒න්න්වෝ විශ්වේ॒ භුව॑නේ॒ අර්පි॑තඃ । අෂ්ට්රා᳚-ම්පූ॒ෂා ශි॑ථි॒රාමු॒ද්වරී॑වෘජත් ॥ 34 ॥

ස॒චඞ්ක්ෂා॑ණෝ॒ භුව॑නා දේ॒ව ඊ॑යතේ ॥ ශුචී॑ වෝ හ॒ව්යා ම॑රුත॒-ශ්ශුචී॑නාම් । ශුචිග්​ම්॑ හිනෝම්යද්ධ්ව॒රග්​ම් ශුචි॑භ්යඃ । ඍ॒තේන॑ ස॒ත්යමෘත॒සාප॑ ආයන්න් । ශුචි॑ජන්මාන॒-ශ්ශුච॑යඃ පාව॒කාඃ ॥ ප්ර චි॒ත්රම॒ර්ක-ඞ්ගෘ॑ණ॒තේ තු॒රාය॑ । මාරු॑තාය॒ ස්වත॑වසේ භරද්ධ්වම් । යේ සහාග්​ම්॑සි॒ සහ॑සා॒ සහ॑න්තේ । රේජ॑තේ අග්නේ පෘථි॒වී ම॒ඛේභ්යඃ॑ ॥ අග්​ම්සේ॒ෂ්වා ම॑රුතඃ ඛා॒දයෝ॑ වඃ ॥ 35 ॥

වක්ෂ॑ස්සු රු॒ක්මා උප॑ශිශ්රියා॒ණාඃ । වි වි॒ද්යුතෝ॒ න වෘ॒ෂ්ටිභී॑ රුචා॒නාඃ । අනු॑ ස්ව॒ධාමායු॑ධෛ॒-ර්යච්ඡ॑මානාඃ ॥ යා ව॒-ශ්ශර්ම॑ ශශමා॒නාය॒ සන්ති॑ । ත්රි॒ධාතූ॑නි දා॒ශුෂේ॑ යච්ඡ॒තාධි॑ । අ॒ස්මභ්ය॒-න්තානි॑ මරුතෝ॒ විය॑න්ත । ර॒යි-න්නෝ॑ ධත්ත වෘෂණ-ස්සු॒වීර᳚ම් ॥ ඉ॒මේ තු॒ර-ම්ම॒රුතෝ॑ රාමයන්ති । ඉ॒මේ ස॒හ-ස්සහ॑ස॒ ආන॑මන්ති । ඉ॒මේ ශග්​ම්සං॑-වඁනුෂ්ය॒තෝ නිපා᳚න්ති ॥ 36 ॥

ගු॒රුද්වේෂෝ॒ අර॑රුෂේ දධන්ති ॥ අ॒රා ඉ॒වේදච॑රමා॒ අහේ॑ව । ප්ර ප්ර॑ජායන්තේ॒ අක॑වා॒ මහෝ॑භිඃ । පෘශ්නේඃ᳚ පු॒ත්රා උ॑ප॒මාසෝ॒ රභි॑ෂ්ඨාඃ । ස්වයා॑ ම॒ත්යා ම॒රුත॒-ස්සම්මි॑මික්ෂුඃ ॥ අනු॑ තේ දායි ම॒හ ඉ॑න්ද්රි॒යාය॑ । ස॒ත්රා තේ॒ විශ්ව॒මනු॑ වෘත්ර॒හත්යේ᳚ । අනු॑ ක්ෂ॒ත්රමනු॒ සහෝ॑ යජත්ර । ඉන්ද්ර॑ දේ॒වේභි॒රනු॑ තේ නෘ॒ෂහ්යේ᳚ ॥ ය ඉන්ද්ර॒ ශුෂ්මෝ॑ මඝවන්තේ॒ අස්ති॑ ॥ 37 ॥

ශික්ෂා॒ සඛි॑භ්යඃ පුරුහූත॒ නෘභ්යඃ॑ । ත්වග්​ම් හි දෘ॒ඪා ම॑ඝව॒න් විචේ॑තාඃ । අපා॑වෘධි॒ පරි॑වෘති॒-න්න රාධඃ॑ ॥ ඉන්ද්රෝ॒ රාජා॒ ජග॑තශ්චර්​ෂණී॒නාම් । අධි॒ක්ෂමි॒ විෂු॑රූපං॒-යඁදස්ති॑ । තතෝ॑ දදාතු දා॒ශුෂේ॒ වසූ॑නි । චෝද॒ද්රාධ॒ උප॑ස්තුතශ්චිද॒ර්වාක් ॥ තමු॑ ෂ්ටුහි॒ යෝ අ॒භිභූ᳚ත්යෝජාඃ । ව॒න්වන්නවා॑තඃ පුරුහූ॒ත ඉන්ද්රඃ॑ । අෂා॑ඪමු॒ග්රග්​ම් සහ॑මානමා॒භිඃ ॥ 38 ॥

ගී॒ර්භිර්ව॑ර්ධ වෘෂ॒භ-ඤ්ච॑ර්​ෂණී॒නාම් ॥ ස්ථූ॒රස්ය॑ රා॒යෝ බෘ॑හ॒තෝ ය ඊශේ᳚ । තමු॑ ෂ්ටවාම වි॒දථේ॒ෂ්වින්ද්ර᳚ම් । යෝ වා॒යුනා॒ ජය॑ති॒ ගෝම॑තීෂු । ප්ර ධෘ॑ෂ්ණු॒යා න॑යති॒ වස්යෝ॒ අච්ඡ॑ ॥ ආ තේ॒ ශුෂ්මෝ॑ වෘෂ॒භ ඒතු॑ ප॒ශ්චාත් । ඕත්ත॒රාද॑ධ॒රාගා පු॒රස්තා᳚ත් । ආ වි॒ශ්වතෝ॑ අ॒භි සමේ᳚ත්ව॒ර්වාම් । ඉන්ද්ර॑ ද්යු॒ම්නග්​ම් සුව॑ර්වද්ධේහ්ය॒ස්මේ ॥ 39 ॥
(ව॒රාහෛ᳚--ර් වි॒ශ්වහා॑ - ऽජනිෂ්ට පූ॒ෂෝ - ද්වරී॑වෘජත් - ඛා॒දයෝ॑ වඃ - පා॒න් - ත්යස්ත - යා॒භි--ර් + නව॑ ච) (අ. 5)

අනුවාකං 6 - සාවිත්රාදිපශූනාං සූක්තානි
ආ දේ॒වෝ යා॑තු සවි॒තා සු॒රත්නඃ॑ । අ॒න්ත॒රි॒ක්ෂ॒ප්රා වහ॑මානෝ॒ අශ්වෛඃ᳚ । හස්තේ॒ දධා॑නෝ॒ නර්යා॑ පු॒රූණි॑ । නි॒වේ॒ශය॑න් ච ප්රසු॒වන් ච॒ භූම॑ ॥ අ॒භීවෘ॑ත॒-ඞ්කෘශ॑නෛ-ර්වි॒ශ්වරූ॑පම් ।
හිර॑ණ්යශම්යං-යඁජ॒තෝ බෘ॒හන්ත᳚ම් । ආස්ථා॒-ද්රථග්​ම්॑ සවි॒තා චි॒ත්රභා॑නුඃ । කෘ॒ෂ්ණා රජාග්​ම්॑සි॒ තවි॑ෂී॒-න්දධා॑නඃ ॥ සඝා॑ නෝ දේ॒ව-ස්ස॑වි॒තා ස॒වාය॑ । ආසා॑විෂ॒-ද්වසු॑පති॒-ර්වසූ॑නි ॥ 40 ॥

වි॒ශ්රය॑මාණෝ॒ අම॑තිමුරූ॒චීම් । ම॒ර්ත॒භෝජ॑න॒මධ॑ රාසතේ න ॥ වි ජනා᳚ඤ්ඡ්යා॒වා-ශ්ශි॑ති॒පාදෝ॑ අඛ්යන්න් । රථ॒ග්​ම්॒ හිර॑ණ්ය ප්ර උගං॒-වඁහ॑න්තඃ । ශශ්ව॒-ද්දිශ॑-ස්සවි॒තු-ර්දෛව්ය॑ස්ය । උ॒පස්ථේ॒ විශ්වා॒ භුව॑නානි තස්ථුඃ ॥ වි සු॑ප॒ර්ණෝ අ॒න්තරි॑ක්ෂාණ්යඛ්යත් । ග॒භී॒රවේ॑පා॒ අසු॑ර-ස්සුනී॒ථඃ । ක්වේ॑දානී॒ග්​ම්॒ සූර්යඃ॒ කශ්චි॑කේත । ක॒ත॒මා-න්ද්යාග්​ම් ර॒ශ්මිර॒ස්යාත॑තාන ॥ 41 ॥

භග॒-න්ධියං॑-වාඁ॒ජය॑න්තඃ॒ පුර॑න්ධිම් । නරා॒ශග්​ම්සෝ॒ ග්නාස්පති॑ර්නෝ අව්යාත් । ආ-ऽයේ වා॒මස්ය॑ සඞ්ග॒ථේ ර॑යී॒ණාම් । ප්රි॒යා දේ॒වස්ය॑ සවි॒තු-ස්ස්යා॑ම ॥ ආ නෝ॒ විශ්වේ॒ අස්ක්රා॑ ගමන්තු දේ॒වාඃ । මි॒ත්රෝ අ॑ර්ය॒මා වරු॑ණ-ස්ස॒ජෝෂාඃ᳚ । භුව॒න්॒. යථා॑ නෝ॒ විශ්වේ॑ වෘ॒ධාසඃ॑ । කර᳚න්-ථ්සු॒ෂහා॑ විථු॒ර-න්න ශවඃ॑ ॥ ශ-න්නෝ॑ දේ॒වා වි॒ශ්වදේ॑වා භවන්තු । ශග්​ම් සර॑ස්වතී ස॒හ ධී॒භිර॑ස්තු ॥ 42 ॥

ශම॑භි॒ෂාච॒-ශ්ශමු॑ රාති॒ෂාචඃ॑ । ශ-න්නෝ॑ දි॒ව්යාඃ පාර්ථි॑වා॒-ශ්ශ-න්නෝ॒ අප්යාඃ᳚ ॥ යේ ස॑වි॒තු-ස්ස॒ත්යස॑වස්ය॒ විශ්වේ᳚ । මි॒ත්රස්ය॑ ව්ර॒තේ වරු॑ණස්ය දේ॒වාඃ । තේ සෞභ॑ගං-වීඁ॒රව॒ද්ගෝම॒දප්නඃ॑ । දධා॑තන॒ ද්රවි॑ණ-ඤ්චි॒ත්රම॒ස්මේ ॥ අග්නේ॑ යා॒හි දූ॒ත්යං॑-වාඁරි॑ෂේණ්යඃ । දේ॒වාං අච්ඡා᳚ බ්රහ්ම॒කෘතා॑ ග॒ණේන॑ । සර॑ස්වතී-ම්ම॒රුතෝ॑ අ॒ශ්විනා-ऽ॒පඃ । ය॒ක්ෂි॒ දේ॒වා-න්ර॑ත්න॒ධේයා॑ය॒ විශ්වාන්॑ ॥ 43 ॥

ද්යෞඃ පි॑තඃ॒ පෘථි॑වි॒ මාත॒රද්ධ්රු॑ක් । අග්නේ᳚ භ්රාතර්වසවෝ මෘ॒ඩතා॑ නඃ । විශ්ව॑ ආදිත්යා ආදිතේ ස॒ජෝෂාඃ᳚ । අ॒ස්මභ්ය॒ග්​ම්॒ ශර්ම॑ බහු॒ලං-විඁය॑න්ත ॥ විශ්වේ॑ දේවා-ශ්ශෘණු॒තේමග්​ම් හව॑-ම්මේ । යේ අ॒න්තරි॑ක්ෂේ॒ ය උප॒ ද්යවි॒ ෂ්ඨ । යේ අ॑ග්නිජි॒හ්වා උ॒ත වා॒ යජ॑ත්රාඃ । ආ॒ස-ද්යා॒ස්මි-න්බ॒ර්॒හිෂි॑ මාදයද්ධ්වම් ॥ ආ වා᳚-ම්මිත්රාවරුණා හ॒ව්යජු॑ෂ්ටිම් । නම॑සා දේවා॒ වව॑සා-ऽऽවවෘත්යාම් ॥ 44 ॥

අ॒ස්මාක॒-ම්බ්රහ්ම॒ පෘත॑නාසු සහ්යා අ॒ස්මාක᳚ම් । වෘ॒ෂ්ටි-ර්දි॒ව්යා සු॑පා॒රා ॥ යු॒වං-වඁස්ත්රා॑ණි පීව॒සා ව॑සාථේ । යු॒වෝරච්ඡි॑ද්රා॒ මන්ත॑වෝ හ॒ සර්ගාඃ᳚ । අවා॑තිරත॒මනෘ॑තානි॒ විශ්වා᳚ । ඍ॒තේන॑ මිත්රාවරුණා සචේථේ ॥ තථ්සු වා᳚-ම්මිත්රාවරුණා මහි॒ත්වම් । ඊ॒ර්මා ත॒ස්ථුෂී॒රහ॑භි-ර්දුදුහ්රේ । විශ්වාඃ᳚ පින්වථ॒ ස්වස॑රස්ය॒ ධේනාඃ᳚ । අනු॑ වා॒මේකඃ॑ ප॒විරාව॑වර්ති ॥ 45 ॥

යද්බග්​ම්හි॑ෂ්ඨ॒-න්නාති॒විදේ॑ සුදානූ । අච්ඡි॑ද්ර॒ග්​ම්॒ ශර්ම॒ භුව॑නස්ය ගෝපා । තතෝ॑ නෝ මිත්රාවරුණා-වවීෂ්ටම් । සිෂා॑සන්තෝ ජීගි॒වාග්​ම්ස॑-ස්ස්යාම ॥ ආ නෝ॑ මිත්රාවරුණා හ॒ව්යදා॑තිම් । ඝෘ॒තෛ-ර්ගව්යූ॑තිමුක්ෂත॒මිඩා॑භිඃ । ප්රති॑ වා॒මත්ර॒ වර॒මා ජනා॑ය । පෘ॒ණී॒තමු॒ද්ගෝ දි॒ව්යස්ය॒ චාරෝඃ᳚ ॥ ප්ර බා॒හවා॑ සිසෘත-ඤ්ජී॒වසේ॑ නඃ । ආ නෝ॒ ගව්යූ॑තිමුක්ෂත-ඞ්ඝෘ॒තේන॑ ॥ 46 ॥

ආ නෝ॒ ජනේ᳚ ශ්රවයතං-යුඁවානා । ශ්රු॒ත-ම්මේ॑ මිත්රාවරුණා॒ හවේ॒මා ॥ ඉ॒මා රු॒ද්රාය॑ ස්ථි॒රධ॑න්වනේ॒ ගිරඃ॑ । ක්ෂි॒ප්රේෂ॑වේ දේ॒වාය॑ ස්ව॒ධාම්නේ᳚ । අෂා॑ඪාය॒ සහ॑මානාය මී॒ඪුෂේ᳚ । ති॒ග්මායු॑ධාය භරතා ශෘ॒ණෝත॑න ॥ ත්වා ද॑ත්තේභී රුද්ර॒ ශන්ත॑මේභිඃ । ශ॒තග්​ම් හිමා॑ අශීය භේෂ॒ජේභිඃ॑ । ව්ය॑ස්මද්ද්වේෂෝ॑ විත॒රං-ව්යඁග්​ම්හඃ॑ । ව්යමී॑වාග්​ ශ්චාතයස්වා॒ විෂූ॑චීඃ ॥ 47 ॥

අර්​හ॑න්බිභර්​ෂි॒ සාය॑කානි॒ ධන්ව॑ । අර්​හ॑න්නි॒ෂ්කං-යඁ ॑ජ॒තං-විඁ॒ශ්වරූ॑පම් । අර්​හ॑න්නි॒දන්ද॑යසේ॒ විශ්ව॒මබ්භු॑වම් । න වා ඕජී॑යෝ රුද්ර॒ ත්වද॑ස්ති ॥, මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ । වී॒රා-න්මානෝ॑ රුද්ර භාමි॒තෝ ව॑ධීර්​හ॒විෂ්ම॑න්තෝ॒ නම॑සා විධේම තේ ॥॥ ආ තේ॑ පිතර්මරුතාග්​ම් සු॒ම්නමේ॑තු । මා න॒-ස්සූර්ය॑ස්ය ස॒දෘංශෝ॑ යුයෝථාඃ । අ॒භි නෝ॑ වී॒රෝ අර්ව॑ති ක්ෂමේත । ප්රජා॑යේමහි රුද්ර ප්ර॒ජාභිඃ॑ ॥ ඒ॒වා බ॑භ්රෝ වෘෂභ චේකිතාන । යථා॑ දේව॒ න හෘ॑ණී॒ෂේ න හග්​ම්සි॑ । හා॒ව॒න॒ශ්රූර්නෝ॑ රුද්රේ॒හ බෝ॑ධි । බෘ॒හද්ව॑දේම වි॒දථේ॑ සු॒වීරාඃ᳚ ॥ පරි॑ණෝ රු॒ද්රස්ය॑ හේ॒ති ර්වෘ॑ණක්තු॒ පරි॑ත්වේ॒ෂස්ය॑ දුර්ම॒තිර॑ඝා॒යෝඃ । අව॑ ස්ථි॒රා ම॒ඝව॑ද්භ්ය-ස්තනුෂ්ව॒ මීඪ්ව॑ස්තෝ॒කාය॒ තන॑යාය මෘඩය ॥, ස්තු॒හි ශ්රු॒ත-ඞ්ග॑ර්ත॒සදං॒-යුඁවා॑න-ම්මෘ॒ග-න්න භී॒ම-මු॑පහ॒ත්නු-මු॒ග්රම් । මෘ॒ඩා ජ॑රි॒ත්රේ රු॑ද්ර॒ ස්තවා॑නෝ අ॒න්යන්තේ॑ අ॒ස්මන්නිව॑පන්තු॒ සේනාඃ᳚ ॥ । මීඪු॑ෂ්ටම॒ ශිව॑තම ශි॒වෝ න॑-ස්සු॒මනා॑ භව ।ප॒ර॒මේ වෘ॒ක්ෂ ආයු॑ධ-න්නි॒ධාය॒ කෘත්තිං॒-වඁසා॑න॒ ආච॑ර॒ පිනා॑ක॒ම්බිභ්ර॒දාග॑හි ॥ අර්​හ॑න්බිභර්​ෂි॒ සාය॑කානි॒ ධන්ව॑ । අර්​හ॑න්නි॒ෂ්කං-යඁ ॑ජ॒තං-විඁ॒ශ්වරූ॑පම් । අර්​හ॑න්නි॒දන්ද॑යසේ॒ විශ්ව॒මබ්භු॑වම් । න වා ඕජී॑යෝ රුද්ර॒ ත්වද॑ස්ති ॥। ත්වම॑ග්නේ රු॒ද්රෝ අසු॑රෝ ම॒හෝ දි॒වස්ත්වග්​ම් ශර්ධෝ॒ මාරු॑ත-ම්පෘ॒ක්ෂ ඊ॑ශිෂේ । ත්වං-වාඁතෛ॑රරු॒ණෛර්යා॑සි ශඞ්ග॒යස්ත්ව-ම්පූ॒ෂා වි॑ධ॒තඃ පා॑සි॒ නුත්මනා᳚ ॥, ආ වෝ॒ රාජා॑නමධ්ව॒රස්ය॑ රු॒ද්රග්​ම් හෝතා॑රග්​ම් සත්ය॒යජ॒ග්​ම්॒ රෝද॑ස්යෝඃ । අ॒ග්නි-ම්පු॒රා ත॑නයි॒ත්නෝ ර॒චිත්තා॒-ද්ධිර॑ණ්යරූප॒මව॑සේ කෘණුධ්වම් ॥ ॥ 48 ॥
(වසූ॑නි - තතා - නාස්තු॒ - විශ්වාන්॑.-වවෘත්යාං​වඁවර්ති-ඝෘ॒තේන॒-විෂූ॑චීඃ-ශ්රු॒ත-න්ද්වේ ච॑) (අ. 6)

අනුවාකං 7 - සෞර්යාදිපශූනාං සූක්තානි
සූර්යෝ॑ දේ॒වීමු॒ෂස॒ග්​ම් රෝච॑මානා॒ මර්යඃ॑ । න යෝෂා॑ම॒භ්යේ॑ති ප॒ශ්චාත් । යත්රා॒ නරෝ॑ දේව॒යන්තෝ॑ යු॒ගානි॑ । වි॒ත॒න්වතේ॒ ප්රති॑ භ॒ද්රාය॑ භ॒ද්රම් ॥ භ॒ද්රා අශ්වා॑ හ॒රිත॒-ස්සූර්ය॑ස්ය । චි॒ත්රා ඒද॑ග්වා අනු॒මාද්යා॑සඃ । න॒ම॒ස්යන්තෝ॑ දි॒ව ආ පෘ॒ෂ්ඨම॑ස්ථුඃ ।
පරි॒ ද්යාවා॑පෘථි॒වී ය॑න්ති ස॒ද්යඃ ॥ ත-ථ්සූර්ය॑ස්ය දේව॒ත්ව-න්ත-න්ම॑හි॒ත්වම් । ම॒ද්ධ්යා කර්තෝ॒-ර්විත॑ත॒ග්​ම්॒ සඤ්ජ॑භාර ॥ 49 ॥

ය॒දේදයු॑ක්ත හ॒රිත॑-ස්ස॒ධස්ථා᳚ත් । ආද්රාත්රී॒ වාස॑ස්තනුතේ සි॒මස්මෛ᳚ ॥ ත-න්මි॒ත්රස්ය॒ වරු॑ණස්යාභි॒චක්ෂේ᳚ । සූර්යෝ॑ රූ॒ප-ඞ්කෘ॑ණුතේ॒ ද්යෝරු॒පස්ථේ᳚ । අ॒න॒න්තම॒න්ය-ද්රුශ॑දස්ය॒ පාජඃ॑ । කෘ॒ෂ්ණම॒න්යද්ධ॒රිත॒-ස්සම්භ॑රන්ති ॥ අ॒ද්යා දේ॑වා॒ උදි॑තා॒ සූර්ය॑ස්ය । නිරග්​ම්හ॑සඃ පිපෘ॒තාන්නිර॑ව॒ද්යාත් । තන්නෝ॑ මි॒ත්රෝ වරු॑ණෝ මාමහන්තාම් । අදි॑ති॒-ස්සින්ධුඃ॑ පෘථි॒වී උ॒ත ද්යෞඃ ॥ 50 ॥

දි॒වෝ රු॒ක්ම උ॑රු॒චක්ෂා॒ උදේ॑ති । දූ॒රේ අ॑ර්ථස්ත॒රණි॒-ර්භ්රාජ॑මානඃ । නූ॒න-ඤ්ජනා॒-ස්සූර්යේ॑ණ॒ ප්රසූ॑තාඃ । ආයන්නර්ථා॑නි කෘ॒ණව॒න්නපාග්​ම්॑සි ॥ ශ-න්නෝ॑ භව॒ චක්ෂ॑සා॒ ශ-න්නෝ॒ අහ්නා᳚ । ශ-ම්භා॒නුනා॒ ශග්​ම් හි॒මා ශ-ඞ්ඝෘ॒ණේන॑ । යථා॒ ශම॒ස්මෛ ශමස॑-ද්දුරෝ॒ණේ । ත-ථ්සූ᳚ර්ය॒ ද්රවි॑ණ-න්ධේ॒හි චි॒ත්රම් ॥ චි॒ත්ර-න්දේ॒වානා॒-මුද॑ගා॒දනී॑කම් । චක්ෂු॑ර්මි॒ත්රස්ය॒ වරු॑ණස්යා॒ග්නේඃ ॥ 51 ॥

ආ-ऽප්රා॒ ද්යාවා॑පෘථි॒වී අ॒න්තරි॑ක්ෂම් । සූර්ය॑ ආ॒ත්මා ජග॑තස්ත॒ස්ථුෂ॑ශ්ච ॥ ත්වෂ්ටා॒ දධ॒දින්ද්රා॑ය॒ ශුෂ්ම᳚ම් । අපා॒කෝ-ऽචි॑ෂ්ටුර්ය॒ශසේ॑ පු॒රූණි॑ । වෘෂා॒ යජ॒න් වෘෂ॑ණ॒-ම්භූරි॑රේතාඃ । මූ॒ර්ධන්. ය॒ජ්ඤස්ය॒ සම॑නක්තු දේ॒වාන් ॥, තන්න॑ස්තු॒රීප॒මධ॑ පෝෂයි॒ත්නු දේව॑ ත්වෂ්ට॒ර්වි ර॑රා॒ණ-ස්ස්ය॑ස්ව । යතෝ॑ වී॒රඃ ක॑ර්ම॒ණ්ය॑-ස්සු॒දක්ෂෝ॑ යු॒ක්තග්රා॑වා॒ ජාය॑තේ දේ॒වකා॑මඃ ॥ । ත්වෂ්ටා॑ වී॒ර-න්දේ॒වකා॑ම-ඤ්ජජාන॒ ත්වෂ්ටු॒රර්වා॑ ජායත ආ॒ශුරශ්වඃ॑ । ත්වෂ්ටේ॒දං-විඁශ්ව॒-ම්භුව॑න-ඤ්ජජාන බ॒හෝඃ ක॒ර්තාර॑මි॒හ ය॑ක්ෂි හෝතඃ ॥ පි॒ශඞ්ග॑රූප-ස්සු॒භරෝ॑ වයෝ॒ධා-ශ්ශ්රු॒ෂ්ටී වී॒රෝ ජා॑යතේ දේ॒වකා॑මඃ । ප්ර॒ජා-න්ත්වෂ්ටා॒ විෂ්ය॑තු॒ නාභි॑ම॒ස්මේ අථා॑ දේ॒වානා॒මප්යේ॑තු॒ පාථඃ॑ ॥ ॥ දශේ॒ම-න්ත්වෂ්ටු॑ර්ජනයන්ත॒ ගර්භ᳚ම් । අත॑න්ද්රාසෝ යුව॒තයෝ॒ බිභ॑ර්ත්රම් । ති॒ග්මානී॑ක॒ග්ග්॒ ස්වය॑ශස॒-ඤ්ජනේ॑ෂු । වි॒රෝච॑මාන॒-ම්පරි॑ෂී-න්නයන්ති ॥ ආවිෂ්ට්යෝ॑ වර්ධතේ॒ චාරු॑රාසු । ජි॒හ්මානා॑මූ॒ර්ධ්ව-ස්ස්වය॑ශා උ॒පස්ථේ᳚ ॥ 52 ॥

උ॒භේ ත්වෂ්ටු॑ර්බිභ්යතු॒-ර්ජාය॑මානාත් । ප්ර॒තීචී॑ සි॒ග්​ම්॒හ-ම්ප්රති॑ජෝෂයේතේ ॥ මි॒ත්රෝ ජනාන්॑ යාතයති ප්රජා॒න-න්මි॒ත්රෝ දා॑ධාර පෘථි॒වීමු॒ත ද්යාම් । මි॒ත්රඃ කෘ॒ෂ්ටීරනි॑මිෂා॒-ऽභි ච॑ෂ්ටේ ස॒ත්යාය॑ හ॒ව්ය-ඞ්ඝෘ॒තව॑-ද්විධේම ॥, ප්ර ස මි॑ත්ර॒ මර්තෝ॑ අස්තු॒ ප්රය॑ස්වා॒න් යස්ත॑ ආදිත්ය॒ ශික්ෂ॑ති ව්ර॒තේන॑ । න හ॑න්යතේ॒ න ජී॑යතේ॒ ත්වෝතෝ॒ නෛන॒මග්​ම්හෝ॑ අශ්නෝ॒ත්යන්ති॑තෝ॒ න දූ॒රාත් ॥ ॥ අ॒ය-ම්මි॒ත්රෝ න॑ම॒ස්ය॑-ස්සු॒ශේවඃ॑ । රාජා॑ සුක්ෂ॒ත්රෝ අ॑ජනිෂ්ට වේ॒ධාඃ । තස්ය॑ ව॒යග්​ම් සු॑ම॒තෞ ය॒ජ්ඤිය॑ස්ය । අපි॑ භ॒ද්රේ සෞ॑මන॒සේ ස්යා॑ම ॥ අ॒න॒මී॒වාස॒ ඉඩ॑යා॒ මද॑න්තඃ । මි॒තජ්ම॑වෝ॒ වරි॑ම॒න්නා පෘ॑ථි॒ව්යාඃ । ආ॒දි॒ත්යස්ය॑ ව්ර॒තමු॑ප॒ක්ෂ්යන්තඃ॑ ॥ 53 ॥

ව॒ය-ම්මි॒ත්රස්ය॑ සුම॒තෞ ස්යා॑ම ॥ මි॒ත්ර-න්න ඊග්​ම් ශිම්යා॒ ගෝෂු॑ ග॒ව්යව॑ත් । ස්වා॒ධියෝ॑ වි॒දථේ॑ අ॒ඵ්ස්වජී॑ජනන්න් । අරේ॑ජයතා॒ග්​ම්॒ රෝද॑සී॒ පාජ॑සා ගි॒රා । ප්රති॑ ප්රි॒යං-යඁ ॑ජ॒ත-ඤ්ජ॒නුෂා॒මවඃ॑ ॥ ම॒හාග්​ම් ආ॑දි॒ත්යෝ නම॑සෝප॒සද්යඃ॑ । යා॒ත॒යජ්ජ॑නෝ ගෘණ॒තේ සු॒ශේවඃ॑ । තස්මා॑ ඒ॒ත-ත්පන්ය॑තමාය॒ ජුෂ්ට᳚ම් । අ॒ග්නෞ මි॒ත්රාය॑ හ॒විරාජු॑හෝත ॥ ආවා॒ග්​ම්॒ රථෝ॒ රෝද॑සී බද්බධා॒නඃ ॥ 54 ॥

හි॒ර॒ණ්යයෝ॒ වෘෂ॑භිර්යා॒ත්වශ්වෛඃ᳚ । ඝෘ॒තව॑ර්තනිඃ ප॒විභී॑ රුචා॒නඃ । ඉ॒ෂාං-වෝඁ॒ඪා නෘ॒පති॑ර්වා॒ජිනී॑වාන් ॥ ස ප॑ප්රථා॒නෝ අ॒භි පඤ්ච॒ භූම॑ । ත්රි॒ව॒න්ධු॒රෝ මන॒සා-ऽऽයා॑තු යු॒ක්තඃ । විශෝ॒ යේන॒ ගච්ඡ॑ථෝ දේව॒යන්තීඃ᳚ । කුත්රා॑ චි॒ද්යාම॑මශ්විනා॒ දධා॑නා ॥ ස්වශ්වා॑ ය॒ශසා-ऽऽයා॑තම॒ර්වාක් । දස්රා॑ නි॒ධි-ම්මධු॑මන්ත-ම්පිබාථඃ । වි වා॒ග්​ම්॒ රථෝ॑ ව॒ද්ධ්වා॑ යාද॑මානඃ ॥ 55 ॥

අන්තා᳚-න්දි॒වෝ බා॑ධතේ වර්ත॒නිභ්යා᳚ම් ॥ යු॒වෝ-ශ්ශ්රිය॒-ම්පරි॒ යෝෂා॑ වෘණීත । සූරෝ॑ දුහි॒තා පරි॑තක්මියායාම් । ය-ද්දේ॑ව॒යන්ත॒මව॑ථ॒-ශ්ශචී॑භිඃ । පරි॑ඝ්ර॒ග්​ම්॒ස වා॒-ම්මනා॑ වාං॒-වඁයෝ॑ ගාම් ॥ යෝ හ॒ ස්ය වාග්​ම්॑ රථිරා॒ වස්ත॑ උ॒ස්රාඃ । රථෝ॑ යුජා॒නඃ ප॑රි॒යාති॑ ව॒ර්තිඃ । තේන॑ න॒-ශ්ශං-යෝඁරු॒ෂසෝ॒ ව්යු॑ෂ්ටෞ । න්ය॑ශ්විනා වහතං-යඁ॒ජ්ඤේ අ॒ස්මින්න් ॥ යු॒ව-ම්භු॒ජ්යුමව॑විද්ධග්​ම් සමු॒ද්රේ ॥ 56 ॥

උදූ॑හථු॒රර්ණ॑සෝ॒ අස්රි॑ධානෛඃ । ප॒ත॒ත්රිභි॑-රශ්ර॒මෛ-ර॑ව්ය॒ථිභිඃ॑ । ද॒ග්​ම්॒සනා॑භිරශ්විනා පා॒රය॑න්තා ॥ අග්නී॑ෂෝමා॒ යෝ අ॒ද්ය වා᳚ම් । ඉ॒දං-වඁච॑-ස්සප॒ර්යති॑ । තස්මෛ॑ ධත්තග්​ම් සු॒වීර්ය᳚ම් । ගවා॒-ම්පෝෂ॒ග්ග්॒ ස්වශ්වි॑යම් ॥ යෝ අ॒ග්නීෂෝමා॑ හ॒විෂා॑ සප॒ර්යාත් । දේ॒ව॒ද්රීචා॒ මන॑සා॒ යෝ ඝෘ॒තේන॑ । තස්ය॑ ව්ර॒තග්​ම් ර॑ක්ෂත-ම්පා॒තමග්​ම්හ॑සඃ ॥ 57 ॥

වි॒ශේ ජනා॑ය॒ මහි॒ ශර්ම॑ යච්ඡතම් ॥ අග්නී॑ෂෝමා॒ ය ආහු॑තිම් । යෝ වා॒-න්දාශා᳚ද්ධ॒විෂ්කෘ॑තිම් । ස ප්ර॒ජයා॑ සු॒වීර්ය᳚ම් । විශ්ව॒මායු॒-ර්ව්ය॑ශ්නවත් ॥ අග්නී॑ෂෝමා॒ චේති॒ ත-ද්වී॒ර්යං॑-වාඁම් । යදමු॑ෂ්ණීතමව॒ස-ම්ප॒ණි-ඞ්ගෝඃ । අවා॑තිරත॒-ම්ප්රථ॑යස්ය॒ ශේෂඃ॑ । අවි॑න්දත॒-ඤ්ජ්යෝති॒රේක॑-ම්බ॒හුභ්යඃ॑ ॥ අග්නී॑ෂෝමා වි॒මග්​ම් සු මේ॑ ශෘණු॒තං-වෘඁ ॑ෂණා॒ හව᳚ම් । ප්රති॑ සූ॒ක්තානි॑ හර්යත॒-ම්භව॑ත-න්දා॒ශුෂේ॒ මයඃ॑ ॥ අග්නී॑ෂෝමා හ॒විෂඃ॒ ප්රස්ථි॑තස්ය වී॒තග්​ම්හර්ය॑තං-වෘඁෂණා ජු॒ෂේථා᳚ම් । සු॒ශර්මා॑ණා॒ ස්වව॑සා॒ හි භූ॒තමථා॑ ධත්තං॒-යඁජ॑මානාය॒ ශං-යෝඃ ඁ॥ ॥ 58 ॥
(ජ॒භා॒ර॒ - ද්යෞ - ර॒ග්නේ - රු॒පස්ථ॑ - උප॒ක්ෂ්යන්තෝ॑ - බද්බධා॒නෝ-යාද॑මානඃ - සමු॒ද්රේ - ऽග්​ම්හ॑සඃ॒ - ප්රස්ථි॑තස්ය) (අ. 7)

අනුවාකං 8 - වේහදාදිපශූනාං සූක්තානි
අ॒හම॑ස්මි ප්රථම॒ජා ඍ॒තස්ය॑ । පූර්ව॑-න්දේ॒වේභ්යෝ॑ අ॒මෘත॑ස්ය॒ නාභිඃ॑ । යෝ මා॒ දදා॑ති॒ ස ඉදේ॒ව මා වාඃ᳚ । අ॒හ-මන්න॒-මන්න॑-ම॒දන්ත॑මද්මි ॥ පූර්ව॑-ම॒ග්නේරපි॑ දහ॒ත්යන්න᳚ම් । ය॒ත්තෞ හා॑-ऽऽසාතේ අහමුත්ත॒රේෂු॑ । ව්යාත්ත॑මස්ය ප॒ශව॑-ස්සු॒ජම්භ᳚ම් । පශ්ය॑න්ති॒ ධීරාඃ॒ ප්රච॑රන්ති॒ පාකාඃ᳚ ॥ ජහා᳚ම්ය॒න්ය-න්න ජ॑හාම්ය॒න්යම් । අ॒හමන්නං॒-වඁශ॒මිච්ච॑රාමි ॥ 59 ॥

ස॒මා॒නමර්ථ॒-ම්පර්යේ॑මි භු॒ඤ්ජත් । කෝ මාමන්න॑-ම්මනු॒ෂ්යෝ॑ දයේත ॥ පරා॑කේ॒ අන්න॒-න්නිහි॑තං-ලෝඁ॒ක ඒ॒තත් । විශ්වෛ᳚-ර්දේ॒වෛඃ පි॒තෘභි॑-ර්ගු॒ප්තමන්න᳚ම් । යද॒ද්යතේ॑ ලු॒ප්යතේ॒ ය-ත්ප॑රෝ॒ප්යතේ᳚ । ශ॒ත॒ත॒මී සා ත॒නූර්මේ॑ බභූව ॥ ම॒හාන්තෞ॑ ච॒රූ ස॑කෘ-ද්දු॒ග්ධේන॑ පප්රෞ । දිව॑ඤ්ච॒ පෘශ්ඤි॑ පෘථි॒වී-ඤ්ච॑ සා॒කම් । ත-ථ්ස॒ම්පිබ॑න්තෝ॒ න මි॑නන්ති වේ॒ධසඃ॑ । නෛත-ද්භූයෝ॒ භව॑ති॒ නෝ කනී॑යඃ ॥ 60 ॥

අන්න॑-ම්ප්රා॒ණ-මන්න॑-මපා॒න-මා॑හුඃ । අන්න॑-ම්මෘ॒ත්යු-න්තමු॑ ජී॒වාතු॑මාහුඃ । අන්න॑-ම්බ්ර॒හ්මාණෝ॑ ජ॒රසං॑-වඁදන්ති । අන්න॑මාහුඃ ප්ර॒ජන॑න-ම්ප්ර॒ජානා᳚ම් ॥ මෝඝ॒මන්නං॑-විඁන්දතේ॒ අප්ර॑චේතාඃ । ස॒ත්ය-ම්බ්ර॑වීමි ව॒ධ ඉථ්ස තස්ය॑ । නාර්ය॒මණ॒-ම්පුෂ්ය॑ති॒ නෝ සඛා॑යම් । කේව॑ලාඝෝ භවති කේවලා॒දී ॥ අ॒හ-ම්මේ॒ඝ-ස්ස්ත॒නය॒න්. වර්​ෂ॑න්නස්මි । මාම॑දන්ත්ය॒හම॑ද්ම්ය॒න්යාන් ॥ 61 ॥

අ॒හග්​ම් සද॒මෘතෝ॑ භවාමි । මදා॑දි॒ත්යා අධි॒ සර්වේ॑ තපන්ති ॥ සා නෝ॑ ම॒න්ද්රේෂ॒මූර්ජ॒-න්දුහා॑නා । ධේ॒නුර්වාග॒ස්මානුප॒ සුෂ්ටු॒තෛතු॑ ॥, ය-ද්වාග්වද॑න්ත්ය-විචේත॒නානි॑ । රාෂ්ට්රී॑ දේ॒වානා᳚-න්නිෂ॒සාද॑ ම॒න්ද්රා । චත॑ස්ර॒ ඌර්ජ॑-න්දුදුහේ॒ පයාග්​ම්॑සි । ක්ව॑ ස්වි දස්යාඃ පර॒ම-ඤ්ජ॑ගාම ॥ ॥ අ॒න॒න්තා-මන්තා॒දධි॒ නිර්මි॑තා-ම්ම॒හීම් । යස්යා᳚-න්දේ॒වා අ॑දධු॒-ර්භෝජ॑නානි । ඒකා᳚ක්ෂරා-න්ද්වි॒පදා॒ග්​ම්॒ ෂට්ප॑දාඤ්ච । වාච॑-න්දේ॒වා උප॑ජීවන්ති॒ විශ්වේ᳚ ॥ වාච॑-න්දේ॒වා උප॑ජීවන්ති॒ විශ්වේ᳚ । වාච॑-ඞ්ගන්ධ॒ර්වාඃ ප॒ශවෝ॑ මනු॒ෂ්යාඃ᳚ । වා॒චීමා විශ්වා॒ භුව॑නා॒න්යර්පි॑තා ॥ 62 ॥

සා නෝ॒ හව॑-ඤ්ජුෂතා॒-මින්ද්ර॑පත්නී ॥ වාග॒ක්ෂර॑-ම්ප්රථම॒ජා ඍ॒තස්ය॑ । වේදා॑නා-ම්මා॒තා-ऽමෘත॑ස්ය॒ නාභිඃ॑ । සා නෝ॑ ජුෂා॒ණෝප॑ ය॒ජ්ඤමාගා᳚ත් । අව॑න්තී දේ॒වී සු॒හවා॑ මේ අස්තු ॥ යා මෘෂ॑යෝ මන්ත්ර॒කෘතෝ॑ මනී॒ෂිණඃ॑ । අ॒න්වෛච්ඡ॑-න්දේ॒වා-ස්තප॑සා॒ ශ්රමේ॑ණ । තා-න්දේ॒වීං-වාඁචග්​ම්॑ හ॒විෂා॑ යජාමහේ । සා නෝ॑ දධාතු සුකෘ॒තස්ය॑ ලෝ॒කේ ॥ ච॒ත්වාරි॒ වා-ක්පරි॑මිතා ප॒දානි॑ ॥ 63 ॥

තානි॑ විදු-ර්බ්රාහ්ම॒ණා යේ ම॑නී॒ෂිණඃ॑ । ගුහා॒ ත්රීණි॒ නිහි॑තා॒ නේඞ්ග॑යන්ති । තු॒රීයං॑-වාඁ॒චෝ ම॑නු॒ෂ්යා॑ වදන්ති ॥ ශ්ර॒ද්ධයා॒-ऽග්නි-ස්සමි॑ද්ධ්යතේ । ශ්ර॒ද්ධයා॑ වින්දතේ හ॒විඃ । ශ්ර॒ද්ධා-ම්භග॑ස්ය මූ॒ර්ධනි॑ । වච॒සා ऽऽවේ॑දයාමසි ॥ ප්රි॒යග්ග්​ ශ්ර॑ද්ධේ॒ දද॑තඃ । ප්රි॒යග්ග්​ ශ්ර॑ද්ධේ॒ දිදා॑සතඃ । ප්රි॒ය-ම්භෝ॒ජේෂු॒ යජ්ව॑සු ॥ 64 ॥

ඉ॒ද-ම්ම॑ උදි॒ත-ඞ්කෘ॑ධි ॥ යථා॑ දේ॒වා අසු॑රේෂු । ශ්ර॒ද්ධා-මු॒ග්රේෂු॑ චක්රි॒රේ । ඒ॒ව-ම්භෝ॒ජේෂු॒ යජ්ව॑සු । අ॒ස්මාක॑-මුදි॒ත-ඞ්කෘ॑ධි ॥ ශ්ර॒ද්ධා-න්දේ॑වා॒ යජ॑මානාඃ । වා॒යුගෝ॑පා॒ උපා॑සතේ । ශ්ර॒ද්ධාග්​ම් හෘ॑ද॒ය්ය॑යා-ऽऽකූ᳚ත්යා । ශ්ර॒ද්ධයා॑ හූයතේ හ॒විඃ ॥ ශ්ර॒ද්ධා-ම්ප්රා॒තර්-හ॑වාමහේ ॥ 65 ॥

ශ්ර॒ද්ධා-ම්ම॒ද්ධ්යන්දි॑න॒-ම්පරි॑ । ශ්ර॒ද්ධාග්​ම් සූර්ය॑ස්ය නි॒ම්රුචි॑ । ශ්රද්ධේ॒ ශ්රද්ධා॑පයේ॒හ මා᳚ ॥ ශ්ර॒ද්ධා දේ॒වා-නධි॑වස්තේ । ශ්ර॒ද්ධා විශ්ව॑මි॒ද-ඤ්ජග॑ත් । ශ්ර॒ද්ධා-ඞ්කාම॑ස්ය මා॒තර᳚ම් । හ॒විෂා॑ වර්ධයාමසි ॥ බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා᳚ත් । වි සී॑ම॒ත-ස්සු॒රුචෝ॑ වේ॒න ආ॑වඃ । ස බු॒ද්ධ්නියා॑ උප॒මා අ॑ස්ය වි॒ෂ්ඨාඃ ॥ 66 ॥

ස॒තශ්ච॒ යෝනි॒-මස॑තශ්ච॒ විවඃ॑ ॥ පි॒තා වි॒රාජා॑මෘෂ॒භෝ ර॑යී॒ණාම් । අ॒න්තරි॑ක්ෂං-විඁ॒ශ්වරූ॑ප॒ ආවි॑වේශ । තම॒ර්කෛ-ර॒භ්ය॑ර්චන්ති ව॒ථ්සම් । බ්රහ්ම॒ සන්ත॒-ම්බ්රහ්ම॑ණා ව॒ර්ධය॑න්තඃ ॥ බ්රහ්ම॑ දේ॒වාන॑ජනයත් । බ්රහ්ම॒ විශ්ව॑මි॒ද-ඤ්ජග॑ත් । බ්රහ්ම॑ණඃ, ක්ෂ॒ත්ර-න්නිර්මි॑තම් । බ්රහ්ම॑ බ්රාහ්ම॒ණ ආ॒ත්මනා᳚ ॥ අ॒න්තර॑ස්මි-න්නි॒මේ ලෝ॒කාඃ ॥ 67 ॥

අ॒න්ත-ර්විශ්ව॑මි॒ද-ඤ්ජග॑ත් । බ්රහ්මෛ॒ව භූ॒තානා॒-ඤ්ජ්යේෂ්ඨ᳚ම් । තේන॒ කෝ॑-ऽර්​හති॒ ස්පර්ධි॑තුම් ॥ බ්රහ්ම॑-න්දේ॒වා-ස්ත්රය॑ස්ත්රිග්​ම්ශත් । බ්රහ්ම॑න්නින්ද්ර ප්රජාප॒තී । බ්රහ්ම॑න්. හ॒ විශ්වා॑ භූ॒තානි॑ । නා॒වී වා॒න්ත-ස්ස॒මාහි॑තා ॥ චත॑ස්ර॒ ආශාඃ॒ ප්රච॑රන්ත්ව॒-ග්නයඃ॑ । ඉ॒මන්නෝ॑ ය॒ජ්ඤ-න්න॑යතු ප්රජා॒නන්න් । ඝෘ॒ත-ම්පින්ව॑න්න॒ජරග්​ම්॑ සු॒වීර᳚ම් ॥ 68 ॥

බ්රහ්ම॑ ස॒මි-ද්භ॑ව॒ත්යාහු॑තීනාම් ॥ ආ ගාවෝ॑ අග්මන්නු॒ත භ॒ද්රම॑ක්රන්න් । සීද॑න්තු ගෝ॒ෂ්ඨේ ර॒ණය॑න්ත්ව॒ස්මේ । ප්ර॒ජාව॑තීඃ පුරු॒රූපා॑ ඉ॒හ ස්යුඃ । ඉන්ද්රා॑ය පූ॒ර්වී රු॒ෂසෝ॒ දුහා॑නාඃ ॥ ඉන්ද්රෝ॒ යජ්ව॑නේ පෘණ॒තේ ච॑ ශික්ෂති । උපේද්ද॑දාති॒ න ස්ව-ම්මු॑ෂායති । භූයෝ॑ භූයෝ ර॒යිමිද॑ස්ය ව॒ර්ධයන්න්॑ । අභි॑න්නේ ඛි॒ල්ලේ නිද॑ධාති දේව॒යුම් ॥ න තා න॑ශන්ති॒ න ද॑භාති॒ තස්ක॑රඃ । නෛනා॑ අමි॒ත්රෝ ව්යථි॒රාද॑ධර්​ෂති । දේ॒වාග්​ශ්ච॒ යාභි॒-ර්යජ॑තේ॒ දදා॑ති ච । ජ්යෝගිත්තාභි॑-ස්සචතේ॒ ගෝප॑ති-ස්ස॒හ ॥, න තා අර්වා॑ රේ॒ණුක॑කාටෝ අශ්නුතේ । න සග්ග්॑ ස්කෘත॒ත්ර-මුප॑යන්ති॒ තා අ॒භි । උ॒රු॒ගා॒යමභ॑ය॒-න්තස්ය॒ තා අනු॑ । ගාවෝ॒ මර්ත්ය॑ස්ය॒ විච॑රන්ති॒ යජ්ව॑නඃ ॥ ॥ 69 ॥

ගාවෝ॒ භගෝ॒ ගාව॒ ඉන්ද්රෝ॑ මේ අච්ඡාත් । ගාව॒-ස්සෝම॑ස්ය ප්රථ॒මස්ය॑ භ॒ක්ෂඃ । ඉ॒මා යා ගාව॒-ස්සජ॑නාස॒ ඉන්ද්රඃ॑ । ඉ॒ච්ඡාමීද්ධෘ॒දා මන॑සා චි॒දින්ද්ර᳚ම් ॥ යූ॒ය-ඞ්ගා॑වෝ මේදයථා කෘ॒ශ-ඤ්චි॑ත් । අ॒ශ්ලී॒ල-ඤ්චි॑-ත්කෘණුථා සු॒ප්රතී॑කම් । භ॒ද්ර-ඞ්ගෘ॒හ-ඞ්කෘ॑ණුථ භද්රවාචඃ । බෘ॒හද්වෝ॒ වය॑ උච්යතේ ස॒භාසු॑ ॥ ප්ර॒ජාව॑තී-ස්සූ॒යව॑සග්​ම් රි॒ශන්තීඃ᳚ (රු॒ශන්තීඃ᳚) । ශු॒ද්ධා අ॒ප-ස්සු॑ප්රපා॒ණේ පිබ॑න්තීඃ । මා ව॑-ස්ස්තේ॒න ඊ॑ශත॒ මා-ऽඝශග්​ම්॑සඃ । පරි॑වෝ හේ॒තී රු॒ද්රස්ය॑ වෘඤ්ජ්යාත් ॥ උපේ॒ද-මු॑ප॒පර්ච॑නම් । ආ॒සු ගෝෂූප॑පෘච්යතාම් । උප॑ර්​ෂ॒භස්ය॒ රේත॑සි । උපේ᳚න්ද්ර॒ තව॑ වී॒ර්යේ᳚ ॥ 70 ॥
(ච॒රා॒මි॒ - කනී॑යෝ॒ - ऽන්යා - නර්පි॑තා - ප॒දානි॒ - යජ්ව॑සු - හවාමහේ - වි॒ෂ්ඨා - ලෝ॒කාඃ - සු॒වීර॒ - මර්වා॒ - පිබ॑න්තී॒-ෂ්ෂට්ච॑) (අ. 8)

අනුවාකං 9 - ශුක්ලකෘෂ්ණපශ්වාදීනාං සූක්තානි
තා සූ᳚ර්යා චන්ද්ර॒මසා॑ විශ්ව॒භෘත්ත॑මා ම॒හත් । තේජෝ॒ වසු॑ම-ද්රාජතෝ දි॒වි । සාමා᳚ත්මානා චරත-ස්සාමචා॒රිණා᳚ । යයෝ᳚ර්ව්ර॒ත-න්න ම॒මේ ජාතු॑ දේ॒වයෝඃ᳚ ॥ උ॒භාවන්තෞ॒ පරි॑යාත॒ අර්ම්යා᳚ । දි॒වෝ න ර॒ශ්මීග්​ ස්ත॑නු॒තෝ-ව්ය॑ර්ණ॒වේ । උ॒භා භු॑ව॒න්තී භුව॑නා ක॒වික්ර॑තූ । සූර්යා॒ න ච॒න්ද්රා ච॑රතෝ හ॒තාම॑තී ॥ පතී᳚ ද්යු॒ම-ද්වි॑ශ්ව॒විදා॑ උ॒භා දි॒වඃ । සූර්යා॑ උ॒භා ච॒න්ද්රම॑සා විචක්ෂ॒ණා ॥ 71 ॥

වි॒ශ්වවා॑රා වරිවෝ॒භා වරේ᳚ණ්යා । තා නෝ॑-ऽවත-ම්මති॒මන්තා॒ මහි॑ව්රතා ॥ වි॒ශ්ව॒වප॑රී ප්ර॒තර॑ණා තර॒න්තා । සු॒ව॒ර්විදා॑ දෘ॒ශයේ॒ භූරි॑රශ්මී । සූර්යා॒ හි ච॒න්ද්රා වසු॑ත්වේ॒ෂ-ද॑ර්​ශතා । ම॒න॒ස්විනෝ॒භා-ऽනු॑ චර॒තෝ නු॒ ස-න්දිව᳚ම් ॥ අ॒ස්ය ශ්රවෝ॑ න॒ද්ය॑-ස්ස॒ප්ත බි॑භ්රති । ද්යාවා॒ ක්ෂාමා॑ පෘථි॒වී ද॑ර්​ශ॒තං-වඁපුඃ॑ । අ॒ස්මේ සූ᳚ර්යා චන්ද්ර॒මසා॑-ऽභි॒චක්ෂේ᳚ । ශ්ර॒ද්ධේ කමි॑න්ද්ර චරතෝ විචර්තු॒රම් ॥ 72 ॥

පූ॒ර්වා॒ප॒ර-ඤ්ච॑රතෝ මා॒ය යෛ॒තෞ । ශිශූ॒ ක්රීඩ॑න්තෞ॒ පරි॑යාතෝ අද්ධ්ව॒රම් । විශ්වා᳚න්ය॒න්යෝ භුව॑නා ऽභි॒චෂ්ටේ᳚ । ඍ॒තූන॒න්යෝ වි॒දධ॑ජ්ජායතේ॒ පුනඃ॑ ॥ හිර॑ණ්යවර්ණා॒-ශ්ශුච॑යඃ පාව॒කා යාසු॑ ජා॒තඃ ක॒ශ්යපෝ॒ යාස්වින්ද්රඃ॑ । අ॒ග්නිං-යාඁ ගර්භ॑-න්දධි॒රේ විරූ॑පා॒ස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥,
යාසා॒ග්​ම්॒ රාජා॒ වරු॑ණෝ॒ යාති॒ මධ්යේ॑ සත්යානෘ॒තේ අ॑ව॒පශ්ය॒න් ජනා॑නාම් । ම॒ධු॒ශ්චුත॒-ශ්ශුච॑යෝ॒ යාඃ පා॑ව॒කාස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥ । යාසා᳚-න්දේ॒වා දි॒වි කෘ॒ණ්වන්ති॑ භ॒ක්ෂං-යාඁ අ॒න්තරි॑ක්ෂේ බහු॒ධා භව॑න්ති । යාඃ පෘ॑ථි॒වී-ම්පය॑සෝ॒න්දන්ති॑ශු॒ක්රාස්තා න॒ ආප॒-ශ්ශග්ග්​ ස්යෝ॒නා භ॑වන්තු ॥, ශි॒වේන॑ මා॒ චක්ෂු॑ෂා පශ්යතා-ऽऽප-ශ්ශි॒වයා॑ ත॒නුවෝප॑ ස්පෘශත॒ ත්වච॑-ම්මේ । සර්වාග්​ම්॑ අ॒ග්නීග්​ම් ර॑ඵ්සු॒ෂදෝ॑ හුවේ වෝ॒ මයි॒ වර්චෝ॒ බල॒මෝජෝ॒ නි ධ॑ත්ත ॥ । ආපෝ॑ භ॒ද්රා ඝෘ॒තමිදාප॑ ආසුර॒ග්නී-ෂෝමෞ॑ බිභ්ර॒ත්යාප॒ ඉ-ත්තාඃ । තී॒ව්රෝ රසෝ॑ මධු॒පෘචා॑ -මරඞ්ග॒ම ආ මා᳚ ප්රා॒ණේන॑ ස॒හ වර්ච॑සා ගන්න් ॥, ආදි-ත්ප॑ශ්යාම්යු॒ත වා॑ ශෘණෝ॒ම්යා මා॒ ඝෝෂෝ॑ ගච්ඡති॒ වාන්න॑ ආසාම් । මන්යේ॑ භේජා॒නෝ අ॒මෘත॑ස්ය॒ තර්​හි॒ හිර॑ණ්යවර්ණා॒ අතෘ॑පං-යඁ॒දා වඃ॑ ॥ ॥ නාස॑දාසී॒න්නෝ සදා॑සී-ත්ත॒දානී᳚ම් । නාසී॒-ද්රජෝ॒ නෝ ව්යෝ॑මාප॒රෝ යත් । කිමාව॑රීවඃ॒ කුහ॒ කස්ය॒ ශර්මන්න්॑ ॥ 73 ॥

අම්භඃ॒ කිමා॑සී॒-ද්ගහ॑න-ඞ්ගභී॒රම් ॥ න මෘ॒ත්යුර॒මෘත॒-න්තර්​හි॒ න । රාත්රි॑යා॒ අහ්න॑ ආසී-ත්ප්රකේ॒තඃ । ආනී॑දවා॒තග්ග්​ ස්ව॒ධයා॒ තදේක᳚ම් । තස්මා᳚-ද්ධා॒න්ය-න්න ප॒රඃ (ප॒රං) කිඤ්ච॒ නාස॑ ॥ තම॑ ආසී॒-ත්තම॑සා ගූ॒ඪමග්රේ᳚ ප්රකේ॒තම් । ස॒ලි॒ලග්​ම් සර්ව॑මා ඉ॒දම් । තු॒ච්ඡේ නා॒භ්වපි॑හිතQං-යඁදාසී᳚ත් । තම॑ස॒ ස්තන්ම॑හි॒නා ජා॑ය॒තෛක᳚ම් ॥ කාම॒ස්තදග්රේ॒ සම॑වර්ත॒තාධි॑ ॥ 74 ॥

මන॑සෝ॒ රේතඃ॑ ප්රථ॒මං-යඁදාසී᳚ත් । ස॒ තෝ බන්ධු॒මස॑ති॒ නිර॑වින්දන්න් (නිර॑විදන්න්) । හෘ॒දි ප්ර॒තීෂ්යා॑ ක॒වයෝ॑ මනී॒ෂා ॥ ති॒ර॒ශ්චීනෝ॒ විත॑තෝ ර॒ශ්මිරේ॑ෂාම් । අ॒ධ-ස්ස්වි॑දා॒සී(3) දු॒පරි॑ ස්විදාසී(3)ත් । රේ॒තෝ॒ධා ආ॑ස-න්මහි॒මාන॑ ආසන්න් । ස්ව॒ධා අ॒වස්තා॒-ත්ප්රය॑තිඃ ප॒රස්තා᳚ත් ॥ කෝ අ॒ද්ධා වේ॑ද॒ ක ඉ॒හ ප්රවෝ॑චත් । කුත॒ ආජා॑තා॒ කුත॑ ඉ॒යං-විඁසෘ॑ෂ්ටිඃ । අ॒ර්වාග්දේ॒වා අ॒ස්ය වි॒සර්ජ॑නාය ॥ 75 ॥

අථා॒ කෝ වේ॑ද॒ යත॑ ආබ॒භූව॑ ॥ ඉ॒යං-විඁසෘ॑ෂ්ටි॒-ර්යත॑ ආබ॒භූව॑ । යදි॑ වා ද॒ධේ යදි॑ වා॒ න । යෝ අ॒ස්යාද්ධ්ය॑ක්ෂඃ පර॒මේ ව්යෝ॑මන්න් । සෝ අ॒ඞ්ග වේ॑ද॒ යදි॑ වා॒ න වේද॑ ॥ කිග්ග්​ස්වි॒ද්වන॒-ඞ්ක උ॒ ස වෘ॒ක්ෂ ආ॑සීත් । යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ । මනී॑ෂිණෝ॒ මන॑සා පෘ॒ච්ඡතේදු॒ තත් । යද॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ ॥ බ්රහ්ම॒ වන॒-ම්බ්රහ්ම॒ ස වෘ॒ක්ෂ ආ॑සීත් ॥ 76 ॥

යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ । මනී॑ෂිණෝ॒ මන॑සා॒ විබ්ර॑වීමි වඃ । බ්රහ්මා॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ ॥ ප්රා॒තර॒ග්නි-ම්ප්රා॒තරින්ද්රග්​ම්॑ හවාමහේ । ප්රා॒ත ර්මි॒ත්රාවරු॑ණා ප්රා॒තර॒ශ්විනා᳚ । ප්රා॒ත ර්භග॑-ම්පූ॒ෂණ॒-ම්බ්රහ්ම॑ණ॒ස්පති᳚ම් । ප්රා॒තස්සෝම॑මු॒ත රු॒ද්රග්​ම් හු॑වේම ॥ ප්රා॒ත॒ර්ජිත॒-ම්භග॑මු॒ග්රග්​ම් හු॑වේම । ව॒ය-ම්පු॒ත්රමදි॑තේ॒ර්යෝ වි॑ධ॒ර්තා । ආ॒ද්ධ්රශ්චි॒ද්ය-ම්මන්ය॑මාන-ස්තු॒රශ්චි॑ත් ॥ 77 ॥

රාජා॑ චි॒ද්ය-ම්භග॑-ම්භ॒ක්ෂීත්යාහ॑ ॥ භග॒ ප්රණේ॑ත॒ර්භග॒ සත්ය॑රාධඃ । භගේ॒මා-න්ධිය॒මුද॑ව॒ දද॑න්නඃ । භග॒ ප්රණෝ॑ ජනය॒ ගෝභි॒රශ්වෛඃ᳚ । භග॒ ප්රනෘභි॑-ර්නෘ॒වන්ත॑-ස්ස්යාම । උ॒තේදානී॒-ම්භග॑වන්ත-ස්ස්යාම ॥ උ॒ත ප්රපි॒ත්ව උ॒ත මද්ධ්යේ॒ අහ්නා᳚ම් । උ॒තෝදි॑තා මඝව॒න්-ථ්සූර්ය॑ස්ය । ව॒ය-න්දේ॒වානාග්​ම්॑ සුම॒තෞ ස්යා॑ම ॥ භග॑ ඒ॒ව භග॑වාග්​ම් අස්තු දේවාඃ ॥ 78 ॥

තේන॑ ව॒ය-ම්භග॑වන්ත-ස්ස්යාම । ත-න්ත්වා॑ භග॒ සර්ව॒ ඉජ්ජෝ॑හවීමි । ස නෝ॑ භග පුර ඒ॒තා භ॑වේ॒හ ॥ සම॑ද්ධ්ව॒රායෝ॒ෂසෝ॑ නමන්ත । ද॒ධි॒ක්රාවේ॑ව॒ ශුච॑යේ ප॒දාය॑ । අ॒ර්වා॒චී॒නං-වඁ ॑සු॒විද॒-ම්භග॑න්නඃ । රථ॑මි॒වාශ්වා॑ වා॒ජින॒ ආව॑හන්තු ॥ අශ්වා॑වතී॒-ර්ගෝම॑තී-ර්න උ॒ෂාසඃ॑ । වී॒රව॑තී॒-ස්සද॑මුච්ඡන්තු භ॒ද්රාඃ । ඝෘ॒ත-න්දුහා॑නා වි॒ශ්වතඃ॒ ප්රපී॑නාඃ । යූ॒ය-ම්පා॑ත ස්ව॒ස්තිභි॒-ස්සදා॑ නඃ ॥ 79 ॥
(වි॒ච॒ක්ෂ॒ණා - වි॑චර්තු॒රග්​ම් - ශර්ම॒ - න්නධි॑ - වි॒සර්ජ॑නාය॒ - බ්රහ්ම॒ වන॒-ම්බ්රහ්ම॒ ස වෘ॒ක්ෂ ආ॑සීත්- තු॒රශ්චි॑-ද්- දේවාඃ॒ - ප්රපී॑නා॒ ඒක॑-ඤ්ච) (අ. 9)

(පීවෝ᳚-ऽන්නා॒ - මග්නේ॒ ත්ව-ම්පා॑ර - යානාඝෘ॒ෂ්යඃ - ශුචි॒-න්නු ස්තෝමං॑ - ඁවි॒ශ්රය॑මාණෝ - දි॒වෝ රු॒ක්මෝ - ऽන්න॑-ම්ප්රා॒ණං - තා සූ᳚ර්යාචන්ද්ර॒මසා॒ නව॑සප්තතිඃ)

(පීවෝ᳚න්නා - ඁයූ॒ය-ම්පා॑ත ස්ව॒ස්තිභි॒-ස්සදා॑නඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ අෂ්ටමඃ ප්රපාඨක-ස්සමාප්තඃ ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකං සමාප්තම් ॥