කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ ද්විතීයඃ ප්රපාඨකඃ - දශපූර්ණමාසේෂ්ටිබ්රාහ්මණම්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥
අනුවාකං 1 - වථ්සාපාකරණම්
තෘ॒තීය॑ස්යාමි॒තෝ දි॒වි සෝම॑ ආසීත් । ත-ඞ්ගා॑ය॒ත්ර්යාහ॑රත් ।
තස්ය॑ ප॒ර්ණම॑ච්ඡිද්යත । ත-ත්ප॒ර්ණෝ॑-ऽභවත් । ත-ත්ප॒ර්ණස්ය॑ පර්ණ॒ත්වම් । බ්රහ්ම॒ වෛ ප॒ර්ණඃ । ය-ත්ප॑ර්ණශා॒ඛයා॑ ව॒ථ්සාන॑පාක॒රෝති॑ ।
බ්රහ්ම॑ණෛ॒වෛනා॑න॒පාක॑රෝති ॥ ගා॒ය॒ත්රෝ වෛ ප॒ර්ණඃ । ගා॒ය॒ත්රාඃ ප॒ශවඃ॑ ॥ 1 ॥
තස්මා॒-ත්ත්රීණි॑ත්රීණි ප॒ර්ණස්ය॑ පලා॒ශානි॑ । ත්රි॒පදා॑ ගාය॒ත්රී । ය-ත්ප॑ර්ණශ॒ඛයා॒ ගාඃ ප්රා॒ර්පය॑ති । ස්වයෛ॒වෛනා॑ දේ॒වත॑යා॒ ප්රාර්ප॑යති । ය-ඞ්කා॒මයේ॑තා ප॒ශු-ස්ස්යා॒දිති॑ । අ॒ප॒ර්ණා-න්තස්මෛ॒ ශුෂ්කා᳚ග්රා॒මාහ॑රේත් ।
අ॒ප॒ශුරේ॒ව භ॑වති । ය-ඞ්කා॒මයේ॑ත පශු॒මාන්-ථ්ස්යා॒දිති॑ । බ॒හු॒ප॒ර්ණා-න්තස්මෛ॑ බහුශා॒ඛාමාහ॑රේත් । ප॒ශු॒මන්ත॑-මේ॒වෛන॑-ඞ්කරෝති ॥ 2 ॥
ය-ත්ප්රාචී॑මා॒හරේ᳚ත් । දේ॒ව॒ලෝ॒ක-ම॒භිජ॑යේත් । යදුදී॑චී-ම්මනුෂ්යලෝ॒කම් । ප්රාචී॒මුදී॑චී॒මාහ॑රති । උ॒භයෝ᳚-ර්ලෝ॒කයෝ॑-ර॒භිජි॑ත්යෛ ॥ ඉ॒ෂේ ත්වෝ॒ර්ජේ ත්වේත්යා॑හ । ඉෂ॑මේ॒වෝර්ජං॒-යඁජ॑මානේ දධාති ॥
වා॒යව॒-ස්ස්ථේත්යා॑හ । වා॒යුර්වා අ॒න්තරි॑ක්ෂ॒-ස්යාද්ධ්ය॑ක්ෂාඃ ।
අ॒න්ත॒රි॒ක්ෂ॒දේ॒ව॒ත්යාඃ᳚ ඛලු॒ වෛ ප॒ශවඃ॑ ॥ 3 ॥
වා॒යව॑ ඒ॒වෛනා॒-න්පරි॑ දදාති । ප්ර වා ඒ॑නානේ॒තදා-ක॑රෝති । යදාහ॑ । වා॒යව॒-ස්ස්ථේත්යු॑පා॒යවඃ॒
ස්ථේත්යා॑හ । යජ॑මානායෛ॒ව ප॒ශූනුප॑හ්වයතේ ॥
දේ॒වෝ ව॑-ස්සවි॒තා ප්රාර්ප॑ය॒ත්විත්යා॑හ॒ ප්රසූ᳚ත්යෛ ॥ ශ්රේෂ්ඨ॑තමාය॒ කර්ම॑ණ॒ ඉත්යා॑හ ।
ය॒ජ්ඤෝ හි ශ්රේෂ්ඨ॑තම॒-ඞ්කර්ම॑ । තස්මා॑දේ॒වමා॑හ ॥
ආප්යා॑යද්ධ්වමඝ්නියා දේවභා॒ගමිත්යා॑හ ॥ 4 ॥
ව॒ථ්සේභ්ය॑ශ්ච॒ වා ඒ॒තාඃ පු॒රා ම॑නු॒ෂ්යේ᳚භ්ය॒-ශ්චාප්යා॑යන්ත । දේ॒වේභ්ය॑ ඒ॒වෛනා॒ ඉන්ද්රා॒යාප්යා॑යති ॥ ඌර්ජ॑ස්වතීඃ॒ පය॑ස්වතී॒රිත්යා॑හ । ඌර්ජ॒ග්ම් ॒හි පය॑-ස්ස॒ම්භර॑න්ති ॥ ප්ර॒ජාව॑තී-රනමී॒වා අ॑ය॒ක්ෂ්මා ඉත්යා॑හ॒ ප්රජා᳚ත්යෛ । මාව॑-ස්ස්තේ॒න ඊ॑ශත॒ මා-ऽඝශග්ම්॑ස॒ ඉත්යා॑හ॒ ගුප්ත්යෛ᳚ ॥ රු॒ද්රස්ය॑ හේ॒තිඃ පරි॑ වෝ වෘණ॒ක්ත්විත්යා॑හ । රු॒ද්රා දේ॒වෛනා᳚-ස්ත්රායතේ ॥
ධ්රු॒වා අ॒ස්මි-න්ගෝප॑තෞ ස්යාත බ॒හ්වීරිත්යා॑හ ।
ධ්රු॒වා ඒ॒වාස්මි॑-න්බ॒හ්වීඃ ක॑රෝති ॥ 5 ॥
යජ॑මානස්ය ප॒ශූ-න්පා॒හීත්යා॑හ । ප॒ශු॒නා-ඞ්ගෝ॑පී॒ථාය॑ । තස්මා᳚ථ්සා॒ය-ම්ප॒ශව॒ උප॑ ස॒මාව॑ර්තන්තේ ॥ අන॑ධ-ස්සාදයති । ගර්භා॑ණා॒-න්ධෘත්යා॒ අප්ර॑පාදාය । තස්මා॒ද්ගර්භාඃ᳚ ප්ර॒ජානා॒මප්ර॑පාදුකාඃ ।
උ॒පරී॑ව॒ නිද॑ධාති । උ॒පරී॑ව॒ හි සු॑ව॒ර්ගෝ ලෝ॒කඃ ।
සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ 6 ॥
(ප॒ශවඃ॑ - කරෝති - ප॒ශවෝ॑ - දේවභා॒ගමිත්යා॑හ - කරෝති॒ - +නව॑ ච) (අ. 1)
අනුවාකං 2 - බර්හිරාහරණම්
දේ॒වස්ය॑ ත්වා සවි॒තුඃ ප්ර॑ස॒ව ඉත්ය॑ශ්වප॒ර්॒ශුමාද॑ත්තේ॒ ප්රසූ᳚ත්යෛ ।
අ॒ශ්විනෝ᳚-ර්බා॒හුභ්යා॒මිත්යා॑හ ।
අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් ।
පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ ॥ යෝ වා ඕෂ॑ධීඃ පර්ව॒ශෝ වේද॑ । නෛනා॒-ස්ස හි॑නස්ති । ප්ර॒ජාප॑ති॒ර්වා ඕෂ॑ධීඃ පර්ව॒ශෝ වේ॑ද । ස ඒ॑නා॒ න හි॑නස්ති । අ॒ශ්ව॒ප॒ර්ශ්වා බ॒ර්॒හිරච්ඡෛ॑ති ।
ප්රා॒ජා॒ප॒ත්යෝ වා අශ්ව॑-ස්සයෝනි॒ත්වාය॑ ॥ 7 ॥
ඕෂ॑ධීනා॒මහිග්ම්॑සායෛ ॥
ය॒ජ්ඤස්ය॑ ඝෝ॒ෂද॒සීත්යා॑හ ।
යජ॑මාන ඒ॒ව ර॒යි-න්ද॑ධාති । ප්රත්යු॑ෂ්ට॒ග්ම්॒ රක්ෂඃ॒ ප්රත්යු॑ෂ්ටා॒ අරා॑තය॒ ඉත්යා॑හ ।
රක්ෂ॑සා॒-මප॑හත්යෛ ॥ ප්රේයම॑ගාද්ධි॒ෂණා॑ බ॒ර්॒හිරච්ඡේත්යා॑හ । වි॒ද්යා වෛ ධි॒ෂණා᳚ । වි॒ද්යයෛ॒වෛන॒දච්ඡෛ॑ති ॥ මනු॑නා කෘ॒තා ස්ව॒ධයා॒ විත॒ෂ්ටේත්යා॑හ । මා॒න॒වී හි පර්ශු॑-ස්ස්ව॒ධාකෘ॑තා ॥ 8 ॥
ත ආව॑හන්ති ක॒වයඃ॑ පු॒රස්තා॒දිත්යා॑හ । ශු॒ශ්රු॒වාග්ම්සෝ॒ වෛ ක॒වයඃ॑ । ය॒ජ්ඤඃ පු॒රස්තා᳚ත් । මු॒ඛ॒ත ඒ॒ව ය॒ජ්ඤමාර॑භතේ । අථෝ॒ යදේ॒තදු॒ක්ත්වා යතඃ॒ කුත॑ශ්චා॒හර॑ති । ත-ත්ප්රාච්යා॑ ඒ॒ව දි॒ශෝ භ॑වති ॥
දේ॒වේභ්යෝ॒ ජුෂ්ට॑මි॒හ බ॒ර්॒හිරා॒සද॒ ඉත්යා॑හ । බ॒ර්॒හිෂ॒-ස්සමෘ॑ද්ධ්යෛ । කර්ම॒ණෝ-ऽන॑පරාධාය ॥ දේ॒වානා᳚-ම්පරිෂූ॒තම॒සීත්යා॑හ ॥ 9 ॥
යද්වා ඉ॒ද-ඞ්කි-ඤ්ච॑ । ත-ද්දේ॒වානා᳚-ම්පරිෂූ॒තම් ।
අථෝ॒ යථා॒ වස්ය॑සේ ප්රති॒ ප්රෝච්යාහේ॒ද-ඞ්ක॑රිෂ්යා॒මීති॑ । ඒ॒වමේ॒ව තද॑ද්ධ්ව॒ර්යු-ර්දේ॒වේභ්යඃ॑ ප්රති॒ ප්රෝච්ය॑ බ॒ර්॒හිර්දා॑ති । ආ॒ත්මනෝ-ऽහිග්ම්॑සායෛ ॥ යාව॑ත-ස්ස්ත॒ම්බා-න්ප॑රි දි॒ශේත් । යත්තේෂා॑-මුච්ඡි॒ග්ග්॒ෂ්යාත් । අති॒ ත-ද්ය॒ජ්ඤස්ය॑ රේචයේත් । ඒකග්ග්॑ ස්ත॒ම්බ-ම්පරි॑දිශේත් ।
තග්ම් සර්ව॑-න්දායාත් ॥ 10 ॥
ය॒ජ්ඤස්යාන॑තිරේකාය ॥ ව॒ර්॒ෂවෘ॑ද්ධ-ම॒සීත්යා॑හ ।
ව॒ර්॒ෂ වෘ॑ද්ධා॒ වා ඕෂ॑ධයඃ ॥
දේව॑ බර්හි॒රිත්යා॑හ । දේ॒වේභ්ය॑ ඒ॒වෛන॑-ත්කරෝති ।
මා ත්වා॒-ऽන්වම්මා ති॒ර්යගිත්යා॒හා හිග්ම්॑සායෛ ।
පර්ව॑ තේ රාද්ධ්යාස॒මිත්යා॒-හර්ධ්යෛ᳚ ॥
ආ॒ච්ඡේ॒ත්තා තේ॒ මා රි॑ෂ॒මිත්යා॑හ । නාස්යා॒ත්මනෝ॑ මීයතේ ।
ය ඒ॒වං-වේඁද॑ ॥ 11 ॥
දේව॑බර්හි-ශ්ශ॒තව॑ල්ශං॒-විඁරෝ॒හේත්යා॑හ । ප්ර॒ජා වෛ බ॒ර්॒හිඃ । ප්ර॒ජානා᳚-ම්ප්ර॒ජන॑නාය ॥ ස॒හස්ර॑වල්ශා॒ වි ව॒යග්ම් රු॑හේ॒මේත්යා॑හ । ආ॒ශිෂ॑මේ॒වෛතාමාශා᳚ස්තේ ॥ පෘ॒ථි॒ව්යා-ස්ස॒පෘඤ්චඃ॑ පා॒හීත්යා॑හ॒ ප්රති॑ෂ්ඨිත්යෛ ॥
අයු॑ඞ්ගායුඞ්ගා-න්මු॒ෂ්ටීන් ඁලු॑නෝති । මි॒ථු॒න॒ත්වාය॒ ප්රජා᳚ත්යෛ ॥ සු॒ස॒භෘන්තා᳚ ත්වා॒ සම්භ॑රා॒මීත්යා॑හ । බ්රහ්ම॑ණෛ॒වෛන॒ථ්- සම්භ॑රති ॥ 12 ॥
අදි॑ත්යෛ॒ රාස්නා॒-ऽසීත්යා॑හ । ඉ॒යං-වාඁ අදි॑තිඃ ।
අ॒ස්යා ඒ॒වෛන॒-ද්රාස්නා᳚-ඞ්කරෝති ॥ ඉ॒න්ද්රා॒ණ්යෛ ස॒නංහ॑න॒මිත්යා॑හ । ඉ॒න්ද්රා॒ණී වා අග්රේ॑ දේ॒වතා॑නා॒ග්ම්॒ සම॑නහ්යත । සා ऽऽර්ධ්නෝ᳚ත් ।
ඍද්ධ්යෛ॒ සන්න॑හ්යති । ප්ර॒ජා වෛ බ॒ර්॒හිඃ ।
ප්ර॒ජානා॒මප॑රාවාපාය ।
තස්මා॒-ථ්ස්නාව॑සන්තතාඃ ප්ර॒ජා ජා॑යන්තේ ॥ 13 ॥
පූ॒ෂා තේ᳚ ග්ර॒න්ථි-ඞ්ග්ර॑ථ්නා॒ත්විත්යා॑හ ।
පුෂ්ටි॑මේ॒ව යජ॑මානේ දධාති ॥ ස තේ॒ මා-ऽऽ ස්ථා॒දිත්යා॒හාහිග්ම්॑සායෛ ॥ ප॒ශ්චා-ත්ප්රාඤ්ච॒මුප॑ගූහති ।
ප॒ශ්චා-ද්වෛ ප්රා॒චීන॒ග්ම්॒ රේතෝ॑ ධීයතේ ।
ප॒ශ්චාදේ॒වාස්මෛ᳚ ප්රා॒චීන॒ග්ම්॒ රේතෝ॑ දධාති ॥
ඉන්ද්ර॑ස්ය ත්වා බා॒හුභ්යා॒-මුද්ය॑ච්ඡ॒ ඉත්යා॑හ । ඉ॒න්ද්රි॒යමේ॒ව යජ॑මානේ දධාති ॥
බෘහ॒ස්පතේ᳚ර්මූ॒ර්ධ්නා හ॑රා॒මීත්යා॑හ ।
බ්රහ්ම॒ වෛ දේ॒වානා॒-ම්බෘහ॒ස්පතිඃ॑ ॥ 14 ॥
බ්රහ්ම॑ණෛ॒වෛන॑ද්ධරති ॥ උ॒ර්ව॑න්තරි॑ක්ෂ॒-මන්වි॒හීත්යා॑හ॒ ගත්යෛ᳚ ॥ දේ॒ව॒ග॒ම්මම॒සීත්යා॑හ । දේ॒වානේ॒වෛන॑ද්ගමයති ॥ අන॑ධ-ස්සාදයති ।
ගර්භා॑ණා॒-න්ධෘත්යා॒ අප්ර॑පාදාය । තස්මා॒-ද්ගර්භාඃ᳚ ප්ර॒ජානා॒මප්ර॑පාදුකාඃ । උ॒පරී॑ව॒ නිද॑ධාති । උ॒පරී॑ව॒ හි සු॑ව॒ර්ගෝ ලෝ॒කඃ ।
සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ 15 ॥
(ස॒යෝ॒නි॒ත්වාය॑ - ස්ව॒ධාකෘ॑තා॒ - ऽසීත්යා॑හ - දායා॒-ද්- වේද॑ - භරති - ජායන්තේ॒ - බෘහ॒ස්පතිඃ॒ - සම॑ෂ්ට්යෛ) (අ. 2)
අනුවාකං 3 - දෝහනම්
පූ॒ර්වේ॒ද්යුරි॒ද්ධ්මා බ॒ර්॒හිඃ ක॑රෝති । ය॒ජ්ඤමේ॒වාරභ්ය॑ ගෘහී॒ත්වෝප॑වසති ॥ ප්ර॒ජාප॑ති-ර්ය॒ජ්ඤම॑සෘජත । තස්යෝ॒ඛේ අ॑ස්රග්ම්සේතාම් । ය॒ජ්ඤෝ වෛ ප්ර॒ජාප॑තිඃ ।
ය-ථ්සා᳚න්නාය්යෝ॒ඛේ භව॑තඃ ।
ය॒ජ්ඤස්යෛ॒ව තදු॒ඛේ උප॑දධා॒ත්ය-ප්ර॑ස්රග්ම්සාය ॥
ශුන්ධ॑ද්ධ්ව॒-න්දෛව්යා॑ය॒ කර්ම॑ණේ දේවය॒ජ්යායා॒ ඉත්යා॑හ । දේ॒ව॒ය॒ජ්යායා॑ ඒ॒වෛනා॑නි ශුන්ධති ॥ මා॒ත॒රිශ්ව॑නෝ ඝ॒ර්මෝ॑-ऽසීත්යා॑හ ॥ 16 ॥
අ॒න්තරි॑ක්ෂං॒-වෛඁ මා॑ත॒රිශ්ව॑නෝ ඝ॒ර්මඃ ।
ඒ॒ෂාං-ලෝඁ॒කානාං॒-විඁධෘ॑ත්යෛ ॥
ද්යෞර॑සි පෘථි॒ව්ය॑සීත්යා॑හ । දි॒වශ්ච॒ හ්යේ॑ෂා පෘ॑ථි॒ව්යාශ්ච॒ සම්භෘ॑තා । යදු॒ඛා ।
තස්මා॑දේ॒වමා॑හ ॥ වි॒ශ්වධා॑යා අසි පර॒මේණ॒ ධාම්නේත්යා॑හ । වෘෂ්ටි॒ර්වෛ වි॒ශ්වධා॑යාඃ । වෘෂ්ටි॑මේ॒වාව॑රුන්ධේ । දෘග්ම්හ॑ස්ව॒ මා හ්වා॒රිත්යා॑හ॒ ධෘත්යෛ᳚ ॥ 17 ॥
වසූ॑නා-ම්ප॒විත්ර॑ම॒සීත්යා॑හ । ප්රා॒ණා වෛ වස॑වඃ ।
තේෂාං॒-වාඁ ඒ॒ත-ද්භා॑ග॒ධේය᳚ම් । ය-ත්ප॒විත්ර᳚ම් । තේභ්ය॑ ඒ॒වෛන॑-ත්කරෝති ॥ ශ॒තධා॑රග්ම් ස॒හස්ර॑ධාර॒මිත්යා॑හ । ප්රා॒ණේෂ්වේ॒වායු॑-ර්දධාති සර්ව॒ත්වාය॑ ॥ ත්රි॒වෘ-ත්ප॑ලාශශා॒ඛායා᳚-න්දර්භ॒මය॑-ම්භවති । ත්රි॒වෘද්වෛ ප්රා॒ණඃ । ත්රි॒වෘත॑මේ॒ව ප්රා॒ණ-ම්ම॑ද්ධ්ය॒තෝ යජ॑මානේ දධාති ॥ 18 ॥
සෞ॒ම්යඃ ප॒ර්ණ-ස්ස॑යෝනි॒ත්වාය॑ । සා॒ක්ෂා-ත්ප॒විත්ර॑-න්ද॒ර්භාඃ । ප්රාඛ්සා॒යමධි॒ නිද॑ධාති । ත-ත්ප්රා॑ණාපා॒නයෝ॑ රූ॒පම් । ති॒ර්යක්ප්රා॒තඃ । ත-ද්දර්ශ॑ස්ය රූ॒පම් । දා॒ර්ශ්යග්ග් හ්යේ॑තදහඃ॑ । අන්නං॒-වෛඁ ච॒න්ද්රමාඃ᳚ ।
අන්න॑-ම්ප්රා॒ණාඃ । උ॒භය॑මේ॒වෝපෛ॒ත්යජා॑මිත්වාය ॥ 19 ॥
තස්මා॑ද॒යග්ම් ස॒ර්වතඃ॑ පවතේ ॥ හු॒ත-ස්ස්තෝ॒කෝ හු॒තෝ ද්ර॒ඵ්ස ඉත්යා॑හ॒ ප්රති॑ෂ්ඨිත්යෛ । හ॒විෂෝ-ऽස්ක॑න්දාය ।
න හි හු॒තග්ග් ස්වාහා॑කෘත॒ග්ග්॒ ස්කන්ද॑ති ।
දි॒වි නාකෝ॒ නාමා॒ග්නිඃ । තස්ය॑ වි॒ප්රුෂෝ॑ භාග॒ධේය᳚ම් ।
අ॒ග්නයේ॑ බෘහ॒තේ නාකා॒යේත්යා॑හ ।
නාක॑මේ॒වාග්නි-ම්භා॑ග॒ධේයේ॑න॒ සම॑ර්ධයති ।
ස්වාහා॒ ද්යාවා॑පෘථි॒වීභ්යා॒මිත්යා॑හ ।
ද්යාවා॑පෘථි॒ව්යෝරේ॒වෛන॒ත්-ප්රති॑ෂ්ඨාපයති ॥ 20 ॥
ප॒විත්ර॑ව॒ත්යාන॑යති । අ॒පා-ඤ්චෛ॒වෞෂ॑ධීනා-ඤ්ච॒ රස॒ග්ම්॒ සග්ම්සෘ॑ජති । අථෝ॒ ඕෂ॑ධීෂ්වේ॒ව ප॒ශූ-න්ප්රති॑ෂ්ඨාපයති ॥ අ॒න්වා॒රභ්ය॒ වාචං॑-යඁච්ඡති ।
ය॒ජ්ඤස්ය॒ ධෘත්යෛ᳚ । ධා॒රය॑න්නාස්තේ । ධා॒රය॑න්ත ඉව॒ හි දු॒හන්ති॑ । කාම॑ධුක්ෂ॒ ඉත්යා॒හාතෘ॒තීය॑ස්යෛ । ත්රය॑ ඉ॒මේ ලෝ॒කාඃ । ඉ॒මානේ॒ව ලෝ॒කාන්. යජ॑මානෝ දුහේ ॥ 21 ॥
අ॒මූමිති॒ නාම॑ ගෘහ්ණාති । භ॒ද්රමේ॒වාසා॒-ඞ්කර්මා॒විෂ්ක॑රෝති ॥ සා වි॒ශ්වායු॒-ස්සා වි॒ශ්වව්ය॑චා॒-ස්සා වි॒ශ්වක॒ර්මේත්යා॑හ । ඉ॒යං-වෛඁ වි॒ශ්වායුඃ॑ ।
අ॒න්තරි॑ක්ෂං-විඁ॒ශ්වව්ය॑චාඃ । අ॒සෞ වි॒ශ්වක॑ර්මා ।
ඉ॒මානේ॒වෛතාභි॑ර්ලෝ॒කාන්. ය॑ථාපූ॒ර්ව-න්දු॑හේ ।
අථෝ॒ යථා᳚ ප්රදා॒ත්රේ පුණ්ය॑මා॒ශාස්තේ᳚ । ඒ॒වමේ॒වෛනා॑ ඒ॒තදුප॑ස්තෞති । තස්මා॒ත්-ප්රාදා॒දිත්යු॒න්නීය॒ වන්ද॑මානා උපස්තු॒වන්තඃ॑ ප॒ශූ-න්දු॑හන්ති ॥ 22 ॥
බ॒හු දු॒ග්ධීන්ද්රා॑ය දේ॒වේභ්යෝ॑ හ॒විරිති॒ වාචං॒-විඁසෘ॑ජතේ । ය॒ථා॒ දේ॒ව॒තමේ॒ව ප්රසෞ॑ති ।
දෛව්ය॑ස්ය ච මානු॒ෂස්ය॑ ච॒ ව්යාවෘ॑ත්ත්යෛ ।
ත්රිරා॑හ । ත්රිෂ॑ත්යා॒ හි දේ॒වාඃ । අවා॑චං-යඁ॒මෝ-ऽන॑න්වා-ර॒භ්යෝත්ත॑රාඃ । අප॑රිමිතමේ॒වාව॑රුන්ධේ ॥
න දා॑රුපා॒ත්රේණ॑ දුහ්යාත් । අ॒ග්නි॒වද්වෛ දා॑රුපා॒ත්රම් ।
ය-ද්දා॑රුපා॒ත්රේණ॑ දු॒හ්යාත් ॥ 23 ॥
යා॒තයා᳚ම්නා හ॒විෂා॑ යජේත । අථෝ॒ ඛල්වා॑හුඃ ।
පු॒රෝ॒ඩාශ॑මුඛානි॒ වෛ හ॒වීග්ම්ෂි॑ । නේත ඉ॑තඃ පුරෝ॒ඩාශග්ම්॑ හ॒විෂෝ॒ යාමෝ॒-ऽස්තීති॑ ।
කාම॑මේ॒ව දා॑රුපා॒ත්රේණ॑ දුහ්යාත් ॥ ශූ॒ද්ර ඒ॒ව න දු॑හ්යාත් । අස॑තෝ॒ වා ඒ॒ෂ සම්භූ॑තඃ । යච්ඡූ॒ද්රඃ । අහ॑විරේ॒ව තදිත්යා॑හුඃ । යච්ඡූ॒ද්රෝ දෝග්ධීති॑ ॥ 24 ॥
අ॒ග්නි॒හෝ॒ත්රමේ॒වන දු॑හ්යාච්ඡූ॒ද්රඃ । තද්ධි නෝත්-පු॒නන්ති॑ । ය॒දා ඛලු॒ වෛ ප॒විත්ර॑ම॒ත්යේති॑ । අථ॒ තද්ධ॒විරිති॑ ॥
සම්පෘ॑ච්යද්ධ්ව-මෘතාවරී॒රිත්යා॑හ । අ॒පා-ඤ්චෛ॒වෞෂ॑ධීනා-ඤ්ච॒ රස॒ග්ම්॒ සග්ම්සෘ॑ජති ।
තස්මා॑ද॒පා-ඤ්චෞෂ॑ධීනා-ඤ්ච॒ රස॒මුප॑ ජීවාමඃ ।
ම॒න්ද්රා ධන॑ස්ය සා॒තය॒ ඉත්යා॑හ । පුෂ්ටි॑මේ॒ව යජ॑මානේ දධාති ॥ සෝමේ॑න॒ ත්වා-ऽऽත॑න॒ච්මීන්ද්රා॑ය॒ දධීත්යා॑හ ॥ 25 ॥
සෝම॑මේ॒වෛන॑-ත්කරෝති । යෝ වෛ සෝම॑-ම්භක්ෂයි॒ත්වා ।
සං॒වඁ॒ථ්ස॒රග්ම් සෝම॒-න්න පිබ॑ති । පු॒න॒ර්භක්ෂ්යෝ᳚-ऽස්ය සෝමපී॒ථෝ භ॑වති ॥
සෝමඃ॒ ඛලු॒ වෛ සා᳚නාං॒ය්යම් । ය ඒ॒වං-විඁ॒ද්වාන්-ථ්සා᳚නාං॒ය්ය-ම්පිබ॑ති । අ॒පු॒න॒ර්භක්ෂ්යෝ᳚-ऽස්ය සෝමපී॒ථෝ භ॑වති । න මෘ॒න්මයේ॒නාපි॑දද්ධ්යාත් ।
ය-න්මෘ॒න්මයේ॑නාපිද॒ද්ධ්යාත් ।
පි॒තෘ॒දේ॒ව॒ත්යග්ග්॑ ස්යාත් ॥ 26 ॥
අ॒ය॒ස්පා॒ත්රේණ॑ වා දාරුපා॒ත්රේණ॒ වා-ऽපි॑දධාති ।
තද්ධි සදේ॑වම් ॥ උ॒ද॒න්වද්- භ॑වති । ආපෝ॒ වෛ ර॑ක්ෂෝ॒ඝ්නීඃ । රක්ෂ॑සා॒-මප॑හත්යෛ ॥
අද॑ස්තමසි॒ විෂ්ණ॑වේ॒ ත්වේත්යා॑හ । ය॒ජ්ඤෝ වෛ විෂ්ණුඃ॑ ।
ය॒ජ්ඤායෛ॒වෛන॒දද॑ස්ත-ඞ්කරෝති । විෂ්ණෝ॑ හ॒ව්යග්ම් ර॑ක්ෂ॒ස්වේත්යා॑හ॒ ගුප්ත්යෛ᳚ ॥ අන॑ධ-ස්සාදයති । ගර්භා॑ණා॒-න්ධෘත්යා॒ අප්ර॑පාදාය ।
තස්මා॒-ද්ගර්භාඃ᳚ ප්ර॒ජානා॒ම ප්ර॑පාදුකාඃ । උ॒පරී॑ව॒ නිද॑ධාති । උ॒පරී॑ව॒ හි සු॑ව॒ර්ගෝ ලෝ॒කඃ । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ 27 ॥
(අ॒සීත්යා॑හ॒ - ධෘත්යෛ॒ - යජ॑මානේ දධා॒ - ත්යජා॑මිත්වාය - ස්ථාපයති - දුහේ - දුහන්ති - දු॒හ්යා-ද්- දෝග්ධීති॒ - දධීත්යා॑හ - ස්යාථ් - සාදයති॒ පඤ්ච॑ ච) (අ. 3)
අනුවාකං 4 - හවිර්නිර්වාපඃ
කර්ම॑ණේ වා-න්දේ॒වේභ්ය॑-ශ්ශකේය॒මිත්යා॑හ॒ ශක්ත්යෛ᳚ ।
ය॒ජ්ඤස්ය॒ වෛ සන්ත॑ති॒මනු॑ ප්ර॒ජාඃ ප॒ශවෝ॒ යජ॑මානස්ය॒ සන්තා॑යන්තේ । ය॒ජ්ඤස්ය॒ විච්ඡි॑ත්ති॒මනු॑ ප්ර॒ජාඃ ප॒ශවෝ॒ යජ॑මානස්ය॒ විච්ඡි॑ද්යන්තේ ।
ය॒ජ්ඤස්ය॒ සන්ත॑තිරසි ය॒ජ්ඤස්ය॑ ත්වා॒ සන්ත॑ත්යෛ ස්තෘණාමි॒ සන්ත॑ත්යෛ ත්වා ය॒ජ්ඤස්යේත්යාහ॑ව॒නීයා॒-ථ්සන්ත॑නෝති । යජ॑මානස්ය ප්ර॒ජායෛ॑ පශූ॒නාග්ම් සන්ත॑ත්යෛ ॥ අ॒පඃ ප්රණ॑යති । ශ්ර॒ද්ධා වා ආපඃ॑ । ශ්ර॒ද්ධාමේ॒වාරභ්ය॑ ප්ර॒ණීය॒ ප්රච॑රති । අ॒පඃ ප්රණ॑යති । ය॒ජ්ඤෝ වා ආපඃ॑ ॥ 28 ॥
ය॒ජ්ඤමේ॒වාරභ්ය॑ ප්ර॒ණීය॒ ප්රච॑රති । අ॒පඃ ප්රණ॑යති । වජ්රෝ॒ වා ආපඃ॑ । වජ්ර॑මේ॒ව භ්රාතෘ॑ව්යේභ්යඃ ප්ර॒හෘත්ය॑ ප්ර॒ණීය॒ ප්රච॑රති । අ॒පඃ ප්රණ॑යති ।
ආපෝ॒ වෛ ර॑ක්ෂෝ॒ඝ්නීඃ । රක්ෂ॑සා॒-මප॑හත්යෛ । අ॒පඃ ප්රණ॑යති । ආපෝ॒ වෛ දේ॒වානා᳚-ම්ප්රි॒ය-න්ධාම॑ ।
දේ॒වානා॑මේ॒ව ප්රි॒ය-න්ධාම॑ ප්ර॒ණීය॒ ප්රච॑රති ॥ 29 ॥
අ॒පඃ ප්රණ॑යති । ආපෝ॒ වෛ සර්වා॑ දේ॒වතාඃ᳚ ।
දේ॒වතා॑ ඒ॒වාරභ්ය॑ ප්ර॒ණීය॒ ප්රච॑රති ॥ වේෂා॑ය॒ ත්වේත්යා॑හ । වේෂා॑ය॒ හ්යේ॑නදාද॒ත්තේ ॥ ප්රත්යු॑ෂ්ට॒ග්ම්॒ රක්ෂඃ॒ ප්රත්යු॑ෂ්ටා॒ අරා॑තය॒ ඉත්යා॑හ ।
රක්ෂ॑සා॒-මප॑හත්යෛ ॥ ධූර॒සීත්යා॑හ । ඒ॒ෂ වෛ ධුර්යෝ॒-ऽග්නිඃ । තං-යඁදනු॑පස්පෘශ්යාතී॒යාත් ॥ 30 ॥
අ॒ද්ධ්ව॒ර්යු-ඤ්ච॒ යජ॑මාන-ඤ්ච॒ ප්රද॑හේත් । උ॒ප॒ස්පෘශ්යාත්යේ॑ති । අ॒ද්ධ්ව॒ර්යෝශ්ච॒ යජ॑මානස්ය॒ චාප්ර॑දාහාය ॥ ධූර්ව॒ තංයෝඁ᳚-ऽස්මා-න්ධූර්ව॑ති॒ ත-න්ධූ᳚ර්ව॒ යං-වඁ॒ය-න්ධූර්වා॑ම॒ ඉත්යා॑හ ।
ද්වෞ වාව පුරු॑ෂෞ । ය-ඤ්චෛ॒ව ධූර්ව॑ති । යශ්චෛ॑න॒-න්ධූර්ව॑ති । තාවු॒භෞ ශු॒චා-ऽර්ප॑යති ॥ ත්ව-න්දේ॒වානා॑මසි॒ සස්නි॑තම॒-ම්පප්රි॑තම॒-ඤ්ජුෂ්ට॑තමං॒-වඁහ්නි॑තම-න්දේව॒හූත॑ම॒මිත්යා॑හ । ය॒ථා॒ ය॒ජුරේ॒වෛ තත් ॥ 31 ॥
අහ්රු॑තමසි හවි॒ර්ධාන॒-මිත්යා॒හානා᳚ර්ත්යෛ ।
දෘග්ම්හ॑ස්ව॒ මා හ්වා॒රිත්යා॑හ॒ ධෘත්යෛ᳚ ॥
මි॒ත්රස්ය॑ ත්වා॒ චක්ෂු॑ෂා॒ ප්රේක්ෂ॒ ඉත්යා॑හ මිත්ර॒ත්වාය॑ ।
මා භේර්මා සංවිඁ ॑ක්ථා॒ මා ත්වා॑ හිග්ම්සිෂ॒-මිත්යා॒හාහිග්ම්॑සායෛ । යද්වෛ කි-ඤ්ච॒ වාතෝ॒ නාභි॒වාති॑ ।
ත-ථ්සර්වං॑-වඁරුණදේව॒ත්ය᳚ම් ॥ උ॒රු වාතා॒යේත්යා॑හ । අවා॑රුණමේ॒වෛන॑-ත්කරෝති ॥ දේ॒වස්ය॑ ත්වා සවි॒තුඃ
ප්ර॑ස॒ව ඉත්යා॑හ॒ ප්රසූ᳚ත්යෛ ।
අ॒ශ්විනෝ᳚-ර්බා॒හුභ්යා॒මිත්යා॑හ ॥ 32 ॥
අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් ।
පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ । අ॒ග්නයේ॒ ජුෂ්ට॒-න්නිර්ව॑පා॒මීත්යා॑හ । අ॒ග්නය॑ ඒ॒වෛනා॒ඤ්ජුෂ්ටං॒
නිර්ව॑පති । ත්රිර්යජු॑ෂා । ත්රය॑ ඉ॒මේ ලෝ॒කාඃ ।
ඒ॒ෂාං-ලෝඁ॒කානා॒මාප්ත්යෛ᳚ । තූ॒ෂ්ණී-ඤ්ච॑තු॒ර්ථම් ।
අප॑රිමිතමේ॒වාව॑රුන්ධේ । ස ඒ॒වමේ॒වානු॑පූ॒ර්වග්ම් හ॒වීග්ම්ෂි॒ නිර්ව॑පති ॥ 33 ॥
ඉ॒ද-න්දේ॒වානා॑මි॒දමු॑ න-ස්ස॒හේත්යා॑හ॒ ව්යාවෘ॑ත්ත්යෛ ॥
ස්ඵා॒ත්යෛ ත්වා॒ නාරා᳚ත්යා॒ ඉත්යා॑හ॒ ගුප්ත්යෛ᳚ । තම॑සීව॒ වා ඒ॒ෂෝ᳚-ऽන්තශ්ච॑රති । යඃ ප॑රී॒ණහි॑ ॥ සුව॑ර॒භි විඛ්යේ॑ෂං-වෛඁශ්වාන॒ර-ඤ්ජ්යෝති॒රිත්යා॑හ ।
සුව॑රේ॒වාභි වි ප॑ශ්යති වෛශ්වාන॒ර-ඤ්ජ්යෝතිඃ॑ ।
ද්යාවා॑පෘථි॒වී හ॒විෂි॑ ගෘහී॒ත උද॑වේපේතාම් ॥
දෘග්ම්හ॑න්තා॒-න්දුර්යා॒ ද්යාවා॑පෘථි॒ව්යෝරිත්යා॑හ ।
ගෘ॒හාණා॒-න්ද්යාවා॑පෘථි॒ව්යෝ-ර්ධෘත්යෛ᳚ ॥
උ॒ර්ව॑න්තරි॑ක්ෂ॒-මන්වි॒හීත්යා॑හ॒ ගත්යෛ᳚ ॥
අදි॑ත්යාස්ත්වෝ॒පස්ථේ॑ සාදයා॒මීත්යා॑හ । ඉ॒යං-වාඁ අදි॑තිඃ । අ॒ස්යා ඒ॒වෛන॑දු॒පස්ථේ॑ සාදයති ॥
අග්නේ॑ හ॒ව්යග්ම් ර॑ක්ෂ॒ස්වේත්යා॑හ॒ ගුප්ත්යෛ᳚ ॥ 34 ॥
(ය॒ජ්ඤෝ වා ආපෝ॒ - ධාම॑ ප්ර॒ණීය॒ ප්රච॑ර - ත්යතී॒යා - දේ॒ත-ද්- බා॒හුභ්යා॒මිත්යා॑හ - හ॒විග්ම්ෂි॒ නිර්ව॑පති॒ - ගත්යෛ॑ ච॒ත්වාරි॑ ච) (අ. 4)
අනුවාකං 5 - ව්රීහ්යවඝාතඃ
ඉන්ද්රෝ॑ වෘ॒ත්රම॑හන්න් । සෝ॑-ऽපඃ । අ॒භ්ය॑ම්රියත ।
තාසාං॒-යඁන්මේද්ධ්යං॑-යඁ॒ජ්ඤිය॒ග්ම්॒ සදේ॑ව॒මාසී᳚ත් । තදපෝද॑ක්රාමත් । තේ ද॒ර්භා අ॑භවන්න් । ය-ද්ද॒ර්භෛර॒ප උ॑ත්පු॒නාති॑ । යා ඒ॒ව මේද්ධ්යා॑ ය॒ජ්ඤියා॒-ස්සදේ॑වා॒ ආපඃ॑ । තාභි॑රේ॒වෛනා॒ උත්පු॑නාති । ද්වාභ්යා॒මුත්පු॑නාති ॥ 35 ॥
ද්වි॒පා-ද්යජ॑මානඃ॒ ප්රති॑ෂ්ඨිත්යෛ ॥ දේ॒වෝ ව॑-ස්සවි॒තෝත්-පු॑නා॒ත්විත්යා॑හ । ස॒වි॒තෘප්ර॑සූත ඒ॒වෛනා॒ උත්පු॑නාති । අච්ඡි॑ද්රේණ ප॒විත්රේ॒ණේත්යා॑හ । අ॒සෞ වා ආ॑දි॒ත්යෝ-ऽච්ඡි॑ද්ර-ම්ප॒විත්ර᳚ම් । තේනෛ॒වෛනා॒ උත්පු॑නාති । වසෝ॒-ස්සූර්ය॑ස්ය ර॒ශ්මිභි॒රිත්යා॑හ । ප්රා॒ණා වා ආපඃ॑ । ප්රා॒ණා වස॑වඃ । ප්රා॒ණා ර॒ශ්මයඃ॑ ॥ 36 ॥
ප්රා॒ණෛරේ॒ව ප්රා॒ණාන්-ථ්සම්පෘ॑ණක්ති । සා॒වි॒ත්රි॒යර්චා ।
ස॒වි॒තෘප්ර॑සූත-ම්මේ॒ කර්මා॑ස॒දිති॑ ।
ස॒වි॒තෘප්ර॑සූතමේ॒වාස්ය॒ කර්ම॑ භවති ।
ප॒ච්ඡෝ ගා॑යත්රි॒යා ත්රි॑ෂ්ෂමෘද්ධ॒ත්වාය॑ ॥
ආපෝ॑ දේවීරග්රේපුවෝ අග්රේගුව॒ ඉත්යා॑හ ।
රූ॒ප-මේ॒වාසා॑මේ॒ත-න්ම॑හි॒මානං॒-ව්යාඁච॑ෂ්ටේ ।
අග්ර॑ ඉ॒මං-යඁ॒ජ්ඤ-න්න॑ය॒තාග්රේ॑
ය॒ජ්ඤප॑ති॒මිත්යා॑හ । අග්රේ॑ ඒ॒ව ය॒ජ්ඤ-න්න॑යන්ති ।
අග්රේ॑ ය॒ජ්ඤප॑තිම් ॥ 37 ॥
යු॒ෂ්මානින්ද්රෝ॑ ऽවෘණීත වෘත්ර॒තූයේ॑ යූ॒යමින්ද්ර॑මවෘණීද්ධ්වං-වෘඁත්ර॒තූර්ය॒ ඉත්යා॑හ ।
වෘ॒ත්රග්ම් හ॑ හනි॒ෂ්යන්නින්ද්ර॒ ආපෝ॑ වව්රේ ।
ආපෝ॒ හේන්ද්රං॑-වඁව්රිරේ । ස॒ජ්ඤාං-මේ॒වාසා॑මේ॒ත-ථ්සාමා॑නං॒-ව්යාඁච॑ෂ්ටේ ॥ ප්රෝක්ෂි॑තා॒-ස්ස්ථේත්යා॑හ । තේනාපඃ॒ ප්රෝක්ෂි॑තාඃ ॥ අ॒ග්නයේ॑ වෝ॒ ජුෂ්ට॒-ම්ප්රෝක්ෂා᳚-ම්ය॒ග්නීෂෝමා᳚භ්යා॒-මිත්යා॑හ ।
ය॒ථා॒ දේ॒ව॒තමේ॒වෛනා॒-න්ප්රෝක්ෂ॑ති । ත්රිඃ ප්රෝක්ෂ॑ති । ත්ර්යා॑වෘ॒ද්ධි ය॒ජ්ඤඃ ॥ 38 ॥
අථෝ॒ රක්ෂ॑සා॒මප॑හත්යෛ । ශුන්ධ॑ද්ධ්වං॒
දෛව්යා॑ය॒ කර්ම॑ණේ දේවය॒ජ්යායා॒ ඉත්යා॑හ ।
දේ॒ව॒ය॒ජ්යායා॑ ඒ॒වෛනා॑නි ශුන්ධති । ත්රිඃ ප්රෝක්ෂ॑ති । ත්ර්යා॑වෘ॒ද්ධි ය॒ජ්ඤඃ । අථෝ॑ මේද්ධ්ය॒ත්වාය॑ । අව॑ධූත॒ග්ම්॒ රක්ෂෝ-ऽව॑ධූතා॒ අරා॑තය॒ ඉත්යා॑හ ।
රක්ෂ॑සා॒-මප॑හත්යෛ । අදි॑ත්යා॒ස්ත්වග॒සීත්යා॑හ । ඉ॒යං-වාඁ අදි॑තිඃ ॥ 39 ॥
අ॒ස්යා ඒ॒වෛන॒-ත්ත්වච॑-ඞ්කරෝති । ප්රති॑ ත්වා පෘථි॒වී වේ॒ත්ත්විත්යා॑හ॒ ප්රති॑ෂ්ඨිත්යෛ ॥ පු॒රස්තා᳚-ත්ප්රතී॒චීන॑ග්රීව॒-මුත්ත॑රලෝ॒මෝප॑ස්තෘණාති මේද්ධ්ය॒ත්වාය॑ ।
තස්මා᳚-ත්පු॒රස්තා᳚-ත්ප්ර॒ත්යඤ්චඃ॑ ප॒ශවෝ॒ මේධ॒මුප॑තිෂ්ඨන්තේ । තස්මා᳚-ත්ප්ර॒ජා මෘ॒ග-ඞ්ග්රාහු॑කාඃ । ය॒ජ්ඤෝ දේ॒වේභ්යෝ॒ නිලා॑යත ।
කෘෂ්ණෝ॑ රූ॒ප-ඞ්කෘ॒ත්වා । ය-ත්කෘ॑ෂ්ණාජි॒නේ හ॒විර॑ද්ධ්යව॒හන්ති॑ । ය॒ජ්ඤාදේ॒ව-ත-ද්ය॒ජ්ඤ-ම්ප්රයු॑ඞ්ක්තේ । හ॒විෂෝ-ऽස්ක॑න්දාය ॥ 40 ॥
අ॒ධි॒ෂව॑ණමසි වානස්ප॒ත්යමිත්යා॑හ । අ॒ධි॒ෂව॑ණ-මේ॒වෛන॑-ත්කරෝති । ප්රති॒ ත්වා-ऽදි॑ත්යා॒ස්ත්වග්වේ॒ත්ත්විත්යා॑හ සය॒ත්වාය॑ ॥
අ॒ග්නේස්ත॒නූ-ර॒සීත්යා॑හ । අ॒ග්නේර්වා ඒ॒ෂා ත॒නූඃ ।
යදෝෂ॑ධයඃ । වා॒චෝ වි॒සර්ජ॑න॒මිත්යා॑හ ।
ය॒දා හි ප්ර॒ජා ඕෂ॑ධීනා-ම॒ශ්නන්ති॑ । අථ॒ වාචං॒-විඁසෘ॑ජන්තේ । දේ॒වවී॑තයේ ත්වා ගෘහ්ණා॒මීත්යා॑හ ॥ 41 ॥
දේ॒වතා॑භිරේ॒වෛන॒-ථ්සම॑ර්ධයති ॥
අද්රි॑රසි වානස්ප॒ත්ය ඉත්යා॑හ । ග්රාවා॑ණ-මේ॒වෛන॑-ත්කරෝති ।
ස ඉ॒ද-න්දේ॒වේභ්යෝ॑ හ॒ව්යග්ම් සු॒ශමි॑ ශමි॒ෂ්වේත්යා॑හ॒ ශාන්ත්යෛ᳚ ॥ හවි॑ෂ්කෘ॒දේහීත්යා॑හ ।
ය ඒ॒ව දේ॒වානාග්ම්॑ හවි॒ෂ්කෘතඃ॑ । තාන්. හ්ව॑යති ।
ත්රිර්හ්ව॑යති । ත්රිෂ॑ත්යා॒ හි දේ॒වාඃ ॥ ඉෂ॒මා ව॒දෝර්ජ॒මා ව॒දේත්යා॑හ ॥ 42 ॥
ඉෂ॑මේ॒වෝර්ජං॒-යඁජ॑මානේ දධාති ।
ද්යු॒මද්ව॑දත ව॒යග්ම් ස॑ඝා॒න්ත-ඤ්ජේ॒ෂ්මේත්යා॑හ॒ භ්රාතෘ॑ව්යාභිභූත්යෛ ॥ මනෝ᳚-ශ්ශ්ර॒ද්ධාදේ॑වස්ය॒ යජ॑මානස්යාසුර॒ඝ්නී වාක් । ය॒ජ්ඤා॒යු॒ධේෂු॒ ප්රවි॑ෂ්ටා-ऽऽසීත් । තේ-ऽසු॑රා॒ යාව॑න්තෝ යජ්ඤායු॒ධානා॑මු॒ද්වද॑තා-මු॒පාශෘ॑ණ්වන්න් ।
තේ පරා॑-ऽභවන්න් । තස්මා॒-ථ්ස්වානා॒-ම්මද්ධ්යේ॑-ऽව॒සාය॑ යජේත । යාව॑න්තෝ-ऽස්ය॒ භ්රාතෘ॑ව්යා යජ්ඤායු॒ධානා॑-මු॒ද්වද॑තා-මුපශෘ॒ණ්වන්ති॑ । තේ පරා॑ භවන්ති ।
උ॒ච්චෛ-ස්ස॒මාහ॑න්ත॒වා ආ॑හ॒ විජි॑ත්යෛ ॥ 43 ॥
වෘ॒ඞ්ක්ත ඒ॑ෂාමින්ද්රි॒යං-වීඁ॒ර්ය᳚ම් । ශ්රේෂ්ඨ॑ ඒෂා-ම්භවති ॥ ව॒ර්॒ෂ වෘ॑ද්ධමසි॒ ප්රති॑ ත්වා ව॒ර්॒ෂවෘ॑ද්ධං-වේඁ॒ත්ත්විත්යා॑හ ।
ව॒ර්॒ෂවෘ॑ද්ධා॒ වා ඕෂ॑ධයඃ ।
ව॒ර්॒ෂවෘ॑ද්ධා ඉ॒ෂීකා॒-ස්සමෘ॑ද්ධ්යෛ ।
ය॒ජ්ඤග්ම් රක්ෂා॒ග්॒ස්යනු॒ ප්රාවි॑ශන්න් ।
තාන්ය॒ස්නා ප॒ශුභ්යෝ॑ නි॒රවා॑දයන්ත ।
තුෂෛ॒රෝෂ॑ධීභ්යඃ ॥ පරා॑පූත॒ග්ම්॒ රක්ෂඃ॒ පරා॑පූතා॒ අරා॑තය॒ ඉත්යා॑හ ।
රක්ෂ॑සා॒මප॑හත්යෛ ॥ 44 ॥
රක්ෂ॑සා-ම්භා॒ගෝ॑-ऽසීත්යා॑හ । තුෂෛ॑රේ॒ව රක්ෂාග්ම්॑සි නි॒රව॑දයතේ । අ॒ප උප॑ස්පෘශති මේද්ධ්ය॒ත්වාය॑ । වා॒යුර්වෝ॒ වි වි॑න॒ක්ත්විත්යා॑හ । ප॒විත්රං॒-වෛඁ වා॒යුඃ । පු॒නාත්යේ॒වෛනාන්॑ । අ॒න්තරි॑ක්ෂාදිව॒ වා ඒ॒තේ ප්රස්ක॑න්දන්ති । යේ ශූර්පා᳚ත් । දේ॒වෝ ව॑-ස්සවි॒තා හිර॑ණ්යපාණිඃ॒ ප්රති॑ගෘහ්ණා॒ත්විත්යා॑හ॒ ප්රති॑ෂ්ඨිත්යෛ ।
හ॒විෂෝ-ऽස්ක॑න්දාය । ත්රිෂ්ඵ॒ලීක॑ර්ත॒වා ආ॑හ । ත්ර්යා॑වෘ॒ද්ධි ය॒ජ්ඤඃ । අථෝ॑ මේද්ධ්ය॒ත්වාය॑ ॥ 45 ॥
(ද්වාභ්යා॒මු-ත්පු॑නාති - ර॒ශ්මයෝ॑ - නය॒න්ත්යග්රේ॑ ය॒ජ්ඤප॑තිං - ඁය॒ජ්ඤෝ - ऽදි॑ති॒ - රස්ක॑න්දාය - ගෘහ්ණා॒මීත්යා॑හ - ව॒දේත්යා॑හ॒ - විජි॑ත්යා॒ - අප॑හත්යා॒ - අස්ක॑න්දාය॒ ත්රීණි॑ ච) (අ. 5)
අනුවාකං 6 - තණ්ඩුලපේෂණම්
අව॑ධූත॒ග්ම්॒ රක්ෂෝ-ऽව॑ධූතා॒ අරා॑තය॒ ඉත්යා॑හ । රක්ෂ॑සා॒මප॑හත්යෛ । අදි॑ත්යා॒ස්ත්වග॒සීත්යා॑හ । ඉ॒යං-වාඁ අදි॑තිඃ । අ॒ස්යා ඒ॒වෛන॒-ත්ත්වච॑-ඞ්කරෝති । ප්රති॑ ත්වා පෘථි॒වී වේ॒ත්ත්විත්යා॑හ॒ ප්රති॑ෂ්ඨිත්යෛ ।
පු॒රස්තා᳚-ත්ප්රතී॒චීන॑ග්රීව॒-මුත්ත॑රලෝ॒මෝප॑ස්තෘණාති මේද්ධ්ය॒ත්වාය॑ । තස්මා᳚-ත්පු॒රස්තා᳚-ත්ප්ර॒ත්යඤ්චඃ॑ ප॒ශවෝ॒ මේධ॒මුප॑තිෂ්ඨන්තේ । තස්මා᳚-ත්ප්ර॒ජා මෘ॒ග-ඞ්ග්රාහු॑කාඃ । ය॒ජ්ඤෝ දේ॒වේභ්යෝ॒ නිලා॑යත ॥ 46 ॥
කෘෂ්ණෝ॑ රූ॒ප-ඞ්කෘ॒ත්වා । ය-ත්කෘ॑ෂ්ණාජි॒නේ හ॒විර॑ධිපි॒නෂ්ටි॑ । ය॒ජ්ඤාදේ॒ව ත-ද්ය॒ජ්ඤ-ම්ප්රයු॑ඞ්ක්තේ । හ॒විෂෝ-ऽස්ක॑න්දාය ॥ ද්යාවා॑පෘථි॒වී ස॒හාස්තා᳚ම් । තේ ශ॑ම්යාමා॒ත්රමේක॒මහ॒ර්ව්යෛතාග්ම්॑ ශම්යාමා॒ත්රමේක॒මහඃ॑ ॥ දි॒ව-ස්ස්ක॑ම්භ॒නිර॑සි॒ ප්රති॒ ත්වා ऽදි॑ත්යා॒ස්ත්වග්වේ॒ත්ත්විත්යා॑හ ।
ද්යාවා॑පෘථි॒ව්යෝ-ර්වීත්යෛ᳚ । ධි॒ෂණා॑-ऽසි පර්ව॒ත්යා
ප්රති॑ ත්වා දි॒ව-ස්ස්ක॑ම්භ॒නිර්වේ॒ත්ත්විත්යා॑හ ।
ද්යාවා॑පෘථි॒ව්යෝ-ර්විධෘ॑ත්යෛ ॥ 47 ॥
ධි॒ෂණා॑-ऽසි පාර්වතේ॒යී ප්රති॑ ත්වා පර්ව॒තිර්වේ॒ත්ත්විත්යා॑හ । ද්යාවා॑පෘථි॒ව්යෝර්ධෘත්යෛ᳚ ॥ දේ॒වස්ය॑ ත්වා සවි॒තුඃ ප්ර॑ස॒ව ඉත්යා॑හ॒ ප්රසූ᳚ත්යෛ । අ॒ශ්විනෝ᳚-ර්බා॒හුභ්යා॒මිත්යා॑හ । අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් । පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ ।
අධි॑වපා॒මීත්යා॑හ । ය॒ථා॒දේ॒ව॒ත-මේ॒වෛනා॒නධි॑ වපති ॥ ධා॒න්ය॑මසි ධිනු॒හි දේ॒වානිත්යා॑හ । ඒ॒තස්ය॒ යජු॑ෂෝ වී॒ර්යේ॑ණ ॥ 48 ॥
යාව॒දේකා॑ දේ॒වතා॑ කා॒මය॑තේ॒ යාව॒දේකා᳚ । තාව॒දාහු॑තිඃ ප්රථතේ । න හි තදස්ති॑ । යත්තාව॑දේ॒ව ස්යාත් । යාව॑ජ්ජු॒හෝති॑ ॥ ප්රා॒ණාය॑ ත්වා-ऽපා॒නාය॒ ත්වේත්යා॑හ । ප්රා॒ණානේ॒ව යජ॑මානේ දධාති । දී॒ර්ඝාමනු॒ ප්රසි॑ති॒මායු॑ෂේ ධා॒මිත්යා॑හ । ආයු॑රේ॒වාස්මි॑-න්දධාති ।
අ॒න්තරි॑ක්ෂාදිව॒ වා ඒ॒තානි॒ ප්රස්ක॑න්දන්ති । යානි॑ දෘ॒ෂදඃ॑ । දේ॒වෝ ව॑-ස්සවි॒තා හිර॑ණ්යපාණිඃ॒ ප්රති॑ ගෘහ්ණා॒ත්විත්යා॑හ॒ ප්රති॑ෂ්ඨිත්යෛ । හ॒විෂෝ-ऽස්ක॑න්දාය ॥
අසං॑වඁපන්තී පිග්ම්॑ෂා॒ණූනි॑ කුරුතා॒දිත්යා॑හ මේද්ධ්ය॒ත්වාය॑ ॥ 49 ॥
(නිලා॑යත॒ - විධෘ॑ත්යෛ - වී॒ර්යේ॑ණ - ස්කන්දන්ති ච॒ත්වාරි॑ ච ) (අ. 6)
අනුවාකං 7 - කපාලෝපධානම්
ධෘෂ්ටි॑රසි॒ බ්රහ්ම॑ ය॒ච්ඡේත්යා॑හ॒ ධෘත්යෛ᳚ ॥
අපා᳚ග්නේ॒ ऽග්නිමා॒මාද॑-ඤ්ජහි॒ නිෂ්ක්ර॒ව්යාදග්ම්॑
සේ॒ධා දේ॑ව॒යජං॑-වඁ॒හේත්යා॑හ ।
ය ඒ॒වාමාත්ක්ර॒ව්යාත් । තම॑ප॒හත්ය॑ । මේද්ධ්යේ॒-ऽග්නෞ ක॒පාල॒මුප॑දධාති ॥ නිර්ද॑ග්ධ॒ග්ම්॒ රක්ෂෝ॒ නිර්ද॑ග්ධා॒ අරා॑තය॒ ඉත්යා॑හ । රක්ෂාග්॑ස්යේ॒ව
නිර්ද॑හති । අ॒ග්නි॒වත්යුප॑දධාති । අ॒ස්මින්නේ॒ව ලෝ॒කේ ජ්යෝති॑ර්ධත්තේ । අඞ්ගා॑ර॒මධි॑-වර්තයති ॥ 50 ॥
අ॒න්තරි॑ක්ෂ ඒ॒ව ජ්යෝති॑ර්ධත්තේ ।
ආ॒දි॒ත්යමේ॒වාමුෂ්මි॑න් ඁලෝ॒කේ ජ්යෝති॑ර්ධත්තේ ।
ජ්යෝති॑ෂ්මන්තෝ-ऽස්මා ඉ॒මේ ලෝ॒කා භ॑වන්ති ।
ය ඒ॒වං-වේඁද॑ ॥ ධ්රු॒වම॑සි පෘථි॒වී-න්දෘ॒ග්ම්॒හේත්යා॑හ । පෘ॒ථි॒වීමේ॒වෛතේන॑ දෘග්ම්හති ।
ධ॒ර්ත්රම॑ස්ය॒න්තරි॑ක්ෂ-න්දෘ॒ග්ම්॒හේත්යා॑හ । අ॒න්තරි॑ක්ෂමේ॒වෛතේන॑ දෘග්ම්හති ।
ධ॒රුණ॑මසි॒ දිව॑-න්දෘ॒ග්ම්॒හේත්යා॑හ । දිව॑මේ॒වෛතේන॑ දෘග්ම්හති ॥ 51 ॥
ධර්මා॑සි॒ දිශෝ॑ දෘ॒ග්ම්॒හේත්යා॑හ ।
දිශ॑ ඒ॒වෛතේන॑ දෘග්ම්හති । ඉ॒මානේ॒වෛතෛ-ර්ලෝ॒කා-න්දෘග්ම්॑හති । දෘග්ම් හ॑න්තේ-ऽස්මා ඉ॒මේ ලෝ॒කාඃ ප්ර॒ජයා॑ ප॒ශුභිඃ॑ । ය ඒ॒වං-වේඁද॑ ॥ ත්රීණ්යග්රේ॑ ක॒පාලා॒න්යුප॑දධාති । ත්රය॑ ඉ॒මේ ලෝ॒කාඃ ।
ඒ॒ෂාං-ලෝඁ॒කානා॒මාප්ත්යෛ᳚ ।
ඒක॒මග්රේ॑ ක॒පාල॒මුප॑දධාති ।
ඒකං॒-වාඁ අග්රේ॑ ක॒පාල॒-ම්පුරු॑ෂස්ය ස॒භංවඁ ॑ති ॥ 52 ॥
අථ॒ ද්වේ । අථ॒ ත්රීණි॑ । අථ॑ ච॒ත්වාරි॑ । අථා॒ෂ්ටෞ ।
තස්මා॑ද॒ෂ්ටාක॑පාල॒-ම්පුරු॑ෂස්ය॒ ශිරඃ॑ ।
යදේ॒ව-ඞ්ක॒පාලා᳚න්යුප॒ දධා॑ති । ය॒ජ්ඤෝ වෛ ප්ර॒ජාප॑තිඃ । ය॒ජ්ඤමේ॒ව ප්ර॒ජාප॑ති॒ග්ම්॒ සග්ග්ස්ක॑රෝති ।
ආ॒ත්මාන॑මේ॒ව ත-ථ්සග්ග්ස්ක॑රෝති । තග්ම් සග්ග්ස්කෘ॑තමා॒ත්මාන᳚ම් ॥ 53 ॥
අ॒මුෂ්මි॑න් ඁලෝ॒කේ-ऽනු॒පරෛ॑ති ॥ යද॒ෂ්ටාවු॑ප॒ දධා॑ති । ගා॒ය॒ත්රි॒යා ත-ථ්සම්මි॑තම් । යන්නව॑ । ත්රි॒වෘතා॒ තත් । ය-ද්දශ॑ । වි॒රාජා॒ තත් । යදේකා॑දශ । ත්රි॒ෂ්ටුභා॒ තත් । යද්ද්වාද॑ශ ॥ 54 ॥
ජග॑ත්යා॒ තත් । ඡන්ද॑-ස්සම්මිතානි॒ ස උ॑ප॒දධ॑-ත්ක॒පාලා॑නි । ඉ॒මාන් ඁලෝ॒කාන॑නුපූ॒ර්ව-න්දිශෝ॒ විධෘ॑ත්යෛ දෘග්ම්හති । අථායුඃ॑ ප්රා॒ණා-න්ප්ර॒ජා-ම්ප॒ශූන්. යජ॑මානේ දධාති । ස॒ජා॒තාන॑ස්මා අ॒භිතෝ॑ බහු॒ලාන් ක॑රෝති ॥
චිත॒-ස්ස්ථේත්යා॑හ । ය॒ථා॒ ය॒ජුරේ॒වෛතත් ॥
භෘගූ॑ණා॒මඞ්ගි॑රසා॒-න්තප॑සා තප්යද්ධ්ව॒මිත්යා॑හ ।
දේ॒වතා॑නා-මේ॒වෛනා॑නි॒ තප॑සා තපති । තානි॒ තත॒-ස්සග්ග්ස්ථි॑තේ । යානි॑ ඝ॒ර්මේ ක॒පාලා᳚න් යුපචි॒න්වන්ති॑ වේ॒ධස॒ ඉති॒ චතු॑ෂ්පදය॒ර්චා විමු॑ඤ්චති । චතු॑ෂ්පාදඃ ප॒ශවඃ॑ । ප॒ශුෂ්වේ॒වෝපරි॑ෂ්ටා॒-ත්ප්රති॑තිෂ්ඨති ॥ 55 ॥
(ව॒ර්ත॒ය॒ති॒ - දිව॑මේ॒වෛතේන॑ දෘග්ම්හති - ස॒ම්භව॑ති॒ - තග්ම් සග්ග්ස්කෘ॑තමා॒ත්මානං॒ - ද්වාද॑ශ॒ - සග්ග්ස්ථි॑තේ॒ ත්රීණි॑ ච) (අ. 7)
අනුවාකං 8 - පුරෝඩාශානිෂ්පාදනම්
දේ॒වස්ය॑ ත්වා සවි॒තුඃ ප්ර॑ස॒ව ඉත්යා॑හ॒ ප්රසූ᳚ත්යෛ । අ॒ශ්විනෝ᳚-ර්බා॒හුභ්යා॒මිත්යා॑හ ।
අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් ।
පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ ।
සංවඁ ॑පා॒මීත්යා॑හ । ය॒ථා॒ දේ॒ව॒තමේ॒වෛනා॑නි॒ සංවඁ ॑පති ॥ සමාපෝ॑ අ॒ද්භිර॑ග්මත॒ සමෝෂ॑ධයෝ॒ රසේ॒නේත්යා॑හ । ආපෝ॒ වා ඕෂ॑ධී-ර්ජින්වන්ති । ඕෂ॑ධයෝ॒-ऽපෝ ජි॑න්වන්ති ।
අ॒න්යා වා ඒ॒තාසා॑ම॒න්යා ජි॑න්වන්ති ॥ 56 ॥
තස්මා॑දේ॒වමා॑හ । සග්ම් රේ॒වතී॒-ර්ජග॑තීභි॒-ර්මධු॑මතී॒-ර්මධු॑මතීභි-ස්සෘජ්යද්ධ්ව॒මිත්යා॑හ ।
ආපෝ॒ වෛ රේ॒වතීඃ᳚ । ප॒ශවෝ॒ ජග॑තීඃ । ඕෂ॑ධයෝ॒ මධු॑මතීඃ । ආප॒ ඕෂ॑ධීඃ ප॒ශූන් । තානේ॒වාස්මා॑ ඒක॒ධා ස॒ග්ම්॒සෘජ්ය॑ । මධු॑මතඃ කරෝති ।
අ॒ද්භ්යඃ පරි॒ ප්රජා॑තා-ස්ස්ථ॒ සම॒ද්භිඃ පෘ॑ච්යද්ධ්ව॒මිති॑ ප॒ර්යාප්ලා॑වයති ।
යථා॒ සුවෘ॑ෂ්ට ඉ॒මාම॑නු වි॒සෘත්ය॑ ॥ 57 ॥
ආප॒ ඕෂ॑ධීර්ම॒හය॑න්ති । තා॒දෘගේ॒ව තත් ॥
ජන॑යත්යෛ ත්වා॒ සංයෞඁ॒මීත්යා॑හ । ප්ර॒ජා ඒ॒වෛතේන॑ දාධාර । අ॒ග්නයේ᳚ ත්වා॒-ऽග්නීෂෝමා᳚භ්යා॒මිත්යා॑හ॒ ව්යාවෘ॑ත්ත්යෛ । ම॒ඛස්ය॒ ශිරෝ॒-ऽසීත්යා॑හ ।
ය॒ජ්ඤෝ වෛ ම॒ඛඃ । තස්යෛ॒තච්ඡිරඃ॑ । ය-ත්පු॑රෝ॒ඩාශඃ॑ । තස්මා॑දේ॒වමා॑හ ॥ 58 ॥
ඝ॒ර්මෝ॑-ऽසි වි॒ශ්වායු॒රිත්යා॑හ । විශ්ව॑මේ॒වායු॒-ර්යජ॑මානේ දධාති । උ॒රු ප්ර॑ථස්වෝ॒රු තේ॑ ය॒ජ්ඤප॑තිඃ ප්රථතා॒මිත්යා॑හ । යජ॑මානමේ॒ව ප්ර॒ජයා॑ ප॒ශුභිඃ॑ ප්රථයති । ත්වච॑-ඞ්ගෘහ්ණී॒ෂ්වේත්යා॑හ ।
සර්ව॑මේ॒වෛන॒ග්ම්॒ සත॑නු-ඞ්කරෝති । අථා॒ප ආ॒නීය॒ පරි॑ මාර්ෂ්ටි । මා॒ග්ම්॒ස ඒ॒ව ත-ත්ත්වච॑-න්දධාති । තස්මා᳚-ත්ත්ව॒චා මා॒ග්ම්॒ස-ඤ්ඡ॒න්නම් ॥
ඝ॒ර්මෝ වා ඒ॒ෂෝ-ऽශා᳚න්තඃ ॥ 59 ॥
අ॒ර්ධ॒මා॒සේ᳚-ऽර්ධමාසේ॒ ප්රවෘ॑ජ්යතේ । ය-ත්පු॑රෝ॒ඩාශඃ॑ । ස ඊ᳚ශ්ව॒රෝ යජ॑මානග්ම් ශු॒චා ප්ර॒දහඃ॑ । පර්ය॑ග්නි කරෝති । ප॒ශුමේ॒වෛන॑මකඃ । ශාන්ත්යා॒ අප්ර॑දාහාය । ත්රිඃ පර්ය॑ග්නි කරෝති ।
ත්ර්යා॑වෘ॒ද්ධි ය॒ජ්ඤඃ । අථෝ॒ රක්ෂ॑සා॒මප॑හත්යෛ ॥
අ॒න්තරි॑ත॒ග්ම්॒ රක්ෂෝ॒-ऽන්තරි॑තා॒ අරා॑තය॒ ඉත්යා॑හ ॥ 60 ॥
රක්ෂ॑සා-ම॒න්තර්හි॑ත්යෛ । පු॒රෝ॒ඩාශං॒-වාඁ අධි॑ශ්රිත॒ග්ම්॒ රක්ෂාග්॑ස්යජිඝාග්ම්සන්න් ।
දි॒වි නාකෝ॒ නාමා॒ග්නී ර॑ක්ෂෝ॒හා । ස ඒ॒වාස්මා॒-ද්රක්ෂා॒ග්॒ස්යපා॑හන්න් । දේ॒වස්ත්වා॑ සවි॒තා ශ්ර॑පය॒ත්විත්යා॑හ । ස॒වි॒තෘප්ර॑සූත ඒ॒වෛනග්ග්॑ ශ්රපයති । වර්ෂි॑ෂ්ඨේ॒ අධි॒ නාක॒ ඉත්යා॑හ । රක්ෂ॑සා॒මප॑හත්යෛ । අ॒ග්නිස්තේ॑ ත॒නුව॒-ම්මා-ऽති॑ ධා॒ගිත්යා॒හාන॑තිදාහාය । අග්නේ॑ හ॒ව්යග්ම් ර॑ක්ෂ॒ස්වේත්යා॑හ॒ ගුප්ත්යෛ᳚ ॥ 61 ॥
අවි॑දහන්ත-ශ්ශ්රපය॒තේති॒ වාචං॒-විඁසෘ॑ජතේ ।
ය॒ජ්ඤමේ॒ව හ॒වීග්ෂ්ය॑භි-ව්යා॒හෘත්ය॒ ප්රත॑නුතේ ।
පු॒රෝ॒රුච॒මවි॑දාහාය॒ ශෘත්යෛ॑ කරෝති ॥ ම॒ස්තිෂ්කෝ॒ වෛ පු॑රෝ॒ඩාශඃ॑ । තං-යඁන්නාභි॑වා॒සයේ᳚ත් । ආ॒විර්ම॒ස්තිෂ්ක॑-ස්ස්යාත් । අ॒භිවා॑සයති ।
තස්මා॒-ද්ගුහා॑ ම॒ස්තිෂ්කඃ॑ । භස්ම॑නා॒-ऽභි වා॑සයති ।
තස්මා᳚-න්මා॒ග්ම්॒සේනාස්ථි॑ ඡ॒න්නම් ॥ 62 ॥
වේ॒දේනා॒භි වා॑සයති । තස්මා॒-ත්කේශෛ॒-ශ්ශිර॑-ශ්ඡ॒න්නම් ।
අඛ॑ලතිභාවුකෝ භවති । ය ඒ॒වං-වේඁද॑ ॥ ප॒ශෝර්වෛ ප්ර॑ති॒මා පු॑රෝ॒ඩාශඃ॑ । ස නාය॒ජුෂ්ක॑-මභි॒වාස්යඃ॑ । වෘථේ॑ව ස්යාත් । ඊ॒ශ්ව॒රා යජ॑මානස්ය ප॒ශවඃ॒ ප්රමේ॑තෝඃ ॥ ස-ම්බ්රහ්ම॑ණා පෘච්ය॒ස්වේත්යා॑හ । ප්රා॒ණා වෛ බ්රහ්ම॑ ॥ 63 ॥
ප්රා॒ණාඃ ප॒ශවඃ॑ । ප්රා॒ණෛරේ॒ව ප॒ශූන්ථ්
සම්පෘ॑ණක්ති । න ප්ර॒මායු॑කා භවන්ති । යජ॑මානෝ॒ වෛ පු॑රෝ॒ඩාශඃ॑ । ප්ර॒ජා ප॒ශවඃ॒ පුරී॑ෂම් ।
යදේ॒වම॑භි වා॒සය॑ති । යජ॑මානමේ॒ව ප්ර॒ජයා॑ ප॒ශුභි॒-ස්සම॑ර්ධයති ॥ දේ॒වා වෛ හ॒වි-ර්භෘ॒ත්වා-ऽබ්රු॑වන්න් । කස්මි॑න්නි॒ද-ම්ම්ර॑ක්ෂ්යාමහ॒ ඉති॑ ।
සෝ᳚-ऽග්නිර॑බ්රවීත් ॥ 64 ॥
මයි॑ ත॒නූ-ස්සන්නිධ॑ද්ධ්වම් । අ॒හං-වඁ॒ස්ත-ඤ්ජ॑නයිෂ්යාමි । යස්මි॑-න්ම්ර॒ක්ෂ්යද්ධ්ව॒ ඉති॑ । තේ දේ॒වා අ॒ග්නෞ ත॒නූ-ස්ස-න්න්ය॑දධත । තස්මා॑දාහුඃ ।
අ॒ග්නි-ස්සර්වා॑ දේ॒වතා॒ ඉති॑ । සෝ-ऽඞ්ගා॑රේණා॒පඃ ।
අ॒භ්ය॑පාතයත් । තත॑ ඒක॒තෝ॑-ऽජායත ।
ස ද්වි॒තීය॑ම॒භ්ය॑පාතයත් ॥ 65 ॥
තතෝ᳚ ද්වි॒තෝ॑-ऽජායත । ස තෘ॒තීය॑-ම॒භ්ය॑පාතයත් ।
තත॑-ස්ත්රි॒තෝ॑-ऽජායත । යද॒ද්භ්යෝ-ऽජා॑යන්ත । තදා॒ප්යානා॑මාප්ය॒ත්වම් । යදා॒ත්මභ්යෝ ऽජා॑යන්ත ।
තදා॒ත්ම්යානා॑-මාත්ම්ය॒ත්වම් ॥ තේ දේ॒වා ආ॒ප්යේෂ්ව॑මෘජත । ආ॒ප්යා අ॑මෘජත॒ සූර්යා᳚භ්යුදිතේ । සූර්යා᳚භ්යුදිත॒-ස්සූර්යා॑භිනිම්රුක්තේ ॥ 66 ॥
සූර්යා॑භිනිම්රුක්තඃ කුන॒ඛිනි॑ । කු॒න॒ඛී ශ්යා॒වද॑ති । ශ්යා॒වද॑න්නග්රදිධි॒ෂෞ । අ॒ග්ර॒දි॒ධි॒ෂුඃ ප॑රිවි॒ත්තේ । ප॒රි॒වි॒ත්තෝ වී॑ර॒හණි॑ । වී॒ර॒හා බ්ර॑හ්ම॒හණි॑ ।
තද්බ්ර॑හ්ම॒හණ॒-න්නාත්ය॑ච්යවත । අ॒න්ත॒ර්වේ॒දි නින॑ය॒ත්යව॑රුද්ධ්යෛ । උල්මු॑කේනා॒භි ගෘ॑හ්ණාති ශෘත॒ත්වාය॑ । ශෘ॒තකා॑මා ඉව॒ හි දේ॒වාඃ ॥ 67 ॥
(අ॒න්යා ජි॑න්වන්-ත්යනුවි॒සෘත්යෛ॒-වමා॒-හාශා᳚න්ත-ආහ॒-ගුප්ත්යෛ॑-ඡ॒න්නං - බ්රහ්මා᳚-බ්රවී-ද්ද්වි॒තීය॑ම॒භ්ය॑පාතය॒-ථ්සූර්යා॑භිනිම්රුක්තේ-දේ॒වාඃ) (අ. 8)
අනුවාකං 9 - වේදිකරණම්
දේ॒වස්ය॑ ත්වා සවි॒තුඃ ප්ර॑ස॒ව ඉති॒ ස්ඵ්යමාද॑ත්තේ॒ ප්රසූ᳚ත්යෛ । අ॒ශ්විනෝ᳚-ර්බා॒හුභ්යා॒මිත්යා॑හ । අ॒ශ්විනෞ॒ හි දේ॒වානා॑මද්ධ්ව॒ර්යූ ආස්තා᳚ම් । පූ॒ෂ්ණෝ හස්තා᳚භ්යා॒මිත්යා॑හ॒ යත්යෛ᳚ ॥ ආද॑ද॒ ඉන්ද්ර॑ස්ය බා॒හුර॑සි॒ දක්ෂි॑ණ॒ ඉත්යා॑හ । ඉ॒න්ද්රි॒යමේ॒ව යජ॑මානේ දධාති । ස॒හස්ර॑භෘෂ්ටි-ශ්ශ॒තතේ॑ජා॒ ඉත්යා॑හ ।
රූ॒පමේ॒වාස්යෛ॒ත-න්ම॑හි॒මානං॒-ව්යාඁච॑ෂ්ටේ ॥
වා॒යුර॑සි ති॒ග්මතේ॑ජා॒ ඉත්යා॑හ । තේජෝ॒ වෛ වා॒යුඃ ॥ 68 ॥
තේජ॑ ඒ॒වාස්මි॑-න්දධාති ॥ වි॒ෂාද්වෛ නාමා॑සු॒ර ආ॑සීත් । සෝ॑-ऽබිභේත් । ය॒ජ්ඤේන॑ මා දේ॒වා අ॒භිභ॑විෂ්ය॒න්තීති॑ । ස පෘ॑ථි॒වීම॒භ්ය॑වමීත් । සා ऽමේ॒ද්ධ්යා ऽභ॑වත් । අථෝ॒ යදින්ද්රෝ॑ වෘ॒ත්රමහන්න්॑ । තස්ය॒ ලෝහි॑ත-ම්පෘථි॒වීමනු॒ ව්ය॑ධාවත් । සා ऽමේ॒ද්ධ්යා ऽභ॑වත් ।
පෘථි॑වි දේවයජ॒නීත්යා॑හ ॥ 69 ॥
මේද්ධ්යා॑මේ॒වෛනා᳚-න්දේව॒යජ॑නී-ඞ්කරෝති ।
ඕෂ॑ද්ධ්යාස්තේ॒ මූල॒-ම්මා හිග්ම්॑සිෂ॒මිත්යා॑හ । ඕෂ॑ධීනා॒-මහිග්ම්॑සායෛ ॥ ව්ර॒ජ-ඞ්ග॑ච්ඡ ගෝ॒ස්ථාන॒මිත්යා॑හ । ඡන්දාග්ම්॑සි॒ වෛ ව්ර॒ජෝ ගෝ॒ස්ථානඃ॑ । ඡන්දාග්॑ස්යේ॒වාස්මෛ᳚ ව්ර॒ජ-ඞ්ගෝ॒ස්ථාන॑-ඞ්කරෝති ॥ වර්ෂ॑තු තේ॒ ද්යෞරිත්යා॑හ ।
වෘෂ්ටි॒ර්වෛ ද්යෞඃ । වෘෂ්ටි॑මේ॒වාව॑රුන්ධේ ॥
බ॒ධා॒න දේ॑ව සවිතඃ පර॒මස්යා᳚-ම්පරා॒වතීත්යා॑හ ॥ 70 ॥
ද්වෞ වාව පුරු॑ෂෞ । ය-ඤ්චෛ॒ව ද්වේෂ්ටි॑ । යශ්චෛ॑න॒-න්ද්වේෂ්ටි॑ । තාවු॒භෞ බ॑ද්ධ්නාති පර॒මස්යා᳚-ම්පරා॒වති॑ ශ॒තේන॒ පාශෛඃ᳚ । යෝ᳚-ऽස්මා-න්ද්වේෂ්ටි॒ ය-ඤ්ච॑ ව॒ය-න්ද්වි॒ෂ්මස්තමතෝ॒ මා මෞ॒ගිත්යා॒හානි॑ම්රුක්ත්යෛ ॥
අ॒රරු॒ර්වෛ නාමා॑සු॒ර ආ॑සීත් ।
ස පෘ॑ථි॒ව්යාමුප॑ම්ලුප්තෝ-ऽශයත් ।
ත-න්දේ॒වා අප॑හතෝ॒-ऽරරුඃ॑ පෘථි॒ව්යා ඉති॑ පෘථි॒ව්යා අපා᳚ඝ්නන්න් । භ්රාතෘ॑ව්යෝ॒ වා අ॒රරුඃ॑ । අප॑හතෝ॒-ऽරරුඃ॑ පෘථි॒ව්යා ඉති॒ යදාහ॑ ॥ 71 ॥
භ්රාතෘ॑ව්යමේ॒ව පෘ॑ථි॒ව්යා අප॑හන්ති । තේ॑-ऽමන්යන්ත ।
දිවං॒-වාඁ අ॒යමි॒තඃ ප॑තිෂ්ය॒තීති॑ ।
තම॒රරු॑ස්තේ॒ දිව॒-ම්මා ස්කා॒නිති॑ දි॒වඃ පර්ය॑බාධන්ත । භ්රාතෘ॑ව්යෝ॒ වා අ॒රරුඃ॑ । අ॒රරු॑ස්තේ॒ දිව॒-ම්මා ස්කා॒නිති॒ යදාහ॑ । භ්රාතෘ॑ව්යමේ॒ව දි॒වඃ පරි॑බාධතේ ।
ස්ත॒ම්බ॒ ය॒ජුර්-හ॑රති । පෘ॒ථි॒ව්යා ඒ॒ව භ්රාතෘ॑ව්ය॒-මප॑හන්ති । ද්වි॒තීයග්ම්॑ හරති ॥ 72 ॥
අ॒න්තරි॑ක්ෂාදේ॒වෛන॒-මප॑හන්ති । තෘ॒තීයග්ම්॑ හරති । දි॒ව ඒ॒වෛන॒-මප॑හන්ති । තූ॒ෂ්ණී-ඤ්ච॑තු॒ර්ථග්ම් හ॑රති । අප॑රිමිතාදේ॒වෛන॒-මප॑හන්ති ॥ අසු॑රාණාං॒-වාඁ ඉ॒යමග්ර॑ ආසීත් । යාව॒දාසී॑නඃ පරා॒ පශ්ය॑ති ।
තාව॑-ද්දේ॒වානා᳚ම් । තේ දේ॒වා අ॑බ්රුවන්න් ।
අස්ත්වේ॒ව නෝ॒-ऽස්යාමපීති॑ ॥ 73 ॥
ක්ය॑න්නෝ දාස්ය॒ථේති॑ । යාව॑ථ්ස්ව॒ය-ම්ප॑රිගෘහ්ණී॒ථේති॑ ।
තේ වස॑ව॒ස්ත්වේති॑ දක්ෂිණ॒තඃ පර්ය॑ගෘහ්ණන්න් । රු॒ද්රාස්ත්වේති॑ ප॒ශ්චාත් । ආ॒දි॒ත්යා-ස්ත්වේත්යු॑ත්තර॒තඃ । තේ᳚-ऽග්නිනා॒ ප්රාඤ්චෝ॑-ऽජයන්න් । වසු॑භි-ර්දක්ෂි॒ණා ।
රු॒ද්රෛඃ ප්ර॒ත්යඤ්චඃ॑ । ආ॒දි॒ත්යෛරුද॑ඤ්චඃ ।
යස්යෛ॒වං-විඁ॒දුෂෝ॒ වේදි॑-ම්පරි ගෘ॒හ්ණන්ති॑ ॥ 74 ॥
භව॑ත්යා॒ත්මනා᳚ । පරා᳚-ऽස්ය॒ භ්රාතෘ॑ව්යෝ භවති ॥
දේ॒වස්ය॑ සවි॒තු-ස්ස॒ව ඉත්යා॑හ॒ ප්රසූ᳚ත්යෛ ।
කර්ම॑ කෘණ්වන්ති වේ॒ධස॒ ඉත්යා॑හ । ඉ॒ෂි॒තග්ම් හි කර්ම॑ ක්රි॒යතේ᳚ । පෘ॒ථි॒ව්යෛ මේද්ධ්ය॑-ඤ්චාමේ॒ද්ධ්ය-ඤ්ච॒ ව්යුද॑ක්රාමතාම් । ප්රා॒චීන॑-මුදී॒චීන॒-ම්මේද්ධ්ය᳚ම් । ප්ර॒තී॒චීන॑-න්දක්ෂි॒ණා ऽමේ॒ද්ධ්යම් ।
ප්රාචී॒මුදී॑චී-ම්ප්රව॒ණා-ඞ්ක॑රෝති ।
මේද්ධ්යා॑මේ॒වෛනා᳚-න්දේව॒යජ॑නී-ඞ්කරෝති ॥ 75 ॥
ප්රාඤ්චෞ॑ වේද්ය॒ග්ම්॒ සාවුන්න॑යති । ආ॒හ॒ව॒නීය॑ස්ය॒ පරි॑ගෘහීත්යෛ । ප්ර॒තීචී॒ ශ්රෝණී᳚ । ගාර්හ॑පත්යස්ය॒ පරි॑ගෘහීත්යෛ । අථෝ॑ මිථුන॒ත්වාය॑ । උද්ධ॑න්ති । යදේ॒වාස්යා॑ අමේ॒ද්ධ්යම් । තදප॑හන්ති । උද්ධ॑න්ති ।
තස්මා॒දෝෂ॑ධයඃ॒ පරා॑භවන්ති ॥ 76 ॥
මූල॑-ඤ්ඡිනත්ති । භ්රාතෘ॑ව්යස්යෛ॒ව මූල॑-ඤ්ඡිනත්ති ।
මූලං॒-වාඁ අ॑ති॒තිෂ්ඨ॒-ද්රක්ෂා॒ග්॒ස්යනූ-ත්පි॑පතේ । යද්ධස්තේ॑න ඡි॒න්ද්යාත් । කු॒න॒ඛිනීඃ᳚ ප්ර॒ජා-ස්ස්යුඃ॑ । ස්ඵ්යේන॑ ඡිනත්ති । වජ්රෝ॒ වෛ ස්ඵ්යඃ ।
වජ්රේ॑ණෛ॒ව ය॒ජ්ඤා-ද්රක්ෂා॒ග්॒ස්යප॑හන්ති । පි॒තෘ॒දේ॒ව॒ත්යා ऽති॑ඛාතා । ඉය॑තී-ඞ්ඛනති ॥ 77 ॥
ප්ර॒ජාප॑තිනා යජ්ඤමු॒ඛේන॒ සම්මි॑තාම් ॥ වේදි॑ර්දේ॒වේභ්යෝ॒ නිලා॑යත । තා-ඤ්ච॑තුරඞ්ගු॒ලේ ऽන්ව॑වින්දන්න් । තස්මා᳚ච්චතුරඞ්ගු॒ල-ඞ්ඛේයා᳚ ।
ච॒තු॒රඞ්ගු॒ල-ඞ්ඛ॑නති । ච॒තු॒ර॒ඞ්ගු॒ලේ හ්යෝෂ॑ධයඃ ප්රති॒තිෂ්ඨ॑න්ති ।
ආප්ර॑ති॒ෂ්ඨායෛ॑ ඛනති । යජ॑මානමේ॒ව ප්ර॑ති॒ෂ්ඨා-ඞ්ග॑මයති । ද॒ක්ෂි॒ණ॒තෝ වර්ෂී॑යසී-ඞ්කරෝති ।
දේ॒ව॒යජ॑නස්යෛ॒ව රූ॒පම॑කඃ ॥ 78 ॥
පුරී॑ෂවතී-ඞ්කරෝති । ප්ර॒ජා වෛ ප॒ශවඃ॒ පුරී॑ෂම් ।
ප්ර॒ජයෛ॒වෛන॑-ම්ප॒ශුභිඃ॒ පුරී॑ෂවන්ත-ඞ්කරෝති । උත්ත॑ර-ම්පරිග්රා॒හ-ම්පරි॑ගෘහ්ණාති । ඒ॒තාව॑තී॒ වෛ පෘ॑ථි॒වී । යාව॑තී॒ වේදිඃ॑ । තස්යා॑ ඒ॒තාව॑ත ඒ॒ව භ්රාතෘ॑ව්ය-න්නි॒ර්භජ්ය॑ । ආ॒ත්මන॒ උත්ත॑ර-ම්පරිග්රා॒හ-ම්පරි॑ගෘහ්ණාති ।
ඍ॒ත-ම॑ස්යෘත॒සද॑න-මස්යෘත॒ශ්රීර॒සීත්යා॑හ । ය॒ථා॒ ය॒ජුරේ॒වෛ තත් ॥ 79 ॥
ක්රූ॒රමි॑ව॒ වා ඒ॒ත-ත්ක॑රෝති । යද්වේදි॑-ඞ්ක॒රෝති॑ ।
ධා අ॑සි ස්ව॒ධා අ॒සීති॑ යෝයුප්යතේ॒ ශාන්ත්යෛ᳚ ।
උ॒ර්වී චාසි॒ වස්වී॑ චා॒සීත්යා॑හ ।
උ॒ර්වීමේ॒වෛනාං॒-වඁස්වී᳚-ඞ්කරෝති ।
පු॒රා ක්රූ॒රස්ය॑ වි॒සෘපෝ॑ විරඵ්ශි॒න්නිත්යා॑හ මේද්ධ්ය॒ත්වාය॑ । උ॒දා॒දාය॑ පෘථි॒වී-ඤ්ජී॒රදා॑නු॒ර්යාමෛර॑ය-ඤ්ච॒න්ද්රම॑සි ස්ව॒ධාභි॒රිත්යා॑හ ।
යදේ॒වාස්යා॑ අමේ॒ද්ධ්යම් । තද॑ප॒හත්ය॑ ।
මේද්ධ්යා᳚-න්දේව॒යජ॑නී-ඞ්කෘ॒ත්වා ॥ 80 ॥
යද॒දශ්ච॒න්ද්රම॑සි॒ මේද්ධ්ය᳚ම් । තද॒ස්යාමේර॑යති ।
තා-න්ධීරා॑සෝ අනු॒දෘශ්ය॑ යජන්ත॒ ඉත්යා॒හානු॑ඛ්යාත්යෛ ॥ ප්රෝක්ෂ॑ණී॒රාසා॑දය । ඉ॒ද්ධ්මාබ॒ර්॒හි-රුප॑සාදය । ස්රු॒ව-ඤ්ච॒ ස්රුච॑ශ්ච॒ සම්මෘ॑ඩ්ඪි । පත්නී॒ග්ම්॒ සන්න॑හ්ය । ආජ්යේ॑නෝ॒දේහීත්යා॑හානුපූ॒ර්වතා॑යෛ । ප්රෝක්ෂ॑ණී॒රාසා॑දයති । ආපෝ॒ වෛ ර॑ක්ෂෝ॒ඝ්නීඃ ॥ 81 ॥
රක්ෂ॑සා॒මප॑හත්යෛ । ස්ඵ්යස්ය॒ වර්ත්මන්᳚-ථ්සාදයති । ය॒ජ්ඤස්ය॒ සන්ත॑ත්යෛ । උ॒වාච॒ හාසි॑තෝ දෛව॒ලඃ । ඒ॒තාව॑තී॒ර්වා අ॒මුෂ්මි॑න් ඁලෝ॒ක ආප॑ ආසන්න් ।
යාව॑තීඃ॒ ප්රෝක්ෂ॑ණී॒රිති॑ । තස්මා᳚-ද්බ॒හ්වීරා॒සාද්යාඃ᳚ । ස්ඵ්යමු॒දස්යන්න්॑ । ය-න්ද්වි॒ෂ්යාත්ත-න්ධ්යා॑යේත් । ශු॒චෛවෛන॑-මර්පයති ॥ 82 ॥
(වෛ වා॒යු - රා॑හ - පරා॒වතීත්යා॒හා - හ॑ - ද්වි॒තීයග්ම්॑ හර॒ - තීති॑ - පරිගෘ॒හ්ණන්ති॑ - දේව॒යජ॑නී-ඞ්කරෝති - භවන්ති - ඛනත්ය - ක - රේ॒තත් - කෘ॒ත්වා - ර॑ක්ෂෝ॒ඝ්නී - ර॑ර්පයති) (අ. 9)
අනුවාකං 10 - ඉධ්මාබර්හි-ස්සාදනම්
වජ්රෝ॒ වෛ ස්ඵ්යඃ । යද॒න්වඤ්ච॑-න්ධා॒රයේ᳚ත් । වජ්රේ᳚-ऽද්ධ්ව॒ර්යුඃ, ක්ෂ॑ණ්වීත । පු॒රස්තා᳚-ත්ති॒ර්යඤ්ච॑-න්ධාරයති । වජ්රෝ॒ වෛ ස්ඵ්යඃ । වජ්රේ॑ණෛ॒ව ය॒ජ්ඤස්ය॑ දක්ෂිණ॒තෝ රක්ෂා॒ග්॒ස්යප॑හන්ති ।
අ॒ග්නිභ්යා॒-ම්ප්රාච॑ශ්ච ප්ර॒තීච॑ශ්ච । ස්ඵ්යේනෝදී॑චශ්චා-ධ॒රාච॑ශ්ච । ස්ඵ්යේන॒ වා ඒ॒ෂ වජ්රේ॑ණා॒ස්යෛ පා॒ප්මාන॒-ම්භ්රාතෘ॑ව්ය-මප॒හත්ය॑ ।
උ॒ත්ක॒රේ-ऽධි॒ ප්රවෘ॑ශ්චති ॥ 83 ॥
යථෝ॑ප॒ධාය॑ වෘ॒ශ්චන්ත්ය॒වම් । හස්තා॒වව॑ නේනික්තේ । ආ॒ත්මාන॑මේ॒ව ප॑වයතේ । ස්ඵ්ය-ම්ප්රක්ෂා॑ලයති මේද්ධ්ය॒ත්වාය॑ । අථෝ॑ පා॒ප්මන॑ ඒ॒ව භ්රාතෘ॑ව්යස්ය න්ය॒ඞ්ග-ඤ්ඡි॑නත්ති ॥ ඉ॒ද්ධ්මා-බ॒ර්॒හි-රුප॑සාදයති॒ යුක්ත්යෛ᳚ । ය॒ජ්ඤස්ය॑ මිථුන॒ත්වාය॑ ।
අථෝ॑ පුරෝ॒රුච॑මේ॒වෛතා-න්ද॑ධාති ।
උත්ත॑රස්ය॒ කර්ම॒ණෝ-ऽනු॑ඛ්යාත්යෛ ।
න පු॒රස්තා᳚-ත්ප්ර॒ත්යගුප॑සාදයේත් ॥ 84 ॥
ය-ත්පු॒රස්තා᳚-ත්ප්ර॒ත්ය-ගු॑පසා॒දයේ᳚ත් ।
අ॒න්යත්රා॑හුතිප॒ථාදි॒ද්ධ්ම-ම්ප්රති॑පාදයේත් । ප්ර॒ජා වෛ බ॒ර්॒හිඃ । අප॑රාද්ධ්නුයා-ද්බ॒ර්॒හිෂා᳚ ප්ර॒ජානා᳚-ම්ප්ර॒ජන॑නම් । ප॒ශ්චාත්-ප්රාගුප॑සාදයති । ආ॒හු॒ති॒ප॒ථේනේ॒ද්ධ්ම-ම්ප්රති॑පාදයති ।
ස॒ප්ර॒න්ත්යේ॑ව බ॒ර්॒හිෂා᳚ ප්ර॒ජානා᳚-ම්ප්ර॒ජන॑න॒මුපෛ॑ති । දක්ෂි॑ණමි॒ද්ධ්මම් ।
උත්ත॑ර-ම්බ॒ර॒ඃඉඃ । ආ॒ත්මා වා ඉ॒ද්ධ්මඃ ।
ප්ර॒ජා බ॒ර්॒හිඃ । ප්ර॒ජා හ්යා᳚ත්මන॒ උත්ත॑රතරා තී॒ර්ථේ ।
තතෝ॒ මේධ॑මුප॒නීය॑ । ය॒ථා॒ දේ॒ව॒තමේ॒වෛන॒ත්-ප්රති॑ෂ්ඨාපයති । ප්රති॑තිෂ්ඨති ප්ර॒ජයා॑ ප॒ශුභි॒-ර්යජ॑මානඃ ॥ 85 ॥
(වෘ॒ශ්ච॒ති॒ - සා॒ද॒යේ॒ - දි॒ද්ධ්මඃ පඤ්ච॑ ච) (අ. 10)
(තෘතීය॑ස්යාං - දේ॒වස්යා᳚ශ්වප॒ර්॒ශුං-යෝඁ වෛ - පූ᳚ර්වේ॒ද්යුඃ - කර්ම॑ණේ වා॒ - මින්ද්රෝ॑ වෘ॒ත්රම॑හ॒න්-ථ්සෝ॑-ऽපෝ - ऽව॑ධූතං॒ - ධෘෂ්ටි॑--ර් දේ॒වස්යේත්යා॑හ॒ සංවඁ ॑පාමි - දේ॒වස්ය॒ ස්ඵ්යමාද॑දේ॒ - වජ්රෝ॒ වෛ ස්ඵ්යෝ දශ॑)
(තෘ॒තීය॑ස්යාං - ඁය॒ජ්ඤස්යාන॑තිරේකාය - ප॒විත්ර॑වත්ය - ධ්ව॒ර්යු-ඤ්චා॑ - ධි॒ෂව॑ණමස්ය॒ - න්තරි॑ක්ෂ ඒ॒ව - රක්ෂ॑සාම॒න්තර්හි॑ත්යෛ॒ - ද්වෞ වාව පුරු॑ෂෝ॒ - යද॒දශ්ච॒න්ද්රම॑සි॒ මේද්ධ්ය॒-ම්පඤ්චාශී॑තිඃ)
(තෘ॒තීය॑ස්යාං॒ - ඁයජ॑මානඃ)
॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ ද්විතීයඃ ප්රපාඨක-ස්සමාප්තඃ ॥
