කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ෂෂ්ඨඃ ප්රපාඨකඃ - රාජසූයානුබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - අනුමත්යාද්යා ඉෂ්ටයඃ

අනු॑මත්යෛ පුරෝ॒ඩාශ॑-ම॒ෂ්ටාක॑පාල॒-න්නිර්ව॑පති । යේ ප්ර॒ත්යඤ්ච॒-ශ්ශම්යා॑යා අව॒ශීය॑න්තේ । තන්නෛර්॑​ඍ॒ත-මේක॑කපාලම් । ඉ॒යං-වාඁ අනු॑මතිඃ । ඉ॒ය-න්නිර්-ඍ॑තිඃ । නෛ॒ර්॒ඍ॒තේන॒ පූර්වේ॑ණ॒ ප්රච॑රති । පා॒ප්මාන॑මේ॒ව නිර්-ඍ॑ති॒-ම්පූර්වා᳚-න්නි॒රව॑දයතේ । ඒක॑ කපාලෝ භවති । ඒ॒ක॒ධෛව නිර්-ඍ॑ති-න්නි॒රව॑දයතේ । යදහු॑ත්වා॒ ගාර්​හ॑පත්ය ඊ॒යුඃ ॥ 1 ॥

රු॒ද්රෝ භූ॒ත්වා-ऽග්නිර॑නූ॒ත්ථාය॑ । අ॒ද්ධ්ව॒ර්යු-ඤ්ච॒ යජ॑මාන-ඤ්ච හන්යාත් । වීහි॒ ස්වාහා ऽऽහු॑ති-ඤ්ජුෂා॒ණ ඉත්යා॑හ । ආහු॑ත්යෛ॒වෛනග්​ම්॑ ශමයති । නාර්ති॒මාර්ච්ඡ॑-ත්යද්ධ්ව॒ර්යුර්න යජ॑මානඃ । ඒ॒කෝ॒ල්මු॒කේන॑ යන්ති । තද්ධි නිර්-ඍ॑ත්යෛ භාග॒ධේය᳚ම් । ඉ॒මා-න්දිශං॑-යඁන්ති । ඒ॒ෂා වෛ නිර්-ඍ॑ත්යෛ॒ දික් । ස්වායා॑මේ॒ව දි॒ශි නිර්-ඍ॑ති-න්නි॒රව॑දයතේ ॥ 2 ॥

ස්වකෘ॑ත॒ ඉරි॑ණේ ජුහෝති ප්රද॒රේ වා᳚ । ඒ॒තද්වෛ නිර්-ඍ॑ත්යා ආ॒යත॑නම් । ස්ව ඒ॒වායත॑නේ॒ නිර්-ඍ॑ති-න්නි॒රව॑දයතේ । ඒ॒ෂ තේ॑ නිර්-ඍතේ භා॒ග ඉත්යා॑හ । නිර්දි॑ශත්යේ॒වෛනා᳚ම් । භූතේ॑ හ॒විෂ්ම॑ත්ය॒සීත්යා॑හ । භූති॑මේ॒වෝපාව॑ර්තතේ । මු॒ඤ්චේමමග්​ම්හ॑ස॒ ඉත්යා॑හ । අග්​ම්හ॑ස ඒ॒වෛන॑-ම්මුඤ්චති । අ॒ඞ්ගු॒ෂ්ඨාභ්යා᳚-ඤ්ජුහෝති ॥ 3 ॥

අ॒න්ත॒ත ඒ॒ව නිර්-ඍ॑ති-න්නි॒රව॑දයතේ । කෘ॒ෂ්ණං-වාඁසඃ॑ කෘ॒ෂ්ණතූ॑ෂ॒-න්දක්ෂි॑ණා । ඒ॒ත-ද්වෛ නිර්-ඍ॑ත්යෛ රූ॒පම් । රූ॒පේණෛ॒ව නිර්-ඍ॑ති-න්නි॒රව॑දයතේ । අප්ර॑තීක්ෂ॒මාය॑න්ති । නිර්-ඍ॑ත්යා අ॒න්තර්​හි॑ත්යෛ । ස්වාහා॒ නමෝ॒ ය ඉ॒ද-ඤ්ච॒කාරේති॒ පුන॒රේත්ය॒ ගාර්​හ॑පත්යේ ජුහෝති । ආහු॑ත්යෛ॒ව න॑ම॒ස්යන්තෝ॒ ගාර්​හ॑පත්ය-මු॒පාව॑ර්තන්තේ । ආ॒නු॒ම॒තේන॒ ප්රච॑රති । ඉ॒යං-වාඁ අනු॑මතිඃ ॥ 4 ॥

ඉ॒යමේ॒වාස්මෛ॑ රා॒ජ්යමනු॑මන්යතේ । ධේ॒නු-ර්දක්ෂි॑ණා । ඉ॒මාමේ॒ව ධේ॒නු-ඞ්කු॑රුතේ । ආ॒දි॒ත්ය-ඤ්ච॒රු-න්නිර්ව॑පති । උ॒භයී᳚ෂ්වේ॒ව ප්ර॒ජාස්ව॒භිෂි॑ච්යතේ । දෛවී॑ෂු ච॒ මානු॑ෂීෂු ච । වරෝ॒ දක්ෂි॑ණා । වරෝ॒ හි රා॒ජ්යග්​ම් සමෘ॑ද්ධ්යෛ । ආ॒ග්නා॒වෛ॒ෂ්ණ॒ව-මේකා॑දශකපාල॒-න්නිර්ව॑පති । අ॒ග්නි-ස්සර්වා॑ දේ॒වතාඃ᳚ ॥ 5 ॥

විෂ්ණු॑ර්ය॒ජ්ඤඃ । දේ॒වතා᳚ශ්චෛ॒ව ය॒ජ්ඤ-ඤ්චාව॑ රුන්ධේ । වා॒ම॒නෝ ව॒හී දක්ෂි॑ණා । ය-ද්ව॒හී । තේනා᳚ග්නේ॒යඃ । ය-ද්වා॑ම॒නඃ । තේන॑ වෛෂ්ණ॒ව-ස්සමෘ॑ද්ධ්යෛ । අ॒ග්නී॒ෂෝ॒මීය॒-මේකා॑දශකපාල॒-න්නිර්ව॑පති । අ॒ග්නීෂෝමා᳚භ්යාං॒-වාඁ ඉන්ද්රෝ॑ වෘ॒ත්රම॑හ॒න්නිති॑ । යද॑ග්නීෂෝ॒මීය॒-මේකා॑දශකපාල-න්නි॒ර්වප॑ති ॥ 6 ॥

වාර්ත්ර॑ඝ්නමේ॒ව විජි॑ත්යෛ । හිර॑ණ්ය॒-න්දක්ෂි॑ණා॒ සමෘ॑ද්ධ්යෛ । ඉන්ද්රෝ॑ වෘ॒ත්රග්​ම් හ॒ත්වා । දේ॒වතා॑භිශ්චේන්ද්රි॒යේණ॑ ච॒ ව්යා᳚ර්ධ්යත । ස ඒ॒තමෛ᳚න්ද්රා॒ග්න-මේකා॑දශකපාල-මපශ්යත් । තන්නිර॑වපත් । තේන॒ වෛ ස දේ॒වතා᳚ශ්චේන්ද්රි॒ය-ඤ්චාවා॑රුන්ධ । යදෛ᳚න්ද්රා॒ග්න-මේකා॑දශකපාල-න්නි॒ර්වප॑ති । දේ॒වතා᳚ශ්චෛ॒ව තේනේ᳚න්ද්රි॒ය-ඤ්ච॒ යජ॑මා॒නෝ-ऽව॑ රුන්ධේ । ඍ॒ෂ॒භෝ ව॒හී දක්ෂි॑ණා ॥ 7 ॥

ය-ද්ව॒හී । තේනා᳚ග්නේ॒යඃ । යදෘ॑ෂ॒භඃ । තේනෛ॒න්ද්ර-ස්සමෘ॑ද්ධ්යෛ । ආ॒ග්නේ॒යම॒ෂ්ටාක॑පාල॒-න්නිර්ව॑පති । ඓ॒න්ද්ර-න්දධි॑ । යදා᳚ග්නේ॒යෝ භව॑ති । අ॒ග්නිර්වෛ ය॑ජ්ඤමු॒ඛම් । ය॒ජ්ඤ॒මු॒ඛමේ॒වර්ධි॑-ම්පු॒රාස්තා᳚ද්ධත්තේ । යදෛ॒න්ද්ර-න්දධි॑ ॥ 8 ॥

ඉ॒න්ද්රි॒යමේ॒වාව॑ රුන්ධේ । ඍ॒ෂ॒භෝ ව॒හී දක්ෂි॑ණා । යද්ව॒හී । තේනා᳚ග්නේ॒යඃ । යදෘ॑ෂ॒භඃ । තේනෛ॒න්ද්ර-ස්සමෘ॑ද්ධ්යෛ । යාව॑තී॒ර්වෛ ප්ර॒ජා ඕෂ॑ධීනා॒-මහු॑තානා॒-මාශ්ඤන්න්॑ । තාඃ පරා॑-ऽභවන්න් । ආ॒ග්ර॒ය॒ණ-ම්භ॑වති හු॒තාද්යා॑ය । යජ॑මාන॒ස්යාප॑රාභාවාය ॥ 9 ॥

දේ॒වා වා ඕෂ॑ධීෂ්වා॒ජිම॑යුඃ । තා ඉ॑න්ද්රා॒ග්නී උද॑ජයතාම් । තාවේ॒තමෛ᳚න්ද්රා॒ග්න-න්ද්වාද॑ශකපාල॒-න්නිර॑වෘණාතාම් । යදෛ᳚න්ද්රා॒ග්නෝ භව॒ත්යුජ්ජි॑ත්යෛ । ද්වාද॑ශකපාලෝ භවති । ද්වාද॑ශ॒ මාසා᳚-ස්සං​වඁථ්ස॒රඃ । සං॒​වඁ॒ථ්ස॒රේණෛ॒වාස්මා॒ අන්න॒මව॑රුන්ධේ । වෛ॒ශ්ව॒දේ॒වශ්ච॒රු-ර්භ॑වති । වෛ॒ශ්ව॒දේ॒වං-වාඁ අන්න᳚ම් । අන්න॑මේ॒වාස්මෛ᳚ ස්වදයති ॥ 10 ॥

ප්ර॒ථ॒ම॒ජෝ ව॒ථ්සෝ දක්ෂි॑ණා॒ සමෘ॑ද්ධ්යෛ । සෞ॒ම්යග්ග්​ ශ්යා॑මා॒ක-ඤ්ච॒රු-න්නිර්ව॑පති । සෝමෝ॒ වා අ॑කෘෂ්ටප॒ච්යස්ය॒ රාජා᳚ । අ॒කෘ॒ෂ්ට॒ප॒ච්යමේ॒වාස්මෛ᳚ ස්වදයති । වාසෝ॒ දක්ෂි॑ණා । සෞ॒ම්යග්​ම්හි දේ॒වත॑යා॒ වාස॒-ස්සමෘ॑ද්ධ්යෛ । සර॑ස්වත්යෛ ච॒රු-න්නිර්ව॑පති । සර॑ස්වතේ ච॒රුම් । මි॒ථු॒නමේ॒වාව॑ රුන්ධේ । මි॒ථු॒නෞ ගාවෞ॒ දක්ෂි॑ණා॒ සමෘ॑ද්ධ්යෛ । ඒති॒ වා ඒ॒ෂ ය॑ජ්ඤමු॒ඛාදෘද්ධ්යාඃ᳚ । යෝ᳚-ऽග්නේර්දේ॒වතා॑යා॒ ඒති॑ । අ॒ෂ්ටාවේ॒තානි॑ හ॒වීග්​ම්ෂි॑ භවන්ති । අ॒ෂ්ටාක්ෂ॑රා ගාය॒ත්රී । ගා॒ය॒ත්රෝ᳚-ऽග්නිඃ । තේනෛ॒ව ය॑ජ්ඤමු॒ඛාදෘද්ධ්යා॑ අ॒ග්නේර්දේ॒වතා॑යෛ॒ නෛති॑ ॥ 11 ॥
(ඊ॒යු--ර් නි॒රව॑දයතේ - ऽඞ්ගු॒ෂ්ඨාභ්යා᳚-ඤ්ජුහෝ॒ - ත්යනු॑මති--ර් දේ॒වතා॑ - නි॒ර්වප॑ති - ව॒හී දක්ෂි॑ණා॒ - යදෛ॒න්ද්ර-න්ද - ධ්යප॑රාභාවාය - ස්වදයති॒ - ගාවෞ॒ දක්ෂි॑ණා॒ සමෘ॑ද්ධ්යෛ॒ ෂට්ච॑) (අ. 1)

අනුවාකං 2 - චාතුර්මාස්යේ වෛශ්වදේවහවීංෂි
වෛ॒ශ්ව॒දේ॒වේන॒ වෛ ප්ර॒ජාප॑තිඃ ප්ර॒ජා අ॑සෘජත । තා-ස්සෘ॒ෂ්ටා න ප්රාජා॑යන්ත । සෝ᳚-ऽග්නිර॑කාමයත । අ॒හමි॒මාඃ ප්රජ॑නයේය॒මිති॑ । ස ප්ර॒ජාප॑තයේ॒ ශුච॑මදධාත් । සෝ॑-ऽශෝචත්-ප්ර॒ජාමි॒ච්ඡමා॑නඃ । තස්මා॒ද්ය-ඤ්ච॑ ප්ර॒ජා භු॒නක්ති॒ ය-ඤ්ච॒ න । තාවු॒භෞ ශෝ॑චතඃ ප්ර॒ජාමි॒ච්ඡමා॑නෞ । තාස්ව॒ග්නිමප්ය॑ සෘජත් । තා අ॒ග්නිරද්ධ්යෛ᳚ත් ॥ 12 ॥

සෝමෝ॒ රේතෝ॑-ऽදධාත් । ස॒වි॒තා ප්රාජ॑නයත් । සර॑ස්වතී॒ වාච॑මදධාත් । පූ॒ෂා ऽපෝ॑ෂයත් । තේ වා ඒ॒තේ ත්රි-ස්සං॑​වඁථ්ස॒රස්ය॒ ප්රයු॑ජ්යන්තේ । යේ දේ॒වාඃ පුෂ්ටි॑පතයඃ । සං॒​වඁ॒ථ්ස॒රෝ වෛ ප්ර॒ජාප॑තිඃ । සං॒​වඁ॒ථ්ස॒රේණෛ॒වාස්මෛ᳚ ප්ර॒ජාඃ ප්රාජ॑නයත් । තාඃ ප්ර॒ජා ජා॒තා ම॒රුතෝ᳚ ඝ්නන්න් । අ॒ස්මානපි॒ න ප්රායු॑ක්ෂ॒තේති॑ ॥ 13 ॥

ස ඒ॒ත-ම්ප්ර॒ජාප॑තිර්මාරු॒තග්​ම් ස॒ප්තක॑පාල-මපශ්යත් । ත-න්නිර॑වපත් । තතෝ॒ වෛ ප්ර॒ජාභ්යෝ॑කල්පත । යන්මා॑රු॒තෝ නි॑රු॒ප්යතේ᳚ । ය॒ජ්ඤස්ය॒ ක්ලෘප්ත්යෛ᳚ । ප්ර॒ජානා॒-මඝා॑තාය । ස॒ප්තක॑පාලෝ භවති । ස॒ප්තග॑ණා॒ වෛ ම॒රුතඃ॑ । ග॒ණ॒ශ ඒ॒වාස්මෛ॒ විශ॑-ඞ්කල්පයති । ස ප්ර॒ජාප॑ති-රශෝචත් ॥ 14 ॥

යාඃ පූර්වාඃ᳚ ප්ර॒ජා අසෘ॑ක්ෂි । ම॒රුත॒ස්තා අ॑වධිෂුඃ । ක॒ථමප॑රා-ස්සෘජේ॒යේති॑ । තස්ය॒ ශුෂ්ම॑ ආ॒ණ්ඩ-ම්භූ॒ත-න්නිර॑වර්තත । තද්ව්යුද॑හරත් । තද॑පෝෂයත් । ත-ත්ප්රාජා॑යත । ආ॒ණ්ඩස්ය॒ වා ඒ॒ත-ද්රූ॒පම් । යදා॒මික්ෂා᳚ । යද්ව්යු॒ද්ධර॑ති ॥ 15 ॥

ප්ර॒ජා ඒ॒ව ත-ද්යජ॑මානඃ පෝෂයති । වෛ॒ශ්ව॒දේ॒ව්යා॑මික්ෂා॑ භවති । වෛ॒ශ්ව॒දේ॒ව්යෝ॑ වෛ ප්ර॒ජාඃ । ප්ර॒ජා ඒ॒වාස්මෛ॒ ප්රජ॑නයති । වාජි॑න॒මාන॑යති । ප්ර॒ජාස්වේ॒ව ප්රජා॑තාසු॒ රේතෝ॑ දධාති । ද්යා॒වා॒පෘ॒ථි॒ව්ය॑ ඒක॑කපාලෝ භවති । ප්ර॒ජා ඒ॒ව ප්රජා॑තා॒ ද්යාවා॑පෘථි॒වීභ්යා॑-මුභ॒යතඃ॒ පරි॑ ගෘහ්ණාති । දේ॒වා॒සු॒රා-ස්සං​යඁ ॑ත්තා ආසන්න් । සා᳚-ऽග්නිර॑බ්රවීත් ॥ 16 ॥

මාමග්රේ॑ යජත । මයා॒ මුඛේ॒නාසු॑රා-ඤ්ජේෂ්ය॒ථේති॑ । මා-න්ද්වි॒තීය॒මිති॒ සෝමෝ᳚-ऽබ්රවීත් । මයා॒ රාජ්ඤා॑ ජේෂ්ය॒ථේති॑ । මා-න්තෘ॒තීය॒මිති॑ සවි॒තා । මයා॒ ප්රසූ॑තා ජේෂ්ය॒ථේති॑ । මා-ඤ්ච॑තු॒ර්ථීමිති॒ සර॑ස්වතී । ඉ॒න්ද්රි॒යං-වෝඁ॒-ऽහ-න්ධා᳚ස්යා॒මීති॑ । මා-ම්ප॑ඤ්ච॒මමිති॑ පූ॒ෂා । මයා᳚ ප්රති॒ෂ්ඨයා॑ ජේෂ්ය॒ථේති॑ ॥ 17 ॥

තේ᳚-ऽග්නිනා॒ මුඛේ॒නාසු॑රානජයන්න් । සෝමේ॑න॒ රාජ්ඤා᳚ । ස॒වි॒ත්රා ප්රසූ॑තාඃ । සර॑ස්වතීන්ද්රි॒ය-ම॑දධාත් । පූ॒ෂා ප්ර॑ති॒ෂ්ඨා ऽऽසී᳚ත් । තතෝ॒ වෛ දේ॒වා ව්ය॑ජයන්ත । යදේ॒තානි॑ හ॒වීග්​ම්ෂි॑ නිරු॒ප්යන්තේ॒ විජි॑ත්යෛ । නෝත්ත॑රවේ॒දිමුප॑- වපති । ප॒ශවෝ॒ වා උ॑ත්තරවේ॒දිඃ । අජා॑තා ඉව॒ හ්යේ॑තර්​හි॑ ප॒ශවඃ॑ ॥ 18 ॥
(ඓ॒-ද්- ඉත්ය॑ - ශෝච-ද්- ව්යු॒ද්ධර॑ - ත්යබ්රවීත් - ප්රති॒ෂ්ඨයා॑ ජේෂ්ය॒ථේ ॒ ත්යේ॒තරඃඉ॑ ප॒ශවඃ॑) (අ. 2)

අනුවාකං 3 - වෛශ්වදේවපර්ගතානි විශ්වේෂාඞ්ගානි
ත්රි॒වෘ-ද්බ॒ර්॒හි-ර්භ॑වති । මා॒තා පි॒තා පු॒ත්රඃ । තදේ॒ව ත-න්මි॑ථු॒නම් । උල්බ॒-ඞ්ගර්භෝ॑ ජ॒රායු॑ । තදේ॒ව ත-න්මි॑ථු॒නම් । ත්රේ॒ධා බ॒ර්॒හි-ස්සන්න॑ද්ධ-ම්භවති । ත්රය॑ ඉ॒මේ ලෝ॒කාඃ । ඒ॒ෂ්වේ॑ව ලෝ॒කේෂු॒ ප්රති॑ තිෂ්ඨති । ඒ॒ක॒ධා පුන॒-ස්සන්න॑ද්ධ-ම්භවති । ඒක॑ ඉව॒ හ්ය॑යං-ලෝඁ॒කඃ ॥ 19 ॥

අ॒ස්මින්නේ॒ව තේන॑ ලෝ॒කේ ප්රති॑ තිෂ්ඨති । ප්ර॒සුවෝ॑ භවන්ති । ප්ර॒ථ॒ම॒ජාමේ॒ව පුෂ්ටි॒මව॑ රුන්ධේ । ප්ර॒ථ॒ම॒ජෝ ව॒ථ්සෝ දක්ෂි॑ණා॒ සමෘ॑ද්ධ්යෛ । පෘ॒ෂ॒දා॒ජ්ය-ඞ්ගෘ॑හ්ණාති । ප॒ශවෝ॒ වෛ පෘ॑ෂදා॒ජ්යම් । ප॒ශූනේ॒වාව॑ රුන්ධේ । ප॒ඤ්ච॒ගෘ॒හී॒ත-ම්භ॑වති । පාඞ්ක්තා॒ හි ප॒ශවඃ॑ । බ॒හු॒රූ॒ප-ම්භ॑වති ॥ 20 ॥

බ॒හු॒රූ॒පා හි ප॒ශව॒-ස්සමෘ॑ද්ධ්යෛ । අ॒ග්නි-ම්ම॑න්ථන්ති । අ॒ග්නිමු॑ඛා॒ වෛ ප්ර॒ජාප॑තිඃ ප්ර॒ජා අ॑සෘජත । යද॒ග්නි-ම්මන්ථ॑න්ති । අ॒ග්නිමු॑ඛා ඒ॒ව ත-ත්ප්ර॒ජා යජ॑මාන-ස්සෘජතේ । නව॑ ප්රයා॒ජා ඉ॑ජ්යන්තේ । නවා॑නූයා॒ජාඃ । අ॒ෂ්ටෞ හ॒වීග්​ම්ෂි॑ । ද්වාවා॑ඝා॒රෞ । ද්වාවාජ්ය॑භාගෞ ॥ 21 ॥

ත්රි॒ග්​ම්॒ශ-ථ්සම්ප॑ද්යන්තේ । ත්රි॒ග්​ම්॒ශද॑ක්ෂරා වි॒රාට් । අන්නං॑-විඁ॒රාට් । වි॒රාජෛ॒වාන්නාද්ය॒මව॑ රුන්ධේ । යජ॑මානෝ॒ වා ඒක॑කපාලඃ । තේජ॒ ආජ්ය᳚ම් । යදේක॑කපාල॒ ආජ්ය॑මා॒නය॑ති । යජ॑මානමේ॒ව තේජ॑සා॒ සම॑ර්ධයති । යජ॑මානෝ॒ වා ඒක॑කපාලඃ । ප॒ශව॒ ආජ්ය᳚ම් ॥ 22 ॥

යදේක॑කපාල॒ ආජ්ය॑මා॒නය॑ති । යජ॑මානමේ॒ව ප॒ශුභි॒-ස්සම॑ර්ධයති । යදල්ප॑මා॒නයේ᳚ත් । අල්පා॑ ඒන-ම්ප॒ශවෝ॑ භු॒ඤ්ජන්ත॒ උප॑තිෂ්ඨේරන්න් । ය-ද්බ॒හ්වා॑නයේ᳚ත් । බ॒හව॑ ඒන-ම්ප॒ශවෝ භු॑ඤ්ජන්ත॒ උප॑තිෂ්ඨේරන්න් । බ॒හ්වා॑නීයා॒විඃ පෘ॑ෂ්ඨ-ඞ්කුර්යාත් । බ॒හව॑ ඒ॒වෛන॑-ම්ප॒ශවෝ॑ භු॒ඤ්ජන්ත॒ උප॑තිෂ්ඨන්තේ । යජ॑මානෝ॒ වා ඒක॑කපාලඃ । යදේක॑කපාලස්යාව॒ද්යේත් ॥ 23 ॥

යජ॑මාන॒ස්යාව॑ද්යේත් । උද්වා॒ මාද්යේ॒-ද්යජ॑මානඃ । ප්ර වා॑ මීයේත । ස॒කෘදේ॒ව හෝ॑ත॒ව්යඃ॑ । ස॒කෘදි॑ව॒ හි සු॑ව॒ර්ගෝ ලෝ॒කඃ । හු॒ත්වා-ऽභි ජු॑හෝති । යජ॑මානමේ॒ව සු॑ව॒ර්ගං-ලෝඁ॒ක-ඞ්ග॑මයි॒ත්වා । තේජ॑සා॒ සම॑ර්ධයති । යජ॑මානෝ॒ වා ඒක॑කපාලඃ । සු॒ව॒ර්ගෝ ලෝ॒ක ආ॑හව॒නීයඃ॑ ॥ 24 ॥

යදේක॑කපාල-මාහව॒නීයේ॑ ජු॒හෝති॑ । යජ॑මානමේ॒ව සු॑ව॒ර්ගං-ලෝඁ॒ක-ඞ්ග॑මයති । යද්ධස්තේ॑න ජුහු॒යාත් । සු॒ව॒ර්ගා-ල්ලෝ॒කා-ද්යජ॑මාන॒-මව॑විද්ධ්යේත් । ස්රු॒චා ජු॑හෝති । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ । ය-ත්ප්රාම්පද්යේ॑ත । දේ॒ව॒ලෝ॒කම॒භි ජ॑යේත් । ය-ද්ද॑ක්ෂි॒ණා පි॑තෘලෝ॒කම් । ය-ත්ප්ර॒ත්යක් ॥ 25 ॥

රක්ෂාග්​ම්॑සි ය॒ජ්ඤග්​ම් හ॑න්යුඃ । යදුදඞ්ඞ්॑ । ම॒නු॒ෂ්ය॒ලෝ॒ක-ම॒භිජ॑යේත් । ප්රති॑ෂ්ඨිතෝ හෝත॒ව්යඃ॑ । ඒක॑කපාලං॒-වෛඁ ප්ර॑ති॒තිෂ්ඨ॑න්ත॒-න්ද්යාවා॑පෘථි॒වී අනු॒ ප්රති॑තිෂ්ඨතඃ । ද්යාවා॑පෘථි॒වී ඍ॒තවඃ॑ । ඍ॒තූන්. ය॒ජ්ඤඃ । ය॒ජ්ඤං-යඁජ॑මානඃ । යජ॑මාන-ම්ප්ර॒ජාඃ । තස්මා॒ත්-ප්රති॑ෂ්ඨිතෝ හෝත॒ව්යඃ॑ ॥ 26 ॥

වා॒ජිනෝ॑ යජති । අ॒ග්නිර්වා॒යු-ස්සූර්යඃ॑ । තේ වෛ වා॒ජිනඃ॑ । තානේ॒ව ත-ද්ය॑ජති । අථෝ॒ ඛල්වා॑හුඃ । ඡන්දාග්​ම්॑සි॒ වෛ වා॒ජින॒ ඉති॑ । තාන්යේ॒ව ත-ද්ය॑ජති । ඍ॒ඛ්සා॒මේ වා ඉන්ද්ර॑ස්ය॒ හරී॑ සෝම॒පානෞ᳚ । තයෝඃ᳚ පරි॒ධය॑ ආ॒ධාන᳚ම් । වාජි॑න-ම්භාග॒ධේය᳚ම් ॥ 27 ॥

යදප්ර॑හෘත්ය පරි॒ධීඤ්ජු॑හු॒යාත් । අ॒න්තරා॑ධානාභ්යා-ඞ්ඝා॒ස-ම්ප්රය॑ච්ඡේත් । ප්ර॒හෘත්ය॑ පරි॒ධීඤ්ජු॑හෝති । නිරා॑ධානාභ්යාමේ॒ව ඝා॒ස-ම්ප්රය॑ච්ඡති । බ॒ර්॒හිෂි॑ විෂි॒ඤ්චන්වාජි॑න॒-මාන॑යති । ප්ර॒ජා වෛ බ॒ර॒ඃඉඃ । රේතෝ॒ වාජි॑නම් । ප්ර॒ජාස්වේ॒ව රේතෝ॑ දධාති । ස॒මු॒ප॒හූය॑ භක්ෂයන්ති । ඒ॒ත-ථ්සෝ॑මපීථා॒ හ්යේ॑තේ । අථෝ॑ ආ॒ත්මන්නේ॒ව රේතෝ॑ දධතේ । යජ॑මාන උත්ත॒මෝ භ॑ක්ෂයති । ප॒ශවෝ॒ වෛ වාජි॑නම් । යජ॑මාන ඒ॒ව ප॒ශූ-න්ප්රති॑ෂ්ඨාපයන්ති ॥ 28 ॥
(ලෝ॒කෝ - බ॑හුරූ॒ප-ම්භ॑ව॒ - ත්යාජ්ය॑භාගෞ - ප॒ශව॒ ආජ්ය॑ - මව॒ද්යේ - දා॑හව॒නීයඃ॑ - ප්ර॒ත්යක් - තස්මා॒-ත්ප්රති॑ෂ්ඨිතෝ හෝත॒ව්යෝ॑ - භාග॒ධේය॑ - මේ॒තේ ච॒ත්වාරි॑ ච) (අ. 3)

අනුවාකං 4 - වරුණප්රඝාසාඃ
ප්ර॒ජාප॑ති-ස්සවි॒තා භූ॒ත්වා ප්ර॒ජා අ॑සෘජත । තා ඒ॑න॒මත්ය॑මන්යන්ත । තා අ॑ස්මා॒දපා᳚ක්රාමන්න් । තා වරු॑ණෝ භූ॒ත්වා ප්ර॒ජා වරු॑ණේනාග්රාහයත් । තාඃ ප්ර॒ජා වරු॑ණගෘහීතාඃ । ප්ර॒ජාප॑ති॒-ම්පුන॒රුපා॑ධාවන්නා॒ථ-මි॒ච්ඡමා॑නාඃ । ස ඒ॒තාන්-ප්ර॒ජාප॑ති-ර්වරුණ ප්රඝා॒සාන॑පශ්යත් । තාන්නිර॑වපත් । තෛර්වෛ ස ප්ර॒ජා ව॑රුණ-පා॒ශාද॑මුඤ්චත් । ය-ද්ව॑රුණ-ප්රඝා॒සා නි॑රු॒ප්යන්තේ᳚ ॥ 29 ॥

ප්ර॒ජානා॒මව॑රුණග්රාහාය । තාසා॒-න්දක්ෂි॑ණෝ බා॒හු-ර්න්ය॑ක්න॒ ආසී᳚ත් । ස॒ව්යඃ ප්රසෘ॑තඃ । ස ඒ॒තා-න්ද්වි॒තීයා᳚-න්දක්ෂිණ॒තෝ වේදි॒මුද॑හන්න් । තතෝ॒ වෛ ස ප්ර॒ජානා॒-න්දක්ෂි॑ණ-ම්බා॒හු-ම්ප්රාසා॑රයත් । ය-ද්ද්වි॒තීයා᳚-න්දක්ෂිණ॒තෝ වේදි॑මු॒ද්ධන්ති॑ । ප්ර॒ජානා॑මේ॒ව ත-ද්යජ॑මානෝ॒ දක්ෂි॑ණ-ම්බා॒හු-ම්ප්රසා॑රයති । තස්මා᳚ච්චාතුර්මාස්යයා॒ජ්ය॑මුෂ්මි॑න් ඁලෝ॒ක උ॑භ॒යාබා॑හුඃ । ය॒ජ්ඤාභි॑ජිත॒ග්ග්॒ හ්ය॑ස්ය । පෘ॒ථ॒මා॒ත්රා-ද්වේදී॒ අස॑භින්න්නේ භවතඃ ॥ 30 ॥

තස්මා᳚ත්-පෘථමා॒ත්රං-ව්යඁග්​ම්සෞ᳚ । උත්ත॑රස්යාං॒-වේඁද්යා॑මුත්තරවේ॒දිමුප॑ වපති । ප॒ශවෝ॒ වා උ॑ත්තරවේ॒දිඃ । ප॒ශූනේ॒වාව॑ රුන්ධේ । අථෝ॑ යජ්ඤප॒රුෂෝ-ऽන॑න්තරිත්යෛ । ඒ॒ත-ද්බ්රා᳚හ්මණාන්යේ॒ව පඤ්ච॑ හ॒වීග්​ම්ෂි॑ । අථෛ॒ෂ ඓ᳚න්ද්රා॒ග්නෝ භ॑වති । ප්රා॒ණා॒පා॒නෞ වා ඒ॒තෞ දේ॒වානා᳚ම් । යදි॑න්ද්රා॒ග්නී । යදෛ᳚න්ද්රා॒ග්නෝ භව॑ති ॥ 31 ॥

ප්රා॒ණා॒පා॒නාවේ॒වාව॑ රුන්ධේ । ඕජෝ॒ බලං॒-වාඁ ඒ॒තෞ දේ॒වානා᳚ම් । යදි॑න්ද්රා॒ග්නී । යදෛ᳚න්ද්රා॒ග්නෝ භව॑ති । ඕජෝ॒ බල॑මේ॒වාව॑ රුන්ධේ । මා॒රු॒ත්යා॑මික්ෂා॑ භවති । වා॒රු॒ණ්යා॑මික්ෂා᳚ । මේ॒ෂී ච॑ මේ॒ෂශ්ච॑ භවතඃ । මි॒ථු॒නා ඒ॒ව ප්ර॒ජා ව॑රුණපා॒ශා-න්මු॑ඤ්චති । ලෝ॒ම॒ශෞ භ॑වතෝ මේද්ධ්ය॒ත්වාය॑ ॥ 32 ॥

ශ॒මී॒ප॒ර්ණාන්යුප॑ වපති । ඝා॒සමේ॒වාභ්යා॒මපි॑ යච්ඡති । ප්ර॒ජාප॑තිම॒න්නාද්ය॒-න්නෝපා॑නමත් । ස ඒ॒තේන॑ ශ॒තේද්ධ්මේ॑න හ॒විෂා॒ ऽන්නාද්ය॒ම-වා॑රුන්ධ । ය-ත්ප॑ර-ශ්ශ॒තානි॑ ශමීප॒ර්ණානි॒ භව॑න්ති । අ॒න්නාද්ය॒ස්යාව॑-රුද්ධ්යෛ । සෞ॒ම්යානි॒ වෛ ක॒රීරා॑ණි । සෞ॒ම්යා ඛලු॒ වා ආහු॑ති-ර්දි॒වෝ වෘෂ්ටි॑-ඤ්ච්යාවයති । යත්-ක॒රීරා॑ණි॒ භව॑න්ති । සෞ॒ම්යයෛ॒වාහු॑ත්යා දි॒වෝ වෘෂ්ටි॒මව॑ රුන්ධේ । කා॒ය ඒක॑කපාලෝ භවති । ප්ර॒ජානා᳚-ඞ්ක॒ත්වාං​යඁ ॑ । ප්ර॒ති॒පූ॒රු॒ෂ-ඞ්ක॑රම්භ පා॒ත්රාණි॑ භවන්ති । ජා॒තා ඒ॒ව ප්ර॒ජා ව॑රුණපා॒ශා-න්මු॑ඤ්චති । ඒක॒-මති॑රික්තම් । ජ॒නි॒ෂ්යමා॑ණා ඒ॒ව ප්ර॒ජා ව॑රුණපා॒ශා-න්මු॑ඤ්චති ॥ 33 ॥
(නි॒රු॒ප්යන්තේ॑- භවතෝ॒ - භව॑ති - මේද්ධ්ය॒ත්වාය॑ - රුන්ධේ॒ ෂට්ච॑) (අ. 4)

අනුවාකං 5 - තච්ඡේෂඃ
උත්ත॑රස්යාං॒-වේඁද්යා॑ම॒න්යානි॑ හ॒වීග්​ම්ෂි॑ සාදයති । දක්ෂි॑ණායා-ම්මාරු॒තීම් । අ॒ප॒ධු॒රමේ॒වෛනා॑ යුනක්ති । අථෝ॒ ඕජ॑ ඒ॒වාසා॒මව॑හරති । තස්මා॒-ද්බ්රහ්ම॑ණශ්ච ක්ෂ॒ත්රාච්ච॒ විශෝ᳚-ऽන්යතෝ-ऽපක්ර॒මිණීඃ᳚ । මා॒රු॒ත්යා පූර්ව॑යා॒ ප්රච॑රති । අනෘ॑තමේ॒වාව॑ යජතේ । වා॒රු॒ණ්යෝත්ත॑රයා । අ॒න්ත॒ත ඒ॒ව වරු॑ණ॒මව॑-යජතේ । යදේ॒වාද්ධ්ව॒ර්යුඃ ක॒රෝති॑ ॥ 34 ॥

ත-ත්ප්ර॑තිප්රස්ථා॒තා ක॑රෝති । තස්මා॒-ද්යච්ඡ්රේයා᳚න්-ක॒රෝති॑ । ත-ත්පාපී॑යාන්-කරෝති । පත්නීං᳚ ඁවාචයති । මේද්ධ්යා॑මේ॒වෛනා᳚-ඞ්කරෝති । අථෝ॒ තප॑ ඒ॒වෛනා॒මුප॑ නයති । යජ්ජා॒රග්​ම් සන්ත॒-න්න ප්ර॑බ්රූ॒යාත් । ප්රි॒ය-ඤ්ජ්ඤා॒තිග්​ම් රු॑න්ධ්යාත් । අ॒සෞ මේ॑ ජා॒ර ඉති॒ නිර්දි॑ශේත් । නි॒ර්දිශ්යෛ॒වෛනං॑-වඁරුණපා॒ශේන॑ ග්රාහයති ॥ 35 ॥

ප්ර॒ඝා॒ස්යාන්॑. හවාමහ॒ ඉති॒ පත්නී॑-මු॒දාන॑යති । අහ්ව॑තෛ॒වෛනා᳚ම් । යත්-පත්නී॑ පුරෝනුවා॒ක්යා॑මනු බ්රූ॒යාත් । නිර්වී᳚ර්යෝ॒ යජ॑මාන-ස්ස්යාත් । යජ॑මා॒නෝ ऽන්වා॑හ । ආ॒ත්මන්නේ॒ව වී॒ර්ය॑-න්ධත්තේ । උ॒භෞ යා॒ජ්යාග්​ම්॑ සවීර්ය॒ත්වාය॑ । යද්ග්රාමේ॒ යදර॑ණ්ය॒ ඉත්යා॑හ । ය॒ථෝ॒දි॒තමේ॒ව වරු॑ණ॒මව॑ යජතේ । ය॒ජ॒මා॒න॒දේ॒ව॒ත්යෝ॑ වා ආ॑හව॒නීයඃ॑ ॥ 36 ॥

භ්රා॒තෘ॒ව්ය॒ දේ॒ව॒ත්යෝ॑ දක්ෂි॑ණඃ । යදා॑හව॒නීයේ॑ ජුහු॒යාත් । යජ॑මානං-වඁරුණපා॒ශේන॑ ග්රාහයේත් । දක්ෂි॑ණේ॒ ऽග්නෞ ජු॑හෝති । භ්රාතෘ॑ව්යමේ॒ව ව॑රුණපා॒ශේන॑ ග්රාහයති । ශූර්පේ॑ණ ජුහෝති । අන්ය॑මේ॒ව වරු॑ණ॒මව॑යජතේ । ශී॒ර්॒ෂන්න॑ධි නි॒ධාය॑ ජුහෝති । ශී॒ර්॒ෂ॒ත ඒ॒ව වරු॑ණ॒මව॑ යජතේ । ප්ර॒ත්යන්තිෂ්ඨ॑ඤ්ජුහෝති ॥ 37 ॥

ප්ර॒ත්යඞ්ඞේ॒ව වරු॑ණපා॒ශා-න්නිර්මු॑ච්යතේ । අක්ර॒න්කර්ම॑ කර්ම॒කෘත॒ ඉත්යා॑හ । දේ॒වානෘ॒ණ-න්නි॑රව॒දාය॑ । අ॒නෘ॒ණා ගෘ॒හානුප॒-ප්රේතේති॒ වාවෛතදා॑හ । වරු॑ණ ගෘහීතං॒-වාඁ ඒ॒ත-ද්ය॒ජ්ඤස්ය॑ । ය-ද්යජු॑ෂා ගෘහී॒තස්යා॑ති॒රිච්ය॑තේ । තුෂා᳚ශ්ච නිෂ්කා॒සශ්ච॑ । තුෂෛ᳚ශ්ච නිෂ්කා॒සේන॑ චාවභෘ॒ථමවෛ॑ති । වරු॑ණ-ගෘහීතේනෛ॒ව වරු॑ණ॒මව॑යජතේ । අ॒පෝ॑-ऽවභෘ॒ථමවෛ॑ති ॥ 38 ॥

අ॒ඵ්සු වෛ වරු॑ණඃ । සා॒ක්ෂාදේ॒ව වරු॑ණ॒මව॑ යජතේ । ප්රති॑යුතෝ॒ වරු॑ණස්ය॒ පාශ॒ ඉත්යා॑හ । ව॒රු॒ණ॒පා॒ශාදේ॒ව නිර්මු॑ච්යතේ । අප්ර॑තීක්ෂ॒-මාය॑න්ති । වරු॑ණස්යා॒න්තර්​හි॑ත්යෛ । ඒධෝ᳚-ऽස්යේධිෂී॒මහීත්යා॑හ । ස॒මිධෛ॒වාග්නි-න්න॑ම॒ස්යන්ත॑ උ॒පාය॑න්ති । තේජෝ॑-ऽසි॒ තේජෝ॒ මයි॑ ධේ॒හීත්යා॑හ । තේජ॑ ඒ॒වාත්මන්ධ॑ත්තේ ॥ 39 ॥
(ක॒රෝති॑ - ග්රාහය - ත්යාහව॒නීය॒ - ස්තිෂ්ඨ॑ඤ්ජුහෝ - ත්ය॒පෝ॑-ऽවභෘ॒ථමවෛ॑ති - ධත්තේ) (අ. 5)

අනුවාකං 6 - සාකමේධාඃ
දේ॒වා॒සු॒රා-ස්සං​යඁ ॑ත්තා ආසන්න් । සෝ᳚-ऽග්නිර॑බ්රවීත් । මමේ॒ය-මනී॑කවතී ත॒නූඃ । තා-ම්ප්රී॑ණීත । අථාසු॑රාන॒භි භ॑විෂ්ය॒ථේති॑ । තේ දේ॒වා අ॒ග්නයේ-ऽනී॑කවතේ පුරෝ॒ඩාශ॑ම॒ෂ්ටාක॑පාල॒-න්නිර॑වපන්න් । සෝ᳚-ऽග්නිරනී॑කවා॒න්-ථ්ස්වේන॑ භාග॒ධේයේ॑න ප්රී॒තඃ । ච॒තු॒ර්ධා ऽනී॑කා-න්යජනයත । තතෝ॑ දේ॒වා අභ॑වන්න් । පරා ऽසු॑රාඃ ॥ 40 ॥

යද॒ග්නයේ-ऽනී॑කවතේ පුරෝ॒ඩාශ॑ම॒ෂ්ටාක॑පාල-න්නි॒ර්වප॑ති । අ॒ග්නිමේ॒වානී॑කවන්ත॒ග්ග්॒ ස්වේන॑ භාග॒ධේයේ॑න ප්රීණාති । සෝ᳚-ऽග්නිරනී॑කවා॒න්-ථ්ස්වේන॑ භාග॒ධේයේ॑න ප්රී॒තඃ । ච॒තු॒ර්ධා ऽනී॑කානි ජනයතේ । අ॒සෞ වා ආ॑දි॒ත්යෝ᳚-ऽග්නි-රනී॑කවාන් । තස්ය॑ ර॒ශ්මයෝ-ऽනී॑කානි । සා॒කග්​ම් සූර්යේ॑ණෝද්ය॒තා නිර්ව॑පති । සා॒ක්ෂාදේ॒වාස්මා॒ අනී॑කානි ජනයති । තේ-ऽසු॑රාඃ॒ පරා॑ජිතා॒ යන්තඃ॑ । ද්යාවා॑පෘථි॒වී උපා᳚ශ්රයන්න් ॥ 41 ॥

තේ දේ॒වා ම॒රුද්භ්ය॑-ස්සාන්තප॒නේභ්ය॑ශ්ච॒රු-න්නිර॑වපන්න් । තා-න්ද්යාවා॑පෘථි॒වීභ්යා॑-මේ॒වෝභ॒යත॒-ස්සම॑තපන්න් । යන්ම॒රුද්භ්ය॑-ස්සාන්තප॒නේභ්ය॑ශ්ච॒රු-න්නි॒ර්වප॑ති । ද්යාවා॑පෘථි॒වීභ්යා॑මේ॒ව තදු॑භ॒යතෝ॒ යජ॑මානෝ॒ භ්රාතෘ॑ව්යා॒න්-ථ්සන්ත॑පති । ම॒ද්ධ්යන්දි॑නේ॒ නිර්ව॑පති । තර්​හි॒ හි තේ-ऽක්ෂ්ණි॑ෂ්ඨ॒-න්තප॑ති । ච॒රුර්භ॑වති । ස॒ර්වත॑ ඒ॒වෛනා॒න්-ථ්සන්ත॑පති । තේ දේ॒වා-ශ්ශ්වෝ॑ විජ॒යින॒-ස්සන්තඃ॑ । සර්වා॑සා-න්දු॒ග්ධේ ගෘ॑හමේ॒ධීය॑-ඤ්ච॒රු-න්නිර॑වපන්න් ॥ 42 ॥

ආශි॑තා ඒ॒වාද්යෝප॑වසාම । කස්ය॒ වා-ऽහේ॒දම් । කස්ය॑ වා॒ ශ්වෝ භ॑වි॒තේති॑ । ස ශෘ॒තෝ॑-ऽභවත් । තස්යාහු॑තස්ය॒ නාශ්ඤන්න්॑ । න හි දේ॒වා අහු॑තස්යා॒ශ්ඤන්ති॑ । තේ᳚-ऽබ්රුවන්න් । කස්මා॑ ඉ॒මග්​ම් හෝ᳚ෂ්යාම॒ ඉති॑ । ම॒රුද්භ්යෝ॑ ගෘහමේ॒ධිභ්ය॒ ඉත්ය॑බ්රුවන්න් । ත-ම්ම॒රුද්භ්යෝ॑ ගෘහමේ॒ධිභ්යෝ॑-ऽජුහවුඃ ॥ 43 ॥

තතෝ॑ දේ॒වා අභ॑වන්න් । පරා-ऽසු॑රාඃ । යස්යෛ॒වං-විඁ॒දුෂෝ॑ ම॒රුද්භ්යෝ॑ ගෘහමේ॒ධිභ්යෝ॑ ගෘ॒හේ ජුහ්ව॑ති । භව॑ත්යා॒ත්මනා᳚ । පරා᳚-ऽස්ය॒ භ්රාතෘ॑ව්යෝ භවති । යද්වෛ ය॒ජ්ඤස්ය॑ පාක॒ත්රා ක්රි॒යතේ᳚ । ප॒ශ॒ව්ය॑-න්තත් । පා॒ක॒ත්රා වා ඒ॒තත්ක්රි॑යතේ । යන්නේද්ධ්මාබ॒ර්॒හි-ර්භව॑ති । න සා॑මිධේ॒නී-ර॒න්වාහ॑ ॥ 44 ॥

න ප්ර॑යා॒ජා ඉ॒ජ්යන්තේ᳚ । නානූ॑යා॒ජාඃ । ය ඒ॒වං-වේඁද॑ । ප॒ශු॒මා-න්භ॑වති । ආජ්ය॑භාගෞ යජති । ය॒ජ්ඤස්යෛ॒ව චක්ෂු॑ෂී॒ නාන්තරේ॑ති । ම॒රුතෝ॑ ගෘහමේ॒ධිනෝ॑ යජති । භා॒ග॒ධේයේ॑-නෛ॒වෛනා॒න්-ථ්සම॑ර්ධයති । අ॒ග්නිග්ග්​ ස්වි॑ෂ්ට॒කෘතං॑-යඁජති॒ ප්රති॑ෂ්ඨිත්යෛ । ඉඩා᳚න්තෝ භවති । ප॒ශවෝ॒ වා ඉඩා᳚ । ප॒ශුෂ්වේ॒වෝපරි॑ෂ්ටා॒-ත්ප්රති॑ තිෂ්ඨති ॥ 45 ॥
(අසු॑රා - අශ්රයන් - ගෘහමේ॒ධීයං॑ ච॒රු-න්නිර॑වපන් - නජුහවු - ර॒න්වා - හේඩා᳚න්තෝ භවති॒ ද්වේ ච॑) (අ. 6)

අනුවාකං 7 - තච්ඡේෂඃ
යත්පත්නී॑ ගෘහමේ॒ධීය॑-ස්යාශ්ඤී॒යාත් । ගෘ॒හ॒මේ॒ද්ධ්යේ॑ව ස්යා᳚ත් । වි ත්ව॑ස්ය ය॒ජ්ඤ ඍ॑ධ්යේත । යන්නාශ්ඤී॒යාත් । අගෘ॑හමේධී ස්යාත් । නාස්ය॑ ය॒ජ්ඤෝ ව්යෘ॑ද්ධ්යේත । ප්රති॑වේශ-ම්පචේයුඃ । තස්යා᳚ශ්ඤීයාත් । ගෘ॒හ॒මේ॒ද්ධ්යේ॑ව භ॑වති । නාස්ය॑ ය॒ජ්ඤෝ ව්යෘ॑ද්ධ්යතේ ॥ 46 ॥

තේ දේ॒වා ගෘ॑හමේ॒ධීයේ॑නේ॒ෂ්ට්වා । ආශි॑තා අභවන්න් । ආඤ්ජ॑තා॒භ්ය॑ඤ්ජත । අනු॑ ව॒ථ්සා-න॑වාසයන්න් । තේභ්යෝ-ऽසු॑රාඃ॒, ක්ෂුධ॒-ම්ප්රාහි॑ණ්වන්න් । සා දේ॒වේෂු॑ ලෝ॒කමවි॑ත්ත්වා । අසු॑රා॒න්-පුන॑රගච්ඡත් । ගෘ॒හ॒මේ॒ධීයේ॑නේ॒ෂ්ට්වා । ආශි॑තා භවන්ති । ආඤ්ජ॑තේ॒-ऽභ්ය॑ඤ්ජතේ ॥ 47 ॥

අනු॑ ව॒ථ්සාන්. වා॑සයන්ති । භ්රාතෘ॑ව්යායෛ॒ව ත-ද්යජ॑මානඃ॒, ක්ෂුධ॒-ම්ප්රහි॑ණෝති । තේ දේ॒වා ගෘ॑හමේ॒ධීයේ॑නේ॒ෂ්ට්වා । ඉන්ද්රා॑ය නිෂ්කා॒ස-න්න්ය॑දධුඃ । අ॒ස්මානේ॒ව ශ්ව ඉන්ද්රෝ॒ නිහි॑තභාග උපාවර්ති॒තේති॑ । තානින්ද්රෝ॒ නිහි॑තභාග උ॒පාව॑ර්තත । ගෘ॒හ॒මේ॒ධීයේ॑නේ॒ෂ්ට්වා । ඉන්ද්රා॑ය නිෂ්කා॒ස-න්නිද॑ද්ධ්යාත් । ඉන්ද්ර॑ ඒ॒වෛන॒-න්නිහි॑තභාග උ॒පාව॑ර්තතේ । ගාර්​හ॑පත්යේ ජුහෝති ॥ 48 ॥

භා॒ග॒ධේයේ॑නේ॒වෛන॒ග්​ම්॒ සම॑ර්ධයති । ඍ॒ෂ॒භමාහ්ව॑යති । ව॒ෂ॒ට්කා॒ර ඒ॒වාස්ය॒ සඃ । අථෝ॑ ඉන්ද්රි॒යමේ॒ව ත-ද්වී॒ර්යං॑-යඁජ॑මානෝ॒ භ්රාතෘ॑ව්යස්ය වෘඞ්ක්තේ । ඉන්ද්රෝ॑ වෘ॒ත්රග්​ම් හ॒ත්වා । පරා᳚-ම්පරා॒වත॑-මගච්ඡත් । අපා॑රාධ॒මිති॒ මන්ය॑මානඃ । සෝ᳚-ऽබ්රවීත් । ක ඉ॒දං-වේඁ ॑දිෂ්ය॒තීති॑ । තේ᳚-ऽබ්රුව-න්ම॒රුතෝ॒ වරං॑-වෘඁණාමහෛ ॥ 49 ॥

අථ॑ ව॒යං-වේඁ ॑දාම । අ॒ස්මභ්ය॑මේ॒ව ප්ර॑ථ॒මග්​ම් හ॒විර්නිරු॑ප්යාතා॒ ඉති॑ । ත ඒ॑න॒මද්ධ්ය॑-ක්රීඩන්න් । තත්ක්රී॒ඩිනා᳚-ඞ්ක්රීඩි॒ත්වම් । ය-න්ම॒රුද්භ්යඃ॑ ක්රී॒ඩිභ්යඃ॑ ප්රථ॒මග්​ම් හ॒විර්නි॑රු॒ප්යතේ॒ විජි॑ත්යෛ । සා॒කග්​ම් සූර්යේ॑ණෝද්ය॒තා නිර්ව॑පති । ඒ॒තස්මි॒න් වෛ ලෝ॒ක ඉන්ද්රෝ॑ වෘ॒ත්රම॑හ॒න්-ථ්සමෘ॑ද්ධ්යෛ । ඒ॒ත-ද්බ්රා᳚හ්මණාන්යේ॒ව පඤ්ච॑ හ॒වීග්​ම්ෂි॑ । ඒ॒ත-ද්බ්රා᳚හ්මණ ඓන්ද්රා॒ග්නඃ । අථෛ॒ෂ ඓ॒න්ද්රශ්ච॒රු-ර්භ॑වති ॥ 50 ॥

උ॒ද්ධා॒රං-වාඁ ඒ॒තමින්ද්ර॒ උද॑හරත । වෘ॒ත්රග්​ම් හ॒ත්වා । අ॒න්යාසු॑ දේ॒වතා॒ස්වධි॑ । යදේ॒ෂ ඓ॒න්ද්ර-ශ්ච॒රු-ර්භව॑ති । උ॒ද්ධා॒රමේ॒ව තං-යඁජ॑මාන॒ උද්ධ॑රතේ । අ॒න්යාසු॑ ප්ර॒ජාස්වධි॑ । වෛ॒ශ්ව॒ක॒ර්ම॒ණ ඒක॑කපාලෝ භවති । විශ්වා᳚න්යේ॒ව තේන॒ කර්මා॑ණි॒ යජ॑මා॒නෝ ऽව॑රුන්ධේ ॥ 51 ॥
(ඍ॒ද්ධ්ය॒තේ॒-ऽ-භ්ය॑ඤ්ජතේ-ජුහෝති-වෘණාමහෛ-භවත්ය॒- +ෂ්ටෞ ච॑) (අ. 7)

අනුවාකං 8 - පිතෘයජ්ඤඃ
වෛ॒ශ්ව॒දේ॒වේන॒ වෛ ප්ර॒ජාප॑තිඃ ප්ර॒ජා අ॑සෘජත । තා ව॑රුණ-ප්රඝා॒සෛ-ර්ව॑රුණපා॒ශාද॑මුඤ්චත් । සා॒ක॒මේ॒ධෛඃ ප්රත්ය॑ස්ථාපයත් । ත්ර්ය॑ම්බකෛ රු॒ද්ර-න්නි॒රවා॑දයත । පි॒තෘ॒ය॒ජ්ඤේන॑ සුව॒ර්ගං-ලෝඁ॒කම॑ගමයත් । ය-ද්වෛ᳚ශ්වදේ॒වේන॒ යජ॑තේ । ප්ර॒ජා ඒ॒ව ත-ද්යජ॑මාන-ස්සෘජතේ । තා ව॑රුණ-ප්රඝා॒සෛ-ර්ව॑රුණපා॒ශා-න්මු॑ඤ්චති । සා॒ක॒මේ॒ධෛඃ ප්රති॑ෂ්ඨාපයති । ත්ර්ය॑ම්බකෛරු॒ද්ර-න්නි॒රව॑දයතේ ॥ 52 ॥

පි॒තෘ॒ය॒ජ්ඤේන॑ සුව॒ර්ගං-ලෝඁ॒ක-ඞ්ග॑මයති । ද॒ක්ෂි॒ණ॒තඃ ප්රා॑චීනාවී॒තී නිර්ව॑පති । ද॒ක්ෂි॒ණාවෘ॒ද්ධි පි॑තෘ॒ණාම් । අනා॑දෘත්ය॒ තත් । උ॒ත්ත॒ර॒ත ඒ॒වෝප॒වීය॒ නිර්ව॑පේත් । උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ । අථෝ॒ යදේ॒ව ද॑ක්ෂිණා॒ර්ධේ॑-ऽධි॒ ශ්රය॑ති । තේන॑ දක්ෂි॒ණාවෘ॑ත් । සෝමා॑ය පිතෘ॒මතේ॑ පුරෝ॒ඩාශ॒ග්​ම්॒ ෂට්ක॑පාල॒-න්නිර්ව॑පති । සං॒​වඁ॒ථ්ස॒රෝ වෛ සෝමඃ॑ පිතෘ॒මාන් ॥ 53 ॥

සං॒​වඁ॒ථ්ස॒රමේ॒ව ප්රී॑ණාති । පි॒තෘභ්යෝ॑ බර්​හි॒ෂද්භ්යෝ॑ ධා॒නාඃ । මාසා॒ වෛ පි॒තරෝ॑ බර්​හි॒ෂදඃ॑ । මාසා॑නේ॒ව ප්රී॑ණාති । යස්මි॒න් වා ඍ॒තෞ පුරු॑ෂඃ ප්ර॒මීය॑තේ । සෝ᳚-ऽස්යා॒මුෂ්මි॑න් ඁලෝ॒කේ භ॑වති । බ॒හු॒රූ॒පා ධා॒නා භ॑වන්ති । අ॒හෝ॒රා॒ත්රාණා॑-ම॒භිජි॑ත්යෛ । පි॒තෘභ්යෝ᳚ ऽග්නිෂ්වා॒ත්තේභ්යෝ॑ ම॒න්ථම් । අ॒ර්ධ॒මා॒සා වෛ පි॒තරෝ᳚-ऽග්නිෂ්වා॒ත්තාඃ ॥ 54 ॥

අ॒ර්ධ॒මා॒සානේ॒ව ප්රී॑ණාති । අ॒භි॒වා॒න්යා॑යෛ දු॒ග්ධේ භ॑වති । සා හි පි॑තෘදේව॒ත්ය॑-න්දු॒හේ । ය-ත්පූ॒ර්ණම් । ත-න්ම॑නු॒ෂ්යා॑ණාම් । උ॒ප॒ර්ය॒ර්ධෝ දේ॒වානා᳚ම් । අ॒ර්ධඃ පි॑තෘ॒ණාම් । අ॒ර්ධ උප॑මන්ථති । අ॒ර්ධෝ හි පි॑තෘ॒ණාම් । ඒක॒යෝප॑මන්ථති ॥ 55 ॥

ඒකා॒ හි පි॑තෘ॒ණාම් । ද॒ක්ෂි॒ණෝප॑මන්ථති । ද॒ක්ෂි॒ණා වෘ॒ද්ධි පි॑තෘ॒ණාම් । අනා॑ර॒භ්යෝප॑මන්ථති । තද්ධි පි॒තॄන්-ගච්ඡ॑ති । ඉ॒මා-න්දිශං॒-වේඁදි॒මුද්ධ॑න්ති । උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ । චතු॑-ස්ස්රක්තිර්භවති । සර්වා॒ හ්යනු॒ දිශඃ॑ පි॒තරඃ॑ । අඛා॑තා භවති ॥ 56 ॥

ඛා॒තා හි දේ॒වානා᳚ම් । ම॒ද්ධ්ය॒තෝ᳚ ऽග්නිරාධී॑යතේ । අ॒න්ත॒තෝ හි දේ॒වානා॑-මාධී॒යතේ᳚ । වර්​ෂී॑යානි॒ද්ධ්ම ඉ॒ද්ධ්මා-ද්භ॑වති॒ ව්යාවෘ॑ත්ත්යෛ । පරි॑ ශ්රයති । අ॒න්තර්​හි॑තෝ॒ හි පි॑තෘලෝ॒කෝ ම॑නුෂ්යලෝ॒කාත් । යත්-පරු॑ෂි දි॒නම් । ත-ද්දේ॒වානා᳚ම් । යද॑න්ත॒රා । ත-න්ම॑නු॒ෂ්යා॑ණාම් ॥ 57 ॥

ය-ථ්සමූ॑ලම් । ත-ත්පි॑තෘ॒ණාම් । සමූ॑ල-ම්බ॒ර්॒හි-ර්භ॑වති॒ ව්යාවෘ॑ත්ත්යෛ । ද॒ක්ෂි॒ණා ස්තෘ॑ණාති । ද॒ක්ෂි॒ණා වෘ॒ද්ධි පි॑තෘ॒ණාම් । ත්රිඃ පර්යේ॑ති । තෘ॒තීයේ॒ වා ඉ॒තෝ ලෝ॒කේ පි॒තරඃ॑ । තානේ॒ව ප්රී॑ණාති । ත්රිඃ පුනඃ॒ පර්යේ॑ති । ෂට්ථ්සම්ප॑ද්යන්තේ ॥ 58 ॥

ෂඩ්වා ඍ॒තවඃ॑ । ඍ॒තූනේ॒ව ප්රී॑ණාති । ය-ත්ප්ර॑ස්ත॒රං-යඁජු॑ෂා ගෘහ්ණී॒යාත් । ප්ර॒මායු॑කෝ॒ යජ॑මාන-ස්ස්යාත් । යන්න ගෘ॑හ්ණී॒යාත් । අ॒නා॒ය॒ත॒න-ස්ස්යා᳚ත් । තූ॒ෂ්ණීමේ॒ව න්ය॑ස්යේත් । න ප්ර॒මායු॑කෝ॒ භව॑ති । නානා॑යත॒නඃ । යත්-ත්රීන්-ප॑රි॒ධී-න්ප॑රිද॒ද්ධ්යාත් ॥ 59 ॥

මෘ॒ත්යුනා॒ යජ॑මාන॒-ම්පරි॑ ගෘහ්ණීයාත් । යන්න ප॑රි-ද॒ද්ධ්යාත් । රක්ෂාග්​ම්॑සි ය॒ජ්ඤග්​ම් හ॑න්යුඃ । ද්වෞ ප॑රි॒ධී පරි॑දධාති । රක්ෂ॑සා॒-මප॑හත්යෛ । අථෝ॑ මෘ॒ත්යෝරේ॒ව යජ॑මාන॒-මුථ්සෘ॑ජති । ය-ත්ත්රීණි॑ ත්රීණි හ॒වීග්​ෂ්යු॑දා॒හරේ॑යුඃ । ත්රය॑ස්ත්රය ඒෂාග්​ම් සා॒ක-ම්ප්රමී॑යේරන්න් । ඒකෛ॑ක-මනූ॒චීනා᳚-න්යු॒දාහ॑රන්ති । ඒකෛ॑ක ඒ॒වෛෂා॑ම॒න්වඤ්චඃ॒ ප්රමී॑යතේ । ක॒ශිපු॑ කශිප॒ව්යා॑ය । උ॒ප॒බර්​හ॑ණ-මුපබර්​හ॒ණ්යා॑ය । ආඤ්ජ॑න-මාඤ්ජ॒න්යා॑ය । අ॒භ්යඤ්ජ॑න-මභ්යඤ්ජ॒න්යා॑ය । ය॒ථා॒භා॒ගමේ॒වෛනා᳚-න්ප්රීණාති ॥ 60 ॥

(නි॒රව॑දයතේ - පිතෘ॒මා - න॑ග්නිෂ්වා॒ත්තා - ඒක॒යෝප॑ මන්ථ॒ - ත්යඛා॑තා භවති-මනු॒ෂ්යා॑ණාං - පද්යන්තේ - පරිද॒ද්ධ්යාන් - මී॑යතේ॒ පඤ්ච॑ ච) (අ. 8)

අනුවාකං 9 - තච්ඡේෂඃ
අ॒ග්නයේ॑ දේ॒වේභ්යඃ॑ පි॒තෘභ්ය॑-ස්සමි॒ද්ධ්යමා॑නා॒යානු॑බ්රූ॒හීත්යා॑හ ।
උ॒භයේ॒ හි දේ॒වාශ්ච॑ පි॒තර॑ශ්චේ॒ජ්යන්තේ᳚ । ඒකා॒මන්වා॑හ । ඒකා॒ හි පි॑තෘ॒ණාම් । ත්රිරන්වා॑හ । ත්රිර්​හි දේ॒වානා᳚ම් । ආ॒ඝා॒රාවාඝා॑රයති । ය॒ජ්ඤ॒ ප॒රුෂෝ॒රන॑න්තරිත්යෛ । නාර්​ෂේ॒යං-වෘඁ ॑ණීතේ । න හෝතා॑රම් ॥ 61 ॥

යදා॑ර්​ෂේ॒යං-වෘඁ ॑ණී॒ත । යද්ධෝතා॑රම් । ප්ර॒මායු॑කෝ॒ යජ॑මාන-ස්ස්යාත් । ප්ර॒මායු॑කෝ॒ හෝතා᳚ । තස්මා॒න්න වෘ॑ණීතේ । යජ॑මානස්ය॒ හෝතු॑-ර්ගෝපී॒ථාය॑ । අප॑බර්​හිෂඃ ප්රයා॒ජාන්.-ය॑ජති । ප්ර॒ජා වෛ බ॒ර්॒හිඃ । ප්ර॒ජා ඒ॒ව මෘ॒ත්යෝරුථ්සෘ॑ජති । ආජ්ය॑භාගෞ යජති ॥ 62 ॥

ය॒ජ්ඤස්යෛ॒ව චක්ෂු॑ෂී॒ නාන්තරේ॑ති । ප්රා॒චී॒නා॒වී॒තී සෝමං॑-යඁජති । පි॒තෘ॒දේ॒ව॒ත්යා॑ හි । ඒ॒ෂා ऽऽහු॑තිඃ । පඤ්ච॒ කෘත්වෝ-ऽව॑ද්යති । පඤ්ච॒ හ්යේ॑තා දේ॒වතාඃ᳚ । ද්වේ පු॑රෝ-ऽනුවා॒ක්යේ᳚ । යා॒ජ්යා॑ දේ॒වතා॑ වෂට්කා॒රඃ । තා ඒ॒ව ප්රී॑ණාති । සන්ත॑ත॒මව॑ ද්යති ॥ 63 ॥

ඍ॒තූ॒නාග්​ම් සන්ත॑ත්යෛ । ප්රෛවෛභ්යඃ॒ පූර්ව॑යා පුරෝ-ऽනුවා॒ක්ය॑යා ऽऽහ । ප්රණ॑යති ද්වි॒තීය॑යා । ග॒මය॑ති යා॒ජ්ය॑යා । තෘ॒තීයේ॒ වා ඉ॒තෝ ලෝ॒කේ පි॒තරඃ॑ । අහ්න॑ ඒ॒වෛනා॒-න්පූර්ව॑යා පුරෝ-ऽනුවා॒ක්ය॑යා॒ ऽත්යාන॑යති । රාත්රි॑යෛ ද්වි॒තීය॑යා । ඓවෛනාන්॑. යා॒ජ්ය॑යා ගමයති । ද॒ක්ෂි॒ණ॒තෝ॑-ऽව॒දාය॑ । උද॒ඞ්ඞති॑ ක්රාමති॒ ව්යාවෘ॑ත්ත්යෛ ॥ 64 ॥

ආ ස්ව॒ධේත්යා-ශ්රා॑වයති । අස්තු॑ ස්ව॒ධේති॑ ප්ර॒ත්යාශ්රා॑වයති । ස්ව॒ධා නම॒ ඉති॒ වෂ॑ට්කරෝති । ස්ව॒ධා॒කා॒රෝ හි පි॑තෘ॒ණාම් । සෝම॒මග්රේ॑ යජති । සෝම॑ ප්රයාජා॒ හි පි॒තරඃ॑ । සෝම॑-ම්පිතෘ॒මන්තං॑-යඁජති । සං॒​වඁ॒ථ්ස॒රෝ වෛ සෝමඃ॑ පිතෘ॒මාන් । සං॒​වඁ॒ථ්ස॒රමේ॒ව ත-ද්ය॑ජති । පි॒තॄන්-බ॑ර්​හි॒ෂදෝ॑ යජති ॥ 65 ॥

යේ වෛ යජ්වා॑නඃ । තේ පි॒තරෝ॑ බර්​හි॒ෂදඃ॑ । තානේ॒ව ත-ද්ය॑ජති । පි॒තॄන॑ග්නිෂ්වා॒ත්තාන්. ය॑ජති । යේ වා අය॑ජ්වානෝ ගෘහමේ॒ධිනඃ॑ । තේ පි॒තරෝ᳚-ऽග්නිෂ්වා॒ත්තාඃ । තානේ॒ව ත-ද්ය॑ජති । අ॒ග්නි-ඞ්ක॑ව්ය॒වාහ॑නං-යඁජති । ය ඒ॒ව පි॑තෘ॒ණාම॒ග්නිඃ । තමේ॒ව ත-ද්ය॑ජති ॥ 66 ॥

අථෝ॒ යථා॒-ऽග්නිග්ග්​ ස්වි॑ෂ්ට॒කෘතං॒-යඁජ॑ති । තා॒දෘගේ॒ව තත් । ඒ॒තත්තේ॑ තත॒ යේ ච॒ ත්වාමන්විති॑ ති॒සෘෂු॑ ස්ර॒ක්තීෂු॒ නිද॑ධාති । තස්මා॒දා තෘ॒තීයා॒-ත්පුරු॑ෂා॒න්නාම॒ න ගෘ॑හ්ණන්ති । ඒ॒තාව॑න්තෝ॒ හීජ්යන්තේ᳚ । අත්ර॑ පිතරෝ යථාභා॒ග-ම්ම॑න්දද්ධ්ව॒මිත්යා॑හ । හ්ලීකා॒ හි පි॒තරඃ॑ । උද॑ඤ්චෝ॒ නිෂ්ක්රා॑මන්ති । ඒ॒ෂා වෛ ම॑නු॒ෂ්යා॑ණා॒-න්දික් । ස්වාමේ॒ව ත-ද්දිශ॒මනු॒ නිෂ්ක්රා॑මන්ති ॥ 67 ॥

ආ॒හ॒ව॒නීය॒-මුප॑තිෂ්ඨන්තේ । න්යේ॑වාස්මෛ॒ තද්ධ්නු॑වතේ । යථ්ස॒ත්යා॑හව॒නීයේ᳚ । අථා॒න්යත්ර॒ චර॑න්ති । ආතමි॑තෝ॒රුප॑තිෂ්ඨන්තේ । අ॒ග්නිමේ॒වෝප॑ද්ර॒ෂ්ටාර॑-ඞ්කෘ॒ත්වා । පි॒තॄ-න්නි॒රව॑දයන්තේ । අන්තං॒-වාඁ ඒ॒තේ ප්රා॒ණානා᳚-ඞ්ගච්ඡන්ති । ය ආතමි॑තෝරුප॒තිෂ්ඨ॑න්තේ । සු॒ස॒න්දෘශ॑-න්ත්වා ව॒යමිත්යා॑හ ॥ 68 ॥

ප්රා॒ණෝ වෛ සු॑ස॒න්දෘක් । ප්රා॒ණමේ॒වාත්මන්-ද॑ධතේ । යෝජා॒ න්වි॑න්ද්ර තේ॒ හරී॒ ඉත්යා॑හ । ප්රා॒ණමේ॒ව පුන॑රයුක්ත । අක්ෂ॒න්නමී॑මදන්ත॒ හීති॒ ගාර්​හ॑පත්ය॒-මුප॑තිෂ්ඨන්තේ । අක්ෂ॒න්නමී॑මද॒න්තාථ॒ ත්වෝප॑තිෂ්ඨාමහ॒ ඉති॒ වාවෛතදා॑හ । අමී॑මදන්ත පි॒තර॑-ස්සෝ॒ම්යා ඉත්ය॒භි ප්රප॑ද්යන්තේ । අමී॑මදන්ත පි॒තරෝ-ऽථ॑ ත්වා॒-ऽභි ප්රප॑ද්යාමහ॒ ඉති॒ වාවෛතදා॑හ । අ॒පඃ පරි॑ෂිඤ්චති । මා॒ර්ජය॑ත්යේ॒වෛනාන්॑ ॥ 69 ॥

අථෝ॑ ත॒ර්පය॑ත්යේ॒ව । තෘප්ය॑ති ප්ර॒ජයා॑ ප॒ශුභිඃ॑ । ය ඒ॒වං-වේඁද॑ । අප॑ බර්​හිෂාවනූයා॒ජෞ ය॑ජති । ප්ර॒ජා වෛ බ॒ර්॒හිඃ । ප්ර॒ජා ඒ॒ව මෘ॒ත්යෝරුථ්සෘ॑ජති । ච॒තුරඃ॑ ප්රයා॒ජාන්. ය॑ජති । ද්වාව॑නූයා॒ජෞ । ෂට්ථ්සම්ප॑ද්යන්තේ । ෂඩ්වා ඍ॒තවඃ॑ ॥ 70 ॥

ඍ॒තූනේ॒ව ප්රී॑ණාති । න පත්න්යන්වා᳚ස්තේ । න සං​යාඁ ॑ජයන්ති । යත්පත්න්ය॒න්වාසී॑ත । යථ්සං॑​යාඁ॒ජයේ॑යුඃ । ප්ර॒මායු॑කා ස්යාත් । තස්මා॒න්නාන්වා᳚ස්තේ । න සං​යාඁ ॑ජයන්ති । පත්නි॑යෛ ගෝපී॒ථාය॑ ॥ 71 ॥
(හෝතා॑ර॒ - මාජ්ය॑භාගෞ යජති॒ - සන්ත॑ත॒මව॑ද්යති॒ - ව්යාවෘ॑ත්ත්යෛ - බර්​හි॒ෂදෝ॑ යජති॒ - තමේ॒ව ත-ද්ය॑ජ॒- ත්යනු॒ නිෂ්ක්රා॑මන්ත්යා - හෛ - නාන් - ඍ॒තවෝ॒ - +නව॑ ච) (අ. 9)

අනුවාකං 10 - ත්ර්යම්බකහවීංෂි
ප්ර॒ති॒පූ॒රු॒ෂමේක॑කපාලා॒-න්නිර්ව॑පති । ජා॒තා ඒ॒ව ප්ර॒ජා රු॒ද්රාන්නි॒රව॑දයතේ । ඒක॒මති॑රික්තම් । ජ॒නි॒ෂ්යමා॑ණා ඒ॒ව ප්ර॒ජා රු॒ද්රාන්නි॒රව॑දයතේ । ඒක॑කපාලා භවන්ති । ඒ॒ක॒ධෛව රු॒ද්ර-න්නි॒රව॑දයතේ । නාභිඝා॑රයති । යද॑භිඝා॒රයේ᳚ත් । අ॒න්ත॒ර॒ව॒චා॒රිණග්​ම්॑ රු॒ද්ර-ඞ්කු॑ර්යාත් । ඒ॒කෝ॒ල්මු॒කේන॑ යන්ති ॥ 72 ॥

තද්ධි රු॒ද්රස්ය॑ භාග॒ධේය᳚ම් । ඉ॒මා-න්දිශං॑-යඁන්ති । ඒ॒ෂා වෛ රු॒ද්රස්ය॒ දික් । ස්වායා॑මේ॒ව දි॒ශි රු॒ද්ර-න්නි॒රව॑දයතේ । රු॒ද්රෝ වා අ॑ප॒ශුකා॑යා॒ ආහු॑ත්යෛ॒ නාති॑ෂ්ඨත । අ॒සෞ තේ॑ ප॒ශුරිති॒ නිර්දි॑ශේ॒ද්ය-න්ද්වි॒ෂ්යාත් । යමේ॒ව ද්වේෂ්ටි॑ । තම॑ස්මෛ ප॒ශු-න්නිර්දි॑ශති । යදි॒ න ද්වි॒ෂ්යාත් । ආ॒ඛුස්තේ॑ ප॒ශුරිති॑ බ්රූයාත් ॥ 73 ॥

න ග්රා॒ම්යා-න්ප॒ශූන්. හි॒නස්ති॑ । නාර॒ණ්යාන් । ච॒තු॒ෂ්ප॒ථේ ජු॑හෝති । ඒ॒ෂ වා අ॑ග්නී॒නා-ම්පඩ්බී॑ශෝ॒ නාම॑ । අ॒ග්නි॒වත්යේ॒ව ජු॑හෝති । ම॒ද්ධ්ය॒මේන॑ ප॒ර්ණේන॑ ජුහෝති । ස්රුග්ඝ්යේ॑ෂා । අථෝ॒ ඛලු॑ । අ॒න්ත॒මේනෛ॒ව හෝ॑ත॒ව්ය᳚ම් । අ॒න්ත॒ත ඒ॒ව රු॒ද්ර-න්නි॒රව॑දයතේ ॥ 74 ॥

ඒ॒ෂ තේ॑ රුද්ර භා॒ග-ස්ස॒හ ස්වස්රා-ऽම්බි॑ක॒යේත්යා॑හ । ශ॒රද්වා අ॒ස්යාම්බි॑කා॒ ස්වසා᳚ । තයා॒ වා ඒ॒ෂ හි॑නස්ති । යග්​ම් හි॒නස්ති॑ । තයෛ॒වෛනග්​ම්॑ ස॒හ ශ॑මයති । භේ॒ෂ॒ජ-ඞ්ගව॒ ඉත්යා॑හ । යාව॑න්ත ඒ॒ව ග්රා॒ම්යාඃ ප॒ශවඃ॑ । තේභ්යෝ॑ භේෂ॒ජ-ඞ්ක॑රෝති । අවා᳚ම්බ රු॒ද්රම॑දිම॒හීත්යා॑හ । ආ॒ශිෂ॑මේ॒වෛතාමාශා᳚ස්තේ ॥ 75 ॥

ත්ර්ය॑ම්බකං-යඁජාමහ॒ ඉත්යා॑හ । මෘ॒ත්යෝ-ර්මු॑ක්ෂීය॒ මා ऽමෘතා॒දිති॒ වාවෛතදා॑හ । උත්කි॑රන්ති । භග॑ස්ය ලීඵ්සන්තේ । මූතේ॑ කෘ॒ත්වා-ऽऽස॑ජන්ති । යථා॒ ජනං॑-යඁ॒තේ॑-ऽව॒ස-ඞ්ක॒රෝති॑ । තා॒දෘගේ॒වතත් । ඒ॒ෂ තේ॑ රුද්ර භා॒ග ඉත්යා॑හ නි॒රව॑ත්ත්යෛ । අප්ර॑තීක්ෂ॒මාය॑න්ති । අ॒පඃ පරි॑ෂිඤ්චති । රු॒ද්රස්යා॒න්තර්​හි॑ත්යෛ । ප්ර වා ඒ॒තේ᳚-ऽස්මා-ල්ලෝ॒කාච්ච්ය॑වන්තේ । යේ ත්ර්ය॑ම්බකෛ॒ශ්චර॑න්ති । ආ॒දි॒ත්ය-ඤ්ච॒රු-ම්පුන॒රේත්ය॒ නිර්ව॑පති । ඉ॒යං-වාඁ අදි॑තිඃ । අ॒ස්යාමේ॒ව ප්රති॑ තිෂ්ඨන්ති ॥ 76 ॥
(ය॒න්ති॒ - බ්රූ॒යා॒න් - නි॒රව॑දයතේ - ශාස්තේ - සිඤ්චති॒ ෂට්ච॑) (අ. 10)

(අනු॑මත්යෛ - වෛශ්වදේ॒වේන॒ තා-ස්සෘ॒ෂ්ටා - ස්ත්රි॒වෘත් - ප්ර॒ජාප॑ති-ස්සවි॒ - තෝත්ත॑රස්යාං - දේවාසු॒රා-ස්සෝ᳚-ऽග්නි--ර් ය-ත්පත්නී॑ -වෛශ්වදේ॒වේන॒ තා ව॑රුණප්රඝා॒සෛ - ර॒ග්නයේ॑ දේ॒වේභ්යඃ॑ - ප්රතිපූරු॒ෂ-න්දශ॑)

(අනු॑මත්යෛ - ප්රථම॒ජෝ ව॒ථ්සෝ - බ॑හුරූ॒පා හි ප॒ශව॒ - ස්තස්මා᳚-ත්පෘථමා॒ත්රං - ඁයද॒ග්නයේ-ऽනී॑කවත - උද්ධා॒රං-වාඁ - අ॒ග්නයේ॑ දේ॒වේභ්ය॑ - ඍ॒තූනේ॒ව ෂට්ථ්ස॑ප්තතිඃ)

(අනු॑මත්යෛ॒ - ප්රති॑ තිෂ්ඨන්ති)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ෂෂ්ඨඃ ප්රපාඨක-ස්සමාප්තඃ ॥