කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ප්රථමඃ ප්රපාඨකඃ - අග්න්යාධේයබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

බ්රහ්ම॒ සන්ධ॑ත්ත॒-න්තන්මේ॑ ජින්වතම් । ක්ෂ॒ත්රග්​ම් සන්ධ॑ත්ත॒-න්තන්මේ॑ ජින්වතම් । ඉෂ॒ග්​ම්॒ සන්ධ॑ත්ත॒-න්තා-ම්මේ॑ ජින්වතම් । ඌර්ජ॒ග්​ම්॒ සන්ධ॑ත්ත॒-න්තා-ම්මේ॑ ජින්වතම් । ර॒යිග්​ම් සන්ධ॑ත්ත॒-න්තා-ම්මේ॑ ජින්වතම් । පුෂ්ටි॒ග්​ම්॒ සන්ධ॑ත්ත॒-න්තා-ම්මේ॑ ජින්වතම් । ප්ර॒ජාග්​ම් සන්ධ॑ත්ත॒-න්තා-ම්මේ॑ ජින්වතම් । ප॒ශූ-න්ථ්සන්ධ॑ත්ත॒-න්තාන්මේ॑ ජින්වතම් ॥ ස්තු॒තෝ॑-ऽසි॒ ජන॑ධාඃ । දේ॒වාස්ත්වා॑ ශුක්ර॒පාඃ ප්රණ॑යන්තු ॥ 1 ॥

සු॒වීරාඃ᳚ ප්ර॒ජාඃ ප්ර॑ජ॒නය॒-න්පරී॑හි । ශු॒ක්ර-ශ්ශු॒ක්රශෝ॑චිෂා ॥ ස්තු॒තෝ॑-ऽසි॒ ජන॑ධාඃ । දේ॒වාස්ත්වා॑ මන්ථි॒පාඃ ප්රණ॑යන්තු ॥ සු॒ප්ර॒ජාඃ ප්ර॒ජාඃ ප්ර॑ජ॒නය॒-න්පරී॑හි । ම॒න්ථී ම॒න්ථිශෝ॑චිෂා ॥ස॒ජ॒ඞ්ග්මා॒නෞ දි॒ව ආ පෘ॑ථි॒ව්යා-ऽऽයුඃ॑ । සන්ධ॑ත්ත॒-න්තන්මේ॑ ජින්වතම් । ප්රා॒ණග්​ම් සන්ධ॑ත්ත॒-න්ත-ම්මේ॑ ජින්වතම් । අ॒පා॒නග්​ම් සන්ධ॑ත්ත॒-න්ත-ම්මේ॑ ජින්වතම් ॥ 2 ॥

ව්යා॒නග්​ම් සන්ධ॑ත්ත॒-න්ත-ම්මේ॑ ජින්වතම් । චක්ෂු॒-ස්සන්ධ॑ත්ත॒-න්තන්මේ॑ ජින්වතම් । ශ්රෝත්ර॒ග්​ම්॒ සන්ධ॑ත්ත॒-න්තන්මේ॑ ජින්වතම් । මන॒-ස්සන්ධ॑ත්ත॒-න්තන්මේ॑ ජින්වතම් । වාච॒ග්​ම්॒ සන්ධ॑ත්ත॒-න්තා-ම්මේ॑ ජින්වතම් ॥ ආයු॑-ස්ස්ථ॒ ආයු॑ර්මේ ධත්තම් । ආයු॑-ර්ය॒ජ්ඤාය॑ ධත්තම් । ආයු॑-ර්ය॒ජ්ඤප॑තයේ ධත්තම් । ප්රා॒ණ-ස්ස්ථඃ॑ ප්රා॒ණ-ම්මේ॑ ධත්තම් । ප්රා॒ණං-යඁ॒ජ්ඤාය॑ ධත්තම් ॥ 3 ॥

ප්රා॒ණං-යඁ॒ජ්ඤප॑තයේ ධත්තම් । චක්ෂු॑-ස්ස්ථ॒ශ්චක්ෂු॑ර්මේ ධත්තම් । චක්ෂු॑-ර්ය॒ජ්ඤාය॑ ධත්තම් । චක්ෂු॑-ර්ය॒ජ්ඤප॑තයේ ධත්තම් । ශ්රෝත්රග්ග්॑ ස්ථ॒-ශ්ශ්රෝත්ර॑-ම්මේ ධත්තම් । ශ්රෝත්රං॑-යඁ॒ජ්ඤාය॑ ධත්තම් । ශ්රෝත්රං॑-යඁ॒ජ්ඤප॑තයේ ධත්තම් । තෞ දේ॑වෞ ශුක්රාමන්ථිනෞ ।ක॒ල්පය॑ත॒-න්දෛවී॒ර්විශඃ॑ । ක॒ල්පය॑ත॒-ම්මානු॑ෂීඃ ॥ 4 ॥

ඉෂ॒-මූර්ජ॑ම॒ස්මාසු॑ ධත්තම් । ප්රා॒ණා-න්ප॒ශුෂු॑ । ප්ර॒ජා-ම්මයි॑ ච॒ යජ॑මානේ ච ॥ නිර॑ස්ත॒-ශ්ශණ්ඩඃ॑ । නිර॑ස්තෝ॒ මර්කඃ॑ ॥ අප॑නුත්තෞ॒ ශණ්ඩා॒මර්කෞ॑ ස॒හාමුනා᳚ ॥ ශු॒ක්රස්ය॑ ස॒මිද॑සි । ම॒න්ථින॑-ස්ස॒මිද॑සි ॥ ස ප්ර॑ථ॒ම-ස්සඞ්කෘ॑ති-ර්වි॒ශ්වක॑ර්මා । ස ප්ර॑ථ॒මෝ මි॒ත්රෝ වරු॑ණෝ අ॒ග්නිඃ । ස ප්ර॑ථ॒මෝ බෘහ॒ස්පති॑ශ්චිකි॒ත්වාන් । තස්මා॒ ඉන්ද්රා॑ය සු॒තමාජු॑හෝමි ॥ 5 ॥
(න॒ය॒ - න්ත්ව॒පා॒නග්​ම් සන්ධ॑ත්තං॒ ත-ම්මේ॑ ජින්වතං - ප්රා॒ණං-යඁ॒ජ්ඤාය॑ ධත්තං॒ - මානු॑ෂී--ර් අ॒ග්නි-ර්ද්වේ ච॑) (අ. 1)

බ්රහ්ම॑ ක්ෂ॒ත්ර-න්තත් । ඉෂ॒මූර්ජග්​ම්॑ ර॒යි-ම්පුෂ්ටි॑-ම්ප්ර॒ජා-න්තාම් । ප॒ශු-න්තාන් । සන්ධ॑ත්ත॒-න්තත් । ප්රා॒ණම॑පා॒නං-ව්යාඁ॒න-න්තම් । චක්ෂු॒-ශ්ශ්රෝත්ර॒-ම්මන॒ස්තත් । වාච॒-න්තාම් । ඉ॒ෂාදි॒පඤ්ච॑කේ॒ වාච॒-න්තා-ම්මේ᳚ । ප॒ශූ-න්ථ්සන්ධ॑ත්ත॒-න්තාන්මේ᳚ । ප්රා॒ණාදි॒ත්රිත॑යේ॒ ත-ම්මේ᳚ । අ॒න්යත්ර॒ තන්මේ᳚ । )

කෘත්ති॑කා-ස්ව॒ග්නි-මාද॑ධීත । ඒ॒තද්වා අ॒ග්නේ-ර්නක්ෂ॑ත්රම් । ය-ත්කෘත්ති॑කාඃ । ස්වායා॑මේ॒වෛන॑-න්දේ॒වතා॑යාමා॒ධාය॑ । බ්ර॒හ්ම॒ව॒ර්ච॒සී භ॑වති ॥ මුඛං॒-වාඁ ඒ॒තන්නක්ෂ॑ත්රාණාම් । ය-ත්කෘත්ති॑කාඃ । යඃ කෘත්ති॑කා-ස්ව॒ග්නි-මා॑ධ॒ත්තේ । මුඛ්ය॑ ඒ॒ව භ॑වති ॥ අථෝ॒ ඛලු॑ ॥ 6 ॥

අ॒ග්නි॒-න॒ක්ෂ॒ත්රමිත්ය-ප॑චායන්ති । ගෘ॒හානඃඅ॒ දාහු॑කෝ භවති ॥ ප්ර॒ජාප॑තී රෝහි॒ණ්යා-ම॒ග්නි-ම॑සෘජත । ත-න්දේ॒වා රෝ॑හි॒ණ්යා-මාද॑ධත । තතෝ॒ වෛ තේ සර්වා॒-න්රෝහා॑නරෝහන්න් । ත-ද්රෝ॑හි॒ණ්යෛ රෝ॑හිණි॒ත්වම් । යෝ රෝ॑හි॒ණ්යා-ම॒ග්නිමා॑ධ॒ත්තේ । ඍ॒ධ්නෝත්යේ॒ව । සර්වා॒-න්රෝහා᳚න්-රෝහති ॥ දේ॒වා වෛ භ॒ද්රා-ස්සන්තෝ॒-ऽග්නි-මාධි॑ථ්සන්ත ॥ 7 ॥

තේෂා॒මනා॑හිතෝ॒ ऽග්නිරාසී᳚ත් । අථෛ᳚භ්යෝ වා॒මං-වඁස්වපා᳚ක්රාමත් । තේ පුන॑ර්වස්වෝ॒රාද॑ධත । තතෝ॒ වෛ තාන් වා॒මං-වඁසූ॒පාව॑ර්තත । යඃ පු॒රා භ॒ද්ර-ස්සම්පාපී॑යා॒-න්ථ්ස්යාත් । ස පුන॑ර්වස්වෝ-ර॒ග්නි-මාද॑ධීත । පුන॑රේ॒වෛනං॑-වාඁ॒මං-වඁසූ॒පාව॑ර්තතේ । භ॒ද්රෝ භ॑වති ॥ යඃ කා॒මයේ॑ත॒ දාන॑කාමා මේ ප්ර॒ජා-ස්ස්යු॒රිති॑ । ස පූර්ව॑යෝඃ॒ ඵල්ගු॑න්යෝ-ර॒ග්නි-මාද॑ධීත ॥ 8 ॥

අ॒ර්ය॒ම්ණෝ වා ඒ॒තන්නක්ෂ॑ත්රම් । යත්පූර්වේ॒ ඵල්ගු॑නී । අ॒ර්ය॒මේති॒ තමා॑හු॒ර්යෝ දදා॑ති । දාන॑කාමා අස්මෛ ප්ර॒ජා භ॑වන්ති ॥ යඃ කා॒මයේ॑ත භ॒ගී ස්යා॒මිති॑ । ස උත්ත॑රයෝඃ॒ ඵල්ගු॑න්යෝ-ර॒ග්නිමාද॑ධීත । භග॑ස්ය॒ වා ඒ॒තන්නක්ෂ॑ත්රම් । යදුත්ත॑රේ॒ ඵල්ගු॑නී । භ॒ග්යේ॑ව භ॑වති ॥ කා॒ල॒ක॒ඤ්ජා වෛ නාමාසු॑රා ආසන්න් ॥ 9 ॥

තේ සු॑ව॒ර්ගාය॑ ලෝ॒කායා॒ග්නි-ම॑චින්වත । පුරු॑ෂ॒ ඉෂ්ට॑කා॒-මුපා॑දධා॒ත්-පුරු॑ෂ॒ ඉෂ්ට॑කාම් । ස ඉන්ද්රෝ᳚ බ්රාහ්ම॒ණෝ බ්රුවා॑ණ॒ ඉෂ්ට॑කා॒මුපා॑ධත්ත । ඒ॒ෂා මේ॑ චි॒ත්රා නාමේති॑ । තේ සු॑ව॒ර්ගං-ලෝඁ॒කමාප්රාරෝ॑හන්න් । ස ඉන්ද්ර॒ ඉෂ්ට॑කා॒මාවෘ॑හත් । තේ-ऽවා॑කීර්යන්ත । යේ॑-ऽවාකී᳚ර්යන්ත । ත ඌර්ණා॒වභ॑යෝ-ऽභවන්න් । ද්වාවුද॑පතතාම් ॥ 10 ॥

තෞ දි॒ව්යෞ ශ්වානා॑වභවතාම් । යෝ භ්රාතෘ॑ව්යවා॒-න්ථ්ස්යාත් । ස චි॒ත්රායා॑-ම॒ග්නි-මාද॑ධීත । අ॒ව॒කීර්යෛ॒ව භ්රාතෘ॑ව්යාන් । ඕජෝ॒ බල॑මින්ද්රි॒යං-වීඁ॒ර්ය॑මා॒ත්මන්-ධ॑ත්තේ ॥ ව॒සන්තා᳚ බ්රාහ්ම॒ණෝ᳚ ऽග්නිමාද॑ධීත । ව॒ස॒න්තෝ වෛ බ්රා᳚හ්ම॒ණස්ය॒ර්තුඃ । ස්ව ඒ॒වෛන॑-මෘ॒තාවා॒ධාය॑ । බ්ර॒හ්ම॒ව॒ර්ච॒සී භ॑වති । මුඛං॒-වාඁ ඒ॒තදෘ॑තූ॒නාම් ॥ 11 ॥

ය-ද්ව॑ස॒න්තඃ । යෝ ව॒සන්තා॒-ऽග්නිමා॑ධ॒ත්තේ । මුඛ්ය॑ ඒ॒ව භ॑වති । අථෝ॒ යෝනි॑මන්තමේ॒වෛන॒-ම්ප්රජා॑ත॒මාධ॑ත්තේ । ග්රී॒ෂ්මේ රා॑ජ॒න්ය॑ ආද॑ධීත । ග්රී॒ෂ්මෝ වෛ රා॑ජ॒න්ය॑ස්ය॒ර්තුඃ । ස්ව ඒ॒වෛන॑මෘ॒තාවා॒ධාය॑ । ඉ॒න්ද්රි॒යා॒වී භ॑වති । ශ॒රදි॒ වෛශ්ය॒ ආද॑ධීත । ශ॒රද්වෛ වෛශ්ය॑ස්ය॒ර්තුඃ ॥ 12 ॥

ස්ව ඒ॒වෛන॑මෘ॒තාවා॒ධාය॑ । ප॒ශු॒මා-න්භ॑වති ॥ න පූර්ව॑යෝඃ॒ ඵල්ගු॑න්යෝ-ර॒ග්නිමාද॑ධීත । ඒ॒ෂා වෛ ජ॑ඝ॒න්යා॑ රාත්රි॑-ස්සං​වඁථ්ස॒රස්ය॑ । යත්පූර්වේ॒ ඵල්ගු॑නී । පෘ॒ෂ්ටි॒ත ඒ॒ව සං॑​වඁථ්ස॒රස්යා॒-ග්නිමා॒ධාය॑ । පාපී॑යාන්-භවති । උත්ත॑රයෝ॒රාද॑ධීත । ඒ॒ෂා වෛ ප්ර॑ථ॒මා රාත්රි॑-ස්සං​වඁථ්ස॒රස්ය॑ । යදුත්ත॑රේ॒ ඵල්ගු॑නී । මු॒ඛ॒ත ඒ॒ව සං॑​වඁථ්ස॒රස්යා॒-ග්නිමා॒ධාය॑ । වසී॑යා-න්භවති ॥ අථෝ॒ ඛලු॑ । ය॒දෛවෛනං॑-යඁ॒ජ්ඤ උ॑ප॒නමේ᳚ත් । අථාද॑ධීත । සෛවාස්යර්ධිඃ॑ ॥ 13 ॥
(ඛල්වා॑ - ධිථ්සන්ත॒ - ඵල්ගු॑න්යෝර॒ග්නිමාද॑ධීතා - සන් - නපතතා - මතූ॒නාං - ඁවෛශ්ය॑ස්ය॒ර්තු - රුත්ත॑රේ॒ ඵල්ගු॑නී॒ ෂට් ච॑) (අ. 2)

උද්ධ॑න්ති । යදේ॒වාස්යා॑ අමේ॒ද්ධ්යම් । තදප॑ හන්ති ॥ අ॒පෝ-ऽවෝ᳚ක්ෂති॒ ශාන්ත්යෛ᳚ ॥ සික॑තා॒ නිව॑පති । ඒ॒තද්වා අ॒ග්නේ-ර්වෛ᳚ශ්වාන॒රස්ය॑ රූ॒පම් । රූ॒පේණෛ॒ව වෛ᳚ශ්වාන॒රමව॑-රුන්ධේ ॥ ඌෂා॒-න්නිව॑පති । පුෂ්ටි॒ර්වා ඒ॒ෂා ප්ර॒ජන॑නම් । යදූෂාඃ᳚ ॥ 14 ॥

පුෂ්ට්යා॑මේ॒ව ප්ර॒ජන॑නේ॒ ऽග්නිමාධ॑ත්තේ । අථෝ॑ ස॒ඤ්ජ්ඤාන॑ ඒ॒ව । ස॒-ඤ්ජ්ඤාන॒ග්ග්॒ හ්යේ॑ත-ත්ප॑ශූ॒නාම් । යදූෂාඃ᳚ ॥ ද්යාවා॑පෘථි॒වී ස॒හාස්තා᳚ම් । තේ වි॑ය॒තී අ॑බ්රූතාම් । අස්ත්වේ॒ව නෞ॑ ස॒හ ය॒ජ්ඤිය॒මිති॑ । යද॒මුෂ්යා॑ ය॒ජ්ඤිය॒මාසී᳚ත් । තද॒ස්යා-ම॑දධාත් । ත ඌෂා॑ අභවන්න් ॥ 15 ॥

යද॒ස්යා ය॒ජ්ඤිය॒මාසී᳚ත් । තද॒මුෂ්යා॑-මදධාත් । තද॒දශ්ච॒න්ද්රම॑සි කෘ॒ෂ්ණම් । ඌෂා᳚න්නි॒වප॑න්න॒දෝ ද්ධ්යා॑යේත් । ද්යාවා॑පෘථි॒ව්යෝරේ॒ව ය॒ජ්ඤියේ॒-ऽග්නිමාධ॑ත්තේ ॥ අ॒ග්නිර්දේ॒වේභ්යෝ॒ නිලා॑යත । ආ॒ඛූ රූ॒ප-ඞ්කෘ॒ත්වා । ස පෘ॑ථි॒වී-ම්ප්රාවි॑ශත් । ස ඌ॒තීඃ කු॑ර්වා॒ණඃ පෘ॑ථි॒වීමනු॒ සම॑චරත් । තදා॑ඛුකරී॒ෂ-ම॑භවත් ॥ 16 ॥

යදා॑ඛුකරී॒ෂග්​ම් ස॑භාං॒රෝ භව॑ති । යදේ॒වාස්ය॒ තත්ර॒ න්ය॑ක්තම් । තදේ॒වාව॑රුන්ධේ ॥ ඌර්ජං॒-වාඁ ඒ॒තග්​ම් රස॑-ම්පෘථි॒ව්යා උ॑ප॒දීකා॒ උද්දි॑හන්ති । ය-ද්ව॒ල්මීක᳚ම් । ය-ද්ව॑ල්මීකව॒පා ස॑භාං॒රෝ භව॑ති । ඌර්ජ॑මේ॒ව රස॑-ම්පෘථි॒ව්යා අව॑රුන්ධේ । අථෝ॒ ශ්රෝත්ර॑මේ॒ව । ශ්රෝත්ර॒ග්ග්॒ හ්යේ॑ත-ත්පෘ॑ථි॒ව්යාඃ । ය-ද්ව॒ල්මීකඃ॑ ॥ 17 ॥

අබ॑ධිරෝ භවති । ය ඒ॒වං-වේඁද॑ ॥ ප්ර॒ජාප॑තිඃ ප්ර॒ජා අ॑සෘජත । තාසා॒මන්න॒-මුපා᳚ක්ෂීයත । තාභ්ය॒-ස්සූද॒මුප॒ ප්රාභි॑නත් । තතෝ॒ වෛ තාසා॒මන්න॒-න්නාක්ෂී॑යත । යස්ය॒ සූද॑-ස්සම්භා॒රෝ භව॑ති । නාස්ය॑ ගෘ॒හේ-ऽන්න॑-ඞ්ක්ෂීයතේ ॥ ආපෝ॒ වා ඉ॒දමග්රේ॑ සලි॒ලමා॑සීත් । තේන॑ ප්ර॒ජාප॑තිරශ්රාම්යත් ॥ 18 ॥

ක॒ථමි॒දග්ග්​ ස්යා॒දිති॑ । සෝ॑-ऽපශ්ය-ත්පුෂ්කරප॒ර්ණ-න්තිෂ්ඨ॑ත් । සෝ॑-ऽමන්යත । අස්ති॒ වෛ තත් । යස්මි॑-න්නි॒දමධි॒ තිෂ්ඨ॒තීති॑ । ස ව॑රා॒හෝ රූ॒ප-ඞ්කෘ॒ත්වෝප॒න්ය॑මජ්ජත් । ස පෘ॑ථි॒වීම॒ධ ආ᳚ර්ච්ඡත් । තස්යා॑ උප॒හත්යෝද॑මජ්ජත් । ත-ත්පු॑ෂ්කරප॒ර්ණේ᳚ ऽප්රථයත් । යදප්ර॑ථයත් ॥ 19 ॥

ත-ත්පෘ॑ථි॒ව්යෛ පෘ॑ථිවි॒ත්වම් । අභූ॒ද්වා ඉ॒දමිති॑ । තද්භූම්යෛ॑ භූමි॒ත්වම් । තා-න්දිශෝ-ऽනු॒ වාත॒-ස්සම॑වහත් । තාග්​ම් ශර්ක॑රාභිරදෘග්​ම් හත් । ශං-වෛඁ නෝ॑-ऽභූ॒දිති॑ । තච්ඡර්ක॑රාණාග්​ම් ශර්කර॒ත්වම් । ය-ද්ව॑රා॒හවි॑හතග්​ම් සම්භා॒රෝ භව॑ති । අ॒ස්යාමේ॒වා-ඡ॑ම්බට්කාරම॒ග්නි-මාධ॑ත්තේ । ශර්ක॑රා භවන්ති॒ ධෘත්යෛ᳚ ॥ 20 ॥

අථෝ॑ ශ॒ත්වාං​යඁ ॑ ॥ සරේ॑තා අ॒ග්නිරා॒ධේය॒ ඉත්යා॑හුඃ । ආපෝ॒ වරු॑ණස්ය॒ පත්න॑ය ආසන්න් । තා අ॒ග්නිර॒භ්ය॑ද්ධ්යායත් । තා-ස්සම॑භවත් । තස්ය॒ රේතඃ॒ පරා॑-ऽපතත් । තද්ධිර॑ණ්ය-මභවත් । යද්ධිර॑ණ්ය-මු॒පාස්ය॑ති । සරේ॑තසමේ॒වාග්නි-මාධ॑ත්තේ ॥ පුරු॑ෂ॒ ඉන්වෛ ස්වා-ද්රේත॑සෝ බීභථ්සත॒ ඉත්යා॑හුඃ ॥ 21 ॥

උ॒ත්ත॒ර॒ත උපා᳚ස්ය॒ත්ය-බී॑භථ්සායෛ ॥ අති॒ ප්රය॑ච්ඡති । ආර්ති॑මේ॒වාති॒ ප්රය॑ච්ඡති ॥ අ॒ග්නිර්දේ॒වේභ්යෝ॒ නිලා॑යත । අශ්වෝ॑ රූ॒ප-ඞ්කෘ॒ත්වා । සෝ᳚-ऽශ්ව॒ත්ථේ සං॑​වඁථ්ස॒ර-ම॑තිෂ්ඨත් । තද॑ශ්ව॒ත්ථස්යා᳚-ශ්වත්ථ॒ත්වම් । යදාශ්ව॑ත්ථ-ස්සම්භා॒රෝ භව॑ති । යදේ॒වාස්ය॒ තත්ර॒ න්ය॑ක්තම් । තදේ॒වාව॑-රුන්ධේ ॥ 22 ॥

දේ॒වා වා ඌර්ජං॒-ව්යඁ ॑භජන්ත । තත॑ උදු॒ම්බර॒ උද॑තිෂ්ඨත් । ඌර්ග්වා උ॑දු॒ම්බරඃ॑ । යදෞදු॑ම්බර-ස්සම්භා॒රෝ භව॑ති । ඌර්ජ॑මේ॒වාව॑-රුන්ධේ ॥ තෘ॒තීය॑ස්යාමි॒තෝ දි॒වි සෝම॑ ආසීත් । ත-ඞ්ගා॑ය॒ත්ර්යාහ॑රත් । තස්ය॑ ප॒ර්ණම॑ච්ඡිද්යත । තත්ප॒ර්ණෝ॑ ऽභවත් । ත-ත්ප॒ර්ණස්ය॑ පර්ණ॒ත්වම් ॥ 23 ॥

යස්ය॑ පර්ණ॒මය॑-ස්සම්භා॒රෝ භව॑ති । සෝ॒ම॒පී॒ථමේ॒වාව॑ රුන්ධේ ॥ දේ॒වා වෛ බ්රහ්ම॑න්නවදන්ත । ත-ත්ප॒ර්ණ උපා॑ශෘණෝත් । සු॒ශ්රවා॒ වෛ නාම॑ । ය-ත්ප॑ර්ණ॒මය॑-ස්සම්භා॒රෝ භව॑ති । බ්ර॒හ්ම॒ව॒ර්ච॒සමේ॒වාව॑ රුන්ධේ ॥ ප්ර॒ජාප॑ති-ර॒ග්නි-ම॑සෘජත । සෝ॑-ऽබිභේ॒ත්ප්ර මා॑ ධක්ෂ්ය॒තීති॑ । තග්​ම් ශ॒ම්යා॑-ऽශමයත් ॥ 24 ॥

තච්ඡ॒ම්යෛ॑ ශමි॒ත්වම් । යච්ඡ॑මී॒මය॑-ස්සම්භා॒රෝ භව॑ති । ශාන්ත්යා॒ අප්ර॑දාහාය ॥ අ॒ග්නේ-ස්සෘ॒ෂ්ටස්ය॑ ය॒තඃ । වික॑ඞ්කත॒-ම්භා ආ᳚ර්ච්ඡත් । ය-ද්වෛක॑ඞ්කත-ස්සම්භා॒රෝ භව॑ති । භා ඒ॒වාව॑රුන්ධේ ॥ සහෘ॑දයෝ॒ ऽග්නිරා॒ධේය॒ ඉත්යා॑හුඃ । ම॒රුතෝ॒-ऽද්භිර॒ග්නි-ම॑තමයන්න් । තස්ය॑ තා॒න්තස්ය॒ හෘද॑ය॒මාච්ඡි॑න්දන්න් । සා-ऽශනි॑රභවත් । යද॒ශනි॑හතස්ය වෘ॒ක්ෂස්ය॑ සම්භා॒රෝ භව॑ති ।සහෘ॑දය-මේ॒වාග්නි-මාධ॑ත්තේ ॥ 25 ॥
(ඌෂා॑ - අභවන් - නභව-ද්- ව॒ල්මීක්රෝ᳚ - ऽශ්රාම්ය॒ - දප්ර॑ථය॒ - ද්ධෘත්යෛ॑ - බීභථ්සත॒ ඉත්යා॑හු - රුන්ධේ - පර්ණ॒ත්ව - ම॑ශමයද - ච්ඡින්ද॒ග්ග්॒ ස්ත්රීණි॑ ච) (අ. 3)

ද්වා॒ද॒ශසු॑ වික්රා॒මේෂ්ව॒ග්නිමාද॑ධීත । ද්වාද॑ශ॒ මාසා᳚-ස්සං​වඁථ්ස॒රඃ । සං॒​වඁ॒ථ්ස॒රා-දේ॒වෛන॑-මව॒රුද්ධ්යා-ධ॑ත්තේ ॥ ය-ද්ද්වා॑ද॒ශසු॑ වික්රා॒මේ-ෂ්වා॒දධී॑ත । පරි॑මිත॒මව॑රුන්ධීත । චක්ෂු॑-ර්නිමිත॒ ආද॑ධීත । ඉය॒-ද්ද්වාද॑ශ වික්රා॒මා(3) ඉති॑ । පරි॑මිත-ඤ්චෛ॒වාප॑රිමිත॒-ඤ්චාව॑රුන්ධේ ॥ අනෘ॑තං॒-වෛඁ වා॒චා ව॑දති । අනෘ॑ත॒-ම්මන॑සා ද්ධ්යායති ॥ 26 ॥

චක්ෂු॒-ර්වෛ ස॒ත්යම් । අද්රා(3)ගිත්යා॑හ । අද॑ර්​ශ॒මිති॑ । ත-ථ්ස॒ත්යම් । යශ්චක්ෂු॑-ර්නිමිතේ॒-ऽග්නි-මා॑ධ॒ත්තේ । ස॒ත්ය ඒ॒වෛන॒-මාධ॑ත්තේ ॥ තස්මා॒දාහි॑තාග්නි॒ර්නානෘ॑තං-වඁදේත් । නාස්ය॑ බ්රාහ්ම॒ණෝ-ऽනා᳚ශ්වා-න්ගෘ॒හේ ව॑සේත් । ස॒ත්යේ හ්ය॑ස්යා॒ග්නිරාහි॑තඃ ॥ ආ॒ග්නේ॒යී වෛ රාත්රිඃ॑ ॥ 27 ॥

ආ॒ග්නේ॒යාඃ ප॒ශවඃ॑ । ඓ॒න්ද්රමහඃ॑ । නක්ත॒-ඞ්ගාර්​හ॑පත්ය॒-මාද॑ධාති । ප॒ශූනේ॒වාව॑-රුන්ධේ । දිවා॑-ऽऽහව॒නීය᳚ම් । ඉ॒න්ද්රි॒යමේ॒වා-ව॑රුන්ධේ ॥ අ॒ර්ධෝදි॑තේ॒ සූර්ය॑ ආහව॒නීය॒-මාද॑ධාති । ඒ॒තස්මි॒න් වෛ ලෝ॒කේ ප්ර॒ජාප॑තිඃ ප්ර॒ජා අ॑සෘජත । ප්ර॒ජා ඒ॒ව ත-ද්යජ॑මාන-ස්සෘජතේ । අථෝ॑ භූ॒ත-ඤ්චෛ॒ව භ॑වි॒ෂ්යච්චා-ව॑රුන්ධේ ॥ 28 ॥

ඉඩා॒ වෛ මා॑න॒වී ය॑ජ්ඤානූකා॒ශින්යා॑සීත් । සා-ऽශෘ॑ණෝත් । අසු॑රා අ॒ග්නිමාද॑ධත॒ ඉති॑ । තද॑ගච්ඡත් । ත ආ॑හව॒නීය॒මග්ර॒ ආද॑ධත । අථ॒ ගාර්​හ॑පත්යම් । අථා᳚-න්වාහාර්ය॒-පච॑නම් । සා ऽබ්ර॑වීත් । ප්ර॒තීච්යේ॑ෂා॒ග්॒ ශ්රීර॑ගාත් । භ॒ද්රා භූ॒ත්වා පරා॑භවිෂ්ය॒න්තීති॑ ॥ 29 ॥

යස්යෛ॒ව-ම॒ග්නිරා॑ධී॒යතේ᳚ । ප්ර॒තීච්ය॑ස්ය॒ ශ්රීරේ॑ති । භ॒ද්රෝ භූ॒ත්වා පරා॑භවති ॥ සා-ऽශෘ॑ණෝත් । දේ॒වා අ॒ග්නි-මාද॑ධත॒ ඉති॑ । තද॑ගච්ඡත් । තේ᳚-ऽන්වාහාර්ය॒-පච॑න॒මග්ර॒ ආද॑ධත । අථ॒ ගාර්​හ॑පත්යම් । අථා॑හව॒නීය᳚ම් । සා-ऽබ්ර॑වීත් ॥ 30 ॥

ප්රාච්යේ॑ෂා॒ග්॒ ශ්රීර॑ගාත් । භ॒ද්රා භූ॒ත්වා සු॑ව॒ර්ගං-ලෝඁ॒කමේ᳚ෂ්යන්ති । ප්ර॒ජා-න්තු න වේ᳚ථ්ස්යන්ත॒ ඉති॑ । යස්යෛ॒වම॒ග්නි-රා॑ධී॒යතේ᳚ । ප්රාච්ය॑ස්ය॒ ශ්රීරේ॑ති । භ॒ද්රෝ භූ॒ත්වා සු॑ව॒ර්ගං-ලෝඁ॒කමේ॑ති । ප්ර॒ජා-න්තු න වි॑න්දතේ ॥ සා-ऽබ්ර॑වී॒දිඩා॒ මනු᳚ම් । තථා॒ වා අ॒හ-න්තවා॒ග්නි-මාධා᳚ස්යාමි । යථා॒ ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජ॑නි॒ෂ්යසේ᳚ ॥ 31 ॥

ප්රත්ය॒ස්මින් ඁලෝ॒කේ ස්ථා॒ස්යසි॑ । අ॒භි සු॑ව॒ර්ගං-ලෝඁ॒ක-ඤ්ජේ॒ෂ්යසීති॑ । ගාර්​හ॑පත්ය॒මග්ර॒ ආද॑ධාත් । ගාර්​හ॑පත්යං॒-වාඁ අනු॑ ප්ර॒ජාඃ ප॒ශවඃ॒ ප්රජා॑යන්තේ । ගාර්​හ॑පත්යේනෛ॒වාස්මෛ᳚ ප්ර॒ජා-ම්ප॒ශූ-න්ප්රාජ॑නයත් । අථා᳚-න්වාහාර්ය॒-පච॑නම් । ති॒ර්යඞ්ඞ්॑ව॒ වා අ॒යං-ලෝඁ॒කඃ । අ॒ස්මින්නේ॒ව තේන॑ ලෝ॒කේ ප්රත්ය॑තිෂ්ඨත් । අථා॑හව॒නීය᳚ම් । තේනෛ॒ව සු॑ව॒ර්ගං-ලෝඁ॒ක-ම॒භ්ය॑ජයත් ॥ 32 ॥

යස්යෛ॒වම॒ග්නි-රා॑ධී॒යතේ᳚ । ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජා॑යතේ । ප්රත්ය॒ස්මින් ඁලෝ॒කේ ති॑ෂ්ඨති । අ॒භි සු॑ව॒ර්ගං-ලෝඁ॒ක-ඤ්ජ॑යති ॥ යස්ය॒ වා අය॑ථාදේවතම॒ග්නි-රා॑ධී॒යතේ᳚ । ආ දේ॒වතා᳚භ්යෝ වෘශ්ච්යතේ । පාපී॑යා-න්භවති । යස්ය॑ යථා දේව॒තම් । න දේ॒වතා᳚භ්ය॒ ආවෘ॑ශ්ච්යතේ । වසී॑යා-න්භවති ॥ 33 ॥

භෘගූ॑ණා॒-න්ත්වා-ऽඞ්ගි॑රසාං-ව්රඁතපතේ ව්ර॒තේනා-ද॑ධා॒මීති॑ භෘග්වඞ්ගි॒රසා॒මාද॑ද්ධ්යාත් । ආ॒දි॒ත්යානා᳚-න්ත්වා දේ॒වානාං᳚-ව්රඁතපතේ ව්ර॒තේනාද॑ධා॒මීත්ය॒න්යාසා॒-ම්බ්රාහ්ම॑ණීනා-ම්ප්ර॒ජානා᳚ම් । වරු॑ණස්ය ත්වා॒ රාජ්ඤෝ᳚ ව්රතපතේ ව්ර॒තේනාද॑ධා॒මීති॒ රාජ්ඤඃ॑ । ඉන්ද්ර॑ස්ය ත්වේන්ද්රි॒යේණ॑ ව්රතපතේ ව්ර॒තේනාද॑ධා॒මීති॑ රාජ॒න්ය॑ස්ය । මනෝ᳚ස්ත්වා ග්රාම॒ණ්යෝ᳚ ව්රතපතේ ව්ර॒තේනාද॑ධා॒මීති॒ වෛශ්ය॑ස්ය । ඍ॒භූ॒ණා-න්ත්වා॑ දේ॒වානාං᳚-ව්රඁතපතේ ව්ර॒තේනාද॑ධා॒මීති॑ රථකා॒රස්ය॑ । ය॒ථා॒ දේ॒ව॒තම॒ග්නි-රාධී॑යතේ । න දේ॒වතා᳚භ්ය॒ ආ වෘ॑ශ්ච්යතේ । වසී॑යා-න්භවති ॥ 34 ॥
(ධ්යා॒ය॒ති॒ - වෛ රාත්රි॒ - ශ්චාව॑රුන්ධේ - භවිෂ්ය॒න්තීත්ය॑ - බ්රවී - ජ්ජනි॒ෂ්යසේ॑ - ऽජය॒-ද්- වසී॑යා-න්භවති॒ - නව॑ ච) (අ. 4)

අනුවාකං 5 - තත්ර පවමානහබීංෂි
ප්ර॒ජාප॑ති-ර්වා॒ච-ස්ස॒ත්ය-ම॑පශ්යත් । තේනා॒ග්නිමාධ॑ත්ත । තේන॒ වෛ ස ආ᳚ර්ධ්නෝත් । භූර්භුව॒-ස්සුව॒රිත්යා॑හ । ඒ॒තද්වෛ වා॒ච-ස්ස॒ත්යම් । ය ඒ॒තේනා॒ග්නි-මා॑ධ॒ත්තේ । ඍ॒ද්ධ්නෝත්යේ॒ව । අථෝ॑ ස॒ත්යප්රා॑ශූරේ॒ව භ॑වති । අථෝ॒ ය ඒ॒වං-විඁ॒ද්වාන॑භි॒චර॑ති । ස්තෘ॒ණු॒ත ඒ॒වෛන᳚ම් ॥ 35 ॥

භූරිත්යා॑හ । ප්ර॒ජා ඒ॒ව ත-ද්යජ॑මාන-ස්සෘජතේ । භුව॒ ඉත්යා॑හ । අ॒ස්මින්නේ॒ව ලෝ॒කේ ප්රති॑ තිෂ්ඨති । සුව॒රිත්යා॑හ । සු॒ව॒ර්ග ඒ॒ව ලෝ॒කේ ප්රති॑ තිෂ්ඨති ॥ ත්රි॒භිර॒ක්ෂරෛ॒-ර්ගාර්​හ॑පත්ය॒-මාද॑ධාති । ත්රය॑ ඉ॒මේ ලෝ॒කාඃ । ඒ॒ෂ්වේ॑වෛනං॑-ලෝඁ॒කේෂු॒ ප්රති॑ෂ්ඨිත॒-මාධ॑ත්තේ । සර්වෛඃ᳚ ප॒ඤ්චභි॑-රාහව॒නීය᳚ම් ॥ 36 ॥

සු॒ව॒ර්ගාය॒ වා ඒ॒ෂ ලෝ॒කායාධී॑යතේ । යදා॑හව॒නීයඃ॑ । සු॒ව॒ර්ග ඒ॒වාස්මෛ॑ ලෝ॒කේ වා॒ච-ස්ස॒ත්යග්​ම් සර්ව॑මාප්නෝති ॥ ත්රි॒භි-ර්ගාර්​හ॑පත්ය॒-මාද॑ධාති । ප॒ඤ්චභි॑-රාහව॒නීය᳚ම් । අ॒ෂ්ටෞ සම්ප॑ද්යන්තේ । අ॒ෂ්ටාක්ෂ॑රා ගාය॒ත්රී । ගා॒ය॒ත්රෝ᳚-ऽග්නිඃ । යාවා॑නේ॒වාග්නිඃ । තමාධ॑ත්තේ ॥ 37 ॥

ප්ර॒ජාප॑තිඃ ප්ර॒ජා අ॑සෘජත । තා අ॑ස්මා-ථ්සෘ॒ෂ්ටාඃ පරා॑චීරායන්න් । තාභ්යෝ॒ ජ්යෝති॒-රුද॑ගෘහ්ණාත් । ත-ඤ්ජ්යෝතිඃ॒ පශ්ය॑න්තීඃ ප්ර॒ජා අ॒භිස॒මාව॑ර්තන්ත । උ॒පරී॑වා॒ග්නි-මුද්ගෘ॑හ්ණීයා-දු॒ද්ධරන්න්॑ । ජ්යෝති॑රේ॒ව පශ්ය॑න්තීඃ ප්ර॒ජා යජ॑මාන-ම॒භි-ස॒මාව॑ර්තන්තේ ॥ ප්ර॒ජාප॑තේ॒රක්ෂ්ය॑ශ්වයත් । ත-ත්පරා॑-ऽපතත් । තදශ්වෝ॑-ऽභවත් । තදශ්ව॑ස්යා-ශ්ව॒ත්වම් ॥ 38 ॥

ඒ॒ෂ වෛ ප්ර॒ජාප॑තිඃ । යද॒ග්නිඃ । ප්රා॒ජා॒ප॒ත්යෝ-ऽශ්වඃ॑ । යදශ්ව॑-ම්පු॒රස්තා॒න්නය॑ති । ස්වමේ॒ව චක්ෂුඃ॒ පශ්ය॑-න්ප්ර॒ජාප॑ති॒-රනූදේ॑ති ॥ ව॒ජ්රී වා ඒ॒ෂඃ । යදශ්වඃ॑ । යදශ්ව॑-ම්පු॒රස්තා॒න්නය॑ති । ජා॒තානේ॒ව භ්රාතෘ॑ව්යා॒-න්ප්රණු॑දතේ ॥ පුන॒රාව॑ර්තයති ॥ 39 ॥

ජ॒නි॒ෂ්යමා॑ණානේ॒ව ප්රති॑නුදතේ ॥ න්යා॑හව॒නීයෝ॒ ගාර්​හ॑පත්ය-මකාමයත । නි ගාර්​හ॑පත්ය ආහව॒නීය᳚ම් । තෞ වි॒භාජ॒-න්නාශ॑ක්නෝත් । සෝශ්වඃ॑ පූර්ව॒වාඩ්-භූ॒ත්වා । ප්රාඤ්ච॒-ම්පූර්ව॒මුද॑වහත් । ත-ත්පූ᳚ර්ව॒වාහඃ॑ පූර්වවා॒ට්-ත්වම් । යදශ්ව॑-ම්පු॒රස්තා॒න්නය॑ති । විභ॑ක්තිරේ॒වෛන॑යෝ॒ස්සා । අථෝ॒ නානා॑වීර්යාවේ॒වෛනෞ॑ කුරුතේ ॥ 40 ॥

යදු॒පර්යු॑පරි॒ ශිරෝ॒ හරේ᳚ත් । ප්රා॒ණාන් විච්ඡි॑න්ද්යාත් । අ॒ධෝ॑-ऽධ॒-ශ්ශිරෝ॑ හරති । ප්රා॒ණානා᳚-ඞ්ගෝපී॒ථාය॑ ॥ ඉය॒ත්යග්රේ॑ හරති । අථේය॒ත්යථේය॑ති । ත්රය॑ ඉ॒මේ ලෝ॒කාඃ । ඒ॒ෂ්වේ॑වෛනං॑-ලෝඁ॒කේෂු॒ ප්රති॑ෂ්ඨිත॒මා-ධ॑ත්තේ ॥ ප්ර॒ජාප॑ති-ර॒ග්නි-ම॑සෘජත । සෝ॑-ऽබිභේ॒ත්ප්ර මා॑ ධක්ෂ්ය॒තීති॑ ॥ 41 ॥

තස්ය॑ ත්රේ॒ධා ම॑හි॒මානං॒-ව්යෞඁ ॑හත් । ශාන්ත්යා॒ අප්ර॑දාහාය । යත්-ත්රේ॒ධා-ऽග්නි-රා॑ධී॒යතේ᳚ । ම॒හි॒මාන॑මේ॒වාස්ය॒ ත-ද්ව්යූ॑හති । ශාන්ත්යා॒ අප්ර॑දාහාය ॥ පුන॒රාව॑ර්තයති । ම॒හි॒මාන॑මේ॒වාස්ය॒ සන්ද॑ධාති ॥ ප॒ශුර්වා ඒ॒ෂඃ । යදශ්වඃ॑ । ඒ॒ෂ රු॒ද්රඃ ॥ 42 ॥

යද॒ග්නිඃ । යදශ්ව॑ස්ය ප॒දේ᳚-ऽග්නි-මා॑ද॒ද්ධ්යාත් । රු॒ද්රාය॑ ප॒ශූ-නපි॑දද්ධ්යාත් । අ॒ප॒ශු-ර්යජ॑මාන-ස්ස්යාත් । ය-න්නාක්ර॒මයේ᳚ත් । අන॑වරුද්ධා අස්ය ප॒ශව॑-ස්ස්යුඃ । පා॒ර්​ශ්ව॒ත ආක්ර॑මයේත් । යථා ऽऽහි॑තස්යා॒ග්නේ-රඞ්ගා॑රා අභ්යව॒වර්තේ॑රන්න් । අව॑රුද්ධා අස්ය ප॒ශවෝ॒ භව॑න්ති । න රු॒ද්රායාපි॑දධාති ॥ 43 ॥

ත්රීණි॑ හ॒වීග්​ම්ෂි॒ නිර්ව॑පති । වි॒රාජ॑ ඒ॒ව වික්රා᳚න්තං॒-යඁජ॑මා॒නෝ-ऽනු॒ වික්ර॑මතේ ॥ අ॒ග්නයේ॒ පව॑මානාය । අ॒ග්නයේ॑ පාව॒කාය॑ । අ॒ග්නයේ॒ ශුච॑යේ । යද॒ග්නයේ॒ පව॑මානාය නි॒ර්වප॑ති । පු॒නාත්යේ॒වෛන᳚ම් । යද॒ග්නයේ॑ පාව॒කාය॑ । පූ॒ත ඒ॒වාස්මි॑-න්න॒න්නාද්ය॑-න්දධාති । යද॒ග්නයේ॒ ශුච॑යේ । බ්ර॒හ්ම॒ව॒ර්ච॒ස-මේ॒වාස්මි॑-න්නු॒පරි॑ෂ්ටා-ද්දධාති ॥ 44 ॥
(ඒ॒න॒ - මා॒හ॒ව॒නීයං॑ - ධත්තේ - ऽශ්ව॒ත්වං - ඁව॑ර්තයති - කුරුත॒ - ඉති॑ -රු॒ද්රෝ - ද॑ධාති॒ - යද॒ග්නයේ॒ ශුච॑ය॒ ඒක॑-ඤ්ච) (අ. 5)

අනුවාකං 6 - පවමානහවිර්විස්තාරඃ, හවිරන්තරාණි, දක්ෂිණාශ්ච
දේ॒වා॒සු॒රා-ස්සං​යඁ ॑ත්තා ආසන්න් । තේ දේ॒වා වි॑ජ॒ය-මු॑ප॒යන්තඃ॑ । අ॒ග්නෞ වා॒මං-වඁසු॒ ස-න්න්ය॑දධත । ඉ॒දමු॑ නෝ භවිෂ්යති । යදි॑ නෝ ජේ॒ෂ්යන්තීති॑ । තද॒ග්නිර්නෝ-ථ්සහ॑මශක්නෝත් । තත්-ත්රේ॒ධා වින්ය॑දධාත් । ප॒ශුෂු॒ තෘතී॑යම් । අ॒ඵ්සු තෘතී॑යම් । ආ॒දි॒ත්යේ තෘතී॑යම් ॥ 45 ॥

ත-ද්දේ॒වා වි॒ජිත්ය॑ । පුන॒රවා॑රුරුථ්සන්ත । තේ᳚-ऽග්නයේ॒ පව॑මානාය පුරෝ॒ඩාශ॑-ම॒ෂ්ටාක॑පාල॒-න්නිර॑වපන්න් । ප॒ශවෝ॒ වා අ॒ග්නිඃ පව॑මානඃ । යදේ॒ව ප॒ශුෂ්වාසී᳚ත් । තත්-තේනාවා॑රුන්ධත । තේ᳚-ऽග්නයේ॑ පාව॒කාය॑ । ආපෝ॒ වා අ॒ග්නිඃ පා॑ව॒කඃ । යදේ॒වාඵ්ස්වාසී᳚ත් । තත්-තේනාවා॑රුන්ධත ॥ 46 ॥

තේ᳚-ऽග්නයේ॒ ශුච॑යේ । අ॒සෞ වා ආ॑දි॒ත්යෝ᳚-ऽග්නි-ශ්ශුචිඃ॑ । යදේ॒වාදි॒ත්ය ආසී᳚ත් । තත්-තේනාවා॑රුන්ධත ॥ බ්ර॒හ්ම॒වා॒දිනෝ॑ වදන්ති । ත॒නුවෝ॒ වාවෛතා අ॑ග්න්යා॒ධේය॑ස්ය । ආ॒ග්නේ॒යෝ වා අ॒ෂ්ටාක॑පාලෝ ऽග්න්යා॒ධේය॒මිති॑ । යත්ත-න්නි॒ර්වපේ᳚ත් । නෛතානි॑ । යථා॒-ऽऽත්මා ස්යාත් ॥ 47 ॥

නාඞ්ගා॑නි । තා॒දෘගේ॒ව තත් । යදේ॒තානි॑ නි॒ර්වපේ᳚ත් । න තම් । යථා-ऽඞ්ගා॑නි॒ ස්යුඃ । නාත්මා । තා॒දෘගේ॒ව තත් । උ॒භයා॑නි ස॒හනි॒රුප්යා॑ණි । ය॒ජ්ඤස්ය॑ සාත්ම॒ත්වාය॑ ॥ උ॒භයං॒-වාඁ ඒ॒තස්යේ᳚න්ද්රි॒යං-වීඁ॒ර්ය॑මාප්යතේ ॥ 48 ॥

යෝ᳚-ऽග්නිමා॑ධ॒ත්තේ । ඓ॒න්ද්රා॒ග්න-මේකා॑දශකපාල॒- මනු॒ නිර්ව॑පේත් । ආ॒දි॒ත්ය-ඤ්ච॒රුම් । ඉ॒න්ද්රා॒ග්නී වෛ දේ॒වානා॒-මයා॑තයාමානෞ । යේ ඒ॒ව දේ॒වතේ॒ අයා॑තයාම්නී । තාභ්යා॑මේ॒වාස්මා॑ ඉන්ද්රි॒යං-වීඁ॒ර්ය॑මව॑- රුන්ධේ । ආ॒දි॒ත්යෝ භ॑වති । ඉ॒යං-වාඁ අදි॑තිඃ । අ॒ස්යාමේ॒ව ප්රති॑තිෂ්ඨති ॥ ධේ॒න්වෛ වා ඒ॒ත-ද්රේතඃ॑ ॥ 49 ॥

යදාජ්ය᳚ම් । අ॒න॒ඩුහ॑ස්තණ්ඩු॒ලාඃ । මි॒ථු॒නමේ॒වාව॑-රුන්ධේ । ඝෘ॒තේ භ॑වති । ය॒ජ්ඤස්යාලූ᳚ක්ෂාන්තත්වාය ॥ ච॒ත්වාර॑ ආර්​ෂේ॒යාඃ ප්රාශ්ඤ॑න්ති । දි॒ශාමේ॒ව ජ්යෝති॑ෂි ජුහෝති ॥ ප॒ශවෝ॒ වා ඒ॒තානි॑ හ॒වීග්​ම්ෂි॑ । ඒ॒ෂ රු॒ද්රඃ । යද॒ග්නිඃ ॥ 50 ॥

යථ්ස॒ද්ය ඒ॒තානි॑ හ॒වීග්​ම්ෂි॑ නි॒ර්වපේ᳚ත් । රු॒ද්රාය॑ ප॒ශූනපි॑ දද්ධ්යාත් । අ॒ප॒ශු-ර්යජ॑මාන-ස්ස්යාත් । යන්නානු॑නි॒ර්වපේ᳚ත් । අන॑වරුද්ධා අස්ය ප॒ශව॑-ස්ස්යුඃ । ද්වා॒ද॒ශසු॒ රාත්රී॒ෂ්වනු॒ නිර්ව॑පේත් । සං॒​වඁ॒ථ්ස॒ර ප්ර॑තිමා॒ වෛ ද්වාද॑ශ॒ රාත්ර॑යඃ । සං॒​වඁ॒ථ්ස॒රේණෛ॒වාස්මෛ॑ රු॒ද්රග්​ම් ශ॑මයි॒ත්වා । ප॒ශූනව॑ රුන්ධේ ॥ යදේක॑-මේකමේ॒තානි॑ හ॒වීග්​ම්ෂි॑ නි॒ර්වපේ᳚ත් ॥ 51 ॥

යථා॒ ත්රීණ්යා॒වප॑නානි පූ॒රයේ᳚ත් । තා॒දෘක්තත් । න ප්ර॒ජන॑න॒මුච්ඡිග්​ම්॑ෂේත් । ඒක॑-න්නි॒රුප්ය॑ । උත්ත॑රේ॒ සම॑ස්යේත් । තෘ॒තීය॑මේ॒වාස්මෛ॑ ලෝ॒කමුච්ඡිග්​ම්॑ෂති ප්ර॒ජන॑නාය । ත-ම්ප්ර॒ජයා॑ ප॒ශුභි॒රනු॒ ප්රජා॑යතේ । අථෝ॑ ය॒ජ්ඤස්යෛ॒වෛෂා-ऽභික්රා᳚න්තිඃ ॥ ර॒ථ॒ච॒ක්ර-ම්ප්රව॑ර්තයති । ම॒නු॒ෂ්ය॒ර॒ථේනෛ॒ව දේ॑වර॒ථ-ම්ප්ර॒ත්යව॑රෝහති ॥ 52 ॥

බ්ර॒හ්ම॒වා॒දිනෝ॑ වදන්ති । හෝ॒ත॒ව්ය॑-මග්නිහෝ॒ත්රාං(3) නහෝ॑ත॒ව්යා(3)මිති॑ । ය-ද්යජු॑ෂා ජුහු॒යාත් । අය॑ථාපූර්ව॒මාහු॑තී ජුහුයාත් । යන්න ජු॑හු॒යාත් । අ॒ග්නිඃ පරා॑භවේත් । තූ॒ෂ්ණීමේ॒ව හෝ॑ත॒ව්ය᳚ම් । ය॒ථා॒පූ॒ර්ව-මාහු॑තී ජු॒හෝති॑ । නාග්නිඃ පරා॑භවති ॥ අ॒ග්නීධේ॑ දදාති ॥ 53 ॥

අ॒ග්නිමු॑ඛා-නේ॒වර්තූ-න්ප්රී॑ණාති । උ॒ප॒බර්​හ॑ණ-න්දදාති । රූ॒පාණා॒මව॑-රුද්ධ්යෛ । අශ්ව॑-ම්බ්ර॒හ්මණේ᳚ । ඉ॒න්ද්රි॒යමේ॒වාව॑-රුන්ධේ । ධේ॒නුග්​ම් හෝත්රේ᳚ । ආ॒ශිෂ॑ ඒ॒වාව॑රුන්ධේ । අ॒න॒ඩ්වාහ॑-මද්ධ්ව॒ර්යවේ᳚ । වහ්නි॒ර්වා අ॑න॒ඩ්වාන් । වහ්නි॑රද්ධ්ව॒ර්යුඃ ॥ 54 ॥

වහ්නි॑නෛ॒ව වහ්නි॑ ය॒ජ්ඤස්යාව॑-රුන්ධේ । මි॒ථු॒නෞ ගාවෞ॑ දදාති । මි॒ථු॒නස්යාව॑-රුද්ධ්යෛ । වාසෝ॑ දදාති । ස॒ර්ව॒ දේ॒ව॒ත්යං॑-වෛඁ වාසඃ॑ । සර්වා॑ ඒ॒ව දේ॒වතාඃ᳚ ප්රීණාති । ආ ද්වා॑ද॒ශභ්යෝ॑ දදාති । ද්වාද॑ශ॒ මාසා᳚-ස්සං​වඁථ්ස॒රඃ । සං॒​වඁ॒ථ්ස॒ර ඒ॒ව ප්රති॑ තිෂ්ඨති । කාම॑මූ॒ර්ධ්ව-න්දේය᳚ම් । අප॑රිමිත॒ස්යාව॑-රුද්ධ්යෛ ॥ 55 ॥
(ආ॒දි॒ත්යේ තෘතී॑ය - ම॒ඵ්ස්වාසී॒-ත්ත-ත්තේනාවා॑රුන්ධත॒ - ස්යා - දා᳚ප්යතේ॒ - රේතෝ॒ - ऽග්නි - රේක॑මේක මේ॒තානි॑ හ॒විග්​ම්ෂි॑ නි॒ර්වපේ᳚ත් - ප්ර॒ත්යව॑රෝහති - දදාත්ය - ද්ධ්ව॒ර්යු--ර් දේය॒ මේක॑-ඤ්ච) (අ. 6)

අනුවාකං 7 - ආධානමන්ත්රාඃ
ඝ॒ර්ම-ශ්ශිර॒ස්තද॒යම॒ග්නිඃ । ස-ම්ප්රි॑යඃ ප॒ශුභි॑-ර්භුවත් । ඡ॒ර්දිස්තෝ॒කාය॒ තන॑යාය යච්ඡ ॥ වාතඃ॑ ප්රා॒ණස්තද॒යම॒ග්නිඃ । ස-ම්ප්රි॑යඃ ප॒ශුභි॑-ර්භුවත් । ස්ව॒දි॒ත-න්තෝ॒කාය॒ තන॑යාය පි॒තු-ම්ප॑ච ॥ ප්රාචී॒මනු॑ ප්ර॒දිශ॒-ම්ප්රේහි॑ වි॒ද්වාන් । අ॒ග්නේර॑ග්නේ පු॒රෝ අ॑ග්නි-ර්භවේ॒හ । විශ්වා॒ ආශා॒ දීද්යා॑නෝ॒ විභා॑හි । ඌර්ජ॑-න්නෝ ධේහි ද්වි॒පදේ॒ චතු॑ෂ්පදේ ॥ 56 ॥

අ॒ර්කශ්චක්ෂු॒-ස්තද॒සෞ සූර්ය॒ස්තද॒යම॒ග්නිඃ । සම්ප්රි॑යඃ ප॒ශුභි॑-ර්භුවත් । ය-ත්තේ॑ ශුක්ර ශු॒ක්රං-වඁර්ච॑-ශ්ශු॒ක්රා ත॒නූඃ । ශු॒ක්ර-ඤ්ජ්යෝති॒රජ॑ස්රම් । තේන॑ මේ දීදිහි॒ තේන॒ ත්වා-ऽऽද॑ධේ । අ॒ග්නිනා᳚-ऽග්නේ॒ බ්රහ්ම॑ණා ॥ ආ॒න॒ශේ ව්යා॑නශේ॒ සර්ව॒මායු॒-ර්ව්යා॑නශේ ॥ යේ තේ॑ අග්නේ ශි॒වේ ත॒නුවෞ᳚ । වි॒රාට් ච॑ ස්ව॒රාට් ච॑ । තේ මා වි॑ශතා॒-න්තේ මා॑ ජින්වතාම් ॥ 57 ॥

යේ තේ॑ අග්නේ ශි॒වේ ත॒නුවෞ᳚ । ස॒ම්රාට් චා॑භි॒භූශ්ච॑ । තේ මා වි॑ශතා॒-න්තේ මා॑ ජින්වතාම් । යේ තේ॑ අග්නේ ශි॒වේ ත॒නුවෞ᳚ । වි॒භූශ්ච॑ පරි॒භූශ්ච॑ । තේ මා වි॑ශතා॒-න්තේ මා॑ ජින්වතාම් । යේ තේ॑ අග්නේ ශි॒වේ ත॒නුවෞ᳚ । ප්ර॒භ්වී ච॒ ප්රභූ॑තිශ්ච । තේ මා වි॑ශතා॒-න්තේ මා॑ ජින්වතාම් । යාස්තේ॑ අග්නේ ශි॒වාස්ත॒නුවඃ॑ । තාභි॒ස්ත්වා ऽऽද॑ධේ ॥ යාස්තේ॑ අග්නේ ඝෝ॒රාස්ත॒නුවඃ॑ । තාභි॑ර॒මු-ඞ්ග॑ච්ඡ ॥ 58 ॥
(චතු॑ෂ්පදේ - ජින්වතාං - ත॒නුව॒ ස්ත්රීණි॑ ච ) (අ. 7)

අනුවාකං 8 - ඒතද්බ්රාහ්මණං
ඉ॒මේ වා ඒ॒තේ ලෝ॒කා අ॒ග්නයඃ॑ । තේ යදව්යා॑වෘත්තා ආධී॒යේරන්න්॑ । ශෝ॒චයේ॑යු॒-ර්යජ॑මානම් । ඝ॒ර්ම-ශ්ශිර॒ ඉති॒ ගාර්​හ॑පත්ය॒-මාද॑ධාති । වාතඃ॑ ප්රා॒ණ ඉත්ය॑න්වාහාර්ය॒-පච॑නම් । අ॒ර්ක-ශ්චක්ෂු॒රිත්යා॑-හව॒නීය᳚ම් । තේනෛ॒වෛනා॒න් ව්යාව॑ර්තයති । තථා॒ න ශෝ॑චයන්ති॒ යජ॑මානම් ॥ ර॒ථ॒න්ත॒ර-ම॒භිගා॑යතේ॒ ගාර්​හ॑පත්ය ආධී॒යමා॑නේ । රාථ॑න්තරෝ॒ වා අ॒යං-ලෝඁ॒කඃ ॥ 59 ॥

අ॒ස්මින්නේ॒වෛනං॑-ලෝඁ॒කේ ප්රති॑ෂ්ඨිත॒-මාධ॑ත්තේ । වා॒ම॒දේ॒ව්ය-ම॒භිගා॑යත උද්ධ්රි॒යමා॑ණේ । අ॒න්තරි॑ක්ෂං॒-වෛඁ වා॑මදේ॒ව්යම් । අ॒න්තරි॑ක්ෂ ඒ॒වෛන॒-ම්ප්රති॑ෂ්ඨිත॒-මාධ॑ත්තේ । අථෝ॒ ශාන්ති॒-ර්වෛ වා॑මදේ॒ව්යම් । ශා॒න්තමේ॒වෛන॑-ම්පශ॒ව්ය॑මුද්ධ॑රතේ । බෘ॒හද॒භිගා॑යත ආහව॒නීය॑ ආධී॒යමා॑නේ । බාර්​හ॑තෝ॒ වා අ॒සෞ ලෝ॒කඃ । අ॒මුෂ්මි॑න්නේ॒වෛනං॑-ලෝඁ॒කේ ප්රති॑ෂ්ඨිත॒-මාධ॑ත්තේ ॥ ප්ර॒ජාප॑ති-ර॒ග්නි-ම॑සෘජත ॥ 60 ॥

සෝ-ऽශ්වෝ॒ වාරෝ॑ භූ॒ත්වා පරාං॑ඓත් । තං-වාඁ ॑රව॒න්තීයේ॑නාවාරයත ।ත-ද්වා॑රව॒න්තීය॑ස්ය වාරවන්තීය॒ත්වම් । ශ්යෛ॒තේන॑ ශ්යේ॒තී අ॑කුරුත ।තච්ඡ්යෛ॒තස්ය॑ ශ්යෛත॒ත්වම් । ය-ද්වා॑රව॒න්තීය॑-මභි॒ගාය॑තේ । වා॒ර॒යි॒ත්වෛවෛන॒-ම්ප්රති॑ෂ්ඨිත॒-මාධ॑ත්තේ । ශ්යෛ॒තේන॑ ශ්යේ॒තී කු॑රුතේ ॥ ඝ॒ර්ම-ශ්ශිර॒ ඉති॒ ගාර්​හ॑පත්ය॒-මාද॑ධාති । සශී॑ර්​ෂාණ-මේ॒වෛන॒-මාධ॑ත්තේ ॥ 61 ॥

උපෛ॑න॒මුත්ත॑රෝ ය॒ජ්ඤෝ න॑මති ॥ රු॒ද්රෝ වා ඒ॒ෂඃ । යද॒ග්නිඃ । ස ආ॑ධී॒යමා॑න ඊශ්ව॒රෝ යජ॑මානස්ය ප॒ශූන් හිග්​ම්සි॑තෝඃ । ස-ම්ප්රි॑යඃ ප॒ශුභි॑-ර්භුව॒දිත්යා॑හ । ප॒ශුභි॑රේ॒වෛන॒ග්​ම්॒ සම්ප්රි॑ය-ඞ්කරෝති । ප॒ශූ॒නා-මහිග්​ම්॑සායෛ ॥ ඡ॒ර්දිස්තෝ॒කාය॒ තන॑යාය ය॒ච්ඡේත්යා॑හ ।ආ॒ශිෂ॑මේ॒වෛතා-මාශා᳚ස්තේ ॥ වාතඃ॑ ප්රා॒ණ ඉත්ය॑න්වාහාර්ය॒-පච॑නම් ॥ 62 ॥

සප්රා॑ණ-මේ॒වෛන॒-මාධ॑ත්තේ ॥ ස්ව॒දි॒ත-න්තෝ॒කාය॒ තන॑යාය පි॒තු-ම්ප॒චේත්යා॑හ । අන්න॑මේ॒වාස්මෛ᳚ ස්වදයති ॥ ප්රාචී॒මනු॑ ප්ර॒දිශ॒-ම්ප්රේහි॑ වි॒ද්වානිත්යා॑හ । විභ॑ක්තිරේ॒වෛන॑යෝ॒ස්සා । අථෝ॒ නානා॑ වීර්යාවේ॒වෛනෞ॑ කුරුතේ ॥ ඌර්ජ॑-න්නෝ ධේහි ද්වි॒පදේ॒ චතු॑ෂ්පද॒ ඉත්යා॑හ । ආ॒ශිෂ॑මේ॒වෛතාමාශා᳚ස්තේ ॥ අ॒ර්ක-ශ්චක්ෂු॒රිත්යා॑-හව॒නීය᳚ම් । අ॒ර්කෝ වෛ දේ॒වානා॒මන්න᳚ම් ॥ 63 ॥

අන්න॑මේ॒වාව॑ රුන්ධේ ॥ තේන॑ මේ දීදි॒හීත්යා॑හ । සමි॑න්ධ ඒ॒වෛන᳚ම් ॥ ආ॒න॒ශේ ව්යා॑නශ॒ ඉති॒ ත්රිරුදි॑ඞ්ගයති । ත්රය॑ ඉ॒මේ ලෝ॒කාඃ । ඒ॒ෂ්වේ॑වෛනං॑-ලෝඁ॒කේෂු॒ ප්රති॑ෂ්ඨිත॒-මාධ॑ත්තේ ॥ තත්-තථා॒ න කා॒ර්ය᳚ම් । වීඞ්ගි॑ත॒ම ප්ර॑තිෂ්ඨිත॒-මාද॑ධීත । උ॒ද්ධෘත්යෛ॒-වාධායා॑-භි॒මන්ත්රියඃ॑ । අවී᳚ඞ්ගිත-මේ॒වෛන॒-ම්ප්රති॑ෂ්ඨිත॒-මාධ॑ත්තේ ॥ වි॒රාට් ච॑ ස්ව॒රාට් ච॒ යාස්තේ॑ අග්නේ ශි॒වාස්ත॒නුව॒-ස්තාභි॒ස්ත්වා ऽऽද॑ධ॒ ඉත්යා॑හ । ඒ॒තා වා අ॒ග්නේ-ශ්ශි॒වාස්ත॒නුවඃ॑ । තාභි॑රේ॒වෛන॒ග්​ම්॒ සම॑ර්ධයති ॥ යාස්තේ॑ අග්නේ ඝෝ॒රාස්ත॒නුව॒ ස්තාභි॑ර॒මු-ඞ්ග॒ච්ඡේති॑ බ්රූයා॒ද්ය-න්ද්වි॒ෂ්යාත් । තාභි॑රේ॒වෛන॒-ම්පරා॑භාවයති ॥ 64 ॥
(ලෝ॒කෝ॑ - ऽසෘජතෛන॒ - මාධ॑ත්තේ - ऽන්වාහාර්ය॒පච॑නං - දේ॒වානා॒මන්න॑ - මේන॒-ම්ප්රති॑ෂ්ඨිත॒මාධ॑ත්තේ॒ පඤ්ච॑ ච) (අ. 8)

අනුවාකං 9 - බ්රහ්මෞදනම්
ශ॒මී॒ග॒ර්භාද॒ග්නි-ම්ම॑න්ථති । ඒ॒ෂා වා අ॒ග්නේ-ර්ය॒ජ්ඤියා॑ ත॒නූඃ । තාමේ॒වාස්මෛ॑ ජනයති ॥ අදි॑තිඃ පු॒ත්රකා॑මා । සා॒ද්ධ්යේභ්යෝ॑ දේ॒වේභ්යෝ᳚ බ්රහ්මෞද॒න-ම॑පචත් । තස්යා॑ උ॒ච්ඡේෂ॑ණ-මදදුඃ । ත-ත්ප්රාශ්ඤා᳚ත් । සා රේතෝ॑-ऽධත්ත । තස්යෛ॑ ධා॒තා චා᳚ර්ය॒මා චා॑ජායේතාම් । සා ද්වි॒තීය॑-මපචත් ॥ 65 ॥

තස්යා॑ උ॒ච්ඡේෂ॑ණ-මදදුඃ । ත-ත්ප්රාශ්ඤා᳚ත් । සා රේතෝ॑-ऽධත්ත । තස්යෛ॑ මි॒ත්රශ්ච॒ වරු॑ණශ්චාජායේතාම් । සා තෘ॒තීය॑-මපචත් । තස්යා॑ උ॒ච්ඡේෂ॑ණ-මදදුඃ । ත-ත්ප්රාශ්ඤා᳚ත් । සා රේතෝ॑-ऽධත්ත । තස්යා॒ අග්​ම්ශ॑ශ්ච॒ භග॑ශ්චාජායේතාම් । සා ච॑තු॒ර්ථ-ම॑පචත් ॥ 66 ॥

තස්යා॑ උ॒ච්ඡේෂ॑ණ-මදදුඃ । ත-ත්ප්රාශ්ඤා᳚ත් । සා රේතෝ॑-ऽධත්ත । තස්යා॒ ඉන්ද්ර॑ශ්ච॒ විව॑ස්වාග්​ශ්චා-ජායේතාම් । බ්ර॒හ්මෞ॒ද॒න-ම්ප॑චති । රේත॑ ඒ॒ව ත-ද්ද॑ධාති ॥ ප්රාශ්ඤ॑න්ති බ්රාහ්ම॒ණා ඕ॑ද॒නම් ॥ යදාජ්ය॑-මු॒ච්ඡිෂ්ය॑තේ । තේන॑ ස॒මිධෝ॒-ऽභ්යජ්යාද॑ධාති । උ॒ච්ඡේෂ॑ණා॒ද්වා අදි॑තී॒ රේතෝ॑-ऽධත්ත ॥ 67 ॥

උ॒ච්ඡේෂ॑ණාදේ॒ව ත-ද්රේතෝ॑ ධත්තේ ॥ අස්ථි॒ වා ඒ॒තත් । ය-ථ්ස॒මිධඃ॑ । ඒ॒ත-ද්රේතඃ॑ । යදාජ්ය᳚ම් । යදාජ්යේ॑න ස॒මිධෝ॒-ऽභ්යජ්යා॒දධා॑ති । අස්ථ්යේ॒ව ත-ද්රේත॑සි දධාති ॥ ති॒ස්ර ආද॑ධාති මිථුන॒ත්වාය॑ ॥ ඉය॑තී-ර්භවන්ති । ප්ර॒ජාප॑තිනා යජ්ඤමු॒ඛේන॒ සම්මි॑තාඃ ॥ 68 ॥

ඉය॑තී-ර්භවන්ති । ය॒ජ්ඤ॒ප॒රුෂා॒ සම්මි॑තාඃ । ඉය॑තී-ර්භවන්ති । ඒ॒තාව॒ද්වෛ පුරු॑ෂේ වී॒ර්ය᳚ම් । වී॒ර්ය॑ සම්මිතාඃ ॥ ආ॒ර්ද්රා භ॑වන්ති । ආ॒ර්ද්රමි॑ව॒ හි රේත॑-ස්සි॒ච්යතේ᳚ ॥ චිත්රි॑යස්යාශ්ව॒ත්ථස්යාද॑ධාති । චි॒ත්රමේ॒ව භ॑වති ॥ ඝෘ॒තව॑තීභි॒-රාද॑ධාති ॥ 69 ॥

ඒ॒තද්වා අ॒ග්නේඃ ප්රි॒ය-න්ධාම॑ । ය-ද්ඝෘ॒තම් । ප්රි॒යේණෛ॒වෛන॒-න්ධාම්නා॒ සම॑ර්ධයති । අථෝ॒ තේජ॑සා ॥ ගා॒ය॒ත්රීභි॑-ර්බ්රාහ්ම॒ණස්යාද॑ද්ධ්යාත් । ගා॒ය॒ත්රඡ॑න්දා॒ වෛ බ්රා᳚හ්ම॒ණඃ । ස්වස්ය॒ ඡන්ද॑සඃ ප්රත්යයන॒ස්ත්වාය॑ । ත්රි॒ෂ්ටුග්භී॑-රාජ॒න්ය॑ස්ය । ත්රි॒ෂ්ටු-ප්ඡ॑න්දා॒ වෛ රා॑ජ॒න්යඃ॑ । ස්වස්ය॒ ඡන්ද॑සඃ ප්රත්යයන॒ස්ත්වාය॑ ॥ 70 ॥

ජග॑තීභි॒-ර්වෛශ්ය॑ස්ය । ජග॑තී ඡන්දා॒ වෛ වෛශ්යඃ॑ । ස්වස්ය॒ ඡන්ද॑සඃ ප්රත්යයන॒ස්ත්වාය॑ ॥ තග්​ම් සං॑​වඁථ්ස॒ර-ඞ්ගෝ॑පායේත් । සං॒​වඁ॒ථ්ස॒රග්​ම් හි රේතෝ॑ හි॒තං-වඁර්ධ॑තේ ॥ ය-ද්යේ॑නග්​ම් සං​වඁථ්ස॒රේ නෝප॒නමේ᳚ත් । ස॒මිධඃ॒ පුන॒රාද॑ද්ධ්යාත් । රේත॑ ඒ॒ව තද්ධි॒තං-වඁර්ධ॑මානමේති ॥ න මා॒ග්​ම්॒ස-ම॑ශ්ඤීයාත් । න ස්ත්රිය॒මුපේ॑යාත් ॥ 71 ॥

ය-න්මා॒ග්​ම්॒ස-ම॑ශ්ඤී॒යාත් । යථ්ස්ත්රිය॑-මුපේ॒යාත් । නිර්වී᳚ර්ය-ස්ස්යාත් । නෛන॑ම॒ග්නි-රුප॑නමේත් ॥ ශ්ව ආ॑ධා॒ස්යමා॑නෝ බ්රහ්මෞද॒න-ම්ප॑චති । ආ॒දි॒ත්යා වා ඉ॒ත උ॑ත්ත॒මා-ස්සු॑ව॒ර්ගං-ලෝඁ॒කමා॑යන්න් । තේ වා ඉ॒තෝ යන්ත॒-ම්ප්රති॑නුදන්තේ । ඒ॒තේ ඛලු॒ වාවාදි॒ත්යාඃ । ය-ද්බ්රා᳚හ්ම॒ණාඃ । තෛරේ॒ව ස॒ත්ව-ඞ්ග॑ච්ඡති ॥ 72 ॥

නෛන॒-ම්ප්රති॑නුදන්තේ ॥ බ්ර॒හ්ම॒වා॒දිනෝ॑ වදන්ති । ක්වා॑ සඃ । අ॒ග්නිඃ කා॒ර්යඃ॑ । යෝ᳚-ऽස්මෛ ප්ර॒ජා-ම්ප॒ශූ-න්ප්ර॑ජ॒නය॒තීති॑ । ශල්කෛ॒ස්තාග්​ම් රාත්රි॑ම॒ග්නි-මි॑න්ධීත । තස්මි॑-න්නුපව්යු॒ෂම॒රණී॒ නිෂ්ට॑පේත් । යථ॑ර්​ෂ॒භාය॑ වාශි॒තා න්යා॑විච්ඡා॒යති॑ । තා॒දෘගේ॒ව තත් ॥ අ॒පෝ॒දූහ්ය॒ භස්මා॒ග්නි-ම්ම॑න්ථති ॥ 73 ॥

සෛව සා-ऽග්නේ-ස්සන්ත॑තිඃ ॥ ත-ම්ම॑ථි॒ත්වා ප්රාඤ්ච॒මුද්ධ॑රති । සං॒​වඁ॒ථ්ස॒රමේ॒ව ත-ද්රේතෝ॑ හි॒ත-ම්ප්රජ॑නයති ॥ අනා॑හිත॒-ස්තස්යා॒ග්නි-රිත්යා॑හුඃ । ය-ස්ස॒මිධෝ-ऽනා॑ධායා॒ග්නි-මා॑ධ॒ත්ත ඉති॑ । තා-ස්සං॑​වඁථ්ස॒රේ පු॒රස්තා॒-දාද॑ද්ධ්යාත් । සං॒​වඁ॒ථ්ස॒රාදේ॒වෛන॑-මව॒රුද්ධ්යා-ධ॑ත්තේ ॥ යදි॑ සං​වඁථ්ස॒රේ ऽනාද॒ද්ධ්යාත් । ද්වා॒ද॒ශ්යා᳚-ම්පු॒රස්තා॒-දාද॑ද්ධ්යාත් । සං॒​වඁ॒ථ්ස॒ර ප්ර॑තිමා॒ වෛ ද්වාද॑ශ॒ රාත්ර॑යඃ । සං॒​වඁ॒ථ්ස॒රමේ॒වාස්යාහි॑තා භවන්ති ॥ යදි॑ ද්වාද॒ශ්යා᳚-න්නාද॒ද්ධ්යාත් । ත්ර්ය॒හේ පු॒රස්තා॒දාද॑ද්ධ්යාත් । ආහි॑තා ඒ॒වාස්ය॑ භවන්ති ॥ 74 ॥
(ද්වි॒තීය॑මපචච් - චතු॒ර්ථම॑පච॒ - දදි॑තී॒ රේතෝ॑-ऽධත්ත॒ - සම්මි॑තා -
ඝෘ॒තව॑තීභි॒රාද॑ධාති - රාජ॒න්ය॑-ස්ස්වස්ය॒ ඡන්ද॑සඃ ප්රත්යයන॒ස්ත්වා - යේ॑යා-ද්- ගච්ඡති - මන්ථති॒ - රාත්ර॑ය ශ්ච॒ත්වාරි॑ ච) (අ. 9)

අනුවාකං 10 - පඤ්චාග්න්යාධානම්
ප්ර॒ජාප॑තිඃ ප්ර॒ජා අ॑සෘජත । ස රි॑රිචා॒නෝ॑-ऽමන්යත । ස තපෝ॑-ऽතප්යත । ස ආ॒ත්මන් වී॒ර්ය॑-මපශ්යත් । තද॑වර්ධත । තද॑ස්මා॒-ථ්සහ॑සෝ॒ර්ධ්ව-ම॑සෘජ්යත । සා වි॒රාඩ॑භවත් । තා-න්දේ॑වාසු॒රා ව්ය॑ගෘහ්ණත । සෝ᳚-ऽබ්රවී-ත්ප්ර॒ජාප॑තිඃ । මම॒ වා ඒ॒ෂා ॥ 75 ॥

දෝහා॑ ඒ॒ව යු॒ෂ්මාක॒මිති॑ ॥ සා තතඃ॒ ප්රාච්යුද॑ක්රාමත් । ත-ත්ප්ර॒ජාප॑තිඃ॒ පර්ය॑ගෘහ්ණාත් । අථ॑ර්ව පි॒තු-ම්මේ॑ ගෝපා॒යේති॑ । සා ද්වි॒තීය॒-මුද॑ක්රාමත් । ත-ත්ප්ර॒ජාප॑තිඃ॒ පර්ය॑ගෘහ්ණාත් । නර්ය॑ ප්ර॒ජා-ම්මේ॑ ගෝපා॒යේති॑ । සා තෘ॒තීය॒-මුද॑ක්රාමත් । ත-ත්ප්ර॒ජාප॑තිඃ॒ පර්ය॑ගෘහ්ණාත් । ශග්ග්​ස්ය॑ ප॒ශූ-න්මේ॑ ගෝපා॒යේති॑ ॥ 76 ॥

සා ච॑තු॒ර්ථ-මුද॑ක්රාමත් । ත-ත්ප්ර॒ජාප॑තිඃ॒ පර්ය॑ගෘහ්ණාත් । සප්ර॑ථ ස॒භා-ම්මේ॑ ගෝපා॒යේති॑ । සා ප॑ඤ්ච॒ම-මුද॑ක්රාමත් । ත-ත්ප්ර॒ජාප॑තිඃ॒ පර්ය॑ගෘහ්ණාත් । අහේ॑ බුද්ධ්නිය॒ මන්ත්ර॑-ම්මේ ගෝපා॒යේති॑ । අ॒ග්නීන් වාව සා තාන් ව්ය॑ක්රමත । තා-න්ප්ර॒ජාප॑තිඃ॒ පර්ය॑ගෘහ්ණාත් । අථෝ॑ ප॒ඞ්ක්තිමේ॒ව ॥ ප॒ඞ්ක්තිර්වා ඒ॒ෂා බ්රා᳚හ්ම॒ණේ ප්රවි॑ෂ්ටා ॥ 77 ॥

තාමා॒ත්මනෝ-ऽධි॒ නිර්මි॑මීතේ । යද॒ග්නි-රා॑ධී॒යතේ᳚ । තස්මා॑-දේ॒තාව॑න්තෝ॒-ऽග්නය॒ ආධී॑යන්තේ । පාඞ්ක්තං॒-වාඁ ඉ॒දග්​ම් සර්ව᳚ම් । පාඞ්ක්තේ॑නෛ॒ව පාඞ්ක්තග්ග්॑ ස්පෘණෝති ॥ අථ॑ර්ව පි॒තු-ම්මේ॑ ගෝපා॒යේත්යා॑හ । අන්න॑මේ॒වෛ තේන॑ ස්පෘණෝති । නර්ය॑ ප්ර॒ජා-ම්මේ॑ ගෝපා॒යේත්යා॑හ । ප්ර॒ජාමේ॒වෛතේන॑ ස්පෘණෝති । ශග්ග්​ස්ය॑ ප॒ශූ-න්මේ॑ ගෝපා॒යේත්යා॑හ ॥ 78 ॥

ප॒ශූනේ॒වෛතේන॑ ස්පෘණෝති । සප්ර॑ථ ස॒භා-ම්මේ॑ ගෝපා॒යේත්යා॑හ । ස॒භාමේ॒වෛතේනෙ᳚න්ද්රි॒යග්ග්​ ස්පෘ॑ණෝති । අහේ॑ බුද්ධ්නිය॒ මන්ත්ර॑-ම්මේ ගෝපා॒යේත්යා॑හ । මන්ත්ර॑මේ॒වෛ තේන॒ ශ්රියග්ග්॑ ස්පෘණෝති ॥ යද॑න්වාහාර්ය॒-පච॑නේ-ऽන්වාහා॒ර්ය॑-ම්පච॑න්ති । තේන॒ සෝ᳚-ऽස්යා॒භීෂ්ටඃ॑ ප්රී॒තඃ । ය-ද්ගාර්​හ॑පත්ය॒ ආජ්ය॑මධි॒ශ්රය॑න්ති॒ සම්පත්නී᳚ර්යා॒ජය॑න්ති । තේන॒ සෝ᳚-ऽස්යා॒භීෂ්ටඃ॑ ප්රී॒තඃ । යදා॑හව॒නීයේ॒ ජුහ්ව॑ති ॥ 79 ॥

තේන॒ සෝ᳚-ऽස්යා॒භීෂ්ටඃ॑ ප්රී॒තඃ । යථ්ස॒භායාං᳚-විඁ॒ජය॑න්තේ । තේන॒ සෝ᳚-ऽස්යා॒භීෂ්ටඃ॑ ප්රී॒තඃ । යදා॑වස॒ථේ-ऽන්න॒ග්​ම්॒ හර॑න්ති । තේන॒ සෝ᳚-ऽස්යා॒භීෂ්ටඃ॑ ප්රී॒තඃ । තථා᳚-ऽස්ය॒ සර්වේ᳚ ප්රී॒තා අ॒භීෂ්ටා॒ ආධී॑යන්තේ ॥ ප්ර॒ව॒ස॒ථ-මේ॒ෂ්යන්නේ॒ව-මුප॑තිෂ්ඨේ॒-තෛක॑මේකම් । යථා᳚ බ්රාහ්ම॒ණාය॑ ගෘහේවා॒සිනේ॑ පරි॒දාය॑ ගෘ॒හානේති॑ । තා॒දෘගේ॒ව තත් ॥ පුන॑රා॒ග-ත්යෝප॑තිෂ්ඨතේ । සා භා॑ගේයමේ॒වෛෂා॒-න්තත් । සා තත॑ ඌ॒ර්ධ්වා-ऽऽරෝ॑හත් । සා රෝ॑හි॒ණ්ය॑භවත් । ත-ද්රෝ॑හි॒ණ්යෛ රෝ॑හිණි॒ත්වම් । රෝ॒හි॒ණ්යා-ම॒ග්නි-මාද॑ධීත । ස්ව ඒ॒වෛනං॒-යෝඁනෞ॒ ප්රති॑ෂ්ඨිත॒-මාධ॑ත්තේ । ඍ॒ද්ධ්නෝත්යේ॑නේන ॥ 80 ॥
(ඒ॒ෂා - ප॒ශූන්මේ॑ ගෝපා॒යේති॒ - ප්රවි॑ෂ්ටා -
ප॒ශූන්මේ॑ ගෝපා॒යේත්යා॑හ॒ - ජුහ්ව॑ති - තිෂ්ඨතේ ස॒ප්ත ච॑) (අ. 10)

(බ්රහ්ම॒ සන්ධ॑ත්තං॒ - කෘත්ති॑කා॒ - සූද්ධ॑න්ති - ද්වාද॒ශසු॑ - ප්ර॒ජාප॑ති-ර්වා॒චෝ - දේ॑වාසු॒රාස්තද॒ග්නිර්නෝ-ද්- ඝ॒ර්ම-ශ්ශිර॑ - ඉ॒මේ වෛ - ශ॑මීග॒ර්භාත් - ප්ර॒ජාප॑ති॒-ස්ස රි॑රිචා॒න-ස්සතප॒-ස්ස ආ॒ත්මන් වී॒ර්ය॑-න්දශ॑ )

(බ්රහ්ම॒ සන්ධ॑ත්තං॒ - තෞ දි॒ව්යා - වථෝ॑ ශ॒ත්වාං​යඁ॒ - ප්රාච්යේ॑ෂාං॒ - ඁයදු॒පර්යු॑පරි॒ - ය-ථ්ස॒ද්යඃ - සෝ-ऽශ්වෝ॒ වාරෝ॑ භූ॒ත්වා - ජග॑තීභි॒ රශී॑තිඃ)

(බ්රහ්ම॒ සන්ධ॑ත්ත - මෘ॒ද්ධ්නෝත්යේ॑නේන)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ ප්රථමඃ ප්රපාඨක-ස්සමාප්තඃ ॥