මනෝජවං මාරුතතුල්යවේගං
ජිතේංද්රියං බුද්ධිමතාං වරිෂ්ඨම් ।
වාතාත්මජං වානරයූථමුඛ්යං
ශ්රීරාමදූතං ශිරසා නමාමි ॥
අංජනානංදනං වීරං ජානකීශෝකනාශනම් ।
කපීශමක්ෂහංතාරං වංදේ ලංකාභයංකරම් ॥
ගෝෂ්පදීකෘතවාරාශිං මශකීකෘතරාක්ෂසම් ।
රාමායණමහාමාලාරත්නං වංදේऽනිලාත්මජම් ॥
යත්ර යත්ර රඝුනාථකීර්තනං තත්ර තත්ර කෘතමස්තකාංජලිම් ।
බාෂ්පවාරිපරිපූර්ණලෝචනං මාරුතිං නමත රාක්ෂසාංතකම් ॥
වංදේ වානර-නාරසිංහ-ඛගරාට්-ක්රෝඩාශ්වවක්ත්රාංචිතං
නානාලංකරණං ත්රිපංචනයනං දේදීප්යමානං රුචාම් ।
හස්තාභෛරසිඛේටපුස්තකසුධාභාංඩං කුශාද්රීන් හලං
ඛට්වාංගං ඵණිවෘක්ෂධෘද්දශභුජං සර්වාරිගර්වාපහම් ॥
සර්වාරිෂ්ටනිවාරකං ශුභකරං පිංගාක්ෂමක්ෂාපහං
සීතාන්වේෂණතත්පරං කපිවරං කෝටීංදුසූර්යප්රභම් ।
ලංකාද්වීපභයංකරං සකලදං සුග්රීවසම්මානිතං
දේවේංද්රාදි සමක්තදේවවිනුතං කාකුත්ථදූතං භජේ ॥
බුද්ධිර්බලං යශෝ ධෛර්යං නිර්භයත්වමරෝගතා ।
අජාඩ්යං වාක්පටුත්වං ච හනුමච්ඡරණාද්භවේත් ॥
නමෝऽස්තුරාමාය සලක්ෂ්මණාය දේව්යෛ ච තස්යෛ ජනකාත්මජායෛ ।
නමෝऽස්තු රුද්රේංද්රයමානිලේභ්යෝ නමෝऽස්තු චංද්රාර්කමරුද්ගණේභ්යඃ ॥
ජයත්යතිබලෝ රාමෝ ලක්ෂ්මණශ්ච මහාබලඃ ।
රාජා ජයති සුග්රීවෝ රාඝවේණාභිපාලිතඃ ॥
දාසෝऽහං කෝසලේංද්රස්ය රාමස්යාක්ලිෂ්ටකර්මණඃ ।
හනුමාන් ශත්රුසෛන්යානාං නිහංතා මාරුතාත්මජඃ ॥
න රාවණසහස්රං මේ යුද්ධේ ප්රතිබලං භවේත් ।
ශිලාභිස්තු ප්රහරතඃ පාදපෛශ්ච සහස්රශඃ ॥
අර්දයිත්වා පුරීං ලංකාං අභිවාද්ය ච මෛථිලීම් ।
සමෘද්ධාර්ථෝ ගමිෂ්යාමි මිෂතාං සර්වරක්ෂසාම් ॥
ධර්මාත්මා සත්යසංධශ්ච රාමෝ දාශරථිර්යදි ।
පෞරුෂේ චාප්රතිද්වංද්වඃ ශරෛනං ජහි රාවණිම් ॥
සකෘදේව ප්රපන්නාය තවාස්මීති ච යාචතේ ।
අභයං සර්වභූතේභ්යඃ දදාම්යේතද්ව්රතං මම ॥
ඉති සුංදරකාංඩ ප්රාර්ථනා ශ්ලෝකාඃ සමාප්තා ।
