ଋଷିରୁଵାଚ ।
ଜୁଷ୍ଟଂ ବତାଦ୍ୟାଖିଲସତ୍ତ୍ଵରାଶେଃ
ସାଂସିଦଃଧ୍ୟମକ୍ଷ୍ଣୋସ୍ତଵ ଦର୍ଶନାନ୍ନଃ ।
ୟଦ୍ଦର୍ଶନଂ ଜନ୍ମଭିରୀଡ୍ୟ ସଦ୍ଭି-
ରାଶାସତେ ୟୋଗିନୋ ରୂଢୟୋଗାଃ ॥ 13 ॥
ୟେ ମାୟୟା ତେ ହତମେଧସସ୍ତ୍ଵ-
ତ୍ପାଦାରଵିଂଦଂ ଭଵସିଂଧୁପୋତମ୍ ।
ଉପାସତେ କାମଲଵାୟ ତେଷାଂ
ରାସୀଶ କାମାନ୍ନିରୟେଽପି ୟେ ସ୍ୟୁଃ ॥ 14 ॥
ତଥା ସ ଚାହଂ ପରିଵୋଢୁକାମଃ
ସମାନଶୀଲାଂ ଗୃହମେଧଧେନୁମ୍ ।
ଉପେୟିଵାନ୍ ମୂଲମଶେଷମୂଲଂ
ଦୁରାଶୟଃ କାମଦୁଘାଂଘ୍ରିପସ୍ୟ ॥ 15 ॥
ପ୍ରଜାପତେସ୍ତେ ଵଚସାଧୀଶ ତଂତ୍ୟା
ଲୋକଃ କିଲାୟଂ କାମହତୋଽନୁବଦ୍ଧଃ ।
ଅହଂ ଚ ଲୋକାନୁଗତୋ ଵହାମି
ବଲିଂ ଚ ଶୁକ୍ଲାନିମିଷାୟ ତୁଭ୍ୟମ୍ ॥ 16 ॥
ଲୋକାଂଶ୍ଚ ଲୋକାନୁଗତାନ୍ ପଶୂଂଶ୍ଚ
ହିତ୍ଵା ଶ୍ରିତାସ୍ତେ ଚରଣାତପତ୍ରମ୍ ।
ପରସ୍ପରଂ ତ୍ଵଦ୍ଗୁଣଵାଦସୀଧୁ-
ପୀୟୂଷନିର୍ୟାପିତଦେହଧର୍ମାଃ ॥ 17 ॥
ନ ତେଽଜରାକ୍ଷଭ୍ରମିରାୟୁରେଷାଂ
ତ୍ରୟୋଦଶାରଂ ତ୍ରିଶତଂ ଷଷ୍ଟିପର୍ଵ ।
ଷଣ୍ନେମ୍ୟନଂତଚ୍ଛଦି ୟତ୍ତ୍ରିଣାଭି-
କରାଲସ୍ରୋତୋ ଜଗଦାଚ୍ଛିଦ୍ୟ ଧାଵତ୍ ॥ 18 ॥
ଏକଃ ସ୍ଵୟଂ ସନ୍ ଜଗତଃ ସିସୃକ୍ଷୟା
ଦ୍ଵିତୀୟୟାଽତ୍ମନ୍ନଧିୟୋଗମାୟୟା ।
ସୃଜସ୍ୟଦଃ ପାସି ପୁନର୍ଗ୍ରସିଷ୍ୟସେ
ୟଥୋର୍ଣନାଭିର୍ଭଗଵନ୍ ସ୍ଵଶକ୍ତିଭିଃ ॥ 19 ॥
ନୈତଦ୍ବତାଧୀଶ ପଦଂ ତଵେପ୍ସିତଂ
ୟନ୍ମାୟୟା ନସ୍ତନୁଷେ ଭୂତସୂକ୍ଷ୍ମମ୍ ।
ଅନୁଗ୍ରହାୟାସ୍ତ୍ଵପି ୟର୍ହି ମାୟୟା
ଲସତ୍ତୁଲସ୍ୟା ତନୁଵା ଵିଲକ୍ଷିତଃ ॥ 20 ॥
ତଂ ତ୍ଵାନୁଭୂତ୍ୟୋପରତକ୍ରିୟାର୍ଥଂ
ସ୍ଵମାୟୟା ଵର୍ତିତଲୋକତଂତ୍ରମ୍ ।
ନମାମ୍ୟଭୀକ୍ଷ୍ଣଂ ନମନୀୟପାଦ-
ସରୋଜମଲ୍ପୀୟସି କାମଵର୍ଷମ୍ ॥ 21 ॥
ଇତି ଶ୍ରୀମଦ୍ଭାଗଵତମହାପୁରାଣେ ତୃତୀୟସ୍କଂଧେ ଏକଵିଂଶାଧ୍ୟାୟାଂତର୍ଗତଂ
କର୍ଦମର୍ଷିକୃତଂ ଵିଷ୍ଣୁସ୍ତୋତ୍ରଂ ସମାପ୍ତମ୍ ।
ଭାଗଵତପୁରାଣ . ଅଧ୍ୟାୟ 3/21/13-21 . ।
