ඍෂිරුවාච ।
ජුෂ්ටං බතාද්යාඛිලසත්ත්වරාශේඃ
සාංසිදඃධ්යමක්ෂ්ණෝස්තව දර්ශනාන්නඃ ।
යද්දර්ශනං ජන්මභිරීඩ්ය සද්භි-
රාශාසතේ යෝගිනෝ රූඪයෝගාඃ ॥ 13 ॥
යේ මායයා තේ හතමේධසස්ත්ව-
ත්පාදාරවිංදං භවසිංධුපෝතම් ।
උපාසතේ කාමලවාය තේෂාං
රාසීශ කාමාන්නිරයේऽපි යේ ස්යුඃ ॥ 14 ॥
තථා ස චාහං පරිවෝඪුකාමඃ
සමානශීලාං ගෘහමේධධේනුම් ।
උපේයිවාන් මූලමශේෂමූලං
දුරාශයඃ කාමදුඝාංඝ්රිපස්ය ॥ 15 ॥
ප්රජාපතේස්තේ වචසාධීශ තංත්යා
ලෝකඃ කිලායං කාමහතෝऽනුබද්ධඃ ।
අහං ච ලෝකානුගතෝ වහාමි
බලිං ච ශුක්ලානිමිෂාය තුභ්යම් ॥ 16 ॥
ලෝකාංශ්ච ලෝකානුගතාන් පශූංශ්ච
හිත්වා ශ්රිතාස්තේ චරණාතපත්රම් ।
පරස්පරං ත්වද්ගුණවාදසීධු-
පීයූෂනිර්යාපිතදේහධර්මාඃ ॥ 17 ॥
න තේऽජරාක්ෂභ්රමිරායුරේෂාං
ත්රයෝදශාරං ත්රිශතං ෂෂ්ටිපර්ව ।
ෂණ්නේම්යනංතච්ඡදි යත්ත්රිණාභි-
කරාලස්රෝතෝ ජගදාච්ඡිද්ය ධාවත් ॥ 18 ॥
ඒකඃ ස්වයං සන් ජගතඃ සිසෘක්ෂයා
ද්විතීයයාऽත්මන්නධියෝගමායයා ।
සෘජස්යදඃ පාසි පුනර්ග්රසිෂ්යසේ
යථෝර්ණනාභිර්භගවන් ස්වශක්තිභිඃ ॥ 19 ॥
නෛතද්බතාධීශ පදං තවේප්සිතං
යන්මායයා නස්තනුෂේ භූතසූක්ෂ්මම් ।
අනුග්රහායාස්ත්වපි යර්හි මායයා
ලසත්තුලස්යා තනුවා විලක්ෂිතඃ ॥ 20 ॥
තං ත්වානුභූත්යෝපරතක්රියාර්ථං
ස්වමායයා වර්තිතලෝකතංත්රම් ।
නමාම්යභීක්ෂ්ණං නමනීයපාද-
සරෝජමල්පීයසි කාමවර්ෂම් ॥ 21 ॥
ඉති ශ්රීමද්භාගවතමහාපුරාණේ තෘතීයස්කංධේ ඒකවිංශාධ්යායාංතර්ගතං
කර්දමර්ෂිකෘතං විෂ්ණුස්තෝත්රං සමාප්තම් ।
භාගවතපුරාණ . අධ්යාය 3/21/13-21 . ।
