𑌋𑌷𑌿𑌰𑍁𑌵𑌾𑌚 ।
𑌜𑍁𑌷𑍍𑌟𑌂 𑌬𑌤𑌾𑌦𑍍𑌯𑌾𑌖𑌿𑌲𑌸𑌤𑍍𑌤𑍍𑌵𑌰𑌾𑌶𑍇𑌃
𑌸𑌾𑌂𑌸𑌿𑌦𑌃𑌧𑍍𑌯𑌮𑌕𑍍𑌷𑍍𑌣𑍋𑌸𑍍𑌤𑌵 𑌦𑌰𑍍𑌶𑌨𑌾𑌨𑍍𑌨𑌃 ।
𑌯𑌦𑍍𑌦𑌰𑍍𑌶𑌨𑌂 𑌜𑌨𑍍𑌮𑌭𑌿𑌰𑍀𑌡𑍍𑌯 𑌸𑌦𑍍𑌭𑌿-
𑌰𑌾𑌶𑌾𑌸𑌤𑍇 𑌯𑍋𑌗𑌿𑌨𑍋 𑌰𑍂𑌢𑌯𑍋𑌗𑌾𑌃 ॥ 13 ॥
𑌯𑍇 𑌮𑌾𑌯𑌯𑌾 𑌤𑍇 𑌹𑌤𑌮𑍇𑌧𑌸𑌸𑍍𑌤𑍍𑌵-
𑌤𑍍𑌪𑌾𑌦𑌾𑌰𑌵𑌿𑌂𑌦𑌂 𑌭𑌵𑌸𑌿𑌂𑌧𑍁𑌪𑍋𑌤𑌮𑍍 ।
𑌉𑌪𑌾𑌸𑌤𑍇 𑌕𑌾𑌮𑌲𑌵𑌾𑌯 𑌤𑍇𑌷𑌾𑌂
𑌰𑌾𑌸𑍀𑌶 𑌕𑌾𑌮𑌾𑌨𑍍𑌨𑌿𑌰𑌯𑍇𑌽𑌪𑌿 𑌯𑍇 𑌸𑍍𑌯𑍁𑌃 ॥ 14 ॥
𑌤𑌥𑌾 𑌸 𑌚𑌾𑌹𑌂 𑌪𑌰𑌿𑌵𑍋𑌢𑍁𑌕𑌾𑌮𑌃
𑌸𑌮𑌾𑌨𑌶𑍀𑌲𑌾𑌂 𑌗𑍃𑌹𑌮𑍇𑌧𑌧𑍇𑌨𑍁𑌮𑍍 ।
𑌉𑌪𑍇𑌯𑌿𑌵𑌾𑌨𑍍 𑌮𑍂𑌲𑌮𑌶𑍇𑌷𑌮𑍂𑌲𑌂
𑌦𑍁𑌰𑌾𑌶𑌯𑌃 𑌕𑌾𑌮𑌦𑍁𑌘𑌾𑌂𑌘𑍍𑌰𑌿𑌪𑌸𑍍𑌯 ॥ 15 ॥
𑌪𑍍𑌰𑌜𑌾𑌪𑌤𑍇𑌸𑍍𑌤𑍇 𑌵𑌚𑌸𑌾𑌧𑍀𑌶 𑌤𑌂𑌤𑍍𑌯𑌾
𑌲𑍋𑌕𑌃 𑌕𑌿𑌲𑌾𑌯𑌂 𑌕𑌾𑌮𑌹𑌤𑍋𑌽𑌨𑍁𑌬𑌦𑍍𑌧𑌃 ।
𑌅𑌹𑌂 𑌚 𑌲𑍋𑌕𑌾𑌨𑍁𑌗𑌤𑍋 𑌵𑌹𑌾𑌮𑌿
𑌬𑌲𑌿𑌂 𑌚 𑌶𑍁𑌕𑍍𑌲𑌾𑌨𑌿𑌮𑌿𑌷𑌾𑌯 𑌤𑍁𑌭𑍍𑌯𑌮𑍍 ॥ 16 ॥
𑌲𑍋𑌕𑌾𑌂𑌶𑍍𑌚 𑌲𑍋𑌕𑌾𑌨𑍁𑌗𑌤𑌾𑌨𑍍 𑌪𑌶𑍂𑌂𑌶𑍍𑌚
𑌹𑌿𑌤𑍍𑌵𑌾 𑌶𑍍𑌰𑌿𑌤𑌾𑌸𑍍𑌤𑍇 𑌚𑌰𑌣𑌾𑌤𑌪𑌤𑍍𑌰𑌮𑍍 ।
𑌪𑌰𑌸𑍍𑌪𑌰𑌂 𑌤𑍍𑌵𑌦𑍍𑌗𑍁𑌣𑌵𑌾𑌦𑌸𑍀𑌧𑍁-
𑌪𑍀𑌯𑍂𑌷𑌨𑌿𑌰𑍍𑌯𑌾𑌪𑌿𑌤𑌦𑍇𑌹𑌧𑌰𑍍𑌮𑌾𑌃 ॥ 1 ॥
𑌨 𑌤𑍇𑌽𑌜𑌰𑌾𑌕𑍍𑌷𑌭𑍍𑌰𑌮𑌿𑌰𑌾𑌯𑍁𑌰𑍇𑌷𑌾𑌂
𑌤𑍍𑌰𑌯𑍋𑌦𑌶𑌾𑌰𑌂 𑌤𑍍𑌰𑌿𑌶𑌤𑌂 𑌷𑌷𑍍𑌟𑌿𑌪𑌰𑍍𑌵 ।
𑌷𑌣𑍍𑌨𑍇𑌮𑍍𑌯𑌨𑌂𑌤𑌚𑍍𑌛𑌦𑌿 𑌯𑌤𑍍𑌤𑍍𑌰𑌿𑌣𑌾𑌭𑌿-
𑌕𑌰𑌾𑌲𑌸𑍍𑌰𑍋𑌤𑍋 𑌜𑌗𑌦𑌾𑌚𑍍𑌛𑌿𑌦𑍍𑌯 𑌧𑌾𑌵𑌤𑍍 ॥ 1 ॥
𑌏𑌕𑌃 𑌸𑍍𑌵𑌯𑌂 𑌸𑌨𑍍 𑌜𑌗𑌤𑌃 𑌸𑌿𑌸𑍃𑌕𑍍𑌷𑌯𑌾
𑌦𑍍𑌵𑌿𑌤𑍀𑌯𑌯𑌾𑌽𑌤𑍍𑌮𑌨𑍍𑌨𑌧𑌿𑌯𑍋𑌗𑌮𑌾𑌯𑌯𑌾 ।
𑌸𑍃𑌜𑌸𑍍𑌯𑌦𑌃 𑌪𑌾𑌸𑌿 𑌪𑍁𑌨𑌰𑍍𑌗𑍍𑌰𑌸𑌿𑌷𑍍𑌯𑌸𑍇
𑌯𑌥𑍋𑌰𑍍𑌣𑌨𑌾𑌭𑌿𑌰𑍍𑌭𑌗𑌵𑌨𑍍 𑌸𑍍𑌵𑌶𑌕𑍍𑌤𑌿𑌭𑌿𑌃 ॥ 1 ॥
𑌨𑍈𑌤𑌦𑍍𑌬𑌤𑌾𑌧𑍀𑌶 𑌪𑌦𑌂 𑌤𑌵𑍇𑌪𑍍𑌸𑌿𑌤𑌂
𑌯𑌨𑍍𑌮𑌾𑌯𑌯𑌾 𑌨𑌸𑍍𑌤𑌨𑍁𑌷𑍇 𑌭𑍂𑌤𑌸𑍂𑌕𑍍𑌷𑍍𑌮𑌮𑍍 ।
𑌅𑌨𑍁𑌗𑍍𑌰𑌹𑌾𑌯𑌾𑌸𑍍𑌤𑍍𑌵𑌪𑌿 𑌯𑌰𑍍𑌹𑌿 𑌮𑌾𑌯𑌯𑌾
𑌲𑌸𑌤𑍍𑌤𑍁𑌲𑌸𑍍𑌯𑌾 𑌤𑌨𑍁𑌵𑌾 𑌵𑌿𑌲𑌕𑍍𑌷𑌿𑌤𑌃 ॥ 20 ॥
𑌤𑌂 𑌤𑍍𑌵𑌾𑌨𑍁𑌭𑍂𑌤𑍍𑌯𑍋𑌪𑌰𑌤𑌕𑍍𑌰𑌿𑌯𑌾𑌰𑍍𑌥𑌂
𑌸𑍍𑌵𑌮𑌾𑌯𑌯𑌾 𑌵𑌰𑍍𑌤𑌿𑌤𑌲𑍋𑌕𑌤𑌂𑌤𑍍𑌰𑌮𑍍 ।
𑌨𑌮𑌾𑌮𑍍𑌯𑌭𑍀𑌕𑍍𑌷𑍍𑌣𑌂 𑌨𑌮𑌨𑍀𑌯𑌪𑌾𑌦-
𑌸𑌰𑍋𑌜𑌮𑌲𑍍𑌪𑍀𑌯𑌸𑌿 𑌕𑌾𑌮𑌵𑌰𑍍𑌷𑌮𑍍 ॥ 21 ॥
𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑌮𑌹𑌾𑌪𑍁𑌰𑌾𑌣𑍇 𑌤𑍃𑌤𑍀𑌯𑌸𑍍𑌕𑌂𑌧𑍇 𑌏𑌕𑌵𑌿𑌂𑌶𑌾𑌧𑍍𑌯𑌾𑌯𑌾𑌂𑌤𑌰𑍍𑌗𑌤𑌂
𑌕𑌰𑍍𑌦𑌮𑌰𑍍𑌷𑌿𑌕𑍃𑌤𑌂 𑌵𑌿𑌷𑍍𑌣𑍁𑌸𑍍𑌤𑍋𑌤𑍍𑌰𑌂 𑌸𑌮𑌾𑌪𑍍𑌤𑌮𑍍 ।
𑌭𑌾𑌗𑌵𑌤𑌪𑍁𑌰𑌾𑌣 . 𑌅𑌧𑍍𑌯𑌾𑌯 3/21/13-21 . ।
