maMgalaM kausalEMdraaya mahaneeya guNaatmanE ।
cakravarti tanoojaaya saarvabhaumaaya maMgalaM ॥ 1 ॥
vEdavEdaaMta vEdyaaya mEghashyaamala moortayE ।
puMsaaM mOhana roopaaya puNyashlOkaaya maMgalaM ॥ 2 ॥
vishvaamitraaMtaraMgaaya mithilaa nagaree patE ।
bhaagyaanaaM paripaakaaya bhavyaroopaaya maMgalaM ॥ 3 ॥
pitRRibhaktaaya satataM bhaatRRibhiH saha seetayaa ।
naMditaakhila lOkaaya raamabhadraaya maMgalaM ॥ 4 ॥
tyakta saakEta vaasaaya citrakooTa vihaariNE ।
sEvyaaya sarvayaminaaM dheerOdaattaaya maMgalaM ॥ 5 ॥
saumitriNaaca jaanakyaacaapa baaNaasi dhaariNE ।
saMsEvyaaya sadaa bhaktyaa svaaminE mama maMgalaM ॥ 6 ॥
daMDakaaraNya vaasaaya kharadooshhaNa shatravE ।
gRRidhraraajaaya bhaktaaya mukti daayaastu maMgalaM ॥ 7 ॥
saadaraM shabaree datta phalamoola bhilaashhiNE ।
saulabhya paripoorNaaya satyOdriktaaya maMgalaM ॥ 8 ॥
hanuMtsamavEtaaya hareeshaabheeshhTa daayinE ।
vaali pramadhanaayaastu mahaadheeraaya maMgalaM ॥ 9 ॥
shreematE raghuveeraaya sEtoollaMghita siMdhavE ।
jitaraakshhasa raajaaya raNadheeraaya maMgalaM ॥ 10 ॥
vibheeshhaNakRRitE preetyaa laMkaabheeshhTa pradaayinE ।
sarvalOka sharaNyaaya shreeraaghavaaya maMgalaM ॥ 11 ॥
aagatyanagareeM divyaamabhishhiktaaya seetayaa ।
raajaadhiraajaraajaaya raamabhadraaya maMgalaM ॥ 12 ॥
bhrahmaadi dEvasEvyaaya bhrahmaNyaaya mahaatmanE ।
jaanakee praaNanaathaaya raghunaathaaya maMgalaM ॥ 13 ॥
shreesaumya jaamaatRRimunEH kRRipayaasmaanu pEyushhE ।
mahatE mama naathaaya raghunaathaaya maMgalaM ॥ 14 ॥
maMgalaashaasana parairmadaacaarya purOgamaiH ।
sarvaishca poorvairaacaarryaiH satkRRitaayaastu maMgalaM ॥ 15 ॥
ramyajaa maatRRi muninaa maMgalaashaasanaM kRRitaM ।
trailOkyaadhipatiH shreemaan karOtu maMgalaM sadaa ॥
Browse Related Categories:
