॥ geetagOviMdam ॥
॥ ashhTapadee ॥
॥ shree gOpaalaka dhyaanam ॥
yadgOpeevadanEMdumaMDanamabhootkastoorikaapatrakaM yallakshhmeekuchashaatakuMbha kalashE vyaagOchamiMdeevaram ।
yannirvaaNavidhaanasaadhanavidhau siddhaanjanaM yOginaaM tannashyaamalamaavirastu hRRidayE kRRishhNaabhidhaanaM mahaH ॥ 1 ॥
॥ shree jayadEva dhyaanam ॥
raadhaamanOramaramaavararaasaleela-gaanaamRRitaikabhaNitaM kaviraajaraajam ।
shreemaadhavaarchchanavidhavanuraagasadma-padmaavateepriyatamaM praNatOsmi nityam ॥ 2 ॥
shreegOpalavilaasinee valayasadratnaadimugdhaakRRiti shreeraadhaapatipaadapadmabhajanaanaMdaabdhimagnO.anisham ॥
lOkE satkaviraajaraaja iti yaH khyaatO dayaaMbhOnidhiH taM vaMdE jayadEvasadgurumahaM padmaavateevallabham ॥ 3 ॥
॥ prathamaH sargaH ॥
॥ saamOdadaamOdaraH ॥
mEghairmEduramaMbaraM vanabhuvaH shyaamaastamaaladrumai-rnaktaM bheerurayaM tvamEva tadimaM raadhE gRRihaM praapaya ।
itthaM naMdanidEshitashchalitayOH pratyadhvakunjadrumaM raadhaamaadhavayOrjayaMti yamunaakoolE rahaHkElayaH ॥ 1 ॥
vaagdEvataacharitachitritachittasadmaa padmaavateecharaNachaaraNachakravartee ।
shreevaasudEvaratikElikathaasamEtaM EtaM karOti jayadEvakaviH prabaMdham ॥ 2 ॥
yadi harismaraNE sarasaM manO yadi vilaasakalaasu kutoohalam ।
madhurakOmalakaaMtapadaavaleeM shRRiNu tadaa jayadEvasarasvateem ॥ 3 ॥
vaachaH pallavayatyumaapatidharaH saMdarbhashuddhiM giraaM jaaneetE jayadEva Eva sharaNaH shlaaghyO duroohadrutE ।
shRRingaarOttarasatpramEyarachanairaachaaryagOvardhana-spardhee kO.api na vishrutaH shrutidharO dhOyee kavikshhmaapatiH ॥ 4 ॥
॥ geetam 1 ॥
pralayapayOdhijalE dhRRitavaanasi vEdam ।
vihitavahitracharitramakhEdam ॥
kEshava dhRRitameenashareera jaya jagadeesha harE ॥ 1 ॥
kshhitirativipulatarE tava tishhThati pRRishhThE ।
dharaNidharaNakiNachakragarishhThE ॥
kEshava dhRRitakachChaparoopa jaya jagadeesha harE ॥ 2 ॥
vasati dashanashikharE dharaNee tava lagnaa ।
shashini kalankakalEva nimagnaa ॥
kEshava dhRRitasookararoopa jaya jagadeesha harE ॥ 3 ॥
tava karakamalavarE nakhamadbhutashRRingam ।
dalitahiraNyakashiputanubhRRingam ॥
kEshava dhRRitanarahariroopa jaya jagadeesha harE ॥ 4 ॥
Chalayasi vikramaNE balimadbhutavaamana ।
padanakhaneerajanitajanapaavana ॥
kEshava dhRRitavaamanaroopa jaya jagadeesha harE ॥ 5 ॥
kshhatriyarudhiramayE jagadapagatapaapam ।
snapayasi payasi shamitabhavataapam ॥
kEshava dhRRitabhRRighupatiroopa jaya jagadeesha harE ॥ 6 ॥
vitarasi dikshhu raNE dikpatikamaneeyam ।
dashamukhamaulibaliM ramaNeeyaM ॥
kEshava dhRRitaraamashareera jaya jagadeesha harE ॥ 7 ॥
vahasi vapushhi vishadE vasanaM jaladaabham ।
halahatibheetimilitayamunaabham ॥
kEshava dhRRitahaladhararoopa jaya jagadeesha harE ॥ 8 ॥
niMdasi yajjhNavidhErahaha shrutijaatam ।
sadayahRRidayadarshitapashughaatam ॥
kEshava dhRRitabuddhashareera jaya jagadeesha harE ॥ 9 ॥
mlEchChanivahanidhanE kalayasi karavaalam ।
dhoomakEtumiva kimapi karaalam ॥
kEshava dhRRitakalkishareera jaya jagadeesha harE ॥ 10 ॥
shreejayadEvakavEridamuditamudaaram ।
shRRiNu sukhadaM shubhadaM bhavasaaram ॥
kEshava dhRRitadashavidharoopa jaya jagadeesha harE ॥ 11 ॥
vEdaanuddharatE jagannivahatE bhoogOlamudbibhratE daityaM daarayatE baliM ChalayatE kshhatrakshhayaM kurvatE ।
paulastyaM jayatE halaM kalayatE kaaruNyamaatanvatE mlEchChaanmoorchChayatE dashaakRRitikRRitE kRRishhNaaya tubhyaM namaH ॥ 5 ॥
॥ geetam 2 ॥
shritakamalaakuchamaMDala! dhRRitakuMDala! ।
kalitalalitavanamaala! jaya, jaya, dEva! harE! ॥ 1 ॥
dinamaNeemaMDalamaMDana! bhavakhaMDana! ।
munijanamaanasahaMsa! jaya, jaya, dEva! harE! ॥ 2 ॥
kaaliyavishhadharaganjana! janaranjana! ।
yadukulanalinadinEsha! jaya, jaya, dEva! harE! ॥ 3 ॥
madhumuranarakavinaashana! garuDaasana! ।
surakulakElinidaana! jaya, jaya, dEva! harE! ॥ 4 ॥
amalakamaladalalOchana! bhavamOchan! ।
tribhuvanabhavananidhaana! jaya, jaya, dEva! harE! ॥ 5 ॥
janakasutaakRRitabhooshhaNa! jitadooshhaNa! ।
samarashamitadashakhaMTha! jaya, jaya, dEva! harE! ॥ 6 ॥
abhinavajaladharasuMdara! dhRRitamaMdara! ।
shreemukhachaMdrachakOra! jaya, jaya, dEva! harE! ॥ 7 ॥
shreejayadEvakavEridaM kurutE mudam ।
mangalamujjvalageetaM; jaya, jaya, dEva! harE! ॥ 8 ॥
padmaapayOdharataTeepariraMbhalagna-kaashmeeramudritamurO madhusoodanasya ।
vyaktaanuraagamiva khEladanangakhEda-svEdaaMbupooramanupoorayatu priyaM vaH ॥ 6 ॥
vasaMtE vaasaMteekusumasukumaarairavayavai-rbhramaMteeM kaaMtaarE bahuvihitakRRishhNaanusaraNaam ।
amaMdaM kaMdarpajvarajanitachiMtaakulatayaa valadbaadhaaM raadhaaM sarasamidamuchE sahacharee ॥ 7 ॥
॥ geetam 3 ॥
lalitalavangalataaparisheelanakOmalamalayasameerE ।
madhukaranikarakaraMbitakOkilakoojitakunjakuTeerE ॥
viharati haririha sarasavasaMtE nRRityati yuvatijanEna samaM sakhi virahijanasya duraMtE ॥ 1 ॥
unmadamadanamanOrathapathikavadhoojanajanitavilaapE ।
alikulasaMkulakusumasamoohaniraakulabakulakalaapE ॥ 2 ॥
mRRigamadasaurabharabhasavashaMvadanavadalamaalatamaalE ।
yuvajanahRRidayavidaaraNamanasijanakharuchikiMshukajaalE ॥ 3 ॥
madanamaheepatikanakadaMDaruchikEsharakusumavikaasE ।
militashileemukhapaaTalipaTalakRRitasmaratooNavilaasE ॥ 4 ॥
vigalitalajjitajagadavalOkanataruNakaruNakRRitahaasE ।
virahinikRRiMtanakuMtamukhaakRRitikEtakadaMturitaashE ॥ 5 ॥
maadhavikaaparimalalalitE navamaalikajaatisugaMdhau ।
munimanasaamapi mOhanakaariNi taruNaakaaraNabaMdhau ॥ 6 ॥
sphuradatimuktalataapariraMbhaNamukulitapulakitachootE ।
bRRiMdaavanavipinE parisaraparigatayamunaajalapootE ॥ 7 ॥
shreejayadEvabhaNitamidamudayati haricharaNasmRRitisaaram ।
sarasavasaMtasamayavanavarNanamanugatamadanavikaaram ॥ 8 ॥
daravidalitamalleevallichanchatparaaga-prakaTitapaTavaasairvaasayan kaananaani ।
iha hi dahati chEtaH kEtakeegaMdhabaMdhuH prasaradasamabaaNapraaNavadgaMdhavaahaH ॥ 8 ॥
unmeelanmadhugaMdhalubdhamadhupavyaadhootachootaankura-kreeDatkOkilakaakaleekalakalairudgeerNakarNajvaraaH ।
neeyaMtE pathikaiH kathaMkathamapi dhyaanaavadhaanakshhaNa-praaptapraaNasamaasamaagamarasOllaasairamee vaasaraaH ॥ 9 ॥
anEkanaareepariraMbhasaMbhrama-sphuranmanOhaarivilaasalaalasam ।
muraarimaaraadupadarshayaMtyasau sakhee samakshhaM punaraaha raadhikaam ॥ 10 ॥
॥ geetam 4 ॥
chaMdanacharchitaneelakalEbarapeetavasanavanamaalee ।
kElichalanmaNikuMDalamaMDitagaMDayugasmitashaalee ॥
haririhamugdhavadhoonikarE vilaasini vilasati kEliparE ॥ 1 ॥
peenapayOdharabhaarabharENa hariM pariramya saraagam ।
gOpavadhooranugaayati kaachidudanchitapanchamaraagam ॥ 2 ॥
kaapi vilaasavilOlavilOchanakhElanajanitamanOjam ।
dhyaayati mugdhavadhooradhikaM madhusoodanavadanasarOjam ॥ 3 ॥
kaapi kapOlatalE militaa lapituM kimapi shrutimoolE ।
chaaru chuchuMba nitaMbavatee dayitaM pulakairanukoolE ॥ 4 ॥
kElikalaakutukEna cha kaachidamuM yamunaajalakoolE ।
manjulavanjulakunjagataM vichakarshha karENa dukoolE ॥ 5 ॥
karatalataalataralavalayaavalikalitakalasvanavaMshE ।
raasarasE sahanRRityaparaa hariNaa yuvatiH prashashaMsE ॥ 6 ॥
shlishhyati kaamapi chuMbati kaamapi kaamapi ramayati raamaam ।
pashyati sasmitachaaruparaamaparaamanugachChati vaamaam ॥ 7 ॥
shreejayadEvakavEridamadbhutakEshavakElirahasyam ।
vRRiMdaavanavipinE lalitaM vitanOtu shubhaani yashasyam ॥ 8 ॥
vishvEshhaamanuranjanEna janayannaanaMdamiMdeevara-shrENeeshyaamalakOmalairupanayannangairanangOtsavam ।
svachChaMdaM vrajasuMdareebhirabhitaH pratyangamaalinkitaH shRRingaaraH sakhi moortimaaniva madhau mugdhO hariH kreeDati ॥ 11 ॥
adyOtsangavasadbhujangakavalaklEshaadivEshaachalaM praalEyaplavanEchChayaanusarati shreekhaMDashailaanilaH ।
kiM cha snigdharasaalamaulimukulaanyaalOkya harshhOdayaa-dunmeelaMti kuhooH kuhooriti kalOttaalaaH pikaanaaM giraH ॥ 12 ॥
raasOllaasabharENavibhramabhRRitaamaabheeravaamabhruvaa-mabhyarNaM pariramyanirbharamuraH prEmaaMdhayaa raadhayaa ।
saadhu tvadvadanaM sudhaamayamiti vyaahRRitya geetastuti-vyaajaadudbhaTachuMbitasmitamanOharee hariH paatu vaH ॥ 13 ॥
॥ iti shreegeetagOviMdE saamOdadaamOdarO naama prathamaH sargaH ॥
Browse Related Categories:
