॥ dvaadashaH sargaH ॥
॥ supreetapeetaaMbaraH ॥
gatavati sakheevRRiMdE.amaMdatrapaabharanirbhara-smaraparavashaakootaspheetasmitasnapitaadharam ।
sarasamanasaM dRRishhTvaa raadhaaM muhurnavapallava-prasavashayanE nikshhiptaakshheemuvaacha haraH ॥ 68 ॥
॥ geetam 23 ॥
kisalayashayanatalE kuru kaamini charaNanalinavinivEsham ।
tava padapallavavairiparaabhavamidamanubhavatu suvEsham ॥
kshhaNamadhunaa naaraayaNamanugatamanusara raadhikE ॥ 1 ॥
karakamalEna karOmi charaNamahamaagamitaasi vidooram ।
kshhaNamupakuru shayanOpari maamiva noopuramanugatishooram ॥ 2 ॥
vadanasudhaanidhigalitamamRRitamiva rachaya vachanamanukoolam ।
virahamivaapanayaami payOdhararOdhakamurasi dukoolam ॥ 3 ॥
priyapariraMbhaNarabhasavalitamiva pulakitamatiduravaapam ।
madurasi kuchakalashaM vinivEshaya shOshhaya manasijataapam ॥ 4 ॥
adharasudhaarasamupanaya bhaavini jeevaya mRRitamiva daasam ।
tvayi vinihitamanasaM virahaanaladagdhavapushhamavilaasam ॥ 5 ॥
shashimukhi mukharaya maNirashanaaguNamanuguNakaMThanidaanam ।
shrutiyugalE pikarutavikalE mama shamaya chiraadavasaadam ॥ 6 ॥
maamativiphalarushhaa vikaleekRRitamavalOkitamadhunEdam ।
meelitalajjitamiva nayanaM tava virama visRRija ratikhEdam ॥ 7 ॥
shreejayadEvabhaNitamidamanupadanigaditamadhuripumOdam ।
janayatu rasikajanEshhu manOramatirasabhaavavinOdam ॥ 8 ॥
maarankE ratikElisaMkularaNaaraMbhE tayaa saahasa-praayaM kaaMtajayaaya kinchidupari praaraMbhi yatsaMbhramaat ।
nishhpaMdaa jaghanasthalee shithilataa dOrvallirutkaMpitaM vakshhO meelitamakshhi paurushharasaH streeNaaM kutaH sidhyati ॥ 69 ॥
atha kaaMtaM ratiklaaMtamapi maMDanavaanChayaa ।
nijagaada niraabaadhaa raadhaa svaadheenabhartRRikaa ॥ 70 ॥
॥ geetam 24 ॥
kuru yadunaMdana chaMdanashishiratarENa karENa payOdharE ।
mRRigamadapatrakamatra manObhavamangalakalashasahOdarE ।
nijagaada saa yadunaMdanE kreeDati hRRidayaanaMdanE ॥ 1 ॥
alikulaganjanamanjanakaM ratinaayakasaayakamOchanE ।
tvadadharachuMbanalaMbitakajjalamujjvalaya priya lOchanE ॥ 2 ॥
nayanakurangatarangavikaasaniraasakarE shrutimaMDalE ।
manasijapaashavilaasadharE shubhavEsha nivEshaya kuMDalE ॥ 3 ॥
bhramarachayaM rachahayaMtamupari ruchiraM suchiraM mama saMmukhE ।
jitakamalE vimalE parikarmaya narmajanakamalakaM mukhE ॥ 4 ॥
mRRigamadarasavalitaM lalitaM kuru tilakamalikarajaneekarE ।
vihitakalankakalaM kamalaanana vishramitashramasheekarE ॥ 5 ॥
mama ruchirE chikurE kuru maanada maanasajadhvajachaamarE ।
ratigalitE lalitE kusumaani shikhaMDishikhaMDakaDaamarE ॥ 6 ॥
sarasaghanE jaghanE mama shaMbaradaaraNavaaraNakaMdarE ।
maNirashanaavasanaabharaNaani shubhaashaya vaasaya suMdarE ॥ 7 ॥
shreejayadEvavachasi ruchirE hRRidayaM sadayaM kuru maMDanE ।
haricharaNasmaraNaamRRitakRRitakalikalushhabhavajvarakhaMDanE ॥ 8 ॥
rachaya kuchayOH patraM chitraM kurushhva kapOlayO-rghaTaya jaghanE kaancheemancha srajaa kabareebharam ।
kalaya valayashrENeeM paaNau padE kuru noopuraa-viti nigatitaH preetaH peetaaMbarO.api tathaakarOt ॥ 71 ॥
yadgaaMdhgarvakalaasu kaushalamanudhyaanaM cha yadvaishhNavaM yachChRRingaaravivEkatatvamapi yatkaavyEshhu leelaayitam ।
tatsarvaM jayadEvapaMDitakavEH kRRishhNaikataanaatmanaH saanaMdaaH parishOdhayaMtu sudhiyaH shreegeetagOviMdataH ॥ 72 ॥
shreebhOjadEvaprabhavasya raamaadEveesutashreejayadEvakasya ।
paraasharaadipriyavargakaMThE shreegeetagOviMdakavitvamastu ॥ 73 ॥
॥ iti shreejayadEvakRRitau geetagOviMdE supreetapeetaaMbarO naama dvaadashaH sargaH ॥
॥ iti geetagOviMdaM samaaptam ॥
Browse Related Categories:
