॥ ashhTamaH sargaH ॥
॥ vilakshhyalakshhmeepatiH ॥
atha kathamapi yaamineeM vineeya smarasharajarjaritaapi saa prabhaatE ।
anunayavachanaM vadaMtamagrE praNatamapi priyamaaha saabhyasooyam ॥ 49 ॥
॥ geetam 17 ॥
rajanijanitagurujaagararaagakashhaayitamalasanivEsham ।
vahati nayanamanuraagamiva sphuTamuditarasaabhinivEsham ॥
harihari yaahi maadhava yaahi kEshava maa vada kaitavavaadaM taamanusara saraseeruhalOchana yaa tava harati vishhaadam ॥ 50 ॥
kajjalamalinavilOchanachuMbanavirachitaneelimaroopam ।
dashanavasanamaruNaM tava kRRishhNa tanOti tanOranuroopam ॥ 2 ॥
vapuranuharati tava smarasangarakharanakharakshhatarEkham ।
marakatashakalakalitakaladhautalipirEva ratijayalEkham ॥ 3 ॥
charaNakamalagaladalaktakasiktamidaM tava hRRidayamudaaram ।
darshayateeva bahirmadanadrumanavakisalayaparivaaram ॥ 4 ॥
dashanapadaM bhavadadharagataM mama janayati chEtasi khEdam ।
kathayati kathamadhunaapi mayaa saha tava vapurEtadabhEdam ॥ 5 ॥
bahiriva malinataraM tava kRRishhNa manO.api bhavishhyati noonam ।
kathamatha vanchayasE janamanugatamasamasharajvaradoonam ॥ 6 ॥
bhramati bhavaanabalaakavalaaya vanEshhu kimatra vichitram ।
prathayati pootanikaiva vadhoovadhanirdayabaalacharitram ॥ 7 ॥
shreejayadEvabhaNitarativanchitakhaMDitayuvativilaapam ।
shRRiNuta sudhaamadhuraM vibudhaa vibudhaalayatO.api duraapam ॥ 8 ॥
tadEvaM pashyaMtyaaH prasaradanuraagaM bahiriva priyaapaadaalaktachChuritamaruNachChaayahRRidayam ।
mamaadya prakhyaatapraNayabharabhangEna kitava tvadaalOkaH shOkaadapi kimapi lajjaaM janayati ॥ 50 ॥
॥ iti geetagOviMdE khaMDitaavarNanE vilakshhyalakshhmeepatirnaama ashhThamaH sargaH ॥
Browse Related Categories:
