॥ navamaH sargaH ॥
॥ maMdamukuMdaH ॥
taamatha manmathakhinnaaM ratirasabhinnaaM vishhaadasaMpannaam ।
anuchiMtitaharicharitaaM kalahaaMtaritamuvaacha sakhee ॥ 51 ॥
॥ geetam 18 ॥
harirabhisarati vahati madhupavanE ।
kimaparamadhikasukhaM sakhi bhuvanE ॥
maadhavE maa kuru maanini maanamayE ॥ 1 ॥
taalaphalaadapi gurumatisarasam ।
kiM viphaleekurushhE kuchakalasham ॥ 2 ॥
kati na kathitamidamanupadamachiram ।
maa parihara harimatishayaruchiram ॥ 3 ॥
kimiti vishheedasi rOdishhi vikalaa ।
vihasati yuvatisabhaa tava sakalaa ॥ 4 ॥
sajalanalineedalasheetalashayanE ।
harimavalOkya saphalay nayanE ॥ 5 ॥
janayasi manasi kimiti gurukhEdam ।
shRRiNu mama vachanamaneehitabhEdam ॥ 6 ॥
harirupayaatu vadatu bahumadhuram ।
kimiti karOshhi hRRidayamatividhuram ॥ 7 ॥
shreejayadEvabhaNitamatilalitam ।
sukhayatu rasikajanaM haricharitam ॥ 8 ॥
snigdhE yatparushhaasi yatpraNamati stabdhaasi yadraagiNi dvEshhasthaasi yadunmukhE vimukhataaM yaataasi tasminpriyE ।
yuktaM tadvipareetakaariNi tava shreekhaMDacharchaa vishhaM sheetaaMshustapanO himaM hutavahaH kreeDaamudO yaatanaaH ॥ 52 ॥
॥ iti geetagOviMdE kalahaaMtaritaavarNanE maMdamukuMdO naama navamaH sargaH ॥
Browse Related Categories:
