কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে চতুর্থঃ প্রপাঠকঃ - উপহোমাঃ

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - উপহোমাঃ
জুষ্টো॒ দমূ॑না॒ অতি॑থির্দুরো॒ণে । ই॒ম-ন্নো॑ য॒জ্ঞমুপ॑ যাহি বি॒দ্বান্ । বিশ্বা॑ অগ্নে-ঽভি॒ যুজো॑ বি॒হত্য়॑ । শ॒ত্রূ॒য়॒তামাভ॑রা॒ ভোজ॑নানি ॥ অগ্নে॒ শর্ধ॑ মহ॒তে সৌভ॑গায় । তব॑ দ্য়ু॒ম্নান্য়ু॑ত্ত॒মানি॑ সন্তু । স-ঞ্জা᳚স্প॒ত্য়গ্​ম্ সু॒যম॒মা কৃ॑ণুষ্ব । শ॒ত্রূ॒য়॒তাম॒ভিতি॑ষ্ঠা॒ মহাগ্​ম্॑সি ॥ অগ্নে॒ যো নো॒-ঽভিতো॒ জনঃ॑ । বৃকো॒ বারো॒ জিঘাগ্​ম্॑সতি ॥ 1 ॥

তাগ্​স্ত্বং-বৃঁ॑ত্রহঞ্জহি । বস্ব॒স্মভ্য়॒-মাভ॑র ॥ অগ্নে॒ যো নো॑-ঽভি॒দাস॑তি । স॒মা॒নো যশ্চ॒ নিষ্ট্য়ঃ॑ । ই॒দ্ধ্মস্য়ে॑ব প্র॒ক্ষায়॑তঃ । মা তস্য়োচ্ছে॑ষি॒ কিঞ্চ॒ন ॥ ত্বমি॑ন্দ্রাভি॒ভূর॑সি । দে॒বো বিজ্ঞা॑তবীর্য়ঃ । বৃ॒ত্র॒হা পু॑রু॒চেত॑নঃ ॥ অপ॒ প্রাচ॑ ইন্দ্র॒ বিশ্বাগ্​ম্॑ অ॒মিত্রান্॑ ॥ 2 ॥

অপাপা॑চো অভিভূতে নুদস্ব । অপোদী॑চো॒ অপ॑ শূরধ॒রাচ॑ ঊ॒রৌ । যথা॒ তব॒ শর্ম॒ন্মদে॑ম ॥ তমিন্দ্রং॑-বাঁজয়ামসি । ম॒হে বৃ॒ত্রায়॒ হন্ত॑বে । স বৃষা॑ বৃষ॒ভো ভু॑বত্ ॥ যু॒জে রথ॑-ঙ্গ॒বেষ॑ণ॒গ্​ম্॒ হরি॑ভ্য়াম্ । উপ॒ ব্রহ্মা॑ণি জুজুষা॒ণ-ম॑স্থুঃ । বিবা॑ধিষ্টা॒স্য় রোদ॑সী মহি॒ত্বা । ইন্দ্রো॑ বৃ॒ত্রাণ্য়॑প্র॒তী জ॑ঘ॒ন্বান্ ॥ 3 ॥

হ॒ব্য়॒বাহ॑-মভিমাতি॒ষা-ঽহ᳚ম্ । র॒ক্ষো॒হণ॒-ম্পৃত॑নাসু জি॒ষ্ণুম্ । জ্য়োতি॑ষ্মন্ত॒-ন্দীদ্য়॑ত॒-ম্পুর॑ন্ধিম্ । অ॒গ্নিগ্গ্​ স্বি॑ষ্ট॒কৃত॒মা হু॑বেম ॥ স্বি॑ষ্টমগ্নে অ॒ভি ত-ত্পৃ॑ণাহি । বিশ্বা॑ দেব॒ পৃত॑না অ॒ভিষ্য় । উ॒রু-ন্নঃ॒ পন্থা᳚-ম্প্রদি॒শন্বি ভা॑হি । জ্য়োতি॑ষ্মদ্ধেহ্য়॒জর॑-ন্ন॒ আয়ুঃ॑ ॥ ত্বাম॑গ্নে হ॒বিষ্ম॑ন্তঃ । দে॒ব-ম্মর্তা॑স ঈডতে ॥ 4 ॥

মন্য়ে᳚ ত্বা জা॒তবে॑দসম্ । স হ॒ব্য়া ব॑ক্ষ্য়া-ঽনু॒ষক্ ॥ বিশ্বা॑নি নো দু॒র্গহা॑ জাতবেদঃ । সিন্ধু॒-ন্ন না॒বা দু॑রি॒তা-ঽতি॑পর্​ষি । অগ্নে॑ অত্রি॒ব-ন্মন॑সা গৃণা॒নঃ । অ॒স্মাক॑-ম্বোদ্ধ্যবি॒তা ত॒নূনা᳚ম্ ॥ পূ॒ষা গা অন্বে॑তু নঃ । পূ॒ষা র॑ক্ষ॒ত্বর্ব॑তঃ । পূ॒ষা বাজগ্​ম্॑ সনোতু নঃ ॥ পূ॒ষেমা আশা॒ অনু॑বেদ॒ সর্বাঃ᳚ ॥ 5 ॥

সো অ॒স্মাগ্​ম্ অভ॑যতমেন নেষত্ । স্ব॒স্তি॒দা অঘৃ॑ণি॒-স্সর্ব॑বীরঃ । অপ্র॑য়ুচ্ছ-ন্পু॒র এ॑তু॒ প্রজা॒নন্ন্ ॥ ত্বম॑গ্নে স॒প্রথা॑ অসি । জুষ্টো॒ হোতা॒ বরে᳚ণ্য়ঃ । ত্বয়া॑ য॒জ্ঞং-বিঁত॑ন্বতে ॥ অ॒গ্নী রক্ষাগ্​ম্॑সি সেধতি । শু॒ক্রশো॑চি॒রম॑র্ত্য়ঃ । শুচিঃ॑ পাব॒ক ঈড্য়ঃ॑ ॥ অগ্নে॒ রক্ষা॑ণো॒ অগ্​ম্হ॑সঃ ॥ 6 ॥

প্রতি॑ষ্ম দেব॒ রীষ॑তঃ । তপি॑ষ্ঠৈর॒জরো॑ দহ ॥ অগ্নে॒ হগ্​ম্সি॒ ন্য়॑ত্রিণ᳚ম্ । দীদ্য়॒-ন্মর্ত্য়ে॒ষ্বা । স্বে ক্ষয়ে॑ শুচিব্রত ॥ আ বা॑ত বাহি ভেষ॒জম্ । বি বা॑ত বাহি॒ যদ্রপঃ॑ । ত্বগ্​ম্হি বি॒শ্ব ভে॑ষজঃ । দে॒বানা᳚-ন্দূ॒ত ঈয়॑সে ॥ দ্বাবি॒মৌ বাতা॑ বাতঃ ॥ 7 ॥

আ সিন্ধো॒রা প॑রা॒বতঃ॑ । দক্ষ॑-ম্মে অ॒ন্য় আ॒বাতু॑ । পরা॒-ঽন্য়ো বা॑তু॒ যদ্রপঃ॑ ॥ যদ॒দো বা॑ত তে গৃ॒হে । অ॒মৃত॑স্য় নি॒ধির্​হি॒তঃ । ততো॑ নো দেহি জী॒বসে᳚ । ততো॑ নো ধেহি ভেষ॒জম্ । ততো॑ নো॒ মহ॒ আব॑হ ॥ বাত॒ আবা॑তু ভেষ॒জম্ । শ॒ম্ভূ-র্ম॑য়ো॒ ভূর্নো॑ হৃ॒দে ॥ 8 ॥

প্রণ॒ আয়ূগ্​ম্॑ষি তারিষত্ ॥ ত্বম॑গ্নে অ॒য়া-ঽসি॑ । অ॒য়া সন্মন॑সা হি॒তঃ । অ॒য়া সনঃঅ॒ব্যমূ॑হিষে । অ॒য়া নো॑ ধেহি ভেষ॒জম্ ॥ ই॒ষ্টো অ॒গ্নিরাহু॑তঃ । স্বাহা॑কৃতঃ পিপর্তু নঃ । স্ব॒গা দে॒বেভ্য়॑ ই॒দ-ন্নমঃ॑ ॥ কামো॑ ভূ॒তস্য়॒ ভব্য়॑স্য় । স॒ম্রাডেকো॒ বিরা॑জতি ॥ 9 ॥

স ই॒দ-ম্প্রতি॑ পপ্রথে । ঋ॒তূনু-থ্সৃ॑জতে ব॒শী ॥ কাম॒স্তদগ্রে॒ সম॑বর্ত॒তাধি॑ । মন॑সো॒ রেতঃ॑ প্রথ॒মং-য়ঁদাসী᳚ত্ । স॒তো বন্ধু॒মস॑তি॒ নির॑বিন্দন্ন্ । হৃ॒দি প্র॒তীষ্য়া॑ ক॒বয়ো॑ মনী॒ষা ॥ ত্বয়া॑ মন্য়ো স॒রথ॑-মারু॒জন্তঃ॑ । হর্​ষ॑মাণাসো ধৃষ॒তা ম॑রুত্বঃ । তি॒গ্মেষ॑ব॒ আয়ু॑ধা স॒গ্​ম্॒শিশা॑নাঃ । উপ॒প্রয়॑ন্তি॒ নরো॑ অ॒গ্নিরূ॑পাঃ ॥ 10 ॥

ম॒ন্য়ুর্ভগো॑ ম॒ন্য়ুরে॒বাস॑ দে॒বঃ । ম॒ন্য়ুর্-হোতা॒ বরু॑ণো বি॒শ্ববে॑দাঃ । ম॒ন্য়ুং-বিঁশ॑ ঈডতে দেব॒যন্তীঃ᳚ । পা॒হি নো॑ মন্য়ো॒ তপ॑সা॒ শ্রমে॑ণ ॥ ত্বম॑গ্নে ব্রত॒ভৃচ্ছুচিঃ॑ । দে॒বাগ্​ম্ আসা॑দয়া ই॒হ । অগ্নে॑ হ॒ব্য়ায়॒ বোঢ॑বে ॥ ব্র॒তা নু বিভ্র॑দ্ব্রত॒পা অদা᳚ভ্য়ঃ । যজা॑ নো দে॒বাগ্​ম্ অ॒জর॑-স্সু॒বীরঃ॑ । দধ॒-দ্রত্না॑নি সুবিদা॒নো অ॑গ্নে । গো॒পা॒য় নো॑ জী॒বসে॑ জাতবেদঃ ॥ 11 ॥
(জিঘাগ্​ম্॑স - ত্য়॒মিত্রা᳚ - ঞ্জঘ॒ন্বা - নী॑ডতে॒ - সর্বা॒ - অগ্​ম্হ॑সো - বাতো - হৃ॒দে - রা॑জ - ত্য়॒গ্নিরূ॑পাঃ - সুবিদা॒নো অ॑গ্ন॒ এক॑-ঞ্চ ) (অ. 1)

অনুবাকং 2 - উপহোমাঃ
চক্ষু॑ষো হেতে॒ মন॑সো হেতে । বাচো॑ হেতে॒ ব্রহ্ম॑ণো হেতে । যো মা॑-ঽঘা॒য়ু-র॑ভি॒দাস॑তি । তম॑গ্নে মে॒ন্য়া-ঽমে॒নি-ঙ্কৃ॑ণু ॥ যো মা॒ চক্ষু॑ষা॒ যো মন॑সা । যো বা॒চা ব্রহ্ম॑ণা ঽঘা॒য়ু-র॑ভি॒দাস॑তি । তয়া᳚-ঽগ্নে॒ ত্ব-ম্মে॒ন্য়া । অ॒মুম॑মে॒নি-ঙ্কৃ॑ণু ॥ য-ত্কিঞ্চা॒সৌ মন॑সা॒ যচ্চ॑ বা॒চা । য॒জ্ঞৈ-র্জু॒হোতি॒ যজু॑ষা হ॒বির্ভিঃ॑ ॥ 12 ॥

ত-ন্মৃ॒ত্য়ু-র্নির্-ঋ॑ত্য়া সং​বিঁদা॒নঃ । পু॒রা-ঽঽদি॒ষ্টাদাহু॑তীরস্য় হন্তু ॥ যা॒তু॒ধানা॒ নির্-ঋ॑তি॒রাদু॒ রক্ষঃ॑ । তে অ॑স্যঘ্ন॒-ন্ত্বনৃ॑তেন স॒ত্যম্ । ইন্দ্রে॑ষিতা॒ আজ্য়॑মস্য় মথ্নন্তু । মাত-থ্সমৃ॑দ্ধি॒ যদ॒সৌ ক॒রোতি॑ ॥ হন্মি॑ তে॒-ঽহ-ঙ্কৃ॒তগ্​ম্ হ॒বিঃ । যো মে॑ ঘো॒রমচী॑ কৃতঃ । অপা᳚ঞ্চৌ ত উ॒ভৌ বা॒হূ । অপ॑নহ্য়াম্য়া॒স্য়᳚ম্ ॥ 13 ॥

অপ॑নহ্য়ামি তে বা॒হূ । অপ॑নহ্য়াম্য়া॒স্য়᳚ম্ । অ॒গ্নে-র্দে॒বস্য়॒ ব্রহ্ম॑ণা । সর্ব॑-ন্তে-ঽবধিষ-ঙ্কৃ॒তম্ ॥ পু॒রা ঽমুষ্য়॑ বষট্কা॒রাত্ । য॒জ্ঞ-ন্দে॒বেষু॑ নস্কৃধি । স্বি॑ষ্টম॒স্মাক॑-ম্ভূয়াত্ । মা-ঽস্মা-ন্প্রাপ॒-ন্নরা॑তয়ঃ ॥ অন্তি॑ দূ॒রে স॒তো অ॑গ্নে । ভ্রাতৃ॑ব্যস্য়া ঽভি॒দাস॑তঃ ॥ 14 ॥

ব॒ষ॒ট্কা॒রেণ॒ বজ্রে॑ণ । কৃ॒ত্য়াগ্​ম্ হ॑ন্মি কৃ॒তাম॒হম্ ॥ যো মা॒ নক্ত॒-ন্দিবা॑ সা॒যম্ । প্রা॒তশ্চাহ্নো॑ নি॒পীয়॑তি । অ॒দ্য়া তমি॑ন্দ্র॒ বজ্রে॑ণ । ভ্রাতৃ॑ব্য়-ম্পাদয়ামসি ॥ ইন্দ্র॑স্য় গৃ॒হো॑-ঽসি॒ ত-ন্ত্বা᳚ । প্রপ॑দ্য়ে॒ সগু॒-স্সাশ্বঃ॑ । স॒হ যন্মে॒ অস্তি॒ তেন॑ ॥ ঈডে॑ অ॒গ্নিং-বিঁ॑প॒শ্চিত᳚ম্ ॥ 15 ॥

গি॒রা য॒জ্ঞস্য়॒ সাধ॑নম্ । শ্রু॒ষ্টী॒বান॑-ন্ধি॒তাবা॑নম্ ॥ অগ্নে॑ শ॒কেম॑ তে ব॒যম্ । যম॑-ন্দে॒বস্য়॑ বা॒জিনঃ॑ । অতি॒ দ্বেষাগ্​ম্॑সি তরেম ॥ অব॑ত-ম্মা॒ সম॑নসৌ॒ সমো॑কসৌ । সচে॑তসৌ॒ সরে॑তসৌ । উ॒ভৌ মাম॑বত-ঞ্জাতবেদসৌ । শি॒বৌ ভ॑বতম॒দ্য় নঃ॑ ॥ স্ব॒য়-ঙ্কৃ॑ণ্বা॒ন-স্সু॒গমপ্র॑য়াবম্ ॥ 16 ॥

তি॒গ্মশৃ॑ঙ্গো বৃষ॒ভ-শ্শোশু॑চানঃ । প্র॒ত্নগ্​ম্ স॒ধস্থ॒-মনু॒পশ্য়॑মানঃ । আ তন্তু॑ম॒গ্নি-র্দি॒ব্য়-ন্ত॑তান ॥ ত্ব-ন্ন॒স্তন্তু॑রু॒ত সেতু॑রগ্নে । ত্ব-ম্পন্থা॑ ভবসি দেব॒য়ানঃ॑ । ত্বয়া᳚ ঽগ্নে পৃ॒ষ্ঠং-বঁ॒যমারু॑হেম । অথা॑ দে॒বৈ-স্স॑ধ॒মাদ॑-ম্মদেম ॥ উদু॑ত্ত॒ম-ম্মু॑মুগ্ধি নঃ । বি পাশ॑-ম্মদ্ধ্য়॒ম-ঞ্চৃ॑ত । অবা॑ধ॒মানি॑ জী॒বসে᳚ ॥ 17 ॥

ব॒য়গ্​ম্ সো॑ম ব্র॒তে তব॑ । মন॑স্ত॒নূষু॒ বিভ্র॑তঃ । প্র॒জা ব॑ন্তো অশীমহি ॥ ই॒ন্দ্রা॒ণী দে॒বী সু॒ভগা॑ সু॒পত্নী᳚ । উদগ্​ম্শে॑ন পতি॒বিদ্য়ে॑ জিগায় । ত্রি॒গ্​ম্॒শদ॑স্য়া জ॒ঘনং॒-য়োঁজ॑নানি । উ॒পস্থ॒ ইন্দ্র॒গ্গ্॒ স্থবি॑র-ম্বিভর্তি ॥ সেনা॑ হ॒ নাম॑ পৃথি॒বী ধ॑নঞ্জ॒য়া । বি॒শ্বব্য়॑চা॒ অদি॑তি॒-স্সূর্য়॑ত্বক্ । ই॒ন্দ্রা॒ণী দে॒বী প্রা॒সহা॒ দদা॑না ॥ 18 ॥

সা নো॑ দে॒বী সু॒হবা॒ শর্ম॑ যচ্ছতু ॥ আ ত্বা॑ ঽহার্​ষম॒ন্তর॑ভূঃ । ধ্রু॒বস্তি॒ষ্ঠাবি॑চাচলিঃ । বিশ॑স্ত্বা॒ সর্বা॑ বাঞ্ছন্তু । মা ত্ব-দ্রা॒ষ্ট্র-মধি॑ভ্রশত্ ॥ ধ্রু॒বা দ্য়ৌ-র্ধ্রু॒বা পৃ॑থি॒বী । ধ্রু॒বং-বিঁশ্ব॑মি॒দ-ঞ্জগ॑ত্ । ধ্রু॒বা হ॒ পর্ব॑তা ই॒মে । ধ্রু॒বো রাজা॑ বি॒শাম॒যম্ ॥ ই॒হৈবৈধি॒ মা ব্য়॑থিষ্ঠাঃ ॥ 19 ॥

পর্ব॑ত ই॒বা বি॑চাচলিঃ । ইন্দ্র॑ ইবে॒হ ধ্রু॒বস্তি॑ষ্ঠ । ই॒হ রা॒ষ্ট্র-মু॑ধারয় ॥ অ॒ভিতি॑ষ্ঠ পৃতন্য়॒তঃ । অধ॑রে সন্তু॒ শত্র॑বঃ । ইন্দ্র॑ ইব বৃত্র॒হাতি॑ষ্ঠ । অ॒পঃ, ক্ষেত্রা॑ণি স॒জং​য়ঁন্ন্॑ ॥ ইন্দ্র॑ এণমদীধরত্ । ধ্রু॒ব-ন্ধ্রু॒বেণ॑ হ॒বিষা᳚ । তস্মৈ॑ দে॒বা অধি॑ব্রবন্ন্ । অ॒য়-ঞ্চ॒ ব্রহ্ম॑ণ॒স্পতিঃ॑ ॥ 20 ॥
(হ॒বির্ভি॑ - রা॒স্য়॑ - মভি॒ দাস॑তো - বিপ॒শ্চিত॒ - মপ্র॑য়াবং - জী॒বসে॒ - দদা॑না - ব্যথিষ্ঠা - ব্রব॒ন্নেক॑-ঞ্চ) (অ. 2)

অনুবাকং 3 - উপহোমাঃ
জুষ্টী॑ নরো॒ ব্রহ্ম॑ণা বঃ পিতৃ॒ণাম্ । অক্ষ॑মব্যয়॒-ন্ন কিলা॑ রিষাথ । যচ্ছক্ব॑রীষু বৃহ॒তা রবে॑ণ । ইন্দ্রে॒ শুষ্ম॒মদ॑ধাথা বসিষ্ঠাঃ ॥ পা॒ব॒কা ন॒-স্সর॑স্বতী । বাজে॑ভি-র্বা॒জিনী॑বতী । য॒জ্ঞং-বঁ॑ষ্টু ধি॒য়া ব॑সুঃ ॥ সর॑স্বত্য়॒ভি নো॑ নেষি॒ বস্য়ঃ॑ । মা প॑স্ফরীঃ॒ পয়॑সা॒ মা ন॒ আ ধ॑ক্ । জু॒ষস্ব॑ ন-স্স॒খ্য়া॑ বে॒শ্য়া॑ চ ॥ 21 ॥

মা ত্বত্ক্ষেত্রা॒-ণ্যর॑ণানি গন্ম ॥ বৃ॒ঞ্জে হ॒বির্নম॑সা ব॒র্॒হির॒গ্নৌ । অয়া॑মি॒ স্রুগ্ ঘৃ॒তব॑তী সুবৃ॒ক্তিঃ । অম্য়॑ক্ষি॒ সদ্ম॒ সদ॑নে পৃথি॒ব্য়াঃ । অশ্রা॑য়ি য॒জ্ঞ-স্সূর্য়ে॒ ন চক্ষুঃ॑ ॥ ই॒হার্বাঞ্চ॒মতি॑হ্বয়ে । ইন্দ্র॒-ঞ্জৈত্রা॑য়॒ জেত॑বে । অ॒স্মাক॑মস্তু॒ কেব॑লঃ ॥ অ॒র্বাঞ্চ॒মিন্দ্র॑ম॒মুতো॑ হবামহে । যো গো॒জি-দ্ধ॑ন॒জি-দ॑শ্ব॒জিদ্য়ঃ ॥ 22 ॥

ই॒ম-ন্নো॑ য॒জ্ঞং-বিঁ॑হ॒বে জু॑ষস্ব । অ॒স্য় কু॑র্মো হরিবো মে॒দিন॑-ন্ত্বা ॥ অস॑মৃংষ্টো জাযসে মাতৃ॒বো-শ্শুচিঃ॑ । ম॒ন্দ্রঃ ক॒বিরুদ॑তিষ্ঠো॒ বিব॑স্বতঃ । ঘৃ॒তেন॑ ত্বা ঽবর্ধযন্নগ্ন আহুত । ধূ॒মস্তে॑ কে॒তুর॑ভব-দ্দি॒বি শ্রি॒তঃ ॥ অ॒গ্নিরগ্রে᳚ প্রথ॒মো দে॒বতা॑নাম্ । সং​য়াঁ॑তানা-মুত্ত॒মো বিষ্ণু॑রাসীত্ । যজ॑মানায় পরি॒গৃহ্য়॑ দে॒বান্ । দী॒ক্ষয়ে॒দগ্​ম্ হ॒বিরাগ॑চ্ছত-ন্নঃ ॥ 23 ॥

অ॒গ্নিশ্চ॑ বিষ্ণো॒ তপ॑ উত্ত॒ম-ম্ম॒হঃ । দী॒ক্ষা॒পা॒লেভ্য়ো॒ বন॑ত॒গ্​ম্॒ হি শ॑ক্রা । বিশ্বৈ᳚-র্দে॒বৈ-র্য়॒জ্ঞিয়ৈ᳚-স্সং​বিঁদা॒নৌ । দী॒ক্ষাম॒স্মৈ যজ॑মানায় ধত্তম্ ॥ প্রত-দ্বিষ্ণু॑-স্স্তবতে বী॒র্য়া॑য় । মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্য়ো॒রুষু॑ ত্রি॒ষু বি॒ক্রম॑ণেষু । অধি॑ক্ষি॒যন্তি॒ ভুব॑নানি॒ বিশ্বা᳚ ॥ নূ মর্তো॑ দযতে সনি॒ষ্যন্. যঃ । বিষ্ণ॑ব উরুগা॒য়ায়॒ দাশ॑ত্ ॥ 24 ॥

প্র য-স্স॒ত্রাচা॒ মন॑সা॒ যজা॑ তৈ । এ॒তাব॑ন্ত॒-ন্নর্য়॑মা॒বিবা॑সাত্ ॥ বিচ॑ক্রমে পৃথি॒বীমে॒ষ এ॒তাম্ । ক্ষেত্রা॑য়॒ বিষ্ণু॒-র্মনু॑ষে দশ॒স্যন্ন্ । ধ্রু॒বাসো॑ অস্য় কী॒রয়ো॒ জনা॑সঃ । উ॒রু॒ক্ষি॒তিগ্​ম্ সু॒জনি॑মা চকার ॥ ত্রির্দে॒বঃ পৃ॑থি॒বীমে॒ষ এ॒তাম্ । বিচ॑ক্রমে শ॒তর্চ॑স-ম্মহি॒ত্বা । প্র বিষ্ণু॑-রস্তু ত॒বস॒স্ত বী॑য়ান্ । ত্বে॒ষগ্গ্​ হ্য়॑স্য়॒ স্থবি॑রস্য়॒ নাম॑ ॥ 25 ॥

হোতা॑র-ঞ্চি॒ত্রর॑থ-মদ্ধ্ব॒রস্য়॑ । য॒জ্ঞস্য়॑ যজ্ঞস্য় কে॒তুগ্​ম্ রুশ॑ন্তম্ । প্রত্য়॑র্ধি-ন্দে॒বস্য়॑ দেবস্য় ম॒হ্না । শ্রি॒য়া ত্ব॑-ঽগ্নিমতি॑থি॒-ঞ্জনা॑নাম্ ॥ আ নো॒ বিশ্বা॑ভিরূ॒তিভি॑-স্স॒জোষাঃ᳚ । ব্রহ্ম॑ জুষা॒ণো হ॑র্যশ্ব যাহি । বরী॑বৃজ॒-থ্স্থবি॑রেভি-স্সুশিপ্র । অ॒স্মে দধ॒-দ্বৃষ॑ণ॒গ্​ম্॒ শুষ্ম॑মিন্দ্র ॥ ইন্দ্র॑-স্সুব॒র্॒ষা জ॒নয়॒ন্নহা॑নি । জি॒গায়ো॒শিগ্ভিঃ॒ পৃত॑না অভি॒শ্রীঃ ॥ 26 ॥

প্রারো॑চয়॒ন্মন॑বে কে॒তুমহ্না᳚ম্ । অবি॑ন্দ॒জ্জ্য়োতি॑-র্বৃহ॒তে রণা॑য় ॥ অশ্বি॑না॒বব॑সে॒ নিহ্ব॑য়ে বাম্ । আ নূ॒নং-য়াঁ॑তগ্​ম্ সুকৃ॒তায়॑ বিপ্রা । প্রা॒ত॒র্য়ু॒ক্তেন॑ সু॒বৃতা॒ রথে॑ন । উ॒পাগ॑চ্ছত॒মব॒সা ঽঽগ॑ত-ন্নঃ ॥ অ॒বি॒ষ্ট-ন্ধী॒ষ্বশ্বি॑না ন আ॒সু । প্র॒জাব॒-দ্রেতো॒ অহ্র॑য়-ন্নো অস্তু । আবা᳚-ন্তো॒কে তন॑য়ে॒ তূতু॑জানাঃ । সু॒রত্না॑সো দে॒ববী॑তি-ঙ্গমেম ॥ 27 ॥

ত্বগ্​ম্ সো॑ম॒ ক্রতু॑ভি-স্সু॒ক্রতু॑র্ভূঃ । ত্ব-ন্দক্ষৈ᳚-স্সু॒দক্ষো॑ বি॒শ্ববে॑দাঃ । ত্বং-বৃঁষা॑ বৃষ॒ত্বেভি॑-র্মহি॒ত্বা । দ্য়ু॒ম্নেভি॑-র্দ্য়ু॒ম্ন্য়॑ভবো নৃ॒চক্ষাঃ᳚ ॥ অষা॑ঢং-য়ুঁ॒থ্সু পৃত॑নাসু॒ পপ্রি᳚ম্ । সু॒ব॒র॒.ষাম॒ফ্স্বাং-বৃঁ॒জন॑স্য় গো॒পাম্ । ভ॒রে॒ষু॒জাগ্​ম্ সু॑ক্ষি॒তিগ্​ম্ সু॒শ্রব॑সম্ । জয়॑ন্ত॒-ন্ত্বামনু॑ মদেম সোম ॥ ভবা॑ মি॒ত্রো ন শেব্য়ো॑ ঘৃ॒তাসু॑তিঃ । বিভূ॑তদ্য়ুম্ন এব॒য়া উ॑ স॒প্রথাঃ᳚ ॥ 28 ॥

অধা॑ তে বিষ্ণো বি॒দুষা॑চি॒দৃধ্য়ঃ॑ । স্তোমো॑ য॒জ্ঞস্য়॒ রাদ্ধ্য়ো॑ হ॒বিষ্ম॑তঃ ॥ যঃ পূ॒র্ব্য়ায়॑ বে॒ধসে॒ নবী॑যসে । সু॒মজ্জা॑নয়ে॒ বিষ্ণ॑বে॒ দদা॑শতি । যো জা॒তম॒স্য় ম॑হ॒তো ম॒হি ব্রবা᳚ত্ । সেদু॒-শ্শ্রবো॑ভি-র্য়ু॒জ্য়॑-ঞ্চিদ॒ভ্য়॑সত্ ॥ তমু॑ স্তোতারঃ পূ॒র্ব্য়ং-য়ঁথা॑ বি॒দ ঋ॒তস্য়॑ । গর্ভগ্​ম্॑ হ॒বিষা॑ পিপর্তন । আ-ঽস্য়॑ জা॒নন্তো॒ নাম॑ চিদ্বিবক্তন । বৃ॒হত্তে॑ বিষ্ণো সুম॒তি-ম্ভ॑জামহে ॥ 29 ॥

ই॒মা ধা॒না ঘৃ॑ত॒স্নুবঃ॑ । হরী॑ ই॒হোপ॑বক্ষতঃ । ইন্দ্রগ্​ম্॑ সু॒খত॑মে॒ রথে᳚ ॥ এ॒ষ ব্র॒হ্মা য ঋ॒ত্বিয়ঃ॑ । ইন্দ্রো॒ নাম॑ শ্রু॒তো গ॒ণে ॥, প্র তে॑ ম॒হে । বি॒দথে॑ শ॒গ্​ম্সিষ॒গ্​ম্॒ হরী᳚ । য ঋ॒ত্বিয়ঃ॒ প্র তে॑ বন্বে । ব॒নুষো॑ হর্য়॒ত-ম্মদ᳚ম্ । ইন্দ্রো॒ নাম॑ ঘৃ॒ত-ন্ন যঃ । হরি॑ভি॒শ্চারু॒ সেচ॑তে । শ্রু॒তো গ॒ণ আ ত্বা॑ বিশন্তু ॥ 30 ॥

হরি॑বর্পস॒-ঙ্গিরঃ॑ ॥ আচ॑র্​ষণি॒প্রা বৃ॑ষ॒ভো জনা॑নাম্ । রাজা॑ কৃষ্টী॒না-ম্পু॑রুহূ॒ত ইন্দ্রঃ॑ । স্তু॒ত-শ্শ্র॑ব॒স্যন্নব॒সোপ॑ম॒দ্রিক্ । যু॒ক্ত্বা হরী॒ বৃষ॒ণা ঽঽয়া᳚হ্য়॒র্বাম্ ॥ প্র য-থ্সিন্ধ॑বঃ প্রস॒বং-য়ঁদাযন্ন্॑ । আপ॑-স্সমু॒দ্রগ্​ম্ র॒ত্থ্য়ে॑ব জগ্মুঃ । অত॑শ্চি॒দিন্দ্র॒-স্সদ॑সো॒ বরী॑য়ান্ । যদী॒গ্​ম্॒ সোমঃ॑ পৃ॒ণাতি॑ দু॒গ্ধো অ॒গ্​ম্॒শুঃ ॥ হ্বয়া॑মসি॒ ত্বেন্দ্র॑ যা॒হ্য়॑র্বাম্ ॥ 31 ॥

অর॑-ন্তে॒ সোম॑স্ত॒নুবে॑ ভবাতি । শত॑ক্রতো মা॒দয়॑স্বা সু॒তেষু॑ । প্রাস্মাগ্​ম্ অ॑ব॒ পৃত॑নাসু॒ প্র যু॒থ্সু ॥ ইন্দ্রা॑য়॒ সোমাঃ᳚ প্র॒দিবো॒ বিদা॑নাঃ । ঋ॒ভু-র্য়েভি॒-র্বৃষ॑পর্বা॒-বিহা॑য়াঃ । প্র॒য়॒ম্যমা॑ণা॒-ন্প্রতি॒ ষূগৃ॑ভায় । ইন্দ্র॒ পিব॒ বৃষ॑ধূতস্য়॒ বৃষ্ণঃ॑ ॥ অহে॑ডমান॒ উপ॑য়াহি য॒জ্ঞম্ । তুভ্য়॑-ম্পবন্ত॒ ইন্দ॑ব-স্সু॒তাসঃ॑ । গাবো॒ ন ব॑জ্রিন্-থ্স্ব॒মোকো॒ অচ্ছ॑ ॥ 32 ॥

ইন্দ্রাগ॑হি প্রথ॒মো যজ্ঞিয়া॑নাম্ ॥ যা তে॑ কা॒কু-থ্সুকৃ॑তা॒ যা বরি॑ষ্ঠা । যয়া॒ শশ্ব॒ত্পিব॑সি॒ মদ্ধ্ব॑ ঊ॒র্মিম্ । তয়া॑ পাহি॒ প্র তে॑ অদ্ধ্ব॒র্য়ুর॑স্থাত্ । স-ন্তে॒ বজ্রো॑ বর্ততামিন্দ্র গ॒ব্য়ুঃ ॥ প্রা॒ত॒র্য়ুজা॒ বিবো॑ধয় । অশ্বি॑না॒বেহ গ॑চ্ছতম্ । অ॒স্য় সোম॑স্য় পী॒তয়ে᳚ ॥ প্রা॒ত॒র্য়াবা॑ণা প্রথ॒মা য॑জদ্ধ্বম্ । পু॒রা গৃদ্ধ্রা॒দর॑রুষঃ পিবাথঃ । প্রা॒তর্​হি য॒জ্ঞম॒শ্বিনা॒ দধা॑তে । প্রশগ্​ম্॑ সন্তি ক॒বয়ঃ॑ পূর্ব॒ভাজঃ॑ ॥ প্রা॒তর্য়॑জদ্ধ্বম॒শ্বিনা॑ হিনোত । ন সা॒যম॑স্তি দেব॒য়া অজু॑ষ্টম্ । উ॒তান্য়ো অ॒স্ম-দ্য়॑জতে॒ বিচা॑য়ঃ । পূর্বঃ॑ পূর্বো॒ যজ॑মানো॒ বনী॑য়ান্ ॥ 33 ॥
(চা॒ - শ্ব॒জিদ্য়ো-গ॑চ্ছত-ন্নো॒ - দাশ॒ন্ - নামা॑ - ভি॒শ্রী--র্ গ॑মেম - স॒প্রথা॑ - ভজামহে - বিশন্তু - যা॒হ্য়॑র্বাং - চ্ছ॑ - পিবাথ॒-ষ্ষট্চ॑) (অ. 3)

অনুবাকং 4 - উপহোমাঃ
ন॒ক্ত॒-ঞ্জা॒তা-ঽস্য়ো॑ষধে । রামে॒ কৃষ্ণে॒ অসি॑ক্নি চ । ই॒দগ্​ম্ র॑জনি রজয় । কি॒লাস॑-ম্পলি॒ত-ঞ্চ॒ যত্ ॥ কি॒লাস॑-ঞ্চ পলি॒ত-ঞ্চ॑ । নিরি॒তো না॑শয়া॒ পৃষ॑ত্ । আ ন॒-স্স্বো অ॑শ্নুতাং॒-বঁর্ণঃ॑ । পরা᳚ শ্বে॒তানি॑ পাতয় ॥ অসি॑ত-ন্তে নি॒লয়॑নম্ । আ॒স্থান॒মসি॑ত॒-ন্তব॑ ॥ 34 ॥

অসি॑ক্নিযস্য়োষধে । নিরি॒তো না॑শয়া॒ পৃষ॑ত্ ॥ অ॒স্থি॒জস্য়॑ কি॒লাস॑স্য় । ত॒নূ॒জস্য়॑ চ॒ যত্ত্ব॒চি । কৃ॒ত্যয়া॑ কৃ॒তস্য়॒ ব্রহ্ম॑ণা । লক্ষ্ম॑ শ্বে॒তম॑নীনশম্ ॥ সরূ॑পা॒ নাম॑ তে মা॒তা । সরূ॑পো॒ নাম॑ তে পি॒তা । সরূ॑পা ঽস্য়োষধে॒ সা । সরূ॑পমি॒দ-ঙ্কৃ॑ধি ॥ 35 ॥

শু॒নগ্​ম্ হু॑বেম ম॒ঘবা॑ন॒মিন্দ্র᳚ম্ । অ॒স্মিন্ভরে॒ নৃত॑মং॒-বাঁজ॑সাতৌ । শৃ॒ণ্বন্ত॑-মু॒গ্রমূ॒তয়ে॑ স॒মথ্সু॑ । ঘ্নন্তং॑-বৃঁ॒ত্রাণি॑ স॒জিন্ত॒-ন্ধনা॑নাম্ ॥ ধূ॒নু॒থ দ্য়া-ম্পর্ব॑তান্দা॒শুষে॒ বসু॑ । নি বো॒ বনা॑ জিহতে॒ যাম॑নো ভি॒য়া । কো॒পয়॑থ পৃথি॒বী-ম্পৃ॑শ্নিমাতরঃ । যু॒ধে যদু॑গ্রাঃ॒ পৃষ॑তী॒-রয়ু॑গ্ধ্বম্ ॥ প্রবে॑পযন্তি॒ পর্ব॑তান্ । বিবি॑ঞ্চন্তি॒ বন॒স্পতীন্॑ ॥ 36 ॥

প্রোবা॑রত মরুতো দু॒র্মদা॑ ইব । দেবা॑স॒-স্সর্ব॑য়া বি॒শা ॥ পু॒রু॒ত্রা হি স॒দৃঙ্ঙসি॑ । বিশো॒ বিশ্বা॒ অনু॑ প্র॒ভু । স॒মথ্সু॑ ত্বা হবামহে ॥ স॒মথ্স্ব॒গ্নি-মব॑সে । বা॒জ॒যন্তো॑ হবামহে । বাজে॑ষু চি॒ত্ররা॑ধসম্ ॥ সঙ্গ॑চ্ছদ্ধ্ব॒গ্​ম্॒ সং​বঁ॑দদ্ধ্বম্ । সং-বোঁ॒ মনাগ্​ম্॑সি জানতাম্ ॥ 37 ॥

দে॒বা ভা॒গং-য়ঁথা॒ পূর্বে᳚ । স॒জা॒ন্না॒না উ॒পাস॑ত ॥ স॒মা॒নো মন্ত্র॒-স্সমি॑তি-স্সমা॒নী । স॒মা॒ন-ম্মন॑-স্স॒হ চি॒ত্তমে॑ষাম্ । স॒মা॒ন-ঙ্কেতো॑ অ॒ভি-সগ্​ম্র॑ভদ্ধ্বম্ । স॒জ্ঞান্নে॑ন বো হ॒বিষা॑ যজামঃ ॥ স॒মা॒নী ব॒ আকূ॑তিঃ । স॒মা॒না হৃদ॑য়ানি বঃ । স॒মা॒নম॑স্তু বো॒ মনঃ॑ । যথা॑ ব॒-স্সুস॒হা-ঽস॑তি ॥ 38 ॥

স॒জ্ঞান্ন॑-ন্ন॒-স্স্বৈঃ । স॒জ্ঞান্ন॒মর॑ণৈঃ । স॒জ্ঞান্ন॑মশ্বিনা যু॒বম্ । ই॒হাস্মাসু॒ নিয়॑চ্ছতম্ ॥ স॒জ্ঞান্ন॑-ম্মে॒ বৃহ॒স্পতিঃ॑ । স॒জ্ঞান্নগ্​ম্॑ সবি॒তা ক॑রত্ । স॒জ্ঞান্ন॑মশ্বিনা যু॒বম্ । ই॒হ মহ্য়॒-ন্নিয়॑চ্ছতম্ ॥ উপ॑চ্ছা॒য়ামি॑ব॒ ঘৃণেঃ᳚ । অগ॑ন্ম॒ শর্ম॑ তে ব॒যম্ ॥ 39 ॥

অগ্নে॒ হির॑ণ্যসন্দৃশঃ ॥ অদ॑ব্ধেভি-স্সবিতঃ পা॒য়ুভি॒ষ্ট্বম্ । শি॒বেভি॑র॒দ্য় পরি॑পাহি নো॒ গয়᳚ম্ । হির॑ণ্যজিহ্ব-স্সুবি॒তায়॒ নব্য়॑সে । রক্ষা॒মাকি॑র্নো অ॒ঘশগ্​ম্॑স ঈশত ॥ মদে॑মদে॒ হি নো॑ দ॒দুঃ । যূ॒থা গবা॑মৃজু॒ক্রতুঃ॑ । সঙ্গৃ॑ভায় পু॒রূ শ॒তা । উ॒ভ॒য়া হ॒স্ত্য়া বসু॑ । শি॒শী॒হি রা॒য় আভ॑র ॥ 40 ॥

শিপ্রি॑ন্ বাজানা-ম্পতে । শচী॑ব॒স্তব॑ দ॒গ্​ম্॒সনা᳚ । আ তূ ন॑ ইন্দ্র ভাজয় । গোষ্বশ্বে॑ষু শু॒ভ্রুষু॑ । স॒হস্রে॑ষু তুবীমঘ ॥ য-দ্দে॑বা দেব॒ হেড॑নম্ । দেবা॑সশ্চকৃ॒মা ব॒যম্ । আদি॑ত্য়া॒স্তস্মা᳚ন্মা যূ॒যম্ । ঋ॒তস্য়॒র্তেন॑ মুঞ্চত ॥ ঋ॒তস্য়॒র্তে-না॑দিত্য়াঃ ॥ 41 ॥

যজ॑ত্রা মু॒ঞ্চতে॒হ মা᳚ । য॒জ্ঞৈর্বো॑ যজ্ঞবাহসঃ । আ॒শিক্ষ॑ন্তো॒ ন শে॑কিম ॥ মেদ॑স্বতা॒ যজ॑মানাঃ । স্রু॒চা-ঽঽজ্য়ে॑ন॒ জুহ্ব॑তঃ । অ॒কা॒মা বো॑ বিশ্বে দেবাঃ । শিক্ষ॑ন্তো॒ নোপ॑ শেকিম ॥ যদি॒ দিবা॒ যদি॒ নক্ত᳚ম্ । এন॑ এন॒স্য়ো-ঽক॑রত্ । ভূ॒ত-ম্মা॒ তস্মা॒দ্ভব্য়॑-ঞ্চ ॥ 42 ॥

দ্রু॒প॒দাদি॑ব মুঞ্চতু ॥ দ্রু॒প॒দাদি॒বে-ন্মু॑মুচা॒নঃ । স্বি॒ন্ন-স্স্না॒ত্বী মলা॑দিব । পূ॒ত-ম্প॒বিত্রে॑ণে॒ বাজ্য়᳚ম্ । বিশ্বে॑ মুঞ্চন্তু॒ মৈন॑সঃ ॥ উদ্ব॒য়-ন্তম॑স॒স্পরি॑ । পশ্য়॑ন্তো॒ জ্য়োতি॒রুত্ত॑রম্ । দে॒ব-ন্দে॑ব॒ত্রা সূর্য়᳚ম্ । অগ॑ন্ম॒ জ্য়োতি॑রুত্ত॒মম্ ॥ 43 ॥
(তব॑ - কৃধি॒ - বন॒স্পতী᳚ - ঞ্জানতা॒ - মস॑তি - ব॒য়ং - ভ॑রা - দিত্য়া - শ্চ॒ - +নব॑ চ) (অ. 4)

অনুবাকং 5 - উপহোমাঃ
বৃষা॒ সো অ॒গ্​ম্॒শুঃ প॑বতে হ॒বিষ্মা॒ন্-থ্সোমঃ॑ । ইন্দ্র॑স্য় ভা॒গ ঋ॑ত॒য়ু-শ্শ॒তায়ুঃ॑ । স মা॒ বৃষা॑ণং-বৃঁষ॒ভ-ঙ্কৃ॑ণোতু । প্রি॒য়ং-বিঁ॒শাগ্​ম্ সর্ব॑বীরগ্​ম্ সু॒বীর᳚ম্ ॥ কস্য়॒ বৃষা॑ সু॒তে সচা᳚ । নি॒য়ুত্বা᳚ন্ বৃষ॒ভো র॑ণত্ । বৃ॒ত্র॒হা সোম॑পীতয়ে ॥ যস্তে॑ শৃঙ্গ বৃষো নপাত্ । প্রণ॑পা-ত্কুণ্ড॒পায়্য়ঃ॑ । ন্য়॑স্মিন্দদ্ধ্র॒ আ মনঃ॑ ॥ 44 ॥

তগ্​ম্ স॒দ্ধ্রীচী॑রূ॒তয়ো॒ বৃষ্ণি॑য়ানি । পৌগ্গ্​স্য়া॑নি নি॒য়ুত॑-স্সশ্চু॒রিন্দ্র᳚ম্ । স॒মু॒দ্র-ন্ন সিন্ধ॑ব উ॒ক্থশু॑ষ্মাঃ । উ॒রু॒ব্যচ॑স॒-ঙ্গির॒ আবি॑শন্তি ॥ ইন্দ্রা॑য়॒ গিরো॒ অনি॑শিতসর্গাঃ । অ॒পঃ প্রৈর॑য়॒ন্-থ্সগ॑রস্য় বু॒দ্দধ্নাত্ । যো অক্ষে॑ণেব চ॒ক্রিয়া॒ শচী॑ভিঃ । বিষ্ব॑ক্ত॒স্তম্ভ॑ পৃথি॒বীমু॒ত দ্য়াম্ ॥ অক্ষো॑দয়॒চ্ছব॑সা॒ ক্ষাম॑ বু॒দ্ধ্নম্ । বার্ণবা॑ত॒স্তবি॑ষীভি॒রিন্দ্রঃ॑ ॥ 45 ॥

দৃ॒ঢান্য়ৌ᳚ঘ্নাদু॒শমা॑ন॒ ওজঃ॑ । অবা॑ভিনত্ক॒কুভঃ॒ পর্ব॑তানাম্ ॥ আ নো॑ অগ্নে সুকে॒তুনা᳚ । র॒য়িং-বিঁ॒শ্বায়ু॑পোষসম্ । মা॒র্ডী॒ক-ন্ধে॑হি জী॒বসে᳚ ॥ ত্বগ্​ম্ সো॑ম ম॒হে ভগ᳚ম্ । ত্বং-য়ূঁন॑ ঋতায়॒তে । দক্ষ॑-ন্দধাসি জী॒বসে᳚ ॥ রথং॑-য়ুঁঞ্জতে ম॒রুত॑-শ্শু॒ভে স॒গম্ । সূরো॒ ন মি॑ত্রাবরুণা॒ গবি॑ষ্টিষু ॥ 46 ॥

রজাগ্​ম্॑সি চি॒ত্রা বি চ॑রন্তি ত॒ন্যবঃ॑ । দি॒ব-স্স॑ম্রাজা॒ পয়॑সা ন উক্ষতম্ ॥ বাচ॒গ্​ম্॒ সু মি॑ত্রাবরুণা॒বিরা॑বতীম্ । প॒র্জন্য়॑শ্চি॒ত্রাং-বঁ॑দতি॒ ত্বিষী॑মতীম্ । অ॒ভ্রা ব॑সত মরুত-স্সু মা॒যয়া᳚ । দ্য়াং-বঁ॑র্​ষযত-মরু॒ণাম॑রে॒পস᳚ম্ ॥ অয়ু॑ক্ত স॒প্ত শু॒ন্ধ্য়ুবঃ॑ । সূরো॒ রথ॑স্য় ন॒প্ত্রিয়ঃ॑ । তাভি॑র্য়াতি॒ স্বয়ু॑ক্তিভিঃ ॥ বহি॑ষ্ঠেভির্বি॒হর॑ন্. যাসি॒ তন্তু᳚ম্ ॥ 47 ॥

অ॒ব॒ব্যয়॒ন্নসি॑ত-ন্দেব॒ বস্বঃ॑ । দবি॑দ্ধ্বতো র॒শ্ময়॒-স্সূর্য়॑স্য় । চর্মে॒বাবা॑ধু॒স্তমো॑ অ॒ফ্স্ব॑ন্তঃ ॥ প॒র্জন্য়া॑য়॒ প্রগা॑যত । দি॒বস্পু॒ত্রায়॑ মী॒ঢুষে᳚ । স নো॑ য॒বস॑মিচ্ছতু ॥ অচ্ছা॑ বদ ত॒বস॑-ঙ্গী॒র্ভিরা॒ভিঃ । স্তু॒হি প॒র্জন্য়॒-ন্নম॒সা বি॑বাস । কনি॑ক্রদ-দ্বৃষ॒ভো জী॒রদা॑নুঃ । রেতো॑ দধা॒ত্বোষ॑ধীষু॒ গর্ভ᳚ম্ ॥ 48 ॥

যো গর্ভ॒মোষ॑ধীনাম্ । গবা᳚-ঙ্কৃ॒ণোত্যর্ব॑তাম্ । প॒র্জন্য়ঃ॑ পুরু॒ষীণা᳚ম্ ॥ তস্মা॒ ইদা॒স্য়ে॑ হ॒বিঃ । জু॒হোতা॒ মধু॑মত্তমম্ । ইডা᳚-ন্ন-স্সং॒​য়ঁত॑-ঙ্করত্ ॥ তি॒স্রো যদ॑গ্নে শ॒রদ॒স্ত্বামিত্ । শুচি॑-ঙ্ঘৃ॒তেন॒ শুচ॑য়-স্সপ॒র্যন্ন্ । নামা॑নি চিদ্দধিরে য॒জ্ঞিয়া॑নি । অসূ॑দযন্ত ত॒নুব॒-স্সুজা॑তাঃ ॥ 49 ॥

ইন্দ্র॑শ্চ ন-শ্শুনাসীরৌ । ই॒মং-য়ঁ॒জ্ঞ-ম্মি॑মিক্ষতম্ । গর্ভ॑-ন্ধত্তগ্গ্​ স্ব॒স্তয়ে᳚ ॥ যয়ো॑রি॒দং-বিঁশ্ব॒-ম্ভুব॑ন-মাবি॒বেশ॑ । যয়ো॑রান॒ন্দো নিহি॑তো॒ মহ॑শ্চ । শুনা॑সীরাবৃ॒তুভি॑-স্সং​বিঁদা॒নৌ । ইন্দ্র॑বন্তৌ হ॒বিরি॒দ-ঞ্জু॑ষেথাম্ ॥ আ ঘা॒ যে অ॒গ্নিমি॑ন্ধ॒তে । স্তৃ॒ণন্তি॑ ব॒র্॒হিরা॑নু॒ষক্ । যেষা॒মিন্দ্রো॒ যুবা॒ সখা᳚ ॥ অগ্ন॒ ইন্দ্র॑শ্চ মে॒দিনা᳚ । হ॒থো বৃ॒ত্রাণ্য়॑প্র॒তি । যু॒বগ্​ম্ হি বৃ॑ত্র॒হন্ত॑মা ॥ যাভ্য়া॒গ্​ম্॒ সুব॒রজ॑য়॒ন্নগ্র॑ এ॒ব । যাবা॑তস্থ॒তু-র্ভুব॑নস্য়॒ মদ্ধ্য়ে᳚ । প্রচ॑র্​ষ॒ণী বৃ॑ষণা॒ বজ্র॑বাহূ । অ॒গ্নী ইন্দ্রা॑ বৃত্র॒হণা॑ হুবে বাম্ ॥ 50 ॥
(মন॒ - ইন্দ্রো॒ - গাবি॑ষ্টিষু॒ - তন্তুং॒ - গর্ভ॒গ্​ম্॒ - সুজা॑তাঃ॒ - সখা॑ স॒প্ত চ॑) (অ. 5)

অনুবাকং 6 - উপহোমাঃ
উ॒ত নঃ॑ প্রি॒য়া প্রি॒য়াসু॑ । স॒প্তস্বসা॒ সুজু॑ষ্টা । সর॑স্বতী॒ স্তোম্য়া॑ ঽভূত্ ॥ ই॒মা জুহ্বা॑না যু॒ষ্মদা নমো॑ভিঃ । প্রতি॒ স্তোমগ্​ম্॑ সরস্বতি জুষস্ব । তব॒ শর্ম॑-ন্প্রি॒যত॑মে॒ দধা॑নাঃ । উপ॑স্থেয়াম শর॒ণ-ন্ন বৃ॒ক্ষম্ ॥ ত্রীণি॑ প॒দা বিচ॑ক্রমে । বিষ্ণু॑র্গো॒পা অদা᳚ভ্য়ঃ । ততো॒ ধর্মা॑ণি ধা॒রযন্ন্॑ ॥ 51 ॥

তদ॑স্য় প্রি॒যম॒ভি পাথো॑ অশ্য়াম্ । নরো॒ যত্র॑ দেব॒যবো॒ মদ॑ন্তি । উ॒রু॒ক্র॒মস্য়॒ স হি বন্ধু॑রি॒ত্থা । বিষ্ণোঃ᳚ প॒দে প॑র॒মে মদ্ধ্ব॒ উথ্সঃ॑ ॥ ক্র॒ত্বা॒ দা অ॑স্থু॒ শ্রেষ্ঠঃ॑ । অ॒দ্য় ত্বা॑ ব॒ন্বন্-থ্সু॒রেক্ণাঃ᳚ । মর্ত॑ আনাশ সুবৃ॒ক্তিম্ ॥ ই॒মা ব্র॑হ্ম ব্রহ্মবাহ । প্রি॒য়া ত॒ আ ব॒র॒ঃই-স্সী॑দ । বী॒হি সূ॑র পুরো॒ডাশ᳚ম্ ॥ 52 ॥

উপ॑ ন-স্সূ॒নবো॒ গিরঃ॑ । শৃ॒ণ্বন্ত্ব॒মৃতস্য়॒ যে । সু॒মৃ॒ডী॒কা ভ॑বন্তু নঃ ॥ অ॒দ্য়া নো॑ দেব সবিতঃ । প্র॒জাব॑-থ্সাবী॒-স্সৌভ॑গম্ । পরা॑ দু॒স্ষ্বপ্নি॑য়গ্​ম্ সুব ॥ বিশ্বা॑নি দেব সবিতঃ । দু॒রি॒তানি॒ পরা॑সুব । য-দ্ভ॒দ্র-ন্তন্ম॒ আসু॑ব ॥ শুচি॑ম॒র্কৈ-র্বৃহ॒স্পতি᳚ম্ ॥ 53 ॥

অ॒দ্ধ্ব॒রেষু॑ নমস্যত । অ॒না॒ম্য়োজ॒ আচ॑কে ॥ যা ধা॒রয়॑ন্ত দে॒বা সু॒দক্ষা॒ দক্ষ॑পিতারা । অ॒সু॒র্য়া॑য়॒ প্রম॑হসা ॥ স ইত্ক্ষেতি॒ সুধি॑ত॒ ওক॑সি॒ স্বে । তস্মা॒ ইডা॑ পিন্বতে বিশ্ব॒দানী᳚ । তস্মৈ॒ বিশ॑-স্স্ব॒যমে॒বান॑মন্তি । যস্মি॑-ন্ব্র॒হ্মা রাজ॑নি॒ পূর্ব॒ এতি॑ ॥ সকূ॑তিমিন্দ্র॒ সচ্য়ু॑তিম্ । সচ্য়ু॑তি-ঞ্জ॒ঘন॑চ্য়ুতিম্ ॥ 54 ॥

ক॒নাত্কা॒ভা-ন্ন॒ আভ॑র । প্র॒য়॒ফ্স্যন্নি॑ব স॒ক্থ্য়ৌ᳚ ॥ বিন॑ ইন্দ্র॒ মৃধো॑ জহি । কনী॑খুনদিব সা॒পযন্ন্॑ । অ॒ভি ন॒-স্সুষ্টু॑তি-ন্নয় ॥ প্র॒জাপ॑তি-স্স্ত্রি॒য়াং-য়ঁশঃ॑ । মু॒ষ্কয়ো॑রদধা॒-থ্সপ᳚ম্ । কাম॑স্য়॒ তৃপ্তি॑মান॒ন্দম্ । তস্য়া᳚গ্নে ভাজয়ে॒হ মা᳚ ॥ মোদঃ॑ প্রমো॒দ আ॑ন॒ন্দঃ ॥ 55 ॥

মু॒ষ্কয়ো॒র্নিহি॑ত॒-স্সপঃ॑ । সৃ॒ত্বেব॒ কাম॑স্য় তৃপ্য়াণি । দক্ষি॑ণানা-ম্প্রতিগ্র॒হে ॥ মন॑সশ্চি॒ত্ত-মাকূ॑তিম্ । বা॒চ-স্স॒ত্য়-ম॑শীমহি । প॒শূ॒নাগ্​ম্ রূ॒পমন্ন॑স্য় । যশ॒-শ্শ্রী-শ্শ্র॑যতা॒-ম্ময়ি॑ ॥ যথা॒ ঽহম॒স্য়া অতৃ॑পগ্গ্​ স্ত্রি॒য়ৈ পুমান্॑ । যথা॒ স্ত্রী তৃপ্য়॑তি পু॒গ্​ম্॒সি প্রি॒য়ে প্রি॒য়া । এ॒ব-ম্ভগ॑স্য় তৃপ্য়াণি ॥ 56 ॥

য॒জ্ঞস্য়॒ কাম্য়ঃ॑ প্রি॒য়ঃ ॥ দদা॒মীত্য়॒গ্নির্ব॑দতি । তথেতি॑ বা॒য়ুরা॑হ॒ তত্ । হন্তেতি॑ স॒ত্য়-ঞ্চ॒ন্দ্রমাঃ᳚ । আ॒দি॒ত্য়-স্স॒ত্যমোমিতি॑ ॥ আপ॒স্ত-থ্স॒ত্যমাভ॑রন্ন্ । যশো॑ য॒জ্ঞস্য়॒ দক্ষি॑ণাম্ । অ॒সৌ মে॒ কাম॒-স্সমৃ॑দ্ধ্যতাম্ ॥ ন হি স্পশ॒মবি॑দ-ন্ন॒ন্যম॒স্মাত্ । বৈ॒শ্বা॒ন॒রা-ত্পু॑র এ॒তার॑ম॒গ্নেঃ ॥ 57 ॥

অথে॑মমন্থন্ন॒মৃত॒মমূ॑রাঃ । বৈ॒শ্বা॒ন॒র-ঙ্ক্ষে᳚ত্র॒জিত্য়া॑য় দে॒বাঃ ॥ যেষা॑মি॒মে পূর্বে॒ অর্মা॑স॒ আসন্ন্॑ । অ॒য়ূ॒পা-স্সদ্ম॒ বিভৃ॑তা পু॒রূণি॑ । বৈশ্বা॑নর॒ ত্বয়া॒ তে নু॒ত্তাঃ । পৃ॒থি॒বী-ম॒ন্য়াম॒ভিত॑স্থু॒-র্জনা॑সঃ ॥ পৃ॒থি॒বী-ম্মা॒তর॑-ম্ম॒হীম্ । অ॒ন্তরি॑ক্ষ॒-মুপ॑ব্রুবে । বৃ॒হ॒তীমূ॒তয়ে॒ দিব᳚ম্ ॥ বিশ্ব॑-ম্বিভর্তি পৃথি॒বী ॥ 58 ॥

অ॒ন্তরি॑ক্ষং॒-বিঁপ॑প্রথে । দু॒হে দ্য়ৌ-র্বৃ॑হ॒তী পয়ঃ॑ ॥ ন তা ন॑শন্তি॒ ন দ॑ভাতি॒ তস্ক॑রঃ । নৈনা॑ অমি॒ত্রো ব্যথি॒রাদ॑ধর্​ষতি । দে॒বাগ্​শ্চ॒ যাভি॒-র্যজ॑তে॒ দদা॑তি চ । জ্য়োগিত্তাভি॑-স্সচতে॒ গোপ॑তি-স্স॒হ ॥ ন তা অর্বা॑ রে॒ণুক॑কাটো অশ্নুতে । ন সগ্গ্॑ স্কৃত॒ত্র-মুপ॑যন্তি॒ তা অ॒ভি । উ॒রু॒গা॒যমভ॑য়॒-ন্তস্য়॒ তা অনু॑ । গাবো॒ মর্ত্য়॑স্য়॒ বিচ॑রন্তি॒ যজ্ব॑নঃ ॥ 59 ॥

রাত্রী॒ ব্য়॑খ্যদায়॒তী । পু॒রু॒ত্রা দে॒ব্য়॑ক্ষভিঃ॑ । বিশ্বা॒ অধি॒ শ্রিয়ো॑-ঽধিত ॥ উপ॑ তে॒ গা ই॒বাক॑রম্ । বৃ॒ণী॒ষ্ব দু॑হিত-র্দিবঃ । রাত্রী॒ স্তোম॒-ন্ন জি॒গ্য়ুষী᳚ ॥ দে॒বীং-বাঁচ॑মজনযন্ত দে॒বাঃ । তাং-বিঁ॒শ্বরূ॑পাঃ প॒শবো॑ বদন্তি । সা নো॑ ম॒ন্দ্রেষ॒মূর্জ॒-ন্দুহা॑না । ধে॒নুর্বাগ॒স্মানুপ॒ সুষ্টু॒তৈতু॑ ॥ 60 ॥

য-দ্বাগ্বদ॑ন্ত্য়-বিচেত॒নানি॑ । রাষ্ট্রী॑ দে॒বানা᳚-ন্নিষ॒সাদ॑ ম॒ন্দ্রা । চত॑স্র॒ ঊর্জ॑-ন্দুদুহে॒ পয়াগ্​ম্॑সি । ক্ব॑ স্বি দস্য়াঃ পর॒ম-ঞ্জ॑গাম ॥ গৌ॒রী মি॑মায় সলি॒লানি॒ তক্ষ॑তী । এক॑পদী দ্বি॒পদী॒ সা চতু॑ষ্পদী । অ॒ষ্টাপ॑দী॒ নব॑পদী বভূ॒বুষী᳚ । স॒হস্রা᳚ক্ষরা পর॒মে ব্য়ো॑মন্ন্ ॥ তস্য়াগ্​ম্॑ সমু॒দ্রা অধি॒ বি ক্ষ॑রন্তি । তেন॑ জীবন্তি প্র॒দিশ॒শ্চত॑স্রঃ ॥ 61 ॥

ততঃ॑, ক্ষরত্য়॒ক্ষর᳚ম্ । ত-দ্বিশ্ব॒-মুপ॑জীবতি ॥ ইন্দ্রা॒ সূরা॑ জ॒নয়॑ন্-বি॒শ্বক॑র্মা । ম॒রুত্বাগ্​ম্॑ অস্তু গ॒ণবা᳚ন্-থ্সজা॒তবান্॑ । অ॒স্য় স্নু॒ষা-শ্বশু॑রস্য়॒ প্রশি॑ষ্টিম্ । স॒পত্না॒ বাচ॒-ম্মন॑সা॒ উপা॑সতাম্ ॥ ইন্দ্র॒-স্সূরো॑ অতর॒-দ্রজাগ্​ম্॑সি । স্নু॒ষা স॒পত্না॒-শ্শ্বশু॑রো॒-ঽযম॑স্তু । অ॒য়গ্​ম্ শত্রূ᳚ঞ্জযতু॒ জর্​হৃ॑ষাণঃ । অ॒য়ং-বাঁজ॑-ঞ্জযতু॒ বাজ॑সাতৌ ॥ অ॒গ্নিঃ, ক্ষ॑ত্র॒ভৃদনি॑ভৃষ্ট॒মোজঃ॑ । স॒হ॒স্রিয়ো॑ দীপ্যতা॒-মপ্র॑য়ুচ্ছন্ন্ । বি॒ভ্রাজ॑মান-স্সমিধা॒ন উ॒গ্রঃ । আ-ঽন্তরি॑ক্ষমরুহ॒দ-গ॒ন্দ্য়াম্ ॥ 62 ॥
(ধা॒রয়॑ন্ - পুরো॒ডাশং॒ - বৃহ॒স্পতিং॑ - জ॒ঘন॑চ্য়ুতি - মান॒ন্দো - ভগ॑স্য় তৃপ্য়া - ণ্য়॒গ্নেঃ - পৃ॑থি॒বী - যজ্ব॑ন - এতু - প্র॒দিশ॒শ্চত॑স্রো॒ - বাজ॑সাতৌ চ॒ত্বারি॑ চ) (অ. 6)

অনুবাকং 7 - উপহোমাঃ
বৃষা᳚ ঽস্য়॒গ্​ম্॒শু-র্বৃ॑ষ॒ভায়॑ গৃহ্যসে । বৃষা॒-ঽযমু॒গ্রো নৃ॒চক্ষ॑সে । দি॒ব্য়ঃ ক॑র্ম॒ণ্য়ো॑ হি॒তো বৃ॒হন্নাম॑ । বৃ॒ষ॒ভস্য়॒ যা ক॒কুত্ ॥ বি॒ষূ॒বান্. বি॑ষ্ণো ভবতু । অ॒য়ং-য়োঁ মা॑ম॒কো বৃষা᳚ । অথো॒ ইন্দ্র॑ ইব দে॒বেভ্য়ঃ॑ । বিব্র॑বীতু॒ জনে᳚ভ্য়ঃ ॥ আয়ু॑ষ্মন্তং॒-বঁর্চ॑স্বন্তম্ । অথো॒ অধি॑পতিং-বিঁ॒শাম্ ॥ 63 ॥

অ॒স্য়াঃ পৃ॑থি॒ব্য়া অদ্ধ্য়॑ক্ষম্ । ই॒মমি॑ন্দ্র বৃষ॒ভ-ঙ্কৃ॑ণু ॥ য-স্সু॒শৃঙ্গ॑-স্সুবৃষ॒ভঃ । ক॒ল্য়াণো॒ দ্রোণ॒ আহি॑তঃ । কার্​ষী॑বলপ্রগাণেন । বৃ॒ষ॒ভেণ॑ যজামহে ॥ বৃ॒ষ॒ভেণ॒ যজ॑মানাঃ । অক্রূ॑রেণেব স॒র্পিষা᳚ । মৃধ॑শ্চ॒ সর্বা॒ ইন্দ্রে॑ণ । পৃত॑নাশ্চ জয়ামসি ॥ 64 ॥

যস্য়া॒যমৃ॑ষ॒ভো হ॒বিঃ । ইন্দ্রা॑য় পরিণী॒যতে᳚ । জয়া॑তি॒ শত্রু॑মা॒যন্ত᳚ম্ । অথো॑ হন্তি পৃতন্য়॒তঃ ॥ নৃ॒ণামহ॑ প্র॒ণীরস॑ত্ । অগ্র॑ উদ্ভিন্দ॒তাম॑সত্ ॥ ইন্দ্র॒ শুষ্ম॑-ন্ত॒নুবা॒ মের॑যস্ব । নী॒চা বিশ্বা॑ অ॒ভিতি॑ষ্ঠা॒ভিমা॑তীঃ । নি শৃ॑ণীহ্য়াবা॒ধং-য়োঁ নো॒ অস্তি॑ । উ॒রু-ন্নো॑ লো॒ক-ঙ্কৃ॑ণুহি জীরদানো ॥ 65 ॥

প্রেহ্য়॒ভিপ্রেহি॒ প্রভ॑রা॒ সহ॑স্ব । মা বিবে॑নো॒ বি শৃ॑ণুষ্বা॒ জনে॑ষু । উদী॑ডি॒তো বৃ॑ষভ॒ তিষ্ঠ॒ শুষ্মৈঃ᳚ । ইন্দ্র॒ শত্রূ᳚-ন্পু॒রো অ॒স্মাক॑ যুদ্ধ্য় ॥ অগ্নে॒ জেতা॒ ত্ব-ঞ্জ॑য় । শত্রূ᳚ন্-থ্সহস॒ ওজ॑সা । বি শত্রূ॒ন্॒. বিমৃধো॑ নুদ ॥ এ॒ত-ন্তে॒ স্তোম॑-ন্তুবিজাত॒ বিপ্রঃ॑ । রথ॒-ন্ন ধীর॒-স্স্বপা॑ অতক্ষম্ । যদীদ॑গ্নে॒ প্রতি॒ ত্ব-ন্দে॑ব॒ হর্য়াঃ᳚ ॥ 66 ॥

সুব॑র্বতীর॒প এ॑না জয়েম ॥ যো ঘৃ॒তেনা॒ভিমা॑নিতঃ । ইন্দ্র॒ জৈত্রা॑য় জজ্ঞিষে । স ন॒-স্সঙ্কা॑সু পারয় । পৃ॒ত॒না॒সাহ্য়ে॑ষু চ ॥ ইন্দ্রো॑ জিগায় পৃথি॒বীম্ । অ॒ন্তরি॑ক্ষ॒গ্​ম্॒ সুব॑র্ম॒হত্ । বৃ॒ত্র॒হা পু॑রু॒চেত॑নঃ ॥ ইন্দ্রো॑ জিগায়॒ সহ॑সা॒ সহাগ্​ম্॑সি । ইন্দ্রো॑ জিগায়॒ পৃত॑নানি॒ বিশ্বা᳚ ॥ 67 ॥

ইন্দ্রো॑ জা॒তো বি পুরো॑ রুরোজ । স নঃ॑ পর॒স্পা বরি॑বঃ কৃণোতু ॥ অ॒য়-ঙ্কৃ॒ত্নুরগৃ॑ভীতঃ । বি॒শ্ব॒জি-দু॒দ্ভিদি-থ্সোমঃ॑ । ঋষি॒-র্বিপ্রঃ॒ কাব্য়ে॑ন ॥ বা॒য়ুর॑গ্রে॒গা য॑জ্ঞ॒প্রীঃ । সা॒ক-ঙ্গ॒ন্মন॑সা য॒জ্ঞম্ । শি॒বো নি॒য়ুদ্ভি॑-শ্শি॒বাভিঃ॑ ॥ বায়ো॑ শু॒ক্রো অ॑য়ামি তে । মদ্ধ্বো॒ অগ্র॒-ন্দিবি॑ষ্টিষু ॥ 68 ॥

আয়া॑ হি॒ সোম॑পীতয়ে । স্বা॒রু॒হো দে॑ব নি॒য়ুত্ব॑তা ॥ ই॒মমি॑ন্দ্র বর্ধয় ক্ষ॒ত্রিয়া॑ণাম্ । অ॒য়ং-বিঁ॒শাং-বিঁ॒শ্পতি॑রস্তু॒ রাজা᳚ । অ॒স্মা ই॑ন্দ্র॒ মহি॒ বর্চাগ্​ম্॑সি ধেহি । অ॒ব॒র্চস॑-ঙ্কৃণুহি॒ শত্রু॑মস্য় ॥ ই॒মমাভ॑জ॒ গ্রামে॒ অশ্বে॑ষু॒ গোষু॑ । নির॒মু-ম্ভ॑জ॒ যো॑-ঽমিত্রো॑ অস্য় । বর্​ষ্ম॑ন্ ক্ষ॒ত্রস্য়॑ ক॒কুভি॑ শ্রযস্ব । ততো॑ ন উ॒গ্রো বিভ॑জা॒ বসূ॑নি ॥ 69 ॥

অ॒স্মে দ্য়া॑বাপৃথিবী॒ ভূরি॑ বা॒মম্ । স-ন্দু॑হাথা-ঙ্ঘর্ম॒দুঘে॑ব ধে॒নুঃ । অ॒য়গ্​ম্ রাজা᳚ প্রি॒য় ইন্দ্র॑স্য় ভূয়াত্ । প্রি॒য়ো গবা॒মোষ॑ধীনা-মু॒তাপাম্ ॥ যু॒নজ্মি॑ ত উত্ত॒রাব॑ন্ত॒-মিন্দ্র᳚ম্ । যেন॒ জয়া॑সি॒ ন পরা॒জয়া॑সৈ । স ত্বা॑ ঽকরেকবৃষ॒ভগ্গ্​ স্বানা᳚ম্ । অথো॑ রাজন্নুত্ত॒ম-ম্মা॑ন॒বানা᳚ম্ ॥ উত্ত॑র॒স্ত্বমধ॑রে তে স॒পত্নাঃ᳚ । এক॑বৃষা॒ ইন্দ্র॑সখা জিগী॒বান্ ॥ 70 ॥

বিশ্বা॒ আশাঃ॒ পৃত॑না-স্স॒জং​য়ঁ॒ঞ্জযন্ন্॑ । অ॒ভিতি॑ষ্ঠ শত্রূয়॒ত-স্স॑হস্ব ॥ তুভ্য়॑-ম্ভরন্তি ক্ষি॒তয়ো॑ যবিষ্ঠ । ব॒লিম॑গ্নে॒ অন্তি॑ ত॒ ওত দূ॒রাত্ । আ ভন্দি॑ষ্ঠস্য় সুম॒তি-ঞ্চি॑কিদ্ধি । বৃ॒হত্তে॑ অগ্নে॒ মহি॒ শর্ম॑ ভ॒দ্রম্ ॥ যো দে॒হ্য়ো অন॑মযদ্বধ॒স্নৈঃ । যো অর্য়॑পত্নী-রু॒ষস॑শ্চ॒কার॑ । স নি॒রুদ্ধ্য়া॒ নহু॑ষো য॒হ্বো অ॒গ্নিঃ । বিশ॑শ্চক্রে বলি॒হৃত॒-স্সহো॑ভিঃ ॥ 71 ॥

প্র স॒দ্য়ো অ॑গ্নে॒ অত্য়᳚ষ্য়॒ন্য়ান্ । আ॒বির্যস্মৈ॒ চারু॑তরো ব॒ভূথ॑ । ঈ॒ডেন্য়ো॑ বপু॒ষ্য়ো॑ বি॒ভাবা᳚ । প্রি॒য়ো বি॒শামতি॑থি॒-র্মানু॑ষীণাম্ ॥ ব্রহ্ম॑ জ্য়েষ্ঠা বী॒র্য়া॑ সম্ভৃ॑তানি । ব্রহ্মাগ্রে॒ জ্য়েষ্ঠ॒-ন্দিব॒মাত॑তান । ঋ॒তস্য়॒ ব্রহ্ম॑ প্রথ॒মোত জ॑জ্ঞে । তেনা॑র্​হতি॒ ব্রহ্ম॑ণা॒ স্পর্ধি॑তু॒-ঙ্কঃ ॥ ব্রহ্ম॒ স্রুচো॑ ঘৃ॒তব॑তীঃ । ব্রহ্ম॑ণা॒ স্বর॑বো মি॒তাঃ ॥ 72 ॥

ব্রহ্ম॑ য॒জ্ঞস্য়॒ তন্ত॑বঃ । ঋ॒ত্বিজো॒ যে হ॑বি॒ষ্কৃতঃ॑ ॥ শৃঙ্গা॑ণী॒বেচ্ছৃ॒ঙ্গিণা॒গ্​ম্॒ সন্দ॑দৃশ্রিরে । চ॒ষাল॑বন্ত॒-স্স্বর॑বঃ পৃথি॒ব্য়াম্ । তে দে॒বাস॒-স্স্বর॑বস্তস্থি॒বাগ্​ম্সঃ॑ । নম॒-স্সখি॑ভ্য়-স্স॒ন্নান্মা ঽব॑গাত ॥ অ॒ভি॒ভূর॒গ্নির॑তর॒-দ্রজাগ্​ম্॑সি । স্পৃধো॑ বি॒হত্য়॒ পৃত॑না অভি॒শ্রীঃ । জু॒ষা॒ণো ম॒ আহু॑তি-ম্মা মহিষ্ট । হ॒ত্বা স॒পত্না॒ন্॒. বরি॑বস্করন্নঃ ॥ ঈশা॑ন-ন্ত্বা॒ ভুব॑নানা-মভি॒শ্রিয়᳚ম্ । স্তৌম্য়॑গ্ন উরু॒কৃতগ্​ম্॑ সু॒বীর᳚ম্ । হ॒বি-র্জু॑ষা॒ণ-স্স॒পত্নাগ্​ম্॑ অভি॒ভূর॑সি । জ॒হি শত্রূ॒গ্​ম্॒রপ॒ মৃধো॑ নুদস্ব ॥ 73 ॥
(বি॒শাং - জ॑য়ামসি - জীরদানো॒ - হর্য়া॒ - বিশ্বা॒ - দিবি॑ষ্টিষু॒ - বসূ॑নি - জিগী॒বান্থ্ - সহো॑ভি--র্ মি॒তা - ন॑ শ্চ॒ত্বারি॑ চ) (অ. 7)

অনুবাকং 8 - উপহোমাঃ
স প্র॑ত্ন॒বন্নবী॑যসা । অগ্নে᳚ দ্য়ু॒ম্নেন॑ সং॒​য়ঁতা᳚ । বৃ॒হ-ত্ততন্থ ভা॒নুনা᳚ ॥ নব॒-ন্নু স্তোম॑ম॒গ্নয়ে᳚ । দি॒ব-শ্শ্য়ে॒নায়॑ জীজনম্ । বসোঃ᳚ কু॒বিদ্ব॒নাতি॑ নঃ ॥ স্বা॒রু॒হা যস্য়॒ শ্রিয়ো॑ দৃ॒শে । র॒য়ির্বী॒রব॑তো যথা । অগ্রে॑ য॒জ্ঞস্য়॒ চেত॑তঃ ॥ অদা᳚ভ্য়ঃ পুর এ॒তা ॥ 74 ॥

অ॒গ্নির্বি॒শা-ম্মানু॑ষীণাম্ । তূর্ণী॒ রথ॒-স্সদা॒ নবঃ॑ ॥ নব॒গ্​ম্॒ সোমা॑য় বা॒জিনে᳚ । আজ্য়॒-ম্পয়॑সো-ঽজনি । জুষ্ট॒গ্​ম্॒ শুচি॑তমং॒-বঁসু॑ ॥ নবগ্​ম্॑ সোম জুষস্ব নঃ । পী॒য়ূষ॑স্য়ে॒হ তৃ॑প্ণুহি । যস্তে॑ ভা॒গ ঋ॒তাব॒যম্ ॥ নব॑স্য় সোম তে ব॒যম্ । আ সু॑ম॒তিং-বৃঁ॑ণীমহে ॥ 75 ॥

স নো॑ রাস্ব সহ॒স্রিণঃ॑ ॥ নবগ্​ম্॑ হ॒বির্জু॑ষস্ব নঃ । ঋ॒তুভি॑-স্সোম॒ ভূত॑মম্ । তদ॒ঙ্গ প্রতি॑হর্য় নঃ । রাজন᳚-থ্সোম স্ব॒স্তয়ে᳚ ॥ নব॒গ্গ্॒ স্তোম॒-ন্নবগ্​ম্॑ হ॒বিঃ । ই॒ন্দ্রা॒গ্নিভ্য়া॒-ন্নিবে॑দয় । তজ্জু॑ষেতা॒গ্​ম্॒ সচে॑তসা ॥ শুচি॒-ন্নু স্তোম॒-ন্নব॑জাতম॒দ্য় । ইন্দ্রা᳚গ্নী বৃত্রহণা জু॒ষেথা᳚ম্ ॥ 76 ॥

উ॒ভা হি বাগ্​ম্॑ সু॒হবা॒ জোহ॑বীমি । তা বাজগ্​ম্॑ স॒দ্য় উ॑শ॒তে ধেষ্ঠা᳚ ॥ অ॒গ্নিরিন্দ্রো॒ নব॑স্য় নঃ । অ॒স্য় হ॒ব্যস্য়॑ তৃপ্যতাম্ । ই॒হ দে॒বৌ স॑হ॒স্রিণৌ᳚ ॥ য॒জ্ঞ-ন্ন॒ আ হি গচ্ছ॑তাম্ । বসু॑মন্তগ্​ম্ সুব॒র্বিদ᳚ম্ । অ॒স্য় হ॒ব্যস্য়॑ তৃপ্যতাম্ । অ॒গ্নিরিন্দ্রো॒ নব॑স্য় নঃ ॥ বিশ্বা᳚-ন্দে॒বাগ্​ স্ত॑র্পযত ॥ 77 ॥

হ॒বিষো॒-ঽস্য় নব॑স্য় নঃ । সু॒ব॒র্বিদো॒ হি জ॑জ্ঞি॒রে ॥ এদ-ম্ব॒র্॒হি-স্সু॒ষ্টরী॑মা॒ নবে॑ন । অ॒য়ং-য়ঁ॒জ্ঞো যজ॑মানস্য় ভা॒গঃ । অ॒য়-ম্ব॑ভূব॒ ভুব॑নস্য়॒ গর্ভঃ॑ । বিশ্বে॑ দে॒বা ই॒দম॒দ্য়াগ॑মিষ্ঠাঃ ॥ ই॒মে নু দ্য়াবা॑পৃথি॒বী স॒মীচী᳚ । ত॒ন্বা॒নে য॒জ্ঞ-ম্পু॑রু॒পেশ॑স-ন্ধি॒য়া । আ-ঽস্মৈ॑ পৃণীতা॒-ম্ভুব॑নানি॒ বিশ্বা᳚ । প্র॒জা-ম্পুষ্টি॑ম॒মৃত॒-ন্নবে॑ন ॥ 78 ॥

ই॒মে ধে॒নূ অ॒মৃতং॒-য়েঁ দু॒হাতে᳚ । পয়॑স্ব-ত্য়ুত্ত॒রামে॑তু॒ পুষ্টিঃ॑ । ই॒মং-য়ঁ॒জ্ঞ-ঞ্জু॒ষমা॑ণে॒ নবে॑ন । স॒মীচী॒ দ্য়াবা॑পৃথি॒বী ঘৃ॒তাচী᳚ ॥ যবি॑ষ্ঠো হব্য়॒বাহ॑নঃ । চি॒ত্রভা॑নু-র্ঘৃ॒তাসু॑তিঃ । নব॑জাতো॒ বিরো॑চসে । অগ্নে॒ তত্তে॑ মহিত্ব॒নম্ ॥ ত্বম॑গ্নে দে॒বতা᳚ভ্য়ঃ । ভা॒গে দে॑ব॒ ন মী॑যসে ॥ 79 ॥

স এ॑না বি॒দ্বান্. য॑ক্ষ্যসি । নব॒গ্গ্॒ স্তোম॑-ঞ্জুষস্ব নঃ ॥ অ॒গ্নিঃ প্র॑থ॒মঃ প্রাশ্ঞা॑তু । স হি বেদ॒ যথা॑ হ॒বিঃ । শি॒বা অ॒স্মভ্য়॒-মোষ॑ধীঃ । কৃ॒ণোতু॑ বি॒শ্বচ॑র্​ষণিঃ ॥ ভ॒দ্রান্ন॒-শ্শ্রেয়॒-স্সম॑নৈষ্ট দেবাঃ । ত্বয়া॑-ঽব॒সেন॒ সম॑শীমহি ত্বা । স নো॑ ময়ো॒ভূঃ পি॑তো॒ আবি॑শস্ব । শ-ন্তো॒কায়॑ ত॒নুবে᳚ স্য়ো॒নঃ ॥ এ॒তমু॒ ত্য়-ম্মধু॑না॒ সং​য়ুঁ॑তং॒-য়ঁব᳚ম্ । সর॑স্বত্য়া॒ অধি॑ম॒নাব॑চর্কৃষুঃ । ইন্দ্র॑ আসী॒-থ্সীর॑পতি-শ্শ॒তক্র॑তুঃ । কী॒নাশা॑ আস-ন্ম॒রুত॑-স্সু॒দান॑বঃ ॥ 80 ॥
(পু॒র॒ এ॒তা - বৃ॑ণীমহে - জু॒ষেথা᳚ন্-তর্পয়-তা॒মৃত॒-ন্নবে॑ন-মীযসে-স্য়ো॒ন শ্চ॒ত্বারি॑ চ) (অ. 8)

(জুষ্ট॒ - শ্চক্ষু॑ষো॒ - জুষ্টী॑ নরো - নক্ত-ঞ্জা॒তা - বৃষা॒ স - উ॒ত নো॒ - বৃষা᳚-ঽস্য়॒গ্​ম্॒শুঃ - স প্র॑ত্ন॒বদ॒ষ্টৌ)

(জুষ্টো॑ - ম॒ন্য়ু-র্ভগো॒ - জুষ্টী॑ নরো॒ - হরি॑বর্পস॒-ঙ্গিরঃ॒ - শিপ্রি॑ন্ বাজানা - মু॒ত নো॒ - য-দ্বাগ্বদ॑ন্তী॒ - বিশ্বা॒ আশা॒ অশী॑তিঃ )

(জুষ্টঃ॑ - সু॒দান॑বঃ )

॥ হরিঃ॑ ওম্ ।

॥ কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে চতুর্থঃ প্রপাঠক-স্সমাপ্তঃ ॥