কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে পঞ্চমঃ প্রপাঠকঃ - ইষ্টিহৌত্রম্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - হোতুর্জপঃ পুরস্তা-থ্সামিধেনীনাম্

স॒ত্য়-ম্প্রপ॑দ্য়ে । ঋ॒ত-ম্প্রপ॑দ্য়ে ।
অ॒মৃত॒-ম্প্রপ॑দ্য়ে ।
প্র॒জাপ॑তেঃ প্রি॒য়া-ন্ত॒নুব॒মনা᳚র্তা॒-ম্প্রপ॑দ্য়ে ।
ই॒দম॒হ-ম্প॑ঞ্চদ॒শেন॒ বজ্রে॑ণ ।
দ্বি॒ষন্ত॒-ম্ভ্রাতৃ॑ব্য়॒মব॑ক্রামামি ।
যো᳚-ঽস্মা-ন্দ্বেষ্টি॑ । য-ঞ্চ॑ ব॒য়-ন্দ্বি॒ষ্মঃ ।
ভূর্ভুব॒-স্সুবঃ॑ । হিম্ ॥ 1 ॥
(স॒ত্য়-ন্দশ॑) (অ. 1)

অনুবাকং 2 - সামিধেনীম্রন্বাহ
প্র বো॒ বাজা॑ অ॒ভিদ্য়॑বঃ । হ॒বিষ্ম॑ন্তো ঘৃ॒তাচ্য়া᳚ ।
দে॒বাঞ্জি॑গাতি সুম্ন॒য়ুঃ ॥ অগ্ন॒ আয়া॑হি বী॒তয়ে᳚ । গৃ॒ণা॒নো হ॒ব্যদা॑তয়ে । নি হোতা॑ সথ্সি ব॒র॒ঃইষি॑ ॥ ত-ন্ত্বা॑ স॒মিদ্ভি॑রঙ্গিরঃ । ঘৃ॒তেন॑ বর্ধয়ামসি । বৃ॒হচ্ছো॑চা যবিষ্ঠ্য় ॥ স নঃ॑ পৃ॒থু শ্র॒বায়্য়᳚ম্ ॥ 2 ॥

অচ্ছা॑ দেব বিবাসসি । বৃ॒হদ॑গ্নে সু॒বীর্য়᳚ম্ ॥
ঈ॒ডেন্য়ো॑ নম॒স্য়॑স্তি॒রঃ । তমাগ্​ম্॑সি দর্​শ॒তঃ । সম॒গ্নিরি॑দ্ধ্যতে॒ বৃষা᳚ ॥ বৃষো॑ অ॒গ্নি-স্সমি॑দ্ধ্যতে । অশ্বো॒ ন দে॑ব॒বাহ॑নঃ ।
তগ্​ম্ হ॒বিষ্ম॑ন্ত ঈডতে ॥ বৃষ॑ণ-ন্ত্বা ব॒য়ং-বৃঁষন্ন্॑ । বৃষা॑ণ॒-স্সমি॑ধীমহি ॥ 3 ॥
অগ্নে॒ দীদ্য়॑ত-ম্বৃ॒হত্ ॥ অ॒গ্নি-ন্দূ॒তং-বৃঁ॑ণীমহে ।
হোতা॑রং-বিঁ॒শ্ববে॑দসম্ । অ॒স্য় য॒জ্ঞস্য়॑ সু॒ক্রতু᳚ম্ ॥ স॒মি॒দ্ধ্যমা॑নো অদ্ধ্ব॒রে । অ॒গ্নিঃ পা॑ব॒ক ঈড্য়ঃ॑ । শো॒চিষ্কে॑শ॒স্তমী॑মহে ॥ সমি॑দ্ধো অগ্ন আহুত । দে॒বান্. য॑ক্ষি স্বদ্ধ্বর । ত্বগ্​ম্ হি হ॑ব্য়॒বাডসি॑ ॥
আজু॑হোত দুব॒স্যত॑ । অ॒গ্নি-ম্প্র॑য়॒ত্য়॑দ্ধ্ব॒রে ।
বৃ॒ণী॒দ্ধ্বগ্​ম্ হ॑ব্য়॒বাহ॑নম্ ॥
ত্বং-বঁরু॑ণ উ॒ত মি॒ত্রো অ॑গ্নে । ত্বাং-বঁ॑র্ধন্তি ম॒তিভি॒র্বসি॑ষ্ঠাঃ । ত্বে বসু॑ সুষণ॒নানি॑ সন্তু । যূ॒য়-ম্পা॑ত স্ব॒স্তিভি॒-স্সদা॑ নঃ ॥ 4 ॥
(শ্র॒বায়্য়॑ - মিধীম॒ - হ্যসি॑ স॒প্ত চ॑) (অ. 2)

অনুবাকং 3 - প্ররমুক্ত্বা নিবিদো-ঽনূচ্য় দেবতা আবাহযতি
অগ্নে॑ ম॒হাগ্​ম্ অ॑সি ব্রাহ্মণ ভারত । অসা॒বসৌ᳚ ॥
দে॒বেদ্ধো॒ মন্বি॑দ্ধঃ । ঋষি॑ষ্টুতো॒ বিপ্রা॑নুমদিতঃ । ক॒বি॒শ॒স্তো ব্রহ্ম॑সগ্​ম্শিতো ঘৃ॒তাহ॑বনঃ ।
প্র॒ণী-র্য়॒জ্ঞানা᳚ম্ । র॒থীর॑দ্ধ্ব॒রাণা᳚ম্ ।
অ॒তূর্তো॒ হোতা᳚ । তূর্ণি॑র্​হব্য়॒বাট্ ।
আস্পাত্র॑-ঞ্জু॒হূ-র্দে॒বানা᳚ম্ ॥ 5 ॥

চ॒ম॒সো দে॑ব॒পানঃ॑ । অ॒রাগ্​ম্ ই॑বাগ্নে নে॒মির্দে॒বাগ্​স্ত্ব-ম্প॑রি॒ভূর॑সি । আব॑হ দে॒বান্. যজ॑মানায় ॥ অ॒গ্নিম॑গ্ন॒ আব॑হ । সোম॒মাব॑হ ।
অ॒গ্নিমাব॑হ । প্র॒জাপ॑তি॒মাব॑হ । অ॒গ্নীষোমা॒বাব॑হ । ই॒ন্দ্রা॒গ্নী আব॑হ । ইন্দ্র॒মাব॑হ । ম॒হে॒ন্দ্রমাব॑হ । দে॒বাগ্​ম্ আ᳚জ্য়॒পাগ্​ম্ আব॑হ ।
অ॒গ্নিগ্​ম্ হো॒ত্রায়াব॑হ । স্ব-ম্ম॑হি॒মান॒মাব॑হ । আ চা᳚গ্নে দে॒বান্. বহ॑ । সু॒যজা॑ চ যজ জাতবেদঃ ॥ 6 ॥
(দে॒বানা॒-মিন্দ্র॒মাব॑হ॒ ষট্চ॑) (অ. 3)

অনুবাকং 4 - স্রুচাবাদাপযতি
অ॒গ্নির্-হোতা॒ বেত্ব॒গ্নিঃ । হো॒ত্রং-বেঁ᳚ত্তু প্রাবি॒ত্রম্ । স্মো ব॒যম্ । সা॒ধু তে॑ যজমান দে॒বতা᳚ । ঘৃ॒তব॑তী-মদ্ধ্বর্য়ো॒ স্রুচ॒মা-ঽস্য়॑স্ব । দে॒বা॒য়ুবং॑-বিঁ॒শ্ববা॑রাম্ । ঈডা॑মহৈ দে॒বাগ্​ম্ ঈ॒ডেন্য়ান্॑ ।
ন॒ম॒স্য়াম॑ নম॒স্য়ান্॑ । যজা॑ম য॒জ্ঞিয়ান্॑ ॥ 7 ॥
(অ॒গ্নির্-হোতা॒ নব॑) (অ. 4)

অনুবাকং 5 - প্রয়াজাঃ
স॒মিধো॑ অগ্ন॒ আজ্য়॑স্য় বিযন্তু । তনূ॒নপা॑দগ্ন॒ আজ্য়॑স্য় বেতু । ই॒ডো অ॑গ্ন॒ আজ্য়॑স্য় বিযন্তু । ব॒র্॒হির॑গ্ন॒ আজ্য়॑স্য় বেতু । স্বাহা॒-ঽগ্নিম্ । স্বাহা॒ সোম᳚ম্ । স্বাহা॒-ঽগ্নিম্ । স্বাহা᳚ প্র॒জাপ॑তিম্ ।
স্বাহা॒-ঽগ্নীষোমৌ᳚ । স্বাহে᳚ন্দ্রা॒গ্নী । স্বাহেন্দ্র᳚ম্ ।
স্বাহা॑ মহে॒ন্দ্রম্ । স্বাহা॑ দে॒বাগ্​ম্ আ᳚জ্য়॒পান্ । স্বাহা॒-ঽগ্নিগ্​ম্ হো॒ত্রাজ্জু॑ষা॒ণাঃ ।
অগ্ন॒ আজ্য়॑স্য় বিযন্তু ॥ 8 ॥
(ই॒ন্দ্রা॒গ্নী পঞ্চ॑ চ) (অ. 5)

অনুবাকং 6 - অজ্যভাগয়োঃ পুরোনুবাক্য়ে
অ॒গ্নি-র্বৃ॒ত্রাণি॑ জঙ্ঘনত্ । দ্র॒বি॒ণ॒স্য়ু-র্বি॑প॒ন্যয়া᳚ ।
সমি॑দ্ধ-শ্শু॒ক্র আহু॑তঃ । জু॒ষা॒ণো অ॒গ্নিরাজ্য়॑স্য় বেতু । ত্বগ্​ম্ সো॑মাসি॒ সত্প॑তিঃ । ত্বগ্​ম্ রাজো॒ত বৃ॑ত্র॒হা ।
ত্ব-ম্ভ॒দ্রো অ॑সি॒ ক্রতুঃ॑ । জু॒ষা॒ণ-স্সোম॒ আজ্য়॑স্য় হ॒বিষো॑ বেতু । অ॒গ্নিঃ প্র॒ত্নেন॒ জন্ম॑না । শুম্ভা॑নস্ত॒নুব॒গ্গ্॒ স্বাম্ ।
ক॒বি-র্বিপ্রে॑ণ বাবৃধে । জু॒ষা॒ণো অ॒গ্নিরাজ্য়॑স্য় বেতু ।
সোম॑ গী॒র্ভিষ্ট্বা॑ ব॒যম্ । ব॒র্ধয়া॑মো বচো॒বিদঃ॑ । সু॒মৃ॒ডী॒কো ন॒ আবি॑শ ।
জু॒ষা॒ণ-স্সোম॒ আজ্য়॑স্য় হ॒বিষো॑ বেতু ॥ 9 ॥
(স্বাগ্​ম্ ষট্চ॑) (অ. 6)

অনুবাকং 7 - হবিষাং-য়াঁজ্য়ানুবাক্য়াঃ
অ॒গ্নি-র্মূ॒র্ধা দি॒বঃ ক॒কুত্ । পতিঃ॑ পৃথি॒ব্য়া অ॒যম্ ।
অ॒পাগ্​ম্ রেতাগ্​ম্॑সি জিন্বতি । ভুবো॑ য॒জ্ঞস্য়॒ রজ॑সশ্চ নে॒তা । যত্রা॑ নি॒য়ুদ্ভি॒-স্সচ॑সে শি॒বাভিঃ॑ । দি॒বি মূ॒র্ধান॑-ন্দধিষে সুব॒র্॒ষাম্ ।
জি॒হ্বাম॑গ্নে চকৃষে হব্য়॒বাহ᳚ম্ । প্রজা॑পতে॒ ন ত্বদে॒তান্য়॒ন্য়ঃ । বিশ্বা॑ জা॒তানি॒ পরি॒ তা ব॑ভূব ।
যত্-কা॑মাস্তে জুহু॒মস্তন্নো॑ অস্তু ॥ 10 ॥

ব॒যগ্গ্​ স্য়া॑ম॒ পত॑য়ো রয়ী॒ণাম্ । স বে॑দ পু॒ত্রঃ পি॒তর॒গ্​ম্॒ স মা॒তর᳚ম্ । স সূ॒নুর্ভু॑ব॒থ্স ভু॑ব॒ত্পুন॑র্মঘঃ । স দ্য়ামৌর্ণো॑দ॒ন্তরি॑ক্ষ॒গ্​ম্॒ স সুবঃ॑ । স বিশ্বা॒ ভুবো॑ অভব॒থ্স আ-ঽভ॑বত্ । অগ্নী॑ষোমা॒ সবে॑দসা । সহূ॑তী বনত॒-ঙ্গিরঃ॑ । স-ন্দে॑ব॒ত্রা ব॑ভূবথুঃ । যু॒বমে॒তানি॑ দি॒বি রো॑চ॒নানি॑ ।
অ॒গ্নিশ্চ॑ সোম॒ সক্র॑তূ অধত্তম্ ॥ 11 ॥

যু॒বগ্​ম্ সিন্ধূগ্​ম্॑ র॒ভিশ॑স্তে-রব॒দ্য়াত্ । অগ্নী॑ষোমা॒-বমু॑ঞ্চত-ঙ্গৃভী॒তান্ ।
ইন্দ্রা᳚গ্নী রোচ॒না দি॒বঃ । পরি॒ বাজে॑ষু ভূষথঃ ।
তদ্বা᳚-ঞ্চেতি॒ প্রবী॒র্য়᳚ম্ । শ্নথ॑দ্বৃ॒ত্রমু॒ত স॑নোতি॒ বাজ᳚ম্ । ইন্দ্রা॒ যো অ॒গ্নী সহু॑রী সপ॒র্য়াত্ ।
ই॒র॒জ্যন্তা॑ বস॒ব্য়॑স্য়॒ ভূরেঃ᳚ । সহ॑স্তমা॒ সহ॑সা বাজ॒যন্তা᳚ । এন্দ্র॑ সান॒সিগ্​ম্ র॒য়িম্ ॥ 12 ॥
স॒জিত্বা॑নগ্​ম্ সদা॒সহ᳚ম্ । বর্​ষি॑ষ্ঠমূ॒তয়ে॑ ভর । প্রস॑সাহিষে পুরুহূত॒ শত্রূন্॑ । জ্য়েষ্ঠ॑স্তে॒ শুষ্ম॑ ই॒হ রা॒তির॑স্তু । ইন্দ্রাভ॑র॒ দক্ষি॑ণেনা॒ বসূ॑নি । পতি॒-স্সিন্ধূ॑নামসি রে॒বতী॑নাম্ । ম॒হাগ্​ম্ ইন্দ্রো॒ য ওজ॑সা । প॒র্জন্য়ো॑ বৃষ্টি॒মাগ্​ম্ ই॑ব ।
স্তোমৈ᳚র্ব॒থ্সস্য়॑ বাবৃধে ।
ম॒হাং ইন্দ্রো॑ নৃ॒বদাচ॑র্​ষণি॒প্রাঃ ॥ 13 ॥

উ॒ত দ্বি॒বর্​হা॑ অমি॒ন-স্সহো॑ভিঃ । অ॒স্ম॒দ্রিয়॑গ্বাবৃধে বী॒র্য়া॑য় ।
উ॒রুঃ পৃ॒থু-স্সুকৃ॑তঃ ক॒র্তৃভি॑র্ভূত্ ।
পি॒প্রী॒হি দে॒বাগ্​ম্ উ॑শ॒তো য॑বিষ্ঠ ।
বি॒দ্বাং ঋতূগ্​ম্র্-ঋ॑তুপতে যজে॒হ ।
যে দৈব্য়া॑ ঋ॒ত্বিজ॒স্তেভি॑রগ্নে ।
ত্বগ্​ম্ হোতৄ॑ণাম॒স্য়ায়॑জিষ্ঠঃ ॥
অ॒গ্নিগ্গ্​ স্বি॑ষ্ট॒কৃত᳚ম্ । অয়া॑ড॒গ্নির॒গ্নেঃ প্রি॒য়া ধামা॑নি । অয়া॒ট্থ্সোম॑স্য় প্রি॒য়া ধামা॑নি ॥ 14 ॥

অয়া॑ড॒গ্নেঃ প্রি॒য়া ধামা॑নি । অয়া᳚ট্প্র॒জাপ॑তেঃ প্রি॒য়া ধামা॑নি । অয়া॑ড॒গ্নীষোম॑য়োঃ প্রি॒য়া ধামা॑নি । অয়া॑ডিন্দ্রাগ্নি॒য়োঃ প্রি॒য়া ধামা॑নি ।
অয়া॒ডিন্দ্র॑স্য় প্রি॒য়া ধামা॑নি । অয়া᳚ণ্মহে॒ন্দ্রস্য়॑ প্রি॒য়া ধামা॑নি । অয়া᳚ড্দে॒বানা॑-মাজ্য়॒পানা᳚-ম্প্রি॒য়া ধামা॑নি । যক্ষ॑দ॒গ্নের্-হোতুঃ॑ প্রি॒য়া ধামা॑নি । যক্ষ॒থ্স্ব-ম্ম॑হি॒মান᳚ম্ । আয়॑জতা॒মেজ্য়া॒ ইষঃ॑ । কৃ॒ণোতু॒ সো অ॑দ্ধ্ব॒রা জা॒তবে॑দাঃ । জু॒ষতাগ্​ম্॑ হ॒বিঃ । অগ্নে॒ যদ॒দ্য় বি॒শো অ॑দ্ধ্বরস্য় হোতঃ ।
পাব॑ক শোচে॒ বেষ্ট্বগ্​ম্ হি যজ্বা᳚ । ঋ॒তা য॑জাসি মহি॒না বি যদ্ভূঃ ।
হ॒ব্য়া ব॑হ যবিষ্ঠ॒ যা তে॑ অ॒দ্য় ॥ 15 ॥
(অ॒স্ত্ব॒ - ধ॒ত্ত॒গ্​ম্ - র॒য়িং - চ॑র্​ষণি॒প্রাঃ - সোম॑স্য় প্রি॒য়া ধামা॒ - নীষ॒-ষ্ষট্চ॑) (অ. 7)

অনুবাকং 8 - ইডোপাহ্বানাম্
উপ॑হূতগ্​ম্ রথন্ত॒রগ্​ম্ স॒হ পৃ॑থি॒ব্য়া ।
উপ॑ মা রথন্ত॒রগ্​ম্ স॒হ পৃ॑থি॒ব্য়া হ্ব॑যতাম্ ।
উপ॑হূতং-বাঁমদে॒ব্য়গ্​ম্ স॒হান্তরি॑ক্ষেণ ।
উপ॑ মা বামদে॒ব্য়গ্​ম্ স॒হান্তরি॑ক্ষেণ হ্বযতাম্ ।
উপ॑ হূত-ম্বৃ॒হথ্স॒হ দি॒বা । উপ॑ মা বৃ॒হথ্স॒হ দি॒বা হ্ব॑যতাম্ । উপ॑হূতা-স্স॒প্ত হোত্রাঃ᳚ ।
উপ॑ মা স॒প্ত হোত্রা᳚ হ্বযন্তাম্ । উপ॑হূতা ধে॒নু-স্স॒হর্​ষ॑ভা । উপ॑ মা ধে॒নু-স্স॒হর্​ষ॑ভা হ্বযতাম্ ॥ 16 ॥

উপ॑হূতো ভ॒ক্ষ-স্সখা᳚ । উপ॑ মা ভ॒ক্ষ-স্সখা᳚ হ্বযতাম্ । উপ॑হূ॒তাঁ(4) হো । ইডোপ॑হূতা । উপ॑হূ॒তেডা᳚ । উপো॑ অ॒স্মাগ্​ম্ ইডা᳚ হ্বযতাম্ । ইডোপ॑হূতা । উপ॑হূ॒তেডা᳚ । মা॒ন॒বী ঘৃ॒তপ॑দী মৈত্রাবরু॒ণী ।
ব্রহ্ম॑ দে॒বকৃ॑ত॒মুপ॑হূতম্ ॥ 17 ॥

দৈব্য়া॑ অদ্ধ্ব॒র্যব॒ উপ॑হূতাঃ । উপ॑হূতা মনু॒ষ্য়াঃ᳚ । য ই॒মং-য়ঁ॒জ্ঞমবান্॑ । যে য॒জ্ঞপ॑তিং॒-বঁর্ধান্॑ । উপ॑হূতে॒ দ্য়াবা॑পৃথি॒বী ।
পূ॒র্ব॒জে ঋ॒তাব॑রী । দে॒বী দে॒বপু॑ত্রে । উপ॑হূতো॒-ঽয়ং-য়ঁজ॑মানঃ । উত্ত॑রস্য়া-ন্দেবয়॒জ্য়ায়া॒-মুপ॑হূতঃ । ভূয়॑সি হবি॒ষ্কর॑ণ॒ উপ॑হূতঃ ।
দি॒ব্য়ে ধাম॒ন্নুপ॑হূতঃ ।
ই॒দ-ম্মে॑ দে॒বা হ॒বির্জু॑ষন্তা॒মিতি॒ তস্মি॒ন্নুপ॑হূতঃ ।
বিশ্ব॑মস্য় প্রি॒যমুপ॑হূতম্ ।
বিশ্ব॑স্য় প্রি॒যস্য়োপ॑হূত॒স্য়োপ॑হূতঃ ॥ 18 ॥
(স॒হর্​ষ॑ভা হ্বযতা॒ - মুপ॑হূতগ্​ম্ - হবি॒ষ্কর॑ণ॒ উপ॑হূতশ্চ॒ত্বারি॑ চ) (অ. 8)

অনুবাকং 9 - অনূয়াজাঃ
দে॒ব-ম্ব॒র্॒হিঃ । ব॒সু॒বনে॑ বসু॒ধেয়॑স্য় বেতু । দে॒বো নরা॒শগ্​ম্ সঃ॑ । ব॒সু॒বনে॑ বসু॒ধেয়॑স্য় বেতু । দে॒বো অ॒গ্নি-স্স্বি॑ষ্ট॒কৃত্ । সু॒দ্রবি॑ণা ম॒ন্দ্রঃ ক॒বিঃ । স॒ত্যম॑ন্মা-ঽঽয়॒জী হোতা᳚ । হোতু॑র্-হোতু॒রায়॑জীয়ান্ । অগ্নে॒ যান্-দে॒বানয়া᳚ট্ । যাগ্​ম্ অপি॑প্রেঃ । যে তে॑ হো॒ত্রে অম॑থ্সত । তাগ্​ম্ স॑স॒নুষী॒গ্​ম্॒ হোত্রা᳚-ন্দেব-ঙ্গ॒মাম্ । দি॒বি দে॒বেষু॑ য॒জ্ঞমের॑য়ে॒মম্ । স্বি॒ষ্ট॒কৃচ্চাগ্নে॒ হোতা-ঽভূঃ᳚ ।
ব॒সু॒বনে॑ বসু॒ধেয়॑স্য় নমোবা॒কে বীহি॑ ॥ 19 ॥
(অপি॑প্রেঃ॒ পঞ্চ॑ চ) (অ. 9)

অনুবাকং 10 - সূক্তাবাকঃ
ই॒দ-ন্দ্য়া॑বাপৃথিবী ভ॒দ্রম॑ভূত্ ।
আর্ধ্ম॑ সূক্তবা॒কম্ । উ॒ত ন॑মোবা॒কম্ ।
ঋ॒দ্ধ্য়াস্ম॑ সূ॒ক্তোচ্য়॑মগ্নে । ত্বগ্​ম্ সূ᳚ক্ত॒বাগ॑সি ।
উপ॑শ্রিতো দি॒বঃ পৃ॑থি॒ব্য়োঃ । ওম॑ন্বতী তে॒-ঽস্মিন্. য॒জ্ঞে য॑জমান॒ দ্য়াবা॑পৃথি॒বী স্তা᳚ম্ ।
শ॒গং॒য়ে জী॒রদা॑নূ । অত্র॑স্নূ॒ অপ্র॑বেদে ।
উ॒রুগ॑ব্য়ূতী অভয়॒-ঙ্কৃতৌ᳚ ॥ 20 ॥

বৃ॒ষ্টিদ্য়া॑বা রী॒ত্য়া॑পা । শ॒ম্ভুবৌ॑ ময়ো॒ভুবৌ᳚ ।
ঊর্জ॑স্বতী চ॒ পয়॑স্বতী চ । সূ॒প॒চ॒র॒ণা চ॑ স্বধিচর॒ণা চ॑ । তয়ো॑রা॒বিদি॑ ॥
অ॒গ্নিরি॒দগ্​ম্ হ॒বির॑জুষত । অবী॑বৃধত॒ মহো॒ জ্য়ায়ো॑-ঽকৃত । সোম॑ ই॒দগ্​ম্ হ॒বির॑জুষত । অবী॑বৃধত॒ মহো॒ জ্য়ায়ো॑-ঽকৃত ।
অ॒গ্নিরি॒দগ্​ম্ হ॒বির॑জুষত ॥ 21 ॥

অবী॑বৃধত॒ মহো॒ জ্য়ায়ো॑-ঽকৃত । প্র॒জাপ॑তিরি॒দগ্​ম্ হ॒বির॑জুষত । অবী॑বৃধত॒ মহো॒ জ্য়ায়ো॑-ঽকৃত । অ॒গ্নীষোমা॑বি॒দগ্​ম্ হ॒বির॑জুষেতাম্ ।
অবী॑বৃধেতা॒-ম্মহো॒ জ্য়ায়ো᳚-ঽক্রাতাম্ ।
ই॒ন্দ্রা॒গ্নী ই॒দগ্​ম্ হ॒বির॑জুষেতাম্ ।
অবী॑বৃধেতা॒-ম্মহো॒ জ্য়ায়ো᳚-ঽক্রাতাম্ । ইন্দ্র॑ ই॒দগ্​ম্ হ॒বির॑জুষত । অবী॑বৃধত॒ মহো॒ জ্য়ায়ো॑-ঽকৃত । ম॒হে॒ন্দ্র ই॒দগ্​ম্ হ॒বির॑জুষত ॥ 22 ॥

অবী॑বৃধত॒ মহো॒ জ্য়ায়ো॑-ঽকৃত । দে॒বা আ᳚জ্য়॒পা আজ্য়॑মজুষন্ত । অবী॑বৃধন্ত॒ মহো॒ জ্য়ায়ো᳚-ঽক্রত । অ॒গ্নির্​হো॒ত্রেণে॒দগ্​ম্ হ॒বির॑জুষত ।
অবী॑বৃধত॒ মহো॒ জ্য়ায়ো॑-ঽকৃত ।
অ॒স্য়ামৃধ॒-দ্ধোত্রা॑য়া-ন্দেবঙ্গ॒মায়া᳚ম্ ।
আশা᳚স্তে॒-ঽয়ং-য়ঁজ॑মানো॒-ঽসৌ ॥
আয়ু॒রাশা᳚স্তে । সু॒প্র॒জা॒স্ত্ব-মাশা᳚স্তে ।
স॒জা॒ত॒ব॒ন॒স্য়া-মাশা᳚স্তে ॥ 23 ॥

উত্ত॑রা-ন্দেবয়॒জ্য়া-মাশা᳚স্তে । ভূয়ো॑ হবি॒ষ্কর॑ণ॒-মাশা᳚স্তে । দি॒ব্য়-ন্ধামাশা᳚স্তে । বিশ্ব॑-ম্প্রি॒যমাশা᳚স্তে । যদ॒নেন॑ হ॒বিষা ঽঽশা᳚স্তে । তদ॑শ্য়া॒ত্-তদৃ॑দ্ধ্য়াত্ । তদ॑স্মৈ দে॒বা রা॑সন্তাম্ । তদ॒গ্নি-র্দে॒বো দে॒বেভ্য়ো॒ বন॑তে । ব॒যম॒গ্নে-র্মানু॑ষাঃ । ই॒ষ্ট-ঞ্চ॑ বী॒ত-ঞ্চ॑ । উ॒ভে চ॑ নো॒ দ্য়াবা॑পৃথি॒বী অগ্​ম্হ॑সস্পাতাম্ ।
ই॒হ গতি॑-র্বা॒মস্য়ে॒দ-ঞ্চ॑ । নমো॑ দে॒বেভ্য়ঃ॑ ॥ 24 ॥
(অ॒ভ॒য়॒ঙ্কৃতা॑বকৃ - তা॒গ্নিরি॒দগ্​ম্ হ॒বির॑জুষত - মহে॒ন্দ্র ই॒দগ্​ম্ হ॒বির॑জুষত - সজাতবন॒স্য়ামাশা᳚স্তে - বী॒ত-ঞ্চ॒ ত্রীণি॑ চ) (অ. 10)

অনুবাকং 11 - শং​য়ুঁবাকঃ
তচ্ছং॒-য়োঁরা বৃ॑ণীমহে । গা॒তুং-য়ঁ॒জ্ঞায়॑ । গা॒তুং-য়ঁ॒জ্ঞপ॑তয়ে । দৈবী᳚ স্ব॒স্তির॑স্তু নঃ । স্ব॒স্তি-র্মানু॑ষেভ্য়ঃ । ঊ॒র্ধ্ব-ঞ্জি॑গাতু ভেষ॒জম্ ।
শ-ন্নো॑ অস্তু দ্বি॒পদে᳚ । শ-ঞ্চতু॑ষ্পদে ॥ 25 ॥
(তচ্ছং॒-য়োঁর॒ষ্টৌ) (অ. 11)

অনুবাকং 12 - পত্নীসং​য়াঁজানাং-য়াঁজ্য়ানুবাক্য়াঃ
আ প্য়া॑যস্ব॒ সমে॑তু তে বি॒শ্বত॑-স্সোম॒ বৃষ্ণি॑যম্ । ভবা॒ বাজ॑স্য় সঙ্গ॒থে ॥ স-ন্তে॒ পয়াগ্​ম্ ॑সি॒ সমু॑ যন্তু॒ বাজা॒-স্সং-বৃঁষ্ণি॑য়া-ন্যভিমাতি॒ষাহঃ॑ । আ॒প্য়ায়॑মানো অ॒মৃতা॑য় সোম দি॒বি শ্রবাগ্॑স্য়ুত্ত॒মানি॑ ধিষ্ব ॥ ॥
ই॒হ ত্বষ্টা॑রমগ্রি॒য়ং-বিঁ॒শ্বরূ॑প॒মুপ॑ হ্বয়ে । অ॒স্মাক॑মস্তু॒ কেব॑লঃ ॥ তন্ন॑স্তু॒রীপ॒মধ॑ পোষয়ি॒ত্নু দেব॑ ত্বষ্ট॒র্বি র॑রা॒ণ-স্স্য়॑স্ব । যতো॑ বী॒রঃ ক॑র্ম॒ণ্য়॑-স্সু॒দক্ষো॑ যু॒ক্তগ্রা॑বা॒ জায়॑তে দে॒বকা॑মঃ ॥ ॥
দে॒বানা॒-ম্পত্নী॑রুশ॒তীর॑বন্তু নঃ । প্রাব॑ন্তু নস্তু॒জয়ে॒ বাজ॑সাতয়ে । যাঃ পার্থি॑বাসো॒ যা অ॒পামপি॑ ব্র॒তে । তা নো॑ দেবী-স্সুহবা॒-শ্শর্ম॑ যচ্ছত ॥ উ॒ত গ্না বি॑যন্তু দে॒বপ॑ত্নীঃ । ই॒ন্দ্রা॒ণ্য়॑গ্নায়্য়॒শ্বিনী॒ রাট্ । আ রোদ॑সী বরুণা॒নী শৃ॑ণোতু ।
বি॒যন্তু॑ দে॒বীর্য় ঋ॒তুর্জনী॑নাম্ ॥ 26 ॥

অ॒গ্নির্-হোতা॑ গৃ॒হপ॑তি॒-স্স রাজা᳚ । বিশ্বা॑ বেদ॒ জনি॑মা জা॒তবে॑দাঃ । দে॒বানা॑মু॒ত যো মর্ত্য়া॑নাম্ । যজি॑ষ্ঠ॒-স্স প্রয়॑জতামৃ॒তাবা᳚ ॥
ব॒যমু॑ ত্বা গৃহপতে॒ জনা॑নাম্ । অগ্নে॒ অক॑র্ম স॒মিধা॑ বৃ॒হন্ত᳚ম্ । অ॒স্থূ॒রিণো॒ গার্​হ॑পত্য়ানি সন্তু । তি॒গ্মেন॑ ন॒স্তেজ॑সা॒ সগ্​ম্শি॑শাধি ॥ 27 ॥
(জনী॑না - +ম॒ষ্টৌ চ॑) (অ. 12)
অনুবাকং 13 - পত্নীসং​য়াঁজে সোমাহ্বানম্
উপ॑হূতগ্​ম্ রথন্ত॒রগ্​ম্ স॒হ পৃ॑থি॒ব্য়া ।
উপ॑ মা রথন্ত॒রগ্​ম্ স॒হ পৃ॑থি॒ব্য়া হ্ব॑যতাম্ ।
উপ॑হূতং-বাঁমদে॒ব্য়গ্​ম্ স॒হান্তরি॑ক্ষেণ ।
উপ॑ মা বামদে॒ব্য়গ্​ম্ স॒হান্তরি॑ক্ষেণ হ্বযতাম্ । উপ॑হূত-ম্বৃ॒হথ্স॒হ দি॒বা । উপ॑ মা বৃ॒হথ্স॒হ দি॒বা হ্ব॑যতাম্ । উপ॑হূতা-স্স॒প্ত হোত্রাঃ᳚ ।
উপ॑ মা স॒প্ত হোত্রা᳚ হ্বযন্তাম্ । উপ॑হূতা ধে॒নু-স্স॒হর্​ষ॑ভা । উপ॑ মা ধে॒নু-স্স॒হর্​ষ॑ভা হ্বযতাম্ ॥ 28 ॥

উপ॑হূতো ভ॒ক্ষ-স্সখা᳚ । উপ॑ মা ভ॒ক্ষ-স্সখা᳚ হ্বযতাম্ । উপ॑হূ॒তাঁ(4) হো । ইডোপ॑হূতা । উপ॑হূ॒তেডা᳚ । উপো॑ অ॒স্মাগ্​ম্ ইডা᳚ হ্বযতাম্ । ইডোপ॑হূতা । উপ॑হূ॒তেডা᳚ । মা॒ন॒বী ঘৃ॒তপ॑দী মৈত্রাবরু॒ণী ।
ব্রহ্ম॑ দে॒বকৃ॑ত॒মুপ॑হূতম্ ॥ 29 ॥

দৈব্য়া॑ অদ্ধ্ব॒র্যব॒ উপ॑হূতাঃ । উপ॑হূতা মনু॒ষ্য়াঃ᳚ । য ই॒মং-য়ঁ॒জ্ঞমবান্॑ । যে য॒জ্ঞপ॑ত্নীং॒-বঁর্ধান্॑ । উপ॑হূতে॒ দ্য়াবা॑পৃথি॒বী । পূ॒র্ব॒জে ঋ॒তাব॑রী । দে॒বী দে॒বপু॑ত্রে । উপ॑হূতে॒য়ং-য়ঁজ॑মানা । ই॒ন্দ্রা॒ণীবা॑বিধ॒বা । অদি॑তিরিব সুপু॒ত্রা । উত্ত॑রস্য়া-ন্দেবয়॒জ্য়ায়া॒-মুপ॑হূতা ।
ভূয়॑সি হবি॒ষ্কর॑ণ॒ উপ॑হূতা । দি॒ব্য়ে ধাম॒ন্নুপ॑হূতা । ই॒দ-ম্মে॑ দে॒বা হ॒বি-র্জু॑ষন্তা॒মিতি॒ তস্মি॒-ন্নুপ॑হূতা । বিশ্ব॑মস্য়াঃ প্রি॒যমুপ॑হূতম্ ।
বিশ্ব॑স্য় প্রি॒যস্য়োপ॑হূত॒স্য়োপ॑হূতা ॥ 30 ॥
(স॒হর্​ষ॑ভা হ্বযতা॒ - মুপ॑হূতগ্​ম্ - সুপু॒ত্রা ষট্চ॑) (অ. 13)

(স॒ত্য়ং - প্রবো - ঽগ্নে॑ ম॒হা - ন॒গ্নির্-হোতা॑ - স॒মিধো॒ - ঽগ্নি-র্বৃ॒ত্রাণ্য়॒ - গ্নি-র্মূ॒র্ধো - প॑হূতং - দে॒ব-ম্ব॒র্॒হি - রি॒দ-ন্দ্য়া॑বাপৃথিবী॒ -তচ্ছং॒​য়োঁ- রা প্য়া॑য়॒স্বো - প॑হূত॒-ন্ত্রয়ো॑দশ)

(স॒ত্য়ং - ঁব॒যগ্গ্​ স্য়া॑ম - বৃ॒ষ্টিদ্য়া॑বা ত্রি॒গ্​ম্॒শত্)

(স॒ত্য়-মুপ॑হূতা)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে পঞ্চম প্রপাঠক-স্সমাপ্তঃ ॥