কৃষ্ণ যজুর্বেদীয় তৈত্তিরীয় আরণ্যকে প্রথমঃ প্রপাঠকঃ - অরুণকেতুকচযনং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1
ভ॒দ্র-ঙ্কর্ণে॑ভি-শ্শৃণু॒য়াম॑ দেবাঃ ।
ভ॒দ্র-ম্প॑শ্য়েমা॒ক্ষভি॒-র্যজ॑ত্রাঃ ।
স্থি॒রৈরঙ্গৈ᳚স্তুষ্টু॒বাগ্​ম্ স॑স্ত॒নূভিঃ॑ । ব্যশে॑ম দে॒বহি॑তং॒-য়ঁদায়ুঃ॑ ॥
স্ব॒স্তি ন॒ ইন্দ্রো॑ বৃ॒দ্ধশ্র॑বাঃ ।
স্ব॒স্তি নঃ॑ পূ॒ষা বি॒শ্ববে॑দাঃ ।
স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ ।
স্ব॒স্তি নো॒ বৃহ॒স্পতি॑-র্দধাতু ॥
আপ॑মাপাম॒প-স্সর্বাঃ᳚ ।
অ॒স্মা-দ॒স্মা-দি॒তো-ঽমুতঃ॑ ॥ 1 ॥

অ॒গ্নির্বা॒য়ুশ্চ॒ সূর্য়॑শ্চ । স॒হ স॑ঞ্চ-স্ক॒রর্ধি॑য়া ॥ বা॒য়্বশ্বা॑ রশ্মি॒পত॑য়ঃ । মরী᳚চ্য়াত্মানো॒ অদ্রু॑হঃ । দে॒বী-র্ভু॑বন॒ সূব॑রীঃ । পু॒ত্র॒ব॒ত্ত্বায়॑ মে সুত ॥ মহানাম্নী-র্ম॑হামা॒নাঃ । ম॒হ॒সো ম॑হস॒-স্স্বঃ॑ ।
দে॒বীঃ প॑র্জন্য়॒ সূব॑রীঃ । পু॒ত্র॒ব॒ত্ত্বায়॑ মে সুত ॥ 2 ॥

অ॒পাশ্ন্য়ু॑ষ্ণি-ম॒পা রক্ষঃ॑ । অ॒পাশ্ন্য়ু॑ষ্ণি-ম॒পা রঘ᳚ম্ । অপা᳚ঘ্রা॒মপ॑ চা॒বর্তি᳚ম্ । অপ॑ দে॒বীরি॒তো হি॑ত ॥ বজ্র॑-ন্দে॒বীরজী॑তাগ্​শ্চ ।
ভুব॑ন-ন্দেব॒সূব॑রীঃ । আ॒দি॒ত্য়ানদি॑তি-ন্দে॒বীম্ । যোনি॑নোর্ধ্ব-মু॒দীষ॑ত ॥ শি॒বা ন॒-শ্শন্ত॑মা ভবন্তু । দি॒ব্য়া আপ॒ ওষ॑ধয়ঃ( ) ।
সু॒মৃ॒ডী॒কা সর॑স্বতি । মা তে॒ ব্য়ো॑ম স॒ন্দৃশি॑ ॥ 3 ॥
(অ॒মুতঃ॑ - সু॒ - তৌষ॑ধয়ো॒ দ্বে চ॑ ) (অ. 1)

অনুবাকং 2
স্মৃতিঃ॑ প্র॒ত্যক্ষ॑-মৈতি॒হ্য়᳚ম্ । অনু॑মান-শ্চতুষ্ট॒যম্ । এ॒তৈরাদি॑ত্য় মণ্ডলম্ ।
সর্বৈ॑রেব॒ বিধা᳚স্যতে ॥ সূর্য়ো॒ মরী॑চি॒মাদ॑ত্তে । সর্বস্মা᳚-দ্ভুব॑নাদ॒ধি । তস্য়াঃ পাক বি॑শেষে॒ণ । স্মৃ॒ত-ঙ্কা॑ল বি॒শেষ॑ণম্ ॥
ন॒দীব॒ প্রভ॑বা-ত্কা॒চিত্ । অ॒ক্ষয়্য়া᳚-থ্স্যন্দ॒তে য॑থা ॥ 4 ॥

তান্নদ্য়ো-ঽভি স॑মায়॒ন্তি । সো॒রু-স্সতী॑ ন নি॒বর্ত॑তে ॥
এ॒বন্না॒না স॑মুত্থা॒নাঃ । কা॒লা-স্সং॑​বঁথ্স॒রগ্গ্​ শ্রি॑তাঃ । অণুশশ্চ ম॑হশ॒শ্চ । সর্বে॑ সমব॒যন্ত্রি॑ তম্ ॥ স তৈ᳚-স্স॒র্বৈ-স্স॑মাবি॒ষ্টঃ । ঊ॒রু-স্স॑ন্ন নি॒বর্ত॑তে । অধি সং​বঁথ্স॑রং-বিঁ॒দ্য়াত্ ।
তদেব॑ লক্ষ॒ণে ॥ 5 ॥

অণুভিশ্চ ম॑হদ্ভি॒শ্চ । স॒মারূ॑ঢঃ প্র॒দৃশ্য়॑তে । সং​বঁথ্সরঃ প্র॑ত্যক্ষে॒ণ ।
না॒ধিস॑ত্ত্বঃ প্র॒দৃশ্য়॑তে ॥ প॒টরো॑ বিক্লি॑ধঃ পি॒ঙ্গঃ । এ॒ত-দ্ব॑রুণ॒ লক্ষ॑ণম্ । যত্রৈত॑-দুপ॒দৃশ্য়॑তে । স॒হস্র॑-ন্তত্র॒ নীয়॑তে ॥
একগ্​ম্ হি শিরো না॑না মু॒খে । কৃ॒থ্স্ন-ন্ত॑দৃত॒ লক্ষ॑ণম্ ॥ 6 ॥

উভযত-স্সপ্তে᳚ন্দ্রিয়া॒ণি । জ॒ল্পিত॑-ন্ত্বেব॒ দিহ্য়॑তে ॥
শুক্লকৃষ্ণে সং​বঁ॑থ্সর॒স্য় । দক্ষিণ বাম॑য়োঃ পা॒র্​শ্বয়োঃ । তস্য়ৈ॒ষা ভব॑তি ॥ শু॒ক্র-ন্তে॑ অ॒ন্যদ্য়॑জ॒ত-ন্তে॑ অ॒ন্যত্ ।
বিষু॑রূপে॒ অহ॑নী॒ দ্য়ৌরি॑বাসি । বিশ্বা॒ হি মা॒য়া অব॑সি স্বধাবঃ । ভ॒দ্রা তে॑ পূষন্নি॒হ রা॒তির॒স্ত্বিতি॑ ॥
নাত্র॒ ভুব॑নম্ । ন পূ॒ষা । ন প॒শবঃ॑ ।
নাদিত্য়-স্সং​বঁথ্সর এব প্রত্যক্ষেণ প্রিযত॑মং-বিঁ॒দ্য়াত্ । এতদ্বৈ সং​বঁথ্সরস্য় প্রিযত॑মগ্​ম্ রূ॒পম্ । যো-ঽস্য় মহানর্থ উত্পথ্স্যমা॑নো ভ॒বতি । ইদ-ম্পুণ্য়-ঙ্কু॑রুষ্বে॒তি । তমাহর॑ণ-ন্দ॒দ্য়াত্ ॥ 7 ॥
(য়॒থা॒ - ল॒ক্ষ॒ণ - ঋ॑তু॒লক্ষ॑ণং॒ - ভুব॑নগ্​ম্ স॒প্ত চ॑) (অ. 2)

অনুবাকং 3
সা॒ক॒ঞ্জানাগ্​ম্॑ স॒প্তথ॑মাহু-রেক॒জম্ । ষডু॑দ্য়॒মা ঋষ॑য়ো দেব॒জা ইতি॑ ।
তেষা॑মি॒ষ্টানি॒ বিহি॑তানি ধাম॒শঃ । স্থা॒ত্রে রে॑জন্তে॒ বিকৃ॑তানি রূপ॒শঃ ॥ কোনু॑ মর্য়া॒ অমি॑থিতঃ । সখা॒ সখা॑যমব্রবীত্ । জহা॑কো অ॒স্মদী॑ষতে ॥
যস্তি॒ত্য়াজ॑ সখি॒বিদ॒গ্​ম্॒ সখা॑যম্ ।
ন তস্য়॑ বা॒চ্যপি॑ ভা॒গো অ॑স্তি ।
যদীগ্​ম্॑ শৃ॒ণোত্য়॒লকগ্​ম্॑ শৃণোতি ॥ 8 ॥

ন হি প্র॒বেদ॑ সুকৃ॒তস্য়॒ পন্থা॒মিতি॑ ॥
ঋ॒তুর্-ঋ॑তুনা নু॒দ্যমা॑নঃ ।
বিন॑নাদা॒ভিধা॑বঃ । ষষ্টিশ্চ ত্রিগ্​ম্শ॑কা ব॒ল্গাঃ ।
শু॒ক্লকৃ॑ষ্ণৌ চ॒ ষাষ্টি॑কৌ ॥
সা॒রা॒গ॒ব॒স্ত্রৈ-র্জ॒রদ॑ক্ষঃ ।
ব॒স॒ন্তো বসু॑ভি-স্স॒হ । সং॒​বঁ॒থ্স॒রস্য়॑ সবি॒তুঃ । প্রৈ॒ষ॒কৃ-ত্প্র॑থ॒ম-স্স্মৃ॑তঃ ॥ অ॒মূনা॒দয়॑-তেত্য়॒ন্য়ান্ ॥ 9 ॥

অ॒মূগ্​শ্চ॑ পরি॒রক্ষ॑তঃ । এ॒তা বা॒চঃ প্র॑য়ুজ্য়॒ন্তে । যত্রৈ ত॑দুপ॒দৃশ্য়॑তে ॥ এ॒তদে॒ব বি॑জানী॒য়াত্ । প্র॒মাণ॑-ঙ্কাল॒পর্য়॑য়ে । বি॒শে॒ষ॒ণ-ন্তু॑ বক্ষ্য়া॒মঃ । ঋ॒তূনা᳚-ন্তন্নি॒বোধ॑ত ॥ শুক্লবাসা॑ রুদ্র॒গণঃ । গ্রী॒ষ্মেণা॑বর্ত॒তে স॑হ ।
নি॒জহ॑-ন্পৃথি॑বীগ্​ম্ স॒র্বাম্ ॥ 10 ॥

জ্য়ো॒তিষা᳚ ঽপ্রতি॒খ্য়েন॑ সঃ ॥ বি॒শ্ব॒রূ॒পাণি॑ বাসা॒গ্​ম্॒সি । আ॒দি॒ত্য়ানা᳚-ন্নি॒বোধ॑ত । সং​বঁথ্সরীণ॑-ঙ্কর্ম॒ফলম্ । বর্​ষাভি-র্দ॑দতা॒গ্​ম্॒ সহ ॥ অদুঃখো॑ দুঃখ চ॑ক্ষুরি॒ব । তদ্মা॑ পীত ইব॒ দৃশ্য়॑তে । শীতেনা᳚ ব্যথ॑যন্নি॒ব । রু॒রুদ॑ক্ষ ইব॒ দৃশ্য়॑তে ॥ হ্লাদযতে᳚ জ্বল॑তশ্চৈ॒ব ।
শা॒ম্যত॑শ্চাস্য়॒ চক্ষু॑ষী । যাবৈ প্রজা ভ্রগ্গ্॑শ্য়॒ন্তে । সং​বঁথ্সরাত্তা ভ্রগ্গ্॑শ্য়॒ন্তে ॥ যাঃ॒ প্রতি॑তিষ্ঠ॒ন্তি । সং​বঁথ্সরে তাঃ প্রতি॑তিষ্ঠ॒ন্তি । ব॒র্॒ষাভ্য়॑ ইত্য়॒র্থঃ ॥ 11 ॥
(শৃ॒ণো॒ - ত্য়॒ন্য়ান্থ্ - স॒র্বা - মে॒ব ষট্চ॑) (অ. 3)

অনুবাকং 4
অক্ষি॑দুঃ॒খোত্থি॑তস্য়ৈ॒ব । বি॒প্রস॑ন্নে ক॒নীনি॑কে । আঙ্ক্তে চাদ্গ॑ণ-ন্না॒স্তি । ঋ॒ভূণা᳚-ন্তন্নি॒বোধ॑ত ॥ ক॒ন॒কা॒ভানি॑ বাসা॒গ্​ম্॒সি । অ॒হতা॑নি নি॒বোধ॑ত ।
অন্নমশ্র্নীত॑ মৃজ্মী॒ত । অ॒হং-বোঁ॑ জীব॒নপ্র॑দঃ ॥ এ॒তা বা॒চঃ প্র॑য়ুজ্য়॒ন্তে ।
শ॒রদ্য়॑ত্রোপ॒ দৃশ্য়॑তে ॥ 12 ॥
অভিধূন্বন্তো-ঽভিঘ্ন॑ন্ত ই॒ব । বা॒তব॑ন্তো ম॒রুদ্গ॑ণাঃ ॥ অমুতো জেতুমিষুমু॑খমি॒ব । সন্নদ্ধা-স্সহ দ॑দৃশে॒ হ । অপদ্ধ্বস্তৈ-র্বস্তিব॑র্ণৈরি॒ব । বি॒শি॒খাসঃ॑ কপ॒র্দিনঃ ॥ অক্রুদ্ধস্য় যোথ্স্য়॑মান॒স্য় । কৃ॒দ্ধস্য়ে॑ব॒ লোহি॑নী । হেমতশ্চক্ষু॑ষী বি॒দ্য়াত্ । অ॒ক্ষ্ণয়োঃ᳚, ক্ষিপ॒ণোরি॑ব ॥ 13 ॥

দুর্ভিক্ষ-ন্দেব॑লোকে॒ষু । ম॒নূনা॑মুদ॒ক-ঙ্গৃ॑হে । এ॒তা বা॒চঃ প্র॑বদ॒ন্তীঃ । বৈ॒দ্য়ুতো॑ যান্তি॒ শৈশি॑রীঃ ॥ তা অ॒গ্নিঃ পব॑মানা॒ অন্বৈ᳚ক্ষত । ই॒হ জী॑বি॒কাম-প॑রিপশ্যন্ন্ । তস্য়ৈ॒ষা ভব॑তি ॥ ই॒হেহ ব॑-স্স্বত॒পসঃ । মরু॑ত॒-স্সূর্য়॑ত্বচঃ । শর্ম॑ স॒প্রথা॒ আবৃ॑ণে ॥ 14 ॥
(দৃশ্য়॑ত - ই॒বা - বৃ॑ণে) (অ. 4)

অনুবাকং 5
অতি॑ তা॒ম্রাণি॑ বাসা॒গ্​ম্॒সি । অ॒ষ্টিব॑জ্রি শ॒তঘ্নি॑ চ ।
বিশ্বে দেবা বিপ্র॑হর॒ন্তি । অ॒গ্নিজি॑হ্ব অ॒সশ্চ॑ত ॥ নৈব দেবো॑ ন ম॒র্ত্য়ঃ । ন রাজা ব॑রুণো॒ বিভুঃ । নাগ্নি-র্নেন্দ্রো ন প॑বমা॒নঃ । মা॒তৃক্ক॑চ্চ ন॒ বিদ্য়॑তে ॥ দি॒ব্যস্য়ৈকা॒ ধনু॑রার্ত্নিঃ ।
পৃ॒থি॒ব্য়ামপ॑রা শ্রি॒তা ॥ 15 ॥

তস্য়েন্দ্রো বম্রি॑রূপে॒ণ । ধ॒নুর্জ্য়া॑-মছি॒নথ্স্ব॑যম্ ॥ তদি॑ন্দ্র॒ধনু॑রিত্য়॒জ্যম্ । অ॒ভ্রব॑র্ণেষু॒ চক্ষ॑তে । এতদেব শং​য়োঁ-র্বার্​হ॑স্পত্য়॒স্য় । এ॒ত-দ্রু॑দ্রস্য়॒ ধনুঃ ॥ রু॒দ্রস্য়॑ ত্বেব॒ ধনু॑রার্ত্নিঃ । শির॒ উত্পি॑পেষ ।
স প্র॑ব॒র্গ্য়ো॑-ঽভবত্ । তস্মা॒-দ্য়-স্সপ্র॑ব॒র্গ্য়েণ॑ য॒জ্ঞেন॒ যজ॑তে ।
রু॒দ্রস্য়॒ স শিরঃ॒ প্রতি॑দধাতি । নৈনগ্​ম্॑ রু॒দ্র আরু॑কো ভবতি । য এ॒বং-বেঁদ॑ ॥ 16 ॥
(শ্রি॒তা - যজ॑তে॒ ত্রীণি॑ চ) (অ. 5)

অনুবাকং 6
অ॒ত্য়ূ॒র্ধ্বা॒ক্ষো-ঽতি॑রশ্চাত্ । শিশি॑রঃ প্র॒দৃশ্য়॑তে ।
নৈব রূপ-ন্ন॑ বাসা॒গ্​ম্॒সি । ন চক্ষুঃ॑ প্রতি॒দৃশ্য়॑তে ॥ অ॒ন্য়োন্য়॒-ন্তু ন॑ হিগ্গ্​স্রা॒তঃ । স॒ত স্ত॑-দ্দেব॒লক্ষ॑ণম্ । লোহিতো-ঽক্ষ্ণি শা॑রশী॒র্​ষ্ণিঃ ।
সূ॒র্যস্য়ো॑দয়॒ন-ম্প্র॑তি ॥ ত্ব-ঙ্করোষি॑ ন্যঞ্জ॒লিকাম্ । ত্ব॒-ঙ্করো॑ষি নি॒জানু॑কাম্ ॥ 17 ॥

নিজানুকামে᳚ ন্যঞ্জ॒লিকা । অমী বাচ-মুপাস॑তামি॒তি ॥
তস্মৈ সর্ব ঋতবো॑ নম॒ন্তে । মর্য়াদা করত্বা-ত্প্র॑পুরো॒ধাম্ । ব্রাহ্মণ॑ আপ্নো॒তি । য এ॑বং-বেঁ॒দ ।
স খলু সং​বঁথ্সর এতৈ-স্সেনানী॑ভি-স্স॒হ ।
ইন্দ্রায় সর্বান্-কামান॑ভিব॒হতি । স দ্র॒ফ্সঃ ।
তস্য়ৈ॒ষা ভব॑তি ॥ 18 ॥

অব॑ দ্র॒ফ্সো অগ্​ম্॑শ॒মতী॑মতিষ্ঠত্ । ই॒য়া॒নঃ কৃ॒ষ্ণো দ॒শভি॑-স্স॒হস্রৈঃ᳚ ।
আব॒র্ত-মিন্দ্র॒-শ্শচ্য়া॒ ধম॑ন্তম্ । উপস্নুহি ত-ন্নৃমণা-মথ॑দ্রামি॒তি ॥ এতয়ৈ বেন্দ্র-স্সলা বৃ॑ক্য়া স॒হ । অসুরা-ন্প॑রিবৃ॒শ্চতি । পৃথি॑ব্য়॒গ্​ম্॒ শুম॑তী । তাম॒ন্ব-ব॑স্থিত-স্সং​বঁথ্স॒রো দি॒বঞ্চ॑ ।
নৈবং-বিঁদুষা-ঽঽচার্য়া᳚-ন্তেবা॒সিনৌ । অন্য়োন্যস্মৈ᳚ দ্রুহ্য়া॒তাম্ । যো দ্রু॒হ্যতি । ভ্রশ্যতে স্ব॑র্গা-ল্লো॒কাত্ । ইত্যতু ম॑ণ্ডলা॒নি । সূর্য় মণ্ডলা᳚ ন্য়াখ্য়া॒য়িকাঃ । অত ঊর্ধ্বগ্​ম্স॑নির্ব॒চনাঃ ॥ 19 ॥
(নি॒জানু॑কাং॒ - ভব॑তি - দ্রুহ্য়া॒তা-ম্পঞ্চ॑ চ) (অ. 6)
অনুবাকং 7
আরোগো ভ্রাজঃ পটরঃ॑ পত॒ঙ্গঃ । স্বর্ণরো জ্য়োতিষীমান্॑. বিভা॒সঃ । তে অস্মৈ সর্বে দিবমা॑তপ॒ন্তি । ঊর্জ-ন্দুহানা অনপস্ফুর॑ন্ত ই॒তি ॥ কশ্য়॑পো-ঽষ্ট॒মঃ । স মহামেরু-ন্ন॑ জহা॒তি । তস্য়ৈ॒ষা ভব॑তি ॥ যত্তে॒ শিল্প॑-ঙ্কশ্যপ রোচ॒নাব॑ত্ । ই॒ন্দ্রি॒য়াব॑-ত্পুষ্ক॒ল-ঞ্চি॒ত্রভা॑নু ।
যস্মি॒-ন্থ্সূর্য়া॒ অর্পি॑তা-স্স॒প্ত সা॒কম্ ॥ 20 ॥

তস্মি-ন্রাজান-মধিবিশ্রয়ে॑মমি॒তি ॥ তে অস্মৈ সর্বে কশ্যপা-জ্জ্য়োতি॑--র্লভ॒ন্তে । তান্​থ্সোমঃ কশ্যপাদধি॑ নির্ধ॒মতি । ভ্রস্তা কর্ম কৃ॑দিবৈ॒বম্ ॥
প্রাণো জীবানীন্দ্রিয়॑ জীবা॒নি । সপ্ত শীর্​ষ॑ণ্য়াঃ প্রা॒ণাঃ ।
সূর্য়া ই॑ত্য়াচা॒র্য়াঃ ॥ অপশ্যমহ মেতান্-থ্সপ্ত সূ᳚র্য়ানি॒তি । পঞ্চকর্ণো॑ বাথ্স্য়া॒যনঃ । সপ্তকর্ণ॑শ্চ প্লা॒ক্ষিঃ ॥ 21 ॥

আনুশ্রবিক এব নৌ কশ্য়॑প ই॒তি । উভৌ॑ বেদ॒য়িতে ।
ন হি শেকুমিব মহামে॑রু-ঙ্গ॒ন্তুম্ ॥
অপশ্যমহমেত-থ্সূর্যমণ্ডল-ম্পরিব॑র্তমা॒নম্ ।
গা॒র্গ্য়ঃ প্রা॑ণত্রা॒তঃ । গচ্ছন্ত ম॑হামে॒রুম্ । এক॑ঞ্চাজ॒হতম্ ॥ ভ্রাজপটর পত॑ঙ্গা নি॒হনে । তিষ্ঠন্না॑তপ॒ন্তি । তস্মা॑দি॒হ তপ্ত্রি॑ তপাঃ ॥ 22 ॥

অ॒মুত্রে॒তরে । তস্মা॑দি॒হা তপ্ত্রি॑ তপাঃ ॥ তেষা॑মেষা॒ ভব॑তি ॥ স॒প্ত সূর্য়া॒ দিব॒-মনু॒ প্রবি॑ষ্টাঃ । তান॒ন্বেতি॑ প॒থিভি॑-র্দক্ষি॒ণাবান্॑ । তে অস্মৈ সর্বে ঘৃতমা॑তপ॒ন্তি । ঊর্জ-ন্দুহানা অনপস্ফুর॑ন্ত ই॒তি ॥
সপ্তর্ত্বিজ-স্সূর্য়া ই॑ত্য়াচা॒র্য়াঃ ॥ তেষা॑মেষা॒ ভব॑তি ॥
স॒প্ত দিশো॒ নানা॑ সূর্য়াঃ ॥ 23 ॥
স॒প্ত হোতা॑র ঋ॒ত্বিজঃ॑ । দেবা আদিত্য়া॑ যে স॒প্ত ।
তেভি-স্সোমাভী রক্ষ॑ণ ই॒তি ॥ তদ॑প্য়াম্না॒য়ঃ । দিগ্ভ্রাজ ঋতূ᳚ন্ করো॒তি ॥ এত॑য়ৈবা॒বৃতা ঽঽসহস্রসূর্যতায়া ইতি বৈ॑শম্পা॒যনঃ ॥ তস্য়ৈ॒ষা ভব॑তি ॥
যদ্দ্য়াব॑ ইন্দ্র তে শ॒তগ্​ম্ শ॒ত-ম্ভূমীঃ᳚ । উ॒ত স্য়ুঃ ।
ন ত্বা॑ বজ্রিন্-থ্স॒হস্র॒গ্​ম্॒ সূর্য়াঃ᳚ ॥ 24 ॥

অনু ন জাতমষ্ট রোদ॑সী ই॒তি ॥ নানা লিঙ্গত্বা-দৃতূনা-ন্নানা॑ সূর্য়॒ত্বম্ ॥ অষ্টৌ তু ব্যবসি॑তা ই॒তি ॥ সূর্যমণ্ডলা-ন্যষ্টা॑ত ঊ॒র্ধ্বম্ ॥
তেষা॑মেষা॒ ভব॑তি ॥ চি॒ত্র-ন্দে॒বানা॒-মুদ॑গা॒দনী॑কম্ । চক্ষু॑-র্মি॒ত্রস্য়॒ বরু॑ণস্য়া॒গ্নেঃ । আ-ঽপ্রা॒ দ্য়াবা॑ পৃথি॒বী অ॒ন্তরি॑ক্ষম্ ।
সূর্য় আত্মা জগতস্তস্থু॑ষশ্চে॒তি ॥ 25 ॥
(সা॒কং - প্লা॒ক্ষি - স্তপ্ত্রি॑তপা॒ - নানা॑সূর্য়াঃ॒ - সূর্য়া॒ - +নব॑ চ) (অ. 7)

অনুবাকং 8
ক্বেদমভ্র॑-ন্নিবি॒শতে । ক্বায়গ্​ম্॑ সং​বঁথ্স॒রো মি॑থঃ । ক্বাহঃ ক্বেয়-ন্দে॑ব রা॒ত্রী । ক্ব মাসা ঋ॑তব॒-শ্শ্রিতাঃ ॥ অর্ধমাসা॑ মুহূ॒র্তাঃ । নিমেষাস্তু॑টিভিঃ॒ (নিমেষাস্ত্র॑টিভিঃ॒) সহ । ক্বেমা আপো নি॑বিশ॒ন্তে । য॒দীতো॑ যান্তি॒ সম্প্র॑তি ॥ কালা অফ্সু নি॑বিশ॒ন্তে । আ॒প-স্সূর্য়ে॑ স॒মাহি॑তাঃ ॥ 26 ॥

অভ্রা᳚ণ্য়॒পঃ প্র॑পদ্য়॒ন্তে । বি॒দ্য়ুথ্সূর্য়ে॑ স॒মাহি॑তা ॥ অনবর্ণে ই॑মে ভূ॒মী । ই॒যঞ্চা॑সৌ চ॒ রোদ॑সী ॥ কিগ্গ্​ স্বিদত্রান্ত॑রা ভূ॒তম্ । যে॒নেমে বি॑ধৃতে॒ উভে ।
বি॒ষ্ণুনা॑ বিধৃ॑তে ভূ॒মী । ই॒তি ব॑থ্সস্য়॒ বেদ॑না ॥
ইরা॑বতী ধেনু॒মতী॒ হি ভূ॒তম্ । সূ॒য়॒ব॒সিনী॒ মনু॑ষে দশ॒স্য়ে᳚ ॥ 27 ॥

ব্য়॑ষ্টভ্না॒-দ্রোদ॑সী॒ বিষ্ণ॑বে॒তে । দা॒ধর্থ॑ পৃথি॒বী-ম॒ভিতো॑ ম॒য়ূখৈঃ᳚ ॥
কিন্ত-দ্বিষ্ণো র্বল॑মা॒হুঃ । কা॒ দীপ্তিঃ॑ কি-ম্প॒রায়॑ণম্ ।
একো॑ য॒দ্ধা-র॑য় দ্দে॒বঃ । রে॒জতী॑ রোদ॒সী উ॑ভে ॥ বাতাদ্বিষ্ণো-র্ব॑ল মা॒হুঃ । অ॒ক্ষরা᳚-দ্দীপ্তি॒ রুচ্য়॑তে । ত্রি॒পদা॒দ্ধার॑য়-দ্দে॒বঃ । যদ্বিষ্ণো॑রেক॒-মুত্ত॑মম্ ॥ 28 ॥

অ॒গ্নয়ো॑ বায়॑বশ্চৈ॒ব । এ॒তদ॑স্য় প॒রায়॑ণম্ ॥ পৃচ্ছামি ত্বা প॑র-ম্মৃ॒ত্য়ুম্ । অ॒বম॑-ম্মদ্ধ্য়॒মঞ্চ॑তুম্ । লো॒কঞ্চ॒ পুণ্য়॑পাপা॒নাম্ ।
এ॒ত-ত্পৃ॑চ্ছামি॒ সম্প্র॑তি ॥ অ॒মুমা॑হুঃ প॑র-ম্মৃ॒ত্য়ুম্ । প॒বমা॑ন-ন্তু॒ মদ্ধ্য়॑মম্ । অ॒গ্নিরে॒বাব॑মো মৃ॒ত্য়ুঃ । চ॒ন্দ্রমা᳚-শ্চতু॒রুচ্য়॑তে ॥ 29 ॥

অ॒না॒ভো॒গাঃ প॑র-ম্মৃ॒ত্য়ুম্ । পা॒পা-স্সং॑​য়ঁন্তি॒ সর্ব॑দা । আভোগাস্ত্বেব॑ সং​য়ঁ॒ন্তি । য॒ত্র পু॑ণ্যকৃ॒তো জ॑নাঃ ॥ ততো॑ ম॒দ্ধ্যম॑মায়॒ন্তি । চ॒তুম॑গ্নিঞ্চ॒ সম্প্র॑তি ॥ পৃচ্ছামি ত্বা॑ পাপ॒কৃতঃ । য॒ত্র যা॑তয়॒তে য॑মঃ । ত্বন্নস্ত--দ্ব্রহ্ম॑-ন্প্রব্রূ॒হি । য॒দি বে᳚ত্থা-ঽস॒তো গৃ॑হান্ ॥ 30 ॥

ক॒শ্যপা॑ দুদি॑তা-স্সূ॒র্য়াঃ । পা॒পান্নি॑র্ঘ্নন্তি॒ সর্ব॑দা ।
রোদস্য়োরন্ত॑-র্দেশে॒ষু । তত্র ন্যস্যন্তে॑ বাস॒বৈঃ ॥
তে ঽশরীরাঃ প্র॑পদ্য়॒ন্তে ।
য॒থা ঽপু॑ণ্যস্য়॒ কর্ম॑ণঃ । অপা᳚ণ্য়॒পাদ॑ কেশা॒সঃ । ত॒ত্র তে॑-ঽয়োনি॒জা জ॑নাঃ ॥ মৃত্বা পুনর্মৃত্য়ু-মা॑পদ্য়॒ন্তে । অ॒দ্যমা॑না-স্স্ব॒কর্ম॑ভিঃ ॥ 31 ॥

আশাতিকাঃ ক্রিম॑য় ই॒ব । ততঃ পূযন্তে॑ বাস॒বৈঃ ॥
অপৈ॑ত-ম্মৃ॒ত্য়ু-ঞ্জ॑যতি । য এ॒বং-বেঁদ॑ । স খল্বৈবং॑-বিঁদ্ব্রা॒হ্মণঃ । দী॒র্ঘশ্রু॑ত্তমো॒ ভব॑তি । কশ্য়॑প॒স্য়াতি॑থি॒-স্সিদ্ধগ॑মন॒-স্সিদ্ধাগ॑মনঃ ॥
তস্য়ৈ॒ষা ভব॑তি ॥ আযস্মিন᳚-থ্স॒প্ত বা॑স॒বাঃ ।
রোহ॑ন্তি পূ॒র্ব্য়া॑ রুহঃ॑ ॥ 32 ॥

ঋষি॑র্​হ দীর্ঘ॒শ্রুত্ত॑মঃ । ইন্দ্রস্য় ঘর্মো অতি॑থিরি॒তি ॥
কশ্যপঃ পশ্য়॑কো ভ॒বতি । যথ্সর্ব-ম্পরিপশ্যতী॑তি সৌ॒ক্ষ্ম্য়াত্ ॥ অথাগ্নে॑রষ্টপু॑রুষ॒স্য় । তস্য়ৈ॒ষা ভব॑তি ॥ অগ্নে॒ নয়॑ সু॒পথা॑ রা॒য়ে অ॒স্মান্ ।
বিশ্বা॑নি দেব ব॒য়ুনা॑নি বি॒দ্বান্ । যু॒য়ো॒দ্ধ্য়॑স্ম-জ্জু॑হুরা॒ণমেনঃ॑ । ভূয়িষ্ঠান্তে নম উক্তিং-বিঁ॑ধেমে॒তি ॥ 33 ॥
স॒মাহি॑তা - দশ॒স্য়ে॑ - উত্ত॑ম॒-মুচ্য়॑তে-গৃহান্-থ্স্ব॒কর্ম॑ভিঃ-পূ॒র্ব্য়া॑ রুহ॑-ই॒তি) (অ. 8)

অনুবাকং 9
অগ্নিশ্চ জাত॑বেদা॒শ্চ । সহোজা অ॑জিরা॒প্রভুঃ । বৈশ্বানরো ন॑র্য়াপা॒শ্চ । প॒ঙ্ক্তিরা॑ধাশ্চ॒ সপ্ত॑মঃ ।
বিসর্পে বাষ্ট॑মো-ঽগ্নী॒নাম্ । এতে-ঽষ্টৌ বসবঃ, ক্ষি॑তা ই॒তি ॥ যথর্ত্বে-বাগ্নে-রর্চির্বর্ণ॑ বিশে॒ষাঃ ।
নীলার্চিশ্চ পীতকা᳚র্চিশ্চে॒তি ॥ অথ বায়ো-রেকাদশ-পুরুষস্য়ৈকাদশ॑স্ত্রীক॒স্য় ॥
প্রভ্রাজমানা ব্য়॑বদা॒তাঃ ॥ 34 ॥

যাশ্চ বাসু॑কি বৈ॒দ্য়ুতাঃ । রজতাঃ পরু॑ষা-শ্শ্য়া॒মাঃ ।
কপিলা অ॑তিলো॒হিতাঃ । ঊর্ধ্বা অবপ॑তন্তা॒শ্চ । বৈদ্য়ুত ই॑ত্য়েকা॒দশ ॥ নৈনং-বৈঁদ্য়ুতো॑ হিন॒স্তি । য এ॑বং-বেঁ॒দ ॥ স হোবাচ ব্য়াসঃ পা॑রাশ॒র্য়ঃ ।
বিদ্য়ুদ্বধমেবাহ-ম্মৃত্য়ুমৈ᳚চ্ছমি॒তি ॥
ন ত্বকা॑মগ্​ম্ হ॒ন্তি ॥ 35 ॥

য এ॑বং-বেঁ॒দ ॥ অথ গ॑ন্ধর্ব॒গণাঃ । স্বান॒ ভ্রাট্ । অঙ্ঘা॑রি॒-র্বম্ভা॑রিঃ । হস্ত॒-স্সুহ॑স্তঃ । কৃশা॑নু-র্বি॒শ্বাব॑সুঃ । মূর্ধন্বান্-থ্সূ᳚র্যব॒র্চাঃ ।
কৃতিরিত্য়েকাদশ গ॑ন্ধর্ব॒গণাঃ ॥ দেবাশ্চ ম॑হাদে॒বাঃ । রশ্মযশ্চ দেবা॑ গর॒গিরঃ ॥ 36 ॥

নৈন-ঙ্গরো॑ হিন॒স্তি । য এ॑বং-বেঁ॒দ ॥ গৌ॒রী মি॑মায় সলি॒লানি॒ তক্ষ॑তী । এক॑পদী দ্বি॒পদী॒ সা চতু॑ষ্পদী । অ॒ষ্টাপ॑দী॒ নব॑পদী বভূ॒বুষী᳚ । সহস্রাক্ষরা পরমে ব্য়ো॑মন্নি॒তি ॥ বাচো॑ বিশে॒ষণম্ ॥
অথ নিগদ॑ব্য়াখ্য়া॒তাঃ । তাননুক্র॑মিষ্য়া॒মঃ ॥
ব॒রাহবঃ॑-স্বত॒পসঃ ॥ 37 ॥

বি॒দ্য়ু-ন্ম॑হসো॒ ধূপ॑য়ঃ । শ্বাপয়ো গৃহমেধা᳚শ্চেত্য়ে॒তে । যে॒ চেমে-ঽশি॑মিবি॒দ্বিষঃ ॥ পর্জন্য়া-স্সপ্ত পৃথিবীমভিব॑র্​ষ॒ন্তি ।
বৃষ্টি॑ভিরি॒তি । এতয়ৈব বিভক্তি বি॑পরী॒তাঃ । স॒প্তভি॒র্বাতৈ॑ রুদী॒রিতাঃ । অমূং-লোঁকা-নভিব॑র্​ষ॒ন্তি । তেষা॑মেষা॒ ভব॑তি ॥ স॒মা॒ন-মে॒তদুদ॑কম্ ॥ 38 ॥

উ॒চ্চৈত্য়॑ব॒ চাহ॑ভিঃ । ভূমি॑-ম্প॒র্জন্য়া॒ জিন্ব॑ন্তি ।
দিব-ঞ্জিন্বন্-ত্যগ্ন॑য় ই॒তি ॥ যদক্ষ॑র-ম্ভূ॒তকৃ॑তম্ ।
বিশ্বে॑ দেবা উ॒পাস॑তে । ম॒হর্​ষি॑মস্য় গো॒প্তার᳚ম্ । জ॒মদ॑গ্নি॒-মকু॑র্বত ॥ জ॒মদ॑গ্নি॒-রাপ্য়া॑যতে । ছন্দো॑ভি-শ্চতুরুত্ত॒রৈঃ । রাজ্ঞ॒-স্সোম॑স্য় তৃ॒প্তাসঃ॑ ॥ 39 ॥

ব্রহ্ম॑ণা বী॒র্য়া॑বতা । শি॒বা নঃ॑ প্র॒দিশো॒ দিশঃ॑ ॥ তচ্ছং॒​য়োঁরা বৃ॑ণীমহে । গা॒তুং-য়ঁ॒জ্ঞায়॑ । গা॒তুং-য়ঁ॒জ্ঞপ॑তয়ে । দৈবী᳚ স্ব॒স্তির॑স্তু নঃ ।
স্ব॒স্তি-র্মানু॑ষেভ্য়ঃ । ঊ॒র্ধ্ব-ঞ্জি॑গাতু ভেষ॒জম্ ।
শন্নো॑ অস্তু দ্বি॒পদে᳚ । শঞ্চতু॑ষ্পদে ॥
সোমপা(3) অসোমপা(3) ইতি নিগদ॑ব্য়াখ্য়া॒তাঃ ॥ 40 ॥
(ব্য়॒ব॒দা॒তা - হ॒ন্তি - গ॑র॒গির - স্ত॒পস - উদ॑কং - তৃপ্তাস॒ - শ্বতু॑ষ্পদ॒ এক॑-ঞ্চ) (অ. 9)

অনুবাকং 10
স॒হ॒স্র॒বৃদি॑য়-ম্ভূ॒মিঃ । প॒রং-ব্য়োঁ॑ম স॒হস্র॑বৃত্ । অ॒শ্বিনা॑ ভুজ্য়ূ॑ নাস॒ত্য়া । বি॒শ্বস্য়॑ জগ॒তস্প॑তী ॥ জায়া ভূমিঃ প॑তির্ব্য়ো॒ম । মি॒থুন॑ন্তা অ॒তুর্য়॑থুঃ । পুত্রো বৃহস্প॑তী রু॒দ্রঃ । স॒রমা॑ ইতি॑ স্ত্রীপু॒মম্ ॥ শু॒ক্রং-বাঁ॑ম॒ন্যদ্য়॑জ॒তং-বাঁ॑ম॒ন্যত্ । বিষু॑রূপে॒ অহ॑নী॒ দ্য়ৌরি॑ব স্থঃ ॥ 41 ॥

বিশ্বা॒ হি মা॒য়া অব॑থ-স্স্বধাবন্তৌ । ভ॒দ্রা বা᳚-ম্পূষণাবি॒হ রা॒তির॑স্তু ॥ বাসা᳚ত্য়ৌ চি॒ত্রৌ জগ॑তো নি॒ধানৌ᳚ । দ্য়াবা॑ভূমী চ॒রথ॑-স্স॒গ্​ম্॒ সখা॑য়ৌ ।
তাব॒শ্বিনা॑ রা॒সভা᳚শ্বা॒ হব॑-ম্মে । শু॒ভ॒স্প॒তী॒ আ॒গতগ্​ম্॑ সূ॒র্যয়া॑ স॒হ ॥ ত্য়ুগ্রো॑ হ ভু॒জ্য়ু-ম॑শ্বিনোদ মে॒ঘে । র॒য়িন্ন কশ্চি॑-ন্মমৃ॒বাঁ(2) অবা॑হাঃ । তমূ॑হথু-র্নৌ॒ভিরা᳚ত্ম॒ন্-বতী॑ভিঃ ।
অ॒ন্ত॒রি॒ক্ষ॒ প্রুড্ভি॒র-পো॑দকাভিঃ ॥ 42 ॥

তি॒স্রঃ, ক্ষপ॒স্ত্রিরহা॑ ঽতি॒ব্রজ॑দ্ভিঃ । নাস॑ত্য়া ভু॒জ্য়ুমূ॑হথুঃ পত॒ঙ্গৈঃ । স॒মু॒দ্রস্য়॒ ধন্ব॑ন্না॒র্দ্রস্য়॑ পা॒রে । ত্রি॒ভী রথৈ᳚-শ্শ॒তপ॑দ্ভি॒-ষ্ষড॑শ্বৈঃ ॥ স॒বি॒তারং॒-বিঁত॑ন্বন্তম্ । অনু॑বদ্ধ্নাতি শাম্ব॒রঃ । আপপূর্​ষং-ব॑রশ্চৈ॒ব ।
স॒বিতা॑ ঽরেপ॒সো॑ ঽভবত্ ॥ ত্য়গ্​ম্ সুতৃপ্তং-বিঁ॑দিত্বৈ॒ব । ব॒হুসো॑ম গি॒রং-বঁ॑শী ॥ 43 ॥

অন্বেতি তুগ্রো ব॑ক্রিয়া॒ন্তম্ । আযসূয়ান্-থ্সোম॑তৃফ্সু॒ষু ॥
স সঙ্গ্রাম-স্তমো᳚দ্য়ো-ঽত্য়ো॒তঃ । বাচো গাঃ পি॑পাতি॒ তত্ ।
স তদ্গোভি-স্স্তবা᳚ ঽত্য়েত্য়॒ন্য়ে । র॒ক্ষসা॑ ঽনন্বি॒তাশ্চ॑ যে ॥ অ॒ন্বেতি॒ পরি॑বৃত্ত্য়া॒-ঽস্তঃ । এ॒বমে॒তৌ স্থো॑ অশ্বিনা । তে এ॒তে দ্য়ুঃ॑ পৃথি॒ব্য়োঃ । অহ॑রহ॒-র্গর্ভ॑ন্দধাথে ॥ 44 ॥

তয়ো॑ রে॒তৌ ব॒থ্সা ব॑হোরা॒ত্রে । পৃ॒থি॒ব্য়া অহঃ॑ । দি॒বো রাত্রিঃ॑ । তা অবি॑সৃষ্টৌ । দম্প॑তী এ॒ব ভ॑বতঃ ॥ তয়ো॑ রে॒তৌ ব॒থ্সৌ । অ॒গ্নিশ্চা॑-দি॒ত্যশ্চ॑ । রা॒ত্রের্ব॒থ্সঃ । শ্বে॒ত আ॑দি॒ত্য়ঃ । অহ্নো॒-ঽগ্নিঃ ॥ 45 ॥
তা॒ম্রো অ॑রু॒ণঃ । তা অবি॑সৃষ্টৌ । দম্প॑তী এ॒ব ভ॑বতঃ ॥ তয়ো॑ রে॒তৌ ব॒থ্সৌ । বৃ॒ত্রশ্চ॑ বৈদ্য়ু॒তশ্চ॑ । অ॒গ্নের্বৃ॒ত্রঃ । বৈ॒দ্য়ুত॑ আদি॒ত্যস্য়॑ ।
তা অবি॑সৃষ্টৌ । দম্প॑তী এ॒ব ভ॑বতঃ ॥ তয়ো॑ রে॒তৌ ব॒থ্সৌ ॥ 46 ॥

উ॒ষ্মা চ॑ নীহা॒রশ্চ॑ । বৃ॒ত্রস্য়ো॒ষ্মা । বৈ॒দ্য়ু॒তস্য়॑ নীহা॒রঃ । তৌ তাবে॒ব প্রতি॑পদ্য়েতে ॥ সেয়গ্​ম্ রাত্রী॑ গ॒র্ভিণী॑ পু॒ত্রেণ॒ সং​বঁ॑সতি ।
তস্য়া॒ বা এ॒তদু॒ল্বণ᳚ম্ । যদ্রাত্রৌ॑ র॒শ্ময়ঃ॑ । যথা॒ গোর্গ॒র্ভিণ্য়া॑ উ॒ল্বণ᳚ম্ । এ॒বমে॒তস্য়া॑ উ॒ল্বণ᳚ম্ ॥ প্রজয়িষ্ণুঃ প্রজয়া চ পশুভি॑শ্চ ভ॒বতি ।
য এ॑বং-বেঁ॒দ । এতমুদ্যন্ত-মপিয়॑ন্তঞ্চে॒তি । আদিত্য়ঃ পুণ্য়॑স্য় ব॒থ্সঃ । অথ পবি॑ত্রাঙ্গি॒রসঃ ॥ 47 ॥
(স্থো - ঽপো॑দকাভি--র্ বশী - দধাথে - অ॒গ্নি - স্তয়ো॑ রে॒তৌ ব॒থ্সৌ - ভ॒বতি চ॒ত্বারি॑ চ) (অ. 10)

অনুবাকং 11
প॒বিত্র॑বন্তঃ॒ পরি॒বাজ॒মাস॑তে । পি॒তৈষা᳚-ম্প্র॒ত্নো অ॒ভির॑ক্ষতি ব্র॒তম্ । ম॒হস্স॑মু॒দ্রং-বঁরু॑ণ স্তি॒রোদ॑ধে । ধীরা॑ ইচ্ছেকু॒র্ধরু॑ণেষ্বা॒রভ᳚ম্ ॥
প॒বিত্র॑-ন্তে॒ বিত॑ত॒-ম্ব্রহ্ম॑ণ॒স্পতে᳚ । প্রভু॒র্গাত্রা॑ণি॒ পর্য়ে॑ষি বি॒শ্বতঃ॑ ।
অত॑প্ততনূ॒-র্ন তদা॒মো অ॑শ্নুতে । শৃ॒তাস॒ ইদ্বহ॑ন্-ত॒স্ত-থ্সমা॑শত ॥ ব্র॒হ্মা দে॒বানা᳚-ম্পদ॒বীঃ ক॑বী॒নামৃষি॒র্বিপ্রা॑ণা-ম্মহি॒ষো মৃ॒গাণা᳚ম্ । শ্য়ে॒নো গৃধ্রা॑ণা॒গ্॒ স্বধি॑তি॒-র্বনা॑না॒গ্​ম্॒ সোমঃ॑ প॒বিত্র॒মত্য়ে॑তি॒ রেভন্ন্॑ ॥ অস॑ত-স্স॒দ্য়ে তত॑ক্ষুঃ ॥ 48 ॥

ঋষ॑য়-স্স॒প্তাত্রি॑শ্চ॒ যত্ । সর্বে-ঽত্রয়ো অ॑গস্ত্য়॒শ্চ ।
নক্ষ॑ত্রৈ॒-শ্শঙ্কৃ॑তো ঽবসন্ন্ ॥ অথ॑ সবিতু॒-শ্শ্য়াবাশ্ব॒স্য়া ঽবর্তি॑কামস্য় ॥ অ॒মী য ঋক্ষা॒ নিহি॑তা স উ॒চ্চা । নক্ত॒-ন্দদৃ॑শ্রে॒ কুহ॑চি॒দ্দিবে॑য়ুঃ ।
অদ॑ব্ধানি॒ বরু॑ণস্য় ব্র॒তানি॑ । বি॒চা॒কশ॑-চ্চ॒ন্দ্রমা॒ নক্ষ॑ত্রমেতি ॥
ত-থ্স॑বি॒তু-র্বরে᳚ণ্যম্ । ভর্গো॑ দে॒বস্য়॑ ধীমহি ॥ 49 ॥

ধিয়ো॒ যো নঃ॑ প্রচো॒দয়া᳚ত্ ॥ তথ্স॑বি॒তু-র্বৃ॑ণীমহে ।
ব॒য়-ন্দে॒বস্য়॒ ভোজ॑নম্ । শ্রেষ্ঠগ্​ম্॑ সর্ব॒ধাত॑মম্ । তুর॒-ম্ভগ॑স্য় ধীমহি ॥
অপা॑গূহত সবিতা॒ তৃভীন্॑ । সর্বা᳚-ন্দি॒বো অন্ধ॑সঃ ।
নক্ত॑006ছ্;॒তান্য়॑ভব-ন্দৃ॒শে । অস্থ্য়॒স্থ্না সম্ভ॑বিষ্য়ামঃ ॥ নাম॒ নামৈ॒ব না॒ম মে᳚ ॥ 50 ॥

নপুগ্​ম্স॑ক॒-ম্পুমা॒গ্॒স্ত্র্য়॑স্মি । স্থাব॑রো-ঽস্ম্যথ॒ জঙ্গ॑মঃ ।
য॒জে-ঽযক্ষি॒ যষ্টা॒হে চ॑ ॥ ময়া॑ ভূ॒তান্য়॑যক্ষত । প॒শবো॑ মম॑ ভূতা॒নি । অনূবন্ধ্য়ো ঽস্ম্য়॑হং-বিঁ॒ভুঃ ॥ স্ত্রিয়॑-স্স॒তীঃ । তা উ॑ মে পু॒গ্​ম্॒স আ॑হুঃ ।
পশ্য়॑দক্ষ॒ণ্বান্ন-বিচে॑তদ॒ন্ধঃ । ক॒বির্য়ঃ পু॒ত্র-স্স ই॒মা চি॑কেত ॥ 51 ॥

যস্তা বি॑জা॒না-থ্স॑বি॒তুঃ পি॒তা-ঽস॑ত্ ॥ অ॒ন্ধো মণিম॑বিন্দত্ । তম॑নঙ্গুলি॒-রাব॑যত্ । অ॒গ্রী॒বঃ প্রত্য়॑মুঞ্চত্ । তমজি॑হ্ব অ॒সশ্চ॑ত ॥
ঊর্ধ্বমূল-ম॑বাক্ছা॒খম্ । বৃ॒ক্ষং-য়াঁ॑ বেদ॒ সম্প্র॑তি । ন স জাতু জন॑-শ্শ্রদ্দ॒দ্ধ্য়াত্ । মৃ॒ত্য়ুর্মা॑ মার॒য়াদি॑তিঃ ॥ হসিতগ্​ম্ রুদি॑তঙ্গী॒তম্ ॥ 52 ॥

বীণা॑ পণ ব॒লাসি॑তম্ । মৃ॒তঞ্জী॒বঞ্চ॑ যত্কি॒ঞ্চিত্ ।
অ॒ঙ্গানি॑ স্নেব॒ বিদ্ধি॑ তত্ ॥ অতৃ॑ষ্য়॒গ্গ্॒স্তৃষ্য়॑ ধ্য়াযত্ । অ॒স্মাজ্জা॒তা মে॑ মিথূ॒ চরন্ন্॑ । পুত্রো নির্-ঋত্য়া॑ বৈদে॒হঃ । অ॒চেতা॑ যশ্চ॒ চেত॑নঃ ॥ স॒ ত-ম্মণিম॑বিন্দত্ । সো॑-ঽনঙ্গুলি॒রাব॑যত্ ।
সো॒-ঽগ্রী॒বঃ প্রত্য়॑মুন্চত্ ॥ 53 ॥

সো-ঽজি॑হ্বো অ॒সশ্চ॑ত ॥ নৈতমৃষিং-বিঁদিত্বা নগ॑র-ম্প্র॒বিশেত্ । য॑দি প্র॒বিশেত্ । মি॒থৌ চরি॑ত্বা প্র॒বিশেত্ । তথ্সম্ভব॑স্য় ব্র॒তম্ ॥ আ॒ তম॑গ্নে র॒থন্তি॑ষ্ঠ । একা᳚শ্বমেক॒ যোজ॑নম্ । একচক্র॑-মেক॒ধুরম্ ।
বা॒ত ধ্রা॑জি গ॒তিং-বিঁ॑ভো ॥ ন॒ রি॒ষ্যতি॑ ন ব্য়॒থতে ॥ 54 ॥

না॒স্য়াক্ষো॑ যাতু॒ সজ্জ॑তি । যচ্ছ্বেতা᳚-ন্রোহি॑তাগ্​শ্চা॒গ্নেঃ । র॒থে যু॑ক্ত্বা-ঽধি॒তিষ্ঠ॑তি ॥ একয়া চ দশভিশ্চ॑ স্বভূ॒তে । দ্বাভ্য়া মিষ্টয়ে বিগ্​ম্॑শত্য়া॒ চ । তিসৃভিশ্চ বহসে ত্রিগ্​ম্॑শতা॒ চ ।
নিয়ুদ্ভি-র্বাযবিহ তা॑ বিমু॒ঞ্চ ॥ 55 ॥
(তত॑ক্ষু--র্ ধীমহি - না॒ম মে॑ - চিকেত - গী॒তং - প্রত্য়॑মুঞ্চ-দ্- ব্য়॒থতে - +স॒প্ত চ॑) (অ. 11)

অনুবাকং 12
আত॑নুষ্ব॒ প্রত॑নুষ্ব । উ॒দ্ধমাধ॑ম॒ সন্ধ॑ম । আদিত্য়ে চন্দ্র॑বর্ণা॒নাম্ । গর্ভ॒ মা ধে॑হি॒ যঃ পুমান্॑ ॥ ই॒ত-স্সি॒ক্তগ্​ম্ সূর্য়॑গতম্ ।
চ॒ন্দ্রম॑সে॒ রস॑ঙ্কৃধি ।
বারাদ-ঞ্জন॑য়া-গ্রে॒-ঽগ্নিম্ । য একো॑ রুদ্র॒ উচ্য়॑তে ॥
অ॒স॒-ঙ্খ্য়া॒তা-স্স॑হস্রা॒ণি ।
স্ম॒র্যতে॑ ন চ॒ দৃশ্য়॑তে ॥ 56 ॥

এ॒বমে॒তন্নি॑বোধত ॥ আ ম॒ন্দ্রৈ-রি॑ন্দ্র॒ হরি॑ভিঃ । যা॒ হি ম॒য়ূর॑-রোমভিঃ । মাত্বা কেচিন্নিয়ে মুরি॑ন্ন পা॒শিনঃ । দ॒ধ॒ন্বেব॒ তা ই॑হি ॥ মা ম॒ন্দ্রৈ-রি॑ন্দ্র॒ হরি॑ভিঃ । যা॒মি ম॒য়ূর॑ রোমভিঃ । মা মা কেচিন্নিয়ে মুরি॑ন্ন পা॒শিনঃ । নি॒ধ॒ন্বেব॒ তাঁ(2) ই॑মি ॥
অণুভিশ্চ ম॑হদ্ভি॒শ্চ ॥ 57 ॥

নি॒ঘৃষ্বৈ॑ রস॒মায়ু॑তৈঃ । কালৈর্-হরিত্ব॑মাপ॒ন্নৈঃ । ইন্দ্রায়া॑হি স॒হস্র॑ যুক্ ॥ অ॒গ্নি-র্বি॒ভ্রাষ্টি॑ বসনঃ । বা॒য়ু-শ্শ্বেত॑সিকদ্রু॒কঃ । সং॒​বঁ॒থ্স॒রো বি॑ষূ॒ বর্ণৈঃ᳚ । নিত্য়া॒স্তে ঽনুচ॑রাস্ত॒ব ॥
সুব্রহ্মণ্য়োগ্​ম্ সুব্রহ্মণ্য়োগ্​ম্ সু॑ব্রহ্ম॒ণ্য়োম্ ।
ইন্দ্রাগচ্ছ হরিব আগচ্ছ মে॑ধাতি॒থেঃ । মেষ বৃষণশ্ব॑স্য় মে॒নে ॥ 58 ॥

গৌরাবস্কন্দিন্ন-হল্য়া॑য়ৈ জা॒র । কৌশিক-ব্রাহ্মণ গৌতম॑ব্রুবা॒ণ ॥ অ॒রু॒ণাশ্বা॑ ই॒হাগ॑তাঃ । বস॑বঃ পৃথিবি॒ ক্ষিতঃ॑ । অ॒ষ্টৌ দি॒গ্বাস॑সো॒ ঽগ্নয়ঃ॑ । অগ্নিশ্চ জাতবেদা᳚শ্চেত্য়ে॒তে ॥ তাম্রাশ্বা᳚-স্তাম্র॒রথাঃ । তাম্রবর্ণা᳚ স্তথা॒-ঽসিতাঃ । দণ্ডহস্তাঃ᳚ খাদ॒গ্দতঃ । ইতো রুদ্রাঃ᳚ পরা॒ঙ্গতাঃ ॥ 59 ॥

উক্তগ্গ্​ স্থান-ম্প্রমাণঞ্চ॑ পুর॒ ইত ॥ বৃহ॒স্পতি॑শ্চ সবি॒তা চ॑ । বি॒শ্বরূ॑পৈ-রি॒হাগ॑তাম্ । রথে॑নোদক॒বর্ত্ম॑না । অ॒ফ্সুষা॑ ইতি॒ তদ্দ্ব॑য়োঃ ॥
উক্তো বেষো॑ বাসা॒গ্​ম্॒সি চ । কালাবযবানা-মিতঃ॑ প্রতী॒জ্য়া । বাসাত্য়া॑ ইত্য়॒শ্বিনোঃ । কো-ঽন্তরিক্ষে শব্দঙ্ক॑রোতী॒তি । বাসিষ্ঠো রৌহিণো মীমাগ্​ম্॑সা-ঞ্চ॒ক্রে । তস্য়ৈ॒ষা ভব॑তি ॥
বা॒শ্রেব॑ বি॒দ্য়ুন্মি॑মাতি ব॒থ্স-ন্ন মা॒তা সি॑ষক্তি । যদে॑ষাং-বৃঁ॒ষ্টিরস॑র্জি ॥ দিতি॑ ॥ ব্রহ্ম॑ণ উ॒দর॑ণমসি । ব্রহ্ম॑ণ উদী॒রণ॑মসি । ব্রহ্ম॑ণ আ॒স্তর॑ণমসি । ব্রহ্ম॑ণ উপ॒স্তর॑ণমসি ॥ 60 ॥
(দৃশ্য়॑তে॒ - চ - মে॒নে - প॑রা॒-ঙ্গতা - শ্চ॒ক্রে ষট্ চ॑) (অ. 12)

অনুবাকং 13
অ॒ষ্টয়ো॑নী-ম॒ষ্টপু॑ত্রাম্ । অ॒ষ্টপ॑ত্নী-মি॒মা-ম্মহী᳚ম্ । অ॒হং-বেঁদ॒ ন মে॑ মৃত্য়ুঃ ।
ন চামৃ॑ত্য়ুর॒ঘাহ॑রত্ ॥ অ॒ষ্টয়ো᳚ন্য়॒ষ্ট পু॑ত্রম্ । অ॒ষ্টপ॑দি॒দ-ম॒ন্তরি॑ক্ষম্ । অ॒হং-বেঁদ॒ ন মে॑ মৃত্য়ুঃ । ন চামৃ॑ত্য়ুর॒ঘাহ॑রত্ । অ॒ষ্টয়ো॑নী-ম॒ষ্টপু॑ত্রাম্ । অ॒ষ্টপ॑ত্নী-ম॒মূন্দিব᳚ম্ ॥ 61 ॥

অ॒হং-বেঁদ॒ ন মে॑ মৃত্য়ুঃ ।
ন চামৃ॑ত্য়ুর॒ঘাহ॑রত্ ॥ সু॒ত্রামা॑ণ-ম্পৃথি॒বী-ন্দ্য়াম॑নে॒হসগ্​ম্॑ সু॒শর্মা॑ণ॒ মদি॑তিগ্​ম্ সু॒প্রণী॑তিম্ । দৈবী॒-ন্নাবগ্গ্॑ স্বরি॒ত্রামনা॑গস॒মস্র॑বন্তী॒মা রু॑হেমা স্ব॒স্তয়ে᳚ ॥ ম॒হীমূ॒ষুম॒হীমূ॒ ষু মা॒তরগ্​ম্॑ সুব্র॒তানা॑মৃ॒তস্য়॒ পত্নী॒মব॑সে হুবেম । তু॒বি॒ক্ষ॒ত্রাম॒জর॑ন্তীমুরূ॒চীগ্​ম্ সু॒শর্মা॑ণ॒মদি॑তিগ্​ম্ সু॒প্রণী॑তিম্ ॥ অদি॑তি॒র্দ্য়ৌ-রদি॑তি-র॒ন্তরি॑ক্ষম্ ।
অদি॑তি র্মা॒তা স পি॒তা স পু॒ত্রঃ । বিশ্বে॑ দে॒বা অদি॑তিঃ॒ পঞ্চ॒ জনাঃ᳚ । অদি॑তি-র্জা॒ত-মদি॑তি॒-র্জনি॑ত্বম্ ॥ অ॒ষ্টৌ পু॒ত্রাসো॒ অদি॑তেঃ । যে জা॒তা স্ত॒ন্বঃ॑ পরি॑ । দে॒বাঁ (2) উপ॑প্রৈ-থ্স॒প্তভিঃ॑ ॥ 62 ॥

প॒রা॒ মা॒র্তা॒ণ্ডমাস্য়॑ত্ ॥ স॒প্তভিঃ॑ পু॒ত্রৈ-রদি॑তিঃ । উপ॒ প্রৈ-ত্পূ॒র্ব্য়ং॑-য়ুঁগ᳚ম্ । প্র॒জায়ৈ॑ মৃ॒ত্যবে ত॑ত্ । প॒রা॒ মা॒র্তা॒ণ্ড-মাভ॑র॒দিতি॑ ॥ তাননুক্র॑মিষ্য়া॒মঃ ॥ মি॒ত্রশ্চ॒ বরু॑ণশ্চ । ধা॒তা চা᳚র্য়॒মা চ॑ । অগ্​ম্শ॑শ্চ॒ ভগ॑শ্চ । ইন্দ্রশ্চ বিবস্বাগ্॑শ্চেত্য়ে॒তে ॥ হি॒র॒ণ্য়॒গ॒র্ভ-স্সম॑বর্ত॒তাগ্রে॑ ভূ॒তস্য়॑ জা॒তঃ পতি॒রেক॑ আসীত্ । স দা॑ধার পৃথি॒বী-ন্দ্য়া মু॒তেমা-ঙ্কস্মৈ॑ দে॒বায়॑ হ॒বিষা॑ বিধেম ॥ হ॒গ্​ম্॒স-শ্শু॑চি॒ষ-দ্বসু॑রন্তরিক্ষ॒-সদ্ধোতা॑ বেদি॒ষদতি॑থি র্দুরোণ॒সত্ । নৃ॒ষ-দ্ব॑র॒সদৃ॑ত॒স-দ্ব্য়ো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তং-বৃ॒হত্ ॥
ব্রহ্ম॑ জজ্ঞা॒ন-ম্প্র॑থ॒ম-ম্পু॒রস্তা॒দ্বি সী॑ম॒ত-স্সু॒রুচো॑ বে॒ন আ॑বঃ । স বু॒ধ্নিয়া॑ উপ॒মা অ॑স্য় বি॒ষ্ঠা-স্স॒তশ্চ॒ যোনি॒মস॑তশ্চ॒ বিবঃ॑ ॥ তদিত্প॒দ-ন্ন বিচি॑কেত বি॒দ্বান্ । যন্মৃ॒তঃ পুন॑র॒প্য়েতি॑ জী॒বান্ । ত্রি॒বৃদ্য়-দ্ভুব॑নস্য় রথ॒বৃত্ । জী॒বো গর্ভো॒ ন মৃ॒ত-স্স জী॑বাত্ ॥ মিতি॑ ॥
গ॒র্ভঃ প্রা॑জাপ॒ত্য়ঃ । অথ॒ পুরু॑ষ-স্স॒প্তপুরু॑ষঃ ॥ 63 ॥
(অ॒মূ-ন্দিবগ্​ম্॑ - স॒প্তভি॑ - রে॒তে চ॒ত্বারি॑ চ) (অ. 13)

অনুবাকং 14
[ য॒থা॒স্থা॒ন-ঙ্গ॑র্ভি॒ণ্য়ঃ॑ ]
যো-ঽসৌ॑ ত॒পন্নু॒দেতি॑ । স সর্বে॑ষা-ম্ভূ॒তানা᳚-ম্প্রা॒ণানা॒দায়ো॒দেতি॑ । মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণানা॒দায়োদ॑গাঃ ॥
অ॒সৌ যো᳚ ঽস্ত॒মেতি॑ । স সর্বে॑ষা-ম্ভূ॒তানা᳚-ম্প্রা॒ণানা॒দায়া॒স্তমেতি॑ । মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণানা॒দায়া স্ত॑ঙ্গাঃ ॥
অ॒সৌ য আ॒পূর্য়॑তি । স সর্বে॑ষা-ম্ভূ॒তানা᳚-ম্প্রা॒ণৈ রা॒পূর্য়॑তি ॥ 64 ॥

মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণৈ-রা॒পূরি॑ষ্ঠাঃ ॥ অ॒সৌ যো॑-ঽপ॒ক্ষীয়॑তি । স সর্বে॑ষা-ম্ভূ॒তানা᳚-ম্প্রা॒ণৈ-রপ॑ক্ষীযতি । মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণৈ-রপ॑ক্ষেষ্ঠাঃ ॥ অ॒মূনি॒ নক্ষ॑ত্রাণি । সর্বে॑ষা-ম্ভূ॒তানা᳚-ম্প্রা॒ণৈরপ॑ প্রসর্পন্তি॒ চোথ্স॑র্পন্তি চ ।
মা মে᳚ প্র॒জায়া॒ মা প॑শূ॒নাম্ ।
মা মম॑ প্রা॒ণৈরপ॑ প্রসৃপত॒ মোথ্সৃ॑পত ॥ 65 ॥

ই॒মে মাসা᳚-শ্চার্ধমা॒সাশ্চ॑ ।
সর্বে॑ষা-ম্ভূ॒তানা᳚-ম্প্রা॒ণৈরপ॑ প্রসর্পন্তি॒ চোথ্স॑র্পন্তি চ । মা মে᳚ প্র॒জায়া॒ মা প॑শূ॒নাম্ ।
মা মম॑ প্রা॒ণৈরপ॑ প্রসৃপত॒ মোথ্সৃ॑পত । ই॒ম ঋ॒তবঃ॑ । সর্বে॑ষা-ম্ভূ॒তানা᳚-ম্প্রা॒ণৈরপ॑ প্রসর্পন্তি॒ চোথ্স॑র্পন্তি চ ।
মা মে᳚ প্র॒জায়া॒ মা প॑শূ॒নাম্ ।
মা মম॑ প্রা॒ণৈরপ॑ প্রসৃপত॒ মোথ্সৃ॑পত ॥ অ॒য়গ্​ম্ সং॑​বঁথ্স॒রঃ ।
সর্বে॑ষা-ম্ভূ॒তানা᳚-ম্প্রা॒ণৈরপ॑ প্রসর্পতি॒ চোথ্স॑র্পতি চ ॥ 66 ॥

মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণৈরপ॑ প্রসৃপ॒ মোথ্সৃ॑প ॥
ই॒দমহঃ॑ । সর্বে॑ষা-ম্ভূ॒তানা᳚-ম্প্রা॒ণৈ-রপ॑ প্রসর্পতি॒ চোথ্স॑র্পতি চ ।
মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণৈরপ॑ প্রসৃপ॒ মোথ্সৃ॑প ।
ই॒য়গ্​ম্ রাত্রিঃ॑ । সর্বে॑ষা-ম্ভূ॒তানা᳚-ম্প্রা॒ণৈ-রপ॑ প্রসর্পতি॒ চোথ্স॑র্পতি চ ।
মা মে᳚ প্র॒জায়া॒ মা প॑শূ॒নাম্ । মা মম॑ প্রা॒ণৈরপ॑ প্রসৃপ॒ মোথ্সৃ॑প ॥
ঔ-ম্ভূর্ভুব॒স্স্বঃ॑ ॥ এতদ্বো মিথুন-ম্মা নো মিথু॑নগ্​ম্ রী॒ঢ্বম্ ॥ 67 ॥
(প্রা॒ণৈরা॒পূর্য়॑তি॒-মোথ্সৃ॑পত॒-চোথ্স॑র্পতি চ॒ - মোথ্সৃ॑প॒ দ্বে চ॑) (অ. 14)

(য়োসৌ॒ ষোড॑শা॒মূনি॒ দ্বাদ॑শা॒য়-ঞ্চতু॑র্দশ)
(উ॒দেত্য়॑স্ত॒মেত্য়া॒পূর্য়॑ত্যপ॒ক্ষীয়॑ত্য়॒মূনি॒ নক্ষ॑ত্রাণী॒ মে মাসা॑ ই॒ম ঋ॒তবো॒-ঽয়গ্​ম্ সং॑​বঁথ্স॒র ই॒দমহ॑রি॒য়গ্​ম্ রাত্রি॒র্দশ॑)

অনুবাকং 15
অথাদিত্যস্য়াষ্ট পু॑রুষ॒স্য় ॥
বসূনা মাদিত্য়ানাগ্​ স্থানে স্বতেজ॑সা ভা॒নি ॥
রুদ্রাণা-মাদিত্য়ানাগ্​ স্থানে স্বতেজ॑সা ভা॒নি ॥
আদিত্য়ানা-মাদিত্য়ানাগ্​ স্থানে স্বতেজ॑সা ভা॒নি ॥ সতাগ্​ম্॑সত্য়া॒নাম্ । আদিত্য়ানাগ্​ স্থানে স্বতেজ॑সা ভা॒নি ॥ অভিধূন্বতা॑-মভি॒ঘ্নতাম্ । বাতব॑তা-ম্ম॒রুতাম্ । আদিত্য়ানাগ্​ স্থানে স্বতেজ॑সা ভা॒নি ॥
ঋভূণা-মাদিত্য়ানাগ্​ স্থানে স্বতেজ॑সা ভা॒নি ॥
বিশ্বেষা᳚-ন্দেবা॒নাম্ । আদিত্য়ানাগ্​ স্থানে স্বতেজ॑সা ভা॒নি ॥ সং​বঁথ্সর॑স্য় স॒বিতুঃ । আদিত্যস্য় স্থানে স্বতেজ॑সা ভা॒নি ॥ ঔ-ম্ভূর্ভুব॒স্স্বঃ॑ ।
রশ্ময়ো বো মিথুন-ম্মা নো মিথু॑নগ্​ম্ রী॒ঢ্বম্ ॥ 68 ॥
(ঋভূণামাদিত্য়ানাগ্​ স্থানে স্বতেজ॑সা ভা॒নি ষট্চ॑) (অ. 15)

অনুবাকং 16
আরোগস্য় স্থানে স্বতেজ॑সা ভা॒নি । ভ্রাজস্য় স্থানে স্বতেজ॑সা ভা॒নি । পটরস্য় স্থানে স্বতেজ॑সা ভা॒নি । পতঙ্গস্য় স্থানে স্বতেজ॑সা ভা॒নি ।
স্বর্ণরস্য় স্থানে স্বতেজ॑সা ভা॒নি ।
জ্য়োতিষীমতস্য় স্থানে স্বতেজ॑সা ভা॒নি ।
বিভাসস্য় স্থানে স্বতেজ॑সা ভা॒নি ।
কশ্যপস্য় স্থানে স্বতেজ॑সা ভা॒নি । ঔ-ম্ভূর্ভুব॒স্স্বঃ॑ । আপো বো মিথুন-ম্মা নো মিথু॑নগ্​ম্ রী॒ঢ্বম্ ॥ 69 ॥
(আরোগস্য় দশ॑) (অ. 16)

অনুবাকং 17
অথ বায়ো-রেকাদশ-পুরুষস্য়ৈকাদশ॑-স্ত্রীক॒স্য় ॥
প্রভ্রাজমানানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
ব্যবদাতানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
বাসুকিবৈদ্য়ুতানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
রজতানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
পরুষাণাগ্​ম্ রুদ্রাণাগ্​ স্থানে স্বতেজ॑সা ভা॒নি ।
শ্য়ামানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
কপিলানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
অতিলোহিতানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
ঊর্ধ্বানাগ্​ম্ রুদ্রাণাগ্​ স্থানে স্বতেজ॑সা ভা॒নি ॥ 70 ॥

অবপতন্তানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
বৈদ্য়ুতানাগ্​ম্ রুদ্রাণাগ্​ স্থানে স্বতেজ॑সা ভা॒নি ।
প্রভ্রাজমানীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
ব্যবদাতীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
বাসুকিবৈদ্য়ুতীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
রজতানাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
পরুষাণাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
শ্য়ামানাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
কপিলানাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
অতিলোহিতীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
ঊর্ধ্বানাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
অবপতন্তীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
বৈদ্য়ুতীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি ।
ঔ-ম্ভূর্ভুব॒স্স্বঃ॑ ।
রূপাণি বো মিথুন-ম্মা নো মিথু॑নগ্​ম্ রী॒ঢ্বম্ ॥ 71 ॥
(ঊর্ধ্বানাগ্​ম্ রুদ্রাণাগ্​ স্থানে স্বতেজ॑সা ভা॒ - ন্যতিলোহিতীনাগ্​ম্ রুদ্রাণীনাগ্​ স্থানে স্বতেজ॑সা ভা॒নি পঞ্চ॑ চ) (অ. 17)

অনুবাকং 18
অথাগ্নে॑রষ্ট পু॑রুষ॒স্য় ॥ অগ্নেঃ পূর্ব-দিশ্যস্য় স্থানে স্বতেজ॑সা ভা॒নি ।
জাতবেদস উপদিশ্যস্য় স্থানে স্বতেজ॑সা ভা॒নি ।
সহোজসো দক্ষিণ-দিশ্যস্য় স্থানে স্বতেজ॑সা ভা॒নি ।
অজিরাপ্রভব উপদিশ্যস্য় স্থানে স্বতেজ॑সা ভা॒নি ।
বৈশ্বানরস্য়াপরদিশ্যস্য় স্থানে স্বতেজ॑সা ভা॒নি ।
নর্য়াপস উপদিশ্যস্য় স্থানে স্বতেজ॑সা ভা॒নি ।
পঙ্ক্তিরাধস উদগ্দিশ্যস্য় স্থানে স্বতেজ॑সা ভা॒নি ।
বিসর্পিণ উপদিশ্যস্য় স্থানে স্বতেজ॑সা ভা॒নি ।
ঔ-ম্ভূর্ভুব॒স্স্বঃ॑( ) । দিশো বো মিথুন-ম্মা নো মিথু॑নগ্​ম্ রী॒ঢ্বম্ ॥ 72 ॥
(স্ব॑রেক॑-ঞ্চ) (অ. 18)
(এত-দ্রশ্ময় আপো রূপাণি দিশঃ পঞ্চ॑)

অনুবাকং 19
দক্ষিণপূর্ব-স্য়ান্দিশি বিস॑র্পী ন॒রকঃ । তস্মান্নঃ প॑রিপা॒হি ॥
দক্ষিণা-পরস্য়া-ন্দিশ্য় বিস॑র্পী ন॒রকঃ ।
তস্মান্নঃ প॑রিপা॒হি ॥
উত্তর-পূর্বস্য়া-ন্দিশি বিষা॑দী ন॒রকঃ ।
তস্মান্নঃ প॑রিপা॒হি ॥
উত্তরা-পরস্য়া-ন্দিশ্য় বিষা॑দী ন॒রকঃ ।
তস্মান্নঃ প॑রিপা॒হি ॥
আযস্মিন্᳚ থ্স॒প্তবা॑স॒বা স্তিষ্ঠ॑ন্তি স্বা॒রুহো॑ যথা । ঋষি॑র্​হ দীর্ঘ॒শ্রুত্ত॑ম॒ ইন্দ্র॑স্য় ঘ॒র্মো অতি॑থিঃ ॥ ই॒ন্দ্রি॒য়াণি॑ শতক্রতো॒ যা তে॒ জনে॑ষু প॒ঞ্চসু॑ । ইন্দ্র॒ তানি॑ ত॒ আ বৃ॑ণে ॥ বিত্য়ে॒তে ॥ 73 ॥
(দক্ষিণপূর্বস্য়া-ন্নব॑) (অ. 19)

অনুবাকং 20
ই॒ন্দ্র॒ ঘো॒ষা বো॒ বসু॑ভিঃ পু॒রস্তা॒-দুপ॑দধতাম্ ।
মনো॑জবসো বঃ পি॒তৃভি॑-র্দক্ষিণ॒ত উপ॑দধতাম্ ।
প্রচে॑তা বো রু॒দ্রৈঃ প॒শ্চা-দুপ॑দধতাম্ ।
বি॒শ্বক॑র্মা ব আদি॒ত্য়ৈ-রু॑ত্তর॒ত উপ॑দধতাম্ ।
ত্বষ্টা॑ বো রূ॒পৈ-রু॒পরি॑ষ্টা॒-দুপ॑দধতাম্ । সঞ্জ্ঞানং-বঃ ঁপ॑শ্চাদি॒তি ॥ আ॒দি॒ত্য়-স্সর্বো॒-ঽগ্নিঃ পৃ॑থি॒ব্য়াম্ । বা॒য়ুর॒ন্তরি॑ক্ষে । সূর্য়ো॑ দি॒বি ।
চ॒ন্দ্রমা॑ দি॒ক্ষু । নক্ষ॑ত্রাণি॒ স্বলো॒কে ॥ এ॒বা হ্য়ে॑ব । এ॒বা হ্য়॑গ্নে । এ॒বা হি বা॑য়ো । এ॒বা হী᳚ন্দ্র । এ॒বা হি পূ॑ষন্ন্ । এ॒বা হি দে॑বাঃ ॥ 74 ॥
দি॒ক্ষু স॒প্ত চ॑) (অ. 20)

অনুবাকং 21
আপ॑মাপাম॒প-স্সর্বাঃ᳚ । অ॒স্মা-দ॒স্মাদি॒তো-ঽমুতঃ॑ ।
অ॒গ্নির্বা॒য়ুশ্চ॒ সূর্য়॑শ্চ । স॒হ স॑ঞ্চস্ক॒রর্ধি॑য়া ॥
বা॒য়্বশ্বা॑ রশ্মি॒ পত॑য়ঃ । মরী᳚চ্য়াত্মানো॒ অদ্রু॑হঃ ।
দে॒বী র্ভু॑বন॒ সূব॑রীঃ । পু॒ত্র॒ব॒ত্ত্বায়॑ মে সুত ॥
মহানাম্নী-র্ম॑হামা॒নাঃ । ম॒হ॒সো ম॑হস॒স্স্বঃ॑ ॥ 75 ॥

দে॒বীঃ প॑র্জন্য়॒ সূব॑রীঃ । পু॒ত্র॒ব॒ত্ত্বায়॑ মে সুত ॥
অ॒পাশ্ন্য়ু॑ষ্ণি-ম॒পা রক্ষঃ॑ । অ॒পাশ্ন্য়ু॑ষ্ণি-ম॒পা রঘ᳚ম্ । অপা᳚ঘ্রা॒মপ॑ চা॒বর্তি᳚ম্ । অপ॑ দে॒বীরি॒তো হি॑ত ॥
বজ্র॑-ন্দে॒বীরজী॑তাগ্​শ্চ । ভুব॑ন-ন্দেব॒ সূব॑রীঃ । আ॒দি॒ত্য়ানদি॑তি-ন্দে॒বীম্ । যোনি॑নোর্ধ্ব-মু॒দীষ॑ত ॥ 76 ॥

ভ॒দ্র-ঙ্কর্ণে॑ভি-শ্শৃণু॒য়াম॑ দেবাঃ ।
ভ॒দ্র-ম্প॑শ্য়েমা॒ক্ষভি॒-র্যজ॑ত্রাঃ ।
স্থি॒রৈরঙ্গৈ᳚ স্তুষ্টু॒বাগ্​ম্ স॑স্ত॒নূভিঃ॑ ।
ব্যশে॑ম দে॒বহি॑তং॒-য়ঁদায়ুঃ॑ ॥
স্ব॒স্তি ন॒ ইন্দ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑-র্দধাতু ॥ কে॒তবো॒ অরু॑ণাসশ্চ । ঋ॒ষ॒য়ো বাত॑রশ॒নাঃ( ) । প্র॒তি॒ষ্ঠাগ্​ম্ শ॒তধা॑ হি । স॒মাহি॑তাসো সহস্র॒ধায়॑সম্ ॥ শি॒বা ন॒-শ্শন্ত॑মা ভবন্তু । দি॒ব্য়া আপ॒ ওষ॑ধয়ঃ ॥ সু॒মৃ॒ডী॒কা সর॑স্বতি । মাতে॒ ব্য়ো॑ম স॒ন্দৃশি॑ ॥ 77 ॥
(স্ব॑ - রু॒দীষ॑ত॒ - বাত॑রশ॒না-ষ্ষট্চ॑) (অ. 21)

অনুবাকং 22
যো॑-ঽপা-ম্পুষ্পং॒-বেঁদ॑ । পুষ্প॑বা-ন্প্র॒জাবা᳚-ন্পশু॒মা-ন্ভ॑বতি । চ॒ন্দ্রমা॒ বা অ॒পা-ম্পুষ্প᳚ম্ । পুষ্প॑বা-ন্প্র॒জাবা᳚-ন্পশু॒মা-ন্ভ॑বতি ।
য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি । অ॒গ্নির্বা অ॒পামা॒যত॑নম্ । আ॒যত॑নবা-ন্ভবতি । যো᳚-ঽগ্নেরা॒যত॑নং॒-বেঁদ॑ ॥ 78 ॥

আ॒যত॑নবা-ন্ভবতি । আপো॒ বা অ॒গ্নেরা॒যত॑নম্ । আ॒যত॑নবা-ন্ভবতি । য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি ।
বা॒য়ুর্বা অ॒পামা॒যত॑নম্ । আ॒যত॑নবা-ন্ভবতি ।
যো বা॒য়োরা॒যত॑নং॒-বেঁদ॑ । আ॒যত॑নবা-ন্ভবতি ॥ 79 ॥

আপো॒ বৈ বা॒য়োরা॒যত॑নম্ । আ॒যত॑নবা-ন্ভবতি । য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি । অ॒সৌ বৈ তপ॑ন্ন॒পা-মা॒যত॑নম্ । আ॒যত॑নবা-ন্ভবতি । যো॑-ঽমুষ্য়॒-তপ॑ত আ॒যত॑নং॒-বেঁদ॑ । আ॒যত॑নবা-ন্ভবতি । আপো॒বা অ॒মুষ্য়॒-তপ॑ত আ॒যত॑নম্ ॥ 80 ॥

আ॒যত॑নবা-ন্ভবতি । য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি । চ॒ন্দ্রমা॒ বা অ॒পামা॒যত॑নম্ । আ॒যত॑নবা-ন্ভবতি ।
যশ্চ॒ন্দ্রম॑স আ॒যত॑নং॒-বেঁদ॑ । আ॒যত॑নবা-ন্ভবতি । আপো॒ বৈ চ॒ন্দ্রম॑স আ॒যত॑নম্ । আ॒যত॑নবা-ন্ভবতি ॥ 81 ॥

য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি । নক্ষ॑ত্রাণি॒ বা অ॒পামা॒যত॑নম্ । আ॒যত॑নবা-ন্ভবতি । যো নক্ষ॑ত্রাণা-মা॒যত॑নং॒-বেঁদ॑ । আ॒যত॑নবা-ন্ভবতি । আপো॒ বৈ নক্ষ॑ত্রাণা-মা॒যত॑নম্ । আ॒যত॑নবা-ন্ভবতি ।
য এ॒বং-বেঁদ॑ ॥ 82 ॥

যো॑-ঽপামা॒যত॑নং॒-বেঁদ॑ । আ॒যত॑নবা-ন্ভবতি । প॒র্জন্য়ো॒ বা অ॒পামা॒যত॑নম্ । আ॒যত॑নবা-ন্ভবতি ।
যঃ প॒র্জন্য়॑-স্য়া॒যত॑নং॒-বেঁদ॑ ।
আ॒যত॑নবা-ন্ভবতি । আপো॒ বৈ প॒র্জন্য়॑-স্য়া॒যত॑নম্ ।
আ॒যত॑নবা-ন্ভবতি । য এ॒বং-বেঁদ॑ ॥ যো॑-ঽপামা॒যত॑নং॒-বেঁদ॑ ॥ 83 ॥

আ॒যত॑নবা-ন্ভবতি । সং॒​বঁ॒থ্স॒রো বা অ॒পামা॒যত॑নম্ । আ॒যত॑নবা-ন্ভবতি । য-স্সং॑​বঁথ্স॒র-স্য়া॒যত॑নং॒-বেঁদ॑ ।
আ॒যত॑নবা-ন্ভবতি । আপো॒ বৈ সং॑​বঁথ্স॒র-স্য়া॒যত॑নম্ । আ॒যত॑নবা-ন্ভবতি । য এ॒বং-বেঁদ॑ ॥
যো᳚-ঽফ্সু নাব॒-ম্প্রতি॑ষ্ঠিতাং॒-বেঁদ॑ । প্রত্য়ে॒ব তি॑ষ্ঠতি ॥ 84 ॥

ই॒মে বৈ লো॒কা অ॒ফ্সু প্রতি॑ষ্ঠিতাঃ । তদে॒ষা-ঽভ্যনূ᳚ক্তা ॥
অ॒পাগ্​ম্ রস॒মুদ॑য়গ্​ম্সন্ন্ । সূর্য়ে॑ শু॒ক্রগ্​ম্ স॒মাভৃ॑তম্ । অ॒পাগ্​ম্ রস॑স্য়॒ যো রসঃ॑ । তং-বোঁ॑ গৃহ্ণা-ম্য়ুত্ত॒মমিতি॑ ॥ ই॒মে বৈ লো॒কা অ॒পাগ্​ম্ রসঃ॑ । তে॑-ঽমুষ্মি॑-ন্নাদি॒ত্য়ে স॒মাভ॑তাঃ ॥
জা॒নু॒দ॒ঘ্নী-মু॑ত্তর-বে॒দীঙ্খা॒ত্বা । অ॒পা-ম্পূ॑রয়ি॒ত্বা গু॑ল্ফদ॒ঘ্নম্ ॥ 85 ॥

পুষ্করপর্ণৈঃ পুষ্করদণ্ডৈঃ পুষ্করৈশ্চ॑ সগ্গ্​স্তী॒র্য় । তস্মি॑ন্ বিহা॒যসে । অ॒গ্নি-ম্প্র॒ণীয়ো॑প-সমা॒ধায়॑ ॥ ব্র॒হ্ম॒বা॒দিনো॑ বদন্তি ।
কস্মা᳚-ত্প্রণী॒তে-ঽয়-ম॒গ্নিশ্চী॒যতে᳚ । সাঃ প্র॑ণী॒তে-ঽযম॒ফ্সু হ্যয়॑ঞ্চী॒যতে᳚ ।
অ॒সৌ ভুব॑নে॒-ঽপ্য়-না॑হিতাগ্নি-রে॒তাঃ ।
তম॒ভিত॑ এ॒তা অ॒ভীষ্ট॑কা॒ উপ॑দধাতি ॥
অ॒গ্নি॒হো॒ত্রে দ॑র্​শপূর্ণ-মা॒সয়োঃ᳚ ।
প॒শু॒ব॒ন্ধে চা॑তুর্মা॒স্য়েষু॑ ॥ 86 ॥

অথো॑ আহুঃ । সর্বে॑ষু যজ্ঞক্র॒তুষ্বিতি॑ ॥
এ॒তদ্ধ॑ স্ম॒ বা আ॑হু-শ্শণ্ডি॒লাঃ । কম॒গ্নিঞ্চি॑নুতে ॥ স॒ত্রি॒য়-ম॒গ্নিঞ্চি॑ন্বা॒নঃ ।
সং॒​বঁ॒থ্স॒র-ম্প্র॒ত্যক্ষে॑ণ ॥ কম॒গ্নিঞ্চি॑নুতে । সা॒বি॒ত্র-ম॒গ্নিঞ্চি॑ন্বা॒নঃ । অ॒মুমা॑দি॒ত্য়-ম্প্র॒ত্যক্ষে॑ণ ॥ কম॒গ্নিঞ্চি॑নুতে ॥ 87 ॥

না॒চি॒কে॒ত-ম॒গ্নিঞ্চি॑ন্বা॒নঃ । প্রা॒ণা-ন্প্র॒ত্যক্ষে॑ণ ॥ কম॒গ্নিঞ্চি॑নুতে । চা॒তু॒র্॒হো॒ত্রি॒য়-ম॒গ্নিঞ্চি॑ন্বা॒নঃ । ব্রহ্ম॑ প্র॒ত্যক্ষে॑ণ ॥ কম॒গ্নিঞ্চি॑নুতে ।
বৈ॒শ্ব॒সৃ॒জ-ম॒গ্নিঞ্চি॑ন্বা॒নঃ । শরী॑র-ম্প্র॒ত্যক্ষে॑ণ ॥ কম॒গ্নিঞ্চি॑নুতে ।
উ॒পা॒নু॒বা॒ক্য়॑মা॒শু-ম॒গ্নিঞ্চি॑ন্বা॒নঃ ॥ 88 ॥

ই॒মান্ ঁলো॒কা-ন্প্র॒ত্যক্ষে॑ণ ॥ কম॒গ্নিঞ্চি॑নুতে ।
ই॒মমা॑রুণ-কেতুক-ম॒গ্নিঞ্চি॑ন্বা॒ন ইতি॑ । য এ॒বাসৌ ।
ই॒তশ্চা॒-মুত॑শ্চা-ব্যতীপা॒তী । তমিতি॑ ॥ যো᳚-ঽগ্নের্মি॑থূ॒য়া বেদ॑ । মি॒থু॒ন॒বা-ন্ভ॑বতি । আপো॒ বা অ॒গ্নের্মি॑থূ॒য়াঃ ।
মি॒থু॒ন॒বা-ন্ভ॑বতি । য এ॒বং-বেঁদ॑ ॥ 89 ॥
(বেদ॑ - ভব - ত্য়া॒যত॑নং - ভবতি॒ - বেদ॒ - বেদ॑ - তিষ্ঠতি - গুল্ফদ॒ঘ্নং - চা॑তুর্মা॒স্য়ে - ষ্ব॒মুমা॑দি॒ত্য়-ম্প্র॒ত্যক্ষে॑ণ॒ কম॒গ্নি-ঞ্চি॑নুত - উপানুবা॒ক্য়॑মা॒শুম॒গ্নি-ঞ্চি॑ন্বা॒নো - মি॑থূ॒য়া মি॑থুন॒বা-ন্ভ॑ব॒ত্য়েক॑-ঞ্চ) (অ. 22)

(পুষ্প॑ম॒গ্নির্বা॒য়ুর॒সৌ বৈ তপ॑ঞ্চ॒ন্দ্রমা॒ নক্ষ॑ত্রাণি প॒র্জন্য়॑-স্সং​বঁথ্স॒রো যো᳚-ঽফ্সু নাব॑মে॒তদ্ধ॑ স্ম॒ বৈ স॑ত্রি॒য়গ্​ম্ সং॑​বঁথ্স॒রগ্​ম্ সা॑বি॒ত্রম॒মু-ন্না॑চিকে॒ত-ম্প্রা॒ণাগ্​শ্চা॑তুর্​হোত্রি॒য়-ম্ব্রহ্ম॑ বৈশ্বসৃ॒জগ্​ম্ শরী॑রমুপানুবা॒ক্য়॑মা॒শুমি॒মান্ ঁলো॒কানি॒মমা॑রুণকেতুকং॒-য়ঁ এ॒বাসৌ)

অনুবাকং 23
আপো॒ বা ই॒দমা॑সন্-থ্সলি॒লমে॒ব ।
স প্র॒জাপ॑তি॒রেকঃ॑ পুষ্করপ॒র্ণে সম॑ভবত্ ।
তস্য়ান্ত॒-র্মন॑সি কাম॒-স্সম॑বর্তত । ই॒দগ্​ম্ সৃ॑জেয়॒মিতি॑ । তস্মা॒দ্য়-ত্পুরু॑ষো॒ মন॑সা-ঽভি॒গচ্ছ॑তি । তদ্বা॒চা ব॑দতি ।
তত্কর্ম॑ণা করোতি । তদে॒ষা ঽভ্যনূ᳚ক্তা ॥ কাম॒স্তদগ্রে॒ সম॑বর্ত॒তাধি॑ । মন॑সো॒ রেতঃ॑ প্রথ॒মং-য়ঁদাসী᳚ত্ ॥ 90 ॥

স॒তো বন্ধু॒মস॑তি॒ নির॑বিন্দন্ন্ । হৃ॒দি প্র॒তীষ্য়া॑ ক॒বয়ো॑ মনী॒ষেতি॑ ॥ উপৈ॑ন॒ন্তদুপ॑নমতি । য-ত্কা॑মো॒ ভব॑তি । য এ॒বং-বেঁদ॑ ॥ স তপো॑-ঽতপ্যত ।
স তপ॑স্ত॒প্ত্বা । শরী॑রমধূনুত । তস্য়॒ য-ন্মা॒গ্​ম্॒সমাসী᳚ত্ । ততো॑-ঽরু॒ণাঃ কে॒তবো॒ বাত॑রশ॒না ঋষ॑য়॒ উদ॑তিষ্ঠন্ন্ ॥ 91 ॥

যে নখাঃ᳚ । তে বৈ॑খান॒সাঃ । যে বালাঃ᳚ । তে বা॑লখি॒ল্য়াঃ । যো রসঃ॑ । সো॑-ঽপাম্ ॥ অ॒ন্ত॒র॒তঃ কূ॒র্ম-ম্ভূ॒তগ্​ম্ সর্প॑ন্তম্ । তম॑ব্রবীত্ । মম॒ বৈ ত্বং-মা॒গ্​ম্॒সা । সম॑ভূত্ ॥ 92 ॥

নেত্য়॑ব্রবীত্ । পূর্ব॑মে॒বাহ-মি॒হাস॒মিতি॑ । তত্পুরু॑ষস্য় পুরুষ॒ত্বম্ । স স॒হস্র॑শীর্​ষা॒ পুরু॑ষঃ । স॒হ॒স্রা॒ক্ষ-স্স॒হস্র॑পাত্ । ভূ॒ত্বোদ॑তিষ্ঠত্ । তম॑ব্রবীত্ । ত্বং-বৈঁ পূর্বগ্​ম্॑ সম॑ভূঃ ।
ত্বমি॒দ-ম্পূর্বঃ॑ কুরু॒ষ্বেতি॑ ॥ স ই॒ত আ॒দায়াপঃ॑ ॥ 93 ॥

অ॒ঞ্জ॒লিনা॑ পু॒রস্তা॑-দু॒পাদ॑ধাত্ । এ॒বা হ্য়ে॒বেতি॑ ।
তত॑ আদি॒ত্য় উদ॑তিষ্ঠত্ । সা প্রাচী॒ দিক্ ॥
অথা॑রু॒ণঃ কে॒তু-র্দ॑ক্ষিণ॒ত উ॒পাদ॑ধাত্ । এ॒বা হ্যগ্ন॒ ইতি॑ । ততো॒ বা অ॒গ্নিরুদ॑তিষ্ঠত্ । সা দ॑ক্ষি॒ণা দিক্ । অথা॑রু॒ণঃ কে॒তুঃ প॒শ্চাদু॒পাদ॑ধাত্ ।
এ॒বা হি বায়ো॒ ইতি॑ ॥ 94 ॥

ততো॑ বা॒য়ুরুদ॑তিষ্ঠত্ । সা প্র॒তীচী॒ দিক্ ।
অথা॑রু॒ণঃ কে॒তু-রু॑ত্তর॒ত উ॒পাদ॑ধাত্ । এ॒বা হীন্দ্রেতি॑ ।
ততো॒ বা ইন্দ্র॒ উদ॑তিষ্ঠত্ । সোদী॑চী॒ দিক্ ।
অথা॑রু॒ণঃ কে॒তু-র্মদ্ধ্য়॑ উ॒পাদ॑ধাত্ । এ॒বা হি পূষ॒ন্নিতি॑ । ততো॒ বৈ পূ॒ষোদ॑তিষ্ঠত্ । সেযন্দিক্ ॥ 95 ॥

অথা॑রু॒ণঃ কে॒তুরু॒পরি॑ষ্টা-দু॒পাদ॑ধাত্ । এ॒বা হি দেবা॒ ইতি॑ । ততো॑ দেব মনু॒ষ্য়াঃ পি॒তরঃ॑ । গ॒ন্ধ॒র্বা॒-ফ্স॒রস॒ শ্চোদ॑-তিষ্ঠন্ন্ ।
সোর্ধ্বা দিক্ ॥ যা বি॒প্রুষো॑ বি॒পরা॑পতন্ন্ ।
তাভ্য়ো-ঽসু॑রা॒ রক্ষাগ্​ম্॑সি পিশা॒চাশ্চো-দ॑তিষ্ঠন্ন্ । তস্মা॒ত্তে পরা॑ভবন্ন্ । বি॒প্রুড্ভ্য়ো॒ হি তে সম॑ভবন্ন্ ॥ তদে॒ষা-ঽভ্যনূ᳚ক্তা ॥ 96 ॥

আপো॑ হ॒ য-দ্বৃ॑হ॒তী-র্গর্ভ॒মাযন্ন্॑ । দক্ষ॒-ন্দধা॑না জ॒নয়॑ন্তী-স্স্বয়॒ম্ভুম্ । তত॑ ই॒মে-ঽদ্ধ্য়-সৃ॑জ্যন্ত॒ সর্গাঃ᳚ । অদ্ভ্য়ো॒ বা ই॒দগ্​ম্ সম॑ভূত্ ।
তস্মা॑দি॒দগ্​ম্ সর্ব॒-ম্ব্রহ্ম॑ স্বয়॒ভ্বিন্তি॑ ॥
তস্মা॑দি॒দগ্​ম্ সর্ব॒গ্​ম্॒ শিথি॑ল-মি॒বা ধ্রুব॑-মিবাভবত্ ॥ প্র॒জাপ॑তি॒-র্বাব তত্ । আ॒ত্মনা॒-ঽঽত্মানং॑-বিঁ॒ধায়॑ ।
তদে॒বানু॒ প্রাবি॑শত্ ॥ তদে॒ষা-ঽভ্যনূ᳚ক্তা ॥ 97 ॥

বি॒ধায়॑ লো॒কান্. বি॒ধায়॑ ভূ॒তানি॑ । বি॒ধায়॒ সর্বাঃ᳚ প্র॒দিশো॒ দিশ॑শ্চ । প্র॒জাপ॑তিঃ প্রথম॒জা ঋ॒তস্য়॑ । আ॒ত্মনা॒-ঽঽত্মা-ন॑ম॒ভি-সং​বিঁ॑বে॒শেতি॑ ॥
সর্ব॑মে॒বেদমা॒প্ত্বা । সর্ব॑-মব॒রুদ্ধ্য়॑ । তদে॒বানু॒ প্রবি॑শতি । য এ॒বং-বেঁদ॑ ॥ 98 ॥
(আসী॑ - দতিষ্ঠন্ - নভূ॒ - দপো॒ - বায়ো॒ ইতি - সেয়-ন্দিগ॒ - ভ্যনূ᳚ক্তা॒ - ঽভ্যনূ᳚ক্তা॒ -+-ঽষ্টৌ চ॑) (অ. 23)

অনুবাকং 24
চতু॑ষ্টয়্য়॒ আপো॑ গৃহ্ণাতি । চ॒ত্বারি॒ বা অ॒পাগ্​ম্ রূ॒পাণি॑ । মেঘো॑ বি॒দ্য়ুত্ । স্ত॒ন॒য়ি॒ত্নু-র্বৃ॒ষ্টিঃ । তান্য়ে॒বা ব॑রুন্ধে ॥ আ॒তপ॑তি॒ বর্​ষ্য়া॑ গৃহ্ণাতি ।
তাঃ পু॒রস্তা॒-দুপ॑দধাতি । এ॒তা বৈ ব্র॑হ্মবর্চ॒স্য়া আপঃ॑ । মু॒খ॒ত এ॒ব ব্র॑হ্মবর্চ॒স-মব॑রুন্ধে ।
তস্মা᳚-ন্মুখ॒তো ব্র॑হ্মবর্চ॒সিত॑রঃ ॥ 99 ॥

কূপ্য়া॑ গৃহ্ণাতি । তা দ॑ক্ষিণ॒ত উপ॑দধাতি । এ॒তা বৈ তে॑জ॒স্বিনী॒রাপঃ॑ । তেজ॑ এ॒বাস্য়॑ দক্ষিণ॒তো দ॑ধাতি । তস্মা॒-দ্দক্ষি॒ণোর্ধ॑ ঽস্তেজ॒স্বিত॑রঃ ॥
স্থা॒ব॒রা গৃ॑হ্ণাতি । তাঃ প॒শ্চাদুপ॑দধাতি । প্রতি॑ষ্ঠিতা॒ বৈ স্থা॑ব॒রাঃ ।
প॒শ্চাদে॒ব প্রতি॑তিষ্ঠতি ॥ বহ॑ন্তী-র্গৃহ্ণাতি ॥ 100 ॥

তা উ॑ত্তর॒ত উপ॑দধাতি । ওজ॑সা॒ বা এ॒তা বহ॑ন্তীরি॒বো-দ্গ॑তীরি॒ব আকূজ॑তীরি॒ব ধাব॑ন্তীঃ । ওজ॑ এ॒বাস্য়ো᳚ত্তর॒তো দ॑ধাতি । তস্মা॒দুত্ত॒রো-ঽদ্ধ॑ ওজ॒স্বিত॑রঃ ॥ স॒ভাং॒র্য়া গৃ॑হ্ণাতি ।
তা মদ্ধ্য়॒ উপ॑দধাতি । ই॒য়ং-বৈঁ স॑ভাং॒র্য়াঃ । অ॒স্য়ামে॒ব প্রতি॑তিষ্ঠতি ॥ প॒ল্ব॒ল্য়া গৃ॑হ্ণাতি । তা উ॒পরি॑ষ্টা-দু॒পাদ॑ধাতি ॥ 101 ॥

অ॒সৌ বৈ প॑ল্ব॒ল্য়াঃ । অ॒মুষ্য়া॑মে॒ব প্রতি॑তিষ্ঠতি ॥ দি॒ক্ষূপ॑দধাতি । দি॒ক্ষু বা আপঃ॑ । অন্নং॒-বাঁ আপঃ॑ । অ॒দ্ভ্য়ো বা অন্ন॑ঞ্জাযতে । যদে॒বাদ্ভ্য়ো-ঽন্ন॒-ঞ্জায়॑তে । তদব॑রুন্ধে ॥ তং-বাঁ এ॒তম॑রু॒ণাঃ কে॒তবো॒ বাত॑রশ॒না ঋষ॑য়ো-ঽচিন্বন্ন্ । তস্মা॑-দারুণ কে॒তুকঃ॑ ॥ তদে॒ষা-ঽভ্যনূ᳚ক্তা ॥ কে॒তবো॒ অরু॑ণাসশ্চ । ঋ॒ষ॒য়ো বাত॑রশ॒নাঃ ।
প্র॒তি॒ষ্ঠাগ্​ম্ শ॒তধা॑ হি । স॒মাহি॑তাসো সহস্র॒ধায়॑স॒মিতি॑ ॥ শ॒তশ॑শ্চৈ॒ব ঽস॒হস্র॑শশ্চ॒ প্রতি॑তিষ্ঠতি । য এ॒তম॒গ্নিঞ্চি॑নু॒তে ।
য উ॑চৈনমে॒বং-বেঁদ॑ ॥ 102 ॥
(ব্র॒হ্ম॒ব॒র্চ॒সিত॑রো॒ - বহ॑ন্তী-র্গৃহ্ণাতি॒ - তা উ॒পরি॑ষ্টাদু॒পাদ॑ধা - ত্য়ারুণকে॒তুকো॒-ঽষ্টৌ চ॑) (অ. 24)

অনুবাকং 25
জা॒নু॒দ॒ঘ্নী-মু॑ত্তরবে॒দীঙ্খা॒ত্বা । অ॒পা-ম্পূ॑রযতি । অ॒পাগ্​ম্ স॑র্ব॒ত্বায়॑ । পু॒ষ্ক॒র॒প॒র্ণগ্​ম্ রু॒ক্ম-ম্পুরু॑ষ॒-মিত্য়ুপ॑দধাতি । তপো॒ বৈ পু॑ষ্করপ॒র্ণম্ ।
স॒ত্য়গ্​ম্ রু॒ক্মঃ । অ॒মৃত॒-ম্পুরু॑ষঃ । এ॒তাব॒দ্বা বা᳚স্তি । যাব॑দে॒তত্ । যাব॑দে॒বাস্তি॑ ॥ 103 ॥

তদব॑রুন্ধে ॥ কূ॒র্মমুপ॑দধাতি । অ॒পামে॒ব মেধ॒মব॑রুন্ধে । অথো᳚ স্ব॒র্গস্য়॑ লো॒কস্য়॒ সম॑ষ্ট্য়ৈ ॥ আপ॑মাপাম॒প-স্সর্বাঃ᳚ ।
অ॒স্মাদ॒স্মা দি॒তো-ঽমুতঃ॑ । অ॒গ্নির্বা॒য়ুশ্চ॒ সূর্য়॑শ্চ ।
স॒হ স॑ঞ্চস্ক॒রর্ধি॑য়া॒ ইতি॑ । বা॒য়্বশ্বা॑ রশ্মি॒পত॑য়ঃ । মরী᳚চ্য়াত্মানো॒ অদ্রু॑হঃ । দে॒বী-র্ভু॑বন॒ সূব॑রীঃ । পু॒ত্র॒ব॒ত্বায়॑ মে সুত ॥ লো॒ক-ম্পৃ॑ণচ্ছি॒দ্র-ম্পৃ॑ণ ॥ 104 ॥

যাস্তি॒স্রঃ প॑রম॒জাঃ ॥ ) (শোর্ত্ অন্-দ্লোন্গ্fওরং অরে থে সমে ই-ন্তি॑ ॥ পঞ্চ॒ চিত॑য়॒ উপ॑দধাতি । পাঙ্ক্ত॒-ঽগ্নিঃ । যাবা॑নে॒বাগ্নিঃ । তঞ্চি॑নুতে ॥
লো॒ক-ম্পৃ॑ণয়া দ্বি॒তীয়া॒-মুপ॑দধাতি ।
পঞ্চ॑পদা॒ বৈ বি॒রাট্ । তস্য়া॒ বা ই॒য়-ম্পাদঃ॑ । অ॒ন্তরি॑ক্ষ॒-ম্পাদঃ॑ । দ্য়ৌঃ পাদঃ॑ । দিশঃ॒ পাদঃ॑ । প॒রোর॑জাঃ॒ পাদঃ॑ ॥ বি॒রাজ্য়ে॒ব প্রতি॑তিষ্ঠতি ।
য এ॒তম॒গ্নিঞ্চি॑নু॒তে । য উ॑চৈনমে॒বং-বেঁদ॑ ॥ 105 ॥
(অস্তি॑ - পৃণা॒ - ন্তরি॑ক্ষ॒-ম্পাদ॒-ষ্ষট্চ॑) (অ. 25)

অনুবাকং 26
অ॒গ্নি-ম্প্র॒ণীয়ো॑প-সমা॒ধায়॑ । তম॒ভিত॑ এ॒তা অ॒ভীষ্ট॑কা॒ উপ॑দধাতি । অ॒গ্নি॒হো॒ত্রে দ॑র্​শপূর্ণ-মা॒সয়োঃ᳚ । প॒শু॒ব॒ন্ধে চা॑তুর্মা॒স্য়েষু॑ ।
অথো॑ আহুঃ । সর্বে॑ষু যজ্ঞক্র॒তুষ্বিতি॑ ॥
অথ॑ হস্মা হারু॒ণ-স্স্বা॑য়॒ম্ভুবঃ॑ ।
সা॒বি॒ত্র-স্সর্বো॒-ঽগ্নি-রিত্যন॑নুষঙ্গ-ম্মন্য়ামহে ।
নানা॒ বা এ॒তেষাং᳚-বীঁ॒র্য়া॑ণি ॥ কম॒গ্নিঞ্চি॑নুতে ॥ 106 ॥

স॒ত্রি॒য় ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে ।
সা॒বি॒ত্র ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে । না॒চি॒কে॒ত ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে ।
চা॒তু॒র্॒ হো॒ত্রি॒য়-ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে ।
বৈ॒শ্ব॒সৃ॒জ ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে ॥ 107 ॥

উ॒পা॒নু॒বা॒ক্য়॑-মা॒শু ম॒গ্নিঞ্চি॑ন্বা॒নঃ । কম॒গ্নিঞ্চি॑নুতে । ই॒মমা॑রুণ-কেতুক ম॒গ্নিঞ্চি॑ন্বা॒ন ইতি॑ ॥ বৃষা॒ বা অ॒গ্নিঃ । বৃষা॑ণৌ॒ সগ্গ্​স্ফা॑লয়েত্ । হ॒ন্য়েতা᳚স্য় য॒জ্ঞঃ । তস্মা॒ন্নানু॒ষজ্য়ঃ॑ ॥
সোত্ত॑রবে॒দিষু॑ ক্র॒তুষু॑ চিন্বীত । উ॒ত্ত॒র॒বে॒দ্য়াগ্​ হ্য়॑গ্নিশ্চী॒যতে᳚ ॥ প্র॒জাকা॑মশ্চিন্বীত ॥ 108 ॥

প্রা॒জা॒প॒ত্য়ো বা এ॒ষো᳚-ঽগ্নিঃ । প্রা॒জা॒প॒ত্য়াঃ প্র॒জাঃ । প্র॒জাবা᳚-ন্ভবতি । য এ॒বং-বেঁদ॑ ॥ প॒শুকা॑মশ্চিন্বীত । স॒ঞ্জ্ঞানং॒-বাঁ এ॒ত-ত্প॑শূ॒নাম্ । যদাপঃ॑ ।
প॒শূ॒নামে॒ব স॒জ্ঞান্নে॒ ঽগ্নিঞ্চি॑নুতে । প॒শু॒মা-ন্ভ॑বতি । য এ॒বং-বেঁদ॑ ॥ 109 ॥

বৃষ্টি॑কামশ্চিন্বীত । আপো॒ বৈ বৃষ্টিঃ॑ । প॒র্জন্য়ো॒ বর্​ষু॑কো ভবতি । য এ॒বং-বেঁদ॑ ॥ আ॒ম॒য়া॒বী চি॑ন্বীত । আপো॒ বৈ ভে॑ষ॒জম্ । ভে॒ষ॒জ-মে॒বাস্মৈ॑ করোতি । সর্ব॒মায়ু॑রেতি ॥ অ॒ভি॒চরগ্গ্॑ শ্চিন্বীত । বজ্রো॒ বা আপঃ॑ ॥ 110 ॥

বজ্র॑মে॒ব ভ্রাতৃ॑ব্য়েভ্য়ঃ॒ প্রহ॑রতি । স্তৃ॒ণু॒ত এ॑নম্ ॥ তেজ॑স্কামো॒ যশ॑স্কামঃ ।
ব্র॒হ্ম॒ব॒র্চ॒সকা॑ম-স্স্ব॒র্গকা॑মশ্চিন্বীত । এ॒তা ব॒দ্বা বা᳚স্তি । যাব॑দে॒তত্ । যাব॑দে॒বাস্তি॑ । তদব॑রুন্ধে ॥ তস্য়ৈ॒ তদ্ব্র॒তম্ । বর্​ষ॑তি॒ ন ধা॑বেত্ ॥ 111 ॥

অ॒মৃতং॒-বাঁ আপঃ॑ । অ॒মৃত॒স্য়া-ন॑ন্তরিত্য়ৈ ॥
নাফ্সু-মূত্র॑পুরী॒ষঙ্কু॑র্য়াত্ । ন নিষ্ঠী॑বেত্ । ন বি॒বস॑ন-স্স্নায়াত্ । গুহ্য়ো॒ বা এ॒ষো᳚-ঽগ্নিঃ ।
এ॒তস্য়া॒গ্নে রন॑তি দাহায় ॥ ন পু॑ষ্করপ॒র্ণানি॒ হির॑ণ্য়ং॒-বাঁ-ঽধি॒তিষ্ঠে᳚ত্ । এ॒তস্য়া॒গ্নে-রন॑ভ্য়ারোহায় ॥ ন কূর্ম॒স্য়াশ্ঞী॑য়াত্ ।
নোদ॒কস্য়া॒-ঘাতু॑কা॒ন্য়েন॑-মোদ॒কানি॑ ভবন্তি । অ॒ঘাতু॑কা॒ আপঃ॑ । য এ॒তম॒গ্নিঞ্চি॑নু॒তে । য উ॑চৈনমে॒বং-বেঁদ॑ ॥ 112 ॥
(চি॒নু॒তে॒ - চি॒নু॒তে॒ - প্র॒জাকা॑মশ্চিন্বীত॒ - য এ॒বং-বেঁদা - পো॑ - ধাবে॒ - দশ্ঞী॑য়াচ্চ॒ত্বারি॑ চ) (অ. 26)

অনুবাকং 27
ই॒মা নু॑ক॒-ম্ভুব॑না সীষধেম । ইন্দ্র॑শ্চ॒ বিশ্বে॑চ দে॒বাঃ ॥ য॒জ্ঞঞ্চ॑ নস্ত॒ন্বঞ্চ॑ প্র॒জাঞ্চ॑ । আ॒দি॒ত্য়ৈরিন্দ॑-স্স॒হ সী॑ষধাতু ॥
আ॒দি॒ত্য়ৈরিন্দ্র॒-স্সগ॑ণো-ম॒রুদ্ভিঃ॑ । অ॒স্মাক॑-ম্ভূত্ববি॒তা ত॒নূনা᳚ম্ ॥ আপ্ল॑বস্ব॒ প্রপ্ল॑বস্ব । আ॒ণ্ডী ভ॑ব জ॒ মা মু॒হুঃ । সুখাদীন্দুঃ॑ খনি॒ধনাম্ । প্রতি॑মুঞ্চস্ব॒ স্বা-ম্পু॒রম্ ॥ 113 ॥

মরী॑চয়-স্স্বাযম্ভু॒বাঃ । যে শ॑রী॒রাণ্য়॑ কল্পযন্ন্ ।
তে তে॑ দে॒হঙ্ক॑ল্পযন্তু । মা চ॑ তে॒ খ্য়া স্ম॑ তীরিষত্ ॥ উত্তি॑ষ্ঠত॒ মা স্ব॑প্ত । অ॒গ্নি-মি॑চ্ছদ্ধ্ব॒-ম্ভার॑তাঃ । রাজ্ঞ॒-স্সোম॑স্য় তৃ॒প্তাসঃ॑ । সূর্য়ে॑ণ স॒য়ুজো॑ষসঃ ॥ যুবা॑ সু॒বাসাঃ॒ পরি॑বীত॒ আগা᳚ত্ । স উ॒ শ্রেয়া᳚-ন্ভবতি॒ জায়॑মানঃ । ত-ন্ধীরা॑সঃ ক॒বয়॒ উন্ন॑যন্তি । স্বা॒ধিয়ো॒ মন॑সা দেব॒যন্তঃ॑ ॥
অ॒ষ্টাচ॑ক্রা॒ নব॑দ্বারা ॥ 114 ॥

দে॒বানা॒-ম্পূর॑য়ো॒দ্ধ্য়া । তস্য়াগ্​ম্॑ হিরণ্ম॑য়ঃ কো॒শঃ । স্ব॒র্গো লো॒কো জ্য়োতি॒ষা ঽঽবৃ॑তঃ ॥ যো বৈ তা᳚-ম্ব্রহ্ম॑ণো বে॒দ । অ॒মৃতে॑নাবৃ॒তা-ম্পু॑রীম্ । তস্মৈ᳚ ব্রহ্ম চ॑ ব্রহ্মা॒ চ । আ॒য়ুঃ কীর্তি॑-ম্প্র॒জান্দ॑দুঃ ॥ বি॒ভ্রাজ॑মানা॒গ্​ম্॒ হরি॑ণীম্ । য॒শসা॑ সম্প॒রীবৃ॑তাম্ । পুরগ্​ম্॑ হিরণ্ম॑য়ী-ম্ব্র॒হ্মা ॥ 115 ॥

বি॒বেশা॑প॒রাজি॑তা ॥ পরাঙ্গেত্য়॑ (পরাংঅত্য়॑) জ্য়াম॒য়ী ।
পরাঙ্গেত্য়॑ (পরাংঅত্য়॑) নাশ॒কী । ই॒হ চা॑মুত্র॑ চান্বে॒তি । বি॒দ্বা-ন্দে॑বাসু॒রানু॑ভ॒য়ান্ ॥
যত্কু॑মা॒রী ম॒ন্দ্রয়॑তে । য॒দ্য়ো॒ষিদ্য়-ত্প॑তি॒ব্রতা᳚ । অরি॑ষ্টং॒-য়ঁত্কিঞ্চ॑ ক্রি॒যতে᳚ ।
অ॒গ্নি-স্তদনু॑ বেধতি ॥ অ॒শৃতা॑স-শ্শৃ॑তাস॒শ্চ ॥ 116 ॥

য॒জ্বানো॒ যে-ঽপ্য়॑য়॒জ্বনঃ॑ । স্ব॑র্যন্তো॒ নাপে᳚ক্ষন্তে ।
ইন্দ্র॑-ম॒গ্নিঞ্চ॑ যে বি॒দুঃ ॥ সিক॑তা ইব সং॒​য়ঁন্তি॑ ।
র॒শ্মিভিঃ॑-সমু॒দীরি॑তাঃ । অ॒স্মা-ল্লো॒কাদ॑-মুষ্মা॒চ্চ । ঋ॒ষিভি॑-রদাত্-পৃ॒শ্নিভিঃ॑ ॥ অপে॑ত॒ বীত॒ বি চ॑ সর্প॒তাতঃ॑ । যে-ঽত্র॒ স্থ পু॑রা॒ণা যে চ॒ নূত॑নাঃ ।
অহো॑ভি-র॒দ্ভি-র॒ক্তুভি॒-র্ব্য়॑ক্তম্ ॥ 117 ॥

য॒মো দ॑দাত্ব-ব॒সান॑মস্মৈ ॥ নৃ মু॑ণন্তু নৃ পা॒ত্বর্য়ঃ॑ । অ॒কৃ॒ষ্টা যে চ॒ কৃষ্ট॑জাঃ । কু॒মারী॑ষু ক॒নীনী॑ষু । জা॒রিণী॑ষু চ॒ যে হি॒তাঃ ॥ রেতঃ॑ পীতা॒ আণ্ড॑পীতাঃ । অঙ্গা॑রেষু চ॒ যে হু॒তাঃ । উ॒ভয়া᳚-ন্পুত্র॑ পৌত্র॒কান্ । যু॒বে॒-ঽহং-য়ঁ॒মরাজ॑গান্ ॥ শ॒তমিন্নু শ॒রদো॒ অন্তি॑ দেবা॒ যত্রা॑ নশ্চ॒ক্রা জ॒রস॑-ন্ত॒নূনা᳚ম্ । পু॒ত্রাসো॒ যত্র॑ পি॒তরো॒ ভব॑ন্তি॒ মা নো॑ ম॒ধ্য়া রী॑রিষ॒তায়ু॒র্গন্তোঃ᳚ ॥
অদো॒ যদ্ব্রহ্ম॑ বিল॒বম্ । পি॒তৃ॒ণাঞ্চ॑ য॒মস্য়॑ চ ।
বরু॑ণ॒-স্য়াশ্বি॑নো-র॒গ্নেঃ । ম॒রুতা᳚ঞ্চ বি॒হায়॑সাম্ ॥
কা॒ম॒প্র॒যব॑ণ-ম্মে অস্তু । স হ্য়ে॑বাস্মি॑ স॒নাত॑নঃ । ইতি নাকো ব্রহ্মিশ্রবো॑ রায়ো॒ ধনম্ । পু॒ত্রানাপো॑ দে॒বীরি॒হাহি॑তা ॥ 118 ॥
(পু॒রং - নব॑দ্বারা - ব্র॒হ্মা - চ - ব্য়॑ক্তগ্​ম্ - শ॒রদো॒-ঽষ্টৌ চ॑) (অ. 27)

অনুবাকং 28
বিশী᳚র্​ষ্ণী॒-ঙ্গৃদ্ধ্র॑-শীর্​ষ্ণীঞ্চ । অপেতো॑ নির্-ঋ॒তিগ্​ম্ হ॑থঃ । পরিবাধগ্গ্​ শ্বে॑তকু॒ক্ষম্ । নি॒জঙ্ঘগ্​ম্॑ শব॒লোদ॑রম্ ॥ স॒ তান্. বা॒চ্য়ায়॑য়া স॒হ । অগ্নে॒ নাশ॑য় স॒ন্দৃশঃ॑ । ঈ॒র্​ষ্য়া॒সূ॒য়ে বু॑ভু॒ক্ষাম্ । ম॒ন্য়ু-ঙ্কৃ॒ত্য়া-ঞ্চ॑ দীধিরে । রথে॑ন কিগ্​ম্শু॒কাব॑তা । অগ্নে॒ নাশ॑য় স॒ন্দৃশঃ॑ ॥ 119 ॥
(বিশী᳚র্​ষ্ণী॒-ন্দশ॑) (অ. 28)

অনুবাকং 29
প॒র্জন্য়া॑য়॒ প্রগা॑যত । দি॒বস্পু॒ত্রায়॑ মী॒ঢুষে᳚ । স নো॑ য॒বস॑মিচ্ছতু ॥ ই॒দং-বঁচঃ॑ প॒র্জন্য়া॑য় স্ব॒রাজে᳚ । হৃ॒দো অ॒স্ত্বন্ত॑র॒ন্ত-দ্য়ু॑য়োত ।
ম॒য়ো॒ভূর্বাতো॑ বি॒শ্বকৃ॑ষ্টয়-স্সন্ত্ব॒স্মে । সু॒পি॒প্প॒লা ওষ॑ধী-র্দে॒বগো॑পাঃ ॥
যো গর্ভ॒-মোষ॑ধীনাম্ । গবা᳚ঙ্কৃ॒ণোত্যর্ব॑তাম্ । প॒র্জন্য়ঃ॑ পুরু॒ষীণা᳚ম্ ॥ 120 ॥
(প॒র্জন্য়া॑য়॒ দশ॑) (অ. 29)

অনুবাকং 30
পুন॑র্মামৈত্বিন্দ্রি॒যম্ । পুন॒রায়ুঃ॒ পুন॒র্ভগঃ॑ । পুন॒-র্ব্রাহ্ম॑ণ-মৈতু মা । পুন॒-র্দ্রবি॑ণ মৈতু মা ॥ যন্মে॒-ঽদ্য় রেতঃ॑ পৃথি॒বীমস্কান্॑ ।
যদোষ॑ধীর॒প্যস॑র॒-দ্যদাপঃ॑ । ই॒দন্ত-ত্পুন॒রাদ॑দে । দী॒র্ঘা॒য়ু॒ত্বায়॒ বর্চ॑সে ॥ যন্মে॒ রেতঃ॒ প্রসি॑চ্যতে । যন্ম॒ আজা॑যতে॒ পুনঃ॑( ) । তেন॑ মাম॒মৃত॑-ঙ্কুরু । তেন॑ সুপ্র॒জস॑ঙ্কুরু ॥ 121 ॥
(পুন॒র্দ্বে চ॑) (অ. 30)

অনুবাকং 31
অ॒দ্ভয়-স্তিরো॒ধা জা॑যত । তব॑ বৈশ্রব॒ণ-স্স॑দা । তিরো॑ ধেহি সপ॒ত্নান্নঃ॑ । যে অপো॒-ঽশ্নন্তি॑ কেচ॒ন ॥ ত্বা॒ষ্ট্রী-ম্মা॒য়াং-বঁ᳚শ্রব॒ণঃ ।
রথগ্​ম্॑ সহস্র॒ বন্ধু॑রম্ । পু॒রু॒শ্চ॒ক্রগ্​ম্ সহ॑স্রাশ্বম্ । আস্থা॒ যায়া॑হি নো ব॒লিম্ ॥ যস্মৈ॑ ভূ॒তানি॑ ব॒লিমাব॑হন্তি । ধন॒ঙ্গাবো॒ হস্তি॒ হির॑ণ্য়॒মশ্বান্॑ ॥ 122 ॥

অসা॑ম সুম॒তৌ য॒জ্ঞিয়॑স্য় । শ্রিয়॒-ম্বিভ্র॒তো ঽন্ন॑মুখীং-বিঁ॒রাজ᳚ম্ ॥ সু॒দ॒র্॒শ॒নে চ॑ ক্রৌ॒ঞ্চে চ॑ । মৈ॒না॒গে চ॑ ম॒হাগি॑রৌ । শ॒তদ্বা॒ট্টর॑গম॒ন্তা (স॒তদ্বা॒ট্টর॑গম॒ন্তা) ।
স॒গ্​ম্॒হার্য়॒-ন্নগ॑র॒-ন্তব॑ ॥
ইতি মন্ত্রাঃ᳚ । কল্পো॑-ঽত ঊ॒র্ধ্বম্ ॥
যদি॒ বলি॒গ্​ম্॒ হরে᳚ত্ । হি॒র॒ণ্য়॒না॒ভয়ে॑ বিতু॒দয়ে॑ কৌবে॒রায়া॒য়-ম্ব॑লিঃ ॥ 123 ॥

সর্বভূতাধিপতয়ে ন॑ম ই॒তি । অথ বলিগ্​ম্ হৃত্বোপ॑তিষ্ঠে॒ত ॥ ক্ষ॒ত্র-ঙ্ক্ষ॒ত্রং-বৈঁ᳚শ্রব॒ণঃ । ব্রাহ্মণা॑ বয়॒গ্গ্॒ স্মঃ ।
নম॑স্তে অস্তু॒ মা মা॑ হিগ্​ম্সীঃ । অস্মা-ত্প্রবিশ্য়ান্ন॑মদ্ধী॒তি ॥ অথ তমগ্নি-মা॑দধী॒ত । যস্মিন্নে তত্কর্ম প্র॑য়ুঞ্জী॒ত ॥
তি॒রোধা॒ ভূঃ । তি॒রোধা॒ ভুবঃ॑ ॥ 124 ॥

তি॒রোধা॒-স্স্বঃ॑ । তি॒রোধা॒ ভূর্ভুব॒স্স্বঃ॑ ।
সর্বেষাং-লোঁকানা-মাধিপত্য়ে॑ সীদে॒তি ॥ অথ তমগ্নি॑-মিন্ধী॒ত । যস্মিন্নে তত্কর্ম প্র॑য়ুঞ্জী॒ত ॥ তি॒রোধা॒ ভূ-স্স্বাহা᳚ । তি॒রোধা॒ ভুব॒-স্স্বাহা᳚ । তি॒রোধা॒-স্স্ব॑-স্স্বাহা᳚ । তি॒রোধা॒ ভূর্ভুব॒স্স্ব॑স্স্বাহা᳚ ॥
যস্মিন্নস্য় কালে সর্বা আহুতীর্-হুতা॑ ভবে॒য়ুঃ ॥ 125 ॥

অপি ব্রাহ্মণ॑মুখী॒নাঃ । তস্মিন্নহ্নঃ কালে প্র॑য়ুঞ্জী॒ত ।
পর॑-স্সু॒প্তজ॑নাদ্বে॒পি ॥ মা স্ম প্রমাদ্যন্ত॑ মাদ্ধ্য়া॒পয়েত্ । সর্বার্থা᳚-স্সিদ্ধ্য়॒ন্তে । য এ॑বং-বেঁ॒দ । ক্ষুদ্ধ্য়-ন্নিদ॑মজা॒নতাম্ ।
সর্বার্থা ন॑ সিদ্ধ্য়॒ন্তে ॥ যস্তে॑ বি॒ঘাতু॑কো ভ্রা॒তা ।
মমান্তর্-হৃ॑দয়ে॒ শ্রিতঃ ॥ 126 ॥

তস্মা॑ ই॒মমগ্র॒ পিণ্ড॑ঞ্জুহোমি । স মে᳚-ঽর্থা॒-ন্মা বিব॑ধীত্ । ময়ি॒ স্বাহা᳚ ॥ রা॒জা॒ধি॒রা॒জায়॑ প্রসহ্য় সা॒হিনে᳚ । নমো॑ ব॒য়ং-বৈঁ᳚শ্রব॒ণায়॑ কুর্মহে ।
স মে॒ কামা॒ন্ কাম॒ কামা॑য়॒ মহ্য়᳚ম্ । কা॒মে॒শ্ব॒রো বৈ᳚শ্রব॒ণো দ॑দাতু । কু॒বে॒রায়॑ বৈশ্রব॒ণায়॑ । ম॒হা॒রা॒জায়॒ নমঃ॑ । কে॒তবো॒ অরু॑ণাসশ্চ ।
ঋ॒ষ॒য়ো বাত॑রশ॒নাঃ । প্র॒তি॒ষ্ঠাগ্​ম্ শ॒তধা॑ হি ।
স॒মাহি॑তাসো সহস্র॒ধায়॑সম্ । শি॒বা ন॒-শ্শন্ত॑মা ভবন্তু । দি॒ব্য়া আপ॒ ওষ॑ধয়ঃ । সু॒মৃ॒ডী॒কা সর॑স্বতি । মা তে॒ ব্য়ো॑ম স॒ন্দৃশি॑ ॥ 127 ॥
(অশ্বা᳚ন্-বলি॒-র্ভুবো॑ - ভবে॒য়ুঃ - শ্রিত - শ্চ॑ স॒প্ত চ॑) (অ. 31)

অনুবাকং 32
সং​বঁথ্সরমেত॑-দ্ব্রত॒ঞ্চরেত্ । দ্বৌ॑ বা মা॒সৌ ॥ নিযম-স্স॑মাসে॒ন ॥ তস্মি-ন্নিযম॑ বিশে॒ষাঃ । ত্রিষবণ-মুদকো॑পস্প॒র্॒শী । চতুর্থ কালপান॑ভক্ত॒-স্স্য়াত্ । অহরহর্বা ভৈক্ষ॑মশ্ন॒য়াত্ ।
ঔদুম্বরীভি-স্সমিদ্ভি-রগ্নি॑-ম্পরি॒চরেত্ ।
পুনর্মা মৈত্বিন্দ্রিয়-মিত্য়েতেনা-ঽনু॑বাকে॒ন ।
উদ্ধৃত পরিপূতাভিরদ্ভিঃ কার্য়॑-ঙ্কুর্বী॒ত ॥ 128 ॥

অ॑সঞ্চ॒যবান্ । অগ্নয়ে বাযবে॑ সূর্য়া॒য় । ব্রহ্মণে প্র॑জাপ॒তয়ে । চন্দ্রমসে ন॑ক্ষত্রে॒ভ্য়ঃ । ঋতুভ্য়-স্সং​বঁ॑থ্সরা॒য় । বরুণা-য়ারুণায়েতি ব্র॑তহো॒মাঃ । প্র॒ব॒র্গ্যব॑দাদে॒শঃ । অরুণাঃ কা᳚ণ্ড ঋ॒ষয়ঃ ॥ অরণ্য়ে॑-ঽধীয়ী॒রন্ন্ । ভদ্রঙ্কর্ণেভিরিতি দ্বে॑ জপি॒ত্বা ॥ 129 ॥

মহানাম্নীভি-রুদকগ্​ম্ সগ্গ্॑স্প॒র্​শ্য় । তমাচা᳚র্য়ো দ॒দ্য়াত্ । শিবান-শ্শন্তমে-ত্য়োষধী॑রাল॒ভতে । সুমৃডীকে॑তি ভূ॒মিম্ । এবম॑পব॒র্গে ।
ধে॑নু-র্দ॒ক্ষিণা । কগ্​ম্ সং​বাঁস॑শ্চ ক্ষৌ॒মম্ । অন্য়॑দ্বা শু॒ক্লম্ । য॑থা শ॒ক্তি বা । এবগ্গ্​ স্বাদ্ধ্য়ায়॑ ধর্মে॒ণ । অরণ্য়ে॑-ঽধীয়ী॒ত । তপস্বী পুণ্য়ো ভবতি তপস্বী পু॑ণ্য়ো ভ॒বতি ॥ 130 ॥
(কু॒র্বী॒ত - জ॑পি॒ত্বা - স্বাদ্ধ্য়ায়॑ধর্মে॒ণ দ্বে চ॑) (অ. 32)

(ভ॒দ্রগ্গ্​ - স্মৃতিঃ॑ - সাক॒জান্না॒ - মক্ষ্য়- তি॑তা॒ম্রা - ণ্য়॑ত্য়ুর্ধ্বা॒ক্ষ - আরোগঃ - ক্বেদ - মগ্নিশ্চ - স॑হস্র॒বৃত্ - প॒বিত্র॑বন্ত॒ -আত॑নুষ্বা॒ -ষ্টয়ো॑নীং॒ - ঁয়ো-ঽসা॒ - বথাদিত্য় - স্য়ারোগ-স্য়াথ বায়ো- রথাগ্নে॒--র্ দক্ষিণপূর্বস্য়া - মি॑ন্দ্রঘো॒ষা ব॒-আপ॑মাপাং॒​য়োঁ॑-ঽপা - মাপো॒ বৈ - চতু॑ষ্টয়্য়ো - জানুদ॒ঘ্নী - ম॒গ্নি-ম্প্র॒ণীয়ে॒ - মা নু॑ কং॒ - ঁবিশী᳚র্​ষ্ণীং - প॒র্জন্য়া॑য়॒ - পুন॑ - র॒দ্ভ্য়ঃ -সং​বঁথ্সর-ন্দ্বাত্রিগ্​ম্॑শত্)

(ভ॒দ্রং - জ্য়ো॒তিষা॒ - তস্মি-ন্রাজানং - ক॒শ্যপা᳚-থ্সহস্র॒বৃদি॑য়ং॒- নপুগ্​ম্স॑ক - ম॒ষ্টয়ো॑নী॒ - মবপতন্তানা - মা॒যত॑নবা-ন্ভবতি - স॒তো বন্ধুং॒ - তা উ॑ত্তর॒তো - বজ্র॑মে॒ব - পুন॑র্মামৈতু
ত্রি॒গ্​ম্॒শদু॑ত্তরশ॒তম্)

(ভদ্রং - তপস্বী পুণ্য়ো ভবতি তপস্বী পু॑ণ্য়ো ভ॒বতি)

॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় আরণ্যকে প্রথমঃ প্রপাঠক-স্সমাপ্তঃ ॥