কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে সপ্তমঃ প্রপাঠকঃ - অচ্ছিদ্র-ঙ্কাণ্ড-ম্প্রাযশ্চিত্তম্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অচ্ছিদ্র-ঙ্কাণ্ড-ম্প্রাযশ্চিত্তেন মন্ত্রৈশ্চ যজ্ঞচ্ছিদ্রপূরণাদচ্ছিদ্রমুচ্যতে

অনুবাকং 1 - দর্​শপূর্ণমাসেষ্টিবিষয়াণি কানি চিত্প্রাযশ্চিত্তানি

সর্বা॒ন্॒. বা এ॒ষো᳚-ঽগ্নৌ কামা॒-ন্প্রবে॑শযতি ।
যো᳚-ঽগ্নীন॑ন্বা॒ধায়॑ ব্র॒তমু॒পৈতি॑ ।
স যদনি॑ষ্ট্বা প্রয়া॒য়াত্ । অকা॑মপ্রীতা এন॒-ঙ্কামা॒ নানু॒ প্রয়া॑য়ুঃ । অ॒তে॒জা অ॑বী॒র্য়॑-স্স্য়াত্ ।
স জু॑হুয়াত্ । তুভ্য়॒-ন্তা অ॑ঙ্গিরস্তম ।
বিশ্বা᳚-স্সুক্ষি॒তয়ঃ॒ পৃথ॑ক্ ।
অগ্নে॒ কামা॑য় যেমির॒ ইতি॑ ।
কামা॑নে॒বাস্মি॑-ন্দধাতি ॥ 1 ॥

কাম॑প্রীতা এন॒-ঙ্কামা॒ অনু॒প্রয়া᳚ন্তি ।
তে॒জ॒স্বী বী॒র্য়া॑বা-ন্ভবতি ॥
সন্ত॑তি॒র্বা এ॒ষা য॒জ্ঞস্য়॑ ।
যো᳚-ঽগ্নীন॑ন্বা॒ধায়॑ ব্র॒তমু॒পৈতি॑ ।
স যদু॒দ্বায়॑তি । বিচ্ছি॑ত্তি-রে॒বাস্য়॒ সা ॥
ত-ম্প্রাঞ্চ॑মু॒দ্ধৃত্য়॑ ।
মন॒সোপ॑তিষ্ঠেত । মনো॒ বৈ প্র॒জাপ॑তিঃ ।
প্রা॒জা॒প॒ত্য়ো য॒জ্ঞঃ ॥ 2 ॥

মন॑সৈ॒ব য॒জ্ঞগ্​ম্ সন্ত॑নোতি । ভূরিত্য়া॑হ । ভূ॒তো বৈ প্র॒জাপ॑তিঃ । ভূতি॑মে॒বোপৈ॑তি ॥
বি বা এ॒ষ ই॑ন্দ্রি॒য়েণ॑ বী॒র্য়ে॑ণর্ধ্যতে ।
যস্য়া-হি॑তাগ্নে-র॒গ্নির॑প॒ক্ষায়॑তি । যাব॒চ্ছম্য়॑য়া প্র॒বিদ্ধ্য়ে᳚ত্ ।
যদি॒ তাব॑দপ॒ক্ষায়ে᳚ত্ । তগ্​ম্ সম্ভ॑রেত্ ।
ই॒দ-ন্ত॒ এক॑-ম্প॒র উ॑ত॒ এক᳚ম্ ॥ 3 ॥

তৃ॒তীয়ে॑ন॒ জ্য়োতি॑ষা॒ সং​বিঁ॑শস্ব । সং॒​বেঁশ॑নস্ত॒নুবৈ॒ চারু॑রেধি ।
প্রি॒য়ে দে॒বানা᳚-ম্পর॒মে জ॒নিত্র॒ ইতি॑ । ব্রহ্ম॑ণৈ॒বৈন॒গ্​ম্॒ সম্ভ॑রতি ।
সৈব ততঃ॒ প্রায়॑শ্চিত্তিঃ । যদি॑ পরস্ত॒-রাম॑প॒ক্ষায়ে᳚ত্ । অ॒নু॒ প্র॒য়ায়াব॑স্য়েত্ ।
সো এ॒ব ততঃ॒ প্রায়॑শ্চিত্তিঃ ॥
ওষ॑ধী॒র্বা এ॒তস্য়॑ প॒শূ-ন্পয়ঃ॒ প্রবি॑শতি ।
যস্য়॑ হ॒বিষে॑ ব॒থ্সা অ॒পাকৃ॑তা॒ ধয়॑ন্তি ॥ 4 ॥

তান্. যদ্দু॒হ্য়াত্ । যা॒তয়া᳚ম্না হ॒বিষা॑ যজেত । যন্ন দু॒হ্য়াত্ । য॒জ্ঞ॒প॒রু-র॒ন্তরি॑য়াত্ । বা॒য়॒ব্য়াং᳚-য়ঁবা॒গূ-ন্নির্ব॑পেত্ ।
বা॒য়ুর্বৈ পয়॑সঃ প্রদাপয়ি॒তা । স এ॒বাস্মৈ॒ পয়ঃ॒ প্রদা॑পযতি । পয়ো॒ বা ওষ॑ধয়ঃ ।
পয়ঃ॒ পয়ঃ॑ ।
পয়॑সৈ॒বাস্মৈ॒ পয়ো-ঽব॑রুন্ধে ॥ 5 ॥

অথোত্ত॑রস্মৈ হ॒বিষে॑ ব॒থ্সান॒পা কু॑র্য়াত্ ।
সৈব ততঃ॒ প্রায়॑শ্চিত্তিঃ ॥ অ॒ন্য়॒ত॒রান্. বা এ॒ষ দে॒বা-ন্ভা॑গ॒ধেয়ে॑ন॒ ব্য়॑র্ধযতি ।
যে যজ॑মানস্য় সা॒য়-ঙ্গৃ॒হমা॒-গচ্ছ॑ন্তি ।
যস্য়॑ সায়-ন্দু॒গ্ধগ্​ম্ হ॒বিরার্তি॑-মা॒র্চ্ছতি॑ ।
ইন্দ্রা॑য় ব্রী॒হীন্নি॒-রুপ্য়ো-প॑বসেত্ । পয়ো॒ বা ওষ॑ধয়ঃ । পয়॑ এ॒বারভ্য়॑ গৃহী॒ত্বো-প॑বসতি । যত্প্রা॒ত-স্স্য়াত্ । তচ্ছৃ॒ত-ঙ্কু॑র্য়াত্ ॥ 6 ॥

অথেত॑র ঐ॒ন্দ্রঃ পু॑রো॒ডাশ॑-স্স্য়াত্ ।
ই॒ন্দ্রি॒য়ে এ॒বাস্মৈ॑ স॒মীচী॑ দধাতি ।
পয়ো॒ বা ওষ॑ধয়ঃ । পয়ঃ॒ পয়ঃ॑ । পয়॑সৈ॒বাস্মৈ॒ পয়ো-ঽব॑রুন্ধে ।
অথোত্ত॑রস্মৈ হ॒বিষে॑ ব॒থ্সান॒পা কু॑র্য়াত্ ।
সৈব ততঃ॒ প্রায়॑শ্চিত্তিঃ ॥ উ॒ভয়া॒ন্॒. বা এ॒ষ দে॒বা-ন্ভা॑গ॒ধেয়ে॑ন॒ ব্য়॑র্ধযতি ।
যে যজ॑মানস্য় সা॒য়-ঞ্চ॑ প্রা॒তশ্চ॑ গৃ॒হমা॒-গচ্ছ॑ন্তি । যস্য়ো॒ভয়গ্​ম্॑ হ॒বিরার্তি॑-মা॒র্চ্ছতি॑ ॥ 7 ॥

ঐ॒ন্দ্র-ম্পঞ্চ॑শরাব-মোদ॒ন-ন্নির্ব॑পেত্ ।
অ॒গ্নি-ন্দে॒বতা॑না-ম্প্রথ॒মং-য়ঁ॑জেত্ ।
অ॒গ্নিমু॑খা এ॒ব দে॒বতাঃ᳚ প্রীণাতি ।
অ॒গ্নিং-বাঁ অন্ব॒ন্য়া দে॒বতাঃ᳚ ।
ইন্দ্র॒মন্ব॒ন্য়াঃ । তা এ॒বোভয়ীঃ᳚ প্রীণাতি ।
পয়ো॒ বা ওষ॑ধয়ঃ ।
পয়ঃ॒ পয়ঃ॑ । পয়॑সৈ॒বাস্মৈ॒ পয়ো-ঽব॑রুন্ধে ।
অথোত্ত॑রস্মৈ হ॒বিষে॑ ব॒থ্সান॒পা কু॑র্য়াত্ ॥ 8 ॥

সৈব ততঃ॒ প্রায়॑শ্চিত্তিঃ ॥ অ॒র্ধো বা এ॒তস্য়॑ য॒জ্ঞস্য়॑ মীযতে ।
যস্য়॒ ব্রত্য়ে-ঽহ॒-ন্পত্ন্য়॑না-লম্ভু॒কা ভব॑তি । তাম॑প॒রুদ্ধ্য়॑ যজেত ।
সর্বে॑ণৈ॒ব য॒জ্ঞেন॑ যজতে ।
তামি॒ষ্ট্বো-প॑হ্বয়েত । অমূ॒হম॑স্মি ।
সা ত্বম্ । দ্য়ৌর॒হম্ । পৃ॒থি॒বী ত্বম্ । সামা॒হম্ । ঋক্ত্বম্ । তাবেহি॒ সম্ভ॑বাব । স॒হ রেতো॑ দধাবহৈ । পু॒গ্​ম্॒সে পু॒ত্রায়॒ বেত্ত॑বৈ ।
রা॒যস্পোষা॑য় সুপ্রজা॒স্ত্বায়॑ সু॒বীর্য়া॒য়েতি॑ ।
অ॒র্ধ এ॒বৈনা॒মু-প॑হ্বযতে ।
সৈব ততঃ॒ প্রায়॑শ্চিত্তিঃ ॥ 9 ॥
(দ॒ধা॒তি॒ - য॒জ্ঞ - উ॑ত॒ একং॒ - ধয়॑ন্তি - রুন্ধে - কুর্য়া - দা॒র্ছ - ত্য়॒পাকু॑র্য়াত্ - পৃথি॒বী ত্বম॒ষ্টৌ চ॑) (অ. 1)

(সর্বা॒ন্॒. বি বৈ যদি॑ পরস্ত॒রামোষ॑ধীরন্ যত॒রানু॒ভয়া॑ন॒র্ধো বৈ )

অনুবাকং 2 - অগ্নিহোত্রসাম্নায়্যসাধারণানি প্রাযশ্চিত্তানি
3.7.2.1
যদ্বি-ষ্ষ॑ণ্ণেন জুহু॒য়াত্ ।
অপ্র॑জা অপ॒শুর্যজ॑মান-স্স্য়াত্ ।
যদনা॑যতনে নি॒নয়ে᳚ত্ । অ॒না॒য়॒ত॒ন-স্স্য়া᳚ত্ ।
প্রা॒জা॒প॒ত্যয়॒র্চা ব॑ল্মীক-ব॒পায়া॒ম-ব॑নয়েত্ । প্রা॒জা॒প॒ত্য়ো বৈ ব॒ল্মীকঃ॑ । য॒জ্ঞঃ প্র॒জাপ॑তিঃ । প্র॒জাপ॑তাবে॒ব য॒জ্ঞ-ম্প্রতি॑ষ্ঠাপযতি ।
ভূরিত্য়া॑হ । ভূ॒তো বৈ প্র॒জাপ॑তিঃ ॥ 10 ॥

ভূতি॑মে॒বোপৈ॑তি । ত-ত্কৃ॒ত্বা । অ॒ন্য়া-ন্দু॒গ্ধ্বা পুন॑র্-হোত॒ব্য়᳚ম্ । সৈব ততঃ॒ প্রায়॑শ্চিত্তিঃ ॥ যত্কী॒টা-ব॑পন্নেন জুহু॒য়াত্ ।
অপ্র॑জা অপ॒শু-র্যজ॑মান-স্স্য়াত্ ।
যদনা॑যতনে নি॒নয়ে᳚ত্ । অ॒না॒য়॒ত॒ন-স্স্য়া᳚ত্ ।
ম॒দ্ধ্য়॒মেন॑ প॒র্ণেন॑ দ্য়াবা-পৃথি॒ব্য়॑-য়॒র্চা-ঽন্তঃ॑ পরি॒ধি নিন॑য়েত্ ।
দ্য়াবা॑পৃথি॒ব্য়ো-রে॒বৈন॒ত্-প্রতি॑ষ্ঠাপযতি ॥ 11 ॥

তত্কৃ॒ত্বা । অ॒ন্য়া-ন্দু॒গ্ধ্বা পুন॑র্-হোত॒ব্য়᳚ম্ । সৈব ততঃ॒ প্রায়॑শ্চিত্তিঃ ॥ যদব॑বৃষ্টেন জুহু॒য়াত্ । অপ॑রূপ-মস্য়া॒ত্ম-ঞ্জা॑য়েত ।
কি॒লাসো॑ বা॒ স্য়াদ॑র্​শ॒সো বা᳚ । য-ত্প্রত্য়ে॒য়াত্ । য॒জ্ঞং-বিঁচ্ছি॑ন্দ্য়াত্ । স জু॑হুয়াত্ ।
মি॒ত্রো জনা᳚ন্ কল্পযতি প্রজা॒নন্ন্ ॥ 12 ॥

মি॒ত্রো দা॑ধার পৃথি॒বীমু॒ত দ্য়াম্ । মি॒ত্রঃ কৃ॒ষ্টীর-নি॑মিষা॒ ঽভিচ॑ষ্টে ।
স॒ত্য়ায়॑ হ॒ব্য়-ঙ্ঘৃ॒তব॑-জ্জুহো॒তেতি॑ । মি॒ত্রেণৈ॒বৈন॑-ত্কল্পযতি । তত্কৃ॒ত্বা । অ॒ন্য়া-ন্দু॒গ্ধ্বা পুন॑র্​হোত॒ব্য়᳚ম্ ।
সৈব ততঃ॒ প্রায়॑শ্চিত্তিঃ ॥
য-ত্পূর্ব॑স্য়া॒-মাহু॑ত্য়াগ্​ম্ হু॒তায়া॒-মুত্ত॒রা-ঽঽহু॑তি॒-স্স্কন্দে᳚ত্ ।
দ্বি॒পাদ্ভিঃ॑ প॒শুভি॒-র্যজ॑মানো॒ ব্য়ৃ॑॑দ্ধ্য়েত ।
যদুত্ত॑রয়া॒ ঽভিজু॑হু॒য়াত্ ॥ 13 ॥

চতু॑ষ্পাদ্ভিঃ প॒শুভি॒-র্যজ॑মানো॒ ব্য়ৃ॑দ্ধ্য়েত ।
যত্র॒ বেত্থ॑ বনস্পতে দে॒বানা॒-ঙ্গুহ্য়া॒ নামা॑নি ।
তত্র॑ হ॒ব্য়ানি॑ গাম॒য়েতি॑ বানস্প॒ত্য়-য়॒র্চা স॒মিধ॑-মা॒ধায়॑ । তূ॒ষ্ণীমে॒ব পুন॑-র্জুহুয়াত্ ।
বন॒স্পতি॑নৈ॒ব য॒জ্ঞস্য়ার্তা॒-ঞ্চানা᳚র্তা॒-ঞ্চাহু॑তী॒ বিদা॑ধার । তত্কৃ॒ত্বা । অ॒ন্য়া-ন্দু॒গ্ধ্বা পুন॑র্-হোত॒ব্য়᳚ম্ । সৈব ততঃ॒ প্রায়॑শ্চিত্তিঃ ॥
যত্পু॒রা প্র॑য়া॒জেভ্য়ঃ॒ প্রাংঅঙ্গা॑র॒-স্স্কন্দে᳚ত্ ।
অ॒দ্ধ্ব॒র্যবে॑ চ॒ যজ॑মানায়॒ চাকগ্গ্॑ স্য়াত্ ॥ 14 ॥

য-দ্দ॑ক্ষি॒ণা । ব্র॒হ্মণে॑ চ॒ যজ॑মানায়॒ চাকগ্গ্॑ স্য়াত্ । য-ত্প্র॒ত্যক্ ।
হোত্রে॑ চ॒ পত্নি॑য়ৈ চ॒ যজ॑মানায়॒ চাকগ্গ্॑ স্য়াত্ ।
যদুদং॑ । অ॒গ্নীধে॑ চ প॒শুভ্য়॑শ্চ॒ যজ॑মানায়॒ চাকগ্গ্॑ স্য়াত্ । যদ॑ভিজুহু॒য়াত্ । রু॒দ্রো᳚-ঽস্য় প॒শূ-ন্ঘাতু॑ক-স্স্য়াত্ ।
যন্নাভি॑ জুহু॒য়াত্ । অশা᳚ন্তঃ॒ প্রহ্রি॑য়েত ॥ 15 ॥

স্রু॒বস্য়॒ বুদ্ধ্নে॑নাভি॒ নিদ॑দ্ধ্য়াত্ ।
মা ত॑মো॒ মা য॒জ্ঞস্ত॑ম॒ন্মা যজ॑মান-স্তমত্ ।
নম॑স্তে অস্ত্বায়॒তে । নমো॑ রুদ্র পরায়॒তে ।
নমো॒ যত্র॑ নি॒ষীদ॑সি ।
অ॒মু-ম্মা হিগ্​ম্॑সীর॒মু-ম্মা হিগ্​ম্॑সী॒রিতি॒ যেন॒ স্কন্দে᳚ত্ ॥ ত-ম্প্রহ॑রেত্ ।
স॒হস্র॑শৃঙ্গো বৃষ॒ভো জা॒তবে॑দাঃ । স্তোম॑পৃষ্ঠো ঘৃ॒তবা᳚ন্-থ্সু॒প্রতী॑কঃ ।
মা নো॑ হাসীন্মেত্থি॒তো (হাসীর্মেত্থি॒তো) নেত্ত্বা॒ জহা॑ম ।
গো॒পো॒ষ-ন্নো॑ বীরপো॒ষ-ঞ্চ॑ য॒চ্ছেতি॑ ।
ব্রহ্ম॑ণৈ॒বৈন॒-ম্প্রহ॑রতি । সৈব ততঃ॒ প্রায়॑শ্চিত্তিঃ ॥ 16 ॥
(বৈ প্র॒জাপ॑তিঃ - স্থাপযতি - প্রজা॒নন্ - ন॒ভিজু॑হু॒য়াথ্ - স্য়া᳚-দ্- ধ্রিয়েত॒ - জহা॑ম॒ ত্রিণি॑ চ) (অ. 2)

(যদ্বিস্ষ॑ণ্ণেন প্রাজাপ॒ত্যয়া॒ য-ত্কী॒টা ম॑দ্ধ্য়॒মেন॒ যদব॑বৃষ্টেন॒ য-ত্পূর্ব॑স্য়াং॒-য়ঁ-ত্পু॒রা প্র॑য়া॒জেভ্য়॒ প্রংঙ্গা॑রো॒ য-দ্দ॑ক্ষি॒ণা য-ত্প্র॒ত্যগ্যদুদঙ্ঙ্॑)

অনুবাকং 3 - মুখ্য়াগ্ন্যসম্ভবে-ঽনুকল্পাঃ হোমাধারাঃ
বি বা এ॒ষ ই॑ন্দ্রি॒য়েণ॑ বী॒র্য়ে॑ণর্ধ্যতে ।
যস্য়া-হি॑তাগ্নে-র॒গ্নি-র্ম॒থ্যমা॑নো॒ ন জায়॑তে । যত্রা॒ন্য়-ম্পশ্য়ে᳚ত্ । তত॑ আ॒হৃত্য়॑ হোত॒ব্য়᳚ম্ ।
অ॒গ্না-বে॒বাস্য়া᳚-গ্নিহো॒ত্রগ্​ম্ হু॒ত-ম্ভ॑বতি ॥
যদ্য়॒ন্য়-ন্ন বি॒ন্দেত্ । অ॒জায়াগ্​ম্॑ হোত॒ব্য়᳚ম্ । আ॒গ্নে॒য়ী বা এ॒ষা । যদ॒জা । অ॒গ্না-বে॒বাস্য়া᳚-গ্নিহো॒ত্রগ্​ম্ হু॒ত-ম্ভ॑বতি ॥ 17 ॥

অ॒জস্য়॒ তু নাশ্ঞী॑য়াত্ । যদ॒জস্য়া᳚-শ্ঞী॒য়াত্ ।
যামে॒বাগ্না-বাহু॑তি-ঞ্জুহু॒য়াত্ । তাম॑দ্য়াত্ । তস্মা॑দ॒জস্য়॒ নাশ্য়᳚ম্ ॥ যদ্য়॒জা-ন্ন বি॒ন্দেত্ । ব্রা॒হ্ম॒ণস্য়॒ দক্ষি॑ণে॒ হস্তে॑ হোত॒ব্য়᳚ম্ ।
এ॒ষ বা অ॒গ্নি র্বৈ᳚শ্বান॒রঃ । যদ্ব্রা᳚হ্ম॒ণঃ ।
অ॒গ্না-বে॒বাস্য়া᳚-গ্নিহো॒ত্রগ্​ম্ হু॒ত-ম্ভ॑বতি ॥ 18 ॥

ব্রা॒হ্ম॒ণ-ন্তু ব॑স॒ত্য়ৈ॑ নাপ॑রুন্ধ্য়াত্ । যদ্ব্রা᳚হ্ম॒ণং-বঁ॑স॒ত্য়া অ॑পরু॒ন্ধ্য়াত্ ।
যস্মি॑ন্নে॒-বাগ্নাবাহু॑তি-ঞ্জুহু॒য়াত্ । ত-ম্ভা॑গ॒ধেয়ে॑ন॒ ব্য়॑র্ধয়েত্ ।
তস্মা᳚-দ্ব্রাহ্ম॒ণো ব॑স॒ত্য়ৈ॑ নাপ॒রুদ্ধ্য়ঃ॑ ॥ যদি॑ ব্রাহ্ম॒ণ-ন্ন বি॒ন্দেত্ ।
দ॒র্ভ॒স্ত॒বেং হো॑ত॒ব্য়᳚ম্ ।
অ॒গ্নি॒বান্. বৈ দ॑র্ভস্ত॒বংঃ ।
অ॒গ্নাবে॒-বাস্য়া᳚-গ্নিহো॒ত্রগ্​ম্ হু॒ত-ম্ভ॑বতি ।
দ॒র্ভাগ্​স্তু নাদ্ধ্য়া॑সীত ॥ 19 ॥

যদ্দ॒র্ভান॒দ্ধ্য়াসী॑ত । যামে॒বাগ্না-বাহু॑তি-ঞ্জুহু॒য়াত্ । তামদ্ধ্য়া॑সীত ।
তস্মা᳚-দ্দ॒র্ভা নাদ্ধ্য়া॑সিত॒ব্য়াঃ᳚ ॥
যদি॑ দ॒র্ভান্ন বি॒ন্দেত্ । অ॒ফ্সু হো॑ত॒ব্য়᳚ম্ ।
আপো॒ বৈ সর্বা॑ দে॒বতাঃ᳚ ।
দে॒বতা᳚স্বে॒ বাস্য়া᳚-গ্নিহো॒ত্রগ্​ম্ হু॒ত-ম্ভ॑বতি ।
আপ॒স্তু ন পরি॑চক্ষীত । যদাপঃ॑ পরি॒চক্ষী॑ত ॥ 20 ॥

যা মে॒বাফ্স্বাহু॑তি-ঞ্জুহু॒য়াত্ । তা-ম্পরি॑চক্ষীত ।
তস্মা॒দাপো॒ ন প॑রি॒চক্ষ্য়াঃ᳚ ॥
মেদ্ধ্য়া॑ চ॒ বা এ॒তস্য়া॑মে॒দ্ধ্য়া চ॑ ত॒নুবৌ॒ সগ্​ম্সৃ॑জ্য়েতে । যস্য়া-হি॑তাগ্নে-র॒ন্য়ৈর॒গ্নিভি॑-র॒গ্নয়॑-স্সগ্​ম্সৃ॒জ্যন্তে᳚ । অ॒গ্নয়ে॒ বিবি॑চয়ে পুরো॒ডাশ॑-ম॒ষ্টাক॑পাল॒-ন্নির্ব॑পেত্ ।
মেদ্ধ্য়া᳚-ঞ্চৈ॒বাস্য়া॑-মে॒দ্ধ্য়া-ঞ্চ॑ ত॒নুবৌ॒ ব্য়াব॑র্তযতি ॥ অ॒গ্নয়ে᳚ ব্র॒তপ॑তয়ে পুরো॒ডাশ॑-ম॒ষ্টাক॑পাল॒-ন্নির্ব॑পেত্ । অ॒গ্নিমে॒ব ব্র॒তপ॑তি॒গ্গ্॒ স্বেন॑ ভাগ॒ধেয়ে॒-নোপ॑ধাবতি ।
স এ॒বৈনং॑-ব্রঁ॒তমা-ল॑ভং​য়ঁতি ॥ 21 ॥

গর্ভ॒গ্গ্॒ স্রব॑ন্তমগ॒দম॑কঃ । অ॒গ্নি-রিন্দ্র॒-স্ত্বষ্টা॒ বৃহ॒স্পতিঃ॑ । পৃ॒থি॒ব্য়া-মব॑চুশ্চো-তৈ॒তত্ । নাভি-প্রাপ্নো॑তি॒ নির্-ঋ॑তি-ম্পরা॒চৈঃ ॥
রেতো॒ বা এ॒তদ্বাজি॑ন॒-মাহি॑তাগ্নেঃ । যদ॑গ্নিহো॒ত্রম্ । তদ্যথ্স্রবে᳚ত্ ।
রেতো᳚-ঽস্য়॒ বাজি॑নগ্গ্​ স্রবেত্ । গর্ভ॒গ্গ্॒ স্রব॑ন্তম-গ॒দম॑ক॒-রিত্য়া॑হ ।
রেত॑ এ॒বাস্মি॒ন্ বাজি॑ন-ন্দধাতি ॥ 22 ॥

অ॒গ্নিরিত্য়া॑হ । অ॒গ্নির্বৈ রে॑তো॒ধাঃ । রেত॑ এ॒ব তদ্দ॑ধাতি । ইন্দ্র॒ ইত্য়া॑হ । ই॒ন্দ্রি॒য়-মে॒বাস্মি॑ন্-দধাতি । ত্বষ্টেত্য়া॑হ । ত্বষ্টা॒ বৈ প॑শূ॒না-ম্মি॑থু॒নানাগ্​ম্॑ রূপ॒কৃত্ । রূ॒পম॒ব প॒শুষু॑ দধাতি । বৃহ॒স্পতি॒রিত্য়া॑হ ।
ব্রহ্ম॒ বৈ দে॒বানা॒-ম্বৃহ॒স্পতিঃ॑ । ব্রহ্ম॑ণৈ॒বাস্মৈ᳚ প্র॒জাঃ প্রজ॑নযতি ॥
পৃ॒থি॒ব্য়া-মব॑চুশ্চোতৈ॒ত-দিত্য়া॑হ ।
অ॒স্য়া-মে॒বৈন॒-ত্প্রতি॑ষ্ঠাপযতি ॥
নাভি প্রাপ্নো॑তি॒ নির্-ঋ॑তি-ম্পরা॒চৈরিত্য়া॑হ ।
রক্ষ॑সা॒মপ॑হত্য়ৈ ॥ 23 ॥
(অ॒জা-ঽগ্নাবে॒বাস্য়া᳚গ্নিহো॒ত্রগ্​ম্ হু॒ত-ম্ভ॑বতি - ভব - ত্য়াসীত - পরি॒চক্ষী॑ত - লম্ভযতি - দধাতি - দে॒বানা॒-ম্বৃহ॒স্পতিঃ॒ পঞ্চ॑ চ) (অ. 3)

(বি বৈ য-দ্য়॒ন্যম॒জায়া᳚-ম্ব্রাহ্ম॒ণস্য়॑ দর্ভস্ত॒ম্বে᳚-ঽফ্সু হো॑ত॒ব্য়᳚ম্)

অনুবাকং 4 - ঐষ্টিকয়াজমানমন্ত্রাঃ
যাঃ পু॒রস্তা᳚-ত্প্র॒স্রব॑ন্তি । উ॒পরি॑ষ্টা-থ্স॒র্বত॑শ্চ॒ যাঃ । তাভী॑ র॒শ্মিপ॑বিত্রাভিঃ । শ্র॒দ্ধাং-য়ঁ॒জ্ঞমার॑ভে ॥ দেবা॑ গাতুবিদঃ ।
গা॒তুং-য়ঁ॒জ্ঞায়॑ বিন্দত । মন॑স॒স্পতি॑না দে॒বেন॑ । বাতা᳚-দ্য়॒জ্ঞঃ প্রয়ু॑জ্যতাম্ ॥ তৃ॒তীয়॑স্য়ৈ দি॒বঃ । গা॒য়॒ত্রি॒য়া সোম॒ আভৃ॑তঃ ॥ 24 ॥

সো॒ম॒পী॒থায়॒ সন্ন॑য়িতুম্ । বক॑ল॒-মন্ত॑র॒মাদ॑দে ॥ আপো॑ দেবী-শ্শু॒দ্ধা-স্স্থ॑ । ই॒মা পাত্রা॑ণি শুন্ধত । উ॒পা॒ত॒ঙ্ক্য়া॑য় দে॒বানা᳚ম্ । প॒র্ণ॒ব॒ল্কমু॒ত শু॑ন্ধত ॥
পয়ো॑ গৃ॒হেষু॒ পয়ো॑ অঘ্নি॒য়াসু॑ ।
পয়ো॑ ব॒থ্সেষু॒ পয়॒ ইন্দ্রা॑য় হ॒বিষে᳚ ধ্রিযস্ব । গা॒য়॒ত্রী প॑র্ণব॒ল্কেন॑ । পয়-স্সোম॑-ঙ্করোত্বি॒মম্ ॥ 25 ॥
অ॒গ্নি-ঙ্গৃ॑হ্ণামি সু॒রথং॒-য়োঁ ম॑য়ো॒ ভূঃ ।
য উ॒দ্যন্ত॑মা॒ রোহ॑তি॒ সূর্য়॒মহ্নে᳚ ।
আ॒দি॒ত্য়-ঞ্জ্য়োতি॑ষা॒-ঞ্জ্য়োতি॑রুত্ত॒মম্ ।
শ্বো য॒জ্ঞায়॑ রমতা-ন্দে॒বতা᳚ভ্য়ঃ ॥
বসূ᳚-ন্রু॒দ্রানা॑দি॒ত্য়ান্ । ইন্দ্রে॑ণ স॒হ দে॒বতাঃ᳚ । তাঃ পূর্বঃ॒ পরি॑গৃহ্ণামি । স্ব আ॒যত॑নে মনী॒ষয়া᳚ ॥ ই॒মামূর্জ॑-ম্পঞ্চদ॒শীং-য়েঁ প্রবি॑ষ্টাঃ । তান্দে॒বা-ন্পরি॑গৃহ্ণামি॒ পূর্বঃ॑ ॥ 26 ॥

অ॒গ্নির্-হ॑ব্য়॒বাডি॒হ তানাব॑হতু । পৌ॒র্ণ॒মা॒সগ্​ম্ হ॒বিরি॒দমে॑ষা॒-ম্ময়ি॑ ।
আ॒মা॒বা॒স্য়গ্​ম্॑ হ॒বিরি॒দমে॑ষা॒-ম্ময়ি॑ ॥ অ॒ন্ত॒রা-ঽগ্নী প॒শবঃ॑ । দে॒ব॒স॒গ্​ম্॒ সদ॒মাগ॑মন্ন্ । তা-ন্পূর্বঃ॒ পরি॑গৃহ্ণামি ।
স্ব আ॒যত॑নে মনী॒ষয়া᳚ ॥ ই॒হ প্র॒জা বি॒শ্বরূ॑পা রমন্তাম্ । অ॒গ্নি-ঙ্গৃ॒হপ॑তিম॒ভি সং॒​বঁসা॑নাঃ । তাঃ পূর্বঃ॒ পরি॑গৃহ্ণামি ॥ 27 ॥

স্ব আ॒যত॑নে মনী॒ষয়া᳚ ॥
ই॒হ প॒শবো॑ বি॒শ্বরূ॑পা রমন্তাম্ ।
অ॒গ্নি-ঙ্গৃ॒হপ॑তিম॒ভি সং॒​বঁসা॑নাঃ ।
তা-ন্পূর্বঃ॒ পরি॑গৃহ্ণামি । স্ব আ॒যত॑নে মনী॒ষয়া᳚ ॥ অ॒য়-ম্পি॑তৃ॒ণাম॒গ্নিঃ ।
অবা᳚ড্ঢ॒ব্য়া পি॒তৃভ্য়॒ আ । ত-ম্পূর্বঃ॒ পরি॑গৃহ্ণামি । অবি॑ষ-ন্নঃ পি॒তু-ঙ্ক॑রত্ ॥ অজ॑স্র॒-ন্ত্বাগ্​ম্ স॑ভাপা॒লাঃ ॥ 28 ॥
বি॒জ॒যভা॑গ॒গ্​ম্॒ সমি॑ন্ধতাম্ । অগ্নে॑ দী॒দায়॑ মে সভ্য় । বিজি॑ত্য়ৈ শ॒রদ॑-শ্শ॒তম্ ॥ অন্ন॑মাবস॒থীয়᳚ম্ । অ॒ভিহ॑রাণি শ॒রদ॑-শ্শ॒তম্ । আ॒ব॒স॒থে শ্রিয়॒-ম্মন্ত্র᳚ম্ । অহি॑র্বু॒দ্ধ্নিয়ো॒ নিয়॑চ্ছতু ॥ ই॒দম॒হ-ম॒গ্নি জ্য়ে᳚ষ্ঠেভ্য়ঃ । বসু॑ভ্য়ো য॒জ্ঞ-ম্প্রব্র॑বীমি ।
ই॒দম॒হ-মিন্দ্র॑ জ্য়েষ্ঠেভ্য়ঃ ॥ 29 ॥

রু॒দ্রেভ্য়ো॑ য॒জ্ঞ-ম্প্রব্র॑বীমি । ই॒দম॒হং-বঁরু॑ণ-জ্য়েষ্ঠেভ্য়ঃ । আ॒দি॒ত্য়েভ্য়ো॑ য॒জ্ঞ-ম্প্রব্র॑বীমি ॥ পয়॑স্বতী॒-রোষ॑ধয়ঃ ।
পয়॑স্বদ্বী॒রুধা॒-ম্পয়ঃ॑ । অ॒পা-ম্পয়॑সো॒ যত্পয়ঃ॑ । তেন॒ মামি॑ন্দ্র॒ সগ্​ম্সৃ॑জ ॥
অগ্নে᳚ ব্রতপতে ব্র॒ত-ঞ্চ॑রিষ্য়ামি ।
তচ্ছ॑কেয়॒-ন্তন্মে॑ রাদ্ধ্যতাম্ ।
বায়ো᳚ ব্রতপত॒ আদি॑ত্য় ব্রতপতে ॥ 30 ॥

ব্র॒তানাং᳚-ব্রঁতপতে ব্র॒ত-ঞ্চ॑রিষ্য়ামি । তচ্ছ॑কেয়॒-ন্তন্মে॑ রাদ্ধ্যতাম্ ॥
ই॒মা-ম্প্রাচী॒মুদী॑চীম্ । ইষ॒মূর্জ॑ম॒ভি সগ্গ্​স্কৃ॑তাম্ । ব॒হু॒প॒র্ণামশু॑ষ্কাগ্রাম্ ।
হরা॑মি পশু॒পাম॒হম্ ॥ যত্কৃষ্ণো॑ রূ॒প-ঙ্কৃ॒ত্বা । প্রাবি॑শ॒স্ত্বং-বঁন॒স্পতীন্॑ ।
তত॒স্ত্বামে॑কবিগ্​ম্শতি॒ধা । সম্ভ॑রামি সুস॒ম্ভৃতা᳚ ॥ 31 ॥

ত্রী-ন্প॑রি॒ধীগ্​স্তি॒স্র-স্স॒মিধঃ॑ । য॒জ্ঞায়ু॑রনুসঞ্চ॒রান্ ।
উ॒প॒বে॒ষ-ম্মেক্ষ॑ণ॒-ন্ধৃষ্টি᳚ম্ । সম্ভ॑রামি সুস॒ভৃন্তা᳚ ॥ যা জা॒তা ওষ॑ধয়ঃ । দে॒বেভ্য়॑ স্ত্রিয়ু॒গ-ম্পু॒রা । তাসা॒-ম্পর্ব॑ রাদ্ধ্য়াসম্ । প॒রি॒স্ত॒র-মা॒হরন্ন্॑ ॥
অ॒পা-ম্মেদ্ধ্য়ং॑-য়ঁ॒জ্ঞিয়᳚ম্ ।
সদে॑বগ্​ম্ শি॒বম॑স্তু মে ॥ 32 ॥

আ॒চ্ছে॒ত্তা বো॒ মা রি॑ষম্ । জীবা॑নি শ॒রদ॑-শ্শ॒তম্ ॥ অপ॑রিমিতানা॒-ম্পরি॑মিতাঃ । সন্ন॑হ্য়ে সুকৃ॒তায়॒কম্ । এনো॒ মা নিগা᳚-ঙ্কত॒মচ্চ॒ নাহম্ । পুন॑রু॒ত্থায়॑ বহু॒লা ভ॑বন্তু ॥ স॒কৃ॒দা॒চ্ছি॒ন্ন-ম্ব॒র্॒হিরূর্ণা॑মৃদু ।
স্য়ো॒ন-ম্পি॒তৃভ্য়॑স্ত্বা ভরাম্য়॒হম্ । অ॒স্মি-ন্থ্সী॑দন্তু মে পি॒তর॑-স্সো॒ম্য়াঃ ।
পি॒তা॒ম॒হাঃ প্রপি॑তামহাশ্চানু॒গৈ-স্স॒হ ॥ 33 ॥

ত্রি॒বৃ-ত্প॑লা॒শে দ॒র্ভঃ । ইয়া᳚-ন্প্রাদে॒শ স॑মিন্তঃ । য॒জ্ঞে প॒বিত্র॒-ম্পোতৃ॑তমম্ । পয়ো॑ হ॒ব্য়-ঙ্ক॑রোতু মে ॥ ই॒মৌ প্রা॑ণাপা॒নৌ ।
য॒জ্ঞস্য়াঙ্গা॑নি সর্ব॒শঃ । আ॒প্য়া॒যয়॑ন্তৌ॒ সঞ্চ॑রতাম্ । প॒বিত্রে॑ হব্য়॒শোধ॑নে ॥
প॒বিত্রে᳚ স্থো বৈষ্ণ॒বী । বা॒য়ুর্বা॒-ম্মন॑সা পুনাতু ॥ 34 ॥

অ॒য়-ম্প্রা॒ণশ্চা॑পা॒নশ্চ॑ । যজ॑মান॒-মপি॑গচ্ছতাম্ । য॒জ্ঞে হ্যভূ॑তা॒-ম্পোতা॑রৌ ।
প॒বিত্রে॑ হব্য়॒শোধ॑নে ॥ ত্বয়া॒ বেদিং॑-বিঁবিদুঃ পৃথি॒বীম্ । ত্বয়া॑ য॒জ্ঞো জা॑যতে বিশ্ব॒দানিঃ॑ । অচ্ছি॑দ্রং-য়ঁ॒জ্ঞমন্বে॑ষি বি॒দ্বান্ ।
ত্বয়া॒ হোতা॒ সন্ত॑নোত্যর্ধমা॒সান্ ॥ ত্র॒য়॒স্ত্রি॒গ্​ম্॒শো॑-ঽসি॒ তন্তূ॑নাম্ ।
প॒বিত্রে॑ণ স॒হাগ॑হি ॥ 35 ॥

শি॒বেয়গ্​ম্ রজ্জু॑রভি॒ধানী᳚ । অ॒ঘ্নি॒য়া-মুপ॑সেবতাম্ ॥ অপ্র॑স্রগ্​ম্সায় য॒জ্ঞস্য়॑ ।
উ॒খে উপ॑দধাম্য়॒হম্ । প॒শুভি॒-স্সন্নী॑ত-ম্বিভৃতাম্ । ইন্দ্রা॑য় শৃ॒ত-ন্দধি॑ ॥
উ॒প॒বে॒ষো॑-ঽসি য॒জ্ঞায়॑ । ত্বা-ম্প॑রিবে॒ষ-ম॑ধারযন্ন্ । ইন্দ্রা॑য় হ॒বিঃ কৃ॒ণ্বন্তঃ॑ ।
শি॒ব-শ্শ॒গ্মো ভ॑বাসি নঃ ॥ 36 ॥

অমৃ॑ন্ময়-ন্দেবপা॒ত্রম্ । য॒জ্ঞস্য়ায়ু॑ষি॒ প্রয়ু॑জ্যতাম্ । তি॒রঃ॒ প॒বি॒ত্রমতি॑নীতাঃ ।
আপো॑ ধারয়॒ মা-ঽতি॑গুঃ ॥ দে॒বেন॑ সবি॒ত্রোত্পূ॑তাঃ । বসো॒-স্সূর্য়॑স্য় র॒শ্মিভিঃ॑ । গা-ন্দো॑হপবি॒ত্রে রজ্জু᳚ম্ । সর্বা॒ পাত্রা॑ণি শুন্ধত ॥ এ॒তা আচ॑রন্তি॒ মধু॑ম॒দ্দুহা॑নাঃ ।
প্র॒জাব॑তী-র্য়॒শসো॑ বি॒শ্বরূ॑পাঃ ॥ 37 ॥

ব॒হ্বী র্ভব॑ন্তী॒রুপ॒ জায়॑মানাঃ । ই॒হ ব॒ ইন্দ্রো॑ রমযতু গাবঃ ॥ পূ॒ষা স্থ॑ ॥ অ॒য়॒ক্ষ্মা বঃ॑ প্র॒জয়া॒ সগ্​ম্সৃ॑জামি ।
রা॒যস্পোষে॑ণ বহু॒লা ভব॑ন্তীঃ । ঊর্জ॒-ম্পয়ঃ॒ পিন্ব॑মানা ঘৃ॒ত-ঞ্চ॑ ।
জী॒বো জীব॑ন্তী॒রুপ॑ ব-স্সদেযম্ ॥ দ্য়ৌশ্চে॒মং-য়ঁ॒জ্ঞ-ম্পৃ॑থি॒বী চ॒ সন্দু॑হাতাম্ ।
ধা॒তা সোমে॑ন স॒হ বাতে॑ন বা॒য়ুঃ । যজ॑মানায়॒ দ্রবি॑ণ-ন্দধাতু ॥ 38 ॥

উথ্স॑-ন্দুহন্তি ক॒লশ॒-ঞ্চতু॑র্বিলম্ । ইডা᳚-ন্দে॒বী-ম্মধু॑মতীগ্​ম্ সুব॒র্বিদ᳚ম্ ।
তদি॑ন্দ্রা॒গ্নী জি॑ন্বতগ্​ম্ সূ॒নৃতা॑বত্ । ত-দ্যজ॑মান-মমৃত॒ত্বে দ॑ধাতু ॥
কাম॑ধুক্ষঃ॒ প্রণো᳚ ব্রূহি । ইন্দ্রা॑য় হ॒বিরি॑ন্দ্রি॒যম্ ॥ অ॒মূং-য়ঁস্য়া᳚-ন্দে॒বানা᳚ম্ ।
ম॒নু॒ষ্য়া॑ণা॒-ম্পয়ো॑ হি॒তম্ ॥ ব॒হু দু॒গ্ধীন্দ্রা॑য় দে॒বেভ্য়ঃ॑ ।
হ॒ব্য়-মাপ্য়া॑যতা॒-ম্পুনঃ॑ ॥ 39 ॥

ব॒থ্সেভ্য়ো॑ মনু॒ষ্য়ে᳚ভ্য়ঃ । পু॒ন॒র্দো॒হায়॑ কল্পতাম্ ॥ য॒জ্ঞস্য়॒ সন্ত॑তিরসি ।
য॒জ্ঞস্য়॑ ত্বা॒ সন্ত॑তি॒মনু॒সন্ত॑নোমি ॥ অদ॑স্তমসি॒ বিষ্ণ॑বে ত্বা ।
য॒জ্ঞায়াপি॑ দধাম্য়॒হম্ । অ॒দ্ভিররি॑ক্তেন॒ পাত্রে॑ণ । যাঃ পূ॒তাঃ প॑রি॒শের॑তে ॥
অ॒য়-ম্পয়॒-স্সোম॑-ঙ্কৃ॒ত্বা । স্বাং-য়োঁনি॒-মপি॑গচ্ছতু ॥ 40 ॥

প॒র্ণ॒ব॒ল্কঃ প॒বিত্র᳚ম্ । সৌ॒ম্য়-স্সোমা॒দ্ধি নির্মি॑তঃ ॥ ই॒মৌ প॒র্ণ-ঞ্চ॑ দ॒র্ভ-ঞ্চ॑ ।
দে॒বানাগ্​ম্॑ হব্য়॒শোধ॑নৌ । প্রা॒ত॒র্বে॒ষায়॑ গোপায় । বিষ্ণো॑ হ॒ব্য়গ্​ম্ হি রক্ষ॑সি ॥
উ॒ভাব॒গ্নী উ॑পস্তৃণ॒তে । দে॒বতা॒ উপ॑বসন্তু মে । অ॒হ-ঙ্গ্রা॒ম্য়া-নুপ॑বসামি ।
মহ্য়॒-ঙ্গোপ॑তয়ে প॒শূন্ ॥ 41 ॥
[আভৃ॑ত - ই॒মং - গৃ॑হ্ণামি॒ পূর্ব॒ - স্তাঃ পুর্বঃ॒ পরি॑গৃহ্ণামি - সভাপা॒লা - ইন্দ্র॑জ্য়েষ্ঠেভ্য়॒-আদি॑ত্য় ব্রতপতে-সুস॒ভ্রুন্তা॑ - মে - স॒হ - পু॑নাতু - গহি - নো - বি॒শ্বরূ॑পা - দধাতু॒ - পুন॑--র্ গচ্ছতু - প॒শুন্ ] (অ. 4)

যাঃ পু॒রস্তা॑দি॒মামূর্জ॑মি॒হ প্র॒জা ই॒হ প॒শবো॒-ঽয়-ম্পি॑তৃ॒ণাম॒গ্নিঃ

অনুবাকং 5 - ঐষ্টিকয়াজমানমন্ত্রাঃ
দেবা॑ দে॒বেষু॒ পরা᳚ক্রমদ্ধ্বম্ । প্রথ॑মা দ্বি॒তীয়ে॑ষু । দ্বিতী॑য়া-স্তৃ॒তীয়ে॑ষু ।
ত্রিরে॑কাদশা ই॒হ মা॑-ঽবত । ই॒দগ্​ম্ শ॑কেয়ং॒-য়ঁদি॒দ-ঙ্ক॒রোমি॑ ।
আ॒ত্মা ক॑রোত্বা॒ত্মনে᳚ । ই॒দ-ঙ্ক॑রিষ্য়ে ভেষ॒জম্ । ই॒দ-ম্মে॑ বিশ্বভেষজা ।
অশ্বি॑না॒ প্রাব॑তং-য়ুঁ॒বম্ ॥ ই॒দম॒হগ্​ম্ সেনা॑য়া অ॒ভীত্ব॑র্য়ৈ ॥ 42 ॥

মুখ॒মপো॑হামি ॥ সূর্য়॑জ্য়োতি॒ র্বিভা॑হি । ম॒হ॒ত ই॑ন্দ্রি॒য়ায়॑ ॥ আপ্য়া॑যতা-ঙ্ঘৃ॒তয়ো॑নিঃ । অ॒গ্নির্-হ॒ব্য়া-ঽনু॑মন্যতাম্ ।
খম॑ঙ্ক্ষ্ব॒ ত্বচ॑মঙ্ক্ষ্ব । সু॒রূ॒প-ন্ত্বা॑ বসু॒বিদ᳚ম্ । প॒শূ॒না-ন্তেজ॑সা ।
অ॒গ্নয়ে॒ জুষ্ট॑-ম॒ভিঘা॑রয়ামি ॥ স্য়ো॒ন-ন্তে॒ সদ॑ন-ঙ্করোমি ॥ 43 ॥

ঘৃ॒তস্য়॒ ধার॑য়া সু॒শেব॑-ঙ্কল্পয়ামি ॥
তস্মি᳚ন্-থ্সীদা॒মৃতে॒ প্রতি॑তিষ্ঠ ।
ব্রী॒হী॒ণা-ম্মে॑ধ সুমন॒স্যমা॑নঃ ॥
আ॒র্দ্রঃ প্র॑থস্নু॒-র্ভুব॑নস্য় গো॒পাঃ ।
শৃ॒ত উথ্স্না॑তি জনি॒তা ম॑তী॒নাম্ ॥
যস্ত॑ আ॒ত্মা প॒শুষু॒ প্রবি॑ষ্টঃ ।
দে॒বানাং᳚-বিঁ॒ষ্ঠামনু॒ যো বি॑ত॒স্থে ।
আ॒ত্ম॒ন্বা-ন্থ্সো॑ম ঘৃ॒তবা॒ন্॒. হি ভূ॒ত্বা ।
দে॒বা-ন্গ॑চ্ছ॒ সুব॑র্বিন্দ॒ যজ॑মানায়॒ মহ্য়᳚ম্ ॥ ইরা॒ ভূতিঃ॑ পৃথি॒ব্য়ৈ রসো॒ মোত্ক্র॑মীত্ ॥ 44 ॥

দেবাঃ᳚ পিতরঃ॒ পিত॑রো দেবাঃ । যো॑-ঽহম॑স্মি॒ স সন্. য॑জে । যস্য়া᳚স্মি॒ ন তম॒ন্তরে॑মি । স্ব-ম্ম॑ ই॒ষ্টগ্গ্​ স্ব-ন্দ॒ত্তম্ । স্ব-ম্পূ॒র্তগ্গ্​ স্বগ্গ্​ শ্রা॒ন্তম্ । স্বগ্​ম্ হু॒তম্ । তস্য়॑ মে॒-ঽগ্নি-রু॑পদ্র॒ষ্টা । বা॒য়ুরু॑পশ্রো॒তা ।
আ॒দি॒ত্য়ো॑-ঽনুখ্য়া॒তা । দ্য়ৌঃ পি॒তা ॥ 45 ॥

পৃ॒থি॒বী মা॒তা । প্র॒জাপ॑তি॒ র্বন্ধুঃ॑ ।
য এ॒বাস্মি॒ স সন্. য॑জে ॥ মা ভের্মা সং​বিঁ॑ক্থা॒ মা ত্বা॑ হিগ্​ম্সিষম্ । মা তে॒ তেজো-ঽপ॑ক্রমীত্ ।
ভ॒র॒তমুদ্ধ॑রে॒ মনু॑ষিঞ্চ । অ॒ব॒দানা॑নি তে প্র॒ত্যব॑দাস্য়ামি ।
নম॑স্তে অস্তু॒ মা মা॑ হিগ্​ম্সীঃ ॥ যদ॑ব॒দানা॑নি তে-ঽব॒দ্যন্ন্ । বিলো॒মাকা॑র্​ষমা॒ত্মনঃ॑ ॥ 46 ॥

আজ্য়ে॑ন॒ প্রত্য়॑নজ্ম্য়েনত্ । তত্ত॒ আপ্য়া॑যতা॒-ম্পুনঃ॑ ॥ অজ্য়া॑য়ো যবমা॒ত্রাত্ ।
আ॒ব্য়া॒ধা-ত্কৃ॑ত্যতামি॒দম্ । মা রূ॑রুপাম য॒জ্ঞস্য়॑ । শু॒দ্ধগ্গ্​ স্বি॑ষ্টমি॒দগ্​ম্ হ॒বিঃ ॥ মনু॑না দৃ॒ষ্টা-ঙ্ঘৃ॒তপ॑দীম্ । মি॒ত্রাবরু॑ণসমীরিতাম্ । দ॒ক্ষি॒ণা॒র্ধাদস॑ভিন্ন্দন্ন্ । অব॑দ্য়া-ম্য়েক॒তো মু॑খাম্ ॥ 47 ॥

ইডে॑ ভা॒গ-ঞ্জু॑ষস্ব নঃ । জিন্ব॒ গা জিন্বার্ব॑তঃ । তস্য়া᳚স্তে ভক্ষি॒বাণ॑-স্স্য়াম । স॒র্বাত্মা॑ন-স্স॒র্বগ॑ণাঃ ॥ ব্রদ্ধ্ন॒ পিন্ব॑স্ব ।
দদ॑তো মে॒ মা ক্ষা॑য়ি । কু॒র্ব॒তো মে॒ মোপ॑দসত্ । দি॒শা-ঙ্ক্লৃপ্তি॑রসি । দিশো॑ মে কল্পন্তাম্ । কল্প॑ন্তা-ম্মে॒ দিশঃ॑ ॥ 48 ॥

দৈবী᳚শ্চ॒ মানু॑ষীশ্চ । অ॒হো॒রা॒ত্রে মে॑ কল্পেতাম্ । অ॒র্ধ॒মা॒সা মে॑ কল্পন্তাম্ । মাসা॑ মে কল্পন্তাম্ । ঋ॒তবো॑ মে কল্পন্তাম্ । সং॒​বঁ॒থ্স॒রো মে॑ কল্পতাম্ ।
ক্লৃপ্তি॑রসি॒ কল্প॑তা-ম্মে ॥
আশা॑না-ন্ত্বা-ঽঽশাপা॒লেভ্য়ঃ॑ ।
চ॒তুর্ভ্য়ো॑ অ॒মৃতে᳚ভ্য়ঃ ।
ই॒দ-ম্ভূ॒তস্য়া-দ্ধ্য়॑ক্ষেভ্য়ঃ ॥ 49 ॥

বি॒ধেম॑ হ॒বিষা॑ ব॒যম্ । ভজ॑তা-ম্ভা॒গী ভা॒গম্ । মা-ঽভা॒গো-ঽভ॑ক্ত ।
নির॑ভা॒গ-ম্ভ॑জামঃ । অ॒পস্পি॑ন্ব । ওষ॑ধীর্জিন্ব । দ্বি॒পাত্পা॑হি । চতু॑ষ্পাদব । দি॒বো বৃষ্টি॒মের॑য় । ব্রা॒হ্ম॒ণানা॑-মি॒দগ্​ম্ হ॒বিঃ ॥ 50 ॥

সো॒ম্য়ানাগ্​ম্॑ সোমপী॒থিনা᳚ম্ । নির্ভ॒ক্তো ব্রা᳚হ্মণঃ । নেহা-ব্রা᳚হ্মণস্য়াস্তি ॥
সম॑ঙ্ক্তা-ম্ব॒র॒ঃইর্-হ॒বিষা॑ ঘৃ॒তেন॑ । সমা॑দি॒ত্য়ৈ র্বসু॑ভি॒-স্স-ম্ম॒রুদ্ভিঃ॑ ।
সমিন্দ্রে॑ণ॒ বিশ্বে॑ভি র্দে॒বেভি॑রঙ্ক্তাম্ ।
দি॒ব্য়-ন্নভো॑ গচ্ছতু॒ য-থ্স্বাহা᳚ ॥
ই॒ন্দ্রা॒ণী বা॑ বিধ॒বা ভূ॑য়াসম্ । অদি॑তিরিব সুপু॒ত্রা ।
অ॒স্থূ॒রি ত্বা॑ গার্​হপত্য় ॥ 51 ॥

উপ॒নিষ॑দে সুপ্রজা॒স্ত্বায়॑ ॥
স-ম্পত্নী॒ পত্য়া॑ সুকৃ॒তেন॑ গচ্ছতাম্ ।
য॒জ্ঞস্য়॑ যু॒ক্তৌ ধুর্য়া॑বভূতাম্ ।
স॒জা॒ন্না॒নৌ বিজ॑হতা॒-মরা॑তীঃ ।
দি॒বি জ্য়োতি॑র॒জ-র॒মার॑ভেতাম্ ॥
দশ॑ তে ত॒নুবো॑ যজ্ঞ য॒জ্ঞিয়াঃ᳚ ।
তাঃ প্রী॑ণাতু॒ যজ॑মানো ঘৃ॒তেন॑ । না॒রি॒ষ্ঠয়োঃ᳚ প্র॒শিষ॒মীড॑মানঃ ।
দে॒বানা॒-ন্দৈব্য়ে-ঽপি॒ যজ॑মানো॒-ঽমৃতো॑-ঽভূত্ ॥
যং-বাঁ᳚-ন্দে॒বা অ॑কল্পযন্ন্ ॥ 52 ॥

ঊ॒র্জো ভা॒গগ্​ম্ শ॑তক্রতূ । এ॒তদ্বা॒-ন্তেন॑ প্রীণানি । তেন॑ তৃপ্যতমগ্​ম্হহৌ ॥ অ॒হ-ন্দে॒বানাগ্​ম্॑ সু॒কৃতা॑মস্মি লো॒কে ।
মমে॒দমি॒ষ্ট-ন্ন মিথু॑ র্ভবাতি । অ॒হ-ন্না॑রি॒ষ্ঠা-বনু॑যজামি বি॒দ্বান্ ।
যদা᳚ভ্য়া॒-মিন্দ্রো॒ অদ॑ধা-দ্ভাগ॒ধেয়᳚ম্ ॥ অদা॑রসৃদ্ভবত দেব সোম ।
অ॒স্মিন্. য॒জ্ঞে ম॑রুতো মৃডতা নঃ ।
মা নো॑ বিদদ॒ভি ভা॒মো অশ॑স্তিঃ ॥ 53 ॥

মা নো॑ বিদ-দ্ব॒জনা॒ দ্বেষ্য়া॒ যা ॥
ঋ॒ষ॒ভং-বাঁ॒জিনং॑-বঁ॒যম্ ।
পূ॒র্ণমা॑সং-য়ঁজামহে । স নো॑ দোহতাগ্​ম্ সু॒বীর্য়᳚ম্ । রা॒যস্পোষগ্​ম্॑ সহ॒স্রিণ᳚ম্ । প্রা॒ণায়॑ সু॒রাধ॑সে । পূ॒র্ণমা॑সায়॒ স্বাহা᳚ ॥
অ॒মা॒বা॒স্য়া॑ সু॒ভগা॑ সু॒শেবা᳚ । ধে॒নুরি॑ব॒ ভূয়॑ আ॒প্য়ায়॑মানা । সা নো॑ দোহতাগ্​ম্ সু॒বীর্য়᳚ম্ । রা॒যস্পোষগ্​ম্॑ সহ॒স্রিণ᳚ম্ ।
অ॒পা॒নায়॑ সু॒রাধ॑সে । অ॒মা॒বা॒স্য়া॑য়ৈ॒ স্বাহা᳚ ॥ অ॒ভিস্তৃ॑ণীহি॒ পরি॑ধেহি॒ বেদি᳚ম্ ।
জা॒মি-ম্মা হিগ্​ম্॑সীরমু॒য়া শয়া॑না ।
হো॒তৃ॒ষদ॑না॒ হরি॑তা-স্সু॒বর্ণাঃ᳚ । নি॒ষ্কা ই॒মে যজ॑মানস্য় ব্র॒দ্ধ্নে ॥ 54 ॥
(অ॒ভীত্ব॑র্য়ৈ - করোমি - ক্রমীত্ - পি॒তা - ঽঽত্মন॑ - এক॒তোমু॑খাং - মে॒ দিশো - ঽধ্য়॑ক্ষেভ্য়ো - হ॒বি--র্ গা॑র্​হপত্য়া - কল্পয়॒ - ন্নশ॑স্তিঃ॒ - সা নো॑ দোহতাগ্​ম্ সু॒বীর্য়গ্​ম্॑ স॒প্ত চ॑) (অ. 5)

অনুবাকং 6 - ঐষ্টিকয়াজমানমন্ত্রাঃ
পরি॑স্তৃণীত॒ পরি॑ধত্তা॒গ্নিম্ । পরি॑হিতো॒-ঽগ্নি র্যজ॑মান-ম্ভুনক্তু । অ॒পাগ্​ম্ রস॒ ওষ॑ধীনাগ্​ম্ সু॒বর্ণঃ॑ । নি॒ষ্কা ই॒মে যজ॑মানস্য় সন্তু কাম॒দুঘাঃ᳚ । অ॒মুত্রা॒মুষ্মি॑ন্ ঁলো॒কে ॥
ভূপ॑তে॒ ভুব॑নপতে । ম॒হ॒তো ভূ॒তস্য়॑ পতে । ব্র॒হ্মাণ॑-ন্ত্বা বৃণীমহে ॥
অ॒হ-ম্ভূপ॑তির॒হ-ম্ভুব॑নপতিঃ ।
অ॒হ-ম্ম॑হ॒তো ভূ॒তস্য়॒ পতিঃ॑ ॥ 55 ॥

দে॒বেন॑ সবি॒ত্রা প্রসূ॑ত॒ আর্ত্বি॑জ্য়-ঙ্করিষ্য়ামি । দেব॑ সবিতরে॒ত-ন্ত্বা॑ বৃণতে ।
বৃহ॒স্পতি॒-ন্দৈব্য়॑-ম্ব্র॒হ্মাণ᳚ম্ । তদ॒হ-ম্মন॑সে॒ প্রব্র॑বীমি । মনো॑ গাযত্রি॒য়ৈ ।
গা॒য়॒ত্রী ত্রি॒ষ্টুভে᳚ । ত্রি॒ষ্টু-ব্জগ॑ত্য়ৈ । জগ॑ত্যনু॒ষ্টুভে᳚ । অ॒নু॒ষ্টু-ক্প॒ঙ্ক্ত্য়ৈ । প॒ঙ্ক্তিঃ প্র॒জাপ॑তয়ে ॥ 56 ॥

প্র॒জাপ॑তি॒ র্বিশ্বে᳚ভ্য়ো দে॒বেভ্য়ঃ॑ । বিশ্বে॑ দে॒বা বৃহ॒স্পত॑য়ে । বৃহ॒স্পতি॒-র্ব্রহ্ম॑ণে ।
ব্রহ্ম॒ ভূর্ভুব॒-স্সুবঃ॑ । বৃহ॒স্পতি॑ র্দে॒বানা᳚-ম্ব্র॒হ্মা । অ॒হ-ম্ম॑নু॒ষ্য়া॑ণাম্ । বৃহ॑স্পতে য॒জ্ঞ-ঙ্গো॑পায় ॥ ই॒দ-ন্তস্মৈ॑ হ॒র্ম্য়-ঙ্ক॑রোমি । যো বো॑ দেবা॒শ্চর॑তি ব্রহ্ম॒চর্য়᳚ম্ । মে॒ধা॒বী দি॒ক্ষু মন॑সা তপ॒স্বী ॥ 57 ॥

অ॒ন্তর্দূ॒তশ্চ॑রতি॒ মানু॑ষীষু ॥
চতু॑-শ্শিখণ্ডা যুব॒তি-স্সু॒পেশাঃ᳚ ।
ঘৃ॒তপ্র॑তীকা॒ ভুব॑নস্য়॒ মদ্ধ্য়ে᳚ । ম॒র্মৃ॒জ্যমা॑না মহ॒তে সৌভ॑গায় ।
মহ্য়॑-ন্ধুক্ষ্ব॒ যজ॑মানায়॒ কামান্॑ ॥
ভূমি॑ র্ভূ॒ত্বা ম॑হি॒মান॑-ম্পুপোষ ।
ততো॑ দে॒বী ব॑র্ধযতে॒ পয়াগ্​ম্॑সি ।
য॒জ্ঞিয়া॑ য॒জ্ঞং-বিঁচ॒যন্তি॒ শঞ্চ॑ ।
ওষ॑ধী॒রাপ॑ ই॒হ শক্ব॑রীশ্চ ॥
যো মা॑ হৃ॒দা মন॑সা॒ যশ্চ॑ বা॒চা ॥ 58 ॥

যো ব্রহ্ম॑ণা॒ কর্ম॑ণা॒ দ্বেষ্টি॑ দেবাঃ ।
য-শ্শ্রু॒তেন॒ হৃদ॑য়েনেষ্ণ॒তা চ॑ ।
তস্য়ে᳚ন্দ্র॒ বজ্রে॑ণ॒ শির॑শ্ছিনদ্মি ॥
ঊর্ণা॑মৃদু॒ প্রথ॑মানগ্গ্​ স্য়ো॒নম্ ।
দে॒বেভ্য়ো॒ জুষ্ট॒গ্​ম্॒ সদ॑নায় ব॒র্॒হিঃ । সু॒ব॒র্গে লো॒কে যজ॑মান॒গ্​ম্॒ হি ধে॒হি ।
মা-ন্নাক॑স্য় পৃ॒ষ্ঠে প॑র॒মে ব্য়ো॑মন্ন্ ॥ চতু॑-শ্শিখণ্ডা যুব॒তি-স্সু॒পেশাঃ᳚ ।
ঘৃ॒তপ্র॑তীকা ব॒য়ুনা॑নি বস্তে ।
সা স্তী॒র্যমা॑ণা মহ॒তে সৌভ॑গায় ॥ 59 ॥

সা মে॑ ধুক্ষ্ব॒ যজ॑মানায়॒ কামান্॑ ।
শি॒বা চ॑ মে শ॒গ্মা চৈ॑ধি ।
স্য়ো॒না চ॑ মে সু॒ষদা॑ চৈধি ।
ঊর্জ॑স্বতী চ মে॒ পয়॑স্বতী চৈধি ।
ইষ॒মূর্জ॑-ম্মে পিন্বস্ব । ব্রহ্ম॒ তেজো॑ মে পিন্বস্ব । ক্ষ॒ত্রমোজো॑ মে পিন্বস্ব ।
বিশ॒-ম্পুষ্টি॑-ম্মে পিন্বস্ব ।
আয়ু॑র॒ন্নাদ্য়॑-ম্মে পিন্বস্ব ।
প্র॒জা-ম্প॒শূ-ন্মে॑ পিন্বস্ব ॥ 60 ॥

অ॒স্মিন্. য॒জ্ঞ উপ॒ ভূয়॒ ইন্নু মে᳚ ।
অবি॑ক্ষোভায় পরি॒ধীন্দ॑ধামি ।
ধ॒র্তা ধ॒রুণো॒ ধরী॑য়ান্ ।
অ॒গ্নি র্দ্বেষাগ্​ম্॑সি॒ নিরি॒তো নু॑দাতৈ ॥
বিচ্ছি॑নদ্মি॒ বিধৃ॑তীভ্য়াগ্​ম্ স॒পত্নান্॑ ।
জা॒তা-ন্ভ্রাতৃ॑ব্য়া॒ন্॒. যে চ॑ জনি॒ষ্যমা॑ণাঃ ।
বি॒শো য॒ন্ত্রাভ্য়াং॒-বিঁধ॑মাম্য়েনান্ । অ॒হগ্গ্​স্বানা॑-মুত্ত॒মো॑-ঽসানি দেবাঃ ।
বি॒শো য॒ন্ত্রে নু॒দমা॑নে॒ অরা॑তিম্ । বিশ্ব॑-ম্পা॒প্মান॒মম॑তি-ন্দুর্মরা॒য়ুম্ ॥ 61 ॥

সীদ॑ন্তী দে॒বী সু॑কৃ॒তস্য়॑ লো॒কে ।
ধৃতী᳚ স্থো॒ বিধৃ॑তী॒ স্বধৃ॑তী ।
প্রা॒ণান্ময়ি॑ ধারযতম্ । প্র॒জা-ম্ময়ি॑ ধারযতম্ । প॒শূন্ময়ি॑ ধারযতম্ ॥
অ॒য়-ম্প্র॑স্ত॒র উ॒ভয়॑স্য় ধ॒র্তা ।
ধ॒র্তা প্র॑য়া॒জানা॑-মু॒তানূ॑য়া॒জানা᳚ম্ ।
স দা॑ধার স॒মিধো॑ বি॒শ্বরূ॑পাঃ ।
তস্মি॒ন্-থ্স্রুচো॒ অদ্ধ্য়াসা॑দয়ামি ॥
আরো॑হ প॒থো জু॑হু দেব॒য়ানান্॑ ॥ 62 ॥

যত্রর্​ষ॑য়ঃ প্রথম॒জা যে পু॑রা॒ণাঃ । হির॑ণ্যপক্ষা-ঽজি॒রা সম্ভৃ॑তাঙ্গা ।
বহা॑সি মা সু॒কৃতাং॒-য়ঁত্র॑ লো॒কাঃ ॥
অবা॒হ-ম্বা॑ধ উপ॒ভৃতা॑ স॒পত্নান্॑ ।
জা॒তা-ন্ভ্রাতৃ॑ব্য়া॒ন্॒. যে চ॑ জনি॒ষ্যমা॑ণাঃ । দোহৈ॑ য॒জ্ঞগ্​ম্ সু॒দুঘা॑মিব ধে॒নুম্ ।
অ॒হমুত্ত॑রো ভূয়াসম্ । অধ॑রে॒ মথ্স॒পত্নাঃ᳚ ॥
যো মা॑ বা॒চা মন॑সা দুর্মরা॒য়ুঃ ।
হৃ॒দা-ঽরা॑তী॒য়া-দ॑ভি॒দাস॑-দগ্নে ॥ 63 ॥

ই॒দম॑স্য় চি॒ত্তমধ॑র-ন্ধ্রু॒বায়াঃ᳚ । অ॒হমুত্ত॑রো ভূয়াসম্ । অধ॑রে॒ মথ্স॒পত্নাঃ᳚ ॥
ঋ॒ষ॒ভো॑-ঽসি শাক্ব॒রঃ । ঘৃ॒তাচী॑নাগ্​ম্ সূ॒নুঃ । প্রি॒য়েণ॒ নাম্না᳚ প্রি॒য়ে সদ॑সি সীদ ॥
স্য়ো॒নো মে॑ সীদ সু॒ষদঃ॑ পৃথি॒ব্য়াম্ ।
প্রথ॑য়ি প্র॒জয়া॑ প॒শুভি॑-স্সুব॒র্গে লো॒কে ।
দি॒বি সী॑দ পৃথি॒ব্য়া-ম॒ন্তরি॑ক্ষে ।
অ॒হমুত্ত॑রো ভূয়াসম্ ॥ 64 ॥

অধ॑রে॒ মথ্স॒পত্নাঃ᳚ ॥
ই॒যগ্গ্​ স্থা॒লী ঘৃ॒তস্য়॑ পূ॒র্ণা ।
অচ্ছি॑ন্নপয়া-শ্শ॒তধা॑র॒ উথ্সঃ॑ ।
মা॒রু॒তেন॒ শর্ম॑ণা॒ দৈব্য়ে॑ন ॥
য॒জ্ঞো॑-ঽসি স॒র্বত॑-শ্শ্রি॒তঃ । স॒র্বতো॒ মা-ম্ভূ॒ত-ম্ভ॑বি॒ষ্য়-চ্ছ্র॑যতাম্ । শ॒ত-ম্মে॑ সন্ত্বা॒শিষঃ॑ । স॒হস্র॑-ম্মে সন্তু সূ॒নৃতাঃ᳚ । ইরা॑বতীঃ পশু॒মতীঃ᳚ । প্র॒জাপ॑তিরসি স॒র্বত॑-শ্শ্রি॒তঃ ॥ 65 ॥
স॒র্বতো॒ মা-ম্ভূ॒ত-ম্ভ॑বি॒ষ্য়-চ্ছ্র॑যতাম্ । শ॒ত-ম্মে॑ সন্ত্বা॒শিষঃ॑ ।
স॒হস্র॑-ম্মে সন্তু সূ॒নৃতাঃ᳚ । ইরা॑বতীঃ পশু॒মতীঃ᳚ ॥ ই॒দমি॑ন্দ্রি॒য়-ম॒মৃতং॑-বীঁ॒র্য়᳚ম্ । অ॒নেনেন্দ্রা॑য় প॒শবো॑-ঽচিকিথ্সন্ন্ ।
তেন॑ দেবা অব॒তোপ॒ মাম্ । ই॒হেষ॒মূর্জং॒-য়ঁশ॒-স্সহ॒ ওজ॑-স্সনেযম্ । শৃ॒ত-ম্ময়ি॑ শ্রযতাম্ ॥ য-ত্পৃ॑থি॒বী-মচ॑র॒ত্তত্-প্রবি॑ষ্টম্ ॥ 66 ॥

যেনাসি॑ঞ্চ॒-দ্বল॒মিন্দ্রে᳚ প্র॒জাপ॑তিঃ ।
ই॒দ-ন্তচ্ছু॒ক্র-ম্মধু॑ বা॒জিনী॑বত্ ।
যেনো॒-পরি॑ষ্টা॒দধি॑নো-ন্মহে॒ন্দ্রম্ ।
দধি॒ মা-ন্ধি॑নোতু ॥
অ॒য়ং-বেঁ॒দঃ পৃ॑থি॒বী-মন্ব॑বিন্দত্ ।
গুহা॑ স॒তী-ঙ্গহ॑নে॒ গহ্ব॑রেষু ।
স বি॑ন্দতু॒ যজ॑মানায় লো॒কম্ ।
অচ্ছি॑দ্রং-য়ঁ॒জ্ঞ-ম্ভূরি॑কর্মা করোতু ॥
অ॒য়ং-য়ঁ॒জ্ঞ-স্সম॑সদদ্ধ॒বিষ্মান্॑ ।
ঋ॒চা সাম্না॒ যজু॑ষা দে॒বতা॑ভিঃ ॥ 67 ॥

তেন॑ লো॒কান্-থ্সূর্য়॑বতো জয়েম ।
ইন্দ্র॑স্য় স॒খ্য়-ম॑মৃত॒ত্ব-ম॑শ্য়াম্ ॥
যো নঃ॒ কনী॑য় ই॒হ কা॒ময়া॑তৈ ।
অ॒স্মিন্. য॒জ্ঞে যজ॑মানায়॒ মহ্য়᳚ম্ ।
অপ॒ তমি॑ন্দ্রা॒গ্নী ভুব॑নান্নুদেতাম্ ।
অ॒হ-ম্প্র॒জাং-বীঁ॒রব॑তীং-বিঁদেয় ॥
অগ্নে॑ বাজজিত্ । বাজ॑-ন্ত্বা সরি॒ষ্যন্ত᳚ম্ ।
বাজ॑-ঞ্জে॒ষ্যন্ত᳚ম্ । বা॒জিনং॑-বাঁজ॒জিত᳚ম্ ॥ 68 ॥

বা॒জ॒জি॒ত্য়ায়ৈ॒ সম্মা᳚র্জ্মি । অ॒গ্নিম॑ন্না॒-দম॒ন্নাদ্য়া॑য় ॥ উপ॑হূতো॒ দ্য়ৌঃ পি॒তা ।
উপ॒ মা-ন্দ্য়ৌঃ পি॒তা হ্ব॑যতাম্ । অ॒গ্নি-রাগ্নী᳚দ্ধ্রাত্ । আয়ু॑ষে॒ বর্চ॑সে । জী॒বাত্বৈ পুণ্য়া॑য় । উপ॑হূতা পৃথি॒বী মা॒তা । উপ॒ মা-ম্মা॒তা পৃ॑থি॒বী হ্ব॑যতাম্ । অ॒গ্নি-রাগ্নী᳚দ্ধ্রাত্ ॥ 69 ॥

আয়ু॑ষে॒ বর্চ॑সে । জী॒বাত্বৈ পুণ্য়া॑য় ॥
মনো॒ জ্য়োতি॑ র্জুষতা॒মাজ্য়᳚ম্ ।
বিচ্ছি॑ন্নং-য়ঁ॒জ্ঞগ্​ম্ সমি॒ম-ন্দ॑ধাতু । বৃহ॒স্পতি॑-স্তনুতামি॒ম-ন্নঃ॑ ।
বিশ্বে॑ দে॒বা ই॒হ মা॑দযন্তাম্ ॥
য-ন্তে॑ অগ্ন আবৃ॒শ্চামি॑ । অ॒হং-বাঁ᳚ ক্ষিপি॒তশ্চরন্ন্॑ । প্র॒জা-ঞ্চ॒ তস্য়॒ মূল॑-ঞ্চ ।
নী॒চৈর্দে॑বা॒ নিবৃ॑শ্চত ॥ 70 ॥

অগ্নে॒ যো নো॑-ঽভি॒দাস॑তি । স॒মা॒নো যশ্চ॒ নিষ্ট্য়ঃ॑ । ই॒দ্ধ্মস্য়ে॑ব প্র॒ক্ষায়॑তঃ ।
মা তস্য়োচ্ছে॑ষি॒ কিঞ্চ॒ন । যো মা-ন্দ্বেষ্টি॑ জাতবেদঃ । য-ঞ্চা॒হ-ন্দ্বেষ্মি॒ যশ্চ॒ মাম্ । সর্বা॒গ্॒স্তান॑গ্নে॒ সন্দ॑হ ।
যাগ্​শ্চা॒হ-ন্দ্বেষ্মি॒ যে চ॒ মাম্ ॥ অগ্নে॑ বাজজিত্ ।
বাজ॑-ন্ত্বা সসৃ॒বাগ্​ম্স᳚ম্ ॥ 71 ॥

বাজ॑-ঞ্জিগি॒বাগ্​ম্স᳚ম্ । বা॒জিনং॑-বাঁজ॒জিত᳚ম্ । বা॒জ॒জি॒ত্য়ায়ৈ॒ সম্মা᳚র্জ্মি । অ॒গ্নি-ম॑ন্না॒দ-ম॒ন্নাদ্য়া॑য় ॥ বেদি॑ র্ব॒র॒ঃই-শ্শৃ॒তগ্​ম্ হ॒বিঃ ।
ই॒দ্ধ্মঃ প॑রি॒ধয়॒-স্স্রুচঃ॑ । আজ্য়ং॑-য়ঁ॒জ্ঞ ঋচো॒ যজুঃ॑ । যা॒জ্য়া᳚শ্চ বষট্কা॒রাঃ । স-ম্মে॒ সন্ন॑তয়ো নমন্তাম্ ।
ই॒দ্ধ্ম॒সং॒-নহ॑নে হু॒তে ॥ 72 ॥

দি॒বঃ খীলো-ঽব॑ততঃ । পৃ॒থি॒ব্য়া অদ্ধ্য়ুত্থি॑তঃ । তেনা॑ স॒হস্র॑কাণ্ডেন । দ্বি॒ষন্তগ্​ম্॑ শোচয়ামসি । দ্বি॒ষন্মে॑ ব॒হু শো॑চতু ।
ওষ॑ধে॒ মো অ॒হগ্​ম্ শু॑চম্ ॥ যজ্ঞ॒ নম॑স্তে যজ্ঞ । নমো॒ নম॑শ্চ তে যজ্ঞ । শি॒বেন॑ মে॒ সন্তি॑ষ্ঠস্ব । স্য়ো॒নেন॑ মে॒ সন্তি॑ষ্ঠস্ব ॥ 73 ॥

সু॒ভূ॒তেন॑ মে॒ সন্তি॑ষ্ঠস্ব । ব্র॒হ্ম॒ব॒র্চ॒সেন॑ মে॒ সন্তি॑ষ্ঠস্ব ।
য॒জ্ঞস্যর্ধি॒মনু॒ সন্তি॑ষ্ঠস্ব । উপ॑ তে যজ্ঞ॒ নমঃ॑ । উপ॑ তে॒ নমঃ॑ ।
উপ॑ তে॒ নমঃ॑ ॥ ত্রিষ্ফ॒লী ক্রি॒যমা॑ণানাম্ । যো ন্য়॒ঙ্গো অ॑ব॒শিষ্য়॑তে ।
রক্ষ॑সা-ম্ভাগ॒ধেয়᳚ম্ । আপ॒স্ত-ত্প্রব॑হতাদি॒তঃ ॥ 74 ॥

উ॒লূখ॑লে॒ মুস॑লে॒ যচ্চ॒ শূর্পে᳚ ।
আ॒শি॒শ্লেষ॑ দৃ॒ষদি॒ যত্ক॒পালে᳚ ।
অ॒ব॒প্রুষো॑ বি॒প্রুষ॒-স্সং​য়ঁ॑জামি ।
বিশ্বে॑ দে॒বা হ॒বিরি॒দ-ঞ্জু॑ষন্তাম্ ।
য॒জ্ঞে যা বি॒প্রুষ॒-স্সন্তি॑ ব॒হ্বীঃ ।
অ॒গ্নৌ তা-স্সর্বা॒-স্স্বি॑ষ্টা॒-স্সুহু॑তা জুহোমি ॥ উ॒দ্যন্ন॒দ্য় মি॑ত্রমহঃ ।
স॒পত্না᳚ন্মে অনীনশঃ । দিবৈ॑নান্. বি॒দ্য়ুতা॑ জহি ।
নি॒ম্রোচ॒ন্নধ॑রান্ কৃধি ॥ 75 ॥

উ॒দ্যন্ন॒দ্য় বি নো॑ ভজ । পি॒তা পু॒ত্রেভ্য়ো॒ যথা᳚ । দী॒র্ঘা॒য়ু॒ত্বস্য়॑ হেশিষে । তস্য়॑ নো দেহি সূর্য় ॥ উ॒দ্যন্ন॒দ্য় মি॑ত্রমহঃ । আ॒রোহ॒ন্নুত্ত॑রা॒-ন্দিব᳚ম্ । হৃ॒দ্রো॒গ-ম্মম॑ সূর্য় । হ॒রি॒মাণ॑-ঞ্চ নাশয় ॥ শুকে॑ষু মে হরি॒মাণ᳚ম্ ।
রো॒প॒ণাকা॑সু দদ্ধ্মসি ॥ 76 ॥

অথো॑ হারিদ্র॒বেষু॑ মে । হ॒রি॒মাণ॒-ন্নিদ॑দ্ধ্মসি ॥ উদ॑গাদ॒য়-মা॑দি॒ত্য়ঃ ।
বিশ্বে॑ন॒ সহ॑সা স॒হ । দ্বি॒ষন্ত॒-ম্মম॑ র॒ন্ধযন্ন্॑ । মো অ॒হ-ন্দ্বি॑ষ॒তো র॑ধম্ ॥
যো ন॒-শ্শপা॒দশ॑পতঃ । যশ্চ॑ ন॒-শ্শপ॑ত॒-শ্শপা᳚ত্ । উ॒ষাশ্চ॒ তস্মৈ॑ নি॒ম্রুক্চ॑ । সর্ব॑-ম্পা॒পগ্​ম্ সমূ॑হতাম্ ॥ 77 ॥

যো ন॑-স্স॒পত্নো॒ যো রণঃ॑ । মর্তো॑-ঽভি॒দাস॑তি দেবাঃ। ই॒দ্ধ্মস্য়ে॑ব প্র॒ক্ষায়॑তঃ ।
মা তস্য়োচ্ছে॑ষি॒ কিঞ্চ॒ন ॥ অব॑সৃষ্টঃ॒ পরা॑পত । শ॒রো ব্রহ্ম॑সগ্​ম্শিতঃ ।
গচ্ছা॒-ঽমিত্রা॒-ন্প্রবি॑শ । মৈষা॒-ঙ্কঞ্চ॒নোচ্ছি॑ষঃ ॥ 78 ॥
(পতিঃ॑ - প্র॒জাপ॑তয়ে - তপ॒স্বী - বা॒চা - সৌভ॑গায় - প॒শূন্মে॑ পিন্বস্ব - দুর্মরা॒য়ুং - দে॑ব॒য়ানা॑ - নগ্নে॒ - ঽন্তরি॑ক্ষে॒-ঽহমুত্ত॑রো ভূয়াসং -প্র॒জাপ॑তিরসি স॒র্বত॑-শ্শ্রি॒তঃ - প্রবি॑ষ্টং - দে॒বতা॑ভি--র্ বাজ॒জিতং॑ -
পৃথি॒বী হ্ব॑যতাম॒গ্নিরাগ্নী᳚দ্ধ্রা-দ্- বৃশ্চত - সসৃ॒বাগ্​ম্সগ্​ম্॑ - হু॒তে - স্য়ো॒নেন॑ মে॒ সম্তি॑ষ্ঠস্বে॒ - তঃ - কৃ॑ধি- দধ্ম - স্য়ূহতা - +ম॒ষ্টৌ চ॑) (অ. 6)

অনুবাকং 7 - সোমাঙ্গ.ভূতেষু মন্ত্রেষু-দীক্ষামারভ্য়াগ্নীষোময়ি পশুপর্যন্তে প্রয়োগে শেষভূতা মন্ত্রাঃ
সক্ষে॒দ-ম্প॑শ্য় । বিধ॑র্তরি॒দ-ম্প॑শ্য় । নাকে॒দ-ম্প॑শ্য় । র॒মতিঃ॒ পনি॑ষ্ঠা ।
ঋ॒তং-বঁর্​ষি॑ষ্ঠম্ । অ॒মৃতা॒ যান্য়া॒হুঃ । সূর্য়ো॒ বরি॑ষ্ঠো অ॒ক্ষভি॒র্বিভা॑তি ।
অন॒ দ্য়াবা॑পৃথি॒বী দে॒বপু॑ত্রে ॥ দী॒ক্ষা-ঽসি॒ তপ॑সো॒ যোনিঃ॑ । তপো॑-ঽসি॒ ব্রহ্ম॑ণো॒ যোনিঃ॑ ॥ 79 ॥

ব্রহ্মা॑সি ক্ষ॒ত্রস্য়॒ যোনিঃ॑ । ক্ষ॒ত্রম॑স্য়ৃ॒তস্য়॒ যোনিঃ॑ ।
ঋ॒তম॑সি॒ ভূরার॑ভে । শ্র॒দ্ধা-ম্মন॑সা । দী॒ক্ষা-ন্তপ॑সা । বিশ্ব॑স্য়॒ ভুব॑ন॒স্য়াধি॑পত্নীম্ । সর্বে॒ কামা॒ যজ॑মানস্য় সন্তু ॥
বাত॑-ম্প্রা॒ণ-ম্মন॑সা॒-ঽন্বার॑ভামহে । প্র॒জাপ॑তিং॒-য়োঁ ভুব॑নস্য় গো॒পাঃ ।
স নো॑ মৃ॒ত্য়োস্ত্রা॑যতা॒-ম্পাত্বগ্​ম্হ॑সঃ ॥ 80 ॥

জ্য়োগ্জী॒বা জ॒রাম॑শীমহি ॥ ইন্দ্র॑ শাক্বর গায়॒ত্রী-ম্প্রপ॑দ্য়ে । তা-ন্তে॑ যুনজ্মি । ইন্দ্র॑ শাক্বর ত্রি॒ষ্টুভ॒-ম্প্রপ॑দ্য়ে । তা-ন্তে॑ যুনজ্মি ।
ইন্দ্র॑ শাক্বর॒ জগ॑তী॒-ম্প্রপ॑দ্য়ে । তা-ন্তে॑ যুনজ্মি ।
ইন্দ্র॑ শাক্বরানু॒ষ্টুভ॒-ম্প্রপ॑দ্য়ে । তা-ন্তে॑ যুনজ্মি । ইন্দ্র॑ শাক্বর প॒ঙ্ক্তি-ম্প্রপ॑দ্য়ে ॥ 81 ॥

তা-ন্তে॑ যুনজ্মি ॥ আ-ঽহ-ন্দী॒ক্ষাম॑রুহ-মৃ॒তস্য়॒ পত্নী᳚ম্ । গা॒য়॒ত্রেণ॒ ছন্দ॑সা॒ ব্রহ্ম॑ণা চ । ঋ॒তগ্​ম্ স॒ত্য়ে॑-ঽধায়ি । স॒ত্যমৃ॒তে॑-ঽধায়ি ।
ঋ॒ত-ঞ্চ॑ মে স॒ত্য়-ঞ্চা॑ভূতাম্ । জ্য়োতি॑রভূব॒গ্​ম্॒ সুব॑রগমম্ ।
সু॒ব॒র্গং-লোঁ॒ক-ন্নাক॑স্য় পৃ॒ষ্ঠম্ । ব্র॒দ্ধ্নস্য়॑ বি॒ষ্টপ॑মগমম্ ॥
পৃ॒থি॒বী দী॒ক্ষা ॥ 82 ॥

তয়া॒-ঽগ্নি র্দী॒ক্ষয়া॑ দীক্ষি॒তঃ । যয়া॒-ঽগ্নি র্দী॒ক্ষয়া॑ দীক্ষি॒তঃ । তয়া᳚ ত্বা দী॒ক্ষয়া॑ দীক্ষয়ামি । অ॒ন্তরি॑ক্ষ-ন্দী॒ক্ষা ।
তয়া॑ বা॒য়ু র্দী॒ক্ষয়া॑ দীক্ষি॒তঃ ।
যয়া॑ বা॒য়ু র্দী॒ক্ষয়া॑ দীক্ষি॒তঃ ।
তয়া᳚ ত্বা দী॒ক্ষয়া॑ দীক্ষয়ামি । দ্য়ৌ র্দী॒ক্ষা ।
তয়া॑-ঽঽদি॒ত্য়ো দী॒ক্ষয়া॑ দীক্ষি॒তঃ ।
যয়া॑-ঽঽদি॒ত্য়ো দী॒ক্ষয়া॑ দীক্ষি॒তঃ ॥ 83 ॥

তয়া᳚ ত্বা দী॒ক্ষয়া॑ দীক্ষয়ামি । দিশো॑ দী॒ক্ষা ।
তয়া॑ চ॒ন্দ্রমা॑ দী॒ক্ষয়া॑ দীক্ষি॒তঃ ।
যয়া॑ চ॒ন্দ্রমা॑ দী॒ক্ষয়া॑ দীক্ষি॒তঃ ।
তয়া᳚ ত্বা দী॒ক্ষয়া॑ দীক্ষয়ামি ।
আপো॑ দী॒ক্ষা । তয়া॒ বরু॑ণো॒ রাজা॑ দী॒ক্ষয়া॑ দীক্ষি॒তঃ । যয়া॒ বরু॑ণো॒ রাজা॑ দী॒ক্ষয়া॑ দীক্ষি॒তঃ । তয়া᳚ ত্বা দী॒ক্ষয়া॑ দীক্ষয়ামি ।
ওষ॑ধয়ো দী॒ক্ষা ॥ 84 ॥

তয়া॒ সোমো॒ রাজা॑ দী॒ক্ষয়া॑ দীক্ষি॒তঃ। যয়া॒ সোমো॒ রাজা॑ দী॒ক্ষয়া॑ দীক্ষি॒তঃ ।
তয়া᳚ ত্বা দী॒ক্ষয়া॑ দীক্ষয়ামি । বাগ্ দী॒ক্ষা ।
তয়া᳚ প্রা॒ণো দী॒ক্ষয়া॑ দীক্ষি॒তঃ ।
যয়া᳚ প্রা॒ণো দী॒ক্ষয়া॑ দীক্ষি॒তঃ ।
তয়া᳚ ত্বা দী॒ক্ষয়া॑ দীক্ষয়ামি । পৃ॒থি॒বী ত্বা॒ দীক্ষ॑মাণ॒মনু॑ দীক্ষতাম্ ।
অ॒ন্তরি॑ক্ষ-ন্ত্বা॒ দীক্ষ॑মাণ॒মনু॑ দীক্ষতাম্ ।
দ্য়ৌস্ত্বা॒ দীক্ষ॑মাণ॒মনু॑ দীক্ষতাম্ ॥ 85 ॥

দিশ॑স্ত্বা॒ দীক্ষ॑মাণ॒মনু॑ দীক্ষন্তাম্ । আপ॑স্ত্বা॒ দীক্ষ॑মাণ॒মনু॑ দীক্ষন্তাম্ ।
ওষ॑ধযস্ত্বা॒ দীক্ষ॑মাণ॒মনু॑ দীক্ষন্তাম্ । বাক্ত্বা॒ দীক্ষ॑মাণ॒মনু॑ দীক্ষতাম্ ।
ঋচ॑স্ত্বা॒ দীক্ষ॑মাণ॒মনু॑ দীক্ষন্তাম্ । সামা॑নি ত্বা॒ দীক্ষ॑মাণ॒মনু॑ দীক্ষন্তাম্ ।
যজূগ্​ম্॑ষি ত্বা॒ দীক্ষ॑মাণ॒মনু॑ দীক্ষন্তাম্ । অহ॑শ্চ॒ রাত্রি॑শ্চ । কৃ॒ষিশ্চ॒ বৃষ্টি॑শ্চ । ত্বিষি॒শ্চা-প॑চিতিশ্চ ॥ 86 ॥

আপ॒শ্চৌষ॑ধযশ্চ । ঊর্ক্চ॑ সূ॒নৃতা॑ চ । তাস্ত্বা॒ দীক্ষ॑মাণ॒মনু॑ দীক্ষন্তাম্ ॥
স্বে দক্ষে॒ দক্ষ॑পিতে॒হ সী॑দ । দে॒বানাগ্​ম্॑ সু॒ম্নো ম॑হ॒তে রণা॑য় । স্বা॒স॒স্থ-স্ত॒নুবা॒ সং​বিঁ॑শস্ব । পি॒তেবৈ॑ধি সূ॒নব॒ আ সু॒শেবঃ॑ ।
শি॒বো মা॑ শি॒বমাবি॑শ । স॒ত্য়-ম্ম॑ আ॒ত্মা । শ্র॒দ্ধা মে ঽক্ষি॑তিঃ ॥ 87 ॥

তপো॑ মে প্রতি॒ষ্ঠা । স॒বি॒তৃ-প্র॑সূতা মা॒ দিশো॑ দীক্ষযন্তু । স॒ত্যম॑স্মি ॥ অ॒হ-ন্ত্বদ॑স্মি॒ মদ॑সি॒ ত্বমে॒তত্ । মমা॑সি॒ যোনি॒স্তব॒ যোনি॑রস্মি । মমৈ॒ব সন্বহ॑ হ॒ব্য়ান্য়॑গ্নে ।
পু॒ত্রঃ পি॒ত্রে লো॑ক॒কৃ-জ্জা॑তবেদঃ ॥
আ॒জুহ্বা॑ন-স্সু॒প্রতী॑কঃ পু॒রস্তা᳚ত্ ।
অগ্নে॒ স্বাং-য়োঁনি॒মাসী॑দ সা॒দ্ধ্য়া ।
অ॒স্মিন্-থ্স॒ধস্থে॒ অদ্ধ্য়ুত্ত॑রস্মিন্ন্ ॥ 88 ॥

বিশ্বে॑ দেবা॒ যজ॑মানশ্চ সীদত ॥
এক॑মি॒ষে বিষ্ণু॒স্ত্বা-ঽন্বে॑তু ।
দ্বে ঊ॒র্জে বিষ্ণু॒স্ত্বা-ঽন্বে॑তু ।
ত্রীণি॑ ব্র॒তায়॒ বিষ্ণু॒স্ত্বা-ঽন্বে॑তু ।
চ॒ত্বারি॒ মায়ো॑ ভবায়॒ বিষ্ণু॒স্ত্বা-ঽন্বে॑তু ।
পঞ্চ॑ প॒শুভ্য়ো॒ বিষ্ণু॒স্ত্বা-ঽন্বে॑তু । ষড্রা॒যস্পোষা॑য়॒ বিষ্ণু॒স্ত্বা-ঽন্বে॑তু ।
স॒প্ত স॒প্তভ্য়ো॒ হোত্রা᳚ভ্য়ো॒ বিষ্ণু॒স্ত্বা-ঽন্বে॑তু ॥
সখা॑য়-স্স॒প্তপ॑দা অভূম । স॒খ্য়-ন্তে॑ গমেযম্ ॥ 89 ॥

স॒খ্য়াত্তে॒ মা যো॑ষম্ । স॒খ্য়ান্মে॒ মা যো᳚ষ্ঠাঃ ॥ সা-ঽসি॑ সুব্রহ্মণ্য়ে ।
তস্য়া᳚স্তে পৃথি॒বী পাদঃ॑ । সা-ঽসি॑ সুব্রহ্মণ্য়ে । তস্য়া᳚স্তে॒-ঽন্তরি॑ক্ষ॒-ম্পাদঃ॑ ।
সা-ঽসি॑ সুব্রহ্মণ্য়ে । তস্য়া᳚স্তে॒ দ্য়ৌঃ পাদঃ॑ । সা-ঽসি॑ সুব্রহ্মণ্য়ে । তস্য়া᳚স্তে॒ দিশঃ॒ পাদঃ॑ ॥ 90 ॥

প॒রো র॑জাস্তে পঞ্চ॒মঃ পাদঃ॑ । সা ন॒ ইষ॒মূর্জ॑-ন্ধুক্ষ্ব । তেজ॑ ইন্দ্রি॒যম্ । ব্র॒হ্ম॒ব॒র্চ॒স-ম॒ন্নাদ্য়᳚ম্ ॥ বিমি॑মে ত্বা॒ পয়॑স্বতীম্ । দে॒বানা᳚-ন্ধে॒নুগ্​ম্ সু॒দুঘা॒-মন॑প-স্ফুরন্তীম্ । ইন্দ্র॒-স্সোম॑-ম্পিবতু ।
ক্ষেমো॑ অস্তু নঃ ॥ ই॒মা-ন্ন॑রাঃ কৃণুত॒ বেদি॒মেত্য়॑ । বসু॑মতীগ্​ম্ রু॒দ্রব॑তী-মাদি॒ত্যব॑তীম্ ॥ 91 ॥

বর্​ষ্ম॑ন্দি॒বঃ । নাভা॑ পৃথি॒ব্য়াঃ ।
যথা॒-ঽয়ং-য়ঁজ॑মানো॒ ন রিষ্য়ে᳚ত্ ।
দে॒বস্য়॑ সবি॒তু-স্স॒বে ॥
চতু॑-শ্শিখণ্ডা যুব॒তি-স্সু॒পেশাঃ᳚ ।
ঘৃ॒তপ্র॑তীকা॒ ভুব॑নস্য়॒ মদ্ধ্য়ে᳚ ।
তস্য়াগ্​ম্॑ সুপ॒র্ণাবধি॒ যৌ নিবি॑ষ্টৌ ।
তয়ো᳚ র্দে॒বানা॒মধি॑ ভাগ॒ধেয়᳚ম্ ॥
অপ॒ জন্য়॑-ম্ভ॒য়-ন্নু॑দ । অপ চ॒ক্রাণি॑ বর্তয় । গৃ॒হগ্​ম্ সোম॑স্য় গচ্ছতম্ ॥
ন বা উ॑বে॒তন্ম্রি॑যসে॒ ন রি॑ষ্যসি ।
দে॒বাগ্​ম্ ইদে॑ষি প॒থিভি॑-স্সু॒গেভিঃ॑ ।
যত্র॒ যন্তি॑ সু॒কৃতো॒ নাপি॑ দু॒ষ্কৃতঃ॑ ।
তত্র॑ ত্বা দে॒ব-স্স॑বি॒তা দ॑ধাতু ॥ 92 ॥
(ব্রহ্ম॑ণো॒ যোনি॒ - রগ্​ম্হ॑সঃ - প॒ঙ্ক্তি-ম্প্রপ॑দ্য়ে - দী॒ক্ষা - যয়ো॑-ঽঽদি॒ত্য়ো দী॒ক্ষয়া॑ দীক্ষি॒ত - স্তয়া᳚ ত্বা দী॒ক্ষয়া॑ দীক্ষয়া॒ম্য়োষ॑ধয়ো দী॒ক্ষা - দ্য়ৌস্ত্বা॒ দীক্ষ॑মাণ॒মনু॑ দীক্ষতা॒ - মপ॑চিতি॒শ্চা - ক্ষি॑তি॒ - রুত্ত॑রস্মিন্ - গমেয়ং॒ - দিশঃ॒ পাদ॑ - আদি॒ত্যব॑তীং - ঁবর্তয়॒ পঞ্চ॑ চ) (অ. 7)

অনুবাকং 8 - পশুবিষয়া অচ্ছিদ্রমন্ত্রাঃ
যদ॒স্য় পা॒রে রজ॑সঃ । শু॒ক্র-ঞ্জ্য়োতি॒-রজা॑যত । তন্নঃ॑ পর্​ষ॒দতি॒ দ্বিষঃ॑ ।
অগ্নে॑ বৈশ্বানর॒ স্বাহা᳚ ॥ যস্মা᳚দ্ভী॒ষা-ঽবা॑শিষ্ঠাঃ । ততো॑ নো॒ অভ॑য়-ঙ্কৃধি ।
প্র॒জাভ্য়॒-স্সর্বা᳚ভ্য়ো মৃড । নমো॑ রু॒দ্রায়॑ মী॒ঢুষে᳚ ॥ যস্মা᳚দ্ভী॒ষা ন্যষ॑দঃ ।
ততো॑ নো॒ অভ॑য়-ঙ্কৃধি ॥ 93 ॥

প্র॒জাভ্য়॒-স্সর্বা᳚ভ্য়ো মৃড । নমো॑ রু॒দ্রায়॑ মী॒ঢুষে᳚ ॥ উদু॑স্র তিষ্ঠ॒ প্রতি॑তিষ্ঠ॒ মা রি॑ষঃ । মেমং-য়ঁ॒জ্ঞং-য়ঁজ॑মান-ঞ্চ রীরিষঃ । সু॒ব॒র্গে লো॒কে যজ॑মান॒গ্​ম্॒ হি ধে॒হি । শ-ন্ন॑ এধি দ্বি॒পদে॒ শ-ঞ্চতু॑ষ্পদে ॥
যস্মা᳚দ্ভী॒ষা-ঽবে॑পিষ্ঠাঃ প॒লায়ি॑ষ্ঠা-স্স॒মজ্ঞা᳚স্থাঃ । ততো॑ নো॒ অভ॑য়-ঙ্কৃধি ।
প্র॒জাভ্য়॒-স্সর্বা᳚ভ্য়ো মৃড । নমো॑ রু॒দ্রায়॑ মী॒ঢুষে᳚ ॥ 94 ॥

য ই॒দমকঃ॑ । তস্মৈ॒ নমঃ॑ । তস্মৈ॒ স্বাহা᳚ ॥
ন বা উ॑বে॒তন্ম্রি॑যসে॒ ন রি॑ষ্যসি দে॒বাগ্​ম্ ইদে॑ষি প॒থিভি॑-স্সু॒গেভিঃ॑ । হরী॑ তে॒ যুঞ্জা॒ পৃষ॑তী অভূতা॒মুপা᳚স্থা-দ্বা॒জী ধু॒রি রাস॑ভস্য় ॥ । আশা॑না-ন্ত্বা ঽঽশাপা॒লেভ্য়ঃ॑ । চ॒তুর্ভ্য়ো॑ অ॒মৃতে᳚ভ্য়ঃ । ই॒দ-ম্ভূ॒তস্য়াধ্য়॑ক্ষেভ্য়ঃ । বি॒ধেম॑ হ॒বিষা॑ ব॒যম্ ॥
বিশ্বা॒ আশা॒ মধু॑না॒ সগ্​ম্সৃ॑জামি । অ॒ন॒মী॒বা আপ॒ ওষ॑ধয়ো ভবন্তু । অ॒য়ং-য়ঁজ॑মানো॒ মৃধো॒ ব্য়॑স্যতাম্ । অগৃ॑ভীতাঃ প॒শব॑-স্সন্তু॒ সর্বে᳚ ॥ ॥ য॒জ্ঞস্য়॒ হি স্থ ঋ॒ত্বিয়ৌ᳚ ।
ইন্দ্রা᳚গ্নী॒ চেত॑নস্য় চ । হু॒তা॒হু॒তস্য়॑ তৃপ্যতম্ । অহু॑তস্য় হু॒তস্য়॑ চ । হু॒তস্য়॒ চাহু॑তস্য় চ । অহু॑তস্য় হু॒তস্য়॑ চ । ইন্দ্রা᳚গ্নী অ॒স্য় সোম॑স্য় । বী॒ত-ম্পি॑বত-ঞ্জু॒ষেথা᳚ম্ ॥
মা যজ॑মান॒-ন্তমো॑ বিদত্ । মর্ত্বিজো॒ মো ই॒মাঃ প্র॒জাঃ । মা য-স্সোম॑মি॒ম-ম্পিবা᳚ত্ । সগ্​ম্সৃ॑ষ্টমু॒ভয়॑-ঙ্কৃ॒তম্ ॥ 95 ॥
(কৃ॒ধি॒ - মী॒ঢুষে - ঽহু॑তস্য় চ স॒প্ত চ॑) (অ. 8)

অনুবাকং 9 - উপাংশ্বভিষবা মন্ত্রাঃ
অ॒না॒গস॑স্ত্বা ব॒যম্ । ইন্দ্রে॑ণ॒ প্রেষি॑তা॒ উপ॑ । বা॒য়ুষ্টে॑ অস্ত্বগ্​ম্শ॒ভূঃ । মি॒ত্রস্তে॑ অস্ত্বগ্​ম্শ॒ভূঃ । বরু॑ণস্তে অস্ত্বগ্​ম্শ॒ভূঃ ॥
অপা᳚-ঙ্ক্ষয়া॒ ঋত॑স্য় গর্ভাঃ । ভুব॑নস্য় গোপা॒-শ্শ্য়েনা॑ অতিথয়ঃ । পর্ব॑তানা-ঙ্ককুভঃ প্র॒য়ুতো॑ নপাতারঃ । ব॒গ্নুনেন্দ্রগ্গ্॑ হ্বযত ।
ঘোষে॒ণামী॑-বাগ্​শ্চাতযত ॥ 96 ॥

যু॒ক্তা-স্স্থ॒ বহ॑ত ॥ দে॒বা গ্রাবা॑ণ॒ ইন্দু॒রিন্দ্র॒ ইত্য়॑বাদিষুঃ । এন্দ্র॑মচুচ্যবুঃ পর॒মস্য়াঃ᳚ পরা॒বতঃ॑ । আ-ঽস্মা-থ্স॒ধস্থা᳚ত্ ।
ওরোর॒ন্তরি॑ক্ষাত্ । আ সু॑ভূ॒তম॑সুষবুঃ । ব্র॒হ্ম॒ব॒র্চ॒স-ম্ম॒ আ-ঽসু॑ষবুঃ ।
স॒ম॒রে রক্ষাগ্॑স্যবধিষুঃ । অপ॑হত-ম্ব্রহ্ম॒জ্যস্য়॑ ॥ বাক্চ॑ ত্বা॒ মন॑শ্চ শ্রিণীতাম্ ॥ 97 ॥

প্রা॒ণশ্চ॑ ত্বা-ঽপা॒নশ্চ॑ শ্রীণীতাম্ ।
চক্ষু॑শ্চ ত্বা॒ শ্রোত্র॑-ঞ্চ শ্রীণীতাম্ ।
দক্ষ॑শ্চ ত্বা॒ বল॑-ঞ্চ শ্রীণীতাম্ । ওজ॑শ্চ ত্বা॒ সহ॑শ্চ শ্রীণীতাম্ । আয়ু॑শ্চ ত্বা জ॒রা চ॑ শ্রীণীতাম্ । আ॒ত্মা চ॑ ত্বা ত॒নূশ্চ॑ শ্রীণীতাম্ । শৃ॒তো॑-ঽসি শৃ॒ত-ঙ্কৃ॑তঃ । শৃ॒তায়॑ ত্বা শৃ॒তেভ্য়॑স্ত্বা ॥
যমিন্দ্র॑মা॒হু র্বরু॑ণং॒-য়ঁমা॒হুঃ । য-ম্মি॒ত্রমা॒হু-র্যমু॑ স॒ত্যমা॒হুঃ ॥ 98 ॥

যো দে॒বানা᳚-ন্দে॒বত॑মস্তপো॒জাঃ । তস্মৈ᳚ ত্বা॒ তেভ্য়॑স্ত্বা ॥ ময়ি॒ ত্যদি॑ন্দ্রি॒য়-ম্ম॒হত্ । ময়ি॒ দক্ষো॒ ময়ি॒ ক্রতুঃ॑ । ময়ি॑ ধায়ি সু॒বীর্য়᳚ম্ । ত্রিশু॑গ্ঘ॒র্মো বিভা॑তু মে । আকূ᳚ত্য়া॒ মন॑সা স॒হ ।
বি॒রাজা॒ জ্য়োতি॑ষা স॒হ । য॒জ্ঞেন॒ পয়॑সা স॒হ ।
তস্য়॒ দোহ॑মশীমহি ॥ 99 ॥

তস্য়॑ সু॒ম্নম॑শীমহি । তস্য়॑ ভ॒ক্ষম॑শীমহি ।
বাগ্জু॑ষা॒ণা সোম॑স্য় তৃপ্যতু ॥ মি॒ত্রো জনান্॑ যাতযতি প্রজা॒ন-ন্মি॒ত্রো দা॑ধার পৃথি॒বীমু॒ত দ্য়াম্ । মি॒ত্রঃ কৃ॒ষ্টীরনি॑মিষা॒-ঽভি চ॑ষ্টে স॒ত্য়ায়॑ হ॒ব্য়-ঙ্ঘৃ॒তব॑-দ্বিধেম ॥ প্র স মি॑ত্র॒ মর্তো॑ অস্তু॒ প্রয়॑স্বা॒ন্. যস্ত॑ আদিত্য়॒ শিক্ষ॑তি ব্র॒তেন॑ । ন হ॑ন্যতে॒ ন জী॑যতে॒ ত্বোতো॒ নৈন॒মগ্​ম্হো॑ অশ্নো॒ত্যন্তি॑তো॒ ন দূ॒রাত্ ॥ ॥ যস্মা॒ন্ন জা॒তঃ পরো॑ অ॒ন্য়ো অস্তি॑ । য আ॑বি॒বেশ॒ ভুব॑নানি॒ বিশ্বা᳚ ।
প্র॒জাপ॑তিঃ প্র॒জয়া॑ সং​বিঁদা॒নঃ ।
ত্রীণি॒ জ্য়োতীগ্​ম্॑ষি সচতে॒ স ষো॑ড॒শী ॥
এ॒ষ ব্র॒হ্মা য ঋ॒ত্বিয়ঃ॑ ।
ইন্দ্রো॒ নাম॑ শ্রু॒তো গ॒ণে ॥ 100 ॥

প্র তে॑ ম॒হে বি॒দথে॑ ঽশগ্​ম্সিষ॒গ্​ম্॒ হরী᳚ । য ঋ॒ত্বিয়ঃ॒ প্র তে॑ বন্বে ।
ব॒নুষো॑ হর্য়॒ত-ম্মদ᳚ম্ ॥ ইন্দ্রো॒ নাম॑ ঘৃ॒ত-ন্ন যঃ । হরি॑ভি॒শ্চারু॒ সেচ॑তে ।
শ্রু॒তো গ॒ণ আ ত্বা॑ বিশন্তু । হরি॑বর্পস॒গিংরঃ॑ ॥
ইন্দ্রাধি॑প॒তে-ঽধি॑পতি॒স্ত্ব-ন্দে॒বানা॑মসি । অধি॑পতি॒-ম্মাম্ । আয়ু॑ষ্মন্তং॒-বঁর্চ॑স্বন্ত-ম্মনু॒ষ্য়ে॑ষু কুরু ॥ 101 ॥

ইন্দ্র॑শ্চ স॒ম্রা-ড্বরু॑ণশ্চ॒ রাজা᳚ ।
তৌ তে॑ ভ॒ক্ষ-ঞ্চ॑ক্রতু॒রগ্র॑ এ॒তম্ ।
তয়ো॒রনু॑ ভ॒ক্ষ-ম্ভ॑ক্ষয়ামি ।
বাগ্জু॑ষা॒ণা সোম॑স্য় তৃপ্যতু ॥
প্র॒জাপ॑তি র্বি॒শ্বক॑র্মা । তস্য়॒ মনো॑ দে॒বং-য়ঁ॒জ্ঞেন॑ রাদ্ধ্য়াসম্ । অ॒র্থে॒ গা অ॒স্য় জ॑হিতঃ । অ॒ব॒সান॑পতে-ঽব॒সান॑-ম্মে বিন্দ ॥
নমো॑ রু॒দ্রায়॑ বাস্তো॒ষ্পত॑য়ে ।
আয়॑নে বি॒দ্রব॑ণে ॥ 102 ॥

উ॒দ্য়ানে॒ যত্প॒রায়॑ণে । আ॒বর্ত॑নে বি॒বর্ত॑নে ।
যো গো॑পা॒যতি॒ তগ্​ম্ হু॑বে ॥
যান্য়॑পা॒মিত্য়া॒-ন্যপ্র॑তীত্তা॒-ন্যস্মি॑ ।
য॒মস্য়॑ ব॒লিনা॒ চরা॑মি ।
ই॒হৈব সন্তঃ॒ প্রতি॒ তদ্য়া॑তয়ামঃ ।
জী॒বা জী॒বেভ্য়ো॒ নিহ॑রাম এনত্ ॥
অ॒নৃ॒ণা অ॒স্মিন্ন॑-নৃ॒ণাঃ পর॑স্মিন্ন্ ।
তৃ॒তীয়ে॑ লো॒কে অ॑নৃ॒ণা-স্স্য়া॑ম ।
যে দে॑ব॒য়ানা॑ উ॒ত পি॑তৃ॒য়াণাঃ᳚ ॥ 103 ॥

সর্বা᳚-ন্প॒থো অ॑নৃ॒ণা আক্ষী॑য়েম ॥
ই॒দমূ॒ নু শ্রেয়ো॑-ঽব॒সান॒-মাগ॑ন্ম ।
শি॒বে নো॒ দ্য়াবা॑পৃথি॒বী উ॒ভে ই॒মে । গোম॒দ্ধন॑-ব॒দশ্ব॑ব॒-দূর্জ॑স্বত্ ।
সু॒বীরা॑ বী॒রৈরনু॒ সঞ্চ॑রেম ॥ অ॒র্কঃ প॒বিত্র॒গ্​ম্॒ রজ॑সো বি॒মানঃ॑ ।
পু॒নাতি॑ দে॒বানা॒-ম্ভুব॑নানি॒ বিশ্বা᳚ । দ্য়াবা॑পৃথি॒বী পয়॑সা সং​বিঁদা॒নে ।
ঘৃ॒ত-ন্দু॑হাতে অ॒মৃত॒-ম্প্রপী॑নে ॥ প॒বিত্র॑ম॒র্কো রজ॑সো বি॒মানঃ॑ ।
পু॒নাতি॑ দে॒বানা॒-ম্ভুব॑নানি॒ বিশ্বা᳚ ।
সুব॒ র্জ্য়োতি॒ র্যশো॑ ম॒হত্ ।
অ॒শী॒মহি॑ গা॒ধমু॒ত প্র॑তি॒ষ্ঠাম্ ॥ 104 ॥
(চা॒ত॒য়॒ত॒ - শ্রী॒ণী॒তা॒গ্​ম্॒ - স॒ত্যমা॒হু - র॑শীমহি - গ॒ণে - কু॑রু - বি॒দ্রব॑ণে - পিতৃ॒য়াণা॑ - অ॒র্কো রজ॑সো বি॒মান॒স্ত্রীণি॑ চ) (অ. 9)

অনুবাকং 10 - সৌমিকপ্রায়াশ্চিত্তমন্ত্রাঃ
উদ॑স্তাম্ফ্সী-থ্সবি॒তা মি॒ত্রো অ॑র্য়॒মা ।
সর্বা॑-ন॒মিত্রা॑-নবধীদ্য়ু॒গেন॑ ।
বৃ॒হন্ত॒-ম্মাম॑কর-দ্বী॒রব॑ন্তম্ । র॒থ॒ন্ত॒রে শ্র॑যস্ব॒ স্বাহা॑ পৃথি॒ব্য়াম্ ।
বা॒ম॒দে॒ব্য়ে শ্র॑যস্ব॒ স্বাহা॒-ঽন্তরি॑ক্ষে । বৃ॒হ॒তি শ্র॑যস্ব॒ স্বাহা॑ দি॒বি ।
বৃ॒হ॒তা ত্বোপ॑স্তভ্নোমি ॥
আ ত্বা॑ দদে॒ যশ॑সে বী॒র্য়া॑য় চ ।
অ॒স্মাস্ব॑-ঘ্নিয়া যূ॒য়-ন্দ॑ধাথেন্দ্রি॒য়-ম্পয়ঃ॑ ॥ যস্তে᳚ দ্র॒ফ্সো যস্ত॑ উদ॒র্॒ষঃ ॥ 105 ॥

দৈব্য়ঃ॑ কে॒তু র্বিশ্ব॒-ম্ভুব॑ন-মাবি॒বেশ॑ ।
স নঃ॑ পা॒হ্যরি॑ষ্ট্য়ৈ॒ স্বাহা᳚ ॥
অনু॑ মা॒ সর্বো॑ য॒জ্ঞো॑-ঽযমে॑তু ।
বিশ্বে॑ দে॒বা ম॒রুত॒-স্সামা॒র্কঃ ।
আ॒প্রিয়॒ ॑007আ;ছন্দাগ্​ম্॑সি নি॒বিদো॒ যজূগ্​ম্॑ষি । অ॒স্য়ৈ পৃ॑থি॒ব্য়ৈ যদ্য়॒জ্ঞিয়᳚ম্ ॥
প্র॒জাপ॑তে র্বর্ত॒নিমনু॑ বর্তস্ব ।
অনু॑ বী॒রৈরনু॑ রাদ্ধ্য়াম॒ গোভিঃ॑ ।
অন্বশ্বৈ॒রনু॒ সর্বৈ॑রু পু॒ষ্টৈঃ ।
অনু॑ প্র॒জয়া-ঽন্বি॑ন্দ্রি॒য়েণ॑ ॥ 106 ॥

দে॒বা নো॑ য॒জ্ঞ-মৃ॑জু॒ধা ন॑যন্তু ॥
প্রতি॑ ক্ষ॒ত্রে প্রতি॑ তিষ্ঠামি রা॒ষ্ট্রে ।
প্রত্যশ্বে॑ষু॒ প্রতি॑তিষ্ঠামি॒ গোষু॑ ।
প্রতি॑ প্র॒জায়া॒-ম্প্রতি॑ তিষ্ঠামি॒ ভব্য়ে᳚ ।
বিশ্ব॑ম॒ন্য়া-ঽভি॑ বাবৃ॒ধে । তদ॒ন্যস্য়া॒-মধি॑শ্রি॒তম্ । দি॒বে চ॑ বি॒শ্বক॑র্মণে ।
পৃ॒থি॒ব্য়ৈ চা॑কর॒-ন্নমঃ॑ ॥ অস্কা॒ন্দ্য়ৌঃ পৃ॑থি॒বীম্ । অস্কা॑নৃষ॒ভো যুবা॒ গাঃ ॥ 107 ॥

স্ক॒ন্নেমা বিশ্বা॒ ভুব॑না । স্ক॒ন্নো য॒জ্ঞঃ প্রজ॑নযতু । অস্কা॒নজ॑নি॒ প্রাজ॑নি ।
আ স্ক॒ন্নাজ্জা॑যতে॒ বৃষা᳚ । স্ক॒ন্না-ত্প্রজ॑নিষীমহি ॥ যে দে॒বা যেষা॑মি॒দ-ম্ভা॑গ॒ধেয়॑-ম্ব॒ভূব॑ । যেষা᳚-ম্প্রয়া॒জা উ॒তানূ॑য়া॒জাঃ । ইন্দ্র॑জ্য়েষ্ঠেভ্য়ো॒ বরু॑ণরাজভ্য়ঃ । অ॒গ্নিহো॑তৃভ্য়ো দে॒বেভ্য়॒-স্স্বাহা᳚ ॥ উ॒ত ত্য়া নো॒ দিবা॑ ম॒তিঃ ॥ 108 ॥

অদি॑তিরূ॒ত্য়া-ঽঽগ॑মত্ । সা শন্তা॑চী॒ ময়॑স্করত্ । অপ॒ স্রিধঃ॑ ॥ উ॒ত ত্য়া দৈব্য়া॑ ভি॒ষজা᳚ । শ-ন্ন॑স্করতো অ॒শ্বিনা᳚ । যূ॒য়াতা॑-ম॒স্মদ্রপঃ॑ ।
অপ॒ স্রিধঃ॑ ॥ শম॒গ্নি-র॒গ্নিভি॑স্করত্ । শ-ন্ন॑স্তপতু॒ সূর্য়ঃ॑ । শং-বাঁতো॑ বাত্বর॒পাঃ ॥ 109 ॥

অপ॒ স্রিধঃ॑ ॥ তদিত্প॒দ-ন্ন বিচি॑কেত বি॒দ্বান্ ।
যন্মৃ॒তঃ পুন॑র॒প্য়েতি॑ জী॒বান্ । ত্রি॒বৃদ্য়-দ্ভুব॑নস্য় রথ॒বৃত্ । জী॒বো গর্ভো॒ ন মৃ॒ত-স্স জী॑বাত্ ॥ প্রত্য়॑স্মৈ॒ পিপী॑ষতে । বি॒শ্বা॑নি বি॒দুষে॑ ভর । অ॒র॒-ঙ্গ॒মায়॒ জগ্ম॑বে ।
অপ॑শ্চাদ্দধ্বনে॒ নরে᳚ (ও-রপ॑শ্চাদ্দঘ্বনে॒ নরে᳚) ॥ ইন্দু॒রিন্দু॒ম-বা॑গাত্ ।
ইন্দো॒রিন্দ্রো॑-ঽপাত্ । তস্য়॑ ত ইন্দ॒বিন্দ্র॑-পীতস্য়॒ মধু॑মতঃ । উপ॑হূত॒স্য়োপ॑হূতো ভক্ষয়ামি ॥ 110 ॥
(উ॒দ॒র্॒ষ - ই॑ন্দ্রি॒য়েণ॒ - গা - ম॒তি - র॑র॒পা - অ॑গা॒ত্রীণি॑ চ) (অ. 10)

অনুবাকং 11 - দর্​শপূর্ণমাসপ্রাযশ্চিত্তমন্ত্রাঃ
ব্রহ্ম॑ প্রতি॒ষ্ঠা মন॑সো॒ ব্রহ্ম॑ বা॒চঃ । ব্রহ্ম॑ য॒জ্ঞানাগ্​ম্॑ হ॒বিষা॒-মাজ্য়॑স্য় ।
অতি॑রিক্ত॒-ঙ্কর্ম॑ণো॒ যচ্চ॑ হী॒নম্ । য॒জ্ঞঃ পর্বা॑ণি প্রতি॒রন্নে॑তি ক॒ল্পযন্ন্॑ ।
স্বাহা॑কৃ॒তা-ঽঽহু॑তিরেতু দে॒বান্ ॥ আশ্রা॑বিতম॒ত্য়াশ্রা॑বিতম্ ।
বষ॑ট্কৃত-ম॒ত্যনূ᳚ক্ত-ঞ্চ য॒জ্ঞে ।
অতি॑রিক্ত॒-ঙ্কর্ম॑ণো॒ যচ্চ॑ হী॒নম্ ।
য॒জ্ঞঃ পর্বা॑ণি প্রতি॒রন্নে॑তি ক॒ল্পযন্ন্॑ ।
স্বাহা॑কৃ॒তা-ঽঽহু॑তিরেতু দে॒বান্ ॥ 111 ॥

যদ্বো॑ দেবা অতিপা॒দয়া॑নি । বা॒চা চি॒ত্প্রয়॑ত-ন্দেব॒ হেড॑নম্ । অ॒রা॒য়ো অ॒স্মাগ্​ম্ অ॒ভি-দু॑চ্ছুনা॒যতে᳚। অ॒ন্যত্রা॒স্ম-ন্ম॑রুত॒স্ত-ন্নিধে॑তন ॥ ত॒ত-ম্ম॒ আপ॒স্তদু॑ তাযত॒ পুনঃ॑ । স্বাদি॑ষ্ঠা ধী॒তিরু॒চথা॑য় শস্যতে ।
অ॒য়গ্​ম্ স॑মু॒দ্র উ॒ত বি॒শ্বভে॑ষজঃ ।
স্বাহা॑-কৃতস্য়॒ সমু॑তৃপ্ণুত র্ভুবঃ ॥
উদ্ব॒য়-ন্তম॑স॒স্পরি॒ পশ্য়॑ন্তো॒ জ্য়োতি॒রুত্ত॑রম্ । দে॒ব-ন্দে॑ব॒ত্রা সূর্য়॒মগ॑ন্ম॒ জ্য়োতি॑রুত্ত॒মম্ ॥ ।
উদু॒ ত্য়-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য়॒ সূর্য়᳚ম্ ॥ চি॒ত্র-ন্দে॒বানা॒-মুদ॑গা॒দনী॑ক॒-ঞ্চক্ষু॑-র্মি॒ত্রস্য়॒ বরু॑ণস্য়া॒-ঽগ্নেঃ । আ-ঽ প্রা॒ দ্য়াবা॑পৃথি॒বী অ॒ন্তরি॑ক্ষ॒গ্​ম্॒ সূর্য়॑ আ॒ত্মা জগ॑তস্ত॒স্থুষ॑শ্চ ॥ ॥ 112 ॥

ই॒ম-ম্মে॑ বরুণ শ্রুধী॒ হব॑ম॒দ্য়া চ॑ মৃডয় । ত্বাম॑ব॒স্য়ুরা চ॑কে ॥ তত্ত্বা॑ যামি॒ ব্রহ্ম॑ণা॒ বন্দ॑মান॒-স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒ধ্য়ুরু॑শগ্​ম্স॒ মা ন॒ আয়ুঃ॒ প্রমো॑ষীঃ ॥ ।
ত্ব-ন্নো॑ অগ্নে॒ বরু॑ণস্য় বি॒দ্বা-ন্দে॒বস্য়॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষাগ্​ম্॑সি॒ প্রমু॑মুগ্ধ্য়॒স্মত্ ॥
স ত্বন্নো॑ অগ্নে-ঽব॒মো ভ॑বো॒তী নেদি॑ষ্ঠো অ॒স্য়া উ॒ষসো॒ ব্য়ু॑ষ্টৌ । অব॑ যক্ষ্ব নো॒ বরু॑ণ॒গ্​ম্॒ ররা॑ণো বী॒হি মৃ॑ডী॒কগ্​ম্ সু॒হবো॑ ন এধি ॥ । ত্বম॑গ্নে অ॒য়া-ঽসি॑ । অ॒য়া সন্মন॑সা হি॒তঃ । অ॒য়া সনঃঅ॒ব্যমূ॑হিষে । অ॒য়া নো॑ ধেহি ভেষ॒জম্ । ই॒ষ্টো অ॒গ্নিরাহু॑তঃ । স্বাহা॑কৃতঃ পিপর্তু নঃ । স্ব॒গা দে॒বেভ্য়॑ ই॒দ-ন্নমঃ॑ ॥ প্রজা॑পতে॒ ন ত্বদে॒তান্য়॒ন্য়ো বিশ্বা॑ জা॒তানি॒ পরি॒ তা ব॑ভূব । যত্কা॑মাস্তে জুহু॒মস্তন্নো॑ অস্তু ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ ॥ ই॒ম-ঞ্জী॒বেভ্য়ঃ॑ পরি॒ধি-ন্দ॑ধামি । মৈষা-ন্নু॑ গা॒দপ॑রো॒ অর্ধ॑মে॒তম্ । শ॒ত-ঞ্জী॑বন্তু শ॒রদঃ॑ পুরূ॒চীঃ । তি॒রো মৃ॒ত্য়ু-ন্দ॑ধতা॒-ম্পর্ব॑তেন ॥
ই॒ষ্টেভ্য়॒-স্স্বাহা॒ বষ॒ডনি॑ষ্টেভ্য়॒-স্স্বাহা᳚ । ভে॒ষ॒জ-ন্দুরি॑ষ্ট্য়ৈ॒ স্বাহা॒ নিষ্কৃ॑ত্য়ৈ॒ স্বাহা᳚ । দৌরা᳚র্ধ্য়ৈ॒ স্বাহা॒ দৈবী᳚ভ্য়-স্ত॒নূভ্য়॒-স্স্বাহা᳚ ॥ 113 ॥

ঋদ্ধ্য়ৈ॒ স্বাহা॒ সমৃ॑দ্ধ্য়ৈ॒ স্বাহা᳚ ॥
যত॑ ইন্দ্র॒ ভয়া॑মহে ।
ততো॑ নো॒ অভ॑য়-ঙ্কৃধি । মঘ॑বঞ্ছ॒গ্ধি তব॒ তন্ন॑ ঊ॒তয়ে᳚ । বি দ্বিষো॒ বি মৃধো॑ জহি ॥ স্ব॒স্তি॒দা বি॒শস্পতিঃ॑ । বৃ॒ত্র॒হা বিমৃধো॑ ব॒শী । বৃষেন্দ্রঃ॑ পু॒র এ॑তু নঃ । স্ব॒স্তি॒দা অ॑ভয়-ঙ্ক॒রঃ ॥ আ॒ভি র্গী॒র্ভি র্যদতো॑ ন ঊ॒নম্ ॥ 114 ॥

আপ্য়া॑যয় হরিবো॒ বর্ধ॑মানঃ ।
য॒দা স্তো॒তৃভ্য়ো॒ মহি॑ গো॒ত্রা রু॒জাসি॑ ।
ভূ॒য়ি॒ষ্ঠ॒ভাজো॒ অধ॑ তে স্য়াম ॥ অনা᳚জ্ঞাতং॒-য়ঁদাজ্ঞা॑তম্ । য॒জ্ঞস্য়॑ ক্রি॒যতে॒ মিথু॑ । অগ্নে॒ তদ॑স্য় কল্পয় । ত্বগ্​ম্ হি বেত্থ॑ যথাত॒থম্ ॥ পুরু॑ষ সম্মিতো য॒জ্ঞঃ । য॒জ্ঞঃ পুরু॑ষ সম্মিতঃ । অগ্নে॒ তদ॑স্য় কল্পয় ।
ত্বগ্​ম্ হি বেত্থ॑ যথাত॒থম্ ॥ য-ত্পা॑ক॒ত্রা মন॑সা দী॒নদ॑ক্ষা॒ ন । য॒জ্ঞস্য়॑ ম॒ন্বতে॒ মর্তা॑সঃ । অ॒গ্নিষ্টদ্ধোতা᳚ কৃতু॒বিদ্বি॑জা॒নন্ন্ ।
যজি॑ষ্ঠো দে॒বাগ্​ম্ ঋ॑তু॒শো য॑জাতি ॥ 115 ॥
(দে॒বাগ্​ - শ্চি॒ত্রং - ত॒নূভ্য়॒-স্স্বাহো॒ - নং - পুরু॑ষসম্মি॒তো-ঽগ্নে॒ তদ॑স্য় কল্পয়॒ পঞ্চ॑ চ) (অ. 11)

অনুবাকং 12 - অগ্নিষ্টোমাদৌ যজমানজপ্য়া মন্ত্রবিশেষাঃ
যদ্দে॑বা দেব॒হেড॑নম্ । দেবা॑সশ্চকৃ॒মা ব॒যম্ । আদি॑ত্য়া॒-স্তস্মা᳚ন্মা মুঞ্চত ।
ঋ॒তস্য়॒র্তেন॒ মামু॒ত ॥ দেবা॑ জীবনকা॒ম্য়া যত্ । বা॒চা-ঽনৃ॑তমূদি॒ম । অ॒গ্নির্মা॒ তস্মা॒দেন॑সঃ । গার্​হ॑পত্য়ঃ॒ প্রমু॑ঞ্চতু । দু॒রি॒তা যানি॑ চকৃ॒ম । ক॒রোতু॒ মাম॑নে॒ নস᳚ম্ ॥ 116 ॥
ঋ॒তেন॑ দ্য়াবাপৃথিবী । ঋ॒তেন॒ ত্বগ্​ম্ স॑রস্বতি । ঋ॒তান্মা॑ মুঞ্চ॒তাগ্​ম্হ॑সঃ । যদ॒ন্য় কৃ॑তমারি॒ম ॥ স॒জা॒ত॒শ॒গ্​ম্॒সাদু॒ত বা॑ জামিশ॒গ্​ম্॒সাত্ । জ্য়ায়॑স॒-শ্শগ্​ম্সা॑দু॒ত বা॒ কনী॑যসঃ । অনা᳚জ্ঞাত-ন্দে॒বকৃ॑তং॒-য়ঁদেনঃ॑ । তস্মা॒ত্ত্বম॒স্মা-ঞ্জা॑তবেদো মুমুগ্ধি ॥ যদ্বা॒চা যন্মন॑সা । বা॒হুভ্য়া॑-মূ॒রুভ্য়া॑-মষ্ঠী॒বদ্ভ্য়া᳚ম্ ॥ 117 ॥

শি॒শ্ঞৈ র্যদনৃ॑ত-ঞ্চকৃ॒মা ব॒যম্ । অ॒গ্নির্মা॒ তস্মা॒দেন॑সঃ ॥ যদ্ধস্তা᳚ভ্য়া-ঞ্চ॒কর॒ কিল্বি॑ষাণি । অ॒ক্ষাণাং᳚-বঁ॒গ্নুমু॑প॒ জিঘ্ন॑মানঃ । দূ॒রে॒প॒শ্য়া চ॑ রাষ্ট্র॒ভৃচ্চ॑ । তান্য়॑ফ্স॒রসা॒-বনু॑দত্তা-মৃ॒ণানি॑ ॥
অদী᳚ব্যন্নৃ॒ণং-য়ঁদ॒হ-ঞ্চ॒কার॑ । যদ্বা-ঽদা᳚স্যন্-থ্সঞ্জ॒গারা॒ জনে᳚ভ্য়ঃ ।
অ॒গ্নির্মা॒ তস্মা॒দেন॑সঃ ॥ যন্ময়ি॑ মা॒তা গর্ভে॑ স॒তি ॥ 118 ॥

এন॑শ্চ॒কার॒ যত্পি॒তা । অ॒গ্নির্মা॒ তস্মা॒দেন॑সঃ ॥ যদা॑ পি॒পেষ॑ মা॒তর॑-ম্পি॒তর᳚ম্ ।
পু॒ত্রঃ প্রমু॑দিতো॒ ধযন্ন্॑ । অহিগ্​ম্॑সিতৌ পি॒তরৌ॒ ময়া॒ তত্ । তদ॑গ্নে অনৃ॒ণো ভ॑বামি ॥ যদ॒ন্তরি॑ক্ষ-ম্পৃথি॒বীমু॒ত দ্য়াম্ ।
যন্মা॒তর॑-ম্পি॒তরং॑-বাঁ জিহিগ্​ম্সি॒ম ।
অ॒গ্নির্মা॒ তস্মা॒দেন॑সঃ ॥ যদা॒শসা॑ নি॒শসা॒ যত্প॑রা॒শসা᳚ ॥ 119 ॥

যদেন॑শ্চ কৃ॒মা নূত॑নং॒-য়ঁত্পু॑রা॒ণম্ । অ॒গ্নির্মা॒ তস্মা॒দেন॑সঃ ॥ অতি॑ক্রামামি দুরি॒তং-য়ঁদেনঃ॑ । জহা॑মি রি॒প্র-ম্প॑র॒মে স॒ধস্থে᳚ ।
যত্র॒ যন্তি॑ সু॒কৃতো॒ নাপি॑ দু॒ষ্কৃতঃ॑ । তমারো॑হামি সু॒কৃতা॒-ন্নু লো॒কম্ ॥
ত্রি॒তে দে॒বা অ॑মৃজতৈ॒-তদেনঃ॑ ।
ত্রি॒ত এ॒তন্ম॑নু॒ষ্য়ে॑ষু মামৃজে ।
ততো॑ মা॒ যদি॒ কিঞ্চি॑দান॒শে ।
অ॒গ্নির্মা॒ তস্মা॒দেন॑সঃ ॥ 120 ॥

গার্​হ॑পত্য়ঃ॒ প্রমু॑ঞ্চতু । দু॒রি॒তা যানি॑ চকৃ॒ম । ক॒রোতু॒ মাম॑নে॒নস᳚ম্ ॥ দি॒বি জা॒তা অ॒ফ্সু জা॒তাঃ । যা জা॒তা ওষ॑ধীভ্য়ঃ । অথো॒ যা অ॑গ্নি॒জা আপঃ॑ । তা ন॑-শ্শুন্ধন্তু॒ শুন্ধ॑নীঃ ॥
যদাপো॒ নক্ত॑-ন্দুরি॒ত-ঞ্চরা॑ম ।
যদ্বা॒ দিবা॒ নূত॑নং॒-য়ঁত্পু॑রা॒ণম্ ।
হির॑ণ্য়-বর্ণা॒স্তত॒ উত্পু॑নীত নঃ ॥
ই॒ম-ম্মে॑ বরুণ শ্রুধী॒ হব॑ম॒দ্য়া চ॑ মৃডয় । ত্বাম॑ব॒স্য়ুরা চ॑কে ॥
তত্ত্বা॑ যামি॒ ব্রহ্ম॑ণা॒ বন্দ॑মান॒-স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒ধ্য়ুরু॑শগ্​ম্স॒ মা ন॒ আয়ুঃ॒ প্রমো॑ষীঃ ॥ । ত্ব-ন্নো॑ অগ্নে॒ বরু॑ণস্য় বি॒দ্বা-ন্দে॒বস্য়॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষাগ্​ম্॑সি॒ প্রমু॑মুগ্ধ্য়॒স্মত্ ॥ স ত্বন্নো॑ অগ্নে-ঽব॒মো ভ॑বো॒তী নেদি॑ষ্ঠো অ॒স্য়া উ॒ষসো॒ ব্য়ু॑ষ্টৌ । অব॑ যক্ষ্ব নো॒ বরু॑ণ॒গ্​ম্॒ ররা॑ণো বী॒হি মৃ॑ডী॒কগ্​ম্ সু॒হবো॑ ন এধি ॥ । ত্বম॑গ্নে অ॒য়া-ঽসি॑ । অ॒য়া সন্মন॑সা হি॒তঃ । অ॒য়া সনঃঅ॒ব্যমূ॑হিষে । অ॒য়া নো॑ ধেহি ভেষ॒জম্ । ই॒ষ্টো অ॒গ্নিরাহু॑তঃ । স্বাহা॑কৃতঃ পিপর্তু নঃ । স্ব॒গা দে॒বেভ্য়॑ ই॒দ-ন্নমঃ॑ ॥ ॥ 121 ॥
(অ॒নে॒নস॑ - মষ্ঠী॒বদ্ভ্য়াগ্​ম্॑ - স॒তি - প॑রা॒শসা॑-ঽঽন॒শে᳚ - ঽগ্নির্মা॒ তস্মা॒দেন॑সঃ - পুনীত ন॒স্ত্রীণি॑ চ) (অ. 12)

(য়-দ্দে॑বা॒ গার্​হ॑পত্য়ো॒ যদ্ধস্তা᳚ভ্য়াং॒-য়ঁন্ময়ি॑ মা॒তা যদা॑পি॒পেষ॒
ঁযদ॒ন্তরি॑ক্ষং॒-য়ঁদা॒শসা-ঽতি॑ক্রামামি ত্রি॒তে দে॒বা দি॒বি জা॒তা অ॒ফ্সু জা॒তা যদাপ॑ ই॒ম-ম্মে॑ বরুণা॒ তত্ত্বা॑ যামি॒ ত্ব-ন্নো॑ অগ্নে॒ স ত্ব-ন্নো॑ অগ্নে॒ ত্বম॑গ্নে অ॒য়া-ঽসি॑)

অনুবাকং 13 - অবভৃথে কর্মণি ঋজীষপ্রোক্ষণমন্ত্রাঃ
যত্তে॒ গ্রাব্.ণ্ণা॑ চিচ্ছি॒দু-স্সো॑ম রাজন্ন্ ।
প্রি॒য়াণ্যঙ্গা॑নি॒ স্বধি॑তা॒ পরূগ্​ম্॑ষি । তথ্সন্ধ॒-থ্স্বাজ্য়ে॑নো॒ত ব॑র্ধযস্ব ।
অ॒না॒গসো॒ অধ॒মিথ্স॒ক্ষং​য়েঁ॑ম ॥ যত্তে॒ গ্রাবা॑ বা॒হুচ্য়ু॑তো॒ অচু॑চ্যবুঃ ।
নরো॒ যত্তে॑ দুদু॒হু র্দক্ষি॑ণেন ।
তত্ত॒ আপ্য়া॑যতা॒-ন্তত্তে᳚ । নিষ্ট্য়া॑যতা-ন্দেব
সোম ॥ যত্তে॒ ত্বচ॑-ম্বিভি॒দুর্যচ্চ॒ যোনি᳚ম্ ।
যদা॒স্থানা॒-ত্প্রচ্য়ু॑তো॒ বেন॑সি॒ ত্মনা᳚ ॥ 122 ॥

ত্বয়া॒ তথ্সো॑ম গু॒প্তম॑স্তু নঃ ।
সা ন॑-স্স॒ধাং-ঽস॑ত্পর॒মে ব্য়ো॑মন্ন্ ॥
অহা॒চ্ছরী॑র॒-ম্পয়॑সা স॒মেত্য়॑ । অ॒ন্য়ো᳚-ঽন্য়ো ভবতি॒ বর্ণো॑ অস্য় । তস্মি॑ন্ ব॒যমুপ॑হূতা॒স্তব॑ স্মঃ । আ নো॑ ভজ॒ সদ॑সি বি॒শ্বরূ॑পে ॥
নৃ॒চক্ষা॒-স্সোম॑ উ॒ত শু॒শ্রুগ॑স্তু ।
মা নো॒ বিহা॑সী॒দ্গির॑ আবৃণা॒নঃ ।
অনা॑গা-স্ত॒নুবো॑ বাবৃধা॒নঃ ।
আ নো॑ রূ॒পং-বঁ॑হতু॒ জায়॑মানঃ ॥ 123 ॥

উপ॑ক্ষরন্তি জু॒হ্বো॑ ঘৃ॒তেন॑ । প্রি॒য়াণ্যঙ্গা॑নি॒ তব॑ ব॒র্ধয়॑ন্তীঃ । তস্মৈ॑ তে সোম॒ নম॒ ইদ্বষ॑ট্চ । উপ॑ মা রাজন্-থ্সুকৃ॒তে হ্ব॑যস্ব ॥
স-ম্প্রা॑ণাপা॒নাভ্য়া॒গ্​ম্॒ সমু॒ চক্ষু॑ষা॒ ত্বম্ । সগ্গ্​ শ্রোত্রে॑ণ গচ্ছস্ব সোম রাজন্ন্ ।
যত্ত॒ আস্থি॑ত॒গ্​ম্॒ শমু॒ তত্তে॑ অস্তু । জা॒নী॒তান্ন॑-স্স॒গম্ম॑নে পথী॒নাম্ ॥ এ॒ত-ঞ্জা॑নীতাত্পর॒মে ব্য়ো॑মন্ন্ । বৃকা᳚-স্সধস্থা বি॒দ রূ॒পম॑স্য় ॥ 124 ॥

যদা॒গচ্ছা᳚-ত্প॒থিভি॑ র্দেব॒য়ানৈঃ᳚ । ই॒ষ্টা॒পূ॒র্তে কৃ॑ণুতা-দা॒বির॑স্মৈ ॥
অরি॑ষ্টো রাজন্নগ॒দঃ পরে॑হি । নম॑স্তে অস্তু॒ চক্ষ॑সে রঘূয়॒তে । নাক॒মারো॑হ স॒হ যজ॑মানেন । সূর্য়॑-ঙ্গচ্ছতাত্পর॒মে ব্য়ো॑মন্ন্ ॥
অভূ᳚দ্দে॒ব-স্স॑বি॒তা বন্দ্য়ো॒ নু নঃ॑ । ই॒দানী॒মহ্ন॑ উপ॒বাচ্য়ো॒ নৃভিঃ॑ ।
বি যো রত্না॒ ভজ॑তি মান॒বেভ্য়ঃ॑ । শ্রেষ্ঠ॑-ন্নো॒ অত্র॒ দ্রবি॑ণং॒-য়ঁথা॒ দধ॑ত্ ॥
উপ॑ নো মিত্রাবরুণা-বি॒হাব॑তম্ । অ॒ন্বাদী᳚দ্ধ্য়া-থামি॒হ ন॑-স্সখায়া । আ॒দি॒ত্য়ানা॒-ম্প্রসি॑তির্-হে॒তিঃ । উ॒গ্রা শ॒তাপা᳚ষ্ঠা ঘ॒বিষা॒ পরি॑ণো বৃণক্তু ॥
আ প্য়া॑যস্ব॒ সমে॑তু তে বি॒শ্বত॑-স্সোম॒ বৃষ্ণি॑যম্ । ভবা॒ বাজ॑স্য় সঙ্গ॒থে ॥ স-ন্তে॒ পয়াগ্​ম্॑সি॒ সমু॑ যন্তু॒ বাজা॒-স্সং-বৃঁষ্ণি॑য়া-ন্যভিমাতি॒ষাহঃ॑ । আ॒প্য়ায়॑মানো অ॒মৃতা॑য় সোম দি॒বি শ্রবাগ্॑স্য়ুত্ত॒মানি॑ ধিষ্ব ॥ ॥ 125 ॥
(ত্মনা॒ - জায়॑মানো - ঽস্য়॒ - দধ॒-ত্পঞ্চ॑ চ) (অ. 13)

অনুবাকং 14 - অবভৃথে কর্মণি সেচনাদিমন্ত্রাঃ
যদ্দি॑দী॒ক্ষে মন॑সা॒ যচ্চ॑ বা॒চা । যদ্বা᳚ প্রা॒ণৈশ্চক্ষু॑ষা॒ যচ্চ॒ শ্রোত্রে॑ণ ।
যদ্রেত॑সা মিথু॒নেনা-প্য়া॒ত্মনা᳚ ।
অ॒দ্ভ্য়ো লো॒কা দ॑ধি॒রে তেজ॑ ইন্দ্রি॒যম্ ।
শু॒ক্রা দী॒ক্ষায়ৈ॒ তপ॑সো বি॒মোচ॑নীঃ ।
আপো॑ বিমো॒ক্ত্রী র্ময়ি॒ তেজ॑ ইন্দ্রি॒যম্ ॥
যদৃ॒চা সাম্না॒ যজু॑ষা । প॒শূ॒না-ঞ্চর্ম॑ন্. হ॒বিষা॑ দিদী॒ক্ষে ।
যচ্ছন্দো॑ভি॒-রোষ॑ধীভি॒-র্বন॒স্পতৌ᳚ ।
অ॒দ্ভ্য়ো লো॒কা দ॑ধি॒রে (দ॑ধিরে॒) তেজ॑ ইন্দ্রি॒যম্ ॥ 126 ॥

শু॒ক্রা দী॒ক্ষায়ৈ॒ তপ॑সো বি॒মোচ॑নীঃ ।
আপো॑ বিমো॒ক্ত্রী র্ময়ি॒ তেজ॑ ইন্দ্রি॒যম্ ॥
যেন॒ ব্রহ্ম॒ যেন॑ ক্ষ॒ত্রম্ । যেনে᳚ন্দ্রা॒গ্নী প্র॒জাপ॑তি॒-স্সোমো॒ বরু॑ণো॒ যেন॒ রাজা᳚ ।
বিশ্বে॑ দে॒বা ঋষ॑য়ো॒ যেন॑ প্রা॒ণাঃ ।
অ॒দ্ভ্য়ো লো॒কা দ॑ধিরে॒ তেজ॑ ইন্দ্রি॒যম্ ।
শু॒ক্রা দী॒ক্ষায়ৈ॒ তপ॑সো বি॒মোচ॑নীঃ ।
আপো॑ বিমো॒ক্ত্রী র্ময়ি॒ তেজ॑ ইন্দ্রি॒যম্ ॥
অ॒পা-ম্পুষ্প॑ম॒স্য়ো-ষ॑ধীনা॒গ্​ম্॒ রসঃ॑ । সোম॑স্য় প্রি॒য়-ন্ধাম॑ ॥ 127 ॥

অ॒গ্নেঃ প্রি॒যত॑মগ্​ম্ হ॒বি-স্স্বাহা᳚ ॥ অ॒পা-ম্পুষ্প॑-ম॒স্য়োষ॑ধীনা॒গ্​ম্॒ রসঃ॑ ।
সোম॑স্য় প্রি॒য়-ন্ধাম॑ । ইন্দ্র॑স্য় প্রি॒যত॑মগ্​ম্ হ॒বি-স্স্বাহা᳚ । অ॒পা-ম্পুষ্প॑ম॒স্য়ো-ষ॑ধীনা॒গ্​ম্॒ রসঃ॑ । সোম॑স্য় প্রি॒য়-ন্ধাম॑ ।
বিশ্বে॑ষা-ন্দে॒বানা᳚-ম্প্রি॒যত॑মগ্​ম্ হ॒বি-স্স্বাহা᳚ ॥ ব॒য়গ্​ম্ সো॑ম ব্র॒তে তব॑ ।
মন॑স্ত॒নূষু॒ পিপ্র॑তঃ । প্র॒জাব॑ন্তো অশীমহি ॥ 128 ॥

দে॒বেভ্য়ঃ॑ পি॒তৃভ্য়॒-স্স্বাহা᳚ । সো॒ম্য়েভ্য়ঃ॑ পি॒তৃভ্য়॒-স্স্বাহা᳚ । ক॒ব্য়েভ্য়ঃ॑ পি॒তৃভ্য়॒-স্স্বাহা᳚ ॥ দেবা॑স ই॒হ মা॑দযদ্ধ্বম্ ।
সোম্য়া॑স ই॒হ মা॑দযদ্ধ্বম্ । কব্য়া॑স ই॒হ মা॑দযদ্ধ্বম্ ॥ অন॑ন্তরিতাঃ পি॒তর॑-স্সো॒ম্য়া-স্সো॑মপী॒থাত্ ॥ অপৈ॑তু মৃ॒ত্য়ুর॒মৃত॑-ন্ন॒ আগন্ন্॑ । বৈ॒ব॒স্ব॒তো নো॒ অভ॑য়-ঙ্কৃণোতু ।
প॒র্ণং-বঁন॒স্পতে॑রিব ॥ 129 ॥

অ॒ভি ন॑-শ্শীযতাগ্​ম্ র॒য়িঃ । সচ॑তা-ন্ন॒-শ্শচী॒পতিঃ॑ ॥ পর॑-ম্মৃত্য়ো॒ অনু॒পরে॑হি॒ পন্থা᳚ম্ । যস্তে॒ স্ব ইত॑রো দেব॒য়ানা᳚ত্ । চক্ষু॑ষ্মতে শৃণ্ব॒তে তে᳚ ব্রবীমি । মা নঃ॑ প্র॒জাগ্​ম্ রী॑রিষো॒ মোত বী॒রান্ ॥ ই॒দমূ॒ নু শ্রেয়ো॑-ঽব॒সান॒-মাগ॑ন্ম । যদ্গো॒জি-দ্ধ॑ন॒জি-দ॑শ্ব॒জিদ্যত্ ।
প॒র্ণং-বঁন॒স্পতে॑রিব । অ॒ভি ন॑-শ্শীযতাগ্​ম্ র॒য়িঃ । সচ॑তা-ন্ন॒-শ্শচী॒পতিঃ॑ ॥ 130 ॥
(বন॒স্পতা॑ব॒দ্ভ্য়ো লো॒কা দ॑ধিরে॒ তেজ॑ ইন্দ্রি॒য়-ন্ধামা॑ - শীমহী - বা॒ - ভি ন॑-শ্শীযতাগ্​ম্ র॒য়িরেক॑-ঞ্চ) (অ. 14)

(সর্বা॒ন্॒. - য-দ্বিষ্ষ॑ণ্ণেন॒ - বি বৈ - যাঃ পু॒রস্তা॒-দ্- দেবা॑ দে॒বেষু॒ - পরি॑স্তণিত॒ - সক্ষে॒দং - ঁযদ॒স্য় পা॒রে॑ - ঽনা॒গস॒ - উদ॑স্তা-ম্ফ্সী॒-দ্- ব্রহ্ম॑ প্রতি॒ষ্ঠা - য-দ্দে॑ব॒ - যত্তে॒ গ্রাব.ণ্ণা॒ - য-দ্দি॑দী॒ক্ষে চতু॑র্দশ)

(সর্বা॒ন্ - ভূতি॑মে॒ব - যামে॒বাফ্স্বাহু॑তিম্ - ঁব্র॒তানাং᳚ - পর্ণব॒ল্কঃ - সো॒ম্য়ানা॑ - ম॒স্মিন্. য॒জ্ঞে - ঽগ্নে॒ যো নো॒ - জ্য়োগ্জী॒বাঃ - প॒রোর॑জাস্তে॒ - প্র তে॑ ম॒হে - ব্রহ্ম॑ প্রতি॒ষ্ঠা - গার্​হ॑পত্য়া স্ত্রি॒গ্​ম্॒শদু॑ত্তরশ॒তং)

(সর্বা॒ন্॒. বৈ - শচী॒পতিঃ॑)

॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে সপ্তমঃ প্রপাঠক-স্সমাপ্তঃ ॥