কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে দ্বিতীয়ঃ প্রপাঠকঃ - দশপূর্ণমাসেষ্টিব্রাহ্মণম্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - বথ্সাপাকরণম্

তৃ॒তীয়॑স্য়ামি॒তো দি॒বি সোম॑ আসীত্ । ত-ঙ্গা॑য়॒ত্র্য়াহ॑রত্ ।
তস্য়॑ প॒র্ণম॑চ্ছিদ্যত । ত-ত্প॒র্ণো॑-ঽভবত্ । ত-ত্প॒র্ণস্য়॑ পর্ণ॒ত্বম্ । ব্রহ্ম॒ বৈ প॒র্ণঃ । য-ত্প॑র্ণশা॒খয়া॑ ব॒থ্সান॑পাক॒রোতি॑ ।
ব্রহ্ম॑ণৈ॒বৈনা॑ন॒পাক॑রোতি ॥ গা॒য়॒ত্রো বৈ প॒র্ণঃ । গা॒য়॒ত্রাঃ প॒শবঃ॑ ॥ 1 ॥

তস্মা॒-ত্ত্রীণি॑ত্রীণি প॒র্ণস্য়॑ পলা॒শানি॑ । ত্রি॒পদা॑ গায়॒ত্রী । য-ত্প॑র্ণশ॒খয়া॒ গাঃ প্রা॒র্পয়॑তি । স্বয়ৈ॒বৈনা॑ দে॒বত॑য়া॒ প্রার্প॑যতি । য-ঙ্কা॒ময়ে॑তা প॒শু-স্স্য়া॒দিতি॑ । অ॒প॒র্ণা-ন্তস্মৈ॒ শুষ্কা᳚গ্রা॒মাহ॑রেত্ ।
অ॒প॒শুরে॒ব ভ॑বতি । য-ঙ্কা॒ময়ে॑ত পশু॒মান্-থ্স্য়া॒দিতি॑ । ব॒হু॒প॒র্ণা-ন্তস্মৈ॑ বহুশা॒খামাহ॑রেত্ । প॒শু॒মন্ত॑-মে॒বৈন॑-ঙ্করোতি ॥ 2 ॥

য-ত্প্রাচী॑মা॒হরে᳚ত্ । দে॒ব॒লো॒ক-ম॒ভিজ॑য়েত্ । যদুদী॑চী-ম্মনুষ্যলো॒কম্ । প্রাচী॒মুদী॑চী॒মাহ॑রতি । উ॒ভয়ো᳚-র্লো॒কয়ো॑-র॒ভিজি॑ত্য়ৈ ॥ ই॒ষে ত্বো॒র্জে ত্বেত্য়া॑হ । ইষ॑মে॒বোর্জং॒-য়ঁজ॑মানে দধাতি ॥
বা॒যব॒-স্স্থেত্য়া॑হ । বা॒য়ুর্বা অ॒ন্তরি॑ক্ষ॒-স্য়াদ্ধ্য়॑ক্ষাঃ ।
অ॒ন্ত॒রি॒ক্ষ॒দে॒ব॒ত্য়াঃ᳚ খলু॒ বৈ প॒শবঃ॑ ॥ 3 ॥

বা॒যব॑ এ॒বৈনা॒-ন্পরি॑ দদাতি । প্র বা এ॑নানে॒তদা-ক॑রোতি । যদাহ॑ । বা॒যব॒-স্স্থেত্য়ু॑পা॒যবঃ॒
স্থেত্য়া॑হ । যজ॑মানায়ৈ॒ব প॒শূনুপ॑হ্বযতে ॥
দে॒বো ব॑-স্সবি॒তা প্রার্প॑য়॒ত্বিত্য়া॑হ॒ প্রসূ᳚ত্য়ৈ ॥ শ্রেষ্ঠ॑তমায়॒ কর্ম॑ণ॒ ইত্য়া॑হ ।
য॒জ্ঞো হি শ্রেষ্ঠ॑তম॒-ঙ্কর্ম॑ । তস্মা॑দে॒বমা॑হ ॥
আপ্য়া॑যদ্ধ্বমঘ্নিয়া দেবভা॒গমিত্য়া॑হ ॥ 4 ॥

ব॒থ্সেভ্য়॑শ্চ॒ বা এ॒তাঃ পু॒রা ম॑নু॒ষ্য়ে᳚ভ্য়॒-শ্চাপ্য়া॑যন্ত । দে॒বেভ্য়॑ এ॒বৈনা॒ ইন্দ্রা॒য়াপ্য়া॑যতি ॥ ঊর্জ॑স্বতীঃ॒ পয়॑স্বতী॒রিত্য়া॑হ । ঊর্জ॒গ্​ম্ ॒হি পয়॑-স্স॒ম্ভর॑ন্তি ॥ প্র॒জাব॑তী-রনমী॒বা অ॑য়॒ক্ষ্মা ইত্য়া॑হ॒ প্রজা᳚ত্য়ৈ । মাব॑-স্স্তে॒ন ঈ॑শত॒ মা-ঽঘশগ্​ম্॑স॒ ইত্য়া॑হ॒ গুপ্ত্য়ৈ᳚ ॥ রু॒দ্রস্য়॑ হে॒তিঃ পরি॑ বো বৃণ॒ক্ত্বিত্য়া॑হ । রু॒দ্রা দে॒বৈনা᳚-স্ত্রাযতে ॥
ধ্রু॒বা অ॒স্মি-ন্গোপ॑তৌ স্য়াত ব॒হ্বীরিত্য়া॑হ ।
ধ্রু॒বা এ॒বাস্মি॑-ন্ব॒হ্বীঃ ক॑রোতি ॥ 5 ॥

যজ॑মানস্য় প॒শূ-ন্পা॒হীত্য়া॑হ । প॒শু॒না-ঙ্গো॑পী॒থায়॑ । তস্মা᳚থ্সা॒য়-ম্প॒শব॒ উপ॑ স॒মাব॑র্তন্তে ॥ অন॑ধ-স্সাদযতি । গর্ভা॑ণা॒-ন্ধৃত্য়া॒ অপ্র॑পাদায় । তস্মা॒দ্গর্ভাঃ᳚ প্র॒জানা॒মপ্র॑পাদুকাঃ ।
উ॒পরী॑ব॒ নিদ॑ধাতি । উ॒পরী॑ব॒ হি সু॑ব॒র্গো লো॒কঃ ।
সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ 6 ॥
(প॒শবঃ॑ - করোতি - প॒শবো॑ - দেবভা॒গমিত্য়া॑হ - করোতি॒ - +নব॑ চ) (অ. 1)

অনুবাকং 2 - বর্​হিরাহরণম্
দে॒বস্য়॑ ত্বা সবি॒তুঃ প্র॑স॒ব ইত্য়॑শ্বপ॒র্॒শুমাদ॑ত্তে॒ প্রসূ᳚ত্য়ৈ ।
অ॒শ্বিনো᳚-র্বা॒হুভ্য়া॒মিত্য়া॑হ ।
অ॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚ম্ ।
পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ᳚ ॥ যো বা ওষ॑ধীঃ পর্ব॒শো বেদ॑ । নৈনা॒-স্স হি॑নস্তি । প্র॒জাপ॑তি॒র্বা ওষ॑ধীঃ পর্ব॒শো বে॑দ । স এ॑না॒ ন হি॑নস্তি । অ॒শ্ব॒প॒র্​শ্বা ব॒র্॒হিরচ্ছৈ॑তি ।
প্রা॒জা॒প॒ত্য়ো বা অশ্ব॑-স্সয়োনি॒ত্বায়॑ ॥ 7 ॥

ওষ॑ধীনা॒মহিগ্​ম্॑সায়ৈ ॥
য॒জ্ঞস্য়॑ ঘো॒ষদ॒সীত্য়া॑হ ।
যজ॑মান এ॒ব র॒য়ি-ন্দ॑ধাতি । প্রত্য়ু॑ষ্ট॒গ্​ম্॒ রক্ষঃ॒ প্রত্য়ু॑ষ্টা॒ অরা॑তয়॒ ইত্য়া॑হ ।
রক্ষ॑সা॒-মপ॑হত্য়ৈ ॥ প্রেযম॑গাদ্ধি॒ষণা॑ ব॒র্॒হিরচ্ছেত্য়া॑হ । বি॒দ্য়া বৈ ধি॒ষণা᳚ । বি॒দ্যয়ৈ॒বৈন॒দচ্ছৈ॑তি ॥ মনু॑না কৃ॒তা স্ব॒ধয়া॒ বিত॒ষ্টেত্য়া॑হ । মা॒ন॒বী হি পর্​শু॑-স্স্ব॒ধাকৃ॑তা ॥ 8 ॥

ত আব॑হন্তি ক॒বয়ঃ॑ পু॒রস্তা॒দিত্য়া॑হ । শু॒শ্রু॒বাগ্​ম্সো॒ বৈ ক॒বয়ঃ॑ । য॒জ্ঞঃ পু॒রস্তা᳚ত্ । মু॒খ॒ত এ॒ব য॒জ্ঞমার॑ভতে । অথো॒ যদে॒তদু॒ক্ত্বা যতঃ॒ কুত॑শ্চা॒হর॑তি । ত-ত্প্রাচ্য়া॑ এ॒ব দি॒শো ভ॑বতি ॥
দে॒বেভ্য়ো॒ জুষ্ট॑মি॒হ ব॒র্॒হিরা॒সদ॒ ইত্য়া॑হ । ব॒র্॒হিষ॒-স্সমৃ॑দ্ধ্য়ৈ । কর্ম॒ণো-ঽন॑পরাধায় ॥ দে॒বানা᳚-ম্পরিষূ॒তম॒সীত্য়া॑হ ॥ 9 ॥

যদ্বা ই॒দ-ঙ্কি-ঞ্চ॑ । ত-দ্দে॒বানা᳚-ম্পরিষূ॒তম্ ।
অথো॒ যথা॒ বস্য়॑সে প্রতি॒ প্রোচ্য়াহে॒দ-ঙ্ক॑রিষ্য়া॒মীতি॑ । এ॒বমে॒ব তদ॑দ্ধ্ব॒র্য়ু-র্দে॒বেভ্য়ঃ॑ প্রতি॒ প্রোচ্য়॑ ব॒র্॒হির্দা॑তি । আ॒ত্মনো-ঽহিগ্​ম্॑সায়ৈ ॥ যাব॑ত-স্স্ত॒ম্বা-ন্প॑রি দি॒শেত্ । যত্তেষা॑-মুচ্ছি॒গ্গ্॒ষ্য়াত্ । অতি॒ ত-দ্য়॒জ্ঞস্য়॑ রেচয়েত্ । একগ্গ্॑ স্ত॒ম্ব-ম্পরি॑দিশেত্ ।
তগ্​ম্ সর্ব॑-ন্দায়াত্ ॥ 10 ॥

য॒জ্ঞস্য়ান॑তিরেকায় ॥ ব॒র্॒ষবৃ॑দ্ধ-ম॒সীত্য়া॑হ ।
ব॒র্॒ষ বৃ॑দ্ধা॒ বা ওষ॑ধয়ঃ ॥
দেব॑ বর্​হি॒রিত্য়া॑হ । দে॒বেভ্য়॑ এ॒বৈন॑-ত্করোতি ।
মা ত্বা॒-ঽন্বম্মা তি॒র্যগিত্য়া॒হা হিগ্​ম্॑সায়ৈ ।
পর্ব॑ তে রাদ্ধ্য়াস॒মিত্য়া॒-হর্ধ্য়ৈ᳚ ॥
আ॒চ্ছে॒ত্তা তে॒ মা রি॑ষ॒মিত্য়া॑হ । নাস্য়া॒ত্মনো॑ মীযতে ।
য এ॒বং-বেঁদ॑ ॥ 11 ॥

দেব॑বর্​হি-শ্শ॒তব॑ল্​শং॒-বিঁরো॒হেত্য়া॑হ । প্র॒জা বৈ ব॒র্॒হিঃ । প্র॒জানা᳚-ম্প্র॒জন॑নায় ॥ স॒হস্র॑বল্​শা॒ বি ব॒য়গ্​ম্ রু॑হে॒মেত্য়া॑হ । আ॒শিষ॑মে॒বৈতামাশা᳚স্তে ॥ পৃ॒থি॒ব্য়া-স্স॒পৃঞ্চঃ॑ পা॒হীত্য়া॑হ॒ প্রতি॑ষ্ঠিত্য়ৈ ॥
অয়ু॑ঙ্গায়ুঙ্গা-ন্মু॒ষ্টীন্ ঁলু॑নোতি । মি॒থু॒ন॒ত্বায়॒ প্রজা᳚ত্য়ৈ ॥ সু॒স॒ভৃন্তা᳚ ত্বা॒ সম্ভ॑রা॒মীত্য়া॑হ । ব্রহ্ম॑ণৈ॒বৈন॒থ্- সম্ভ॑রতি ॥ 12 ॥

অদি॑ত্য়ৈ॒ রাস্না॒-ঽসীত্য়া॑হ । ই॒য়ং-বাঁ অদি॑তিঃ ।
অ॒স্য়া এ॒বৈন॒-দ্রাস্না᳚-ঙ্করোতি ॥ ই॒ন্দ্রা॒ণ্য়ৈ স॒নংহ॑ন॒মিত্য়া॑হ । ই॒ন্দ্রা॒ণী বা অগ্রে॑ দে॒বতা॑না॒গ্​ম্॒ সম॑নহ্যত । সা ঽঽর্ধ্নো᳚ত্ ।
ঋদ্ধ্য়ৈ॒ সন্ন॑হ্যতি । প্র॒জা বৈ ব॒র্॒হিঃ ।
প্র॒জানা॒মপ॑রাবাপায় ।
তস্মা॒-থ্স্নাব॑সন্ততাঃ প্র॒জা জা॑যন্তে ॥ 13 ॥

পূ॒ষা তে᳚ গ্র॒ন্থি-ঙ্গ্র॑থ্না॒ত্বিত্য়া॑হ ।
পুষ্টি॑মে॒ব যজ॑মানে দধাতি ॥ স তে॒ মা-ঽঽ স্থা॒দিত্য়া॒হাহিগ্​ম্॑সায়ৈ ॥ প॒শ্চা-ত্প্রাঞ্চ॒মুপ॑গূহতি ।
প॒শ্চা-দ্বৈ প্রা॒চীন॒গ্​ম্॒ রেতো॑ ধীযতে ।
প॒শ্চাদে॒বাস্মৈ᳚ প্রা॒চীন॒গ্​ম্॒ রেতো॑ দধাতি ॥
ইন্দ্র॑স্য় ত্বা বা॒হুভ্য়া॒-মুদ্য়॑চ্ছ॒ ইত্য়া॑হ । ই॒ন্দ্রি॒যমে॒ব যজ॑মানে দধাতি ॥
বৃহ॒স্পতে᳚র্মূ॒র্ধ্না হ॑রা॒মীত্য়া॑হ ।
ব্রহ্ম॒ বৈ দে॒বানা॒-ম্বৃহ॒স্পতিঃ॑ ॥ 14 ॥

ব্রহ্ম॑ণৈ॒বৈন॑দ্ধরতি ॥ উ॒র্ব॑ন্তরি॑ক্ষ॒-মন্বি॒হীত্য়া॑হ॒ গত্য়ৈ᳚ ॥ দে॒ব॒গ॒ম্মম॒সীত্য়া॑হ । দে॒বানে॒বৈন॑দ্গমযতি ॥ অন॑ধ-স্সাদযতি ।
গর্ভা॑ণা॒-ন্ধৃত্য়া॒ অপ্র॑পাদায় । তস্মা॒-দ্গর্ভাঃ᳚ প্র॒জানা॒মপ্র॑পাদুকাঃ । উ॒পরী॑ব॒ নিদ॑ধাতি । উ॒পরী॑ব॒ হি সু॑ব॒র্গো লো॒কঃ ।
সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ 15 ॥
(স॒য়ো॒নি॒ত্বায়॑ - স্ব॒ধাকৃ॑তা॒ - ঽসীত্য়া॑হ - দায়া॒-দ্- বেদ॑ - ভরতি - জাযন্তে॒ - বৃহ॒স্পতিঃ॒ - সম॑ষ্ট্য়ৈ) (অ. 2)

অনুবাকং 3 - দোহনম্
পূ॒র্বে॒দ্য়ুরি॒দ্ধ্মা ব॒র্॒হিঃ ক॑রোতি । য॒জ্ঞমে॒বারভ্য়॑ গৃহী॒ত্বোপ॑বসতি ॥ প্র॒জাপ॑তি-র্য়॒জ্ঞম॑সৃজত । তস্য়ো॒খে অ॑স্রগ্​ম্সেতাম্ । য॒জ্ঞো বৈ প্র॒জাপ॑তিঃ ।
য-থ্সা᳚ন্নায়্য়ো॒খে ভব॑তঃ ।
য॒জ্ঞস্য়ৈ॒ব তদু॒খে উপ॑দধা॒ত্য়-প্র॑স্রগ্​ম্সায় ॥
শুন্ধ॑দ্ধ্ব॒-ন্দৈব্য়া॑য়॒ কর্ম॑ণে দেবয়॒জ্য়ায়া॒ ইত্য়া॑হ । দে॒ব॒য়॒জ্য়ায়া॑ এ॒বৈনা॑নি শুন্ধতি ॥ মা॒ত॒রিশ্ব॑নো ঘ॒র্মো॑-ঽসীত্য়া॑হ ॥ 16 ॥

অ॒ন্তরি॑ক্ষং॒-বৈঁ মা॑ত॒রিশ্ব॑নো ঘ॒র্মঃ ।
এ॒ষাং-লোঁ॒কানাং॒-বিঁধৃ॑ত্য়ৈ ॥
দ্য়ৌর॑সি পৃথি॒ব্য়॑সীত্য়া॑হ । দি॒বশ্চ॒ হ্য়ে॑ষা পৃ॑থি॒ব্য়াশ্চ॒ সম্ভৃ॑তা । যদু॒খা ।
তস্মা॑দে॒বমা॑হ ॥ বি॒শ্বধা॑য়া অসি পর॒মেণ॒ ধাম্নেত্য়া॑হ । বৃষ্টি॒র্বৈ বি॒শ্বধা॑য়াঃ । বৃষ্টি॑মে॒বাব॑রুন্ধে । দৃগ্​ম্হ॑স্ব॒ মা হ্বা॒রিত্য়া॑হ॒ ধৃত্য়ৈ᳚ ॥ 17 ॥

বসূ॑না-ম্প॒বিত্র॑ম॒সীত্য়া॑হ । প্রা॒ণা বৈ বস॑বঃ ।
তেষাং॒-বাঁ এ॒ত-দ্ভা॑গ॒ধেয়᳚ম্ । য-ত্প॒বিত্র᳚ম্ । তেভ্য়॑ এ॒বৈন॑-ত্করোতি ॥ শ॒তধা॑রগ্​ম্ স॒হস্র॑ধার॒মিত্য়া॑হ । প্রা॒ণেষ্বে॒বায়ু॑-র্দধাতি সর্ব॒ত্বায়॑ ॥ ত্রি॒বৃ-ত্প॑লাশশা॒খায়া᳚-ন্দর্ভ॒ময়॑-ম্ভবতি । ত্রি॒বৃদ্বৈ প্রা॒ণঃ । ত্রি॒বৃত॑মে॒ব প্রা॒ণ-ম্ম॑দ্ধ্য়॒তো যজ॑মানে দধাতি ॥ 18 ॥

সৌ॒ম্য়ঃ প॒র্ণ-স্স॑য়োনি॒ত্বায়॑ । সা॒ক্ষা-ত্প॒বিত্র॑-ন্দ॒র্ভাঃ । প্রাখ্সা॒যমধি॒ নিদ॑ধাতি । ত-ত্প্রা॑ণাপা॒নয়ো॑ রূ॒পম্ । তি॒র্যক্প্রা॒তঃ । ত-দ্দর্​শ॑স্য় রূ॒পম্ । দা॒র্​শ্যগ্গ্​ হ্য়ে॑তদহঃ॑ । অন্নং॒-বৈঁ চ॒ন্দ্রমাঃ᳚ ।
অন্ন॑-ম্প্রা॒ণাঃ । উ॒ভয়॑মে॒বোপৈ॒ত্যজা॑মিত্বায় ॥ 19 ॥

তস্মা॑দ॒য়গ্​ম্ স॒র্বতঃ॑ পবতে ॥ হু॒ত-স্স্তো॒কো হু॒তো দ্র॒ফ্স ইত্য়া॑হ॒ প্রতি॑ষ্ঠিত্য়ৈ । হ॒বিষো-ঽস্ক॑ন্দায় ।
ন হি হু॒তগ্গ্​ স্বাহা॑কৃত॒গ্গ্॒ স্কন্দ॑তি ।
দি॒বি নাকো॒ নামা॒গ্নিঃ । তস্য়॑ বি॒প্রুষো॑ ভাগ॒ধেয়᳚ম্ ।
অ॒গ্নয়ে॑ বৃহ॒তে নাকা॒য়েত্য়া॑হ ।
নাক॑মে॒বাগ্নি-ম্ভা॑গ॒ধেয়ে॑ন॒ সম॑র্ধযতি ।
স্বাহা॒ দ্য়াবা॑পৃথি॒বীভ্য়া॒মিত্য়া॑হ ।
দ্য়াবা॑পৃথি॒ব্য়োরে॒বৈন॒ত্-প্রতি॑ষ্ঠাপযতি ॥ 20 ॥

প॒বিত্র॑ব॒ত্য়ান॑যতি । অ॒পা-ঞ্চৈ॒বৌষ॑ধীনা-ঞ্চ॒ রস॒গ্​ম্॒ সগ্​ম্সৃ॑জতি । অথো॒ ওষ॑ধীষ্বে॒ব প॒শূ-ন্প্রতি॑ষ্ঠাপযতি ॥ অ॒ন্বা॒রভ্য়॒ বাচং॑-য়ঁচ্ছতি ।
য॒জ্ঞস্য়॒ ধৃত্য়ৈ᳚ । ধা॒রয়॑ন্নাস্তে । ধা॒রয়॑ন্ত ইব॒ হি দু॒হন্তি॑ । কাম॑ধুক্ষ॒ ইত্য়া॒হাতৃ॒তীয়॑স্য়ৈ । ত্রয়॑ ই॒মে লো॒কাঃ । ই॒মানে॒ব লো॒কান্. যজ॑মানো দুহে ॥ 21 ॥

অ॒মূমিতি॒ নাম॑ গৃহ্ণাতি । ভ॒দ্রমে॒বাসা॒-ঙ্কর্মা॒বিষ্ক॑রোতি ॥ সা বি॒শ্বায়ু॒-স্সা বি॒শ্বব্য়॑চা॒-স্সা বি॒শ্বক॒র্মেত্য়া॑হ । ই॒য়ং-বৈঁ বি॒শ্বায়ুঃ॑ ।
অ॒ন্তরি॑ক্ষং-বিঁ॒শ্বব্য়॑চাঃ । অ॒সৌ বি॒শ্বক॑র্মা ।
ই॒মানে॒বৈতাভি॑র্লো॒কান্. য॑থাপূ॒র্ব-ন্দু॑হে ।
অথো॒ যথা᳚ প্রদা॒ত্রে পুণ্য়॑মা॒শাস্তে᳚ । এ॒বমে॒বৈনা॑ এ॒তদুপ॑স্তৌতি । তস্মা॒ত্-প্রাদা॒দিত্য়ু॒ন্নীয়॒ বন্দ॑মানা উপস্তু॒বন্তঃ॑ প॒শূ-ন্দু॑হন্তি ॥ 22 ॥

ব॒হু দু॒গ্ধীন্দ্রা॑য় দে॒বেভ্য়ো॑ হ॒বিরিতি॒ বাচং॒-বিঁসৃ॑জতে । য॒থা॒ দে॒ব॒তমে॒ব প্রসৌ॑তি ।
দৈব্য়॑স্য় চ মানু॒ষস্য়॑ চ॒ ব্য়াবৃ॑ত্ত্য়ৈ ।
ত্রিরা॑হ । ত্রিষ॑ত্য়া॒ হি দে॒বাঃ । অবা॑চং-য়ঁ॒মো-ঽন॑ন্বা-র॒ভ্য়োত্ত॑রাঃ । অপ॑রিমিতমে॒বাব॑রুন্ধে ॥
ন দা॑রুপা॒ত্রেণ॑ দুহ্য়াত্ । অ॒গ্নি॒বদ্বৈ দা॑রুপা॒ত্রম্ ।
য-দ্দা॑রুপা॒ত্রেণ॑ দু॒হ্য়াত্ ॥ 23 ॥

যা॒তয়া᳚ম্না হ॒বিষা॑ যজেত । অথো॒ খল্বা॑হুঃ ।
পু॒রো॒ডাশ॑মুখানি॒ বৈ হ॒বীগ্​ম্ষি॑ । নেত ই॑তঃ পুরো॒ডাশগ্​ম্॑ হ॒বিষো॒ যামো॒-ঽস্তীতি॑ ।
কাম॑মে॒ব দা॑রুপা॒ত্রেণ॑ দুহ্য়াত্ ॥ শূ॒দ্র এ॒ব ন দু॑হ্য়াত্ । অস॑তো॒ বা এ॒ষ সম্ভূ॑তঃ । যচ্ছূ॒দ্রঃ । অহ॑বিরে॒ব তদিত্য়া॑হুঃ । যচ্ছূ॒দ্রো দোগ্ধীতি॑ ॥ 24 ॥

অ॒গ্নি॒হো॒ত্রমে॒বন দু॑হ্য়াচ্ছূ॒দ্রঃ । তদ্ধি নোত্-পু॒নন্তি॑ । য॒দা খলু॒ বৈ প॒বিত্র॑ম॒ত্য়েতি॑ । অথ॒ তদ্ধ॒বিরিতি॑ ॥
সম্পৃ॑চ্যদ্ধ্ব-মৃতাবরী॒রিত্য়া॑হ । অ॒পা-ঞ্চৈ॒বৌষ॑ধীনা-ঞ্চ॒ রস॒গ্​ম্॒ সগ্​ম্সৃ॑জতি ।
তস্মা॑দ॒পা-ঞ্চৌষ॑ধীনা-ঞ্চ॒ রস॒মুপ॑ জীবামঃ ।
ম॒ন্দ্রা ধন॑স্য় সা॒তয়॒ ইত্য়া॑হ । পুষ্টি॑মে॒ব যজ॑মানে দধাতি ॥ সোমে॑ন॒ ত্বা-ঽঽত॑ন॒চ্মীন্দ্রা॑য়॒ দধীত্য়া॑হ ॥ 25 ॥

সোম॑মে॒বৈন॑-ত্করোতি । যো বৈ সোম॑-ম্ভক্ষয়ি॒ত্বা ।
সং॒​বঁ॒থ্স॒রগ্​ম্ সোম॒-ন্ন পিব॑তি । পু॒ন॒র্ভক্ষ্য়ো᳚-ঽস্য় সোমপী॒থো ভ॑বতি ॥
সোমঃ॒ খলু॒ বৈ সা᳚নাং॒য়্যম্ । য এ॒বং-বিঁ॒দ্বান্-থ্সা᳚নাং॒য়্য়-ম্পিব॑তি । অ॒পু॒ন॒র্ভক্ষ্য়ো᳚-ঽস্য় সোমপী॒থো ভ॑বতি । ন মৃ॒ন্ময়ে॒নাপি॑দদ্ধ্য়াত্ ।
য-ন্মৃ॒ন্ময়ে॑নাপিদ॒দ্ধ্য়াত্ ।
পি॒তৃ॒দে॒ব॒ত্যগ্গ্॑ স্য়াত্ ॥ 26 ॥
অ॒য়॒স্পা॒ত্রেণ॑ বা দারুপা॒ত্রেণ॒ বা-ঽপি॑দধাতি ।
তদ্ধি সদে॑বম্ ॥ উ॒দ॒ন্বদ্- ভ॑বতি । আপো॒ বৈ র॑ক্ষো॒ঘ্নীঃ । রক্ষ॑সা॒-মপ॑হত্য়ৈ ॥
অদ॑স্তমসি॒ বিষ্ণ॑বে॒ ত্বেত্য়া॑হ । য॒জ্ঞো বৈ বিষ্ণুঃ॑ ।
য॒জ্ঞায়ৈ॒বৈন॒দদ॑স্ত-ঙ্করোতি । বিষ্ণো॑ হ॒ব্য়গ্​ম্ র॑ক্ষ॒স্বেত্য়া॑হ॒ গুপ্ত্য়ৈ᳚ ॥ অন॑ধ-স্সাদযতি । গর্ভা॑ণা॒-ন্ধৃত্য়া॒ অপ্র॑পাদায় ।
তস্মা॒-দ্গর্ভাঃ᳚ প্র॒জানা॒ম প্র॑পাদুকাঃ । উ॒পরী॑ব॒ নিদ॑ধাতি । উ॒পরী॑ব॒ হি সু॑ব॒র্গো লো॒কঃ । সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ 27 ॥
(অ॒সীত্য়া॑হ॒ - ধৃত্য়ৈ॒ - যজ॑মানে দধা॒ - ত্যজা॑মিত্বায় - স্থাপযতি - দুহে - দুহন্তি - দু॒হ্য়া-দ্- দোগ্ধীতি॒ - দধীত্য়া॑হ - স্য়াথ্ - সাদযতি॒ পঞ্চ॑ চ) (অ. 3)

অনুবাকং 4 - হবির্নির্বাপঃ
কর্ম॑ণে বা-ন্দে॒বেভ্য়॑-শ্শকেয়॒মিত্য়া॑হ॒ শক্ত্য়ৈ᳚ ।
য॒জ্ঞস্য়॒ বৈ সন্ত॑তি॒মনু॑ প্র॒জাঃ প॒শবো॒ যজ॑মানস্য়॒ সন্তা॑যন্তে । য॒জ্ঞস্য়॒ বিচ্ছি॑ত্তি॒মনু॑ প্র॒জাঃ প॒শবো॒ যজ॑মানস্য়॒ বিচ্ছি॑দ্যন্তে ।
য॒জ্ঞস্য়॒ সন্ত॑তিরসি য॒জ্ঞস্য়॑ ত্বা॒ সন্ত॑ত্য়ৈ স্তৃণামি॒ সন্ত॑ত্য়ৈ ত্বা য॒জ্ঞস্য়েত্য়াহ॑ব॒নীয়া॒-থ্সন্ত॑নোতি । যজ॑মানস্য় প্র॒জায়ৈ॑ পশূ॒নাগ্​ম্ সন্ত॑ত্য়ৈ ॥ অ॒পঃ প্রণ॑যতি । শ্র॒দ্ধা বা আপঃ॑ । শ্র॒দ্ধামে॒বারভ্য়॑ প্র॒ণীয়॒ প্রচ॑রতি । অ॒পঃ প্রণ॑যতি । য॒জ্ঞো বা আপঃ॑ ॥ 28 ॥

য॒জ্ঞমে॒বারভ্য়॑ প্র॒ণীয়॒ প্রচ॑রতি । অ॒পঃ প্রণ॑যতি । বজ্রো॒ বা আপঃ॑ । বজ্র॑মে॒ব ভ্রাতৃ॑ব্য়েভ্য়ঃ প্র॒হৃত্য়॑ প্র॒ণীয়॒ প্রচ॑রতি । অ॒পঃ প্রণ॑যতি ।
আপো॒ বৈ র॑ক্ষো॒ঘ্নীঃ । রক্ষ॑সা॒-মপ॑হত্য়ৈ । অ॒পঃ প্রণ॑যতি । আপো॒ বৈ দে॒বানা᳚-ম্প্রি॒য়-ন্ধাম॑ ।
দে॒বানা॑মে॒ব প্রি॒য়-ন্ধাম॑ প্র॒ণীয়॒ প্রচ॑রতি ॥ 29 ॥

অ॒পঃ প্রণ॑যতি । আপো॒ বৈ সর্বা॑ দে॒বতাঃ᳚ ।
দে॒বতা॑ এ॒বারভ্য়॑ প্র॒ণীয়॒ প্রচ॑রতি ॥ বেষা॑য়॒ ত্বেত্য়া॑হ । বেষা॑য়॒ হ্য়ে॑নদাদ॒ত্তে ॥ প্রত্য়ু॑ষ্ট॒গ্​ম্॒ রক্ষঃ॒ প্রত্য়ু॑ষ্টা॒ অরা॑তয়॒ ইত্য়া॑হ ।
রক্ষ॑সা॒-মপ॑হত্য়ৈ ॥ ধূর॒সীত্য়া॑হ । এ॒ষ বৈ ধুর্য়ো॒-ঽগ্নিঃ । তং-য়ঁদনু॑পস্পৃশ্য়াতী॒য়াত্ ॥ 30 ॥

অ॒দ্ধ্ব॒র্য়ু-ঞ্চ॒ যজ॑মান-ঞ্চ॒ প্রদ॑হেত্ । উ॒প॒স্পৃশ্য়াত্য়ে॑তি । অ॒দ্ধ্ব॒র্য়োশ্চ॒ যজ॑মানস্য়॒ চাপ্র॑দাহায় ॥ ধূর্ব॒ তং​য়োঁ᳚-ঽস্মা-ন্ধূর্ব॑তি॒ ত-ন্ধূ᳚র্ব॒ যং-বঁ॒য়-ন্ধূর্বা॑ম॒ ইত্য়া॑হ ।
দ্বৌ বাব পুরু॑ষৌ । য-ঞ্চৈ॒ব ধূর্ব॑তি । যশ্চৈ॑ন॒-ন্ধূর্ব॑তি । তাবু॒ভৌ শু॒চা-ঽর্প॑যতি ॥ ত্ব-ন্দে॒বানা॑মসি॒ সস্নি॑তম॒-ম্পপ্রি॑তম॒-ঞ্জুষ্ট॑তমং॒-বঁহ্নি॑তম-ন্দেব॒হূত॑ম॒মিত্য়া॑হ । য॒থা॒ য॒জুরে॒বৈ তত্ ॥ 31 ॥

অহ্রু॑তমসি হবি॒র্ধান॒-মিত্য়া॒হানা᳚র্ত্য়ৈ ।
দৃগ্​ম্হ॑স্ব॒ মা হ্বা॒রিত্য়া॑হ॒ ধৃত্য়ৈ᳚ ॥
মি॒ত্রস্য়॑ ত্বা॒ চক্ষু॑ষা॒ প্রেক্ষ॒ ইত্য়া॑হ মিত্র॒ত্বায়॑ ।
মা ভের্মা সং​বিঁ॑ক্থা॒ মা ত্বা॑ হিগ্​ম্সিষ॒-মিত্য়া॒হাহিগ্​ম্॑সায়ৈ । যদ্বৈ কি-ঞ্চ॒ বাতো॒ নাভি॒বাতি॑ ।
ত-থ্সর্বং॑-বঁরুণদেব॒ত্য়᳚ম্ ॥ উ॒রু বাতা॒য়েত্য়া॑হ । অবা॑রুণমে॒বৈন॑-ত্করোতি ॥ দে॒বস্য়॑ ত্বা সবি॒তুঃ

প্র॑স॒ব ইত্য়া॑হ॒ প্রসূ᳚ত্য়ৈ ।
অ॒শ্বিনো᳚-র্বা॒হুভ্য়া॒মিত্য়া॑হ ॥ 32 ॥

অ॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚ম্ ।
পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ᳚ । অ॒গ্নয়ে॒ জুষ্ট॒-ন্নির্ব॑পা॒মীত্য়া॑হ । অ॒গ্নয়॑ এ॒বৈনা॒ঞ্জুষ্টং॒
নির্ব॑পতি । ত্রির্যজু॑ষা । ত্রয়॑ ই॒মে লো॒কাঃ ।
এ॒ষাং-লোঁ॒কানা॒মাপ্ত্য়ৈ᳚ । তূ॒ষ্ণী-ঞ্চ॑তু॒র্থম্ ।
অপ॑রিমিতমে॒বাব॑রুন্ধে । স এ॒বমে॒বানু॑পূ॒র্বগ্​ম্ হ॒বীগ্​ম্ষি॒ নির্ব॑পতি ॥ 33 ॥

ই॒দ-ন্দে॒বানা॑মি॒দমু॑ ন-স্স॒হেত্য়া॑হ॒ ব্য়াবৃ॑ত্ত্য়ৈ ॥
স্ফা॒ত্য়ৈ ত্বা॒ নারা᳚ত্য়া॒ ইত্য়া॑হ॒ গুপ্ত্য়ৈ᳚ । তম॑সীব॒ বা এ॒ষো᳚-ঽন্তশ্চ॑রতি । যঃ প॑রী॒ণহি॑ ॥ সুব॑র॒ভি বিখ্য়ে॑ষং-বৈঁশ্বান॒র-ঞ্জ্য়োতি॒রিত্য়া॑হ ।
সুব॑রে॒বাভি বি প॑শ্যতি বৈশ্বান॒র-ঞ্জ্য়োতিঃ॑ ।
দ্য়াবা॑পৃথি॒বী হ॒বিষি॑ গৃহী॒ত উদ॑বেপেতাম্ ॥
দৃগ্​ম্হ॑ন্তা॒-ন্দুর্য়া॒ দ্য়াবা॑পৃথি॒ব্য়োরিত্য়া॑হ ।
গৃ॒হাণা॒-ন্দ্য়াবা॑পৃথি॒ব্য়ো-র্ধৃত্য়ৈ᳚ ॥
উ॒র্ব॑ন্তরি॑ক্ষ॒-মন্বি॒হীত্য়া॑হ॒ গত্য়ৈ᳚ ॥
অদি॑ত্য়াস্ত্বো॒পস্থে॑ সাদয়া॒মীত্য়া॑হ । ই॒য়ং-বাঁ অদি॑তিঃ । অ॒স্য়া এ॒বৈন॑দু॒পস্থে॑ সাদযতি ॥
অগ্নে॑ হ॒ব্য়গ্​ম্ র॑ক্ষ॒স্বেত্য়া॑হ॒ গুপ্ত্য়ৈ᳚ ॥ 34 ॥
(য়॒জ্ঞো বা আপো॒ - ধাম॑ প্র॒ণীয়॒ প্রচ॑র - ত্যতী॒য়া - দে॒ত-দ্- বা॒হুভ্য়া॒মিত্য়া॑হ - হ॒বিগ্​ম্ষি॒ নির্ব॑পতি॒ - গত্য়ৈ॑ চ॒ত্বারি॑ চ) (অ. 4)

অনুবাকং 5 - ব্রীহ্যবঘাতঃ
ইন্দ্রো॑ বৃ॒ত্রম॑হন্ন্ । সো॑-ঽপঃ । অ॒ভ্য়॑ম্রিযত ।
তাসাং॒-য়ঁন্মেদ্ধ্য়ং॑-য়ঁ॒জ্ঞিয়॒গ্​ম্॒ সদে॑ব॒মাসী᳚ত্ । তদপোদ॑ক্রামত্ । তে দ॒র্ভা অ॑ভবন্ন্ । য-দ্দ॒র্ভৈর॒প উ॑ত্পু॒নাতি॑ । যা এ॒ব মেদ্ধ্য়া॑ য॒জ্ঞিয়া॒-স্সদে॑বা॒ আপঃ॑ । তাভি॑রে॒বৈনা॒ উত্পু॑নাতি । দ্বাভ্য়া॒মুত্পু॑নাতি ॥ 35 ॥

দ্বি॒পা-দ্যজ॑মানঃ॒ প্রতি॑ষ্ঠিত্য়ৈ ॥ দে॒বো ব॑-স্সবি॒তোত্-পু॑না॒ত্বিত্য়া॑হ । স॒বি॒তৃপ্র॑সূত এ॒বৈনা॒ উত্পু॑নাতি । অচ্ছি॑দ্রেণ প॒বিত্রে॒ণেত্য়া॑হ । অ॒সৌ বা আ॑দি॒ত্য়ো-ঽচ্ছি॑দ্র-ম্প॒বিত্র᳚ম্ । তেনৈ॒বৈনা॒ উত্পু॑নাতি । বসো॒-স্সূর্য়॑স্য় র॒শ্মিভি॒রিত্য়া॑হ । প্রা॒ণা বা আপঃ॑ । প্রা॒ণা বস॑বঃ । প্রা॒ণা র॒শ্ময়ঃ॑ ॥ 36 ॥

প্রা॒ণৈরে॒ব প্রা॒ণান্-থ্সম্পৃ॑ণক্তি । সা॒বি॒ত্রি॒যর্চা ।
স॒বি॒তৃপ্র॑সূত-ম্মে॒ কর্মা॑স॒দিতি॑ ।
স॒বি॒তৃপ্র॑সূতমে॒বাস্য়॒ কর্ম॑ ভবতি ।
প॒চ্ছো গা॑যত্রি॒য়া ত্রি॑ষ্ষমৃদ্ধ॒ত্বায়॑ ॥
আপো॑ দেবীরগ্রেপুবো অগ্রেগুব॒ ইত্য়া॑হ ।
রূ॒প-মে॒বাসা॑মে॒ত-ন্ম॑হি॒মানং॒-ব্য়াঁচ॑ষ্টে ।
অগ্র॑ ই॒মং-য়ঁ॒জ্ঞ-ন্ন॑য়॒তাগ্রে॑
য॒জ্ঞপ॑তি॒মিত্য়া॑হ । অগ্রে॑ এ॒ব য॒জ্ঞ-ন্ন॑যন্তি ।
অগ্রে॑ য॒জ্ঞপ॑তিম্ ॥ 37 ॥

যু॒ষ্মানিন্দ্রো॑ ঽবৃণীত বৃত্র॒তূয়ে॑ যূ॒যমিন্দ্র॑মবৃণীদ্ধ্বং-বৃঁত্র॒তূর্য়॒ ইত্য়া॑হ ।
বৃ॒ত্রগ্​ম্ হ॑ হনি॒ষ্যন্নিন্দ্র॒ আপো॑ বব্রে ।
আপো॒ হেন্দ্রং॑-বঁব্রিরে । স॒জ্ঞাং-মে॒বাসা॑মে॒ত-থ্সামা॑নং॒-ব্য়াঁচ॑ষ্টে ॥ প্রোক্ষি॑তা॒-স্স্থেত্য়া॑হ । তেনাপঃ॒ প্রোক্ষি॑তাঃ ॥ অ॒গ্নয়ে॑ বো॒ জুষ্ট॒-ম্প্রোক্ষা᳚-ম্য়॒গ্নীষোমা᳚ভ্য়া॒-মিত্য়া॑হ ।
য॒থা॒ দে॒ব॒তমে॒বৈনা॒-ন্প্রোক্ষ॑তি । ত্রিঃ প্রোক্ষ॑তি । ত্র্য়া॑বৃ॒দ্ধি য॒জ্ঞঃ ॥ 38 ॥

অথো॒ রক্ষ॑সা॒মপ॑হত্য়ৈ । শুন্ধ॑দ্ধ্বং॒
দৈব্য়া॑য়॒ কর্ম॑ণে দেবয়॒জ্য়ায়া॒ ইত্য়া॑হ ।
দে॒ব॒য়॒জ্য়ায়া॑ এ॒বৈনা॑নি শুন্ধতি । ত্রিঃ প্রোক্ষ॑তি । ত্র্য়া॑বৃ॒দ্ধি য॒জ্ঞঃ । অথো॑ মেদ্ধ্য়॒ত্বায়॑ । অব॑ধূত॒গ্​ম্॒ রক্ষো-ঽব॑ধূতা॒ অরা॑তয়॒ ইত্য়া॑হ ।
রক্ষ॑সা॒-মপ॑হত্য়ৈ । অদি॑ত্য়া॒স্ত্বগ॒সীত্য়া॑হ । ই॒য়ং-বাঁ অদি॑তিঃ ॥ 39 ॥

অ॒স্য়া এ॒বৈন॒-ত্ত্বচ॑-ঙ্করোতি । প্রতি॑ ত্বা পৃথি॒বী বে॒ত্ত্বিত্য়া॑হ॒ প্রতি॑ষ্ঠিত্য়ৈ ॥ পু॒রস্তা᳚-ত্প্রতী॒চীন॑গ্রীব॒-মুত্ত॑রলো॒মোপ॑স্তৃণাতি মেদ্ধ্য়॒ত্বায়॑ ।
তস্মা᳚-ত্পু॒রস্তা᳚-ত্প্র॒ত্যঞ্চঃ॑ প॒শবো॒ মেধ॒মুপ॑তিষ্ঠন্তে । তস্মা᳚-ত্প্র॒জা মৃ॒গ-ঙ্গ্রাহু॑কাঃ । য॒জ্ঞো দে॒বেভ্য়ো॒ নিলা॑যত ।
কৃষ্ণো॑ রূ॒প-ঙ্কৃ॒ত্বা । য-ত্কৃ॑ষ্ণাজি॒নে হ॒বির॑দ্ধ্যব॒হন্তি॑ । য॒জ্ঞাদে॒ব-ত-দ্য়॒জ্ঞ-ম্প্রয়ু॑ঙ্ক্তে । হ॒বিষো-ঽস্ক॑ন্দায় ॥ 40 ॥

অ॒ধি॒ষব॑ণমসি বানস্প॒ত্যমিত্য়া॑হ । অ॒ধি॒ষব॑ণ-মে॒বৈন॑-ত্করোতি । প্রতি॒ ত্বা-ঽদি॑ত্য়া॒স্ত্বগ্বে॒ত্ত্বিত্য়া॑হ সয়॒ত্বায়॑ ॥
অ॒গ্নেস্ত॒নূ-র॒সীত্য়া॑হ । অ॒গ্নের্বা এ॒ষা ত॒নূঃ ।
যদোষ॑ধয়ঃ । বা॒চো বি॒সর্জ॑ন॒মিত্য়া॑হ ।
য॒দা হি প্র॒জা ওষ॑ধীনা-ম॒শ্নন্তি॑ । অথ॒ বাচং॒-বিঁসৃ॑জন্তে । দে॒ববী॑তয়ে ত্বা গৃহ্ণা॒মীত্য়া॑হ ॥ 41 ॥

দে॒বতা॑ভিরে॒বৈন॒-থ্সম॑র্ধযতি ॥
অদ্রি॑রসি বানস্প॒ত্য় ইত্য়া॑হ । গ্রাবা॑ণ-মে॒বৈন॑-ত্করোতি ।
স ই॒দ-ন্দে॒বেভ্য়ো॑ হ॒ব্য়গ্​ম্ সু॒শমি॑ শমি॒ষ্বেত্য়া॑হ॒ শান্ত্য়ৈ᳚ ॥ হবি॑ষ্কৃ॒দেহীত্য়া॑হ ।
য এ॒ব দে॒বানাগ্​ম্॑ হবি॒ষ্কৃতঃ॑ । তান্. হ্ব॑যতি ।
ত্রির্​হ্ব॑যতি । ত্রিষ॑ত্য়া॒ হি দে॒বাঃ ॥ ইষ॒মা ব॒দোর্জ॒মা ব॒দেত্য়া॑হ ॥ 42 ॥

ইষ॑মে॒বোর্জং॒-য়ঁজ॑মানে দধাতি ।
দ্য়ু॒মদ্ব॑দত ব॒য়গ্​ম্ স॑ঘা॒ন্ত-ঞ্জে॒ষ্মেত্য়া॑হ॒ ভ্রাতৃ॑ব্য়াভিভূত্য়ৈ ॥ মনো᳚-শ্শ্র॒দ্ধাদে॑বস্য়॒ যজ॑মানস্য়াসুর॒ঘ্নী বাক্ । য॒জ্ঞা॒য়ু॒ধেষু॒ প্রবি॑ষ্টা-ঽঽসীত্ । তে-ঽসু॑রা॒ যাব॑ন্তো যজ্ঞায়ু॒ধানা॑মু॒দ্বদ॑তা-মু॒পাশৃ॑ণ্বন্ন্ ।
তে পরা॑-ঽভবন্ন্ । তস্মা॒-থ্স্বানা॒-ম্মদ্ধ্য়ে॑-ঽব॒সায়॑ যজেত । যাব॑ন্তো-ঽস্য়॒ ভ্রাতৃ॑ব্য়া যজ্ঞায়ু॒ধানা॑-মু॒দ্বদ॑তা-মুপশৃ॒ণ্বন্তি॑ । তে পরা॑ ভবন্তি ।
উ॒চ্চৈ-স্স॒মাহ॑ন্ত॒বা আ॑হ॒ বিজি॑ত্য়ৈ ॥ 43 ॥

বৃ॒ঙ্ক্ত এ॑ষামিন্দ্রি॒য়ং-বীঁ॒র্য়᳚ম্ । শ্রেষ্ঠ॑ এষা-ম্ভবতি ॥ ব॒র্॒ষ বৃ॑দ্ধমসি॒ প্রতি॑ ত্বা ব॒র্॒ষবৃ॑দ্ধং-বেঁ॒ত্ত্বিত্য়া॑হ ।
ব॒র্॒ষবৃ॑দ্ধা॒ বা ওষ॑ধয়ঃ ।
ব॒র্॒ষবৃ॑দ্ধা ই॒ষীকা॒-স্সমৃ॑দ্ধ্য়ৈ ।
য॒জ্ঞগ্​ম্ রক্ষা॒গ্॒স্যনু॒ প্রাবি॑শন্ন্ ।
তান্য়॒স্না প॒শুভ্য়ো॑ নি॒রবা॑দযন্ত ।
তুষৈ॒রোষ॑ধীভ্য়ঃ ॥ পরা॑পূত॒গ্​ম্॒ রক্ষঃ॒ পরা॑পূতা॒ অরা॑তয়॒ ইত্য়া॑হ ।
রক্ষ॑সা॒মপ॑হত্য়ৈ ॥ 44 ॥

রক্ষ॑সা-ম্ভা॒গো॑-ঽসীত্য়া॑হ । তুষৈ॑রে॒ব রক্ষাগ্​ম্॑সি নি॒রব॑দযতে । অ॒প উপ॑স্পৃশতি মেদ্ধ্য়॒ত্বায়॑ । বা॒য়ুর্বো॒ বি বি॑ন॒ক্ত্বিত্য়া॑হ । প॒বিত্রং॒-বৈঁ বা॒য়ুঃ । পু॒নাত্য়ে॒বৈনান্॑ । অ॒ন্তরি॑ক্ষাদিব॒ বা এ॒তে প্রস্ক॑ন্দন্তি । যে শূর্পা᳚ত্ । দে॒বো ব॑-স্সবি॒তা হির॑ণ্যপাণিঃ॒ প্রতি॑গৃহ্ণা॒ত্বিত্য়া॑হ॒ প্রতি॑ষ্ঠিত্য়ৈ ।
হ॒বিষো-ঽস্ক॑ন্দায় । ত্রিষ্ফ॒লীক॑র্ত॒বা আ॑হ । ত্র্য়া॑বৃ॒দ্ধি য॒জ্ঞঃ । অথো॑ মেদ্ধ্য়॒ত্বায়॑ ॥ 45 ॥
(দ্বাভ্য়া॒মু-ত্পু॑নাতি - র॒শ্ময়ো॑ - নয়॒ন্ত্যগ্রে॑ য॒জ্ঞপ॑তিং - ঁয়॒জ্ঞো - ঽদি॑তি॒ - রস্ক॑ন্দায় - গৃহ্ণা॒মীত্য়া॑হ - ব॒দেত্য়া॑হ॒ - বিজি॑ত্য়া॒ - অপ॑হত্য়া॒ - অস্ক॑ন্দায়॒ ত্রীণি॑ চ) (অ. 5)

অনুবাকং 6 - তণ্ডুলপেষণম্
অব॑ধূত॒গ্​ম্॒ রক্ষো-ঽব॑ধূতা॒ অরা॑তয়॒ ইত্য়া॑হ । রক্ষ॑সা॒মপ॑হত্য়ৈ । অদি॑ত্য়া॒স্ত্বগ॒সীত্য়া॑হ । ই॒য়ং-বাঁ অদি॑তিঃ । অ॒স্য়া এ॒বৈন॒-ত্ত্বচ॑-ঙ্করোতি । প্রতি॑ ত্বা পৃথি॒বী বে॒ত্ত্বিত্য়া॑হ॒ প্রতি॑ষ্ঠিত্য়ৈ ।
পু॒রস্তা᳚-ত্প্রতী॒চীন॑গ্রীব॒-মুত্ত॑রলো॒মোপ॑স্তৃণাতি মেদ্ধ্য়॒ত্বায়॑ । তস্মা᳚-ত্পু॒রস্তা᳚-ত্প্র॒ত্যঞ্চঃ॑ প॒শবো॒ মেধ॒মুপ॑তিষ্ঠন্তে । তস্মা᳚-ত্প্র॒জা মৃ॒গ-ঙ্গ্রাহু॑কাঃ । য॒জ্ঞো দে॒বেভ্য়ো॒ নিলা॑যত ॥ 46 ॥

কৃষ্ণো॑ রূ॒প-ঙ্কৃ॒ত্বা । য-ত্কৃ॑ষ্ণাজি॒নে হ॒বির॑ধিপি॒নষ্টি॑ । য॒জ্ঞাদে॒ব ত-দ্য়॒জ্ঞ-ম্প্রয়ু॑ঙ্ক্তে । হ॒বিষো-ঽস্ক॑ন্দায় ॥ দ্য়াবা॑পৃথি॒বী স॒হাস্তা᳚ম্ । তে শ॑ম্য়ামা॒ত্রমেক॒মহ॒র্ব্য়ৈতাগ্​ম্॑ শম্য়ামা॒ত্রমেক॒মহঃ॑ ॥ দি॒ব-স্স্ক॑ম্ভ॒নির॑সি॒ প্রতি॒ ত্বা ঽদি॑ত্য়া॒স্ত্বগ্বে॒ত্ত্বিত্য়া॑হ ।
দ্য়াবা॑পৃথি॒ব্য়ো-র্বীত্য়ৈ᳚ । ধি॒ষণা॑-ঽসি পর্ব॒ত্য়া
প্রতি॑ ত্বা দি॒ব-স্স্ক॑ম্ভ॒নির্বে॒ত্ত্বিত্য়া॑হ ।
দ্য়াবা॑পৃথি॒ব্য়ো-র্বিধৃ॑ত্য়ৈ ॥ 47 ॥

ধি॒ষণা॑-ঽসি পার্বতে॒য়ী প্রতি॑ ত্বা পর্ব॒তির্বে॒ত্ত্বিত্য়া॑হ । দ্য়াবা॑পৃথি॒ব্য়োর্ধৃত্য়ৈ᳚ ॥ দে॒বস্য়॑ ত্বা সবি॒তুঃ প্র॑স॒ব ইত্য়া॑হ॒ প্রসূ᳚ত্য়ৈ । অ॒শ্বিনো᳚-র্বা॒হুভ্য়া॒মিত্য়া॑হ । অ॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚ম্ । পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ᳚ ।
অধি॑বপা॒মীত্য়া॑হ । য॒থা॒দে॒ব॒ত-মে॒বৈনা॒নধি॑ বপতি ॥ ধা॒ন্য়॑মসি ধিনু॒হি দে॒বানিত্য়া॑হ । এ॒তস্য়॒ যজু॑ষো বী॒র্য়ে॑ণ ॥ 48 ॥

যাব॒দেকা॑ দে॒বতা॑ কা॒ময়॑তে॒ যাব॒দেকা᳚ । তাব॒দাহু॑তিঃ প্রথতে । ন হি তদস্তি॑ । যত্তাব॑দে॒ব স্য়াত্ । যাব॑জ্জু॒হোতি॑ ॥ প্রা॒ণায়॑ ত্বা-ঽপা॒নায়॒ ত্বেত্য়া॑হ । প্রা॒ণানে॒ব যজ॑মানে দধাতি । দী॒র্ঘামনু॒ প্রসি॑তি॒মায়ু॑ষে ধা॒মিত্য়া॑হ । আয়ু॑রে॒বাস্মি॑-ন্দধাতি ।
অ॒ন্তরি॑ক্ষাদিব॒ বা এ॒তানি॒ প্রস্ক॑ন্দন্তি । যানি॑ দৃ॒ষদঃ॑ । দে॒বো ব॑-স্সবি॒তা হির॑ণ্যপাণিঃ॒ প্রতি॑ গৃহ্ণা॒ত্বিত্য়া॑হ॒ প্রতি॑ষ্ঠিত্য়ৈ । হ॒বিষো-ঽস্ক॑ন্দায় ॥
অসং॑​বঁপন্তী পিগ্​ম্॑ষা॒ণূনি॑ কুরুতা॒দিত্য়া॑হ মেদ্ধ্য়॒ত্বায়॑ ॥ 49 ॥
(নিলা॑যত॒ - বিধৃ॑ত্য়ৈ - বী॒র্য়ে॑ণ - স্কন্দন্তি চ॒ত্বারি॑ চ ) (অ. 6)

অনুবাকং 7 - কপালোপধানম্
ধৃষ্টি॑রসি॒ ব্রহ্ম॑ য॒চ্ছেত্য়া॑হ॒ ধৃত্য়ৈ᳚ ॥
অপা᳚গ্নে॒ ঽগ্নিমা॒মাদ॑-ঞ্জহি॒ নিষ্ক্র॒ব্য়াদগ্​ম্॑
সে॒ধা দে॑ব॒যজং॑-বঁ॒হেত্য়া॑হ ।
য এ॒বামাত্ক্র॒ব্য়াত্ । তম॑প॒হত্য়॑ । মেদ্ধ্য়ে॒-ঽগ্নৌ ক॒পাল॒মুপ॑দধাতি ॥ নির্দ॑গ্ধ॒গ্​ম্॒ রক্ষো॒ নির্দ॑গ্ধা॒ অরা॑তয়॒ ইত্য়া॑হ । রক্ষাগ্॑স্য়ে॒ব
নির্দ॑হতি । অ॒গ্নি॒বত্য়ুপ॑দধাতি । অ॒স্মিন্নে॒ব লো॒কে জ্য়োতি॑র্ধত্তে । অঙ্গা॑র॒মধি॑-বর্তযতি ॥ 50 ॥

অ॒ন্তরি॑ক্ষ এ॒ব জ্য়োতি॑র্ধত্তে ।
আ॒দি॒ত্যমে॒বামুষ্মি॑ন্ ঁলো॒কে জ্য়োতি॑র্ধত্তে ।
জ্য়োতি॑ষ্মন্তো-ঽস্মা ই॒মে লো॒কা ভ॑বন্তি ।
য এ॒বং-বেঁদ॑ ॥ ধ্রু॒বম॑সি পৃথি॒বী-ন্দৃ॒গ্​ম্॒হেত্য়া॑হ । পৃ॒থি॒বীমে॒বৈতেন॑ দৃগ্​ম্হতি ।
ধ॒র্ত্রম॑স্য়॒ন্তরি॑ক্ষ-ন্দৃ॒গ্​ম্॒হেত্য়া॑হ । অ॒ন্তরি॑ক্ষমে॒বৈতেন॑ দৃগ্​ম্হতি ।
ধ॒রুণ॑মসি॒ দিব॑-ন্দৃ॒গ্​ম্॒হেত্য়া॑হ । দিব॑মে॒বৈতেন॑ দৃগ্​ম্হতি ॥ 51 ॥

ধর্মা॑সি॒ দিশো॑ দৃ॒গ্​ম্॒হেত্য়া॑হ ।
দিশ॑ এ॒বৈতেন॑ দৃগ্​ম্হতি । ই॒মানে॒বৈতৈ-র্লো॒কা-ন্দৃগ্​ম্॑হতি । দৃগ্​ম্ হ॑ন্তে-ঽস্মা ই॒মে লো॒কাঃ প্র॒জয়া॑ প॒শুভিঃ॑ । য এ॒বং-বেঁদ॑ ॥ ত্রীণ্যগ্রে॑ ক॒পালা॒ন্য়ুপ॑দধাতি । ত্রয়॑ ই॒মে লো॒কাঃ ।
এ॒ষাং-লোঁ॒কানা॒মাপ্ত্য়ৈ᳚ ।
এক॒মগ্রে॑ ক॒পাল॒মুপ॑দধাতি ।
একং॒-বাঁ অগ্রে॑ ক॒পাল॒-ম্পুরু॑ষস্য় স॒ভং​বঁ॑তি ॥ 52 ॥

অথ॒ দ্বে । অথ॒ ত্রীণি॑ । অথ॑ চ॒ত্বারি॑ । অথা॒ষ্টৌ ।
তস্মা॑দ॒ষ্টাক॑পাল॒-ম্পুরু॑ষস্য়॒ শিরঃ॑ ।
যদে॒ব-ঙ্ক॒পালা᳚ন্য়ুপ॒ দধা॑তি । য॒জ্ঞো বৈ প্র॒জাপ॑তিঃ । য॒জ্ঞমে॒ব প্র॒জাপ॑তি॒গ্​ম্॒ সগ্গ্​স্ক॑রোতি ।
আ॒ত্মান॑মে॒ব ত-থ্সগ্গ্​স্ক॑রোতি । তগ্​ম্ সগ্গ্​স্কৃ॑তমা॒ত্মান᳚ম্ ॥ 53 ॥

অ॒মুষ্মি॑ন্ ঁলো॒কে-ঽনু॒পরৈ॑তি ॥ যদ॒ষ্টাবু॑প॒ দধা॑তি । গা॒য়॒ত্রি॒য়া ত-থ্সম্মি॑তম্ । যন্নব॑ । ত্রি॒বৃতা॒ তত্ । য-দ্দশ॑ । বি॒রাজা॒ তত্ । যদেকা॑দশ । ত্রি॒ষ্টুভা॒ তত্ । যদ্দ্বাদ॑শ ॥ 54 ॥

জগ॑ত্য়া॒ তত্ । ছন্দ॑-স্সম্মিতানি॒ স উ॑প॒দধ॑-ত্ক॒পালা॑নি । ই॒মান্ ঁলো॒কান॑নুপূ॒র্ব-ন্দিশো॒ বিধৃ॑ত্য়ৈ দৃগ্​ম্হতি । অথায়ুঃ॑ প্রা॒ণা-ন্প্র॒জা-ম্প॒শূন্. যজ॑মানে দধাতি । স॒জা॒তান॑স্মা অ॒ভিতো॑ বহু॒লান্ ক॑রোতি ॥
চিত॒-স্স্থেত্য়া॑হ । য॒থা॒ য॒জুরে॒বৈতত্ ॥
ভৃগূ॑ণা॒মঙ্গি॑রসা॒-ন্তপ॑সা তপ্যদ্ধ্ব॒মিত্য়া॑হ ।
দে॒বতা॑না-মে॒বৈনা॑নি॒ তপ॑সা তপতি । তানি॒ তত॒-স্সগ্গ্​স্থি॑তে । যানি॑ ঘ॒র্মে ক॒পালা᳚ন্ যুপচি॒ন্বন্তি॑ বে॒ধস॒ ইতি॒ চতু॑ষ্পদয়॒র্চা বিমু॑ঞ্চতি । চতু॑ষ্পাদঃ প॒শবঃ॑ । প॒শুষ্বে॒বোপরি॑ষ্টা॒-ত্প্রতি॑তিষ্ঠতি ॥ 55 ॥
(ব॒র্ত॒য়॒তি॒ - দিব॑মে॒বৈতেন॑ দৃগ্​ম্হতি - স॒ম্ভব॑তি॒ - তগ্​ম্ সগ্গ্​স্কৃ॑তমা॒ত্মানং॒ - দ্বাদ॑শ॒ - সগ্গ্​স্থি॑তে॒ ত্রীণি॑ চ) (অ. 7)

অনুবাকং 8 - পুরোডাশানিষ্পাদনম্
দে॒বস্য়॑ ত্বা সবি॒তুঃ প্র॑স॒ব ইত্য়া॑হ॒ প্রসূ᳚ত্য়ৈ । অ॒শ্বিনো᳚-র্বা॒হুভ্য়া॒মিত্য়া॑হ ।
অ॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚ম্ ।
পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ᳚ ।
সং​বঁ॑পা॒মীত্য়া॑হ । য॒থা॒ দে॒ব॒তমে॒বৈনা॑নি॒ সং​বঁ॑পতি ॥ সমাপো॑ অ॒দ্ভির॑গ্মত॒ সমোষ॑ধয়ো॒ রসে॒নেত্য়া॑হ । আপো॒ বা ওষ॑ধী-র্জিন্বন্তি । ওষ॑ধয়ো॒-ঽপো জি॑ন্বন্তি ।
অ॒ন্য়া বা এ॒তাসা॑ম॒ন্য়া জি॑ন্বন্তি ॥ 56 ॥

তস্মা॑দে॒বমা॑হ । সগ্​ম্ রে॒বতী॒-র্জগ॑তীভি॒-র্মধু॑মতী॒-র্মধু॑মতীভি-স্সৃজ্যদ্ধ্ব॒মিত্য়া॑হ ।
আপো॒ বৈ রে॒বতীঃ᳚ । প॒শবো॒ জগ॑তীঃ । ওষ॑ধয়ো॒ মধু॑মতীঃ । আপ॒ ওষ॑ধীঃ প॒শূন্ । তানে॒বাস্মা॑ এক॒ধা স॒গ্​ম্॒সৃজ্য়॑ । মধু॑মতঃ করোতি ।
অ॒দ্ভ্য়ঃ পরি॒ প্রজা॑তা-স্স্থ॒ সম॒দ্ভিঃ পৃ॑চ্যদ্ধ্ব॒মিতি॑ প॒র্য়াপ্লা॑বযতি ।
যথা॒ সুবৃ॑ষ্ট ই॒মাম॑নু বি॒সৃত্য়॑ ॥ 57 ॥

আপ॒ ওষ॑ধীর্ম॒হয়॑ন্তি । তা॒দৃগে॒ব তত্ ॥
জন॑যত্য়ৈ ত্বা॒ সং​য়ৌঁ॒মীত্য়া॑হ । প্র॒জা এ॒বৈতেন॑ দাধার । অ॒গ্নয়ে᳚ ত্বা॒-ঽগ্নীষোমা᳚ভ্য়া॒মিত্য়া॑হ॒ ব্য়াবৃ॑ত্ত্য়ৈ । ম॒খস্য়॒ শিরো॒-ঽসীত্য়া॑হ ।
য॒জ্ঞো বৈ ম॒খঃ । তস্য়ৈ॒তচ্ছিরঃ॑ । য-ত্পু॑রো॒ডাশঃ॑ । তস্মা॑দে॒বমা॑হ ॥ 58 ॥

ঘ॒র্মো॑-ঽসি বি॒শ্বায়ু॒রিত্য়া॑হ । বিশ্ব॑মে॒বায়ু॒-র্যজ॑মানে দধাতি । উ॒রু প্র॑থস্বো॒রু তে॑ য॒জ্ঞপ॑তিঃ প্রথতা॒মিত্য়া॑হ । যজ॑মানমে॒ব প্র॒জয়া॑ প॒শুভিঃ॑ প্রথযতি । ত্বচ॑-ঙ্গৃহ্ণী॒ষ্বেত্য়া॑হ ।
সর্ব॑মে॒বৈন॒গ্​ম্॒ সত॑নু-ঙ্করোতি । অথা॒প আ॒নীয়॒ পরি॑ মার্​ষ্টি । মা॒গ্​ম্॒স এ॒ব ত-ত্ত্বচ॑-ন্দধাতি । তস্মা᳚-ত্ত্ব॒চা মা॒গ্​ম্॒স-ঞ্ছ॒ন্নম্ ॥
ঘ॒র্মো বা এ॒ষো-ঽশা᳚ন্তঃ ॥ 59 ॥

অ॒র্ধ॒মা॒সে᳚-ঽর্ধমাসে॒ প্রবৃ॑জ্যতে । য-ত্পু॑রো॒ডাশঃ॑ । স ঈ᳚শ্ব॒রো যজ॑মানগ্​ম্ শু॒চা প্র॒দহঃ॑ । পর্য়॑গ্নি করোতি । প॒শুমে॒বৈন॑মকঃ । শান্ত্য়া॒ অপ্র॑দাহায় । ত্রিঃ পর্য়॑গ্নি করোতি ।
ত্র্য়া॑বৃ॒দ্ধি য॒জ্ঞঃ । অথো॒ রক্ষ॑সা॒মপ॑হত্য়ৈ ॥
অ॒ন্তরি॑ত॒গ্​ম্॒ রক্ষো॒-ঽন্তরি॑তা॒ অরা॑তয়॒ ইত্য়া॑হ ॥ 60 ॥

রক্ষ॑সা-ম॒ন্তর্​হি॑ত্য়ৈ । পু॒রো॒ডাশং॒-বাঁ অধি॑শ্রিত॒গ্​ম্॒ রক্ষাগ্॑স্যজিঘাগ্​ম্সন্ন্ ।
দি॒বি নাকো॒ নামা॒গ্নী র॑ক্ষো॒হা । স এ॒বাস্মা॒-দ্রক্ষা॒গ্॒স্যপা॑হন্ন্ । দে॒বস্ত্বা॑ সবি॒তা শ্র॑পয়॒ত্বিত্য়া॑হ । স॒বি॒তৃপ্র॑সূত এ॒বৈনগ্গ্॑ শ্রপযতি । বর্​ষি॑ষ্ঠে॒ অধি॒ নাক॒ ইত্য়া॑হ । রক্ষ॑সা॒মপ॑হত্য়ৈ । অ॒গ্নিস্তে॑ ত॒নুব॒-ম্মা-ঽতি॑ ধা॒গিত্য়া॒হান॑তিদাহায় । অগ্নে॑ হ॒ব্য়গ্​ম্ র॑ক্ষ॒স্বেত্য়া॑হ॒ গুপ্ত্য়ৈ᳚ ॥ 61 ॥
অবি॑দহন্ত-শ্শ্রপয়॒তেতি॒ বাচং॒-বিঁসৃ॑জতে ।
য॒জ্ঞমে॒ব হ॒বীগ্​ষ্য়॑ভি-ব্য়া॒হৃত্য়॒ প্রত॑নুতে ।
পু॒রো॒রুচ॒মবি॑দাহায়॒ শৃত্য়ৈ॑ করোতি ॥ ম॒স্তিষ্কো॒ বৈ পু॑রো॒ডাশঃ॑ । তং-য়ঁন্নাভি॑বা॒সয়ে᳚ত্ । আ॒বির্ম॒স্তিষ্ক॑-স্স্য়াত্ । অ॒ভিবা॑সযতি ।
তস্মা॒-দ্গুহা॑ ম॒স্তিষ্কঃ॑ । ভস্ম॑না॒-ঽভি বা॑সযতি ।
তস্মা᳚-ন্মা॒গ্​ম্॒সেনাস্থি॑ ছ॒ন্নম্ ॥ 62 ॥

বে॒দেনা॒ভি বা॑সযতি । তস্মা॒-ত্কেশৈ॒-শ্শির॑-শ্ছ॒ন্নম্ ।
অখ॑লতিভাবুকো ভবতি । য এ॒বং-বেঁদ॑ ॥ প॒শোর্বৈ প্র॑তি॒মা পু॑রো॒ডাশঃ॑ । স নায়॒জুষ্ক॑-মভি॒বাস্য়ঃ॑ । বৃথে॑ব স্য়াত্ । ঈ॒শ্ব॒রা যজ॑মানস্য় প॒শবঃ॒ প্রমে॑তোঃ ॥ স-ম্ব্রহ্ম॑ণা পৃচ্য়॒স্বেত্য়া॑হ । প্রা॒ণা বৈ ব্রহ্ম॑ ॥ 63 ॥

প্রা॒ণাঃ প॒শবঃ॑ । প্রা॒ণৈরে॒ব প॒শূন্থ্
সম্পৃ॑ণক্তি । ন প্র॒মায়ু॑কা ভবন্তি । যজ॑মানো॒ বৈ পু॑রো॒ডাশঃ॑ । প্র॒জা প॒শবঃ॒ পুরী॑ষম্ ।
যদে॒বম॑ভি বা॒সয়॑তি । যজ॑মানমে॒ব প্র॒জয়া॑ প॒শুভি॒-স্সম॑র্ধযতি ॥ দে॒বা বৈ হ॒বি-র্ভৃ॒ত্বা-ঽব্রু॑বন্ন্ । কস্মি॑ন্নি॒দ-ম্ম্র॑ক্ষ্য়ামহ॒ ইতি॑ ।
সো᳚-ঽগ্নির॑ব্রবীত্ ॥ 64 ॥

ময়ি॑ ত॒নূ-স্সন্নিধ॑দ্ধ্বম্ । অ॒হং-বঁ॒স্ত-ঞ্জ॑নয়িষ্য়ামি । যস্মি॑-ন্ম্র॒ক্ষ্যদ্ধ্ব॒ ইতি॑ । তে দে॒বা অ॒গ্নৌ ত॒নূ-স্স-ন্ন্য়॑দধত । তস্মা॑দাহুঃ ।
অ॒গ্নি-স্সর্বা॑ দে॒বতা॒ ইতি॑ । সো-ঽঙ্গা॑রেণা॒পঃ ।
অ॒ভ্য়॑পাতযত্ । তত॑ এক॒তো॑-ঽজাযত ।
স দ্বি॒তীয়॑ম॒ভ্য়॑পাতযত্ ॥ 65 ॥

ততো᳚ দ্বি॒তো॑-ঽজাযত । স তৃ॒তীয়॑-ম॒ভ্য়॑পাতযত্ ।
তত॑-স্ত্রি॒তো॑-ঽজাযত । যদ॒দ্ভ্য়ো-ঽজা॑যন্ত । তদা॒প্য়ানা॑মাপ্য়॒ত্বম্ । যদা॒ত্মভ্য়ো ঽজা॑যন্ত ।
তদা॒ত্ম্য়ানা॑-মাত্ম্য়॒ত্বম্ ॥ তে দে॒বা আ॒প্য়েষ্ব॑মৃজত । আ॒প্য়া অ॑মৃজত॒ সূর্য়া᳚ভ্য়ুদিতে । সূর্য়া᳚ভ্য়ুদিত॒-স্সূর্য়া॑ভিনিম্রুক্তে ॥ 66 ॥

সূর্য়া॑ভিনিম্রুক্তঃ কুন॒খিনি॑ । কু॒ন॒খী শ্য়া॒বদ॑তি । শ্য়া॒বদ॑ন্নগ্রদিধি॒ষৌ । অ॒গ্র॒দি॒ধি॒ষুঃ প॑রিবি॒ত্তে । প॒রি॒বি॒ত্তো বী॑র॒হণি॑ । বী॒র॒হা ব্র॑হ্ম॒হণি॑ ।
তদ্ব্র॑হ্ম॒হণ॒-ন্নাত্য়॑চ্যবত । অ॒ন্ত॒র্বে॒দি নিন॑য়॒ত্যব॑রুদ্ধ্য়ৈ । উল্মু॑কেনা॒ভি গৃ॑হ্ণাতি শৃত॒ত্বায়॑ । শৃ॒তকা॑মা ইব॒ হি দে॒বাঃ ॥ 67 ॥
(অ॒ন্য়া জি॑ন্বন্-ত্যনুবি॒সৃত্য়ৈ॒-বমা॒-হাশা᳚ন্ত-আহ॒-গুপ্ত্য়ৈ॑-ছ॒ন্নং - ব্রহ্মা᳚-ব্রবী-দ্দ্বি॒তীয়॑ম॒ভ্য়॑পাতয়॒-থ্সূর্য়া॑ভিনিম্রুক্তে-দে॒বাঃ) (অ. 8)

অনুবাকং 9 - বেদিকরণম্
দে॒বস্য়॑ ত্বা সবি॒তুঃ প্র॑স॒ব ইতি॒ স্ফ্যমাদ॑ত্তে॒ প্রসূ᳚ত্য়ৈ । অ॒শ্বিনো᳚-র্বা॒হুভ্য়া॒মিত্য়া॑হ । অ॒শ্বিনৌ॒ হি দে॒বানা॑মদ্ধ্ব॒র্য়ূ আস্তা᳚ম্ । পূ॒ষ্ণো হস্তা᳚ভ্য়া॒মিত্য়া॑হ॒ যত্য়ৈ᳚ ॥ আদ॑দ॒ ইন্দ্র॑স্য় বা॒হুর॑সি॒ দক্ষি॑ণ॒ ইত্য়া॑হ । ই॒ন্দ্রি॒যমে॒ব যজ॑মানে দধাতি । স॒হস্র॑ভৃষ্টি-শ্শ॒ততে॑জা॒ ইত্য়া॑হ ।
রূ॒পমে॒বাস্য়ৈ॒ত-ন্ম॑হি॒মানং॒-ব্য়াঁচ॑ষ্টে ॥
বা॒য়ুর॑সি তি॒গ্মতে॑জা॒ ইত্য়া॑হ । তেজো॒ বৈ বা॒য়ুঃ ॥ 68 ॥

তেজ॑ এ॒বাস্মি॑-ন্দধাতি ॥ বি॒ষাদ্বৈ নামা॑সু॒র আ॑সীত্ । সো॑-ঽবিভেত্ । য॒জ্ঞেন॑ মা দে॒বা অ॒ভিভ॑বিষ্য়॒ন্তীতি॑ । স পৃ॑থি॒বীম॒ভ্য়॑বমীত্ । সা ঽমে॒দ্ধ্য়া ঽভ॑বত্ । অথো॒ যদিন্দ্রো॑ বৃ॒ত্রমহন্ন্॑ । তস্য়॒ লোহি॑ত-ম্পৃথি॒বীমনু॒ ব্য়॑ধাবত্ । সা ঽমে॒দ্ধ্য়া ঽভ॑বত্ ।
পৃথি॑বি দেবযজ॒নীত্য়া॑হ ॥ 69 ॥

মেদ্ধ্য়া॑মে॒বৈনা᳚-ন্দেব॒যজ॑নী-ঙ্করোতি ।
ওষ॑দ্ধ্য়াস্তে॒ মূল॒-ম্মা হিগ্​ম্॑সিষ॒মিত্য়া॑হ । ওষ॑ধীনা॒-মহিগ্​ম্॑সায়ৈ ॥ ব্র॒জ-ঙ্গ॑চ্ছ গো॒স্থান॒মিত্য়া॑হ । ছন্দাগ্​ম্॑সি॒ বৈ ব্র॒জো গো॒স্থানঃ॑ । ছন্দাগ্॑স্য়ে॒বাস্মৈ᳚ ব্র॒জ-ঙ্গো॒স্থান॑-ঙ্করোতি ॥ বর্​ষ॑তু তে॒ দ্য়ৌরিত্য়া॑হ ।
বৃষ্টি॒র্বৈ দ্য়ৌঃ । বৃষ্টি॑মে॒বাব॑রুন্ধে ॥
ব॒ধা॒ন দে॑ব সবিতঃ পর॒মস্য়া᳚-ম্পরা॒বতীত্য়া॑হ ॥ 70 ॥

দ্বৌ বাব পুরু॑ষৌ । য-ঞ্চৈ॒ব দ্বেষ্টি॑ । যশ্চৈ॑ন॒-ন্দ্বেষ্টি॑ । তাবু॒ভৌ ব॑দ্ধ্নাতি পর॒মস্য়া᳚-ম্পরা॒বতি॑ শ॒তেন॒ পাশৈঃ᳚ । যো᳚-ঽস্মা-ন্দ্বেষ্টি॒ য-ঞ্চ॑ ব॒য়-ন্দ্বি॒ষ্মস্তমতো॒ মা মৌ॒গিত্য়া॒হানি॑ম্রুক্ত্য়ৈ ॥
অ॒ররু॒র্বৈ নামা॑সু॒র আ॑সীত্ ।
স পৃ॑থি॒ব্য়ামুপ॑ম্লুপ্তো-ঽশযত্ ।
ত-ন্দে॒বা অপ॑হতো॒-ঽররুঃ॑ পৃথি॒ব্য়া ইতি॑ পৃথি॒ব্য়া অপা᳚ঘ্নন্ন্ । ভ্রাতৃ॑ব্য়ো॒ বা অ॒ররুঃ॑ । অপ॑হতো॒-ঽররুঃ॑ পৃথি॒ব্য়া ইতি॒ যদাহ॑ ॥ 71 ॥
ভ্রাতৃ॑ব্যমে॒ব পৃ॑থি॒ব্য়া অপ॑হন্তি । তে॑-ঽমন্যন্ত ।
দিবং॒-বাঁ অ॒যমি॒তঃ প॑তিষ্য়॒তীতি॑ ।
তম॒ররু॑স্তে॒ দিব॒-ম্মা স্কা॒নিতি॑ দি॒বঃ পর্য়॑বাধন্ত । ভ্রাতৃ॑ব্য়ো॒ বা অ॒ররুঃ॑ । অ॒ররু॑স্তে॒ দিব॒-ম্মা স্কা॒নিতি॒ যদাহ॑ । ভ্রাতৃ॑ব্যমে॒ব দি॒বঃ পরি॑বাধতে ।
স্ত॒ম্ব॒ য॒জুর্-হ॑রতি । পৃ॒থি॒ব্য়া এ॒ব ভ্রাতৃ॑ব্য়॒-মপ॑হন্তি । দ্বি॒তীয়গ্​ম্॑ হরতি ॥ 72 ॥

অ॒ন্তরি॑ক্ষাদে॒বৈন॒-মপ॑হন্তি । তৃ॒তীয়গ্​ম্॑ হরতি । দি॒ব এ॒বৈন॒-মপ॑হন্তি । তূ॒ষ্ণী-ঞ্চ॑তু॒র্থগ্​ম্ হ॑রতি । অপ॑রিমিতাদে॒বৈন॒-মপ॑হন্তি ॥ অসু॑রাণাং॒-বাঁ ই॒যমগ্র॑ আসীত্ । যাব॒দাসী॑নঃ পরা॒ পশ্য়॑তি ।
তাব॑-দ্দে॒বানা᳚ম্ । তে দে॒বা অ॑ব্রুবন্ন্ ।
অস্ত্বে॒ব নো॒-ঽস্য়ামপীতি॑ ॥ 73 ॥

ক্য়॑ন্নো দাস্য়॒থেতি॑ । যাব॑থ্স্ব॒য়-ম্প॑রিগৃহ্ণী॒থেতি॑ ।
তে বস॑ব॒স্ত্বেতি॑ দক্ষিণ॒তঃ পর্য়॑গৃহ্ণন্ন্ । রু॒দ্রাস্ত্বেতি॑ প॒শ্চাত্ । আ॒দি॒ত্য়া-স্ত্বেত্য়ু॑ত্তর॒তঃ । তে᳚-ঽগ্নিনা॒ প্রাঞ্চো॑-ঽজযন্ন্ । বসু॑ভি-র্দক্ষি॒ণা ।
রু॒দ্রৈঃ প্র॒ত্যঞ্চঃ॑ । আ॒দি॒ত্য়ৈরুদ॑ঞ্চঃ ।
যস্য়ৈ॒বং-বিঁ॒দুষো॒ বেদি॑-ম্পরি গৃ॒হ্ণন্তি॑ ॥ 74 ॥

ভব॑ত্য়া॒ত্মনা᳚ । পরা᳚-ঽস্য়॒ ভ্রাতৃ॑ব্য়ো ভবতি ॥
দে॒বস্য়॑ সবি॒তু-স্স॒ব ইত্য়া॑হ॒ প্রসূ᳚ত্য়ৈ ।
কর্ম॑ কৃণ্বন্তি বে॒ধস॒ ইত্য়া॑হ । ই॒ষি॒তগ্​ম্ হি কর্ম॑ ক্রি॒যতে᳚ । পৃ॒থি॒ব্য়ৈ মেদ্ধ্য়॑-ঞ্চামে॒দ্ধ্য়-ঞ্চ॒ ব্য়ুদ॑ক্রামতাম্ । প্রা॒চীন॑-মুদী॒চীন॒-ম্মেদ্ধ্য়᳚ম্ । প্র॒তী॒চীন॑-ন্দক্ষি॒ণা ঽমে॒দ্ধ্যম্ ।
প্রাচী॒মুদী॑চী-ম্প্রব॒ণা-ঙ্ক॑রোতি ।
মেদ্ধ্য়া॑মে॒বৈনা᳚-ন্দেব॒যজ॑নী-ঙ্করোতি ॥ 75 ॥

প্রাঞ্চৌ॑ বেদ্য়॒গ্​ম্॒ সাবুন্ন॑যতি । আ॒হ॒ব॒নীয়॑স্য়॒ পরি॑গৃহীত্য়ৈ । প্র॒তীচী॒ শ্রোণী᳚ । গার্​হ॑পত্যস্য়॒ পরি॑গৃহীত্য়ৈ । অথো॑ মিথুন॒ত্বায়॑ । উদ্ধ॑ন্তি । যদে॒বাস্য়া॑ অমে॒দ্ধ্যম্ । তদপ॑হন্তি । উদ্ধ॑ন্তি ।
তস্মা॒দোষ॑ধয়ঃ॒ পরা॑ভবন্তি ॥ 76 ॥

মূল॑-ঞ্ছিনত্তি । ভ্রাতৃ॑ব্যস্য়ৈ॒ব মূল॑-ঞ্ছিনত্তি ।
মূলং॒-বাঁ অ॑তি॒তিষ্ঠ॒-দ্রক্ষা॒গ্॒স্যনূ-ত্পি॑পতে । যদ্ধস্তে॑ন ছি॒ন্দ্য়াত্ । কু॒ন॒খিনীঃ᳚ প্র॒জা-স্স্য়ুঃ॑ । স্ফ্য়েন॑ ছিনত্তি । বজ্রো॒ বৈ স্ফ্য়ঃ ।
বজ্রে॑ণৈ॒ব য॒জ্ঞা-দ্রক্ষা॒গ্॒স্যপ॑হন্তি । পি॒তৃ॒দে॒ব॒ত্য়া ঽতি॑খাতা । ইয়॑তী-ঙ্খনতি ॥ 77 ॥

প্র॒জাপ॑তিনা যজ্ঞমু॒খেন॒ সম্মি॑তাম্ ॥ বেদি॑র্দে॒বেভ্য়ো॒ নিলা॑যত । তা-ঞ্চ॑তুরঙ্গু॒লে ঽন্ব॑বিন্দন্ন্ । তস্মা᳚চ্চতুরঙ্গু॒ল-ঙ্খেয়া᳚ ।
চ॒তু॒রঙ্গু॒ল-ঙ্খ॑নতি । চ॒তু॒র॒ঙ্গু॒লে হ্য়োষ॑ধয়ঃ প্রতি॒তিষ্ঠ॑ন্তি ।
আপ্র॑তি॒ষ্ঠায়ৈ॑ খনতি । যজ॑মানমে॒ব প্র॑তি॒ষ্ঠা-ঙ্গ॑মযতি । দ॒ক্ষি॒ণ॒তো বর্​ষী॑যসী-ঙ্করোতি ।
দে॒ব॒যজ॑নস্য়ৈ॒ব রূ॒পম॑কঃ ॥ 78 ॥

পুরী॑ষবতী-ঙ্করোতি । প্র॒জা বৈ প॒শবঃ॒ পুরী॑ষম্ ।
প্র॒জয়ৈ॒বৈন॑-ম্প॒শুভিঃ॒ পুরী॑ষবন্ত-ঙ্করোতি । উত্ত॑র-ম্পরিগ্রা॒হ-ম্পরি॑গৃহ্ণাতি । এ॒তাব॑তী॒ বৈ পৃ॑থি॒বী । যাব॑তী॒ বেদিঃ॑ । তস্য়া॑ এ॒তাব॑ত এ॒ব ভ্রাতৃ॑ব্য়-ন্নি॒র্ভজ্য়॑ । আ॒ত্মন॒ উত্ত॑র-ম্পরিগ্রা॒হ-ম্পরি॑গৃহ্ণাতি ।
ঋ॒ত-ম॑স্য়ৃত॒সদ॑ন-মস্য়ৃত॒শ্রীর॒সীত্য়া॑হ । য॒থা॒ য॒জুরে॒বৈ তত্ ॥ 79 ॥

ক্রূ॒রমি॑ব॒ বা এ॒ত-ত্ক॑রোতি । যদ্বেদি॑-ঙ্ক॒রোতি॑ ।
ধা অ॑সি স্ব॒ধা অ॒সীতি॑ যোয়ুপ্যতে॒ শান্ত্য়ৈ᳚ ।
উ॒র্বী চাসি॒ বস্বী॑ চা॒সীত্য়া॑হ ।
উ॒র্বীমে॒বৈনাং॒-বঁস্বী᳚-ঙ্করোতি ।
পু॒রা ক্রূ॒রস্য়॑ বি॒সৃপো॑ বিরফ্শি॒ন্নিত্য়া॑হ মেদ্ধ্য়॒ত্বায়॑ । উ॒দা॒দায়॑ পৃথি॒বী-ঞ্জী॒রদা॑নু॒র্য়ামৈর॑য়-ঞ্চ॒ন্দ্রম॑সি স্ব॒ধাভি॒রিত্য়া॑হ ।
যদে॒বাস্য়া॑ অমে॒দ্ধ্যম্ । তদ॑প॒হত্য়॑ ।
মেদ্ধ্য়া᳚-ন্দেব॒যজ॑নী-ঙ্কৃ॒ত্বা ॥ 80 ॥

যদ॒দশ্চ॒ন্দ্রম॑সি॒ মেদ্ধ্য়᳚ম্ । তদ॒স্য়ামের॑যতি ।
তা-ন্ধীরা॑সো অনু॒দৃশ্য়॑ যজন্ত॒ ইত্য়া॒হানু॑খ্য়াত্য়ৈ ॥ প্রোক্ষ॑ণী॒রাসা॑দয় । ই॒দ্ধ্মাব॒র্॒হি-রুপ॑সাদয় । স্রু॒ব-ঞ্চ॒ স্রুচ॑শ্চ॒ সম্মৃ॑ড্ঢি । পত্নী॒গ্​ম্॒ সন্ন॑হ্য় । আজ্য়ে॑নো॒দেহীত্য়া॑হানুপূ॒র্বতা॑য়ৈ । প্রোক্ষ॑ণী॒রাসা॑দযতি । আপো॒ বৈ র॑ক্ষো॒ঘ্নীঃ ॥ 81 ॥

রক্ষ॑সা॒মপ॑হত্য়ৈ । স্ফ্যস্য়॒ বর্ত্মন্᳚-থ্সাদযতি । য॒জ্ঞস্য়॒ সন্ত॑ত্য়ৈ । উ॒বাচ॒ হাসি॑তো দৈব॒লঃ । এ॒তাব॑তী॒র্বা অ॒মুষ্মি॑ন্ ঁলো॒ক আপ॑ আসন্ন্ ।
যাব॑তীঃ॒ প্রোক্ষ॑ণী॒রিতি॑ । তস্মা᳚-দ্ব॒হ্বীরা॒সাদ্য়াঃ᳚ । স্ফ্যমু॒দস্যন্ন্॑ । য-ন্দ্বি॒ষ্য়াত্ত-ন্ধ্য়া॑য়েত্ । শু॒চৈবৈন॑-মর্পযতি ॥ 82 ॥
(বৈ বা॒য়ু - রা॑হ - পরা॒বতীত্য়া॒হা - হ॑ - দ্বি॒তীয়গ্​ম্॑ হর॒ - তীতি॑ - পরিগৃ॒হ্ণন্তি॑ - দেব॒যজ॑নী-ঙ্করোতি - ভবন্তি - খনত্য় - ক - রে॒তত্ - কৃ॒ত্বা - র॑ক্ষো॒ঘ্নী - র॑র্পযতি) (অ. 9)

অনুবাকং 10 - ইধ্মাবর্​হি-স্সাদনম্
বজ্রো॒ বৈ স্ফ্য়ঃ । যদ॒ন্বঞ্চ॑-ন্ধা॒রয়ে᳚ত্ । বজ্রে᳚-ঽদ্ধ্ব॒র্য়ুঃ, ক্ষ॑ণ্বীত । পু॒রস্তা᳚-ত্তি॒র্যঞ্চ॑-ন্ধারযতি । বজ্রো॒ বৈ স্ফ্য়ঃ । বজ্রে॑ণৈ॒ব য॒জ্ঞস্য়॑ দক্ষিণ॒তো রক্ষা॒গ্॒স্যপ॑হন্তি ।
অ॒গ্নিভ্য়া॒-ম্প্রাচ॑শ্চ প্র॒তীচ॑শ্চ । স্ফ্য়েনোদী॑চশ্চা-ধ॒রাচ॑শ্চ । স্ফ্য়েন॒ বা এ॒ষ বজ্রে॑ণা॒স্য়ৈ পা॒প্মান॒-ম্ভ্রাতৃ॑ব্য়-মপ॒হত্য়॑ ।
উ॒ত্ক॒রে-ঽধি॒ প্রবৃ॑শ্চতি ॥ 83 ॥

যথো॑প॒ধায়॑ বৃ॒শ্চন্ত্য়॒বম্ । হস্তা॒বব॑ নেনিক্তে । আ॒ত্মান॑মে॒ব প॑বযতে । স্ফ্য়-ম্প্রক্ষা॑লযতি মেদ্ধ্য়॒ত্বায়॑ । অথো॑ পা॒প্মন॑ এ॒ব ভ্রাতৃ॑ব্যস্য় ন্য়॒ঙ্গ-ঞ্ছি॑নত্তি ॥ ই॒দ্ধ্মা-ব॒র্॒হি-রুপ॑সাদযতি॒ যুক্ত্য়ৈ᳚ । য॒জ্ঞস্য়॑ মিথুন॒ত্বায়॑ ।
অথো॑ পুরো॒রুচ॑মে॒বৈতা-ন্দ॑ধাতি ।
উত্ত॑রস্য়॒ কর্ম॒ণো-ঽনু॑খ্য়াত্য়ৈ ।
ন পু॒রস্তা᳚-ত্প্র॒ত্যগুপ॑সাদয়েত্ ॥ 84 ॥

য-ত্পু॒রস্তা᳚-ত্প্র॒ত্য়-গু॑পসা॒দয়ে᳚ত্ ।
অ॒ন্যত্রা॑হুতিপ॒থাদি॒দ্ধ্ম-ম্প্রতি॑পাদয়েত্ । প্র॒জা বৈ ব॒র্॒হিঃ । অপ॑রাদ্ধ্নুয়া-দ্ব॒র্॒হিষা᳚ প্র॒জানা᳚-ম্প্র॒জন॑নম্ । প॒শ্চাত্-প্রাগুপ॑সাদযতি । আ॒হু॒তি॒প॒থেনে॒দ্ধ্ম-ম্প্রতি॑পাদযতি ।
স॒প্র॒ন্ত্য়ে॑ব ব॒র্॒হিষা᳚ প্র॒জানা᳚-ম্প্র॒জন॑ন॒মুপৈ॑তি । দক্ষি॑ণমি॒দ্ধ্মম্ ।
উত্ত॑র-ম্ব॒র॒ঃইঃ । আ॒ত্মা বা ই॒দ্ধ্মঃ ।
প্র॒জা ব॒র্॒হিঃ । প্র॒জা হ্য়া᳚ত্মন॒ উত্ত॑রতরা তী॒র্থে ।
ততো॒ মেধ॑মুপ॒নীয়॑ । য॒থা॒ দে॒ব॒তমে॒বৈন॒ত্-প্রতি॑ষ্ঠাপযতি । প্রতি॑তিষ্ঠতি প্র॒জয়া॑ প॒শুভি॒-র্যজ॑মানঃ ॥ 85 ॥
(বৃ॒শ্চ॒তি॒ - সা॒দ॒য়ে॒ - দি॒দ্ধ্মঃ পঞ্চ॑ চ) (অ. 10)

(তৃতীয়॑স্য়াং - দে॒বস্য়া᳚শ্বপ॒র্॒শুং-য়োঁ বৈ - পূ᳚র্বে॒দ্য়ুঃ - কর্ম॑ণে বা॒ - মিন্দ্রো॑ বৃ॒ত্রম॑হ॒ন্-থ্সো॑-ঽপো - ঽব॑ধূতং॒ - ধৃষ্টি॑--র্ দে॒বস্য়েত্য়া॑হ॒ সং​বঁ॑পামি - দে॒বস্য়॒ স্ফ্যমাদ॑দে॒ - বজ্রো॒ বৈ স্ফ্য়ো দশ॑)

(তৃ॒তীয়॑স্য়াং - ঁয়॒জ্ঞস্য়ান॑তিরেকায় - প॒বিত্র॑বত্য় - ধ্ব॒র্য়ু-ঞ্চা॑ - ধি॒ষব॑ণমস্য়॒ - ন্তরি॑ক্ষ এ॒ব - রক্ষ॑সাম॒ন্তর্​হি॑ত্য়ৈ॒ - দ্বৌ বাব পুরু॑ষো॒ - যদ॒দশ্চ॒ন্দ্রম॑সি॒ মেদ্ধ্য়॒-ম্পঞ্চাশী॑তিঃ)

(তৃ॒তীয়॑স্য়াং॒ - ঁযজ॑মানঃ)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে তৃতীয়াষ্টকে দ্বিতীয়ঃ প্রপাঠক-স্সমাপ্তঃ ॥