কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে দ্বিতীয়ঃ প্রপাঠকঃ - গবামযনব্রাহ্মণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - আধানমন্ত্রাঃ পূর্বপ্রপাঠকশেষভূতাঃ

উ॒দ্ধ॒ন্যমা॑ন-ম॒স্য়া অ॑মে॒দ্ধ্যম্ । অপ॑ পা॒প্মানং॒-য়ঁজ॑মানস্য় হন্তু । শি॒বা ন॑-স্সন্তু প্র॒দিশ॒শ্চত॑স্রঃ । শ-ন্নো॑ মা॒তা পৃ॑থি॒বী তোক॑সাতা ॥ শ-ন্নো॑ দে॒বীর॒ভিষ্ট॑য়ে । আপো॑ ভবন্তু পী॒তয়ে᳚ । শং-য়োঁর॒ভি স্র॑বন্তু নঃ ॥ বৈ॒শ্বা॒ন॒রস্য়॑ রূ॒পম্ । পৃ॒থি॒ব্য়া-ম্প॑রি॒স্রসা᳚ । স্য়ো॒ন-মাবি॑শন্তু নঃ ॥ 1 ॥

যদি॒দ-ন্দি॒বো যদ॒দঃ পৃ॑থি॒ব্য়াঃ । স॒জ॒ঞ্জ্ঞা॒নে রোদ॑সী সম্বভূ॒বতুঃ॑ । ঊষা᳚ন্ কৃ॒ষ্ণম॑বতু কৃ॒ষ্ণমূষাঃ᳚ । ই॒হোভয়ো᳚-র্য়॒জ্ঞিয়॒-মাগ॑মিষ্ঠাঃ ॥ ঊ॒তীঃ কু॑র্বা॒ণো য-ত্পৃ॑থি॒বীমচ॑রঃ । গু॒হা॒কার॑-মাখুরূ॒প-ম্প্র॒তীত্য়॑ । ত-ত্তে॒ ন্য়॑ক্তমি॒হ স॒ভংর॑ন্তঃ । শ॒ত-ঞ্জী॑বেম শ॒রদ॒-স্সবী॑রাঃ ॥ ঊর্জ॑-ম্পৃথি॒ব্য়া রস॑-মা॒ভর॑ন্তঃ । শ॒ত-ঞ্জী॑বেম শ॒রদঃ॑ পুরূ॒চীঃ ॥ 2 ॥

ব॒ম্রীভি॒-রনু॑বিত্ত॒-ঙ্গুহা॑সু । শ্রোত্র॑-ন্ত উ॒র্ব্যব॑ধিরা ভবামঃ ॥ প্র॒জাপ॑তি সৃষ্টানা-ম্প্র॒জানা᳚ম্ । ক্ষু॒ধোপ॑হত্য়ৈ সুবি॒ত-ন্নো॑ অস্তু । উপ॒প্রভি॑ন্ন॒মিষ॒-মূর্জ॑-ম্প্র॒জাভ্য়ঃ॑ । সূদ॑-ঙ্গৃ॒হেভ্য়ো॒ রস॒মাভ॑রামি ॥ যস্য়॑ রূ॒প-ম্বিভ্র॑দি॒মা-মবি॑ন্দত্ । গুহা॒ প্রবি॑ষ্টাগ্​ম্ সরি॒রস্য়॒ মদ্ধ্য়ে᳚ । তস্য়ে॒দং-বিঁহ॑ত-মা॒ভর॑ন্তঃ । অছ॑ম্বট্কারম॒স্য়াং-বিঁ॑ধেম ॥ 3 ॥

য-ত্প॒র্যপ॑শ্য়-থ্সরি॒রস্য়॒ মদ্ধ্য়ে᳚ । উ॒র্বীমপ॑শ্য়॒-জ্জগ॑তঃ প্রতি॒ষ্ঠাম্ । ত-ত্পুষ্ক॑রস্য়া॒যত॑না॒দ্ধি জা॒তম্ । প॒র্ণ-ম্পৃ॑থি॒ব্য়াঃ প্রথ॑নগ্​ম্ হরামি ॥ যাভি॒রদৃগ্​ম্॑হ॒জ্জগ॑তঃ প্রতি॒ষ্ঠাম্ । উ॒র্বীমি॒মাং-বিঁ॑শ্বজ॒নস্য়॑ ভ॒র্ত্রীম্ । তা ন॑-শ্শি॒বা-শ্শর্ক॑রা-স্সন্তু॒ সর্বাঃ᳚ ॥ অ॒গ্নে রেত॑শ্চ॒ন্দ্রগ্​ম্ হির॑ণ্যম্ । অ॒দ্ভ্য়-স্সম্ভূ॑ত-ম॒মৃত॑-ম্প্র॒জাসু॑ । ত-থ্স॒ভংর॑ন্নুত্তর॒তো নি॒ধায়॑ ॥ 4 ॥

অ॒তি॒ প্র॒যচ্ছ॒-ন্দুরি॑তি-ন্তরেযম্ ॥ অশ্বো॑ রূ॒প-ঙ্কৃ॒ত্বা যদ॑শ্ব॒ত্থে ঽতি॑ষ্ঠঃ । সং॒​বঁ॒থ্স॒র-ন্দে॒বেভ্য়ো॑ নি॒লায়॑ । তত্তে॒ ন্য়॑ক্তমি॒হ স॒ভংর॑ন্তঃ । শ॒ত-ঞ্জী॑বেম শ॒রদ॒-স্সবী॑রাঃ ॥ ঊ॒র্জঃ পৃ॑থি॒ব্য়া অদ্ধ্য়ুত্থি॑তো-ঽসি । বন॑স্পতে শ॒তব॑ল্​শো॒ বিরো॑হ । ত্বয়া॑ ব॒যমিষ॒মূর্জ॒-ম্মদ॑ন্তঃ । রা॒যস্পোষে॑ণ॒ সমি॒ষা ম॑দেম ॥ গা॒য়॒ত্রি॒য়া হ্রি॒যমা॑ণস্য়॒ যত্তে᳚ ॥ 5 ॥

প॒র্ণমপ॑ত-ত্তৃ॒তীয়॑স্য়ৈ দি॒বো-ঽধি॑ । সো॑-ঽয়-ম্প॒র্ণ-স্সো॑মপ॒র্ণাদ্ধি জা॒তঃ । ততো॑ হরামি সোমপী॒থস্য়াব॑-রুদ্ধ্য়ৈ । দে॒বানা᳚-ম্ব্রহ্মবা॒দং-বঁদ॑তাং॒-য়ঁত্ । উ॒পাশৃ॑ণো-স্সু॒শ্রবা॒ বৈ শ্রু॒তো॑-ঽসি । ততো॒ মামাবি॑শতু ব্রহ্মবর্চ॒সম্ । ত-থ্স॒ভংর॒গ্গ্॒ স্তদব॑রুন্ধীয় সা॒ক্ষাত্ ॥ যয়া॑ তে সৃ॒ষ্টস্য়া॒গ্নেঃ । হে॒তিমশ॑ময়-ত্প্র॒জাপ॑তিঃ । তামি॒মাম প্র॑দাহায় ॥ 6 ॥

শ॒মীগ্​ম্ শান্ত্য়ৈ॑ হরাম্য়॒হম্ ॥ যত্তে॑ সৃ॒ষ্টস্য়॑ য॒তঃ । বিক॑ঙ্কত॒-ম্ভা আ᳚র্ছজ্জাতবেদঃ । তয়া॑ ভা॒সা সম্মি॑তঃ । উ॒রু-ন্নো॑ লো॒কমনু॒ প্রভা॑হি ॥ যত্তে॑ তা॒ন্তস্য়॒ হৃদ॑য়॒মাচ্ছি॑ন্দন্ জাতবেদঃ । ম॒রুতো॒-ঽদ্ভিস্ত॑ময়ি॒ত্বা । এ॒তত্তে॒ তদ॑শ॒নে-স্সম্ভ॑রামি । সাত্মা॑ অগ্নে॒ সহৃ॑দয়ো ভবে॒হ ॥ চিত্রি॑য়াদশ্ব॒ত্থা-থ্সম্ভৃ॑তা বৃহ॒ত্য়ঃ॑ ॥ 7 ॥

শরী॑রম॒ভি সগ্গ্​ স্কৃ॑তা-স্স্থ । প্র॒জাপ॑তিনা যজ্ঞমু॒খেন॒ সম্মি॑তাঃ । তি॒স্রস্ ত্রি॒বৃদ্ভি॑-র্মিথু॒নাঃ প্রজা᳚ত্য়ৈ ॥ অ॒শ্ব॒ত্থা-দ্ধ॑ব্যবা॒হা-দ্ধি জা॒তাম্ । অ॒গ্নে স্ত॒নূং-য়ঁ॒জ্ঞিয়া॒গ্​ম্॒ সম্ভ॑রামি । শা॒ন্তয়ো॑নিগ্​ম্ শমীগ॒র্ভম্ । অ॒গ্নয়ে॒ প্রজ॑নয়ি॒তবে᳚ ॥ যো অ॑শ্ব॒ত্থ-শ্শ॑মীগ॒র্ভঃ । আ॒রু॒রোহ॒ ত্বে সচা᳚ । ত-ন্তে॑ হরামি॒ ব্রহ্ম॑ণা ॥ 8 ॥

য॒জ্ঞিয়ৈঃ᳚ কে॒তুভি॑-স্স॒হ ॥ য-ন্ত্বা॑ স॒মভ॑রন্-জাতবেদঃ । য॒থা॒ শ॒রী॒র-ম্ভূ॒তেষু॒ ন্য়॑ক্তম্ । স সম্ভৃ॑ত-স্সীদ শি॒বঃ প্র॒জাভ্য়ঃ॑ । উ॒রু-ন্নো॑ লো॒কমনু॑নেষি বি॒দ্বান্ ॥ প্র বে॒ধসে॑ ক॒বয়ে॒ মেদ্ধ্য়া॑য় । বচো॑ ব॒ন্দারু॑ বৃষ॒ভায়॒ বৃষ্ণে᳚ । যতো॑ ভ॒যমভ॑য়॒-ন্তন্নো॑ অস্তু । অব॑ দে॒বান্. য॑জে॒ হেড্য়ান্॑ ॥ স॒মিধা॒-ঽগ্নি-ন্দু॑বস্যত ॥ 9 ॥

ঘৃ॒তৈ-র্বো॑ধয়॒তাতি॑থিম্ । আ-ঽস্মি॑ন্. হ॒ব্য়া জু॑হোতন ॥ উপ॑ ত্বা-ঽগ্নে হ॒বিষ্ম॑তীঃ । ঘৃ॒তাচী᳚র্যন্তু হর্যত । জু॒ষস্ব॑ স॒মিধো॒ মম॑ ॥ ত-ন্ত্বা॑ স॒মিদ্ভি॑রঙ্গিরঃ । ঘৃ॒তেন॑ বর্ধয়ামসি । বৃ॒হচ্ছো॑চা যবিষ্ঠ্য় ॥ স॒মি॒দ্ধ্যমা॑নঃ প্রথ॒মো নু ধর্মঃ॑ । সম॒ক্তুভি॑রজ্যতে বি॒শ্ববা॑রঃ ॥ 10 ॥

শো॒চিষ্কে॑শো ঘৃ॒তনি॑র্ণিক্-পাব॒কঃ । সু॒য়॒জ্ঞো অ॒গ্নি-র্য়॒জথা॑য় দে॒বান্ ॥ ঘৃ॒তপ্র॑তীকো ঘৃ॒তয়ো॑নির॒গ্নিঃ । ঘৃ॒তৈ-স্সমি॑দ্ধো ঘৃ॒তম॒স্য়ান্ন᳚ম্ । ঘৃ॒ত॒প্রুষ॑স্ত্বা স॒রিতো॑ বহন্তি । ঘৃ॒ত-ম্পিবন্᳚-থ্সু॒যজা॑ যক্ষি দে॒বান্ ॥ আ॒য়ু॒র্দা অ॑গ্নে হ॒বিষো॑ জুষা॒ণঃ । ঘৃ॒ত প্র॑তীকো ঘৃ॒তয়ো॑নিরেধি । ঘৃ॒ত-ম্পী॒ত্বা মধু॒চারু॒ গব্য়᳚ম্ । পি॒তেব॑ পু॒ত্রম॒ভি র॑ক্ষতাদি॒মম্ ॥ 11 ॥

ত্বাম॑গ্নে সমিধা॒নং-য়ঁ॑বিষ্ঠ । দে॒বা দূ॒ত-ঞ্চ॑ক্রিরে হব্য়॒বাহ᳚ম্ । উ॒রু॒জ্রয়॑স-ঙ্ঘৃ॒তয়ো॑নি॒-মাহু॑তম্ । ত্বে॒ষ-ঞ্চক্ষু॑র্দধিরে চোদ॒যন্ব॑তি ॥ ত্বাম॑গ্নে প্র॒দিব॒ আহু॑ত-ঙ্ঘৃ॒তেন॑ । সু॒ম্না॒যব॑-স্সুষ॒মিধা॒ সমী॑ধিরে । স বা॑বৃধা॒ন ওষ॑ধীভিরুক্ষি॒তঃ । উ॒রুজ্রয়াগ্​ম্॑সি॒ পার্থি॑বা॒ বিতি॑ষ্ঠসে ॥ ঘৃ॒ত প্র॑তীকং-বঁ ঋ॒তস্য়॑ ধূ॒র্॒ষদ᳚ম্ (ধূর্॒ষদ᳚ম্) । অ॒গ্নি-ম্মি॒ত্রন্ন স॑মিধা॒ন ঋ॑ঞ্জতে ॥ 12 ॥

ইন্ধা॑নো অ॒ক্রো বি॒দথে॑ষু॒ দীদ্য়॑ত্ । শু॒ক্রব॑র্ণা॒মুদু॑ নো যগ্​ম্সতে॒ ধিয়᳚ম্ ॥ প্র॒জা অ॑গ্নে॒ সং​বাঁ॑সয় । আশা᳚শ্চ প॒শুভি॑-স্স॒হ । রা॒ষ্ট্রাণ্য়॑স্মা॒ আধে॑হি । যান্য়াস᳚ন্-থ্সবি॒তু-স্স॒বে ॥ ম॒হী বি॒শ্পত্নী॒ সদ॑নে ঋ॒তস্য়॑ । অ॒র্বাচী॒ এত॑-ন্ধরুণে রয়ী॒ণাম্ । অ॒ন্তর্ব॑ত্নী॒ জন্য়॑-ঞ্জা॒তবে॑দসম্ । অ॒দ্ধ্ব॒রাণা᳚-ঞ্জনযথঃ পুরো॒গাম্ ॥ 13 ॥

আরো॑হত-ন্দ॒শত॒গ্​ম্॒ শক্ব॑রী॒-র্মম॑ । ঋ॒তেনা᳚গ্ন॒ আয়ু॑ষা॒ বর্চ॑সা স॒হ । জ্য়োগ্ জীব॑ন্ত॒ উত্ত॑রামুত্তরা॒গ্​ম্॒ সমা᳚ম্ । দর্​শ॑ম॒হ-ম্পূ॒র্ণমা॑সং-য়ঁ॒জ্ঞং-য়ঁথা॒ যজৈ᳚ ॥ ঋত্বি॑যবতী স্থো অ॒গ্নিরে॑তসৌ । গর্ভ॑-ন্দধাথা॒-ন্তে বা॑ম॒হ-ন্দ॑দে । ত-থ্স॒ত্য়ং-য়ঁ-দ্বী॒র-ম্বি॑ভৃথঃ । বী॒র-ঞ্জ॑নয়ি॒ষ্যথঃ॑ । তে ম-ত্প্রা॒তঃ প্রজ॑নিষ্য়েথে । তে মা॒ প্রজা॑তে॒ প্রজ॑নয়ি॒ষ্যথঃ॑ ॥ 14 ॥

প্র॒জয়া॑ প॒শুভি॑-র্ব্রহ্মবর্চ॒সেন॑ সুব॒র্গে লো॒কে ॥ অনৃ॑তা-থ্স॒ত্যমুপৈ॑মি । মা॒নু॒ষা-দ্দৈব্য়॒-মুপৈ॑মি । দৈবীং॒-বাঁচং॑-য়ঁচ্ছামি ॥ শল্কৈ॑র॒গ্নিমি॑ন্ধা॒নঃ । উ॒ভৌ লো॒কৌ স॑নেম॒হম্ । উ॒ভয়ো᳚-র্লো॒কয়োর্॑. ঋ॒দ্ধ্বা । অতি॑ মৃ॒ত্য়ু-ন্ত॑রাম্য়॒হম্ ॥ জাত॑বেদো॒ ভুব॑নস্য়॒ রেতঃ॑ । ই॒হ সি॑ঞ্চ॒ তপ॑সো॒ যজ্জ॑নি॒ষ্যতে᳚ ॥ 15 ॥

অ॒গ্নিম॑শ্ব॒ত্থাদধি॑ হব্য়॒বাহ᳚ম্ । শ॒মী॒গ॒র্ভা-জ্জ॒নয়॒ন॒.য়ো ম॑য়ো॒ ভূঃ ॥ অ॒য়-ন্তে॒ যোনি॑র্-ঋ॒ত্বিয়ঃ॑ । যতো॑ জা॒তো অরো॑চথাঃ । ত-ঞ্জা॒নন্ন॑গ্ন॒ আরো॑হ । অথা॑ নো বর্ধয়া র॒য়িম্ ॥ অপে॑ত॒ বীত॒ বি চ॑ সর্প॒তাতঃ॑ । যে-ঽত্র॒ স্থ পু॑রা॒ণা যে চ॒ নূত॑নাঃ । অদা॑দি॒দং-য়ঁ॒মো॑-ঽব॒সান॑-ম্পৃথি॒ব্য়াঃ । অক্র॑ন্নি॒ম-ম্পি॒তরো॑ লো॒কম॑স্মৈ ॥ 16 ॥

অ॒গ্নের্ভস্মা᳚স্য়॒গ্নেঃ পুরী॑ষমসি ॥ স॒জ্ঞান্ন॑মসি কাম॒ধর॑ণম্ । ময়ি॑ তে কাম॒ধর॑ণ-ম্ভূয়াত্ ॥ সং-বঁ॑-স্সৃজামি॒ হৃদ॑য়ানি । সগ্​ম্ সৃ॑ষ্ট॒-ম্মনো॑ অস্তু বঃ । সগ্​ম্ সৃ॑ষ্টঃ প্রা॒ণো অ॑স্তু বঃ ॥ সং-য়াঁ বঃ॑ প্রি॒য়াস্ত॒নুবঃ॑ । সম্প্রি॒য়া হৃদ॑য়ানি বঃ । আ॒ত্মা বো॑ অস্তু॒ সম্প্রি॑য়ঃ । সম্প্রি॑য়া-স্ত॒নুবো॒ মম॑ ॥ 17 ॥

কল্পে॑তা॒-ন্দ্য়াবা॑পৃথি॒বী । কল্প॑ন্তা॒মাপ॒ ওষ॑ধীঃ । কল্প॑ন্তাম॒গ্নয়ঃ॒ পৃথ॑ক্ । মম॒ জ্য়ৈষ্ঠ্য়া॑য়॒ সব্র॑তাঃ ॥ যে᳚-ঽগ্নয়॒-স্সম॑নসঃ । অ॒ন্ত॒রা দ্য়াবা॑পৃথি॒বী । বাস॑ন্তিকাবৃ॒তূ অ॒ভি কল্প॑মানাঃ । ইন্দ্র॑মিব দে॒বা অ॒ভি সং​বিঁ॑শন্তু ॥ দি॒বস্ত্বা॑ বী॒র্য়ে॑ণ । পৃ॒থি॒ব্য়ৈ-ম॑হি॒ম্না ॥ 18 ॥

অ॒ন্তরি॑ক্ষস্য়॒ পোষে॑ণ । স॒র্বপ॑শু॒-মাদ॑ধে ॥ অজী॑জন-ন্ন॒মৃত॒-ম্মর্ত্য়া॑সঃ । অ॒স্রে॒মাণ॑-ন্ত॒রণিং॑-বীঁ॒ডুজ॑ম্ভম্ । দশ॒ স্বসা॑রো অ॒গ্রুব॑-স্সমী॒চীঃ । পুমাগ্​ম্॑স-ঞ্জা॒তম॒ভি সগ্​ম্র॑ভন্তাম্ ॥ প্র॒জাপ॑তেস্ত্বা প্রা॒ণেনাভি॒ প্রাণি॑মি । পূ॒ষ্ণঃ পোষে॑ণ॒ মহ্য়᳚ম্ । দী॒র্ঘা॒য়ু॒ত্বায়॑ শ॒তশা॑রদায় । শ॒তগ্​ম্ শ॒রদ্ভ্য়॒ আয়ু॑ষে॒ বর্চ॑সে ॥ 19 ॥

জী॒বাত্বৈ পুণ্য়া॑য় ॥ অ॒হ-ন্ত্বদ॑স্মি॒ মদ॑সি॒ ত্বমে॒তত্ । মমা॑সি॒ যোনি॒স্তব॒ যোনি॑রস্মি । মমৈ॒ব সন্বহ॑ হ॒ব্য়ান্য়॑গ্নে । পু॒ত্রঃ পি॒ত্রে লো॑ক॒কৃ-জ্জা॑তবেদঃ ॥ প্রা॒ণে ত্বা॒ ঽমৃত॒মাদ॑ধামি । অ॒ন্না॒দম॒ন্নাদ্য়া॑য় । গো॒প্তার॒-ঙ্গুপ্ত্য়ৈ᳚ ॥ সু॒গা॒র্॒হ॒প॒ত্য়ো বি॒দহ॒ন্নরা॑তীঃ । উ॒ষস॒-শ্শ্রেয়॑সী-শ্শ্রেযসী॒-র্দধ॑ত্ ॥ 20 ॥

অগ্নে॑ স॒পত্নাগ্​ম্॑ অপ॒ বাধ॑মানঃ । রা॒যস্পোষ॒-মিষ॒মূর্জ॑-ম॒স্মাসু॑ ধেহি ॥ ই॒মা উ॒ মামুপ॑তিষ্ঠন্তু॒ রায়ঃ॑ । আ॒ভিঃ প্র॒জাভি॑রি॒হ সং-বঁ॑সেয় । ই॒হো ইডা॑ তিষ্ঠতু বিশ্বরূ॒পী । মদ্ধ্য়ে॒ বসো᳚-র্দীদিহি জাতবেদঃ ॥ ওজ॑সে॒ বলা॑য়॒ ত্বোদ্য়॑চ্ছে । বৃষ॑ণে॒ শুষ্মা॒য়ায়ু॑ষে॒ বর্চ॑সে । স॒প॒ত্ন॒তূর॑সি বৃত্র॒তূঃ । যস্তে॑ দে॒বেষু॑ মহি॒মা সু॑ব॒র্গঃ ॥ 21 ॥

যস্ত॑ আ॒ত্মা প॒শুষু॒ প্রবি॑ষ্টঃ । পুষ্টি॒র্য়া তে॑ মনু॒ষ্য়ে॑ষু পপ্র॒থে । তয়া॑ নো অগ্নে জু॒ষমা॑ণ॒ এহি॑ ॥ দি॒বঃ পৃ॑থি॒ব্য়াঃ পর্য়॒ন্তরি॑ক্ষাত্ । বাতা᳚-ত্প॒শুভ্য়ো॒ অদ্ধ্য়োষ॑ধীভ্য়ঃ । যত্র॑যত্র জাতবেদ-স্স-ম্ব॒ভূথ॑ । ততো॑ নো অগ্নে জু॒ষমা॑ণ॒ এহি॑ ॥ প্রাচী॒মনু॑ প্র॒দিশ॒-ম্প্রেহি॑ বি॒দ্বান্ । অ॒গ্নের॑গ্নে পু॒রো অ॑গ্নি-র্ভবে॒হ । বিশ্বা॒ আশা॒ দীদ্য়া॑নো॒ বি ভা॑হি ॥ 22 ॥

ঊর্জ॑-ন্নো ধেহি দ্বি॒পদে॒ চতু॑ষ্পদে ॥ অন্ব॒গ্নিরু॒ষসা॒-মগ্র॑-মখ্যত্ । অন্বহা॑নি প্রথ॒মো জা॒তবে॑দাঃ । অনু॒ সূর্য়॑স্য় পুরু॒ত্রা চ॑ র॒শ্মীন্ । অনু॒ দ্য়াবা॑পৃথি॒বী আত॑তান ॥ বিক্র॑মস্ব ম॒হাগ্​ম্ অ॑সি । বে॒দি॒ষ-ন্মানু॑ষেভ্য়ঃ । ত্রি॒ষু লো॒কেষু॑ জাগৃহি ॥ যদি॒দ-ন্দি॒বো যদ॒দঃ পৃ॑থি॒ব্য়াঃ । সং॒-বিঁ॒দা॒নে রোদ॑সী স-ম্বভূ॒বতুঃ॑ ॥ 23 ॥

তয়োঃ᳚ পৃ॒ষ্ঠে সী॑দতু জা॒তবে॑দাঃ । শ॒ভূংঃ প্র॒জাভ্য়॑-স্ত॒নুবে᳚ স্য়ো॒নঃ ॥ প্রা॒ণ-ন্ত্বা॒-ঽমৃত॒ আদ॑ধামি । অ॒ন্না॒দম॒ন্নাদ্য়া॑য় । গো॒প্তার॒-ঙ্গুপ্ত্য়ৈ᳚ । যত্তে॑ শুক্র শু॒ক্রং-বঁর্চ॑-শ্শু॒ক্রা ত॒নূঃ । শু॒ক্র-ঞ্জ্য়োতি॒-রজ॑স্রম্ । তেন॑ মে দীদিহি॒ তেন॒ ত্বা-ঽঽদ॑ধে । অ॒গ্নিনা᳚-ঽঽগ্নে॒ ব্রহ্ম॑ণা । আ॒ন॒শে ব্য়া॑নশে॒ সর্ব॒মায়ু॒-র্ব্য়া॑নশে ॥ 24 ॥

নর্য়॑ প্র॒জা-ম্মে॑ গোপায় । অ॒মৃ॒ত॒ত্বায়॑ জী॒বসে᳚ । জা॒তা-ঞ্জ॑নি॒ষ্যমা॑ণা-ঞ্চ । অ॒মৃতে॑ স॒ত্য়ে প্রতি॑ষ্ঠিতাম্ ॥ অথ॑র্ব পি॒তু-ম্মে॑ গোপায় । রস॒মন্ন॑মি॒হায়ু॑ষে । অদ॑ব্ধা॒য়ো-ঽশী॑ততনো । অবি॑ষ-ন্নঃ পি॒তু-ঙ্কৃ॑ণু ॥ শগ্গ্​স্য়॑ প॒শূ-ন্মে॑ গোপায় । দ্বি॒পাদো॒ যে চতু॑ষ্পদঃ ॥ 25 ॥

অ॒ষ্টাশ॑ফাশ্চ॒ য ই॒হাগ্নে᳚ । যে চৈক॑শফা আশু॒গাঃ ॥ সপ্র॑থ স॒ভা-ম্মে॑ গোপায় । যে চ॒ সভ্য়া᳚-স্সভা॒সদঃ॑ । তানি॑ন্দ্রি॒য়াব॑তঃ কুরু । সর্ব॒মায়ু॒-রুপা॑সতাম্ ॥ অহে॑বুদ্ধ্নিয়॒ মন্ত্র॑-ম্মে গোপায় । যমৃষ॑যস্ত্রৈবি॒দা বি॒দুঃ । ঋচ॒-স্সামা॑নি॒ যজূগ্​ম্॑ষি । সা হি শ্রীর॒মৃতা॑ স॒তাম্ ॥ 26 ॥

চতু॑-শ্শিখণ্ডা যুব॒তি-স্সু॒পেশাঃ᳚ । ঘৃ॒তপ্র॑তীকা॒ ভুব॑নস্য়॒ মদ্ধ্য়ে᳚ । ম॒র্মৃ॒জ্যমা॑না মহ॒তে সৌভ॑গায় । মহ্য়॑-ন্ধুক্ষ্ব॒ যজ॑মানায়॒ কামান্॑ ॥ ই॒হৈব সন্তত্র॑ স॒তো বো॑ অগ্নয়ঃ । প্রা॒ণেন॑ বা॒চা মন॑সা বিভর্মি । তি॒রো মা॒ সন্ত॒মায়ু॒র্মা প্রহা॑সীত্ । জ্য়োতি॑ষা বো বৈশ্বান॒রে-ণোপ॑তিষ্ঠে ॥ প॒ঞ্চ॒ধা-ঽগ্নীন্-ব্য়॑ক্রামত্ । বি॒রাট্-থ্সৃ॒ষ্টা প্র॒জাপ॑তেঃ । ঊ॒র্ধ্বা-ঽঽরো॑হ-দ্রোহি॒ণী । যোনি॑র॒গ্নেঃ প্রতি॑ষ্ঠিতিঃ ॥ 27 ॥
(বি॒শ॒ন্তু॒ নঃ॒ - পু॒রু॒চী--র্ বি॑ধেম - নি॒ধায়॒ - য-ত্তে - ঽপ্র॑দাহায় - বৃহ॒ত্য়ো᳚ - ব্রহ্ম॑ণা - দুবস্যত - বি॒শ্ববা॑র - ই॒ম - মৃ॑ঞ্জতে - পুরো॒গাং - প্রজ॑নয়ি॒ষ্যথো॑ - জনি॒ষ্যতে᳚-ঽ - স্মৈ॒ - মম॑ - মহি॒ম্না - বর্চ॑সে॒ - দধ॑থ্ - সুব॒র্গা - ভা॑হি - সম্বভূ॒বতু॒ - রায়ু॒-র্ব্য়া॑নশে॒ - চতু॑ষ্পদঃ - স॒তাং - প্র॒জাপ॑তে॒-র্দ্বে চ॑) (অ. 1)

অনুবাকং 2 - বিষূবন্নামক-ম্মুখ্যমহ, তদুভযপার্​শ্ববর্তীনি চত্বার্যহানি চোচ্যন্তে
নবৈ॒তান্যহা॑নি ভবন্তি । নব॒ বৈ সু॑ব॒র্গা লো॒কাঃ । যদে॒তান্যহা᳚-ন্য়ুপ॒যন্তি॑ । ন॒বস্বে॒ব ত-থ্সু॑ব॒র্গেষু॑ লো॒কেষু॑ স॒ত্রিণঃ॑ প্রতি॒তিষ্ঠ॑ন্তো যন্তি ॥ অ॒গ্নি॒ষ্টো॒মাঃ পর॑-স্সামানঃ কা॒র্য়া॑ ইত্য়া॑হুঃ । অ॒গ্নি॒ষ্টো॒মস॑মিন্ত-স্সুব॒র্গো লো॒ক ইতি॑ । দ্বাদ॑শা-গ্নিষ্টো॒মস্য়॑ স্তো॒ত্রাণি॑ । দ্বাদ॑শ॒ মাসা᳚-স্সং​বঁথ্স॒রঃ ॥ ত-ত্তন্ন সূর্ক্ষ্য়᳚ম্ । উ॒ক্থ্য়া॑ এ॒ব স॑প্তদ॒শাঃ পর॑-স্সামানঃ কা॒র্য়াঃ᳚ ॥ 28 ॥

প॒শবো॒ বা উ॒ক্থানি॑ । প॒শূ॒নামব॑-রুদ্ধ্য়ৈ ॥ বি॒শ্ব॒জি॒দ॒ভি॒জিতা॑-বগ্নিষ্টো॒মৌ ॥ উ॒ক্থ্য়া᳚-স্সপ্তদ॒শাঃ পর॑-স্সামানঃ । তে সগ্গ্​স্তু॑তা বি॒রাজ॑ম॒ভি সম্প॑দ্যন্তে । দ্বে চর্চা॒বতি॑ রিচ্য়েতে । এক॑য়া॒ গৌরতি॑রিক্তঃ । এক॒য়া-ঽঽয়ু॑রূ॒নঃ । সু॒ব॒র্গো বৈ লো॒কো জ্য়োতিঃ॑ । ঊর্গ্ বি॒রাট্ ॥ 29 ॥

সু॒ব॒র্গমে॒ব তেন॑ লো॒কম॒ভি জ॑যন্তি ॥ য-ত্পর॒গ্​ম্॒ রাথ॑ন্তরম্ । ত-ত্প্র॑থ॒মে-ঽহ॑ন্-কা॒র্য়᳚ম্ । বৃ॒হ-দ্দ্বি॒তীয়ে᳚ । বৈ॒রূ॒প-ন্তৃ॒তীয়ে᳚ । বৈ॒রা॒জ-ঞ্চ॑তু॒র্থে । শা॒ক্ব॒র-ম্প॑ঞ্চ॒মে । রৈ॒ব॒তগ্​ম্ ষ॒ষ্ঠে । তদু॑ পৃ॒ষ্ঠেভ্য়ো॒ নয়॑ন্তি ॥ স॒তন্ন॑য় এ॒তে গ্রহা॑ গৃহ্যন্তে ॥ 30 ॥

অ॒তি॒গ্রা॒হ্য়াঃ᳚ পর॑-স্সামসু । ই॒মানে॒বৈতৈ-র্লো॒কান্-থ্সন্ত॑ন্বন্তি ॥ মি॒থু॒না এ॒তে গ্রহা॑ গৃহ্যন্তে । অ॒তি॒গ্রা॒হ্য়াঃ᳚ পর॑-স্সামসু । মি॒থু॒নমে॒ব তৈ-র্যজ॑মানা॒ অব॑রুন্ধতে ॥ বৃ॒হ-ত্পৃ॒ষ্ঠ-ম্ভ॑বতি । বৃ॒হ-দ্বৈ সু॑ব॒র্গো লো॒কঃ । বৃ॒হ॒তৈব সু॑ব॒র্গং-লোঁ॒কং-য়ঁ॑ন্তি ॥ ত্র॒য়॒স্ত্রি॒গ্​ম্॒শি নাম॒ সাম॑ । মাদ্ধ্য়॑ন্দিনে॒ পব॑মানে ভবতি ॥ 31 ॥

ত্রয়॑স্ত্রিগ্​ম্শ॒দ্বৈ দে॒বতাঃ᳚ । দে॒বতা॑ এ॒বাব॑রুন্ধতে ॥ যে বা ই॒তঃ পরা᳚ঞ্চগ্​ম্ সং​বঁথ্স॒র-মু॑প॒ যন্তি॑ । ন হৈ॑ন॒-ন্তে স্ব॒স্তি সম॑শ্ঞুবতে । অথ॒ যে॑-ঽমুতো॒-ঽর্বাঞ্চ॑মুপ॒ যন্তি॑ । তে হৈ॑নগ্গ্​ স্ব॒স্তি সম॑শ্ঞুবতে । এ॒তদ্বা অ॒মুতো॒-ঽর্বাঞ্চ॒মুপ॑ যন্তি । যদে॒বম্ । যো হ॒ খলু॒ বাব প্র॒জাপ॑তিঃ । স উ॑ বে॒বেন্দ্রঃ॑ । তদু॑ দে॒বেভ্য়ো॒ নয়॑ন্তি ॥ 32 ॥
(কা॒র্য়া॑-বি॒রাড্ - গৃ॑হ্যন্তে॒ - পব॑মানে ভব॒তী - ন্দ্র॒ একং॑ চ) (অ. 2)

অনুবাকং 3 - বিষুবদ্দিনে-ঽতিগ্রাহ্যবিশেষাঃ
সন্ত॑তি॒র্বা এ॒তে গ্রহাঃ᳚ । য-ত্পর॑-স্সামানঃ । বি॒ষূ॒বান্-দি॑বাকী॒র্ত্য়᳚ম্ । যথা॒ শালা॑য়ৈ॒ পক্ষ॑সী । এ॒বগ্​ম্ সং॑​বঁথ্স॒রস্য়॒ পক্ষ॑সী । যদে॒তেন গৃ॒হ্য়েরন্ন্॑ । বিষূ॑চী সং​বঁথ্স॒রস্য়॒ পক্ষ॑সী॒ ব্যব॑স্রগ্​ম্ সেয়াতাম্ । আর্তি॒মার্চ্ছে॑য়ুঃ । যদে॒তে গৃ॒হ্যন্তে᳚ । যথা॒ শালা॑য়ৈ॒ পক্ষ॑সী মদ্ধ্য়॒মং​বঁ॒গ্​ম্॒শম॒ভি স॑মা॒যচ্ছ॑তি ॥ 33 ॥

এ॒বগ্​ম্ সং॑​বঁথ্স॒রস্য়॒ পক্ষ॑সী দিবাকী॒র্ত্য়॑ম॒ভি সন্ত॑ন্বন্তি । নার্তি॒মার্চ্ছ॑ন্তি ॥ এ॒ক॒বি॒গ্​ম্॒শ-মহ॑র্ভবতি । শু॒ক্রাগ্রা॒ গ্রহা॑ গৃহ্যন্তে । প্রত্য়ুত্ত॑ব্ধ্য়ৈ সয়॒ত্বায়॑ ॥ সৌ॒র্য়॑ এ॒তদহঃ॑ প॒শুরাল॑ভ্যতে । সৌ॒র্য়ো॑-ঽতিগ্রা॒হ্য়ো॑ গৃহ্যতে । অহ॑রে॒ব রূ॒পেণ॒ সম॑র্ধযন্তি । অথো॒ অহ্ন॑ এ॒বৈষ ব॒লির্-হ্রি॑যতে ॥ স॒প্তৈ-তদহ॑রতি-গ্রা॒হ্য়া॑ গৃহ্যন্তে ॥ 34 ॥

স॒প্ত বৈ শী॑র্​ষ॒ণ্য়াঃ᳚ প্রা॒ণাঃ । অ॒সাবা॑দি॒ত্য়-শ্শিরঃ॑ প্র॒জানা᳚ম্ । শী॒র্॒ষন্নে॒ব প্র॒জানা᳚-ম্প্রা॒ণা-ন্দ॑ধাতি । তস্মা᳚থ্স॒প্ত শী॒র্॒ষ-ন্প্রা॒ণাঃ ॥ ইন্দ্রো॑ বৃ॒ত্রগ্​ম্ হ॒ত্বা । অসু॑রা-ন্পরা॒ভাব্য়॑ । স ই॒মাঁল্লো॒কা-ন॒ভ্য়॑জযত্ । তস্য়া॒সৌ লো॒কো-ঽন॑ভিজিত আসীত্ । তং-বিঁ॒শ্বক॑র্মা ভূ॒ত্বা-ঽভ্য়॑জযত্ । য-দ্বৈ᳚শ্বকর্ম॒ণো গৃ॒হ্যতে᳚ ॥ 35 ॥

সু॒ব॒র্গস্য়॑ লো॒কস্য়া॒-ভিজি॑ত্য়ৈ ॥ প্র বা এ॒তে᳚-ঽস্মা-ল্লো॒কা-চ্চ্য়॑বন্তে । যে বৈ᳚শ্বকর্ম॒ণ-ঙ্গৃ॒হ্ণতে᳚ । আ॒দি॒ত্যশ্শ্বো গৃ॑হ্যতে । ই॒য়ং-বাঁ অদি॑তিঃ । অ॒স্য়ামে॒ব প্রতি॑তিষ্ঠন্তি ॥ অ॒ন্য়ো᳚ন্য়ো গৃহ্য়েতে । বিশ্বা᳚ন্য়ে॒বান্য়েন॒ কর্মা॑ণি কুর্বা॒ণা য॑ন্তি । অ॒স্য়াম॒ন্য়েন॒ প্রতি॑ তিষ্ঠন্তি ॥ তাবা-ঽপ॑রা॒র্ধা-থ্সং॑​বঁথ্স॒রস্য়া॒-ন্য়ো᳚ন্য়ো গৃহ্য়েতে ॥ তাবু॒ভৌ স॒হ ম॑হাব্র॒তে গৃ॑হ্য়েতে । য॒জ্ঞস্য়ৈ॒বান্ত॑-ঙ্গ॒ত্বা । উ॒ভয়ো᳚-র্লো॒কয়োঃ॒ প্রতি॑ তিষ্ঠন্তি ॥ অ॒র্ক্য়॑মু॒ক্থ-ম্ভ॑বতি ।
অ॒ন্নাদ্য়॒স্য়া-ব॑রুদ্ধ্য়ৈ ॥ 36 ॥
(স॒মা॒যচ্ছ॑ - ত্যতিগ্রা॒হ্য়া॑ গৃহ্যন্তে - গৃ॒হ্যতে॑ - সং​বঁথ্স॒রস্থা॒ন্য়ো᳚ন্য়ো গৃহ্য়েতে॒ পঞ্চ॑ চ ) (অ. 3)

অনুবাকং 4 - তস্মিন্নেব দিনে দিবাকীর্ত্যনামানি সামানি
এ॒ক॒বি॒গ্​ম্॒শ এ॒ষ ভ॑বতি । এ॒তেন॒ বৈ দে॒বা এ॑কবি॒গ্​ম্॒শেন॑ । আ॒দি॒ত্যমি॒ত উ॑ত্ত॒মগ্​ম্ সু॑ব॒র্গং-লোঁ॒ক-মারো॑হযন্ন্ । স বা এ॒ষ ই॒ত এ॑কবি॒গ্​ম্॒শঃ । তস্য়॒ দশা॒বস্তা॒দহা॑নি । দশ॑ প॒রস্তা᳚ত্ । স বা এ॒ষ বি॒রাজ্য়ু॑ভ॒যতঃ॒ প্রতি॑ষ্ঠিতঃ । বি॒রাজি॒ হি বা এ॒ষ উ॑ভ॒যতঃ॒ প্রতি॑ষ্ঠিতঃ । তস্মা॑দন্ত॒রেমৌ লো॒কৌ যন্ন্ । সর্বে॑ষু সুব॒র্গেষু॑ লো॒কে-ষ্ব॑ভি॒তপ॑ন্নেতি ॥ 37 ॥

দে॒বা বা আ॑দি॒ত্যস্য়॑ সুব॒র্গস্য়॑ লো॒কস্য়॑ । পরা॑চো-ঽতিপা॒দাদ॑বিভয়ুঃ । ত-ঞ্ছন্দো॑ভিরদৃগ্​ম্ হ॒ন্ধৃত্য়ৈ᳚ । দে॒বা বা আ॑দি॒ত্যস্য়॑ সুব॒র্গস্য়॑ লো॒কস্য়॑ । অবা॑চো-ঽবপা॒দাদ॑বিভয়ুঃ । ত-ম্প॒ঞ্চভী॑ র॒শ্মিভি॒-রুদ॑বযন্ন্ । তস্মা॑দেকবি॒গ্​ম্॒শে ঽহ॒-ন্পঞ্চ॑ দিবাকী॒র্ত্য়া॑নি ক্রিযন্তে । র॒শ্ময়ো॒ বৈ দি॑বাকী॒র্ত্য়া॑নি ॥ যে গা॑য়॒ত্রে । তে গা॑য়॒ত্রীষূত্ত॑রয়োঃ॒ পব॑মানয়োঃ ॥ 38 ॥

ম॒হাদি॑বাকীর্ত্য়॒গ্​ম্॒ হোতুঃ॑ পৃ॒ষ্ঠম্ । বি॒ক॒র্ণ-ম্ব্র॑হ্মসা॒মম্ । ভা॒সো᳚-ঽগ্নিষ্টো॒মঃ ॥ অথৈ॒তানি॒ পরা॑ণি । পরৈ॒র্বৈ দে॒বা আ॑দি॒ত্য়গ্​ম্ সু॑ব॒র্গং-লোঁ॒কম॑পারযন্ন্ । যদপা॑রযন্ন্ । ত-ত্পরা॑ণা-ম্পর॒ত্বম্ । পা॒রয়॑ন্ত্য়েন॒-ম্পরা॑ণি । য এ॒বং-বেঁদ॑ । অথৈ॒তানি॒ স্পরা॑ণি । স্পরৈ॒র্বৈ দে॒বা আ॑দি॒ত্য়গ্​ম্ সু॑ব॒র্গং-লোঁ॒কম॑স্পারযন্ন্ । যদস্পা॑রযন্ন্ । ত-থ্স্পরা॑ণাগ্​ স্পর॒ত্বম্ । স্পা॒রয়॑ন্ত্য়েন॒গ্গ্॒ স্পরা॑ণি । য এ॒বং-বেঁদ॑ ॥ 39 ॥
(এ॒তি॒-পব॑মানয়োঃ॒-স্পরা॑ণী॒ পঞ্চ॑ চ) (অ. 4)

অনুবাকং 5 - পশবঃ বৈষ্ণবাদ্য়া নব
অপ্র॑তিষ্ঠাং॒-বাঁ এ॒তে গ॑চ্ছন্তি । যেষাগ্​ম্॑ সং​বঁথ্স॒রে-ঽনা॒প্তে-ঽথ॑ । এ॒কা॒দ॒শিন্য়া॒প্যতে᳚ ॥ বৈ॒ষ্ণ॒বং-বাঁ॑ম॒ন-মাল॑ভন্তে । য॒জ্ঞো বৈ বিষ্ণুঃ॑ । য॒জ্ঞমে॒বাল॑ভন্তে॒ প্রতি॑ষ্ঠিত্য়ৈ । ঐ॒ন্দ্রা॒গ্ন-মাল॑ভন্তে । ই॒ন্দ্রা॒গ্নী বৈ দে॒বানা॒-ময়া॑তয়ামানৌ । যে এ॒ব দে॒বতে॒ অয়া॑তয়াম্নী । তে এ॒বাল॑ভন্তে ॥ 40 ॥

বৈ॒শ্ব॒দে॒ব-মাল॑ভন্তে । দে॒বতা॑ এ॒বাব॑-রুন্ধতে । দ্য়া॒বা॒পৃ॒থি॒ব্য়া᳚-ন্ধে॒নু-মাল॑ভন্তে । দ্য়াবা॑পৃথি॒ব্য়োরে॒ব প্রতি॑ তিষ্ঠন্তি । বা॒য়॒ব্য়ং॑-বঁ॒থ্সমাল॑ভন্তে । বা॒য়ুরে॒বৈভ্য়ো॑ যথা-ঽঽযত॒না-দ্দে॒বতা॒ অব॑রুন্ধে । আ॒দি॒ত্য়ামবিং॑-বঁ॒শা-মাল॑ভন্তে । ই॒য়ং-বাঁ অদি॑তিঃ । অ॒স্য়ামে॒ব প্রতি॑ তিষ্ঠন্তি । মৈ॒ত্রা॒ব॒রু॒ণী-মাল॑ভন্তে ॥ 41 ॥

মি॒ত্রেণৈ॒ব য॒জ্ঞস্য়॒ স্বি॑ষ্টগ্​ম্ শমযন্তি । বরু॑ণেন॒ দুরি॑ষ্টম্ । প্রা॒জা॒প॒ত্য়-ন্তূ॑প॒র-ম্ম॑হাব্র॒ত আল॑ভন্তে । প্রা॒জা॒প॒ত্য়ো॑-ঽতিগ্রা॒হ্য়ো॑ গৃহ্যতে । অহ॑রে॒ব রূ॒পেণ॒ সম॑র্ধযন্তি । অথো॒ অহ্ন॑ এ॒বৈষ ব॒লির্-হ্রি॑যতে । আ॒গ্নে॒যমাল॑ভন্তে॒ প্রতি॒ প্রজ্ঞা᳚ত্য়ৈ ॥ অ॒জ॒পে॒ত্বান্. বা এ॒তে পূর্বৈ॒র্মাসৈ॒র-ব॑রুন্ধতে । যদে॒তে গ॒ব্য়াঃ প॒শব॑ আল॒ভ্যন্তে᳚ । উ॒ভয়ে॑ষা-ম্পশূ॒না-মব॑রুদ্ধ্য়ৈ ॥ 42 ॥

যদতি॑রিক্তা-মেকাদ॒শিনী॑-মা॒লভে॑রন্ন্ । অপ্রি॑য়॒-ম্ভ্রাতৃ॑ব্য়-ম॒ভ্যতি॑রিচ্য়েত । য-দ্দ্বৌদ্বৌ॑ প॒শূ স॒মস্য়ে॑য়ুঃ । কনী॑য়॒ আয়ুঃ॑ কুর্বীরন্ন্ । যদে॒তে ব্রাহ্ম॑ণবন্তঃ প॒শব॑ আল॒ভ্যন্তে᳚ । নাপ্রি॑য়॒-ম্ভ্রাতৃ॑ব্য়-ম॒ভ্য়॑তি॒রিচ্য়॑তে । ন কনী॑য়॒ আয়ুঃ॑ কুর্বতে ॥ 43 ॥
(তে-এ॒বাল॑ভন্তে-মৈত্রাবরু॒ণীমাল॑ভ॒ন্তে-ঽব॑রুদ্ধ্য়ৈ-+স॒প্ত চ॑) (অ. 5)

অনুবাকং 6 - মহাব্রতম্
প্র॒জাপ॑তিঃ প্র॒জা-স্সৃ॒ষ্ট্বা বৃ॒ত্তো॑-ঽশযত্ । ত-ন্দে॒বা ভূ॒তানা॒গ্​ম্॒ রস॒-ন্তেজ॑-স্স॒ভৃন্ত্য়॑ । তেনৈ॑নমভিষজ্যন্ন্ । ম॒হান॑বব॒র্তীতি॑ । ত-ন্ম॑হাব্র॒তস্য়॑ মহাব্রত॒ত্বম্ । ম॒হ-দ্ব্র॒তমিতি॑ । ত-ন্ম॑হাব্র॒তস্য়॑ মহাব্রত॒ত্বম্ । ম॒হ॒তো ব্র॒তমিতি॑ । ত-ন্ম॑হাব্র॒তস্য়॑ মহাব্রত॒ত্বম্ ॥ প॒ঞ্চ॒বি॒গ্​ম্॒শ-স্স্তোমো॑ ভবতি ॥ 44 ॥

চতু॑র্বিগ্​ম্শ-ত্যর্ধমাস-স্সং​বঁথ্স॒রঃ । য-দ্বা এ॒তস্মিন্᳚-থ্সং​বঁথ্স॒রে ঽধি॒প্রাজা॑যত । তদন্ন॑-ম্পঞ্চবি॒গ্​ম্॒শ-ম॑ভবত্ ॥ ম॒দ্ধ্য়॒তঃ ক্রি॑যতে । ম॒দ্ধ্য়॒তো হ্যন্ন॑মশি॒ত-ন্ধি॒নোতি॑ । অথো॑ মদ্ধ্য়॒ত এ॒ব প্র॒জানা॒মূর্গ্ধী॑যতে ॥ অথ॒ যদ্বা ই॒দম॑ন্ত॒তঃ ক্রি॒যতে᳚ । তস্মা॑দুদ॒ন্তে প্র॒জা-স্সমে॑ধন্তে । অ॒ন্ত॒তঃ ক্রি॑যতে প্র॒জন॑নায়ৈ॒ব ॥ ত্রি॒বৃচ্ছিরো॑ ভবতি ॥ 45 ॥

ত্রে॒ধা॒ বি॒হি॒তগ্​ম্ হি শিরঃ॑ । লোম॑ ছ॒বীরস্থি॑ ॥ পরা॑চা স্তুবন্তি । তস্মা॒-ত্ত-থ্স॒দৃগে॒ব । ন মেদ্য়॒তো-ঽনু॑ মেদ্যতি । ন কৃশ্য়॒তো-ঽনু॑ কৃশ্যতি ॥ প॒ঞ্চ॒দ॒শো᳚-ঽন্য়ঃ প॒ক্ষো ভ॑বতি । স॒প্ত॒দ॒শো᳚-ঽন্য়ঃ । তস্মা॒-দ্বয়াগ্॑স্য়-ন্যত॒রম॒র্ধম॒ভি প॒র্য়াব॑র্তন্তে । অ॒ন্য়॒ত॒রতো॒ হি ত-দ্গরী॑য়ঃ ক্রি॒যতে᳚ ॥ 46 ॥

প॒ঞ্চ॒বি॒গ্​ম্॒শ আ॒ত্মা ভ॑বতি । তস্মা᳚-ন্মদ্ধ্য়॒তঃ প॒শবো॒ বরি॑ষ্ঠাঃ ॥ এ॒ক॒বি॒গ্​ম্॒শ-ম্পুচ্ছ᳚ম্ । দ্বি॒পদা॑সু স্তুবন্তি॒ প্রতি॑ষ্ঠিত্য়ৈ ॥ সর্বে॑ণ স॒হ স্তু॑বন্তি । সর্বে॑ণ॒ হ্য়া᳚ত্মনা᳚-ঽঽত্ম॒ন্বী । স॒হোত্পত॑ন্তি ॥ একৈ॑কা॒-মুচ্ছিগ্​ম্॑ষন্তি । আ॒ত্মন্ন্. হ্যঙ্গা॑নি ব॒দ্ধানি॑ ॥ ন বা এ॒তেন॒ সর্বঃ॒ পুরু॑ষঃ ॥ 47 ॥

যদি॒ত ই॑তো॒ লোমা॑নি দ॒তো ন॒খান্ । প॒রি॒মাদঃ॑ ক্রিযন্তে । তান্য়ে॒ব তেন॒ প্রত্য়ু॑প্যন্তে ॥ ঔদু॑ম্বর॒স্তল্পো॑ ভবতি । ঊর্গ্বা অন্ন॑মুদু॒ম্বরঃ॑ । ঊ॒র্জ এ॒বান্নাদ্য়॒স্য়া-ব॑রুদ্ধ্য়ৈ ॥ যস্য়॑ তল্প॒সদ্য়॒-মন॑ভিজিত॒গ্গ্॒ স্য়াত্ । স দে॒বানা॒গ্​ম্॒ সাম্য়॑ক্ষে । ত॒ল্প॒সদ্য়॑-ম॒ভিজ॑য়া॒নীতি॒ তল্প॑মা॒-রুহ্য়ো-দ্গা॑য়েত্ । ত॒ল্প॒সদ্য়॑-মে॒বাভিজ॑যতি ॥ 48 ॥

যস্য়॑ তল্প॒সদ্য়॑-ম॒ভিজি॑ত॒গ্গ্॒ স্য়াত্ । স দে॒বানা॒গ্​ম্॒ সাম্য়॑ক্ষে । ত॒ল্প॒সদ্য়॒-ম্মা পরা॑জে॒ষীতি॒ তল্প॑-মা॒রুহ্য়ো-দ্গা॑য়েত্ । ন ত॑ল্প॒সদ্য়॒-ম্পরা॑জযতে ॥ প্লে॒ঙ্খে শগ্​ম্॑সতি । মহো॒ বৈ প্লে॒ঙ্খঃ । মহ॑স এ॒বান্নাদ্য়॒স্য়া-ব॑রুদ্ধ্য়ৈ ॥ দে॒বা॒সু॒রা-স্সং​য়ঁ॑ত্তা আসন্ন্ । ত আ॑দি॒ত্য়ে ব্য়ায়॑চ্ছন্ত । ত-ন্দে॒বা-স্সম॑জযন্ন্ ॥ 49 ॥

ব্রা॒হ্ম॒ণশ্চ॑ শূ॒দ্রশ্চ॑ চর্মক॒র্তে ব্য়ায়॑চ্ছেতে । দৈব্য়ো॒ বৈ বর্ণো᳚ ব্রাহ্ম॒ণঃ । অ॒স॒র্য়॑-শ্শূ॒দ্রঃ । ই॒মে॑-ঽরা-থ্সুরি॒মে সু॑ভূ॒ত-ম॑ক্র॒-ন্নিত্য়॑ন্যত॒রো ব্রূ॑য়াত্ । ই॒ম উ॑দ্বাসীকা॒রিণ॑ ই॒মে দু॑র্ভূ॒ত-ম॑ক্র॒ন্নিত্য়॑ন্যত॒রঃ । যদে॒বৈষাগ্​ম্॑ সুকৃ॒তং-য়াঁ রাদ্ধিঃ॑ । তদ॑ন্যত॒রো॑-ঽভিশ্রী॑ণাতি । যদে॒বৈষা᳚-ন্দুষ্কৃ॒তং-য়াঁ-ঽরা᳚দ্ধিঃ । তদ॑ন্যত॒রো-ঽপ॑হন্তি । ব্রা॒হ্ম॒ণ-স্স-ঞ্জ॑যতি । অ॒মুমে॒বাদি॒ত্য়-ম্ভ্রাতৃ॑ব্যস্য়॒ সং​বিঁ॑ন্দন্তে ॥ 50 ॥
(ভ॒ব॒তি॒ - ভ॒ব॒তি॒ - ক্রি॒যতে॒ - পুরু॑ষো - জযত্য় - জয় - ঞ্জয়॒ত্য়েক॑-ঞ্চ) (অ. 6)

(উ॒দ্ধ্য়॒ন্যমা॑নং॒ - নবৈ॒তানি॒ - সন্ত॑তি - রেকবি॒গ্​ম্॒শ এ॒ষো - ঽপ্র॑তিষ্ঠাং - প্র॒জাপ॑তি-র্বৃ॒ত্ত-ষ্ষট্ )

(উ॒দ্ধ॒ন্যমা॑নগ্​ম্ - শো॒চিষ্কে॒শো - ঽগ্নে॑ স॒পত্না॑ - নতিগ্রা॒হ্য়া॑ - বৈশ্বদে॒বমাল॑ভন্তে পঞ্চা॒শত্ )

(উ॒দ্ধ॒ন্যমা॑ন॒গ্​ম্॒ - সং​বিঁ॑ন্দন্তে )

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে দ্বিদীয়ঃ প্রপাঠক-স্সমাপ্তঃ ॥