কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে অষ্টমঃ প্রপাঠকঃ - কাম্যপশুয়াজ্য়ানুবাক্য়া ব্রাহ্মণম্

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - বাযব্য়াদিপশূনাং সূক্তানি

পীবো᳚ন্নাগ্​ম্ রয়ি॒বৃধ॑-স্সুমে॒ধাঃ । শ্বে॒ত-স্সি॑ষক্তি নি॒য়ুতা॑মভি॒শ্রীঃ । তে বা॒যবে॒ সম॑নসো॒ বিত॑স্থুঃ । বিশ্বেন্নর॑-স্স্বপ॒ত্য়ানি॑ চক্রুঃ ॥ রা॒য়ে-ঽনু য-ঞ্জ॒জ্ঞতূ॒ রোদ॑সী উ॒ভে । রা॒য়ে দে॒বী ধি॒ষণা॑ ধাতি দে॒বম্ । অধা॑ বা॒য়ু-ন্নি॒য়ুত॑-স্সশ্চত॒ স্বাঃ । উ॒ত শ্বে॒তং-বঁসু॑ধিতি-ন্নিরে॒কে ॥ আ বা॑য়ো ভূষ শুচিপা॒ উপ॑ ন-স্স॒হস্র॑-ন্তে নি॒য়ুতো॑ বিশ্ববার । উপো॑ তে॒ অন্ধো॒ মদ্য়॑ময়ামি॒ যস্য়॑ দেব দধি॒ষে পূ᳚র্ব॒পেয়᳚ম্ ॥ প্র যাভি॒র্য়াসি॑ দা॒শ্বাগ্​ম্ সমচ্ছা॑ নি॒য়ুদ্ভি॑-র্বাযবি॒ষ্টয়ে॑ দুরো॒ণে । নি নো॑ র॒য়িগ্​ম্ সু॒ভোজ॑সং-য়ুঁবে॒হ নি বী॒রব॒-দ্গব্য়॒মশ্বি॑য়-ঞ্চ॒ রাধঃ॑ ॥॥ প্র বা॒য়ুমচ্ছা॑ বৃহ॒তী ম॑নী॒ষা ॥ 1 ॥

বৃ॒হদ্র॑য়িং-বিঁ॒শ্ববা॑রাগ্​ম্ রথ॒প্রাম্ । দ্য়ু॒তদ্য়া॑মা নি॒য়ুতঃ॒ পত্য়॑মানঃ । ক॒বিঃ ক॒বিমি॑যক্ষসি প্রযজ্য়ো ॥ আ নো॑ নি॒য়ুদ্ভি॑-শ্শ॒তিনী॑ভি-রদ্ধ্ব॒রম্ । স॒হ॒স্রিণী॑ভি॒রুপ॑ যাহি য॒জ্ঞম্ । বায়ো॑ অ॒স্মিন্. হ॒বিষি॑ মাদযস্ব । যূ॒য়-ম্পা॑ত স্ব॒স্তিভি॒-স্সদা॑ নঃ ॥ প্রজা॑পতে॒ ন ত্বদে॒তান্য়॒ন্য়ঃ । বিশ্বা॑ জা॒তানি॒ পরি॒ তা ব॑ভূব । য-ত্কা॑মাস্তে জুহু॒মস্তন্নো॑ অস্তু ॥ 2 ॥

ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ র॒য়ী॒ণা-ম্পতিং॑-য়ঁজ॒ত-ম্বৃ॒হন্ত᳚ম্ । অ॒স্মিন্ভরে॒ নৃত॑মং॒-বাঁজ॑সাতৌ । প্র॒জাপ॑তি-ম্প্রথম॒জামৃ॒তস্য়॑ । যজা॑ম দে॒বমধি॑ নো ব্রবীতু ॥ প্রজা॑পতে॒ ত্ব-ন্নি॑ধি॒পাঃ পু॑রা॒ণঃ । দে॒বানা᳚-ম্পি॒তা জ॑নি॒তা প্র॒জানা᳚ম্ । পতি॒-র্বিশ্ব॑স্য়॒ জগ॑তঃ পর॒স্পাঃ । হ॒বির্নো॑ দেব বিহ॒বে জু॑ষস্ব ॥ তবে॒মে লো॒কাঃ প্র॒দিশো॒ দিশ॑শ্চ ॥ 3 ॥

প॒রা॒বতো॑ নি॒বত॑ উ॒দ্বত॑শ্চ । প্রজা॑পতে বিশ্ব॒সৃজ্জী॒বধ॑ন্য় ই॒দ-ন্নো॑ দেব । প্রতি॑হর্য় হ॒ব্যম্ ॥ প্র॒জাপ॑তি-ম্প্রথ॒মং-য়ঁ॒জ্ঞিয়া॑নাম্ । দে॒বানা॒মগ্রে॑ যজ॒তং-য়ঁ॑জদ্ধ্বম্ । স নো॑ দদাতু॒ দ্রবি॑ণগ্​ম্ সু॒বীর্য়᳚ম্ । রা॒যস্পোষং॒-বিঁষ্য়॑তু॒ নাভি॑ম॒স্মে ॥ যো রা॒য় ঈশে॑ শতদা॒য় উ॒ক্থ্য়ঃ॑ । যঃ প॑শূ॒নাগ্​ম্ র॑ক্ষি॒তা বিষ্ঠি॑তানাম্ । প্র॒জাপ॑তিঃ প্রথম॒জা ঋ॒তস্য়॑ ॥ 4 ॥

স॒হস্র॑ধামা জুষতাগ্​ম্ হ॒বির্নঃ॑ ॥ সোমা॑পূষণা॒ জন॑না রয়ী॒ণা-ঞ্জন॑না দি॒বো জন॑না পৃথি॒ব্য়াঃ । জা॒তৌ বিশ্ব॑স্য়॒ ভুব॑নস্য় গো॒পৌ দে॒বা অ॑কৃণ্বন্ন॒মৃত॑স্য়॒ নাভি᳚ম্ ॥ ই॒মৌ দে॒বৌ জায়॑মানৌ জুষন্তে॒মৌ তমাগ্​ম্॑সি গূহতা॒মজু॑ষ্টা । আ॒ভ্য়ামিন্দ্রঃ॑ প॒ক্বমা॒মাস্ব॒ন্ত-স্সো॑মাপূ॒ষভ্য়া᳚-ঞ্জনদু॒স্রিয়া॑সু ॥ ॥ সোমা॑পূষণা॒ রজ॑সো বি॒মান᳚ম্ । স॒প্তচ॑ক্র॒গ্​ম্॒ রথ॒মবি॑শ্বমিন্বম্ । বি॒ষূ॒বৃত॒-ম্মন॑সা যু॒জ্যমা॑নম্ । ত-ঞ্জি॑ন্বথো বৃষণা॒ পঞ্চ॑রশ্মিম্ ॥ দি॒ব্য়॑ন্য়-স্সদ॑ন-ঞ্চ॒ক্র উ॒চ্চা । পৃ॒থি॒ব্য়াম॒ন্য়ো অদ্ধ্য়॒ন্তরি॑ক্ষে । তাব॒স্মভ্য়॑-ম্পুরু॒বার॑-ম্পুরু॒ক্ষুম্ । রা॒যস্পোষং॒-বিঁষ্য়॑তা॒-ন্নাভি॑ম॒স্মে ॥ 5 ॥

ধিয়॑-ম্পূ॒ষা জি॑ন্বতু বিশ্বমি॒ন্বঃ । র॒য়িগ্​ম্ সোমো॑ রয়ি॒পতি॑-র্দধাতু । অব॑তু দে॒ব্যদি॑তির-ন॒র্বা । বৃ॒হ-দ্ব॑দেম বি॒দথে॑ সু॒বীরাঃ᳚ ॥ বিশ্বা᳚ন্য়॒ন্য়ো ভুব॑না জ॒জান॑ । বিশ্ব॑ম॒ন্য়ো অ॑ভি॒চক্ষা॑ণ এতি । সোমা॑পূষণা॒-বব॑ত॒-ন্ধিয়॑-ম্মে । যু॒বভ্য়াং॒-বিঁশ্বাঃ॒ পৃত॑না জয়েম ॥ উদু॑ত্ত॒মং-বঁ॑রুণ॒ পাশ॑ম॒স্মদবা॑-ঽধ॒মং-বিঁম॑ধ্য়॒মগ্গ্​ শ্র॑থায় । অথা॑ ব॒যমা॑দিত্য় ব্র॒তে তবা-ঽনা॑গসো॒ অদি॑তয়ে স্য়াম অস্ত॑ভ্না॒দ্য়ামৃ॑ষ॒ভো অ॒ন্তরি॑ক্ষ॒মমি॑মীত বরি॒মাণ॑-ম্পৃথি॒ব্য়া আ-ঽসী॑দ॒-দ্বিশ্বা॒ ভুব॑নানি স॒ম্রা-ড্বিশ্বেত্তানি॒ বরু॑ণস্য় ব্র॒তানি॑ ॥ । য-ত্কিঞ্চে॒দং-বঁ॑রুণ॒ দৈব্য়ে॒ জনে॑-ঽভিদ্রো॒হ-ম্ম॑নু॒ষ্য়া᳚শ্চরা॑মসি । অচি॑ত্তী॒য়-ত্তব॒ ধর্মা॑ যুয়োপি॒ম মা ন॒স্তস্মা॒ দেন॑সো দেব রীরিষঃ ॥ কি॒ত॒বাসো॒ যদ্রি॑ রি॒পুর্ন দী॒বি যদ্বা॑ ঘা স॒ত্য় মু॒তযন্ন বি॒দ্ম । সর্বা॒ তা বিষ্য়॑ শিথি॒রেব॑ দে॒বাথা॑ তে স্য়াম বরুণ প্রি॒য়াসঃ॑ ॥( ) । অব॑ তে॒ হেডো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয়॑ন্ন॒স্মভ্য়॑মসুর প্রচেতো॒ রাজ॒ন্নেনাগ্​ম্॑সি শিশ্রথঃ কৃ॒তানি॑ ॥, তত্ত্বা॑ যামি॒ ব্রহ্ম॑ণা॒ বন্দ॑মান॒স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒ধ্য়ুরু॑শগ্​ম্স॒ মা ন॒ আয়ুঃ॒ প্রমো॑ষীঃ ॥ ॥ আ॒দি॒ত্য়ানা॒মব॑সা॒ নূত॑নেন সক্ষী॒মহি॒ শর্ম॑ণা॒ শন্ত॑মেন । অ॒না॒গা॒স্ত্বে অ॑দিতি॒ত্বে তু॒রাস॑ ই॒মং-য়ঁ॒জ্ঞ-ন্দ॑ধতু॒ শ্রোষ॑মাণাঃ ॥, ন দ॑ক্ষি॒ণা বিচি॑কিতে॒ ন স॒ব্য়া ন প্রা॒চীন॑মাদিত্য়া॒ নোত প॒শ্চা । পা॒ক্য়া॑ চিদ্বসবো ধী॒র্য়া॑ চি--দ্য়ু॒ষ্মানী॑তো॒ অভ॑য়॒-ঞ্জ্য়োতি॑রশ্য়াম্ ॥ । ধা॒রয়॑ন্ত আদি॒ত্য়াসো॒ জগ॒থ্স্থা দে॒বা বিশ্ব॑স্য়॒ ভুব॑নস্য় গো॒পাঃ । দী॒র্ঘাধি॑য়ো॒ রক্ষ॑মাণা অসু॒র্য়॑মৃ॒তাবা॑ন॒-শ্চয়॑মানা ঋ॒ণানি॑ ॥, তি॒স্রো ভূমী᳚র্ধারয়॒-ন্ত্রীগ্​ম্ রু॒ত দ্য়ূ-ন্ত্রীণি॑ ব্র॒তা বি॒দথে॑ অ॒ন্তরে॑ষাম্ । ঋ॒তেনা॑-ঽঽদিত্য়া॒ মহি॑ বো মহি॒ত্ব-ন্তদ॑র্যমন্ বরুণ মিত্র॒ চারু॑ ॥ । য॒জ্ঞো দে॒বানা॒-ম্প্রত্য়ে॑তি সু॒ম্নমাদি॑ত্য়াসো॒ ভব॑তা মৃড॒যন্তঃ॑ । আ বো॒-ঽর্বাচী॑ সুম॒তি র্ব॑বৃত্য়াদ॒গ্​ম্॒ হোশ্চি॒দ্য়া ব॑রিবো॒বিত্ত॒রা-ঽস॑ত্ ॥ শুচি॑র॒প-স্সূ॒যব॑সা॒ অদ॑ব্ধ॒ উপ॑ ক্ষেতি বৃ॒দ্ধব॑য়া-স্সু॒বীরঃ॑ । নকি॒ষ্ট-ঙ্ঘ্ন॒ন্ত্যন্তি॑তো॒ ন দূ॒রাদ্য় আ॑দি॒ত্য়ানা॒-ম্ভব॑তি॒ প্রণী॑তৌ ॥ ॥ 6 ॥
(ম॒নী॒ষা-ঽস্তু॑-চ॒-র্ত-স্য়া॒স্মে-কি॑ত॒বাস॑ শ্চ॒ত্বারি॑ চ ) (অ. 1)

অনুবাকং 2 - বশাদীনাং সূক্তানি
তে শু॒ক্রাস॒-শ্শুচ॑য়ো রশ্মি॒বন্তঃ॑ । সীদ॑ন্নাদি॒ত্য়া অধি॑ ব॒র॒ঃইষি॑ প্রি॒য়ে । কামে॑ন দে॒বা-স্স॒রথ॑-ন্দি॒বো নঃ॑ । আয়া᳚ন্তু য॒জ্ঞমুপ॑ নো জুষা॒ণাঃ ॥ তে সূ॒নবো॒ অদি॑তেঃ পীব॒সামিষ᳚ম্ । ঘৃ॒ত-ম্পিন্ব॒ত্-প্রতি॑হর্যন্নৃতে॒জাঃ । প্র য॒জ্ঞিয়া॒ যজ॑মানায় যেমুরে । আ॒দি॒ত্য়াঃ কাম॑-ম্পিতু॒মন্ত॑ম॒স্মে ॥ আ নঃ॑ পু॒ত্রা অদি॑তের্য়ান্তু য॒জ্ঞম্ । আ॒দি॒ত্য়াসঃ॑ প॒থিভি॑-র্দেব॒য়ানৈঃ᳚ ॥ 7 ॥

অ॒স্মে কাম॑-ন্দা॒শুষে॑ স॒ন্নম॑ন্তঃ । পু॒রো॒ডাশ॑-ঙ্ঘৃ॒তব॑ন্ত-ঞ্জুষন্তাম্ ॥ স্ক॒ভা॒যত॒ নির্-ঋ॑তি॒গ্​ম্॒ সেধ॒তাম॑তিম্ । প্র র॒শ্মিভি॒-র্যত॑মানা অমৃদ্ধ্রাঃ । আদি॑ত্য়াঃ॒ কাম॒ প্রয়॑তাং॒-বঁষ॑ট্কৃতিম্ । জু॒ষদ্ধ্ব॑-ন্নো হ॒ব্যদা॑তিং-য়ঁজত্রাঃ ॥ আ॒দি॒ত্য়ান্-কাম॒মব॑সে হুবেম । যে ভূ॒তানি॑ জ॒নয়॑ন্তো বিচি॒খ্য়ুঃ । সীদ॑ন্তু পু॒ত্রা অদি॑তেরু॒পস্থ᳚ম্ । স্তী॒র্ণ-ম্ব॒র॒ঃইর্​হ॑বি॒রদ্য়া॑য় দে॒বাঃ ॥ 8 ॥

স্তী॒র্ণ-ম্ব॒র॒ঃই-স্সী॑দতা য॒জ্ঞে অ॒স্মিন্ন্ । ধ্রা॒জা-স্সেধ॑ন্তো॒ অম॑তি-ন্দু॒রেবা᳚ম্ । অ॒স্মভ্য়॑-ম্পুত্রা অদিতেঃ॒ প্রয়গ্​ম্॑সত । আদি॑ত্য়াঃ॒ কাম॑ হ॒বিষো॑ জুষা॒ণাঃ ॥ অগ্নে॒ নয়॑ সু॒পথা॑ রা॒য়ে অ॒স্মান্ । বিশ্বা॑নি দেব ব॒য়ুনা॑নি বি॒দ্বান্ । যু॒য়ো॒দ্ধ্য়॑স্ম-জ্জু॑হুরা॒ণমেনঃ॑ । ভূয়ি॑ষ্ঠা-ন্তে॒ নম॑ উক্তিং-বিঁধেম ॥ প্রব॑-শ্শু॒ক্রায়॑ ভা॒নবে॑ ভরদ্ধ্বম্ । হ॒ব্য়-ম্ম॒তি-ঞ্চা॒গ্নয়ে॒ সুপূ॑তম্ ॥ 9 ॥

যো দৈব্য়া॑নি॒ মানু॑ষা জ॒নূগ্​ম্ষি॑ । অ॒ন্ত-র্বিশ্বা॑নি বি॒দ্মনা॒ জিগা॑তি ॥ অচ্ছা॒ গিরো॑ ম॒তয়ো॑ দেব॒যন্তীঃ᳚ । অ॒গ্নিং-য়ঁ॑ন্তি॒ দ্রবি॑ণ॒-ম্ভিক্ষ॑মাণাঃ । সু॒স॒দৃংশগ্​ম্॑ সু॒প্রতী॑ক॒গ্গ্॒ স্বঞ্চ᳚ম্ । হ॒ব্য়॒বাহ॑মর॒তি-ম্মানু॑ষাণাম্ ॥ অগ্নে॒ ত্বম॒স্ম-দ্য়ু॑য়ো॒দ্ধ্যমী॑বাঃ । অন॑গ্নিত্রা অ॒ভ্য়॑মন্ত কৃ॒ষ্টীঃ । পুন॑র॒স্মভ্য়গ্​ম্॑ সুবি॒তায়॑ দেব । ক্ষাং-বিঁশ্বে॑ভির॒জরে॑ভি-র্যজত্র ॥ 10 ॥

অগ্নে॒ ত্ব-ম্পা॑রয়া॒ নব্য়ো॑ অ॒স্মান্ । স্ব॒স্তিভি॒রতি॑ দু॒র্গাণি॒ বিশ্বা᳚ । পূশ্চ॑ পৃ॒থ্বী ব॑হু॒লা ন॑ উ॒র্বী । ভবা॑ তো॒কায়॒ তন॑য়ায়॒ শং-য়োঃ ঁ॥ প্র কা॑রবো মন॒না ব॒চ্যমা॑নাঃ । দে॒ব॒দ্রীচী᳚-ন্নযথ দেব॒যন্তঃ॑ । দ॒ক্ষি॒ণা॒বাড্-বা॒জিনী॒ প্রাচ্য়ে॑তি । হ॒বির্ভর॑ন্ত্য়॒গ্নয়ে॑ ঘৃ॒তাচী᳚ ॥ ইন্দ্র॒-ন্নরো॑ নে॒মধি॑তা হবন্তে॒ যত্পার্য়া॑ যু॒নজ॑তে॒ ধিয়॒স্তাঃ । শূরো॒ নৃষা॑তা॒ শব॑সশ্চকা॒ন আ গোম॑তি ব্র॒জে ভ॑জা॒ ত্বন্নঃ॑ ॥ যু॒জে রথ॑-ঙ্গ॒বেষ॑ণ॒গ্​ম্॒ হরি॑ভ্য়াম্ । উপ॒ ব্রহ্মা॑ণি জুজুষা॒ণ-ম॑স্থুঃ । বিবা॑ধিষ্টা॒স্য় রোদ॑সী মহি॒ত্বা । ইন্দ্রো॑ বৃ॒ত্রাণ্য়॑প্র॒তী জ॑ঘ॒ন্বান্ ॥ ॥ জ॒গৃ॒ভ্ণা তে॒ দক্ষি॑ণামিন্দ্র॒ হস্ত᳚ম্ ॥ 11 ॥

ব॒সূ॒যবো॑ বসুপতে॒ বসূ॑নাম্ । বি॒দ্মা হি ত্বা॒ গোপ॑তিগ্​ম্ শূর॒ গোনা᳚ম্ । অ॒স্মভ্য়॑-ঞ্চি॒ত্রং-বৃঁষ॑ণগ্​ম্ র॒য়ি-ন্দাঃ᳚ ॥ তবে॒দং-বিঁশ্ব॑ম॒ভিতঃ॑ পশ॒ব্য়᳚ম্ । য-ত্পশ্য়॑সি॒ চক্ষ॑সা॒ সূর্য়॑স্য় । গবা॑মসি॒ গোপ॑তি॒রেক॑ ইন্দ্র । ভ॒ক্ষী॒মহি॑ তে॒ প্রয়॑তস্য়॒ বস্বঃ॑ ॥ সমি॑ন্দ্র ণো॒ মন॑সা নেষি॒ গোভিঃ॑ । সগ্​ম্ সূ॒রিভি॑-র্মঘব॒ন্-থ্সগ্গ্​ স্ব॒স্ত্য়া । স-ম্ব্রহ্ম॑ণা দে॒বকৃ॑তং॒-য়ঁদস্তি॑ ॥ 12 ॥

স-ন্দে॒বানাগ্​ম্॑ সুম॒ত্য়া য॒জ্ঞিয়া॑নাম্ ॥ আ॒রাচ্ছত্রু॒-মপ॑বাধস্ব দূ॒রম্ । উ॒গ্রো য-শ্শম্বঃ॑ পুরুহূত॒ তেন॑ । অ॒স্মে ধে॑হি॒ যব॑ম॒দ্গোম॑দিন্দ্র । কৃ॒ধী ধিয়॑-ঞ্জরি॒ত্রে বাজ॑রত্নাম্ ॥ আবে॒ধস॒-ন্নীল॑পৃষ্ঠ-ম্বৃ॒হন্ত᳚ম্ । বৃহ॒স্পতি॒গ্​ম্॒ সদ॑নে সাদযধ্বম্ । সা॒দদ্য়ো॑নি॒-ন্দম॒ আদী॑দি॒বাগ্​ম্স᳚ম্ । হির॑ণ্যবর্ণমরু॒ষগ্​ম্ স॑পেম ॥ স হি শুচিঃ॑ ॥ বৃহ॒স্পতিঃ॑ প্রথ॒ম-ঞ্জায়॑মানঃ । ম॒হো জ্য়োতি॑ষঃ পর॒মে ব্য়ো॑মন্ন্ । স॒প্তাস্য়॑স্তুবিজা॒তো রবে॑ণ । বি স॒প্তর॑শ্মিরধম॒ত্তমাগ্​ম্॑সি ॥ 13 ॥

বৃহ॒স্পতি॒-স্সম॑জয়॒-দ্বসূ॑নি । ম॒হো ব্র॒জা-ন্গোম॑তো দে॒ব এ॒ষঃ । অ॒প-স্সিষা॑স॒ন্-থ্সুব॒র প্র॑তীত্তঃ । বৃহ॒স্পতি॒র॒ঃঅন্ত্য়॒মিত্র॑-ম॒র্কৈঃ ॥ বৃহ॑স্পতে॒ পরি॑ দীয়া॒ রথে॑ন রক্ষো॒হা ঽমিত্রাগ্​ম্॑ অপ॒ বাধ॑মানঃ । প্র॒ভ॒ঞ্জন্-থ্সেনাঃ᳚ প্রমৃ॒ণো যু॒ধা জয়॑ন্ন॒স্মাক॑-মেধ্যবি॒তা রথা॑নাম্ ॥ এ॒বা পি॒ত্রে বি॒শ্বদে॑বায়॒ বৃষ্ণে॑ য॒জ্ঞৈর্বি॑ধেম॒ নম॑সা হ॒বির্ভিঃ॑ । বৃহ॑স্পতে সুপ্র॒জা বী॒রব॑ন্তো ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ ॥ আ নো॑ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ॑ন্তু য॒জ্ঞম্ । হব॑-ন্দে॒বী জু॑জুষা॒ণা ঘৃ॒তাচী॑ শ॒গ্মা-ন্নো॒ বাচ॑মুশ॒তী শৃ॑ণোতু ॥পাবী॑রবী ক॒ন্য়া॑ চি॒ত্রায়ু॒-স্সর॑স্বতী বী॒রপ॑ত্নী॒ ধিয়॑-ন্ধাত্ । গ্নাভি॒রচ্ছি॑দ্রগ্​ম্ শর॒ণগ্​ম্ স॒জোষা॑ দুরা॒ধর্​ষ॑-ঙ্গৃণ॒তে শর্ম॑ যগ্​ম্সত্ ॥ । ই॒মা জুহ্বা॑না যু॒ষ্মদা নমো॑ভিঃ । প্রতি॒ স্তোমগ্​ম্॑ সরস্বতি জুষস্ব । তব॒ শর্ম॑-ন্প্রি॒যত॑মে॒ দধা॑নাঃ । উপ॑স্থেয়াম শর॒ণ-ন্ন বৃ॒ক্ষম্ ॥ যস্তে॒ স্তন॑শ্শশ॒য় ইত্য়া॑হ । স্তৌত্য়ে॒বৈনা᳚ম্ । উস্র॑ ঘ॒র্মগ্​ম্ শি॒গ্​ম্॒ষোস্র॑ ঘ॒র্ম-ম্পা॑হি ঘ॒র্মায়॑ শি॒গ্​ম্॒ষেত্য়া॑হ । যথা᳚ ব্রূ॒য়াদ॒মুষ্মৈ॑ দে॒হীতি॑ । তা॒দৃগে॒ব তত্ । বৃহ॒স্পতি॒স্ত্বোপ॑ সীদ॒ত্বিত্য়া॑হ । । সর॑স্বত্য়॒ভি নো॑ নেষি॒ বস্য়ঃ॑ । মা প॑স্ফরীঃ॒ পয়॑সা॒ মা ন॒ আ ধ॑ক্ । জু॒ষস্ব॑ ন-স্স॒খ্য়া॑ বে॒শ্য়া॑ চ । মা ত্বত্ক্ষেত্রা॒-ণ্যর॑ণানি গন্ম ॥ ॥ ই॒য়গ্​ম্ শুষ্মে॑ভির্বিস॒খা ই॑বারুজত্ । সানু॑ গিরী॒ণা-ন্ত॑বি॒ষেভি॑রূ॒র্মিভিঃ॑ । পা॒রা॒ব॒দ॒ঘ্নীমব॑সে সুবৃ॒ক্তিভিঃ॑ । সর॑স্বতী॒-মাবি॑বাসেম ধী॒তিভিঃ॑ ॥ 14 ॥
(দে॒ব॒য়ানৈ᳚--র্ দে॒বাঃ - সুপূ॑তং​য়ঁজত্র॒-হস্ত॒-মস্তি॒-তমাগ্॑-স্য়ূ॒র্মিভি॒-র্দ্বে চ॑) (অ. 2)

অনুবাকং 3 - সৌম্য়াদীনাং সূক্তানি
সোমো॑ ধে॒নুগ্​ম্ সোমো॒ অর্ব॑ন্তমা॒শুম্ । সোমো॑ বী॒র-ঙ্ক॑র্ম॒ণ্য়॑-ন্দদাতু । সা॒দ॒ন্য়ং॑-বিঁদ॒থ্য়গ্​ম্॑ স॒ভেয়᳚ম্ । পি॒তু॒-শ্শ্রব॑ণং॒-য়োঁ দদা॑শদস্মৈ ॥ অষা॑ঢং-য়ুঁ॒থ্সু পৃত॑নাসু॒ পপ্রি᳚ম্ । সু॒ব॒র্॒ষাম॒ফ্স্বাং-বৃঁ॒জন॑স্য় গো॒পাম্ । ভ॒রে॒ষু॒জাগ্​ম্ সু॑ক্ষি॒তিগ্​ম্ সু॒শ্রব॑সম্ । জয়॑ন্ত॒-ন্ত্বামনু॑ মদেম সোম ॥ ত্বগ্​ম্ সো॑ম॒ ক্রতু॑ভিঃ ॥ যা তে॒ ধামা॑নি হ॒বিষা॒ যজ॑ন্তি॒ তা তে॒ বিশ্বা॑ পরি॒ভূর॑স্তু য॒জ্ঞ-ঙ্গ॑য়॒স্ফানঃ॑ প্র॒তর॑ণ-স্সু॒বীরো-ঽবী॑রহা॒ প্রচ॑রা সোম॒ দুর্য়া॒ন॥ ত্বমি॒মা ওষ॑ধী-স্সোম॒ বিশ্বাঃ᳚ । ত্বম॒পো অ॑জনয়॒স্ত্ব-ঙ্গাঃ । ত্বমাত॑তন্থো॒র্ব॑ন্তরি॑ক্ষম্ । ত্ব-ঞ্জ্য়োতি॑ষা॒ বিতমো॑ ববর্থ ॥ 15 ॥

যা তে॒ ধামা॑নি দি॒বি যা পৃ॑থি॒ব্য়াম্ । যা পর্ব॑তে॒ষ্বোষ॑ধীষ্ব॒ফ্সু । তেভি॑র্নো॒ বিশ্বৈ᳚-স্সু॒মনা॒ অহে॑ডন্ন্ । রাজন্᳚-থ্সোম॒ প্রতি॑ হ॒ব্য়া গৃ॑ভায় ॥ বিষ্ণো॒র্নুকং॑-বীঁ॒র্য়া॑ণি॒ প্র বো॑চং॒-য়ঃ ঁপার্থি॑বানি বিম॒মে রজাগ্​ম্॑সি॒ যো অস্ক॑ভায়॒দুত্ত॑রগ্​ম্ স॒ধস্থং॑-বিঁচক্রমা॒ণ স্ত্রে॒ধোরু॑গা॒য়ো বিষ্ণো॑ র॒রাট॑মসি॒ বিষ্ণোঃ᳚ পৃ॒ষ্ঠম॑সি॒ বিষ্ণো॒-শ্শ্ন্যপ্ত্রে᳚ স্থো॒ বিষ্ণো॒-স্স্য়ূর॑সি॒ বিষ্ণো᳚-র্ধ্রু॒বম॑সি বৈষ্ণ॒বম॑সি॒ বিষ্ণ॑বে ত্বা ॥ তদ॑স্য় প্রি॒যম॒ভি পাথো॑ অশ্য়াম্ । নরো॒ যত্র॑ দেব॒যবো॒ মদ॑ন্তি । উ॒রু॒ক্র॒মস্য়॒ স হি বন্ধু॑রি॒ত্থা । বিষ্ণোঃ᳚ প॒দে প॑র॒মে মধ্ব॒ উথ্সঃ॑ ॥ । প্রত-দ্বিষ্ণু॑-স্স্তবতে বী॒র্য়া॑য় । মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্য়ো॒রুষু॑ ত্রি॒ষু বি॒ক্রম॑ণেষু । অধি॑ক্ষি॒যন্তি॒ ভুব॑নানি॒ বিশ্বা᳚ ॥ ॥ প॒রো মাত্র॑য়া ত॒নুবা॑ বৃধান । ন তে॑ মহি॒ত্ব-মন্ব॑শ্নুবন্তি । উ॒ভে তে॑ বিদ্ম॒ রজ॑সী পৃথি॒ব্য়া বিষ্ণো॑ দেব॒ ত্বম্ । প॒র॒মস্য়॑ বিথ্সে ॥ 16 ॥

বিচ॑ক্রমে পৃথি॒বীমে॒ষ এ॒তাম্ । ক্ষেত্রা॑য়॒ বিষ্ণু॒-র্মনু॑ষে দশ॒স্যন্ন্ । ধ্রু॒বাসো॑ অস্য় কী॒রয়ো॒ জনা॑সঃ । উ॒রু॒ক্ষি॒তিগ্​ম্ সু॒জনি॑মা চকার ॥ ত্রির্দে॒বঃ পৃ॑থি॒বীমে॒ষ এ॒তাম্ । বিচ॑ক্রমে শ॒তর্চ॑স-ম্মহি॒ত্বা । প্র বিষ্ণু॑-রস্তু ত॒বস॒স্ত বী॑য়ান্ । ত্বে॒ষগ্গ্​ হ্য়॑স্য়॒ স্থবি॑রস্য়॒ নাম॑ ॥ ॥ আ তে॑ ম॒হ ই॑ন্দ্রো॒ত্য়ু॑গ্র॒ সম॑ন্যবো॒ য-থ্স॒মর॑ন্ত॒ সেনাঃ᳚ । পতা॑তি দি॒দ্য়ুন্নর্য়॑স্য় বাহু॒বোর্মা তে॒ মনো॑ বিষ্ব॒দ্রিয়॒গ্বি চা॑রীত্ ॥ যো জা॒ত এ॒ব প্র॑থ॒মো মন॑স্বা-ন্দে॒বো দে॒বান্ ক্রতু॑না প॒র্যভূ॑ষত্ । যস্য়॒ শুষ্মা॒দ্রোদ॑সী॒ অভ্য়॑সেতা-ন্নৃ॒ম্ণস্য়॑ ম॒হ্না স জ॑নাস॒ ইন্দ্রঃ॑ ॥ । অ॒ভি গো॒ত্রাণি॒ সহ॑সা॒ গাহ॑মানো-ঽদা॒য়ো বী॒র-শ্শ॒তম॑ন্য়ু॒রিন্দ্রঃ॑ । দু॒শ্চ্য়॒ব॒নঃ পৃ॑তনা॒ষাড॑ যু॒ধ্য়ো᳚-স্মাক॒গ্​ম্॒ সেনা॑ অবতু॒ প্র যু॒থ্সু ॥ ॥ আভি॒-স্স্পৃধো॑ মিথ॒তী- ররি॑ষণ্যন্ন্ । অ॒মিত্র॑স্য় ব্যথয়া ম॒ন্য়ুমি॑ন্দ্র । আভি॒র্বিশ্বা॑ অভি॒য়ুজো॒ বিষূ॑চীঃ । আর্য়া॑য়॒ বিশো-ঽব॑তারী॒র্দাসীঃ᳚ ॥ অ॒য়গ্​ম্ শৃ॑ণ্বে॒ অধ॒ জয়॑ন্নু॒ত ঘ্নন্ন্ । অ॒যমু॒ত প্রকৃ॑ণুতে যু॒ধা গাঃ । য॒দা স॒ত্য়-ঙ্কৃ॑ণু॒তে ম॒ন্য়ুমিন্দ্রঃ॑ ॥ 17 ॥

বিশ্ব॑-ন্দৃ॒ঢ-ম্ভ॑যত॒ এজ॑দস্মাত্ ॥ অনু॑ স্ব॒ধা-ম॑ক্ষর॒ন্নাপো॑ অস্য় । অব॑র্ধত॒ মদ্ধ্য়॒ আ না॒ব্য়া॑নাম্ । স॒দ্ধ্রী॒চীনে॑ন॒ মন॑সা॒ তমি॑ন্দ্র॒ ওজি॑ষ্ঠেন । হন্ম॑না-ঽহন্ন॒ভিদ্য়ূন্ ॥ ম॒রুত্ব॑ন্তং-বৃঁষ॒ভং-বাঁ॑বৃধা॒নম্ । অক॑বারি-ন্দি॒ব্য়গ্​ম্ শা॒সমিন্দ্র᳚ম্ । বি॒শ্বা॒সাহ॒মব॑সে॒ নূত॑নায় । উ॒গ্রগ্​ম্ স॑হো॒দামি॒হ তগ্​ম্ হু॑বেম ॥ জনি॑ষ্ঠা উ॒গ্র-স্সহ॑সে তু॒রায়॑ ॥ 18 ॥

ম॒ন্দ্র ওজি॑ষ্ঠো বহু॒লাভি॑মানঃ । অব॑র্ধ॒ন্নিন্দ্র॑-ম্ম॒রুত॑শ্চি॒দত্র॑ । মা॒তা য-দ্বী॒র-ন্দ॒ধন॒দ্ধনি॑ষ্ঠা ॥ ক্ব॑ স্য়া বো॑ মরুত-স্স্ব॒ধা-ঽঽসী᳚ত্ । য-ন্মামেকগ্​ম্॑ স॒মধ॑ত্তাহি॒হত্য়ে᳚ । অ॒হগ্গ্​ হ্য়ু॑গ্রস্ত॑বি॒ষ-স্তুবি॑ষ্মান্ । বিশ্ব॑স্য়॒ শত্রো॒রন॑মং-বঁধ॒স্নৈঃ ॥ বৃ॒ত্রস্য়॑ ত্বা শ্ব॒সথা॒দীষ॑মাণাঃ । বিশ্বে॑ দে॒বা অ॑জহু॒র্য়ে সখা॑য়ঃ । ম॒রুদ্ভি॑রিন্দ্র স॒খ্য়-ন্তে॑ অস্তু ॥ 19 ॥

অথে॒মা বিশ্বাঃ॒ পৃত॑না জয়াসি ॥ বধীং᳚-বৃঁ॒ত্র-ম্ম॑রুত ইন্দ্রি॒য়েণ॑ । স্বেন॒ ভামে॑ন তবি॒ষো ব॑ভূ॒বান্ । অ॒হমে॒তা মন॑বে বি॒শ্বশ্চ॑ন্দ্রাঃ । সু॒গা অ॒পশ্চ॑কর॒ বজ্র॑বাহুঃ ॥ স যো বৃষা॒ বৃষ্ণি॑য়েভি॒-স্সমো॑কাঃ । ম॒হো দি॒বঃ পৃ॑থি॒ব্য়াশ্চ॑ স॒ম্রাট্ । স॒তী॒নস॑ত্ত্বা॒ হব্য়ো॒ ভরে॑ষু । ম॒রুত্বা᳚ন্নো ভব॒ত্বিন্দ্র॑ ঊ॒তী ॥ ইন্দ্রো॑ বৃ॒ত্রম॑তর-দ্বৃত্র॒তূর্য়ে᳚ ॥ 20 ॥

অ॒না॒ধৃ॒ষ্য়ো ম॒ঘবা॒ শূর॒ ইন্দ্রঃ॑ । অন্বে॑নং॒-বিঁশো॑ অমদন্ত পূ॒র্বীঃ । অ॒য়গ্​ম্ রাজা॒ জগ॑তশ্চর্​ষণী॒নাম্ ॥ স এ॒ব বী॒র-স্স উ॑ বী॒র্য়া॑বান্ । স এ॑করা॒জো জগ॑তঃ পর॒স্পাঃ । য॒দা বৃ॒ত্রমত॑র॒চ্ছূর॒ ইন্দ্রঃ॑ । অথা॑ ভবদ্দমি॒তা-ঽভিক্র॑তূনাম্ ॥ ইন্দ্রো॑ য॒জ্ঞং-বঁ॒র্ধয়॑ন্ বি॒শ্ববে॑দাঃ । পু॒রো॒ডাশ॑স্য় জুষতাগ্​ম্ হ॒বির্নঃ॑ । বৃ॒ত্র-ন্তী॒র্ত্বা দা॑ন॒বং-বঁজ্র॑বাহুঃ ॥ 21 ॥

দিশো॑-ঽদৃগ্​ম্ হদ্দৃগ্​ম্হি॒তা দৃগ্​ম্হ॑ণেন ॥ ই॒মং-য়ঁ॒জ্ঞং-বঁ॒র্ধয়॑ন্ বি॒শ্ববে॑দাঃ । পু॒রো॒ডাশ॒-ম্প্রতি॑গৃভ্ণা॒ত্বিন্দ্রঃ॑ । য॒দা বৃ॒ত্রমত॑র॒চ্ছূর॒ ইন্দ্রঃ॑ । অথৈ॑করা॒জো অ॑ভব॒জ্জনা॑নাম্ ॥ ইন্দ্রো॑ দে॒বাঞ্ছ॑ম্বর॒হত্য়॑ আবত্ । ইন্দ্রো॑ দে॒বানা॑- মভব-ত্পুরো॒গাঃ । ইন্দ্রো॑ য॒জ্ঞে হ॒বিষা॑ বাবৃধা॒নঃ । বৃ॒ত্র॒তূর্ণো॒ অভ॑য়॒গ্​ম্॒ শর্ম॑ যগ্​ম্সত্ ॥ য-স্স॒প্ত সিন্ধূ॒গ্​ম্॒ রদ॑ধাত্-পৃথি॒ব্য়াম্ । য-স্স॒প্ত লো॒কানকৃ॑ণো॒-দ্দিশ॑শ্চ । ইন্দ্রো॑ হ॒বিষ্মা॒ন্-থ্সগ॑ণো ম॒রুদ্ভিঃ॑ । বৃ॒ত্র॒তূর্ণো॑ য॒জ্ঞমি॒হোপ॑য়াসত্ ॥ 22 ॥
(ব॒ব॒র্থ॒ - বি॒থ্স॒ - ইন্দ্র॑ - স্তু॒রা - যা᳚স্তু॒ - বৃত্র॒তূর্য়ে॒ - বজ্র॑বাহুঃ - পৃথি॒ব্য়া-ন্ত্রীণি॑ চ) (অ. 3)

অনুবাকং 4 - অভিমাতিহৈন্দ্রাদিপশূনাং সূক্তানি
ইন্দ্র॒-স্তর॑স্বা-নভিমাতি॒হোগ্রঃ । হির॑ণ্যবাশী-রিষি॒র-স্সু॑ব॒র॒.ষাঃ । তস্য়॑ ব॒য়গ্​ম্ সু॑ম॒তৌ য॒জ্ঞিয়॑স্য় । অপি॑ ভ॒দ্রে সৌ॑মন॒সে স্য়া॑ম ॥ হির॑ণ্যবর্ণো॒ অভ॑য়-ঙ্কৃণোতু । অ॒ভি॒মা॒তি॒হেন্দ্রঃ॒ পৃত॑নাসু জি॒ষ্ণুঃ । স ন॒-শ্শর্ম॑ ত্রি॒বরূ॑থং॒-বিঁয়গ্​ম্॑সত্ । যূ॒য়-ম্পা॑ত স্ব॒স্তিভি॒-স্সদা॑ নঃ ॥ ইন্দ্রগ্গ্॑ স্তুহি ব॒জ্রিণ॒গ্গ্॒ স্তোম॑পৃষ্ঠম্ । পু॒রো॒ডাশ॑স্য় জুষতাগ্​ম্ হ॒বির্নঃ॑ ॥ 23 ॥

হ॒ত্বা-ঽভিমা॑তীঃ॒ পৃত॑না॒-স্সহ॑স্বান্ । অথাভয়॑-ঙ্কৃণুহি বি॒শ্বতো॑ নঃ ॥ স্তু॒হি শূরং॑-বঁ॒জ্রিণ॒-মপ্র॑তীতম্ (মপ্র॑তীত্তম্) । অ॒ভি॒মা॒তি॒হন॑-ম্পুরুহূ॒তমিন্দ্র᳚ম্ । য এক॒ ইচ্ছ॒তপ॑তি॒র্জনে॑ষু । তস্মা॒ ইন্দ্রা॑য় হ॒বিরাজু॑হোত ॥ ইন্দ্রো॑ দে॒বানা॑মধি॒পাঃ পু॒রোহি॑তঃ । দি॒শা-ম্পতি॑রভব-দ্বা॒জিনী॑বান্ । অ॒ভি॒মা॒তি॒হা ত॑বি॒ষস্তুবি॑ষ্মান্ । অ॒স্মভ্য়॑-ঞ্চি॒ত্রং-বৃঁষ॑ণগ্​ম্ র॒য়ি-ন্দা᳚ত্ ॥ 24 ॥

য ই॒মে দ্য়াবা॑পৃথি॒বী ম॑হি॒ত্বা । বলে॒নাদৃগ্​ম্॑হদভিমাতি॒হেন্দ্রঃ॑ । স নো॑ হ॒বিঃ প্রতি॑গৃভ্ণাতু রা॒তয়ে᳚ । দে॒বানা᳚-ন্দে॒বো নি॑ধি॒পা নো॑ অব্য়াত্ ॥ অন॑বস্তে॒ রথ॒মশ্বা॑য় তক্ষ॒ন্-ত্বষ্টা॒ বজ্র॑-ম্পুরুহূত দ্য়ু॒মন্ত᳚ম্ । ব্র॒হ্মাণ॒ ইন্দ্র॑-ম্ম॒হয়॑ন্তো অ॒র্কৈরব॑র্ধয়॒ন্নহ॑য়ে॒ হন্ত॒ বা উ॑ ॥ বৃষ্ণে॒ য-ত্তে॒ বৃষ॑ণো অ॒র্কমর্চা॒নিন্দ্র॒ গ্রাবা॑ণো॒ অদি॑তি-স্স॒জোষাঃ᳚ । অ॒ন॒শ্বাসো॒ যে প॒বয়ো॑-ঽর॒থা ইন্দ্রে॑ষিতা অ॒ভ্যব॑র্তন্ত॒ দস্য়ূন্॑ ॥ । ইন্দ্র॑স্য়॒ নু বী॒র্য়া॑ণি॒ প্রবো॑চম্ । যানি॑ চ॒কার॑ প্রথ॒মানি॑ ব॒জ্রী ॥ অহ॒-ন্নহি॒মন্ব॒পস্ত॑তর্দ । প্র ব॒ক্ষণা॑ অভিন॒-ত্পর্ব॑তানাম্ ॥ ॥ ইন্দ্রো॑ যা॒তো-ঽব॑সিতস্য়॒ রাজা᳚ । শম॑স্য় চ শৃ॒ঙ্গিণো॒ বজ্র॑বাহুঃ । সেদু॒ রাজা᳚ ক্ষেতি চর্​ষণী॒নাম্ । অ॒রান্ন নে॒মিঃ পরি॒তা ব॑ভূব ॥ 25 ॥

অ॒ভি সি॒দ্ধ্মো অ॑জিগাদস্য়॒ শত্রূন্॑ । বি তি॒গ্মেন॑ বৃষ॒ভেণা॒ পুরো॑-ঽভেত্ । সং-বঁজ্রে॑ণাসৃজ-দ্বৃ॒ত্রমিন্দ্রঃ॑ । প্র স্বা-ম্ম॒তিম॑তির॒চ্ছাশ॑দানঃ ॥ বিষ্ণু॑-ন্দে॒বং-বঁরু॑ণমূ॒তয়ে॒ ভগ᳚ম্ । মেদ॑সা দে॒বা ব॒পয়া॑ যজদ্ধ্বম্ । তা নো॑ য॒জ্ঞমাগ॑তং-বিঁ॒শ্বধে॑না । প্র॒জাব॑দ॒স্মে দ্রবি॑ণে॒হ ধ॑ত্তম্ ॥ মেদ॑সা দে॒বা ব॒পয়া॑ যজদ্ধ্বম্ । বিষ্ণু॑-ঞ্চ দে॒বং-বঁরু॑ণ-ঞ্চ রা॒তিম্ ॥ 26 ॥

তা নো॒ অমী॑বা অপ॒বাধ॑মানৌ । ই॒মং-য়ঁ॒জ্ঞ-ঞ্জু॒ষমা॑ণা॒বুপেত᳚ম্ ॥ বিষ্ণূ॑বরুণা যু॒বম॑দ্ধ্ব॒রায়॑ নঃ । বি॒শে জনা॑য়॒ মহি॒ শর্ম॑ যচ্ছতম্ । দী॒র্ঘপ্র॑যজ্য়ূ হ॒বিষা॑ বৃধা॒না । জ্য়োতি॒ষা-ঽরা॑তীর্দহত॒-ন্তমাগ্​ম্॑সি ॥ যয়ো॒রোজ॑সা স্কভি॒তা রজাগ্​ম্॑সি । বী॒র্য়ে॑ভি-র্বী॒রত॑মা॒ শবি॑ষ্ঠা । যা পত্য়ে॑তে॒ অপ্র॑তীত্তা॒ সহো॑ভিঃ । বিষ্ণূ॑ অগ॒ন্বরু॑ণা পূ॒র্বহূ॑তৌ ॥ 27 ॥

বিষ্ণূ॑বরুণা বভিশস্তি॒পা বা᳚ম্ । দে॒বা য॑জন্ত হ॒বিষা॑ ঘৃ॒তেন॑ । অপামী॑বাগ্​ম্ সেধতগ্​ম্ র॒ক্ষস॑শ্চ । অথা॑ ধত্তং॒-য়ঁজ॑মানায়॒ শং-য়োঃ ঁ॥ অ॒গ্​ম্॒হো॒মুচা॑ বৃষ॒ভা সু॒প্রতূ᳚র্তী । দে॒বানা᳚-ন্দে॒বত॑মা॒ শচি॑ষ্ঠা । বিষ্ণূ॑বরুণা॒ প্রতি॑হর্যত-ন্নঃ । ই॒দ-ন্নরা॒ প্রয়॑তমূ॒তয়ে॑ হ॒বিঃ ॥ ম॒হী নু দ্য়াবা॑পৃথি॒বী ই॒হ জ্য়েষ্ঠে᳚ । রু॒চা ভ॑বতাগ্​ম্ শু॒চয়॑দ্ভি-র॒র্কৈঃ ॥ 28 ॥

যথ্সীং॒-বঁরি॑ষ্ঠে বৃহ॒তী বি॑মি॒ন্বন্ন্ । নৃ॒বদ্ভ্য়ো॒-ঽক্ষা প॑প্রথা॒নেভি॒রেবৈঃ᳚ ॥ প্র পূ᳚র্ব॒জে পি॒তরা॒ নব্য়॑সীভিঃ । গী॒র্ভিঃ কৃ॑ণুদ্ধ্ব॒গ্​ম্॒ সদ॑নে ঋ॒তস্য়॑ । আ নো᳚ দ্য়াবাপৃথিবী॒ দৈব্য়ে॑ন । জনে॑ন যাত॒-ম্মহি॑ বাং॒-বঁরূ॑থম্ ॥ স ইথ্স্বপা॒ ভুব॑নেষ্বাস । য ই॒মে দ্য়াবা॑পৃথি॒বী জ॒জান॑ । উ॒র্বী গ॑ভী॒রে রজ॑সী সু॒মেকে᳚ । অ॒ব॒গ্​ম্॒শে ধীর॒-শ্শচ্য়া॒ সমৈ॑রত্ ॥ 29 ॥

ভূরি॒-ন্দ্বে অচ॑রন্তী॒ চর॑ন্তম্ । প॒দ্বন্ত॒-ঙ্গর্ভ॑ম॒পদী॑ দধাতে । নিত্য়॒-ন্ন সূ॒নু-ম্পি॒ত্রোরু॒পস্থে᳚ । ত-ম্পি॑পৃতগ্​ম্ রোদসী সত্য়॒বাচ᳚ম্ ॥ ই॒দ-ন্দ্য়া॑বাপৃথিবী স॒ত্যম॑স্তু । পিত॒-র্মাত॒-র্যদি॒হোপ॑ব্রু॒বে বা᳚ম্ । ভূ॒ত-ন্দে॒বানা॑মব॒মে অবো॑ভিঃ । বিদ্য়ামে॒ষং-বৃঁ॒জন॑-ঞ্জী॒রদা॑নুম্ ॥ উ॒র্বী পৃ॒থ্বী ব॑হু॒লে দূ॒রে অ॑ন্তে । উপ॑ব্রুবে॒ নম॑সা য॒জ্ঞে অ॒স্মিন্ন্ । দধা॑তে॒ যে সু॒ভগে॑ সু॒প্রতূ᳚র্তী । দ্য়াবা॒ রক্ষ॑ত-ম্পৃথি॒বী নো॒ অভ্বা᳚ত্ ॥ যা জা॒তা ওষ॑ধয়ো দে॒বেভ্য়॑স্ত্রিয়ু॒গ-ম্পু॒রা । মন্দা॑মি ব॒ভ্রূণা॑ম॒হগ্​ম্ শ॒ত-ন্ধামা॑নি স॒প্ত চ॑ ॥, অতি॒ বিশ্বাঃ᳚ পরি॒ষ্ঠা-স্স্তে॒ন ই॑ব ব্র॒জম॑ক্রমুঃ । ওষ॑ধয়ঃ॒ প্রাচু॑চ্যবু॒ র্য়-ত্কি-ঞ্চ॑ ত॒নুবা॒গ্​ম্॒ রপঃ॑ ॥ । যা ওষ॑ধয়॒-স্সোম॑রাজ্ঞীঃ॒ প্রবি॑ষ্টাঃ পৃথি॒বীমনু॑ । তাসা॒-ন্ত্বম॑স্য়ুত্ত॒মা প্রণো॑ জী॒বাত॑-বেসুব ॥ অ॒শ্বা॒ব॒তীগ্​ম্ সো॑মব॒তী মূ॒র্জয়॑ন্তী॒ মুদো॑জসম্ । আ বি॑থ্সি॒ সর্বা॒ ওষ॑ধীর॒স্মা অ॑রি॒ষ্টতা॑তয়ে ॥ । ওষ॑ধী॒রিতি॑ মাতর॒-স্তদ্বো॑ দেবী॒-রুপ॑ ব্রুবে । রপাগ্​ম্॑সি বিঘ্ন॒তীরি॑ত॒ রপ॑শ্চা॒তয়॑মানাঃ ॥ অ॒ন্য়া বো॑ অ॒ন্য়াম॑ব-ত্ব॒ন্য়া-ঽন্যস্য়া॒ উপা॑বত । তা-স্সর্বা॒ ওষ॑ধয়-স্সং​বিঁদা॒না ই॒দ-ম্মে॒ প্রাব॑তা॒ বচঃ॑ ॥ ॥ 30 ॥
(হ॒বির্নো॑ - দা-দ্- বভূব - রা॒তিং - পূ॒র্বহূ॑তা - ব॒র্কৈ - রৈ॑র - দ॒স্মি-ন্পঞ্চ চ) (অ. 4)

অনুবাকং 5 - ঐন্দ্রাগ্নপশ্বাদীনাং সূক্তানি
শুচি॒-ন্নু স্তোম॒-ন্নব॑জাত-ম॒দ্য়েন্দ্রা᳚গ্নী বৃত্রহণা জু॒ষেথা᳚ম্ । উ॒ভা হি বাগ্​ম্॑ সু॒হবা॒ জোহ॑বীমি॒ তা বাজগ্​ম্॑ স॒দ্য় উ॑শ॒তে ধেষ্ঠা᳚ ॥, শ্নথ॑-দ্বৃ॒ত্রমু॒ত স॑নোতি॒ বাজ॒মিন্দ্রা॒ যো অ॒গ্নী সহু॑রী সপ॒র্য়াত্ । ই॒র॒জ্যন্তা॑ বস॒ব্য়॑স্য়॒ ভূরে॒-স্সহ॑স্তমা॒ সহ॑সা বাজ॒যন্তা᳚ ॥ । উ॒ভা বা॑মিন্দ্রাগ্নী আহু॒বধ্য়া॑ উ॒ভা রাধ॑স-স্স॒হ মা॑দ॒যধ্য়ৈ᳚ । উ॒ভা দা॒তারা॑বি॒ষাগ্​ম্ র॑য়ী॒ণামু॒ভা বাজ॑স্য় সা॒তয়ে॑ হুবে বাম্ ॥,প্র চ॑র্​ষ॒ণিভ্য়ঃ॑ পৃতনা॒ হবে॑ষু॒ প্র পৃ॑থি॒ব্য়া রি॑রিচাথে দি॒বশ্চ॑ । প্র সিন্ধু॑ভ্য়ঃ॒ প্রগি॒রিভ্য়ো॑ মহি॒ত্বা প্রেন্দ্রা᳚গ্নী॒ বিশ্বা॒ ভুব॒না-ঽত্য়॒ন্য়া ॥ । আ বৃ॑ত্রহণা বৃত্র॒হভি॒-শ্শুষ্মৈঃ᳚ । ইন্দ্র॑ যা॒ত-ন্নমো॑ভিরগ্নে অ॒র্বাক্ । যু॒বগ্​ম্ রাধো॑ভি॒রক॑বেভিরিন্দ্র । অগ্নে॑ অ॒স্মে ভ॑বতমুত্ত॒মেভিঃ॑ ॥ গী॒র্ভি-র্বিপ্রঃ॒ প্রম॑তিমি॒চ্ছমা॑নঃ । ঈ॒॑ র॒য়িং-য়ঁ॒শস॑-ম্পূর্ব॒ভাজ᳚ম্ । ইন্দ্রা᳚গ্নী বৃত্রহণা সুবজ্রা । প্রণো॒ নব্য়ে॑ভিস্তিরত-ন্দে॒ষ্ণৈঃ ॥ ॥ ব্রহ্ম॑ণস্পতে॒ ত্বম॒স্য় য॒ন্তা । সূ॒ক্তস্য়॑ বোধি॒ তন॑য়-ঞ্চ জিন্ব । বিশ্ব॒-ন্ত-দ্ভ॒দ্রং-য়ঁদ॒বন্তি॑ দে॒বাঃ । বৃ॒হদ্ব॑দেম বি॒দথে॑ সু॒বীরাঃ᳚ ॥ স ঈগ্​ম্॑ স॒ত্য়েভি॒-স্সখি॑ভি-শ্শু॒চদ্ভিঃ॑ । গোধা॑যসং॒​বিঁ ধ॑ন॒সৈর॑তর্দত্ । ব্রহ্ম॑ণ॒স্পতি॒-র্বৃষ॑ভির্ব॒রাহৈঃ᳚ ॥ 31 ॥

ঘ॒র্মস্বে॑দেভি॒-র্দ্রবি॑ণং॒-ব্য়াঁ॑নট্ ॥ ব্রহ্ম॑ণ॒স্পতে॑-রভবদ্যথা ব॒শম্ । স॒ত্য়ো ম॒ন্য়ুর্মহি॒ কর্মা॑ করিষ্য়॒তঃ । যো গা উ॒দাজ॒থ্স দি॒বে বি চা॑ভজত্ । ম॒হীব॑ রী॒তি-শ্শব॑সা সর॒-ত্পৃথ॑ক্ ॥ ইন্ধা॑নো অ॒গ্নিং-বঁ॑নবদ্বনুষ্য়॒তঃ । কৃ॒তব্র॑হ্মা শূশুব-দ্রা॒তহ॑ব্য়॒ ইত্ । জা॒তেন॑ জা॒তমতি॒ সৃ-ত্প্রসৃগ্​ম্॑সতে । যং-য়ঁং॒-য়ুঁজ॑-ঙ্কৃণু॒তে ব্রহ্ম॑ণ॒স্পতিঃ॑ ॥ ব্রহ্ম॑ণস্পতে সু॒যম॑স্য় বি॒শ্বহা᳚ ॥ 32 ॥

রা॒য়-স্স্য়া॑ম র॒থ্য়ো॑ বিব॑স্বতঃ । বী॒রেষু॑ বী॒রাগ্​ম্ উপ॑পৃঙ্গ্ধি ন॒স্ত্বম্ । যদীশা॑নো॒ ব্রহ্ম॑ণা॒ বেষি॑ মে॒ হব᳚ম্ ॥ স ইজ্জনে॑ন॒ স বি॒শা স জন্ম॑না । স পু॒ত্রৈর্বাজ॑-ম্ভরতে॒ ধনা॒ নৃভিঃ॑ । দে॒বানাং॒-য়ঃ ঁপি॒তর॑মা॒বিবা॑সতি । শ্র॒দ্ধাম॑না হ॒বিষা॒ ব্রহ্ম॑ণ॒স্পতি᳚ম্ ॥ যাস্তে॑ পূষ॒ন্নাবো॑ অ॒ন্ত-স্স॑মু॒দ্রে । হি॒র॒ণ্যয়ী॑র॒ন্তরি॑ক্ষে॒ চর॑ন্তি । যাভি॑র্য়াসি দূ॒ত্য়াগ্​ম্ সূর্য়॑স্য় । কামে॑ন কৃ॒ত-শ্শ্রব॑ ই॒চ্ছমা॑নঃ ॥ । শু॒ক্র-ন্তে॑ অ॒ন্যদ্য়॑জ॒ত-ন্তে॑ অ॒ন্যদ্বিষু॑রূপে॒ অহ॑নী॒ দ্য়ৌরি॑বাসি । বিশ্বা॒ হি মা॒য়া অব॑সি স্বধাবো ভ॒দ্রা তে॑ পূষন্নি॒হ রা॒তির॑স্তু ॥, পূ॒ষেমা আশা॒ অনু॑বেদ॒ সর্বা᳚-স্সো অ॒স্মাগ্​ম্ অভ॑যতমেন নেষত্ । স্ব॒স্তি॒দা অঘৃ॑ণি॒-স্সর্ব॑বীরঃ । অপ্র॑য়ুচ্ছ-ন্পু॒র এ॑তু॒ প্রজা॒নন্ন্ ॥ ॥ প্রপ॑থে প॒থাম॑জনিষ্ট পূ॒ষা ॥ 33 ॥

প্রপ॑থে দি॒বঃ প্রপ॑থে পৃথি॒ব্য়াঃ । উ॒ভে অ॒ভি প্রি॒যত॑মে স॒ধস্থে᳚ । আ চ॒ পরা॑ চ চরতি প্রজা॒নন্ন্ ॥ পূ॒ষা সু॒বন্ধু॑র্দি॒ব আ পৃ॑থি॒ব্য়াঃ । ই॒ডস্পতি॑-র্ম॒ঘবা॑ দ॒স্মব॑র্চাঃ । ত-ন্দে॒বাসো॒ অদ॑দু-স্সূ॒র্য়ায়ৈ᳚ । কামে॑ন কৃ॒ত-ন্ত॒বস॒গ্গ্॒ স্বঞ্চ᳚ম্ ॥ অ॒জাশ্বঃ॑ পশু॒পা বাজ॑বস্ত্য়ঃ । ধি॒য়॒জি॒ন্ন্বো বিশ্বে॒ ভুব॑নে॒ অর্পি॑তঃ । অষ্ট্রা᳚-ম্পূ॒ষা শি॑থি॒রামু॒দ্বরী॑বৃজত্ ॥ 34 ॥

স॒চঙ্ক্ষা॑ণো॒ ভুব॑না দে॒ব ঈ॑যতে ॥ শুচী॑ বো হ॒ব্য়া ম॑রুত॒-শ্শুচী॑নাম্ । শুচিগ্​ম্॑ হিনোম্যদ্ধ্ব॒রগ্​ম্ শুচি॑ভ্য়ঃ । ঋ॒তেন॑ স॒ত্যমৃত॒সাপ॑ আযন্ন্ । শুচি॑জন্মান॒-শ্শুচ॑য়ঃ পাব॒কাঃ ॥ প্র চি॒ত্রম॒র্ক-ঙ্গৃ॑ণ॒তে তু॒রায়॑ । মারু॑তায়॒ স্বত॑বসে ভরদ্ধ্বম্ । যে সহাগ্​ম্॑সি॒ সহ॑সা॒ সহ॑ন্তে । রেজ॑তে অগ্নে পৃথি॒বী ম॒খেভ্য়ঃ॑ ॥ অগ্​ম্সে॒ষ্বা ম॑রুতঃ খা॒দয়ো॑ বঃ ॥ 35 ॥

বক্ষ॑স্সু রু॒ক্মা উপ॑শিশ্রিয়া॒ণাঃ । বি বি॒দ্য়ুতো॒ ন বৃ॒ষ্টিভী॑ রুচা॒নাঃ । অনু॑ স্ব॒ধামায়ু॑ধৈ॒-র্যচ্ছ॑মানাঃ ॥ যা ব॒-শ্শর্ম॑ শশমা॒নায়॒ সন্তি॑ । ত্রি॒ধাতূ॑নি দা॒শুষে॑ যচ্ছ॒তাধি॑ । অ॒স্মভ্য়॒-ন্তানি॑ মরুতো॒ বিয়॑ন্ত । র॒য়ি-ন্নো॑ ধত্ত বৃষণ-স্সু॒বীর᳚ম্ ॥ ই॒মে তু॒র-ম্ম॒রুতো॑ রামযন্তি । ই॒মে স॒হ-স্সহ॑স॒ আন॑মন্তি । ই॒মে শগ্​ম্সং॑-বঁনুষ্য়॒তো নিপা᳚ন্তি ॥ 36 ॥

গু॒রুদ্বেষো॒ অর॑রুষে দধন্তি ॥ অ॒রা ই॒বেদচ॑রমা॒ অহে॑ব । প্র প্র॑জাযন্তে॒ অক॑বা॒ মহো॑ভিঃ । পৃশ্নেঃ᳚ পু॒ত্রা উ॑প॒মাসো॒ রভি॑ষ্ঠাঃ । স্বয়া॑ ম॒ত্য়া ম॒রুত॒-স্সম্মি॑মিক্ষুঃ ॥ অনু॑ তে দায়ি ম॒হ ই॑ন্দ্রি॒য়ায়॑ । স॒ত্রা তে॒ বিশ্ব॒মনু॑ বৃত্র॒হত্য়ে᳚ । অনু॑ ক্ষ॒ত্রমনু॒ সহো॑ যজত্র । ইন্দ্র॑ দে॒বেভি॒রনু॑ তে নৃ॒ষহ্য়ে᳚ ॥ য ইন্দ্র॒ শুষ্মো॑ মঘবন্তে॒ অস্তি॑ ॥ 37 ॥

শিক্ষা॒ সখি॑ভ্য়ঃ পুরুহূত॒ নৃভ্য়ঃ॑ । ত্বগ্​ম্ হি দৃ॒ঢা ম॑ঘব॒ন্ বিচে॑তাঃ । অপা॑বৃধি॒ পরি॑বৃতি॒-ন্ন রাধঃ॑ ॥ ইন্দ্রো॒ রাজা॒ জগ॑তশ্চর্​ষণী॒নাম্ । অধি॒ক্ষমি॒ বিষু॑রূপং॒-য়ঁদস্তি॑ । ততো॑ দদাতু দা॒শুষে॒ বসূ॑নি । চোদ॒দ্রাধ॒ উপ॑স্তুতশ্চিদ॒র্বাক্ ॥ তমু॑ ষ্টুহি॒ যো অ॒ভিভূ᳚ত্য়োজাঃ । ব॒ন্বন্নবা॑তঃ পুরুহূ॒ত ইন্দ্রঃ॑ । অষা॑ঢমু॒গ্রগ্​ম্ সহ॑মানমা॒ভিঃ ॥ 38 ॥

গী॒র্ভির্ব॑র্ধ বৃষ॒ভ-ঞ্চ॑র্​ষণী॒নাম্ ॥ স্থূ॒রস্য়॑ রা॒য়ো বৃ॑হ॒তো য ঈশে᳚ । তমু॑ ষ্টবাম বি॒দথে॒ষ্বিন্দ্র᳚ম্ । যো বা॒য়ুনা॒ জয়॑তি॒ গোম॑তীষু । প্র ধৃ॑ষ্ণু॒য়া ন॑যতি॒ বস্য়ো॒ অচ্ছ॑ ॥ আ তে॒ শুষ্মো॑ বৃষ॒ভ এতু॑ প॒শ্চাত্ । ওত্ত॒রাদ॑ধ॒রাগা পু॒রস্তা᳚ত্ । আ বি॒শ্বতো॑ অ॒ভি সমে᳚ত্ব॒র্বাম্ । ইন্দ্র॑ দ্য়ু॒ম্নগ্​ম্ সুব॑র্বদ্ধেহ্য়॒স্মে ॥ 39 ॥
(ব॒রাহৈ᳚--র্ বি॒শ্বহা॑ - ঽজনিষ্ট পূ॒ষো - দ্বরী॑বৃজত্ - খা॒দয়ো॑ বঃ - পা॒ন্ - ত্যস্ত - যা॒ভি--র্ + নব॑ চ) (অ. 5)

অনুবাকং 6 - সাবিত্রাদিপশূনাং সূক্তানি
আ দে॒বো যা॑তু সবি॒তা সু॒রত্নঃ॑ । অ॒ন্ত॒রি॒ক্ষ॒প্রা বহ॑মানো॒ অশ্বৈঃ᳚ । হস্তে॒ দধা॑নো॒ নর্য়া॑ পু॒রূণি॑ । নি॒বে॒শয়॑ন্ চ প্রসু॒বন্ চ॒ ভূম॑ ॥ অ॒ভীবৃ॑ত॒-ঙ্কৃশ॑নৈ-র্বি॒শ্বরূ॑পম্ ।
হির॑ণ্যশম্য়ং-য়ঁজ॒তো বৃ॒হন্ত᳚ম্ । আস্থা॒-দ্রথগ্​ম্॑ সবি॒তা চি॒ত্রভা॑নুঃ । কৃ॒ষ্ণা রজাগ্​ম্॑সি॒ তবি॑ষী॒-ন্দধা॑নঃ ॥ সঘা॑ নো দে॒ব-স্স॑বি॒তা স॒বায়॑ । আসা॑বিষ॒-দ্বসু॑পতি॒-র্বসূ॑নি ॥ 40 ॥

বি॒শ্রয়॑মাণো॒ অম॑তিমুরূ॒চীম্ । ম॒র্ত॒ভোজ॑ন॒মধ॑ রাসতে ন ॥ বি জনা᳚ঞ্ছ্য়া॒বা-শ্শি॑তি॒পাদো॑ অখ্যন্ন্ । রথ॒গ্​ম্॒ হির॑ণ্য় প্র উগং॒-বঁহ॑ন্তঃ । শশ্ব॒-দ্দিশ॑-স্সবি॒তু-র্দৈব্য়॑স্য় । উ॒পস্থে॒ বিশ্বা॒ ভুব॑নানি তস্থুঃ ॥ বি সু॑প॒র্ণো অ॒ন্তরি॑ক্ষাণ্যখ্যত্ । গ॒ভী॒রবে॑পা॒ অসু॑র-স্সুনী॒থঃ । ক্বে॑দানী॒গ্​ম্॒ সূর্য়ঃ॒ কশ্চি॑কেত । ক॒ত॒মা-ন্দ্য়াগ্​ম্ র॒শ্মির॒স্য়াত॑তান ॥ 41 ॥

ভগ॒-ন্ধিয়ং॑-বাঁ॒জয়॑ন্তঃ॒ পুর॑ন্ধিম্ । নরা॒শগ্​ম্সো॒ গ্নাস্পতি॑র্নো অব্য়াত্ । আ-ঽয়ে বা॒মস্য়॑ সঙ্গ॒থে র॑য়ী॒ণাম্ । প্রি॒য়া দে॒বস্য়॑ সবি॒তু-স্স্য়া॑ম ॥ আ নো॒ বিশ্বে॒ অস্ক্রা॑ গমন্তু দে॒বাঃ । মি॒ত্রো অ॑র্য়॒মা বরু॑ণ-স্স॒জোষাঃ᳚ । ভুব॒ন্॒. যথা॑ নো॒ বিশ্বে॑ বৃ॒ধাসঃ॑ । কর᳚ন্-থ্সু॒ষহা॑ বিথু॒র-ন্ন শবঃ॑ ॥ শ-ন্নো॑ দে॒বা বি॒শ্বদে॑বা ভবন্তু । শগ্​ম্ সর॑স্বতী স॒হ ধী॒ভির॑স্তু ॥ 42 ॥

শম॑ভি॒ষাচ॒-শ্শমু॑ রাতি॒ষাচঃ॑ । শ-ন্নো॑ দি॒ব্য়াঃ পার্থি॑বা॒-শ্শ-ন্নো॒ অপ্য়াঃ᳚ ॥ যে স॑বি॒তু-স্স॒ত্যস॑বস্য়॒ বিশ্বে᳚ । মি॒ত্রস্য়॑ ব্র॒তে বরু॑ণস্য় দে॒বাঃ । তে সৌভ॑গং-বীঁ॒রব॒দ্গোম॒দপ্নঃ॑ । দধা॑তন॒ দ্রবি॑ণ-ঞ্চি॒ত্রম॒স্মে ॥ অগ্নে॑ যা॒হি দূ॒ত্য়ং॑-বাঁরি॑ষেণ্য়ঃ । দে॒বাং অচ্ছা᳚ ব্রহ্ম॒কৃতা॑ গ॒ণেন॑ । সর॑স্বতী-ম্ম॒রুতো॑ অ॒শ্বিনা-ঽ॒পঃ । য॒ক্ষি॒ দে॒বা-ন্র॑ত্ন॒ধেয়া॑য়॒ বিশ্বান্॑ ॥ 43 ॥

দ্য়ৌঃ পি॑তঃ॒ পৃথি॑বি॒ মাত॒রদ্ধ্রু॑ক্ । অগ্নে᳚ ভ্রাতর্বসবো মৃ॒ডতা॑ নঃ । বিশ্ব॑ আদিত্য়া আদিতে স॒জোষাঃ᳚ । অ॒স্মভ্য়॒গ্​ম্॒ শর্ম॑ বহু॒লং-বিঁয়॑ন্ত ॥ বিশ্বে॑ দেবা-শ্শৃণু॒তেমগ্​ম্ হব॑-ম্মে । যে অ॒ন্তরি॑ক্ষে॒ য উপ॒ দ্যবি॒ ষ্ঠ । যে অ॑গ্নিজি॒হ্বা উ॒ত বা॒ যজ॑ত্রাঃ । আ॒স-দ্য়া॒স্মি-ন্ব॒র্॒হিষি॑ মাদযদ্ধ্বম্ ॥ আ বা᳚-ম্মিত্রাবরুণা হ॒ব্যজু॑ষ্টিম্ । নম॑সা দেবা॒ বব॑সা-ঽঽববৃত্য়াম্ ॥ 44 ॥

অ॒স্মাক॒-ম্ব্রহ্ম॒ পৃত॑নাসু সহ্য়া অ॒স্মাক᳚ম্ । বৃ॒ষ্টি-র্দি॒ব্য়া সু॑পা॒রা ॥ যু॒বং-বঁস্ত্রা॑ণি পীব॒সা ব॑সাথে । যু॒বোরচ্ছি॑দ্রা॒ মন্ত॑বো হ॒ সর্গাঃ᳚ । অবা॑তিরত॒মনৃ॑তানি॒ বিশ্বা᳚ । ঋ॒তেন॑ মিত্রাবরুণা সচেথে ॥ তথ্সু বা᳚-ম্মিত্রাবরুণা মহি॒ত্বম্ । ঈ॒র্মা ত॒স্থুষী॒রহ॑ভি-র্দুদুহ্রে । বিশ্বাঃ᳚ পিন্বথ॒ স্বস॑রস্য়॒ ধেনাঃ᳚ । অনু॑ বা॒মেকঃ॑ প॒বিরাব॑বর্তি ॥ 45 ॥

যদ্বগ্​ম্হি॑ষ্ঠ॒-ন্নাতি॒বিদে॑ সুদানূ । অচ্ছি॑দ্র॒গ্​ম্॒ শর্ম॒ ভুব॑নস্য় গোপা । ততো॑ নো মিত্রাবরুণা-ববীষ্টম্ । সিষা॑সন্তো জীগি॒বাগ্​ম্স॑-স্স্য়াম ॥ আ নো॑ মিত্রাবরুণা হ॒ব্যদা॑তিম্ । ঘৃ॒তৈ-র্গব্য়ূ॑তিমুক্ষত॒মিডা॑ভিঃ । প্রতি॑ বা॒মত্র॒ বর॒মা জনা॑য় । পৃ॒ণী॒তমু॒দ্গো দি॒ব্যস্য়॒ চারোঃ᳚ ॥ প্র বা॒হবা॑ সিসৃত-ঞ্জী॒বসে॑ নঃ । আ নো॒ গব্য়ূ॑তিমুক্ষত-ঙ্ঘৃ॒তেন॑ ॥ 46 ॥

আ নো॒ জনে᳚ শ্রবযতং-য়ুঁবানা । শ্রু॒ত-ম্মে॑ মিত্রাবরুণা॒ হবে॒মা ॥ ই॒মা রু॒দ্রায়॑ স্থি॒রধ॑ন্বনে॒ গিরঃ॑ । ক্ষি॒প্রেষ॑বে দে॒বায়॑ স্ব॒ধাম্নে᳚ । অষা॑ঢায়॒ সহ॑মানায় মী॒ঢুষে᳚ । তি॒গ্মায়ু॑ধায় ভরতা শৃ॒ণোত॑ন ॥ ত্বা দ॑ত্তেভী রুদ্র॒ শন্ত॑মেভিঃ । শ॒তগ্​ম্ হিমা॑ অশীয় ভেষ॒জেভিঃ॑ । ব্য়॑স্মদ্দ্বেষো॑ বিত॒রং-ব্য়ঁগ্​ম্হঃ॑ । ব্যমী॑বাগ্​ শ্চাতযস্বা॒ বিষূ॑চীঃ ॥ 47 ॥

অর্​হ॑ন্বিভর্​ষি॒ সায়॑কানি॒ ধন্ব॑ । অর্​হ॑ন্নি॒ষ্কং-য়ঁ॑জ॒তং-বিঁ॒শ্বরূ॑পম্ । অর্​হ॑ন্নি॒দন্দ॑যসে॒ বিশ্ব॒মব্ভু॑বম্ । ন বা ওজী॑য়ো রুদ্র॒ ত্বদ॑স্তি ॥, মা ন॑স্তো॒কে তন॑য়ে॒ মা ন॒ আয়ু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । বী॒রা-ন্মানো॑ রুদ্র ভামি॒তো ব॑ধীর্​হ॒বিষ্ম॑ন্তো॒ নম॑সা বিধেম তে ॥॥ আ তে॑ পিতর্মরুতাগ্​ম্ সু॒ম্নমে॑তু । মা ন॒-স্সূর্য়॑স্য় স॒দৃংশো॑ যুয়োথাঃ । অ॒ভি নো॑ বী॒রো অর্ব॑তি ক্ষমেত । প্রজা॑য়েমহি রুদ্র প্র॒জাভিঃ॑ ॥ এ॒বা ব॑ভ্রো বৃষভ চেকিতান । যথা॑ দেব॒ ন হৃ॑ণী॒ষে ন হগ্​ম্সি॑ । হা॒ব॒ন॒শ্রূর্নো॑ রুদ্রে॒হ বো॑ধি । বৃ॒হদ্ব॑দেম বি॒দথে॑ সু॒বীরাঃ᳚ ॥ পরি॑ণো রু॒দ্রস্য়॑ হে॒তি র্বৃ॑ণক্তু॒ পরি॑ত্বে॒ষস্য়॑ দুর্ম॒তির॑ঘা॒য়োঃ । অব॑ স্থি॒রা ম॒ঘব॑দ্ভ্য়-স্তনুষ্ব॒ মীঢ্ব॑স্তো॒কায়॒ তন॑য়ায় মৃডয় ॥, স্তু॒হি শ্রু॒ত-ঙ্গ॑র্ত॒সদং॒-য়ুঁবা॑ন-ম্মৃ॒গ-ন্ন ভী॒ম-মু॑পহ॒ত্নু-মু॒গ্রম্ । মৃ॒ডা জ॑রি॒ত্রে রু॑দ্র॒ স্তবা॑নো অ॒ন্যন্তে॑ অ॒স্মন্নিব॑পন্তু॒ সেনাঃ᳚ ॥ । মীঢু॑ষ্টম॒ শিব॑তম শি॒বো ন॑-স্সু॒মনা॑ ভব ।প॒র॒মে বৃ॒ক্ষ আয়ু॑ধ-ন্নি॒ধায়॒ কৃত্তিং॒-বঁসা॑ন॒ আচ॑র॒ পিনা॑ক॒ম্বিভ্র॒দাগ॑হি ॥ অর্​হ॑ন্বিভর্​ষি॒ সায়॑কানি॒ ধন্ব॑ । অর্​হ॑ন্নি॒ষ্কং-য়ঁ॑জ॒তং-বিঁ॒শ্বরূ॑পম্ । অর্​হ॑ন্নি॒দন্দ॑যসে॒ বিশ্ব॒মব্ভু॑বম্ । ন বা ওজী॑য়ো রুদ্র॒ ত্বদ॑স্তি ॥। ত্বম॑গ্নে রু॒দ্রো অসু॑রো ম॒হো দি॒বস্ত্বগ্​ম্ শর্ধো॒ মারু॑ত-ম্পৃ॒ক্ষ ঈ॑শিষে । ত্বং-বাঁতৈ॑ররু॒ণৈর্য়া॑সি শঙ্গ॒যস্ত্ব-ম্পূ॒ষা বি॑ধ॒তঃ পা॑সি॒ নুত্মনা᳚ ॥, আ বো॒ রাজা॑নমধ্ব॒রস্য়॑ রু॒দ্রগ্​ম্ হোতা॑রগ্​ম্ সত্য়॒যজ॒গ্​ম্॒ রোদ॑স্য়োঃ । অ॒গ্নি-ম্পু॒রা ত॑নয়ি॒ত্নো র॒চিত্তা॒-দ্ধির॑ণ্যরূপ॒মব॑সে কৃণুধ্বম্ ॥ ॥ 48 ॥
(বসূ॑নি - ততা - নাস্তু॒ - বিশ্বান্॑.-ববৃত্য়াং​বঁবর্তি-ঘৃ॒তেন॒-বিষূ॑চীঃ-শ্রু॒ত-ন্দ্বে চ॑) (অ. 6)

অনুবাকং 7 - সৌর্য়াদিপশূনাং সূক্তানি
সূর্য়ো॑ দে॒বীমু॒ষস॒গ্​ম্ রোচ॑মানা॒ মর্য়ঃ॑ । ন যোষা॑ম॒ভ্য়ে॑তি প॒শ্চাত্ । যত্রা॒ নরো॑ দেব॒যন্তো॑ যু॒গানি॑ । বি॒ত॒ন্বতে॒ প্রতি॑ ভ॒দ্রায়॑ ভ॒দ্রম্ ॥ ভ॒দ্রা অশ্বা॑ হ॒রিত॒-স্সূর্য়॑স্য় । চি॒ত্রা এদ॑গ্বা অনু॒মাদ্য়া॑সঃ । ন॒ম॒স্যন্তো॑ দি॒ব আ পৃ॒ষ্ঠম॑স্থুঃ ।
পরি॒ দ্য়াবা॑পৃথি॒বী য॑ন্তি স॒দ্য়ঃ ॥ ত-থ্সূর্য়॑স্য় দেব॒ত্ব-ন্ত-ন্ম॑হি॒ত্বম্ । ম॒দ্ধ্য়া কর্তো॒-র্বিত॑ত॒গ্​ম্॒ সঞ্জ॑ভার ॥ 49 ॥

য॒দেদয়ু॑ক্ত হ॒রিত॑-স্স॒ধস্থা᳚ত্ । আদ্রাত্রী॒ বাস॑স্তনুতে সি॒মস্মৈ᳚ ॥ ত-ন্মি॒ত্রস্য়॒ বরু॑ণস্য়াভি॒চক্ষে᳚ । সূর্য়ো॑ রূ॒প-ঙ্কৃ॑ণুতে॒ দ্য়োরু॒পস্থে᳚ । অ॒ন॒ন্তম॒ন্য়-দ্রুশ॑দস্য়॒ পাজঃ॑ । কৃ॒ষ্ণম॒ন্যদ্ধ॒রিত॒-স্সম্ভ॑রন্তি ॥ অ॒দ্য়া দে॑বা॒ উদি॑তা॒ সূর্য়॑স্য় । নিরগ্​ম্হ॑সঃ পিপৃ॒তান্নির॑ব॒দ্য়াত্ । তন্নো॑ মি॒ত্রো বরু॑ণো মামহন্তাম্ । অদি॑তি॒-স্সিন্ধুঃ॑ পৃথি॒বী উ॒ত দ্য়ৌঃ ॥ 50 ॥

দি॒বো রু॒ক্ম উ॑রু॒চক্ষা॒ উদে॑তি । দূ॒রে অ॑র্থস্ত॒রণি॒-র্ভ্রাজ॑মানঃ । নূ॒ন-ঞ্জনা॒-স্সূর্য়ে॑ণ॒ প্রসূ॑তাঃ । আযন্নর্থা॑নি কৃ॒ণব॒ন্নপাগ্​ম্॑সি ॥ শ-ন্নো॑ ভব॒ চক্ষ॑সা॒ শ-ন্নো॒ অহ্না᳚ । শ-ম্ভা॒নুনা॒ শগ্​ম্ হি॒মা শ-ঙ্ঘৃ॒ণেন॑ । যথা॒ শম॒স্মৈ শমস॑-দ্দুরো॒ণে । ত-থ্সূ᳚র্য়॒ দ্রবি॑ণ-ন্ধে॒হি চি॒ত্রম্ ॥ চি॒ত্র-ন্দে॒বানা॒-মুদ॑গা॒দনী॑কম্ । চক্ষু॑র্মি॒ত্রস্য়॒ বরু॑ণস্য়া॒গ্নেঃ ॥ 51 ॥

আ-ঽপ্রা॒ দ্য়াবা॑পৃথি॒বী অ॒ন্তরি॑ক্ষম্ । সূর্য়॑ আ॒ত্মা জগ॑তস্ত॒স্থুষ॑শ্চ ॥ ত্বষ্টা॒ দধ॒দিন্দ্রা॑য়॒ শুষ্ম᳚ম্ । অপা॒কো-ঽচি॑ষ্টুর্য়॒শসে॑ পু॒রূণি॑ । বৃষা॒ যজ॒ন্ বৃষ॑ণ॒-ম্ভূরি॑রেতাঃ । মূ॒র্ধন্. য॒জ্ঞস্য়॒ সম॑নক্তু দে॒বান্ ॥, তন্ন॑স্তু॒রীপ॒মধ॑ পোষয়ি॒ত্নু দেব॑ ত্বষ্ট॒র্বি র॑রা॒ণ-স্স্য়॑স্ব । যতো॑ বী॒রঃ ক॑র্ম॒ণ্য়॑-স্সু॒দক্ষো॑ যু॒ক্তগ্রা॑বা॒ জায়॑তে দে॒বকা॑মঃ ॥ । ত্বষ্টা॑ বী॒র-ন্দে॒বকা॑ম-ঞ্জজান॒ ত্বষ্টু॒রর্বা॑ জাযত আ॒শুরশ্বঃ॑ । ত্বষ্টে॒দং-বিঁশ্ব॒-ম্ভুব॑ন-ঞ্জজান ব॒হোঃ ক॒র্তার॑মি॒হ য॑ক্ষি হোতঃ ॥ পি॒শঙ্গ॑রূপ-স্সু॒ভরো॑ বয়ো॒ধা-শ্শ্রু॒ষ্টী বী॒রো জা॑যতে দে॒বকা॑মঃ । প্র॒জা-ন্ত্বষ্টা॒ বিষ্য়॑তু॒ নাভি॑ম॒স্মে অথা॑ দে॒বানা॒মপ্য়ে॑তু॒ পাথঃ॑ ॥ ॥ দশে॒ম-ন্ত্বষ্টু॑র্জনযন্ত॒ গর্ভ᳚ম্ । অত॑ন্দ্রাসো যুব॒তয়ো॒ বিভ॑র্ত্রম্ । তি॒গ্মানী॑ক॒গ্গ্॒ স্বয়॑শস॒-ঞ্জনে॑ষু । বি॒রোচ॑মান॒-ম্পরি॑ষী-ন্নযন্তি ॥ আবিষ্ট্য়ো॑ বর্ধতে॒ চারু॑রাসু । জি॒হ্মানা॑মূ॒র্ধ্ব-স্স্বয়॑শা উ॒পস্থে᳚ ॥ 52 ॥

উ॒ভে ত্বষ্টু॑র্বিভ্যতু॒-র্জায়॑মানাত্ । প্র॒তীচী॑ সি॒গ্​ম্॒হ-ম্প্রতি॑জোষয়েতে ॥ মি॒ত্রো জনান্॑ যাতযতি প্রজা॒ন-ন্মি॒ত্রো দা॑ধার পৃথি॒বীমু॒ত দ্য়াম্ । মি॒ত্রঃ কৃ॒ষ্টীরনি॑মিষা॒-ঽভি চ॑ষ্টে স॒ত্য়ায়॑ হ॒ব্য়-ঙ্ঘৃ॒তব॑-দ্বিধেম ॥, প্র স মি॑ত্র॒ মর্তো॑ অস্তু॒ প্রয়॑স্বা॒ন্ যস্ত॑ আদিত্য়॒ শিক্ষ॑তি ব্র॒তেন॑ । ন হ॑ন্যতে॒ ন জী॑যতে॒ ত্বোতো॒ নৈন॒মগ্​ম্হো॑ অশ্নো॒ত্যন্তি॑তো॒ ন দূ॒রাত্ ॥ ॥ অ॒য়-ম্মি॒ত্রো ন॑ম॒স্য়॑-স্সু॒শেবঃ॑ । রাজা॑ সুক্ষ॒ত্রো অ॑জনিষ্ট বে॒ধাঃ । তস্য়॑ ব॒য়গ্​ম্ সু॑ম॒তৌ য॒জ্ঞিয়॑স্য় । অপি॑ ভ॒দ্রে সৌ॑মন॒সে স্য়া॑ম ॥ অ॒ন॒মী॒বাস॒ ইড॑য়া॒ মদ॑ন্তঃ । মি॒তজ্ম॑বো॒ বরি॑ম॒ন্না পৃ॑থি॒ব্য়াঃ । আ॒দি॒ত্যস্য়॑ ব্র॒তমু॑প॒ক্ষ্যন্তঃ॑ ॥ 53 ॥

ব॒য়-ম্মি॒ত্রস্য়॑ সুম॒তৌ স্য়া॑ম ॥ মি॒ত্র-ন্ন ঈগ্​ম্ শিম্য়া॒ গোষু॑ গ॒ব্যব॑ত্ । স্বা॒ধিয়ো॑ বি॒দথে॑ অ॒ফ্স্বজী॑জনন্ন্ । অরে॑জযতা॒গ্​ম্॒ রোদ॑সী॒ পাজ॑সা গি॒রা । প্রতি॑ প্রি॒য়ং-য়ঁ॑জ॒ত-ঞ্জ॒নুষা॒মবঃ॑ ॥ ম॒হাগ্​ম্ আ॑দি॒ত্য়ো নম॑সোপ॒সদ্য়ঃ॑ । যা॒ত॒যজ্জ॑নো গৃণ॒তে সু॒শেবঃ॑ । তস্মা॑ এ॒ত-ত্পন্য়॑তমায়॒ জুষ্ট᳚ম্ । অ॒গ্নৌ মি॒ত্রায়॑ হ॒বিরাজু॑হোত ॥ আবা॒গ্​ম্॒ রথো॒ রোদ॑সী বদ্বধা॒নঃ ॥ 54 ॥

হি॒র॒ণ্যয়ো॒ বৃষ॑ভির্য়া॒ত্বশ্বৈঃ᳚ । ঘৃ॒তব॑র্তনিঃ প॒বিভী॑ রুচা॒নঃ । ই॒ষাং-বোঁ॒ঢা নৃ॒পতি॑র্বা॒জিনী॑বান্ ॥ স প॑প্রথা॒নো অ॒ভি পঞ্চ॒ ভূম॑ । ত্রি॒ব॒ন্ধু॒রো মন॒সা-ঽঽয়া॑তু যু॒ক্তঃ । বিশো॒ যেন॒ গচ্ছ॑থো দেব॒যন্তীঃ᳚ । কুত্রা॑ চি॒দ্য়াম॑মশ্বিনা॒ দধা॑না ॥ স্বশ্বা॑ য॒শসা-ঽঽয়া॑তম॒র্বাক্ । দস্রা॑ নি॒ধি-ম্মধু॑মন্ত-ম্পিবাথঃ । বি বা॒গ্​ম্॒ রথো॑ ব॒দ্ধ্বা॑ যাদ॑মানঃ ॥ 55 ॥

অন্তা᳚-ন্দি॒বো বা॑ধতে বর্ত॒নিভ্য়া᳚ম্ ॥ যু॒বো-শ্শ্রিয়॒-ম্পরি॒ যোষা॑ বৃণীত । সূরো॑ দুহি॒তা পরি॑তক্মিয়ায়াম্ । য-দ্দে॑ব॒যন্ত॒মব॑থ॒-শ্শচী॑ভিঃ । পরি॑ঘ্র॒গ্​ম্॒স বা॒-ম্মনা॑ বাং॒-বঁয়ো॑ গাম্ ॥ যো হ॒ স্য় বাগ্​ম্॑ রথিরা॒ বস্ত॑ উ॒স্রাঃ । রথো॑ যুজা॒নঃ প॑রি॒য়াতি॑ ব॒র্তিঃ । তেন॑ ন॒-শ্শং-য়োঁরু॒ষসো॒ ব্য়ু॑ষ্টৌ । ন্য়॑শ্বিনা বহতং-য়ঁ॒জ্ঞে অ॒স্মিন্ন্ ॥ যু॒ব-ম্ভু॒জ্য়ুমব॑বিদ্ধগ্​ম্ সমু॒দ্রে ॥ 56 ॥

উদূ॑হথু॒রর্ণ॑সো॒ অস্রি॑ধানৈঃ । প॒ত॒ত্রিভি॑-রশ্র॒মৈ-র॑ব্য়॒থিভিঃ॑ । দ॒গ্​ম্॒সনা॑ভিরশ্বিনা পা॒রয়॑ন্তা ॥ অগ্নী॑ষোমা॒ যো অ॒দ্য় বা᳚ম্ । ই॒দং-বঁচ॑-স্সপ॒র্যতি॑ । তস্মৈ॑ ধত্তগ্​ম্ সু॒বীর্য়᳚ম্ । গবা॒-ম্পোষ॒গ্গ্॒ স্বশ্বি॑যম্ ॥ যো অ॒গ্নীষোমা॑ হ॒বিষা॑ সপ॒র্য়াত্ । দে॒ব॒দ্রীচা॒ মন॑সা॒ যো ঘৃ॒তেন॑ । তস্য়॑ ব্র॒তগ্​ম্ র॑ক্ষত-ম্পা॒তমগ্​ম্হ॑সঃ ॥ 57 ॥

বি॒শে জনা॑য়॒ মহি॒ শর্ম॑ যচ্ছতম্ ॥ অগ্নী॑ষোমা॒ য আহু॑তিম্ । যো বা॒-ন্দাশা᳚দ্ধ॒বিষ্কৃ॑তিম্ । স প্র॒জয়া॑ সু॒বীর্য়᳚ম্ । বিশ্ব॒মায়ু॒-র্ব্য়॑শ্নবত্ ॥ অগ্নী॑ষোমা॒ চেতি॒ ত-দ্বী॒র্য়ং॑-বাঁম্ । যদমু॑ষ্ণীতমব॒স-ম্প॒ণি-ঙ্গোঃ । অবা॑তিরত॒-ম্প্রথ॑যস্য়॒ শেষঃ॑ । অবি॑ন্দত॒-ঞ্জ্য়োতি॒রেক॑-ম্ব॒হুভ্য়ঃ॑ ॥ অগ্নী॑ষোমা বি॒মগ্​ম্ সু মে॑ শৃণু॒তং-বৃঁ॑ষণা॒ হব᳚ম্ । প্রতি॑ সূ॒ক্তানি॑ হর্যত॒-ম্ভব॑ত-ন্দা॒শুষে॒ ময়ঃ॑ ॥ অগ্নী॑ষোমা হ॒বিষঃ॒ প্রস্থি॑তস্য় বী॒তগ্​ম্হর্য়॑তং-বৃঁষণা জু॒ষেথা᳚ম্ । সু॒শর্মা॑ণা॒ স্বব॑সা॒ হি ভূ॒তমথা॑ ধত্তং॒-য়ঁজ॑মানায়॒ শং-য়োঃ ঁ॥ ॥ 58 ॥
(জ॒ভা॒র॒ - দ্য়ৌ - র॒গ্নে - রু॒পস্থ॑ - উপ॒ক্ষ্যন্তো॑ - বদ্বধা॒নো-য়াদ॑মানঃ - সমু॒দ্রে - ঽগ্​ম্হ॑সঃ॒ - প্রস্থি॑তস্য়) (অ. 7)

অনুবাকং 8 - বেহদাদিপশূনাং সূক্তানি
অ॒হম॑স্মি প্রথম॒জা ঋ॒তস্য়॑ । পূর্ব॑-ন্দে॒বেভ্য়ো॑ অ॒মৃত॑স্য়॒ নাভিঃ॑ । যো মা॒ দদা॑তি॒ স ইদে॒ব মা বাঃ᳚ । অ॒হ-মন্ন॒-মন্ন॑-ম॒দন্ত॑মদ্মি ॥ পূর্ব॑-ম॒গ্নেরপি॑ দহ॒ত্যন্ন᳚ম্ । য॒ত্তৌ হা॑-ঽঽসাতে অহমুত্ত॒রেষু॑ । ব্য়াত্ত॑মস্য় প॒শব॑-স্সু॒জম্ভ᳚ম্ । পশ্য়॑ন্তি॒ ধীরাঃ॒ প্রচ॑রন্তি॒ পাকাঃ᳚ ॥ জহা᳚ম্য়॒ন্য়-ন্ন জ॑হাম্য়॒ন্যম্ । অ॒হমন্নং॒-বঁশ॒মিচ্চ॑রামি ॥ 59 ॥

স॒মা॒নমর্থ॒-ম্পর্য়ে॑মি ভু॒ঞ্জত্ । কো মামন্ন॑-ম্মনু॒ষ্য়ো॑ দয়েত ॥ পরা॑কে॒ অন্ন॒-ন্নিহি॑তং-লোঁ॒ক এ॒তত্ । বিশ্বৈ᳚-র্দে॒বৈঃ পি॒তৃভি॑-র্গু॒প্তমন্ন᳚ম্ । যদ॒দ্যতে॑ লু॒প্যতে॒ য-ত্প॑রো॒প্যতে᳚ । শ॒ত॒ত॒মী সা ত॒নূর্মে॑ বভূব ॥ ম॒হান্তৌ॑ চ॒রূ স॑কৃ-দ্দু॒গ্ধেন॑ পপ্রৌ । দিব॑ঞ্চ॒ পৃশ্ঞি॑ পৃথি॒বী-ঞ্চ॑ সা॒কম্ । ত-থ্স॒ম্পিব॑ন্তো॒ ন মি॑নন্তি বে॒ধসঃ॑ । নৈত-দ্ভূয়ো॒ ভব॑তি॒ নো কনী॑য়ঃ ॥ 60 ॥

অন্ন॑-ম্প্রা॒ণ-মন্ন॑-মপা॒ন-মা॑হুঃ । অন্ন॑-ম্মৃ॒ত্য়ু-ন্তমু॑ জী॒বাতু॑মাহুঃ । অন্ন॑-ম্ব্র॒হ্মাণো॑ জ॒রসং॑-বঁদন্তি । অন্ন॑মাহুঃ প্র॒জন॑ন-ম্প্র॒জানা᳚ম্ ॥ মোঘ॒মন্নং॑-বিঁন্দতে॒ অপ্র॑চেতাঃ । স॒ত্য়-ম্ব্র॑বীমি ব॒ধ ইথ্স তস্য়॑ । নার্য়॒মণ॒-ম্পুষ্য়॑তি॒ নো সখা॑যম্ । কেব॑লাঘো ভবতি কেবলা॒দী ॥ অ॒হ-ম্মে॒ঘ-স্স্ত॒নয়॒ন্. বর্​ষ॑ন্নস্মি । মাম॑দন্ত্য়॒হম॑দ্ম্য়॒ন্য়ান্ ॥ 61 ॥

অ॒হগ্​ম্ সদ॒মৃতো॑ ভবামি । মদা॑দি॒ত্য়া অধি॒ সর্বে॑ তপন্তি ॥ সা নো॑ ম॒ন্দ্রেষ॒মূর্জ॒-ন্দুহা॑না । ধে॒নুর্বাগ॒স্মানুপ॒ সুষ্টু॒তৈতু॑ ॥, য-দ্বাগ্বদ॑ন্ত্য়-বিচেত॒নানি॑ । রাষ্ট্রী॑ দে॒বানা᳚-ন্নিষ॒সাদ॑ ম॒ন্দ্রা । চত॑স্র॒ ঊর্জ॑-ন্দুদুহে॒ পয়াগ্​ম্॑সি । ক্ব॑ স্বি দস্য়াঃ পর॒ম-ঞ্জ॑গাম ॥ ॥ অ॒ন॒ন্তা-মন্তা॒দধি॒ নির্মি॑তা-ম্ম॒হীম্ । যস্য়া᳚-ন্দে॒বা অ॑দধু॒-র্ভোজ॑নানি । একা᳚ক্ষরা-ন্দ্বি॒পদা॒গ্​ম্॒ ষট্প॑দাঞ্চ । বাচ॑-ন্দে॒বা উপ॑জীবন্তি॒ বিশ্বে᳚ ॥ বাচ॑-ন্দে॒বা উপ॑জীবন্তি॒ বিশ্বে᳚ । বাচ॑-ঙ্গন্ধ॒র্বাঃ প॒শবো॑ মনু॒ষ্য়াঃ᳚ । বা॒চীমা বিশ্বা॒ ভুব॑না॒ন্যর্পি॑তা ॥ 62 ॥

সা নো॒ হব॑-ঞ্জুষতা॒-মিন্দ্র॑পত্নী ॥ বাগ॒ক্ষর॑-ম্প্রথম॒জা ঋ॒তস্য়॑ । বেদা॑না-ম্মা॒তা-ঽমৃত॑স্য়॒ নাভিঃ॑ । সা নো॑ জুষা॒ণোপ॑ য॒জ্ঞমাগা᳚ত্ । অব॑ন্তী দে॒বী সু॒হবা॑ মে অস্তু ॥ যা মৃষ॑য়ো মন্ত্র॒কৃতো॑ মনী॒ষিণঃ॑ । অ॒ন্বৈচ্ছ॑-ন্দে॒বা-স্তপ॑সা॒ শ্রমে॑ণ । তা-ন্দে॒বীং-বাঁচগ্​ম্॑ হ॒বিষা॑ যজামহে । সা নো॑ দধাতু সুকৃ॒তস্য়॑ লো॒কে ॥ চ॒ত্বারি॒ বা-ক্পরি॑মিতা প॒দানি॑ ॥ 63 ॥

তানি॑ বিদু-র্ব্রাহ্ম॒ণা যে ম॑নী॒ষিণঃ॑ । গুহা॒ ত্রীণি॒ নিহি॑তা॒ নেঙ্গ॑যন্তি । তু॒রীয়ং॑-বাঁ॒চো ম॑নু॒ষ্য়া॑ বদন্তি ॥ শ্র॒দ্ধয়া॒-ঽগ্নি-স্সমি॑দ্ধ্যতে । শ্র॒দ্ধয়া॑ বিন্দতে হ॒বিঃ । শ্র॒দ্ধা-ম্ভগ॑স্য় মূ॒র্ধনি॑ । বচ॒সা ঽঽবে॑দয়ামসি ॥ প্রি॒যগ্গ্​ শ্র॑দ্ধে॒ দদ॑তঃ । প্রি॒যগ্গ্​ শ্র॑দ্ধে॒ দিদা॑সতঃ । প্রি॒য়-ম্ভো॒জেষু॒ যজ্ব॑সু ॥ 64 ॥

ই॒দ-ম্ম॑ উদি॒ত-ঙ্কৃ॑ধি ॥ যথা॑ দে॒বা অসু॑রেষু । শ্র॒দ্ধা-মু॒গ্রেষু॑ চক্রি॒রে । এ॒ব-ম্ভো॒জেষু॒ যজ্ব॑সু । অ॒স্মাক॑-মুদি॒ত-ঙ্কৃ॑ধি ॥ শ্র॒দ্ধা-ন্দে॑বা॒ যজ॑মানাঃ । বা॒য়ুগো॑পা॒ উপা॑সতে । শ্র॒দ্ধাগ্​ম্ হৃ॑দ॒য়্য়॑য়া-ঽঽকূ᳚ত্য়া । শ্র॒দ্ধয়া॑ হূযতে হ॒বিঃ ॥ শ্র॒দ্ধা-ম্প্রা॒তর্-হ॑বামহে ॥ 65 ॥

শ্র॒দ্ধা-ম্ম॒দ্ধ্যন্দি॑ন॒-ম্পরি॑ । শ্র॒দ্ধাগ্​ম্ সূর্য়॑স্য় নি॒ম্রুচি॑ । শ্রদ্ধে॒ শ্রদ্ধা॑পয়ে॒হ মা᳚ ॥ শ্র॒দ্ধা দে॒বা-নধি॑বস্তে । শ্র॒দ্ধা বিশ্ব॑মি॒দ-ঞ্জগ॑ত্ । শ্র॒দ্ধা-ঙ্কাম॑স্য় মা॒তর᳚ম্ । হ॒বিষা॑ বর্ধয়ামসি ॥ ব্রহ্ম॑জজ্ঞা॒ন-ম্প্র॑থ॒ম-ম্পু॒রস্তা᳚ত্ । বি সী॑ম॒ত-স্সু॒রুচো॑ বে॒ন আ॑বঃ । স বু॒দ্ধ্নিয়া॑ উপ॒মা অ॑স্য় বি॒ষ্ঠাঃ ॥ 66 ॥

স॒তশ্চ॒ যোনি॒-মস॑তশ্চ॒ বিবঃ॑ ॥ পি॒তা বি॒রাজা॑মৃষ॒ভো র॑য়ী॒ণাম্ । অ॒ন্তরি॑ক্ষং-বিঁ॒শ্বরূ॑প॒ আবি॑বেশ । তম॒র্কৈ-র॒ভ্য়॑র্চন্তি ব॒থ্সম্ । ব্রহ্ম॒ সন্ত॒-ম্ব্রহ্ম॑ণা ব॒র্ধয়॑ন্তঃ ॥ ব্রহ্ম॑ দে॒বান॑জনযত্ । ব্রহ্ম॒ বিশ্ব॑মি॒দ-ঞ্জগ॑ত্ । ব্রহ্ম॑ণঃ, ক্ষ॒ত্র-ন্নির্মি॑তম্ । ব্রহ্ম॑ ব্রাহ্ম॒ণ আ॒ত্মনা᳚ ॥ অ॒ন্তর॑স্মি-ন্নি॒মে লো॒কাঃ ॥ 67 ॥

অ॒ন্ত-র্বিশ্ব॑মি॒দ-ঞ্জগ॑ত্ । ব্রহ্মৈ॒ব ভূ॒তানা॒-ঞ্জ্য়েষ্ঠ᳚ম্ । তেন॒ কো॑-ঽর্​হতি॒ স্পর্ধি॑তুম্ ॥ ব্রহ্ম॑-ন্দে॒বা-স্ত্রয়॑স্ত্রিগ্​ম্শত্ । ব্রহ্ম॑ন্নিন্দ্র প্রজাপ॒তী । ব্রহ্ম॑ন্. হ॒ বিশ্বা॑ ভূ॒তানি॑ । না॒বী বা॒ন্ত-স্স॒মাহি॑তা ॥ চত॑স্র॒ আশাঃ॒ প্রচ॑রন্ত্ব॒-গ্নয়ঃ॑ । ই॒মন্নো॑ য॒জ্ঞ-ন্ন॑যতু প্রজা॒নন্ন্ । ঘৃ॒ত-ম্পিন্ব॑ন্ন॒জরগ্​ম্॑ সু॒বীর᳚ম্ ॥ 68 ॥

ব্রহ্ম॑ স॒মি-দ্ভ॑ব॒ত্য়াহু॑তীনাম্ ॥ আ গাবো॑ অগ্মন্নু॒ত ভ॒দ্রম॑ক্রন্ন্ । সীদ॑ন্তু গো॒ষ্ঠে র॒ণয়॑ন্ত্ব॒স্মে । প্র॒জাব॑তীঃ পুরু॒রূপা॑ ই॒হ স্য়ুঃ । ইন্দ্রা॑য় পূ॒র্বী রু॒ষসো॒ দুহা॑নাঃ ॥ ইন্দ্রো॒ যজ্ব॑নে পৃণ॒তে চ॑ শিক্ষতি । উপেদ্দ॑দাতি॒ ন স্ব-ম্মু॑ষাযতি । ভূয়ো॑ ভূয়ো র॒য়িমিদ॑স্য় ব॒র্ধযন্ন্॑ । অভি॑ন্নে খি॒ল্লে নিদ॑ধাতি দেব॒য়ুম্ ॥ ন তা ন॑শন্তি॒ ন দ॑ভাতি॒ তস্ক॑রঃ । নৈনা॑ অমি॒ত্রো ব্যথি॒রাদ॑ধর্​ষতি । দে॒বাগ্​শ্চ॒ যাভি॒-র্যজ॑তে॒ দদা॑তি চ । জ্য়োগিত্তাভি॑-স্সচতে॒ গোপ॑তি-স্স॒হ ॥, ন তা অর্বা॑ রে॒ণুক॑কাটো অশ্নুতে । ন সগ্গ্॑ স্কৃত॒ত্র-মুপ॑যন্তি॒ তা অ॒ভি । উ॒রু॒গা॒যমভ॑য়॒-ন্তস্য়॒ তা অনু॑ । গাবো॒ মর্ত্য়॑স্য়॒ বিচ॑রন্তি॒ যজ্ব॑নঃ ॥ ॥ 69 ॥

গাবো॒ ভগো॒ গাব॒ ইন্দ্রো॑ মে অচ্ছাত্ । গাব॒-স্সোম॑স্য় প্রথ॒মস্য়॑ ভ॒ক্ষঃ । ই॒মা যা গাব॒-স্সজ॑নাস॒ ইন্দ্রঃ॑ । ই॒চ্ছামীদ্ধৃ॒দা মন॑সা চি॒দিন্দ্র᳚ম্ ॥ যূ॒য়-ঙ্গা॑বো মেদযথা কৃ॒শ-ঞ্চি॑ত্ । অ॒শ্লী॒ল-ঞ্চি॑-ত্কৃণুথা সু॒প্রতী॑কম্ । ভ॒দ্র-ঙ্গৃ॒হ-ঙ্কৃ॑ণুথ ভদ্রবাচঃ । বৃ॒হদ্বো॒ বয়॑ উচ্যতে স॒ভাসু॑ ॥ প্র॒জাব॑তী-স্সূ॒যব॑সগ্​ম্ রি॒শন্তীঃ᳚ (রু॒শন্তীঃ᳚) । শু॒দ্ধা অ॒প-স্সু॑প্রপা॒ণে পিব॑ন্তীঃ । মা ব॑-স্স্তে॒ন ঈ॑শত॒ মা-ঽঘশগ্​ম্॑সঃ । পরি॑বো হে॒তী রু॒দ্রস্য়॑ বৃঞ্জ্য়াত্ ॥ উপে॒দ-মু॑প॒পর্চ॑নম্ । আ॒সু গোষূপ॑পৃচ্যতাম্ । উপ॑র্​ষ॒ভস্য়॒ রেত॑সি । উপে᳚ন্দ্র॒ তব॑ বী॒র্য়ে᳚ ॥ 70 ॥
(চ॒রা॒মি॒ - কনী॑য়ো॒ - ঽন্য়া - নর্পি॑তা - প॒দানি॒ - যজ্ব॑সু - হবামহে - বি॒ষ্ঠা - লো॒কাঃ - সু॒বীর॒ - মর্বা॒ - পিব॑ন্তী॒-ষ্ষট্চ॑) (অ. 8)

অনুবাকং 9 - শুক্লকৃষ্ণপশ্বাদীনাং সূক্তানি
তা সূ᳚র্য়া চন্দ্র॒মসা॑ বিশ্ব॒ভৃত্ত॑মা ম॒হত্ । তেজো॒ বসু॑ম-দ্রাজতো দি॒বি । সামা᳚ত্মানা চরত-স্সামচা॒রিণা᳚ । যয়ো᳚র্ব্র॒ত-ন্ন ম॒মে জাতু॑ দে॒বয়োঃ᳚ ॥ উ॒ভাবন্তৌ॒ পরি॑য়াত॒ অর্ম্য়া᳚ । দি॒বো ন র॒শ্মীগ্​ স্ত॑নু॒তো-ব্য়॑র্ণ॒বে । উ॒ভা ভু॑ব॒ন্তী ভুব॑না ক॒বিক্র॑তূ । সূর্য়া॒ ন চ॒ন্দ্রা চ॑রতো হ॒তাম॑তী ॥ পতী᳚ দ্য়ু॒ম-দ্বি॑শ্ব॒বিদা॑ উ॒ভা দি॒বঃ । সূর্য়া॑ উ॒ভা চ॒ন্দ্রম॑সা বিচক্ষ॒ণা ॥ 71 ॥

বি॒শ্ববা॑রা বরিবো॒ভা বরে᳚ণ্য়া । তা নো॑-ঽবত-ম্মতি॒মন্তা॒ মহি॑ব্রতা ॥ বি॒শ্ব॒বপ॑রী প্র॒তর॑ণা তর॒ন্তা । সু॒ব॒র্বিদা॑ দৃ॒শয়ে॒ ভূরি॑রশ্মী । সূর্য়া॒ হি চ॒ন্দ্রা বসু॑ত্বে॒ষ-দ॑র্​শতা । ম॒ন॒স্বিনো॒ভা-ঽনু॑ চর॒তো নু॒ স-ন্দিব᳚ম্ ॥ অ॒স্য় শ্রবো॑ ন॒দ্য়॑-স্স॒প্ত বি॑ভ্রতি । দ্য়াবা॒ ক্ষামা॑ পৃথি॒বী দ॑র্​শ॒তং-বঁপুঃ॑ । অ॒স্মে সূ᳚র্য়া চন্দ্র॒মসা॑-ঽভি॒চক্ষে᳚ । শ্র॒দ্ধে কমি॑ন্দ্র চরতো বিচর্তু॒রম্ ॥ 72 ॥

পূ॒র্বা॒প॒র-ঞ্চ॑রতো মা॒য় যৈ॒তৌ । শিশূ॒ ক্রীড॑ন্তৌ॒ পরি॑য়াতো অদ্ধ্ব॒রম্ । বিশ্বা᳚ন্য়॒ন্য়ো ভুব॑না ঽভি॒চষ্টে᳚ । ঋ॒তূন॒ন্য়ো বি॒দধ॑জ্জাযতে॒ পুনঃ॑ ॥ হির॑ণ্যবর্ণা॒-শ্শুচ॑য়ঃ পাব॒কা যাসু॑ জা॒তঃ ক॒শ্যপো॒ যাস্বিন্দ্রঃ॑ । অ॒গ্নিং-য়াঁ গর্ভ॑-ন্দধি॒রে বিরূ॑পা॒স্তা ন॒ আপ॒-শ্শগ্গ্​ স্য়ো॒না ভ॑বন্তু ॥,
যাসা॒গ্​ম্॒ রাজা॒ বরু॑ণো॒ যাতি॒ মধ্য়ে॑ সত্য়ানৃ॒তে অ॑ব॒পশ্য়॒ন্ জনা॑নাম্ । ম॒ধু॒শ্চুত॒-শ্শুচ॑য়ো॒ যাঃ পা॑ব॒কাস্তা ন॒ আপ॒-শ্শগ্গ্​ স্য়ো॒না ভ॑বন্তু ॥ । যাসা᳚-ন্দে॒বা দি॒বি কৃ॒ণ্বন্তি॑ ভ॒ক্ষং-য়াঁ অ॒ন্তরি॑ক্ষে বহু॒ধা ভব॑ন্তি । যাঃ পৃ॑থি॒বী-ম্পয়॑সো॒ন্দন্তি॑শু॒ক্রাস্তা ন॒ আপ॒-শ্শগ্গ্​ স্য়ো॒না ভ॑বন্তু ॥, শি॒বেন॑ মা॒ চক্ষু॑ষা পশ্যতা-ঽঽপ-শ্শি॒বয়া॑ ত॒নুবোপ॑ স্পৃশত॒ ত্বচ॑-ম্মে । সর্বাগ্​ম্॑ অ॒গ্নীগ্​ম্ র॑ফ্সু॒ষদো॑ হুবে বো॒ ময়ি॒ বর্চো॒ বল॒মোজো॒ নি ধ॑ত্ত ॥ । আপো॑ ভ॒দ্রা ঘৃ॒তমিদাপ॑ আসুর॒গ্নী-ষোমৌ॑ বিভ্র॒ত্য়াপ॒ ই-ত্তাঃ । তী॒ব্রো রসো॑ মধু॒পৃচা॑ -মরঙ্গ॒ম আ মা᳚ প্রা॒ণেন॑ স॒হ বর্চ॑সা গন্ন্ ॥, আদি-ত্প॑শ্য়াম্য়ু॒ত বা॑ শৃণো॒ম্য়া মা॒ ঘোষো॑ গচ্ছতি॒ বান্ন॑ আসাম্ । মন্য়ে॑ ভেজা॒নো অ॒মৃত॑স্য়॒ তর্​হি॒ হির॑ণ্যবর্ণা॒ অতৃ॑পং-য়ঁ॒দা বঃ॑ ॥ ॥ নাস॑দাসী॒ন্নো সদা॑সী-ত্ত॒দানী᳚ম্ । নাসী॒-দ্রজো॒ নো ব্য়ো॑মাপ॒রো যত্ । কিমাব॑রীবঃ॒ কুহ॒ কস্য়॒ শর্মন্ন্॑ ॥ 73 ॥

অম্ভঃ॒ কিমা॑সী॒-দ্গহ॑ন-ঙ্গভী॒রম্ ॥ ন মৃ॒ত্য়ুর॒মৃত॒-ন্তর্​হি॒ ন । রাত্রি॑য়া॒ অহ্ন॑ আসী-ত্প্রকে॒তঃ । আনী॑দবা॒তগ্গ্​ স্ব॒ধয়া॒ তদেক᳚ম্ । তস্মা᳚-দ্ধা॒ন্য়-ন্ন প॒রঃ (প॒রং) কিঞ্চ॒ নাস॑ ॥ তম॑ আসী॒-ত্তম॑সা গূ॒ঢমগ্রে᳚ প্রকে॒তম্ । স॒লি॒লগ্​ম্ সর্ব॑মা ই॒দম্ । তু॒চ্ছে না॒ভ্বপি॑হিতQং-য়ঁদাসী᳚ত্ । তম॑স॒ স্তন্ম॑হি॒না জা॑য়॒তৈক᳚ম্ ॥ কাম॒স্তদগ্রে॒ সম॑বর্ত॒তাধি॑ ॥ 74 ॥

মন॑সো॒ রেতঃ॑ প্রথ॒মং-য়ঁদাসী᳚ত্ । স॒ তো বন্ধু॒মস॑তি॒ নির॑বিন্দন্ন্ (নির॑বিদন্ন্) । হৃ॒দি প্র॒তীষ্য়া॑ ক॒বয়ো॑ মনী॒ষা ॥ তি॒র॒শ্চীনো॒ বিত॑তো র॒শ্মিরে॑ষাম্ । অ॒ধ-স্স্বি॑দা॒সী(3) দু॒পরি॑ স্বিদাসী(3)ত্ । রে॒তো॒ধা আ॑স-ন্মহি॒মান॑ আসন্ন্ । স্ব॒ধা অ॒বস্তা॒-ত্প্রয়॑তিঃ প॒রস্তা᳚ত্ ॥ কো অ॒দ্ধা বে॑দ॒ ক ই॒হ প্রবো॑চত্ । কুত॒ আজা॑তা॒ কুত॑ ই॒য়ং-বিঁসৃ॑ষ্টিঃ । অ॒র্বাগ্দে॒বা অ॒স্য় বি॒সর্জ॑নায় ॥ 75 ॥

অথা॒ কো বে॑দ॒ যত॑ আব॒ভূব॑ ॥ ই॒য়ং-বিঁসৃ॑ষ্টি॒-র্যত॑ আব॒ভূব॑ । যদি॑ বা দ॒ধে যদি॑ বা॒ ন । যো অ॒স্য়াদ্ধ্য়॑ক্ষঃ পর॒মে ব্য়ো॑মন্ন্ । সো অ॒ঙ্গ বে॑দ॒ যদি॑ বা॒ ন বেদ॑ ॥ কিগ্গ্​স্বি॒দ্বন॒-ঙ্ক উ॒ স বৃ॒ক্ষ আ॑সীত্ । যতো॒ দ্য়াবা॑পৃথি॒বী নি॑ষ্টত॒ক্ষুঃ । মনী॑ষিণো॒ মন॑সা পৃ॒চ্ছতেদু॒ তত্ । যদ॒দ্ধ্যতি॑ষ্ঠ॒-দ্ভুব॑নানি ধা॒রযন্ন্॑ ॥ ব্রহ্ম॒ বন॒-ম্ব্রহ্ম॒ স বৃ॒ক্ষ আ॑সীত্ ॥ 76 ॥

যতো॒ দ্য়াবা॑পৃথি॒বী নি॑ষ্টত॒ক্ষুঃ । মনী॑ষিণো॒ মন॑সা॒ বিব্র॑বীমি বঃ । ব্রহ্মা॒দ্ধ্যতি॑ষ্ঠ॒-দ্ভুব॑নানি ধা॒রযন্ন্॑ ॥ প্রা॒তর॒গ্নি-ম্প্রা॒তরিন্দ্রগ্​ম্॑ হবামহে । প্রা॒ত র্মি॒ত্রাবরু॑ণা প্রা॒তর॒শ্বিনা᳚ । প্রা॒ত র্ভগ॑-ম্পূ॒ষণ॒-ম্ব্রহ্ম॑ণ॒স্পতি᳚ম্ । প্রা॒তস্সোম॑মু॒ত রু॒দ্রগ্​ম্ হু॑বেম ॥ প্রা॒ত॒র্জিত॒-ম্ভগ॑মু॒গ্রগ্​ম্ হু॑বেম । ব॒য়-ম্পু॒ত্রমদি॑তে॒র্য়ো বি॑ধ॒র্তা । আ॒দ্ধ্রশ্চি॒দ্য়-ম্মন্য়॑মান-স্তু॒রশ্চি॑ত্ ॥ 77 ॥

রাজা॑ চি॒দ্য়-ম্ভগ॑-ম্ভ॒ক্ষীত্য়াহ॑ ॥ ভগ॒ প্রণে॑ত॒র্ভগ॒ সত্য়॑রাধঃ । ভগে॒মা-ন্ধিয়॒মুদ॑ব॒ দদ॑ন্নঃ । ভগ॒ প্রণো॑ জনয়॒ গোভি॒রশ্বৈঃ᳚ । ভগ॒ প্রনৃভি॑-র্নৃ॒বন্ত॑-স্স্য়াম । উ॒তেদানী॒-ম্ভগ॑বন্ত-স্স্য়াম ॥ উ॒ত প্রপি॒ত্ব উ॒ত মদ্ধ্য়ে॒ অহ্না᳚ম্ । উ॒তোদি॑তা মঘব॒ন্-থ্সূর্য়॑স্য় । ব॒য়-ন্দে॒বানাগ্​ম্॑ সুম॒তৌ স্য়া॑ম ॥ ভগ॑ এ॒ব ভগ॑বাগ্​ম্ অস্তু দেবাঃ ॥ 78 ॥

তেন॑ ব॒য়-ম্ভগ॑বন্ত-স্স্য়াম । ত-ন্ত্বা॑ ভগ॒ সর্ব॒ ইজ্জো॑হবীমি । স নো॑ ভগ পুর এ॒তা ভ॑বে॒হ ॥ সম॑দ্ধ্ব॒রায়ো॒ষসো॑ নমন্ত । দ॒ধি॒ক্রাবে॑ব॒ শুচ॑য়ে প॒দায়॑ । অ॒র্বা॒চী॒নং-বঁ॑সু॒বিদ॒-ম্ভগ॑ন্নঃ । রথ॑মি॒বাশ্বা॑ বা॒জিন॒ আব॑হন্তু ॥ অশ্বা॑বতী॒-র্গোম॑তী-র্ন উ॒ষাসঃ॑ । বী॒রব॑তী॒-স্সদ॑মুচ্ছন্তু ভ॒দ্রাঃ । ঘৃ॒ত-ন্দুহা॑না বি॒শ্বতঃ॒ প্রপী॑নাঃ । যূ॒য়-ম্পা॑ত স্ব॒স্তিভি॒-স্সদা॑ নঃ ॥ 79 ॥
(বি॒চ॒ক্ষ॒ণা - বি॑চর্তু॒রগ্​ম্ - শর্ম॒ - ন্নধি॑ - বি॒সর্জ॑নায়॒ - ব্রহ্ম॒ বন॒-ম্ব্রহ্ম॒ স বৃ॒ক্ষ আ॑সীত্- তু॒রশ্চি॑-দ্- দেবাঃ॒ - প্রপী॑না॒ এক॑-ঞ্চ) (অ. 9)

(পীবো᳚-ঽন্না॒ - মগ্নে॒ ত্ব-ম্পা॑র - যানাঘৃ॒ষ্য়ঃ - শুচি॒-ন্নু স্তোমং॑ - ঁবি॒শ্রয়॑মাণো - দি॒বো রু॒ক্মো - ঽন্ন॑-ম্প্রা॒ণং - তা সূ᳚র্য়াচন্দ্র॒মসা॒ নব॑সপ্ততিঃ)

(পীবো᳚ন্না - ঁয়ূ॒য়-ম্পা॑ত স্ব॒স্তিভি॒-স্সদা॑নঃ)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকে অষ্টমঃ প্রপাঠক-স্সমাপ্তঃ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে দ্বিতীয়াষ্টকং সমাপ্তম্ ॥