কৃষ্ণ যজুর্বেদীয় তৈত্তিরীয় আরণ্যকে চতুর্থঃ প্রপাঠকঃ - প্রবর্গ্য় মন্ত্রাঃ
ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥
অনুবাকং 1
নমো॑ বা॒চে যা চো॑দি॒তা যা চানু॑দিতা॒ তস্য়ৈ॑ বা॒চে নমো॒ নমো॑ বা॒চে নমো॑ বা॒চস্পত॑য়ে॒ নম॒ ঋষি॑ভ্য়ো মন্ত্র॒কৃদ্ভ্য়ো॒ মন্ত্র॑পতিভ্য়ো॒ মা মামৃষ॑য়ো মন্ত্র॒কৃতো॑ মন্ত্র॒পত॑য়ঃ॒ পরা॑দু॒র্মা-ঽহমৃষী᳚-ন্মন্ত্র॒কৃতো॑ মন্ত্র॒পতী॒-ন্পরা॑দাং-বৈঁশ্বদে॒বীং-বাঁচ॑মুদ্য়াসগ্ম্ শি॒বামদ॑স্তা॒-ঞ্জুষ্টা᳚-ন্দে॒বেভ্য়॒-শ্শর্ম॑ মে॒ দ্য়ৌ-শ্শর্ম॑ পৃথি॒বী শর্ম॒ বিশ্ব॑মি॒দ-ঞ্জগ॑ত্ ।
শর্ম॑ চ॒ন্দ্রশ্চ॒ সূর্য়॑শ্চ॒ শর্ম॑ ব্রহ্মপ্রজাপ॒তী ॥
ভূ॒তং-বঁ॑দিষ্য়ে॒ ভুব॑নং-বঁদিষ্য়ে॒ তেজো॑ বদিষ্য়ে॒ যশো॑ বদিষ্য়ে॒ তপো॑ বদিষ্য়ে॒ ব্রহ্ম॑ বদিষ্য়ে স॒ত্য়ং-বঁ॑দিষ্য়ে॒ তস্মা॑ অ॒হমি॒দ-মু॑প॒স্তর॑ণ॒-মুপ॑স্তৃণ উপ॒স্তর॑ণ-ম্মে প্র॒জায়ৈ॑ পশূ॒না-ম্ভূ॑য়া-দুপ॒স্তর॑ণম॒হ-ম্প্র॒জায়ৈ॑ পশূ॒না-ম্ভূ॑য়াস॒-ম্প্রাণা॑পানৌ মৃ॒ত্য়োর্মা॑ পাত॒-ম্প্রাণা॑পানৌ॒ মা মা॑ হাসিষ্ট॒-ম্মধু॑ মনিষ্য়ে॒ মধু॑ জনিষ্য়ে॒ মধু॑ বক্ষ্য়ামি॒ মধু॑ বদিষ্য়ামি॒ মধু॑মতী-ন্দে॒বেভ্য়ো॒ বাচ॑মুদ্য়াসগ্ম্ শুশ্রূ॒ষেণ্য়া᳚-ম্মনু॒ষ্য়ে᳚ভ্য়॒স্ত-ম্মা॑ দে॒বা অ॑বন্তু শো॒ভায়ৈ॑ পি॒তরো-ঽনু॑মদন্তু ॥
ওং শান্তি॒-শ্শান্তি॒-শ্শান্তিঃ॑ ॥ 1 ॥ (অ. 1)
অনুবাকং 2
যু॒ঞ্জতে॒ মন॑ উ॒ত যু॑ঞ্জতে॒ ধিয়ঃ॑ । বিপ্রা॒ বিপ্র॑স্য় বৃহ॒তো বি॑প॒শ্চিতঃ॑ । বি হোত্রা॑ দধে বয়ুনা॒বিদেক॒ ইত্ । ম॒হী দে॒বস্য়॑ সবি॒তুঃ পরি॑ষ্টুতিঃ ॥ দে॒বস্য়॑ ত্বা সবি॒তুঃ প্র॑স॒বে । অ॒শ্বিনো᳚-র্বা॒হুভ্য়া᳚ম্ ।
পূ॒ষ্ণো হস্তা᳚ভ্য়া॒মাদ॑দে ॥ অভ্রি॑রসি॒ নারি॑রসি ।
অ॒দ্ধ্ব॒র॒কৃ-দ্দে॒বেভ্য়ঃ॑ । উত্তি॑ষ্ঠ ব্রহ্মণস্পতে ॥ 2 ॥
দে॒ব॒যন্ত॑স্ত্বেমহে । উপ॒ প্রয়॑ন্তু ম॒রুত॑-স্সু॒দান॑বঃ । ইন্দ্র॑ প্রা॒শূর্ভ॑বা॒ সচা᳚ ॥ প্রৈতু॒ ব্রহ্ম॑ণ॒স্পতিঃ॑ । প্র দে॒ব্য়ে॑তু সূ॒নৃতা᳚ ।
অচ্ছা॑ বী॒রন্নর্য়॑-ম্প॒ঙ্ক্তিরা॑ধসম্ । দে॒বা য॒জ্ঞন্ন॑যন্তু নঃ ॥ দেবী᳚ দ্য়াবাপৃথিবী॒ অনু॑ মে মগ্ম্সাথাম্ । ঋ॒দ্ধ্য়াস॑ম॒দ্য় । ম॒খস্য়॒ শিরঃ॑ ॥ 3 ॥
ম॒খায়॑ ত্বা । ম॒খস্য়॑ ত্বা শী॒র্ষ্ণে ॥ ইয়॒ত্যগ্র॑ আসীঃ ।
ঋ॒দ্ধ্য়াস॑ম॒দ্য় । ম॒খস্য়॒ শিরঃ॑ । ম॒খায়॑ ত্বা । ম॒খস্য়॑ ত্বা শী॒র্ষ্ণে ॥ দেবী᳚-র্বম্রীর॒স্য় ভূ॒তস্য়॑ প্রথমজা ঋতাবরীঃ ॥ ঋ॒দ্ধ্য়াস॑ম॒দ্য় । ম॒খস্য়॒ শিরঃ॑ ॥ 4 ॥
ম॒খায়॑ ত্বা । ম॒খস্য়॑ ত্বা শী॒র্ষ্ণে ॥ ইন্দ্র॒স্য়ৌজো॑-ঽসি ।
ঋ॒দ্ধ্য়াস॑ম॒দ্য় । ম॒খস্য়॒ শিরঃ॑ । ম॒খায়॑ ত্বা । ম॒খস্য়॑ ত্বা শী॒র্ষ্ণে ॥ অ॒গ্নি॒জা অ॑সি প্র॒জাপ॑তে॒ রেতঃ॑ । ঋ॒দ্ধ্য়াস॑ম॒দ্য় । ম॒খস্য়॒ শিরঃ॑ ॥ 5 ॥
ম॒খায়॑ ত্বা । ম॒খস্য়॑ ত্বা শী॒র্ষ্ণে ॥ আয়ু॑-র্ধেহি প্রা॒ণ-ন্ধে॑হি । অ॒পা॒ন-ন্ধে॑হি ব্য়া॒ন-ন্ধে॑হি । চক্ষু॑-র্ধেহি॒ শ্রোত্র॑-ন্ধেহি । মনো॑ ধেহি॒ বাচ॑-ন্ধেহি । আ॒ত্মান॑-ন্ধেহি প্রতি॒ষ্ঠা-ন্ধে॑হি ।
মা-ন্ধে॑হি॒ ময়ি॑ ধেহি ॥ মধু॑ ত্বা মধু॒লা ক॑রোতু ।
ম॒খস্য়॒ শিরো॑-ঽসি ॥ 6 ॥
য॒জ্ঞস্য়॑ প॒দে স্থঃ॑ । গা॒য়॒ত্রেণ॑ ত্বা॒ ছন্দ॑সা করোমি । ত্রৈষ্টু॑ভেন ত্বা॒ ছন্দ॑সা করোমি । জাগ॑তেন ত্বা॒ ছন্দ॑সা করোমি ॥ ম॒খস্য়॒ রাস্না॑-ঽসি । অদি॑তিস্তে॒ বিল॑ঙ্গৃহ্ণাতু । পাঙ্ক্তে॑ন॒ ছন্দ॑সা ।
সূর্য়॑স্য়॒ হর॑সা শ্রায় । ম॒খো॑-ঽসি ॥ 7 ॥
(প॒তে॒ - শির॑ - ঋতাবরীর্-ঋদ্ধ্য়াস॑ম॒দ্য় ম॒খস্য়॒ শিরঃ॒ - শিরঃ॒ - শিরো॑-ঽসি॒ - +নব॑ চ) (অ. 2)
(ইয়॑তি॒ দেবী॒রিন্দ্র॒স্য়ৌজো᳚-ঽস্যগ্নি॒জা অ॒স্য়ায়ু॑র্ধেহি প্রা॒ণ-ম্পঞ্চ॑)
অনুবাকং 3
বৃষ্ণো॒ অশ্ব॑স্য় নি॒ষ্পদ॑সি । বরু॑ণস্ত্বা ধৃ॒তব্র॑ত॒ আধূ॑পযতু । মি॒ত্রাবরু॑ণয়োর্
ধ্রু॒বেণ॒ ধর্ম॑ণা ॥ অ॒র্চিষে᳚ ত্বা । শো॒চিষে᳚ ত্বা ।
জ্য়োতি॑ষে ত্বা । তপ॑সে ত্বা ॥ অ॒ভীম-ম্ম॑হি॒না দিব᳚ম্ ।
মি॒ত্রো ব॑ভূব স॒প্রথাঃ᳚ । উ॒ত শ্রব॑সা পৃথি॒বীম্ ॥ 8 ॥
মি॒ত্রস্য়॑ চর্ষণী॒ধৃতঃ॑ ।
শ্রবো॑ দে॒বস্য়॑ সান॒সিম্ । দ্য়ু॒ম্নঞ্চি॒ত্রশ্র॑বস্তমম্ ॥ সিদ্ধ্য়ৈ᳚ ত্বা । দে॒বস্ত্বা॑ সবি॒তোদ্ব॑পতু ।
সু॒পা॒ণি-স্স্ব॑ঙ্গু॒রিঃ । সু॒বা॒হুরু॒ত শক্ত্য়া᳚ ॥ অপ॑দ্যমানঃ পৃথি॒ব্য়াম্ । আশা॒ দিশ॒ আ পৃ॑ণ । উত্তি॑ষ্ঠ বৃ॒হ-ন্ভ॑ব ॥ 9 ॥
ঊ॒র্ধ্বস্তি॑ষ্ঠ ধ্রু॒বস্ত্বম্ ॥ সূর্য়॑স্য় ত্বা॒ চক্ষু॒ষা-ঽন্বী᳚ক্ষে । ঋ॒জবে᳚ ত্বা । সা॒ধবে᳚ ত্বা । সু॒ক্ষি॒ত্য়ৈ ত্বা॒ ভূত্য়ৈ᳚ ত্বা ॥
ই॒দম॒হম॒মুমা॑মুষ্য়ায়॒ণং-বিঁ॒শা প॒শুভি॑-র্ব্রহ্মবর্চ॒সেন॒ পর্য়ূ॑হামি ।
গা॒য়॒ত্রেণ॑ ত্বা॒ ছন্দ॒সা ঽঽচ্ছৃ॑ণদ্মি । ত্রৈষ্টু॑ভেন ত্বা॒ ছন্দ॒সা ঽঽচ্ছৃ॑ণদ্মি ।
জাগ॑তেন ত্বা॒ ছন্দ॒সা ঽঽচ্ছৃ॑ণদ্মি । ছৃ॒ণত্তু॑ ত্বা॒ বাক্ । ছৃ॒ণত্তু॒ ত্বোর্ক্ । ছৃ॒ণত্তু॑ ত্বা হ॒বিঃ ।
ছৃ॒ন্ধি বাচ᳚ম্ । ছৃ॒ন্ধ্য়ূর্জ᳚ম্ । ছৃ॒ন্ধি হ॒বিঃ ॥
দেব॑ পুরশ্চর স॒ঘ্য়াস॑ন্ত্বা ॥ 10 ॥
(পৃ॒থি॒বীম্ - ভ॑ব॒ - বা-খ্ষট্চ॑) (অ. 3)
অনুবাকং 4
ব্রহ্ম॑-ন্প্রব॒র্গ্য়ে॑ণ॒ প্রচ॑রিষ্য়ামঃ ।
হোত॑-র্ঘ॒র্মম॒ভিষ্টু॑হি । অগ্নী॒দ্রৌহি॑ণৌ পুরো॒ডাশা॒বধি॑শ্রয় । প্রতি॑প্রস্থাত॒র্বিহ॑র ।
প্রস্তো॑ত॒-স্সামা॑নি গায় ॥ যজু॑র্য়ুক্ত॒গ্ম্॒ সাম॑ভি॒রাক্ত॑খন্ত্বা । বিশ্বৈ᳚-র্দে॒বৈরনু॑মত-ম্ম॒রুদ্ভিঃ॑ । দক্ষি॑ণাভিঃ॒ প্রত॑ত-ম্পারয়ি॒ষ্ণুম্ ।
স্তুভো॑ বহন্তু সুমন॒স্যমা॑নম্ । স নো॒ রুচ॑ন্ধে॒হ্যহৃ॑ণীযমানঃ । ভূর্ভুব॒স্সুবঃ॑ ।
ওমিন্দ্র॑বন্তঃ॒ প্রচ॑রত ॥ 11 ॥
(অহৃ॑ণীযমানো॒ দ্বে চ॑) (অ. 4)
অনুবাকং 5
ব্রহ্ম॒-ন্প্রচ॑রিষ্য়ামঃ । হোত॑-র্ঘ॒র্মম॒ভিষ্টু॑হি ॥ য॒মায়॑ ত্বা ম॒খায়॑ ত্বা । সূর্য়॑স্য়॒ হর॑সে ত্বা ॥ প্রা॒ণায়॒ স্বাহা᳚ ব্য়া॒নায়॒ স্বাহা॑ ঽপা॒নায়॒ স্বাহা᳚ ।
চক্ষু॑ষে॒ স্বাহা॒ শ্রোত্রা॑য়॒ স্বাহা᳚ । মন॑সে॒ স্বাহা॑ বা॒চে সর॑স্বত্য়ৈ॒ স্বাহা᳚ । দক্ষা॑য়॒ স্বাহা॒ ক্রত॑বে॒ স্বাহা᳚ । ওজ॑সে॒ স্বাহা॒ বলা॑য়॒ স্বাহা᳚ ॥
দে॒বস্ত্বা॑ সবি॒তা মদ্ধ্বা॑-ঽনক্তু ॥ 12 ॥
পৃ॒থি॒বী-ন্তপ॑সস্ত্রাযস্ব । অ॒র্চির॑সি শো॒চির॑সি॒ জ্য়োতি॑রসি॒ তপো॑-ঽসি । সগ্ম্সী॑দস্ব ম॒হাগ্ম্ অ॑সি । শোচ॑স্ব দেব॒বীত॑মঃ । বি ধূ॒মম॑গ্নে অরু॒ষ-ম্মি॑য়েদ্ধ্য় । সৃ॒জ প্র॑শস্ত দর্শ॒তম্ ॥
অ॒ঞ্জন্তি॒ য-ম্প্র॒থয়॑ন্তো॒ ন বিপ্রাঃ᳚ । ব॒পাব॑ন্ত॒ন্নাগ্নিনা॒ তপ॑ন্তঃ ।
পি॒তুর্ন পু॒ত্র উপ॑সি॒ প্রেষ্ঠঃ॑ । আ ঘ॒র্মো অ॒গ্নিমৃ॒তয়॑ন্নসাদীত্ ॥ 13 ॥
অ॒না॒ধৃ॒ষ্য়া পু॒রস্তা᳚ত্ । অ॒গ্নেরাধি॑পত্য়ে ।
আয়ু॑র্মে দাঃ । পু॒ত্রব॑তী দক্ষিণ॒তঃ । ইন্দ্র॒স্য়াধি॑পত্য়ে । প্র॒জা-ম্মে॑ দাঃ । সু॒ষদা॑ প॒শ্চাত্ । দে॒বস্য়॑ সবি॒তুরাধি॑পত্য়ে । প্রা॒ণ-ম্মে॑ দাঃ । আশ্রু॑তিরুত্তর॒তঃ ॥ 14 ॥
মি॒ত্রাবরু॑ণয়ো॒রাধি॑পত্য়ে । শ্রোত্র॑-ম্মে দাঃ । বিধৃ॑তিরু॒পরি॑ষ্টাত্ । বৃহ॒স্পতে॒রাধি॑পত্য়ে ।
ব্রহ্ম॑ মে দাঃ, ক্ষ॒ত্র-ম্মে॑ দাঃ । তেজো॑ মে ধা॒ বর্চো॑ মে ধাঃ । যশো॑ মে ধা॒ স্তপো॑ মে ধাঃ ।
মনো॑ মে ধাঃ ॥ মনো॒রশ্বা॑-ঽসি॒ ভূরি॑পুত্রা ।
বিশ্বা᳚ভ্য়ো মা না॒ষ্ট্রাভ্য়ঃ॑ পাহি ॥ 15 ॥
সূ॒প॒সদা॑ মে ভূয়া॒ মা মা॑ হিগ্ম্সীঃ ॥ তপো॒ ষ্ব॑গ্নে॒ অন্ত॑রাগ্ম্ অ॒মিত্রান্॑ ।
তপা॒শগ্ম্স॑মর॒রুষঃ॒ পর॑স্য় । তপা॑ বসো চিকিতা॒নো অ॒চিত্তান্॑ । বি তে॑ তিষ্ঠন্তাম॒জরা॑ অ॒য়াসঃ॑ ॥ চিত॑-স্স্থ পরি॒চিতঃ॑ । স্বাহা॑ ম॒রুদ্ভিঃ॒ পরি॑শ্রযস্ব । মা অ॑সি । প্র॒মা অ॑সি । প্র॒তি॒মা অ॑সি ॥ 16 ॥
স॒ম্মা অ॑সি । বি॒মা অ॑সি । উ॒ন্মা অ॑সি । অ॒ন্তরি॑ক্ষস্য়ান্ত॒র্ধির॑সি ॥
দিব॒ন্তপ॑সস্ত্রাযস্ব । আ॒ভি-র্গী॒র্ভি-র্যদতো॑ ন ঊ॒নম্ ।
আপ্য়া॑যয় হরিবো॒ বর্ধ॑মানঃ । য॒দা স্তো॒তৃভ্য়ো॒ মহি॑ গো॒ত্রা রু॒জাসি॑ । ভূ॒য়ি॒ষ্ঠ॒ভাজো॒ অধ॑ তে স্য়াম ॥ শু॒ক্রন্তে॑ অ॒ন্য়-দ্য়॑জ॒তন্তে॑ অ॒ন্যত্ ॥ 17 ॥
বিষু॑রূপে॒ অহ॑নী॒ দ্য়ৌরি॑বাসি । বিশ্বা॒ হি মা॒য়া অব॑সি স্বধাবঃ । ভ॒দ্রা তে॑ পূষন্নি॒হ রা॒তির॑স্তু ॥ অর্হ॑-ন্বিভর্ষি॒ সায়॑কানি॒ ধন্ব॑ । অর্হ॑ন্নি॒ষ্কং-য়ঁ॑জ॒তং-বিঁ॒শ্বরূ॑পম্ । অর্হ॑ন্নি॒দ-ন্দ॑যসে॒ বিশ্ব॒-মব্ভু॑বম্ । ন বা ওজী॑য়ো রুদ্র॒ ত্বদ॑স্তি ॥ গা॒য়॒ত্রম॑সি । ত্রৈষ্টু॑ভমসি । জাগ॑তমসি । মধু॒ মধু॒ মধু॑ ॥ 18 ॥
(অ॒ন॒ - ক্ত্ব॒সা॒দী॒ - দু॒ত্ত॒র॒তঃ - পা॑হি - প্রতি॒মা অ॑সি - যজ॒তন্তে॑ অ॒ন্যজ্ - জাগ॑তম॒স্য়েক॑-ঞ্চ) (অ. 5)
অনুবাকং 6
দশ॒ প্রাচী॒র্দশ॑ ভাসি দক্ষি॒ণা । দশ॑ প্র॒তীচী॒র্দশ॑ ভা॒স্য়ুদী॑চীঃ । দশো॒র্ধ্বা ভা॑সি সুমন॒স্যমা॑নঃ । স নো॒ রুচ॑ন্ধে॒হ্যহৃ॑ণীযমানঃ ॥
অ॒গ্নিষ্ট্বা॒ বসু॑ভিঃ পু॒রস্তা᳚-দ্রোচযতু গায়॒ত্রেণ॒ ছন্দ॑সা । স মা॑ রুচি॒তো রো॑চয় ॥ ইন্দ্র॑স্ত্বা রু॒দ্রৈ-র্দ॑ক্ষিণ॒তো রো॑চযতু॒ ত্রৈষ্টু॑ভেন॒ ছন্দ॑সা ।
স মা॑ রুচি॒তো রো॑চয় । বরু॑ণস্ত্বা-ঽঽদি॒ত্য়ৈঃ প॒শ্চা-দ্রো॑চযতু॒ জাগ॑তেন॒ ছন্দ॑সা ।
স মা॑ রুচি॒তো রো॑চয় ॥ 19 ॥
দ্য়ু॒তা॒নস্ত্বা॑ মারু॒তো ম॒রুদ্ভি॑রুত্তর॒তো রো॑চয়॒ত্বানু॑ষ্টুভেন॒ ছন্দ॑সা । স মা॑ রুচি॒তো রো॑চয় । বৃহ॒স্পতি॑স্ত্বা॒ বিশ্বৈ᳚-র্দে॒বৈরু॒পরি॑ষ্টা-দ্রোচযতু॒ পাঙ্ক্তে॑ন॒ ছন্দ॑সা । স মা॑ রুচি॒তো রো॑চয় ॥ রো॒চি॒তস্ত্ব-ন্দে॑ব ঘর্ম দে॒বেষ্বসি॑ ।
রো॒চি॒ষী॒য়াহ-ম্ম॑নু॒ষ্য়ে॑ষু ॥
সম্রা᳚ড্ ঘর্ম রুচি॒তস্ত্বং এ॒বেষ্বায়ু॑ষ্মাগ্স্তেজ॒স্বী ব্র॑হ্মবর্চ॒স্য়॑সি । রু॒চি॒তো॑-ঽহ-ম্ম॑নু॒ষ্য়ে᳚ষ্বায়ু॑ষ্মাগ্-স্তেজ॒স্বী ব্র॑হ্মবর্চ॒সী ভূ॑য়াসম্ ॥ রুগ॑সি । রুচ॒-ম্ময়ি॑ ধেহি ॥ 20 ॥
ময়ি॒ রুক্ ॥ দশ॑ পু॒রস্তা᳚-দ্রোচসে । দশ॑ দক্ষি॒ণা । দশ॑ প্র॒ত্যম্ম্ । দশোদঙ্ঙ্॑ । দশো॒র্ধ্বো ভা॑সি সুমন॒স্যমা॑নঃ । স ন॑-স্সম্রা॒ডিষ॒মূর্জ॑-ন্ধেহি । বা॒জী বা॒জিনে॑ পবস্ব । রো॒চি॒তো ঘ॒র্মো রু॑চী॒য় ॥ 21 ॥
(রো॒চ॒য়॒ - ধে॒হি॒ - +নব॑ চ) (অ. 6)
অনুবাকং 7
অপ॑শ্যঙ্গো॒পামনি॑পদ্যমানম্ । আ চ॒ পরা॑ চ প॒থিভি॒শ্চর॑ন্তম্ । স স॒দ্ধ্রীচী॒-স্স বিষূ॑চী॒র্বসা॑নঃ । আ ব॑রীবর্তি॒ ভুব॑নেষ্ব॒ন্তঃ ॥ অত্র॑ প্রা॒বীঃ । মধু॒ মাদ্ধ্বী᳚ভ্য়া॒-ম্মধু॒ মাধূ॑চীভ্য়াম্ । অনু॑ বা-ন্দে॒ববী॑তয়ে ॥ সম॒গ্নির॒গ্নিনা॑ গত । স-ন্দে॒বেন॑ সবি॒ত্রা । সগ্ম্ সূর্য়ে॑ণ রোচতে ॥ 22 ॥
স্বাহা॒ সম॒গ্নিস্তপ॑সা গত । স-ন্দে॒বেন॑ সবি॒ত্রা ।
সগ্ম্ সূর্য়ে॑ণারোচিষ্ট ॥ ধ॒র্তা দি॒বো বিভা॑সি॒ রজ॑সঃ । পৃ॒থি॒ব্য়া ধ॒র্তা । উ॒রোর॒ন্তরি॑ক্ষস্য় ধ॒র্তা । ধ॒র্তা দে॒বো দে॒বানা᳚ম্ । অম॑র্ত্যস্তপো॒জাঃ ॥ হৃ॒দে ত্বা॒ মন॑সে ত্বা । দি॒বে ত্বা॒ সূর্য়া॑য় ত্বা ॥ 23 ॥
ঊ॒র্ধ্বমি॒ম-ম॑দ্ধ্ব॒রঙ্কৃ॑ধি । দি॒বি দে॒বেষু॒ হোত্রা॑ যচ্ছ ॥ বিশ্বা॑সা-ম্ভুবা-ম্পতে । বিশ্ব॑স্য় ভুবনস্পতে । বিশ্ব॑স্য় মনসস্পতে । বিশ্ব॑স্য় বচসস্পতে । বিশ্ব॑স্য় তপসস্পতে । বিশ্ব॑স্য় ব্রহ্মণস্পতে । দে॒ব॒শ্রূস্ত্বন্দে॑ব ঘর্ম দে॒বা-ন্পা॑হি ॥ ত॒পো॒জাং-বাঁচ॑ম॒স্মে নিয়॑চ্ছ দেবা॒য়ুব᳚ম্ ॥ 24 ॥
গর্ভো॑ দে॒বানা᳚ম্ ॥ পি॒তা ম॑তী॒নাম্ ॥
পতিঃ॑ প্র॒জানা᳚ম্ ॥ মতিঃ॑ কবী॒নাম্ ॥
সন্দে॒বো দে॒বেন॑ সবি॒ত্রা-ঽয়॑তিষ্ট । সগ্ম্ সূর্য়ে॑ণারুক্ত ॥ আ॒য়ু॒র্দাস্ত্বম॒স্মভ্য়॑-ঙ্ঘর্ম বর্চো॒দা অ॑সি ॥ পি॒তা নো॑-ঽসি পি॒তা নো॑ বোধ ॥ আ॒য়ু॒র্ধাস্ত॑নূ॒ধাঃ প॑য়ো॒ধাঃ ।
ব॒র্চো॒দা ব॑রিবো॒দা দ্র॑বিণো॒দাঃ ॥ 25 ॥
অ॒ন্ত॒রি॒ক্ষ॒প্র॒ উ॒রোর্বরী॑য়ান্ । অ॒শী॒মহি॑ ত্বা॒ মা মা॑ হিগ্ম্সীঃ ॥ ত্বম॑গ্নে গৃ॒হপ॑তি-র্বি॒শাম॑সি । বিশ্বা॑সা॒-ম্মানু॑ষীণাম্ । শ॒ত-ম্পূ॒র্ভির্য়॑বিষ্ঠ পা॒হ্য়গ্ম্হ॑সঃ । স॒মে॒দ্ধারগ্ম্॑ শ॒তগ্ম্ হিমাঃ᳚ ।
ত॒-ন্দ্রা॒বিণগ্ম্॑ হার্দিবা॒নম্ । ই॒হৈব রা॒তয়॑-স্সন্তু ॥ ত্বষ্টী॑মতী তে সপেয় । সু॒রেতা॒ রেতো॒ দধা॑না ।
বী॒রং-বিঁ॑দেয়॒ তব॑ স॒ন্দৃশি॑ ।
মা-ঽহগ্ম্ রা॒যস্পোষে॑ণ॒ বি যো॑ষম্ ॥ 26 ॥
(রো॒চ॒তে॒-সূর্য়॑য় ত্বা - দেবা॒য়ুবং॑ - দ্রবিণো॒দা - দধা॑না॒ দ্বে চ॑) (অ. 7)
অনুবাকং 8
দে॒বস্য়॑ ত্বা সবি॒তুঃ প্র॑স॒বে । অ॒শ্বিনো᳚-র্বা॒হুভ্য়া᳚ম্ ।
পূ॒ষ্ণো হস্তা᳚ভ্য়া॒মা দ॑দে ॥ অদি॑ত্য়ৈ॒ রাস্না॑-ঽসি । ইড॒ এহি॑ । অদি॑ত॒ এহি॑ । সর॑স্ব॒ত্য়েহি॑ । অসা॒বেহি॑ ।
অসা॒বেহি॑ । অসা॒বেহি॑ ॥ 27 ॥
অদি॑ত্য়া উ॒ষ্ণীষ॑মসি । বা॒য়ুর॑স্য়ৈ॒ডঃ । পূ॒ষা ত্বো॒পাব॑সৃজতু । অ॒শ্বিভ্য়া॒-ম্প্র দা॑পয় । যস্তে॒ স্তন॑-শ্শশ॒য়ো যো ম॑য়ো॒ভূঃ । যেন॒ বিশ্বা॒ পুষ্য়॑সি॒ বার্য়া॑ণি । যো র॑ত্ন॒ধা ব॑সু॒বিদ্য়-স্সু॒দত্রঃ॑ ।
সর॑স্বতি॒ তমি॒হ ধাত॑বে-ঽকঃ ॥ উস্র॑ ঘ॒র্মগ্ম্ শিগ্ম্॑ষ । উস্র॑ ঘ॒র্ম-ম্পা॑হি ॥ 28 ॥
ঘ॒র্মায়॑ শিগ্ম্ষ । বৃহ॒স্পতি॒স্ত্বোপ॑সীদতু । দান॑ব-স্স্থ॒ পের॑বঃ । বি॒ষ্ব॒গ্বৃতো॒ লোহি॑তেন । অ॒শ্বিভ্য়া᳚-ম্পিন্বস্ব । সর॑স্বত্য়ৈ পিন্বস্ব ।
পূ॒ষ্ণে পি॑ন্বস্ব । বৃহ॒স্পত॑য়ে পিন্বস্ব । ইন্দ্রা॑য় পিন্বস্ব । ইন্দ্রা॑য় পিন্বস্ব ॥ 29 ॥
গা॒য়॒ত্রো॑-ঽসি । ত্রৈষ্টু॑ভো-ঽসি । জাগ॑তমসি । স॒হোর্জো ভা॒গেনোপ॒ মেহি॑ । ইন্দ্রা᳚শ্বিনা॒ মধু॑ন-স্সার॒ঘস্য়॑ । ঘ॒র্ম-ম্পা॑ত বসবো॒ যজ॑তা॒ বট্ । স্বাহা᳚ ত্বা॒ সূর্য়॑স্য় র॒শ্ময়ে॑ বৃষ্টি॒বন॑য়ে জুহোমি । মধু॑ হ॒বির॑সি । সূর্য়॑স্য়॒ তপ॑স্তপ । দ্য়াবা॑পৃথি॒বীভ্য়া᳚-ন্ত্বা॒ পরি॑গৃহ্ণামি ॥ 30 ॥
অ॒ন্তরি॑ক্ষেণ॒ ত্বোপ॑যচ্ছামি । দে॒বানা᳚-ন্ত্বা পিতৃ॒ণামনু॑মতো॒ ভর্তুগ্ম্॑ শকেযম্ । তেজো॑-ঽসি ।
তেজো-ঽনু॒প্রেহি॑ । দি॒বি॒স্পৃম্মা মা॑ হিগ্ম্সীঃ ।
অ॒ন্ত॒রি॒ক্ষ॒স্পৃম্মা মা॑ হিগ্ম্সীঃ । পৃ॒থি॒বি॒স্পৃম্মা মা॑ হিগ্ম্সীঃ ।
সুব॑রসি॒ সুব॑র্মে যচ্ছ ।
দিবং॑-য়ঁচ্ছ দি॒বো মা॑ পাহি ॥ 31 ॥
(এহি॑ - পাহি - পিন্বস্ব - গৃহ্ণামি॒ - +নব॑ চ) (অ. 8)
অনুবাকং 9
স॒মু॒দ্রায়॑ ত্বা॒ বাতা॑য়॒ স্বাহা᳚ । স॒লি॒লায়॑ ত্বা॒ বাতা॑য়॒ স্বাহা᳚ । অ॒না॒ধৃ॒ষ্য়ায়॑ ত্বা॒ বাতা॑য়॒ স্বাহা᳚ । অ॒প্র॒তি॒ধৃ॒ষ্য়ায়॑ ত্বা॒ বাতা॑য়॒ স্বাহা᳚ ।
অ॒ব॒স্যবে᳚ ত্বা॒ বাতা॑য়॒ স্বাহা᳚ । দুব॑স্বতে ত্বা॒ বাতা॑য়॒ স্বাহা᳚ । শিমি॑দ্বতে ত্বা॒ বাতা॑য়॒ স্বাহা᳚ । অ॒গ্নয়ে᳚ ত্বা॒ বসু॑মতে॒ স্বাহা᳚ ।
সোমা॑য় ত্বা রু॒দ্রব॑তে॒ স্বাহা᳚ ।
বরু॑ণায় ত্বা-ঽঽদি॒ত্যব॑তে॒ স্বাহা᳚ ॥ 32 ॥
বৃহ॒স্পত॑য়ে ত্বা বি॒শ্বদে᳚ব্য়াবতে॒ স্বাহা᳚ ।
স॒বি॒ত্রে ত্ব॑র্ভু॒মতে॑ বিভু॒মতে᳚ প্রভু॒মতে॒ বাজ॑বতে॒ স্বাহা᳚ । য॒মায়॒ ত্বা-ঽঙ্গি॑রস্বতে পিতৃ॒মতে॒ স্বাহা᳚ ॥ বিশ্বা॒ আশা॑ দক্ষিণ॒সত্ । বিশ্বা᳚-ন্দে॒বান॑য়াডি॒হ । স্বাহা॑কৃতস্য় ঘ॒র্মস্য়॑ । মধোঃ᳚ পিবতমশ্বিনা ।
স্বাহা॒-ঽগ্নয়ে॑ য॒জ্ঞিয়া॑য় । শং-য়ঁজু॑র্ভিঃ ॥
অশ্বি॑না ঘ॒র্ম-ম্পা॑তগ্ম্ হার্দিবা॒নম্ ॥ 33 ॥
অহ॑-র্দি॒বাভি॑-রূ॒তিভিঃ॑ । অনু॑ বা॒-ন্দ্য়াবা॑পৃথি॒বী মগ্ম্॑সাতাম্ । স্বাহেন্দ্রা॑য় ॥ স্বাহেন্দ্রা॒বট্ । ঘ॒র্মম॑পাতমশ্বিনা হার্দিবা॒নম্ ।
অহ॑-র্দি॒বাভি॑রূ॒তিভিঃ॑ । অনু॑ বা॒-ন্দ্য়াবা॑পৃথি॒বী অ॑মগ্ম্সাতাম্ । ত-ম্প্রা॒ব্য়ং॑-য়ঁথা॒ বট্ । নমো॑ দি॒বে । নমঃ॑ পৃথি॒ব্য়ৈ ॥ 34 ॥
দি॒বি ধা॑ ই॒মং-য়ঁ॒জ্ঞম্ । য॒জ্ঞমি॒ম-ন্দি॒বি ধাঃ᳚ । দিব॑ঙ্গচ্ছ । অ॒ন্তরি॑ক্ষঙ্গচ্ছ । পৃ॒থি॒বীঙ্গ॑চ্ছ । পঞ্চ॑ প্র॒দিশো॑ গচ্ছ । দে॒বা-ন্ঘ॑র্ম॒পা-ন্গ॑চ্ছ । পি॒তৄ-ন্ঘ॑র্ম॒পা-ন্গ॑চ্ছ ॥ 35 ॥
(আ॒দি॒ত্যব॑তে॒ স্বাহা॑-হার্দিবা॒নম্-পৃ॑থি॒ব্য়া-+অ॒ষ্টৌ চ॑) (অ. 9)
অনুবাকং 10
ই॒ষে পী॑পিহি । ঊ॒র্জে পী॑পিহি । ব্রহ্ম॑ণে পীপিহি । ক্ষ॒ত্রায়॑ পীপিহি । অ॒দ্ভ্য়ঃ পী॑পিহি । ওষ॑ধীভ্য়ঃ পীপিহি । বন॒স্পতি॑ভ্য়ঃ পীপিহি । দ্য়াবা॑পৃথি॒বীভ্য়া᳚-ম্পীপিহি । সু॒ভূ॒তায়॑ পীপিহি । ব্র॒হ্ম॒ব॒র্চ॒সায়॑ পীপিহি ॥ 36 ॥
যজ॑মানায় পীপিহি । মহ্য়॒ঞ্জ্য়ৈষ্ঠ্য়া॑য় পীপিহি ॥ ত্বিষ্য়ৈ᳚ ত্বা । দ্য়ু॒ম্নায়॑ ত্বা । ই॒ন্দ্রি॒য়ায়॑ ত্বা॒ ভূত্য়ৈ᳚ ত্বা । ধর্মা॑-ঽসি সু॒ধর্মা মে᳚ ন্য়॒স্মে । ব্রহ্মা॑ণি ধারয় । ক্ষ॒ত্রাণি॑ ধারয় । বিশ॑ন্ধারয় ।
নেত্ত্বা॒ বাত॑-স্স্ক॒ন্দয়া᳚ত্ ॥ 37 ॥
অ॒মুষ্য়॑ ত্বা প্রা॒ণে সা॑দয়ামি । অ॒মুনা॑ স॒হ নি॑র॒র্থঙ্গ॑চ্ছ । যো᳚-ঽস্মা-ন্দ্বেষ্টি॑ ।
যঞ্চ॑ ব॒য়-ন্দ্বি॒ষ্মঃ ॥ পূ॒ষ্ণে শর॑সে॒ স্বাহা᳚ ।
গ্রাব॑ভ্য়॒-স্স্বাহা᳚ । প্র॒তি॒রেভ্য়॒-স্স্বাহা᳚ । দ্য়াবা॑পৃথি॒বীভ্য়া॒গ্॒ স্বাহা᳚ ।
পি॒তৃভ্য়ো॑ ঘর্ম॒পেভ্য়॒-স্স্বাহা᳚ ॥
রু॒দ্রায়॑ রু॒দ্রহো᳚ত্রে॒ স্বাহা᳚ ॥ 38 ॥
অহ॒-র্জ্য়োতিঃ॑ কে॒তুনা॑ জুষতাম্ । সু॒জ্য়ো॒তি-র্জ্য়োতি॑ষা॒গ্॒ স্বাহা᳚ । রাত্রি॒র্জ্য়োতিঃ॑ কে॒তুনা॑ জুষতাম্ । সু॒জ্য়ো॒তি-র্জ্য়োতি॑ষা॒গ্॒ স্বাহা᳚ । অপী॑পরো॒ মা-ঽহ্নো॒ রাত্রি॑য়ৈ মা পাহি । এ॒ষা তে॑ অগ্নে স॒মিত্ । তয়া॒ সমি॑দ্ধ্যস্ব । আয়ু॑র্মে দাঃ । বর্চ॑সা মা-ঽঞ্জীঃ । অপী॑পরো মা॒ রাত্রি॑য়া॒ অহ্নো॑ মা পাহি ॥ 39 ॥
এ॒ষা তে॑ অগ্নে স॒মিত্ । তয়া॒ সমি॑দ্ধ্যস্ব । আয়ু॑র্মে দাঃ । বর্চ॑সা মা-ঽঞ্জীঃ । অ॒গ্নি-র্জ্য়োতি॒-র্জ্য়োতি॑র॒গ্নি-স্স্বাহা᳚ ।
সূর্য়ো॒ জ্য়োতি॒-র্জ্য়োতি॒-স্সূর্য়॒-স্স্বাহা᳚ । ভূ-স্স্বাহা᳚ । হু॒তগ্ম্ হ॒বিঃ । মধু॑ হ॒বিঃ । ইন্দ্র॑তমে॒-ঽগ্নৌ ॥ 40 ॥
পি॒তা নো॑-ঽসি॒ মা মা॑ হিগ্ম্সীঃ । অ॒শ্য়াম॑ তে দেবঘর্ম ।
মধু॑মতো॒ বাজ॑বতঃ পিতু॒মতঃ॑ । অঙ্গি॑রস্বত-স্স্বধা॒বিনঃ॑ । অ॒শী॒মহি॑ ত্বা॒ মা মা॑ হিগ্ম্সীঃ ॥ স্বাহা᳚ ত্বা॒ সূর্য়॑স্য় র॒শ্মিভ্য়ঃ॑ । স্বাহা᳚ ত্বা॒ নক্ষ॑ত্রেভ্য়ঃ ॥ 41 ॥
(ব্র॒হ্ম॒ব॒র্চ॒সায়॑ পীপিহি - স্ক॒ন্দয়া᳚-দ্- রু॒দ্রায়॑ রু॒দ্রহো᳚ত্রে॒ স্বাহা - ঽহ্নো॑ মা পাহ্ - য॒গ্নৌ - +স॒প্ত চ॑) (অ. 10)
অনুবাকং 11
ঘর্ম॒ যা তে॑ দি॒বি শুক্ । যা গা॑য়॒ত্রে ছন্দ॑সি । যা ব্রা᳚হ্ম॒ণে । যা হ॑বি॒র্ধানে᳚ । তান্ত॑ এ॒তেনাব॑যজে॒ স্বাহা᳚ ॥ ঘর্ম॒ যা তে॒-ঽন্তরি॑ক্ষে॒ শুক্ ।
যা ত্রৈষ্টু॑ভে॒ ছন্দ॑সি । যা রা॑জ॒ন্য়ে᳚ । যা-ঽঽগ্নী᳚দ্ধ্রে ।
তান্ত॑ এ॒তেনাব॑যজে॒ স্বাহা᳚ ॥ 42 ॥
ঘর্ম॒ যা তে॑ পৃথি॒ব্য়াগ্ম্ শুক্ । যা জাগ॑তে॒ ছন্দ॑সি । যা বৈশ্য়ে᳚ । যা সদ॑সি । তান্ত॑ এ॒তেনাব॑যজে॒ স্বাহা᳚ ॥ অ॒গ্নিশ্চ॑ হব্য়॒বাহ॑নো॒ ভব॑তা-ন্দা॒শুষে॒ ময়ঃ॑ ॥ অন্বিদ॑নুমতে॒ ত্ব-ম্মন্য়া॑সৈ॒ শঞ্চ॑নঃ কৃধি । ক্রত্বে॒ দক্ষা॑য় নো হিনু॒ প্রণ॒ আয়ূগ্ম্॑ষি তারিষঃ ॥ দি॒বস্ত্বা॑ পর॒স্পায়াঃ᳚ । অ॒ন্তরি॑ক্ষস্য় ত॒নুবঃ॑ পাহি । পৃ॒থি॒ব্য়াস্ত্বা॒ ধর্ম॑ণা ॥ 43 ॥
ব॒যমনু॑ক্রামাম সুবি॒তায়॒ নব্য়॑সে ॥ ব্রহ্ম॑ণস্ত্বা পর॒স্পায়াঃ᳚ । ক্ষ॒ত্রস্য়॑ ত॒নুবঃ॑ পাহি । বি॒শস্ত্বা॒ ধর্ম॑ণা । ব॒যমনু॑ক্রামাম সুবি॒তায়॒ নব্য়॑সে ॥ প্রা॒ণস্য়॑ ত্বা পর॒স্পায়ৈ᳚ । চক্ষু॑ষস্ত॒নুবঃ॑ পাহি । শ্রোত্র॑স্য় ত্বা॒ ধর্ম॑ণা । ব॒যমনু॑ক্রামাম সুবি॒তায়॒ নব্য়॑সে ॥ ব॒ল্গুর॑সি শং॒-য়ুঁধা॑য়াঃ ॥ 44 ॥
শিশু॒-র্জন॑ধায়াঃ ॥ শঞ্চ॒ বক্ষি॒ পরি॑ চ॒ বক্ষি॑ ।
চতু॑-স্স্রক্তি॒র্নাভি॑র্-ঋ॒তস্য়॑ । সদো॑ বি॒শ্বায়ু॒-শ্শর্ম॑ স॒প্রথাঃ᳚ । অপ॒ দ্বেষো॒ অপ॒ হ্বরঃ॑ । অ॒ন্যদ্ব্র॑তস্য় সশ্চিম । ঘর্মৈ॒ত-ত্তে-ঽন্ন॑মে॒ত-ত্পুরী॑ষম্ । তেন॒ বর্ধ॑স্ব॒ চা চ॑ প্য়াযস্ব । ব॒র্ধি॒ষী॒মহি॑ চ ব॒যম্ । আ চ॑ প্য়াসিষী॒মহি॑ ॥ 45 ॥
রন্তি॒-র্নামা॑সি দি॒ব্য়ো গ॑ন্ধ॒র্বঃ । তস্য়॑ তে প॒দ্বদ্ধ॑বি॒র্ধান᳚ম্ । অ॒গ্নিরদ্ধ্য়॑ক্ষাঃ । রু॒দ্রো-ঽধি॑পতিঃ ॥ সম॒হমায়ু॑ষা । স-ম্প্রা॒ণেন॑ ।
সং-বঁর্চ॑সা । স-ম্পয়॑সা । সঙ্গৌ॑প॒ত্য়েন॑ । সগ্ম্ রা॒যস্পোষে॑ণ ॥ 46 ॥
ব্য়॑সৌ । যো᳚-ঽস্মা-ন্দ্বেষ্টি॑ । যঞ্চ॑ ব॒য়-ন্দ্বি॒ষ্মঃ ॥
অচি॑ক্রদ॒দ্বৃষা॒ হরিঃ॑ । ম॒হা-ন্মি॒ত্রো ন দ॑র্শ॒তঃ । সগ্ম্ সূর্য়ে॑ণ রোচতে ॥ চিদ॑সি সমু॒দ্রয়ো॑নিঃ । ইন্দু॒-র্দক্ষ॑-শ্শ্য়ে॒ন ঋ॒তাবা᳚ । হির॑ণ্যপক্ষ-শ্শকু॒নো ভু॑র॒ণ্য়ুঃ । ম॒হান্-থ্স॒ধস্থে᳚ ধ্রু॒ব আনিষ॑ত্তঃ ॥ 47 ॥
নম॑স্তে অস্তু॒ মা মা॑ হিগ্ম্সীঃ ॥ বি॒শ্বাব॑সুগ্ম্ সোম গন্ধ॒র্বম্ । আপো॑ দদৃ॒শুষীঃ᳚ । তদৃ॒তেনা॒ ব্য়া॑যন্ন্ । তদ॒ন্ববৈ᳚ত্ । ইন্দ্রো॑ রারহা॒ণ আ॑সাম্ । পরি॒ সূর্য়॑স্য় পরি॒ধীগ্ম্ র॑পশ্যত্ ॥ বি॒শ্বাব॑সুর॒ভি তন্নো॑ গৃণাতু । দি॒ব্য়ো গ॑ন্ধ॒র্বো রজ॑সো বি॒মানঃ॑ ।
যদ্বা॑ ঘা স॒ত্যমু॒ত যন্ন বি॒দ্ম ॥ 48 ॥
ধিয়ো॑ হিন্বা॒নো ধিয়॒ ইন্নো॑ অব্য়াত্ ॥ সস্নি॑মবিন্দ॒চ্চর॑ণে ন॒দীনা᳚ম্ ।
অপা॑বৃণো॒-দ্দুরো॒ অশ্ম॑ব্রজানাম্ । প্রাসা᳚-ন্গন্ধ॒র্বো অ॒মৃতা॑নি বোচত্ । ইন্দ্রো॒ দক্ষ॒-ম্পরি॑জানাদ॒হীন᳚ম্ ॥ এ॒তত্ত্ব-ন্দে॑ব ঘর্ম দে॒বো দে॒বানুপা॑গাঃ ।
ই॒দম॒হ-ম্ম॑নু॒ষ্য়ো॑ মনু॒ষ্য়ান্॑ । সোম॑পী॒থানু॒ মেহি॑ । স॒হ প্র॒জয়া॑ স॒হ রা॒যস্পোষে॑ণ ॥
সু॒মি॒ত্রা ন॒ আপ॒ ওষ॑ধয়-স্সন্তু ॥ 49 ॥
দু॒র্মি॒ত্রাস্তস্মৈ॑ ভূয়াসুঃ । যো᳚-ঽস্মা-ন্দ্বেষ্টি॑ ।
যঞ্চ॑ ব॒য়-ন্দ্বি॒ষ্মঃ ॥ উদ্ব॒য়-ন্তম॑স॒স্পরি॒ পশ্য়॑ন্তো॒ জ্য়োতি॒রুত্ত॑রম্ । দে॒ব-ন্দে॑ব॒ত্রা সূর্য়॒মগ॑ন্ম॒ জ্য়োতি॑রুত্ত॒মম্ ॥ উদু॒ ত্য়-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য়॒ সূর্য়᳚ম্ । চি॒ত্র-ন্দে॒বানা॒-মুদ॑গা॒দনী॑ক॒-ঞ্চক্ষু॑ র্মি॒ত্রস্য়॒ বরু॑ণস্য়া॒-ঽগ্নেঃ ॥ ই॒মমূ॒ ষু ত্যম॒স্মভ্য়গ্ম্॑ স॒নিম্ । গা॒য়॒ত্রন্নবী॑য়াগ্ম্সম্ ।
অগ্নে॑ দে॒বেষু॒ প্রবো॑চঃ ॥ 50 ॥
(য়া-ঽঽগ্নী᳚দ্ধ্রে॒ তান্তা॑ এ॒তেনাব॑যজে॒ স্বাহা॒ - ধর্ম॑ণা - শং॒-য়ুঁধা॑য়াঃ - প্য়াসিষী॒মহি॒-পোষে॑ণ॒-নিষ॑ত্তো-বি॒দ্ম-স॑ন্-+ত্ব॒ষ্টৌ চ॑) (অ. 11)
অনুবাকং 12
ম॒হী॒না-ম্পয়ো॑-ঽসি॒ বিহি॑ত-ন্দেব॒ত্রা ।
জ্য়ো॒তি॒র্ভা অ॑সি॒ বন॒স্পতী॑না॒মোষ॑ধীনা॒গ্ম্॒ রসঃ॑ ।
বা॒জিন॑-ন্ত্বা বা॒জিনো-ঽব॑ নয়ামঃ ।
ঊ॒র্ধ্ব-ম্মন॑-স্সুব॒র্গম্ ॥ 51 ॥ (অ. 12)
অনুবাকং 13
অস্কা॒-ন্দ্য়ৌঃ পৃ॑থি॒বীম্ । অস্কা॑নৃষ॒ভো যুবা॒ গাঃ ।
স্ক॒ন্নেমা বিশ্বা॒ ভুব॑না । স্ক॒ন্নো য॒জ্ঞঃ প্রজ॑নযতু ॥ অস্কা॒নজ॑নি॒ প্রাজ॑নি । আ স্ক॒ন্নাজ্জা॑যতে॒ বৃষা᳚ ।
স্ক॒ন্না-ত্প্রজ॑নিষীমহি ॥ 52 ॥ (অ. 13)
অনুবাকং 14
যা পু॒রস্তা᳚-দ্বি॒দ্য়ুদাপ॑তত্ । তান্ত॑ এ॒তেনাব॑ যজে॒ স্বাহা᳚ । যা দ॑ক্ষিণ॒তঃ । যা প॒শ্চাত্ । যোত্ত॑র॒তঃ । যোপরি॑ষ্টা-দ্বি॒দ্য়ুদাপ॑তত্ । তান্ত॑ এ॒তেনাব॑ যজে॒ স্বাহা᳚ ॥ 53 ॥ (অ. 14)
অনুবাকং 15
প্রা॒ণায়॒ স্বাহা᳚ ব্য়া॒নায়॒ স্বাহা॑ ঽপা॒নায়॒ স্বাহা᳚ ।
চক্ষু॑ষে॒ স্বাহা॒ শ্রোত্রা॑য়॒ স্বাহা᳚ ।
মন॑সে॒ স্বাহা॑ বা॒চে সর॑স্বত্য়ৈ॒ স্বাহা᳚ ॥ 54 ॥ (অ. 15)
অনুবাকং 16
পূ॒ষ্ণে স্বাহা॑ পূ॒ষ্ণে শর॑সে॒ স্বাহা᳚ ।
পূ॒ষ্ণে প্র॑প॒ত্থ্য়া॑য়॒ স্বাহা॑ পূ॒ষ্ণে ন॒রন্ধি॑ষায়॒ স্বাহা᳚ । পূ॒ষ্ণে-ঽঙ্ঘৃ॑ণয়ে॒ স্বাহা॑ পূ॒ষ্ণে ন॒রুণা॑য়॒ স্বাহা᳚ ।
পূ॒ষ্ণে সা॑কে॒তায়॒ স্বাহা᳚ ॥ 55 ॥ (অ. 16)
অনুবাকং 17
উদ॑স্য়॒ শুষ্মা᳚-দ্ভা॒নুর্নার্ত॒ বিভ॑র্তি । ভা॒র-ম্পৃ॑থি॒বী ন ভূম॑ । প্র শু॒ক্রৈতু॑ দে॒বী ম॑নী॒ষা । অ॒স্ম-থ্সুত॑ষ্টো॒ রথো॒ ন বা॒জী । অর্চ॑ন্ত॒ একে॒ মহি॒ সাম॑ মন্বত । তেন॒ সূর্য়॑মধারযন্ন্ ।
তেন॒ সূর্য়॑মরোচযন্ন্ । ঘ॒র্ম-শ্শির॒স্তদ॒যম॒গ্নিঃ ।
পুরী॑ষমসি॒ সম্প্রি॑য়-ম্প্র॒জয়া॑ প॒শুভি॑র্ভুবত্ । প্র॒জাপতি॑স্ত্বা সাদযতু । তয়া॑ দে॒বত॑য়া ঽঙ্গির॒স্ব-দ্ধ্রু॒বা সী॑দ ॥ 56 ॥ (অ. 17)
অনুবাকং 18
যাস্তে॑ অগ্ন আ॒র্দ্রা যোন॑য়ো॒ যাঃ কু॑লা॒য়িনীঃ᳚ ।
যে তে॑ অগ্ন॒ ইন্দ॑বো॒ যা উ॒ নাভ॑য়ঃ । যাস্তে॑ অগ্নে ত॒নুব॒ ঊর্জো॒ নাম॑ । তাভি॒স্ত্বমু॒ভয়ী॑ভি-স্সংবিঁদা॒নঃ । প্র॒জাভি॑রগ্নে॒ দ্রবি॑ণে॒হ সী॑দ ।
প্র॒জাপ॑তিস্ত্বা সাদযতু । তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ ॥ 57 ॥ (অ. 18)
অনুবাকং 19
অ॒গ্নির॑সি বৈশ্বান॒রো॑-ঽসি । সং॒বঁ॒থ্স॒রো॑-ঽসি পরিবথ্স॒রো॑-ঽসি । ই॒দা॒ব॒থ্স॒রো॑-ঽসীদুবথ্স॒রো॑-ঽসি । ই॒দ্ব॒থ্স॒রো॑-ঽসি বথ্স॒রো॑-ঽসি । তস্য়॑ তে বস॒ন্ত-শ্শিরঃ॑ । গ্রী॒ষ্মো দক্ষি॑ণঃ প॒ক্ষঃ । ব॒র্॒ষাঃ পুচ্ছ᳚ম্ ।
শ॒রদুত্ত॑রঃ প॒ক্ষঃ । হে॒ম॒ন্তো মদ্ধ্য়᳚ম্ । পূ॒র্ব॒প॒ক্ষাশ্চিত॑য়ঃ । অ॒প॒র॒প॒ক্ষাঃ পুরী॑ষম্ । অ॒হো॒রা॒ত্রাণীষ্ট॑কাঃ । তস্য়॑ তে॒ মাসা᳚শ্চার্ধমা॒সাশ্চ॑ কল্পন্তাম্ ।
ঋ॒তব॑স্তে কল্পন্তাম্ । সং॒বঁ॒থ্স॒রস্তে॑ কল্পতাম্ ।
অ॒হো॒রা॒ত্রাণি॑ তে কল্পন্তাম্ । এতি॒ প্রেতি॒ বীতি॒ সমিত্য়ুদিতি॑ ।
প্র॒জাপ॑তিস্ত্বা সাদযতু । তয়া॑ দে॒বত॑য়া-ঽঙ্গির॒স্ব-দ্ধ্রু॒বা সী॑দ ॥ 58 ॥
(চিত॑য়ো॒ নব॑ চ) (অ. 19)
অনুবাকং 20
ভূর্ভুব॒স্সুবঃ॑ । ঊ॒র্ধ্ব ঊ॒ ষুণ॑ ঊ॒তয়ে᳚ । ঊ॒র্ধ্বো নঃ॑ পা॒হ্য়গ্ম্হ॑সঃ ॥
বি॒ধুন্দ॑দ্রা॒ণগ্ম্ সম॑নে বহূ॒নাম্ । যুবা॑ন॒গ্ম্॒ সন্ত॑-ম্পলি॒তো জ॑গার । দে॒বস্য়॑ পশ্য়॒ কাব্য়॑-ম্মহি॒ত্বা-ঽদ্য়া ম॒মার॑ । স হ্য়॒-স্সমা॑ন ॥
যদৃ॒তে চি॑দভি॒শ্রিষঃ॑ । পু॒রা জ॒র্তৃভ্য়॑ আ॒তৃদঃ॑ ।
সন্ধা॑তা স॒ন্ধি-ম্ম॒ঘবা॑ পুরো॒বসুঃ॑ ॥ 59 ॥
নিষ্ক॑র্তা॒ বিহ্রু॑ত॒-ম্পুনঃ॑ ॥ পুন॑রূ॒র্জা নি ব॑র্তস্ব॒ পুন॑রগ্ন ই॒ষা-ঽঽয়ু॑ষা । পুন॑র্নঃ পাহি বি॒শ্বতঃ॑ ॥ স॒হ র॒য়্য়া নি ব॑র্ত॒স্বাগ্নে॒ পিন্ব॑স্ব॒ ধার॑য়া । বি॒শ্বফ্স্নি॑য়া বি॒শ্বত॒স্পরি॑ ॥ মা নো॑ ঘর্ম ব্যথি॒তো বি॑ব্যথো নঃ । মা নঃ॒ পর॒মধ॑র॒ম্মা রজো॑-ঽনৈঃ । মোষ্ব॑স্মাগ্ স্তম॑স্যন্ত॒রা ধাঃ᳚ । মা রু॒দ্রিয়া॑সো অ॒ভিগু॑র্বৃ॒ধানঃ॑ ॥ মা নঃ॒ ক্রতু॑ভির্-হীডি॒তেভি॑র॒স্মান্ । দ্বিষা॑ সুনীতে॒ মা পরা॑দাঃ ।
মা নো॑ রু॒দ্রো নির্-ঋ॑তি॒র্মা নো॒ অস্তা᳚ ।
মা দ্য়াবা॑পৃথি॒বী হী॑ডিষাতাম্ ॥ 60 ॥
উপ॑ নো মিত্রাবরুণাবি॒হাব॑তম্ । অ॒ন্বাদী᳚দ্ধ্য়াথামি॒হ ন॑-স্সখায়া । আ॒দি॒ত্য়ানা॒-ম্প্রসি॑তির্হে॒তিঃ । উ॒গ্রা শ॒তাপা᳚ষ্ঠা ঘ॒ বিষা॒ পরি॑ণো বৃণক্তু ॥
ই॒ম-ম্মে॑ বরুণ শ্রুধী॒ হব॑ম॒দ্য়া চ॑ মৃডয় । ত্বাম॑ব॒স্য়ুরা চ॑কে ॥ তত্ত্বা॑ যামি॒ ব্রহ্ম॑ণা॒ বন্দ॑মান॒-স্তদা শা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒দ্ধ্য়ুরু॑শগ্ম্স॒ মা ন॒ আয়ুঃ॒ প্রমো॑ষীঃ ॥ ত্ব-ন্নো॑ অগ্নে॒ বরু॑ণস্য় বি॒দ্বা-ন্দে॒বস্য়॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষাগ্ম্॑সি॒ প্রমু॑মুগ্ধ্য়॒স্মত্ ॥
স ত্বন্নো॑ অন্গে-ঽব॒মো ভ॑বো॒তী নেদি॑ষ্ঠো অ॒স্য়া উ॒ষসো॒ ব্য়ু॑ষ্টৌ । অব॑ যক্ষ্ব নো॒ বরু॑ণ॒গ্ম্॒ ররা॑ণো বী॒হি মৃ॑ডী॒কগ্ম্ সু॒হবো॑ ন এধি ॥ ত্বম॑গ্নে অ॒য়া-ঽসি॑ । অ॒য়া সন্মন॑সা হি॒তঃ । অ॒য়া সনঃঅ॒ব্যমূ॑হিষে । অ॒য়া নো॑ ধেহি ভেষ॒জম্ । ই॒ষ্টো অ॒গ্নিরাহু॑তঃ । স্বাহা॑কৃতঃ পিপর্তু নঃ । স্ব॒গা দে॒বেভ্য়॑ ই॒দ-ন্নমঃ॑ ॥
উদ্ব॒য়-ন্তম॑স॒স্পরি॒ পশ্য়॑ন্তো॒ জ্য়োতি॒রুত্ত॑রম্ । দে॒ব-ন্দে॑ব॒ত্রা সূর্য়॒মগ॑ন্ম॒ জ্য়োতি॑রুত্ত॒মম্ ॥ উদু॒ ত্য়-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য়॒ সূর্য়᳚ম্ । চি॒ত্র-ন্দে॒বানা॒-মুদ॑গা॒দনী॑ক॒-ঞ্চক্ষু॑ র্মি॒ত্রস্য়॒ বরু॑ণস্য়া॒-ঽগ্নেঃ ॥
বয়॑-স্সুপ॒র্ণা উপ॑সেদু॒রিন্দ্র᳚ম্ । প্রি॒যমে॑ধা॒ ঋষ॑য়ো॒ নাধ॑মানাঃ । অপ॑ ধ্বা॒ন্তমূ᳚র্ণু॒হি পূ॒র্ধি চক্ষুঃ॑ । মু॒মু॒গ্ধ্য়॑স্মা-ন্নি॒ধয়ে॑ব ব॒দ্ধান্ ॥ 61 ॥
(পু॒রো॒বসু॑র্হীডিষাতাগ্ম্ সুপ॒র্ণাঃ) (অ. 20)
অনুবাকং 21
ভূর্ভুব॒স্সুবঃ॑ । ময়ি॒ ত্যদি॑ন্দ্রি॒য়-ম্ম॒হত্ । ময়ি॒ দক্ষো॒ ময়ি॒ ক্রতুঃ॑ । ময়ি॑ ধায়ি সু॒বীর্য়᳚ম্ । ত্রিশু॑গ্ঘ॒র্মো বিভা॑তু মে । আকূ᳚ত্য়া॒ মন॑সা স॒হ ।
বি॒রাজা॒ জ্য়োতি॑ষা স॒হ । য॒জ্ঞেন॒ পয়॑সা স॒হ । ব্রহ্ম॑ণা॒ তেজ॑সা স॒হ । ক্ষ॒ত্রেণ॒ যশ॑সা স॒হ । স॒ত্য়েন॒ তপ॑সা স॒হ । তস্য়॒ দোহ॑মশীমহি ।
তস্য়॑ সু॒ম্নম॑শীমহি । তস্য়॑ ভ॒ক্ষম॑শীমহি ।
তস্য়॑ ত॒ ইন্দ্রে॑ণ পী॒তস্য়॒ মধু॑মতঃ ।
উপ॑হূত॒স্য়োপ॑হূতো ভক্ষয়ামি ॥ 62 ॥
(যশ॑সা স॒হ ষট্চ॑) (অ. 21)
অনুবাকং 22
যাস্তে॑ অগ্নে ঘো॒রাস্ত॒নুবঃ॑ । ক্ষুচ্চ॒ তৃষ্ণা॑ চ । অস্নু॒ক্চানা॑হুতিশ্চ । অ॒শ॒ন॒য়া চ॑ পিপা॒সা চ॑ । সে॒দিশ্চাম॑তিশ্চ । এ॒তাস্তে॑ অগ্নে ঘো॒রাস্ত॒নুবঃ॑ ।
তাভি॑র॒মুঙ্গ॑চ্ছ । যো᳚-ঽস্মা-ন্দ্বেষ্টি॑ ।
যঞ্চ॑ ব॒য়-ন্দ্বি॒ষ্মঃ ॥ 63 ॥ (অ. 22)
অনুবাকং 23
স্নিক্চ॒ স্নীহি॑তিশ্চ॒ স্নিহি॑তিশ্চ । উ॒ষ্ণা চ॑ শী॒তা চ॑ ।
উ॒গ্রা চ॑ ভী॒মা চ॑ । স॒দাম্নী॑ সে॒দিরনি॑রা । এ॒তাস্তে॑ অগ্নে ঘো॒রাস্ত॒নুবঃ॑ । তাভি॑র॒মুঙ্গ॑চ্ছ । যো᳚-ঽস্মা-ন্দ্বেষ্টি॑ । যঞ্চ॑ ব॒য়-ন্দ্বি॒ষ্মঃ ॥ 64 ॥ (অ. 23)
অনুবাকং 24
ধুনি॑শ্চ ধ্বা॒ন্তশ্চ॑ ধ্ব॒নশ্চ॑ ধ্ব॒নযগ্গ্॑শ্চ ।
নি॒লি॒ম্পশ্চ॑ বিলি॒ম্পশ্চ॑ বিক্ষি॒পঃ ॥ 65 ॥ (অ. 24)
অনুবাকং 25
উ॒গ্রশ্চ॒ ধুনি॑শ্চ ধ্বা॒ন্তশ্চ॑ ধ্ব॒নশ্চ॑ ধ্ব॒নযগ্গ্॑শ্চ । স॒হ॒স॒হ্বাগ্শ্চ॒ সহ॑মানশ্চ॒ সহ॑স্বাগ্শ্চ॒ সহী॑য়াগ্শ্চ ।
এত্য়॒ প্রেত্য়॑ বিক্ষি॒পঃ ॥ 66 ॥ (অ. 25)
অনুবাকং 26
অ॒হো॒রা॒ত্রে ত্বোদী॑রযতাম্ । অ॒র্ধ॒মা॒সাস্ত্বোদী᳚-ঞ্জযন্তু । মাসা᳚স্ত্বা শ্রপযন্তু । ঋ॒তব॑স্ত্বা পচন্তু ।
সং॒বঁ॒থ্স॒রস্ত্বা॑ হন্ত্বসৌ ॥ 67 ॥ (অ. 26)
অনুবাকং 27
খট্ ফ-ড্জ॒হি । ছি॒ন্ধী ভি॒ন্ধী হ॒ন্ধী কট্ ।
ইতি॒ বাচঃ॑ ক্রূরা॒ণি ॥ 68 ॥ (অ. 27)
অনুবাকং 28
বিগা ই॑ন্দ্র বি॒চর᳚ন্-থ্স্পাশযস্ব । স্ব॒পন্ত॑মিন্দ্র পশু॒মন্ত॑মিচ্ছ । বজ্রে॑ণা॒মু-ম্বো॑ধয় দুর্বি॒দত্র᳚ম্ । স্ব॒প॒তো᳚-ঽস্য়॒ প্রহ॑র॒ ভোজ॑নেভ্য়ঃ ॥
অগ্নে॑ অ॒গ্নিনা॒ সংবঁ॑দস্ব । মৃত্য়ো॑ মৃ॒ত্য়ুনা॒ সংবঁ॑দস্ব । নম॑স্তে অস্তু ভগবঃ ॥ স॒কৃত্তে॑ অগ্নে॒ নমঃ॑ । দ্বিস্তে॒ নমঃ॑ । ত্রিস্তে॒ নমঃ॑ । চ॒তুস্তে॒ নমঃ॑ । প॒ঞ্চ॒কৃত্ব॑স্তে॒ নমঃ॑ ।
দ॒শ॒কৃত্ব॑স্তে॒ নমঃ॑ । শ॒ত॒কৃত্ব॑স্তে॒ নমঃ॑ । আ॒স॒হ॒স্র॒কৃত্ব॑স্তে॒ নমঃ॑ । অ॒প॒রি॒মি॒ত॒কৃত্ব॑স্তে॒ নমঃ॑ । নম॑স্তে অস্তু॒ মা মা॑ হিগ্ম্সীঃ ॥ 69 ॥
(ত্রিস্তে॒ নম॑-স্স॒প্ত চ॑) (অ. 28)
অনুবাকং 29
অসৃ॑-ন্মুখো রুধি॒রেণা॒ব্য়॑ক্তঃ । য॒মস্য়॑ দূ॒ত-শ্শ্বপা॒-দ্বিধা॑বসি । গৃদ্ধ্র॑-স্সুপ॒র্ণঃ কু॒ণপ॒ন্নিষে॑বসে ।
য॒মস্য়॑ দূ॒তঃ প্রহি॑তো ভ॒বস্য়॑ চো॒ভয়োঃ᳚ ॥ 70 ॥ (অ. 29)
অনুবাকং 30
যদে॒ত-দ্বৃ॑ক॒সো ভূ॒ত্বা । বাগ্ দে᳚ব্যভি॒রায়॑সি । দ্বি॒ষন্ত॑-ম্মে॒-ঽভিরা॑য় । ত-ম্মৃ॑ত্য়ো মৃ॒ত্যবে॑ নয় । স আর্ত্য়া-ঽঽর্তি॒মার্চ্ছ॑তু ॥ 71 ॥ (অ. 30)
অনুবাকং 31
যদী॑ষি॒তো যদি॑ বা স্বকা॒মী । ভ॒য়েড॑কো॒ বদ॑তি॒ বাচ॑মে॒তাম্ । তামি॑ন্দ্রা॒গ্নী ব্রহ্ম॑ণা সংবিঁদা॒নৌ ।
শি॒বাম॒স্মভ্য়॑-ঙ্কৃণুতঙ্গৃ॒হেষু॑ ॥ 72 ॥ (অ. 31)
অনুবাকং 32
দীর্ঘ॑মুখি॒ দুর্হ॑ণু । মা স্ম॑ দক্ষিণ॒তো ব॑দঃ ।
যদি॑ দক্ষিণ॒তো বদা᳚-দ্দ্বি॒ষন্ত॒-ম্মে-ঽব॑ বাধাসৈ ॥ 73 ॥ (অ. 32)
অনুবাকং 33
ই॒ত্থাদুলূ॑ক॒ আপ॑প্তত্ । হি॒র॒ণ্য়া॒ক্ষো অয়ো॑মুখঃ ।
রক্ষ॑সান্দূ॒ত আগ॑তঃ । তমি॒তো না॑শয়াগ্নে ॥ 74 ॥ (অ. 33)
অনুবাকং 34
যদে॒ত-দ্ভূ॒তান্য়॑ন্বা॒বিশ্য়॑ । দৈবীং॒-বাঁচং॑-বঁ॒দসি॑ । দ্বি॒ষতো॑ নঃ॒ পরা॑বদ । তা-ন্মৃ॑ত্য়ো মৃ॒ত্যবে॑ নয় । ত আর্ত্য়া-ঽঽর্তি॒মার্চ্ছ॑ন্তু ।
অ॒গ্নিনা॒-ঽগ্নি-স্সংবঁ॑দতাম্ ॥ 75 ॥ (অ. 34)
অনুবাকং 35
প্র॒সার্য়॑ স॒ক্থ্য়ৌ॑ পত॑সি । স॒ব্যমক্ষি॑ নি॒পেপি॑ চ ।
মেহ ক॑স্যচ॒নাম॑মত্ ॥ 76 ॥ (অ. 35)
অনুবাকং 36
অত্রি॑ণা ত্বা ক্রিমে হন্মি । কণ্বে॑ন জ॒মদ॑গ্নিনা ।
বি॒শ্বাব॑সো॒-র্ব্রহ্ম॑ণা হ॒তঃ । ক্রিমী॑ণা॒গ্ম্॒ রাজা᳚ ।
অপ্য়ে॑ষাগ্ স্থ॒পতি॑র্হ॒তঃ । অথো॑ মা॒তা-ঽথো॑ পি॒তা ।
অথো᳚ স্থূ॒রা অথো᳚ ক্ষু॒দ্রাঃ । অথো॑ কৃ॒ষ্ণা অথো᳚ শ্বে॒তাঃ । অথো॑ আ॒শাতি॑কা হ॒তাঃ ।
শ্বে॒তাভি॑-স্স॒হ সর্বে॑ হ॒তাঃ ॥ 77 ॥ (অ. 36)
অনুবাকং 37
আহ॒রাব॑দ্য় । শৃ॒তস্য়॑ হ॒বিষো॒ যথা᳚ । ত-থ্স॒ত্যম্ ।
যদ॒মুং-য়ঁ॒মস্য়॒ জম্ভ॑য়োঃ । আদ॑ধামি॒ তথা॒ হি তত্ । খণ্ফণ্ম্রসি॑ ॥ 78 ॥ (অ. 37)
অনুবাকং 38
ব্রহ্ম॑ণা ত্বা শপামি । ব্রহ্ম॑ণস্ত্বা শ॒পথে॑ন শপামি । ঘো॒রেণ॑ ত্বা॒ ভৃগূ॑ণা॒ঞ্চক্ষু॑ষা॒ প্রেক্ষে᳚ । রৌ॒দ্রেণ॒ ত্বাঙ্গি॑রসা॒-ম্মন॑সা ধ্য়ায়ামি ।
অ॒ঘস্য়॑ ত্বা॒ ধার॑য়া বিদ্ধ্য়ামি ।
অধ॑রো॒ ম-ত্প॑দ্যস্বাসৌ ॥ 79 ॥ (অ. 38)
অনুবাকং 39
উত্তু॑দ শিমিজাবরি । তল্পে॑জে॒ তল্প॒ উত্তু॑দ । গি॒রীগ্ম্ রনু॒ প্রবে॑শয় । মরী॑চী॒রুপ॒ সন্নু॑দ ।
যাব॑দি॒তঃ পু॒রস্তা॑দু॒দয়া॑তি॒ সূর্য়ঃ॑ ।
তাব॑দি॒তো॑-ঽমুন্না॑শয় । যো᳚-ঽস্মা-ন্দ্বেষ্টি॑ ।
যঞ্চ॑ ব॒য়-ন্দ্বি॒ষ্মঃ ॥ 80 ॥ (অ. 39)
অনুবাকং 40
ভূর্ভুব॒স্সুবো॒ ভূর্ভুব॒স্সুবো॒ ভূর্ভুব॒স্সুবঃ॑ ।
ভুবো᳚-ঽদ্ধায়ি॒ ভুবো᳚-ঽদ্ধায়ি॒ ভুবো᳚-ঽদ্ধায়ি ।
নৃ॒ম্ণায়ি নৃ॒ম্ণ-ন্নৃ॒ম্ণায়ি নৃ॒ম্ণ-ন্নৃ॒ম্ণায়ি নৃ॒ম্ণম্ । নি॒ধা য্য়ো॑-ঽবায়ি নি॒ধা য্য়ো॑-ঽবায়ি নি॒ধা য্য়ো॑-ঽবায়ি । এ অ॒স্মে অ॒স্মে । সুব॒র্ন জ্য়োতীঃ᳚ ॥ 81 ॥ (অ. 40)
অনুবাকং 41
পৃ॒থি॒বী স॒মিত্ । তাম॒গ্নি-স্সমি॑ন্ধে । সা-ঽগ্নিগ্ম্ সমি॑ন্ধে । তাম॒হগ্ম্ সমি॑ন্ধে । সা মা॒ সমি॑দ্ধা । আয়ু॑ষা॒ তেজ॑সা । বর্চ॑সা শ্রি॒য়া । যশ॑সা ব্রহ্মবর্চ॒সেন॑ । অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ ॥
অ॒ন্তরি॑ক্ষগ্ম্ স॒মিত্ ॥ 82 ॥
তাং-বাঁ॒য়ু-স্সমি॑ন্ধে । সা বা॒য়ুগ্ম্ সমি॑ন্ধে । তাম॒হগ্ম্ সমি॑ন্ধে । সা মা॒ সমি॑দ্ধা । আয়ু॑ষা॒ তেজ॑সা । বর্চ॑সা শ্রি॒য়া । যশ॑সা ব্রহ্মবর্চ॒সেন॑ । অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ ।
দ্য়ৌ-স্স॒মিত্ । তামা॑দি॒ত্য়-স্সমি॑ন্ধে ॥ 83 ॥
সা-ঽঽদি॒ত্য়গ্ম্ সমি॑ন্ধে । তাম॒হগ্ম্ সমি॑ন্ধে । সা মা॒ সমি॑দ্ধা । আয়ু॑ষা॒ তেজ॑সা । বর্চ॑সা শ্রি॒য়া । যশ॑সা ব্রহ্মবর্চ॒সেন॑ । অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ ॥ প্রা॒জা॒প॒ত্য়া মে॑ স॒মিদ॑সি সপত্ন॒ক্ষয়॑ণী ।
ভ্রা॒তৃ॒ব্য়॒হা মে॑-ঽসি॒ স্বাহা᳚ ॥ অগ্নে᳚ ব্রতপতে ব্র॒তঞ্চ॑রিষ্য়ামি ॥ 84 ॥
তচ্ছ॑কেয়॒-ন্তন্মে॑ রাদ্ধ্যতাম্ । বায়ো᳚ ব্রতপত॒ আদি॑ত্য় ব্রতপতে । ব্র॒তানাং᳚-ব্রঁতপতে ব্র॒তঞ্চ॑রিষ্য়ামি । তচ্ছ॑কেয়॒-ন্তন্মে॑ রাদ্ধ্যতাম্ ॥ দ্য়ৌ-স্স॒মিত্ । তামা॑দি॒ত্য়-স্সমি॑ন্ধে । সা-ঽঽদি॒ত্য়গ্ম্ সমি॑ন্ধে ।
তাম॒হগ্ম্ সমি॑ন্ধে । সা মা॒ সমি॑দ্ধা । আয়ু॑ষা॒ তেজ॑সা ॥ 85 ॥
বর্চ॑সা শ্রি॒য়া । যশ॑সা ব্রহ্মবর্চ॒সেন॑ । অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ ।
অ॒ন্তরি॑ক্ষগ্ম্ স॒মিত্ । তাং-বাঁ॒য়ু-স্সমি॑ন্ধে । সা বা॒য়ুগ্ম্ সমি॑ন্ধে । তাম॒হগ্ম্ সমি॑ন্ধে । সা মা॒ সমি॑দ্ধা । আয়ু॑ষা॒ তেজ॑সা । বর্চ॑সা শ্রি॒য়া ॥ 86 ॥
যশ॑সা ব্রহ্মবর্চ॒সেন॑ । অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ । পৃ॒থি॒বী স॒মিত্ । তাম॒গ্নি-স্সমি॑ন্ধে । সা-ঽগ্নিগ্ম্ সমি॑ন্ধে । তাম॒হগ্ম্ সমি॑ন্ধে ।
সা মা॒ সমি॑দ্ধা । আয়ু॑ষা॒ তেজ॑সা । বর্চ॑সা শ্রি॒য়া ।
যশ॑সা ব্রহ্মবর্চ॒সেন॑ ॥ 87 ॥
অ॒ন্নাদ্য়ে॑ন॒ সমি॑ন্তা॒গ্॒ স্বাহা᳚ । প্রা॒জা॒প॒ত্য়া মে॑ স॒মিদ॑সি সপত্ন॒ক্ষয়॑ণী । ভ্রা॒তৃ॒ব্য়॒হা মে॑-ঽসি॒ স্বাহা᳚ । আদি॑ত্য় ব্রতপতে ব্র॒তম॑চারিষম্ ।
তদ॑শক॒-ন্তন্মে॑-ঽরাধি । বায়ো᳚ ব্রতপ॒তে-ঽগ্নে᳚ ব্রতপতে । ব্র॒তানাং᳚-ব্রঁতপতে ব্র॒তম॑চারিষম্ । তদ॑শক॒-ন্তন্মে॑-ঽরাধি ॥ 88 ॥
(স॒মিথ্ - সমি॑ন্ধে - ব্র॒তঞ্চ॑রিষ্য়া॒ - ম্য়ায়ু॑ষা॒ তেজ॑সা॒ - বর্চ॑সা শ্রি॒য়া - যশ॑সা ব্রহ্মবর্চ॒সেনা॒ - +ষ্টৌ চ॑) (অ. 41)
অনুবাকং 42
শন্নো॒ বাতঃ॑ পবতা-ম্মাত॒রিশ্বা॒ শন্ন॑স্তপতু॒ সূর্য়ঃ॑ । অহা॑নি॒ শ-ম্ভ॑বন্তু ন॒-শ্শগ্ম্ রাত্রিঃ॒ প্রতি॑ধীযতাম্ ॥ শমু॒ষা নো॒ ব্য়ু॑চ্ছতু॒ শমা॑দি॒ত্য় উদে॑তু নঃ । শি॒বা ন॒-শ্শন্ত॑মা ভব সুমৃডী॒কা সর॑স্বতি । মা তে॒ ব্য়ো॑ম স॒ন্দৃশি॑ ॥
ইডা॑য়ৈ॒ বাস্ত্ব॑সি বাস্তু॒ম-দ্বা᳚স্তু॒মন্তো॑ ভূয়াস্ম॒ মা বাস্তো᳚-শ্ছিথ্স্মহ্য় বা॒স্তু-স্স ভূ॑য়া॒-দ্য়ো᳚-ঽস্মা-ন্দ্বেষ্টি॒ যঞ্চ॑ ব॒য়-ন্দ্বি॒ষ্মঃ ॥
প্র॒তি॒ষ্ঠা-ঽসি॑ প্রতি॒ষ্ঠাব॑ন্তো ভূয়াস্ম॒ মা প্র॑তি॒ষ্ঠায়া᳚- শ্ছিথ্স্মহ্য় প্রতি॒ষ্ঠঃ
স ভূ॑য়া॒-দ্য়ো᳚-ঽস্মা-ন্দ্বেষ্টি॒ যঞ্চ॑ ব॒য়-ন্দ্বি॒ষ্মঃ ॥ আ বা॑ত বাহি ভেষ॒জম্ ঁবি বা॑ত বাহি॒ যদ্রপঃ॑ ।
ত্বগ্ম্ হি বি॒শ্বভে॑ষজো দে॒বানা᳚-ন্দূ॒ত ঈয়॑সে ॥
দ্বাবি॒মৌ বাতৌ॑ বাত॒ আ সিন্ধা॒রা প॑রা॒বতঃ॑ ॥ 89 ॥
দক্ষ॑-ম্মে অ॒ন্য় আ॒বাতু॒ পরা॒-ঽন্য়ো বা॑তু॒ য-দ্রপঃ॑ ॥
যদ॒দো বা॑ত তে গৃ॒হে॑-ঽমৃত॑স্য় নি॒ধির্হি॒তঃ ।
ততো॑ নো দেহি জী॒বসে॒ ততো॑ নো ধেহি ভেষ॒জম্ ॥
ততো॑ নো॒ মহ॒ আব॑হ॒ বাত॒ আবা॑তু ভেষ॒জম্ ।
শ॒ম্ভূ-র্ম॑য়ো॒ভূর্নো॑ হৃ॒দে প্র ণ॒ আয়ূগ্ম্॑ষি তারিষত্ ॥ ইন্দ্র॑স্য় গৃ॒হো॑-ঽসি॒ ত-ন্ত্বা॒ প্রপ॑দ্য়ে॒ সগু॒স্সাশ্বঃ॑ । স॒হ যন্মে॒ অস্তি॒ তেন॑ ॥
ভূঃ প্রপ॑দ্য়ে॒ ভুবঃ॒ প্রপ॑দ্য়ে॒ সুবঃ॒ প্রপ॑দ্য়ে॒ ভূর্ভুব॒স্সুবঃ॒ প্রপ॑দ্য়ে বা॒য়ুম্
প্রপ॒দ্য়ে-ঽনা᳚র্তা-ন্দে॒বতা॒-ম্প্রপ॒দ্য়ে ঽশ্মা॑নমাখ॒ণ-ম্প্রপ॑দ্য়ে প্র॒জাপ॑তের্
ব্রহ্মকো॒শ-ম্ব্রহ্ম॒ প্রপ॑দ্য়॒ ও-ম্প্রপ॑দ্য়ে ॥
অ॒ন্তরি॑ক্ষ-ম্ম উ॒র্ব॑ন্তর॑-ম্বৃ॒হদ॒গ্নয়ঃ॒ পর্ব॑তাশ্চ॒ যয়া॒ বাত॑-স্স্ব॒স্ত্য়া স্ব॑স্তি॒মান্তয়া᳚ স্ব॒স্ত্য়া স্ব॑স্তি॒ মান॑সানি ॥
প্রাণা॑পানৌ মৃ॒ত্য়োর্মা॑ পাত॒-ম্প্রাণা॑পানৌ॒ মা মা॑ হাসিষ্ট॒-ম্ময়ি॑ মে॒ধা-ম্ময়ি॑ প্র॒জা-ম্ময়্য়॒গ্নি স্তেজো॑ দধাতু॒ ময়ি॑ মে॒ধা-ম্ময়ি॑ প্র॒জা-ম্ময়ীন্দ্র॑ ইন্দ্রি॒য়-ন্দ॑ধাতু॒ ময়ি॑ মে॒ধা-ম্ময়ি॑ প্র॒জা-ম্ময়ি॒ সূর্য়ো॒
ভ্রাজো॑ দধাতু ॥ 90 ॥
দ্য়ু॒ভির॒ক্তুভিঃ॒ পরি॑পাত-ম॒স্মানরি॑ষ্টেভি-রশ্বিনা॒ সৌভ॑গেভিঃ । তন্নো॑ মি॒ত্রো বরু॑ণো মামহন্তা॒ মদি॑তি॒-স্সিন্ধুঃ॑ পৃথি॒বী উ॒ত দ্য়ৌঃ ॥
কয়া॑ নশ্চি॒ত্র আভু॑বদূ॒তী স॒দাবৃ॑ধ॒-স্সখা᳚ । কয়া॒ শচি॑ষ্ঠয়া বৃ॒তা ॥ কস্ত্বা॑ স॒ত্য়ো মদা॑না॒-ম্মগ্ম্হি॑ষ্ঠো মথ্স॒দন্ধ॑সঃ ।
দৃ॒ঢা চি॑দা॒রুজে॒ বসু॑ ॥ অ॒ভী ষু ণ॒-স্সখী॑নামবি॒তা জ॑রিতৄ॒ণাম্ । শ॒ত-ম্ভ॑বাস্য়ূ॒তিভিঃ॑ ॥
বয়॑-স্সুপ॒র্ণা উপ॑সেদু॒রিন্দ্র॑-ম্প্রি॒যমে॑ধা॒ ঋষ॑য়ো॒ নাধ॑মানাঃ ।
অপ॑ ধ্বা॒ন্তমূ᳚র্ণু॒হি পূ॒র্ধি চক্ষু॑-র্মুমু॒গ্ধ্য়॑স্মা-ন্নি॒ধয়ে॑ব ব॒দ্ধান্ ॥ 91 ॥
শন্নো॑ দে॒বীর॒ভিষ্ট॑য়॒ আপো॑ ভবন্তু পী॒তয়ে᳚ । শং-য়োঁর॒ভিস্র॑বন্তু নঃ ॥ ঈশা॑না॒ বার্য়া॑ণা॒-ঙ্ক্ষয়॑ন্তীশ্চর্ষণী॒নাম্ । অ॒পো যা॑চামি ভেষ॒জম্ ॥
সু॒মি॒ত্রা ন॒ আপ॒ ওষ॑ধয়-স্সন্তু দুর্মি॒ত্রাস্তস্মৈ॑ ভূয়াসু॒-র্য়ো᳚-ঽস্মান্-দ্বেষ্টি॒ যঞ্চ॑ ব॒য়-ন্দ্বি॒ষ্মঃ ॥
আপো॒ হি ষ্ঠা ম॑য়ো॒ভুব॒স্তা ন॑ ঊ॒র্জে দ॑ধাতন । ম॒হে রণা॑য়॒ চক্ষ॑সে ॥ যো ব॑-শ্শি॒বত॑মো॒ রস॒স্তস্য়॑ ভাজযতে॒হ নঃ॑ । উ॒শ॒তীরি॑ব মা॒তরঃ॑ ॥
তস্মা॒ অর॑-ঙ্গমাম বো॒ যস্য়॒ ক্ষয়া॑য়॒ জিন্ব॑থ ॥ 92 ॥
আপো॑ জ॒নয়॑থা চ নঃ ॥
পৃ॒থি॒বী শা॒ন্তা সা-ঽগ্নিনা॑ শা॒ন্তা সা মে॑ শা॒ন্তা শুচগ্ম্॑ শমযতু ॥ অ॒ন্তরি॑ক্ষগ্ম্ শা॒ন্ত-ন্ত-দ্বা॒য়ুনা॑ শা॒ন্ত-ন্তন্মে॑ শা॒ন্তগ্ম্ শুচগ্ম্॑ শমযতু ।
দ্য়ৌ-শ্শা॒ন্তা সা-ঽঽদি॒ত্য়েন॑ শা॒ন্তা সা মে॑ শা॒ন্তা শুচগ্ম্॑ শমযতু ॥ পৃ॒থি॒বী শান্তি॑র॒ন্তরি॑ক্ষ॒গ্ম্॒ শান্তি॒-র্দ্য়ৌ-শ্শান্তি॒-র্দিশ॒-শ্শান্তি॑ রবান্তরদি॒শা-শ্শান্তি॑ র॒গ্নি-শ্শান্তি॑-র্বা॒য়ু-শ্শান্তি॑ রাদি॒ত্য়-শ্শান্তি॑
শ্চ॒ন্দ্রমা॒-শ্শান্তি॒-র্নক্ষ॑ত্রাণি॒ শান্তি॒ রাপ॒-শ্শান্তি॒ রোষ॑ধয়॒-শ্শান্তি॒-র্বন॒স্পত॑য়॒-শ্শান্তি॒-র্গৌ-শ্শান্তি॑ র॒জা শান্তি॒ রশ্ব॒-শ্শান্তিঃ॒ পুরু॑ষ॒-শ্শান্তি॒-র্ব্রহ্ম॒ শান্তি॑-র্ব্রাহ্ম॒ণ-শ্শান্তি॒-শ্শান্তি॑রে॒ব শান্তি॒-শ্শান্তি॑র্মে অস্তু॒ শান্তিঃ॑ ॥
তয়া॒-ঽহগ্ম্ শা॒ন্ত্য়া স॑র্বশা॒ন্ত্য়া মহ্য়॑-ন্দ্বি॒পদে॒ চতু॑ষ্পদে চ॒ শান্তি॑-ঙ্করোমি॒ শান্তি॑র্মে অস্তু॒ শান্তিঃ॑ ॥
এহ॒ শ্রীশ্চ॒ হ্রীশ্চ॒ ধৃতি॑শ্চ॒ তপো॑ মে॒ধা প্র॑তি॒ষ্ঠা শ্র॒দ্ধা স॒ত্য়-ন্ধর্ম॑শ্চৈ॒তানি॒ মোত্তি॑ষ্ঠন্ত॒-মনূত্তি॑ষ্ঠন্তু॒ মা মা॒গ্॒ শ্রীশ্চ॒ হ্রীশ্চ॒ ধৃতি॑শ্চ॒ তপো॑ মে॒ধা প্র॑তি॒ষ্ঠা শ্র॒দ্ধা স॒ত্য়-ন্ধর্ম॑শ্চৈ॒তানি॑ মা॒ মা হা॑সিষুঃ ॥
উদায়ু॑ষা স্বা॒য়ুষোদোষ॑ধীনা॒গ্ম্॒ রসে॒নো-ত্প॒র্জন্য়॑স্য়॒ শুষ্মে॒ণোদ॑স্থা-ম॒মৃতা॒গ্ম্॒ অনু॑ ॥ তচ্চক্ষু॑-র্দে॒বহি॑ত-ম্পু॒রস্তা᳚ চ্ছু॒ক্রমু॒চ্চর॑ত্ ।
পশ্য়ে॑ম শ॒রদ॑-শ্শ॒ত-ঞ্জীবে॑ম শ॒রদ॑-শ্শ॒ত-ন্নন্দা॑ম শ॒রদ॑-শ্শ॒ত-ম্মোদা॑ম শ॒রদ॑-শ্শ॒ত-ম্ভবা॑ম শ॒রদ॑-শ্শ॒তগ্ম্ শৃ॒ণবা॑ম শ॒রদ॑-শ্শ॒ত-ম্প্রব্র॑বাম শ॒রদ॑-শ্শ॒ত মজী॑তা-স্স্য়াম শ॒রদ॑-শ্শ॒ত-ঞ্জ্য়োক্চ॒ সূর্য়॑-ন্দৃ॒শে ॥ 93 ॥
য উদ॑গা-ন্মহ॒তো-ঽর্ণবা᳚-দ্বি॒ভ্রাজ॑মান-স্সরি॒রস্য়॒ মদ্ধ্য়া॒থ্স মা॑ বৃষ॒ভো লো॑হিতা॒ক্ষ-স্সূর্য়ো॑ বিপ॒শ্চি-ন্মন॑সা পুনাতু ॥ ব্রহ্ম॑ণ॒-শ্শ্চোত॑ন্যসি॒ ব্রহ্ম॑ণ আ॒ণী স্থো॒ ব্রহ্ম॑ণ আ॒বপ॑নমসি ধারি॒তেয়-ম্পৃ॑থি॒বী ব্রহ্ম॑ণা ম॒হী ধা॑রি॒তমে॑নেন ম॒হদ॒ন্তরি॑ক্ষ॒-ন্দিব॑-ন্দাধার পৃথি॒বীগ্ম্ সদে॑বাং॒-য়ঁদ॒হং-বেঁদ॒ তদ॒হ-ন্ধা॑রয়াণি॒ মা মদ্বেদো-ঽধি॒ বিস্র॑সত্ ॥ মে॒ধা॒ম॒নী॒ষে মা-ঽঽবি॑শতাগ্ম্ স॒মীচী॑ ভূ॒তস্য়॒ ভব্য়॒স্য়াব॑রুদ্ধ্য়ৈ॒ সর্ব॒মায়ু॑রয়াণি॒
সর্ব॒মায়ু॑রয়াণি ॥ আ॒ভি-র্গী॒র্ভি-র্যদতো॑ ন ঊ॒নমাপ্য়া॑যয় হরিবো॒ বর্ধ॑মানঃ ।
য॒দা স্তো॒তৃভ্য়ো॒ মহি॑ গো॒ত্রা রু॒জাসি॑ ভূয়িষ্ঠ॒ভাজো॒ অধ॑ তে স্য়াম ॥ ব্রহ্ম॒ প্রাবা॑দিষ্ম॒ তন্নো॒ মা হা॑সীত্ ॥ ওং শান্তি॒-শ্শান্তি॒-শ্শান্তিঃ॑ ॥ 94 ॥
(প॒রা॒বতো॑-দধাতু-ব॒দ্ধান্-জিন্ব॑থ-দৃ॒শে-+স॒প্ত চ॑) (অ. 42)
(নমো॑ - যু॒ঞ্জতে॒ - বৃষ্ণো॒ অশ্ব॑স্য়॒ - ব্রহ্ম॑-ন্প্রব॒র্গ্য়ে॑ণ॒ - ব্রহ্ম॒-ন্প্রচ॑রিষ্য়ামো॒ - দশ॒ প্রাচী॒ - রপ॑শ্যঙ্গো॒পাম্ - দে॒বস্য়॑ - সমু॒দ্রা - যে॒ষে পী॑পিহি॒ - ঘর্ম॒ যা তে॑ - মহী॒না-ঞ্চ॒ত্বা - র্যস্কা॒ন্॒. - যা পু॒রস্তা᳚-থ্স॒প্ত স॑প্ত - প্রা॒ণায়॒ ত্রীণি॑ - পূ॒ষ্ণে চ॒ত্বা-র্য়ু - দ॒স্য়ৈকা॑দশ॒ - যাস্তে॑ স॒প্তা - গ্নি-র্ধ্রু॒বসীঃ॒ দৈকা॒ন্ন বিগ্ম্॑শতি॒--র্ ভূরূ॒র্ধ্ব স্ত্রি॒গ্ম্॒শত-দ্- ভূ-র্ময়ি॒ ষোড॑শ॒ - যাস্তে॑ ঘো॒রা নব॒ - স্নিক্চা॒ষ্টৌ - ধুনি॑শ্চ॒ দ্বে - উ॒গ্রশ্চ॒ ত্রীণ্য়॑ - হোরা॒ত্রে পঞ্চ॒ - খ-ট্ত্রীণি॒ - বিগা-স্স॒প্তদ॒শা - সৃ॑-ন্মুখ-শ্চ॒ত্বারি॒ - যদে॒ত-দ্বৃ॑ক॒সঃ পঞ্চ॒ - যদী॑ষি॒ত শ্চ॒ত্বারি॒ - দীর্ঘ॑মুখি॒ ত্রীণী॒ - ত্থা চ্চ॒ত্বারি॒ - যদে॒ত-দ্ভূ॒তানি॒ ষট্ - প্র॒সার্য়॒ ত্রীণ্য় - ত্রি॑ণা॒ দশা- হ॒রাব॑দ্য়॒ - ব্রহ্ম॑ণা॒ ষট্-থ্ষড্ - উত্তু॑দা॒ষ্টৌ - ভূ-ষ্ষট্ - পৃ॑থি॒ব্য়॑ষ্ট ষ॑ষ্টিঃ॒ - শন্ন॑-স্স॒প্তপ॑ঞ্চা॒শ-দ্দ্বিচ॑ত্বারিগ্ম্শত্ )
(নমো॑ বা॒চে - ব্রহ্ম॑-ন্প্রব॒র্গ্য়ে॑ণ॒ - ময়ি॒ রু - গ॒ন্তরি॑ক্ষেণ - পি॒তা নো॑-ঽসি - মহী॒না - মুপ॑ নো॒ - যদে॒ত-দ্- ভূ--র্ দ্য়ূ॒ভি শ্চতু॑-র্নবতিঃ)
॥ হরিঃ॑ ওম্ ॥
॥ কৃষ্ণ যজুর্বেদীয় তৈত্তিরীয় আরণ্যকে চতুর্থঃ প্রপাঠক-স্সমাপ্তঃ ॥
