কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে সপ্তমঃ প্রপাঠকঃ - রাজসূয়ানুব্রাহ্মণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - শুনাসীরীয়েন্দ্রতুরীযপঞ্চাবত্তীয়াপামার্গহোমাঃ

এ॒ত-দ্ব্রা᳚হ্মণান্য়ে॒ব পঞ্চ॑ হ॒বীগ্​ম্ষি॑ । অথেন্দ্রা॑য়॒ শুনা॒সীরা॑য় পুরো॒ডাশ॒-ন্দ্বাদ॑শকপাল॒-ন্নির্ব॑পতি । সং॒​বঁ॒থ্স॒রো বা ইন্দ্রা॒ শুনা॒সীরঃ॑ । সং॒​বঁ॒থ্স॒রেণৈ॒বাস্মা॒ অন্ন॒মব॑ রুন্ধে । বা॒য়॒ব্য়॑-ম্পয়ো॑ ভবতি । বা॒য়ুর্বৈ বৃষ্ট্য়ৈ᳚ প্রদাপয়ি॒তা । স এ॒বাস্মৈ॒ বৃষ্টি॒-ম্প্রদা॑পযতি । সৌ॒র্য়॑ এক॑কপালো ভবতি । সূর্য়ে॑ণ॒ বা অ॒মুষ্মি॑ঁল্লো॒কে বৃষ্টি॑র্ধৃ॒তা । স এ॒বাস্মৈ॒ বৃষ্টি॒-ন্নি য॑চ্ছতি ॥ 1 ॥

দ্বা॒দ॒শ॒গ॒বগ্​ম্ সীর॒-ন্দক্ষি॑ণা॒ সমৃ॑দ্ধ্য়ৈ । দে॒বা॒সু॒রা-স্সং​য়ঁ॑ত্তা আসন্ন্ । তে দে॒বা অ॒গ্নিম॑ব্রুবন্ন্ । ত্বয়া॑ বী॒রেণাসু॑রান॒-ভিভ॑বা॒মেতি॑ । সো᳚-ঽব্রবীত্ । ত্রে॒ধা-ঽহমা॒ত্মানং॒-বিঁক॑রিষ্য়॒ ইতি॑ । স ত্রে॒ধা ঽঽত্মানং॒-ব্য়ঁ॑কুরুত । অ॒গ্নি-ন্তৃতী॑যম্ । রু॒দ্র-ন্তৃতী॑যম্ । বরু॑ণ॒-ন্তৃতী॑যম্ ॥ 2 ॥

সো᳚-ঽব্রবীত্ । ক ই॒দ-ন্তু॒রীয়॒মিতি॑ । অ॒হমিতীন্দ্রো᳚-ঽব্রবীত্ ।
স-ন্তু সৃ॑জাবহা॒ ইতি॑ । তৌ সম॑সৃজেতাম্ । স ইন্দ্র॑স্তু॒রীয়॑-মভবত্ । যদিন্দ্র॑-স্তু॒রীয়॒-মভ॑বত্ । তদি॑ন্দ্র-তুরী॒যস্য়ে᳚ন্দ্র-তুরীয়॒ত্বম্ । ততো॒ বৈ দে॒বা ব্য়॑জযন্ত । যদি॑ন্দ্রতুরী॒য়-ন্নি॑রু॒প্যতে॒ বিজি॑ত্য়ৈ ॥ 3 ॥

ব॒হিনী॑ ধে॒নু-র্দক্ষি॑ণা । য-দ্ব॒হিনী᳚ । তেনা᳚গ্নে॒য়ী ।
য-দ্গৌঃ । তেন॑ রৌ॒দ্রী । য-দ্ধে॒নুঃ । তেনৈ॒ন্দ্রী । যথ্স্ত্রী স॒তী দা॒ন্তা । তেন॑ বারু॒ণী সমৃ॑দ্ধ্য়ৈ । প্র॒জাপ॑তি-র্য়॒জ্ঞম॑সৃজত ॥ 4 ॥

তগ্​ম্ সৃ॒ষ্টগ্​ম্ রক্ষাগ্॑স্যজিঘাগ্​ম্সন্ন্ । স এ॒তাঃ প্র॒জাপ॑তি-রা॒ত্মনো॑ দে॒বতা॒ নির॑মিমীত । তাভি॒র্বৈ স দি॒গ্ভ্য়ো রক্ষাগ্​ম্॑সি॒ প্রাণু॑দত । য-ত্প॑ঞ্চাব॒ত্তীয়॑-ঞ্জু॒হোতি॑ । দি॒গ্ভ্য় এ॒ব ত-দ্যজ॑মানো॒ রক্ষাগ্​ম্॑সি॒ প্রণু॑দতে । সমূ॑ঢ॒গ্​ম্॒ রক্ষ॒-স্সন্দ॑গ্ধ॒গ্​ম্॒ রক্ষ॒ ইত্য়া॑হ । রক্ষাগ্॑স্য়ে॒ব সন্দ॑হতি । অ॒গ্নয়ে॑ রক্ষো॒ঘ্নে স্বাহেত্য়া॑হ । দে॒বতা᳚ভ্য় এ॒ব বি॑জিগ্য়া॒নাভ্য়ো॑ ভাগ॒ধেয়॑-ঙ্করোতি । প্র॒ষ্টি॒বা॒হী রথো॒ দক্ষি॑ণা॒ সমৃ॑দ্ধ্য়ৈ ॥ 5 ॥

ইন্দ্রো॑ বৃ॒ত্রগ্​ম্ হ॒ত্বা । অসু॑রা-ন্পরা॒ভাব্য়॑ । নমু॑চিমাসু॒র-ন্নাল॑ভত । তগ্​ম্ শ॒চ্য়া॑-ঽগৃহ্ণাত্ । তৌ সম॑লভেতাম্ । সো᳚-ঽস্মা-দ॒ভিশু॑নতরো-ঽভবত্ । সো᳚-ঽব্রবীত্ । স॒ধাংগ্​ম্ সন্দ॑ধাবহৈ । অথ॒ ত্বা-ঽব॑ স্রক্ষ্য়ামি । ন মা॒ শুষ্কে॑ণ॒ নার্দ্রেণ॑ হনঃ ॥ 6 ॥

ন দিবা॒ ন নক্ত॒মিতি॑ । স এ॒তম॒পা-ম্ফেন॑মসিঞ্চত্ । ন বা এ॒ষ শুষ্কো॒ নার্দ্রো ব্য়ু॑ষ্টা ঽঽসীত্ । অনু॑দিত॒-স্সূর্য়ঃ॑ । ন বা এ॒ত-দ্দিবা॒ ন নক্ত᳚ম্ । তস্য়ৈ॒তস্মি॑ন্ ঁলো॒কে । অ॒পা-ম্ফেনে॑ন॒ শির॒ উদ॑বর্তযত্ । তদে॑ন॒মন্ব॑বর্তত । মিত্র॑দ্রু॒গিতি॑ ॥ 7 ॥

স এ॒তান॑পামা॒র্গান॑জনযত্ । তান॑জুহোত্ । তৈর্বৈ স রক্ষা॒গ্॒স্যপা॑হত । যদ॑পামার্গ হো॒মো ভব॑তি । রক্ষ॑সা॒-মপ॑হত্য়ৈ । এ॒কো॒ল্ মু॒কেন॑ যন্তি । তদ্ধি রক্ষ॑সা-ম্ভাগ॒ধেয়᳚ম্ । ই॒মা-ন্দিশং॑-য়ঁন্তি । এ॒ষা বৈ রক্ষ॑সা॒-ন্দিক্ । স্বায়া॑মে॒ব দি॒শি রক্ষাগ্​ম্॑সি হন্তি ॥ 8 ॥

স্বকৃ॑ত॒ ইরি॑ণে জুহোতি প্রদ॒রে বা᳚ । এ॒ত-দ্বৈ রক্ষ॑সামা॒যত॑নম্ । স্ব এ॒বাযত॑নে॒ রক্ষাগ্​ম্॑সি হন্তি । প॒র্ণ॒ময়ে॑ন স্রু॒বেণ॑ জুহোতি । ব্রহ্ম॒ বৈ প॒র্ণঃ । ব্রহ্ম॑ণৈ॒ব রক্ষাগ্​ম্॑সি হন্তি । দে॒বস্য়॑ ত্বা সবি॒তুঃ প্র॑স॒ব ইত্য়া॑হ । স॒বি॒তৃপ্র॑সূত এ॒ব রক্ষাগ্​ম্॑সি হন্তি । হ॒তগ্​ম্ রক্ষো ঽব॑ধিষ্ম॒ রক্ষ॒ ইত্য়া॑হ । রক্ষ॑সা॒গ্॒ স্তৃত্য়ৈ᳚ । যদ্বস্তে॒ ত-দ্দক্ষি॑ণা নি॒রব॑ত্ত্য়ৈ । অপ্র॑তীক্ষ॒মা য॑ন্তি । রক্ষ॑সা-ম॒ন্তর্​হি॑ত্য়ৈ ॥ 9 ॥
(য়॒চ্ছ॒তি॒ - বরু॑ণ॒-ন্তৃতী॑য়ং॒ - ঁবিজি॑ত্য়া - অসৃজত॒ - সমৃ॑দ্ধ্য়ৈ - হনো॒ - মিত্র॑দ্রু॒গিতি॑ - হন্তি॒ - স্তৃত্য়ৈ॒ ত্রীণি॑ চ) (অ. 1)

অনুবাকং 2 - দেবিকাবহবীংষি
ধা॒ত্রে পু॑রো॒ডাশ॒-ন্দ্বাদ॑শকপাল॒-ন্নির্ব॑পতি । সং॒​বঁ॒থ্স॒রো বৈ ধা॒তা । সং॒​বঁ॒থ্স॒রেণৈ॒বাস্মৈ᳚ প্র॒জাঃ প্রজ॑নযতি । অন্বে॒বাস্মা॒ অনু॑মতির্মন্যতে । রা॒তে রা॒কা । প্র সি॑নীবা॒লী জ॑নযতি । প্র॒জাস্বে॒ব প্রজা॑তাসু কু॒হ্বা॑ বাচ॑-ন্দধাতি । মি॒থু॒নৌ গাবৌ॒ দক্ষি॑ণা॒ সমৃ॑দ্ধ্য়ৈ । আ॒গ্না॒বৈ॒ষ্ণ॒ব-মেকা॑দশকপাল॒-ন্নির্ব॑পতি । ঐ॒ন্দ্রা॒বৈ॒ষ্ণ॒ব-মেকা॑দশকপালম্ ॥ 10 ॥

বৈ॒ষ্ণ॒ব-ন্ত্রি॑কপা॒লম্ । বী॒র্য়ং॑-বাঁ অ॒গ্নিঃ । বী॒র্য়॑মিন্দ্রঃ॑ । বী॒র্য়ং॑-বিঁষ্ণুঃ॑ । প্র॒জা এ॒ব প্রজা॑তা বী॒র্য়ে᳚ প্রতি॑ষ্ঠাপযতি । তস্মা᳚-ত্প্র॒জা বী॒র্য়া॑বতীঃ । বা॒ম॒ন ঋ॑ষ॒ভো ব॒হী দক্ষি॑ণা । যদ্ব॒হী । তেনা᳚গ্নে॒য়ঃ । যদৃ॑ষ॒ভঃ ॥ 11 ॥

তেনৈ॒ন্দ্রঃ । যদ্বা॑ম॒নঃ । তেন॑ বৈষ্ণ॒ব-স্সমৃ॑দ্ধ্য়ৈ । অ॒গ্নী॒ষো॒মীয়॒-মেকা॑দশকপাল॒-ন্নির্ব॑পতি । ই॒ন্দ্রা॒সো॒মীয়॒-মেকা॑দশকপালম্ । সৌ॒ম্য়-ঞ্চ॒রুম্ । সোমো॒ বৈ রে॑তো॒ধাঃ । অ॒গ্নিঃ প্র॒জানা᳚-ম্প্রজনয়ি॒তা । বৃ॒দ্ধানা॒মিন্দ্রঃ॑ প্রদাপয়ি॒তা । সোম॑ এ॒বাস্মৈ॒ রেতো॒ দধা॑তি ॥ 12 ॥

অ॒গ্নিঃ প্র॒জা-ম্প্রজ॑নযতি । বৃ॒দ্ধামিন্দ্রঃ॒ প্রয়॑চ্ছতি । ব॒ভ্রু-র্দক্ষি॑ণা॒ সমৃ॑দ্ধ্য়ৈ । সো॒মা॒পৌ॒ষ্ণ-ঞ্চ॒রু-ন্নির্ব॑পতি । ঐ॒ন্দ্রা॒পৌ॒ষ্ণ-ঞ্চ॒রুম্ । সোমো॒ বৈ রে॑তো॒ধাঃ । পূ॒ষা প॑শূ॒না-ম্প্র॑জনয়ি॒তা । বৃ॒দ্ধানা॒মিন্দ্রঃ॑ প্রদাপয়ি॒তা । সোম॑ এ॒বাস্মৈ॒ রেতো॒ দধা॑তি । পূ॒ষা প॒শূ-ন্প্রজ॑নযতি ॥ 13 ॥

বৃ॒দ্ধানিন্দ্রঃ॒ প্রয়॑চ্ছতি । পৌ॒ষ্ণশ্চ॒রু-র্ভ॑বতি । ই॒য়ং-বৈঁ পূ॒ষা । অ॒স্য়ামে॒ব প্রতি॑ তিষ্ঠতি । শ্য়া॒মো দক্ষি॑ণা॒ সমৃ॑দ্ধ্য়ৈ । ব॒হু বৈ পুরু॑ষো-ঽমে॒দ্ধ্য়-মুপ॑গচ্ছতি । বৈ॒শ্বা॒ন॒র-ন্দ্বাদ॑শকপাল॒-ন্নির্ব॑পতি । সং॒​বঁ॒থ্স॒রো বা অ॒গ্নি-র্বৈ᳚শ্বান॒রঃ । সং॒​বঁ॒থ্স॒রেণৈ॒বৈনগ্গ্॑ স্বদযতি । হির॑ণ্য়॒-ন্দক্ষি॑ণা ॥ 14 ॥

প॒বিত্রং॒-বৈঁ হির॑ণ্যম্ । পু॒নাত্য়ে॒বৈন᳚ম্ । ব॒হু বৈ রা॑জ॒ন্য়ো ঽনৃ॑ত-ঙ্করোতি । উপ॑ জা॒ম্য়ৈ হর॑তে । জি॒নাতি॑ ব্রাহ্ম॒ণম্ । বদ॒ত্যনৃ॑তম্ । অনৃ॑তে॒ খলু॒ বৈ ক্রি॒যমা॑ণে॒ বরু॑ণো গৃহ্ণাতি । বা॒রু॒ণং-য়ঁ॑ব॒ময়॑-ঞ্চ॒রু-ন্নির্ব॑পতি । ব॒রু॒ণ॒পা॒শাদে॒বৈন॑-ম্মুঞ্চতি । অশ্বো॒ দক্ষি॑ণা । বা॒রু॒ণো হি দে॒বত॒য়া-ঽশ্ব॒-স্সমৃ॑দ্ধ্য়ৈ ॥ 15 ॥
(ঐ॒ন্দ্রা॒বৈ॒ষ্ণা॒বমেকা॑দশকপালং॒-ঁযদৃ॑ষ॒ভো- দধা॑তি-পূ॒ষা প॒শূ-ন্প্রজ॑নযতি॒-হির॑ণ্য়ং॒ দক্ষি॑ণা॒-দক্ষি॒ণৈকং॑ চ) (অ. 2)

অনুবাকং 3 - রত্নিনাং হবীংষি
র॒ত্নিনা॑মে॒তানি॑ হ॒বীগ্​ম্ষি॑ ভবন্তি । এ॒তে বৈ রা॒ষ্ট্রস্য়॑ প্রদা॒তারঃ॑ । এ॒তে॑-ঽপাদা॒তারঃ॑ । য এ॒ব রা॒ষ্ট্রস্য়॑ প্রদা॒তারঃ॑ । যে॑-ঽপাদা॒তারঃ॑ । ত এ॒বাস্মৈ॑ রা॒ষ্ট্র-ম্প্রয়॑চ্ছন্তি । রা॒ষ্ট্রমে॒ব ভ॑বতি । য-থ্স॑মা॒হৃত্য়॑ নি॒র্বপে᳚ত্ । অর॑ত্নিন-স্স্য়ুঃ । য॒থা॒য়॒থ-ন্নির্ব॑পতি রত্নি॒ত্বায়॑ ॥ 16 ॥

য-থ্স॒দ্য়ো নি॒র্বপে᳚ত্ । যাব॑তী॒মেকে॑ন হ॒বিষা॒-ঽঽশিষ॑মব রু॒ন্ধে । তাব॑তী॒মব॑ রুন্ধীত । অ॒ন্ব॒হ-ন্নির্ব॑পতি । ভূয়॑সীমে॒বাশিষ॒মব॑ রুন্ধে । ভূয়॑সো যজ্ঞক্র॒তূনুপৈ॑তি । বা॒র্॒হ॒স্প॒ত্য়-ঞ্চ॒রু-ন্নির্ব॑পতি ব্র॒হ্মণো॑ গৃ॒হে । মু॒খ॒ত এ॒বাস্মৈ॒ ব্রহ্ম॒ সগ্গ্​শ্য়॑তি । অথো॒ ব্রহ্ম॑ন্নে॒ব ক্ষ॒ত্র-ম॒ন্বার॑ম্ভযতি । শি॒তি॒পৃ॒ষ্ঠো দক্ষি॑ণা॒ সমৃ॑দ্ধ্য়ৈ ॥ 17 ॥

ঐ॒ন্দ্র-মেকা॑দশকপালগ্​ম্ রাজ॒ন্য়॑স্য় গৃ॒হে । ই॒ন্দ্রি॒যমে॒বাব॑ রুন্ধে । ঋ॒ষ॒ভো দক্ষি॑ণা॒ সমৃ॑দ্ধ্য়ৈ । আ॒দি॒ত্য়-ঞ্চ॒রু-ম্মহি॑ষ্য়ৈ গৃ॒হে । ই॒য়ং-বাঁ অদি॑তিঃ । অ॒স্য়ামে॒ব প্রতি॑তিষ্ঠতি । ধে॒নু-র্দক্ষি॑ণা॒ সমৃ॑দ্ধ্য়ৈ । ভগা॑য় চ॒রুং-বাঁ॒বাতা॑য়ৈ গৃ॒হে । ভগ॑মে॒বাস্মি॑-ন্দধাতি । বিচি॑ত্তগর্ভা পষ্ঠৌ॒হী দক্ষি॑ণা॒ সমৃ॑দ্ধ্য়ৈ ॥ 18 ॥

নৈ॒র্॒ঋ॒ত-ঞ্চ॒রু-ম্প॑রিবৃ॒ক্ত্য়ৈ॑ গৃ॒হে কৃ॒ষ্ণানাং᳚-ব্রীঁহী॒ণা-ন্ন॒খনি॑র্ভিন্নম্ । পা॒প্মান॑মে॒ব নির্-ঋ॑তি-ন্নি॒রব॑দযতে । কৃ॒ষ্ণা কূ॒টা দক্ষি॑ণা॒ সমৃ॑দ্ধ্য়ৈ । আ॒গ্নে॒য়-ম॒ষ্টাক॑পালগ্​ম্ সেনা॒ন্য়ো॑ গৃ॒হে । সেনা॑মে॒বাস্য়॒ সগ্গ্​শ্য়॑তি । হির॑ণ্য়॒-ন্দক্ষি॑ণা॒ সমৃ॑দ্ধ্য়ৈ । বা॒রু॒ণ-ন্দশ॑কপালগ্​ম্ সূ॒তস্য়॑ গৃ॒হে । ব॒রু॒ণ॒স॒বমে॒বাব॑-রুন্ধে । ম॒হানি॑রষ্টো॒ দক্ষি॑ণা॒ সমৃ॑দ্ধ্য়ৈ । মা॒রু॒তগ্​ম্ স॒প্তক॑পাল-ঙ্গ্রাম॒ণ্য়ো॑ গৃ॒হে ॥ 19 ॥

অন্নং॒-বৈঁ ম॒রুতঃ॑ । অন্ন॑মে॒বাব॑-রুন্ধে । পৃশ্ঞি॒-র্দক্ষি॑ণা॒ সমৃ॑দ্ধ্য়ৈ । সা॒বি॒ত্র-ন্দ্বাদ॑শকপাল-ঙ্ক্ষ॒ত্তুর্গৃ॒হে প্রসূ᳚ত্য়ৈ । উ॒প॒দ্ধ্ব॒স্তো দক্ষি॑ণা॒ সমৃ॑দ্ধ্য়ৈ । আ॒শ্বি॒ন-ন্দ্বি॑কপা॒লগ্​ম্ স॑গ্রংহী॒তুর্গৃ॒হে । অ॒শ্বিনৌ॒ বৈ দে॒বানা᳚-ম্ভি॒ষজৌ᳚ । তাভ্য়া॑মে॒বাস্মৈ॑ ভেষ॒জ-ঙ্ক॑রোতি । স॒বা॒ত্য়ৌ॑ দক্ষি॑ণা॒ সমৃ॑দ্ধ্য়ৈ । পৌ॒ষ্ণ-ঞ্চ॒রু-ম্ভা॑গদু॒ঘস্য়॑ গৃ॒হে ॥ 20 ॥

অন্নং॒-বৈঁ পূ॒ষা । অন্ন॑মে॒বাব॑ রুন্ধে । শ্য়া॒মো দক্ষি॑ণা॒ সমৃ॑দ্ধ্য়ৈ । রৌ॒দ্র-ঙ্গা॑বীধু॒ক-ঞ্চ॒রুম॑ক্ষাবা॒পস্য়॑ গৃ॒হে । অ॒ন্ত॒ত এ॒ব রু॒দ্র-ন্নি॒রব॑দযতে । শ॒বল॒ উদ্বা॑রো॒ দক্ষি॑ণা॒ সমৃ॑দ্ধ্য়ৈ । দ্বাদ॑শৈ॒তানি॑ হ॒বীগ্​ম্ষি॑ ভবন্তি । দ্বাদ॑শ॒ মাসা᳚-স্সং​বঁথ্স॒রঃ । সং॒​বঁ॒থ্স॒রেণৈ॒বাস্মৈ॑ রা॒ষ্ট্রমব॑-রুন্ধে । রা॒ষ্ট্রমে॒ব ভ॑বতি ॥ 21 ॥

যন্ন প্র॑তি নি॒র্বপে᳚ত্ । র॒ত্নিন॑ আ॒শিষো-ঽব॑রুন্ধীরন্ন্ । প্রতি॒ নির্ব॑পতি । ইন্দ্রা॑য় সু॒ত্রাম্ণে॑ পুরো॒ডাশ॒-মেকা॑দশকপালম্ । ইন্দ্রা॑য়াগ্​ম্হো॒মুচে᳚ । আ॒শিষ॑ এ॒বাব॑রুন্ধে । অ॒য়-ন্নো॒ রাজা॑ বৃত্র॒হা রাজা॑ ভূ॒ত্বা বৃ॒ত্রং-বঁ॑দ্ধ্য়া॒দিত্য়া॑হ । আ॒শিষ॑মে॒বৈতামাশা᳚স্তে । মৈ॒ত্রা॒-বা॒র্॒হ॒স্প॒ত্য়-ম্ভ॑বতি । শ্বে॒তায়ৈ᳚ শ্বে॒তব॑থ্সায়ৈ দু॒গ্ধে ॥ 22 ॥

বা॒র্॒হ॒স্প॒ত্য়ে মৈ॒ত্রমপি॑ দধাতি । ব্রহ্ম॑ চৈ॒বাস্মৈ᳚ ক্ষ॒ত্র-ঞ্চ॑ স॒মীচী॑ দধাতি । অথো॒ ব্রহ্ম॑ন্নে॒ব ক্ষ॒ত্র-ম্প্রতি॑ষ্ঠাপযতি । বা॒র্॒হ॒স্প॒ত্য়েন॒ পূর্বে॑ণ॒ প্রচ॑রতি । মু॒খ॒ত এ॒বাস্মৈ॒ ব্রহ্ম॒ সগ্গ্​শ্য়॑তি । অথো॒ ব্রহ্ম॑ন্নে॒ব ক্ষ॒ত্র-ম॒ন্বার॑ম্ভযতি । স্ব॒য়॒-ঙ্কৃ॒তা বেদি॑র্ভবতি । স্ব॒য়॒দি॒ন্ন-ম্ব॒র্॒হিঃ । স্ব॒য়॒কৃ॒ন্ত ই॒দ্ধ্মঃ । অন॑ভিজিতস্য়া॒-ভিজি॑ত্য়ৈ । তস্মা॒-দ্রাজ্ঞা॒মর॑ণ্য়-ম॒ভিজি॑তম্ । সৈব শ্বে॒তা শ্বে॒তব॑থ্সা॒ দক্ষি॑ণা॒ সমৃ॑দ্ধ্য়ৈ ॥ 23 ॥
(র॒ত্নি॒ত্বায়॒ - সমৃ॑দ্ধ্য়ৈ - পষ্ঠৌ॒হি দক্ষি॑ণা॒ সমৃ॑দ্ধ্য়ৈ - গ্রাম॒ণ্য়ো॑ গৃ॒হে - ভা॑গদু॒ঘস্য়॑ গৃ॒হে-ভ॑বতি - দু॒গ্ধে॑ - ঽভিজি॑ত্য়ৈ॒ দ্বে চ॑) (অ. 3)

অনুবাকং 4 - দেবসুবাং হবীংষি
দে॒ব॒সু॒বামে॒তানি॑ হ॒বীগ্​ম্ষি॑ ভবন্তি । এ॒তাব॑ন্তো॒ বৈ দে॒বানাগ্​ম্॑ স॒বাঃ । ত এ॒বাস্মৈ॑ স॒বা-ন্প্রয়॑চ্ছন্তি । ত এ॑নগ্​ম্ সুবন্তে । অ॒গ্নিরে॒বৈন॑-ঙ্গৃ॒হপ॑তীনাগ্​ম্ সুবতে । সোমো॒ বন॒স্পতী॑নাম্ । রু॒দ্রঃ প॑শূ॒নাম্ । বৃহ॒স্পতি॑-র্বা॒চাম্ । ইন্দ্রো᳚ জ্য়ে॒ষ্ঠানা᳚ম্ । মি॒ত্র-স্স॒ত্য়ানা᳚ম্ ॥ 24 ॥

বরু॑ণো॒ ধর্ম॑পতীনাম্ । এ॒তদে॒ব সর্ব॑-ম্ভবতি । স॒বি॒তা ত্বা᳚ প্রস॒বানাগ্​ম্॑ সুবতা॒মিতি॒ হস্ত॑-ঙ্গৃহ্ণাতি॒ প্রসূ᳚ত্য়ৈ । যে দে॑বা দেব॒সুব॒-স্স্থেত্য়া॑হ । য॒থা॒ য॒জুরে॒বৈ তত্ । ম॒হ॒তে ক্ষ॒ত্রায়॑ মহ॒ত আধি॑পত্য়ায় মহ॒তে জান॑রাজ্য়া॒য়েত্য়া॑হ । আ॒শিষ॑মে॒বৈতামাশা᳚স্তে । এ॒ষ বো॑ ভরতা॒ রাজা॒ সোমো॒-ঽস্মাক॑-ম্ব্রাহ্ম॒ণানা॒গ্​ম্॒ রাজেত্য়া॑হ । তস্মা॒-থ্সোম॑রাজানো ব্রাহ্ম॒ণাঃ । প্রতি॒ ত্যন্নাম॑ রা॒জ্যম॑ধা॒য়ীত্য়া॑হ ॥ 25 ॥

রা॒জ্যমে॒বাস্মি॒-ন্প্রতি॑ দধাতি । স্বা-ন্ত॒নুবং॒-বঁরু॑ণো অশিশ্রে॒দিত্য়া॑হ । ব॒রু॒ণ॒স॒বমে॒বা-ব॑রুন্ধে । শুচে᳚র্মি॒ত্রস্য়॒ ব্রত্য়া॑ অভূ॒মেত্য়া॑হ । শুচি॑মে॒বৈনং॒-ব্রঁত্য়॑-ঙ্করোতি । অম॑ন্মহি মহ॒ত ঋ॒তস্য়॒ নামেত্য়া॑হ । ম॒নু॒ত এ॒বৈন᳚ম্ । সর্বে॒ ব্রাতা॒ বরু॑ণস্য়া ভূব॒ন্নিত্য়া॑হ । সর্ব॑ব্রাতমে॒বৈন॑-ঙ্করোতি । বি মি॒ত্র এবৈ॒ররা॑তি-মতারী॒দিত্য়া॑হ ॥ 26 ॥

অরা॑তিমে॒বৈন॑-ন্তারযতি । অসূ॑ষুদন্ত য॒জ্ঞিয়া॑ ঋ॒তেনেত্য়া॑হ । স্ব॒দয়॑ত্য়ে॒বৈন᳚ম্ । ব্য়ু॑ ত্রি॒তো জ॑রি॒মাণ॑-ন্ন আন॒ডিত্য়া॑হ । আয়ু॑রে॒বাস্মি॑-ন্দধাতি । দ্বাভ্য়াং॒-বিঁমৃ॑ষ্টে । দ্বি॒পা-দ্যজ॑মানঃ॒ প্রতি॑ষ্ঠিত্য়ৈ । অ॒গ্নী॒ষো॒মীয়॑স্য়॒ চৈকা॑দশকপালস্য় দেবসু॒বা-ঞ্চ॑ হ॒বিষা॑ম॒গ্নয়ে᳚ স্বিষ্ট॒কৃতে॑ স॒মব॑দ্যতি । দে॒বতা॑ভিরে॒বৈন॑-মুভ॒যতঃ॒ পরি॑গৃহ্ণাতি । বি॒ষ্ণু॒ক্র॒মান্ ক্র॑মতে( ) । বিষ্ণু॑রে॒ব ভূ॒ত্বেমাঁল্লো॒কা-ন॒ভিজ॑যতি ॥ 27 ॥
(স॒ত্য়ানা॑-মধা॒য়ীত্য়া॑-হাতারী॒দিত্য়া॑হ-ক্রমত॒ এক॑-ঞ্চ) (অ. 4)

অনুবাকং 5 - অভিষেকার্থমপাঙ্গ্রহগ্রহণম্
অ॒র্থেত॒-স্স্থেতি॑ জুহোতি । আহু॑ত্য়ৈ॒বৈনা॑ নি॒ষ্ক্রীয়॑ গৃহ্ণাতি । অথো॑ হ॒বিষ্কৃ॑তানামে॒বাভিঘৃ॑তানা-ঙ্গৃহ্ণাতি । বহ॑ন্তীনা-ঙ্গৃহ্ণাতি । এ॒তা বা অ॒পাগ্​ম্ রা॒ষ্ট্রম্ । রা॒ষ্ট্রমে॒বাস্মৈ॑ গৃহ্ণাতি । অথো॒ শ্রিয়॑মে॒বৈন॑ম॒ভি ব॑হন্তি । অ॒পা-ম্পতি॑র॒সীত্য়া॑হ । মি॒থু॒নমে॒বাকঃ॑ । বৃষা᳚-ঽস্য়ূ॒র্মিরিত্য়া॑হ ॥ 28 ॥

ঊ॒র্মি॒মন্ত॑মে॒বৈন॑-ঙ্করোতি । বৃ॒ষ॒সে॒নো॑-ঽসীত্য়া॑হ । সেনা॑মে॒বাস্য়॒ সগ্গ্​শ্য়॑তি । ব্র॒জ॒ক্ষিত॒-স্স্থেত্য়া॑হ । এ॒তা বা অ॒পাং-বিঁশঃ॑ । বিশ॑মে॒বাস্মৈ॒ পর্য়ূ॑হতি । ম॒রুতা॒মোজ॒-স্স্থেত্য়া॑হ । অন্নং॒-বৈঁ ম॒রুতঃ॑ । অন্ন॑মে॒বা ব॑রুন্ধে । সূর্য়॑বর্চস॒-স্স্থেত্য়া॑হ ॥ 29 ॥

রা॒ষ্ট্রমে॒ব ব॑র্চ॒স্ব্য়॑কঃ । সূর্য়॑ত্বচস॒-স্স্থেত্য়া॑হ । স॒ত্য়ং-বাঁ এ॒তত্ । য-দ্বর্​ষ॑তি । অনৃ॑তং॒-য়ঁদা॒তপ॑তি॒ বর্​ষ॑তি । স॒ত্য়া॒নৃ॒তে এ॒বাব॑রুন্ধে । নৈনগ্​ম্॑ সত্য়ানৃ॒তে উ॑দি॒তে হিগ্গ্॑স্তঃ । য এ॒বং-বেঁদ॑ । মান্দা॒-স্স্থেত্য়া॑হ । রা॒ষ্ট্রমে॒ব ব্র॑হ্মবর্চ॒স্য়॑কঃ ॥ 30 ॥

বাশা॒-স্স্থেত্য়া॑হ । রা॒ষ্ট্রমে॒ব ব॒শ্য়॑কঃ । শক্ব॑রী॒-স্স্থেত্য়া॑হ । প॒শবো॒ বৈ শক্ব॑রীঃ । প॒শূনে॒বাব॑ রুন্ধে । বি॒শ্ব॒ভৃত॒-স্স্থেত্য়া॑হ । রা॒ষ্ট্রমে॒ব প॑য়॒স্ব্য়॑কঃ । জ॒ন॒ভৃত॒-স্স্থেত্য়া॑হ । রা॒ষ্ট্রমে॒বেন্দ্রি॑য়া॒ব্য়॑কঃ । অ॒গ্নেস্তে॑জ॒স্য়া᳚-স্স্থেত্য়া॑হ ॥ 31 ॥

রা॒ষ্ট্রমে॒ব তে॑জ॒স্ব্য়॑কঃ । অ॒পামোষ॑ধীনা॒গ্​ম্॒ রস॒-স্স্থেত্য়া॑হ । রা॒ষ্ট্রমে॒ব ম॑ধ॒ব্য়॑মকঃ । সা॒র॒স্ব॒ত-ঙ্গ্রহ॑-ঙ্গৃহ্ণাতি । এ॒ষা বা অ॒পা-ম্পৃ॒ষ্ঠম্ । যথ্সর॑স্বতী । পৃ॒ষ্ঠমে॒বৈনগ্​ম্॑ সমা॒নানা᳚-ঙ্করোতি । ষো॒ড॒শভি॑-র্গৃহ্ণাতি । ষোড॑শকলো॒ বৈ পুরু॑ষঃ । যাবা॑নে॒ব পুরু॑ষঃ । তস্মি॑ন্ বী॒র্য়॑-ন্দধাতি । ষো॒ড॒শভি॑-র্জু॒হোতি॑ ষোড॒শভি॑-র্গৃহ্ণাতি । দ্বাত্রিগ্​ম্॑শ॒-থ্সম্প॑দ্যন্তে । দ্বাত্রিগ্​ম্॑শদক্ষরা ঽনু॒ষ্টুক্ । বাগ॑নু॒ষ্টু-ফ্সর্বা॑ণি॒ ছন্দাগ্​ম্॑সি । বা॒চৈবৈন॒গ্​ম্॒ সর্বে॑ভি॒-শ্ছন্দো॑ভি-র॒ভিষি॑ঞ্চতি ॥ 32 ॥
(ঊ॒র্মিরিত্য়া॑হ॒ - সূর্য়॑বর্চস॒-স্স্থেত্য়া॑হ - ব্রহ্মবর্চ॒স্য়॑ক - স্তেজ॒স্য়া᳚-স্স্থেত্য়া॑হৈ॒ব - পুরু॑ষ॒-ষ্ষট্চ॑) (অ. 5)

অনুবাকং 6 - অভিষেকার্থজলসংস্কারঃ
দেবী॑রাপ॒-স্স-ম্মধু॑মতী॒-র্মধু॑মতীভি-স্সৃজ্যদ্ধ্ব॒মিত্য়া॑হ । ব্রহ্ম॑ণৈ॒বৈনা॒-স্সগ্​ম্ সৃ॑জতি । অনা॑ধৃষ্টা-স্সীদ॒তেত্য়া॑হ । ব্রহ্ম॑ণৈ॒বৈনা᳚-স্সাদযতি । অ॒ন্ত॒রা হোতু॑শ্চ॒ ধিষ্ণি॑য়-ম্ব্রাহ্মণাচ্ছ॒গ্​ম্॒ সিন॑শ্চ সাদযতি । আ॒গ্নে॒য়ো বৈ হোতা᳚ । ঐ॒ন্দ্রো ব্রা᳚হ্মণাচ্ছ॒গ্​ম্॒সী । তেজ॑সা চৈ॒বেন্দ্রি॒য়েণ॑ চোভ॒যতো॑ রা॒ষ্ট্র-ম্পরি॑গৃহ্ণাতি । হির॑ণ্য়ে॒নো-ত্পু॑নাতি । আহু॑ত্য়ৈ॒ হি প॒বিত্রা᳚ভ্য়ামুত্পু॒নন্তি॒ ব্য়াবৃ॑ত্ত্য়ৈ ॥ 33 ॥

শ॒তমা॑ন-ম্ভবতি । শ॒তায়ুঃ॒ পুরু॑ষ-শ্শ॒তেন্দ্রি॑য়ঃ । আয়ু॑ষ্য়ে॒বেন্দ্রি॒য়ে প্রতি॑তিষ্ঠতি । অনি॑ভৃষ্টম॒সীত্য়া॑হ । অনি॑ভৃষ্ট॒গ্গ্॒ হ্য়ে॑তত্ । বা॒চো বন্ধু॒রিত্য়া॑হ । বা॒চো হ্য়ে॑ষ বন্ধুঃ॑ । ত॒পো॒জা ইত্য়া॑হ । ত॒পো॒জা হ্য়ে॑তত্ । সোম॑স্য় দা॒ত্রম॒সীত্য়া॑হ ॥ 34 ॥

সোম॑স্য়॒ হ্য়ে॑তদ্দা॒ত্রম্ । শু॒ক্রা ব॑-শ্শু॒ক্রেণোত্পু॑না॒মীত্য়া॑হ । শু॒ক্রা হ্য়াপঃ॑ । শু॒ক্রগ্​ম্ হির॑ণ্যম্ । চ॒ন্দ্রাশ্চ॒ন্দ্রেণেত্য়া॑হ । চ॒ন্দ্রা হ্য়াপঃ॑ । চ॒ন্দ্রগ্​ম্ হির॑ণ্যম্ । অ॒মৃতা॑ অ॒মৃতে॒নেত্য়া॑হ । অ॒মৃতা॒ হ্য়াপঃ॑ । অ॒মৃত॒গ্​ম্॒ হির॑ণ্যম্ ॥ 35 ॥

স্বাহা॑ রাজ॒সূয়া॒য়েত্য়া॑হ । রা॒জ॒সূয়া॑য়॒ হ্য়ে॑না উত্পু॒নাতি॑ । স॒ধ॒মাদো᳚ দ্য়ু॒ম্নিনী॒রূর্জ॑ এ॒তা ইতি॑ বারু॒ণ্যর্চা গৃ॑হ্ণাতি । ব॒রু॒ণ॒স॒বমে॒বা ব॑রুন্ধে । এক॑য়া গৃহ্ণাতি । এ॒ক॒ধৈব যজ॑মানে বী॒র্য়॑-ন্দধাতি । ক্ষ॒ত্রস্য়োল্ব॑মসি ক্ষ॒ত্রস্য়॒ যোনি॑র॒সীতি॑ তা॒র্প্য়-ঞ্চো॒ষ্ণীষ॑-ঞ্চ॒ প্রয়॑চ্ছতি সয়োনি॒ত্বায়॑ । এক॑শতেন দর্ভপুঞ্জী॒লৈঃ প॑বযতি । শ॒তায়ু॒র্বৈ পুরু॑ষ-শ্শ॒তবী᳚র্য়ঃ । আ॒ত্মৈক॑শ॒তঃ ॥ 36 ॥

যাবা॑নে॒ব পুরু॑ষঃ । তস্মি॑ন্ বী॒র্য়॑-ন্দধাতি । দদ্ধ্য়া॑শযতি । ই॒ন্দ্রি॒যমে॒বা-ব॑রুন্ধে । উ॒দু॒ম্বর॑-মাশযতি । অ॒ন্নাদ্য়॒স্য়াব॑ রুদ্ধ্য়ৈ । শষ্পা᳚ণ্য়াশযতি । সুরা॑বলি-মে॒বৈন॑-ঙ্করোতি । আ॒বিদ॑ এ॒তা ভ॑বন্তি । আ॒বিদ॑মে॒বৈন॑-ঙ্গমযন্তি ॥ 37 ॥

অ॒গ্নিরে॒বৈন॒-ঙ্গার্​হ॑পত্য়েনাবতি । ইন্দ্র॑ ইন্দ্রি॒য়েণ॑ । পূ॒ষা প॒শুভিঃ॑ । মি॒ত্রাবরু॑ণৌ প্রাণাপা॒নাভ্য়া᳚ম্ । ইন্দ্রো॑ বৃ॒ত্রায়॒ বজ্র॒মুদ॑যচ্ছত্ । স দিব॑মলিখত্ । সো᳚-ঽর্য়॒ম্ণঃ পন্থা॑ অভবত্ । স আবি॑ন্নে॒ দ্য়াবা॑পৃথি॒বী ধৃ॒তব্র॑তে॒ ইতি॒ দ্য়াবা॑পৃথি॒বী উপা॑ধাবত্ । স আ॒ভ্য়ামে॒ব প্রসূ॑ত॒ ইন্দ্রো॑ বৃ॒ত্রায়॒ বজ্র॒-ম্প্রাহ॑রত্ । আবি॑ন্নে॒ দ্য়াবা॑পৃথি॒বী ধৃ॒তব্র॑তে॒ ইতি॒ যদাহ॑ ॥ 38 ॥

আ॒ভ্য়ামে॒ব প্রসূ॑তো॒ যজ॑মানো॒ বজ্র॒-ম্ভ্রাতৃ॑ব্য়ায়॒ প্রহ॑রতি । আবি॑ন্না দে॒ব্যদি॑তি-র্বিশ্বরূ॒পীত্য়া॑হ । ই॒য়ং-বৈঁ দে॒ব্যদি॑তি-র্বিশ্বরূ॒পী । অ॒স্য়ামে॒ব প্রতি॑ তিষ্ঠতি । আবি॑ন্নো॒-ঽযম॒সাবা॑মুষ্য়ায়॒ণো᳚-ঽস্য়াং-বিঁ॒শ্য়॑স্মি-ন্রা॒ষ্ট্র ইত্য়া॑হ । বি॒শৈবৈনগ্​ম্॑ রা॒ষ্ট্রেণ॒ সম॑র্ধযতি । ম॒হ॒তে ক্ষ॒ত্রায়॑ মহ॒ত আধি॑পত্য়ায় মহ॒তে জান॑রাজ্য়া॒য়েত্য়া॑হ । আ॒শিষ॑মে॒বৈতামাশা᳚স্তে । এ॒ষ বো॑ ভরতা॒ রাজা॒ সোমো॒-ঽস্মাক॑-ম্ব্রাহ্ম॒ণানা॒গ্​ম্॒ রাজেত্য়া॑হ । তস্মা॒-থ্সোম॑রাজানো ব্রাহ্ম॒ণাঃ ॥ 39 ॥

ইন্দ্র॑স্য়॒ বজ্রো॑-ঽসি॒ বার্ত্র॑ঘ্ন॒ ইতি॒ ধনুঃ॒ প্রয়॑চ্ছতি॒ বিজি॑ত্য়ৈ । শ॒ত্রু॒বাধ॑না॒-স্স্থেতীষূন্॑ । শত্রূ॑নে॒বাস্য়॑ বাধন্তে । পা॒ত মা᳚ প্র॒ত্যঞ্চ॑-ম্পা॒ত মা॑ তি॒র্যঞ্চ॑ম॒ন্বঞ্চ॑-ম্মা পা॒তেত্য়া॑হ । তি॒স্রো বৈ শ॑র॒ব্য়াঃ᳚ । প্র॒তীচী॑ তি॒রশ্চ্য়॒নূচী᳚ । তাভ্য়॑ এ॒বৈন॑-ম্পান্তি । দি॒গ্ভ্য়ো মা॑ পা॒তেত্য়া॑হ । দি॒গ্ভ্য় এ॒বৈন॑-ম্পান্তি । বিশ্বা᳚ভ্য়ো মা না॒ষ্ট্রাভ্য়ঃ॑ পা॒তেত্য়া॑হ । অপ॑রিমিতাদে॒বৈন॑-ম্পান্তি । হির॑ণ্যবর্ণাবু॒ষসাং᳚-বিঁরো॒ক ইতি॑ ত্রি॒ষ্টুভা॑ বা॒হূ উ-দ্গৃ॑হ্ণাতি । ই॒ন্দ্রি॒য়ং-বৈঁ বী॒র্য়॑-ন্ত্রি॒ষ্টুক্ । ই॒ন্দ্রি॒যমে॒ব বী॒র্য়॑-মু॒পরি॑ষ্টাদা॒ত্মন্-ধ॑ত্তে ॥ 40 ॥
(ব্য়াবৃ॑ত্ত্য়ৈ-দা॒ত্রম॒সীত্য়া॑হা॒-মৃত॒গ্​ম্॒ হির॑ণ্য়-মেকশ॒তো-গ॑ময়॒ন্-ত্য়াহ॑-ব্রাহ্মা॒ণা-না॒ষ্ট্রাভ্য়ঃ॑ পা॒তেত্য়া॑হ চ॒ত্বারি॑ চ) (অ. 6)

অনুবাকং 7 - দিগ্ব্য়াস্থাপনম্
দিশো॒ ব্য়াস্থা॑পযতি । দি॒শাম॒ভিজি॑ত্য়ৈ । যদ॑নু প্র॒ক্রামে᳚ত্ । অ॒ভি দিশো॑ জয়েত্ । উত্তু মা᳚দ্য়েত্ । মন॒সা-ঽনু॒ প্রক্রা॑মতি । অ॒ভি দিশো॑ জযতি । নোন্মা᳚দ্যতি । স॒মিধ॒মা তি॒ষ্ঠেত্য়া॑হ । তেজ॑ এ॒বাব॑রুন্ধে ॥ 41 ॥

উ॒গ্রামা তি॒ষ্ঠেত্য়া॑হ । ই॒ন্দ্রি॒যমে॒বাব॑ রুন্ধে । বি॒রাজ॒মা তি॒ষ্ঠেত্য়া॑হ । অ॒ন্নাদ্য়॑মে॒বাব॑ রুন্ধে । উদী॑চী॒মা তি॒ষ্ঠেত্য়া॑হ । প॒শূনে॒বাব॑ রুন্ধে । ঊ॒র্ধ্বামা তি॒ষ্ঠেত্য়া॑হ । সু॒ব॒র্গমে॒ব লো॒ক-ম॒ভিজ॑যতি । অনূজ্জি॑হীতে । সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ 42 ॥

মা॒রু॒ত এ॒ষ ভ॑বতি । অন্নং॒-বৈঁ ম॒রুতঃ॑ । অন্ন॑মে॒বাব॑ রুন্ধে । এক॑বিগ্​ম্শতিকপালো ভবতি॒ প্রতি॑ষ্ঠিত্য়ৈ । যো॑-ঽরণ্য়ে ঽনুবা॒ক্য়ো॑ গ॒ণঃ । ত-ম্ম॑দ্ধ্য়॒ত উপ॑দধাতি । গ্রা॒ম্য়ৈরে॒ব প॒শুভি॑-রার॒ণ্য়া-ন্প॒শূ-ন্পরি॑গৃহ্ণাতি । তস্মা᳚-দ্গ্রা॒ম্য়ৈঃ প॒শুভি॑রার॒ণ্য়াঃ প॒শবঃ॒ পরি॑গৃহীতাঃ । পৃথি॑র্বৈ॒ন্য়ঃ । অ॒ভ্য়॑ষিচ্যত ॥ 43 ॥

স রা॒ষ্ট্র-ন্নাভ॑বত্ । স এ॒তানি॑ পা॒র্থান্য়॑পশ্যত্ । তান্য়॑জুহোত্ । তৈর্বৈ স রা॒ষ্ট্র-ম॑ভবত্ । যত্পা॒র্থানি॑ জু॒হোতি॑ । রা॒ষ্ট্রমে॒ব ভ॑বতি । বা॒র্॒হ॒স্প॒ত্য়-ম্পূর্বে॑ষামুত্ত॒ম-ম্ভ॑বতি । ঐ॒ন্দ্রমুত্ত॑রেষা-ম্প্রথ॒মম্ । ব্রহ্ম॑ চৈ॒বাস্মৈ᳚ ক্ষ॒ত্র-ঞ্চ॑ স॒মীচী॑ দধাতি । অথো॒ ব্রহ্ম॑ন্নে॒ব ক্ষ॒ত্র-ম্প্রতি॑ষ্ঠাপযতি ॥ 44 ॥

ষট্পু॒রস্তা॑-দভিষে॒কস্য়॑ জুহোতি । ষডু॒পরি॑ষ্টাত্ । দ্বাদ॑শ॒ স-ম্প॑দ্যন্তে । দ্বাদ॑শ॒ মাসা᳚-স্সং​বঁথ্স॒রঃ । সং॒​বঁ॒থ্স॒রঃ খলু॒ বৈ দে॒বানা॒-ম্পূঃ । দে॒বানা॑মে॒ব পুর॑-ম্মদ্ধ্য়॒তো ব্যব॑সর্পতি । তস্য়॒ ন কুত॑শ্চ॒ নোপা᳚ব্য়া॒ধো ভ॑বতি । ভূ॒তানা॒-মবে᳚ষ্টী-র্জুহোতি । অত্রা᳚ত্র॒ বৈ মৃ॒ত্য়ু-র্জা॑যতে । যত্র॑ যত্রৈ॒ব মৃ॒ত্য়ু-র্জায়॑তে । তত॑ এ॒বৈন॒মব॑যজতে । তস্মা᳚-দ্রাজ॒সূয়ে॑নেজা॒ন-স্সর্ব॒মায়ু॑রেতি । সর্বে॒ হ্য়॑স্য় মৃ॒ত্যবো-ঽবে᳚ষ্টাঃ । তস্মা᳚-দ্রাজ॒সূয়ে॑নেজা॒নো নাভিচ॑রিত॒বৈ । প্র॒ত্যগে॑ন-মভিচা॒র-স্স্তৃ॑ণুতে ॥ 45 ॥
(রু॒ন্ধে॒-সম॑ষ্ট্য়া-অসিচ্যত-স্থাপযতি॒-জায়॑তে॒ পঞ্চ॑ চ) (অ. 7)

অনুবাকং 8 - অভিষেকঃ
সোম॑স্য়॒ ত্বিষি॑রসি॒ তবে॑ব মে॒ ত্বিষি॑র্ভূয়া॒দিতি॑ শার্দূলচ॒র্মোপ॑স্তৃণাতি । যৈব সোমে॒ ত্বিষিঃ॑ । যা শা᳚র্দূ॒লে । তামে॒বাব॑ রুন্ধে । মৃ॒ত্য়োর্বা এ॒ষ বর্ণঃ॑ । যচ্ছা᳚র্দূ॒লঃ । অ॒মৃত॒গ্​ম্॒ হির॑ণ্যম্ । অ॒মৃত॑মসি মৃ॒ত্য়োর্মা॑ পা॒হীতি॒ হির॑ণ্য়॒-মুপা᳚স্যতি । অ॒মৃত॑মে॒ব মৃ॒ত্য়োর॒ন্ত-র্ধ॑ত্তে । শ॒তমা॑ন-ম্ভবতি ॥ 46 ॥

শ॒তায়ুঃ॒ পুরু॑ষ-শ্শ॒তেন্দ্রি॑য়ঃ । আয়ু॑ষ্য়ে॒বেন্দ্রি॒য়ে প্রতি॑ তিষ্ঠতি । দি॒দ্য়োন্মা॑ পা॒হীত্য়ু॒পরি॑ষ্টা॒দধি॒ নিদ॑ধাতি । উ॒ভ॒যত॑ এ॒বাস্মৈ॒ শর্ম॑ দধাতি । অবে᳚ষ্টা দন্দ॒শূকা॒ ইতি॑ ক্লী॒বগ্​ম্ সীসে॑ন বিদ্ধ্যতি । দ॒ন্দ॒শূকা॑-নে॒বাব॑ যজতে । তস্মা᳚-ত্ক্লী॒ব-ন্দ॑ন্দ॒শূকা॒ দগ্​ম্শু॑কাঃ । নির॑স্ত॒-ন্নমু॑চে॒-শ্শির॒ ইতি॑ লোহিতায়॒স-ন্নির॑স্যতি । পা॒প্মান॑মে॒ব নমু॑চি-ন্নি॒রব॑দযতে । প্রা॒ণা আ॒ত্মনঃ॒ পূর্বে॑-ঽভি॒ষিচ্য়া॒ ইত্য়া॑হুঃ ॥ 47 ॥

সোমো॒ রাজা॒ বরু॑ণঃ । দে॒বা ধ॑র্ম॒সুব॑শ্চ॒ যে । তে তে॒ বাচগ্​ম্॑ সুবন্তা॒-ন্তে তে᳚ প্রা॒ণগ্​ম্ সু॑বন্তা॒মিত্য়া॑হ । প্রা॒ণানে॒বাত্মনঃ॒ পূর্বা॑-ন॒ভিষি॑ঞ্চতি । য-দ্ব্রূ॒য়াত্ । অ॒গ্নেস্ত্বা॒ তেজ॑সা॒ ঽভিষি॑ঞ্চা॒মীতি॑ । তে॒জ॒স্ব্য়ে॑ব স্য়া᳚ত্ । দু॒শ্চর্মা॒ তু ভ॑বেত্ । সোম॑স্য় ত্বা দ্য়ু॒ম্নেনা॒-ভিষি॑ঞ্চা॒মীত্য়া॑হ । সৌ॒ম্য়ো বৈ দে॒বত॑য়া॒ পুরু॑ষঃ ॥ 48 ॥

স্বয়ৈ॒বৈন॑-ন্দে॒বত॑য়া॒-ঽভিষি॑ঞ্চতি । অ॒গ্নে-স্তেজ॒সেত্য়া॑হ । তেজ॑ এ॒বাস্মি॑-ন্দধাতি । সূর্য়॑স্য়॒ বর্চ॒সেত্য়া॑হ । বর্চ॑ এ॒বাস্মি॑-ন্দধাতি । ইন্দ্র॑স্য়ে-ন্দ্রি॒য়েণেত্য়া॑হ । ই॒ন্দ্রি॒যমে॒বাস্মি॑-ন্দধাতি । মি॒ত্রাবরু॑ণয়ো-র্বী॒র্য়ে॑ণেত্য়া॑হ । বী॒র্য়॑মে॒বাস্মি॑-ন্দধাতি । ম॒রুতা॒মোজ॒সেত্য়া॑হ ॥ 49 ॥

ওজ॑ এ॒বাস্মি॑-ন্দধাতি । ক্ষ॒ত্রাণা᳚-ঙ্ক্ষ॒ত্রপ॑তির॒সীত্য়া॑হ । ক্ষ॒ত্রাণা॑মে॒বৈন॑-ঙ্ক্ষ॒ত্রপ॑তি-ঙ্করোতি । অতি॑ দি॒বস্পা॒হীত্য়া॑হ । অত্য়॒ন্য়া-ন্পা॒হীতি॒ বাবৈতদা॑হ । স॒মাব॑বৃত্রন্ন-ধ॒রাগুদী॑চী॒-রিত্য়া॑হ । রা॒ষ্ট্রমে॒বাস্মি॑-ন্ধ্রু॒বম॑কঃ । উ॒চ্ছেষ॑ণেন জুহোতি । উ॒চ্ছেষ॑ণভাগো॒ বৈ রু॒দ্রঃ । ভা॒গ॒ধেয়ে॑নৈ॒ব রু॒দ্র-ন্নি॒রব॑দযতে ॥ 50 ॥

উদ॑ম্প॒রেত্য়াগ্নী᳚দ্ধ্রে জুহোতি । এ॒ষা বৈ রু॒দ্রস্য়॒ দিক্ । স্বায়া॑মে॒ব দি॒শি রু॒দ্র-ন্নি॒রব॑দযতে । রুদ্র॒ যত্তে॒ ক্রয়ী॒ পর॒-ন্নামেত্য়া॑হ । যদ্বা অ॑স্য়॒ ক্রয়ী॒ পর॒-ন্নাম॑ । তেন॒ বা এ॒ষ হি॑নস্তি । যগ্​ম্ হি॒নস্তি॑ । তেনৈ॒বৈনগ্​ম্॑ স॒হ শ॑মযতি । তস্মৈ॑ হু॒তম॑সি য॒মেষ্ট॑ম॒সীত্য়া॑হ । য॒মাদে॒বাস্য়॑ মৃ॒ত্য়ুমব॑যজতে ॥ 51 ॥

প্রজা॑পতে॒ ন ত্বদে॒তান্য়॒ন্য় ইতি॒ তস্য়ৈ॑ গৃ॒হে জু॑হুয়াত্ । যা-ঙ্কা॒ময়ে॑ত রা॒ষ্ট্রম॑স্য়ৈ প্র॒জা স্য়া॒দিতি॑ । রা॒ষ্ট্রমে॒বাস্য়ৈ᳚ প্র॒জা ভ॑বতি । প॒র্ণ॒-ময়ে॑না-দ্ধ্ব॒র্য়ু-র॒ভিষি॑ঞ্চতি । ব্র॒হ্ম॒ব॒র্চ॒সমে॒বাস্মি॒ন্-ত্বিষি॑-ন্দধাতি । ঔদু॑ম্বরেণ রাজ॒ন্য়ঃ॑ । ঊর্জ॑মে॒বাস্মি॑-ন্ন॒ন্নাদ্য়॑-ন্দধাতি । আশ্ব॑ত্থেন॒ বৈশ্য়ঃ॑ । বিশ॑মে॒বাস্মি॒-ন্পুষ্টি॑-ন্দধাতি । নৈয়॑গ্রোধেন॒ জন্য়ঃ॑( ) । মি॒ত্রাণ্য়ে॒বাস্মৈ॑ কল্পযতি । অথো॒ প্রতি॑ষ্ঠিত্য়ৈ ॥ 52 ॥
(ভ॒ব॒ - ত্য়া॒হুঃ॒ - পুরু॑ষ॒ - ওজ॒সেত্য়া॑হ - নি॒রব॑দযতে - যজতে॒ - জন্য়ো॒ দ্বে চ॑) (অ. 8)

অনুবাকং 9 - স্থারোহণম্. বিজয়ঃ
ইন্দ্র॑স্য়॒ বজ্রো॑-ঽসি॒ বার্ত্র॑ঘ্ন॒ ইতি॒ রথ॑মু॒পাব॑হরতি॒ বিজি॑ত্য়ৈ । মি॒ত্রাবরু॑ণয়োস্ত্বা প্রশা॒স্ত্রোঃ প্র॒শিষা॑ যুন॒জ্মীত্য়া॑হ । ব্রহ্ম॑ণৈ॒বৈন॑-ন্দে॒বতা᳚ভ্য়াং-য়ুঁনক্তি । প্র॒ষ্টি॒বা॒হিনং॑-য়ুঁনক্তি । প্র॒ষ্টি॒বা॒হী বৈ দে॑বর॒থঃ । দে॒ব॒র॒থ-মে॒বাস্মৈ॑ যুনক্তি । ত্রয়ো-ঽশ্বা॑ ভবন্তি । রথ॑শ্চতু॒র্থঃ । দ্বৌ স॑ব্য়েষ্ঠসার॒থী । ষট্-থ্সম্প॑দ্যন্তে ॥ 53 ॥

ষড্বা ঋ॒তবঃ॑ । ঋ॒তুভি॑রে॒বৈনং॑-য়ুঁনক্তি । বি॒ষ্ণু॒ক্র॒মান্-ক্র॑মতে । বিষ্ণু॑রে॒ব ভূ॒ত্বেমান্ ঁলো॒কান॒ভিজ॑যতি । যঃ, ক্ষ॒ত্রিয়ঃ॒ প্রতি॑হিতঃ । সো᳚-ঽন্বার॑ভতে । রা॒ষ্ট্রমে॒ব ভ॑বতি । ত্রি॒ষ্টুভা॒ ঽন্বার॑ভতে । ই॒ন্দ্রি॒য়ং-বৈঁ ত্রি॒ষ্টুক্ । ই॒ন্দ্রি॒যমে॒ব যজ॑মানে দধাতি ॥ 54 ॥

ম॒রুতা᳚-ম্প্রস॒বে জে॑ষ॒মিত্য়া॑হ । ম॒রুদ্ভি॑রে॒ব প্রসূ॑ত॒ উজ্জ॑যতি । আ॒প্ত-ম্মন॒ ইত্য়া॑হ । যদে॒ব মন॒সৈফ্সী᳚ত্ । তদা॑পত্ । রা॒জ॒ন্য়॑-ঞ্জিনাতি । অনা᳚ক্রান্ত এ॒বাক্র॑মতে । বি বা এ॒ষ ই॑ন্দ্রি॒য়েণ॑ বী॒র্য়ে॑ণর্ধ্যতে । যো রা॑জ॒ন্য়॑-ঞ্জি॒নাতি॑ । সম॒হমি॑ন্দ্রি॒য়েণ॑ বী॒র্য়ে॑ণেত্য়া॑হ ॥ 55 ॥

ই॒ন্দ্রি॒যমে॒ব বী॒র্য়॑মা॒ত্মন্-ধ॑ত্তে । প॒শূ॒না-ম্ম॒ন্য়ুর॑সি॒ তবে॑ব মে ম॒ন্য়ুর্ভূ॑য়া॒দিতি॒ বারা॑হী উপা॒নহা॒বুপ॑ মুঞ্চতে । প॒শূ॒নাং-বাঁ এ॒ষ ম॒ন্য়ুঃ । য-দ্ব॑রা॒হঃ । তেনৈ॒ব প॑শূ॒না-ম্ম॒ন্য়ুমা॒ত্ম-ন্ধ॑ত্তে । অ॒ভি বা ই॒য়গ্​ম্ সু॑ষুবা॒ণ-ঙ্কা॑মযতে । তস্য়ে᳚শ্ব॒রেন্দ্রি॒য়ং-বীঁ॒র্য়॑মাদা॑তোঃ । বারা॑হী উপা॒নহা॒বুপ॑মুঞ্চতে । অ॒স্য়া এ॒বান্তর্ধ॑ত্তে । ই॒ন্দ্রি॒যস্য়॑ বী॒র্য়॑স্য়ানা᳚ত্ত্য়ৈ ॥ 56 ॥

নমো॑ মা॒ত্রে পৃ॑থি॒ব্য়া ইত্য়া॒হাহিগ্​ম্॑ সায়ৈ । ইয়॑দ॒স্য়া-য়ু॑র॒স্য়ায়ু॑র্মে ধে॒হীত্য়া॑হ । আয়ুরে॒বাত্মন্-ধ॑ত্তে । ঊর্গ॒স্য়ূর্জ॑-ম্মে ধে॒হীত্য়া॑হ । ঊর্জ॑ম॒বাত্ম-ন্ধ॑ত্তে । যুঙ্ঙ॑সি॒ বর্চো॑-ঽসি॒ বর্চো॒ ময়ি॑ ধে॒হীত্য়া॑হ । বর্চ॑ এ॒বাত্ম-ন্ধ॑ত্তে । এ॒ক॒ধা ব্র॒হ্মণ॒ উপ॑ হরতি । এ॒ক॒ধৈব যজ॑মান॒ আয়ু॒রূর্জং॒-বঁর্চো॑ দধাতি । র॒থ॒বি॒মো॒চ॒নীয়া॑ জুহোতি॒ প্রতি॑ষ্ঠিত্য়ৈ ॥ 57 ॥

ত্রয়ো-ঽশ্বা॑ ভবন্তি । রথ॑শ্চতু॒র্থঃ । তস্মা᳚-চ্চ॒তুর্জু॑হোতি । যদু॒ভৌ স॒হাব॒তিষ্ঠে॑তাম্ । স॒মা॒নং-লোঁ॒কমি॑য়াতাম্ । স॒হ স॑গ্রংহী॒ত্রা র॑থ॒বাহ॑নে॒ রথ॒মাদ॑ধাতি । সু॒ব॒র্গাদে॒বৈনং॑-লোঁ॒কাদ॒ন্তর্দ॑ধাতি । হ॒গ্​ম্॒স-শ্শু॑চি॒ষদিত্য়া দ॑ধাতি । ব্রহ্ম॑ণৈ॒বৈন॑-মুপাব॒হর॑তি । ব্রহ্ম॒ণা ঽঽদ॑ধাতি । অতি॑চ্ছন্দ॒সা ঽঽদ॑ধাতি । অতি॑চ্ছন্দা॒ বৈ সর্বা॑ণি॒ ছন্দাগ্​ম্॑সি । সর্বে॑ভিরে॒বৈন॒-ঞ্ছন্দো॑ভি॒-রাদ॑ধাতি । বর্​ষ্ম॒ বা এ॒ষা ছন্দ॑সাম্ । যদতি॑চ্ছন্দাঃ । যদতি॑চ্ছন্দসা॒ দধা॑তি । বর্​ষ্মৈ॒বৈনগ্​ম্॑ সমা॒নানা᳚-ঙ্করোতি ॥ 58 ॥
(প॒দ্য়॒ন্তে॒ - দ॒ধা॒তি॒ - বী॒র্য়ে॑ণেত্য়া॒হা - না᳚ত্য়ৈ॒ - প্রতি॑ষ্ঠিত্য়ৈ॒ - ব্রহ্ম॒ণা-ঽঽদ॑ধাতি স॒প্ত চ॑) (অ. 9)

অনুবাকং 10 - আসনে সমুপবেশ-স্সর্বৈস্সেব্যত্ব-ঞ্চ
মি॒ত্রো॑-ঽসি॒ বরু॑ণো॒-ঽসীত্য়া॑হ । মৈ॒ত্রং-বাঁ অহঃ॑ । বা॒রু॒ণী রাত্রিঃ॑ । অ॒হো॒রা॒ত্রাভ্য়া॑-মে॒বৈন॑-মু॒পাব॑হরতি । মি॒ত্রো॑-ঽসি॒ বরু॑ণো॒সীত্য়া॑হ । মৈ॒ত্রো বৈ দক্ষি॑ণঃ । বা॒রু॒ণ-স্স॒ব্য়ঃ । বৈ॒শ্ব॒দে॒ব্য়া॑মিক্ষা᳚ । স্বমে॒বৈনৌ॑ ভাগ॒ধেয়॑-মু॒পাব॑হরতি । সম॒হং-বিঁশ্বৈ᳚র্দে॒বৈ-রিত্য়া॑হ ॥ 59 ॥

বৈ॒শ্ব॒দে॒ব্য়ো॑ বৈ প্র॒জাঃ । তা এ॒বাদ্য়াঃ᳚ কুরুতে । ক্ষ॒ত্রস্য়॒ নাভি॑রসি ক্ষ॒ত্রস্য়॒ যোনি॑-র॒সীত্য়॑ধীবা॒সমা-স্তৃ॑ণাতি সয়োনি॒ত্বায়॑ । স্য়ো॒নামাসী॑দ সু॒ষদা॒মাসী॒দেত্য়া॑হ । য॒থা॒ য॒জুরে॒বৈ তত্ । মা ত্বা॑ হিগ্​ম্সী॒-ন্মা মা॑ হিগ্​ম্সী॒দিত্য়া॒হা-হিগ্​ম্॑সায়ৈ । নিষ॑সাদ ধৃ॒তব্র॑তো॒ বরু॑ণঃ প॒স্ত্য়া᳚স্বা সাম্রা᳚জ্য়ায় সু॒ক্রতু॒রিত্য়া॑হ । সাম্রা᳚জ্যমে॒বৈনগ্​ম্॑ সু॒ক্রতু॑-ঙ্করোতি । ব্রহ্মা(3)ন্ত্বগ্​ম্ রা॑জন্-ব্র॒হ্মা-ঽসি॑ সবি॒তা-ঽসি॑ স॒ত্যস॑ব॒ ইত্য়া॑হ । স॒বি॒তার॑-মে॒বৈনগ্​ম্॑ স॒ত্যস॑ব-ঙ্করোতি ॥ 60 ॥

ব্রহ্মা(3)ন্ত্বগ্​ম্ রা॑জন্-ব্র॒হ্মা-ঽসীন্দ্রো॑-ঽসি স॒ত্য়ৌজা॒ ইত্য়া॑হ । ইন্দ্র॑মে॒বৈনগ্​ম্॑ স॒ত্য়ৌজ॑স-ঙ্করোতি । ব্রহ্মা(3)ন্ত্বগ্​ম্ রা॑জন্-ব্র॒হ্মা-ঽসি॑ মি॒ত্রো॑-ঽসি সু॒শেব॒ ইত্য়া॑হ । মি॒ত্রমে॒বৈনগ্​ম্॑ সু॒শেব॑-ঙ্করোতি । ব্রহ্মা(3)ন্ত্বগ্​ম্ রা॑জন্-ব্র॒হ্মা-ঽসি॒ বরু॑ণো-ঽসি স॒ত্যধ॒র্মেত্য়া॑হ । বরু॑ণমে॒বৈনগ্​ম্॑ স॒ত্যধ॑র্মাণ-ঙ্করোতি । স॒বি॒তা-ঽসি॑ স॒ত্যস॑ব॒ ইত্য়া॑হ । গা॒য়॒ত্রী-মে॒বৈতেনা॑ভি॒ব্য়াহ॑রতি । ইন্দ্রো॑-ঽসি স॒ত্য়ৌজা॒ ইত্য়া॑হ । ত্রি॒ষ্টুভ॑-মে॒বৈতেনা॑ভি॒-ব্য়াহ॑রতি ॥ 61 ॥

মি॒ত্রো॑-ঽসি সু॒শেব॒ ইত্য়া॑হ । জগ॑তী-মে॒বৈতেনা॑ভি॒ব্য়াহ॑রতি । স॒ত্যমে॒তা দে॒বতাঃ᳚ । স॒ত্যমে॒তানি॒ ছন্দাগ্​ম্॑সি । স॒ত্যমে॒বাব॑ রুন্ধে । বরু॑ণো-ঽসি স॒ত্যধ॒র্মেত্য়া॑হ । অ॒নু॒ষ্টুভ॑-মে॒বৈতেনা॑ভি॒ব্য়াহ॑রতি । স॒ত্য়া॒নৃ॒তে বা অ॑নু॒ষ্টুপ্ । স॒ত্য়া॒নৃ॒তে বরু॑ণঃ । স॒ত্য়া॒নৃ॒তে এ॒বাব॑রুন্ধে ॥ 62 ॥

নৈনগ্​ম্॑ সত্য়ানৃ॒তে উ॑দি॒তে হিগ্গ্॑স্তঃ । য এ॒বং-বেঁদ॑ । ইন্দ্র॑স্য়॒ বজ্রো॑-ঽসি॒ বার্ত্র॑ঘ্ন॒ ইতি॒ স্ফ্য়-ম্প্রয়॑চ্ছতি । বজ্রো॒ বৈ স্ফ্য়ঃ । বজ্রে॑ণৈ॒বাস্মা॑ অবরপ॒রগ্​ম্ র॑ন্ধযতি । এ॒বগ্​ম্ হি তচ্ছ্রেয়ঃ॑ । যদ॑স্মা এ॒তে রদ্ধ্য়ে॑য়ুঃ । দিশো॒-ঽভ্য়॑য়গ্​ম্ রাজা॑ ঽভূ॒দিতি॒ পঞ্চা॒ক্ষান্-প্রয়॑চ্ছতি । এ॒তে বৈ সর্বে-ঽয়াঃ᳚ । অপ॑রাজায়িন-মে॒বৈন॑-ঙ্করোতি ॥ 63 ॥

ও॒দ॒নমুদ্ব্রু॑বতে । প॒র॒মে॒ষ্ঠী বা এ॒ষঃ । যদো॑দ॒নঃ । প॒র॒মামে॒বৈন॒গ্গ্॒ শ্রিয়॑-ঙ্গমযতি । সুশ্লো॒কাঁ(4) সুম॑ঙ্গ॒লাঁ(4) সত্য়॑রা॒জা(3)নিত্য়া॑হ । আ॒শিষ॑মে॒বৈতামা শা᳚স্তে । শৌ॒ন॒-শ্শে॒পমাখ্য়া॑পযতে । ব॒রু॒ণ॒পা॒শা-দে॒বৈন॑-ম্মুঞ্চতি । প॒র॒-শ্শ॒ত-ম্ভ॑বতি । শ॒তায়ুঃ॒ পুরু॑ষ-শ্শ॒তেন্দ্রি॑য়ঃ( ) । আয়ু॑ষ্য়ে॒বেন্দ্রি॒য়ে প্রতি॑তিষ্ঠতি । মা॒রু॒তস্য়॒ চৈক॑বিগ্​ম্শতিকপালস্য় বৈশ্বদে॒ব্য়ৈ চা॒মিক্ষা॑য়া অ॒গ্নয়ে᳚ স্বিষ্ট॒কৃতে॑ স॒মব॑দ্যতি । দে॒বতা॑ভিরে॒বৈন॑-মুভ॒যতঃ॒ পরি॑গৃহ্ণাতি । অ॒পা-ন্নপ্ত্রে॒ স্বাহো॒র্জো নপ্ত্রে॒ স্বাহা॒-ঽগ্নয়ে॑ গৃ॒হপ॑তয়ে॒ স্বাহেতি॑ তি॒স্র আহু॑তী-র্জুহোতি । ত্রয়॑ ই॒মে লো॒কাঃ । এ॒ষ্বে॑ব লো॒কেষু॒ প্রতি॑ তিষ্ঠতি ॥ 64 ॥
(দে॒বৈরিত্য়া॑হ - স॒ত্যস॑ব-ঙ্করোতি - ত্রি॒ষ্টুভ॑মে॒বৈতেনা॑ভি॒ ব্য়াহ॑রতি- সত্য়ানৃ॒তে এ॒বাব॑রুন্ধে - করোতি - শ॒তেন্দ্রি॑য়॒-ষ্ষট্চ॑) (অ. 10)

(এ॒ত-দ্ব্রা᳚হ্মণানি - ধা॒ত্রে - রা॒ত্নিনাং᳚ - দেবসু॒বা - ম॒র্থেতো॒ - দেবী॒--র্ দিশঃ॒ - সোম॒স্য়ে - ন্দ্র॑স্য় - মি॒ত্রো দশ॑)

(এ॒ত-দ্ব্রা᳚হ্মণানি - বৈষ্ণ॒ব-ন্ত্রি॑কপা॒ল - মন্নং॒-বৈঁ পূ॒ষা - বাশা॒-স্স্থেত্য়া॑হ॒ - দিশো॒ ব্য়াস্থা॑পয়॒ - ত্য়ুদ॑ম্প॒রেত্য়॒ - ব্রহ্মা(3)ন্ত্বগ্​ম্ রা॑জ॒-ঞ্চতু॑ষ্ষষ্টিঃ

(এ॒ত-দ্ব্রা᳚হ্মণানি॒ - প্রতি॑ তিষ্ঠতি)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে সপ্তমঃ প্রপাঠক-স্সমাপ্তঃ ॥