କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ସପ୍ତମଃ ପ୍ରପାଠକଃ - ଅଚ୍ଛିଦ୍ର-ଙ୍କାଣ୍ଡ-ମ୍ପ୍ରାୟଶ୍ଚିତ୍ତମ୍

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥

ଅଚ୍ଛିଦ୍ର-ଙ୍କାଣ୍ଡ-ମ୍ପ୍ରାୟଶ୍ଚିତ୍ତେନ ମନ୍ତ୍ରୈଶ୍ଚ ୟଜ୍ଞଚ୍ଛିଦ୍ରପୂରଣାଦଚ୍ଛିଦ୍ରମୁଚ୍ୟତେ

ଅନୁଵାକଂ 1 - ଦର୍​ଶପୂର୍ଣମାସେଷ୍ଟିଵିଷୟାଣି କାନି ଚିତ୍ପ୍ରାୟଶ୍ଚିତ୍ତାନି

ସର୍ଵା॒ନ୍॒. ଵା ଏ॒ଷୋ᳚-ଽଗ୍ନୌ କାମା॒-ନ୍ପ୍ରଵେ॑ଶୟତି ।
ୟୋ᳚-ଽଗ୍ନୀନ॑ନ୍ଵା॒ଧାୟ॑ ଵ୍ର॒ତମୁ॒ପୈତି॑ ।
ସ ୟଦନି॑ଷ୍ଟ୍ଵା ପ୍ରୟା॒ୟାତ୍ । ଅକା॑ମପ୍ରୀତା ଏନ॒-ଙ୍କାମା॒ ନାନୁ॒ ପ୍ରୟା॑ୟୁଃ । ଅ॒ତେ॒ଜା ଅ॑ଵୀ॒ର୍ୟ॑-ସ୍ସ୍ୟାତ୍ ।
ସ ଜୁ॑ହୁୟାତ୍ । ତୁଭ୍ୟ॒-ନ୍ତା ଅ॑ଙ୍ଗିରସ୍ତମ ।
ଵିଶ୍ଵା᳚-ସ୍ସୁକ୍ଷି॒ତୟଃ॒ ପୃଥ॑କ୍ ।
ଅଗ୍ନେ॒ କାମା॑ୟ ୟେମିର॒ ଇତି॑ ।
କାମା॑ନେ॒ଵାସ୍ମି॑-ନ୍ଦଧାତି ॥ 1 ॥

କାମ॑ପ୍ରୀତା ଏନ॒-ଙ୍କାମା॒ ଅନୁ॒ପ୍ରୟା᳚ନ୍ତି ।
ତେ॒ଜ॒ସ୍ଵୀ ଵୀ॒ର୍ୟା॑ଵା-ନ୍ଭଵତି ॥
ସନ୍ତ॑ତି॒ର୍ଵା ଏ॒ଷା ୟ॒ଜ୍ଞସ୍ୟ॑ ।
ୟୋ᳚-ଽଗ୍ନୀନ॑ନ୍ଵା॒ଧାୟ॑ ଵ୍ର॒ତମୁ॒ପୈତି॑ ।
ସ ୟଦୁ॒ଦ୍ଵାୟ॑ତି । ଵିଚ୍ଛି॑ତ୍ତି-ରେ॒ଵାସ୍ୟ॒ ସା ॥
ତ-ମ୍ପ୍ରାଞ୍ଚ॑ମୁ॒ଦ୍ଧୃତ୍ୟ॑ ।
ମନ॒ସୋପ॑ତିଷ୍ଠେତ । ମନୋ॒ ଵୈ ପ୍ର॒ଜାପ॑ତିଃ ।
ପ୍ରା॒ଜା॒ପ॒ତ୍ୟୋ ୟ॒ଜ୍ଞଃ ॥ 2 ॥

ମନ॑ସୈ॒ଵ ୟ॒ଜ୍ଞଗ୍​ମ୍ ସନ୍ତ॑ନୋତି । ଭୂରିତ୍ୟା॑ହ । ଭୂ॒ତୋ ଵୈ ପ୍ର॒ଜାପ॑ତିଃ । ଭୂତି॑ମେ॒ଵୋପୈ॑ତି ॥
ଵି ଵା ଏ॒ଷ ଇ॑ନ୍ଦ୍ରି॒ୟେଣ॑ ଵୀ॒ର୍ୟେ॑ଣର୍ଧ୍ୟତେ ।
ୟସ୍ୟା-ହି॑ତାଗ୍ନେ-ର॒ଗ୍ନିର॑ପ॒କ୍ଷାୟ॑ତି । ୟାଵ॒ଚ୍ଛମ୍ୟ॑ୟା ପ୍ର॒ଵିଦ୍ଧ୍ୟେ᳚ତ୍ ।
ୟଦି॒ ତାଵ॑ଦପ॒କ୍ଷାୟେ᳚ତ୍ । ତଗ୍​ମ୍ ସମ୍ଭ॑ରେତ୍ ।
ଇ॒ଦ-ନ୍ତ॒ ଏକ॑-ମ୍ପ॒ର ଉ॑ତ॒ ଏକ᳚ମ୍ ॥ 3 ॥

ତୃ॒ତୀୟେ॑ନ॒ ଜ୍ୟୋତି॑ଷା॒ ସଂ​ଵିଁ॑ଶସ୍ଵ । ସଂ॒​ଵେଁଶ॑ନସ୍ତ॒ନୁଵୈ॒ ଚାରୁ॑ରେଧି ।
ପ୍ରି॒ୟେ ଦେ॒ଵାନା᳚-ମ୍ପର॒ମେ ଜ॒ନିତ୍ର॒ ଇତି॑ । ବ୍ରହ୍ମ॑ଣୈ॒ଵୈନ॒ଗ୍​ମ୍॒ ସମ୍ଭ॑ରତି ।
ସୈଵ ତତଃ॒ ପ୍ରାୟ॑ଶ୍ଚିତ୍ତିଃ । ୟଦି॑ ପରସ୍ତ॒-ରାମ॑ପ॒କ୍ଷାୟେ᳚ତ୍ । ଅ॒ନୁ॒ ପ୍ର॒ୟାୟାଵ॑ସ୍ୟେତ୍ ।
ସୋ ଏ॒ଵ ତତଃ॒ ପ୍ରାୟ॑ଶ୍ଚିତ୍ତିଃ ॥
ଓଷ॑ଧୀ॒ର୍ଵା ଏ॒ତସ୍ୟ॑ ପ॒ଶୂ-ନ୍ପୟଃ॒ ପ୍ରଵି॑ଶତି ।
ୟସ୍ୟ॑ ହ॒ଵିଷେ॑ ଵ॒ଥ୍ସା ଅ॒ପାକୃ॑ତା॒ ଧୟ॑ନ୍ତି ॥ 4 ॥

ତାନ୍. ୟଦ୍ଦୁ॒ହ୍ୟାତ୍ । ୟା॒ତୟା᳚ମ୍ନା ହ॒ଵିଷା॑ ୟଜେତ । ୟନ୍ନ ଦୁ॒ହ୍ୟାତ୍ । ୟ॒ଜ୍ଞ॒ପ॒ରୁ-ର॒ନ୍ତରି॑ୟାତ୍ । ଵା॒ୟ॒ଵ୍ୟାଂ᳚-ୟଁଵା॒ଗୂ-ନ୍ନିର୍ଵ॑ପେତ୍ ।
ଵା॒ୟୁର୍ଵୈ ପୟ॑ସଃ ପ୍ରଦାପୟି॒ତା । ସ ଏ॒ଵାସ୍ମୈ॒ ପୟଃ॒ ପ୍ରଦା॑ପୟତି । ପୟୋ॒ ଵା ଓଷ॑ଧୟଃ ।
ପୟଃ॒ ପୟଃ॑ ।
ପୟ॑ସୈ॒ଵାସ୍ମୈ॒ ପୟୋ-ଽଵ॑ରୁନ୍ଧେ ॥ 5 ॥

ଅଥୋତ୍ତ॑ରସ୍ମୈ ହ॒ଵିଷେ॑ ଵ॒ଥ୍ସାନ॒ପା କୁ॑ର୍ୟାତ୍ ।
ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ଅ॒ନ୍ୟ॒ତ॒ରାନ୍. ଵା ଏ॒ଷ ଦେ॒ଵା-ନ୍ଭା॑ଗ॒ଧେୟେ॑ନ॒ ଵ୍ୟ॑ର୍ଧୟତି ।
ୟେ ୟଜ॑ମାନସ୍ୟ ସା॒ୟ-ଙ୍ଗୃ॒ହମା॒-ଗଚ୍ଛ॑ନ୍ତି ।
ୟସ୍ୟ॑ ସାୟ-ନ୍ଦୁ॒ଗ୍ଧଗ୍​ମ୍ ହ॒ଵିରାର୍ତି॑-ମା॒ର୍ଚ୍ଛତି॑ ।
ଇନ୍ଦ୍ରା॑ୟ ଵ୍ରୀ॒ହୀନ୍ନି॒-ରୁପ୍ୟୋ-ପ॑ଵସେତ୍ । ପୟୋ॒ ଵା ଓଷ॑ଧୟଃ । ପୟ॑ ଏ॒ଵାରଭ୍ୟ॑ ଗୃହୀ॒ତ୍ଵୋ-ପ॑ଵସତି । ୟତ୍ପ୍ରା॒ତ-ସ୍ସ୍ୟାତ୍ । ତଚ୍ଛୃ॒ତ-ଙ୍କୁ॑ର୍ୟାତ୍ ॥ 6 ॥

ଅଥେତ॑ର ଐ॒ନ୍ଦ୍ରଃ ପୁ॑ରୋ॒ଡାଶ॑-ସ୍ସ୍ୟାତ୍ ।
ଇ॒ନ୍ଦ୍ରି॒ୟେ ଏ॒ଵାସ୍ମୈ॑ ସ॒ମୀଚୀ॑ ଦଧାତି ।
ପୟୋ॒ ଵା ଓଷ॑ଧୟଃ । ପୟଃ॒ ପୟଃ॑ । ପୟ॑ସୈ॒ଵାସ୍ମୈ॒ ପୟୋ-ଽଵ॑ରୁନ୍ଧେ ।
ଅଥୋତ୍ତ॑ରସ୍ମୈ ହ॒ଵିଷେ॑ ଵ॒ଥ୍ସାନ॒ପା କୁ॑ର୍ୟାତ୍ ।
ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ଉ॒ଭୟା॒ନ୍॒. ଵା ଏ॒ଷ ଦେ॒ଵା-ନ୍ଭା॑ଗ॒ଧେୟେ॑ନ॒ ଵ୍ୟ॑ର୍ଧୟତି ।
ୟେ ୟଜ॑ମାନସ୍ୟ ସା॒ୟ-ଞ୍ଚ॑ ପ୍ରା॒ତଶ୍ଚ॑ ଗୃ॒ହମା॒-ଗଚ୍ଛ॑ନ୍ତି । ୟସ୍ୟୋ॒ଭୟଗ୍​ମ୍॑ ହ॒ଵିରାର୍ତି॑-ମା॒ର୍ଚ୍ଛତି॑ ॥ 7 ॥

ଐ॒ନ୍ଦ୍ର-ମ୍ପଞ୍ଚ॑ଶରାଵ-ମୋଦ॒ନ-ନ୍ନିର୍ଵ॑ପେତ୍ ।
ଅ॒ଗ୍ନି-ନ୍ଦେ॒ଵତା॑ନା-ମ୍ପ୍ରଥ॒ମଂ-ୟଁ॑ଜେତ୍ ।
ଅ॒ଗ୍ନିମୁ॑ଖା ଏ॒ଵ ଦେ॒ଵତାଃ᳚ ପ୍ରୀଣାତି ।
ଅ॒ଗ୍ନିଂ-ଵାଁ ଅନ୍ଵ॒ନ୍ୟା ଦେ॒ଵତାଃ᳚ ।
ଇନ୍ଦ୍ର॒ମନ୍ଵ॒ନ୍ୟାଃ । ତା ଏ॒ଵୋଭୟୀଃ᳚ ପ୍ରୀଣାତି ।
ପୟୋ॒ ଵା ଓଷ॑ଧୟଃ ।
ପୟଃ॒ ପୟଃ॑ । ପୟ॑ସୈ॒ଵାସ୍ମୈ॒ ପୟୋ-ଽଵ॑ରୁନ୍ଧେ ।
ଅଥୋତ୍ତ॑ରସ୍ମୈ ହ॒ଵିଷେ॑ ଵ॒ଥ୍ସାନ॒ପା କୁ॑ର୍ୟାତ୍ ॥ 8 ॥

ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ଅ॒ର୍ଧୋ ଵା ଏ॒ତସ୍ୟ॑ ୟ॒ଜ୍ଞସ୍ୟ॑ ମୀୟତେ ।
ୟସ୍ୟ॒ ଵ୍ରତ୍ୟେ-ଽହ॒-ନ୍ପତ୍ନ୍ୟ॑ନା-ଲମ୍ଭୁ॒କା ଭଵ॑ତି । ତାମ॑ପ॒ରୁଦ୍ଧ୍ୟ॑ ୟଜେତ ।
ସର୍ଵେ॑ଣୈ॒ଵ ୟ॒ଜ୍ଞେନ॑ ୟଜତେ ।
ତାମି॒ଷ୍ଟ୍ଵୋ-ପ॑ହ୍ଵୟେତ । ଅମୂ॒ହମ॑ସ୍ମି ।
ସା ତ୍ଵମ୍ । ଦ୍ୟୌର॒ହମ୍ । ପୃ॒ଥି॒ଵୀ ତ୍ଵମ୍ । ସାମା॒ହମ୍ । ଋକ୍ତ୍ଵମ୍ । ତାଵେହି॒ ସମ୍ଭ॑ଵାଵ । ସ॒ହ ରେତୋ॑ ଦଧାଵହୈ । ପୁ॒ଗ୍​ମ୍॒ସେ ପୁ॒ତ୍ରାୟ॒ ଵେତ୍ତ॑ଵୈ ।
ରା॒ୟସ୍ପୋଷା॑ୟ ସୁପ୍ରଜା॒ସ୍ତ୍ଵାୟ॑ ସୁ॒ଵୀର୍ୟା॒ୟେତି॑ ।
ଅ॒ର୍ଧ ଏ॒ଵୈନା॒ମୁ-ପ॑ହ୍ଵୟତେ ।
ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ 9 ॥
(ଦ॒ଧା॒ତି॒ - ୟ॒ଜ୍ଞ - ଉ॑ତ॒ ଏକଂ॒ - ଧୟ॑ନ୍ତି - ରୁନ୍ଧେ - କୁର୍ୟା - ଦା॒ର୍ଛ - ତ୍ୟ॒ପାକୁ॑ର୍ୟାତ୍ - ପୃଥି॒ଵୀ ତ୍ଵମ॒ଷ୍ଟୌ ଚ॑) (ଅ. 1)

(ସର୍ଵା॒ନ୍॒. ଵି ଵୈ ୟଦି॑ ପରସ୍ତ॒ରାମୋଷ॑ଧୀରନ୍ ୟତ॒ରାନୁ॒ଭୟା॑ନ॒ର୍ଧୋ ଵୈ )

ଅନୁଵାକଂ 2 - ଅଗ୍ନିହୋତ୍ରସାମ୍ନାୟ୍ୟସାଧାରଣାନି ପ୍ରାୟଶ୍ଚିତ୍ତାନି
3.7.2.1
ୟଦ୍ଵି-ଷ୍ଷ॑ଣ୍ଣେନ ଜୁହୁ॒ୟାତ୍ ।
ଅପ୍ର॑ଜା ଅପ॒ଶୁର୍ୟଜ॑ମାନ-ସ୍ସ୍ୟାତ୍ ।
ୟଦନା॑ୟତନେ ନି॒ନୟେ᳚ତ୍ । ଅ॒ନା॒ୟ॒ତ॒ନ-ସ୍ସ୍ୟା᳚ତ୍ ।
ପ୍ରା॒ଜା॒ପ॒ତ୍ୟୟ॒ର୍ଚା ଵ॑ଲ୍ମୀକ-ଵ॒ପାୟା॒ମ-ଵ॑ନୟେତ୍ । ପ୍ରା॒ଜା॒ପ॒ତ୍ୟୋ ଵୈ ଵ॒ଲ୍ମୀକଃ॑ । ୟ॒ଜ୍ଞଃ ପ୍ର॒ଜାପ॑ତିଃ । ପ୍ର॒ଜାପ॑ତାଵେ॒ଵ ୟ॒ଜ୍ଞ-ମ୍ପ୍ରତି॑ଷ୍ଠାପୟତି ।
ଭୂରିତ୍ୟା॑ହ । ଭୂ॒ତୋ ଵୈ ପ୍ର॒ଜାପ॑ତିଃ ॥ 10 ॥

ଭୂତି॑ମେ॒ଵୋପୈ॑ତି । ତ-ତ୍କୃ॒ତ୍ଵା । ଅ॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ୟ᳚ମ୍ । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ୟତ୍କୀ॒ଟା-ଵ॑ପନ୍ନେନ ଜୁହୁ॒ୟାତ୍ ।
ଅପ୍ର॑ଜା ଅପ॒ଶୁ-ର୍ୟଜ॑ମାନ-ସ୍ସ୍ୟାତ୍ ।
ୟଦନା॑ୟତନେ ନି॒ନୟେ᳚ତ୍ । ଅ॒ନା॒ୟ॒ତ॒ନ-ସ୍ସ୍ୟା᳚ତ୍ ।
ମ॒ଦ୍ଧ୍ୟ॒ମେନ॑ ପ॒ର୍ଣେନ॑ ଦ୍ୟାଵା-ପୃଥି॒ଵ୍ୟ॑-ୟ॒ର୍ଚା-ଽନ୍ତଃ॑ ପରି॒ଧି ନିନ॑ୟେତ୍ ।
ଦ୍ୟାଵା॑ପୃଥି॒ଵ୍ୟୋ-ରେ॒ଵୈନ॒ତ୍-ପ୍ରତି॑ଷ୍ଠାପୟତି ॥ 11 ॥

ତତ୍କୃ॒ତ୍ଵା । ଅ॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ୟ᳚ମ୍ । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ ୟଦଵ॑ଵୃଷ୍ଟେନ ଜୁହୁ॒ୟାତ୍ । ଅପ॑ରୂପ-ମସ୍ୟା॒ତ୍ମ-ଞ୍ଜା॑ୟେତ ।
କି॒ଲାସୋ॑ ଵା॒ ସ୍ୟାଦ॑ର୍​ଶ॒ସୋ ଵା᳚ । ୟ-ତ୍ପ୍ରତ୍ୟେ॒ୟାତ୍ । ୟ॒ଜ୍ଞଂ-ଵିଁଚ୍ଛି॑ନ୍ଦ୍ୟାତ୍ । ସ ଜୁ॑ହୁୟାତ୍ ।
ମି॒ତ୍ରୋ ଜନା᳚ନ୍ କଲ୍ପୟତି ପ୍ରଜା॒ନନ୍ନ୍ ॥ 12 ॥

ମି॒ତ୍ରୋ ଦା॑ଧାର ପୃଥି॒ଵୀମୁ॒ତ ଦ୍ୟାମ୍ । ମି॒ତ୍ରଃ କୃ॒ଷ୍ଟୀର-ନି॑ମିଷା॒ ଽଭିଚ॑ଷ୍ଟେ ।
ସ॒ତ୍ୟାୟ॑ ହ॒ଵ୍ୟ-ଙ୍ଘୃ॒ତଵ॑-ଜ୍ଜୁହୋ॒ତେତି॑ । ମି॒ତ୍ରେଣୈ॒ଵୈନ॑-ତ୍କଲ୍ପୟତି । ତତ୍କୃ॒ତ୍ଵା । ଅ॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍​ହୋତ॒ଵ୍ୟ᳚ମ୍ ।
ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥
ୟ-ତ୍ପୂର୍ଵ॑ସ୍ୟା॒-ମାହୁ॑ତ୍ୟାଗ୍​ମ୍ ହୁ॒ତାୟା॒-ମୁତ୍ତ॒ରା-ଽଽହୁ॑ତି॒-ସ୍ସ୍କନ୍ଦେ᳚ତ୍ ।
ଦ୍ଵି॒ପାଦ୍ଭିଃ॑ ପ॒ଶୁଭି॒-ର୍ୟଜ॑ମାନୋ॒ ଵ୍ୟୃ॑॑ଦ୍ଧ୍ୟେତ ।
ୟଦୁତ୍ତ॑ରୟା॒ ଽଭିଜୁ॑ହୁ॒ୟାତ୍ ॥ 13 ॥

ଚତୁ॑ଷ୍ପାଦ୍ଭିଃ ପ॒ଶୁଭି॒-ର୍ୟଜ॑ମାନୋ॒ ଵ୍ୟୃ॑ଦ୍ଧ୍ୟେତ ।
ୟତ୍ର॒ ଵେତ୍ଥ॑ ଵନସ୍ପତେ ଦେ॒ଵାନା॒-ଙ୍ଗୁହ୍ୟା॒ ନାମା॑ନି ।
ତତ୍ର॑ ହ॒ଵ୍ୟାନି॑ ଗାମ॒ୟେତି॑ ଵାନସ୍ପ॒ତ୍ୟ-ୟ॒ର୍ଚା ସ॒ମିଧ॑-ମା॒ଧାୟ॑ । ତୂ॒ଷ୍ଣୀମେ॒ଵ ପୁନ॑-ର୍ଜୁହୁୟାତ୍ ।
ଵନ॒ସ୍ପତି॑ନୈ॒ଵ ୟ॒ଜ୍ଞସ୍ୟାର୍ତା॒-ଞ୍ଚାନା᳚ର୍ତା॒-ଞ୍ଚାହୁ॑ତୀ॒ ଵିଦା॑ଧାର । ତତ୍କୃ॒ତ୍ଵା । ଅ॒ନ୍ୟା-ନ୍ଦୁ॒ଗ୍ଧ୍ଵା ପୁନ॑ର୍-ହୋତ॒ଵ୍ୟ᳚ମ୍ । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥
ୟତ୍ପୁ॒ରା ପ୍ର॑ୟା॒ଜେଭ୍ୟଃ॒ ପ୍ରାଂଅଙ୍ଗା॑ର॒-ସ୍ସ୍କନ୍ଦେ᳚ତ୍ ।
ଅ॒ଦ୍ଧ୍ଵ॒ର୍ୟଵେ॑ ଚ॒ ୟଜ॑ମାନାୟ॒ ଚାକଗ୍ଗ୍॑ ସ୍ୟାତ୍ ॥ 14 ॥

ୟ-ଦ୍ଦ॑କ୍ଷି॒ଣା । ବ୍ର॒ହ୍ମଣେ॑ ଚ॒ ୟଜ॑ମାନାୟ॒ ଚାକଗ୍ଗ୍॑ ସ୍ୟାତ୍ । ୟ-ତ୍ପ୍ର॒ତ୍ୟକ୍ ।
ହୋତ୍ରେ॑ ଚ॒ ପତ୍ନି॑ୟୈ ଚ॒ ୟଜ॑ମାନାୟ॒ ଚାକଗ୍ଗ୍॑ ସ୍ୟାତ୍ ।
ୟଦୁଦଂ॑ । ଅ॒ଗ୍ନୀଧେ॑ ଚ ପ॒ଶୁଭ୍ୟ॑ଶ୍ଚ॒ ୟଜ॑ମାନାୟ॒ ଚାକଗ୍ଗ୍॑ ସ୍ୟାତ୍ । ୟଦ॑ଭିଜୁହୁ॒ୟାତ୍ । ରୁ॒ଦ୍ରୋ᳚-ଽସ୍ୟ ପ॒ଶୂ-ନ୍ଘାତୁ॑କ-ସ୍ସ୍ୟାତ୍ ।
ୟନ୍ନାଭି॑ ଜୁହୁ॒ୟାତ୍ । ଅଶା᳚ନ୍ତଃ॒ ପ୍ରହ୍ରି॑ୟେତ ॥ 15 ॥

ସ୍ରୁ॒ଵସ୍ୟ॒ ବୁଦ୍ଧ୍ନେ॑ନାଭି॒ ନିଦ॑ଦ୍ଧ୍ୟାତ୍ ।
ମା ତ॑ମୋ॒ ମା ୟ॒ଜ୍ଞସ୍ତ॑ମ॒ନ୍ମା ୟଜ॑ମାନ-ସ୍ତମତ୍ ।
ନମ॑ସ୍ତେ ଅସ୍ତ୍ଵାୟ॒ତେ । ନମୋ॑ ରୁଦ୍ର ପରାୟ॒ତେ ।
ନମୋ॒ ୟତ୍ର॑ ନି॒ଷୀଦ॑ସି ।
ଅ॒ମୁ-ମ୍ମା ହିଗ୍​ମ୍॑ସୀର॒ମୁ-ମ୍ମା ହିଗ୍​ମ୍॑ସୀ॒ରିତି॒ ୟେନ॒ ସ୍କନ୍ଦେ᳚ତ୍ ॥ ତ-ମ୍ପ୍ରହ॑ରେତ୍ ।
ସ॒ହସ୍ର॑ଶୃଙ୍ଗୋ ଵୃଷ॒ଭୋ ଜା॒ତଵେ॑ଦାଃ । ସ୍ତୋମ॑ପୃଷ୍ଠୋ ଘୃ॒ତଵା᳚ନ୍-ଥ୍ସୁ॒ପ୍ରତୀ॑କଃ ।
ମା ନୋ॑ ହାସୀନ୍ମେତ୍ଥି॒ତୋ (ହାସୀର୍ମେତ୍ଥି॒ତୋ) ନେତ୍ତ୍ଵା॒ ଜହା॑ମ ।
ଗୋ॒ପୋ॒ଷ-ନ୍ନୋ॑ ଵୀରପୋ॒ଷ-ଞ୍ଚ॑ ୟ॒ଚ୍ଛେତି॑ ।
ବ୍ରହ୍ମ॑ଣୈ॒ଵୈନ॒-ମ୍ପ୍ରହ॑ରତି । ସୈଵ ତତଃ॒ ପ୍ରାୟ॑ଶ୍ଚିତ୍ତିଃ ॥ 16 ॥
(ଵୈ ପ୍ର॒ଜାପ॑ତିଃ - ସ୍ଥାପୟତି - ପ୍ରଜା॒ନନ୍ - ନ॒ଭିଜୁ॑ହୁ॒ୟାଥ୍ - ସ୍ୟା᳚-ଦ୍- ଧ୍ରିୟେତ॒ - ଜହା॑ମ॒ ତ୍ରିଣି॑ ଚ) (ଅ. 2)

(ୟଦ୍ଵିସ୍ଷ॑ଣ୍ଣେନ ପ୍ରାଜାପ॒ତ୍ୟୟା॒ ୟ-ତ୍କୀ॒ଟା ମ॑ଦ୍ଧ୍ୟ॒ମେନ॒ ୟଦଵ॑ଵୃଷ୍ଟେନ॒ ୟ-ତ୍ପୂର୍ଵ॑ସ୍ୟାଂ॒-ୟଁ-ତ୍ପୁ॒ରା ପ୍ର॑ୟା॒ଜେଭ୍ୟ॒ ପ୍ରଂଙ୍ଗା॑ରୋ॒ ୟ-ଦ୍ଦ॑କ୍ଷି॒ଣା ୟ-ତ୍ପ୍ର॒ତ୍ୟଗ୍ୟଦୁଦଙ୍ଙ୍॑)

ଅନୁଵାକଂ 3 - ମୁଖ୍ୟାଗ୍ନ୍ୟସମ୍ଭଵେ-ଽନୁକଲ୍ପାଃ ହୋମାଧାରାଃ
ଵି ଵା ଏ॒ଷ ଇ॑ନ୍ଦ୍ରି॒ୟେଣ॑ ଵୀ॒ର୍ୟେ॑ଣର୍ଧ୍ୟତେ ।
ୟସ୍ୟା-ହି॑ତାଗ୍ନେ-ର॒ଗ୍ନି-ର୍ମ॒ଥ୍ୟମା॑ନୋ॒ ନ ଜାୟ॑ତେ । ୟତ୍ରା॒ନ୍ୟ-ମ୍ପଶ୍ୟେ᳚ତ୍ । ତତ॑ ଆ॒ହୃତ୍ୟ॑ ହୋତ॒ଵ୍ୟ᳚ମ୍ ।
ଅ॒ଗ୍ନା-ଵେ॒ଵାସ୍ୟା᳚-ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି ॥
ୟଦ୍ୟ॒ନ୍ୟ-ନ୍ନ ଵି॒ନ୍ଦେତ୍ । ଅ॒ଜାୟାଗ୍​ମ୍॑ ହୋତ॒ଵ୍ୟ᳚ମ୍ । ଆ॒ଗ୍ନେ॒ୟୀ ଵା ଏ॒ଷା । ୟଦ॒ଜା । ଅ॒ଗ୍ନା-ଵେ॒ଵାସ୍ୟା᳚-ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି ॥ 17 ॥

ଅ॒ଜସ୍ୟ॒ ତୁ ନାଶ୍ଞୀ॑ୟାତ୍ । ୟଦ॒ଜସ୍ୟା᳚-ଶ୍ଞୀ॒ୟାତ୍ ।
ୟାମେ॒ଵାଗ୍ନା-ଵାହୁ॑ତି-ଞ୍ଜୁହୁ॒ୟାତ୍ । ତାମ॑ଦ୍ୟାତ୍ । ତସ୍ମା॑ଦ॒ଜସ୍ୟ॒ ନାଶ୍ୟ᳚ମ୍ ॥ ୟଦ୍ୟ॒ଜା-ନ୍ନ ଵି॒ନ୍ଦେତ୍ । ବ୍ରା॒ହ୍ମ॒ଣସ୍ୟ॒ ଦକ୍ଷି॑ଣେ॒ ହସ୍ତେ॑ ହୋତ॒ଵ୍ୟ᳚ମ୍ ।
ଏ॒ଷ ଵା ଅ॒ଗ୍ନି ର୍ଵୈ᳚ଶ୍ଵାନ॒ରଃ । ୟଦ୍ବ୍ରା᳚ହ୍ମ॒ଣଃ ।
ଅ॒ଗ୍ନା-ଵେ॒ଵାସ୍ୟା᳚-ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି ॥ 18 ॥

ବ୍ରା॒ହ୍ମ॒ଣ-ନ୍ତୁ ଵ॑ସ॒ତ୍ୟୈ॑ ନାପ॑ରୁନ୍ଧ୍ୟାତ୍ । ୟଦ୍ବ୍ରା᳚ହ୍ମ॒ଣଂ-ଵଁ॑ସ॒ତ୍ୟା ଅ॑ପରୁ॒ନ୍ଧ୍ୟାତ୍ ।
ୟସ୍ମି॑ନ୍ନେ॒-ଵାଗ୍ନାଵାହୁ॑ତି-ଞ୍ଜୁହୁ॒ୟାତ୍ । ତ-ମ୍ଭା॑ଗ॒ଧେୟେ॑ନ॒ ଵ୍ୟ॑ର୍ଧୟେତ୍ ।
ତସ୍ମା᳚-ଦ୍ବ୍ରାହ୍ମ॒ଣୋ ଵ॑ସ॒ତ୍ୟୈ॑ ନାପ॒ରୁଦ୍ଧ୍ୟଃ॑ ॥ ୟଦି॑ ବ୍ରାହ୍ମ॒ଣ-ନ୍ନ ଵି॒ନ୍ଦେତ୍ ।
ଦ॒ର୍ଭ॒ସ୍ତ॒ବେଂ ହୋ॑ତ॒ଵ୍ୟ᳚ମ୍ ।
ଅ॒ଗ୍ନି॒ଵାନ୍. ଵୈ ଦ॑ର୍ଭସ୍ତ॒ବଂଃ ।
ଅ॒ଗ୍ନାଵେ॒-ଵାସ୍ୟା᳚-ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି ।
ଦ॒ର୍ଭାଗ୍​ସ୍ତୁ ନାଦ୍ଧ୍ୟା॑ସୀତ ॥ 19 ॥

ୟଦ୍ଦ॒ର୍ଭାନ॒ଦ୍ଧ୍ୟାସୀ॑ତ । ୟାମେ॒ଵାଗ୍ନା-ଵାହୁ॑ତି-ଞ୍ଜୁହୁ॒ୟାତ୍ । ତାମଦ୍ଧ୍ୟା॑ସୀତ ।
ତସ୍ମା᳚-ଦ୍ଦ॒ର୍ଭା ନାଦ୍ଧ୍ୟା॑ସିତ॒ଵ୍ୟାଃ᳚ ॥
ୟଦି॑ ଦ॒ର୍ଭାନ୍ନ ଵି॒ନ୍ଦେତ୍ । ଅ॒ଫ୍ସୁ ହୋ॑ତ॒ଵ୍ୟ᳚ମ୍ ।
ଆପୋ॒ ଵୈ ସର୍ଵା॑ ଦେ॒ଵତାଃ᳚ ।
ଦେ॒ଵତା᳚ସ୍ଵେ॒ ଵାସ୍ୟା᳚-ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି ।
ଆପ॒ସ୍ତୁ ନ ପରି॑ଚକ୍ଷୀତ । ୟଦାପଃ॑ ପରି॒ଚକ୍ଷୀ॑ତ ॥ 20 ॥

ୟା ମେ॒ଵାଫ୍ସ୍ଵାହୁ॑ତି-ଞ୍ଜୁହୁ॒ୟାତ୍ । ତା-ମ୍ପରି॑ଚକ୍ଷୀତ ।
ତସ୍ମା॒ଦାପୋ॒ ନ ପ॑ରି॒ଚକ୍ଷ୍ୟାଃ᳚ ॥
ମେଦ୍ଧ୍ୟା॑ ଚ॒ ଵା ଏ॒ତସ୍ୟା॑ମେ॒ଦ୍ଧ୍ୟା ଚ॑ ତ॒ନୁଵୌ॒ ସଗ୍​ମ୍ସୃ॑ଜ୍ୟେତେ । ୟସ୍ୟା-ହି॑ତାଗ୍ନେ-ର॒ନ୍ୟୈର॒ଗ୍ନିଭି॑-ର॒ଗ୍ନୟ॑-ସ୍ସଗ୍​ମ୍ସୃ॒ଜ୍ୟନ୍ତେ᳚ । ଅ॒ଗ୍ନୟେ॒ ଵିଵି॑ଚୟେ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର୍ଵ॑ପେତ୍ ।
ମେଦ୍ଧ୍ୟା᳚-ଞ୍ଚୈ॒ଵାସ୍ୟା॑-ମେ॒ଦ୍ଧ୍ୟା-ଞ୍ଚ॑ ତ॒ନୁଵୌ॒ ଵ୍ୟାଵ॑ର୍ତୟତି ॥ ଅ॒ଗ୍ନୟେ᳚ ଵ୍ର॒ତପ॑ତୟେ ପୁରୋ॒ଡାଶ॑-ମ॒ଷ୍ଟାକ॑ପାଲ॒-ନ୍ନିର୍ଵ॑ପେତ୍ । ଅ॒ଗ୍ନିମେ॒ଵ ଵ୍ର॒ତପ॑ତି॒ଗ୍ଗ୍॒ ସ୍ଵେନ॑ ଭାଗ॒ଧେୟେ॒-ନୋପ॑ଧାଵତି ।
ସ ଏ॒ଵୈନଂ॑-ଵ୍ରଁ॒ତମା-ଲ॑ଭଂ​ୟଁତି ॥ 21 ॥

ଗର୍ଭ॒ଗ୍ଗ୍॒ ସ୍ରଵ॑ନ୍ତମଗ॒ଦମ॑କଃ । ଅ॒ଗ୍ନି-ରିନ୍ଦ୍ର॒-ସ୍ତ୍ଵଷ୍ଟା॒ ବୃହ॒ସ୍ପତିଃ॑ । ପୃ॒ଥି॒ଵ୍ୟା-ମଵ॑ଚୁଶ୍ଚୋ-ତୈ॒ତତ୍ । ନାଭି-ପ୍ରାପ୍ନୋ॑ତି॒ ନିର୍-ଋ॑ତି-ମ୍ପରା॒ଚୈଃ ॥
ରେତୋ॒ ଵା ଏ॒ତଦ୍ଵାଜି॑ନ॒-ମାହି॑ତାଗ୍ନେଃ । ୟଦ॑ଗ୍ନିହୋ॒ତ୍ରମ୍ । ତଦ୍ୟଥ୍ସ୍ରଵେ᳚ତ୍ ।
ରେତୋ᳚-ଽସ୍ୟ॒ ଵାଜି॑ନଗ୍ଗ୍​ ସ୍ରଵେତ୍ । ଗର୍ଭ॒ଗ୍ଗ୍॒ ସ୍ରଵ॑ନ୍ତମ-ଗ॒ଦମ॑କ॒-ରିତ୍ୟା॑ହ ।
ରେତ॑ ଏ॒ଵାସ୍ମି॒ନ୍ ଵାଜି॑ନ-ନ୍ଦଧାତି ॥ 22 ॥

ଅ॒ଗ୍ନିରିତ୍ୟା॑ହ । ଅ॒ଗ୍ନିର୍ଵୈ ରେ॑ତୋ॒ଧାଃ । ରେତ॑ ଏ॒ଵ ତଦ୍ଦ॑ଧାତି । ଇନ୍ଦ୍ର॒ ଇତ୍ୟା॑ହ । ଇ॒ନ୍ଦ୍ରି॒ୟ-ମେ॒ଵାସ୍ମି॑ନ୍-ଦଧାତି । ତ୍ଵଷ୍ଟେତ୍ୟା॑ହ । ତ୍ଵଷ୍ଟା॒ ଵୈ ପ॑ଶୂ॒ନା-ମ୍ମି॑ଥୁ॒ନାନାଗ୍​ମ୍॑ ରୂପ॒କୃତ୍ । ରୂ॒ପମ॒ଵ ପ॒ଶୁଷୁ॑ ଦଧାତି । ବୃହ॒ସ୍ପତି॒ରିତ୍ୟା॑ହ ।
ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତିଃ॑ । ବ୍ରହ୍ମ॑ଣୈ॒ଵାସ୍ମୈ᳚ ପ୍ର॒ଜାଃ ପ୍ରଜ॑ନୟତି ॥
ପୃ॒ଥି॒ଵ୍ୟା-ମଵ॑ଚୁଶ୍ଚୋତୈ॒ତ-ଦିତ୍ୟା॑ହ ।
ଅ॒ସ୍ୟା-ମେ॒ଵୈନ॒-ତ୍ପ୍ରତି॑ଷ୍ଠାପୟତି ॥
ନାଭି ପ୍ରାପ୍ନୋ॑ତି॒ ନିର୍-ଋ॑ତି-ମ୍ପରା॒ଚୈରିତ୍ୟା॑ହ ।
ରକ୍ଷ॑ସା॒ମପ॑ହତ୍ୟୈ ॥ 23 ॥
(ଅ॒ଜା-ଽଗ୍ନାଵେ॒ଵାସ୍ୟା᳚ଗ୍ନିହୋ॒ତ୍ରଗ୍​ମ୍ ହୁ॒ତ-ମ୍ଭ॑ଵତି - ଭଵ - ତ୍ୟାସୀତ - ପରି॒ଚକ୍ଷୀ॑ତ - ଲମ୍ଭୟତି - ଦଧାତି - ଦେ॒ଵାନା॒-ମ୍ବୃହ॒ସ୍ପତିଃ॒ ପଞ୍ଚ॑ ଚ) (ଅ. 3)

(ଵି ଵୈ ୟ-ଦ୍ୟ॒ନ୍ୟମ॒ଜାୟା᳚-ମ୍ବ୍ରାହ୍ମ॒ଣସ୍ୟ॑ ଦର୍ଭସ୍ତ॒ମ୍ବେ᳚-ଽଫ୍ସୁ ହୋ॑ତ॒ଵ୍ୟ᳚ମ୍)

ଅନୁଵାକଂ 4 - ଐଷ୍ଟିକୟାଜମାନମନ୍ତ୍ରାଃ
ୟାଃ ପୁ॒ରସ୍ତା᳚-ତ୍ପ୍ର॒ସ୍ରଵ॑ନ୍ତି । ଉ॒ପରି॑ଷ୍ଟା-ଥ୍ସ॒ର୍ଵତ॑ଶ୍ଚ॒ ୟାଃ । ତାଭୀ॑ ର॒ଶ୍ମିପ॑ଵିତ୍ରାଭିଃ । ଶ୍ର॒ଦ୍ଧାଂ-ୟଁ॒ଜ୍ଞମାର॑ଭେ ॥ ଦେଵା॑ ଗାତୁଵିଦଃ ।
ଗା॒ତୁଂ-ୟଁ॒ଜ୍ଞାୟ॑ ଵିନ୍ଦତ । ମନ॑ସ॒ସ୍ପତି॑ନା ଦେ॒ଵେନ॑ । ଵାତା᳚-ଦ୍ୟ॒ଜ୍ଞଃ ପ୍ରୟୁ॑ଜ୍ୟତାମ୍ ॥ ତୃ॒ତୀୟ॑ସ୍ୟୈ ଦି॒ଵଃ । ଗା॒ୟ॒ତ୍ରି॒ୟା ସୋମ॒ ଆଭୃ॑ତଃ ॥ 24 ॥

ସୋ॒ମ॒ପୀ॒ଥାୟ॒ ସନ୍ନ॑ୟିତୁମ୍ । ଵକ॑ଲ॒-ମନ୍ତ॑ର॒ମାଦ॑ଦେ ॥ ଆପୋ॑ ଦେଵୀ-ଶ୍ଶୁ॒ଦ୍ଧା-ସ୍ସ୍ଥ॑ । ଇ॒ମା ପାତ୍ରା॑ଣି ଶୁନ୍ଧତ । ଉ॒ପା॒ତ॒ଙ୍କ୍ୟା॑ୟ ଦେ॒ଵାନା᳚ମ୍ । ପ॒ର୍ଣ॒ଵ॒ଲ୍କମୁ॒ତ ଶୁ॑ନ୍ଧତ ॥
ପୟୋ॑ ଗୃ॒ହେଷୁ॒ ପୟୋ॑ ଅଘ୍ନି॒ୟାସୁ॑ ।
ପୟୋ॑ ଵ॒ଥ୍ସେଷୁ॒ ପୟ॒ ଇନ୍ଦ୍ରା॑ୟ ହ॒ଵିଷେ᳚ ଧ୍ରିୟସ୍ଵ । ଗା॒ୟ॒ତ୍ରୀ ପ॑ର୍ଣଵ॒ଲ୍କେନ॑ । ପୟ-ସ୍ସୋମ॑-ଙ୍କରୋତ୍ଵି॒ମମ୍ ॥ 25 ॥
ଅ॒ଗ୍ନି-ଙ୍ଗୃ॑ହ୍ଣାମି ସୁ॒ରଥଂ॒-ୟୋଁ ମ॑ୟୋ॒ ଭୂଃ ।
ୟ ଉ॒ଦ୍ୟନ୍ତ॑ମା॒ ରୋହ॑ତି॒ ସୂର୍ୟ॒ମହ୍ନେ᳚ ।
ଆ॒ଦି॒ତ୍ୟ-ଞ୍ଜ୍ୟୋତି॑ଷା॒-ଞ୍ଜ୍ୟୋତି॑ରୁତ୍ତ॒ମମ୍ ।
ଶ୍ଵୋ ୟ॒ଜ୍ଞାୟ॑ ରମତା-ନ୍ଦେ॒ଵତା᳚ଭ୍ୟଃ ॥
ଵସୂ᳚-ନ୍ରୁ॒ଦ୍ରାନା॑ଦି॒ତ୍ୟାନ୍ । ଇନ୍ଦ୍ରେ॑ଣ ସ॒ହ ଦେ॒ଵତାଃ᳚ । ତାଃ ପୂର୍ଵଃ॒ ପରି॑ଗୃହ୍ଣାମି । ସ୍ଵ ଆ॒ୟତ॑ନେ ମନୀ॒ଷୟା᳚ ॥ ଇ॒ମାମୂର୍ଜ॑-ମ୍ପଞ୍ଚଦ॒ଶୀଂ-ୟେଁ ପ୍ରଵି॑ଷ୍ଟାଃ । ତାନ୍ଦେ॒ଵା-ନ୍ପରି॑ଗୃହ୍ଣାମି॒ ପୂର୍ଵଃ॑ ॥ 26 ॥

ଅ॒ଗ୍ନିର୍-ହ॑ଵ୍ୟ॒ଵାଡି॒ହ ତାନାଵ॑ହତୁ । ପୌ॒ର୍ଣ॒ମା॒ସଗ୍​ମ୍ ହ॒ଵିରି॒ଦମେ॑ଷା॒-ମ୍ମୟି॑ ।
ଆ॒ମା॒ଵା॒ସ୍ୟଗ୍​ମ୍॑ ହ॒ଵିରି॒ଦମେ॑ଷା॒-ମ୍ମୟି॑ ॥ ଅ॒ନ୍ତ॒ରା-ଽଗ୍ନୀ ପ॒ଶଵଃ॑ । ଦେ॒ଵ॒ସ॒ଗ୍​ମ୍॒ ସଦ॒ମାଗ॑ମନ୍ନ୍ । ତା-ନ୍ପୂର୍ଵଃ॒ ପରି॑ଗୃହ୍ଣାମି ।
ସ୍ଵ ଆ॒ୟତ॑ନେ ମନୀ॒ଷୟା᳚ ॥ ଇ॒ହ ପ୍ର॒ଜା ଵି॒ଶ୍ଵରୂ॑ପା ରମନ୍ତାମ୍ । ଅ॒ଗ୍ନି-ଙ୍ଗୃ॒ହପ॑ତିମ॒ଭି ସଂ॒​ଵଁସା॑ନାଃ । ତାଃ ପୂର୍ଵଃ॒ ପରି॑ଗୃହ୍ଣାମି ॥ 27 ॥

ସ୍ଵ ଆ॒ୟତ॑ନେ ମନୀ॒ଷୟା᳚ ॥
ଇ॒ହ ପ॒ଶଵୋ॑ ଵି॒ଶ୍ଵରୂ॑ପା ରମନ୍ତାମ୍ ।
ଅ॒ଗ୍ନି-ଙ୍ଗୃ॒ହପ॑ତିମ॒ଭି ସଂ॒​ଵଁସା॑ନାଃ ।
ତା-ନ୍ପୂର୍ଵଃ॒ ପରି॑ଗୃହ୍ଣାମି । ସ୍ଵ ଆ॒ୟତ॑ନେ ମନୀ॒ଷୟା᳚ ॥ ଅ॒ୟ-ମ୍ପି॑ତୃ॒ଣାମ॒ଗ୍ନିଃ ।
ଅଵା᳚ଡ୍ଢ॒ଵ୍ୟା ପି॒ତୃଭ୍ୟ॒ ଆ । ତ-ମ୍ପୂର୍ଵଃ॒ ପରି॑ଗୃହ୍ଣାମି । ଅଵି॑ଷ-ନ୍ନଃ ପି॒ତୁ-ଙ୍କ॑ରତ୍ ॥ ଅଜ॑ସ୍ର॒-ନ୍ତ୍ଵାଗ୍​ମ୍ ସ॑ଭାପା॒ଲାଃ ॥ 28 ॥
ଵି॒ଜ॒ୟଭା॑ଗ॒ଗ୍​ମ୍॒ ସମି॑ନ୍ଧତାମ୍ । ଅଗ୍ନେ॑ ଦୀ॒ଦାୟ॑ ମେ ସଭ୍ୟ । ଵିଜି॑ତ୍ୟୈ ଶ॒ରଦ॑-ଶ୍ଶ॒ତମ୍ ॥ ଅନ୍ନ॑ମାଵସ॒ଥୀୟ᳚ମ୍ । ଅ॒ଭିହ॑ରାଣି ଶ॒ରଦ॑-ଶ୍ଶ॒ତମ୍ । ଆ॒ଵ॒ସ॒ଥେ ଶ୍ରିୟ॒-ମ୍ମନ୍ତ୍ର᳚ମ୍ । ଅହି॑ର୍ବୁ॒ଦ୍ଧ୍ନିୟୋ॒ ନିୟ॑ଚ୍ଛତୁ ॥ ଇ॒ଦମ॒ହ-ମ॒ଗ୍ନି ଜ୍ୟେ᳚ଷ୍ଠେଭ୍ୟଃ । ଵସୁ॑ଭ୍ୟୋ ୟ॒ଜ୍ଞ-ମ୍ପ୍ରବ୍ର॑ଵୀମି ।
ଇ॒ଦମ॒ହ-ମିନ୍ଦ୍ର॑ ଜ୍ୟେଷ୍ଠେଭ୍ୟଃ ॥ 29 ॥

ରୁ॒ଦ୍ରେଭ୍ୟୋ॑ ୟ॒ଜ୍ଞ-ମ୍ପ୍ରବ୍ର॑ଵୀମି । ଇ॒ଦମ॒ହଂ-ଵଁରୁ॑ଣ-ଜ୍ୟେଷ୍ଠେଭ୍ୟଃ । ଆ॒ଦି॒ତ୍ୟେଭ୍ୟୋ॑ ୟ॒ଜ୍ଞ-ମ୍ପ୍ରବ୍ର॑ଵୀମି ॥ ପୟ॑ସ୍ଵତୀ॒-ରୋଷ॑ଧୟଃ ।
ପୟ॑ସ୍ଵଦ୍ଵୀ॒ରୁଧା॒-ମ୍ପୟଃ॑ । ଅ॒ପା-ମ୍ପୟ॑ସୋ॒ ୟତ୍ପୟଃ॑ । ତେନ॒ ମାମି॑ନ୍ଦ୍ର॒ ସଗ୍​ମ୍ସୃ॑ଜ ॥
ଅଗ୍ନେ᳚ ଵ୍ରତପତେ ଵ୍ର॒ତ-ଞ୍ଚ॑ରିଷ୍ୟାମି ।
ତଚ୍ଛ॑କେୟ॒-ନ୍ତନ୍ମେ॑ ରାଦ୍ଧ୍ୟତାମ୍ ।
ଵାୟୋ᳚ ଵ୍ରତପତ॒ ଆଦି॑ତ୍ୟ ଵ୍ରତପତେ ॥ 30 ॥

ଵ୍ର॒ତାନାଂ᳚-ଵ୍ରଁତପତେ ଵ୍ର॒ତ-ଞ୍ଚ॑ରିଷ୍ୟାମି । ତଚ୍ଛ॑କେୟ॒-ନ୍ତନ୍ମେ॑ ରାଦ୍ଧ୍ୟତାମ୍ ॥
ଇ॒ମା-ମ୍ପ୍ରାଚୀ॒ମୁଦୀ॑ଚୀମ୍ । ଇଷ॒ମୂର୍ଜ॑ମ॒ଭି ସଗ୍ଗ୍​ସ୍କୃ॑ତାମ୍ । ବ॒ହୁ॒ପ॒ର୍ଣାମଶୁ॑ଷ୍କାଗ୍ରାମ୍ ।
ହରା॑ମି ପଶୁ॒ପାମ॒ହମ୍ ॥ ୟତ୍କୃଷ୍ଣୋ॑ ରୂ॒ପ-ଙ୍କୃ॒ତ୍ଵା । ପ୍ରାଵି॑ଶ॒ସ୍ତ୍ଵଂ-ଵଁନ॒ସ୍ପତୀନ୍॑ ।
ତତ॒ସ୍ତ୍ଵାମେ॑କଵିଗ୍​ମ୍ଶତି॒ଧା । ସମ୍ଭ॑ରାମି ସୁସ॒ମ୍ଭୃତା᳚ ॥ 31 ॥

ତ୍ରୀ-ନ୍ପ॑ରି॒ଧୀଗ୍​ସ୍ତି॒ସ୍ର-ସ୍ସ॒ମିଧଃ॑ । ୟ॒ଜ୍ଞାୟୁ॑ରନୁସଞ୍ଚ॒ରାନ୍ ।
ଉ॒ପ॒ଵେ॒ଷ-ମ୍ମେକ୍ଷ॑ଣ॒-ନ୍ଧୃଷ୍ଟି᳚ମ୍ । ସମ୍ଭ॑ରାମି ସୁସ॒ଭୃନ୍ତା᳚ ॥ ୟା ଜା॒ତା ଓଷ॑ଧୟଃ । ଦେ॒ଵେଭ୍ୟ॑ ସ୍ତ୍ରିୟୁ॒ଗ-ମ୍ପୁ॒ରା । ତାସା॒-ମ୍ପର୍ଵ॑ ରାଦ୍ଧ୍ୟାସମ୍ । ପ॒ରି॒ସ୍ତ॒ର-ମା॒ହରନ୍ନ୍॑ ॥
ଅ॒ପା-ମ୍ମେଦ୍ଧ୍ୟଂ॑-ୟଁ॒ଜ୍ଞିୟ᳚ମ୍ ।
ସଦେ॑ଵଗ୍​ମ୍ ଶି॒ଵମ॑ସ୍ତୁ ମେ ॥ 32 ॥

ଆ॒ଚ୍ଛେ॒ତ୍ତା ଵୋ॒ ମା ରି॑ଷମ୍ । ଜୀଵା॑ନି ଶ॒ରଦ॑-ଶ୍ଶ॒ତମ୍ ॥ ଅପ॑ରିମିତାନା॒-ମ୍ପରି॑ମିତାଃ । ସନ୍ନ॑ହ୍ୟେ ସୁକୃ॒ତାୟ॒କମ୍ । ଏନୋ॒ ମା ନିଗା᳚-ଙ୍କତ॒ମଚ୍ଚ॒ ନାହମ୍ । ପୁନ॑ରୁ॒ତ୍ଥାୟ॑ ବହୁ॒ଲା ଭ॑ଵନ୍ତୁ ॥ ସ॒କୃ॒ଦା॒ଚ୍ଛି॒ନ୍ନ-ମ୍ବ॒ର୍॒ହିରୂର୍ଣା॑ମୃଦୁ ।
ସ୍ୟୋ॒ନ-ମ୍ପି॒ତୃଭ୍ୟ॑ସ୍ତ୍ଵା ଭରାମ୍ୟ॒ହମ୍ । ଅ॒ସ୍ମି-ନ୍ଥ୍ସୀ॑ଦନ୍ତୁ ମେ ପି॒ତର॑-ସ୍ସୋ॒ମ୍ୟାଃ ।
ପି॒ତା॒ମ॒ହାଃ ପ୍ରପି॑ତାମହାଶ୍ଚାନୁ॒ଗୈ-ସ୍ସ॒ହ ॥ 33 ॥

ତ୍ରି॒ଵୃ-ତ୍ପ॑ଲା॒ଶେ ଦ॒ର୍ଭଃ । ଇୟା᳚-ନ୍ପ୍ରାଦେ॒ଶ ସ॑ମିନ୍ତଃ । ୟ॒ଜ୍ଞେ ପ॒ଵିତ୍ର॒-ମ୍ପୋତୃ॑ତମମ୍ । ପୟୋ॑ ହ॒ଵ୍ୟ-ଙ୍କ॑ରୋତୁ ମେ ॥ ଇ॒ମୌ ପ୍ରା॑ଣାପା॒ନୌ ।
ୟ॒ଜ୍ଞସ୍ୟାଙ୍ଗା॑ନି ସର୍ଵ॒ଶଃ । ଆ॒ପ୍ୟା॒ୟୟ॑ନ୍ତୌ॒ ସଞ୍ଚ॑ରତାମ୍ । ପ॒ଵିତ୍ରେ॑ ହଵ୍ୟ॒ଶୋଧ॑ନେ ॥
ପ॒ଵିତ୍ରେ᳚ ସ୍ଥୋ ଵୈଷ୍ଣ॒ଵୀ । ଵା॒ୟୁର୍ଵା॒-ମ୍ମନ॑ସା ପୁନାତୁ ॥ 34 ॥

ଅ॒ୟ-ମ୍ପ୍ରା॒ଣଶ୍ଚା॑ପା॒ନଶ୍ଚ॑ । ୟଜ॑ମାନ॒-ମପି॑ଗଚ୍ଛତାମ୍ । ୟ॒ଜ୍ଞେ ହ୍ୟଭୂ॑ତା॒-ମ୍ପୋତା॑ରୌ ।
ପ॒ଵିତ୍ରେ॑ ହଵ୍ୟ॒ଶୋଧ॑ନେ ॥ ତ୍ଵୟା॒ ଵେଦିଂ॑-ଵିଁଵିଦୁଃ ପୃଥି॒ଵୀମ୍ । ତ୍ଵୟା॑ ୟ॒ଜ୍ଞୋ ଜା॑ୟତେ ଵିଶ୍ଵ॒ଦାନିଃ॑ । ଅଚ୍ଛି॑ଦ୍ରଂ-ୟଁ॒ଜ୍ଞମନ୍ଵେ॑ଷି ଵି॒ଦ୍ଵାନ୍ ।
ତ୍ଵୟା॒ ହୋତା॒ ସନ୍ତ॑ନୋତ୍ୟର୍ଧମା॒ସାନ୍ ॥ ତ୍ର॒ୟ॒ସ୍ତ୍ରି॒ଗ୍​ମ୍॒ଶୋ॑-ଽସି॒ ତନ୍ତୂ॑ନାମ୍ ।
ପ॒ଵିତ୍ରେ॑ଣ ସ॒ହାଗ॑ହି ॥ 35 ॥

ଶି॒ଵେୟଗ୍​ମ୍ ରଜ୍ଜୁ॑ରଭି॒ଧାନୀ᳚ । ଅ॒ଘ୍ନି॒ୟା-ମୁପ॑ସେଵତାମ୍ ॥ ଅପ୍ର॑ସ୍ରଗ୍​ମ୍ସାୟ ୟ॒ଜ୍ଞସ୍ୟ॑ ।
ଉ॒ଖେ ଉପ॑ଦଧାମ୍ୟ॒ହମ୍ । ପ॒ଶୁଭି॒-ସ୍ସନ୍ନୀ॑ତ-ମ୍ବିଭୃତାମ୍ । ଇନ୍ଦ୍ରା॑ୟ ଶୃ॒ତ-ନ୍ଦଧି॑ ॥
ଉ॒ପ॒ଵେ॒ଷୋ॑-ଽସି ୟ॒ଜ୍ଞାୟ॑ । ତ୍ଵା-ମ୍ପ॑ରିଵେ॒ଷ-ମ॑ଧାରୟନ୍ନ୍ । ଇନ୍ଦ୍ରା॑ୟ ହ॒ଵିଃ କୃ॒ଣ୍ଵନ୍ତଃ॑ ।
ଶି॒ଵ-ଶ୍ଶ॒ଗ୍ମୋ ଭ॑ଵାସି ନଃ ॥ 36 ॥

ଅମୃ॑ନ୍ମୟ-ନ୍ଦେଵପା॒ତ୍ରମ୍ । ୟ॒ଜ୍ଞସ୍ୟାୟୁ॑ଷି॒ ପ୍ରୟୁ॑ଜ୍ୟତାମ୍ । ତି॒ରଃ॒ ପ॒ଵି॒ତ୍ରମତି॑ନୀତାଃ ।
ଆପୋ॑ ଧାରୟ॒ ମା-ଽତି॑ଗୁଃ ॥ ଦେ॒ଵେନ॑ ସଵି॒ତ୍ରୋତ୍ପୂ॑ତାଃ । ଵସୋ॒-ସ୍ସୂର୍ୟ॑ସ୍ୟ ର॒ଶ୍ମିଭିଃ॑ । ଗା-ନ୍ଦୋ॑ହପଵି॒ତ୍ରେ ରଜ୍ଜୁ᳚ମ୍ । ସର୍ଵା॒ ପାତ୍ରା॑ଣି ଶୁନ୍ଧତ ॥ ଏ॒ତା ଆଚ॑ରନ୍ତି॒ ମଧୁ॑ମ॒ଦ୍ଦୁହା॑ନାଃ ।
ପ୍ର॒ଜାଵ॑ତୀ-ର୍ୟ॒ଶସୋ॑ ଵି॒ଶ୍ଵରୂ॑ପାଃ ॥ 37 ॥

ବ॒ହ୍ଵୀ ର୍ଭଵ॑ନ୍ତୀ॒ରୁପ॒ ଜାୟ॑ମାନାଃ । ଇ॒ହ ଵ॒ ଇନ୍ଦ୍ରୋ॑ ରମୟତୁ ଗାଵଃ ॥ ପୂ॒ଷା ସ୍ଥ॑ ॥ ଅ॒ୟ॒କ୍ଷ୍ମା ଵଃ॑ ପ୍ର॒ଜୟା॒ ସଗ୍​ମ୍ସୃ॑ଜାମି ।
ରା॒ୟସ୍ପୋଷେ॑ଣ ବହୁ॒ଲା ଭଵ॑ନ୍ତୀଃ । ଊର୍ଜ॒-ମ୍ପୟଃ॒ ପିନ୍ଵ॑ମାନା ଘୃ॒ତ-ଞ୍ଚ॑ ।
ଜୀ॒ଵୋ ଜୀଵ॑ନ୍ତୀ॒ରୁପ॑ ଵ-ସ୍ସଦେୟମ୍ ॥ ଦ୍ୟୌଶ୍ଚେ॒ମଂ-ୟଁ॒ଜ୍ଞ-ମ୍ପୃ॑ଥି॒ଵୀ ଚ॒ ସନ୍ଦୁ॑ହାତାମ୍ ।
ଧା॒ତା ସୋମେ॑ନ ସ॒ହ ଵାତେ॑ନ ଵା॒ୟୁଃ । ୟଜ॑ମାନାୟ॒ ଦ୍ରଵି॑ଣ-ନ୍ଦଧାତୁ ॥ 38 ॥

ଉଥ୍ସ॑-ନ୍ଦୁହନ୍ତି କ॒ଲଶ॒-ଞ୍ଚତୁ॑ର୍ବିଲମ୍ । ଇଡା᳚-ନ୍ଦେ॒ଵୀ-ମ୍ମଧୁ॑ମତୀଗ୍​ମ୍ ସୁଵ॒ର୍ଵିଦ᳚ମ୍ ।
ତଦି॑ନ୍ଦ୍ରା॒ଗ୍ନୀ ଜି॑ନ୍ଵତଗ୍​ମ୍ ସୂ॒ନୃତା॑ଵତ୍ । ତ-ଦ୍ୟଜ॑ମାନ-ମମୃତ॒ତ୍ଵେ ଦ॑ଧାତୁ ॥
କାମ॑ଧୁକ୍ଷଃ॒ ପ୍ରଣୋ᳚ ବ୍ରୂହି । ଇନ୍ଦ୍ରା॑ୟ ହ॒ଵିରି॑ନ୍ଦ୍ରି॒ୟମ୍ ॥ ଅ॒ମୂଂ-ୟଁସ୍ୟା᳚-ନ୍ଦେ॒ଵାନା᳚ମ୍ ।
ମ॒ନୁ॒ଷ୍ୟା॑ଣା॒-ମ୍ପୟୋ॑ ହି॒ତମ୍ ॥ ବ॒ହୁ ଦୁ॒ଗ୍ଧୀନ୍ଦ୍ରା॑ୟ ଦେ॒ଵେଭ୍ୟଃ॑ ।
ହ॒ଵ୍ୟ-ମାପ୍ୟା॑ୟତା॒-ମ୍ପୁନଃ॑ ॥ 39 ॥

ଵ॒ଥ୍ସେଭ୍ୟୋ॑ ମନୁ॒ଷ୍ୟେ᳚ଭ୍ୟଃ । ପୁ॒ନ॒ର୍ଦୋ॒ହାୟ॑ କଲ୍ପତାମ୍ ॥ ୟ॒ଜ୍ଞସ୍ୟ॒ ସନ୍ତ॑ତିରସି ।
ୟ॒ଜ୍ଞସ୍ୟ॑ ତ୍ଵା॒ ସନ୍ତ॑ତି॒ମନୁ॒ସନ୍ତ॑ନୋମି ॥ ଅଦ॑ସ୍ତମସି॒ ଵିଷ୍ଣ॑ଵେ ତ୍ଵା ।
ୟ॒ଜ୍ଞାୟାପି॑ ଦଧାମ୍ୟ॒ହମ୍ । ଅ॒ଦ୍ଭିରରି॑କ୍ତେନ॒ ପାତ୍ରେ॑ଣ । ୟାଃ ପୂ॒ତାଃ ପ॑ରି॒ଶେର॑ତେ ॥
ଅ॒ୟ-ମ୍ପୟ॒-ସ୍ସୋମ॑-ଙ୍କୃ॒ତ୍ଵା । ସ୍ଵାଂ-ୟୋଁନି॒-ମପି॑ଗଚ୍ଛତୁ ॥ 40 ॥

ପ॒ର୍ଣ॒ଵ॒ଲ୍କଃ ପ॒ଵିତ୍ର᳚ମ୍ । ସୌ॒ମ୍ୟ-ସ୍ସୋମା॒ଦ୍ଧି ନିର୍ମି॑ତଃ ॥ ଇ॒ମୌ ପ॒ର୍ଣ-ଞ୍ଚ॑ ଦ॒ର୍ଭ-ଞ୍ଚ॑ ।
ଦେ॒ଵାନାଗ୍​ମ୍॑ ହଵ୍ୟ॒ଶୋଧ॑ନୌ । ପ୍ରା॒ତ॒ର୍ଵେ॒ଷାୟ॑ ଗୋପାୟ । ଵିଷ୍ଣୋ॑ ହ॒ଵ୍ୟଗ୍​ମ୍ ହି ରକ୍ଷ॑ସି ॥
ଉ॒ଭାଵ॒ଗ୍ନୀ ଉ॑ପସ୍ତୃଣ॒ତେ । ଦେ॒ଵତା॒ ଉପ॑ଵସନ୍ତୁ ମେ । ଅ॒ହ-ଙ୍ଗ୍ରା॒ମ୍ୟା-ନୁପ॑ଵସାମି ।
ମହ୍ୟ॒-ଙ୍ଗୋପ॑ତୟେ ପ॒ଶୂନ୍ ॥ 41 ॥
[ଆଭୃ॑ତ - ଇ॒ମଂ - ଗୃ॑ହ୍ଣାମି॒ ପୂର୍ଵ॒ - ସ୍ତାଃ ପୁର୍ଵଃ॒ ପରି॑ଗୃହ୍ଣାମି - ସଭାପା॒ଲା - ଇନ୍ଦ୍ର॑ଜ୍ୟେଷ୍ଠେଭ୍ୟ॒-ଆଦି॑ତ୍ୟ ଵ୍ରତପତେ-ସୁସ॒ଭ୍ରୁନ୍ତା॑ - ମେ - ସ॒ହ - ପୁ॑ନାତୁ - ଗହି - ନୋ - ଵି॒ଶ୍ଵରୂ॑ପା - ଦଧାତୁ॒ - ପୁନ॑--ର୍ ଗଚ୍ଛତୁ - ପ॒ଶୁନ୍ ] (ଅ. 4)

ୟାଃ ପୁ॒ରସ୍ତା॑ଦି॒ମାମୂର୍ଜ॑ମି॒ହ ପ୍ର॒ଜା ଇ॒ହ ପ॒ଶଵୋ॒-ଽୟ-ମ୍ପି॑ତୃ॒ଣାମ॒ଗ୍ନିଃ

ଅନୁଵାକଂ 5 - ଐଷ୍ଟିକୟାଜମାନମନ୍ତ୍ରାଃ
ଦେଵା॑ ଦେ॒ଵେଷୁ॒ ପରା᳚କ୍ରମଦ୍ଧ୍ଵମ୍ । ପ୍ରଥ॑ମା ଦ୍ଵି॒ତୀୟେ॑ଷୁ । ଦ୍ଵିତୀ॑ୟା-ସ୍ତୃ॒ତୀୟେ॑ଷୁ ।
ତ୍ରିରେ॑କାଦଶା ଇ॒ହ ମା॑-ଽଵତ । ଇ॒ଦଗ୍​ମ୍ ଶ॑କେୟଂ॒-ୟଁଦି॒ଦ-ଙ୍କ॒ରୋମି॑ ।
ଆ॒ତ୍ମା କ॑ରୋତ୍ଵା॒ତ୍ମନେ᳚ । ଇ॒ଦ-ଙ୍କ॑ରିଷ୍ୟେ ଭେଷ॒ଜମ୍ । ଇ॒ଦ-ମ୍ମେ॑ ଵିଶ୍ଵଭେଷଜା ।
ଅଶ୍ଵି॑ନା॒ ପ୍ରାଵ॑ତଂ-ୟୁଁ॒ଵମ୍ ॥ ଇ॒ଦମ॒ହଗ୍​ମ୍ ସେନା॑ୟା ଅ॒ଭୀତ୍ଵ॑ର୍ୟୈ ॥ 42 ॥

ମୁଖ॒ମପୋ॑ହାମି ॥ ସୂର୍ୟ॑ଜ୍ୟୋତି॒ ର୍ଵିଭା॑ହି । ମ॒ହ॒ତ ଇ॑ନ୍ଦ୍ରି॒ୟାୟ॑ ॥ ଆପ୍ୟା॑ୟତା-ଙ୍ଘୃ॒ତୟୋ॑ନିଃ । ଅ॒ଗ୍ନିର୍-ହ॒ଵ୍ୟା-ଽନୁ॑ମନ୍ୟତାମ୍ ।
ଖମ॑ଙ୍କ୍ଷ୍ଵ॒ ତ୍ଵଚ॑ମଙ୍କ୍ଷ୍ଵ । ସୁ॒ରୂ॒ପ-ନ୍ତ୍ଵା॑ ଵସୁ॒ଵିଦ᳚ମ୍ । ପ॒ଶୂ॒ନା-ନ୍ତେଜ॑ସା ।
ଅ॒ଗ୍ନୟେ॒ ଜୁଷ୍ଟ॑-ମ॒ଭିଘା॑ରୟାମି ॥ ସ୍ୟୋ॒ନ-ନ୍ତେ॒ ସଦ॑ନ-ଙ୍କରୋମି ॥ 43 ॥

ଘୃ॒ତସ୍ୟ॒ ଧାର॑ୟା ସୁ॒ଶେଵ॑-ଙ୍କଲ୍ପୟାମି ॥
ତସ୍ମି᳚ନ୍-ଥ୍ସୀଦା॒ମୃତେ॒ ପ୍ରତି॑ତିଷ୍ଠ ।
ଵ୍ରୀ॒ହୀ॒ଣା-ମ୍ମେ॑ଧ ସୁମନ॒ସ୍ୟମା॑ନଃ ॥
ଆ॒ର୍ଦ୍ରଃ ପ୍ର॑ଥସ୍ନୁ॒-ର୍ଭୁଵ॑ନସ୍ୟ ଗୋ॒ପାଃ ।
ଶୃ॒ତ ଉଥ୍ସ୍ନା॑ତି ଜନି॒ତା ମ॑ତୀ॒ନାମ୍ ॥
ୟସ୍ତ॑ ଆ॒ତ୍ମା ପ॒ଶୁଷୁ॒ ପ୍ରଵି॑ଷ୍ଟଃ ।
ଦେ॒ଵାନାଂ᳚-ଵିଁ॒ଷ୍ଠାମନୁ॒ ୟୋ ଵି॑ତ॒ସ୍ଥେ ।
ଆ॒ତ୍ମ॒ନ୍ଵା-ନ୍ଥ୍ସୋ॑ମ ଘୃ॒ତଵା॒ନ୍॒. ହି ଭୂ॒ତ୍ଵା ।
ଦେ॒ଵା-ନ୍ଗ॑ଚ୍ଛ॒ ସୁଵ॑ର୍ଵିନ୍ଦ॒ ୟଜ॑ମାନାୟ॒ ମହ୍ୟ᳚ମ୍ ॥ ଇରା॒ ଭୂତିଃ॑ ପୃଥି॒ଵ୍ୟୈ ରସୋ॒ ମୋତ୍କ୍ର॑ମୀତ୍ ॥ 44 ॥

ଦେଵାଃ᳚ ପିତରଃ॒ ପିତ॑ରୋ ଦେଵାଃ । ୟୋ॑-ଽହମ॑ସ୍ମି॒ ସ ସନ୍. ୟ॑ଜେ । ୟସ୍ୟା᳚ସ୍ମି॒ ନ ତମ॒ନ୍ତରେ॑ମି । ସ୍ଵ-ମ୍ମ॑ ଇ॒ଷ୍ଟଗ୍ଗ୍​ ସ୍ଵ-ନ୍ଦ॒ତ୍ତମ୍ । ସ୍ଵ-ମ୍ପୂ॒ର୍ତଗ୍ଗ୍​ ସ୍ଵଗ୍ଗ୍​ ଶ୍ରା॒ନ୍ତମ୍ । ସ୍ଵଗ୍​ମ୍ ହୁ॒ତମ୍ । ତସ୍ୟ॑ ମେ॒-ଽଗ୍ନି-ରୁ॑ପଦ୍ର॒ଷ୍ଟା । ଵା॒ୟୁରୁ॑ପଶ୍ରୋ॒ତା ।
ଆ॒ଦି॒ତ୍ୟୋ॑-ଽନୁଖ୍ୟା॒ତା । ଦ୍ୟୌଃ ପି॒ତା ॥ 45 ॥

ପୃ॒ଥି॒ଵୀ ମା॒ତା । ପ୍ର॒ଜାପ॑ତି॒ ର୍ବନ୍ଧୁଃ॑ ।
ୟ ଏ॒ଵାସ୍ମି॒ ସ ସନ୍. ୟ॑ଜେ ॥ ମା ଭେର୍ମା ସଂ​ଵିଁ॑କ୍ଥା॒ ମା ତ୍ଵା॑ ହିଗ୍​ମ୍ସିଷମ୍ । ମା ତେ॒ ତେଜୋ-ଽପ॑କ୍ରମୀତ୍ ।
ଭ॒ର॒ତମୁଦ୍ଧ॑ରେ॒ ମନୁ॑ଷିଞ୍ଚ । ଅ॒ଵ॒ଦାନା॑ନି ତେ ପ୍ର॒ତ୍ୟଵ॑ଦାସ୍ୟାମି ।
ନମ॑ସ୍ତେ ଅସ୍ତୁ॒ ମା ମା॑ ହିଗ୍​ମ୍ସୀଃ ॥ ୟଦ॑ଵ॒ଦାନା॑ନି ତେ-ଽଵ॒ଦ୍ୟନ୍ନ୍ । ଵିଲୋ॒ମାକା॑ର୍​ଷମା॒ତ୍ମନଃ॑ ॥ 46 ॥

ଆଜ୍ୟେ॑ନ॒ ପ୍ରତ୍ୟ॑ନଜ୍ମ୍ୟେନତ୍ । ତତ୍ତ॒ ଆପ୍ୟା॑ୟତା॒-ମ୍ପୁନଃ॑ ॥ ଅଜ୍ୟା॑ୟୋ ୟଵମା॒ତ୍ରାତ୍ ।
ଆ॒ଵ୍ୟା॒ଧା-ତ୍କୃ॑ତ୍ୟତାମି॒ଦମ୍ । ମା ରୂ॑ରୁପାମ ୟ॒ଜ୍ଞସ୍ୟ॑ । ଶୁ॒ଦ୍ଧଗ୍ଗ୍​ ସ୍ଵି॑ଷ୍ଟମି॒ଦଗ୍​ମ୍ ହ॒ଵିଃ ॥ ମନୁ॑ନା ଦୃ॒ଷ୍ଟା-ଙ୍ଘୃ॒ତପ॑ଦୀମ୍ । ମି॒ତ୍ରାଵରୁ॑ଣସମୀରିତାମ୍ । ଦ॒କ୍ଷି॒ଣା॒ର୍ଧାଦସ॑ଭିନ୍ନ୍ଦନ୍ନ୍ । ଅଵ॑ଦ୍ୟା-ମ୍ୟେକ॒ତୋ ମୁ॑ଖାମ୍ ॥ 47 ॥

ଇଡେ॑ ଭା॒ଗ-ଞ୍ଜୁ॑ଷସ୍ଵ ନଃ । ଜିନ୍ଵ॒ ଗା ଜିନ୍ଵାର୍ଵ॑ତଃ । ତସ୍ୟା᳚ସ୍ତେ ଭକ୍ଷି॒ଵାଣ॑-ସ୍ସ୍ୟାମ । ସ॒ର୍ଵାତ୍ମା॑ନ-ସ୍ସ॒ର୍ଵଗ॑ଣାଃ ॥ ବ୍ରଦ୍ଧ୍ନ॒ ପିନ୍ଵ॑ସ୍ଵ ।
ଦଦ॑ତୋ ମେ॒ ମା କ୍ଷା॑ୟି । କୁ॒ର୍ଵ॒ତୋ ମେ॒ ମୋପ॑ଦସତ୍ । ଦି॒ଶା-ଙ୍କ୍ଲୃପ୍ତି॑ରସି । ଦିଶୋ॑ ମେ କଲ୍ପନ୍ତାମ୍ । କଲ୍ପ॑ନ୍ତା-ମ୍ମେ॒ ଦିଶଃ॑ ॥ 48 ॥

ଦୈଵୀ᳚ଶ୍ଚ॒ ମାନୁ॑ଷୀଶ୍ଚ । ଅ॒ହୋ॒ରା॒ତ୍ରେ ମେ॑ କଲ୍ପେତାମ୍ । ଅ॒ର୍ଧ॒ମା॒ସା ମେ॑ କଲ୍ପନ୍ତାମ୍ । ମାସା॑ ମେ କଲ୍ପନ୍ତାମ୍ । ଋ॒ତଵୋ॑ ମେ କଲ୍ପନ୍ତାମ୍ । ସଂ॒​ଵଁ॒ଥ୍ସ॒ରୋ ମେ॑ କଲ୍ପତାମ୍ ।
କ୍ଲୃପ୍ତି॑ରସି॒ କଲ୍ପ॑ତା-ମ୍ମେ ॥
ଆଶା॑ନା-ନ୍ତ୍ଵା-ଽଽଶାପା॒ଲେଭ୍ୟଃ॑ ।
ଚ॒ତୁର୍ଭ୍ୟୋ॑ ଅ॒ମୃତେ᳚ଭ୍ୟଃ ।
ଇ॒ଦ-ମ୍ଭୂ॒ତସ୍ୟା-ଦ୍ଧ୍ୟ॑କ୍ଷେଭ୍ୟଃ ॥ 49 ॥

ଵି॒ଧେମ॑ ହ॒ଵିଷା॑ ଵ॒ୟମ୍ । ଭଜ॑ତା-ମ୍ଭା॒ଗୀ ଭା॒ଗମ୍ । ମା-ଽଭା॒ଗୋ-ଽଭ॑କ୍ତ ।
ନିର॑ଭା॒ଗ-ମ୍ଭ॑ଜାମଃ । ଅ॒ପସ୍ପି॑ନ୍ଵ । ଓଷ॑ଧୀର୍ଜିନ୍ଵ । ଦ୍ଵି॒ପାତ୍ପା॑ହି । ଚତୁ॑ଷ୍ପାଦଵ । ଦି॒ଵୋ ଵୃଷ୍ଟି॒ମେର॑ୟ । ବ୍ରା॒ହ୍ମ॒ଣାନା॑-ମି॒ଦଗ୍​ମ୍ ହ॒ଵିଃ ॥ 50 ॥

ସୋ॒ମ୍ୟାନାଗ୍​ମ୍॑ ସୋମପୀ॒ଥିନା᳚ମ୍ । ନିର୍ଭ॒କ୍ତୋ ବ୍ରା᳚ହ୍ମଣଃ । ନେହା-ବ୍ରା᳚ହ୍ମଣସ୍ୟାସ୍ତି ॥
ସମ॑ଙ୍କ୍ତା-ମ୍ବ॒ର॒ଃଇର୍-ହ॒ଵିଷା॑ ଘୃ॒ତେନ॑ । ସମା॑ଦି॒ତ୍ୟୈ ର୍ଵସୁ॑ଭି॒-ସ୍ସ-ମ୍ମ॒ରୁଦ୍ଭିଃ॑ ।
ସମିନ୍ଦ୍ରେ॑ଣ॒ ଵିଶ୍ଵେ॑ଭି ର୍ଦେ॒ଵେଭି॑ରଙ୍କ୍ତାମ୍ ।
ଦି॒ଵ୍ୟ-ନ୍ନଭୋ॑ ଗଚ୍ଛତୁ॒ ୟ-ଥ୍ସ୍ଵାହା᳚ ॥
ଇ॒ନ୍ଦ୍ରା॒ଣୀ ଵା॑ ଵିଧ॒ଵା ଭୂ॑ୟାସମ୍ । ଅଦି॑ତିରିଵ ସୁପୁ॒ତ୍ରା ।
ଅ॒ସ୍ଥୂ॒ରି ତ୍ଵା॑ ଗାର୍​ହପତ୍ୟ ॥ 51 ॥

ଉପ॒ନିଷ॑ଦେ ସୁପ୍ରଜା॒ସ୍ତ୍ଵାୟ॑ ॥
ସ-ମ୍ପତ୍ନୀ॒ ପତ୍ୟା॑ ସୁକୃ॒ତେନ॑ ଗଚ୍ଛତାମ୍ ।
ୟ॒ଜ୍ଞସ୍ୟ॑ ୟୁ॒କ୍ତୌ ଧୁର୍ୟା॑ଵଭୂତାମ୍ ।
ସ॒ଜା॒ନ୍ନା॒ନୌ ଵିଜ॑ହତା॒-ମରା॑ତୀଃ ।
ଦି॒ଵି ଜ୍ୟୋତି॑ର॒ଜ-ର॒ମାର॑ଭେତାମ୍ ॥
ଦଶ॑ ତେ ତ॒ନୁଵୋ॑ ୟଜ୍ଞ ୟ॒ଜ୍ଞିୟାଃ᳚ ।
ତାଃ ପ୍ରୀ॑ଣାତୁ॒ ୟଜ॑ମାନୋ ଘୃ॒ତେନ॑ । ନା॒ରି॒ଷ୍ଠୟୋଃ᳚ ପ୍ର॒ଶିଷ॒ମୀଡ॑ମାନଃ ।
ଦେ॒ଵାନା॒-ନ୍ଦୈଵ୍ୟେ-ଽପି॒ ୟଜ॑ମାନୋ॒-ଽମୃତୋ॑-ଽଭୂତ୍ ॥
ୟଂ-ଵାଁ᳚-ନ୍ଦେ॒ଵା ଅ॑କଲ୍ପୟନ୍ନ୍ ॥ 52 ॥

ଊ॒ର୍ଜୋ ଭା॒ଗଗ୍​ମ୍ ଶ॑ତକ୍ରତୂ । ଏ॒ତଦ୍ଵା॒-ନ୍ତେନ॑ ପ୍ରୀଣାନି । ତେନ॑ ତୃପ୍ୟତମଗ୍​ମ୍ହହୌ ॥ ଅ॒ହ-ନ୍ଦେ॒ଵାନାଗ୍​ମ୍॑ ସୁ॒କୃତା॑ମସ୍ମି ଲୋ॒କେ ।
ମମେ॒ଦମି॒ଷ୍ଟ-ନ୍ନ ମିଥୁ॑ ର୍ଭଵାତି । ଅ॒ହ-ନ୍ନା॑ରି॒ଷ୍ଠା-ଵନୁ॑ୟଜାମି ଵି॒ଦ୍ଵାନ୍ ।
ୟଦା᳚ଭ୍ୟା॒-ମିନ୍ଦ୍ରୋ॒ ଅଦ॑ଧା-ଦ୍ଭାଗ॒ଧେୟ᳚ମ୍ ॥ ଅଦା॑ରସୃଦ୍ଭଵତ ଦେଵ ସୋମ ।
ଅ॒ସ୍ମିନ୍. ୟ॒ଜ୍ଞେ ମ॑ରୁତୋ ମୃଡତା ନଃ ।
ମା ନୋ॑ ଵିଦଦ॒ଭି ଭା॒ମୋ ଅଶ॑ସ୍ତିଃ ॥ 53 ॥

ମା ନୋ॑ ଵିଦ-ଦ୍ଵ॒ଜନା॒ ଦ୍ଵେଷ୍ୟା॒ ୟା ॥
ଋ॒ଷ॒ଭଂ-ଵାଁ॒ଜିନଂ॑-ଵଁ॒ୟମ୍ ।
ପୂ॒ର୍ଣମା॑ସଂ-ୟଁଜାମହେ । ସ ନୋ॑ ଦୋହତାଗ୍​ମ୍ ସୁ॒ଵୀର୍ୟ᳚ମ୍ । ରା॒ୟସ୍ପୋଷଗ୍​ମ୍॑ ସହ॒ସ୍ରିଣ᳚ମ୍ । ପ୍ରା॒ଣାୟ॑ ସୁ॒ରାଧ॑ସେ । ପୂ॒ର୍ଣମା॑ସାୟ॒ ସ୍ଵାହା᳚ ॥
ଅ॒ମା॒ଵା॒ସ୍ୟା॑ ସୁ॒ଭଗା॑ ସୁ॒ଶେଵା᳚ । ଧେ॒ନୁରି॑ଵ॒ ଭୂୟ॑ ଆ॒ପ୍ୟାୟ॑ମାନା । ସା ନୋ॑ ଦୋହତାଗ୍​ମ୍ ସୁ॒ଵୀର୍ୟ᳚ମ୍ । ରା॒ୟସ୍ପୋଷଗ୍​ମ୍॑ ସହ॒ସ୍ରିଣ᳚ମ୍ ।
ଅ॒ପା॒ନାୟ॑ ସୁ॒ରାଧ॑ସେ । ଅ॒ମା॒ଵା॒ସ୍ୟା॑ୟୈ॒ ସ୍ଵାହା᳚ ॥ ଅ॒ଭିସ୍ତୃ॑ଣୀହି॒ ପରି॑ଧେହି॒ ଵେଦି᳚ମ୍ ।
ଜା॒ମି-ମ୍ମା ହିଗ୍​ମ୍॑ସୀରମୁ॒ୟା ଶୟା॑ନା ।
ହୋ॒ତୃ॒ଷଦ॑ନା॒ ହରି॑ତା-ସ୍ସୁ॒ଵର୍ଣାଃ᳚ । ନି॒ଷ୍କା ଇ॒ମେ ୟଜ॑ମାନସ୍ୟ ବ୍ର॒ଦ୍ଧ୍ନେ ॥ 54 ॥
(ଅ॒ଭୀତ୍ଵ॑ର୍ୟୈ - କରୋମି - କ୍ରମୀତ୍ - ପି॒ତା - ଽଽତ୍ମନ॑ - ଏକ॒ତୋମୁ॑ଖାଂ - ମେ॒ ଦିଶୋ - ଽଧ୍ୟ॑କ୍ଷେଭ୍ୟୋ - ହ॒ଵି--ର୍ ଗା॑ର୍​ହପତ୍ୟା - କଲ୍ପୟ॒ - ନ୍ନଶ॑ସ୍ତିଃ॒ - ସା ନୋ॑ ଦୋହତାଗ୍​ମ୍ ସୁ॒ଵୀର୍ୟଗ୍​ମ୍॑ ସ॒ପ୍ତ ଚ॑) (ଅ. 5)

ଅନୁଵାକଂ 6 - ଐଷ୍ଟିକୟାଜମାନମନ୍ତ୍ରାଃ
ପରି॑ସ୍ତୃଣୀତ॒ ପରି॑ଧତ୍ତା॒ଗ୍ନିମ୍ । ପରି॑ହିତୋ॒-ଽଗ୍ନି ର୍ୟଜ॑ମାନ-ମ୍ଭୁନକ୍ତୁ । ଅ॒ପାଗ୍​ମ୍ ରସ॒ ଓଷ॑ଧୀନାଗ୍​ମ୍ ସୁ॒ଵର୍ଣଃ॑ । ନି॒ଷ୍କା ଇ॒ମେ ୟଜ॑ମାନସ୍ୟ ସନ୍ତୁ କାମ॒ଦୁଘାଃ᳚ । ଅ॒ମୁତ୍ରା॒ମୁଷ୍ମି॑ନ୍ ଁଲୋ॒କେ ॥
ଭୂପ॑ତେ॒ ଭୁଵ॑ନପତେ । ମ॒ହ॒ତୋ ଭୂ॒ତସ୍ୟ॑ ପତେ । ବ୍ର॒ହ୍ମାଣ॑-ନ୍ତ୍ଵା ଵୃଣୀମହେ ॥
ଅ॒ହ-ମ୍ଭୂପ॑ତିର॒ହ-ମ୍ଭୁଵ॑ନପତିଃ ।
ଅ॒ହ-ମ୍ମ॑ହ॒ତୋ ଭୂ॒ତସ୍ୟ॒ ପତିଃ॑ ॥ 55 ॥

ଦେ॒ଵେନ॑ ସଵି॒ତ୍ରା ପ୍ରସୂ॑ତ॒ ଆର୍ତ୍ଵି॑ଜ୍ୟ-ଙ୍କରିଷ୍ୟାମି । ଦେଵ॑ ସଵିତରେ॒ତ-ନ୍ତ୍ଵା॑ ଵୃଣତେ ।
ବୃହ॒ସ୍ପତି॒-ନ୍ଦୈଵ୍ୟ॑-ମ୍ବ୍ର॒ହ୍ମାଣ᳚ମ୍ । ତଦ॒ହ-ମ୍ମନ॑ସେ॒ ପ୍ରବ୍ର॑ଵୀମି । ମନୋ॑ ଗାୟତ୍ରି॒ୟୈ ।
ଗା॒ୟ॒ତ୍ରୀ ତ୍ରି॒ଷ୍ଟୁଭେ᳚ । ତ୍ରି॒ଷ୍ଟୁ-ବ୍ଜଗ॑ତ୍ୟୈ । ଜଗ॑ତ୍ୟନୁ॒ଷ୍ଟୁଭେ᳚ । ଅ॒ନୁ॒ଷ୍ଟୁ-କ୍ପ॒ଙ୍କ୍ତ୍ୟୈ । ପ॒ଙ୍କ୍ତିଃ ପ୍ର॒ଜାପ॑ତୟେ ॥ 56 ॥

ପ୍ର॒ଜାପ॑ତି॒ ର୍ଵିଶ୍ଵେ᳚ଭ୍ୟୋ ଦେ॒ଵେଭ୍ୟଃ॑ । ଵିଶ୍ଵେ॑ ଦେ॒ଵା ବୃହ॒ସ୍ପତ॑ୟେ । ବୃହ॒ସ୍ପତି॒-ର୍ବ୍ରହ୍ମ॑ଣେ ।
ବ୍ରହ୍ମ॒ ଭୂର୍ଭୁଵ॒-ସ୍ସୁଵଃ॑ । ବୃହ॒ସ୍ପତି॑ ର୍ଦେ॒ଵାନା᳚-ମ୍ବ୍ର॒ହ୍ମା । ଅ॒ହ-ମ୍ମ॑ନୁ॒ଷ୍ୟା॑ଣାମ୍ । ବୃହ॑ସ୍ପତେ ୟ॒ଜ୍ଞ-ଙ୍ଗୋ॑ପାୟ ॥ ଇ॒ଦ-ନ୍ତସ୍ମୈ॑ ହ॒ର୍ମ୍ୟ-ଙ୍କ॑ରୋମି । ୟୋ ଵୋ॑ ଦେଵା॒ଶ୍ଚର॑ତି ବ୍ରହ୍ମ॒ଚର୍ୟ᳚ମ୍ । ମେ॒ଧା॒ଵୀ ଦି॒କ୍ଷୁ ମନ॑ସା ତପ॒ସ୍ଵୀ ॥ 57 ॥

ଅ॒ନ୍ତର୍ଦୂ॒ତଶ୍ଚ॑ରତି॒ ମାନୁ॑ଷୀଷୁ ॥
ଚତୁ॑-ଶ୍ଶିଖଣ୍ଡା ୟୁଵ॒ତି-ସ୍ସୁ॒ପେଶାଃ᳚ ।
ଘୃ॒ତପ୍ର॑ତୀକା॒ ଭୁଵ॑ନସ୍ୟ॒ ମଦ୍ଧ୍ୟେ᳚ । ମ॒ର୍ମୃ॒ଜ୍ୟମା॑ନା ମହ॒ତେ ସୌଭ॑ଗାୟ ।
ମହ୍ୟ॑-ନ୍ଧୁକ୍ଷ୍ଵ॒ ୟଜ॑ମାନାୟ॒ କାମାନ୍॑ ॥
ଭୂମି॑ ର୍ଭୂ॒ତ୍ଵା ମ॑ହି॒ମାନ॑-ମ୍ପୁପୋଷ ।
ତତୋ॑ ଦେ॒ଵୀ ଵ॑ର୍ଧୟତେ॒ ପୟାଗ୍​ମ୍॑ସି ।
ୟ॒ଜ୍ଞିୟା॑ ୟ॒ଜ୍ଞଂ-ଵିଁଚ॒ୟନ୍ତି॒ ଶଞ୍ଚ॑ ।
ଓଷ॑ଧୀ॒ରାପ॑ ଇ॒ହ ଶକ୍ଵ॑ରୀଶ୍ଚ ॥
ୟୋ ମା॑ ହୃ॒ଦା ମନ॑ସା॒ ୟଶ୍ଚ॑ ଵା॒ଚା ॥ 58 ॥

ୟୋ ବ୍ରହ୍ମ॑ଣା॒ କର୍ମ॑ଣା॒ ଦ୍ଵେଷ୍ଟି॑ ଦେଵାଃ ।
ୟ-ଶ୍ଶ୍ରୁ॒ତେନ॒ ହୃଦ॑ୟେନେଷ୍ଣ॒ତା ଚ॑ ।
ତସ୍ୟେ᳚ନ୍ଦ୍ର॒ ଵଜ୍ରେ॑ଣ॒ ଶିର॑ଶ୍ଛିନଦ୍ମି ॥
ଊର୍ଣା॑ମୃଦୁ॒ ପ୍ରଥ॑ମାନଗ୍ଗ୍​ ସ୍ୟୋ॒ନମ୍ ।
ଦେ॒ଵେଭ୍ୟୋ॒ ଜୁଷ୍ଟ॒ଗ୍​ମ୍॒ ସଦ॑ନାୟ ବ॒ର୍॒ହିଃ । ସୁ॒ଵ॒ର୍ଗେ ଲୋ॒କେ ୟଜ॑ମାନ॒ଗ୍​ମ୍॒ ହି ଧେ॒ହି ।
ମା-ନ୍ନାକ॑ସ୍ୟ ପୃ॒ଷ୍ଠେ ପ॑ର॒ମେ ଵ୍ୟୋ॑ମନ୍ନ୍ ॥ ଚତୁ॑-ଶ୍ଶିଖଣ୍ଡା ୟୁଵ॒ତି-ସ୍ସୁ॒ପେଶାଃ᳚ ।
ଘୃ॒ତପ୍ର॑ତୀକା ଵ॒ୟୁନା॑ନି ଵସ୍ତେ ।
ସା ସ୍ତୀ॒ର୍ୟମା॑ଣା ମହ॒ତେ ସୌଭ॑ଗାୟ ॥ 59 ॥

ସା ମେ॑ ଧୁକ୍ଷ୍ଵ॒ ୟଜ॑ମାନାୟ॒ କାମାନ୍॑ ।
ଶି॒ଵା ଚ॑ ମେ ଶ॒ଗ୍ମା ଚୈ॑ଧି ।
ସ୍ୟୋ॒ନା ଚ॑ ମେ ସୁ॒ଷଦା॑ ଚୈଧି ।
ଊର୍ଜ॑ସ୍ଵତୀ ଚ ମେ॒ ପୟ॑ସ୍ଵତୀ ଚୈଧି ।
ଇଷ॒ମୂର୍ଜ॑-ମ୍ମେ ପିନ୍ଵସ୍ଵ । ବ୍ରହ୍ମ॒ ତେଜୋ॑ ମେ ପିନ୍ଵସ୍ଵ । କ୍ଷ॒ତ୍ରମୋଜୋ॑ ମେ ପିନ୍ଵସ୍ଵ ।
ଵିଶ॒-ମ୍ପୁଷ୍ଟି॑-ମ୍ମେ ପିନ୍ଵସ୍ଵ ।
ଆୟୁ॑ର॒ନ୍ନାଦ୍ୟ॑-ମ୍ମେ ପିନ୍ଵସ୍ଵ ।
ପ୍ର॒ଜା-ମ୍ପ॒ଶୂ-ନ୍ମେ॑ ପିନ୍ଵସ୍ଵ ॥ 60 ॥

ଅ॒ସ୍ମିନ୍. ୟ॒ଜ୍ଞ ଉପ॒ ଭୂୟ॒ ଇନ୍ନୁ ମେ᳚ ।
ଅଵି॑କ୍ଷୋଭାୟ ପରି॒ଧୀନ୍ଦ॑ଧାମି ।
ଧ॒ର୍ତା ଧ॒ରୁଣୋ॒ ଧରୀ॑ୟାନ୍ ।
ଅ॒ଗ୍ନି ର୍ଦ୍ଵେଷାଗ୍​ମ୍॑ସି॒ ନିରି॒ତୋ ନୁ॑ଦାତୈ ॥
ଵିଚ୍ଛି॑ନଦ୍ମି॒ ଵିଧୃ॑ତୀଭ୍ୟାଗ୍​ମ୍ ସ॒ପତ୍ନାନ୍॑ ।
ଜା॒ତା-ନ୍ଭ୍ରାତୃ॑ଵ୍ୟା॒ନ୍॒. ୟେ ଚ॑ ଜନି॒ଷ୍ୟମା॑ଣାଃ ।
ଵି॒ଶୋ ୟ॒ନ୍ତ୍ରାଭ୍ୟାଂ॒-ଵିଁଧ॑ମାମ୍ୟେନାନ୍ । ଅ॒ହଗ୍ଗ୍​ସ୍ଵାନା॑-ମୁତ୍ତ॒ମୋ॑-ଽସାନି ଦେଵାଃ ।
ଵି॒ଶୋ ୟ॒ନ୍ତ୍ରେ ନୁ॒ଦମା॑ନେ॒ ଅରା॑ତିମ୍ । ଵିଶ୍ଵ॑-ମ୍ପା॒ପ୍ମାନ॒ମମ॑ତି-ନ୍ଦୁର୍ମରା॒ୟୁମ୍ ॥ 61 ॥

ସୀଦ॑ନ୍ତୀ ଦେ॒ଵୀ ସୁ॑କୃ॒ତସ୍ୟ॑ ଲୋ॒କେ ।
ଧୃତୀ᳚ ସ୍ଥୋ॒ ଵିଧୃ॑ତୀ॒ ସ୍ଵଧୃ॑ତୀ ।
ପ୍ରା॒ଣାନ୍ମୟି॑ ଧାରୟତମ୍ । ପ୍ର॒ଜା-ମ୍ମୟି॑ ଧାରୟତମ୍ । ପ॒ଶୂନ୍ମୟି॑ ଧାରୟତମ୍ ॥
ଅ॒ୟ-ମ୍ପ୍ର॑ସ୍ତ॒ର ଉ॒ଭୟ॑ସ୍ୟ ଧ॒ର୍ତା ।
ଧ॒ର୍ତା ପ୍ର॑ୟା॒ଜାନା॑-ମୁ॒ତାନୂ॑ୟା॒ଜାନା᳚ମ୍ ।
ସ ଦା॑ଧାର ସ॒ମିଧୋ॑ ଵି॒ଶ୍ଵରୂ॑ପାଃ ।
ତସ୍ମି॒ନ୍-ଥ୍ସ୍ରୁଚୋ॒ ଅଦ୍ଧ୍ୟାସା॑ଦୟାମି ॥
ଆରୋ॑ହ ପ॒ଥୋ ଜୁ॑ହୁ ଦେଵ॒ୟାନାନ୍॑ ॥ 62 ॥

ୟତ୍ରର୍​ଷ॑ୟଃ ପ୍ରଥମ॒ଜା ୟେ ପୁ॑ରା॒ଣାଃ । ହିର॑ଣ୍ୟପକ୍ଷା-ଽଜି॒ରା ସମ୍ଭୃ॑ତାଙ୍ଗା ।
ଵହା॑ସି ମା ସୁ॒କୃତାଂ॒-ୟଁତ୍ର॑ ଲୋ॒କାଃ ॥
ଅଵା॒ହ-ମ୍ବା॑ଧ ଉପ॒ଭୃତା॑ ସ॒ପତ୍ନାନ୍॑ ।
ଜା॒ତା-ନ୍ଭ୍ରାତୃ॑ଵ୍ୟା॒ନ୍॒. ୟେ ଚ॑ ଜନି॒ଷ୍ୟମା॑ଣାଃ । ଦୋହୈ॑ ୟ॒ଜ୍ଞଗ୍​ମ୍ ସୁ॒ଦୁଘା॑ମିଵ ଧେ॒ନୁମ୍ ।
ଅ॒ହମୁତ୍ତ॑ରୋ ଭୂୟାସମ୍ । ଅଧ॑ରେ॒ ମଥ୍ସ॒ପତ୍ନାଃ᳚ ॥
ୟୋ ମା॑ ଵା॒ଚା ମନ॑ସା ଦୁର୍ମରା॒ୟୁଃ ।
ହୃ॒ଦା-ଽରା॑ତୀ॒ୟା-ଦ॑ଭି॒ଦାସ॑-ଦଗ୍ନେ ॥ 63 ॥

ଇ॒ଦମ॑ସ୍ୟ ଚି॒ତ୍ତମଧ॑ର-ନ୍ଧ୍ରୁ॒ଵାୟାଃ᳚ । ଅ॒ହମୁତ୍ତ॑ରୋ ଭୂୟାସମ୍ । ଅଧ॑ରେ॒ ମଥ୍ସ॒ପତ୍ନାଃ᳚ ॥
ଋ॒ଷ॒ଭୋ॑-ଽସି ଶାକ୍ଵ॒ରଃ । ଘୃ॒ତାଚୀ॑ନାଗ୍​ମ୍ ସୂ॒ନୁଃ । ପ୍ରି॒ୟେଣ॒ ନାମ୍ନା᳚ ପ୍ରି॒ୟେ ସଦ॑ସି ସୀଦ ॥
ସ୍ୟୋ॒ନୋ ମେ॑ ସୀଦ ସୁ॒ଷଦଃ॑ ପୃଥି॒ଵ୍ୟାମ୍ ।
ପ୍ରଥ॑ୟି ପ୍ର॒ଜୟା॑ ପ॒ଶୁଭି॑-ସ୍ସୁଵ॒ର୍ଗେ ଲୋ॒କେ ।
ଦି॒ଵି ସୀ॑ଦ ପୃଥି॒ଵ୍ୟା-ମ॒ନ୍ତରି॑କ୍ଷେ ।
ଅ॒ହମୁତ୍ତ॑ରୋ ଭୂୟାସମ୍ ॥ 64 ॥

ଅଧ॑ରେ॒ ମଥ୍ସ॒ପତ୍ନାଃ᳚ ॥
ଇ॒ୟଗ୍ଗ୍​ ସ୍ଥା॒ଲୀ ଘୃ॒ତସ୍ୟ॑ ପୂ॒ର୍ଣା ।
ଅଚ୍ଛି॑ନ୍ନପୟା-ଶ୍ଶ॒ତଧା॑ର॒ ଉଥ୍ସଃ॑ ।
ମା॒ରୁ॒ତେନ॒ ଶର୍ମ॑ଣା॒ ଦୈଵ୍ୟେ॑ନ ॥
ୟ॒ଜ୍ଞୋ॑-ଽସି ସ॒ର୍ଵତ॑-ଶ୍ଶ୍ରି॒ତଃ । ସ॒ର୍ଵତୋ॒ ମା-ମ୍ଭୂ॒ତ-ମ୍ଭ॑ଵି॒ଷ୍ୟ-ଚ୍ଛ୍ର॑ୟତାମ୍ । ଶ॒ତ-ମ୍ମେ॑ ସନ୍ତ୍ଵା॒ଶିଷଃ॑ । ସ॒ହସ୍ର॑-ମ୍ମେ ସନ୍ତୁ ସୂ॒ନୃତାଃ᳚ । ଇରା॑ଵତୀଃ ପଶୁ॒ମତୀଃ᳚ । ପ୍ର॒ଜାପ॑ତିରସି ସ॒ର୍ଵତ॑-ଶ୍ଶ୍ରି॒ତଃ ॥ 65 ॥
ସ॒ର୍ଵତୋ॒ ମା-ମ୍ଭୂ॒ତ-ମ୍ଭ॑ଵି॒ଷ୍ୟ-ଚ୍ଛ୍ର॑ୟତାମ୍ । ଶ॒ତ-ମ୍ମେ॑ ସନ୍ତ୍ଵା॒ଶିଷଃ॑ ।
ସ॒ହସ୍ର॑-ମ୍ମେ ସନ୍ତୁ ସୂ॒ନୃତାଃ᳚ । ଇରା॑ଵତୀଃ ପଶୁ॒ମତୀଃ᳚ ॥ ଇ॒ଦମି॑ନ୍ଦ୍ରି॒ୟ-ମ॒ମୃତଂ॑-ଵୀଁ॒ର୍ୟ᳚ମ୍ । ଅ॒ନେନେନ୍ଦ୍ରା॑ୟ ପ॒ଶଵୋ॑-ଽଚିକିଥ୍ସନ୍ନ୍ ।
ତେନ॑ ଦେଵା ଅଵ॒ତୋପ॒ ମାମ୍ । ଇ॒ହେଷ॒ମୂର୍ଜଂ॒-ୟଁଶ॒-ସ୍ସହ॒ ଓଜ॑-ସ୍ସନେୟମ୍ । ଶୃ॒ତ-ମ୍ମୟି॑ ଶ୍ରୟତାମ୍ ॥ ୟ-ତ୍ପୃ॑ଥି॒ଵୀ-ମଚ॑ର॒ତ୍ତତ୍-ପ୍ରଵି॑ଷ୍ଟମ୍ ॥ 66 ॥

ୟେନାସି॑ଞ୍ଚ॒-ଦ୍ବଲ॒ମିନ୍ଦ୍ରେ᳚ ପ୍ର॒ଜାପ॑ତିଃ ।
ଇ॒ଦ-ନ୍ତଚ୍ଛୁ॒କ୍ର-ମ୍ମଧୁ॑ ଵା॒ଜିନୀ॑ଵତ୍ ।
ୟେନୋ॒-ପରି॑ଷ୍ଟା॒ଦଧି॑ନୋ-ନ୍ମହେ॒ନ୍ଦ୍ରମ୍ ।
ଦଧି॒ ମା-ନ୍ଧି॑ନୋତୁ ॥
ଅ॒ୟଂ-ଵେଁ॒ଦଃ ପୃ॑ଥି॒ଵୀ-ମନ୍ଵ॑ଵିନ୍ଦତ୍ ।
ଗୁହା॑ ସ॒ତୀ-ଙ୍ଗହ॑ନେ॒ ଗହ୍ଵ॑ରେଷୁ ।
ସ ଵି॑ନ୍ଦତୁ॒ ୟଜ॑ମାନାୟ ଲୋ॒କମ୍ ।
ଅଚ୍ଛି॑ଦ୍ରଂ-ୟଁ॒ଜ୍ଞ-ମ୍ଭୂରି॑କର୍ମା କରୋତୁ ॥
ଅ॒ୟଂ-ୟଁ॒ଜ୍ଞ-ସ୍ସମ॑ସଦଦ୍ଧ॒ଵିଷ୍ମାନ୍॑ ।
ଋ॒ଚା ସାମ୍ନା॒ ୟଜୁ॑ଷା ଦେ॒ଵତା॑ଭିଃ ॥ 67 ॥

ତେନ॑ ଲୋ॒କାନ୍-ଥ୍ସୂର୍ୟ॑ଵତୋ ଜୟେମ ।
ଇନ୍ଦ୍ର॑ସ୍ୟ ସ॒ଖ୍ୟ-ମ॑ମୃତ॒ତ୍ଵ-ମ॑ଶ୍ୟାମ୍ ॥
ୟୋ ନଃ॒ କନୀ॑ୟ ଇ॒ହ କା॒ମୟା॑ତୈ ।
ଅ॒ସ୍ମିନ୍. ୟ॒ଜ୍ଞେ ୟଜ॑ମାନାୟ॒ ମହ୍ୟ᳚ମ୍ ।
ଅପ॒ ତମି॑ନ୍ଦ୍ରା॒ଗ୍ନୀ ଭୁଵ॑ନାନ୍ନୁଦେତାମ୍ ।
ଅ॒ହ-ମ୍ପ୍ର॒ଜାଂ-ଵୀଁ॒ରଵ॑ତୀଂ-ଵିଁଦେୟ ॥
ଅଗ୍ନେ॑ ଵାଜଜିତ୍ । ଵାଜ॑-ନ୍ତ୍ଵା ସରି॒ଷ୍ୟନ୍ତ᳚ମ୍ ।
ଵାଜ॑-ଞ୍ଜେ॒ଷ୍ୟନ୍ତ᳚ମ୍ । ଵା॒ଜିନଂ॑-ଵାଁଜ॒ଜିତ᳚ମ୍ ॥ 68 ॥

ଵା॒ଜ॒ଜି॒ତ୍ୟାୟୈ॒ ସମ୍ମା᳚ର୍ଜ୍ମି । ଅ॒ଗ୍ନିମ॑ନ୍ନା॒-ଦମ॒ନ୍ନାଦ୍ୟା॑ୟ ॥ ଉପ॑ହୂତୋ॒ ଦ୍ୟୌଃ ପି॒ତା ।
ଉପ॒ ମା-ନ୍ଦ୍ୟୌଃ ପି॒ତା ହ୍ଵ॑ୟତାମ୍ । ଅ॒ଗ୍ନି-ରାଗ୍ନୀ᳚ଦ୍ଧ୍ରାତ୍ । ଆୟୁ॑ଷେ॒ ଵର୍ଚ॑ସେ । ଜୀ॒ଵାତ୍ଵୈ ପୁଣ୍ୟା॑ୟ । ଉପ॑ହୂତା ପୃଥି॒ଵୀ ମା॒ତା । ଉପ॒ ମା-ମ୍ମା॒ତା ପୃ॑ଥି॒ଵୀ ହ୍ଵ॑ୟତାମ୍ । ଅ॒ଗ୍ନି-ରାଗ୍ନୀ᳚ଦ୍ଧ୍ରାତ୍ ॥ 69 ॥

ଆୟୁ॑ଷେ॒ ଵର୍ଚ॑ସେ । ଜୀ॒ଵାତ୍ଵୈ ପୁଣ୍ୟା॑ୟ ॥
ମନୋ॒ ଜ୍ୟୋତି॑ ର୍ଜୁଷତା॒ମାଜ୍ୟ᳚ମ୍ ।
ଵିଚ୍ଛି॑ନ୍ନଂ-ୟଁ॒ଜ୍ଞଗ୍​ମ୍ ସମି॒ମ-ନ୍ଦ॑ଧାତୁ । ବୃହ॒ସ୍ପତି॑-ସ୍ତନୁତାମି॒ମ-ନ୍ନଃ॑ ।
ଵିଶ୍ଵେ॑ ଦେ॒ଵା ଇ॒ହ ମା॑ଦୟନ୍ତାମ୍ ॥
ୟ-ନ୍ତେ॑ ଅଗ୍ନ ଆଵୃ॒ଶ୍ଚାମି॑ । ଅ॒ହଂ-ଵାଁ᳚ କ୍ଷିପି॒ତଶ୍ଚରନ୍ନ୍॑ । ପ୍ର॒ଜା-ଞ୍ଚ॒ ତସ୍ୟ॒ ମୂଲ॑-ଞ୍ଚ ।
ନୀ॒ଚୈର୍ଦେ॑ଵା॒ ନିଵୃ॑ଶ୍ଚତ ॥ 70 ॥

ଅଗ୍ନେ॒ ୟୋ ନୋ॑-ଽଭି॒ଦାସ॑ତି । ସ॒ମା॒ନୋ ୟଶ୍ଚ॒ ନିଷ୍ଟ୍ୟଃ॑ । ଇ॒ଦ୍ଧ୍ମସ୍ୟେ॑ଵ ପ୍ର॒କ୍ଷାୟ॑ତଃ ।
ମା ତସ୍ୟୋଚ୍ଛେ॑ଷି॒ କିଞ୍ଚ॒ନ । ୟୋ ମା-ନ୍ଦ୍ଵେଷ୍ଟି॑ ଜାତଵେଦଃ । ୟ-ଞ୍ଚା॒ହ-ନ୍ଦ୍ଵେଷ୍ମି॒ ୟଶ୍ଚ॒ ମାମ୍ । ସର୍ଵା॒ଗ୍॒ସ୍ତାନ॑ଗ୍ନେ॒ ସନ୍ଦ॑ହ ।
ୟାଗ୍​ଶ୍ଚା॒ହ-ନ୍ଦ୍ଵେଷ୍ମି॒ ୟେ ଚ॒ ମାମ୍ ॥ ଅଗ୍ନେ॑ ଵାଜଜିତ୍ ।
ଵାଜ॑-ନ୍ତ୍ଵା ସସୃ॒ଵାଗ୍​ମ୍ସ᳚ମ୍ ॥ 71 ॥

ଵାଜ॑-ଞ୍ଜିଗି॒ଵାଗ୍​ମ୍ସ᳚ମ୍ । ଵା॒ଜିନଂ॑-ଵାଁଜ॒ଜିତ᳚ମ୍ । ଵା॒ଜ॒ଜି॒ତ୍ୟାୟୈ॒ ସମ୍ମା᳚ର୍ଜ୍ମି । ଅ॒ଗ୍ନି-ମ॑ନ୍ନା॒ଦ-ମ॒ନ୍ନାଦ୍ୟା॑ୟ ॥ ଵେଦି॑ ର୍ବ॒ର॒ଃଇ-ଶ୍ଶୃ॒ତଗ୍​ମ୍ ହ॒ଵିଃ ।
ଇ॒ଦ୍ଧ୍ମଃ ପ॑ରି॒ଧୟ॒-ସ୍ସ୍ରୁଚଃ॑ । ଆଜ୍ୟଂ॑-ୟଁ॒ଜ୍ଞ ଋଚୋ॒ ୟଜୁଃ॑ । ୟା॒ଜ୍ୟା᳚ଶ୍ଚ ଵଷଟ୍କା॒ରାଃ । ସ-ମ୍ମେ॒ ସନ୍ନ॑ତୟୋ ନମନ୍ତାମ୍ ।
ଇ॒ଦ୍ଧ୍ମ॒ସଂ॒-ନହ॑ନେ ହୁ॒ତେ ॥ 72 ॥

ଦି॒ଵଃ ଖୀଲୋ-ଽଵ॑ତତଃ । ପୃ॒ଥି॒ଵ୍ୟା ଅଦ୍ଧ୍ୟୁତ୍ଥି॑ତଃ । ତେନା॑ ସ॒ହସ୍ର॑କାଣ୍ଡେନ । ଦ୍ଵି॒ଷନ୍ତଗ୍​ମ୍॑ ଶୋଚୟାମସି । ଦ୍ଵି॒ଷନ୍ମେ॑ ବ॒ହୁ ଶୋ॑ଚତୁ ।
ଓଷ॑ଧେ॒ ମୋ ଅ॒ହଗ୍​ମ୍ ଶୁ॑ଚମ୍ ॥ ୟଜ୍ଞ॒ ନମ॑ସ୍ତେ ୟଜ୍ଞ । ନମୋ॒ ନମ॑ଶ୍ଚ ତେ ୟଜ୍ଞ । ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ । ସ୍ୟୋ॒ନେନ॑ ମେ॒ ସନ୍ତି॑ଷ୍ଠସ୍ଵ ॥ 73 ॥

ସୁ॒ଭୂ॒ତେନ॑ ମେ॒ ସନ୍ତି॑ଷ୍ଠସ୍ଵ । ବ୍ର॒ହ୍ମ॒ଵ॒ର୍ଚ॒ସେନ॑ ମେ॒ ସନ୍ତି॑ଷ୍ଠସ୍ଵ ।
ୟ॒ଜ୍ଞସ୍ୟର୍ଧି॒ମନୁ॒ ସନ୍ତି॑ଷ୍ଠସ୍ଵ । ଉପ॑ ତେ ୟଜ୍ଞ॒ ନମଃ॑ । ଉପ॑ ତେ॒ ନମଃ॑ ।
ଉପ॑ ତେ॒ ନମଃ॑ ॥ ତ୍ରିଷ୍ଫ॒ଲୀ କ୍ରି॒ୟମା॑ଣାନାମ୍ । ୟୋ ନ୍ୟ॒ଙ୍ଗୋ ଅ॑ଵ॒ଶିଷ୍ୟ॑ତେ ।
ରକ୍ଷ॑ସା-ମ୍ଭାଗ॒ଧେୟ᳚ମ୍ । ଆପ॒ସ୍ତ-ତ୍ପ୍ରଵ॑ହତାଦି॒ତଃ ॥ 74 ॥

ଉ॒ଲୂଖ॑ଲେ॒ ମୁସ॑ଲେ॒ ୟଚ୍ଚ॒ ଶୂର୍ପେ᳚ ।
ଆ॒ଶି॒ଶ୍ଲେଷ॑ ଦୃ॒ଷଦି॒ ୟତ୍କ॒ପାଲେ᳚ ।
ଅ॒ଵ॒ପ୍ରୁଷୋ॑ ଵି॒ପ୍ରୁଷ॒-ସ୍ସଂ​ୟଁ॑ଜାମି ।
ଵିଶ୍ଵେ॑ ଦେ॒ଵା ହ॒ଵିରି॒ଦ-ଞ୍ଜୁ॑ଷନ୍ତାମ୍ ।
ୟ॒ଜ୍ଞେ ୟା ଵି॒ପ୍ରୁଷ॒-ସ୍ସନ୍ତି॑ ବ॒ହ୍ଵୀଃ ।
ଅ॒ଗ୍ନୌ ତା-ସ୍ସର୍ଵା॒-ସ୍ସ୍ଵି॑ଷ୍ଟା॒-ସ୍ସୁହୁ॑ତା ଜୁହୋମି ॥ ଉ॒ଦ୍ୟନ୍ନ॒ଦ୍ୟ ମି॑ତ୍ରମହଃ ।
ସ॒ପତ୍ନା᳚ନ୍ମେ ଅନୀନଶଃ । ଦିଵୈ॑ନାନ୍. ଵି॒ଦ୍ୟୁତା॑ ଜହି ।
ନି॒ମ୍ରୋଚ॒ନ୍ନଧ॑ରାନ୍ କୃଧି ॥ 75 ॥

ଉ॒ଦ୍ୟନ୍ନ॒ଦ୍ୟ ଵି ନୋ॑ ଭଜ । ପି॒ତା ପୁ॒ତ୍ରେଭ୍ୟୋ॒ ୟଥା᳚ । ଦୀ॒ର୍ଘା॒ୟୁ॒ତ୍ଵସ୍ୟ॑ ହେଶିଷେ । ତସ୍ୟ॑ ନୋ ଦେହି ସୂର୍ୟ ॥ ଉ॒ଦ୍ୟନ୍ନ॒ଦ୍ୟ ମି॑ତ୍ରମହଃ । ଆ॒ରୋହ॒ନ୍ନୁତ୍ତ॑ରା॒-ନ୍ଦିଵ᳚ମ୍ । ହୃ॒ଦ୍ରୋ॒ଗ-ମ୍ମମ॑ ସୂର୍ୟ । ହ॒ରି॒ମାଣ॑-ଞ୍ଚ ନାଶୟ ॥ ଶୁକେ॑ଷୁ ମେ ହରି॒ମାଣ᳚ମ୍ ।
ରୋ॒ପ॒ଣାକା॑ସୁ ଦଦ୍ଧ୍ମସି ॥ 76 ॥

ଅଥୋ॑ ହାରିଦ୍ର॒ଵେଷୁ॑ ମେ । ହ॒ରି॒ମାଣ॒-ନ୍ନିଦ॑ଦ୍ଧ୍ମସି ॥ ଉଦ॑ଗାଦ॒ୟ-ମା॑ଦି॒ତ୍ୟଃ ।
ଵିଶ୍ଵେ॑ନ॒ ସହ॑ସା ସ॒ହ । ଦ୍ଵି॒ଷନ୍ତ॒-ମ୍ମମ॑ ର॒ନ୍ଧୟନ୍ନ୍॑ । ମୋ ଅ॒ହ-ନ୍ଦ୍ଵି॑ଷ॒ତୋ ର॑ଧମ୍ ॥
ୟୋ ନ॒-ଶ୍ଶପା॒ଦଶ॑ପତଃ । ୟଶ୍ଚ॑ ନ॒-ଶ୍ଶପ॑ତ॒-ଶ୍ଶପା᳚ତ୍ । ଉ॒ଷାଶ୍ଚ॒ ତସ୍ମୈ॑ ନି॒ମ୍ରୁକ୍ଚ॑ । ସର୍ଵ॑-ମ୍ପା॒ପଗ୍​ମ୍ ସମୂ॑ହତାମ୍ ॥ 77 ॥

ୟୋ ନ॑-ସ୍ସ॒ପତ୍ନୋ॒ ୟୋ ରଣଃ॑ । ମର୍ତୋ॑-ଽଭି॒ଦାସ॑ତି ଦେଵାଃ। ଇ॒ଦ୍ଧ୍ମସ୍ୟେ॑ଵ ପ୍ର॒କ୍ଷାୟ॑ତଃ ।
ମା ତସ୍ୟୋଚ୍ଛେ॑ଷି॒ କିଞ୍ଚ॒ନ ॥ ଅଵ॑ସୃଷ୍ଟଃ॒ ପରା॑ପତ । ଶ॒ରୋ ବ୍ରହ୍ମ॑ସଗ୍​ମ୍ଶିତଃ ।
ଗଚ୍ଛା॒-ଽମିତ୍ରା॒-ନ୍ପ୍ରଵି॑ଶ । ମୈଷା॒-ଙ୍କଞ୍ଚ॒ନୋଚ୍ଛି॑ଷଃ ॥ 78 ॥
(ପତିଃ॑ - ପ୍ର॒ଜାପ॑ତୟେ - ତପ॒ସ୍ଵୀ - ଵା॒ଚା - ସୌଭ॑ଗାୟ - ପ॒ଶୂନ୍ମେ॑ ପିନ୍ଵସ୍ଵ - ଦୁର୍ମରା॒ୟୁଂ - ଦେ॑ଵ॒ୟାନା॑ - ନଗ୍ନେ॒ - ଽନ୍ତରି॑କ୍ଷେ॒-ଽହମୁତ୍ତ॑ରୋ ଭୂୟାସଂ -ପ୍ର॒ଜାପ॑ତିରସି ସ॒ର୍ଵତ॑-ଶ୍ଶ୍ରି॒ତଃ - ପ୍ରଵି॑ଷ୍ଟଂ - ଦେ॒ଵତା॑ଭି--ର୍ ଵାଜ॒ଜିତଂ॑ -
ପୃଥି॒ଵୀ ହ୍ଵ॑ୟତାମ॒ଗ୍ନିରାଗ୍ନୀ᳚ଦ୍ଧ୍ରା-ଦ୍- ଵୃଶ୍ଚତ - ସସୃ॒ଵାଗ୍​ମ୍ସଗ୍​ମ୍॑ - ହୁ॒ତେ - ସ୍ୟୋ॒ନେନ॑ ମେ॒ ସମ୍ତି॑ଷ୍ଠସ୍ଵେ॒ - ତଃ - କୃ॑ଧି- ଦଧ୍ମ - ସ୍ୟୂହତା - +ମ॒ଷ୍ଟୌ ଚ॑) (ଅ. 6)

ଅନୁଵାକଂ 7 - ସୋମାଙ୍ଗ.ଭୂତେଷୁ ମନ୍ତ୍ରେଷୁ-ଦୀକ୍ଷାମାରଭ୍ୟାଗ୍ନୀଷୋମୟି ପଶୁପର୍ୟନ୍ତେ ପ୍ରୟୋଗେ ଶେଷଭୂତା ମନ୍ତ୍ରାଃ
ସକ୍ଷେ॒ଦ-ମ୍ପ॑ଶ୍ୟ । ଵିଧ॑ର୍ତରି॒ଦ-ମ୍ପ॑ଶ୍ୟ । ନାକେ॒ଦ-ମ୍ପ॑ଶ୍ୟ । ର॒ମତିଃ॒ ପନି॑ଷ୍ଠା ।
ଋ॒ତଂ-ଵଁର୍​ଷି॑ଷ୍ଠମ୍ । ଅ॒ମୃତା॒ ୟାନ୍ୟା॒ହୁଃ । ସୂର୍ୟୋ॒ ଵରି॑ଷ୍ଠୋ ଅ॒କ୍ଷଭି॒ର୍ଵିଭା॑ତି ।
ଅନ॒ ଦ୍ୟାଵା॑ପୃଥି॒ଵୀ ଦେ॒ଵପୁ॑ତ୍ରେ ॥ ଦୀ॒କ୍ଷା-ଽସି॒ ତପ॑ସୋ॒ ୟୋନିଃ॑ । ତପୋ॑-ଽସି॒ ବ୍ରହ୍ମ॑ଣୋ॒ ୟୋନିଃ॑ ॥ 79 ॥

ବ୍ରହ୍ମା॑ସି କ୍ଷ॒ତ୍ରସ୍ୟ॒ ୟୋନିଃ॑ । କ୍ଷ॒ତ୍ରମ॑ସ୍ୟୃ॒ତସ୍ୟ॒ ୟୋନିଃ॑ ।
ଋ॒ତମ॑ସି॒ ଭୂରାର॑ଭେ । ଶ୍ର॒ଦ୍ଧା-ମ୍ମନ॑ସା । ଦୀ॒କ୍ଷା-ନ୍ତପ॑ସା । ଵିଶ୍ଵ॑ସ୍ୟ॒ ଭୁଵ॑ନ॒ସ୍ୟାଧି॑ପତ୍ନୀମ୍ । ସର୍ଵେ॒ କାମା॒ ୟଜ॑ମାନସ୍ୟ ସନ୍ତୁ ॥
ଵାତ॑-ମ୍ପ୍ରା॒ଣ-ମ୍ମନ॑ସା॒-ଽନ୍ଵାର॑ଭାମହେ । ପ୍ର॒ଜାପ॑ତିଂ॒-ୟୋଁ ଭୁଵ॑ନସ୍ୟ ଗୋ॒ପାଃ ।
ସ ନୋ॑ ମୃ॒ତ୍ୟୋସ୍ତ୍ରା॑ୟତା॒-ମ୍ପାତ୍ଵଗ୍​ମ୍ହ॑ସଃ ॥ 80 ॥

ଜ୍ୟୋଗ୍ଜୀ॒ଵା ଜ॒ରାମ॑ଶୀମହି ॥ ଇନ୍ଦ୍ର॑ ଶାକ୍ଵର ଗାୟ॒ତ୍ରୀ-ମ୍ପ୍ରପ॑ଦ୍ୟେ । ତା-ନ୍ତେ॑ ୟୁନଜ୍ମି । ଇନ୍ଦ୍ର॑ ଶାକ୍ଵର ତ୍ରି॒ଷ୍ଟୁଭ॒-ମ୍ପ୍ରପ॑ଦ୍ୟେ । ତା-ନ୍ତେ॑ ୟୁନଜ୍ମି ।
ଇନ୍ଦ୍ର॑ ଶାକ୍ଵର॒ ଜଗ॑ତୀ॒-ମ୍ପ୍ରପ॑ଦ୍ୟେ । ତା-ନ୍ତେ॑ ୟୁନଜ୍ମି ।
ଇନ୍ଦ୍ର॑ ଶାକ୍ଵରାନୁ॒ଷ୍ଟୁଭ॒-ମ୍ପ୍ରପ॑ଦ୍ୟେ । ତା-ନ୍ତେ॑ ୟୁନଜ୍ମି । ଇନ୍ଦ୍ର॑ ଶାକ୍ଵର ପ॒ଙ୍କ୍ତି-ମ୍ପ୍ରପ॑ଦ୍ୟେ ॥ 81 ॥

ତା-ନ୍ତେ॑ ୟୁନଜ୍ମି ॥ ଆ-ଽହ-ନ୍ଦୀ॒କ୍ଷାମ॑ରୁହ-ମୃ॒ତସ୍ୟ॒ ପତ୍ନୀ᳚ମ୍ । ଗା॒ୟ॒ତ୍ରେଣ॒ ଛନ୍ଦ॑ସା॒ ବ୍ରହ୍ମ॑ଣା ଚ । ଋ॒ତଗ୍​ମ୍ ସ॒ତ୍ୟେ॑-ଽଧାୟି । ସ॒ତ୍ୟମୃ॒ତେ॑-ଽଧାୟି ।
ଋ॒ତ-ଞ୍ଚ॑ ମେ ସ॒ତ୍ୟ-ଞ୍ଚା॑ଭୂତାମ୍ । ଜ୍ୟୋତି॑ରଭୂଵ॒ଗ୍​ମ୍॒ ସୁଵ॑ରଗମମ୍ ।
ସୁ॒ଵ॒ର୍ଗଂ-ଲୋଁ॒କ-ନ୍ନାକ॑ସ୍ୟ ପୃ॒ଷ୍ଠମ୍ । ବ୍ର॒ଦ୍ଧ୍ନସ୍ୟ॑ ଵି॒ଷ୍ଟପ॑ମଗମମ୍ ॥
ପୃ॒ଥି॒ଵୀ ଦୀ॒କ୍ଷା ॥ 82 ॥

ତୟା॒-ଽଗ୍ନି ର୍ଦୀ॒କ୍ଷୟା॑ ଦୀକ୍ଷି॒ତଃ । ୟୟା॒-ଽଗ୍ନି ର୍ଦୀ॒କ୍ଷୟା॑ ଦୀକ୍ଷି॒ତଃ । ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି । ଅ॒ନ୍ତରି॑କ୍ଷ-ନ୍ଦୀ॒କ୍ଷା ।
ତୟା॑ ଵା॒ୟୁ ର୍ଦୀ॒କ୍ଷୟା॑ ଦୀକ୍ଷି॒ତଃ ।
ୟୟା॑ ଵା॒ୟୁ ର୍ଦୀ॒କ୍ଷୟା॑ ଦୀକ୍ଷି॒ତଃ ।
ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି । ଦ୍ୟୌ ର୍ଦୀ॒କ୍ଷା ।
ତୟା॑-ଽଽଦି॒ତ୍ୟୋ ଦୀ॒କ୍ଷୟା॑ ଦୀକ୍ଷି॒ତଃ ।
ୟୟା॑-ଽଽଦି॒ତ୍ୟୋ ଦୀ॒କ୍ଷୟା॑ ଦୀକ୍ଷି॒ତଃ ॥ 83 ॥

ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି । ଦିଶୋ॑ ଦୀ॒କ୍ଷା ।
ତୟା॑ ଚ॒ନ୍ଦ୍ରମା॑ ଦୀ॒କ୍ଷୟା॑ ଦୀକ୍ଷି॒ତଃ ।
ୟୟା॑ ଚ॒ନ୍ଦ୍ରମା॑ ଦୀ॒କ୍ଷୟା॑ ଦୀକ୍ଷି॒ତଃ ।
ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି ।
ଆପୋ॑ ଦୀ॒କ୍ଷା । ତୟା॒ ଵରୁ॑ଣୋ॒ ରାଜା॑ ଦୀ॒କ୍ଷୟା॑ ଦୀକ୍ଷି॒ତଃ । ୟୟା॒ ଵରୁ॑ଣୋ॒ ରାଜା॑ ଦୀ॒କ୍ଷୟା॑ ଦୀକ୍ଷି॒ତଃ । ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି ।
ଓଷ॑ଧୟୋ ଦୀ॒କ୍ଷା ॥ 84 ॥

ତୟା॒ ସୋମୋ॒ ରାଜା॑ ଦୀ॒କ୍ଷୟା॑ ଦୀକ୍ଷି॒ତଃ। ୟୟା॒ ସୋମୋ॒ ରାଜା॑ ଦୀ॒କ୍ଷୟା॑ ଦୀକ୍ଷି॒ତଃ ।
ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି । ଵାଗ୍ ଦୀ॒କ୍ଷା ।
ତୟା᳚ ପ୍ରା॒ଣୋ ଦୀ॒କ୍ଷୟା॑ ଦୀକ୍ଷି॒ତଃ ।
ୟୟା᳚ ପ୍ରା॒ଣୋ ଦୀ॒କ୍ଷୟା॑ ଦୀକ୍ଷି॒ତଃ ।
ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟାମି । ପୃ॒ଥି॒ଵୀ ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷତାମ୍ ।
ଅ॒ନ୍ତରି॑କ୍ଷ-ନ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷତାମ୍ ।
ଦ୍ୟୌସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷତାମ୍ ॥ 85 ॥

ଦିଶ॑ସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ । ଆପ॑ସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ ।
ଓଷ॑ଧୟସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ । ଵାକ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷତାମ୍ ।
ଋଚ॑ସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ । ସାମା॑ନି ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ ।
ୟଜୂଗ୍​ମ୍॑ଷି ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ । ଅହ॑ଶ୍ଚ॒ ରାତ୍ରି॑ଶ୍ଚ । କୃ॒ଷିଶ୍ଚ॒ ଵୃଷ୍ଟି॑ଶ୍ଚ । ତ୍ଵିଷି॒ଶ୍ଚା-ପ॑ଚିତିଶ୍ଚ ॥ 86 ॥

ଆପ॒ଶ୍ଚୌଷ॑ଧୟଶ୍ଚ । ଊର୍କ୍ଚ॑ ସୂ॒ନୃତା॑ ଚ । ତାସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷନ୍ତାମ୍ ॥
ସ୍ଵେ ଦକ୍ଷେ॒ ଦକ୍ଷ॑ପିତେ॒ହ ସୀ॑ଦ । ଦେ॒ଵାନାଗ୍​ମ୍॑ ସୁ॒ମ୍ନୋ ମ॑ହ॒ତେ ରଣା॑ୟ । ସ୍ଵା॒ସ॒ସ୍ଥ-ସ୍ତ॒ନୁଵା॒ ସଂ​ଵିଁ॑ଶସ୍ଵ । ପି॒ତେଵୈ॑ଧି ସୂ॒ନଵ॒ ଆ ସୁ॒ଶେଵଃ॑ ।
ଶି॒ଵୋ ମା॑ ଶି॒ଵମାଵି॑ଶ । ସ॒ତ୍ୟ-ମ୍ମ॑ ଆ॒ତ୍ମା । ଶ୍ର॒ଦ୍ଧା ମେ ଽକ୍ଷି॑ତିଃ ॥ 87 ॥

ତପୋ॑ ମେ ପ୍ରତି॒ଷ୍ଠା । ସ॒ଵି॒ତୃ-ପ୍ର॑ସୂତା ମା॒ ଦିଶୋ॑ ଦୀକ୍ଷୟନ୍ତୁ । ସ॒ତ୍ୟମ॑ସ୍ମି ॥ ଅ॒ହ-ନ୍ତ୍ଵଦ॑ସ୍ମି॒ ମଦ॑ସି॒ ତ୍ଵମେ॒ତତ୍ । ମମା॑ସି॒ ୟୋନି॒ସ୍ତଵ॒ ୟୋନି॑ରସ୍ମି । ମମୈ॒ଵ ସନ୍ଵହ॑ ହ॒ଵ୍ୟାନ୍ୟ॑ଗ୍ନେ ।
ପୁ॒ତ୍ରଃ ପି॒ତ୍ରେ ଲୋ॑କ॒କୃ-ଜ୍ଜା॑ତଵେଦଃ ॥
ଆ॒ଜୁହ୍ଵା॑ନ-ସ୍ସୁ॒ପ୍ରତୀ॑କଃ ପୁ॒ରସ୍ତା᳚ତ୍ ।
ଅଗ୍ନେ॒ ସ୍ଵାଂ-ୟୋଁନି॒ମାସୀ॑ଦ ସା॒ଦ୍ଧ୍ୟା ।
ଅ॒ସ୍ମିନ୍-ଥ୍ସ॒ଧସ୍ଥେ॒ ଅଦ୍ଧ୍ୟୁତ୍ତ॑ରସ୍ମିନ୍ନ୍ ॥ 88 ॥

ଵିଶ୍ଵେ॑ ଦେଵା॒ ୟଜ॑ମାନଶ୍ଚ ସୀଦତ ॥
ଏକ॑ମି॒ଷେ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ।
ଦ୍ଵେ ଊ॒ର୍ଜେ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ।
ତ୍ରୀଣି॑ ଵ୍ର॒ତାୟ॒ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ।
ଚ॒ତ୍ଵାରି॒ ମାୟୋ॑ ଭଵାୟ॒ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ।
ପଞ୍ଚ॑ ପ॒ଶୁଭ୍ୟୋ॒ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ । ଷଡ୍ରା॒ୟସ୍ପୋଷା॑ୟ॒ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ।
ସ॒ପ୍ତ ସ॒ପ୍ତଭ୍ୟୋ॒ ହୋତ୍ରା᳚ଭ୍ୟୋ॒ ଵିଷ୍ଣୁ॒ସ୍ତ୍ଵା-ଽନ୍ଵେ॑ତୁ ॥
ସଖା॑ୟ-ସ୍ସ॒ପ୍ତପ॑ଦା ଅଭୂମ । ସ॒ଖ୍ୟ-ନ୍ତେ॑ ଗମେୟମ୍ ॥ 89 ॥

ସ॒ଖ୍ୟାତ୍ତେ॒ ମା ୟୋ॑ଷମ୍ । ସ॒ଖ୍ୟାନ୍ମେ॒ ମା ୟୋ᳚ଷ୍ଠାଃ ॥ ସା-ଽସି॑ ସୁବ୍ରହ୍ମଣ୍ୟେ ।
ତସ୍ୟା᳚ସ୍ତେ ପୃଥି॒ଵୀ ପାଦଃ॑ । ସା-ଽସି॑ ସୁବ୍ରହ୍ମଣ୍ୟେ । ତସ୍ୟା᳚ସ୍ତେ॒-ଽନ୍ତରି॑କ୍ଷ॒-ମ୍ପାଦଃ॑ ।
ସା-ଽସି॑ ସୁବ୍ରହ୍ମଣ୍ୟେ । ତସ୍ୟା᳚ସ୍ତେ॒ ଦ୍ୟୌଃ ପାଦଃ॑ । ସା-ଽସି॑ ସୁବ୍ରହ୍ମଣ୍ୟେ । ତସ୍ୟା᳚ସ୍ତେ॒ ଦିଶଃ॒ ପାଦଃ॑ ॥ 90 ॥

ପ॒ରୋ ର॑ଜାସ୍ତେ ପଞ୍ଚ॒ମଃ ପାଦଃ॑ । ସା ନ॒ ଇଷ॒ମୂର୍ଜ॑-ନ୍ଧୁକ୍ଷ୍ଵ । ତେଜ॑ ଇନ୍ଦ୍ରି॒ୟମ୍ । ବ୍ର॒ହ୍ମ॒ଵ॒ର୍ଚ॒ସ-ମ॒ନ୍ନାଦ୍ୟ᳚ମ୍ ॥ ଵିମି॑ମେ ତ୍ଵା॒ ପୟ॑ସ୍ଵତୀମ୍ । ଦେ॒ଵାନା᳚-ନ୍ଧେ॒ନୁଗ୍​ମ୍ ସୁ॒ଦୁଘା॒-ମନ॑ପ-ସ୍ଫୁରନ୍ତୀମ୍ । ଇନ୍ଦ୍ର॒-ସ୍ସୋମ॑-ମ୍ପିବତୁ ।
କ୍ଷେମୋ॑ ଅସ୍ତୁ ନଃ ॥ ଇ॒ମା-ନ୍ନ॑ରାଃ କୃଣୁତ॒ ଵେଦି॒ମେତ୍ୟ॑ । ଵସୁ॑ମତୀଗ୍​ମ୍ ରୁ॒ଦ୍ରଵ॑ତୀ-ମାଦି॒ତ୍ୟଵ॑ତୀମ୍ ॥ 91 ॥

ଵର୍​ଷ୍ମ॑ନ୍ଦି॒ଵଃ । ନାଭା॑ ପୃଥି॒ଵ୍ୟାଃ ।
ୟଥା॒-ଽୟଂ-ୟଁଜ॑ମାନୋ॒ ନ ରିଷ୍ୟେ᳚ତ୍ ।
ଦେ॒ଵସ୍ୟ॑ ସଵି॒ତୁ-ସ୍ସ॒ଵେ ॥
ଚତୁ॑-ଶ୍ଶିଖଣ୍ଡା ୟୁଵ॒ତି-ସ୍ସୁ॒ପେଶାଃ᳚ ।
ଘୃ॒ତପ୍ର॑ତୀକା॒ ଭୁଵ॑ନସ୍ୟ॒ ମଦ୍ଧ୍ୟେ᳚ ।
ତସ୍ୟାଗ୍​ମ୍॑ ସୁପ॒ର୍ଣାଵଧି॒ ୟୌ ନିଵି॑ଷ୍ଟୌ ।
ତୟୋ᳚ ର୍ଦେ॒ଵାନା॒ମଧି॑ ଭାଗ॒ଧେୟ᳚ମ୍ ॥
ଅପ॒ ଜନ୍ୟ॑-ମ୍ଭ॒ୟ-ନ୍ନୁ॑ଦ । ଅପ ଚ॒କ୍ରାଣି॑ ଵର୍ତୟ । ଗୃ॒ହଗ୍​ମ୍ ସୋମ॑ସ୍ୟ ଗଚ୍ଛତମ୍ ॥
ନ ଵା ଉ॑ଵେ॒ତନ୍ମ୍ରି॑ୟସେ॒ ନ ରି॑ଷ୍ୟସି ।
ଦେ॒ଵାଗ୍​ମ୍ ଇଦେ॑ଷି ପ॒ଥିଭି॑-ସ୍ସୁ॒ଗେଭିଃ॑ ।
ୟତ୍ର॒ ୟନ୍ତି॑ ସୁ॒କୃତୋ॒ ନାପି॑ ଦୁ॒ଷ୍କୃତଃ॑ ।
ତତ୍ର॑ ତ୍ଵା ଦେ॒ଵ-ସ୍ସ॑ଵି॒ତା ଦ॑ଧାତୁ ॥ 92 ॥
(ବ୍ରହ୍ମ॑ଣୋ॒ ୟୋନି॒ - ରଗ୍​ମ୍ହ॑ସଃ - ପ॒ଙ୍କ୍ତି-ମ୍ପ୍ରପ॑ଦ୍ୟେ - ଦୀ॒କ୍ଷା - ୟୟୋ॑-ଽଽଦି॒ତ୍ୟୋ ଦୀ॒କ୍ଷୟା॑ ଦୀକ୍ଷି॒ତ - ସ୍ତୟା᳚ ତ୍ଵା ଦୀ॒କ୍ଷୟା॑ ଦୀକ୍ଷୟା॒ମ୍ୟୋଷ॑ଧୟୋ ଦୀ॒କ୍ଷା - ଦ୍ୟୌସ୍ତ୍ଵା॒ ଦୀକ୍ଷ॑ମାଣ॒ମନୁ॑ ଦୀକ୍ଷତା॒ - ମପ॑ଚିତି॒ଶ୍ଚା - କ୍ଷି॑ତି॒ - ରୁତ୍ତ॑ରସ୍ମିନ୍ - ଗମେୟଂ॒ - ଦିଶଃ॒ ପାଦ॑ - ଆଦି॒ତ୍ୟଵ॑ତୀଂ - ଁଵର୍ତୟ॒ ପଞ୍ଚ॑ ଚ) (ଅ. 7)

ଅନୁଵାକଂ 8 - ପଶୁଵିଷୟା ଅଚ୍ଛିଦ୍ରମନ୍ତ୍ରାଃ
ୟଦ॒ସ୍ୟ ପା॒ରେ ରଜ॑ସଃ । ଶୁ॒କ୍ର-ଞ୍ଜ୍ୟୋତି॒-ରଜା॑ୟତ । ତନ୍ନଃ॑ ପର୍​ଷ॒ଦତି॒ ଦ୍ଵିଷଃ॑ ।
ଅଗ୍ନେ॑ ଵୈଶ୍ଵାନର॒ ସ୍ଵାହା᳚ ॥ ୟସ୍ମା᳚ଦ୍ଭୀ॒ଷା-ଽଵା॑ଶିଷ୍ଠାଃ । ତତୋ॑ ନୋ॒ ଅଭ॑ୟ-ଙ୍କୃଧି ।
ପ୍ର॒ଜାଭ୍ୟ॒-ସ୍ସର୍ଵା᳚ଭ୍ୟୋ ମୃଡ । ନମୋ॑ ରୁ॒ଦ୍ରାୟ॑ ମୀ॒ଢୁଷେ᳚ ॥ ୟସ୍ମା᳚ଦ୍ଭୀ॒ଷା ନ୍ୟଷ॑ଦଃ ।
ତତୋ॑ ନୋ॒ ଅଭ॑ୟ-ଙ୍କୃଧି ॥ 93 ॥

ପ୍ର॒ଜାଭ୍ୟ॒-ସ୍ସର୍ଵା᳚ଭ୍ୟୋ ମୃଡ । ନମୋ॑ ରୁ॒ଦ୍ରାୟ॑ ମୀ॒ଢୁଷେ᳚ ॥ ଉଦୁ॑ସ୍ର ତିଷ୍ଠ॒ ପ୍ରତି॑ତିଷ୍ଠ॒ ମା ରି॑ଷଃ । ମେମଂ-ୟଁ॒ଜ୍ଞଂ-ୟଁଜ॑ମାନ-ଞ୍ଚ ରୀରିଷଃ । ସୁ॒ଵ॒ର୍ଗେ ଲୋ॒କେ ୟଜ॑ମାନ॒ଗ୍​ମ୍॒ ହି ଧେ॒ହି । ଶ-ନ୍ନ॑ ଏଧି ଦ୍ଵି॒ପଦେ॒ ଶ-ଞ୍ଚତୁ॑ଷ୍ପଦେ ॥
ୟସ୍ମା᳚ଦ୍ଭୀ॒ଷା-ଽଵେ॑ପିଷ୍ଠାଃ ପ॒ଲାୟି॑ଷ୍ଠା-ସ୍ସ॒ମଜ୍ଞା᳚ସ୍ଥାଃ । ତତୋ॑ ନୋ॒ ଅଭ॑ୟ-ଙ୍କୃଧି ।
ପ୍ର॒ଜାଭ୍ୟ॒-ସ୍ସର୍ଵା᳚ଭ୍ୟୋ ମୃଡ । ନମୋ॑ ରୁ॒ଦ୍ରାୟ॑ ମୀ॒ଢୁଷେ᳚ ॥ 94 ॥

ୟ ଇ॒ଦମକଃ॑ । ତସ୍ମୈ॒ ନମଃ॑ । ତସ୍ମୈ॒ ସ୍ଵାହା᳚ ॥
ନ ଵା ଉ॑ଵେ॒ତନ୍ମ୍ରି॑ୟସେ॒ ନ ରି॑ଷ୍ୟସି ଦେ॒ଵାଗ୍​ମ୍ ଇଦେ॑ଷି ପ॒ଥିଭି॑-ସ୍ସୁ॒ଗେଭିଃ॑ । ହରୀ॑ ତେ॒ ୟୁଞ୍ଜା॒ ପୃଷ॑ତୀ ଅଭୂତା॒ମୁପା᳚ସ୍ଥା-ଦ୍ଵା॒ଜୀ ଧୁ॒ରି ରାସ॑ଭସ୍ୟ ॥ । ଆଶା॑ନା-ନ୍ତ୍ଵା ଽଽଶାପା॒ଲେଭ୍ୟଃ॑ । ଚ॒ତୁର୍ଭ୍ୟୋ॑ ଅ॒ମୃତେ᳚ଭ୍ୟଃ । ଇ॒ଦ-ମ୍ଭୂ॒ତସ୍ୟାଧ୍ୟ॑କ୍ଷେଭ୍ୟଃ । ଵି॒ଧେମ॑ ହ॒ଵିଷା॑ ଵ॒ୟମ୍ ॥
ଵିଶ୍ଵା॒ ଆଶା॒ ମଧୁ॑ନା॒ ସଗ୍​ମ୍ସୃ॑ଜାମି । ଅ॒ନ॒ମୀ॒ଵା ଆପ॒ ଓଷ॑ଧୟୋ ଭଵନ୍ତୁ । ଅ॒ୟଂ-ୟଁଜ॑ମାନୋ॒ ମୃଧୋ॒ ଵ୍ୟ॑ସ୍ୟତାମ୍ । ଅଗୃ॑ଭୀତାଃ ପ॒ଶଵ॑-ସ୍ସନ୍ତୁ॒ ସର୍ଵେ᳚ ॥ ॥ ୟ॒ଜ୍ଞସ୍ୟ॒ ହି ସ୍ଥ ଋ॒ତ୍ଵିୟୌ᳚ ।
ଇନ୍ଦ୍ରା᳚ଗ୍ନୀ॒ ଚେତ॑ନସ୍ୟ ଚ । ହୁ॒ତା॒ହୁ॒ତସ୍ୟ॑ ତୃପ୍ୟତମ୍ । ଅହୁ॑ତସ୍ୟ ହୁ॒ତସ୍ୟ॑ ଚ । ହୁ॒ତସ୍ୟ॒ ଚାହୁ॑ତସ୍ୟ ଚ । ଅହୁ॑ତସ୍ୟ ହୁ॒ତସ୍ୟ॑ ଚ । ଇନ୍ଦ୍ରା᳚ଗ୍ନୀ ଅ॒ସ୍ୟ ସୋମ॑ସ୍ୟ । ଵୀ॒ତ-ମ୍ପି॑ବତ-ଞ୍ଜୁ॒ଷେଥା᳚ମ୍ ॥
ମା ୟଜ॑ମାନ॒-ନ୍ତମୋ॑ ଵିଦତ୍ । ମର୍ତ୍ଵିଜୋ॒ ମୋ ଇ॒ମାଃ ପ୍ର॒ଜାଃ । ମା ୟ-ସ୍ସୋମ॑ମି॒ମ-ମ୍ପିବା᳚ତ୍ । ସଗ୍​ମ୍ସୃ॑ଷ୍ଟମୁ॒ଭୟ॑-ଙ୍କୃ॒ତମ୍ ॥ 95 ॥
(କୃ॒ଧି॒ - ମୀ॒ଢୁଷେ - ଽହୁ॑ତସ୍ୟ ଚ ସ॒ପ୍ତ ଚ॑) (ଅ. 8)

ଅନୁଵାକଂ 9 - ଉପାଂଶ୍ଵଭିଷଵା ମନ୍ତ୍ରାଃ
ଅ॒ନା॒ଗସ॑ସ୍ତ୍ଵା ଵ॒ୟମ୍ । ଇନ୍ଦ୍ରେ॑ଣ॒ ପ୍ରେଷି॑ତା॒ ଉପ॑ । ଵା॒ୟୁଷ୍ଟେ॑ ଅସ୍ତ୍ଵଗ୍​ମ୍ଶ॒ଭୂଃ । ମି॒ତ୍ରସ୍ତେ॑ ଅସ୍ତ୍ଵଗ୍​ମ୍ଶ॒ଭୂଃ । ଵରୁ॑ଣସ୍ତେ ଅସ୍ତ୍ଵଗ୍​ମ୍ଶ॒ଭୂଃ ॥
ଅପା᳚-ଙ୍କ୍ଷୟା॒ ଋତ॑ସ୍ୟ ଗର୍ଭାଃ । ଭୁଵ॑ନସ୍ୟ ଗୋପା॒-ଶ୍ଶ୍ୟେନା॑ ଅତିଥୟଃ । ପର୍ଵ॑ତାନା-ଙ୍କକୁଭଃ ପ୍ର॒ୟୁତୋ॑ ନପାତାରଃ । ଵ॒ଗ୍ନୁନେନ୍ଦ୍ରଗ୍ଗ୍॑ ହ୍ଵୟତ ।
ଘୋଷେ॒ଣାମୀ॑-ଵାଗ୍​ଶ୍ଚାତୟତ ॥ 96 ॥

ୟୁ॒କ୍ତା-ସ୍ସ୍ଥ॒ ଵହ॑ତ ॥ ଦେ॒ଵା ଗ୍ରାଵା॑ଣ॒ ଇନ୍ଦୁ॒ରିନ୍ଦ୍ର॒ ଇତ୍ୟ॑ଵାଦିଷୁଃ । ଏନ୍ଦ୍ର॑ମଚୁଚ୍ୟଵୁଃ ପର॒ମସ୍ୟାଃ᳚ ପରା॒ଵତଃ॑ । ଆ-ଽସ୍ମା-ଥ୍ସ॒ଧସ୍ଥା᳚ତ୍ ।
ଓରୋର॒ନ୍ତରି॑କ୍ଷାତ୍ । ଆ ସୁ॑ଭୂ॒ତମ॑ସୁଷଵୁଃ । ବ୍ର॒ହ୍ମ॒ଵ॒ର୍ଚ॒ସ-ମ୍ମ॒ ଆ-ଽସୁ॑ଷଵୁଃ ।
ସ॒ମ॒ରେ ରକ୍ଷାଗ୍॑ସ୍ୟଵଧିଷୁଃ । ଅପ॑ହତ-ମ୍ବ୍ରହ୍ମ॒ଜ୍ୟସ୍ୟ॑ ॥ ଵାକ୍ଚ॑ ତ୍ଵା॒ ମନ॑ଶ୍ଚ ଶ୍ରିଣୀତାମ୍ ॥ 97 ॥

ପ୍ରା॒ଣଶ୍ଚ॑ ତ୍ଵା-ଽପା॒ନଶ୍ଚ॑ ଶ୍ରୀଣୀତାମ୍ ।
ଚକ୍ଷୁ॑ଶ୍ଚ ତ୍ଵା॒ ଶ୍ରୋତ୍ର॑-ଞ୍ଚ ଶ୍ରୀଣୀତାମ୍ ।
ଦକ୍ଷ॑ଶ୍ଚ ତ୍ଵା॒ ବଲ॑-ଞ୍ଚ ଶ୍ରୀଣୀତାମ୍ । ଓଜ॑ଶ୍ଚ ତ୍ଵା॒ ସହ॑ଶ୍ଚ ଶ୍ରୀଣୀତାମ୍ । ଆୟୁ॑ଶ୍ଚ ତ୍ଵା ଜ॒ରା ଚ॑ ଶ୍ରୀଣୀତାମ୍ । ଆ॒ତ୍ମା ଚ॑ ତ୍ଵା ତ॒ନୂଶ୍ଚ॑ ଶ୍ରୀଣୀତାମ୍ । ଶୃ॒ତୋ॑-ଽସି ଶୃ॒ତ-ଙ୍କୃ॑ତଃ । ଶୃ॒ତାୟ॑ ତ୍ଵା ଶୃ॒ତେଭ୍ୟ॑ସ୍ତ୍ଵା ॥
ୟମିନ୍ଦ୍ର॑ମା॒ହୁ ର୍ଵରୁ॑ଣଂ॒-ୟଁମା॒ହୁଃ । ୟ-ମ୍ମି॒ତ୍ରମା॒ହୁ-ର୍ୟମୁ॑ ସ॒ତ୍ୟମା॒ହୁଃ ॥ 98 ॥

ୟୋ ଦେ॒ଵାନା᳚-ନ୍ଦେ॒ଵତ॑ମସ୍ତପୋ॒ଜାଃ । ତସ୍ମୈ᳚ ତ୍ଵା॒ ତେଭ୍ୟ॑ସ୍ତ୍ଵା ॥ ମୟି॒ ତ୍ୟଦି॑ନ୍ଦ୍ରି॒ୟ-ମ୍ମ॒ହତ୍ । ମୟି॒ ଦକ୍ଷୋ॒ ମୟି॒ କ୍ରତୁଃ॑ । ମୟି॑ ଧାୟି ସୁ॒ଵୀର୍ୟ᳚ମ୍ । ତ୍ରିଶୁ॑ଗ୍ଘ॒ର୍ମୋ ଵିଭା॑ତୁ ମେ । ଆକୂ᳚ତ୍ୟା॒ ମନ॑ସା ସ॒ହ ।
ଵି॒ରାଜା॒ ଜ୍ୟୋତି॑ଷା ସ॒ହ । ୟ॒ଜ୍ଞେନ॒ ପୟ॑ସା ସ॒ହ ।
ତସ୍ୟ॒ ଦୋହ॑ମଶୀମହି ॥ 99 ॥

ତସ୍ୟ॑ ସୁ॒ମ୍ନମ॑ଶୀମହି । ତସ୍ୟ॑ ଭ॒କ୍ଷମ॑ଶୀମହି ।
ଵାଗ୍ଜୁ॑ଷା॒ଣା ସୋମ॑ସ୍ୟ ତୃପ୍ୟତୁ ॥ ମି॒ତ୍ରୋ ଜନାନ୍॑ ୟାତୟତି ପ୍ରଜା॒ନ-ନ୍ମି॒ତ୍ରୋ ଦା॑ଧାର ପୃଥି॒ଵୀମୁ॒ତ ଦ୍ୟାମ୍ । ମି॒ତ୍ରଃ କୃ॒ଷ୍ଟୀରନି॑ମିଷା॒-ଽଭି ଚ॑ଷ୍ଟେ ସ॒ତ୍ୟାୟ॑ ହ॒ଵ୍ୟ-ଙ୍ଘୃ॒ତଵ॑-ଦ୍ଵିଧେମ ॥ ପ୍ର ସ ମି॑ତ୍ର॒ ମର୍ତୋ॑ ଅସ୍ତୁ॒ ପ୍ରୟ॑ସ୍ଵା॒ନ୍. ୟସ୍ତ॑ ଆଦିତ୍ୟ॒ ଶିକ୍ଷ॑ତି ଵ୍ର॒ତେନ॑ । ନ ହ॑ନ୍ୟତେ॒ ନ ଜୀ॑ୟତେ॒ ତ୍ଵୋତୋ॒ ନୈନ॒ମଗ୍​ମ୍ହୋ॑ ଅଶ୍ନୋ॒ତ୍ୟନ୍ତି॑ତୋ॒ ନ ଦୂ॒ରାତ୍ ॥ ॥ ୟସ୍ମା॒ନ୍ନ ଜା॒ତଃ ପରୋ॑ ଅ॒ନ୍ୟୋ ଅସ୍ତି॑ । ୟ ଆ॑ଵି॒ଵେଶ॒ ଭୁଵ॑ନାନି॒ ଵିଶ୍ଵା᳚ ।
ପ୍ର॒ଜାପ॑ତିଃ ପ୍ର॒ଜୟା॑ ସଂ​ଵିଁଦା॒ନଃ ।
ତ୍ରୀଣି॒ ଜ୍ୟୋତୀଗ୍​ମ୍॑ଷି ସଚତେ॒ ସ ଷୋ॑ଡ॒ଶୀ ॥
ଏ॒ଷ ବ୍ର॒ହ୍ମା ୟ ଋ॒ତ୍ଵିୟଃ॑ ।
ଇନ୍ଦ୍ରୋ॒ ନାମ॑ ଶ୍ରୁ॒ତୋ ଗ॒ଣେ ॥ 100 ॥

ପ୍ର ତେ॑ ମ॒ହେ ଵି॒ଦଥେ॑ ଽଶଗ୍​ମ୍ସିଷ॒ଗ୍​ମ୍॒ ହରୀ᳚ । ୟ ଋ॒ତ୍ଵିୟଃ॒ ପ୍ର ତେ॑ ଵନ୍ଵେ ।
ଵ॒ନୁଷୋ॑ ହର୍ୟ॒ତ-ମ୍ମଦ᳚ମ୍ ॥ ଇନ୍ଦ୍ରୋ॒ ନାମ॑ ଘୃ॒ତ-ନ୍ନ ୟଃ । ହରି॑ଭି॒ଶ୍ଚାରୁ॒ ସେଚ॑ତେ ।
ଶ୍ରୁ॒ତୋ ଗ॒ଣ ଆ ତ୍ଵା॑ ଵିଶନ୍ତୁ । ହରି॑ଵର୍ପସ॒ଗିଂରଃ॑ ॥
ଇନ୍ଦ୍ରାଧି॑ପ॒ତେ-ଽଧି॑ପତି॒ସ୍ତ୍ଵ-ନ୍ଦେ॒ଵାନା॑ମସି । ଅଧି॑ପତି॒-ମ୍ମାମ୍ । ଆୟୁ॑ଷ୍ମନ୍ତଂ॒-ଵଁର୍ଚ॑ସ୍ଵନ୍ତ-ମ୍ମନୁ॒ଷ୍ୟେ॑ଷୁ କୁରୁ ॥ 101 ॥

ଇନ୍ଦ୍ର॑ଶ୍ଚ ସ॒ମ୍ରା-ଡ୍ଵରୁ॑ଣଶ୍ଚ॒ ରାଜା᳚ ।
ତୌ ତେ॑ ଭ॒କ୍ଷ-ଞ୍ଚ॑କ୍ରତୁ॒ରଗ୍ର॑ ଏ॒ତମ୍ ।
ତୟୋ॒ରନୁ॑ ଭ॒କ୍ଷ-ମ୍ଭ॑କ୍ଷୟାମି ।
ଵାଗ୍ଜୁ॑ଷା॒ଣା ସୋମ॑ସ୍ୟ ତୃପ୍ୟତୁ ॥
ପ୍ର॒ଜାପ॑ତି ର୍ଵି॒ଶ୍ଵକ॑ର୍ମା । ତସ୍ୟ॒ ମନୋ॑ ଦେ॒ଵଂ-ୟଁ॒ଜ୍ଞେନ॑ ରାଦ୍ଧ୍ୟାସମ୍ । ଅ॒ର୍ଥେ॒ ଗା ଅ॒ସ୍ୟ ଜ॑ହିତଃ । ଅ॒ଵ॒ସାନ॑ପତେ-ଽଵ॒ସାନ॑-ମ୍ମେ ଵିନ୍ଦ ॥
ନମୋ॑ ରୁ॒ଦ୍ରାୟ॑ ଵାସ୍ତୋ॒ଷ୍ପତ॑ୟେ ।
ଆୟ॑ନେ ଵି॒ଦ୍ରଵ॑ଣେ ॥ 102 ॥

ଉ॒ଦ୍ୟାନେ॒ ୟତ୍ପ॒ରାୟ॑ଣେ । ଆ॒ଵର୍ତ॑ନେ ଵି॒ଵର୍ତ॑ନେ ।
ୟୋ ଗୋ॑ପା॒ୟତି॒ ତଗ୍​ମ୍ ହୁ॑ଵେ ॥
ୟାନ୍ୟ॑ପା॒ମିତ୍ୟା॒-ନ୍ୟପ୍ର॑ତୀତ୍ତା॒-ନ୍ୟସ୍ମି॑ ।
ୟ॒ମସ୍ୟ॑ ବ॒ଲିନା॒ ଚରା॑ମି ।
ଇ॒ହୈଵ ସନ୍ତଃ॒ ପ୍ରତି॒ ତଦ୍ୟା॑ତୟାମଃ ।
ଜୀ॒ଵା ଜୀ॒ଵେଭ୍ୟୋ॒ ନିହ॑ରାମ ଏନତ୍ ॥
ଅ॒ନୃ॒ଣା ଅ॒ସ୍ମିନ୍ନ॑-ନୃ॒ଣାଃ ପର॑ସ୍ମିନ୍ନ୍ ।
ତୃ॒ତୀୟେ॑ ଲୋ॒କେ ଅ॑ନୃ॒ଣା-ସ୍ସ୍ୟା॑ମ ।
ୟେ ଦେ॑ଵ॒ୟାନା॑ ଉ॒ତ ପି॑ତୃ॒ୟାଣାଃ᳚ ॥ 103 ॥

ସର୍ଵା᳚-ନ୍ପ॒ଥୋ ଅ॑ନୃ॒ଣା ଆକ୍ଷୀ॑ୟେମ ॥
ଇ॒ଦମୂ॒ ନୁ ଶ୍ରେୟୋ॑-ଽଵ॒ସାନ॒-ମାଗ॑ନ୍ମ ।
ଶି॒ଵେ ନୋ॒ ଦ୍ୟାଵା॑ପୃଥି॒ଵୀ ଉ॒ଭେ ଇ॒ମେ । ଗୋମ॒ଦ୍ଧନ॑-ଵ॒ଦଶ୍ଵ॑ଵ॒-ଦୂର୍ଜ॑ସ୍ଵତ୍ ।
ସୁ॒ଵୀରା॑ ଵୀ॒ରୈରନୁ॒ ସଞ୍ଚ॑ରେମ ॥ ଅ॒ର୍କଃ ପ॒ଵିତ୍ର॒ଗ୍​ମ୍॒ ରଜ॑ସୋ ଵି॒ମାନଃ॑ ।
ପୁ॒ନାତି॑ ଦେ॒ଵାନା॒-ମ୍ଭୁଵ॑ନାନି॒ ଵିଶ୍ଵା᳚ । ଦ୍ୟାଵା॑ପୃଥି॒ଵୀ ପୟ॑ସା ସଂ​ଵିଁଦା॒ନେ ।
ଘୃ॒ତ-ନ୍ଦୁ॑ହାତେ ଅ॒ମୃତ॒-ମ୍ପ୍ରପୀ॑ନେ ॥ ପ॒ଵିତ୍ର॑ମ॒ର୍କୋ ରଜ॑ସୋ ଵି॒ମାନଃ॑ ।
ପୁ॒ନାତି॑ ଦେ॒ଵାନା॒-ମ୍ଭୁଵ॑ନାନି॒ ଵିଶ୍ଵା᳚ ।
ସୁଵ॒ ର୍ଜ୍ୟୋତି॒ ର୍ୟଶୋ॑ ମ॒ହତ୍ ।
ଅ॒ଶୀ॒ମହି॑ ଗା॒ଧମୁ॒ତ ପ୍ର॑ତି॒ଷ୍ଠାମ୍ ॥ 104 ॥
(ଚା॒ତ॒ୟ॒ତ॒ - ଶ୍ରୀ॒ଣୀ॒ତା॒ଗ୍​ମ୍॒ - ସ॒ତ୍ୟମା॒ହୁ - ର॑ଶୀମହି - ଗ॒ଣେ - କୁ॑ରୁ - ଵି॒ଦ୍ରଵ॑ଣେ - ପିତୃ॒ୟାଣା॑ - ଅ॒ର୍କୋ ରଜ॑ସୋ ଵି॒ମାନ॒ସ୍ତ୍ରୀଣି॑ ଚ) (ଅ. 9)

ଅନୁଵାକଂ 10 - ସୌମିକପ୍ରାୟାଶ୍ଚିତ୍ତମନ୍ତ୍ରାଃ
ଉଦ॑ସ୍ତାମ୍ଫ୍ସୀ-ଥ୍ସଵି॒ତା ମି॒ତ୍ରୋ ଅ॑ର୍ୟ॒ମା ।
ସର୍ଵା॑-ନ॒ମିତ୍ରା॑-ନଵଧୀଦ୍ୟୁ॒ଗେନ॑ ।
ବୃ॒ହନ୍ତ॒-ମ୍ମାମ॑କର-ଦ୍ଵୀ॒ରଵ॑ନ୍ତମ୍ । ର॒ଥ॒ନ୍ତ॒ରେ ଶ୍ର॑ୟସ୍ଵ॒ ସ୍ଵାହା॑ ପୃଥି॒ଵ୍ୟାମ୍ ।
ଵା॒ମ॒ଦେ॒ଵ୍ୟେ ଶ୍ର॑ୟସ୍ଵ॒ ସ୍ଵାହା॒-ଽନ୍ତରି॑କ୍ଷେ । ବୃ॒ହ॒ତି ଶ୍ର॑ୟସ୍ଵ॒ ସ୍ଵାହା॑ ଦି॒ଵି ।
ବୃ॒ହ॒ତା ତ୍ଵୋପ॑ସ୍ତଭ୍ନୋମି ॥
ଆ ତ୍ଵା॑ ଦଦେ॒ ୟଶ॑ସେ ଵୀ॒ର୍ୟା॑ୟ ଚ ।
ଅ॒ସ୍ମାସ୍ଵ॑-ଘ୍ନିୟା ୟୂ॒ୟ-ନ୍ଦ॑ଧାଥେନ୍ଦ୍ରି॒ୟ-ମ୍ପୟଃ॑ ॥ ୟସ୍ତେ᳚ ଦ୍ର॒ଫ୍ସୋ ୟସ୍ତ॑ ଉଦ॒ର୍॒ଷଃ ॥ 105 ॥

ଦୈଵ୍ୟଃ॑ କେ॒ତୁ ର୍ଵିଶ୍ଵ॒-ମ୍ଭୁଵ॑ନ-ମାଵି॒ଵେଶ॑ ।
ସ ନଃ॑ ପା॒ହ୍ୟରି॑ଷ୍ଟ୍ୟୈ॒ ସ୍ଵାହା᳚ ॥
ଅନୁ॑ ମା॒ ସର୍ଵୋ॑ ୟ॒ଜ୍ଞୋ॑-ଽୟମେ॑ତୁ ।
ଵିଶ୍ଵେ॑ ଦେ॒ଵା ମ॒ରୁତ॒-ସ୍ସାମା॒ର୍କଃ ।
ଆ॒ପ୍ରିୟ॒ ॑007ଆ;ଛନ୍ଦାଗ୍​ମ୍॑ସି ନି॒ଵିଦୋ॒ ୟଜୂଗ୍​ମ୍॑ଷି । ଅ॒ସ୍ୟୈ ପୃ॑ଥି॒ଵ୍ୟୈ ୟଦ୍ୟ॒ଜ୍ଞିୟ᳚ମ୍ ॥
ପ୍ର॒ଜାପ॑ତେ ର୍ଵର୍ତ॒ନିମନୁ॑ ଵର୍ତସ୍ଵ ।
ଅନୁ॑ ଵୀ॒ରୈରନୁ॑ ରାଦ୍ଧ୍ୟାମ॒ ଗୋଭିଃ॑ ।
ଅନ୍ଵଶ୍ଵୈ॒ରନୁ॒ ସର୍ଵୈ॑ରୁ ପୁ॒ଷ୍ଟୈଃ ।
ଅନୁ॑ ପ୍ର॒ଜୟା-ଽନ୍ଵି॑ନ୍ଦ୍ରି॒ୟେଣ॑ ॥ 106 ॥

ଦେ॒ଵା ନୋ॑ ୟ॒ଜ୍ଞ-ମୃ॑ଜୁ॒ଧା ନ॑ୟନ୍ତୁ ॥
ପ୍ରତି॑ କ୍ଷ॒ତ୍ରେ ପ୍ରତି॑ ତିଷ୍ଠାମି ରା॒ଷ୍ଟ୍ରେ ।
ପ୍ରତ୍ୟଶ୍ଵେ॑ଷୁ॒ ପ୍ରତି॑ତିଷ୍ଠାମି॒ ଗୋଷୁ॑ ।
ପ୍ରତି॑ ପ୍ର॒ଜାୟା॒-ମ୍ପ୍ରତି॑ ତିଷ୍ଠାମି॒ ଭଵ୍ୟେ᳚ ।
ଵିଶ୍ଵ॑ମ॒ନ୍ୟା-ଽଭି॑ ଵାଵୃ॒ଧେ । ତଦ॒ନ୍ୟସ୍ୟା॒-ମଧି॑ଶ୍ରି॒ତମ୍ । ଦି॒ଵେ ଚ॑ ଵି॒ଶ୍ଵକ॑ର୍ମଣେ ।
ପୃ॒ଥି॒ଵ୍ୟୈ ଚା॑କର॒-ନ୍ନମଃ॑ ॥ ଅସ୍କା॒ନ୍ଦ୍ୟୌଃ ପୃ॑ଥି॒ଵୀମ୍ । ଅସ୍କା॑ନୃଷ॒ଭୋ ୟୁଵା॒ ଗାଃ ॥ 107 ॥

ସ୍କ॒ନ୍ନେମା ଵିଶ୍ଵା॒ ଭୁଵ॑ନା । ସ୍କ॒ନ୍ନୋ ୟ॒ଜ୍ଞଃ ପ୍ରଜ॑ନୟତୁ । ଅସ୍କା॒ନଜ॑ନି॒ ପ୍ରାଜ॑ନି ।
ଆ ସ୍କ॒ନ୍ନାଜ୍ଜା॑ୟତେ॒ ଵୃଷା᳚ । ସ୍କ॒ନ୍ନା-ତ୍ପ୍ରଜ॑ନିଷୀମହି ॥ ୟେ ଦେ॒ଵା ୟେଷା॑ମି॒ଦ-ମ୍ଭା॑ଗ॒ଧେୟ॑-ମ୍ବ॒ଭୂଵ॑ । ୟେଷା᳚-ମ୍ପ୍ରୟା॒ଜା ଉ॒ତାନୂ॑ୟା॒ଜାଃ । ଇନ୍ଦ୍ର॑ଜ୍ୟେଷ୍ଠେଭ୍ୟୋ॒ ଵରୁ॑ଣରାଜଭ୍ୟଃ । ଅ॒ଗ୍ନିହୋ॑ତୃଭ୍ୟୋ ଦେ॒ଵେଭ୍ୟ॒-ସ୍ସ୍ଵାହା᳚ ॥ ଉ॒ତ ତ୍ୟା ନୋ॒ ଦିଵା॑ ମ॒ତିଃ ॥ 108 ॥

ଅଦି॑ତିରୂ॒ତ୍ୟା-ଽଽଗ॑ମତ୍ । ସା ଶନ୍ତା॑ଚୀ॒ ମୟ॑ସ୍କରତ୍ । ଅପ॒ ସ୍ରିଧଃ॑ ॥ ଉ॒ତ ତ୍ୟା ଦୈଵ୍ୟା॑ ଭି॒ଷଜା᳚ । ଶ-ନ୍ନ॑ସ୍କରତୋ ଅ॒ଶ୍ଵିନା᳚ । ୟୂ॒ୟାତା॑-ମ॒ସ୍ମଦ୍ରପଃ॑ ।
ଅପ॒ ସ୍ରିଧଃ॑ ॥ ଶମ॒ଗ୍ନି-ର॒ଗ୍ନିଭି॑ସ୍କରତ୍ । ଶ-ନ୍ନ॑ସ୍ତପତୁ॒ ସୂର୍ୟଃ॑ । ଶଂ-ଵାଁତୋ॑ ଵାତ୍ଵର॒ପାଃ ॥ 109 ॥

ଅପ॒ ସ୍ରିଧଃ॑ ॥ ତଦିତ୍ପ॒ଦ-ନ୍ନ ଵିଚି॑କେତ ଵି॒ଦ୍ଵାନ୍ ।
ୟନ୍ମୃ॒ତଃ ପୁନ॑ର॒ପ୍ୟେତି॑ ଜୀ॒ଵାନ୍ । ତ୍ରି॒ଵୃଦ୍ୟ-ଦ୍ଭୁଵ॑ନସ୍ୟ ରଥ॒ଵୃତ୍ । ଜୀ॒ଵୋ ଗର୍ଭୋ॒ ନ ମୃ॒ତ-ସ୍ସ ଜୀ॑ଵାତ୍ ॥ ପ୍ରତ୍ୟ॑ସ୍ମୈ॒ ପିପୀ॑ଷତେ । ଵି॒ଶ୍ଵା॑ନି ଵି॒ଦୁଷେ॑ ଭର । ଅ॒ର॒-ଙ୍ଗ॒ମାୟ॒ ଜଗ୍ମ॑ଵେ ।
ଅପ॑ଶ୍ଚାଦ୍ଦଧ୍ଵନେ॒ ନରେ᳚ (ଓ-ରପ॑ଶ୍ଚାଦ୍ଦଘ୍ଵନେ॒ ନରେ᳚) ॥ ଇନ୍ଦୁ॒ରିନ୍ଦୁ॒ମ-ଵା॑ଗାତ୍ ।
ଇନ୍ଦୋ॒ରିନ୍ଦ୍ରୋ॑-ଽପାତ୍ । ତସ୍ୟ॑ ତ ଇନ୍ଦ॒ଵିନ୍ଦ୍ର॑-ପୀତସ୍ୟ॒ ମଧୁ॑ମତଃ । ଉପ॑ହୂତ॒ସ୍ୟୋପ॑ହୂତୋ ଭକ୍ଷୟାମି ॥ 110 ॥
(ଉ॒ଦ॒ର୍॒ଷ - ଇ॑ନ୍ଦ୍ରି॒ୟେଣ॒ - ଗା - ମ॒ତି - ର॑ର॒ପା - ଅ॑ଗା॒ତ୍ରୀଣି॑ ଚ) (ଅ. 10)

ଅନୁଵାକଂ 11 - ଦର୍​ଶପୂର୍ଣମାସପ୍ରାୟଶ୍ଚିତ୍ତମନ୍ତ୍ରାଃ
ବ୍ରହ୍ମ॑ ପ୍ରତି॒ଷ୍ଠା ମନ॑ସୋ॒ ବ୍ରହ୍ମ॑ ଵା॒ଚଃ । ବ୍ରହ୍ମ॑ ୟ॒ଜ୍ଞାନାଗ୍​ମ୍॑ ହ॒ଵିଷା॒-ମାଜ୍ୟ॑ସ୍ୟ ।
ଅତି॑ରିକ୍ତ॒-ଙ୍କର୍ମ॑ଣୋ॒ ୟଚ୍ଚ॑ ହୀ॒ନମ୍ । ୟ॒ଜ୍ଞଃ ପର୍ଵା॑ଣି ପ୍ରତି॒ରନ୍ନେ॑ତି କ॒ଲ୍ପୟନ୍ନ୍॑ ।
ସ୍ଵାହା॑କୃ॒ତା-ଽଽହୁ॑ତିରେତୁ ଦେ॒ଵାନ୍ ॥ ଆଶ୍ରା॑ଵିତମ॒ତ୍ୟାଶ୍ରା॑ଵିତମ୍ ।
ଵଷ॑ଟ୍କୃତ-ମ॒ତ୍ୟନୂ᳚କ୍ତ-ଞ୍ଚ ୟ॒ଜ୍ଞେ ।
ଅତି॑ରିକ୍ତ॒-ଙ୍କର୍ମ॑ଣୋ॒ ୟଚ୍ଚ॑ ହୀ॒ନମ୍ ।
ୟ॒ଜ୍ଞଃ ପର୍ଵା॑ଣି ପ୍ରତି॒ରନ୍ନେ॑ତି କ॒ଲ୍ପୟନ୍ନ୍॑ ।
ସ୍ଵାହା॑କୃ॒ତା-ଽଽହୁ॑ତିରେତୁ ଦେ॒ଵାନ୍ ॥ 111 ॥

ୟଦ୍ଵୋ॑ ଦେଵା ଅତିପା॒ଦୟା॑ନି । ଵା॒ଚା ଚି॒ତ୍ପ୍ରୟ॑ତ-ନ୍ଦେଵ॒ ହେଡ॑ନମ୍ । ଅ॒ରା॒ୟୋ ଅ॒ସ୍ମାଗ୍​ମ୍ ଅ॒ଭି-ଦୁ॑ଚ୍ଛୁନା॒ୟତେ᳚। ଅ॒ନ୍ୟତ୍ରା॒ସ୍ମ-ନ୍ମ॑ରୁତ॒ସ୍ତ-ନ୍ନିଧେ॑ତନ ॥ ତ॒ତ-ମ୍ମ॒ ଆପ॒ସ୍ତଦୁ॑ ତାୟତ॒ ପୁନଃ॑ । ସ୍ଵାଦି॑ଷ୍ଠା ଧୀ॒ତିରୁ॒ଚଥା॑ୟ ଶସ୍ୟତେ ।
ଅ॒ୟଗ୍​ମ୍ ସ॑ମୁ॒ଦ୍ର ଉ॒ତ ଵି॒ଶ୍ଵଭେ॑ଷଜଃ ।
ସ୍ଵାହା॑-କୃତସ୍ୟ॒ ସମୁ॑ତୃପ୍ଣୁତ ର୍ଭୁଵଃ ॥
ଉଦ୍ଵ॒ୟ-ନ୍ତମ॑ସ॒ସ୍ପରି॒ ପଶ୍ୟ॑ନ୍ତୋ॒ ଜ୍ୟୋତି॒ରୁତ୍ତ॑ରମ୍ । ଦେ॒ଵ-ନ୍ଦେ॑ଵ॒ତ୍ରା ସୂର୍ୟ॒ମଗ॑ନ୍ମ॒ ଜ୍ୟୋତି॑ରୁତ୍ତ॒ମମ୍ ॥ ।
ଉଦୁ॒ ତ୍ୟ-ଞ୍ଜା॒ତଵେ॑ଦସ-ନ୍ଦେ॒ଵଂ-ଵଁ॑ହନ୍ତି କେ॒ତଵଃ॑ । ଦୃ॒ଶେ ଵିଶ୍ଵା॑ୟ॒ ସୂର୍ୟ᳚ମ୍ ॥ ଚି॒ତ୍ର-ନ୍ଦେ॒ଵାନା॒-ମୁଦ॑ଗା॒ଦନୀ॑କ॒-ଞ୍ଚକ୍ଷୁ॑-ର୍ମି॒ତ୍ରସ୍ୟ॒ ଵରୁ॑ଣସ୍ୟା॒-ଽଗ୍ନେଃ । ଆ-ଽ ପ୍ରା॒ ଦ୍ୟାଵା॑ପୃଥି॒ଵୀ ଅ॒ନ୍ତରି॑କ୍ଷ॒ଗ୍​ମ୍॒ ସୂର୍ୟ॑ ଆ॒ତ୍ମା ଜଗ॑ତସ୍ତ॒ସ୍ଥୁଷ॑ଶ୍ଚ ॥ ॥ 112 ॥

ଇ॒ମ-ମ୍ମେ॑ ଵରୁଣ ଶ୍ରୁଧୀ॒ ହଵ॑ମ॒ଦ୍ୟା ଚ॑ ମୃଡୟ । ତ୍ଵାମ॑ଵ॒ସ୍ୟୁରା ଚ॑କେ ॥ ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒-ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଧ୍ୟୁରୁ॑ଶଗ୍​ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥ ।
ତ୍ଵ-ନ୍ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵା-ନ୍ଦେ॒ଵସ୍ୟ॒ ହେଡୋ-ଽଵ॑ ୟାସି ସୀଷ୍ଠାଃ । ୟଜି॑ଷ୍ଠୋ॒ ଵହ୍ନି॑ ତମ॒-ଶ୍ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷାଗ୍​ମ୍॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥
ସ ତ୍ଵନ୍ନୋ॑ ଅଗ୍ନେ-ଽଵ॒ମୋ ଭ॑ଵୋ॒ତୀ ନେଦି॑ଷ୍ଠୋ ଅ॒ସ୍ୟା ଉ॒ଷସୋ॒ ଵ୍ୟୁ॑ଷ୍ଟୌ । ଅଵ॑ ୟକ୍ଷ୍ଵ ନୋ॒ ଵରୁ॑ଣ॒ଗ୍​ମ୍॒ ରରା॑ଣୋ ଵୀ॒ହି ମୃ॑ଡୀ॒କଗ୍​ମ୍ ସୁ॒ହଵୋ॑ ନ ଏଧି ॥ । ତ୍ଵମ॑ଗ୍ନେ ଅ॒ୟା-ଽସି॑ । ଅ॒ୟା ସନ୍ମନ॑ସା ହି॒ତଃ । ଅ॒ୟା ସନଃଅ॒ଵ୍ୟମୂ॑ହିଷେ । ଅ॒ୟା ନୋ॑ ଧେହି ଭେଷ॒ଜମ୍ । ଇ॒ଷ୍ଟୋ ଅ॒ଗ୍ନିରାହୁ॑ତଃ । ସ୍ଵାହା॑କୃତଃ ପିପର୍ତୁ ନଃ । ସ୍ଵ॒ଗା ଦେ॒ଵେଭ୍ୟ॑ ଇ॒ଦ-ନ୍ନମଃ॑ ॥ ପ୍ରଜା॑ପତେ॒ ନ ତ୍ଵଦେ॒ତାନ୍ୟ॒ନ୍ୟୋ ଵିଶ୍ଵା॑ ଜା॒ତାନି॒ ପରି॒ ତା ବ॑ଭୂଵ । ୟତ୍କା॑ମାସ୍ତେ ଜୁହୁ॒ମସ୍ତନ୍ନୋ॑ ଅସ୍ତୁ ଵ॒ୟଗ୍ଗ୍​ ସ୍ୟା॑ମ॒ ପତ॑ୟୋ ରୟୀ॒ଣାମ୍ ॥ ॥ ଇ॒ମ-ଞ୍ଜୀ॒ଵେଭ୍ୟଃ॑ ପରି॒ଧି-ନ୍ଦ॑ଧାମି । ମୈଷା-ନ୍ନୁ॑ ଗା॒ଦପ॑ରୋ॒ ଅର୍ଧ॑ମେ॒ତମ୍ । ଶ॒ତ-ଞ୍ଜୀ॑ଵନ୍ତୁ ଶ॒ରଦଃ॑ ପୁରୂ॒ଚୀଃ । ତି॒ରୋ ମୃ॒ତ୍ୟୁ-ନ୍ଦ॑ଧତା॒-ମ୍ପର୍ଵ॑ତେନ ॥
ଇ॒ଷ୍ଟେଭ୍ୟ॒-ସ୍ସ୍ଵାହା॒ ଵଷ॒ଡନି॑ଷ୍ଟେଭ୍ୟ॒-ସ୍ସ୍ଵାହା᳚ । ଭେ॒ଷ॒ଜ-ନ୍ଦୁରି॑ଷ୍ଟ୍ୟୈ॒ ସ୍ଵାହା॒ ନିଷ୍କୃ॑ତ୍ୟୈ॒ ସ୍ଵାହା᳚ । ଦୌରା᳚ର୍ଧ୍ୟୈ॒ ସ୍ଵାହା॒ ଦୈଵୀ᳚ଭ୍ୟ-ସ୍ତ॒ନୂଭ୍ୟ॒-ସ୍ସ୍ଵାହା᳚ ॥ 113 ॥

ଋଦ୍ଧ୍ୟୈ॒ ସ୍ଵାହା॒ ସମୃ॑ଦ୍ଧ୍ୟୈ॒ ସ୍ଵାହା᳚ ॥
ୟତ॑ ଇନ୍ଦ୍ର॒ ଭୟା॑ମହେ ।
ତତୋ॑ ନୋ॒ ଅଭ॑ୟ-ଙ୍କୃଧି । ମଘ॑ଵଞ୍ଛ॒ଗ୍ଧି ତଵ॒ ତନ୍ନ॑ ଊ॒ତୟେ᳚ । ଵି ଦ୍ଵିଷୋ॒ ଵି ମୃଧୋ॑ ଜହି ॥ ସ୍ଵ॒ସ୍ତି॒ଦା ଵି॒ଶସ୍ପତିଃ॑ । ଵୃ॒ତ୍ର॒ହା ଵିମୃଧୋ॑ ଵ॒ଶୀ । ଵୃଷେନ୍ଦ୍ରଃ॑ ପୁ॒ର ଏ॑ତୁ ନଃ । ସ୍ଵ॒ସ୍ତି॒ଦା ଅ॑ଭୟ-ଙ୍କ॒ରଃ ॥ ଆ॒ଭି ର୍ଗୀ॒ର୍ଭି ର୍ୟଦତୋ॑ ନ ଊ॒ନମ୍ ॥ 114 ॥

ଆପ୍ୟା॑ୟୟ ହରିଵୋ॒ ଵର୍ଧ॑ମାନଃ ।
ୟ॒ଦା ସ୍ତୋ॒ତୃଭ୍ୟୋ॒ ମହି॑ ଗୋ॒ତ୍ରା ରୁ॒ଜାସି॑ ।
ଭୂ॒ୟି॒ଷ୍ଠ॒ଭାଜୋ॒ ଅଧ॑ ତେ ସ୍ୟାମ ॥ ଅନା᳚ଜ୍ଞାତଂ॒-ୟଁଦାଜ୍ଞା॑ତମ୍ । ୟ॒ଜ୍ଞସ୍ୟ॑ କ୍ରି॒ୟତେ॒ ମିଥୁ॑ । ଅଗ୍ନେ॒ ତଦ॑ସ୍ୟ କଲ୍ପୟ । ତ୍ଵଗ୍​ମ୍ ହି ଵେତ୍ଥ॑ ୟଥାତ॒ଥମ୍ ॥ ପୁରୁ॑ଷ ସମ୍ମିତୋ ୟ॒ଜ୍ଞଃ । ୟ॒ଜ୍ଞଃ ପୁରୁ॑ଷ ସମ୍ମିତଃ । ଅଗ୍ନେ॒ ତଦ॑ସ୍ୟ କଲ୍ପୟ ।
ତ୍ଵଗ୍​ମ୍ ହି ଵେତ୍ଥ॑ ୟଥାତ॒ଥମ୍ ॥ ୟ-ତ୍ପା॑କ॒ତ୍ରା ମନ॑ସା ଦୀ॒ନଦ॑କ୍ଷା॒ ନ । ୟ॒ଜ୍ଞସ୍ୟ॑ ମ॒ନ୍ଵତେ॒ ମର୍ତା॑ସଃ । ଅ॒ଗ୍ନିଷ୍ଟଦ୍ଧୋତା᳚ କୃତୁ॒ଵିଦ୍ଵି॑ଜା॒ନନ୍ନ୍ ।
ୟଜି॑ଷ୍ଠୋ ଦେ॒ଵାଗ୍​ମ୍ ଋ॑ତୁ॒ଶୋ ୟ॑ଜାତି ॥ 115 ॥
(ଦେ॒ଵାଗ୍​ - ଶ୍ଚି॒ତ୍ରଂ - ତ॒ନୂଭ୍ୟ॒-ସ୍ସ୍ଵାହୋ॒ - ନଂ - ପୁରୁ॑ଷସମ୍ମି॒ତୋ-ଽଗ୍ନେ॒ ତଦ॑ସ୍ୟ କଲ୍ପୟ॒ ପଞ୍ଚ॑ ଚ) (ଅ. 11)

ଅନୁଵାକଂ 12 - ଅଗ୍ନିଷ୍ଟୋମାଦୌ ୟଜମାନଜପ୍ୟା ମନ୍ତ୍ରଵିଶେଷାଃ
ୟଦ୍ଦେ॑ଵା ଦେଵ॒ହେଡ॑ନମ୍ । ଦେଵା॑ସଶ୍ଚକୃ॒ମା ଵ॒ୟମ୍ । ଆଦି॑ତ୍ୟା॒-ସ୍ତସ୍ମା᳚ନ୍ମା ମୁଞ୍ଚତ ।
ଋ॒ତସ୍ୟ॒ର୍ତେନ॒ ମାମୁ॒ତ ॥ ଦେଵା॑ ଜୀଵନକା॒ମ୍ୟା ୟତ୍ । ଵା॒ଚା-ଽନୃ॑ତମୂଦି॒ମ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ । ଗାର୍​ହ॑ପତ୍ୟଃ॒ ପ୍ରମୁ॑ଞ୍ଚତୁ । ଦୁ॒ରି॒ତା ୟାନି॑ ଚକୃ॒ମ । କ॒ରୋତୁ॒ ମାମ॑ନେ॒ ନସ᳚ମ୍ ॥ 116 ॥
ଋ॒ତେନ॑ ଦ୍ୟାଵାପୃଥିଵୀ । ଋ॒ତେନ॒ ତ୍ଵଗ୍​ମ୍ ସ॑ରସ୍ଵତି । ଋ॒ତାନ୍ମା॑ ମୁଞ୍ଚ॒ତାଗ୍​ମ୍ହ॑ସଃ । ୟଦ॒ନ୍ୟ କୃ॑ତମାରି॒ମ ॥ ସ॒ଜା॒ତ॒ଶ॒ଗ୍​ମ୍॒ସାଦୁ॒ତ ଵା॑ ଜାମିଶ॒ଗ୍​ମ୍॒ସାତ୍ । ଜ୍ୟାୟ॑ସ॒-ଶ୍ଶଗ୍​ମ୍ସା॑ଦୁ॒ତ ଵା॒ କନୀ॑ୟସଃ । ଅନା᳚ଜ୍ଞାତ-ନ୍ଦେ॒ଵକୃ॑ତଂ॒-ୟଁଦେନଃ॑ । ତସ୍ମା॒ତ୍ତ୍ଵମ॒ସ୍ମା-ଞ୍ଜା॑ତଵେଦୋ ମୁମୁଗ୍ଧି ॥ ୟଦ୍ଵା॒ଚା ୟନ୍ମନ॑ସା । ବା॒ହୁଭ୍ୟା॑-ମୂ॒ରୁଭ୍ୟା॑-ମଷ୍ଠୀ॒ଵଦ୍ଭ୍ୟା᳚ମ୍ ॥ 117 ॥

ଶି॒ଶ୍ଞୈ ର୍ୟଦନୃ॑ତ-ଞ୍ଚକୃ॒ମା ଵ॒ୟମ୍ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ୟଦ୍ଧସ୍ତା᳚ଭ୍ୟା-ଞ୍ଚ॒କର॒ କିଲ୍ବି॑ଷାଣି । ଅ॒କ୍ଷାଣାଂ᳚-ଵଁ॒ଗ୍ନୁମୁ॑ପ॒ ଜିଘ୍ନ॑ମାନଃ । ଦୂ॒ରେ॒ପ॒ଶ୍ୟା ଚ॑ ରାଷ୍ଟ୍ର॒ଭୃଚ୍ଚ॑ । ତାନ୍ୟ॑ଫ୍ସ॒ରସା॒-ଵନୁ॑ଦତ୍ତା-ମୃ॒ଣାନି॑ ॥
ଅଦୀ᳚ଵ୍ୟନ୍ନୃ॒ଣଂ-ୟଁଦ॒ହ-ଞ୍ଚ॒କାର॑ । ୟଦ୍ଵା-ଽଦା᳚ସ୍ୟନ୍-ଥ୍ସଞ୍ଜ॒ଗାରା॒ ଜନେ᳚ଭ୍ୟଃ ।
ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ୟନ୍ମୟି॑ ମା॒ତା ଗର୍ଭେ॑ ସ॒ତି ॥ 118 ॥

ଏନ॑ଶ୍ଚ॒କାର॒ ୟତ୍ପି॒ତା । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ୟଦା॑ ପି॒ପେଷ॑ ମା॒ତର॑-ମ୍ପି॒ତର᳚ମ୍ ।
ପୁ॒ତ୍ରଃ ପ୍ରମୁ॑ଦିତୋ॒ ଧୟନ୍ନ୍॑ । ଅହିଗ୍​ମ୍॑ସିତୌ ପି॒ତରୌ॒ ମୟା॒ ତତ୍ । ତଦ॑ଗ୍ନେ ଅନୃ॒ଣୋ ଭ॑ଵାମି ॥ ୟଦ॒ନ୍ତରି॑କ୍ଷ-ମ୍ପୃଥି॒ଵୀମୁ॒ତ ଦ୍ୟାମ୍ ।
ୟନ୍ମା॒ତର॑-ମ୍ପି॒ତରଂ॑-ଵାଁ ଜିହିଗ୍​ମ୍ସି॒ମ ।
ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ୟଦା॒ଶସା॑ ନି॒ଶସା॒ ୟତ୍ପ॑ରା॒ଶସା᳚ ॥ 119 ॥

ୟଦେନ॑ଶ୍ଚ କୃ॒ମା ନୂତ॑ନଂ॒-ୟଁତ୍ପୁ॑ରା॒ଣମ୍ । ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ ଅତି॑କ୍ରାମାମି ଦୁରି॒ତଂ-ୟଁଦେନଃ॑ । ଜହା॑ମି ରି॒ପ୍ର-ମ୍ପ॑ର॒ମେ ସ॒ଧସ୍ଥେ᳚ ।
ୟତ୍ର॒ ୟନ୍ତି॑ ସୁ॒କୃତୋ॒ ନାପି॑ ଦୁ॒ଷ୍କୃତଃ॑ । ତମାରୋ॑ହାମି ସୁ॒କୃତା॒-ନ୍ନୁ ଲୋ॒କମ୍ ॥
ତ୍ରି॒ତେ ଦେ॒ଵା ଅ॑ମୃଜତୈ॒-ତଦେନଃ॑ ।
ତ୍ରି॒ତ ଏ॒ତନ୍ମ॑ନୁ॒ଷ୍ୟେ॑ଷୁ ମାମୃଜେ ।
ତତୋ॑ ମା॒ ୟଦି॒ କିଞ୍ଚି॑ଦାନ॒ଶେ ।
ଅ॒ଗ୍ନିର୍ମା॒ ତସ୍ମା॒ଦେନ॑ସଃ ॥ 120 ॥

ଗାର୍​ହ॑ପତ୍ୟଃ॒ ପ୍ରମୁ॑ଞ୍ଚତୁ । ଦୁ॒ରି॒ତା ୟାନି॑ ଚକୃ॒ମ । କ॒ରୋତୁ॒ ମାମ॑ନେ॒ନସ᳚ମ୍ ॥ ଦି॒ଵି ଜା॒ତା ଅ॒ଫ୍ସୁ ଜା॒ତାଃ । ୟା ଜା॒ତା ଓଷ॑ଧୀଭ୍ୟଃ । ଅଥୋ॒ ୟା ଅ॑ଗ୍ନି॒ଜା ଆପଃ॑ । ତା ନ॑-ଶ୍ଶୁନ୍ଧନ୍ତୁ॒ ଶୁନ୍ଧ॑ନୀଃ ॥
ୟଦାପୋ॒ ନକ୍ତ॑-ନ୍ଦୁରି॒ତ-ଞ୍ଚରା॑ମ ।
ୟଦ୍ଵା॒ ଦିଵା॒ ନୂତ॑ନଂ॒-ୟଁତ୍ପୁ॑ରା॒ଣମ୍ ।
ହିର॑ଣ୍ୟ-ଵର୍ଣା॒ସ୍ତତ॒ ଉତ୍ପୁ॑ନୀତ ନଃ ॥
ଇ॒ମ-ମ୍ମେ॑ ଵରୁଣ ଶ୍ରୁଧୀ॒ ହଵ॑ମ॒ଦ୍ୟା ଚ॑ ମୃଡୟ । ତ୍ଵାମ॑ଵ॒ସ୍ୟୁରା ଚ॑କେ ॥
ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒-ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଧ୍ୟୁରୁ॑ଶଗ୍​ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥ । ତ୍ଵ-ନ୍ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵା-ନ୍ଦେ॒ଵସ୍ୟ॒ ହେଡୋ-ଽଵ॑ ୟାସି ସୀଷ୍ଠାଃ । ୟଜି॑ଷ୍ଠୋ॒ ଵହ୍ନି॑ ତମ॒-ଶ୍ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷାଗ୍​ମ୍॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥ ସ ତ୍ଵନ୍ନୋ॑ ଅଗ୍ନେ-ଽଵ॒ମୋ ଭ॑ଵୋ॒ତୀ ନେଦି॑ଷ୍ଠୋ ଅ॒ସ୍ୟା ଉ॒ଷସୋ॒ ଵ୍ୟୁ॑ଷ୍ଟୌ । ଅଵ॑ ୟକ୍ଷ୍ଵ ନୋ॒ ଵରୁ॑ଣ॒ଗ୍​ମ୍॒ ରରା॑ଣୋ ଵୀ॒ହି ମୃ॑ଡୀ॒କଗ୍​ମ୍ ସୁ॒ହଵୋ॑ ନ ଏଧି ॥ । ତ୍ଵମ॑ଗ୍ନେ ଅ॒ୟା-ଽସି॑ । ଅ॒ୟା ସନ୍ମନ॑ସା ହି॒ତଃ । ଅ॒ୟା ସନଃଅ॒ଵ୍ୟମୂ॑ହିଷେ । ଅ॒ୟା ନୋ॑ ଧେହି ଭେଷ॒ଜମ୍ । ଇ॒ଷ୍ଟୋ ଅ॒ଗ୍ନିରାହୁ॑ତଃ । ସ୍ଵାହା॑କୃତଃ ପିପର୍ତୁ ନଃ । ସ୍ଵ॒ଗା ଦେ॒ଵେଭ୍ୟ॑ ଇ॒ଦ-ନ୍ନମଃ॑ ॥ ॥ 121 ॥
(ଅ॒ନେ॒ନସ॑ - ମଷ୍ଠୀ॒ଵଦ୍ଭ୍ୟାଗ୍​ମ୍॑ - ସ॒ତି - ପ॑ରା॒ଶସା॑-ଽଽନ॒ଶେ᳚ - ଽଗ୍ନିର୍ମା॒ ତସ୍ମା॒ଦେନ॑ସଃ - ପୁନୀତ ନ॒ସ୍ତ୍ରୀଣି॑ ଚ) (ଅ. 12)

(ୟ-ଦ୍ଦେ॑ଵା॒ ଗାର୍​ହ॑ପତ୍ୟୋ॒ ୟଦ୍ଧସ୍ତା᳚ଭ୍ୟାଂ॒-ୟଁନ୍ମୟି॑ ମା॒ତା ୟଦା॑ପି॒ପେଷ॒
ଁୟଦ॒ନ୍ତରି॑କ୍ଷଂ॒-ୟଁଦା॒ଶସା-ଽତି॑କ୍ରାମାମି ତ୍ରି॒ତେ ଦେ॒ଵା ଦି॒ଵି ଜା॒ତା ଅ॒ଫ୍ସୁ ଜା॒ତା ୟଦାପ॑ ଇ॒ମ-ମ୍ମେ॑ ଵରୁଣା॒ ତତ୍ତ୍ଵା॑ ୟାମି॒ ତ୍ଵ-ନ୍ନୋ॑ ଅଗ୍ନେ॒ ସ ତ୍ଵ-ନ୍ନୋ॑ ଅଗ୍ନେ॒ ତ୍ଵମ॑ଗ୍ନେ ଅ॒ୟା-ଽସି॑)

ଅନୁଵାକଂ 13 - ଅଵଭୃଥେ କର୍ମଣି ଋଜୀଷପ୍ରୋକ୍ଷଣମନ୍ତ୍ରାଃ
ୟତ୍ତେ॒ ଗ୍ରାଵ୍.ଣ୍ଣା॑ ଚିଚ୍ଛି॒ଦୁ-ସ୍ସୋ॑ମ ରାଜନ୍ନ୍ ।
ପ୍ରି॒ୟାଣ୍ୟଙ୍ଗା॑ନି॒ ସ୍ଵଧି॑ତା॒ ପରୂଗ୍​ମ୍॑ଷି । ତଥ୍ସନ୍ଧ॒-ଥ୍ସ୍ଵାଜ୍ୟେ॑ନୋ॒ତ ଵ॑ର୍ଧୟସ୍ଵ ।
ଅ॒ନା॒ଗସୋ॒ ଅଧ॒ମିଥ୍ସ॒କ୍ଷଂ​ୟେଁ॑ମ ॥ ୟତ୍ତେ॒ ଗ୍ରାଵା॑ ବା॒ହୁଚ୍ୟୁ॑ତୋ॒ ଅଚୁ॑ଚ୍ୟଵୁଃ ।
ନରୋ॒ ୟତ୍ତେ॑ ଦୁଦୁ॒ହୁ ର୍ଦକ୍ଷି॑ଣେନ ।
ତତ୍ତ॒ ଆପ୍ୟା॑ୟତା॒-ନ୍ତତ୍ତେ᳚ । ନିଷ୍ଟ୍ୟା॑ୟତା-ନ୍ଦେଵ
ସୋମ ॥ ୟତ୍ତେ॒ ତ୍ଵଚ॑-ମ୍ବିଭି॒ଦୁର୍ୟଚ୍ଚ॒ ୟୋନି᳚ମ୍ ।
ୟଦା॒ସ୍ଥାନା॒-ତ୍ପ୍ରଚ୍ୟୁ॑ତୋ॒ ଵେନ॑ସି॒ ତ୍ମନା᳚ ॥ 122 ॥

ତ୍ଵୟା॒ ତଥ୍ସୋ॑ମ ଗୁ॒ପ୍ତମ॑ସ୍ତୁ ନଃ ।
ସା ନ॑-ସ୍ସ॒ଧାଂ-ଽସ॑ତ୍ପର॒ମେ ଵ୍ୟୋ॑ମନ୍ନ୍ ॥
ଅହା॒ଚ୍ଛରୀ॑ର॒-ମ୍ପୟ॑ସା ସ॒ମେତ୍ୟ॑ । ଅ॒ନ୍ୟୋ᳚-ଽନ୍ୟୋ ଭଵତି॒ ଵର୍ଣୋ॑ ଅସ୍ୟ । ତସ୍ମି॑ନ୍ ଵ॒ୟମୁପ॑ହୂତା॒ସ୍ତଵ॑ ସ୍ମଃ । ଆ ନୋ॑ ଭଜ॒ ସଦ॑ସି ଵି॒ଶ୍ଵରୂ॑ପେ ॥
ନୃ॒ଚକ୍ଷା॒-ସ୍ସୋମ॑ ଉ॒ତ ଶୁ॒ଶ୍ରୁଗ॑ସ୍ତୁ ।
ମା ନୋ॒ ଵିହା॑ସୀ॒ଦ୍ଗିର॑ ଆଵୃଣା॒ନଃ ।
ଅନା॑ଗା-ସ୍ତ॒ନୁଵୋ॑ ଵାଵୃଧା॒ନଃ ।
ଆ ନୋ॑ ରୂ॒ପଂ-ଵଁ॑ହତୁ॒ ଜାୟ॑ମାନଃ ॥ 123 ॥

ଉପ॑କ୍ଷରନ୍ତି ଜୁ॒ହ୍ଵୋ॑ ଘୃ॒ତେନ॑ । ପ୍ରି॒ୟାଣ୍ୟଙ୍ଗା॑ନି॒ ତଵ॑ ଵ॒ର୍ଧୟ॑ନ୍ତୀଃ । ତସ୍ମୈ॑ ତେ ସୋମ॒ ନମ॒ ଇଦ୍ଵଷ॑ଟ୍ଚ । ଉପ॑ ମା ରାଜନ୍-ଥ୍ସୁକୃ॒ତେ ହ୍ଵ॑ୟସ୍ଵ ॥
ସ-ମ୍ପ୍ରା॑ଣାପା॒ନାଭ୍ୟା॒ଗ୍​ମ୍॒ ସମୁ॒ ଚକ୍ଷୁ॑ଷା॒ ତ୍ଵମ୍ । ସଗ୍ଗ୍​ ଶ୍ରୋତ୍ରେ॑ଣ ଗଚ୍ଛସ୍ଵ ସୋମ ରାଜନ୍ନ୍ ।
ୟତ୍ତ॒ ଆସ୍ଥି॑ତ॒ଗ୍​ମ୍॒ ଶମୁ॒ ତତ୍ତେ॑ ଅସ୍ତୁ । ଜା॒ନୀ॒ତାନ୍ନ॑-ସ୍ସ॒ଗମ୍ମ॑ନେ ପଥୀ॒ନାମ୍ ॥ ଏ॒ତ-ଞ୍ଜା॑ନୀତାତ୍ପର॒ମେ ଵ୍ୟୋ॑ମନ୍ନ୍ । ଵୃକା᳚-ସ୍ସଧସ୍ଥା ଵି॒ଦ ରୂ॒ପମ॑ସ୍ୟ ॥ 124 ॥

ୟଦା॒ଗଚ୍ଛା᳚-ତ୍ପ॒ଥିଭି॑ ର୍ଦେଵ॒ୟାନୈଃ᳚ । ଇ॒ଷ୍ଟା॒ପୂ॒ର୍ତେ କୃ॑ଣୁତା-ଦା॒ଵିର॑ସ୍ମୈ ॥
ଅରି॑ଷ୍ଟୋ ରାଜନ୍ନଗ॒ଦଃ ପରେ॑ହି । ନମ॑ସ୍ତେ ଅସ୍ତୁ॒ ଚକ୍ଷ॑ସେ ରଘୂୟ॒ତେ । ନାକ॒ମାରୋ॑ହ ସ॒ହ ୟଜ॑ମାନେନ । ସୂର୍ୟ॑-ଙ୍ଗଚ୍ଛତାତ୍ପର॒ମେ ଵ୍ୟୋ॑ମନ୍ନ୍ ॥
ଅଭୂ᳚ଦ୍ଦେ॒ଵ-ସ୍ସ॑ଵି॒ତା ଵନ୍ଦ୍ୟୋ॒ ନୁ ନଃ॑ । ଇ॒ଦାନୀ॒ମହ୍ନ॑ ଉପ॒ଵାଚ୍ୟୋ॒ ନୃଭିଃ॑ ।
ଵି ୟୋ ରତ୍ନା॒ ଭଜ॑ତି ମାନ॒ଵେଭ୍ୟଃ॑ । ଶ୍ରେଷ୍ଠ॑-ନ୍ନୋ॒ ଅତ୍ର॒ ଦ୍ରଵି॑ଣଂ॒-ୟଁଥା॒ ଦଧ॑ତ୍ ॥
ଉପ॑ ନୋ ମିତ୍ରାଵରୁଣା-ଵି॒ହାଵ॑ତମ୍ । ଅ॒ନ୍ଵାଦୀ᳚ଦ୍ଧ୍ୟା-ଥାମି॒ହ ନ॑-ସ୍ସଖାୟା । ଆ॒ଦି॒ତ୍ୟାନା॒-ମ୍ପ୍ରସି॑ତିର୍-ହେ॒ତିଃ । ଉ॒ଗ୍ରା ଶ॒ତାପା᳚ଷ୍ଠା ଘ॒ଵିଷା॒ ପରି॑ଣୋ ଵୃଣକ୍ତୁ ॥
ଆ ପ୍ୟା॑ୟସ୍ଵ॒ ସମେ॑ତୁ ତେ ଵି॒ଶ୍ଵତ॑-ସ୍ସୋମ॒ ଵୃଷ୍ଣି॑ୟମ୍ । ଭଵା॒ ଵାଜ॑ସ୍ୟ ସଙ୍ଗ॒ଥେ ॥ ସ-ନ୍ତେ॒ ପୟାଗ୍​ମ୍॑ସି॒ ସମୁ॑ ୟନ୍ତୁ॒ ଵାଜା॒-ସ୍ସଂ-ଵୃଁଷ୍ଣି॑ୟା-ନ୍ୟଭିମାତି॒ଷାହଃ॑ । ଆ॒ପ୍ୟାୟ॑ମାନୋ ଅ॒ମୃତା॑ୟ ସୋମ ଦି॒ଵି ଶ୍ରଵାଗ୍॑ସ୍ୟୁତ୍ତ॒ମାନି॑ ଧିଷ୍ଵ ॥ ॥ 125 ॥
(ତ୍ମନା॒ - ଜାୟ॑ମାନୋ - ଽସ୍ୟ॒ - ଦଧ॒-ତ୍ପଞ୍ଚ॑ ଚ) (ଅ. 13)

ଅନୁଵାକଂ 14 - ଅଵଭୃଥେ କର୍ମଣି ସେଚନାଦିମନ୍ତ୍ରାଃ
ୟଦ୍ଦି॑ଦୀ॒କ୍ଷେ ମନ॑ସା॒ ୟଚ୍ଚ॑ ଵା॒ଚା । ୟଦ୍ଵା᳚ ପ୍ରା॒ଣୈଶ୍ଚକ୍ଷୁ॑ଷା॒ ୟଚ୍ଚ॒ ଶ୍ରୋତ୍ରେ॑ଣ ।
ୟଦ୍ରେତ॑ସା ମିଥୁ॒ନେନା-ପ୍ୟା॒ତ୍ମନା᳚ ।
ଅ॒ଦ୍ଭ୍ୟୋ ଲୋ॒କା ଦ॑ଧି॒ରେ ତେଜ॑ ଇନ୍ଦ୍ରି॒ୟମ୍ ।
ଶୁ॒କ୍ରା ଦୀ॒କ୍ଷାୟୈ॒ ତପ॑ସୋ ଵି॒ମୋଚ॑ନୀଃ ।
ଆପୋ॑ ଵିମୋ॒କ୍ତ୍ରୀ ର୍ମୟି॒ ତେଜ॑ ଇନ୍ଦ୍ରି॒ୟମ୍ ॥
ୟଦୃ॒ଚା ସାମ୍ନା॒ ୟଜୁ॑ଷା । ପ॒ଶୂ॒ନା-ଞ୍ଚର୍ମ॑ନ୍. ହ॒ଵିଷା॑ ଦିଦୀ॒କ୍ଷେ ।
ୟଚ୍ଛନ୍ଦୋ॑ଭି॒-ରୋଷ॑ଧୀଭି॒-ର୍ଵନ॒ସ୍ପତୌ᳚ ।
ଅ॒ଦ୍ଭ୍ୟୋ ଲୋ॒କା ଦ॑ଧି॒ରେ (ଦ॑ଧିରେ॒) ତେଜ॑ ଇନ୍ଦ୍ରି॒ୟମ୍ ॥ 126 ॥

ଶୁ॒କ୍ରା ଦୀ॒କ୍ଷାୟୈ॒ ତପ॑ସୋ ଵି॒ମୋଚ॑ନୀଃ ।
ଆପୋ॑ ଵିମୋ॒କ୍ତ୍ରୀ ର୍ମୟି॒ ତେଜ॑ ଇନ୍ଦ୍ରି॒ୟମ୍ ॥
ୟେନ॒ ବ୍ରହ୍ମ॒ ୟେନ॑ କ୍ଷ॒ତ୍ରମ୍ । ୟେନେ᳚ନ୍ଦ୍ରା॒ଗ୍ନୀ ପ୍ର॒ଜାପ॑ତି॒-ସ୍ସୋମୋ॒ ଵରୁ॑ଣୋ॒ ୟେନ॒ ରାଜା᳚ ।
ଵିଶ୍ଵେ॑ ଦେ॒ଵା ଋଷ॑ୟୋ॒ ୟେନ॑ ପ୍ରା॒ଣାଃ ।
ଅ॒ଦ୍ଭ୍ୟୋ ଲୋ॒କା ଦ॑ଧିରେ॒ ତେଜ॑ ଇନ୍ଦ୍ରି॒ୟମ୍ ।
ଶୁ॒କ୍ରା ଦୀ॒କ୍ଷାୟୈ॒ ତପ॑ସୋ ଵି॒ମୋଚ॑ନୀଃ ।
ଆପୋ॑ ଵିମୋ॒କ୍ତ୍ରୀ ର୍ମୟି॒ ତେଜ॑ ଇନ୍ଦ୍ରି॒ୟମ୍ ॥
ଅ॒ପା-ମ୍ପୁଷ୍ପ॑ମ॒ସ୍ୟୋ-ଷ॑ଧୀନା॒ଗ୍​ମ୍॒ ରସଃ॑ । ସୋମ॑ସ୍ୟ ପ୍ରି॒ୟ-ନ୍ଧାମ॑ ॥ 127 ॥

ଅ॒ଗ୍ନେଃ ପ୍ରି॒ୟତ॑ମଗ୍​ମ୍ ହ॒ଵି-ସ୍ସ୍ଵାହା᳚ ॥ ଅ॒ପା-ମ୍ପୁଷ୍ପ॑-ମ॒ସ୍ୟୋଷ॑ଧୀନା॒ଗ୍​ମ୍॒ ରସଃ॑ ।
ସୋମ॑ସ୍ୟ ପ୍ରି॒ୟ-ନ୍ଧାମ॑ । ଇନ୍ଦ୍ର॑ସ୍ୟ ପ୍ରି॒ୟତ॑ମଗ୍​ମ୍ ହ॒ଵି-ସ୍ସ୍ଵାହା᳚ । ଅ॒ପା-ମ୍ପୁଷ୍ପ॑ମ॒ସ୍ୟୋ-ଷ॑ଧୀନା॒ଗ୍​ମ୍॒ ରସଃ॑ । ସୋମ॑ସ୍ୟ ପ୍ରି॒ୟ-ନ୍ଧାମ॑ ।
ଵିଶ୍ଵେ॑ଷା-ନ୍ଦେ॒ଵାନା᳚-ମ୍ପ୍ରି॒ୟତ॑ମଗ୍​ମ୍ ହ॒ଵି-ସ୍ସ୍ଵାହା᳚ ॥ ଵ॒ୟଗ୍​ମ୍ ସୋ॑ମ ଵ୍ର॒ତେ ତଵ॑ ।
ମନ॑ସ୍ତ॒ନୂଷୁ॒ ପିପ୍ର॑ତଃ । ପ୍ର॒ଜାଵ॑ନ୍ତୋ ଅଶୀମହି ॥ 128 ॥

ଦେ॒ଵେଭ୍ୟଃ॑ ପି॒ତୃଭ୍ୟ॒-ସ୍ସ୍ଵାହା᳚ । ସୋ॒ମ୍ୟେଭ୍ୟଃ॑ ପି॒ତୃଭ୍ୟ॒-ସ୍ସ୍ଵାହା᳚ । କ॒ଵ୍ୟେଭ୍ୟଃ॑ ପି॒ତୃଭ୍ୟ॒-ସ୍ସ୍ଵାହା᳚ ॥ ଦେଵା॑ସ ଇ॒ହ ମା॑ଦୟଦ୍ଧ୍ଵମ୍ ।
ସୋମ୍ୟା॑ସ ଇ॒ହ ମା॑ଦୟଦ୍ଧ୍ଵମ୍ । କଵ୍ୟା॑ସ ଇ॒ହ ମା॑ଦୟଦ୍ଧ୍ଵମ୍ ॥ ଅନ॑ନ୍ତରିତାଃ ପି॒ତର॑-ସ୍ସୋ॒ମ୍ୟା-ସ୍ସୋ॑ମପୀ॒ଥାତ୍ ॥ ଅପୈ॑ତୁ ମୃ॒ତ୍ୟୁର॒ମୃତ॑-ନ୍ନ॒ ଆଗନ୍ନ୍॑ । ଵୈ॒ଵ॒ସ୍ଵ॒ତୋ ନୋ॒ ଅଭ॑ୟ-ଙ୍କୃଣୋତୁ ।
ପ॒ର୍ଣଂ-ଵଁନ॒ସ୍ପତେ॑ରିଵ ॥ 129 ॥

ଅ॒ଭି ନ॑-ଶ୍ଶୀୟତାଗ୍​ମ୍ ର॒ୟିଃ । ସଚ॑ତା-ନ୍ନ॒-ଶ୍ଶଚୀ॒ପତିଃ॑ ॥ ପର॑-ମ୍ମୃତ୍ୟୋ॒ ଅନୁ॒ପରେ॑ହି॒ ପନ୍ଥା᳚ମ୍ । ୟସ୍ତେ॒ ସ୍ଵ ଇତ॑ରୋ ଦେଵ॒ୟାନା᳚ତ୍ । ଚକ୍ଷୁ॑ଷ୍ମତେ ଶୃଣ୍ଵ॒ତେ ତେ᳚ ବ୍ରଵୀମି । ମା ନଃ॑ ପ୍ର॒ଜାଗ୍​ମ୍ ରୀ॑ରିଷୋ॒ ମୋତ ଵୀ॒ରାନ୍ ॥ ଇ॒ଦମୂ॒ ନୁ ଶ୍ରେୟୋ॑-ଽଵ॒ସାନ॒-ମାଗ॑ନ୍ମ । ୟଦ୍ଗୋ॒ଜି-ଦ୍ଧ॑ନ॒ଜି-ଦ॑ଶ୍ଵ॒ଜିଦ୍ୟତ୍ ।
ପ॒ର୍ଣଂ-ଵଁନ॒ସ୍ପତେ॑ରିଵ । ଅ॒ଭି ନ॑-ଶ୍ଶୀୟତାଗ୍​ମ୍ ର॒ୟିଃ । ସଚ॑ତା-ନ୍ନ॒-ଶ୍ଶଚୀ॒ପତିଃ॑ ॥ 130 ॥
(ଵନ॒ସ୍ପତା॑ଵ॒ଦ୍ଭ୍ୟୋ ଲୋ॒କା ଦ॑ଧିରେ॒ ତେଜ॑ ଇନ୍ଦ୍ରି॒ୟ-ନ୍ଧାମା॑ - ଶୀମହୀ - ଵା॒ - ଭି ନ॑-ଶ୍ଶୀୟତାଗ୍​ମ୍ ର॒ୟିରେକ॑-ଞ୍ଚ) (ଅ. 14)

(ସର୍ଵା॒ନ୍॒. - ୟ-ଦ୍ଵିଷ୍ଷ॑ଣ୍ଣେନ॒ - ଵି ଵୈ - ୟାଃ ପୁ॒ରସ୍ତା॒-ଦ୍- ଦେଵା॑ ଦେ॒ଵେଷୁ॒ - ପରି॑ସ୍ତଣିତ॒ - ସକ୍ଷେ॒ଦଂ - ଁୟଦ॒ସ୍ୟ ପା॒ରେ॑ - ଽନା॒ଗସ॒ - ଉଦ॑ସ୍ତା-ମ୍ଫ୍ସୀ॒-ଦ୍- ବ୍ରହ୍ମ॑ ପ୍ରତି॒ଷ୍ଠା - ୟ-ଦ୍ଦେ॑ଵ॒ - ୟତ୍ତେ॒ ଗ୍ରାଵ.ଣ୍ଣା॒ - ୟ-ଦ୍ଦି॑ଦୀ॒କ୍ଷେ ଚତୁ॑ର୍ଦଶ)

(ସର୍ଵା॒ନ୍ - ଭୂତି॑ମେ॒ଵ - ୟାମେ॒ଵାଫ୍ସ୍ଵାହୁ॑ତିମ୍ - ଁଵ୍ର॒ତାନାଂ᳚ - ପର୍ଣଵ॒ଲ୍କଃ - ସୋ॒ମ୍ୟାନା॑ - ମ॒ସ୍ମିନ୍. ୟ॒ଜ୍ଞେ - ଽଗ୍ନେ॒ ୟୋ ନୋ॒ - ଜ୍ୟୋଗ୍ଜୀ॒ଵାଃ - ପ॒ରୋର॑ଜାସ୍ତେ॒ - ପ୍ର ତେ॑ ମ॒ହେ - ବ୍ରହ୍ମ॑ ପ୍ରତି॒ଷ୍ଠା - ଗାର୍​ହ॑ପତ୍ୟା ସ୍ତ୍ରି॒ଗ୍​ମ୍॒ଶଦୁ॑ତ୍ତରଶ॒ତଂ)

(ସର୍ଵା॒ନ୍॒. ଵୈ - ଶଚୀ॒ପତିଃ॑)

॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ବ୍ରାହ୍ମଣେ ତୃତୀୟାଷ୍ଟକେ ସପ୍ତମଃ ପ୍ରପାଠକ-ସ୍ସମାପ୍ତଃ ॥