Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌉𑌦𑍍𑌧𑌵𑌗𑍀𑌤𑌾 - 𑌦𑌶𑌮𑍋𑌽𑌧𑍍𑌯𑌾𑌯𑌃

𑌅𑌥 𑌦𑌶𑌮𑍋𑌽𑌧𑍍𑌯𑌾𑌯𑌃 ।

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌮𑌯𑌾 𑌉𑌦𑌿𑌤𑍇𑌷𑍁 𑌅𑌵𑌹𑌿𑌤𑌃 𑌸𑍍𑌵𑌧𑌰𑍍𑌮𑍇𑌷𑍁 𑌮𑌦𑌾𑌶𑍍𑌰𑌯𑌃 ।
𑌵𑌰𑍍𑌣𑌾𑌶𑍍𑌰𑌮𑌕𑍁𑌲 𑌆𑌚𑌾𑌰𑌂 𑌅𑌕𑌾𑌮𑌾𑌤𑍍𑌮𑌾 𑌸𑌮𑌾𑌚𑌰𑍇𑌤𑍍 ॥ 1॥

𑌅𑌨𑍍𑌵𑍀𑌕𑍍𑌷𑍇𑌤 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌦𑍇𑌹𑌿𑌨𑌾𑌂 𑌵𑌿𑌷𑌯𑌾𑌤𑍍𑌮𑌨𑌾𑌮𑍍 ।
𑌗𑍁𑌣𑍇𑌷𑍁 𑌤𑌤𑍍𑌤𑍍𑌵𑌧𑍍𑌯𑌾𑌨𑍇𑌨 𑌸𑌰𑍍𑌵𑌾𑌰𑌂𑌭𑌵𑌿𑌪𑌰𑍍𑌯𑌯𑌮𑍍 ॥ 2॥

𑌸𑍁𑌪𑍍𑌤𑌸𑍍𑌯 𑌵𑌿𑌷𑌯𑌾𑌲𑍋𑌕𑌃 𑌧𑍍𑌯𑌾𑌯𑌤𑌃 𑌵𑌾 𑌮𑌨𑍋𑌰𑌥𑌃 ।
𑌨𑌾𑌨𑌾𑌮𑌕𑌤𑍍𑌵𑌾𑌤𑍍 𑌵𑌿𑌫𑌲𑌃 𑌤𑌥𑌾 𑌭𑍇𑌦𑌾𑌤𑍍𑌮𑌦𑍀𑌃 𑌗𑍁𑌣𑍈𑌃 ॥ 3॥

𑌨𑌿𑌵𑍃𑌤𑍍𑌤𑌂 𑌕𑌰𑍍𑌮 𑌸𑍇𑌵𑍇𑌤 𑌪𑍍𑌰𑌵𑍃𑌤𑍍𑌤𑌂 𑌮𑌤𑍍𑌪𑌰𑌃 𑌤𑍍𑌯𑌜𑍇𑌤𑍍 ।
𑌜𑌿𑌜𑍍𑌞𑌾𑌸𑌾𑌯𑌾𑌂 𑌸𑌂𑌪𑍍𑌰𑌵𑍃𑌤𑍍𑌤𑌃 𑌨 𑌅𑌦𑍍𑌰𑌿𑌯𑍇𑌤𑍍 𑌕𑌰𑍍𑌮 𑌚𑍋𑌦𑌨𑌾𑌮𑍍 ॥ 4॥

𑌯𑌮𑌾𑌨𑌭𑍀𑌕𑍍𑌷𑍍𑌣𑌂 𑌸𑍇𑌵𑍇𑌤 𑌨𑌿𑌯𑌮𑌾𑌨𑍍 𑌮𑌤𑍍𑌪𑌰𑌃 𑌕𑍍𑌵𑌚𑌿𑌤𑍍 ।
𑌮𑌦𑌭𑌿𑌜𑍍𑌞𑌂 𑌗𑍁𑌰𑌂 𑌶𑌾𑌂𑌤𑌂 𑌉𑌪𑌾𑌸𑍀𑌤 𑌮𑌦𑌾𑌤𑍍𑌮𑌕𑌮𑍍 ॥ 5॥

𑌅𑌮𑌾𑌨𑍍𑌯𑌮𑌤𑍍𑌸𑌰𑌃 𑌦𑌕𑍍𑌷𑌃 𑌨𑌿𑌰𑍍𑌮𑌮𑌃 𑌦𑍃𑌢𑌸𑍌𑌹𑍃𑌦𑌃 ।
𑌅𑌸𑌤𑍍𑌵𑌰𑌃 𑌅𑌰𑍍𑌥𑌜𑌿𑌜𑍍𑌞𑌾𑌸𑍁𑌃 𑌅𑌨𑌸𑍂𑌯𑍌𑌃 𑌅𑌮𑍋𑌘𑌵𑌾𑌕𑍍 ॥ 6॥

𑌜𑌾𑌯𑌾𑌪𑌤𑍍𑌯𑌗𑍃𑌹𑌕𑍍𑌷𑍇𑌤𑍍𑌰𑌸𑍍𑌵𑌜𑌨𑌦𑍍𑌰𑌵𑌿𑌣 𑌆𑌦𑌿𑌷𑍁 ।
𑌉𑌦𑌾𑌸𑍀𑌨𑌃 𑌸𑌮𑌂 𑌪𑌶𑍍𑌯𑌨𑍍 𑌸𑌰𑍍𑌵𑍇𑌷𑍁 𑌅𑌰𑍍𑌥𑌂 𑌇𑌵 𑌆𑌤𑍍𑌮𑌨𑌃 ॥ 𑍭॥

𑌵𑌿𑌲𑌕𑍍𑌷𑌣𑌃 𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌾𑌤𑍍 𑌦𑍇𑌹𑌾𑌤𑍍 𑌆𑌤𑍍𑌮𑍇𑌕𑍍𑌷𑌿𑌤𑌾 𑌸𑍍𑌵𑌦𑍃𑌕𑍍 ।
𑌯𑌥𑌾𑌗𑍍𑌨𑌿𑌃 𑌦𑌾𑌰𑍁𑌣𑌃 𑌦𑌾𑌹𑍍𑌯𑌾𑌤𑍍 𑌦𑌾𑌹𑌕𑌃 𑌅𑌨𑍍𑌯𑌃 𑌪𑍍𑌰𑌕𑌾𑌶𑌕𑌃 ॥ 𑍮॥

𑌨𑌿𑌰𑍋𑌧 𑌉𑌤𑍍𑌪𑌤𑍍𑌤𑌿 𑌅𑌣𑍁 𑌬𑍃𑌹𑌨𑍍 𑌨𑌾𑌨𑌾𑌤𑍍𑌵𑌂 𑌤𑌤𑍍𑌕𑍃𑌤𑌾𑌨𑍍 𑌗𑍁𑌣𑌾𑌨𑍍 ।
𑌅𑌂𑌤𑌃 𑌪𑍍𑌰𑌵𑌿𑌷𑍍𑌟𑌃 𑌆𑌧𑌤𑍍𑌤𑌃 𑌏𑌵𑌂 𑌦𑍇𑌹𑌗𑍁𑌣𑌾𑌨𑍍 𑌪𑌰𑌃 ॥ 𑍯॥

𑌯𑌃 𑌅𑌸𑍌 𑌗𑍁𑌣𑍈𑌃 𑌵𑌿𑌰𑌚𑌿𑌤𑌃 𑌦𑍇𑌹𑌃 𑌅𑌯𑌂 𑌪𑍁𑌰𑍁𑌷𑌸𑍍𑌯 𑌹𑌿 ।
𑌸𑌂𑌸𑌾𑌰𑌃 𑌤𑌤𑍍 𑌨𑌿𑌬𑌂𑌧𑌃 𑌅𑌯𑌂 𑌪𑍁𑌂𑌸𑌃 𑌵𑌿𑌦𑍍𑌯𑌾𑌤𑍍 𑌛𑌿𑌦𑌾𑌤𑍍𑌮𑌨𑌃 ॥ 10॥

𑌤𑌸𑍍𑌮𑌾𑌤𑍍 𑌜𑌿𑌜𑍍𑌞𑌾𑌸𑌯𑌾 𑌆𑌤𑍍𑌮𑌾𑌨𑌂 𑌆𑌤𑍍𑌮𑌸𑍍𑌥𑌂 𑌪𑌰𑌮𑍍 ।
𑌸𑌂𑌗𑌮𑍍𑌯 𑌨𑌿𑌰𑌸𑍇𑌤𑍍 𑌏𑌤𑌤𑍍 𑌵𑌸𑍍𑌤𑍁𑌬𑍁𑌦𑍍𑌧𑌿𑌂 𑌯𑌥𑌾𑌕𑍍𑌰𑌮𑌮𑍍 ॥ 11॥

𑌆𑌚𑌾𑌰𑍍𑌯𑌃 𑌅𑌰𑌣𑌿𑌃 𑌆𑌦𑍍𑌯𑌃 𑌸𑍍𑌯𑌾𑌤𑍍 𑌅𑌂𑌤𑍇𑌵𑌾𑌸𑌿 𑌉𑌤𑍍𑌤𑌰 𑌅𑌰𑌣𑌿𑌃 ।
𑌤𑌤𑍍 𑌸𑌂𑌧𑌾𑌨𑌂 𑌪𑍍𑌰𑌵𑌚𑌨𑌂 𑌵𑌿𑌦𑍍𑌯𑌾 𑌸𑌂𑌧𑌿𑌃 𑌸𑍁𑌖𑌾𑌵𑌹𑌃 ॥ 12॥

𑌵𑍈𑌶𑌾𑌰𑌦𑍀 𑌸𑌾 𑌅𑌤𑌿𑌵𑌿𑌶𑍁𑌦𑍍𑌧𑌬𑍁𑌦𑍍𑌧𑌿𑌃
𑌧𑍁𑌨𑍋𑌤𑌿 𑌮𑌾𑌯𑌾𑌂 𑌗𑍁𑌣𑌸𑌂𑌪𑍍𑌰𑌸𑍂𑌤𑌾𑌮𑍍 ।
𑌗𑍁𑌣𑌾𑌨𑍍 𑌚 𑌸𑌂𑌦𑌹𑍍𑌯 𑌯𑌤𑍍 𑌆𑌤𑍍𑌮𑌂 𑌏𑌤𑌤𑍍
𑌸𑍍𑌵𑌯𑌂 𑌚 𑌶𑌾𑌮𑍍𑌯𑌤𑌿 𑌅𑌸𑌮𑌿𑌦𑍍 𑌯𑌥𑌾 𑌅𑌗𑍍𑌨𑌿𑌃 ॥ 13॥

𑌅𑌥 𑌏𑌷𑌾𑌂 𑌕𑌰𑍍𑌮𑌕𑌰𑍍𑌤𑍄𑌣𑌾𑌂 𑌭𑍋𑌕𑍍𑌤𑍄𑌣𑌾𑌂 𑌸𑍁𑌖𑌦𑍁𑌃𑌖𑌯𑍋𑌃 ।
𑌨𑌾𑌨𑌾𑌤𑍍𑌵𑌂 𑌅𑌥 𑌨𑌿𑌤𑍍𑌯𑌤𑍍𑌵𑌂 𑌲𑍋𑌕𑌕𑌾𑌲𑌾𑌗𑌮 𑌆𑌤𑍍𑌮𑌨𑌾𑌮𑍍 ॥ 14॥

𑌮𑌨𑍍𑌯𑌸𑍇 𑌸𑌰𑍍𑌵𑌭𑌾𑌵𑌾𑌨𑌾𑌂 𑌸𑌂𑌸𑍍𑌥𑌾 𑌹𑌿 𑌔𑌤𑍍𑌪𑌤𑍍𑌤𑌿𑌕𑍀 𑌯𑌥𑌾 ।
𑌤𑌤𑍍 𑌤𑌤𑍍 𑌆𑌕𑍃𑌤𑌿𑌭𑍇𑌦𑍇𑌨 𑌜𑌾𑌯𑌤𑍇 𑌭𑌿𑌦𑍍𑌯𑌤𑍇 𑌚 𑌧𑍀𑌃 ॥ 15॥

𑌏𑌵𑌂 𑌅𑌪𑌿 𑌅𑌂𑌗 𑌸𑌰𑍍𑌵𑍇𑌷𑌾𑌂 𑌦𑍇𑌹𑌿𑌨𑌾𑌂 𑌦𑍇𑌹𑌯𑍋𑌗𑌤𑌃 ।
𑌕𑌾𑌲 𑌅𑌵𑌯𑌵𑌤𑌃 𑌸𑌂𑌤𑌿 𑌭𑌾𑌵𑌾 𑌜𑌨𑍍𑌮𑌾𑌦𑌯𑍋𑌃 𑌅𑌸𑌕𑍃𑌤𑍍 ॥ 16॥

𑌅𑌤𑍍𑌰 𑌅𑌪𑌿 𑌕𑌰𑍍𑌮𑌣𑌾𑌂 𑌕𑌰𑍍𑌤𑍁𑌃 𑌅𑌸𑍍𑌵𑌾𑌤𑌂𑌤𑍍𑌰𑍍𑌯𑌂 𑌚 𑌲𑌕𑍍𑌷𑍍𑌯𑌤𑍇 ।
𑌭𑍋𑌕𑍍𑌤𑍁𑌃 𑌚 𑌦𑍁𑌃𑌖𑌸𑍁𑌖𑌯𑍋𑌃 𑌕𑌃 𑌅𑌨𑍍𑌵𑌰𑍍𑌥𑌃 𑌵𑌿𑌵𑌶𑌂 𑌭𑌜𑍇𑌤𑍍 ॥ 1𑍭॥

𑌨 𑌦𑍇𑌹𑌿𑌨𑌾𑌂 𑌸𑍁𑌖𑌂 𑌕𑌿𑌂𑌚𑌿𑌤𑍍 𑌵𑌿𑌦𑍍𑌯𑌤𑍇 𑌵𑌿𑌦𑍁𑌷𑌾𑌂 𑌅𑌪𑌿 ।
𑌤𑌥𑌾 𑌚 𑌦𑍁𑌃𑌖𑌂 𑌮𑍂𑌢𑌾𑌨𑌾𑌂 𑌵𑍃𑌥𑌾 𑌅𑌹𑌂𑌕𑌰𑌣𑌂 𑌪𑌰𑌮𑍍 ॥ 1𑍮॥

𑌯𑌦𑌿 𑌪𑍍𑌰𑌾𑌪𑍍𑌤𑌿𑌂 𑌵𑌿𑌘𑌾𑌤𑌂 𑌚 𑌜𑌾𑌨𑌂𑌤𑌿 𑌸𑍁𑌖𑌦𑍁𑌃𑌖𑌯𑍋𑌃 ।
𑌤𑍇 𑌅𑌪𑌿 𑌅𑌦𑍍𑌧𑌾 𑌨 𑌵𑌿𑌦𑍁𑌃 𑌯𑍋𑌗𑌂 𑌮𑍃𑌤𑍍𑌯𑍁𑌃 𑌨 𑌪𑍍𑌰𑌭𑌵𑍇𑌤𑍍 𑌯𑌥𑌾 ॥ 1𑍯॥

𑌕𑌃 𑌅𑌨𑍍𑌵𑌰𑍍𑌥𑌃 𑌸𑍁𑌖𑌯𑌤𑌿 𑌏𑌨𑌂 𑌕𑌾𑌮𑌃 𑌵𑌾 𑌮𑍃𑌤𑍍𑌯𑍁𑌃 𑌅𑌂𑌤𑌿𑌕𑍇 ।
𑌆𑌘𑌾𑌤𑌂 𑌨𑍀𑌯𑌮𑌾𑌨𑌸𑍍𑌯 𑌵𑌧𑍍𑌯𑌸𑌿 𑌏𑌵 𑌨 𑌤𑍁𑌷𑍍𑌟𑌿𑌦𑌃 ॥ 20॥

𑌶𑍍𑌰𑍁𑌤𑌂 𑌚 𑌦𑍃𑌷𑍍𑌟𑌵𑌤𑍍 𑌦𑍁𑌷𑍍𑌟𑌂 𑌸𑍍𑌪𑌰𑍍𑌧𑌾 𑌅𑌸𑍂𑌯𑌾 𑌅𑌤𑍍𑌯𑌯𑌵𑍍𑌯𑌯𑍈𑌃 ।
𑌬𑌹𑍁 𑌅𑌂𑌤𑌰𑌾𑌯 𑌕𑌾𑌮𑌤𑍍𑌵𑌾𑌤𑍍 𑌕𑍃𑌷𑌿𑌵𑌤𑍍 𑌚 𑌅𑌪𑌿 𑌨𑌿𑌷𑍍𑌫𑌲𑌮𑍍 ॥ 21॥

𑌅𑌂𑌤𑌰𑌾𑌯𑍈𑌃 𑌅𑌵𑌿𑌹𑌤𑌃 𑌯𑌦𑌿 𑌧𑌰𑍍𑌮𑌃 𑌸𑍍𑌵𑌨𑍁𑌷𑍍𑌠𑌿𑌤𑌃 ।
𑌤𑍇𑌨𑌾𑌪𑌿 𑌨𑌿𑌰𑍍𑌜𑌿𑌤𑌂 𑌸𑍍𑌥𑌾𑌨𑌂 𑌯𑌥𑌾 𑌗𑌚𑍍𑌛𑌤𑌿 𑌤𑌤𑍍 𑌶𑍍𑌰𑍁𑌣𑍁 ॥ 22॥

𑌇𑌷𑍍𑌤𑍍𑌵𑌾 𑌇𑌹 𑌦𑍇𑌵𑌤𑌾𑌃 𑌯𑌜𑍍𑌞𑍈𑌃 𑌸𑍍𑌵𑌰𑍍𑌲𑍋𑌕𑌂 𑌯𑌾𑌤𑌿 𑌯𑌾𑌜𑍍𑌞𑌿𑌕𑌃 ।
𑌭𑍁𑌂𑌜𑍀𑌤 𑌦𑍇𑌵𑌵𑌤𑍍 𑌤𑌤𑍍𑌰 𑌭𑍋𑌗𑌾𑌨𑍍 𑌦𑌿𑌵𑍍𑌯𑌾𑌨𑍍 𑌨𑌿𑌜 𑌅𑌰𑍍𑌜𑌿𑌤𑌾𑌨𑍍 ॥ 23॥

𑌸𑍍𑌵𑌪𑍁𑌣𑍍𑌯 𑌉𑌪𑌚𑌿𑌤𑍇 𑌶𑍁𑌭𑍍𑌰𑍇 𑌵𑌿𑌮𑌾𑌨𑌃 𑌉𑌪𑌗𑍀𑌯𑌤𑍇 ।
𑌗𑌂𑌧𑌰𑍍𑌵𑍈𑌃 𑌵𑌿𑌹𑌰𑌨𑍍𑌮𑌧𑍍𑌯𑍇 𑌦𑍇𑌵𑍀𑌨𑌾𑌂 𑌹𑍃𑌦𑍍𑌯𑌵𑍇𑌷𑌧𑍃𑌕𑍍 ॥ 24॥

𑌸𑍍𑌤𑍍𑌰𑍀𑌭𑌿𑌃 𑌕𑌾𑌮𑌗𑌯𑌾𑌨𑍇𑌨 𑌕𑌿𑌂𑌕𑌿𑌣𑍀𑌜𑌾𑌲𑌮𑌾𑌲𑌿𑌨𑌾 ।
𑌕𑍍𑌰𑍀𑌡𑌨𑍍 𑌨 𑌵𑍇𑌦 𑌆𑌤𑍍𑌮𑌪𑌾𑌤𑌂 𑌸𑍁𑌰𑌾𑌕𑍍𑌰𑍀𑌡𑍇𑌷𑍁 𑌨𑌿𑌰𑍍𑌵𑍃𑌤𑌃 ॥ 25॥

𑌤𑌾𑌵𑌤𑍍 𑌪𑍍𑌰𑌮𑍋𑌦𑌤𑍇 𑌸𑍍𑌵𑌰𑍍𑌗𑍇 𑌯𑌾𑌵𑌤𑍍 𑌪𑍁𑌣𑍍𑌯𑌂 𑌸𑌮𑌾𑌪𑍍𑌯𑌤𑍇 ।
𑌕𑍍𑌷𑍀𑌣𑌪𑍁𑌣𑍍𑌯𑌃 𑌪𑌤𑌤𑌿 𑌅𑌰𑍍𑌵𑌾𑌕𑍍 𑌅𑌨𑌿𑌚𑍍𑌛𑌨𑍍 𑌕𑌾𑌲𑌚𑌾𑌲𑌿𑌤𑌃 ॥ 26॥

𑌯𑌦𑌿 𑌅𑌧𑌰𑍍𑌮𑌰𑌤𑌃 𑌸𑌂𑌗𑌾𑌤𑍍 𑌅𑌸𑌤𑌾𑌂 𑌵𑌾 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌕𑌾𑌮𑌾𑌤𑍍𑌮𑌾 𑌕𑍃𑌪𑌣𑌃 𑌲𑍁𑌬𑍍𑌧𑌃 𑌸𑍍𑌤𑍍𑌰𑍈𑌣𑌃 𑌭𑍂𑌤𑌵𑌿𑌹𑌿𑌂𑌸𑌕𑌃 ॥ 2𑍭॥

𑌪𑌶𑍂𑌨𑍍 𑌅𑌵𑌿𑌧𑌿𑌨𑌾 𑌆𑌲𑌭𑍍𑌯 𑌪𑍍𑌰𑍇𑌤𑌭𑍂𑌤𑌗𑌣𑌾𑌨𑍍 𑌯𑌜𑌨𑍍 ।
𑌨𑌰𑌕𑌾𑌨𑍍 𑌅𑌵𑌶𑌃 𑌜𑌂𑌤𑍁𑌃 𑌗𑌤𑍍𑌵𑌾 𑌯𑌾𑌤𑌿 𑌉𑌲𑍍𑌬𑌣𑌂 𑌤𑌮𑌃 ॥ 2𑍮॥

𑌕𑌰𑍍𑌮𑌾𑌣𑌿 𑌦𑍁𑌃𑌖 𑌉𑌦𑌰𑍍𑌕𑌾𑌣𑌿 𑌕𑍁𑌰𑍍𑌵𑌨𑍍 𑌦𑍇𑌹𑍇𑌨 𑌤𑍈𑌃 𑌪𑍁𑌨𑌃 ।
𑌦𑍇𑌹𑌂 𑌆𑌭𑌜𑌤𑍇 𑌤𑌤𑍍𑌰 𑌕𑌿𑌂 𑌸𑍁𑌖𑌂 𑌮𑌰𑍍𑌤𑍍𑌯𑌧𑌰𑍍𑌮𑌿𑌣𑌃 ॥ 2𑍯॥

𑌲𑍋𑌕𑌾𑌨𑌾𑌂 𑌲𑍋𑌕 𑌪𑌾𑌲𑌾𑌨𑌾𑌂 𑌮𑌦𑍍𑌭𑌯𑌂 𑌕𑌲𑍍𑌪𑌜𑍀𑌵𑌿𑌨𑌾𑌮𑍍 ।
𑌬𑍍𑌰𑌹𑍍𑌮𑌣𑌃 𑌅𑌪𑌿 𑌭𑌯𑌂 𑌮𑌤𑍍𑌤𑌃 𑌦𑍍𑌵𑌿𑌪𑌰𑌾𑌧𑌪𑌰 𑌆𑌯𑍁𑌷𑌃 ॥ 30॥

𑌗𑍁𑌣𑌾𑌃 𑌸𑍃𑌜𑌂𑌤𑌿 𑌕𑌰𑍍𑌮𑌾𑌣𑌿 𑌗𑍁𑌣𑌃 𑌅𑌨𑍁𑌸𑍃𑌜𑌤𑍇 𑌗𑍁𑌣𑌾𑌨𑍍 ।
𑌜𑍀𑌵𑌃 𑌤𑍁 𑌗𑍁𑌣𑌸𑌂𑌯𑍁𑌕𑍍𑌤𑌃 𑌭𑍁𑌂𑌕𑍍𑌤𑍇 𑌕𑌰𑍍𑌮𑌫𑌲𑌾𑌨𑌿 𑌅𑌸𑍌 ॥ 31॥

𑌯𑌾𑌵𑌤𑍍 𑌸𑍍𑌯𑌾𑌤𑍍 𑌗𑍁𑌣𑌵𑍈𑌷𑌮𑍍𑌯𑌂 𑌤𑌾𑌵𑌤𑍍 𑌨𑌾𑌨𑌾𑌤𑍍𑌵𑌂 𑌆𑌤𑍍𑌮𑌨𑌃 ।
𑌨𑌾𑌨𑌾𑌤𑍍𑌵𑌂 𑌆𑌤𑍍𑌮𑌨𑌃 𑌯𑌾𑌵𑌤𑍍 𑌪𑌾𑌰𑌤𑌂𑌤𑍍𑌰𑍍𑌯𑌂 𑌤𑌦𑌾 𑌏𑌵 𑌹𑌿 ॥ 32॥

𑌯𑌾𑌵𑌤𑍍 𑌅𑌸𑍍𑌯 𑌅𑌸𑍍𑌵𑌤𑌂𑌤𑍍𑌰𑌤𑍍𑌵𑌂 𑌤𑌾𑌵𑌤𑍍 𑌈𑌶𑍍𑌵𑌰𑌤𑌃 𑌭𑌯𑌮𑍍 ।
𑌯𑌃 𑌏𑌤𑌤𑍍 𑌸𑌮𑍁𑌪𑌾𑌸𑍀𑌰𑌨𑍍 𑌤𑍇 𑌮𑍁𑌹𑍍𑌯𑌂𑌤𑌿 𑌶𑍁𑌚𑌾𑌰𑍍𑌪𑌿𑌤𑌾𑌃 ॥ 33॥

𑌕𑌾𑌲𑌃 𑌆𑌤𑍍𑌮𑌾 𑌆𑌗𑌮𑌃 𑌲𑍋𑌕𑌃 𑌸𑍍𑌵𑌭𑌾𑌵𑌃 𑌧𑌰𑍍𑌮𑌃 𑌏𑌵 𑌚 ।
𑌇𑌤𑌿 𑌮𑌾𑌂 𑌬𑌹𑍁𑌧𑌾 𑌪𑍍𑌰𑌾𑌹𑍁𑌃 𑌗𑍁𑌣𑌵𑍍𑌯𑌤𑌿𑌕𑌰𑍇 𑌸𑌤𑌿 ॥ 34॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌗𑍁𑌣𑍇𑌷𑍁 𑌵𑌰𑍍𑌤𑌮𑌾𑌨𑌃 𑌅𑌪𑌿 𑌦𑍇𑌹𑌜𑍇𑌷𑍁 𑌅𑌨𑌪𑌾𑌵𑍃𑌤𑌾𑌃 ।
𑌗𑍁𑌣𑍈𑌃 𑌨 𑌬𑌧𑍍𑌯𑌤𑍇 𑌦𑍇𑌹𑍀 𑌬𑌧𑍍𑌯𑌤𑍇 𑌵𑌾 𑌕𑌥𑌂 𑌵𑌿𑌭𑍋 ॥ 35॥

𑌕𑌥𑌂 𑌵𑌰𑍍𑌤𑍇𑌤 𑌵𑌿𑌹𑌰𑍇𑌤𑍍 𑌕𑍈𑌃 𑌵𑌾 𑌜𑍍𑌞𑌾𑌯𑍇𑌤 𑌲𑌕𑍍𑌷𑌣𑍈𑌃 ।
𑌕𑌿𑌂 𑌭𑍁𑌂𑌜𑍀𑌤 𑌉𑌤 𑌵𑌿𑌸𑍃𑌜𑍇𑌤𑍍 𑌶𑌯𑍀𑌤 𑌆𑌸𑍀𑌤 𑌯𑌾𑌤𑌿 𑌵𑌾 ॥ 36॥

𑌏𑌤𑌤𑍍 𑌅𑌚𑍍𑌯𑍁𑌤 𑌮𑍇 𑌬𑍍𑌰𑍂𑌹𑌿 𑌪𑍍𑌰𑌶𑍍𑌨𑌂 𑌪𑍍𑌰𑌶𑍍𑌨𑌵𑌿𑌦𑌾𑌂 𑌵𑌰 ।
𑌨𑌿𑌤𑍍𑌯𑌮𑍁𑌕𑍍𑌤𑌃 𑌨𑌿𑌤𑍍𑌯𑌬𑌦𑍍𑌧𑌃 𑌏𑌕𑌃 𑌏𑌵 𑌇𑌤𑌿 𑌮𑍇 𑌭𑍍𑌰𑌮𑌃 ॥ 3𑍭॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌦𑌶𑌮𑍋𑌽𑌧𑍍𑌯𑌾𑌯𑌃 ॥


Browse Related Categories: