Narayaniyam Dashaka 65 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 65 - 𑌗𑍋𑌪𑌿𑌕𑌾𑌨𑌾𑌂 𑌭𑌗𑌵𑌤𑍍𑌸𑌾𑌮𑍀𑌪𑍍𑌯𑌪𑍍𑌰𑌾𑌪𑍍𑌤𑌿𑌃

𑌗𑍋𑌪𑍀𑌜𑌨𑌾𑌯 𑌕𑌥𑌿𑌤𑌂 𑌨𑌿𑌯𑌮𑌾𑌵𑌸𑌾𑌨𑍇
𑌮𑌾𑌰𑍋𑌤𑍍𑌸𑌵𑌂 𑌤𑍍𑌵𑌮𑌥 𑌸𑌾𑌧𑌯𑌿𑌤𑍁𑌂 𑌪𑍍𑌰𑌵𑍃𑌤𑍍𑌤𑌃 ।
𑌸𑌾𑌂𑌦𑍍𑌰𑍇𑌣 𑌚𑌾𑌂𑌦𑍍𑌰𑌮𑌹𑌸𑌾 𑌶𑌿𑌶𑌿𑌰𑍀𑌕𑍃𑌤𑌾𑌶𑍇
𑌪𑍍𑌰𑌾𑌪𑍂𑌰𑌯𑍋 𑌮𑍁𑌰𑌲𑌿𑌕𑌾𑌂 𑌯𑌮𑍁𑌨𑌾𑌵𑌨𑌾𑌂𑌤𑍇 ॥1॥

𑌸𑌮𑍍𑌮𑍂𑌰𑍍𑌛𑌨𑌾𑌭𑌿𑌰𑍁𑌦𑌿𑌤𑌸𑍍𑌵𑌰𑌮𑌂𑌡𑌲𑌾𑌭𑌿𑌃
𑌸𑌮𑍍𑌮𑍂𑌰𑍍𑌛𑌯𑌂𑌤𑌮𑌖𑌿𑌲𑌂 𑌭𑍁𑌵𑌨𑌾𑌂𑌤𑌰𑌾𑌲𑌮𑍍 ।
𑌤𑍍𑌵𑌦𑍍𑌵𑍇𑌣𑍁𑌨𑌾𑌦𑌮𑍁𑌪𑌕𑌰𑍍𑌣𑍍𑌯 𑌵𑌿𑌭𑍋 𑌤𑌰𑍁𑌣𑍍𑌯-
𑌸𑍍𑌤𑌤𑍍𑌤𑌾𑌦𑍃𑌶𑌂 𑌕𑌮𑌪𑌿 𑌚𑌿𑌤𑍍𑌤𑌵𑌿𑌮𑍋𑌹𑌮𑌾𑌪𑍁𑌃 ॥2॥

𑌤𑌾 𑌗𑍇𑌹𑌕𑍃𑌤𑍍𑌯𑌨𑌿𑌰𑌤𑌾𑌸𑍍𑌤𑌨𑌯𑌪𑍍𑌰𑌸𑌕𑍍𑌤𑌾𑌃
𑌕𑌾𑌂𑌤𑍋𑌪𑌸𑍇𑌵𑌨𑌪𑌰𑌾𑌶𑍍𑌚 𑌸𑌰𑍋𑌰𑍁𑌹𑌾𑌕𑍍𑌷𑍍𑌯𑌃 ।
𑌸𑌰𑍍𑌵𑌂 𑌵𑌿𑌸𑍃𑌜𑍍𑌯 𑌮𑍁𑌰𑌲𑍀𑌰𑌵𑌮𑍋𑌹𑌿𑌤𑌾𑌸𑍍𑌤𑍇
𑌕𑌾𑌂𑌤𑌾𑌰𑌦𑍇𑌶𑌮𑌯𑌿 𑌕𑌾𑌂𑌤𑌤𑌨𑍋 𑌸𑌮𑍇𑌤𑌾𑌃 ॥3॥

𑌕𑌾𑌶𑍍𑌚𑌿𑌨𑍍𑌨𑌿𑌜𑌾𑌂𑌗𑌪𑌰𑌿𑌭𑍂𑌷𑌣𑌮𑌾𑌦𑌧𑌾𑌨𑌾
𑌵𑍇𑌣𑍁𑌪𑍍𑌰𑌣𑌾𑌦𑌮𑍁𑌪𑌕𑌰𑍍𑌣𑍍𑌯 𑌕𑍃𑌤𑌾𑌰𑍍𑌧𑌭𑍂𑌷𑌾𑌃 ।
𑌤𑍍𑌵𑌾𑌮𑌾𑌗𑌤𑌾 𑌨𑌨𑍁 𑌤𑌥𑍈𑌵 𑌵𑌿𑌭𑍂𑌷𑌿𑌤𑌾𑌭𑍍𑌯-
𑌸𑍍𑌤𑌾 𑌏𑌵 𑌸𑌂𑌰𑍁𑌰𑍁𑌚𑌿𑌰𑍇 𑌤𑌵 𑌲𑍋𑌚𑌨𑌾𑌯 ॥4॥

𑌹𑌾𑌰𑌂 𑌨𑌿𑌤𑌂𑌬𑌭𑍁𑌵𑌿 𑌕𑌾𑌚𑌨 𑌧𑌾𑌰𑌯𑌂𑌤𑍀
𑌕𑌾𑌂𑌚𑍀𑌂 𑌚 𑌕𑌂𑌠𑌭𑍁𑌵𑌿 𑌦𑍇𑌵 𑌸𑌮𑌾𑌗𑌤𑌾 𑌤𑍍𑌵𑌾𑌮𑍍 ।
𑌹𑌾𑌰𑌿𑌤𑍍𑌵𑌮𑌾𑌤𑍍𑌮𑌜𑌘𑌨𑌸𑍍𑌯 𑌮𑍁𑌕𑍁𑌂𑌦 𑌤𑍁𑌭𑍍𑌯𑌂
𑌵𑍍𑌯𑌕𑍍𑌤𑌂 𑌬𑌭𑌾𑌷 𑌇𑌵 𑌮𑍁𑌗𑍍𑌧𑌮𑍁𑌖𑍀 𑌵𑌿𑌶𑍇𑌷𑌾𑌤𑍍 ॥5॥

𑌕𑌾𑌚𑌿𑌤𑍍 𑌕𑍁𑌚𑍇 𑌪𑍁𑌨𑌰𑌸𑌜𑍍𑌜𑌿𑌤𑌕𑌂𑌚𑍁𑌲𑍀𑌕𑌾
𑌵𑍍𑌯𑌾𑌮𑍋𑌹𑌤𑌃 𑌪𑌰𑌵𑌧𑍂𑌭𑌿𑌰𑌲𑌕𑍍𑌷𑍍𑌯𑌮𑌾𑌣𑌾 ।
𑌤𑍍𑌵𑌾𑌮𑌾𑌯𑌯𑍌 𑌨𑌿𑌰𑍁𑌪𑌮𑌪𑍍𑌰𑌣𑌯𑌾𑌤𑌿𑌭𑌾𑌰-
𑌰𑌾𑌜𑍍𑌯𑌾𑌭𑌿𑌷𑍇𑌕𑌵𑌿𑌧𑌯𑍇 𑌕𑌲𑌶𑍀𑌧𑌰𑍇𑌵 ॥6॥

𑌕𑌾𑌶𑍍𑌚𑌿𑌤𑍍 𑌗𑍃𑌹𑌾𑌤𑍍 𑌕𑌿𑌲 𑌨𑌿𑌰𑍇𑌤𑍁𑌮𑌪𑌾𑌰𑌯𑌂𑌤𑍍𑌯-
𑌸𑍍𑌤𑍍𑌵𑌾𑌮𑍇𑌵 𑌦𑍇𑌵 𑌹𑍃𑌦𑌯𑍇 𑌸𑍁𑌦𑍃𑌢𑌂 𑌵𑌿𑌭𑌾𑌵𑍍𑌯 ।
𑌦𑍇𑌹𑌂 𑌵𑌿𑌧𑍂𑌯 𑌪𑌰𑌚𑌿𑌤𑍍𑌸𑍁𑌖𑌰𑍂𑌪𑌮𑍇𑌕𑌂
𑌤𑍍𑌵𑌾𑌮𑌾𑌵𑌿𑌶𑌨𑍍 𑌪𑌰𑌮𑌿𑌮𑌾 𑌨𑌨𑍁 𑌧𑌨𑍍𑌯𑌧𑌨𑍍𑌯𑌾𑌃 ॥𑍭॥

𑌜𑌾𑌰𑌾𑌤𑍍𑌮𑌨𑌾 𑌨 𑌪𑌰𑌮𑌾𑌤𑍍𑌮𑌤𑌯𑌾 𑌸𑍍𑌮𑌰𑌂𑌤𑍍𑌯𑍋
𑌨𑌾𑌰𑍍𑌯𑍋 𑌗𑌤𑌾𑌃 𑌪𑌰𑌮𑌹𑌂𑌸𑌗𑌤𑌿𑌂 𑌕𑍍𑌷𑌣𑍇𑌨 ।
𑌤𑌂 𑌤𑍍𑌵𑌾𑌂 𑌪𑍍𑌰𑌕𑌾𑌶𑌪𑌰𑌮𑌾𑌤𑍍𑌮𑌤𑌨𑍁𑌂 𑌕𑌥𑌂𑌚𑌿-
𑌚𑍍𑌚𑌿𑌤𑍍𑌤𑍇 𑌵𑌹𑌨𑍍𑌨𑌮𑍃𑌤𑌮𑌶𑍍𑌰𑌮𑌮𑌶𑍍𑌨𑍁𑌵𑍀𑌯 ॥𑍮॥

𑌅𑌭𑍍𑌯𑌾𑌗𑌤𑌾𑌭𑌿𑌰𑌭𑌿𑌤𑍋 𑌵𑍍𑌰𑌜𑌸𑍁𑌂𑌦𑌰𑍀𑌭𑌿-
𑌰𑍍𑌮𑍁𑌗𑍍𑌧𑌸𑍍𑌮𑌿𑌤𑌾𑌰𑍍𑌦𑍍𑌰𑌵𑌦𑌨𑌃 𑌕𑌰𑍁𑌣𑌾𑌵𑌲𑍋𑌕𑍀 ।
𑌨𑌿𑌸𑍍𑌸𑍀𑌮𑌕𑌾𑌂𑌤𑌿𑌜𑌲𑌧𑌿𑌸𑍍𑌤𑍍𑌵𑌮𑌵𑍇𑌕𑍍𑌷𑍍𑌯𑌮𑌾𑌣𑍋
𑌵𑌿𑌶𑍍𑌵𑍈𑌕𑌹𑍃𑌦𑍍𑌯 𑌹𑌰 𑌮𑍇 𑌪𑌵𑌨𑍇𑌶 𑌰𑍋𑌗𑌾𑌨𑍍 ॥𑍯॥

Browse Related Categories: