𑌶𑍍𑌰𑍀 𑌕𑍃𑌷𑍍𑌣 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰𑌂

𑌶𑍍𑌰𑍀𑌕𑍃𑌷𑍍𑌣 𑌪𑍍𑌰𑌾𑌰𑍍𑌥𑌨𑌾
𑌮𑍂𑌕𑌂 𑌕𑌰𑍋𑌤𑌿 𑌵𑌾𑌚𑌾𑌲𑌂 𑌪𑌂𑌗𑍁 𑌲𑌂𑌘𑌯𑌤𑍇 𑌗𑌿𑌰𑌿𑌮𑍍।
𑌯𑌤𑍍𑌕𑍃𑌪𑌾 𑌤𑌮𑌹𑌂 𑌵𑌂𑌦𑍇 𑌪𑌰𑌮𑌾𑌨𑌂𑌦 𑌮𑌾𑌧𑌵𑌮𑍍॥
𑌨𑌾𑌹𑌂 𑌵𑌸𑌾𑌮𑌿 𑌵𑍈𑌕𑍁𑌂𑌠𑍇 𑌯𑍋𑌗𑌿𑌨𑌾𑌂 𑌹𑍃𑌦𑌯𑍇 𑌨 𑌚।
𑌮𑌦𑍍𑌭𑌕𑍍𑌤𑌾 𑌯𑌤𑍍𑌰 𑌗𑌾𑌯𑌂𑌤𑌿 𑌤𑌤𑍍𑌰 𑌤𑌿𑌷𑍍𑌠𑌾𑌮𑌿 𑌨𑌾𑌰𑌦॥

𑌅𑌥 𑌶𑍍𑌰𑍀 𑌕𑍃𑌷𑍍𑌣 𑌕𑍃𑌪𑌾 𑌕𑌟𑌾𑌕𑍍𑌷 𑌸𑍍𑌤𑍋𑌤𑍍𑌰 ॥

𑌭𑌜𑍇 𑌵𑍍𑌰𑌜𑍈𑌕𑌮𑌂𑌡𑌨𑌂 𑌸𑌮𑌸𑍍𑌤𑌪𑌾𑌪𑌖𑌂𑌡𑌨𑌂
𑌸𑍍𑌵𑌭𑌕𑍍𑌤𑌚𑌿𑌤𑍍𑌤𑌰𑌂𑌜𑌨𑌂 𑌸𑌦𑍈𑌵 𑌨𑌂𑌦𑌨𑌂𑌦𑌨𑌮𑍍 ।
𑌸𑍁𑌪𑌿𑌚𑍍𑌛𑌗𑍁𑌚𑍍𑌛𑌮𑌸𑍍𑌤𑌕𑌂 𑌸𑍁𑌨𑌾𑌦𑌵𑍇𑌣𑍁𑌹𑌸𑍍𑌤𑌕𑌂
𑌅𑌨𑌂𑌗𑌰𑌂𑌗𑌸𑌾𑌗𑌰𑌂 𑌨𑌮𑌾𑌮𑌿 𑌕𑍃𑌷𑍍𑌣𑌨𑌾𑌗𑌰𑌮𑍍 ॥

𑌮𑌨𑍋𑌜𑌗𑌰𑍍𑌵𑌮𑍋𑌚𑌨𑌂 𑌵𑌿𑌶𑌾𑌲𑌲𑍋𑌲𑌲𑍋𑌚𑌨𑌂
𑌵𑌿𑌧𑍂𑌤𑌗𑍋𑌪𑌶𑍋𑌚𑌨𑌂 𑌨𑌮𑌾𑌮𑌿 𑌪𑌦𑍍𑌮𑌲𑍋𑌚𑌨𑌮𑍍 ।
𑌕𑌰𑌾𑌰𑌵𑌿𑌂𑌦𑌭𑍂𑌧𑌰𑌂 𑌸𑍍𑌮𑌿𑌤𑌾𑌵𑌲𑍋𑌕𑌸𑍁𑌂𑌦𑌰𑌂
𑌮𑌹𑍇𑌂𑌦𑍍𑌰𑌮𑌾𑌨𑌦𑌾𑌰𑌣𑌂 𑌨𑌮𑌾𑌮𑌿 𑌕𑍃𑌷𑍍𑌣 𑌵𑌾𑌰𑌣𑌮𑍍 ॥

𑌕𑌦𑌂𑌬𑌸𑍂𑌨𑌕𑍁𑌂𑌡𑌲𑌂 𑌸𑍁𑌚𑌾𑌰𑍁𑌗𑌂𑌡𑌮𑌂𑌡𑌲𑌂
𑌵𑍍𑌰𑌜𑌾𑌂𑌗𑌨𑍈𑌕𑌵𑌲𑍍𑌲𑌭𑌂 𑌨𑌮𑌾𑌮𑌿 𑌕𑍃𑌷𑍍𑌣𑌦𑍁𑌰𑍍𑌲𑌭𑌮𑍍 ।
𑌯𑌶𑍋𑌦𑌯𑌾 𑌸𑌮𑍋𑌦𑌯𑌾 𑌸𑌗𑍋𑌪𑌯𑌾 𑌸𑌨𑌂𑌦𑌯𑌾
𑌯𑍁𑌤𑌂 𑌸𑍁𑌖𑍈𑌕𑌦𑌾𑌯𑌕𑌂 𑌨𑌮𑌾𑌮𑌿 𑌗𑍋𑌪𑌨𑌾𑌯𑌕𑌮𑍍 ॥

𑌸𑌦𑍈𑌵 𑌪𑌾𑌦𑌪𑌂𑌕𑌜𑌂 𑌮𑌦𑍀𑌯 𑌮𑌾𑌨𑌸𑍇 𑌨𑌿𑌜𑌂
𑌦𑌧𑌾𑌨𑌮𑍁𑌕𑍍𑌤𑌮𑌾𑌲𑌕𑌂 𑌨𑌮𑌾𑌮𑌿 𑌨𑌂𑌦𑌬𑌾𑌲𑌕𑌮𑍍 ।
𑌸𑌮𑌸𑍍𑌤𑌦𑍋𑌷𑌶𑍋𑌷𑌣𑌂 𑌸𑌮𑌸𑍍𑌤𑌲𑍋𑌕𑌪𑍋𑌷𑌣𑌂
𑌸𑌮𑌸𑍍𑌤𑌗𑍋𑌪𑌮𑌾𑌨𑌸𑌂 𑌨𑌮𑌾𑌮𑌿 𑌨𑌂𑌦𑌲𑌾𑌲𑌸𑌮𑍍 ॥

𑌭𑍁𑌵𑍋 𑌭𑌰𑌾𑌵𑌤𑌾𑌰𑌕𑌂 𑌭𑌵𑌾𑌬𑍍𑌧𑌿𑌕𑌰𑍍𑌣𑌧𑌾𑌰𑌕𑌂
𑌯𑌶𑍋𑌮𑌤𑍀𑌕𑌿𑌶𑍋𑌰𑌕𑌂 𑌨𑌮𑌾𑌮𑌿 𑌚𑌿𑌤𑍍𑌤𑌚𑍋𑌰𑌕𑌮𑍍 ।
𑌦𑍃𑌗𑌂𑌤𑌕𑌾𑌂𑌤𑌭𑌂𑌗𑌿𑌨𑌂 𑌸𑌦𑌾 𑌸𑌦𑌾𑌲𑌿𑌸𑌂𑌗𑌿𑌨𑌂
𑌦𑌿𑌨𑍇-𑌦𑌿𑌨𑍇 𑌨𑌵𑌂-𑌨𑌵𑌂 𑌨𑌮𑌾𑌮𑌿 𑌨𑌂𑌦𑌸𑌂𑌭𑌵𑌮𑍍 ॥

𑌗𑍁𑌣𑌾𑌕𑌰𑌂 𑌸𑍁𑌖𑌾𑌕𑌰𑌂 𑌕𑍃𑌪𑌾𑌕𑌰𑌂 𑌕𑍃𑌪𑌾𑌪𑌰𑌂
𑌸𑍁𑌰𑌦𑍍𑌵𑌿𑌷𑌨𑍍𑌨𑌿𑌕𑌂𑌦𑌨𑌂 𑌨𑌮𑌾𑌮𑌿 𑌗𑍋𑌪𑌨𑌂𑌦𑌨𑌮𑍍 ।
𑌨𑌵𑍀𑌨 𑌗𑍋𑌪𑌨𑌾𑌗𑌰𑌂 𑌨𑌵𑍀𑌨𑌕𑍇𑌲𑌿-𑌲𑌂𑌪𑌟𑌂
𑌨𑌮𑌾𑌮𑌿 𑌮𑍇𑌘𑌸𑍁𑌂𑌦𑌰𑌂 𑌤𑌡𑌿𑌤𑍍𑌪𑍍𑌰𑌭𑌾𑌲𑌸𑌤𑍍𑌪𑌟𑌮𑍍 ॥

𑌸𑌮𑌸𑍍𑌤 𑌗𑍋𑌪 𑌮𑍋𑌹𑌨𑌂, 𑌹𑍃𑌦𑌂𑌬𑍁𑌜𑍈𑌕 𑌮𑍋𑌦𑌨𑌂
𑌨𑌮𑌾𑌮𑌿𑌕𑍁𑌂𑌜𑌮𑌧𑍍𑌯𑌗𑌂 𑌪𑍍𑌰𑌸𑌨𑍍𑌨 𑌭𑌾𑌨𑍁𑌶𑍋𑌭𑌨𑌮𑍍 ।
𑌨𑌿𑌕𑌾𑌮𑌕𑌾𑌮𑌦𑌾𑌯𑌕𑌂 𑌦𑍃𑌗𑌂𑌤𑌚𑌾𑌰𑍁𑌸𑌾𑌯𑌕𑌂
𑌰𑌸𑌾𑌲𑌵𑍇𑌣𑍁𑌗𑌾𑌯𑌕𑌂 𑌨𑌮𑌾𑌮𑌿𑌕𑍁𑌂𑌜𑌨𑌾𑌯𑌕𑌮𑍍 ॥

𑌵𑌿𑌦𑌗𑍍𑌧 𑌗𑍋𑌪𑌿𑌕𑌾𑌮𑌨𑍋 𑌮𑌨𑍋𑌜𑍍𑌞𑌤𑌲𑍍𑌪𑌶𑌾𑌯𑌿𑌨𑌂
𑌨𑌮𑌾𑌮𑌿 𑌕𑍁𑌂𑌜𑌕𑌾𑌨𑌨𑍇 𑌪𑍍𑌰𑌵𑍃𑌦𑍍𑌧𑌵𑌹𑍍𑌨𑌿𑌪𑌾𑌯𑌿𑌨𑌮𑍍 ।
𑌕𑌿𑌶𑍋𑌰𑌕𑌾𑌂𑌤𑌿 𑌰𑌂𑌜𑌿𑌤𑌂 𑌦𑍃𑌗𑌂𑌜𑌨𑌂 𑌸𑍁𑌶𑍋𑌭𑌿𑌤𑌂
𑌗𑌜𑍇𑌂𑌦𑍍𑌰𑌮𑍋𑌕𑍍𑌷𑌕𑌾𑌰𑌿𑌣𑌂 𑌨𑌮𑌾𑌮𑌿 𑌶𑍍𑌰𑍀𑌵𑌿𑌹𑌾𑌰𑌿𑌣𑌮𑍍 ॥

𑌫𑌲𑌶𑍃𑌤𑌿
𑌯𑌦𑌾 𑌤𑌦𑌾 𑌯𑌥𑌾 𑌤𑌥𑌾 𑌤𑌥𑍈𑌵 𑌕𑍃𑌷𑍍𑌣𑌸𑌤𑍍𑌕𑌥𑌾
𑌮𑌯𑌾 𑌸𑌦𑍈𑌵 𑌗𑍀𑌯𑌤𑌾𑌂 𑌤𑌥𑌾 𑌕𑍃𑌪𑌾 𑌵𑌿𑌧𑍀𑌯𑌤𑌾𑌮𑍍 ।
𑌪𑍍𑌰𑌮𑌾𑌣𑌿𑌕𑌾𑌷𑍍𑌟𑌕𑌦𑍍𑌵𑌯𑌂 𑌜𑌪𑌤𑍍𑌯𑌧𑍀𑌤𑍍𑌯 𑌯𑌃 𑌪𑍁𑌮𑌾𑌨𑍍
𑌭𑌵𑍇𑌤𑍍𑌸 𑌨𑌂𑌦𑌨𑌂𑌦𑌨𑍇 𑌭𑌵𑍇 𑌭𑌵𑍇 𑌸𑍁𑌭𑌕𑍍𑌤𑌿𑌮𑌾𑌨 ॥

Browse Related Categories: