Narayaniyam Dashaka 4 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 4 - 𑌯𑍋𑌗𑌾𑌭𑍍𑌯𑌾𑌸𑌃 𑌤𑌥𑌾 𑌯𑍋𑌗𑌸𑌿𑌦𑍍𑌧𑌿𑌃

𑌕𑌲𑍍𑌯𑌤𑌾𑌂 𑌮𑌮 𑌕𑍁𑌰𑍁𑌷𑍍𑌵 𑌤𑌾𑌵𑌤𑍀𑌂 𑌕𑌲𑍍𑌯𑌤𑍇 𑌭𑌵𑌦𑍁𑌪𑌾𑌸𑌨𑌂 𑌯𑌯𑌾 ।
𑌸𑍍𑌪𑌷𑍍𑌟𑌮𑌷𑍍𑌟𑌵𑌿𑌧𑌯𑍋𑌗𑌚𑌰𑍍𑌯𑌯𑌾 𑌪𑍁𑌷𑍍𑌟𑌯𑌾𑌶𑍁 𑌤𑌵 𑌤𑍁𑌷𑍍𑌟𑌿𑌮𑌾𑌪𑍍𑌨𑍁𑌯𑌾𑌮𑍍 ॥1॥

𑌬𑍍𑌰𑌹𑍍𑌮𑌚𑌰𑍍𑌯𑌦𑍃𑌢𑌤𑌾𑌦𑌿𑌭𑌿𑌰𑍍𑌯𑌮𑍈𑌰𑌾𑌪𑍍𑌲𑌵𑌾𑌦𑌿𑌨𑌿𑌯𑌮𑍈𑌶𑍍𑌚 𑌪𑌾𑌵𑌿𑌤𑌾𑌃 ।
𑌕𑍁𑌰𑍍𑌮𑌹𑍇 𑌦𑍃𑌢𑌮𑌮𑍀 𑌸𑍁𑌖𑌾𑌸𑌨𑌂 𑌪𑌂𑌕𑌜𑌾𑌦𑍍𑌯𑌮𑌪𑌿 𑌵𑌾 𑌭𑌵𑌤𑍍𑌪𑌰𑌾𑌃 ॥2॥

𑌤𑌾𑌰𑌮𑌂𑌤𑌰𑌨𑍁𑌚𑌿𑌂𑌤𑍍𑌯 𑌸𑌂𑌤𑌤𑌂 𑌪𑍍𑌰𑌾𑌣𑌵𑌾𑌯𑍁𑌮𑌭𑌿𑌯𑌮𑍍𑌯 𑌨𑌿𑌰𑍍𑌮𑌲𑌾𑌃 ।
𑌇𑌂𑌦𑍍𑌰𑌿𑌯𑌾𑌣𑌿 𑌵𑌿𑌷𑌯𑌾𑌦𑌥𑌾𑌪𑌹𑍃𑌤𑍍𑌯𑌾𑌸𑍍𑌮𑌹𑍇 𑌭𑌵𑌦𑍁𑌪𑌾𑌸𑌨𑍋𑌨𑍍𑌮𑍁𑌖𑌾𑌃 ॥3॥

𑌅𑌸𑍍𑌫𑍁𑌟𑍇 𑌵𑌪𑍁𑌷𑌿 𑌤𑍇 𑌪𑍍𑌰𑌯𑌤𑍍𑌨𑌤𑍋 𑌧𑌾𑌰𑌯𑍇𑌮 𑌧𑌿𑌷𑌣𑌾𑌂 𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌤𑍇𑌨 𑌭𑌕𑍍𑌤𑌿𑌰𑌸𑌮𑌂𑌤𑌰𑌾𑌰𑍍𑌦𑍍𑌰𑌤𑌾𑌮𑍁𑌦𑍍𑌵𑌹𑍇𑌮 𑌭𑌵𑌦𑌂𑌘𑍍𑌰𑌿𑌚𑌿𑌂𑌤𑌕𑌾 ॥4॥

𑌵𑌿𑌸𑍍𑌫𑍁𑌟𑌾𑌵𑌯𑌵𑌭𑍇𑌦𑌸𑍁𑌂𑌦𑌰𑌂 𑌤𑍍𑌵𑌦𑍍𑌵𑌪𑍁𑌃 𑌸𑍁𑌚𑌿𑌰𑌶𑍀𑌲𑌨𑌾𑌵𑌶𑌾𑌤𑍍 ।
𑌅𑌶𑍍𑌰𑌮𑌂 𑌮𑌨𑌸𑌿 𑌚𑌿𑌂𑌤𑌯𑌾𑌮𑌹𑍇 𑌧𑍍𑌯𑌾𑌨𑌯𑍋𑌗𑌨𑌿𑌰𑌤𑌾𑌸𑍍𑌤𑍍𑌵𑌦𑌾𑌶𑍍𑌰𑌯𑌾𑌃 ॥5॥

𑌧𑍍𑌯𑌾𑌯𑌤𑌾𑌂 𑌸𑌕𑌲𑌮𑍂𑌰𑍍𑌤𑌿𑌮𑍀𑌦𑍃𑌶𑍀𑌮𑍁𑌨𑍍𑌮𑌿𑌷𑌨𑍍𑌮𑌧𑍁𑌰𑌤𑌾𑌹𑍃𑌤𑌾𑌤𑍍𑌮𑌨𑌾𑌮𑍍 ।
𑌸𑌾𑌂𑌦𑍍𑌰𑌮𑍋𑌦𑌰𑌸𑌰𑍂𑌪𑌮𑌾𑌂𑌤𑌰𑌂 𑌬𑍍𑌰𑌹𑍍𑌮 𑌰𑍂𑌪𑌮𑌯𑌿 𑌤𑍇𑌽𑌵𑌭𑌾𑌸𑌤𑍇 ॥6॥

𑌤𑌤𑍍𑌸𑌮𑌾𑌸𑍍𑌵𑌦𑌨𑌰𑍂𑌪𑌿𑌣𑍀𑌂 𑌸𑍍𑌥𑌿𑌤𑌿𑌂 𑌤𑍍𑌵𑌤𑍍𑌸𑌮𑌾𑌧𑌿𑌮𑌯𑌿 𑌵𑌿𑌶𑍍𑌵𑌨𑌾𑌯𑌕 ।
𑌆𑌶𑍍𑌰𑌿𑌤𑌾𑌃 𑌪𑍁𑌨𑌰𑌤𑌃 𑌪𑌰𑌿𑌚𑍍𑌯𑍁𑌤𑌾𑌵𑌾𑌰𑌭𑍇𑌮𑌹𑌿 𑌚 𑌧𑌾𑌰𑌣𑌾𑌦𑌿𑌕𑌮𑍍 ॥𑍭॥

𑌇𑌤𑍍𑌥𑌮𑌭𑍍𑌯𑌸𑌨𑌨𑌿𑌰𑍍𑌭𑌰𑍋𑌲𑍍𑌲𑌸𑌤𑍍𑌤𑍍𑌵𑌤𑍍𑌪𑌰𑌾𑌤𑍍𑌮𑌸𑍁𑌖𑌕𑌲𑍍𑌪𑌿𑌤𑍋𑌤𑍍𑌸𑌵𑌾𑌃 ।
𑌮𑍁𑌕𑍍𑌤𑌭𑌕𑍍𑌤𑌕𑍁𑌲𑌮𑍌𑌲𑌿𑌤𑌾𑌂 𑌗𑌤𑌾𑌃 𑌸𑌂𑌚𑌰𑍇𑌮 𑌶𑍁𑌕𑌨𑌾𑌰𑌦𑌾𑌦𑌿𑌵𑌤𑍍 ॥𑍮॥

𑌤𑍍𑌵𑌤𑍍𑌸𑌮𑌾𑌧𑌿𑌵𑌿𑌜𑌯𑍇 𑌤𑍁 𑌯𑌃 𑌪𑍁𑌨𑌰𑍍𑌮𑌂𑌕𑍍𑌷𑍁 𑌮𑍋𑌕𑍍𑌷𑌰𑌸𑌿𑌕𑌃 𑌕𑍍𑌰𑌮𑍇𑌣 𑌵𑌾 ।
𑌯𑍋𑌗𑌵𑌶𑍍𑌯𑌮𑌨𑌿𑌲𑌂 𑌷𑌡𑌾𑌶𑍍𑌰𑌯𑍈𑌰𑍁𑌨𑍍𑌨𑌯𑌤𑍍𑌯𑌜 𑌸𑍁𑌷𑍁𑌮𑍍𑌨𑌯𑌾 𑌶𑌨𑍈𑌃 ॥𑍯॥

𑌲𑌿𑌂𑌗𑌦𑍇𑌹𑌮𑌪𑌿 𑌸𑌂𑌤𑍍𑌯𑌜𑌨𑍍𑌨𑌥𑍋 𑌲𑍀𑌯𑌤𑍇 𑌤𑍍𑌵𑌯𑌿 𑌪𑌰𑍇 𑌨𑌿𑌰𑌾𑌗𑍍𑌰𑌹𑌃 ।
𑌊𑌰𑍍𑌧𑍍𑌵𑌲𑍋𑌕𑌕𑍁𑌤𑍁𑌕𑍀 𑌤𑍁 𑌮𑍂𑌰𑍍𑌧𑌤𑌃 𑌸𑌾𑌰𑍍𑌧𑌮𑍇𑌵 𑌕𑌰𑌣𑍈𑌰𑍍𑌨𑌿𑌰𑍀𑌯𑌤𑍇 ॥10॥

𑌅𑌗𑍍𑌨𑌿𑌵𑌾𑌸𑌰𑌵𑌲𑌰𑍍𑌕𑍍𑌷𑌪𑌕𑍍𑌷𑌗𑍈𑌰𑍁𑌤𑍍𑌤𑌰𑌾𑌯𑌣𑌜𑍁𑌷𑌾 𑌚 𑌦𑍈𑌵𑌤𑍈𑌃 ।
𑌪𑍍𑌰𑌾𑌪𑌿𑌤𑍋 𑌰𑌵𑌿𑌪𑌦𑌂 𑌭𑌵𑌤𑍍𑌪𑌰𑍋 𑌮𑍋𑌦𑌵𑌾𑌨𑍍 𑌧𑍍𑌰𑍁𑌵𑌪𑌦𑌾𑌂𑌤𑌮𑍀𑌯𑌤𑍇 ॥11॥

𑌆𑌸𑍍𑌥𑌿𑌤𑍋𑌽𑌥 𑌮𑌹𑌰𑌾𑌲𑌯𑍇 𑌯𑌦𑌾 𑌶𑍇𑌷𑌵𑌕𑍍𑌤𑍍𑌰𑌦𑌹𑌨𑍋𑌷𑍍𑌮𑌣𑌾𑌰𑍍𑌦𑍍𑌯𑌤𑍇 ।
𑌈𑌯𑌤𑍇 𑌭𑌵𑌦𑍁𑌪𑌾𑌶𑍍𑌰𑌯𑌸𑍍𑌤𑌦𑌾 𑌵𑍇𑌧𑌸𑌃 𑌪𑌦𑌮𑌤𑌃 𑌪𑍁𑌰𑍈𑌵 𑌵𑌾 ॥12॥

𑌤𑌤𑍍𑌰 𑌵𑌾 𑌤𑌵 𑌪𑌦𑍇𑌽𑌥𑌵𑌾 𑌵𑌸𑌨𑍍 𑌪𑍍𑌰𑌾𑌕𑍃𑌤𑌪𑍍𑌰𑌲𑌯 𑌏𑌤𑌿 𑌮𑍁𑌕𑍍𑌤𑌤𑌾𑌮𑍍 ।
𑌸𑍍𑌵𑍇𑌚𑍍𑌛𑌯𑌾 𑌖𑌲𑍁 𑌪𑍁𑌰𑌾 𑌵𑌿𑌮𑍁𑌚𑍍𑌯𑌤𑍇 𑌸𑌂𑌵𑌿𑌭𑌿𑌦𑍍𑌯 𑌜𑌗𑌦𑌂𑌡𑌮𑍋𑌜𑌸𑌾 ॥13॥

𑌤𑌸𑍍𑌯 𑌚 𑌕𑍍𑌷𑌿𑌤𑌿𑌪𑌯𑍋𑌮𑌹𑍋𑌽𑌨𑌿𑌲𑌦𑍍𑌯𑍋𑌮𑌹𑌤𑍍𑌪𑍍𑌰𑌕𑍃𑌤𑌿𑌸𑌪𑍍𑌤𑌕𑌾𑌵𑍃𑌤𑍀𑌃 ।
𑌤𑌤𑍍𑌤𑌦𑌾𑌤𑍍𑌮𑌕𑌤𑌯𑌾 𑌵𑌿𑌶𑌨𑍍 𑌸𑍁𑌖𑍀 𑌯𑌾𑌤𑌿 𑌤𑍇 𑌪𑌦𑌮𑌨𑌾𑌵𑍃𑌤𑌂 𑌵𑌿𑌭𑍋 ॥14॥

𑌅𑌰𑍍𑌚𑌿𑌰𑌾𑌦𑌿𑌗𑌤𑌿𑌮𑍀𑌦𑍃𑌶𑍀𑌂 𑌵𑍍𑌰𑌜𑌨𑍍 𑌵𑌿𑌚𑍍𑌯𑍁𑌤𑌿𑌂 𑌨 𑌭𑌜𑌤𑍇 𑌜𑌗𑌤𑍍𑌪𑌤𑍇 ।
𑌸𑌚𑍍𑌚𑌿𑌦𑌾𑌤𑍍𑌮𑌕 𑌭𑌵𑌤𑍍 𑌗𑍁𑌣𑍋𑌦𑌯𑌾𑌨𑍁𑌚𑍍𑌚𑌰𑌂𑌤𑌮𑌨𑌿𑌲𑍇𑌶 𑌪𑌾𑌹𑌿 𑌮𑌾𑌮𑍍 ॥15॥

Browse Related Categories: