Narayaniyam Dashaka 20 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 20 - 𑌋𑌷𑌭𑌯𑍋𑌗𑍀𑌶𑍍𑌵𑌰𑌚𑌰𑌿𑌤𑌮𑍍

𑌪𑍍𑌰𑌿𑌯𑌵𑍍𑌰𑌤𑌸𑍍𑌯 𑌪𑍍𑌰𑌿𑌯𑌪𑍁𑌤𑍍𑌰𑌭𑍂𑌤𑌾-
𑌦𑌾𑌗𑍍𑌨𑍀𑌧𑍍𑌰𑌰𑌾𑌜𑌾𑌦𑍁𑌦𑌿𑌤𑍋 𑌹𑌿 𑌨𑌾𑌭𑌿𑌃 ।
𑌤𑍍𑌵𑌾𑌂 𑌦𑍃𑌷𑍍𑌟𑌵𑌾𑌨𑌿𑌷𑍍𑌟𑌦𑌮𑌿𑌷𑍍𑌟𑌿𑌮𑌧𑍍𑌯𑍇
𑌤𑌵𑍈𑌵 𑌤𑍁𑌷𑍍𑌟𑍍𑌯𑍈 𑌕𑍃𑌤𑌯𑌜𑍍𑌞𑌕𑌰𑍍𑌮𑌾 ॥1॥

𑌅𑌭𑌿𑌷𑍍𑌟𑍁𑌤𑌸𑍍𑌤𑌤𑍍𑌰 𑌮𑍁𑌨𑍀𑌶𑍍𑌵𑌰𑍈𑌸𑍍𑌤𑍍𑌵𑌂
𑌰𑌾𑌜𑍍𑌞𑌃 𑌸𑍍𑌵𑌤𑍁𑌲𑍍𑌯𑌂 𑌸𑍁𑌤𑌮𑌰𑍍𑌥𑍍𑌯𑌮𑌾𑌨𑌃 ।
𑌸𑍍𑌵𑌯𑌂 𑌜𑌨𑌿𑌷𑍍𑌯𑍇𑌽𑌹𑌮𑌿𑌤𑌿 𑌬𑍍𑌰𑍁𑌵𑌾𑌣-
𑌸𑍍𑌤𑌿𑌰𑍋𑌦𑌧𑌾 𑌬𑌰𑍍𑌹𑌿𑌷𑌿 𑌵𑌿𑌶𑍍𑌵𑌮𑍂𑌰𑍍𑌤𑍇 ॥2॥

𑌨𑌾𑌭𑌿𑌪𑍍𑌰𑌿𑌯𑌾𑌯𑌾𑌮𑌥 𑌮𑍇𑌰𑍁𑌦𑍇𑌵𑍍𑌯𑌾𑌂
𑌤𑍍𑌵𑌮𑌂𑌶𑌤𑍋𑌽𑌭𑍂𑌃 𑍠𑌷𑌭𑌾𑌭𑌿𑌧𑌾𑌨𑌃 ।
𑌅𑌲𑍋𑌕𑌸𑌾𑌮𑌾𑌨𑍍𑌯𑌗𑍁𑌣𑌪𑍍𑌰𑌭𑌾𑌵-
𑌪𑍍𑌰𑌭𑌾𑌵𑌿𑌤𑌾𑌶𑍇𑌷𑌜𑌨𑌪𑍍𑌰𑌮𑍋𑌦𑌃 ॥3॥

𑌤𑍍𑌵𑌯𑌿 𑌤𑍍𑌰𑌿𑌲𑍋𑌕𑍀𑌭𑍃𑌤𑌿 𑌰𑌾𑌜𑍍𑌯𑌭𑌾𑌰𑌂
𑌨𑌿𑌧𑌾𑌯 𑌨𑌾𑌭𑌿𑌃 𑌸𑌹 𑌮𑍇𑌰𑍁𑌦𑍇𑌵𑍍𑌯𑌾 ।
𑌤𑌪𑍋𑌵𑌨𑌂 𑌪𑍍𑌰𑌾𑌪𑍍𑌯 𑌭𑌵𑌨𑍍𑌨𑌿𑌷𑍇𑌵𑍀
𑌗𑌤𑌃 𑌕𑌿𑌲𑌾𑌨𑌂𑌦𑌪𑌦𑌂 𑌪𑌦𑌂 𑌤𑍇 ॥4॥

𑌇𑌂𑌦𑍍𑌰𑌸𑍍𑌤𑍍𑌵𑌦𑍁𑌤𑍍𑌕𑌰𑍍𑌷𑌕𑍃𑌤𑌾𑌦𑌮𑌰𑍍𑌷𑌾-
𑌦𑍍𑌵𑌵𑌰𑍍𑌷 𑌨𑌾𑌸𑍍𑌮𑌿𑌨𑍍𑌨𑌜𑌨𑌾𑌭𑌵𑌰𑍍𑌷𑍇 ।
𑌯𑌦𑌾 𑌤𑌦𑌾 𑌤𑍍𑌵𑌂 𑌨𑌿𑌜𑌯𑍋𑌗𑌶𑌕𑍍𑌤𑍍𑌯𑌾
𑌸𑍍𑌵𑌵𑌰𑍍𑌷𑌮𑍇𑌨𑌦𑍍𑌵𑍍𑌯𑌦𑌧𑌾𑌃 𑌸𑍁𑌵𑌰𑍍𑌷𑌮𑍍 ॥5॥

𑌜𑌿𑌤𑍇𑌂𑌦𑍍𑌰𑌦𑌤𑍍𑌤𑌾𑌂 𑌕𑌮𑌨𑍀𑌂 𑌜𑌯𑌂𑌤𑍀-
𑌮𑌥𑍋𑌦𑍍𑌵𑌹𑌨𑍍𑌨𑌾𑌤𑍍𑌮𑌰𑌤𑌾𑌶𑌯𑍋𑌽𑌪𑌿 ।
𑌅𑌜𑍀𑌜𑌨𑌸𑍍𑌤𑌤𑍍𑌰 𑌶𑌤𑌂 𑌤𑌨𑍂𑌜𑌾-
𑌨𑍇𑌷𑌾𑌂 𑌕𑍍𑌷𑌿𑌤𑍀𑌶𑍋 𑌭𑌰𑌤𑍋𑌽𑌗𑍍𑌰𑌜𑌨𑍍𑌮𑌾 ॥6॥

𑌨𑌵𑌾𑌭𑌵𑌨𑍍 𑌯𑍋𑌗𑌿𑌵𑌰𑌾 𑌨𑌵𑌾𑌨𑍍𑌯𑍇
𑌤𑍍𑌵𑌪𑌾𑌲𑌯𑌨𑍍 𑌭𑌾𑌰𑌤𑌵𑌰𑍍𑌷𑌖𑌂𑌡𑌾𑌨𑍍 ।
𑌸𑍈𑌕𑌾 𑌤𑍍𑌵𑌶𑍀𑌤𑌿𑌸𑍍𑌤𑌵 𑌶𑍇𑌷𑌪𑍁𑌤𑍍𑌰-
𑌸𑍍𑌤𑌪𑍋𑌬𑌲𑌾𑌤𑍍 𑌭𑍂𑌸𑍁𑌰𑌭𑍂𑌯𑌮𑍀𑌯𑍁𑌃 ॥𑍭॥

𑌉𑌕𑍍𑌤𑍍𑌵𑌾 𑌸𑍁𑌤𑍇𑌭𑍍𑌯𑍋𑌽𑌥 𑌮𑍁𑌨𑍀𑌂𑌦𑍍𑌰𑌮𑌧𑍍𑌯𑍇
𑌵𑌿𑌰𑌕𑍍𑌤𑌿𑌭𑌕𑍍𑌤𑍍𑌯𑌨𑍍𑌵𑌿𑌤𑌮𑍁𑌕𑍍𑌤𑌿𑌮𑌾𑌰𑍍𑌗𑌮𑍍 ।
𑌸𑍍𑌵𑌯𑌂 𑌗𑌤𑌃 𑌪𑌾𑌰𑌮𑌹𑌂𑌸𑍍𑌯𑌵𑍃𑌤𑍍𑌤𑌿-
𑌮𑌧𑌾 𑌜𑌡𑍋𑌨𑍍𑌮𑌤𑍍𑌤𑌪𑌿𑌶𑌾𑌚𑌚𑌰𑍍𑌯𑌾𑌮𑍍 ॥𑍮॥

𑌪𑌰𑌾𑌤𑍍𑌮𑌭𑍂𑌤𑍋𑌽𑌪𑌿 𑌪𑌰𑍋𑌪𑌦𑍇𑌶𑌂
𑌕𑍁𑌰𑍍𑌵𑌨𑍍 𑌭𑌵𑌾𑌨𑍍 𑌸𑌰𑍍𑌵𑌨𑌿𑌰𑌸𑍍𑌯𑌮𑌾𑌨𑌃 ।
𑌵𑌿𑌕𑌾𑌰𑌹𑍀𑌨𑍋 𑌵𑌿𑌚𑌚𑌾𑌰 𑌕𑍃𑌤𑍍𑌸𑍍𑌨𑌾𑌂
𑌮𑌹𑍀𑌮𑌹𑍀𑌨𑌾𑌤𑍍𑌮𑌰𑌸𑌾𑌭𑌿𑌲𑍀𑌨𑌃 ॥𑍯॥

𑌶𑌯𑍁𑌵𑍍𑌰𑌤𑌂 𑌗𑍋𑌮𑍃𑌗𑌕𑌾𑌕𑌚𑌰𑍍𑌯𑌾𑌂
𑌚𑌿𑌰𑌂 𑌚𑌰𑌨𑍍𑌨𑌾𑌪𑍍𑌯 𑌪𑌰𑌂 𑌸𑍍𑌵𑌰𑍂𑌪𑌮𑍍 ।
𑌦𑌵𑌾𑌹𑍃𑌤𑌾𑌂𑌗𑌃 𑌕𑍁𑌟𑌕𑌾𑌚𑌲𑍇 𑌤𑍍𑌵𑌂
𑌤𑌾𑌪𑌾𑌨𑍍 𑌮𑌮𑌾𑌪𑌾𑌕𑍁𑌰𑍁 𑌵𑌾𑌤𑌨𑌾𑌥 ॥10॥

Browse Related Categories: