Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀𑌮𑌦𑍍𑌭𑌗𑌵𑌦𑍍𑌗𑍀𑌤𑌾 𑌪𑌾𑌰𑌾𑌯𑌣 - 𑌗𑍀𑌤𑌾 𑌮𑌹𑌾𑌤𑍍𑌮𑍍𑌯𑌮𑍍

𑌅𑌥 𑌗𑍀𑌤𑌾𑌮𑌾𑌹𑌾𑌤𑍍𑌮𑍍𑌯𑌂

𑌧𑌰𑍋𑌵𑌾𑌚

𑌭𑌗𑌵𑌨𑍍 𑌪𑌰𑌮𑍇𑌶𑌾𑌨 𑌭𑌕𑍍𑌤𑌿𑌰𑌵𑍍𑌯𑌭𑌿𑌚𑌾𑌰𑌿𑌣𑍀 ।
𑌪𑍍𑌰𑌾𑌰𑌬𑍍𑌧𑌂 𑌭𑍁𑌜𑍍𑌯𑌮𑌾𑌨𑌸𑍍𑌯 𑌕𑌥𑌂 𑌭𑌵𑌤𑌿 𑌹𑍇 𑌪𑍍𑌰𑌭𑍋 ॥ 1 ॥

𑌶𑍍𑌰𑍀𑌵𑌿𑌷𑍍𑌣𑍁𑌰𑍁𑌵𑌾𑌚
𑌪𑍍𑌰𑌾𑌰𑌬𑍍𑌧𑌂 𑌭𑍁𑌜𑍍𑌯𑌮𑌾𑌨𑍋 𑌹𑌿 𑌗𑍀𑌤𑌾𑌭𑍍𑌯𑌾𑌸𑌰𑌤𑌃 𑌸𑌦𑌾 ।
𑌸 𑌮𑍁𑌕𑍍𑌤𑌃 𑌸 𑌸𑍁𑌖𑍀 𑌲𑍋𑌕𑍇 𑌕𑌰𑍍𑌮𑌣𑌾 𑌨𑍋𑌪𑌲𑌿𑌪𑍍𑌯𑌤𑍇 ॥ 2 ॥

𑌮𑌹𑌾𑌪𑌾𑌪𑌾𑌦𑌿𑌪𑌾𑌪𑌾𑌨𑌿 𑌗𑍀𑌤𑌾𑌧𑍍𑌯𑌾𑌨𑌂 𑌕𑌰𑍋𑌤𑌿 𑌚𑍇𑌤𑍍 ।
𑌕𑍍𑌵𑌚𑌿𑌤𑍍𑌸𑍍𑌪𑌰𑍍𑌶𑌂 𑌨 𑌕𑍁𑌰𑍍𑌵𑌂𑌤𑌿 𑌨𑌲𑌿𑌨𑍀𑌦𑌲𑌮𑌂𑌬𑍁𑌵𑌤𑍍 ॥ 3 ॥

𑌗𑍀𑌤𑌾𑌯𑌾𑌃 𑌪𑍁𑌸𑍍𑌤𑌕𑌂 𑌯𑌤𑍍𑌰 𑌯𑌤𑍍𑌰 𑌪𑌾𑌠𑌃 𑌪𑍍𑌰𑌵𑌰𑍍𑌤𑌤𑍇 ।
𑌤𑌤𑍍𑌰 𑌸𑌰𑍍𑌵𑌾𑌣𑌿 𑌤𑍀𑌰𑍍𑌥𑌾𑌨𑌿 𑌪𑍍𑌰𑌯𑌾𑌗𑌾𑌦𑍀𑌨𑌿 𑌤𑌤𑍍𑌰 𑌵𑍈 ॥ 4 ॥

𑌸𑌰𑍍𑌵𑍇 𑌦𑍇𑌵𑌾𑌶𑍍𑌚 𑌋𑌷𑌯𑌃 𑌯𑍋𑌗𑌿𑌨𑌃 𑌪𑌨𑍍𑌨𑌗𑌾𑌶𑍍𑌚 𑌯𑍇 ।
𑌗𑍋𑌪𑌾𑌲𑌾 𑌗𑍋𑌪𑌿𑌕𑌾 𑌵𑌾𑌽𑌪𑌿 𑌨𑌾𑌰𑌦𑍋𑌦𑍍𑌧𑌵𑌪𑌾𑌰𑍍𑌷𑌦𑍈𑌃 ॥ 5 ॥

𑌸𑌹𑌾𑌯𑍋 𑌜𑌾𑌯𑌤𑍇 𑌶𑍀𑌘𑍍𑌰𑌂 𑌯𑌤𑍍𑌰 𑌗𑍀𑌤𑌾 𑌪𑍍𑌰𑌵𑌰𑍍𑌤𑌤𑍇 ।
𑌯𑌤𑍍𑌰 𑌗𑍀𑌤𑌾𑌵𑌿𑌚𑌾𑌰𑌶𑍍𑌚 𑌪𑌠𑌨𑌂 𑌪𑌾𑌠𑌨𑌂 𑌶𑍍𑌰𑍁𑌤𑌮𑍍 ।
𑌤𑌤𑍍𑌰𑌾𑌹𑌂 𑌨𑌿𑌶𑍍𑌚𑌿𑌤𑌂 𑌪𑍃𑌥𑍍𑌵𑌿 𑌨𑌿𑌵𑌸𑌾𑌮𑌿 𑌸𑌦𑍈𑌵 𑌹𑌿 ॥ 6 ॥

𑌗𑍀𑌤𑌾𑌶𑍍𑌰𑌯𑍇𑌽𑌹𑌂 𑌤𑌿𑌷𑍍𑌠𑌾𑌮𑌿 𑌗𑍀𑌤𑌾 𑌮𑍇 𑌚𑍋𑌤𑍍𑌤𑌮𑌂 𑌗𑍃𑌹𑌮𑍍 ।
𑌗𑍀𑌤𑌾𑌜𑍍𑌞𑌾𑌨𑌮𑍁𑌪𑌾𑌶𑍍𑌰𑌿𑌤𑍍𑌯 𑌤𑍍𑌰𑍀ँ𑌲𑍍𑌲𑍋𑌕𑌾𑌨𑍍-𑌪𑌾𑌲𑌯𑌾𑌮𑍍𑌯𑌹𑌮𑍍 ॥ 𑍭 ॥

𑌗𑍀𑌤𑌾 𑌮𑍇 𑌪𑌰𑌮𑌾 𑌵𑌿𑌦𑍍𑌯𑌾 𑌬𑍍𑌰𑌹𑍍𑌮𑌰𑍂𑌪𑌾 𑌨 𑌸𑌂𑌶𑌯𑌃 ।
𑌅𑌰𑍍𑌧𑌮𑌾𑌤𑍍𑌰𑌾𑌕𑍍𑌷𑌰𑌾 𑌨𑌿𑌤𑍍𑌯𑌾 𑌸𑍍𑌵𑌾𑌨𑌿𑌰𑍍𑌵𑌾𑌚𑍍𑌯𑌪𑌦𑌾𑌤𑍍𑌮𑌿𑌕𑌾 ॥ 𑍮 ॥

𑌚𑌿𑌦𑌾𑌨𑌂𑌦𑍇𑌨 𑌕𑍃𑌷𑍍𑌣𑍇𑌨 𑌪𑍍𑌰𑍋𑌕𑍍𑌤𑌾 𑌸𑍍𑌵𑌮𑍁𑌖𑌤𑍋𑌽𑌰𑍍𑌜𑍁𑌨𑌮𑍍 ।
𑌵𑍇𑌦𑌤𑍍𑌰𑌯𑍀 𑌪𑌰𑌾𑌨𑌂𑌦𑌾 𑌤𑌤𑍍𑌤𑍍𑌵𑌾𑌰𑍍𑌥𑌜𑍍𑌞𑌾𑌨𑌸𑌂𑌯𑍁𑌤𑌾 ॥ 𑍯 ॥

𑌯𑍋𑌽𑌷𑍍𑌟𑌾𑌦𑌶𑌂 𑌜𑌪𑍇𑌨𑍍𑌨𑌿𑌤𑍍𑌯𑌂 𑌨𑌰𑍋 𑌨𑌿𑌶𑍍𑌚𑌲𑌮𑌾𑌨𑌸𑌃 ।
𑌜𑍍𑌞𑌾𑌨𑌸𑌿𑌦𑍍𑌧𑌿𑌂 𑌸 𑌲𑌭𑌤𑍇 𑌤𑌤𑍋 𑌯𑌾𑌤𑌿 𑌪𑌰𑌂 𑌪𑌦𑌮𑍍 ॥ 10 ॥

𑌪𑌾𑌠𑍇𑌽𑌸𑌮𑌰𑍍𑌥𑌃 𑌸𑌂𑌪𑍂𑌰𑍍𑌣𑍇 𑌤𑌤𑍋𑌽𑌰𑍍𑌧𑌂 𑌪𑌾𑌠𑌮𑌾𑌚𑌰𑍇𑌤𑍍 ।
𑌤𑌦𑌾 𑌗𑍋𑌦𑌾𑌨𑌜𑌂 𑌪𑍁𑌣𑍍𑌯𑌂 𑌲𑌭𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ॥ 11 ॥

𑌤𑍍𑌰𑌿𑌭𑌾𑌗𑌂 𑌪𑌠𑌮𑌾𑌨𑌸𑍍𑌤𑍁 𑌗𑌂𑌗𑌾𑌸𑍍𑌨𑌾𑌨𑌫𑌲𑌂 𑌲𑌭𑍇𑌤𑍍 ।
𑌷𑌡𑌂𑌶𑌂 𑌜𑌪𑌮𑌾𑌨𑌸𑍍𑌤𑍁 𑌸𑍋𑌮𑌯𑌾𑌗𑌫𑌲𑌂 𑌲𑌭𑍇𑌤𑍍 ॥ 12 ॥

𑌏𑌕𑌾𑌧𑍍𑌯𑌾𑌯𑌂 𑌤𑍁𑌯𑍋 𑌨𑌿𑌤𑍍𑌯𑌂 𑌪𑌠𑌤𑍇 𑌭𑌕𑍍𑌤𑌿𑌸𑌂𑌯𑍁𑌤𑌃 ।
𑌰𑍁𑌦𑍍𑌰𑌲𑍋𑌕𑌮𑌵𑌾𑌪𑍍𑌨𑍋𑌤𑌿 𑌗𑌣𑍋 𑌭𑍂𑌤𑍍𑌵𑌾 𑌵𑌸𑍇𑌚𑍍𑌚𑌿𑌰𑌮𑍍 ॥ 13 ॥

𑌅𑌧𑍍𑌯𑌾𑌯𑌂 𑌶𑍍𑌲𑍋𑌕𑌪𑌾𑌦𑌂 𑌵𑌾 𑌨𑌿𑌤𑍍𑌯𑌂 𑌯𑌃 𑌪𑌠𑌤𑍇 𑌨𑌰𑌃 ।
𑌸 𑌯𑌾𑌤𑌿 𑌨𑌰𑌤𑌾𑌂 𑌯𑌾𑌵𑌤𑍍 𑌮𑌨𑍍𑌵𑌂𑌤𑌰𑌂 𑌵𑌸𑍁𑌂𑌧𑌰𑍇 ॥ 14 ॥

𑌗𑍀𑌤𑌾𑌯𑌾𑌃 𑌶𑍍𑌲𑍋𑌕𑌦𑌶𑌕𑌂 𑌸𑌪𑍍𑌤 𑌪𑌂𑌚 𑌚𑌤𑍁𑌷𑍍𑌟𑌯𑌮𑍍 ।
𑌦𑍍𑌵𑍌𑌤𑍍𑌰𑍀𑌨𑍇𑌕𑌂 𑌤𑌦𑌰𑍍𑌧𑌂 𑌵𑌾 𑌶𑍍𑌲𑍋𑌕𑌾𑌨𑌾𑌂 𑌯𑌃 𑌪𑌠𑍇𑌨𑍍𑌨𑌰𑌃 ॥ 15 ॥

𑌚𑌂𑌦𑍍𑌰𑌲𑍋𑌕𑌮𑌵𑌾𑌪𑍍𑌨𑍋𑌤𑌿 𑌵𑌰𑍍𑌷𑌾𑌣𑌾𑌮𑌯𑍁𑌤𑌂 𑌧𑍃𑌵𑌮𑍍 ।
𑌗𑍀𑌤𑌾𑌪𑌾𑌠𑌸𑌮𑌾𑌯𑍁𑌕𑍍𑌤𑌃 𑌮𑍃𑌤𑍋 𑌮𑌾𑌨𑍁𑌷𑌤𑌾𑌂 𑌵𑍍𑌰𑌜𑍇𑌤𑍍 ॥ 16 ॥

𑌗𑍀𑌤𑌾𑌭𑍍𑌯𑌾𑌸𑌂 𑌪𑍁𑌨𑌃 𑌕𑍃𑌤𑍍𑌵𑌾 𑌲𑌭𑌤𑍇 𑌮𑍁𑌕𑍍𑌤𑌿𑌮𑍁𑌤𑍍𑌤𑌮𑌮𑍍 ।
𑌗𑍀𑌤𑍇𑌤𑍍𑌯𑍁𑌚𑍍𑌚𑌾𑌰𑌸𑌂𑌯𑍁𑌕𑍍𑌤𑌃 𑌮𑍍𑌰𑌿𑌯𑌮𑌾𑌣𑍋 𑌗𑌤𑌿𑌂 𑌲𑌭𑍇𑌤𑍍 ॥ 1𑍭 ॥

𑌗𑍀𑌤𑌾𑌰𑍍𑌥𑌶𑍍𑌰𑌵𑌣𑌾𑌸𑌕𑍍𑌤𑌃 𑌮𑌹𑌾𑌪𑌾𑌪𑌯𑍁𑌤𑍋𑌽𑌪𑌿 𑌵𑌾 ।
𑌵𑍈𑌕𑍁𑌂𑌠𑌂 𑌸𑌮𑌵𑌾𑌪𑍍𑌨𑍋𑌤𑌿 𑌵𑌿𑌷𑍍𑌣𑍁𑌨𑌾 𑌸𑌹𑌮𑍋𑌦𑌤𑍇 ॥ 1𑍮 ॥

𑌗𑍀𑌤𑌾𑌰𑍍𑌥𑌂 𑌧𑍍𑌯𑌾𑌯𑌤𑍇 𑌨𑌿𑌤𑍍𑌯𑌂 𑌕𑍃𑌤𑍍𑌵𑌾 𑌕𑌰𑍍𑌮𑌾𑌣𑌿 𑌭𑍂𑌰𑌿𑌶𑌃 ।
𑌜𑍀𑌵𑌨𑍍𑌮𑍁𑌕𑍍𑌤𑌃 𑌸 𑌵𑌿𑌜𑍍𑌞𑍇𑌯𑌃 𑌦𑍇𑌹𑌾𑌂𑌤𑍇 𑌪𑌰𑌮𑌂 𑌪𑌦𑌮𑍍 ॥ 1𑍯 ॥

𑌮𑌲𑌨𑌿𑌰𑍍𑌮𑍋𑌚𑌨𑌂 𑌪𑍁𑌂𑌸𑌾𑌂 𑌜𑌲𑌸𑍍𑌨𑌾𑌨𑌂 𑌦𑌿𑌨𑍇 𑌦𑌿𑌨𑍇 ।
𑌸𑌕𑍃𑌦𑍍𑌗𑍀𑌤𑌾𑌂𑌭𑌸𑌿 𑌸𑍍𑌨𑌾𑌨𑌂 𑌸𑌂𑌸𑌾𑌰𑌮𑌲𑌨𑌾𑌶𑌨𑌮𑍍 ॥ 20 ॥

𑌗𑍀𑌤𑌾𑌮𑌾𑌶𑍍𑌰𑌿𑌤𑍍𑌯 𑌬𑌹𑌵𑌃 𑌭𑍂𑌭𑍁𑌜𑍋 𑌜𑌨𑌕𑌾𑌦𑌯𑌃 ।
𑌨𑌿𑌰𑍍𑌧𑍂𑌤𑌕𑌲𑍍𑌮𑌷𑌾 𑌲𑍋𑌕𑍇 𑌗𑍀𑌤𑌾 𑌯𑌾𑌤𑌾𑌃 𑌪𑌰𑌂 𑌪𑌦𑌮𑍍 ॥ 21 ॥

𑌤𑍇 𑌶𑍃𑌣𑍍𑌵𑌂𑌤𑌿 𑌪𑌠𑌂𑌤𑍍𑌯𑍇𑌵 𑌗𑍀𑌤𑌾𑌶𑌾𑌸𑍍𑌤𑍍𑌰𑌮𑌹𑌰𑍍𑌨𑌿𑌶𑌮𑍍 ।
𑌨 𑌤𑍇 𑌵𑍈 𑌮𑌾𑌨𑍁𑌷𑌾 𑌜𑍍𑌞𑍇𑌯𑌾 𑌦𑍇𑌵𑌾 𑌏𑌵 𑌨 𑌸𑌂𑌶𑌯𑌃 ॥ 22 ॥

𑌜𑍍𑌞𑌾𑌨𑌾𑌜𑍍𑌞𑌾𑌨𑌕𑍃𑌤𑌂 𑌨𑌿𑌤𑍍𑌯𑌂 𑌇𑌂𑌦𑍍𑌰𑌿𑌯𑍈𑌰𑍍𑌜𑌨𑌿𑌤𑌂 𑌚 𑌯𑌤𑍍 ।
𑌤𑌤𑍍𑌸𑌰𑍍𑌵𑌂 𑌨𑌾𑌶𑌮𑌾𑌯𑌾𑌤𑌿 𑌗𑍀𑌤𑌾𑌪𑌾𑌠𑍇𑌨 𑌤𑌕𑍍𑌷𑌣𑌮𑍍 ॥ 23 ॥

𑌧𑌿𑌕𑍍 𑌤𑌸𑍍𑌯 𑌜𑍍𑌞𑌾𑌨𑌮𑌾𑌚𑌾𑌰𑌂 𑌵𑍍𑌰𑌤𑌂 𑌚𑍇𑌷𑍍𑌟𑌾𑌂 𑌤𑌪𑍋 𑌯𑌶𑌃 ।
𑌗𑍀𑌤𑌾𑌰𑍍𑌥𑌪𑌠𑌨𑌂 𑌨𑌾𑌽𑌸𑍍𑌤𑌿 𑌨𑌾𑌧𑌮𑌸𑍍𑌤𑌤𑍍𑌪𑌰𑍋 𑌜𑌨𑌃 ॥ 24 ॥

𑌸𑌂𑌸𑌾𑌰𑌸𑌾𑌗𑌰𑌂 𑌘𑍋𑌰𑌂 𑌤𑌰𑍍𑌤𑍁𑌮𑌿𑌚𑍍𑌛𑌤𑌿 𑌯𑍋 𑌜𑌨𑌃 ।
𑌗𑍀𑌤𑌾𑌨𑌾𑌵𑌂 𑌸𑌮𑌾𑌰𑍁𑌹𑍍𑌯 𑌪𑌾𑌰𑌂 𑌯𑌾𑌤𑌿 𑌸𑍁𑌖𑍇𑌨 𑌸𑌃 ॥ 25 ॥

𑌗𑍀𑌤𑌾𑌯𑌾𑌃 𑌪𑌠𑌨𑌂 𑌕𑍃𑌤𑍍𑌵𑌾 𑌮𑌾𑌹𑌾𑌤𑍍𑌮𑍍𑌯𑌂 𑌨𑍈𑌵 𑌯𑌃 𑌪𑌠𑍇𑌤𑍍 ।
𑌵𑍃𑌥𑌾 𑌪𑌾𑌠𑍋 𑌭𑌵𑍇𑌤𑍍𑌤𑌸𑍍𑌯 𑌶𑍍𑌰𑌮 𑌏𑌵 𑌹𑍍𑌯𑍁𑌦𑌾𑌹𑍃𑌤𑌃 ॥ 26 ॥

𑌏𑌤𑌨𑍍𑌮𑌾𑌹𑌾𑌤𑍍𑌮𑍍𑌯𑌸𑌂𑌯𑍁𑌕𑍍𑌤𑌂 𑌗𑍀𑌤𑌾𑌭𑍍𑌯𑌾𑌸𑌂 𑌕𑌰𑍋𑌤𑌿 𑌯𑌃 ।
𑌸 𑌤𑌤𑍍𑌫𑌲𑌮𑌵𑌾𑌪𑍍𑌨𑍋𑌤𑌿 𑌦𑍁𑌰𑍍𑌲𑌭𑌾𑌂 𑌗𑌤𑌿𑌮𑌾𑌪𑍍𑌨𑍁𑌯𑌾𑌤𑍍 ॥ 2𑍭 ॥

𑌸𑍂𑌤 𑌉𑌵𑌾𑌚
𑌮𑌾𑌹𑌾𑌤𑍍𑌮𑍍𑌯𑌮𑍇𑌤𑌦𑍍𑌗𑍀𑌤𑌾𑌯𑌾𑌃 𑌮𑌯𑌾 𑌪𑍍𑌰𑍋𑌕𑍍𑌤𑌂 𑌸𑌨𑌾𑌤𑌨𑌮𑍍 ।
𑌗𑍀𑌤𑌾𑌂𑌤𑍇 𑌚 𑌪𑌠𑍇𑌦𑍍𑌯𑌸𑍍𑌤𑍁 𑌯𑌦𑍁𑌕𑍍𑌤𑌂 𑌤𑌤𑍍𑌫𑌲𑌂 𑌭𑌵𑍇𑌤𑍍 ॥ 2𑍮 ॥

𑌇𑌤𑌿 𑌶𑍍𑌰𑍀 𑌵𑌰𑌾𑌹𑌪𑍁𑌰𑌾𑌣𑍇 𑌶𑍍𑌰𑍀 𑌗𑍀𑌤𑌾𑌮𑌾𑌹𑌾𑌤𑍍𑌮𑍍𑌯𑌂 𑌸𑌂𑌪𑍂𑌰𑍍𑌣𑌮𑍍 ॥

𑌓𑌂 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 ॥


Browse Related Categories: